استغربت الناس واستنكرت كلام الحقنة والجالون وتوقعته قبل 5 شهور

في بوست تأرشف

دعونا من البكاء ... هذه مطالبي لاستحقاقات الانفصال .. كشمالي طبعا

كتبنا

Quote: النقطة الاخرى والتي تهم الشماليين هو شبه اقناعهم بأن الجنوبيين المقيمين في الشمال منذ وقت طويل لن تكون لديهم الرغبة في العودة مما يعني ان تتحمل دولة الشمال الصرف في التعليم والصحة والخدمات لحوالي 2 مليون جنوبي في الشمال وباقان اموم يسرح ويمرح بدخل بترول الجنوب براهو؟؟ لا يا عمك، خم ناسك ديل ولمهم عليك واصرف عليهم من جيبك يا كمان تدينا نسبة من بترولك قدر ناسك القاعدين في الشمال عشان نصرف عليهم يا بنطردهم او ما حنصرف عليهم تعليم وصحة وخدمات (كمواطنين) وسيعاملون معاملة الاجنبي ونلغي البند بتاع منح الجنوبي حق الاقامة في الشمال (اذا رغب) دي المهم، الحتة دي ح يكون فيها كلام كتير حار وشكل ونبز والله يعلم يصلوا فيها لشنو

وعلق شخص واحد هو اخونا ابراهيم النعمة

Quote: الاخ ابوعوف تحياتي:النقطة ركز فيها شوية ياخي وهل الحكومة الحالية تصرف علي التعليم والعلاج؟ حتي تطالب بجزء من مالية النفط ؟

وكان ردنا

Quote: سؤالك وجيه وفي محلو لكن يا عمك السياسيين ديل ما اصلهم بتاعين دجل، اهو مشاين في شوارع زلطنا وراكبين بصاتنا وبستهلكوا في كهربتنا وجازنا وسكرنا و و والخ هي نقطة ستستغلها حكومة الشمال لصالحها

اتوقع ان تتفاوض الحكومة مع الحركة الشعبية على كمية من البترول
على حسب عدد الجنوبيين الراغبين بالبقاء في الشمال

بالعربي، دايرين كم برميل بترول قصاد كل جنوبي في الشمال؟؟

بالحساب

طيب، حكومة السجم دي بتصرف كم على الفرد في الشمال؟؟

من خدمات وتعليم وصحة .... الخ

وكم جنوبي متوقع ان يبقى في الشمال اذا وقع الانفصال؟؟

هل الرقم 2 مليون مبالغ فيه؟؟

كده خلونا نقول مليون جنوبي

والحكومة بتصرف على الفرد 1000 دولار في السنة

يعني مليار دولار على الجنوبيين في الشمال

اذن الحكومة ح تطالب الحركة الشعبية بنسبة من البترول
بما يعادل مليار دولار في السنة

يا مافي لا حقنة لا يحزنون

لاجل ذلك كان سلفاكير يسعى لترحيل الجنوبيين من الشمال الى الجنوب

فالامر بالاضافه لكون له علاقة بالاستفتاء، لكن حقائق استراتيجية على الارض
(زي الحقنة) قد تفرض نفسها على الجنوب

اتوقع تصريح قريب من احد قيادات الحركة الشعبية على شاكلة

"اي جنوبي يقعد في الشمال ياكل نارو"

ابنعوف كيفك ياحبيب

كلام زول جاغم محاسبة صح لكن

هو ذاتو مما بقا في حساب زي ده
معناها الانفصال واقع واقع ..

تزداد الفجوة بين الاخوان الاشقاء اذا تحاسبو ماديا بجشع

لكن كلامك منطقي وتوقعاتك سليمة بس شيل حكاية 1000 دولار دي قول 10دولار
ياخ قول ماينص 10 دولار . وينو الصرف ده ياخ المواطن قاعد يصرف علي نفسو
بي نفسو ونحنا لينا عشرات السنين مرمين هنا بنصرف علي اهلنا لو اعتمدنا
علي حكومتنا كان مالمينا في اهلنا ذاتو تقول لي 1000 دولار


لكن ديل مابغلبو سبب
يازول ديل عملوا الابلكاش زي لون الحيطة بالضبط
ونحنا مساهرين برة فرحانين بنتيجة بكرة .. تتذكر



بابكر

زيكو يا رائع

Quote: كلام زول جاغم محاسبة صح لكن

النبي هسع اكان شالوني عضو في لجنة استحقاقت الانفصال والوحدة مش كان
احسن ليهم بدل البهدلة الهم فيها هسع دي لوووول

Quote: هو ذاتو مما بقا في حساب زي ده معناها الانفصال واقع واقع ..

