غير المسكوت عليه

السلام عليكم و رحمة الله و بركاته . . . بعد الارشفة

http://www.facebook.com/note.php?note_id=439838490839



------------

يا بكري لسه آي هيت يو سوووووووو مطش

ميسون حسن مطر . . .

غير المسكوت عليه

منذ بضعة شهور ..راودتنى فكرة كتابة "مذكرات" بهذا العنوان. وكان أختيارى لهذا العنوان بالذات له ما يبرره.. "المسكوت عليه" ، هو كل ما نحاول ألا نفكر فيه أو لا ننظر اليه بنظرة صادقة...

...


(1)

السودان: أربعة أشهر..الا قليلا

هذه الأيام ... بكائيات محرقة تضج فى المكان. الجميع متخوف مما تحمله الأيام ، وروائح الأنفصال عابقة بشده..البعض يجدها مزعجه جداً كرائحة أمعاء جثة ###### أنفجرت تحت تأثير حرارة الشمس فى الطريق العام، وتلفح أنفك رائحتها من حين الى آخر..دون أن تعرف مصدر أنبعاثها.
والبعض الآخر ...يجدها أحلى من شذى الزهر.

..

قبال يومين تحديداً...صديق فى الفيس بوك..لاقيتو فى الشات ودار بيننا الحوار التالى:

- ميسون..ازيك؟
- أهلا يا أبو حميد
عاملة كيف ؟
واللاى مناسبة...ما كعبه وما كويسه *
هههههه ..أها؟ ..البلد قسموها ولا لسه؟
ياتو بلد؟
يابت انتى ما نصيحه؟؟..انتى عندك كم بلد؟
أنا؟ ..ولا واحد

ليه؟ ..أوع تكون قايل عندك بلد؟ .....بلدك سرقوها الارزقيه زمااان ..وبلعوها الكيزان

وبعدين تعال هنا؟..شنو قسموها وما قسموها

بلدك يا أخوى...مقسمة ..خلقة الله

سجم خشمك

-
- واللاى سجمى أنا ده

ههههه
.....................

2005

راكبه فى الحافلة..فى بحرى..اتفاقيه السلام تفوح فى المكان..صور الدكتور جون قرنق دمبيور..كبيرة وبالألوان تظهر وقاره ولمعان لونه الابنوسى....وجمبها صورة السيد الرئيس عمر البشير مبتسم كل الابتسام "لحدوت ضرسو المافيش" ..ولابس عمه قيافه...أو..صورة تانيه لابس بدلة الديش

ورأسى يضج بكل علامات الاستفهام والتعجب المتوفرة...هيى؟؟ ..لكن ياخ جون قرنق ده ما قالو زول كعب!!...وبرنامج ساحات الفداء والشهداء ...والمتمرد الخاين جون قرنق ..الدايمن يجيبوهو فى البرنامج ومعاهو صورة "قرد" شين شنه مَرة...هسه الزول الكان "كا كا" بقى "عسل"؟؟... من المتمرد بقى الدكتور؟؟
سبحانه مغير القلوب والأبصار ..وأشياء أخرى...ونعيش ونشوف . . . !!!
لكن عموماً..لم يمهلوه ولا حتى قليلا...ومات فى حادث مفجع ..شهر ما تماهو...ومات من مات من جنوبى وشمالى ....

__


جنوبى و شمالى
الزول ده "سودانى" ياخ !؟ ..

لمن تقول كلمة "سودانى" وانته توصف شخصا ما...يكون ما تقصده أوما يستنتجه المستمع ، أن هذا الشخص من شمال السودان... لا أظن انه حدث أن وصف شخص ما ..شخص آخر بأنه سودانى ..وكان يقصد شخص سودانى من جنوب السودان
حقيقة..غير منكرة ولكن مسكوت عليها..فالسودانى بالضرورة هو الشمالى ..اما الجنوبى فهو جنوبى ..وبس
فاذا كانت هذه نظرتك للأمر...فهذا هو الواقع المؤسف ..وانته ما ح تكون خالفته الواقع ..ودى اللغه المستخدمه كده...

...

لم أكن أعرف هذا المذاق قبل ان أسافر الى "جنوب أفريقيا" ..حيث نيلسون مانديلا الأسطورى..وتاريخ من النضال من أجل الحرية..وحيث يتجسد الأبيض والأسود فى وضوح ساطع..
عرفت هنا طعم العنصرية...عرفت كيف تشعر اذا كنت تعامل على أساس أنك مخلوق من الدرجه الدنيا.....وانك يجب ان تكون أبيض اللون ومسارالدورة الدمويه تحت جلدك واضح للعيان..حتى تصنف فى الدرجة العالية الرفيعة..وتحظى باحترام خاص جداً.

وكلما زاد سوادك ..زاد غبائك بالضرورة..
...

فى كيب تاون..عدد غير قليل من طلبة الدراسات العليا من السودان...وقلة مميزه جدا من جنوب السودان. كلما ألتقينا دار الحوار ودار ودار ..حول الأنفصال وما فيه من خير وشر.
رأيهم أن الأنفصال أمر مهم وحتمى..
أنا ما داير بت بتاعى يقوم فى مجتمع يعاملو على أساس انو "سيكند كلاس".أنا دايرو يكون عايش حياة كريم بدون عنصرية
الكلام ده غلط؟؟... طبعاً ما غلط ..وصاح شديد كمان. لأنو ببساطة السودانى الجنوبى مهما أتعلم ..السودانى الشمالى ح يعاين ليه بى نفس النظرة الدونية ..ياخ الجابرو شنو؟ .
الجنوب أخضر وخيراتو ضاخه..والشمال يزداد تصحراً وحكومة متأسلمة تنخر فيه وفى خلق الله.
السودان ..طارد جدا..كأقوى مستحضرات طرد الباعوض..وشبابه كما الباعوض تماماً ....موزعون فى ارجاء البسيطة..والذين مازالو فى السودان ..منغمسون فى الاعمال الطوعيه والمنظمات الخيريه وما الى ذلك..
ونهر النيل ..ماؤه مخضوب بدم من مات من ابناءه فى حروب عقيمة..شنت بأسم الدين ..أو العرق.
السودان..مستقبل باهت تماماً..واحلام مجهضه.. وبعض اشلاء..
ورغماً عن هذا ..لافتات رخيصه ..تحمل خارطة السودان وفوقها بخط أحمر .."السودان ليس للبيع"... ليس للبيع
ليس للبيع
يا الله هووووى ...
---

انفصال

جنوب السودان..يدفع ثمن ذنوبا لم يرتكبها
وله كامل الحق أن يعيش هانئ البال ..بعيد عن أنانية الشماليين

-------------

http://www.facebook.com/note.php?note_id=439838490839
و الوجوه ويعض علامات الترقيم من الرواي خصوصأ دا *

Quote: وروائح الأنفصال عابقة بشده..البعض يجدها مزعجه جداً كرائحة أمعاء جثة كـلــب أنفجرت تحت تأثير حرارة الشمس فى الطريق العام، وتلفح أنفك رائحتها من حين الى آخر..دون أن تعرف مصدر أنبعاثها. والبعض الآخر ...يجدها أحلى من شذى الزهر.

