و ماذا تم بشأن ترحيل جنوبيى ( المؤتمر الوطنى ) .؟؟

و تجريدهم من جنسياتهم ايضا ؟؟

هل سيتنكر المؤتمر الوطنى لمنسوبيه من الجنوب
والذين ظلوا على ولاءهم له وعملهم معه لعشرات السنين ..

افتكر انو تصريحات المؤتمر الوطنى هبشت اول ما هبشت
اخوانا جنوبيى المؤتمر الوطنى ..


كانوا دايما بسالوا ياسر عرمان ومنصور خالد والواثق كمير
وبقية العقد الفريد اين ستذهبوا اذا انفصل الجنوب ؟؟
وبمنطق سؤالهم ::
اين سيذهب جنوبيى المؤتمر الوطنى بعد الانفصال ؟؟
تبقى الاجابة انو شمالى الحركة سيذهبوا حيث سيذهب
جنوبى المؤتمر الوطنى .. بس .












ــــــــــــــــ
ام سياكدون على المقولة التى ظلت تلازمهم
ظوال تلك السنين بانهم قد قبضوا الثمن وخلاص !!

Quote: كانوا دايما بسالوا ياسر عرمان ومنصور خالد والواثق كمير وبقية العقد الفريد اين ستذهبوا اذا انفصل الجنوب ؟؟

إنت ياسر عرمان واللا منصور خالد ..؟
كان جو سألوك جاوبي ليهم .. لكن طالما سألو منصور خالد وياسر عرمان حارقة رزك في شنــو ..؟

بعد الإنْفِصال ، طال الزمن ولا قِصِرْ ، شِماليي الإنقاذ حيِصَنِفوهُمْ طابور خامِس ... وهسِع دي جنوبيي الحركة بِعْتبروهُم خَونه ومُسْتلبين ... أفْتكِر خِيارُمْ الوحيد حيِصفي على ربطه قُروش كمُكافأة نِهاية المِحنه + لجوء في دَولة غربِية

الاخت دينا

جنوبيي المؤتمر الوطني في الشمال لا خوف عليهم

الكلام في حزب المؤتمر الوطني الفي الجنوب ناس اجنيس لوقودو؟؟

لو اصروا يواصلوا العمل السياسي في الجنوب بعد الانفصال (ان وقع)
سيصر ياسر عرمان على الاحتفاظ بقطاع الشمال بالمثل

عزام فرح ,,

افتكر مصطلحاتك ابلغ ..
شمالى (الانقاذ) وجنوبيى (الحركة) ,,


تمبس
عمت صباحا ياخ ..






ــــــــــــــــــ
ياخ ناس عزام ديل ذاتم ح يرحلوهم متين ؟
فهم ايضا لا يشاركون اهلنا فى جبال النوبة اللغة
ولا الدين ولا اللون ولا الثقافة ولا الوجدان المشترك ولا اى
حاجه .. ماتجى تقول لى تم ترحيلنا من قبل فقد كنا
السابقون ... اعلم انكم اوريدى رحلتم من قبل
انا بقصد متى سيتم سحب جنسيتكم .؟

بصراحة بعد التصريحات الاخيرة من الطرفين إذا حصل انفصال
الوضع حتكون فيه ( شربكة ) شديدة فى الجانبين والله يكضب الشينة



أحمد العمار

والزول عارض الازياء الطلع اجنبى داك حيرحلوهو متيــن ؟

يوجد تضامن

..
.

Quote: هل سيتنكر المؤتمر الوطنى لمنسوبيه من الجنوب والذين ظلوا على ولاءهم له وعملهم معه لعشرات السنين ..

لم يكن ولاء .. بقدر ما هو مصلحة مشتركة .. كانت تنتظر هذه اللحظة
ليعلنوا وقوفهم لجانب الانفصال ..
حقيية لا يخفى على احد نفاق المؤتمر ولكن الذى يدهش نفاق الحركة

-------------

لاشكـ ان العضو المحترمة تقصد امثال اتيم دينق
وهؤلاء لا ولاء لهم ..

والله سؤال ...؟؟ وكمان سؤال تاني ..هل سيعطوهم حقن في المستشفيات ؟؟؟ مجرد اسئلة ولن تجدي من يرد عليها

بدر الدين اسحق
لوووووووب ياخ ! ما بنكوت كلامك خليها مستورة بس!
ذى ما قال نعيم سعد ما دا الخايف منو انااااا !!

تبلدينا ..
العضو المحترم (عشان تشوف بياختها)

وتحت تحت تبلدينا صاحبى ..
نحن عارفين المصالح وهم عارفين
قصدى ح يخرجوها كيف ؟؟
ح يقولوا كدا عديييل !!
ينزلوا و يتحاسبوا ويقول لى هاك الباقى بتاعك
ويخلى فى الواطة وداك رجل فوق ورجل تحت وفووووو يدورى
ويجرى لا يلوى على شىء ..
ياخى دى دايرة قلمك الانيق داك .. لانو وصفى دا ذى
الكاتبو عمر الفاروق ..









