وأشرقتِ الحرم بت حاج طيفور أيضاً، في ديارٍ أخرى

لقد رحلت اليومي صديقتي العزيزة، جدّتي الحرم، والرائحة التي كانت، وخُلقت منها أمي، عليها السلام في الخالدين.


تقول ما معناه: (ألحق الجنى والمرأة ملحوقة، دكين).
يا دكين يا عزيزي
بس الشارع دا كلو المشاهو القلب وهو حَافٍ، فوق رمض الوحدة، والتقلّب منتظراً، وما إليه من عذاب، فيم؟ ولماذا؟ إن كانت تعالجه النساء من طَرَف!؟
لا بدّ أنّه من أجل المعاني بدلاً عن التوالد والتجاسد. التجاسد يا دكين مؤونته قصيرة، وريعه محدود. داير زولة يا دكين أتراوح معاها علي بيت وبيناتنا فكرة.
كلّمتك زمان إنو جسدي اختنق، وأصبحت تؤرقني فكرة من توادده، فبالله عليك لا تخرج بي من حال دكين إلى سخرية الحَرَم بت حاج طيفور، هذه المرأة أكثر شخص يريدني أن يتزوج، وأكثر شخص يائس من زواجي في ذات الوقت. يمكنني أن أعطيك هنا ملخّص آخر ما دار في تلفون بيننا، وهي امرأة حنينة كما المطر ومقتدرة كما العاصفة، بها فصاحة ولها أطيان وكلمة وسط عشيرتها.
يُمّة إزيك، هكذا أناديها –يُمّة- فهي من أنجبت البتولا بت الموفَد.
طيبة أبوي، إتْ ماك جاي تشوفني وأنا بقيت عقاب عُمُر.
بجي يُمّة، بس عندي حاجات أتمّها وأتكاملكم تب.
أنا دايرة أشوف جناك، وإت يا "المادح" -لقبي الساخر عندها، مااا أظنك تسويلك جنى.
هي جادة للغاية في قراءتها لي، من جهة ترغب في تزويجي بكل قوة تمتلكها. ومن الناحية الثانية لا ترى فيّ أكثر من رجل مجهول يمضي في الحياة وما معه إلا أغنيات. لا أهل تركهم خلفه ليعود إليهم، ولا أمل لأهل سيعدّهم في المستقبل، كما هي سيرة المدّاح بالضبط، تربادور السودان لو شئت. كان فيما مضى، لو حدثت أية مناسبة معايدة وقالت إحدى نساء قريتنا لجدتي،..
"إن شاء الله في جديد ولدك".
تتلفت جَدتي وكلها تأكد من أنه لا ولد لديها يستطيع مالياً أو ذهنياً أن يتزوج. وحين ترى المرأة حَيْرة جدتي التي تكاد أن تنقلب إلى ذعر تضيف: هي يا يمة ما فرزتِ كلامي دا، قاصدة ولدك ود البتولا".
فتلوي جدتي خشمها ساخرة:
هي يا بت أمي عارفاهو قصدك، لكن جديد شنو؟ سمعتيلك بجديد "مدّاح"؟ كان كدي ياختي ماك ناوية ترجعي لي فَقَدتي.
وحين كانت تحكي لي جدتي القصة ترويها بكل بهجة ساخرة، لأشاكسها قائلاً:
القال ليك منو يُمّة؟ إنت ما جايبة خبر ساي، خااااطب أنا من المتمة ومنتهي.
فتدق جدتي على صدرها ثلاث دقات، لزوم القسم، والتأكيد، والسخرية، والتحدي:
"ياتو متمة دي آلمادح؟ يتمُّوني يا يابا استبالايات كان إنت تعرّس".
الغريب في الأمر يا دكين، أنني الوحيد بين أحفادها الكثيرين من كان يعتبره الناس ابناً مباشراً لها، هذه الخيبة الكبيرة والمركّزة كانت من أملاكها دون منازع. ربما لوجودي الدائم معها، ولعلاقتنا الخاصة ببعضنا، علاقةُ صديقين آذتهما المسافة بطولها فهربا بشرابهما لرأس القطار المتجه إلى كريمة أو الجنينة. لا أدري أي نوع من العلاقات كان يربطنا ببعضنا، وإن كنتُ متأكداً أن صفة الجدة والحفيد لم يكونا إلا بهاراً بعيداً، يأتي بعد آلاف الطعوم الأخرى، الأساسية والمقصودة قبل أي شيء آخر.

