ما يزعجكم دواء الضغط والسكري دا نحن ما محتاجين ليهو دا البطلع زيت ناس البندر المساكين
Post: #3 Title: Re: مطمورة متروسة فتريتة مخزن متروس سمسم ولوبا وويكة - وبقرة ضرعاتها ملاينة - دولار شنو كمان Author: طه إبراهيم عبد الله Date: 10-02-2010, 08:02 PM Parent: #2
والله يا شيقوق وما طالبني حليفة لو البقرة أم ضرعات دي بس خليك من المطامير حكومة السجم والرماد دي صرفت عليها شوية من الدولارات الضايعة في البنادر علي اليمين تخلي اللاب توبات على قفا من يشيل وإمكن إوزعوها صدقات .. وعلي اليمين الروتانات تطاقش في البردانة .. إلا بس الشكية لي سيد الشكية .. أشرب لبن قبال تنوم عادتك ما تخليها وعارفك بتتصبح بالغباشة .. لووووب من الروووب
Post: #4 Title: Re: مطمورة متروسة فتريتة مخزن متروس سمسم ولوبا وويكة - وبقرة ضرعاتها ملاينة - دولار شنو كمان Author: Osman Musa Date: 10-02-2010, 08:34 PM Parent: #3
عاين يا الطيب يوم مشيت مزرعة بقر فى ثاوث كارولاينا . هنا يا الطيب الدكتور يقشط ليك العجل حقنة 66M بعد شهرين العجل يكون زى الدبابة . يا أخى الناس ديل هنا عندهم تقنيات عجيبة . تربية المواشي هنا علم , اب نينى مافى . الله يقطع اب نينى يا الطيب . نحنا يا الطيب أخوى بقرنا دعول بدون حقنة . عندنا بلد متروس خير . بس حقنا رايح ساكت بين تصريحات سلفكير والبشير . وفناطيط السياسة ربنا يصلح الحال ويكفينا شر فتن اولاد الحرام
لو البقرة أم ضرعات دي بس خليك من المطامير حكومة السجم والرماد دي صرفت عليها شوية من الدولارات الضايعة في البنادر علي اليمين تخلي اللاب توبات على قفا من يشيل وإمكن إوزعوها صدقات .. وعلي اليمين الروتانات تطاقش في البردانة .. بلاطق يا طه اخوى لا دايرين من حكومة السجم دي دواء ولا امباز بس تختانا - السنة الخلاء مليان قشوش
يوم مشيت مزرعة بقر فى ثاوث كارولاينا . هنا يا الطيب الدكتور يقشط ليك العجل حقنة 66M بعد شهرين العجل يكون زى الدبابة . يا أخى الناس ديل هنا عندهم تقنيات عجيبة . تربية المواشي هنا علم , اب نينى مافى . الله يقطع اب نينى يا الطيب . نحنا يا الطيب أخوى بقرنا دعول بدون حقنة . عندنا بلد متروس خير . بس حقنا رايح ساكت بين تصريحات سلفكير والبشير . وفناطيط السياسة ربنا يصلح الحال ويكفينا شر فتن اولاد الحرام
وحاة النبي كلام ناسكم دا ما ليهو طعم كلو مزور - وحاة النبي شفت الجدادة حقتكم تملا القفة بيض بدون ديك يكوكي فيها وشفت ديكم يعوعي وعمرو اسبوع بس ووزنو كيلوين
اها يا عثمان الحمام عندكم بقر وبجر ضنبوا في التراب ولا برضو ............؟
Post: #8 Title: Re: مطمورة متروسة فتريتة مخزن متروس سمسم ولوبا وويكة - وبقرة ضرعاتها ملاينة - دولار شنو كمان Author: Osman Musa Date: 10-02-2010, 08:51 PM Parent: #6
يا الطيب يا أخى أقيف أقيف . يا أخى الدجاج هنا ولا بكاكي زاتو . شغال بيض بيض 24 ساعة . وفى نوع بيض بدون مح . يعنى بيض بدون صفار . لعب تقيل . والديك يا أوعك من يعوعي . يعوعي وين مع الحقنة ال 66M . عليك مش حرام نفس حقنة البقرة للجداد .؟
آ الطيب أخوي نسوي شنو مع عجول ودجاج وبيض ناس عثمان ديل؟ كلما تتسلل البسمة جواي تجي مارقة زي روح الميت أسوي شنو ؟ خلاس كرهت المطمورة والكنانيات وأم بنة والفقوس ، شوفوا لينا مخرج تصدق العيش عندنا حملة وشراية ولبنة ومافي موية آ الطيب أخوي آح آ الطيب أخوي الشفيع إبراهيم
Post: #10 Title: Re: مطمورة متروسة فتريتة مخزن متروس سمسم ولوبا وويكة - وبقرة ضرعاتها ملاينة - دولار شنو كمان Author: Osman Musa Date: 10-02-2010, 09:48 PM Parent: #9
قال كنانيات قال . يا الشفيع أخوي البقرة فى ولاية اكلاهوما زى ام 44 . كلها شطور ماعارف كم كدي رطل لبن . وبعدين يا الشفيع بعد الحليب اللبن طوالى على المصنع هناك يطلع ليك ال NONFAT YOGURT براو . ويطلع ليك كمان ال SKIM MILK براو وشغلات كتار . كان فاتن حكومات السجم ديل بلدنا بلد جد
Post: #11 Title: Re: مطمورة متروسة فتريتة مخزن متروس سمسم ولوبا وويكة - وبقرة ضرعاتها ملاينة - دولار شنو كمان Author: سلمى الشيخ سلامة Date: 10-03-2010, 00:07 AM Parent: #10
-
Quote: التلاجة متروسة لبن انوم بيهو واصحى بيهو
الطيب اخوى قلت لى اللبن مالو ؟ ينفعك
Post: #12 Title: Re: مطمورة متروسة فتريتة مخزن متروس سمسم ولوبا وويكة - وبقرة ضرعاتها ملاينة - دولار شنو كمان Author: خالد المحرب Date: 10-03-2010, 04:07 AM Parent: #11
Quote: فاليذهب الدولار للسماء
عندنا طلبات بسيطة
ما ترفعوا حقنة الملاريا
ولا تزيدوا السكر
واوعاكم تجوا تقولوا لينا حنزيد رسوم الطلبة الدراسية
المواصلات ما مشكلة نركب جمال بس - اصلنا ناس تعودنا ركوب جمال من زماااااان - ولا شنو يا ود المحرب ؟
الله يفككم يا ناس الانقاذ من ناس البندر لانو زيادة الدولار دي بتزيد قيمة فواتير اللابتوبات و سلام روتانا وصالات الرفيرا و حتى مساحيق حسناوات البندر .
