تيتي تيتي يا حكومة زي ما رحت زي ما جيتي ... عودة التعاونيات وكروت التموين

يعني يا كيزان السجم كان في داعي لللفة الطويلة دي، عشرين سنة
هريتونا وزبحتونا وشردتونا بسبب فشل الديموقراطية، والليله دايرين
ترجعوا لكروت التموين الكنتو بتنبزوا بيها حكومة الصادق؟؟

اليوم تريدون ان تعودوا بنا يا انقاذ من حيث اردتم ان تنقذونا؟؟

نعارض ونرفع اصواتنا عاليا، كان يرد علينا بعض السطحيين المساكين المخدوعين

ياخي تعال شوف الدكاكين بقت مليانه كيف بضاعة؟؟ بدل البهدلة وكروت
التموين وما فيها حاجة غير السكر والشاي والصابون

قلنا لهم حينها، ان يكون لديك في الدكان ما تستطيع ان تشتريه خير
من دكاكين مليانه من كل صنف ولا تستطيع غير النظر اليها

ان نوفر دولار للتنمية خير من ان نصرفها على الكماليات

ان نحافظ على قوة الجنية خير من تضخم ياكل الماهية كما تاكل النار الهشيم

اليوم نعود قرن من الومان

نعود الى الثمانينات الى عهد الديموقراطية، الى زمن الاحزاب
التي حاولت قدر استطاعتها ان تحافظ على ماء وجه الآباء والامهات
امام الابناء

عشرون عاما من الزلة تحت ونحن تحت رحمة سياسة التحرير التي اتت
على الاخضر واليابس

اليوم يعود عبدالرحيم حمدي وكل طاقمه التعيس الفاشل ليقولوا لنا ان الصادق كان صادق؟؟

وان الميرغني كان على حق؟؟

اليوم سيدوس البنك الدولي على ما تبقى من عظامنا الهشة

اليوم يوم الانبطاح للاسلاميين على بطونهم وتمريغ دقونهم في وحل واوساخ
صندوق النقد الدولي

بلا استحياء يا اسلاميين السجم والندم تريدون ان تعودوا الى عصر "التعاونيات"
وكروت التموين

اذكر تماما تلك الايام، كنت انا من بين اخوتي من عليه ان يذهب للتعاون في شارع
على عبداللطيف بالخرطوم غرب، احمل الكرت وبضع جنيهات لم تكن صعبة على والدي
ان يوفرها، لم يكن يتلفت يمنة ويسره ليجدها، لم يطن يطأطيء راسه خجلا لانه لا يستطيع
ان يوفر تلكم الجنيهات.

اما اليوم، فحدث ولا حرج، اي زلة واي مهانة واي وجه مستحي رسمته الانقاذ في وجوه
اولياء الامور من قدومهم المشئوم الى بلادنا؟؟

يا لتعسكم، انكسرتو؟؟ ارجو الراجيكم

قالو كسره بس

سكر زاتو امكن ما نلقى، عالم شحادين

لا شرعا أقمتم .. ولا وحدة حفظتم ..بأي مبرر تتمسكون بحكمنا الذي سرقتم؟

شكرا لمرورك يا الباقر اخوي
اتحاد نقابات عمال السودان يدشِّن توزيع السلع بأسعار مخفضة

Quote: الخرطوم ــ سيف جامع دشَّن الاتحاد العام لنقابات عمال السودان أمس «الخميس» مشروع توزيع السلع الاستهلاكية الأساسية بمنافذ البيع بولاية الخرطوم للعاملين بأسعارمخفضة ومدعومة بمليار جنيه من بنك العمال. وقال رئيس الاتحاد العام لنقابات عمال السودان، إبراهيم غندور، في حفل التدشين: إن الاتحاد يتدخل عبر آلياته الاقتصادية في تركيز الأسعار متى ما رأى جنوحاً في أسعار السلع الأساسية. وأكد غندور أن المشروع يتطلب رفع رأس مال الشركة المنفذة «باسقات للتجارة» باعتبار أن العاملين هم أكبر قاعدة شرائية، وطالب العمال بالسداد في مواعيده.