قيقراوي تشبيه غاية في الدِقّة ...!!!!
تعرف ؟؟! كنت ناوي أفتح بوست
لكن خليني ساكن هنا بالإيجار معاك
أول هام تحية للكاتبة (الصادقة) ميسون مطر
وثاني هام إعتذار واجب وإحترام لقيادات الحركة الشعبية
قاتلوا لما ارادوا
ونالوا ما ارادوا
وأوفوا لشعبهم إستحقاق النضال
مبروك للجنوب الإنفصال والإعتذار أنني ممن غضبوا من الحركة
بزعم أنها (باعت) الشمال حيث تصورنا أنها ستعمل على حلحلة قضايانا السياسية
هي وبقية القُوى السياسية
ولكننا تناسينا أن لها وعد أهم تجاه شعبها
وهي ملزمة بالوفاء به
لهم التحية
والإعتذار عن غضبة (غبية) منّا
ونسال الله لبقية البلد الإستقرار ...!!!

والله يا قيقراوي نقاش جميل مسئول ومووزن
الله يديهم العافية الشباب ديل
البلد لسه بخيراتها الكتار

Quote: تعرف ؟؟! كنت ناوي أفتح بوست لكن خليني ساكن هنا بالإيجار معاك أول هام تحية للكاتبة (الصادقة) ميسون مطر وثاني هام إعتذار واجب وإحترام لقيادات الحركة الشعبية

ابو حميد
ازيك ياخ

يا زول تفتح بوست تاني ليه . . البوست بوستك يا حبيب
بعدين ياخ رفقاً بالباندويدث ياخ !؟ . . هو بكري بلقاهو واقع قاليك و لا شنو !؟
علي بالحلال ما تطلع من هنا . . اها يا الحبيب ليك اللحم و لينا العضم . . هو ذاتو انا واقف من هنا و الزمن ممحوق و النفسيات تحت الخط الاحمر ذاتو !!
لكن . . .
مع ذلك و برغمه و لأنو في سانين دي عندي قول ، بجيك بي مشهادي البي هناك داك ذاااااااتو
خسمتك بالنبي كان تطلع
اوعك تطلع

نرجع لأول هام
و دا المهم ذاااااااااتو

Quote: أول هام تحية للكاتبة (الصادقة) ميسون مطر

و دا بقودنا لـ ( الدييل ) الفتحنا ليها البوست دا ذاتو . . .
رايك شنو تدعم قضية باسويرد للاستاذة / ميسون مطر ؟



-----------

يا بكري ياخ اسحب باسويرديني دا و اديهو لميسون . . .
امكن تحدس فرق في اتجاه تغيير مأمول !؟
إمكن ؟

كان قلت خير برسل ليك المعلومات المطلوبة

Quote: ياتو بلد؟

لووول
يبدو إنو ميسون من رواد المدرسة اللولزمية!

ـــــــــــــــــــ
شوق بايت
وللحد فايت
من الربع الفايت
لعمك قيقا بايت

لقيتني كيف في المربعات؟

Quote: لووول يبدو إنو ميسون من رواد المدرسة اللولزمية!

لووووووووووووووووووولز @حبيبنا اشرف . هالابي
يا هلا بي و بيك في ساحات البت الحديقة ميسو
و ميسو في اساطير الاولين و الآخرين هي مطر ملون
بت دغرية . . سمراء . . و واضحة
بتدفق و ما بتبقى رقراق . . يا ضل يا شمس
شفت كيف ؟
و حيث لا حياد سلفاكير : لن اصوت للوحدة . ، ما بتقيف بين بين كلو كلو

ما قلت لي !؟
انت معانا و لا مع الخيانة ؟
مع تحذير واضح و صريح و المستمد من الادب الشعبي :
العفش داخل البص على مسئولية صاحبه .
( مقولة مجهولة الكمساري . . اقصد القائل )
او في روايتها الاسفيرية :
[ الاراء داخل البوست على مسئولية صاحبها ( المعرّف )- يا قول حبيبنا الحبشي - الشاتها ]
او كما قال سيدنا بكري - قدس الله سره :

Quote: [ الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها ]

Quote: شوق بايت وللحد فايت من الربع الفايت لعمك قيقا بايت لقيتني كيف في المربعات؟

مسكين الشوق ذاتو . . لكن لقيتك زي ي ي القديم كدا !؟
مربعات دا هناك في البلد اسي بقت مرادمات ؤ كدا
شوف مرتضي احمد عبدالقادر (مورتا) ....! ، و ( مورتا ) كما روي عنه في أدب المرادمات

Quote: مواصلة للمرادمات : ومورتا ياناس جانا مارق قال مواعد وقال مربط مرة طالع ومرة نازل والبنية سميحة زينة حالمة بي عالم مثالي ومورتا شغال بالتثاقف مرة يحكي ومرة يضحك ومرة يسرح في القضية مورتا يحكي عن النضال ومرة مرة عن الهوية ــ والساقية لساااااااااااااا مدورة

اردم شوق ؟
سعيد يا حلبي بطلتك
انت زول مبهج ياخ . . يديك العافية
يا هلا بي بيك الف يا هالابي

-----------

ياخ ما تدعم نضالنا ضد بكري دا ياخ
اتضامن معانا في " دييل الباسويرد " دا ياخ !؟
احسن ليك تقدم السبت . . في كراكير حوش بكري دا بتحتاج لي تضامنا معاك يوماً ما

لماذا لا يخرس الشمال ؟!!

Quote: ياخ ما تدعم نضالنا ضد بكري دا ياخ اتضامن معانا في " دييل الباسويرد " دا ياخ !؟ احسن ليك تقدم السبت . . في كراكير حوش بكري دا بتحتاج لي تضامنا معاك يوماً ما

بالحيل حأحتاج للتضامن دا يوماً ما
خصوصاً لي مدة عاوز أسل ضنبي الإسفيري وما لاقي لي لوبي!
يا زول ديلك دا وقع لي في جرح، خلاص دييل يا مان

باش مهندس بكري: نرجوا منك التكرم بضم القلم الجريء ميسون مطر

يا قينا ما أحبطك لكن سمعت زول نهاية ندوة مركز الخاتم عدلان بقول لي بكري "براسل فيك من بداية الألفية عشان الباسورد وإنتا مجليني!"
فتأمل!!