بس الريف مافيه مدارس ومافيه مستشفيات ولس الحريم بلدن بى الحبل عشان كدا يالطيب ناس الريف فرو الى البندر بحثا عن التعليم والصحه نعم للعوده الى الريف ولكن لابد من الخدمات الاساسيه حتى تكون العوده جاذبه والوحده خليناها يعنى انسان الريف ممكن يستغنى من الكهرباء ولكن لاغنى له عن الصحه والتعليم بعد داك لبن وروب وعصيده والباقى بتموه عنكوليب ساهى
Quote: يا الطيب يا أخى أقيف أقيف . يا أخى الدجاج هنا ولا بكاكي زاتو . شغال بيض بيض 24 ساعة . وفى نوع بيض بدون مح . يعنى بيض بدون صفار . لعب تقيل . والديك يا أوعك من يعوعي . يعوعي وين مع الحقنة ال 66M . عليك مش حرام نفس حقنة البقرة للجداد .؟
Quote: نعم للعوده الى الريف ولكن لابد من الخدمات الاساسيه حتى تكون العوده جاذبه
خدمات شنو نحن في الدندر المساحتو قدر مساحة دولة الكويت والمنتج للذرة والسمسم عندنا طبيب واحد للنساء والتوليد - اكان اضايقت حامل في آخر الصعيد برحلوها بالتراكتر ودقداق الطريق بولدها في نصف الفرقة اما ولدت حية او ماتت في نصف الفرقة .
Quote: والوحده خليناها يعنى انسان الريف ممكن يستغنى من الكهرباء ولكن لاغنى له عن الصحه والتعليم بعد داك لبن وروب وعصيده والباقى بتموه عنكوليب ساهى
لا والله المرة حقنا في الكهرباء ذاتو ما بنتنازل عنو يا اب احمد
اب احمد انسى الريف وتذكر اطفالنا اولاد البادية نحن في القرن الواحد وعشرين وهم رعيان وما مفكرين في المدارس .
Post: #16 Title: Re: مطمورة متروسة فتريتة مخزن متروس سمسم ولوبا وويكة - وبقرة ضرعاتها ملاينة - دولار شنو كمان Author: عزام حسن فرح Date: 10-03-2010, 06:04 AM Parent: #12
والله يا ود المحرب البني آدم ده ماف شيتًا بِغَلْبو تاااب ... أنا لامِن إسْتقريت فوق البُطانة ، بِت إبراهيم سَوتْ معاي سُوات أنْدادا ، قامت وِلْدت لي الراكِز حسن ود عزام ، أها هسِع الراكِز حسن شدْ حيلو وأصبح زول مدارِس ، إتْلفتْ ما لِقيت مربوعة طوب أحمر ساي حداي ، خَلو مدرسة مُشَيدة ، في مدرسة بعد كمين كيلو كَدي ، هيلت برقو ، الكَواهلة نسابتي قالو لي [أكان الجنا ده يومًا واحِد صَد مَعَوَق ، حرم نعدِم البرقو الجِدادا] قُلت تعليم شنو البعقبو حرب أهلِية ده ... قنبت أفكر ... يا ود يا عزام المعنى يعني أرجع أسْتقِر في خُرطوم البشير/التُرابي ... وتااااني أرجع لِتِكِفِت وتِشِلِت ناس الأمن ... قُمت سجلت الراكِز حسن ود عزام في مدرسة مِن منازلهُم وإتفقت مع ناظِر مدرسة البرقو يجي يوماتي على الله يِدرِس ولدي في الحِله ... بس
Quote: [أكان الجنا ده يومًا واحِد صَد مَعَوَق ، حرم نعدِم البرقو الجِدادا] قُلت تعليم شنو البعقبو حرب أهلِية ده
هههههههههههههها تعليم شنو البعقبو حرب اهلية ده؟
اها هسع الوليد وصل وين يا عزام ؟
Post: #19 Title: Re: مطمورة متروسة فتريتة مخزن متروس سمسم ولوبا وويكة - وبقرة ضرعاتها ملاينة - دولار شنو كمان Author: عزام حسن فرح Date: 10-03-2010, 07:12 AM Parent: #18
ود شيقوق ... يا زول حرم حليلك .. يا زول ما طمِني ... علك طَيِب؟