والما عاملين في الدولة (التي نعرف انتمائهم) يعملوا شنو؟؟؟؟؟؟؟؟؟؟

وايه باساقات دي؟؟

غايتو ي الاكيزان، في عز الزنقة برضو دايرين تتاجروا بقوت الناس (المدعوم)
http://www.alahramsd.com/ah_news/12305.html

اما خبر جريدة الصحافة ففيهو العجب

Quote: الخرطوم:الصحافة: كشف الاتحاد العام لنقابات عمال السودان، عن ترتيبات لتوزيع السلع الاستهلاكية عبر منافذ البيع بمواقع العمل ابتداءً من يوم غد بكافة النقابات العامة بالخرطوم، تنفيذاً للخطة التي وضعها الاتحاد لمقابلة ارتفاع الأسعار. وأكد أمين أمانة تنمية الموارد والدراسات الاقتصادية باتحاد العمال، عثمان علي البدوي، في تصريح للمركز السوداني للخدمات الصحافية، توزيع السلع الاستهلاكية عبر (142) منفذاً، مبيناً ان تسليم السلع إلى المنافذ من المنتج سيتم مباشرة دون وسيط عبر شركة باسقات التجارية، بعيداً عن الاحتكار والتخزين ،مشيراً إلى ان توزيع المواد سيشهده رئيس الاتحاد ورؤساء المكاتب التنفيذية بالنقابات العامة واتحاد عمال ولاية الخرطوم ،مشدداً على استمرارية البيع طوال العام وفقاً للأسعار التي وضعها الاتحاد مع شركة باسقات التجارية ،وكشف عن عزمهم نقل التجربة إلى الولايات لكي يكون العمل بها حسب الطلب.

دون وسييييييييط ؟؟؟؟؟؟

وباسقات دي كانت وزارة حكومية وللا العبارة شنو

ارفـــع يدك يا صاحب
وبعدين أرفع رأسك وتميز
لووووووووووووووول

سلام يا أمين

آمنا زاتو

الاخ
احمد
تحياتى
رد الزيارة واجب
لكن ما فى الفاضى زى الجماعة مساندة سياسية بدون هدف و لا مضمون
موضوعك يستحق الطرح و مهم
باسقات دى شركة بتاعة اى حاجة
الشركة دى محل ما في كيزان (متمكنين ) تلقاهو وش
علاقة الشركة دى بسوداتل شنو ؟
مين (القرن ) الفى سوداتل ليهو علاقة بالشركة دى ؟
و بعدين يا احمد الناس بيعملوا لتمكين نفسهم فى السلطة و خايفين فى ظل الظروف الجاية لسع تحصل انتفاضة
الظروف المعيشية
والسياسية
عشان كدة تركيز شغلهم الكلو فساد فى الخرطوم بس
ما الخرطوم البتقلب الحكومة
تقول باقى السودان ما تابع لحكومة الخرطوم
بالله عليكم الجوع فى الشرق ام فى الغرب ام فى الجنوب ام فى الشمال
ام فى الخرطوم ؟
هو البيمشى الخرطوم من الاطراف بيجى وشو ناير ومرتاح
رغم انو ناس الخرطوم برضو جزء كبير منهم خاصة فى الاطراف حالهم زى باقى الحال
لكن الناس ديل اطلاقا ما عندهم احساس بالاطراف
السودان هو الخرطوم فى رأيهم


بالحال ده يا احمد حيجى يوم كرت التموين زاتو ما حنلقاهو
الله يكون فى عون السودان و شعبو

Quote: نعود الى الثمانينات الى عهد الديموقراطية، الى زمن الاحزاب التي حاولت قدر استطاعتها ان تحافظ على ماء وجه الآباء والامهات امام الابناء

مالك يا يا احمد بتوجع فينا

عثمان نواي

العزيز نايف
تحياتي
وشكرا لمرورك

Quote: علاقة الشركة دى بسوداتل شنو ؟ مين (القرن ) الفى سوداتل ليهو علاقة بالشركة دى ؟

دا الكلام ......
وطبعا الناس ما ح تحتاج تفكر كتير، لكن السؤال (المضحك المبكي)
علاقة التموين بسوداتل شنو؟؟؟؟؟

اخطبوطات

Quote: بالحال ده يا احمد حيجى يوم كرت التموين زاتو ما حنلقاهو الله يكون فى عون السودان و شعبو

كلامك ما مستبعد، واكبر ضربه ح يوجهوها للجنوبيين هو كرت التموين دا
مش حقنة ما ح يلقو.. سكر زاتو ما حيلقو

ويبقى السؤال... لييه شركة باسقات التجارية

السودان من ما الله خلقه شعوبه المختلفة قايم على التعاون والعمل التعاوني
والمؤسسة التعاونية في السودان عمرها اكبر من عمر الحكومات الوطنية
وفي ارث موجود، لماذا انتزعها من وزارة التجارة والقي العمل التعاوني
في يد من لا يرحم