بالجالون يا عمك

Quote: تزداد الفجوة بين الاخوان الاشقاء اذا تحاسبو ماديا بجشع

ياخي ديل فاتو الجشع بي هناك، زول الله خلقو يقعدوا يتحاسبوا فيهو جنس الحساب دا
عالم ما صحيح ما بتخجل

Quote: بس شيل حكاية 1000 دولار دي قول 10دولار ياخ قول ماينص 10 دولار . وينو الصرف ده ياخ المواطن قاعد يصرف علي نفسو بي نفسو ونحنا لينا عشرات السنين مرمين هنا بنصرف علي اهلنا لو اعتمدنا علي حكومتنا كان مالمينا في اهلنا ذاتو تقول لي 1000 دولار

كلام سليم، انا غايتو الحكومة دي ما بتصرف علي مليم، وهي ما صعبة
بنمشي نجيب الميزانية ونشوف

Quote: لكن ديل مابغلبو سبب يازول ديل عملوا الابلكاش زي لون الحيطة بالضبط ونحنا مساهرين برة فرحانين بنتيجة بكرة .. تتذكر

اها، من جنس حركاتم دي بقينا نعرفهم بفكروا كيف

الانا نستغرب ليهو يا زيكو اخوي، لحد هسع في ناس فاكرينهم ليك ناس الله؟؟!!

تحياتي يا حبيب

لكن ما قلت لي،اكان سالوك، داير كم برميل بترول قصاد كل جنوبي في الشمال؟؟
بتقول شنو؟؟

Quote: وهي ما صعبة بنمشي نجيب الميزانية ونشوف

حاتلقا نفسك (دائن) يابوحميد شوف كم مرة مشيت السفارة هنا عشان تدفع

Quote: لكن ما قلت لي،اكان سالوك، داير كم برميل بترول قصاد كل جنوبي في الشمال؟؟ بتقول شنو؟؟

عادي تبيع اخوك
تصادق عدوك
ترسم حدودك
تضيع حقوقك
تقسم ضميرك ..
تبكي بالوجه الضحوك
لسانين
واحد يقول جهرا احنا واحد
والتاني سرا ينعل ابوك



زيكو

تحياتي ابوبكر اخوي

Quote: عادي تبيع اخوك تصادق عدوك ترسم حدودك تضيع حقوقك تقسم ضميرك .. تبكي بالوجه الضحوك لسانين واحد يقول جهرا احنا واحد والتاني سرا ينعل ابوك

كيفك يا اخ ابنعوف...

انت مبلغ ال1000 دولار جايبوا من وين؟؟

يعني الحكومة دي بتصرف علينا 1000 دولار لكل فرد....

شخصياً ما شايلني شك انو اي واحد بصرف على الحكومة دي 1000 دولار ((والحساب ولد))

يا عزيزي البحصل دا ملهاة بحق وحقيقة..ومن سخريات القدر انو مصير البلد في يد

حفنه من الساسه هكذا تفكر!!

سيأتي يوم ونستخدم هذه العبارة التي قالتها ام آخر ملوك غرناطه..


((نعم فلتبك كالنساء ملكا لم تستطع أن تدافع عنه الرجال".

مع فارق الدلالات والمعاني...

الاخ الامين
تحياتي

Quote: ((نعم فلتبك كالنساء ملكا لم تستطع أن تدافع عنه الرجال". مع فارق الدلالات والمعاني...

ما فارق، نفس الضياع، شوف معاي هنا، بوست ايضا تأرشف

هل اضاع بنو كوز الجنوب كما اضاع بنو نصر الاندلس؟؟

Quote: انت مبلغ ال1000 دولار جايبوا من وين؟؟

دا رقم تقريبي، وسط
الرقم الحقيقي الذي سوف يستخدم هو تقريبا 2465 دولار

شوف زي دا

السودان الـ (14) عربياً في نصيب الفرد من الناتج المحلي ...465 دولارا في العام)

انت قايل الكيزان بنشروا كلام زي الهباب دا في التوقيت دا لييه؟؟

تحياتي وشكرا لمرورك