الجنا بعد حول ، لامِن ميعه باشري تبقى مستفا ولامن يِهيج فحل أُم صِريصِر ، عريس أكان الله أراد ... وبعد العِرِس يِمْشي بِوشو لِلجامعة ... الخُطة كَدي
Post: #20 Title: Re: مطمورة متروسة فتريتة مخزن متروس سمسم ولوبا وويكة - وبقرة ضرعاتها ملاينة - دولار شنو كمان Author: فيصل محمد خليل Date: 10-03-2010, 07:35 AM Parent: #19
كان ضحويه وكان عين شمس الله قويه وكان الريس فوق عربيه واقف طولوا تحت شمسيه هللنالوا ولوحنالوا بالطوريه وصفقنالوا صفقه قويه الجابريه تحي الثوره دايرين بوسته ومدرسه وسطي الشفخانه وسوق منضبطه
كيفك ومشتاق ليك بالحيل ولكلامك الحنين دااااااااااك الفونت حرفو أتقول مزروع في طرف ميعة .
Quote: الجنا بعد حول ، لامِن ميعه باشري تبقى مستفا ولامن يِهيج فحل أُم صِريصِر ، عريس أكان الله أراد ... وبعد العِرِس يِمْشي بِوشو لِلجامعة ... الخُطة كَدي
هيييييع الفحل ماشي في درب خالو شيقا _ اى عليك الرسول عرس ليهو وخليهو يقرأ بجيب ليك الشهادة وبجيب ليك النسل البحفظ تيرابك المهجن دا .
Quote: كان ضحويه وكان عين شمس الله قويه وكان الريس فوق عربيه واقف طولوا تحت شمسيه هللنالوا ولوحنالوا بالطوريه وصفقنالوا صفقه قويه الجابريه تحي الثوره دايرين بوسته ومدرسه وسطي الشفخانه وسوق منضبطه
Post: #30 Title: Re: مطمورة متروسة فتريتة مخزن متروس سمسم ولوبا وويكة - وبقرة ضرعاتها ملاينة - دولار شنو كمان Author: خالد المحرب Date: 10-04-2010, 03:13 AM Parent: #29
الاخ عزام صباح الخير مع الدخشيئ وفكرة ريق بى غباشة نيئ وحلم اطفال بى دنيا هنئ اصلى بقوم دقش باخد لى جكه وبجى امرق تانى الكميوتر ما بشوفو الا فى البيت لا العشيئ فتك بى عافيه يا با
بمناسبة الحليب والسمن يا أحمد موسى.. في سوق أبو جبيهة كنا جلوساً في دكان واحد صاحبنا. مرّت بنا مجموعة من بنات أهلي. سألني إن كنت أعرف إحداهن وأشار عليها. قلت له: نعم. قال لي: ناديها وأسألها لمذا دفقت السمن على الأرض؟ ناديت عليها. سألتها لماذا دلقتين السمن على الأرض؟ ردّت قائلة: ما ناس الديم الما عندهم شغلة دول. الزول شاف قدور الدهن (صفائح السمن)، قال لي بيعي لي روابة (روب). قُل ليا: هي يا ولضمِّي أنا ما ببيع الروابة.. هناي دهن. ما صدقني وقال لي كضابة. قُم فتحت القدر الأولاني ودفقت ليا في التراب والتاني وكلهن وريتا الدهي دهن يا ولضمِّي ما روابة.. شوف سياد الروابة.. أنهن ما بنبيع الروابة. وذهبت. قلت لصديقي سيد الديم على قولها: هل تعلم أن أباها عنده أكثر من ألف بقرة. وديل ببيعوا السمن for fun كما يقول الخواجات. تقول ليها أديني روابة.
Quote: قلت لصديقي سيد الديم على قولها: هل تعلم أن أباها عنده أكثر من ألف بقرة. وديل ببيعوا السمن for fun كما يقول الخواجات. تقول ليها أديني روابة.
والله يا الكباشي السودانيون ديل عندهم ثقافة مشتركة في حاجات كتيرة - تصور اهلنا عرب الدندر برضو بفتكروا بيع الحليب عيب - يعني الواحد كان عندو الف بقرة ممكن يديك تشرب ساى لكن عيب يعرضو في السوق .
طبعا بعد الفقر والعوج الاتلهّم الناس بدأت تلك القيم في التراجع واصبح اصحاب الابقار ببيعوا الحليب ضحى .
