Post: #1
Title: بطلوا اللف والدوران, ما فيكم راجل بيتجرأ يهبش جنوبي بعد الانفصال بثانية!!
Author: Albino Akoon Ibrahim Akoon
Date: 10-03-2010, 11:27 AM
كدي بالمنطق والعقل, ابوكم فرعونكم وربكم الاعلي عمر البشير دا ما عندو اولاد بالتبني من النوير
هم ذييهم ذي اي جنوبي كمال عبيد دا يحرمهم من الحقنة ولا وزير الداخلية حينزع منهم الجنسية!!
ولو افترضنا جدلا انو الجنوبيين حاتدخلوهم في ### النمل, تعتقدوا انو حيرضي ابوكم عمر ان يشوف واحد
من اولادو ديل بيبكي ويذرف الدموع عشان اي جنوبي مهما كان انتماؤه القبلي؟!!
اها قولو رحلتوا الجنوبيين ومسحتوا بيهم الواطة, حيفرق شنو يعني؟
جنوبي الشمال لو قلنا خمسة مليون وبي عنصريتكم دي كبيتوهم في المحيط ولا البحر الاحمر, الشمس ما حتشر ولا كيف؟!
تهديد في الفاضي ما بينفع وبعدين غالبية الجنوبيين الانفصاليين بجد وحقيقة ما شافوا الشمال حتي
في ايام الحرب بل لجأوا لدول الجوار الافريقي, اما الجنوبيين الذيينا الشافوا الشمال هم اللي بتكلموا
عن وحدة بيشروط او انفصال بدون قيود!!!
ولو بقينا في الحقيقة الجنوب ما فيهو شماليين لانو حتي الشماليين اللهناك بقوا جنوبيين وحايصوتوا للانفصال مع الجنوبيين اللهم الا التجار من ناس الولاءات اللي استغلو وضعوا في الحكومة وما ليهم اي علاقة مع الجنوب والمواطن الجنوبي سوي استغلالهم رتبهم في الجيش لجلب بضائع بدون جمارك وضرائب باسم
الجيش ثم بيعه للجنوبيين ولجنودهم باسعار خرافية.
وبالله كان بقيتوا علي الجنوبيين في الشمال احسن ترحلوهم من هسع بدل الوعيد دا لانو اشتراطكم للتصويت للوحدة او الترحيل ما موقف لانو الانفصال ذي شروق الشمي في الصباح , عشان كدا طلعوا رؤسكم من اط##كم.
وبالمرة الراجل فيكم يهبش اولاد البشير المن النوير ديل عشان يعرف ان الله واحد ولا خلوا الهكم البشير
دا يحرمهم من الحقنة او ينزع منهم الجنسية ويشنقهم في الساحة الخضراء وبعداك شوفوا لو في جنوبي حايعيش في الشمال !!
والله الشماليين البعرفهم انا بعيدين كل البعد عن عنصريتكم دي وفي حالتي الانفصال تلقاهم يا حزينين ومباركين!!
اما ذي شماليتكم دي فما هي حتي شمالية لانو اهل العوض وعرب الخلاء الما بيشوفوا الجنوبيين الا في المدن
ما بيتفقوا معاكم في عوج دا.
والا تجندوا ليكم مليشيات ودابابين وأوابين للغرض دا
|
Post: #2
Title: Re: بطلوا اللف والدوران, ما فيكم راجل بيتجرأ يهبش جنوبي بعد الانفصال بثانية!!
Author: بدر الدين اسحاق احمد
Date: 10-03-2010, 11:35 AM
Parent: #1
البينو ازيك ياخ
نعلك طيب ..
الفكرة بمفردات هادية بتصل ..
|
Post: #3
Title: Re: بطلوا اللف والدوران, ما فيكم راجل بيتجرأ يهبش جنوبي بعد الانفصال بثانية!!
