الامريكان يعلنون اكتشاف كوكب بحجم الارض يمكن العيش عليه

واشنطن ..
أعلنت جامعة كاليفورنيا في سانتا كروز في وقت متأخر أمس الأربعاء أن مجموعة من العلماء في الولايات المتحدة اكتشفوا ما قد يكون أول كوكب يصلح للعيش عليه خارج المجموعة الشمسية التي ينتمي لها كوكب الأرض.

ووجد فريق العلماء كوكبا في حجم الأرض (وثلاثة أضعاف كتلتها) في مدار حول نجم قريب، حيث من الممكن أن يوجد ماء سائل على سطحه، وقال "ستيفن فوجت" أستاذ علم الفلك والفيزياء الفلكية في جامعة كاليفورنيا إن "نتائجنا تكشف عن حالة قطعية لكوكب صالح للسكنى.. وحقيقة أننا تمكنا من اكتشاف هذا الكوكب بسرعة كبيرة وعلى هذه المسافة القريبة يمكن أن تنبئنا بأن كواكب مثل هذا قد تكون شائعة حقا" ، و إذا ما تم تأكيد هذه النتائج من قبل علماء فلك آخرين فإن ذلك الكوكب سيكون أكثر الكواكب تشابها مع الأرض التي تم اكتشافها خارج المجموعة الشمسية حتى الآن.

وقول العلماء بإمكانية وجود حياة لا يعني بالضرورة أن الكوكب صالح لسكنى البشر، فالأساس في الأمر هو وقوع الكوكب على مسافة مناسبة لا قريبة جدا ولا بعيدة جدا من النجم الذي يدور حوله هذا الكوكب، حتى يمكن أن يوجد ماء في شكل سائل على سطحه. ومن المهم أيضا وجود غلاف جوي واق.

وجاء هذا الكشف الفلكي ثمرة أعمال رصد استمرت 11 عاما في مرصد "دبليو إم كيك" في هاواي، حيث يدور الكوكب حول نجم القزم الأحمر "جليسه 581 " الذي يبعد عشرين سنة ضوئية عن الأرض في مجرة ليبرا (الميزان)، ويدور الكوكب "جليسه 581 جي" المشابه للأرض في مدار شبه دائري، والكواكب الستة التي اكتشفت في مدار النجم جليسه 581 حتى الآن هي أكثر الكواكب السيارة شهرة خارج نظامنا الشمسي، حيث قاد علماء فلك من جامعة كاليفورنيا في سانتا كروز ومعهد كارنيجي في واشنطن فريق العلماء لاكتشاف ذلك.

اولا حمد الله على السلامة وادام الله الصحة والعافية


-------------------
دا تطور خطير وسريع من الطائرات للفضاء الخارجي
والسياق بتاعوا كالاتي
1-
جرائم وسيارات شرطة تداهم

2-

طائرات تتصادم
3-
كواكب تكتشف ودي طبعا بمكوكات وصواريخ

يعني مسيرة التطور الخبرية اصبحت
سيارة -طائرة -مكوك- يار بي الرابع شنو

-----------
شكرا على الخبر الجميل بس انشاء الله الكوكب الجديد ما يكون في ارهاب عشان الامريكان يرتاحوا

الاخ معتصم
تحايا
شكرا للخبر الاكتشافى القيم
لكن دا مشواره بعيد خلاص
يعنى الواحد لو داير يمشى يغترب هناك ويجى مثلا يعرس فى السودان
داير ليهو طيارة ول اداة تكون سرعتها زى سرعة الضوء عشان يصلها فى عشرين سنة حسب المسافة المذكور
وقول يشتغل هناك سنتين ويجيب عملة الكوكب داك والشيلة والهدايا
داير عشرين سنة اخرى لطريق الاياب
دى كدا 42 سنة زايد عمرو عندما سافر قول مثلا كان وقتها 24 سنة تبقى الجملة وهى تساوى عمره اى 66 سنة
يعنى من المطار للمقابر طوالى ما ح يحصل يتهنأ بالعروسة اللى كانت منتظراه وهى الاخرى تكون كبرت واصبحت شينة ومافى زول دايرها.
والله الكوكب دا بعيد خلاس.


تحياتى
النيل

سلام وشكر لصاحب البوست وضيوفه
منتهى الطرافة يا أخ محمد النيل

Quote: دا تطور خطير وسريع من الطائرات للفضاء الخارجي والسياق بتاعوا كالاتي 1- جرائم وسيارات شرطة تداهم 2- طائرات تتصادم 3- كواكب تكتشف ودي طبعا بمكوكات وصواريخ يعني مسيرة التطور الخبرية اصبحت سيارة -طائرة -مكوك- يار بي الرابع شنو ----------- شكرا على الخبر الجميل بس انشاء الله الكوكب الجديد ما يكون في ارهاب عشان الامريكان يرتاحوا

كلام عبقري من الاخت أو الابنة ما عارف نازك.