Post: #40 Title: Re: مطمورة متروسة فتريتة مخزن متروس سمسم ولوبا وويكة - وبقرة ضرعاتها ملاينة - دولار شنو كمان Author: هويدا شرف الدين Date: 10-05-2010, 06:29 AM Parent: #39
Post: #41 Title: Re: مطمورة متروسة فتريتة مخزن متروس سمسم ولوبا وويكة - وبقرة ضرعاتها ملاينة - دولار شنو كمان Author: هويدا شرف الدين Date: 10-05-2010, 06:36 AM Parent: #40
التعديل عشان الصور فتلت البوست
Post: #42 Title: Re: مطمورة متروسة فتريتة مخزن متروس سمسم ولوبا وويكة - وبقرة ضرعاتها ملاينة - دولار شنو كمان Author: هويدا شرف الدين Date: 10-05-2010, 06:38 AM Parent: #41
Post: #51 Title: Re: مطمورة متروسة فتريتة مخزن متروس سمسم ولوبا وويكة - وبقرة ضرعاتها ملاينة - دولار شنو كمان Author: هويدا شرف الدين Date: 10-06-2010, 07:17 AM Parent: #50
تميز اهل الباديه دائما بالفطنه والزكاة ، واللبيب بالإشارة يفهم
Post: #52 Title: Re: مطمورة متروسة فتريتة مخزن متروس سمسم ولوبا وويكة - وبقرة ضرعاتها ملاينة - دولار شنو كمان Author: هويدا شرف الدين Date: 10-06-2010, 07:26 AM Parent: #51
المسنوح ود شيقوق ومعاهو ...... كانا في طريقهما إلى بلدهم الما عارفه نسيت اسمها يتخيل لي الرويانه ولا شنو وكان المسنوح يبحث في اللاب توب مستخدما InterNet Wireless. ، عن رد من ام عبد الله بعد الذكريات الجميله التي قضاها معاها في تقشير العونكليب حتي تكسرت اسنانه . فوجد رداً قصيراً‘ فهاجت به الذكريات
و الله ، يا الطيب ، داير اقول ليك مفاهمة كتيرة خلاس..الإ صورة هويدا بتاعة البقر الراتعات ووراهن الدخان البيطرد الباعوض ، قطعت بغيمي و طيرت الفي راسي من مفاهمة..!!
Quote: المسنوح ود شيقوق ومعاهو ...... كانا في طريقهما إلى بلدهم الما عارفه نسيت اسمها يتخيل لي الرويانه ولا شنو وكان المسنوح يبحث في اللاب توب مستخدما InterNet Wireless. ، عن رد من ام عبد الله بعد الذكريات الجميله التي قضاها معاها في تقشير العونكليب حتي تكسرت اسنانه . فوجد رداً قصيراً‘ فهاجت به الذكريات
فأنشد قائلاً:
شديت ال Pentium واصبح يبرطع جايط
وال Internet دقش قلبتو صايت صايت
على ام شعراً حلال ما طولو وسائط
وعطشان الغرام ما برويه 2G.Bite
فرد عليه .... قائلاً:
الفيك يا المسنوح Virus والله الكريم الشافي
وما بفيدك طبيب حتى ان شربت Mc Kafi
غير لخلوخة الهرفة أم قليباً جافي
وأركز للتجيك يا المسنوح Options مافي
استسلم المسنوح وأنشد:
إيميلك وصل زود علي الهم
والفكر انشغل ال Ram عليك وال ROM
يا الله الكريم أنا والحبيب نتلم
نجلس فى ال Disk ونتصفح ال dot com
000
الليلة ام شلوخ لاقيتا عند ال Chat
وال Virus ضرب قلبي ومحى الفايلات
يوم شافني البنظم الجاتات
قال ال Defrag ما بفيد أحسن ال format
000
بعد ما كت بزبط الWord معاهو الExcel
دقشتني أم رشوم خلت درايفي إختل
Mother Board قلبى الكان زمان Intel
بقى Chipset رخيص و كل ما ينربط ينحل
000
الخبر الأكيد الليلة جابو ال Yahoo
وقال ست البنات إيميلنا مي طارياهو
ست القوام Hardware نظامو براهو
والوجه Screen قمرا يضوى سماهو
ههههههههههههههههها وحاة الله كتلتيني بضحكة يا سجم الرماد
وحاة الله انت ما براك وفاطة سطرييييييييييييييين كمان
كان بقى خليت سنحت: يا مسنوح والله بنقول فيك القالوا زمان
شدو ليك رِكب فوق مهرك الجماح ضرغام الرجال الفارس الجحجاح السم النقوع الفي بدن نتاح ياعصار المفازة اللي عيون كتاح المال ما بهمك هوي إن كتر وان راح
الهم كبي يا شيقوق وربنا يستر ويجيبها سليمة ربنا يسوي الفي مرادانا يخزي سلفاكير وباقان اموم والمؤتمرجية الإنفاصليين ذنبنا شنو يقسموا بلدنا السودان بلدنا وفد شبر ما بندي إلا مراكب العدو فوق دمانا تعدي
وهذا زمان المهازل بقرر مصيرنا حفنة من ................. والله خليهم يخلوها لرأي المواطن دون ان تدخل فيها إيدهم الغذرة التي تلوثت بدماء هذا الوطن اللذين زهقت ارواحهم من أجل كراسهيم وملئ جيوبهم والله السودان باقي وكامل لكن هم ما عاوزين كدي راقدين بي خطة الاتنين
وتعالي احكي ليك عن قدح جدك محمود ود زائد زعيم قبيلة الضبانية بالقضارف وعن سهول الضبانية المسماة بالقبوب .