Author: أيمن الطيب
Date: 10-03-2010, 11:36 AM
Parent: #1
سلام يا ألبينو,,
هل الرجالة أن يهبش شمالى أخ جنوبى أو جنوبى أخ شمالى بعد الإنفصال أو قبله لا فرق؟؟؟
وين الرجالة فى الموضوع دا ؟؟؟؟؟ هل تعتقد أن السودان ممكن يكون رواندا أوبوسنة وهرسك أخرى؟؟؟؟؟
تحياتى,,
|
Post: #4
Title: Re: بطلوا اللف والدوران, ما فيكم راجل بيتجرأ يهبش جنوبي بعد الانفصال بثانية!!
Author: أحمد ابن عوف
Date: 10-03-2010, 11:41 AM
Parent: #3
البينو
بكون كذبت عليك لو فهمت انت داير تقول شنو؟؟
وضح فكرتك مرة تانية وبهدوء
تحياتي
|
Post: #5
Title: Re: بطلوا اللف والدوران, ما فيكم راجل بيتجرأ يهبش جنوبي بعد الانفصال بثانية!!
Author: مهيرة
Date: 10-03-2010, 11:43 AM
Parent: #3
Quote: والله الشماليين البعرفهم انا بعيدين كل البعد عن عنصريتكم دي وفي حالتي الانفصال تلقاهم يا حزينين ومباركين!!
اما ذي شماليتكم دي فما هي حتي شمالية لانو اهل العوض وعرب الخلاء الما بيشوفوا الجنوبيين الا في المدن
ما بيتفقوا معاكم في عوج دا.
والا تجندوا ليكم مليشيات ودابابين وأوابين للغرض دا |
صاح كلامك يا البينو أخوى فالشماليين لم يتحولوا كلهم الى مجرمين عديمى الانسانية والاخلاق كما القلة منهم التابعة لمجرمى حكومة الانقاذ
تحياتى
|
Post: #6
Title: Re: بطلوا اللف والدوران, ما فيكم راجل بيتجرأ يهبش جنوبي بعد الانفصال بثانية!!
Author: Dr.Elsadig Abdalla
Date: 10-03-2010, 11:54 AM
Parent: #5
سلامات يا البينو...
هل الجنوبيين حا يصوتوا للانفصال عن الشمال الاثني أم الشمال الانقاذي أم الشمال السياسي ..يعني هل لو كان الاستفتاء ده
تم في عهد حكومة الصادق المهدي أو نميري هل كان سيكون الأنفصال حتمي كما هو الآن?
تحياتي
|
Post: #8
Title: Re: بطلوا اللف والدوران, ما فيكم راجل بيتجرأ يهبش جنوبي بعد الانفصال بثانية!!
Author: Safia Mohamed
Date: 10-03-2010, 08:24 PM
Parent: #7
ازيك يا البينو
فكرة قوية وجوهرية وشكرا ليك
الله يجازي اللي كانو السبب في اللي حاصل ... وهم كثر كما قال "جني"
تعرف قبل فترة كنت عاوزة اكتب بنفس المنحى
عن زميلاتي وزملائي
عن صديقاتي
وجيراني
واحبابي وحبيباتي
لهن ولهم التحية والمودة وعاش الحب بيننا الذي لا يعرف خطوط الطول والعرض
ولكن ............................
غايتو لما احتجيت على فراقهم قدموا لي رشوة لزيارة جوبا حالياً كمواطنة (قبل الانفصال)
لانه ما معروف ترتبيبات ما بعد الانفصال
شكرا على الروح الطيبة لايراد فكرة جوهرية
تحياتي
ابقو عشرة على الديار
صفية
|
Post: #9
Title: Re: بطلوا اللف والدوران, ما فيكم راجل بيتجرأ يهبش جنوبي بعد الانفصال بثانية!!
Author: Tragie Mustafa
Date: 10-03-2010, 08:49 PM
Parent: #8
فعلا لن يتجرأوا على هبش اي جنوبي ياها جعجعه ساكت.
Quote: بطلوا اللف والدوران, ما فيكم راجل بيتجرأ
يهبش جنوبي بعد الانفصال بثانية!! |
ونحن ورائهم و الزمن طويل!!
|
|