مشتاقين يا هالابي ياخ
الشوق مطر
و شكرن لي هطولك . . . في رجى المطر
ما نجيك في شينة ان شاء الله . . . يوم دعمك ما يجي انت يابا

Quote: يا قينا ما أحبطك لكن سمعت زول نهاية ندوة مركز الخاتم عدلان بقول لي بكري "براسل فيك من بداية الألفية عشان الباسورد وإنتا مجليني!" فتأمل!!

ما انصحك يا ابو الشوش
ما انصح حبيب كلو كلو

يا زول التأمل ما بفيدك
اتأملنا لمن فترنا ذاتو

الصورة مقلوبة يا عمك هنا . . . آند ذات إز وييير !!!
حيرونا رسمييييييييييي

قال ليك واحد ( غريب ) مشى ليهو مدينة . قام سكاهو كَـلِـب ، دنقر يشيل ليهو حجر يفلقوا بيهو الحجر لاصق في الواطة دي ابى يتقلع كلو كلو !!
فتأمل . . . و تأمل . . و تأمل . . . كررها ثلاث ( ودي من عند الراوي او قيل قيقا راوي في رواية اخرى )
و لمن فتر من التأمل زي حالاتنا كدا و اكتشف انها ( حاجه مؤلمه جدا ! ) ، قال بأسى شديد :
غريبة !! . . . بلد تربط الحجار و تفك الـ#####*



--------------

* التشفير من عنديات ما كتبت أي حاجة غير ##### . . .
دقست ليكم رقيب بكري . . . بيدي لا بيد الرقيب . . . يلقاها عند الغافل دي

Quote: قال ليك واحد ( غريب ) مشى ليهو مدينة . قام سكاهو كَـلِـب ، دنقر يشيل ليهو حجر يفلقوا بيهو الحجر لاصق في الواطة دي ابى يتقلع كلو كلو !! فتأمل . . . و تأمل . . و تأمل . . . كررها ثلاث ( ودي من عند الراوي او قيل قيقا راوي في رواية اخرى ) و لمن فتر من التأمل زي حالاتنا كدا و اكتشف انها ( حاجه مؤلمه جدا ! ) ، قال بأسى شديد : غريبة !! . . . بلد تربط الحجار و تفك الـ#####*

لايك يا مان

يا قيقا
ميسون راسلت بكري بالخصوص؟
وارسلتو كم مرة؟
هنا مربط الليكزس.

نكون عمليين شوية:
احتمال كبير بكري ما يكون قرا البوست دا
العمل:
ميسون ترسل لبكري طلب انضمام اتاشد وذ كم لنك لكتاباتها في الفيسبوك
وتراسلو على عنوانو الأوحد ([email protected])
ولو ما رد ما تزهج وتكرر المراسلة كل راس اسبوع لمن يعرف حاجة
لكن لو من تاني ولا تالت مرة كرامتها وجعتها وأخدت موقف المسألة حا تكون صعبة
حاجتين وين يو دييل وذ لازم تخت كرامتك كنب: ابن الذين الحب وباسوورد بكري
شفنا مهارتك في الكتابة ياللا ورينا مخزونك من مهارات سيدنا أيوب
يا ميسون: ما ضاع باسوارد وراو مطالب\ـة
أي نعم حق!
ما سيد الحوش قال حوشو مفتوح للكل

كمان يا قيقا لو فتحت بوست بعنوان واضح "باسورد لميسون مطر يا بكري" مثلاً، بنضمن إنو بكري يكون أخد فكرة

ياخ مشكور على الهدية دى , تراك لسه فيك خير
مشتاقين ليك و الحلبي الواقف جنبك ذاتو

Quote: ياخ مشكور على الهدية دى , تراك لسه فيك خير مشتاقين ليك و الحلبي الواقف جنبك ذاتو

اتحداك يا عصام

و دا في قصة الشوق

اما بعد
شكرن ليك انت دا ذاتك على ايميل رمضان داك !! . . . متذكرو
بتاع لقيتني كيف ؟

لقيتك زي الواطة دي

ليك مدة ما بنتا و ان في اشتياق لي شوفتك . . . الخ
مشتاقين كتير و الله



-----------

الحلبي دا ياخ انزلناه منزلة الحبيب . . . و هذي لا يلقاها الا ذو حظٍ عظيم
شفت كيف ؟

خليك في الجوار يا حبيب

Quote: كمان يا قيقا لو فتحت بوست بعنوان واضح "باسورد لميسون مطر يا بكري" مثلاً، بنضمن إنو بكري يكون أخد فكرة

وأنا بضمن ليك البوست البتقترحه ده يلحق أُمات طه
خلي الطب مدسوس هنا
ويا قيقا وريها قصة تبقى للريس في حلقه
تصدق يا حلبي ؟؟!
مرة إفترعت بوست طلب عضوية
إتشات من بداياته
وقربت أنا ألحق أُمات طه زاتو
باسويردي تقل
وكمبيوتري تقل
ماعارف فايروس ولا زعلة ريّسنا !!!
والله بجد يا قيقا الشابة دي عندها لغة فخيمة
وتستحق ترحيلها من فيافي الفيس لرحاب الحوش
وأها تتحسب قلم مع الجماعة الضد الجماعة*

ــــ
مافي زول يسألني الجماعة ياتهم ضد الجماعة ياتهم
لأني زاتي ماعارف
لكن حاسي بس !!!

Quote: وأنا بضمن ليك البوست البتقترحه ده يلحق أُمات طه خلي الطب مدسوس هنا

بالله كلمو يا ابو حميد
كلم لي ابو الشوش دا دبل ياخ !
ح نخليهو . . . ح نخليهو . . . خلوهو التراجمة يا قول امي التومة
نقعد نجغمسة لابلصعة دا فتكاً بالابانة لمن ما يعرف دايرين شنو و ما دايرن شنو ذاتو !!
يقوم كدا كف نف يديها الباسوورد

Quote: مافي زول يسألني الجماعة ياتهم ضد الجماعة ياتهم لأني زاتي ماعارف لكن حاسي بس !!!

حتّ ني

لكن العارفو عن الاميرة ميسون بت الخليفة حسن مطر
( الاحمر لزوم التأمين ؤ كدي )
و كلنا تامين
ان شاء الله كمان دايمن تامين
تريتا تيرا رااراء راااااااااراء

Quote: النبذة الشخصية كالآتى ميسون مطر... ولدت فى مدينة أم درمان سنة بدرى "####" .. وترعرت فى الخرطوم . تلقت تعليمها الجامعى فى جامعة الخرطوم وتخرجت 2001 سافرت فى العام 2007 الى بلاد الشيخ مانديلا رضى الله عنه وأرضاه .. طلباً للعلم وأشياء أخرى فى نفس يعقوب. فوجدت العلم ولم تجد يعقوب. لها كتابات متعددة ومعدودة. اها وقومى يا المرة موتى

باقي التفاصيل لا تخص الراوي . و لا قيقا راوي ذاتو!!؟ . . .