كتب الاستاذ الرشيد جلال سعيد عن سهل "القبوب" (شرق البطانة) والمعروف بقبوب ود زايد، وقد أسدي الأستاذ الراحل الطاهر عبد الكريم خدمة كبيرة للمكتبة السودانية في مجال التوثيق عبر بحثه (ود زايد شحم ألبل) كما تناوله الأستاذ/ علي محمد حمد أبو كليقة بالتقييم، ومحمود ود زايد هو زعيم قبيلة الضبانية سيدة ضفاف نهر أتبرا حتى قرية الجيرة التي كانت واحدة من حاميات الحكم التركي المصري حتى قيام الثورة المهدية وهي تقع علي نهر سيتيت علي الحدود السودانية الإثيوبية . والجيرة كانت واحدة من الحاميات المهددة من قبل جيوش المهدية وكانت السلطات البريطانية المصرية تسعي لتخليص هذه الحاميات المهددة وقد تم توقيع معاهدة عام 1884م مع الملك يوحنا ملك الحبشة بموجبها يسترجع المنطقة المعروفة بإرتريا الآن التي كانت قد أخذتها منه مصر مقابل تسهيله إخلاء الحاميات الحدودية . كانت القلابات قد أخليت عام 1885م إلا أن الحامية التوأم في الجيرة لم تخلص إلا بعد أربعة أشهر عندما وصل جيش حبشي من المشارق كما يقول (هولت) وطرد الأنصار في يوليو 1885م، استولوا علي المخازن وانسحبوا هم والجنود المصريين وأخذوا طريقهم عبر أكسوم ونهر تكازي (نهر عطبرة) إلي مصوع. ويذكر السير(قوين بل) (في الجيرة التي تقع علي نهر سيتيت (ألحّ علي السكان أن أقوم باصطياد أسد كان يهاجم ماشيتهم وكانت الأسود كثيرة في تلك المنطقة ولم تكن بندقيتي من النوع الذي يسمح باصطياد الأسود ولكن مع رجال الشرطة المرافقين لي بنادق من العيار المناسب .وبدأت محاولاتنا لاصطياد الأسود قبل حلول الفجر وكان يرافقني أحد القرويين وهو يحمل فأساً ضخمة علي كتفه وآخر ليدلنا علي الطريق ولعله لم يكن واثقاً من مقدرتنا علي اصطياد الأسد أو هو لم يكن متفائلاً في العثور عليه . طرقنا دروباً كثيرة ومتعرجة وصعدنا إلي أعلي الصخور وهبطنا إلي بطون الأودية علي ضفة نهر عطبرة وأخيراً وبعد لأي رأينا آثار لأحد الأسود ولكننا لم نستطع متابعتها وأخذ الإعياء منا كل مأخذ. فقررنا العودة علي أعقابنا وحتى لا نرجع للقرية صفر اليدين اصطدنا تمساحين من التماسيح التي كانت تهاجم الأغنام لقد كانت الأنهار في تلك المنطقة تعج بالتماسيح، وقد شهدت أعداداً كبيرة منها ترقد علي الطين في حافة الماء من طائرة حلقت بي عام 1932م علي طول نهر سيتيت واليوم نادراً ما نجد تمساحاً علي هذه الأنهار بفعل الصيد الجائر فقد كانت المنطقة تعج بقطعان الغزلان والأفيال والزراف وتصحرت أيضاً بفعل القطع الجائر ولم تسلم حتى أشجار الهشاب التي تنتج الصمغ العربي) . *ود زايد:- عاش الضبانية في هذه المنطقة (القبوب) كما يعيش البدو في شبه الجزيرة العربية يتتبعون مواطن الكلاء لرعي الماشية التي يعتمدون عليها كمورد رزق أساسي بجانب الزراعة أو كما ذكر الراحل د. عون الشريف قاسم (الضبانية هم من جهينة يسكنون البطانة جهة القضارف والقلابات إلي حدود الحمران وغرباً إلي نهر الرهد، ومنهم مزارعون وأرباب إبل، وقد اشتهروا بالكرم حتى صار يضرب بقدح زعيمهم محمود ود زايد المثل، ومحمود ود زايد كان والده ناظراً للقبيلة في التركية وهو من مواليد قرية (شرنوب) علي نهر عطبرة 1821م) . والقدح المشار إليه اسمه (السرتيك يعني القارب الصغير) يقال أنه يسع مالا يقل عن خمسة جوالات من الذرة تخبز عصيدة (لقمة)، حيث تنقل إليه بواسطة ست قداحة أصغر تسمي (الدمير)، وأن أحد هذه الأقداح الستة موجود الآن بمتحف الخليفة بأم درمان، وأن القدح (السرتيك) قد حطم إهمالاً زمن المهدية، وهناك رواية تقول أن (قدح السرتيك) قد وحّل عجلاً عندما كان مليئاً (بالقمة)، وفي ذلك يقول شاعر ود زايد . (في قدح الضحى إتوحل الحولي ) لقد كان يملاء السرتيك وقت الضحي ويأتي الناس أفواجاً ويأكلون كل الوجبات إلي الليل . قال شاعره عبد الله ود مرين في كرم محمود ود زائد :
مـن قومة الجهل مـن الكبار مـأمون يـانيل (الفرات) الفاض علي (سيحون) كان حـضر البرامكة مـا بقـصر دون وبالجـود والـكرم اشبـه لـي بهرون
وكان يأتي إليه المحتاج من بعيد لسمعته بين جميع قبائل السودان بالكرم والشهامة وها هو شاعره يقول: جيتك من بيعد واطي الجمر والشوكة محمـود يا صـمد اليجـنك الـروكة صـقر المبـتر القـرع الحبش من دوكة وذات يوم جاءت إليه امرأة من (العمارنة) تطلب العون والمساعدة وها هي بعد مدحه تقدم طلبها بكل ثقة وتقول : يامـلك الـعرب الفـوق تاجه بتقلب جيـتـك ولـيه مـني لا تـغـلب بدور (الجالة) الوهطية الفوقة بتهيب بـدور (المنـجة) أحـلب وأشـرب بدور طايع الرقيق المابقولو ليهو العب فكانت إجابة الناظر ود زايد (أبشري بالخير (حرم) كل القلتيه تلقيه) .
