Post: #1
Title: الله لايكسبكم خير يا حكومة .. كان في داعي للإحراج ده
Author: حيدر حسن ميرغني
Date: 10-01-2010, 09:22 PM
Joël Voordewind نائب برلماني عن حزب الإتحاد الديمقراطي المسيحي
ما عجبتو حكاية إستدعاء وزارة الخارجية السودانية دبلوماسي رفيع المستوى بسفارة بلاده في السودان
على خلفية ما جاء في خطاب رئيس الوزراء الهولندي Jan Peter Balkenende أثناء انعقاد الجمعية العامة للامم المتحدة في نيويورك
اللي أنتقد فيه رفض دول مثل تشاد وكينيا القبض على البشير خلال زياراته الإقليمية لهما.
Joël Voordewind ده قال "دي حاجة تغيظ (محرجة) انو بلد زي السودان تستدعى هولندا (بجلالة قدرها) في حين ينبغي على رئيسهم أن يسلم نفسه هنا في لاهاي حقتنا دي ...
http://www.rnw.nl/africa/article/dutch-pm-stirs-anger-sudan
___
الاجمل من كده الكلام القالوا نائب تاني في البشير
ياخي ده طلعو رجل عصابة عديييل
|
Post: #2
Title: Re: الله لايكسبكم خير يا حكومة .. كان في داعي للإحراج ده
Author: حيدر حسن ميرغني
Date: 10-01-2010, 09:36 PM
Parent: #1
النائب البرلماني عن حزب العمال Martijn van Dam
طلع البشير زول عصابات عديل كده
قال حقو السودانيين ينادوه بأي (حاجة) غير كلمة رئيس دي طالما هو زول عصابة
|
Post: #3
Title: Re: الله لايكسبكم خير يا حكومة .. كان في داعي للإحراج ده
Author: cantona_1
Date: 10-01-2010, 09:49 PM
Parent: #2
| Quote: قال حقو السودانيين ينادوه بأي (حاجة) غير كلمة رئيس دي طالما هو زو عصابة |
منذ متى ونحن نسمع كلام فان دام .. الدام الينكسر تاني زي ما إنكسر المرة الفاتت زمن حكم عبود. هل يعلم هذا الهولندي التائه أن ما تجود به هولندا الآن من فتات على السودان لا يعادل عُشر ما دفعه الشعب السوداني لهولندا عند إنهيار سد أمستردام الشهير .. في ذلك الحين أمر الفريق إبراهيم عبود .. أمر محافظ بنك إنجلترا المركزي بدفع 250 ألف جنيه إسترليني لحكومة صاحبة الجلالة ملكة هولندا. وكان تبرُّع السودان هو الأول من بين جميع التبرعات حتى تبرعات بلجيكا ولوكسمبرح (ما يطلقون عليها دول البنلكس). فعلاً الإختشوا ماتوا والبلقى الهبوب بضرِّي.
كبـَّـاشي الصــَّافي
|
Post: #5
Title: Re: الله لايكسبكم خير يا حكومة .. كان في داعي للإحراج ده
Author: حيدر حسن ميرغني
Date: 10-01-2010, 10:06 PM
Parent: #3
كباشي سلام
ناس فان دام اولاد الليلة
مثلهم لايحتاج يرجع للتاريخ
مثلهم يصنع التاريخ نفسه بمواقفهم الواضحة تجاه حاجات واضحة
إستعمروا دول بحالها خليك من يتلقوا مساعدات من بلد مثل السودان
عبود ايضا كان عسكري بس عفيف من العسكري الحالي
|
Post: #7
Title: Re: الله لايكسبكم خير يا حكومة .. كان في داعي للإحراج ده
Author: cantona_1
Date: 10-01-2010, 10:17 PM
Parent: #5
| Quote: إستعمروا دول بحالها خليك من يتلقوا مساعدات من بلد مثل السودان |
الإستعمار الهولندي أسوأ أنواع الإستعمارات (إن صحّ الجمع) ليس أسؤأ منه إلا الإستعمار البرتغالي. وما قصة بلد رود خوليت وريكارد ببعيدة عن الأذهان. الله لا تريحهم.