اها صورة حالية و صورة مستبّصرة بعد عشرين سنة كمان . . . المافي شنو !؟ . . .
قصرت معاكم ؟ . . . يقصر الملح

---------

يا اشرف ياخ خلينا ليك الباب متاكأ ساي ما رسلت ذاتو ياخ !!
اها اسي عقبنا حرامي على الدار و شال الفي و خت المافي

Quote: حاجتين وين يو دييل وذ لازم تخت كرامتك كنب: ابن الذين الحب وباسوورد بكري شفنا مهارتك في الكتابة ياللا ورينا مخزونك من مهارات سيدنا أيوب يا ميسون: ما ضاع باسوارد وراو مطالب\ـة أي نعم حق! ما سيد الحوش قال حوشو مفتوح للكل

الحاجتين زيدن واحدة . . . الدعوسية . . . دي ذاااااااااتا كمان . . .
تواتر عن خبراء الاغتراب ( انو تخليها بهناك بحر أحمر دا . . . بجاي ما بتفيدك في أي ي ي ي شي !! )
و خلي الباب مفتوح . . . هي ذاتو حلاوة كرامة دي بقت دقة قديمة في العصر العلينا دا و العصر الفيهو

لكن البقنع الكاتب المفكر و الباحث د. أمين نفعنا الله بعلمه و مدنا بمدٍ منه متصل شنو !؟
و انت عارف انو مفكر زيو كدا ، لازمن و لا بد و حتمن لازم يمارس ( التأمل ) حاجه مؤلمه جدا !. . .
اها قام يتأمل و يتفولح جاب ضقلا يتلولح كلو كلو !!
و معلوم بالضرورة إن ما يؤلم كتابنا و مفكرينا بالضرورة يؤلمنا . . . هم ناقصين ياخ !؟ ما كفاية آلام التفكير !!!؟

ورد في الاثر :

Quote: Quote: كتب خالد عباس الطاهر ( خالد مونيكا ) : Quote: كتب عماد بوصالح * قائلاً بعد أن خرجت البشرية جريح من مشوار التثوير الطويل لاذ الكاتب بعالمه الخاص يتأمل ويتعلم من تأملاته أن الديناصورات بوحشيتها الأسطورية هي التي انقرضت وعاش النمل كائناً رقيقاً يموت أن مسه الماء عاش حليفاً للسكر واحتل سورة خاصة باسمه في ذاكرة تسمى القرآن الكريم

رواه قيقا راوي .


------------

أمين تأمل في الصورة الاب صايد داون دي فاصابته هاء السّكت - تو . . . فسكت

Quote: إذا كنا نكتب ليحزف بكري : فلنصمت إذن !!

برضو تقول لي تأمل يا حلبي
بخسرك تاني لو قلت لي تأمل
داير تغتس حجري ذي الدكتور !؟

اسمع بخلي ليك باب المسنجر متاكا . . . لز ايميلك . . . المتعة مضمونة

متعة والله يا قيقا
المقعدكـ معانا شنو؟

Quote: اسمع بخلي ليك باب المسنجر متاكا

قُلتَ كَدِي! وفّرت علي مشوار؛ دحين أمسك عِندك:

1. حوار الكشكاران: ياخي كُنت داير أجيب معاي كيس فواكه للوليدات ديل. ياخي ما كان في داعي. ياخي خلّيهم ياكلو!...وأكان ما أخاف التحريف أقول القفلة: المافي شنو! أها كُنت داير أجيب ليك غنية ترحيب (عاجبـاني) في بوست "السلام عليكم ورحمة الله وبركاته" بَس لقيت الإمام دا (الذي "لا يجرؤ" أحد غيرك يقول ليهو آي هيت يو سوووووووو مطش وفي بيتو كمان) سلّم.

2. كراش الساعة 9 على MBC2 بكرة الأحد العاشر من أكتوبر (دحين كان في كراش آخر في اليوم دا وألاّ أنا مطشّش!) والبائس المليونيرعلى MBC MAX يوم الثلاثاء E-طناش أر أكتوبر أكان تسعة تراها تزعة (أكان ما تِسعى بتكون حداشر). العلاقة؟ ظنّيت في علاقة مع بوستيك دا لكين ما داير أتورّط في نوع "الإلحاد" البخلّي الناس تقول لي سيد الوداعة "آي هيت..." اللّخ... اللّخ... اللّخ وليك اللحم ولينا العضُم! غايتو الفلم الأوّل يعلّمك تتعوّد على الأسئلة الصعبة والتاني يعلّمك إنّو اجابات الأسئلة الصعبة توجد في شكل الحياة التي تعيشها والفيلمين يعلّموك الرضاء بالأسئلة الصعبة وباجاباتها وبالحياة التي تحتوي كلّ ذلك.

مشاهدة طيّبة حبّذا لو كانت من (سينما) منازلهم.

Quote: قُلتَ كَدِي! وفّرت علي مشوار؛ دحين أمسك عِندك: 1. حوار الكشكاران: ياخي كُنت داير أجيب معاي كيس فواكه للوليدات ديل. ياخي ما كان في داعي. ياخي خلّيهم ياكلو!...وأكان ما أخاف التحريف أقول القفلة: المافي شنو! أها كُنت داير أجيب ليك غنية ترحيب (عاجبـاني) في بوست "السلام عليكم ورحمة الله وبركاته" بَس لقيت الإمام دا (الذي "لا يجرؤ" أحد غيرك يقول ليهو آي هيت يو سوووووووو مطش وفي بيتو كمان) سلّم.

و قي حوار الكشكاران برواية اخرى ورد رد أبو كشكرة الدولي بحزم هكذا : ما تحرمي الوليدات ياخ! . . ياخ ما تخليهم يستمتعوا بالهرمونات دي ! . . . المافي شنو !؟
رواه قيقا راوي
اها شن قولك ؟
شكراااااااان كدا على هي و هاي و هو
مدد يا بدوي . . . مدد

اما قبل . . . أو في شأن

Quote: أها كُنت داير أجيب ليك غنية ترحيب (عاجبـاني) في بوست "السلام عليكم ورحمة الله وبركاته" بَس لقيت الإمام دا (الذي "لا يجرؤ" أحد غيرك يقول ليهو آي هيت يو سوووووووو مطش وفي بيتو كمان) سلّم.