*واقعة صقورة :- سميت بذلك (واقعة صقورة) فبعد الموقعة مباشرة توافدت الصقور علي جثث الموتى . وكانت الموقعة في أواخر عهد السلطنة الزرقاء بين قبيلة الضبانية وقبيلة رفاعة الشرق (الحمدة) وهي تسكن شرق النيل الأزرق . وكان السبب الأساسي الذي دفع هاتين القبيلتين للقتال ، كان لديهم ذرة مخزونة داخل "مطامير" وتركت تحت مسؤولية الشيخ الدقلاش، ولما سافرت قبيلة الضبانية طلباً للمرعي في سهل البطانة، سمعت بأن رسولاً من قبيلة الحمدة جاء إلي الشيخ (الدقلاش) وطلب منه تسليمه الذرة، وبالطبع رفض الشيخ ولكن قبيلة الضبانية نظرت إلي الأمر بأنه مهانة للقبيلة ورجعت ورفضت أن تعطي قبيلة الحمدة حتى نصيبها من الذرة عقاباً لها ورداً لشرف قبيلة الضبانية. وكانت الواقعة التي مات فيها إثناء عشر ألف شخصاً من قبيلة الضبانية وسبعة ألف شخص من قبيلة الحمدة . ويعترض الناقد (أبو كليقة) علي قول المؤلف (إن هذه الموقعة أدت إلي إنقراض قبيلة الضبانية) ويقول (إن أعدادهم أصبحت أقل مما كانت عليه قبل ذلك وهذه حقيقة ولكن الذي أعتقده كحقيقة وواقع إن الذي أدي إلي نقص أعداد الضبانية هو الثورة المهدية، وخاصة أن زعيم القبيلة كان قد رفض الخضوع لحكومة المهدية فتم اعتقاله بواسطة قوة من جنود الأنصار، وقد أدي ذلك لتجريد قبيلة الضبانية من جميع ممتلكاتها من إبل وماشية وذرة إلي أن حدثت مجاعة انقرض فيها عدد منهم وهاجرت جماعات منهم إلي الحبشة وهكذا تشتت القبيلة) . للزعيم محمود ود زايد شاعر أوردنا اسمه وهو (عبد الله ود مرين)، وهو شاعر مغمور وليست له شهرة في أوساط القبيلة بل لا يعرفه إلا القليل وقد دار حواراً بين ود زايد وشاعره حول الذرة (العيش)الذي هو كل شيء لأنه الحياة ولا يجود به إلا الكريم الشجاع جاء فيها : (1) الشاعر ود مرين : سمح إن كدبوه وجاء المطر بالليل وسمح إن صفصفوه وجابوا الجمال للشيل وسمح إن يممموه يجيب الدهب بالكيل وسمح إن أكلوه الما بلك الحيل (2) ود زايد : سمح إن كدبوه وجاء المطر بالعم وسمح إن صفصفوه وجابوا الجمال للحم وسمح إن يممموه يجيب الدهب بالخم وسمح إن أكلوه عزيمته بين حرم وهناك شاعرة هي جارية ود زايد لها قصائد في رثاء ود زايد وشجاعته وكرمه وقد حازت علي شهرة كبيرة بين أفراد القبيلة، ولها قصائد كثيرة في الشيخ محمود ود زايد تغني بها أفراد القبيلة وهي الشاعرة (خادم الله جقرة) . *الاعتقال :- كان ود زايد في مقره (بالتومات) بنهر أتبره حيث صدر أمر الخليفة عبد الله سراً بتجريد قبيلة الضبانية واعتقال ود زايد. (ورد في مذكرات يوسف ميخائيل ص:136 ما يؤكد ذاك حيث كتب وفي سنة 1304هـ صدر أمر من الخليفة المهدي بحضور( كافة) أهالي الجزيرة ورفاعة أولاد أبو سن والضبانية ود زايد والعبدلاب ناصر ولد جماع) كان هناك أمراء بمدينة القضارف من جيش المهدية، حيث قاموا بمهمة الاعتقال وهم عوض الكريم ود كافوت –عبد الله الطريفي والحسن ود عبد الواحد لقد دارت معركة بين جيش الأنصار وبعض أفراد من قبيلة الضبانية بعد اعتقال ود زايد انتهت بقتل عدد منهم، واقتياد ود زايد إلي كسلا بصحبة ابنه محمد ثم أرسل إلي الخليفة بأم درمان، فأودع بسجن الساير في عام 1887م، حيث قضي بالسجن مدة أربعة سنوات . الساير هو (إدريس الساير من قبيلة الجوامعة في كردفان عينه المهدي رئيساً للمساجين وفيما بعد نسب إليه السجن العمومي بأم درمان). وفي هذا يقول عبد القادر سلاطين : " المرء في أم درمان يسمع مراراً وتكراراً من المارة في أقوالهم : لقد أخذوا فلاناً إلي الساير ومعني الساير عندهم هو السجن الذي يلقي المقبوض عليهم عذاباً شديداً ومجرد ذكر الكلمة يولد شعوراً بالاضطراب والفزع في نفوس سامعيها ." مكث ود زايد في سجن الساير حتى جاء العفو العام وعفي عنه ورجع إلي قبيلته ووجدها قد تشتت وتفرقت ولم تطل أيامه وفارق الحياة ودفن (بالمناصير) موقع بجوار قرية عصار جنوب مدينة القضارف .
