فاروق أبوحوه + محمود مصطفى محمود ..إلى :(منافي الذات)..ورشة تلحين على الهواء..

جزء من:

منافي الذات

لأنك في ( القِبَل) مُشرع
أمانو يطمن الواردات..
صبابات الهوي المًترع
ضفاف النيل غنا الجايات
(سبايط) من جدايل الموج..
يونِّّس وحشة (الباقات)..
يبِّـل عطش السنين المُر.
يفيض و يعم منافي الذات

نسيمك يا صباح مطّر
ملا الساحات نِدا التُمتُم
سماح بالنعمه بتبطّر
يفت عزم الظروف الصُم ....
و حلاة نتقالد الإتنين..
صباح ممدود كما نيلين..
علي شهقة قفا الخرطوم..
علي الوجع الرجع مهزوم


أعفونا من جودة التسجيل..وصوت العود طوالي أعلى من صوت المؤدي (الملحن)..

تعالوا

ويا فاروق أرح آآخوي..


(هنا في الحتة دي كان التسجيل القديم..اللي كان صوت العود فيهو ما مخلي الناس تسمع الكلام...أها قمنا "معطناهو ليك برة"..


والتسجيل الجديد ياهو دا :





تعال بي جايي..

حباب نمَّكْ..

سلِم عضمك..

أريد شمَّكْ..

التعديلات الكتار ديل لأنو طلعت لي فكرة في رويسي دا..إني أقوم أجيب التسجيل الجديد هنا بدل القديم..موش فكرة برضو؟؟
يعني ناس أسامة ود خالتي والطيب قريبي دا...كلامهم ما وقع ساي..

الورشة فاتحة والله...

غايتو لو ما في مداخلات واقتراحات تانية

الشافك شايل لحنك دا (بالوضع الراهن) يا فاروق أخوي مااااااا كضَّبْ...


ولو بقينا على التسجيل والمراحل القدام ديك.. واللحن قال كدي لقالو ناس نضااااف نجموا سمحْ..

احتمال أغنيهو براااااااي.. البورض دا دحين مو ملياااااان فنانين؟؟ كدي النشوف شورتك في الأول..


أنا أخوك إتْ..

Quote: الورشة فاتحة والله... غايتو لو ما في مداخلات واقتراحات تانية الشافك شايل لحنك دا (بالوضع الراهن) يا فاروق أخوي مااااااا كضَّبْ...

حلات (لِق لِق) ..
هو نحن لقيناك بالساهل عشان (تتخارج) بالساهل كده؟
قال وضع راهن قال.

جمعتك مباركه ياخي وبعدين قول للمطاوعه ديل دي (نزهه) روحانيه
جرب (الحنك) دا معاهم لو ما نفع قول ليهم رماكم السودان بفلذات أكباده وكمان تتلوموا فيهم؟؟

مادام هي ورشه مفتوحه كدي النجرب التنظير :
تعرف يا مصطفي أحسن شئ إنك تسكن في بيت كدا (بالمجان)
ياخي دا بيت سكنتو سمحه جنس سماح ..لا (شواطين) لا مجانين.
غايتو (سويت) لينا بيت ماهل وناسو سمحين زيك والله والله والله.

- يفيض و( يعُم) منافي الذات ،
ليت (ضمّه) عاقه تقيّل فوق راكوبة حرف (العين) الزين
- صباح (ممدوووووود) مالو لو وريتنا نفسك حدو وين ؟
ما تخاف الصوت (بطاوع) مش صوت (مطاوع) في حِلّة (مطاوعة) وبيت (مطوّع)؟
- حلاة نتقالد (الإتنين) :
غايتو في المره الأولي لما تغني المقطع دا سماحو بشبه لي (شويفعة) أمها (شطفته) وسرحت ليها بي شريط أخدر و (قدّمتا) لا عند باب القلب عشان تلحق الشفع الملتخين بي قبايل عيد الضحيه.
أما لما تغنيها في المره التانية أمانة في (ضُمتي) بضوق طعم حاجات كتيييييييييره ، لكن الشي الفرزتو من العشرقة دي (خبيز) أمي نفيسه بت كرموش في زمن والقلب خالي

غايتو الله يسامحك فينا

كدي النصلي الجمعه ونرجع

تتملي بركه.:

Quote: - يفيض و( يعُم) منافي الذات ، ليت (ضمّه) عاقه تقيّل فوق راكوبة حرف (العين) الزين

سمِح آآخوي.. ونحن الورشة أصلاً فتحناها لجنس الكلام دا زاتو..
فاروق يجيب (ضمته)..وعثمان محيي الدين يجيب كمنجته..ولؤي يجيب أورغنو...ومعتز القريش أكورديونيهو..وهكذا..