كبـَّـاشي الصــَّافي
|
Post: #8
Title: Re: الله لايكسبكم خير يا حكومة .. كان في داعي للإحراج ده
Author: حيدر حسن ميرغني
Date: 10-01-2010, 10:34 PM
Parent: #7
كباشي سلام من تاني
بالتأكيد الامبراطوريات الاستعمارية تفننت في الوان عذابها تجاه دول اخرى
لكن ليس هناك سوء يضاهي جرم رئيس بلد تجاه مواطنيه
اعترافه (بعضمة) لسانو ان عدد قتلى الصراع في دارفور لايتجاوز 10.000
يفرض عليه تحمل مسؤلية ارواح هؤلا القتلى امام الله قبل لاهاي حقة الدنيا دي
|
Post: #4
Title: Re: الله لايكسبكم خير يا حكومة .. كان في داعي للإحراج ده
Author: musadim
Date: 10-01-2010, 09:50 PM
Parent: #2
تحياتي حيدر
البشير فعلا زعيم عصابة وليس رئيس دولة
وإلا بماذا نفسر قتلو و تشريدو لملايين من السودانيين ؟
دا غير الإفقار المنظم وتدمير النسيج الإجتماعي لشعب بأكمله وإلا آخر بلاويهو وبلاوي بقية العصابة الحاكمة.
|
Post: #6
Title: Re: الله لايكسبكم خير يا حكومة .. كان في داعي للإحراج ده
Author: حيدر حسن ميرغني
Date: 10-01-2010, 10:16 PM
Parent: #4
سلامات يامصادم
البشير يستدعوه للمحكمة يقعد يجقلب
حتة أمنجي فاقد تربوي عندنا يجرجر بروفسيرات ودكاترة للتحقيق
قبل كده كتبت بوست عن موضوع لاهاي ده
لماذا لايفعل البشير مافعله هذا الرجل إن كان يعتقد انه غير مذنب
تمنيت الاسد النتر ده يدق صدرو ويمشي لاهاي عدييييل
|
Post: #10
Title: Re: الله لايكسبكم خير يا حكومة .. كان في داعي للإحراج ده
Author: على جويلى
Date: 10-01-2010, 11:53 PM
Parent: #9
Quote: البشير فعلا زعيم عصابة وليس رئيس دولة
وإلا بماذا نفسر قتلو و تشريدو لملايين من السودانيين ؟
|
وتشريد الملايين من الخدمة المدنية والعسكرية بحجة الصالح العام ؟؟؟؟
دا اكبر زعيم مافيا عرفه التاريخ والعالم ...
|
Post: #11
Title: Re: الله لايكسبكم خير يا حكومة .. كان في داعي للإحراج ده
Author: عثمان محمد كرار
Date: 10-02-2010, 00:14 AM
Parent: #10
فعلاً الإختشوا ماتوا والبلقى الهبوب بضرِّي.
احييك ياكباشي
|
Post: #12
Title: Re: الله لايكسبكم خير يا حكومة .. كان في داعي للإحراج ده
Author: musadim
Date: 10-02-2010, 00:29 AM
Parent: #11
Quote: وتشريد الملايين من الخدمة المدنية والعسكرية بحجة الصالح العام ؟؟؟؟
دا اكبر زعيم مافيا عرفه التاريخ والعالم ... |
|
Post: #13
Title: Re: الله لايكسبكم خير يا حكومة .. كان في داعي للإحراج ده
Author: cantona_1
Date: 10-02-2010, 00:30 AM
Parent: #11
حيّاك الله يا ود كرار محل ما تقبِّل..ومتّعك الله بالصحة والعافية. لقد هانت الزلابية حتى أكلتها بني قريظة. بلد عدد سكانها ما يسوي سكان مديرية كردفان ومساحتها نص ما تجيب من مساحة مشروع سكر كنانة قال عندهم وزير يستأسد على السودان.. وبتلقى البساعده بالصفقة. المشكلة يا عزيزي الناس الحكاية إتلخبطت عليها وبقوا ما بفرزوا بين السودان والمؤتمر الوطني ولا بين الجنوب والحركة الشعبية. لقد تشابه عليهم البقر. وصار كل واحد يقول: أنج سعد فقد هلك سعيد. هل يعقل أن يتمنى سوداني إنهيار الاقتصاد السوداني نكاية في الحكومة؟ ما الفرق بين الزول الزي دا وقاعد ليهو خلف شاشة وماسك كيبورد والعجوز التي قالت: (عجبني ليك يا المرقوت) عندما أكلت النار قطيتها ومن ضمنها عنقريبها المليان مرقوت؟ الفهم قسمة ونصيب.
كبـَّـاشي الصــَّافي
|
Post: #14
Title: Re: الله لايكسبكم خير يا حكومة .. كان في داعي للإحراج ده
Author: Tragie Mustafa
Date: 10-02-2010, 03:54 AM
Parent: #13
منور يا حيدر
وهؤلاء ما ورائهم غير فضحنا عاليما بغبائهم.