Post: #76 Title: Re: مطمورة متروسة فتريتة مخزن متروس سمسم ولوبا وويكة - وبقرة ضرعاتها ملاينة - دولار شنو كمان Author: هويدا شرف الدين Date: 10-07-2010, 09:44 AM Parent: #75
عليك الله عاين للأزيار دي ما بترد الروح ، مش تقول لي موية صحه
قالو من عاشر قوما اربعين يوما صار مثلهم واكعب منهم
باقلي انت بقيت مسنوح برضو ، انا قاصده ذكاء والله بس الاستعجال ، لكن برضو وقت بقت زكاة ما ظنيت الزول دا بدفعها
سلامات هويدا
انا حمّرت الكلمة دي مخصوص على وزن إياك أعني... والله ليكي فطنة التقول مسنوحة...
المسنوح يدفع زكاة!!!
زول قرا الأولية والوسطى والعالي والجامعة كلها داخلي.. كدا خليهو يسدد مال الشعب السوداني ده أولا... أتاري المليارات الطالبننا ليها دول العالم راحت فيكم يا مسنوح!!
بعدين يا هويدا انت تعبانة تنزلي في الصور الجميلة والمسنوح يرشيك بالكلام المعسول.. لا تامني جانب المسنوح ده.. البوست بيمشي وبيقبل عليك في بوست آخر.. ولا تسمعي كلامي أنا ده رغم اني لك من الناصحين....
مالك علينا في صمة خشمنا؟ كان قلنا خرطوم يقولوا ضهاري و كان جينا للريف يسووا فوقنا سواتك دي! يحمد لكلكلة أنهاجمعت بين الريف و الحضر إلى وقت قريب حتى تمدنت و كانت أحب و أرحب المناطق لأهل البادية و الأقاليم حين تستقر بهم عصا الترحال في البندر. تحياتي
Quote: مالك علينا في صمة خشمنا؟ كان قلنا خرطوم يقولوا ضهاري و كان جينا للريف يسووا فوقنا سواتك دي! يحمد لكلكلة أنهاجمعت بين الريف و الحضر إلى وقت قريب حتى تمدنت و كانت أحب و أرحب المناطق لأهل البادية و الأقاليم حين تستقر بهم عصا الترحال في البندر
ات عارف انا جبت الكلاكلة لانك في بالي وفي بالي مشهد اخر بكاني بالدموع - وهو لما كنت مارا ذات يوم وسط احياء الكلالة القبة لقيت ليك رجل كبير السنى قروي الملامح يجر في هبابه من ضل لي ضل بدون يجد شافع او ولد يجرو ليهو - قطعت الشك انه ارغم تماما لسكنى المدينة لكي يكون خفيرا لمنزل اولاده الذين هاجروا لبلاد برة . احسست ان لسان حاله يلفظ بالسباب للمدينة وناس المدينة وتمنى فيما لو عاد لقريته تندلتي او الوساع او حتى البردانة ( قريتي) ليعيش وسط الاخوات والاحفاد تحت راكوبة ذات ظل تخين متمنيا ان يأتي له الاولاد عشان يقبضوا ليهو الديك اب علاعل ويسكوهو وعمك مستمتع بسماع كاك كاك كاك ويجوا الاولاد تارسين جنبو ساكين الديك والديك يتمايل مع منعطفات زقاقات الحي زى الطائرة العايزة تعمل لاندنج وكف الولد النجيض يخمش ليك الديك من تحت هباب عمك وتزيد بتسامة عمك ويقول للوليد هيييييييييييييييييييييع عافي منك .نواصل مع الديك اب علاعل
الله يديك العافية قالوا الأسعار ولّعت مين البطفّيها؟
Post: #95 Title: Re: مطمورة متروسة فتريتة مخزن متروس سمسم ولوبا وويكة - وبقرة ضرعاتها ملاينة - دولار شنو كمان Author: محمد عمر الفكي Date: 10-10-2010, 02:42 PM Parent: #94
والله يا جماعة تعرضوا وماعارفين الميت منو!!! سيد البوست دا مصدوم من يوم قالوا الدندر فيها بترول والبترول ما طلع في واطته، قام قال يمكن يجيهو تعويض حواشة وبرضو جلا الصدمة زادت قام قنع من خيراً فيها وقعد يكابس في الشدر الكبار الفيهو الصمغ قال عرسوا العاجئز عشان تجيب الجرارات للورثة حقتهن بعد عمر قصير، اها دي ذاتها وكت جلت وما لقى ليهو كرتوبة تقبله قام لكم على الدعول والسمسم والمطمورة. شايف البوست بدأ بمطمورة وانتهي بعرضة و M66 في النص (دي صواريخ ولاشنو)؟ غايتو يا عم الطيب شاحد لك الله في الحرم دا يجيك تعويض في صمة خمشك يخلي كسارين التلج واقفين صفوف صفوف وعشان ترتاح من الغربة دي وعشان نرتاح نحن ذاتنا، اصلك لو ماغنيت نحن واطاتنا اصبحت