أحيييييي يا مصاريني..

Quote: - صباح (ممدوووووود) مالو لو وريتنا نفسك حدو وين ؟

حدو على بعد 10 سنة ضوئية من أضان المطوع..
الشايفو أنا غايتو ... نشوف مخارجة ساااااي... استوديو بس..


محبتي

النقوم على الصلاة..
جمعتك مباركة وغداك ملوخية مفروكة وكسرة ..إن شاء الله العضم الكبير داك تاااااخ يقع ليك

في جلابيتك العاجباك دي..

الجن الـ.....

استقيموا يرحمكم الله

يجازوك كيف هسه ؟؟

(عِلا أقتلك)..
زي ما قلتلك..
يكفيك الضو
المنو بطول
رحيق شتلك.
يا محمود
أفتح حلق الغنا المسدود..
لو ما المنافي رصدت لك
يالبينك وبين وطنك
كمين وجع ممدود
غربه و حزن
و عميق أخدود
كان النشيد
يبقاك عيد
يفتح نداك
كوة غناك
لا نشزّت لزمات
بهاك
لا طاعم نداك
جالك كمان مردود.



بالغت فينا ياخي
من ضي لي ضي ؟
فترت خيلنا (أدييييييل ) كده.



.....................
ورشة تلحين علي الهواء؟
منو السبقك عليها؟

فاروق يا زول مسكون..

يتقطر رقة جمال ولحون...

في الجن معطون..

مالك بتدور تكتلنا آآخي؟؟

Quote: يا محمود أفتح حلق الغنا المسدود.. لو ما المنافي رصدت لك يالبينك وبين وطنك كمين وجع ممدود غربه و حزن و عميق أخدود كان النشيد يبقاك عيد يفتح نداك كوة غناك

العمارة الساكن فيها أخوك بوليداتو دي..

جيراني (مطاوعة) الواحد دقنو ممكن تعمل ليها اجتماع أنصار سنة عديل كدا...

والعمارة في رقبتها بتاعة المطوع (سيد الجامع)...ههههههههههههه

دحين آآخوي..حلق الغنا دا ما ظنيتني قادر أفتحو أكتر من كدي...


أكيد المقصود بـ(المراحل السنية) القاعد يمر بيها اللحن إنه ياخد ملامحه ويتماهى

في نفَس النشيد

الجاني منك

ومن تباريح اغترابنا الما لقينا

وراهو غير منفى (الذوات)

رضيانة تختار الموات..

يا ربي هل كان اختيار؟؟


فاروق هوووووووي...

شيل لحنك دا واتخارج لينا ياخ..

مالك ياخ داير تقلبنا شعراء كمان؟؟

داير (تعارض) الله في حكمو؟؟

ماني شاعر آآآرفيق ..علا قالوا البيجاور السعيد يسعد..

طيب قولوا بقيت شاعر ... فاروق دا آآناس بيتصاقع؟؟


محمود مصطفى محمود
[email protected]

يا أخي دا شعر مدهش يا فاروق يا بخيل؟
كثر خيرك يا محمود يا بخيل شوية.
دا شغل جميل شعرا و لحنا وأداء ، عشان كدا فإني أتهمكا بالبخل.
صوتك جميل ولحنك جميل وإختيارك للنص السمح دا بيوري إنك فنان ناضج.
لكن هذا لا يمنعني أن أقول أن التسجيل الجبتو لينا ده تعبان تعب الموت!!

ماعندكم غيرو أيهاالمبدعين البخلاء.
أحييكما رغما عن كل شئ.

أبو مهيار الحبيب...

العيد يتبارك عليك آآخوي..

أعفو مننا..

Quote: يا أخي دا شعر مدهش يا فاروق يا بخيل؟ كثر خيرك يا محمود يا بخيل شوية. دا شغل جميل شعرا و لحنا وأداء ، عشان كدا فإني أتهمكا بالبخل. صوتك جميل ولحنك جميل وإختيارك للنص السمح دا بيوري إنك فنان ناضج.

