Post: #2
Title: Re: الهلال يتسبب فى معاناة نفسية للاعبى الاتحاد (المصدر موقع رياضى ليبى)
Author: النصرى أمين
Date: 10-03-2010, 09:42 PM
Parent: #1
مفروض يفرحو ويصفقو بالنتيجة دى ....
ويرجعوا بلدهم مرفوعى الراس .....
غلبناهم جو بلدهم ب هدفين ...مفروض ياخدو اربعة فى الخرطوم
(2 صفر) واحدة من اسوا نتائج الهلال فى الفترة الاخيرة
|
Post: #3
Title: Re: الهلال يتسبب فى معاناة نفسية للاعبى الاتحاد (المصدر موقع رياضى ليبى)
Author: Moneim Malik
Date: 10-03-2010, 11:29 PM
Parent: #2
| Quote: ايه زيدو دلعوهم والله ان متعصب منهم ليل المليون شني هدا |
هدا كلام صعيب بكل بكل ...بضم الباء وتشديد الكاف...
تحياتى ومبروك
|
Post: #4
Title: Re: الهلال يتسبب فى معاناة نفسية للاعبى الاتحاد (المصدر موقع رياضى ليبى)
Author: النصرى أمين
Date: 10-04-2010, 00:57 AM
Parent: #3
والله يا منعم مالك ما فاهم اى حاجة فى الجملة دى...
كل كلمة لوحدها مفهمومة... لكن تركيب الجملة
طلعت منو كيت ...
الله يستر ما يكون غلط علينا فى الكلام ..
شكرا على المرور
|
Post: #5
Title: Re: الهلال يتسبب فى معاناة نفسية للاعبى الاتحاد (المصدر موقع رياضى ليبى)
Author: Moneim Malik
Date: 10-04-2010, 01:28 AM
Parent: #4
ههههههههه
عارف يالنصري الليبى الغلب حرقو شديد
قام قال آآى اقعدو دلعو فيهم والله انا ممغوص منهم مليون مره ديل شنو
دا
|
Post: #6
Title: Re: الهلال يتسبب فى معاناة نفسية للاعبى الاتحاد (المصدر موقع رياضى ليبى)
Author: النصرى أمين
Date: 10-04-2010, 01:41 AM
Parent: #5
الحمدلله يا منعم الزول ما لخبت فى الكلام
مفروض يفرح لانو مغستو مرة واحدة فى العمر...
ياخى فى ناس معانا فى السودان ممغوسين مننا ليهو 80 سنة....
دايرين ينشقو من المغسة ...
|
Post: #7
Title: Re: الهلال يتسبب فى معاناة نفسية للاعبى الاتحاد (المصدر موقع رياضى ليبى)
Author: عبدالله السفاح
Date: 10-04-2010, 04:46 AM
Parent: #6
هذا هو الهلال قاهر الابطال والخصوم
وهذا مصير كل الاندية التي سوف تنازل
الهلال بالكونفدرالية هزائم ومعناة نفسية
كم انا سعيد بمظهر الهلال الزاهي بالامس
ونتمنى ان يتواصل هذا العرض الجميل حتى الكأس بأذن الله
|
Post: #8
Title: Re: الهلال يتسبب فى معاناة نفسية للاعبى الاتحاد (المصدر موقع رياضى ليبى)
Author: أحمد ابن عوف
Date: 10-04-2010, 05:00 AM
Parent: #7
مبروك للهلال ولكل الاهلة
ما براهم الجاتم نفسيات ما براهم لوووول
|
Post: #9
Title: Re: الهلال يتسبب فى معاناة نفسية للاعبى الاتحاد (المصدر موقع رياضى ليبى)
Author: tmbis
Date: 10-04-2010, 06:07 AM
Parent: #8
| Quote: النفسيات لجماعة تانين برضو |
يا النصري مبروك اول حاجة الرش الشديد دا ..