الحرم يا دكين بتسميني –المادح- ورغماً عن ذلك أنا بعرف إنّها كل ليلة بتبكي لأنها ما شافتني بالسنين ولا شافت جناي،
يا جنى عووك، ما ترجع تعرّس، أنا كان ما أمّنتك بنيّة بيدّي، ما بطمئن.
وهي بالطبع لا تعرف لوثة الفنّانين ولا الفن، ولكن بغريزتها تعرف أنّ المرأة هي بَر الرجل، كأنّها قرأتني وأنا أكتب:
وسَّموك بالصخر
لكي يخرج شاطئٌ وينادي عليك
**
بتهرّب منها يا دكين كل مرّة، بإنّي مفلّس مفللللس
لتحرجني إجابتها:
يا جنى الداير منّك قروش منو؟ ياها ديك أطياني بلا حد وبهايمي بلا عد.
أقلب ليها الحكاية ضحك يا دكين، أو جد خالص خالص،
يا يُمّة عرسك المجان دا ح يكون على حساب مواصفات العروس
لأنني أعرف أنّ بت حاج طيفور لا تعتقد في فلهمات الاختيار كما ترى، هذا بحكم الأهل وما بينهم من تعارف ومحنّة،
ولا تعرف أشراطاً إلا للقيامة ذكرها الإمام مسلم في صحيحه كما تعلّمت هي في خلاوى أجدادها.
لما أسألها، هسّع إنت عندك لي عروس؟
تأتي إجابتها ماهلة وعريضة، وتكفي عُزّاب الدنيا جميعهم:
هَيْ يا يابا العروس بكوسوها هي؟ البلد ملالانة وكان فرشت عبّك تملاهو بنات.
يا يُمّة ما تقولي لي جنس الكلام دا، هسّع أنا كان داير أعرس بتختاري لي منو؟
أجي يا يابا أضاني طرشاء، إن قُتَّ خالتك فلانة عندها سبعة فتوات، وعمك فلان أربعة وخالك علان ستة.
ومرة ثانية تُدخلني في روكة الفريق والعرس من طَرَف، لكن البتناسبني –أنا- منهن منو في رأيك؟
كلللهن حقّات عرس، أدب وسماحة ومُشهاد.
يا دكين حبّوبتي بمفرداتها التلاتة ديل: أدب/ سماحة / مُشهاد
تقرأ عوالم النساء كلّها، وبكل ما حوت.
وهي معذورة، إذ لم تقرأ هالة الكارب وهي تحاجّ فاطمة أحمد إبراهيم، ولا خديجة صفوت وأومارا في النسوقراط ولا اسبيفاك ولالالا
سمح، رضينا بحكم الله، إلا تبقى محنّة الحرم ومقالتك التي شطفت بها روحي في هذا المساء: ننعصر أنا وحبيبتي بوليداتنا في كنف الحرم، ذات سحر جاذب، وقوّة، وربما تذهب بي لأخدم جَرْفي وساقيتي وأُحيي مِرْحَاتي ومراعيها في يوم أنفض فيه الثلج عن بوتي وأستفيق.
كلّنا طاشين يا دكين البلد البزرعها ويشتلها لينا منو!؟
حقو نرجع محل أي رجل مننا بتناسبو أيتها امرأة منهن، والباقي نتمّو لَبَخ حَنَان.