ياخ بكري فهمني غلط في خصوص " السلام عليكم ورحمة الله و بركاته " قايلني ماشي . . . ياخ انا كنت جاي !!
ما قاعد يقرأ يا بدوي . . . ما بقرأ . . . و العهدة على حموودي دا :



غايتو كان حمودي دقّسنا . . . تبقى شربانة زيت و جايبة نفاخ كمان !!

Quote: 2. كراش الساعة 9 على MBC2 بكرة الأحد العاشر من أكتوبر (دحين كان في كراش آخر في اليوم دا وألاّ أنا مطشّش!) والبائس المليونيرعلى MBC MAX يوم الثلاثاء E-طناش أر أكتوبر أكان تسعة تراها تزعة (أكان ما تِسعى بتكون حداشر). العلاقة؟ ظنّيت في علاقة مع بوستيك دا لكين ما داير أتورّط في نوع "الإلحاد" البخلّي الناس تقول لي سيد الوداعة "آي هيت..." اللّخ... اللّخ... اللّخ وليك اللحم ولينا العضُم! غايتو الفلم الأوّل يعلّمك تتعوّد على الأسئلة الصعبة والتاني يعلّمك إنّو اجابات الأسئلة الصعبة توجد في شكل الحياة التي تعيشها والفيلمين يعلّموك الرضاء بالأسئلة الصعبة وباجاباتها وبالحياة التي تحتوي كلّ ذلك. مشاهدة طيّبة حبّذا لو كانت من (سينما) منازلهم.

نشوف و نقارن . . . زي ما جاء في كتاب الصعوط الممتاز لصاحبه ود عماري

و بالمرة نجي نشوف ليه قيقراوي أوي أوي وسنيّة ميّة الميّة ؟
و ليه قيقراوي بقى اوي اوي . . . و كيفن سنية بقت مية مية
انا برضو آي هاد آ دريم يا بدوي . . . المافي شنو !؟ ( زمان ) . . . زمن الاحلام كانت ممكنة . . . و الاغاني ممكنة
بس عشان ما ساعدناهو بجكة . . . اسي بقى المافي كتيييييييييير . . . اول المافي زمننننننننننننننننننننن . . . ما في زمن . . . للأسف انتهى الزمن المخصص للنماء . . . و ابتدأ الموت الاضافي .
عديناها هويلوجيا و غاغة و صحراء و نيل بيفيض و نحيض نحنا . . . و غاغ غاغ لمن دار ابونا اتهدت فوق راسنا و ما شلنا لينا فيها شلية .
الله في

وراجعين . . . راجعين


-----------

إن شاء الله بس ما تتعارض مع برنامج القراية ام دق بس . . . فضلة خيرك أبوي، اخوك اليومين ديل قرر يعمل ليهو CMA يستر بيها حالو مع الناس وكت حلمو القديم اتبدد . . مش أخير ؟

Quote: متعة والله يا قيقا

هاك استمتع أكتر. . . المافي شنو !؟

داندورمة بروح " سعاد " - خالد مونيكا *

Quote: المقعدكـ معانا شنو؟

حدي معاكم جية ميسون دي بس
ما عشان كدا قولنا ديييييييل
ماشين هناك سودان الجميع مع الراسطات الكبار . . . حسن موسى و حسن اولئك رفيقاً



--------------

و مونيكا . . . ليست " مونيكا ليونيسكي " . . .
لا ياخ !؟ . . . ديك مونيكا بتاعت كلينتون ياخ !؟ . . . نسيت و لّ شنو !؟

مونيكا . . .

عن مونيكا كتب حبيبنا ابو ذر النضيف صلاة الشوق عليه :

Quote: ومونيكا زنجية لإنفجار موقت في النسل وسط الدنيكا .. الباريا بإبن يشرب المريسة وهو نجل المندكور الموعود ...

و اضاف

Quote: لابد ان أوضح شئ حتي لا يلتبس علي الجميع .. كتبت خماسية مونيكا قبل فضيحة مونيكا الامريكية بسنين طويلة .. وليس لها علاقة بها

و سكت . . . و سكت . . و سكت
حتى قلنا ليته لم يسكت - بالمناسبة ابو ذر بوردابي زعلان برضو - برضو عامل صمت الحملان زي الدكتور

لانو خماسية مونيكا غنى الفنان الجميل عاطف انيس جزء منها :

فتحت مونيكا طاقة من الحلم
شافت وسار بلدي علي أشجار يباس
من شرايين حام
وامطار دم
وقوس ناري
علي هيئة كتب صفراء
تتفاعل كما البترول
وتنصهر اشتعال
اعاصير من توابل مرة
اكتنزت مدينة من اللهاث العنتري
في ساحة رهان محموم
يوم من الف صرخة وصرخة
يحكي النار ذاد
والنزف ذاد
و الشهرذاد الميتة في مخدع امير الموت
وخنجر محتشم بالدم
خجول في فارغ النهدين
برئ حتي الطفولة الاولي
واطيب من غني البدوي
الورا اتفضل
ويتقبل عطايا المافي والموجود
وخنجر محتشم بالدم
وراهو عالم من الورم الوراثي
لشهوتين
للمال .. وللمايك
فتحت مونيكا طاقة صحو للواقع
وسمعت جلبة جلابة
تهرج شقت الغابة
الفيتريت دريش
جوني الضيوف ديش .. ديش
عدمانه لابسة الخيش
شبعت علي المافيش

الخ . . . الخ

زمني دا كلو قايل النص دا حق مرغني الماحي يا قيقا!

Quote: زمني دا كلو قايل النص دا حق مرغني الماحي يا قيقا!

الناس في شنو و اشرف في شنو !؟
كدي النشوف موضوع ميسون دا اول بعدين نجي للكائن الخلوي الاسمو خالد مونيكا دا
بالمناسبة الجزء من النص الغناهو عاطف انيس ، وسما نفسو بنفسو ( دق المطر دقا ) اعتقد انو دا :

دق المطر دق
فتح الملاذ للهم
صدر الغنا انشق
وزع موسيقى الدم
دق المطر دق
فتح الملاذ للهم
طرف الغنا اتلقى
قبل السقوط النم
دق المطر دق
فتح الملاذ للهم
فانوس هواك بق
يا خالة أخت العم

********

الفتريتا دريش
جوني الضيوف ديش ديش
عدمانه لابسه الخيش
شبعت على الما فيش
يا طائر الغرنوق
ادي القطاطي الريش
خليها تعبر فوق
ما يشتهى الشاويش
الفتريتا دريش
الفتريتا دريش

********
الدقا يا مما
الدقا حوبابة
عود الفتر للعيش
ما طق جلابة
الواطه نسل النار
الغيمة هبابة
يا مما حجينا ننجما
الهودنه الحمى
غطينا ربابه *