الحاجة التانية .. الليبيين ديل بيكونو عندهم اخصائيين نفسيين .. بياخدو ليهم يوم يومين تلاتة وببقوا كويسين ..
لكن الجماعة التانيين ديل .. فوقم واحدين من امس بالنهار قاعدين يكتبوا ليهم في كلام خارم بارم .. وعاملين فيها محللين رياضيين .. والعجيبة انهم قالو كورة الاتحاد صعبة والهلال دا حدو .. والاغرب من كدا .. لا جو اعتذروا لاجو باركو لينا .. الجا فيهم .. انتقل للمربع البعديهو .. مشو مباراة الكاس طوالي وقالو الهلال ما بشيل الكاس 
|
Post: #10
Title: Re: الهلال يتسبب فى معاناة نفسية للاعبى الاتحاد (المصدر موقع رياضى ليبى)
Author: أسامة على مساعد
Date: 10-04-2010, 06:30 AM
Parent: #9
الاخ امين النصري (ابوالنسب)
مبروك الانتصار لكن عموما الاتحاد الليبي فريق ضعيف وسبب ضعفو عدم ثبات مستوى الاداء يعني يوم في السما وتاني يوم تحت الثرى ومن غير زعل كده يا ابوالنسب ( طبعاانته ما عارف ابو النسب دي كيف) الهلال تعبان بدا اتحسن من مباراة افتتاح استاد بني ياس في ابوظبي لكن لسه مستواه ما المستوى البخلبهو افوز بالبطوله دي خاصه في وجود حارس مرمى متهور وبطي الحركه زي المعز ده ودفاع مهزوز
مره تانيه مبروك الانتصار لكن التقيل قدام يا نسيبي وانتو يا دوب بتتعلمو في المشي في الطريق المشينا فيهو زمان
التحيه لك ولافراد الاسره
|
Post: #11
Title: Re: الهلال يتسبب فى معاناة نفسية للاعبى الاتحاد (المصدر موقع رياضى ليبى)
Author: عبدالله كع
Date: 10-04-2010, 06:53 AM
Parent: #10
هههههههههاي يا اسامه ..انت متزكر لسه ؟؟
مبروك ليكم - قبل الهلالاب
|
Post: #12
Title: Re: الهلال يتسبب فى معاناة نفسية للاعبى الاتحاد (المصدر موقع رياضى ليبى)
Author: النصرى أمين
Date: 10-04-2010, 11:18 AM
Parent: #11
الاخ عبدالله السفاح
Quote: وهذا مصير كل الاندية التي سوف تنازل
الهلال بالكونفدرالية هزائم ومعناة نفسية |
الهلال اصبح بعبع تخاف من اسمه كل الفرق فى افريقيا
عقبال الكاس
الاخ ابنعوف
اتخيل معاى لو الجماعة ديك لو برضو رشيناهم فى كاس الممتاز ودورى السودان..
معنوياتهم حتصل الحضيض ....
حالتهم متاخرة شديد الايام دى...
الاخ تمبس
اتخايل لى جوازات سفرهم زاتا بتكون انتهت من عدم السفر...
سمعنا انو اللاعبين بطالبو فى الادارة الايام دى يسفروهم اى حتة لانهم زهجو من قعاد
البيت .... ومحتاجو تغيير ونفسيات جديدة ...
الاخ اسامة
معقولة تكون ابوالنسب ومريخابى فى وقت واحد!!!!!
ياخى اسرتنا الممتدة كلها فى 3 مريخاب ..تجى انت تبقى الرابع!!!
بعدين ياتو طريق المشيتوهو زمان ؟
ال 4 ثوانى اللعبتوها فى الكونفدرالية ديل بتسميهم طريق ؟
ياخى انتو لمن اتنفضتو نحن يادوب بنختم فى جوازات لاعبينا...
انتو زى قصة الزول البقعد فى برش الصلاة ويدلل فى رجليهو ...