***
يا محسن
ان فاتت الحرم بدون تبل شوق الشوف خربانة دنياك يا محسن لي قدام ..
مالم يكن أجلك قصيرا - فترتاح - فتاكد كل ما تذكرها فلن يُـعينك على ذكراها سوى كاس واغماضة..
لا مرأة بتغطي ليك فرقة علاقة بهذا الشكل ولا ونسات عابرة ولا علاقات جسد..
كما ولن تشفع لك قراءات هالة الكارب او خجيجة صفوت القتها دي ولا الليركس ولا التكنو قراط ولا البيروقراط ولا أي خرافة معرفية تانية بالغٌ ما بلغت بها السُـمنة والمحتوى الحنيذ ...
فقط شوق قاصد وحفرة في محل القلب تتحسسها وحدك ..
وتُـوجعك وحدك..
وُتسهدك وحدك..وتاكلها وحدك في حنانك ..
وحدك لا شريك لك تحمل حفرة شوقك ليها وعذاب شوقها اليك - الذي ما راعيت جلاله ومعزته – وتركُـض به الى حتفك..
تفوتك الحرم يا المادح تاني حـرّم ما تشتهي إلا تلحقها..
عشان كدي أحسن الحقها في عقاب العمر القالتو ده ربنا يطول عمرها..
بس الأعمار مُدبرة من فوق ولا ُتـدبر بدعوات الأصحاب الزينا ..
فلا تعتمد على امنياتي وامنيات اهلك في ان يمتد عمرها حتى تراها..
وعد فانظرها ثم تخير ما هو مُـعد لك من الجايات على المشهاد وعد الى الفرنجة فارطن مع ناس آية الى ما شاء الله لك..
اصلا انتا ياخوي في حالة حراك دائم ومجالدة ..
لن يتوقف راسك عن الدوران والبحث والتقصي إلا تحت التراب..
مثلك يظل متقد العقل نافذا ببصيرته جامعا بين ما فات الناس..
شفتا بالضبط زي مصطفى سعيد ..
حتقضيها كتب وبحوث ونساء وتطلع ومسارح وبيرة باردة وغيوم في لندن وحترجع تبحث عن مافاتك من دنيا الحرم بت طيفور وعالمها الذي ما تجاوز العالياب والدامر شمالا ومحطة شندي في بحري جنوبا ..
خط طولها وعرضها في ساعة واحدي بس بتعمل ليهم اسكيينق..
وانتا عايز تلف الدنيا، تبلغ الجبال طولا وتقد بنات الدنيا في خطوط عرضهن المختلفة..
و حترجع يا محسن في قناعات راسخة يوما ما تسال الناس عن إحسانها وحال احوالها في عقاب عمرهاوتقضي باقي عمرك تهش ضبان البقر ..
وفي النهاية يامحسن تموت زيك وزي أي جعلي عادي يفرشو ليك صيوان يتكي بعضه بعض وبعضه الاخر على حيطة جالوص ..
وتـندفن في جهات المسيكتاب في بطن قبر قايمة فوقو عُـشرة وعلى شاهد قبرك جريد نخل و اكياس نايلون وبقايا جرايد بمقالات تمزقت مقدماتها اتت بها الرياح الصغيرة الملعونة التي تزور ال########ات عند كل ظهيرة..
كقنُ ُ من طرفِ السوق وشبرُ ُ في المقابر زي ماقال اخو فاطنة..
هنالك فقط سيتوقف كل شي عندك..

عد يا محسن ..
اسمعها مني وانا اخوك ووجعتك دي عندي ولا يحدثك مثل موجوع..
عد وان عدت وحسن مقامك زوجناك واكرمناك ..
فلا ليلٌ بعدها يُـسهدك ولا حاجة للحرم عندك ترومها ..
فوالله ما مُـهاتاتنا وبحثنا الذي لا ينقطع إلا رجسٌ من عمل الشيطان ونفخٌ كذوب..
عد يا المادح عـرضتك النبي..

البركة فيكم
لها الرّحمة و المغفرة

البركة فيكم يا محسن وربنا يلزمك الصبر

لا حول ولا قوة الا بالله

الا رحمها الله رحمة واسعة

وكأننا قد رأيناها من خلال ما خطه يراعك


احسن الله عزاءكم

البركة فيكم يا محسن
و احسن الله عزاءكم

أحسن الله عزاءكم يا محسن،

أسأل الله أن يرحم أمّكم ويغفر لها ويتقبّلها قبولاً حسناً وأسأله سبحانه أن يلزّمكم الصبر على فقدها.

إنّا لله وإنّا إليه راجعون

رحمها الله والهمكم الصبر وحسن العزاء ورحم حبوباتنا وأجدادنا
البركة فيكم .

الله يرحم الحرم بت طيفور يا محسن
ويغفر ليها ويغفر لينا كلنا ... بس الحرم بسطورك وكلماتك دي
حتعيش سنين وسنين جواك وفي كلماتك الله يصبرك

أسال الله تعالى أن يتغمد فقيدتكم الحبوبة الحرم بت حاج طيفور بواسع رحمته و عظيم مغفرته و أن يتقبلها راضية مرضية و يسكنها الفراديس العلى من الجنان و أن يجعل البركة فيكم و في ذريتها ..

لا حول ولا قوة الا بالله

الا رحمها الله رحمة واسعة

البركة فيكم يا محسن
وربنا يجعل اثرها الطيب فيكم وفي ذريتكم ...