أها انتو في كدا ولا المستثمرين قاموا والحكومة الامريكية ووكالة ناسا طلع قانون
بيتيح انهم يستفيدوا من خدمات مقاولين (أول خطوات الرأسمالية في استغلال وجود جديد بحاله)
ودا كلام فور ريل.
وطبعا الامريكان مستعجلين عشان يمشوا هم في الأول ولما نحصلهم يقولو علينا اميقرانت!
غايتو المقاول ال ح يكتشف الكوكب الفيهو (سقر) دا ح يكون أحسن زول عشان نرسل
عربات المطافي سريع ونخلص!
(اعتزر لمن سيسيئهو هزا الكلام ولكنها طبعا مزحة!
مصطفى مدثر
فلكي من منازلهم مخضرم
وقاص وصيدلي وأسعده الموضوع.

Quote: يعنى الواحد لو داير يمشى يغترب هناك ويجى مثلا يعرس فى السودان

يا ود النيل أثبت فعلا إنك بتاع مشاكل!!
ياخ خلي صحبك دا يعرس في وطاتو دي ويسوق المدام للكوكب الجديد شهر عسل! وفي الطريق يخلّفوا... لو جابو بت بتصل هناك عروس جاهزة ويمكن تعرس ليها واحد من الشباب الهناك - شرطا ما يكون راجل مرا - بس كمان ما تكون عنيدة وتشترط إنو حفلتها تكون بفرفور أو إنصاف مدني... والعرسان الشباب إبمكانهم يعسلوا في الأرض وفي سكة الرجعة يكونو خلّفوا ... وصحبك العريس يصبح جد جدا! وإذا خلّفوا ولد فممكن يفكوه عكس الهوا هناك وهو يتصرف!

Quote: وطبعا الامريكان مستعجلين عشان يمشوا هم في الأول ولما نحصلهم يقولو علينا اميقرانت

Quote: يعنى الواحد لو داير يمشى يغترب هناك ويجى مثلا يعرس فى السودان داير ليهو طيارة ول اداة تكون سرعتها زى سرعة الضوء عشان يصلها فى عشرين سنة حسب المسافة المذكور

إطمئن يا ود النيل ..
حسب نظرية النسبية العامة لآينشتين فلو مشيت بسرعة قريبة من سرعة الضوء (إذ من المستحيل أن يصل جسم له كتلة لسرعة الضوء) فحتمشي و تجي في زمن بسيط جدا بالنسبة ليك يعتمد على إقتراب سرعتك من سرعة الضوء .. يعني ممكن تمشي و تجي في ساعات قليلة .. بس المشكلة إنك حتجي تلقى الأرض مر عليها 20 سنة فعلا !! .. يعني الحل تخطب ليك بت صغيرة خالص و لما تمشي و تجي ( حتكون إنت كبرت ساعات قليلة) حتلقاها بقت عروس (مر عليها 20 سنة) !!

المشكلة في الكوكب ده إن جاذبيته حتكون كبيرة و وزننا فيهو حيتضاعف 3 مرات .. كما إنو مقابل شمسه طوالي .. يعني نص الكوكب في نهار دائم و نصو التاني في ليل دائم .. و العلماء بيفتكروا أن المنطقة الإنتقالية بين الضوء و الظلام هي المكان الوحيد الصالح للحياة .. فالخبر ده مجرد بشارة أو أمل بإيجاد أرض تشبه أرضنا هذه و لكن لم يحن وقت شد الرحال بعد !!

شكرا لصاحب البوست إذ كفاني مؤونة إيراد الخبر كما كنت أخطط

.
رسم تخيلي عممته وكالة الفضاء الأمريكية (ناسا) اليوم للكوكب المكتشف مع شمسه:

http://antwrp.gsfc.nasa.gov/apod/
.

رئيس الفريق الذي اكتشف الكوكب يسميه (زارمينا) على إسم زوجته.

A mere 20 light-years away in the constellation Libra, red dwarf star Gliese 581 has received much scrutiny by astronomers in recent years. Earthbound telescopes had detected the signatures of multiple planets orbiting the cool sun, two at least close to the system's habitable zone -- the region where an Earth-like planet can have liquid water on its surface. Now a team headed by Steven Vogt (UCO Lick), and Paul Butler (DTM Carnagie Inst.) has announced the detection of another planet, this one squarely in the system's habitable zone. Based on 11 years of data, their work offers a very compelling case for the first potentially habitable planet found around a very nearby star. Shown in this artist's illustration of the inner part of the exoplanetary system, the planet is designated Gliese 581g, but Vogt's more personal name is Zarmina's world, after his wife. The best fit to the data indicate the planet has a circular 37 day orbit, an orbital radius of only 0.15 AU, and a mass 3.1 times the Earth's. Modeling includes estimates of a planet radius of 1.5, and gravity at the planet's surface of 1.1 to 1.7 in Earth units. Finding a habitable planet so close by suggests there are many others in our Milky Way galaxy.

.