بتنا دى..انا خالها ولا عمها؟
الاخ عبدالله كع
عقبال الكاس
|
Post: #13
Title: Re: الهلال يتسبب فى معاناة نفسية للاعبى الاتحاد (المصدر موقع رياضى ليبى)
Author: قلقو
Date: 10-04-2010, 12:01 PM
Parent: #12
| Quote: هذا هو الهلال قاهر الابطال والخصوم |
ياسفاح ياخوى الأبطال والخصوم ديل منو ؟ برشلونة ولا مانشستر يونايتد؟ مش ياهو ده فريق الأتحاد الليبى ذلك الفريق النكرة الذى لم نسمع به من قبل وليس لديه ولا حتى انجاز واحد فى عالم كرة القدم الأفريقية .
الفرح يكون حقيقة عندما نهزم فرقا بحجم الأهلى المصرى والترجى والوداد التونسيان والجيش الملكى المغربى .
يجب ان يكون سقف طموحاتنا عاليا ياسفاح حتى نعرف قوة فريق الهلال او المريخ بالضبط ونعرف اين يقفا من خارطة الفرق الأفريقية .اماان نقيم الأرض ولانقعدها لمجرد اننا قد انتصرنا على فريق مامعروف جاى من وين ولا اتكون متين , فهذا شيئ لا يليق بالهلال ولا بسمعة الهلال .
|
Post: #18
Title: Re: الهلال يتسبب فى معاناة نفسية للاعبى الاتحاد (المصدر موقع رياضى ليبى)
Author: أسامة على مساعد
Date: 10-05-2010, 03:51 AM
Parent: #12
الاخ امين
تحياتي
4 ثواني دي شنو انتو مشكلتكم ذاكرتكم كعبه زي كورتكم البطولة البتلعبوا فيهو دي نحن زمان جيبناكاسه عشان تعرف نحن دائما سباقين والاتحاد الانتصرتو عليهو ده نحن زمان هزمناه يا اخوي نحن اصحاب تاريخ ياخ انتو فزتو ببطولة ليوم واحد تم تنظيمها على شرف افتتاح استاد بني ياس وللعلم الفريق ده يا دوب صعد الممتاز في الامارات عملتو نفسكم فزتو بكاس ابطال اوروباعشان كده عمركم ما راح تمشو لقدام عشان بتعملو من الحبه قبه طولة لسان اعلامكم دي المضيعاكم كدي غيرو حارس المرمى بتاعكم ده وسجلو ليكم تاني 11 لاعب وغيرو مدرب اللياقه ده عشان تفوزو بكاس
لك ودي وسلامي
بتنا دى..انا خالها ولا عمها؟
خاله يا ابوالنسب وبالمناسبه كانت متعصبه للهلال لكن حسي وين يا نسيبي والله بتعشق النجمه لحد الثماله والسبب ما انا انجازات المريخ العظيم
|
Post: #14
Title: Re: الهلال يتسبب فى معاناة نفسية للاعبى الاتحاد (المصدر موقع رياضى ليبى)
Author: لؤى
Date: 10-04-2010, 12:18 PM
Parent: #1
Quote:
الهلال يتسبب فى معاناة نفسية للاعبى الاتحاد
|
النّصري
سلامات
لاعبـي الإتّـحاد براهم ؟ 
تـحاياي
|
Post: #15
Title: Re: الهلال يتسبب فى معاناة نفسية للاعبى الاتحاد (المصدر موقع رياضى ليبى)
Author: النصرى أمين
Date: 10-04-2010, 06:28 PM
Parent: #14
يا قلقو
خلينا نفرح ياخ ....
نحنا فرحنا لمن الهلال غلب الجميعاب 78 صفر
معقول ما نفرح بصعوده كاول فريق لدورى الاربعة...