ربنا يرحمها ويرحمنا جميعا

حزنك يامحسن بيوجع
ربنا يغفر للحرم ويجعل مثواها الجنة
ويصبرك على فراقها

محسن يا صديقي
كلهن فاتن خلننا
الحرم بت حاج طيفور
وفردوس الريح
ونفيسي بت بغداد
وعشة بت ابو دية
فات يا محسن ونحن لليلي نتجارى لاااابرة
فاتن والحسرة مالكاهن علي غربتنا

ربنا يرحمن يا صديقي
كانن نسوان متل الجبال والنيل

ود عمى الحبوب سلام

اعزيك ونفسى وعينى على رفع قبعه اوعمه
على وسامةالخطاب..
فنحن اصلنا قسمه بين نقيضين
سوف اعود فى مداخله اخرى فالمقام
الان مقام ترحم،رحم الله اموات المسلمون،،،

وأنا عرضتك بالنبى يا محسن
أن تدعو لعمتنا المجاهدة بنت طيفور بالرحمة .
والبركة فى عموم أهلى الكرام بالمسيكتاب

البركه فيك
ولكل اجل كتاب

البركة فيكم يا المادح

البركة فيكم يا محسن

Quote: وهي امرأة حنينة كما المطر ومقتدرة كما العاصفة، بها فصاحة ولها أطيان وكلمة وسط عشيرتها.

لها الرحمة و جنان عاليات من رب كريم و رضوان.

يا محسن

حين نهاتف السودان يكون السؤال و محاولة التحدث مع أماتنا الكبار هو عجلة الموضوع و سدرة منتهاه..
و دعواتهن لك و حتى التى تظهر كأنها عليك مثل إن شاء الله تبرأ "حاجاتـك" أو تلك التي في ظهر الغيب
تغسل الروح و تطرد الهواجس و تحفظ الفؤاد إلا من بعض "شوق قاصد" كما أسلفت أنت هنا أو حين شرحت دلالات الدعاء عند هذه الجميلة من قبل .
ما أجمل دكين حين يترفق النصح إلا في نفسه و "أطرافه".

البركة فيكم يا محسن
وربنا يجعل اثرها الطيب فيكم وفي ذريتكم ...

ربنا يرحمها ويرحمنا جميعا

لحظات كهذي تُدخِلك في أحلام جميلة فلا تُفسِدها بالحزن على ما فات، ولا تجعل (لو) تقودك إلي ديار (الحزن)، وسأحكي لك كيف قاطعته (أي الحزن) دُبْرَ كل موتَ من أُحِبْ.

أنا أكره الحزن على الموتى وأحتلب الذاكرة لمشهد/مقولة/ نكتة/ موقف يضحكنى أو يفرج فمي بابتسامة مهما صغُرت أو تضاءلت لتهزم ذلك الحزن الذي يهرس قلبي هرساً لحظتئذ، فيعود مهزوماً، وأمتلئ أنا بنشوة غريبة ووعود لا أنفذها أبداً تبدأ عادةً بوعد بزيارة قبر من فقدت والونسة معه، إنتهاءاً بالكتابة عنه حتى لو لنفسي فقط.

أجتاز اللحظة سريعاً لأنى أحب حياتهم، وأحب حياتهم لأنى أعرفها وتقاسمتها معه، أما موتهم فليس شأني.

حينما قرأتُ ما كتبتَ، تذكرتُ الأحياء الذين يجب أن أراهم قبل موتهم، حزنتُ عليهم ولم أحزن على نفسي، وحزنتُ عليها (الحرم)، ثمّ تخيلتها تُجالس الموتي وأولهم البتولا، وتواصل ما أنقطع بينهما من حديث بابتدارة أضحكتني فتوارى حزني:

سمعتها تقول للبتولا: عليك امان الله لحدي جيتي ليك دي أحاحي في بي جاى يجري بجاي قُت ليكى زمان الود مداح أها كلامي مش وجا، هسة كدي خليني فيكِ إنتى يالمبروكة شنْ خَبَرِك).