إت هسي خليهو بخلنا... إت مغرقنا بكرمك النبيل دا مالك؟؟
ونحن بخلنا داسينو؟؟ أسعل أي زول...
وما تمشي بعيد..أسعل أماني وعثمان..

حلوة (أسعل) دي؟؟

Quote: لكن هذا لا يمنعني أن أقول أن التسجيل الجبتو لينا ده تعبان تعب الموت!! ماعندكم غيرو أيهاالمبدعين البخلاء.

نحولك لما ورد في معرض ردنا على فاروق.. ونعترف برداءة التسجيل..

لكن أبشر بالخير ... حتى لو الواحد (ينطر) يسجل في استوديو بالقروش

عشان خاطر جيتك الغالية دي يا الغالي ود الغاليين..

الواحد زاتو ما بيقدر على (نبيشة) الناس الفنانين زي أسامة دا...

لحن دا ولا كتاب الجاحظ أصلو؟؟

محبتي وشكري وتقديري..

محمود

Quote: يا أخي دا شعر مدهش يا فاروق يا بخيل؟ كثر خيرك يا محمود يا بخيل شوية. دا شغل جميل شعرا و لحنا وأداء ، عشان كدا فإني أتهمكا بالبخل. صوتك جميل ولحنك جميل وإختيارك للنص السمح دا بيوري إنك فنان ناضج. لكن هذا لا يمنعني أن أقول أن التسجيل الجبتو لينا ده تعبان تعب الموت!! ماعندكم غيرو أيهاالمبدعين البخلاء. أحييكما رغما عن كل شئ.

.أسامه يا جميل
جمعتك مباركه..
إشاده يعتز بها العمل قبلنا يا حبيب ربنا يديك العافية..

عاد شوف ليك حل يا محمود مع التسجيل
غايتو كان علي أنا وحاتك يالله مكيفني تب لما مدفق.
لكن الضيوف إكرامهم واجب.

شكراً أبو مهيار.

Quote: فاروق يا زول مسكون.. يتقطر رقة جمال ولحون... في الجن معطون.. مالك بتدور تكتلنا آآخي؟؟

هسه البجنن التاني منو ؟؟

إنت خليت فيها عقل ؟
الله بسامحك غايتو علي السويتو فينا.

Quote: طيب قولوا بقيت شاعر ... فاروق دا آآناس بيتصاقع؟؟

غايتو خجلتني لما بقيت (قدر السمسميه ) زي ما بتقول حبوبتي بت النعيم رحمة الله عليها

محمود ياخي

الله يديك العافيات
ظاهرات وخافيات

Quote: منافي الذات لأنك في ( القِبَل) مُشرع أمانو يطمن الواردات.. صبابات الهوي المًترع ضفاف النيل غنا الجايات (سبايط) من جدايل الموج.. يونِّّس وحشة (الباقات).. يبِّـل عطش السنين المُر. يفيض و يعم منافي الذات نسيمك يا صباح مطّر ملا الساحات نِدا التُمتُم سماح بالنعمه بتبطّر يفت عزم الظروف الصُم .... و حلاة نتقالد الإتنين.. صباح ممدود كما نيلين.. علي شهقة قفا الخرطوم.. علي الوجع الرجع مهزوم

الله الله إبداع والله يا مصطفى
ابو حوة شاعر لا يشق له غبار
الكلمة حاضرة لديه ولا يجد مشقه
في كتابة النصوص التي تلامس الوجدان
كلمات رنانة وبصوتك يا محمود رؤيانة
إستمعت لهذا العمل اكثر من مرة وفي
كل مرة ازداد تشوق .
اللحن جميل يا محمود ولونية مطربنا
مصطفى سيد أحمد طاغية عليه , بس صوتك
منخفض جداً هل هو الخجل أم التواضع ّّ!!
عن نفسي اقول عمل رائع وحتماً سيكون
أجمل مع مرور الوقت .
اتمنى ان يتواصل عمل الورشة , سيروا
ونحن معكم نستمع ونستمتع .

حبيبنا الفنان هاشم أبو أحمد..

جمعتك مباركة يا جميل...