ـــــــــــــ
فى واحد او يا قولك عضو
رسل لى فى الخاص قال لى قالوا ( شفت العنعنه دى )
انتى عمر شفت البشتنه دى !!
اها تانى الارشيف بتاعك تعب يا عمر ..

دينا
الإثنين طابخين اللعب
وكما قال تبلدينا المصالح تغلب

_
سؤالك في محلو

..
.

Quote: تبلدينا .. العضو المحترم (عشان تشوف بياختها) وتحت تحت تبلدينا صاحبى ..

والله صدقنى ما قاصد اتبايخ ..
بس جات كدا .. حبيت ( اتعنعن ) ..
يعنى الواحد ما يفكر يعنعنكم ولا يدلعكوم ساااى
قرقر قرقر قرقر
المؤتمر الوطنى ديل نا س عينهم قوية وسنهم ملوية
واخذ الله منهم ماء الوجه وملامح الحياء وحمرة الخجل
يعنى حيقولها بكل بساطة .. ما صعبه عليهم
والسيناريو دا جاهز وموقع .. تمام كسيناريو ود العبيد
وعودة الإنتباهه ..
ما اود ان اقوله _بكل اسف _ ناس الحركة ديل ما بنفع معاهم الا الاسلوب دا
وحقيقة سقط قناعهم منذ ان اغتالوا شخصية ياسر عرما فى الانسحاب الاخير
لذا لن نهم عليهم ولن نحزن .. بل نقف .. ونتأمل ..
قتال الغاب .. وحلاوة الانفصال ومرارة الوحدة ... ( وان طاب لك فاجعليها حلاوة الوحدة ومرارة الإنفصال )

-------------

فى ذمتك زولا صحبك تلفون ساى بمناسبة للامناسبة
ما بتسالى عنه ..
خوة صفق نيم ( وان غلبكم المعنى فلنا حق التوضيح )

Quote: والله صدقنى ما قاصد اتبايخ ..

Quote: ما بتسالى عنه ..

تبلدينا يا عفريييت
شغال تأنيث وتذكير جهجهة البلاغة معاك ياخ ..


دينا بت خالد :

Quote: فى واحد او يا قولك عضو رسل لى فى الخاص قال لى قالوا ( شفت العنعنه دى ) انتى عمر شفت البشتنه دى !! اها تانى الارشيف بتاعك تعب يا عمر ..

إنتي الناس ديل لييي ما بيرسلوا لي انا في الخاص بتاعي يقولوا لي إنت دينا خالد؟
مسنجري الخاص يشكو قلة الفئران ..يكون الشريف زعلان مني؟
غايتو يا زولة نصيحة مني ليك أووعا تدقسي وتردي عليهم لأنو النوع ده الرسالة البعدها طوالي حا تلقيهو رامي ليك الإيميل حقو ومعاهو رقم التلفون ومعاها وش ضاحك نظام شنو ؟ نظام هو ما جادي ولااا عايزك تضربي ليهو

تخريمة :
الرسول فيك يا دينا بت خالد كان ما رسلتي لي المسنجر ده النشوف الزول ده منو ؟ولو هو كمان رسلو لي براهو يكون ما قصر ..

سلام دينا


عن اذنك يا دينا

بس جابني كلام الزول دة

هذه

Quote: مسنجري الخاص يشكو قلة الفئران ..يكون الشريف زعلان مني؟

تناقض
مع
هذه

Quote: غايتو يا زولة نصيحة مني ليك أووعا تدقسي وتردي عليهم لأنو النوع ده الرسالة البعدها طوالي حا تلقيهو رامي ليك الإيميل حقو ومعاهو رقم التلفون ومعاها وش ضاحك نظام شنو ؟ نظام هو ما جادي ولااا عايزك تضربي ليهو

من اين تشكو قلة الفئران ومن اين تقرا السيناريو ؟؟؟

ازيك يا عمر
انت ما ياكا زول الموسيقى ال في حوش الموصلي بغادي ولا الرقم غلط


نعتذر مقدماً

صفية

صافية :
اووول حاجة خلينا نتفق على نقطة ..
ما تلخبطي الكيمان ..يعني حتى لو انا عمر حق بوست الموصلي ما تجامليني عشان انا ما بفرز غايتو وبقيت زي الهلال اي حمام القاهو ميت بضربو طوالي ..
النقطة الأهم إنو ماف اي تناقض والله ..
بس ياخ اعتبريني ممن يرسلون المسنجرات الخاصة ولا يرسل إليهم ..
وبعدين ياخ الايميل ده ما الا ايميل بكري مش؟
في اقتراح اسمو الهوت ميل والياهو والجي ميل و و و و و ..
والله ديل برضو بيعلمو الزول ..سمح؟

دينا

Quote: انا بقصد متى سيتم سحب جنسيتكم .؟

نِحْنا "سُكان البِلاد الأصلِيين" ما بتِنْسحِب مِنا الجِنسِية ... لِسبب بسيط جِدًا ... إنو نِحنا البِنمنح الجِنْسِيات ... نِحنا الأدينا للآخرين إذن الإقامة في السودان ...