لم أنتظر رد البتولا، ذهبت بإبتسامتي وحييتُ كل موتاي السابقين والقادمين، ثمّ كتبتُ ما كتبتْز

سلام

اللهم ارحمها وتقبلها في الصالحين
خالص التعازي محسن خالد لك وللاهل

رحمها الله والهمكم الصبر وحسن العزاء

اللهم ارحمها واغفر لها و تقبلها قبولا حسنا
البركة فيكم محسن , أحسن الله عزاءكم

نسأل الله لها الرحمة والمغفره
احسن الله عزاكم يا محسن وكل الاهل والاحباب وانزل عليكم اسباب الصبر

Quote: فاتن والحسرة مالكاهن علي غربتنا

لها الرحمة والمغفرة

البركة فيكم يا محسن
و احسن الله عزاءكم

سيطر علي حزنك يا محسن...يا مدّاح
بدعوات صادقات للحرم بأن يتغمدها
بواسع رحمته...ويبدلها دارا خبرا
من هذه الفانية..كما ندعو لها نحن جميعا.

إنا لله وإنا إليه راجعون
تقبلها الله قبولا حسنا
خالص التعازي للعزيز محسن
لكل أجل كتاب

لها الرحمة والمغفرة

اللهم اسكنها فى الفردوس الاعلى

اللهم تجاوز عنها ، اللهم اجعل البركة فى ذريتها الى يوم الدين .


صادق التعازى اخى الكريم

اللهم ارحمها رحمة واسعة .. وادخلها الفردوس ..
احسن الله عزاكم يا محسن ..
إنا لله وإنا إليه راجعون

اللهم اغفر لها وارحمها
اللهم عافها واعف عنها
اللهم وسع مدخلها
اللهم نقها من الذنوب والخطايا والآثام كما ينقى الثوب الأبيض من الدنس
اللهم اغسلها بالماء والثلج والبرد
اللهم ابدلها داراً خيراً من دارها وأهلاً خيرا من أهلها
اللهم الهمها الحجة عند المسأله
وباعد بينها وبين خطاياها كما باعدت بين المشرق والمغرب
اللهم تقبلها قبولاً حسناً مع الصديقين والشهداء وحسن اولئك رفيقا ...
إنا لله وإنا إليه راجعون ..

البركة فيكم يا محسن يا اخوي

عظم الله الاجر
البركة فيكم اخى محسن

ومن كراماتها أنها غسلت روحي بورودها الأول في هذا البوست (الموجود رابطه أدناه) والذي ما قرأته حينها، ولكنى قرأته الآن، فحلّ فرحُ كثيف على روحي، أسميته غسيلاً منها، لأنها رافقتني في قراته.




http://أوتوجراف..عزاز شامي! [ 1 2 3 ]

بس

ياها دى العوجه

العوجة البتخلى الزول يعضى اصبع روحو يا محسن

الناس الإنت بتريدن يمشو المشوار البتأخرو فيهو فيهو ده، وغالبا ما برجعو منو طبعا
الناس مسمنو الموت طبعا

يمشو مشوارن ده وانت تكون مافى، جتتك بالأحرى هى البتكون مافى، هيكل عضامك، استركشر خلقتك المكسوه لحما هى البتكون مافى وبعيده منهم، لكين روحك اكيد بتكون قاعده معاهم ساعة المشية دى

لكين ارجع واقول تانى، ياها دى المغسة والله

زى ما حصل ليك يا محسن، طلاق بالتلاتة حصل لى انا ذاتى، تيبيكال كوبى

زمنى كله قاعد مع امى آمنه، اللى هى أم أمى، وبس يومى القبلت تالا السافل وانتبذت ركنا مليان صقط ووحشة

رسلو لى وقالو لى امك آمنة مشت

لا بكيت ولا شتين

لملمت الوجع كله وقلت ليها

اصبرى

تسوى فينى كدى ؟

والله اجيب لى بت، كان الله مد فى الأيام يعنى بعدك

كان اسميها آمنة

وهسه، مع انه ما نسيت مغستى ووجعتى الزمان، حقت المشية يعنى

لكين قاعد امارس ريدتى لى "أمى يامنه" فى آمنه الأخرى، وقاعد افش فيها زعلى من غشة الزمن السواها فينى

طيب ياخ أنا ما هدا قاعد وقتى ده كلو معاها وحداها، بس تخلينى امرق بى جاى، وهى تفوت بى جاى ؟

حركة ما كويسة

المهم يا حاج محسن

لم حاجاتك كلهن وصرهن فى طرف توب ريدنك

وبتلاقيها كان الله ادا العافية

لكين عرس اول شى

عشان لامن تلاقيهاعينك تكون قوية

يا زول ربك كريم

وقطع شك حيودي روحها محل احسن كتير من الكانت فيهو

مع الناس البحبهم

الأنبياء والأنقياء والمساكين والعاشقين والبائسين

وجملة المداح

آمين

أحسن الله عزاكم يا محسن ..
اللهم ارحمها و اغفر لها و سهل عليها و وسدها الباردة .. يا حنان يا منان .
اللهم و صبر أهلها و حبانها و ارحمهم برحمتك يا رحمن يا رحيم .