غايتو يا عم الطيب شاحد لك الله في الحرم دا يجيك تعويض في صمة خمشك يخلي كسارين التلج واقفين صفوف صفوف وعشان ترتاح من الغربة دي وعشان نرتاح نحن ذاتنا، اصلك لو ماغنيت نحن واطاتنا اصبحت
انت يا سجم الرماد المسنوح اكان شحدتك لي الله بتجيب مريسة ام زين كان زمان وريت ناس المحرب عرض اكتافك وقنجرت عولك
بقوم بقبل عليك انت وفيصل خليل بالسفروق دا هسع بتطعنوا تراب
دحين فيصل هولك دا بيعرف السفروق
خليهو يجي مع عمو كمال الترلة يدونا معنى السفروق
السفروك خابرنو يا مسنوح.. ولو عندك شك فيه أوضح ليك... تلك العصاة الخشبية المفلطحة ذات الزاوية المنفرجة والأطراف الحادة بعض الشئ تجيد الدوران لضرب الضحية... خاصة الأرانب...
Quote: ات عارف انا جبت الكلاكلة لانك في بالي وفي بالي مشهد اخر بكاني بالدموع - وهو لما كنت مارا ذات يوم وسط احياء الكلالة القبة لقيت ليك رجل كبير السنى قروي الملامح يجر في هبابه من ضل لي ضل بدون يجد شافع او ولد يجرو ليهو - قطعت الشك انه ارغم تماما لسكنى المدينة لكي يكون خفيرا لمنزل اولاده الذين هاجروا لبلاد برة . احسست ان لسان حاله يلفظ بالسباب للمدينة وناس المدينة وتمنى فيما لو عاد لقريته تندلتي او الوساع او حتى البردانة ( قريتي) ليعيش وسط الاخوات والاحفاد تحت راكوبة ذات ظل تخين متمنيا ان يأتي له الاولاد عشان يقبضوا ليهو الديك اب علاعل ويسكوهو وعمك مستمتع بسماع كاك كاك كاك ويجوا الاولاد تارسين جنبو ساكين الديك والديك يتمايل مع منعطفات زقاقات الحي زى الطائرة العايزة تعمل لاندنج وكف الولد النجيض يخمش ليك الديك من تحت هباب عمك وتزيد بتسامة عمك ويقول للوليد هيييييييييييييييييييييع عافي منك .نواصل مع الديك اب علاعل
يا عمنا شيقا ديكك أبو علاعل ده طاردناهو فوق حيط الكلاكلة و في شوارعا حتى أتينا به لمصيره المحتوم .. قصة الغربة و الهجرة عامة.. و قصتك الحزينة التي رأيتها في مسقط رأسي (القبة) جزء من حالة لخصها ود المقبول رحمه الله;: طوريتك في الطين مرمية كوريتك يابسة و مجدوعة و نحمد الله الذي لا يحمد على مكروه سواه أنها ليست حكرا على بردانة أو الكلاكلات بأمانة خلال الخمس عشرة سنة الماضية لم أر السودان - الكلالة القبة إلا مرة واحدة قبل عامين و رغم ما سمعته و شاهدته من التغييرات إلا أنني لم أسمع بمثل قصتك الحزينة هذه.. لا تشكيكا بها لكن لأثرها الصادم علي.. فمهما بلغ التمدن لا أظن أحدا قد ينسى توقير الكبير إن أتيحت له فرصة ذهبية مثل هذه يا عمنا نحن نوقر كبار السن الأجانب ..خواجات على غيرهم..كيف نفوتها في عمنا ده تحياتي
المسنوح ود شيقوق ومعاهو ...... كانا في طريقهما إلى بلدهم الما عارفه نسيت اسمها يتخيل لي الرويانه ولا شنو وكان المسنوح يبحث في اللاب توب مستخدما InterNet Wireless. ، عن رد من ام عبد الله بعد الذكريات الجميله التي قضاها معاها في تقشير العونكليب حتي تكسرت اسنانه 
. فوجد رداً قصيراً‘ فهاجت به الذكريات 