سلام لؤى
الذ حاجة السيد مهبول الاتحاد صاحب البوست فى منتديات الاتحاد للابد
بكون مستغرب اكتر من 1800 دخلو بوستيهو المهبب ليه....
حقو زول يكلمو ....
|
Post: #19
Title: Re: الهلال يتسبب فى معاناة نفسية للاعبى الاتحاد (المصدر موقع رياضى ليبى)
Author: أسامة على مساعد
Date: 10-05-2010, 03:52 AM
Parent: #17
الاخ امين
تحياتي
4 ثواني دي شنو انتو مشكلتكم ذاكرتكم كعبه زي كورتكم البطولة البتلعبوا فيهو دي نحن زمان جيبناكاسه عشان تعرف نحن دائما سباقين والاتحاد الانتصرتو عليهو ده نحن زمان هزمناه يا اخوي نحن اصحاب تاريخ ياخ انتو فزتو ببطولة ليوم واحد تم تنظيمها على شرف افتتاح استاد بني ياس وللعلم الفريق ده يا دوب صعد الممتاز في الامارات عملتو نفسكم فزتو بكاس ابطال اوروباعشان كده عمركم ما راح تمشو لقدام عشان بتعملو من الحبه قبه طولة لسان اعلامكم دي المضيعاكم كدي غيرو حارس المرمى بتاعكم ده وسجلو ليكم تاني 11 لاعب وغيرو مدرب اللياقه ده عشان تفوزو بكاس
لك ودي وسلامي
بتنا دى..انا خالها ولا عمها؟
خاله يا ابوالنسب وبالمناسبه كانت متعصبه للهلال لكن حسي وين يا نسيبي والله بتعشق النجمه لحد الثماله والسبب ما انا انجازات المريخ العظيم
|
Post: #20
Title: Re: الهلال يتسبب فى معاناة نفسية للاعبى الاتحاد (المصدر موقع رياضى ليبى)
Author: النصرى أمين
Date: 10-05-2010, 04:01 AM
Parent: #19
| Quote: البطولة البتلعبوا فيهو دي نحن زمان جيبناكاسه |
لا تعليق
سلم عليها وقول ليها الخال حيكون لافى بهناك فى يناير
|
Post: #21
Title: Re: الهلال يتسبب فى معاناة نفسية للاعبى الاتحاد (المصدر موقع رياضى ليبى)
Author: عبدالله السفاح
Date: 10-05-2010, 04:50 AM
Parent: #20
| Quote: الفرح يكون حقيقة عندما نهزم فرقا بحجم الأهلى المصرى والترجى والوداد التونسيان والجيش الملكى المغربى . |
الاخ الحبيب قلقو
الهلال سبق وان جرع الاهلي كأس الهزيمة
بثلاثية نظيفة وقبلها فاز عليه بالقاهرة
بهدف من قدم اللاعب ريتشارد وانتصر على الترجي
ايضاً ... والهلال بشكله الحالي قادر على هزيمة
كل الاندية التي ذكرتها ..
مع ودي
|
Post: #22
Title: Re: الهلال يتسبب فى معاناة نفسية للاعبى الاتحاد (المصدر موقع رياضى ليبى)
Author: أسامة على مساعد
Date: 10-05-2010, 10:17 AM
Parent: #20
http://www.sudaneseonline.com/uploadpic10/Augest/sudans...udansudansudan88.jpg
افتح يا نسيبي بس الصورة بتعليق مش "بدون تعليق" زي ما كتبته
عشان تشوف عظمة المريخ من زمن كان اسمو كاس الكوؤس وعلى اسم اعظم مناضل في العالم نحن شيلناهو.
وبراحه كده ومن غير زعل الكاس ده تشموهو قدحه بس خليكم مع كاسات استاد بني ياس وكاسات دورات الصداقه وحتى دي ما لامين فيها
لك سلامي وانشاء الله نتقابل في السودان ونتعرف اكثر لانو نحن حنكون هنالك برضو في الفتره دي
|
|