( إنا لله و إنا إليه راجعون )

أحسن الله عزاءكم وجبر كسركم

أسأل الله أن يرحم أمّكم ويغفر لها ويجعل الجنة مثواها

ويتقبّلها قبولاً حسناً مع الصديقين والشهداء وحسن اولئك رفيقا

وأسأله سبحانه أن يلزّمكم الصبر الجميل على فقدها.

إنّا لله وإنّا إليه راجعون

يا محسن !
احسد تلك الديار حقا على اشراقة
الحرم بت طيفور فيها من هناك ,, وانطفاءت نارها ونورها منا ..
فيا لهذا الاشراق الابدى البديع ..
عارف .. شهدت كتير من الماتم فى نهارات الخرطوم
وهم يقدمون الفاكهة التفاح والعنب والباسطة
يقول ليك المرحوم/هـ كان بيحبهم !!
فلم استغرب الصحك والسعادة والحنين الذى
غمرنى وانا بقرا فى كلمات الحرم فى حواراتها القديمة
الجديدة ..
الحرم لم تمت يا محسن !
فقد خلفت من سيخلد اسمها فى العالمين !
ستمضى لا خوفا عليها ولا هم يحزنون !
حية بكلمات نابضات ترفع ذكراها دوما ..
من ولد (اعفينى من صالح دى فى هذا المقام) يدعو له
وصدقة جارية قدمتها من طينها ومشهادها ومراحها ومحفضتها
يعلمها كافة اهل المسيكتاب وحتى موقف شندى ( بحرى) ..
وهى لا تدرى بالسمعة التى الحقت بذلك الموقف البريء ..
اسمع الحكمة من فم الحرم ام البتولا جدة المسخوت :::

Quote: سمعتيلك بجديد "مدّاح"؟ كان كدي ياختي ماك ناوية ترجعي لي فَقَدتي

ونحن برضو كنا بنسأل الود دا تفتيحة كدا على منو ؟

Quote: ياتو متمة دي آلمادح؟ يتمُّوني يا يابا استبالايات كان إنت تعرّس".

بريتى انتى يا الحرم من الاستباليات لكن الفى ولدك عرفناها

Quote: يا دكين حبّوبتي بمفرداتها التلاتة ديل: أدب/ سماحة / مُشهاد تقرأ عوالم النساء كلّها، وبكل ما حوت.

الف رحمة على الحرم المراة الجبل .. دكين شن عرفو
انت كمان بالعرس وعوالم النساء ؟
مرات يا الحرم ولدك بصيب فى المقتل

Quote: وما إليه من عذاب، فيم؟ ولماذا؟ إن كانت تعالجه النساء من طَرَف!؟

اقترح عليك تبديل النساء بالاجساد لتشملنى هذه الفكرة العبقرية
فقد راقتنى كثيرا .
ومرات خلى ساى بس ..

Quote: داير زولة يا دكين أتراوح معاها علي بيت وبيناتنا فكرة.

يادوووبك حدتا عن درب الحرم شفت الفكرة دى ياها ذاااتها اللغم
دا اللغم العارفاهو ام البتولا .. فى زول نصيح بشيلوو لغم البيت !!
ياهو ذاتو شغل المداحين يا صديق ..

Quote: يا يُمّة عرسك المجان دا ح يكون على حساب مواصفات العروس

عرس المجان دا ياهو كل يوم عروس البتسوى فيهو دا ماأأأ مجان !!
لكن الغاليه بتقعد تباليك فى عمرك دا ما غاليه وقوية بتعيش
يا قول بكرى تموت تخلى .. والغالى بى غلاتو

Quote: ولا تعرف أشراطاً إلا للقيامة

يا سلام على الحكمة وات قايل دا عدم عرفه ؟ ياخ الحرم دى بتشبهنى كيف ..








ـــــــــ
لك منى وافر الاحزان والدموع والحسرة ...
وكلام دكين دا لا نملك الا ان نرميه ورا ضهرنا ونمضى ..