وفي وقت لاحِق ، بتقوم ِتِنْفصِل مِنا نِحنا الجِهات ... يِقول ليكي [إنْفِصال جنوب السودان عن الشِمال] وبِإعْتِبار ما سيكون [إنْفِصال دارفور عن الشِمال] شُفْتي [عن] دي ياها البِتوضِح ، الجُزء ياتو والكُل ياتو ... الفرع مِن الأصل ... أصلو البِحدِد كَونو ده مِن السُكان الأصلِيين وده وافِد <التاريخ> البِحكي لينا حِجْواتو بالآثار ... لا لا ما تعايني لِلكتره ... كترة الشي ما بِتأصِلو ولا بتخليهو سيد حق ... هسِع كتير البقر ولا الرُعاة؟ ما راعي وااااحد ماش قِدام وشاري إيدو فوق عصايتو الدارِعا بِكتفو ، وبتلقي بِوارهو مُراح بقر كااامِل باريهو مِحِل ما الراعي يِميل البقير بتْميل ... والقِله (الأقلِية يعني) فوقا بركة ... الكتره حرم في القُروش مو حبابا ... عايني شوفو الوحش أكان مرفعين ولا كَلِبْ ولا كديس ، شوفي أناتيهُمْ بِلْدو في البطُن الواحدة قدريش ... وعايني النعجعة والبقرة والناقة بِلْدن فِرِد حمل وعِجِل وحُوار مِتِل غالِب البنو آدم ... البركة في ياتو هسع؟ في جِريوات الوحش أب ناب الوالْداتِن دستة في البطُن الواحدة ولا في ويحييد الأنعام والبنو آدم ...

الحلفاوِيين أولاد عمي أنا المحسي ده ... ورحلوهُمْ مِن دِيارُم ، لِدِيارُمْ ... خشم القِربة مو أرِض شُكرِية ... الشُكرِية وكُل مُسْتعربين بلادي عُمرهُم بِعُمر الإسلام ، يعني ليهُم في بِلادي -في أفضل الأحوال- 1431 سنة وده مو تاريخ ... التاريخ بِقول الكفتيره المَوجودة في متحف الخُرطوم وجابوها مِن قرية "صُلِب" مِن أعمال المحس عُمرها 5000 سنة قبل ميلاد السَيِد المسيح ... والغرابا غير نوبه الجِبال ، كُلو وافِد مِن غرب إفريقيا ...

ماف زول ما مِن السُكان الأصلِيين [نوبي شِمالي/نوباوي/بجاوي/نيلي جنوبي] قِدِر يِطلِع جنسِية سودانِية بِدون ما يِسْتنِد على جنسِية أبوهو أو عمو ... أنا والمِتْلي بس ... أنا بس البمشي لِلجنة الجِنسِية وأقول [دايِر لي جنسِية] بِسألوني كام سؤال مِن عضو في اللجنة ويتِم إسْتخراج الجنسِية ... أغلب السودانِيين ، مرقو جنسيتهُم بِالواسطة ، علشان كِده ما عارفين الإجراءات شنو ...

رفعتو قلت امكن القى لى متلقى حجج يجى يرد
على عزام دا .. كرهنا مناطقنا ذاتو لوووووب
حقار خلاس ..

سلام مربع

عزام دا تردي عليهو بشنو غير تقولي ليهو آمين

كلمه دا بتقدري تردي عليهو رد غير كدا


التحية لكم جميعاً

عاصم فقيري
_________________

هو إنتي قاعدة تقري الخاص كمان !!؟؟

فقيرى يسعد مساك
عزام دا دايرين لى رد مفحم
لانو بيجدع فينى عشان ما بعرف لى عربيهو دا !









ــــــــــــــ
وبعد الترحيل هل سيصوتون للوحده ام الانفصال ..

إييييييييييييييييييك

جبتيهو تااااااااني

الله يطول عمرك

مشتاقين لسخريتك اللاذعة


مع تحياتي وإحتراماتي

عاصم فقيري

..
.
عودة ..
وهل تظنين ان جنوبي المؤتمر الوطنى انخرطوا فيه
حباً للمؤتمر او مصلحة للجنوب او عشقا للشمال ..!!؟؟
بلاشكـ ان فطنتك لا تحتاج لاجابة منى ..

------------

دا مولد وحينفض ..
وكل يذهب فى طريقه ..
( و....................... كان اسمه السودان .. )