.
النجم في منتصف هذه الصورة هو Gliese 581 وهو النجم الذي تدور حوله (زارمينا- الكوكب المكتشف) ضمن مجموعة ثلاث كواكب أخرى أصغرها تبلغ كتلته خمسة أضعاف كتلة كوكبنا الأرض وتتراوح درجة الحرارة فيه بين الصفر و40 درجة مئوية ويكمل دروته حول شمسه كل 13 يوماً (السنة فيه عبارة عن أسبوعين)
يعني معدل العمر المتوقع فيه للشخص بحسابنا حوالي 1800 سنة :

النجم نفسه عبارة عن شمس حمراء قزم Red Dwarf وهي أصغر وأبرد كثيراً من شمسسنا..
.

كيفك يادكتور قرشي؟

Quote: حسب نظرية النسبية العامة لآينشتين فلو مشيت بسرعة قريبة من سرعة الضوء (إذ من المستحيل أن يصل جسم له كتلة لسرعة الضوء) فحتمشي و تجي في زمن بسيط جدا بالنسبة ليك يعتمد على إقتراب سرعتك من سرعة الضوء .. يعني ممكن تمشي و تجي في ساعات قليلة ..

أظن أن المسافر بسرعة الضوء يتوقف عمره إلى أن يبلغ نهاية رحلته !!

Quote: يعني الحل تخطب ليك بت صغيرة خالص و لما تمشي و تجي ( حتكون إنت كبرت ساعات قليلة) حتلقاها بقت عروس (مر عليها 20 سنة) !!

الإشكال أنو عمرك حيكون زاد 520 سنة تبعاً لسنة الكوكب الأصغر من مجموعة زارمينا!!
.

أخي العزيز / عبدالمحمود محمد

يا سلام عليك .. مبادر بالجميل دوما .. في العلوم و الفلك متعة خاصة و أنا سعيد حقا إذ وجدت بالمنبر شغوفا بها مثلك .. لك كل الود

Quote: أظن أن المسافر بسرعة الضوء يتوقف عمره إلى أن يبلغ نهاية رحلته !!

لا يمكن لمسافر أن يصل أصلا لسرعة الضوء .. إذ حسب نظرية النسبية تزداد الكتلة بزيادة السرعة حتى تبلغ مالانهاية حين بلوغ سرعة الضوء و هذا مستحيل طبعا .. و لكن نظريا لو بلغ شيء ما سرعة الضوء فسيتوقف الزمان تماما بالنسبة لمن يراقبونه

Quote: ويكمل دروته حول شمسه كل 13 يوماً (السنة فيه عبارة عن أسبوعين) يعني معدل العمر المتوقع فيه للشخص بحسابنا حوالي 1800 سنة

حسب ما أوردته أنت فالكوكب الجديد يكمل دورته حول شمسه كل 37 يوما .. و لكن عموما هذا لا علاقه له بسريان الزمن .. فما هو إلا إصطلاح أن نطلق على مدة دوران الكوكب حول شمسه إسم سنة .. يعني لو قضى أحدنا سنة (بحساب الكوكب الجديد) على ذلك الكوكب فسيكون قد زاد عمرا بـ 37 يوما فقط في الحقيقة .. لذا لا يزال مخططي سليما نظريا :)

دمت بخير

طبعا سرعة الضوء وسرعة الحركة الكهربائية وذبذباتها فى الاسير متساوية تفريبا
يعنى المغترب داك لو قال لخطيبته فى التلفون آلو ؟
الكلمة دى براها حتصل ليها بعد عشرين سنة
وديك ترد عليه
أهلاااان انت جاى متين؟
الرد ح يصل ليه بعد عشرين سنة
كلمة وغتايتها دايرين اربعين سنة
يعنى دا داير ليه كرت تلفون بمليون دولار من عملة ذاك الكوكب
لو الدقيقة ب 500 جنيه بالقديم اللى بتساوى 500 مقسومة على سعر الدولار الليلة 3200 بالقديم
مضروبة فى 60 دقبقة فى 24 ساعة فى 365 يوم فى عشرين سنة
دى مايها المليون دولار؟
بس تمن كلمة آلو!
لالالالالالا.. دا زواج مكلف جدا
انا من رأيى يفسخالخطوبة دى.
ويعرس ليه واحدة كوكباوية
ويموت فى كوكبو هناك احسن
ويلاقى اهلو يوم القيامة

الأخ محمد النيل
سلام

Quote: كلمة وغتايتها دايرين اربعين سنة

يبدو أن خدمة الاتصال قد بدأت فعلاً مع مجموعة زارمينا حيث جرى بث رسالة للمجموعة عام 2008م ومن المتوقع أن تصل للكوكب عام 2029م ـ أي أن المكالمة تستغرق 31 سنة (وليس 20) رايح و31 سنة جاي
وعليه يستحسن إعادة حساباتك حتى لا تورط المغترب المذكور في دفع فواتير إضافية باهظة:

Quote: A Message From Earth (AMFE) is a high-powered digital radio signal that was sent on 9 October 2008 towards Gliese 581 c. The message was sent using the RT-70 radar telescope of Ukraine's National Space Agency. The signal will reach Gliese 581 in early 2029.

مع المودة