ما عارفة اعزيك كيف يا محسن ...
هرب الكلام،
واتقاصرت مفردات التعازي ...


لها الرحمة حيث اشرقت شمسها
ولك يد الصبر لتعبر بك من ارض الحزن لارض الرضى بقدر الله
ان لله و انا اليه راجعون

اني حزين لأجلك عزيزي محسن وتمنيت لو كنت لجانبك وأنت تواجه هذه الأحزان بعيداً في منفاك
مافي كلام ممكن يتقال أكتر من الانت قلتو وياهو الموت ذاك العملاق الذي نتقازم نحن أمامه
يأخذنا أخذ عزيز مقتدر ونبقي نحن بعد ذلك نعيش علي ذكريات ما مضي من ايام برفقة من نفتقدهم
من احباب ـ عزائي الحار لك يا محسن وللاسرة الكريمة وشدوا حيلكم

البركة فيكم يا محسن
و احسن الله عزاءكم

أخي أبو خالد

رحمها الله رحمة واسعة و أحسن عزاءكم

Quote: يُمّة إزيك، هكذا أناديها –يُمّة- فهي من أنجبت البتولا بت الموفَد. طيبة أبوي، إتْ ماك جاي تشوفني وأنا بقيت عقاب عُمُر. بجي يُمّة، بس عندي حاجات أتمّها وأتكاملكم تب. أنا دايرة أشوف جناك، وإت يا "المادح" -لقبي الساخر عندها، مااا أظنك تسويلك جنى.

لا سويتلك جنى ولا رجعت شفتها قبال ترحل. مخلوق انت للخيبات والحسرات وندم الفرص المضيعة.
فالح في الكتابة. من حنان جدتك وفصاحتها سقيت قلمك حبر الحياة.
لا دواء للغربة والحزن والفقدان إلا الكتابة.
إذن اغمس قلمك في محبرة حنان وفصاحة جدتك الحرم بت حاج طيفور، أم البتولا أمك، أمك.
بعد داك كان داير تبكي، ابكي.

لها الرحمة ولكم حسن العزاء يامحسن..........

البركة فيكم يا محسن .
رحم الله الحرم بت طيفور .
وأظنها سعيدة عند ربها بإذنه. امين.

خالص التعازي,,
نسأل الله لها الرحمه,
ولكم الصبر والسلوان,,

لها الرحمة ولكم حسن العزاء
إنالله وإنا إليه راجعون

لها الرحمة والمغفرة يا محسن
صادق تعازينا

في قصيدة (أحبّك)، للشاعر والمترجم، العزيز، سيد أحمد علي بلال
إبراقٌ شفيف، ونفَّاذٌ بحال الكيروسين، تجد فيه روحك كأنَّما تُطِلُّ على بئرك الشخصية، وحين تذهب مع أخيولة كهذه من القصيدة
{وما زلتُ أحملُ طفولتي ضد تحديد النَّسْل}، ص (71).
يصبح ليس في وسع أي دلوٍ أن يجلبك من قاع الذات والفَقْد، ولا من قاع الماضي، الذي يحنُّ إليك أكثر مما تفعل، ويستفرس بك كلّما هَبّت الألوان برائحة أصباغ الشجر، أو شَجُنت الأغنيات، وطارت رائحة شيط الكسرة، في الجو.
وأنت بنصف لباس، ومَخَانَق عراء، تشابي للمحترق من العجين، أديني شيطة، حبوبة شيطة، فتنهرك الجَدَّة بالإشفاق كلّه، يا ولد أمّهل ما تقع في النار.
{وما زلتُ أحملُ طفولتي ضد تحديد النَّسْل
وأنتِ لم تكوني صدفةً ولا موضوعاً
ولسنا مجرّد عابرين}، ص (71).

___________________________________________
أشكر الجميع على المواساة وبَرَدِ كلماتهم، كَتَّر خيركم

Dear Muhsin,


Please accept our condolences.
Will call you.

لها الرحمة والمغفرة ولكم أخ محسن خالص العزاء

إنالله وإنا إليه راجعون

اللهم أرحم أمواتنا وأموات المسلمين جميعا

أسأل الله أن يرحم أمّكم ويغفر لها ويتقبّلها قبولاً حسناً
وأسأله سبحانه أن يلزّمكم الصبر على فقدها.