Quote: الله الله إبداع والله يا مصطفى ابو حوة شاعر لا يشق له غبار الكلمة حاضرة لديه ولا يجد مشقه في كتابة النصوص التي تلامس الوجدان كلمات رنانة وبصوتك يا محمود رؤيانة إستمعت لهذا العمل اكثر من مرة وفي كل مرة ازداد تشوق

.

يا سلام عليك يا هاشم ياخ.. أغرقتنا بكريم الاحتفاء.. وكلك ذوق والله..

Quote: اللحن جميل يا محمود ولونية مطربنا مصطفى سيد أحمد طاغية عليه

إذن: ما (ضليت..هرب مني الأمل جنيت)..

أنا يا هاشم قانع تماماً بأن تكون كل مساهماتي - إن كان لي مساهمات أصلاً - سواء كانت أدائية أو (لحنية)

قانع بأن تكون مجرد محاولات لا تعدو كونها بكاء مستمر على مصطفى الذي لن يرحل ما بقي في الدنيا وجدان سوداني..

وهل أنا إلا (نحلة) تأتيكم من حدائق مصطفى بما فيه شفاء (لبعض) الناس ما استطاعت تلك النحلة إلى ذلك سبيلا؟؟

Quote: بس صوتك منخفض جداً هل هو الخجل أم التواضع ّّ!!

والخوف كمان..

Quote: عن نفسي اقول عمل رائع وحتماً سيكون أجمل مع مرور الوقت . اتمنى ان يتواصل عمل الورشة , سيروا ونحن معكم نستمع ونستمتع .

جزيل الشكر والامتنان يا هاشم ياخ..

ونرجو ألا تبخل علينا إت كمان..معروف صاحب روائع...

محبتي..

Quote: صوتك منخفض جداً هل هو الخجل أم التواضع ّّ!!

أتفق..
و
أضــيــف
نحن لا نزال ننتظرك بالســــــــــودان
نسمعك (جهرة) و نقول، بعد داك، آراءنا
كن بألف خير
شعر فاروق ممتع..و لحنك حلو..و صوتك نهائي مو واضح
خليهو واضح يا جميل

.

أوووووووووهــ.. أمانة الورشة ما جابت لها ناس صعبين وأهل الشي زااااتا..

الطيب بشير حتة واحدة؟؟

حبابك ياخ..

ينعاد عليك بالصحة والسلامة وجمعتك مباركة ..

Quote: أتفق.. و أضــيــف نحن لا نزال ننتظرك بالســــــــــودان نسمعك (جهرة) و نقول، بعد داك، آراءنا

أنا ذاتي أتفق آآخوي..

أنا هنا في الورشة دي مركِّبْ مكنة (ملحن)..
عمرك يا الطيب سمعت حفلة يغني فيها (حسن بابكر) أو (بشير عباس) أو (الفاتح كسلاوي)؟؟؟ ههههههههههه

Quote: شعر فاروق ممتع..

أتفق.. وأضيف..ملحَّنْ تقريباً... ومليان شجن لما بهناك زاتو..

Quote: و لحنك حلو..و صوتك نهائي مو واضح خليهو واضح يا جميل

أبشر بالخير.. وخذوا هذه.. اتقاسموها إت وفاروق وأسامة وهاشم.. وقسموا الباقي للشعب السوداني..

إلا من أبى....(صحي هي أبى ولا أبا)؟؟









غايتو

Quote: نحن لا نزال ننتظرك بالســــــــــودان نسمعك (جهرة) و نقول، بعد داك، آراءنا كن بألف خير

اهلا بك يالطيب ..
ياخي كلم الزول دا يخلا الخندق اللابد فيهو دا..

أنا غايتو مادام عرفتو (بزوزبهو) ليك تب..

حرام عليك يا محمود والله..

Quote: الله الله إبداع والله يا مصطفى ابو حوة شاعر لا يشق له غبار الكلمة حاضرة لديه ولا يجد مشقه في كتابة النصوص التي تلامس الوجدان كلمات رنانة وبصوتك يا محمود رؤيانة إستمعت لهذا العمل اكثر من مرة وفي كل مرة ازداد تشوق .

يا سلام عليك يا هاشم ..

شهاده سمحه خلاص..

بجيك راجع ..
شايف محمود بي هناك جايبلينا شيتاً جديد..