و اها يا ابو الشوش : اتفضل يا هو دا باقيك :

والهودنة مي الهودنة
الهودنة استقت النشيد المر
واحتست الدموع
الجوع مؤسس حتي اخر جيل
ومن اصل الرماد الفرعي اصل النار
يسوع من يطعم الشعب
من سمك وبقول
علي خاطر نبي ومعطاء
ومرسل من سماء.. الارض
يتغمص افانين تكنلوجيا وطار
نفاثة وبتسبح من سماء.. الارض
في رتبة وزير طيار
مشير طيار
وسمسار في شرايين الدم الفاسد
بدلل في نفاية وجرعتين من نفط
في سوق البدو الرحل
حسب ما يأشر الجوع
من شمال وجنوب بنتوغل
توغل في النزيف الحاد
السعية ابت تشاور
سلمت لله
وعاد السعده وين
السعدة اضيق من رضاء الاتنين
السعدة في كونك بتعبر سيف اخوك
لي كل مرعي جديد
غدو ورواح
السعية ابت تشاور
سلمت لله
وعاد البفره وين
البفره في كونك تجاوز خوفك الطيني
بإحساس اللغم
وتفش غبينة الصاح
الحيل رفض لي نقاشات الحديقة العامة
في اطر الخيال العلمي
لي فلاح سعالو عضام
وجمع جتتو الفلكية غرود نام
حلم بالغيم
وذاكرة المحارب ركبوه نعام
وادوهو ساعدين
في صلابة الجوع
قطع طرق المسافرين بالزوادة وحجّر المشرع
وأُعدم في هتاف الحبر
اعدم شاهد الامن المرابط في صدور الناس
وشرّع كم امير في الجوع
والجوع ما احتكم للشرع
الموت علي الخطب الكلام
الموت بأجهزة النظام
الموت بإصدار القوانين والنفاذ التام
والجوع الموطّن في المرئي العام
سوي في نص الرماد الأولى
بمسودة العام
السقط من ألف قرن مضي
ليحسن قرننا العشرين
بالعام الرشيدي النجل
لي تاريخ عزيز ورصين
الفلاح فتح للصحو
طاقة ضوء
علي قدر المخيلة القحة لي بدوي
نده في الصحرا مطامن
يا صحرا الامان وبسلمك بارودي
جراريبي انهرن
عافن جلودي جلودي
ما خايف المكن
خايف علي الجابودي
بنات سعدان جرن
جمرا حزم واقودي
بنات سعدان جرن
كفن ضبيحن جودي
هلباوي في لقاي
طبق علي حدودي
( كدا الويه من الويه ابيض ؟ )


--------------------

متأكد انو عندي الغنية ( دق المطر دقا ) فتشتو سما ارض ما لقيتو في جهاز ( الشغل ) اظنو داك في ذاكرة تانية ، كم قيقا كدا . . . واحد قيقا راوي زيي كدا ما بسع كل الجمال الخلوي دا
لكن حلفت يمين ما اطلعك كيت من مولد " مونيكا" دا

دا عمل تاني اتلاقت فيهو قمم و يا مرحى . . . المرة دي اضيف ليهم الموصلي و فرقة أوتار النيل . . . و كلو امريكي الا " مونيكا " استييل سوداني كما مونيكاه ، سودانية مية المية . . . سامعاني يا ميسون ؟ . . . آآآآآي سودانية مية المية .

شايفك لقيت الباب مقفول لزيت الظرف بي تحتو
النوصف ليك . . . بس المرة دي ما تطش . . . سمح ؟

وقصاصة بتحمل وصف البيت
في شارع الوجد
تحسب تنهيدة وتنهيدة
ح تقابلك ساحة من الاشعار
وتقودك لي لحظة جديدة
ح تلقي طريق مرصوف بالغيم
شبورة علي ضحكة وليدة
ما تسأل زول
ما تدق علي باب القلب شديد
وادخل بشويش
لا يحسوا الديش

اها يا بكري
عملت لينا شنو في موضوع الدييييييييييل ؟

ياخ سوووو مطش
ما تسمع قول العوازل . . . الخ
بعدين الكتب الكلام داك نص قيقا الشرير ما انا دا . . .
لكن داك 512 ميقا راوي بس ياخ !! . . و لّ ما ياهو الحساب ؟
اصلو فضلة خيرك نحن متقاسمين ذاكرة واحد قيقا - الفقراء اتقاسموا النبقة ياخ ! . . المافي شنو ؟ - اها جاني قال برضو نتقاسم الباسوورد. بالحرف كدا قال " ادونا باصويركم نكتبوا ندوكم تكتبوا تدونا " . . وكتها شفتها قوود ديل - ما انا النص الطيب كمان . . نسيتوا و لّ شنو !؟ - طوالي قولت ليهو : دييييييييييل .
طيبان مش !؟ . . . اها اسي لقيتو كاتب الكلام الفوق داك ، اها انا بتنصل منو تب . الـ 512 ميقا شر كان مهكر الذاكرة واحد قيقا كووووووولها . . . شفت كيف المتهم الماثل امامكم برئ براءة الكيزان من سرقة ما كان يسمى ببلد السودان . . . السودان الوطن الواحد ما قد كان ... اند نووو مووور !؟
اها ما قلت خير على موضوع الباسوورد لاختنا ميسون دي ؟
ياخ شيل بتاعي و معاهو بتاع امين ياسمين هوادة كمان فوق البيعة
اها ديييييييييل ؟
و المذكور دا بالذات ما يرجع هنا كلو كلو


-----------

اممممميه يا شباب . . . أمممممميه

Quote: نقعد نجغمسا لابلصعة دا فتكاً بالابانة لمن ما يعرف دايرين شنو و ما دايرن شنو ذاتو !! يقوم كدا كف نف يديها الباسوورد

ح نلعب بخطة ( الباقة في التلاجة )* مع سيد الفنايل
و كان ما نفعت نجرب ( طنقحال ) بخطة " الجدادة الحاضنة " **

* و ** دي خطط الخبير حسوبة . . . و حسوبة دا قصة براها انا نجينا من يد القدر الاسفيري بنحاكيكم بيها. لكن في المرحلة دي احب اطمنكم حسوبة - و العهدة عليهو هيمسليف - هو احد خبيرين كرويين في افريقا ( مين كدا ؟ سالم الوحش في مصر و حسوبة في السودان )
فتأمل يا حلبي . . .