ليس ابأس من البشير الا المدعين بالحق وهم منافقين
من يصورون مناصرة الحق هو مجرد محاولة احراق الدار بما عليه
وتصوير الامر بمقولة (عبجني لك للمرقوت)!!
Quote: حيّاك الله يا ود كرار محل ما تقبِّل..ومتّعك الله بالصحة والعافية. لقد هانت الزلابية حتى أكلتها بني قريظة. بلد عدد سكانها ما يسوي سكان مديرية كردفان ومساحتها نص ما تجيب من مساحة مشروع سكر كنانة قال عندهم وزير يستأسد على السودان.. وبتلقى البساعده بالصفقة. المشكلة يا عزيزي الناس الحكاية إتلخبطت عليها وبقوا ما بفرزوا بين السودان والمؤتمر الوطني ولا بين الجنوب والحركة الشعبية. لقد تشابه عليهم البقر. وصار كل واحد يقول: أنج سعد فقد هلك سعيد. هل يعقل أن يتمنى سوداني إنهيار الاقتصاد السوداني نكاية في الحكومة؟ ما الفرق بين الزول الزي دا وقاعد ليهو خلف شاشة وماسك كيبورد والعجوز التي قالت: (عجبني ليك يا المرقوت) عندما أكلت النار قطيتها ومن ضمنها عنقريبها المليان مرقوت؟ الفهم قسمة ونصيب.
كبـَّـاشي الصــَّافي
|
مرقوت شنو اكثر منك يا كانتونا هنا!!
اغتيال وتصفية فوق ال 600 الف شخص الكلام عنهم
يبقى بتدخله في اطار مقولة (عجبني لك يا المرقوت)!!
سبحان الله!!
اللهم لا تحاسبنا بما فعل السفهاء منا!
|
Post: #16
Title: Re: الله لايكسبكم خير يا حكومة .. كان في داعي للإحراج ده
Author: حيدر حسن ميرغني
Date: 10-02-2010, 08:05 PM
Parent: #15
|
Post: #17
Title: Re: الله لايكسبكم خير يا حكومة .. كان في داعي للإحراج ده
Author: حيدر حسن ميرغني
Date: 10-03-2010, 10:50 PM
Parent: #16
لاحظوا مكر الحاخام اليهودي ديفيد سبرستين وهو يمتدح موقف اوباما تجاه السودان
سبق أن ندد به مرات تجاه موقفه الاخير في بناء المستوطنات
الله يستر على بلدنا شمال وجنوب من احابيلهم
وان لايغفر لمن وضعونا في هذا الوضع
|
Post: #18
Title: Re: الله لايكسبكم خير يا حكومة .. كان في داعي للإحراج ده
Author: cantona_1
Date: 10-03-2010, 11:11 PM
Parent: #17
كثيرون خرجوا من السودان كلاجئين اقتصاديين وعجبتهم الحالة بالخارج. تصوروا أنهم مناضلون وما عليهم سوى فتح الكيبورد وهاك يا نبذ في كل من يقول كلمة حق. لا يفقهون ألف باء السياسة والمعارضة. تحسبهم جميعاً وغُلفُ قلوبهم وهي شتى وأنت تحسبهم جميعاً. يخلطون بين المعارضة والمشاتمة. يصفون الذين لا يتفقون معهم في الرأي بكل صفات القبح والسوء التي هي متأصلة فيهم ومتجذرة فيهم، بل رضعوها مع حليب الحقد الفاسد .. حقد على كل من يرونه أفضل منهم وفي مكانة أعلى منهم. هؤلاء ينظرون لغيرهم بمنظار أسود .. يحجب سواده عنهم عين الحقيقة والحق. هؤلاء من ورد فيهم قوله تعالى: (إنهم كالكـــــــلـــــــــــب إن تتركه يلهث وإن تحمل عليه يلهث). فالهثوا ما شاء لكم فأنتم في نظر العقلاء ليسوا بناقضي وضوء.
كبـَّـاشي الصــَّافي
|
Post: #19
Title: Re: الله لايكسبكم خير يا حكومة .. كان في داعي للإحراج ده
Author: حيدر حسن ميرغني
Date: 10-03-2010, 11:21 PM
Parent: #18
الأخ كباشي
عهدتك زول واضح
تحمل تجارب كثيرة في الشأن العام
ليتك تكون واضح أكثر في مداخلتك الفوق دي
تداخلنا مع بعض كثيرا بكل أريحية
ان كنت تقصد تراجي تحديدا خصها مباشرة بالكلام
|
|