بنرجع بلا شك

يعُمْ منافي الذات..

يعُـ .. يعُــ

شاطر يا فاروق صاح؟؟

الورشة دي أكلت معانا كهربا تقيلة يا عمك..

الليلة كان معاي على الغداء حامد أخوي..وهو شيخ المتصفحين لسودانيزاونلاين ..وعنده قصة طويلة عريضة

في حكاية الحصول على العضوية... بورداب جدة حافظنها..


طبعاً غديتو ليك بمنافيك دي..

قبل الغداء..وبعد الغداء كمان..

أها وهو طالع قبل شوية.. قال لي ياخ اللحن دا جميل خالص.. لكن حاول أختم بالمطلع تاني..

قلت ليهو جداً.. أظنها برضها وجهة نظر سليمة..

متخيلني صاحب الورشة براي.. والورشة ورشة أخوهو..وكدا..

على العموم نحاول نجدع ليك اللحن في الإيميل بتاعك ..

عشان طريقة استعمالو غالباً في المرحلة دي ح تكون منفى عند اللزوم قصدي حبة كل 5 دقائق..

بعدين نشوف حكاية ترشيد الاستهلاك دي..



الجن الـ.....

على شهقة قفا الخرطوم...

على الوجع الرجع مهزوم..


يا فاروق والله حاسي بيك قاصدها كدا: علِـ ي شهقة وليس على بالألف المقصورة والمعنى واحد..لكن

عا########ي كدا وفيها حنية غريبة خلاص..عليك الله كل ما تسمع اللحن دا..أسمع الحتة دي بتركيز شوية..

وقابلني أكان ما دميعاتك جرن..

واااااا كبيدتي..

فاروق ....

إجازة مافي ياخوي..

بالله ما تزوغ لينا ياخ..

هسي ناس الضرائب جوني قبل شوية .. قلت ليهم المعلم مشى مشوار وراجع..

العزيز محمود مصطفى
كل سنة وإنتو طيبين باعتبار ما قد كان وما سيكون..

كلمات الشاعر الرقيق فاروق قِمة في الروعة، تُهدهِد الوجدان وتعصف بالدواخِل..
لحنك وأداءك سفح من سفوح الإبداع، يتربَّع فيه شخص مُتمرِّس يملك مفاتيح جماهيرية الغناء العُظمى غير آبِه..
أعجبني جداً الـ Vibration في أداءك متزامناً مع الـ Echo غير المقصود الصادر من نقرشة العود في نهايات الميلودي اللحني..
أعجبني ساكِت؟؟ ياخ دي حاجة ما تَخلَص..
لكما أنت وفاروق والحضور عميق إحترامي

Quote: .. لكن حاول أختم بالمطلع تاني..

كنت حأقول ليك كلام حامد صحبي دة قبل ما حتى أقرا مُداخلتك دي..
ولو في طريقة برضو في نهاية الكوبليه الأول تعيد المطلع بتاع:
لِلأنِّك في القِبَل مُشرع
أمانو بيطمِّن الواردات
(يمكن عشان الواردات دي دلَّعتها بإحساسك شديد لحدِّي ما بِقت تمرُق معجَّنة.. تقول بس قَرَت في مامون حمّيدة)

مُجرَّد وجهة نظر فقط ولا علاقة لها من قريب أو من بعيد بِعِدَّة وأدوات ومحتويات أصول الورشة الثابتة والمنقولة.

الأخ الحبيب الشاعر الرقيق علاء الدين صالح

جارنا وود حلتنا سابقاً...

تحيات كتار ياخ وكل سنة وإنت طيب..

Quote: كلمات الشاعر الرقيق فاروق قِمة في الروعة، تُهدهِد الوجدان وتعصف بالدواخِل..

فاروق تعال رد على شهقة علاء الدين..قصدي رد على مداخلة علاء الدين دا ياخ.. الراجل برضو شاعر جداً والله..

Quote: لحنك وأداءك سفح من سفوح الإبداع، يتربَّع فيه شخص مُتمرِّس يملك مفاتيح جماهيرية الغناء العُظمى غير آبِه..

ياخ ما تخجلنا يا علاء ياخ... ما كترتها شوية بحكاية سفح وجماهيرية الغناء العظمى دي؟؟

لكن غير آبه دي... ريحتني ليك راحة السرور.. لكن أظن الأصح (لا يؤبه له)...