فعلى افراد التيم انو يطمنوا خالص

Quote: انا برضو آي هاد آ دريم يا بدوي . . . المافي شنو !؟ لكن ( كان ) ( زمان ) . . . زمن الاحلام كانت ممكنة . . . و الاغاني لسة ممكنة . . . مومكييييييينة ! بس عشان ما ساعدناهو بجكة . . . اسي بقى المافي كتيييييييييير

اسي جنس النسالوجيا دي - يا قول المسغفاتية - أيا مدينةَ القيقر، هل من عودة ؟ دربها ما بقى اعوج تب . . . و قيل مهلك ساي !!

Quote: العلاقة؟ ظنّيت في علاقة مع بوستيك دا لكين ما داير أتورّط في نوع "الإلحاد" البخلّي الناس تقول لي سيد الوداعة "آي هيت..." اللّخ... اللّخ... اللّخ وليك اللحم ولينا العضُم! غايتو الفلم الأوّل يعلّمك تتعوّد على الأسئلة الصعبة والتاني يعلّمك إنّو اجابات الأسئلة الصعبة توجد في شكل الحياة التي تعيشها والفيلمين يعلّموك الرضاء بالأسئلة الصعبة وباجاباتها وبالحياة التي تحتوي كلّ ذلك.

اولن بالتبادي يا سيد الامانتي ليك ( الحياة التي تحتوي كلّ ذلك ) دي ذات نفسها جوبكت البرنامج و فووو . . فوتت علي الـ ( مشاهدة ) الـ ( طيّبة ) او الشرانية ذاتو !! . . . ما قلت ليكم ( المافي زمنننننننننننننننن )
و تظل جدلية السؤال الاجابة في مجابدة و إن خفي الرابط او ( العلاقة ) . . . و الساقية لساااااااااا مدووووووووراااااا
لكن الناخدك في جكة - و قيل دوكة عدييل - انقر ( قيقراوي ) دي شنها ؟ ( ما عاوز اقول شن نفرا . حيث ( أن ) دي بتجيب الهواء في مضارب الهويلوجيا ام ( إن ) دي ) - دا طبعاً بعد عرفت جات من وين ؟ - و مسببات وجودا اصلاً و مستبقبل الوجود دا ذاتو بعد ربطها بالاسباب في علاقات الجدل دا . . . و هل عندو علاقة بجدل الهوية ابتداءاً ؟
قلت لي الاسئلة و اجاباتها ؟
هاك الاسئلة دي ، و ادينا الاجابات و راضين بقسمتنا وبالحياة التي تحتوي كلّ ذلك

ياخ بالمرة نعمل لينا اعلان ( ما مندكور شكل منقة و تيراب جلابة كمان * ) :
معروض للبيع أو الايجار معرّف اسفيري ( قيقراوي )
الدايرو يشيلو . . . الما في شنو ؟!

------
* بلغة الشيوعية ( راسمالي طفيلي متعفن . . . . عيك عاك . . اوك اورو روووك العرب جوك @ أوف . . . أوف سايد عديل !!

يا بكري و يا سيدي البدوي الدييييييييل بقت اوضح كدا مش ؟
اها ليك العضم و لينا اللحم يا بكري
عارفك ما بتقصر أبوي

و ما تنسى - الوصية بالمهلة - الخال دا ما يرجع هنا كلو كلو ، ياخ دا بستهلك ليك الباندويدث بنقاشاتو ( الفكرية ) الما مؤسسة البعرفا براهو ديك ساي ! ياخ انت الباندويدث دا بتلقاهو واقع اصلو !؟
لا لعودة المفكر أمين كلو كلو .

Quote: لا لعودة المفكر أمين كلو كلو .

بعد ( التفكير ) غيرت رأي يا بكري

ياخ بعد النجاح الحققناهو مع المفكر ( الشمالي ) الكبير امين هنا لماذا لا يخرس الشمال ؟!! ياخ المفاوضات قطعت شوط كبير في شأن الحصول على تصنيف ( others ) ، تاني دايرنا نجي نبداهو من أولو !؟
اصلو شنو هو !؟ . . .
بعدين يا بكري ياخ انت زمن الناس البتكتب هنا دي ما بعني ليك أي شي ؟
بس تصحى من نومك تلقى كومك من الرسايل تجي تتصرف فينا كدا ساي على كيفك ؟
هو شنو هو اصلو !؟ . . و الجابرنا شنو على كدا !؟
ما مارستو مع أمين غير مقبول إطلاقاً - بالنسبة لي على الاقل - مع العلم انو حذف البوست مسنى مس مباشر بحكم اني احد مشاركيه مع صاحبه و اصحابي ناس خدر و معاوية و حسن اولئك رفاق . . . أنديك اضانك ساي يا زول ! . . بالجد العملتو حاجه مؤلمه جدا ! و اضيف جداً كمان !!؟ . . ياخ انت زول مؤلم ياخ !؟

النديك الجد :
عليه قررنا نحن الموقعين ادناه تعليق مشاركتنا في بورديك دا بعودة الدكتور أمين بما تتضمنه عودتو بتحقيق شروطه كاملة ، و الهاء عائدة الى صلعة الاخير ( الغائب ) و ليس الاول ( المخاطب ) :

Quote: يعني بالعربي كده : بكري من حقو يعمل الدايرو في البورد ده و يشترط ما يراه مناسبا ، و نحن من حقنا يا نقعد بشروطو دي أو نمشي : أنا اخترت إنو أمشي ، و اليوم البكري بغير شروطو دي أو أنا أغير رايي ده بجي تاني كان هو ما عندو مانع !! و السلام عليكم و رحمة الله و عفوا لله و الرسول .

بالنسبة لي يا بكري الكلام دخل الحوش و يندرج تحت " />" target="_blank">غير المسكوت عليه - و عليك النبي تفرز يا ديجانغو ، ميسون ما ليها دخل بموضوع أمين دا . . دا برا و دا برا - بالنسبة لي انا برضو رافض شروطك اعلاه و برضو السلام عليكم و رحمة الله و بركاته مع ملاحظة : اني المرة دي فعلاً مديك قفاي بعد ما اصابتني هاء السّكت - تو ايس ! فرغ طبنجتك كووولها و انفخ عليها لتبرد براحتك . . هوو كيرس !؟ . . . و إن عدت ماني عايد قيقراوي . . . قيقراوي محض اسم افتريتو دون ابائي الاولين . . . قطعتو من ن ن سفنجاتي ديل . . . و انتفت شروط وجودو ابتداءاً . . . المرحوم كان " توق و ترميز " في مسارب الهويلوجيا ما أكتر . . شفت كيف يا بدوي ؟


-----------
كدا اعتقد وضحوا ابطال ( الرواية ) هنا Re: دكتور/ امين محمد سليمان يلقم حمور زيادة حجرا (يوجد مقال)

جاهزين يا ريس - ود الزين الكان وحيد امو قالا خليك مني انا رقم ( 11 ) - و بي كدا اقدر اتفرغ للكتابة الابداعية بمزاااااااااااج

Quote: بس في شخصيتين عاملين لي قلق - بما اني قيقا راوي و الراوي شخصياً ، و ما في جبتي غير قدرهم الاسفيري - الصلعتين القلقتين و المقلقتين - دي على وزن عمامة قلقة و مقلقة ، لكن الفرق بس انو نزلنا لما تحتها هنا و لم نجد فكي !!؟ و جوز لا يخسر هنا - لكن اليصبروا على قدرهم ساي باقي الرواية في اعدادنا القادمة

تصحيح :
الصحيح قدرهم الروائي . . .
قدرنا الاسفيري انا و صاحبي هو بكري هملسف . . . قدس الله سره
و قدرنا انا و بكري اهو نتحمل جنس مجافاة المفكر دي . . .
على قول المسل الشعبي :
" لو كان قدرك تجافيني ببقى جفاك لي قدري . . . الخ
عارفا غنية لهاشم ميرغني ما مثل !