إنّا لله وإنّا إليه راجعون

عزيزنا محسن خالد، إن شاء الله البركة فيكم
وجبر الله كسركم وإنا لله وإنا إليه راجعون

يا أشرف، لقد أسعدتني مداخلتك ووجدتُ فيها عزاء، لماذا حذفتها!؟

الله يجبر كسرك..
فقد فقدت حبيبة ما بعدها حبيبة...

سلامات أستاذنا محسن
وإن شاء اللة الموود شوية إنعدل؟
سحبت المداخلة لأني خفتها بالمقارنة توسع حفرة القلب ديك

لها الرحمة والمغفرة
ولكم صادق التعازي والصبر الجميل

شآبيب الرحمة والمغفرة على روحها الطاهرة , لكم الصبر
الجميل وحسن العزاء أستاذ محسن , انا لله وانا اليه راجعون .

Quote: إنّا لله وإنّا إليه راجعون اللهم ارحمها واسكنها فسيح جنّاتك اللهم باعد بينها وبين خطاياها كما باعدت بين المشرق والمغرب اللهم نقِّها من الخطايا والذّنوب كما يُنَقّىَ الثّوب الأبيض من الدّنس اللهم اغسلها بالثّلج والماء والبرد اللهم ابدلها داراً خيراً من دارها وأهلاً خيراً من أهلها اللهم اجمعنا وإيّاها في مستقرّ رحمتك اللهم إنّا نسألك بإسمك الأعظم أن توسّع مدخلها اللهم آنس في القبر وحشتها اللهم ثبّتها عند السُّؤال اللهم لقّنها حجّتها اللهم باعد القبر عن جنباتها اللهم اكفها فتنة القبر اللهم اكفها ضمّة القبر اللهم اجعل قبرها روضةً من رياض الجّنّة ولا تجعله حفرة من حفر النار اللهم إن كانت محسنةً فزد في إحسانها ، وإن كانت مسيئةً فتجاوز عن سيّئاتها اللهم الحِقها بالشُّهداء اللهم افتح عليها نافذةً من الجّنّة واجعل قبرها روضةً من رياضها

My sincere condolences

يا اللــــــــــــه قطعت قلبي يا ود الحلال
انه لحزن عميــــــــق عمق النيل الخالد
ويا ود خالد البركة فيكم وربنا يصبرك قدر مصابكم العظيم وفقدك الكبير
نسأل الله لها الرحمه بقدر حبها الزرعته خلفها والزيها ما مات
اللهم اسكنها فسيح الجنان يا رب العالمين
انا لله وانا اليه راجعون

أعرف هذا الحزن جيدا ..
وأعرفهن مواقيتا متجدده للحنان الذى هو فينا منهن ..
وإليهن يعود ..
رحم الله حاجه الحرم ..

رحمها الله
رحمة واسعة...
البركة فيكم يا محسن
والدوام لله . انا لله وانا اليه راجعون

اللهم أرحم الحرم بت حاج طيفور
وألهم آلها وذويها وابنها محسن خالد
الصبر وحسن العزاء

إنا لله وإنا إليه راجعون

،
وها هي الحرم يا محسن تشرق في كل القلوب التي حولك،
وها حزنُك الطافر يفتح أبواب حيوات أخرى لـ"بت حاج طيفور" لتختال فيها وترعى أطيانها ومرحاتها العامرة..
،
وإن كنت أخشى عليك من أن ما سيرافقك فعلاً بعدها هو ما جاء هنا:

Quote: فقط شوق قاصد وحفرة في محل القلب تتحسسها وحدك .. وتُـوجعك وحدك.. وُتسهدك وحدك..وتاكلها وحدك في حنانك ..

وهو ما أخشاه لنفسي أيضاً، فمثلما تتشابه أحوالنا وخيباتنا، تتشابه أمنيات الحرم بت حاج طيفور وأمنيات بت علي ود جدعة..
،
فلتنم بسلام جدتك الحرم وأعلم أن البتولا الآن تتوسد حضنها ويحكين عن محبتهن لك..
،
،

احسن الله عزاءكم يا محسن
ربنا يتقبلها قبولاً حسن
و يلهمكم و كل محبيهاالصبر و السلوان

ربنا يجعلا لجنة مثواها و يتولاها بواسع رحمتو

البركة فيكم يا محسن خالد

وقد أوفيتها حقها من الحب و الحزن والفقد

تغمدها الله بواسع رحمته وألهمكم والاسرة الصبر والسلوان