بالمحلي بتاع الحارة هنا: (ما عند أمو سالفة..أو بالكتير خالص : ماف راس أمو شي)هههههههههههه

Quote: أعجبني جداً الـ Vibration في أداءك متزامناً مع الـ Echo غير المقصود الصادر من نقرشة العود في نهايات الميلودي اللحني.. أعجبني ساكِت؟؟ ياخ دي حاجة ما تَخلَص..

دا الـ Vibration بدل الفاقد..الشغلانة فكت يا عمك.... والإيكو تبع الورشة وعدة الشغل..بالله ما تهبش ياخ.. الشغل دا لسه لين..
يعجبوك وليداتك يا علاء ياخ... ودا من ذوقك..

Quote: لكما أنت وفاروق والحضور عميق إحترامي

ولك مثل ذلك من الاحترام يا فنان..

Quote: كنت حأقول ليك كلام حامد صحبي دة قبل ما حتى أقرا مُداخلتك دي.. ولو في طريقة برضو في نهاية الكوبليه الأول تعيد المطلع بتاع: لِلأنِّك في القِبَل مُشرع أمانو بيطمِّن الواردات (يمكن عشان الواردات دي دلَّعتها بإحساسك شديد لحدِّي ما بِقت تمرُق معجَّنة.. تقول بس قَرَت في مامون حمّيدة)

أضحكتني والله.. المشكلة ما نلقى لينا فنان للحن دا يوصل لينا نفس الإحساس..

وجهة نظرك وجيهة وتم استلامها بواسطة الوردية المناوبة في الورشة الآن..

Quote: مُجرَّد وجهة نظر فقط ولا علاقة لها من قريب أو من بعيد بِعِدَّة وأدوات ومحتويات أصول الورشة الثابتة والمنقولة.

شوف يا حبيب..الورشة دي.. المتصفحين بتاعين سودانيزاونلاين في مشارق الأرض ومغاربها نعتبرهم شركاء أصيلين فيها.. خلي زول

حضر إلى داخل الورشة وقال كلام بالقيمة والجمال بتاع مداخلتك دي.. إنت عضو مجلس إدارة عديل يا حاج..


كن بألف خير..

Quote: العزيز محمود مصطفى كل سنة وإنتو طيبين باعتبار ما قد كان وما سيكون.. كلمات الشاعر الرقيق فاروق قِمة في الروعة، تُهدهِد الوجدان وتعصف بالدواخِل.. لحنك وأداءك سفح من سفوح الإبداع، يتربَّع فيه شخص مُتمرِّس يملك مفاتيح جماهيرية الغناء العُظمى غير آبِه.. أعجبني جداً الـ Vibration في أداءك متزامناً مع الـ Echo غير المقصود الصادر من نقرشة العود في نهايات الميلودي اللحني.. أعجبني ساكِت؟؟ ياخ دي حاجة ما تَخلَص.. لكما أنت وفاروق والحضور عميق إحترامي

العزيز علاء الدين صالح..

كل سنه وإنت طيب ياخي..
كلماتك قلاده في جيد هذا الجميل محمود وفي جيد الحروف ..
جميل جداً أن (تعتر) فوق الجمال صدفة وبدون تخطيط مسبق.
فمحود هذا (عِترنا ) فيه هكذا دون سابق إنذار (بحفره) أو كل ما جاء علي شاكلتها..
بارك الله في (مطر إيديك ) التي جمعتنا بهذا (الجني).

Quote: كنت حأقول ليك كلام حامد صحبي دة قبل ما حتى أقرا مُداخلتك دي.. ولو في طريقة برضو في نهاية الكوبليه الأول تعيد المطلع بتاع: لِلأنِّك في القِبَل مُشرع أمانو بيطمِّن الواردات (يمكن عشان الواردات دي دلَّعتها بإحساسك شديد لحدِّي ما بِقت تمرُق معجَّنة.. تقول بس قَرَت في مامون حمّيدة)

قول إتنبن يا محمود ..

شكراً علي الكلام الطيب يا علاء الدين
والورشه فاتحه جيب أي حاجه (للمطوع) دا خليه ما ينوم أصلو
ياخي دا قالوا نايم من زمااااااااان كفاهو تب..