ثبت الريفرنسيس :

1- أهل اليسار من أعضاء المنبر هذا قلة وفاء أم جهل؟!
2- أقبُض.. حـــــــــراامــي !
3- http://www.sudaneseonline.com/cgi-bin/sdb/2bb.cgi?seq=m...00&msg=1284785690909 *

* وداكم الكوشة مش ؟
حليلو قبلو !!؟ . . و نان الغاغة دي كولههههههههها فوق شنو !؟



التعديل قلنا نفارق بإتسامة
و تاني نقول مع السلامة . . .
نقطة سطر جديد

Quote: التعديل قلنا نفارق بإتسامة

فراق نت لسك المعايش ولا فراق الطريفي..إلخ..؟
يا بكري راضي الزول دا ما يفارق بالجد ونكون خسرنا واحد تاني من الذين يعتمرون عمامة من الجلد الآدمي

يا قيقا: برنسيس بت الشيخ شايفا غايبة من العيد، الحاصل شنو؟

بورداب جدة: مشكورين شوفوا لينا عمنا قيقاbyte دا حاصل عليهو شنو

قيقا يا مطرا كابي في قلوبنا محبه !!
أين أنت يا صديق ؟!

لعناية كل من:

- اشرف الحلبي

- الدكتور والمفكر امين خال الود حمور(حمدلله على السلامة و بركة فى الشوفة ود امى)


- ولكل من يبحث عن الزول الساى الاسمه قيقا راوى ( ما مفكر ولا دكتور طبعا)

Quote: أين أنت يا صديق ؟!

وجدنا الصديق المفقود اعلاه هنا:

http://sudanone.net/vb/showthread.php?t=323


بالله جيبوه من يده وتعالوا بيه


قيقا ابقى مارق ود امى انا( ولا نجيب الديش ونجيك)....الماف شنو*



----------
* الحقوق محفوظة لسيدها قيقا راوى

فاديه يا عزيزه
المحل البكتبو فيه الناس دي وين و لو داير إشتراك أجيبو من وين ؟ بمشي ليه بالدرب !!

فادية يا غالية . . . شكراً عال السؤال الغالي ( نظام ما جيت براي ؤ كدا )

Quote: قيقا ابقى مارق ود امى انا( ولا نجيب الديش ونجيك)....الماف شنو

لكن يا العزيزة خلي الراوي - السوبر - يتحفك بالرواية دي ( مع اني ما متذكرا وكيس ):
يحكى انو " سيبوية " ذات مرة من المرارير و الممرات كثيرة ، وقع ليهو في جب . طلب الغوث فأجابه ذو شهامة . الزول الشهم دا الظاهر انو فروسيتو كلها - بما فيها نصيبو من فقه اللغة إتسلف - قسموها ليهو شقفة واحدة في نجدة الملفهوف بس . اها لأنو عميق ، ساعتئذ فكر في انتشال سيبوية من ( الحفرة ) و كان بلتّخ في الكلام ساي ! جيب ييدك سوي شنو خلي شنو ، ينصب الفاعل و اسم كان و يرفع خبر إن و المفعول به . . . اللخ اللخ
انقري سيبويه شكرو بشنو ؟
- و الله إن تتعتعكً في العربية آلمني اكثر من كسر رجلي . *

Quote: ولكل من يبحث عن الزول الساى الاسمه قيقا راوى ( ما مفكر ولا دكتور طبعا)

دحين اسي سواتك ، و تسويتي مع الناس ( الساي ) دي آلمتني اكتر من كسر رقبتي الاسفيرية بحردتي من المنبر دا وقعتي في ( القيقر ) الحفرتتو براي ادسا فيهو دا .
اهلنا في شرق الله البارد ( ضواحي تمبول ) بقولوا : " حردان السوق من برضيهو ، غير يلقالو دبيباً يعضيهو
يا زولة زول ( ساي ) ديل انتو ، انا " عالم رياضيات سياسية عاليا و دقيقة " . . . شفت كيف ؟

Quote: قيقا يا مطرا كابي في قلوبنا محبه !! أين أنت يا صديق ؟!

ما قلت ليكم الزول دا برجوازي و قصير النفس ؟
أمين يا صديق المسافات البعيدة . . . ياخ ما تشوف لاخوك لوتري عشان نرقيك لمرتبة الـ ( صديق )( ساي ) الرفيعة !؟ . . و هاذي لو تعلمون فخامتكم لا يلقاها إلا ذو حظِ عظيم
ياخ ما تخلينا ( نناضل ) ياخ دا شنو دا !؟
الجابك شنو اسي ؟
غايتو ما بتعرف تناضل كلو كلو !!؟
ح افتش عن شريك جديد ، يجيد النضال اون لاين . . . يكون ( محاور ) ممتاز و يفضل الاشولنجية

Quote: فراق نت لسك المعايش ولا فراق الطريفي..إلخ..؟

مع انو سؤال تعسفي من جنس ( انت نائم !؟ )
لكن نعمل شنو و قد انزلناك منزلة الحبيب
آآآآي نايم !!
و قيل عامل نايم ساكت
اللتنين يا حلبي . . . اللتنين و ما خفي كان أعظم
مشتاقين شديد يا شباب
و انا و المفكر مدينين ليكم و للمكان دا - ما صاحب المكان - باعتذار
اصالة عن الخال و نيابةً عن نفسي ، نحن بنقدم نقد ذاتي و نردد مع شعار مسلسل " غداً تتفتح الزهور " :
اذا كنت خاصمت البستاني ، ايه ذنب الورد ايه ايه ؟

بحب عمر موسى و اكره اسرائيل . . .
و اييييييييييييه


----------
* غايتو الله سيترنا مع سيبوية المنبر . . . الخال معانا يا محمد ما تشغانا !؟