Quote: يا فاروق والله حاسي بيك قاصدها كدا: علِـ ي شهقة وليس على بالألف المقصورة والمعنى واحد..لكن عا########ي كدا وفيها حنية غريبة خلاص..عليك الله كل ما تسمع اللحن دا..أسمع الحتة دي بتركيز شوية.. وقابلني أكان ما دميعاتك جرن.. واااااا كبيدتي..

يا قاريني صاح إنت ..
والله هو ما قصدته با لــ (علي) المتكيه
لكنك تفوقت علي نفسك وعليها عندما جعلتها (علااااااااا) شهقة قفة الخرطوم
ورجعت لتجعلها (عليييييي) الوجع الرجع مهزوم.
أموت أنا في (التوأمة) بين (العليين)..

فوق دا كلو عليك الله قول لي كيف قدرت تختزل كل النص في هذا الوجع؟

Quote: يعُمْ منافي الذات.. يعُـ .. يعُــ شاطر يا فاروق صاح؟؟

مو غلط..

Quote: الورشة دي أكلت معانا كهربا تقيلة يا عمك..

إنت القروش الإتبرعوا بيها أهل الخير (لحستها) ؟

Quote: بورداب جدة حافظنها..

لي في جده هذه صديق عزيز (الشاعر الجميل عبد العال السيد)
ياخي حتي لو ما بتعرفوا بلغوا تحياتي..

Quote: طبعاً غديتو ليك بمنافيك دي.. قبل الغداء..وبعد الغداء كمان..

حننتني عليه ياخي ..
هو كان مالو ومال الورشه والكركبه بتاعتنا دي؟
وكلامو ما عن الكوبلي ما تجهلو

Quote: متخيلني صاحب الورشة براي.. والورشة ورشة أخوهو..وكدا..

يا عمك خليه يسمكر أي حاجه مش أخو سيد الورشه؟

Quote: على العموم نحاول نجدع ليك اللحن في الإيميل بتاعك ..

رسلت ليك إيميل (توقو)

Quote: رسلت ليك إيميل (توقو)

وطوالي رسلنا ليك فوقو

أغمت بس..

وين ياخ؟؟

Quote: وطوالي رسلنا ليك فوقو أغمت بس.. وين ياخ؟؟

وصل المرسال وتراهو جا..

اليوم بس شفت صورتك
والله يا محمود نفس الخاتيها ليك في مخيلتي
ولم تنطلِ علي حكاية (المطوع) الدقنو تؤهله لمؤتمر أنصار سني دي..

عودك مجنون يا مان

Quote: اتمنى ان يتواصل عمل الورشة , سيروا ونحن معكم نستمع ونستمتع .

يا هاشم أنا غايتو فكرة الورشة المفتوحة بتاعة محمود دي
شايفه فكره جديده وبتفيد يا ريت ما تقيف هنا عند منافي الذات..

والله رايك شنو يا محمود؟

إعلان هام..

تعلن إدارة الورشة عن وجود وظائف شاغرة على النحو التالي:

* عدد 50 درويش حلقة النوع البترجم داك..

* عدد 8 عازف كمان (كمنجة) (يفضل ماركة عاصم الطيب قرشي وأحمد باص واسماعيل عبد الجبار)

* عدد 2 عازف أورغن (يفضل ماركة سعد الدين الطيب)

* عدد 2 عازف ساكسفون (مي + سي)

* عدد 1 عازف أكورديون (يفضل ماركة عبد اللطيف خضر ود الحاوي)..

* عدد 1 عازف كلارنيت (يفضل ماركة الراحل أميقو)

* عدد 1 عازف ترامبيت (طرمبة)

* عدد 8 عازفي إيقاعات مهرة


ترسل الطلبات والسيرة الذاتية والعدة إلى الورشة مباشرة ويفضل إرسال نموذج من أداء (منافي الذات)..

آخر موعد لاستلام الطلبات هو يوم 09/01/2011

إدارة الورشة غير مسئولة عن ما قد يحدث للخارطة الوجدانية بعد التاريخ المذكور أعلاه..

Quote: إعلان هام.. تعلن إدارة الورشة عن وجود وظائف شاغرة على النحو التالي:

- ألووو
- ها ناس ها دي مو ورشة الغنا ؟
- أيوا أتفضل
- في نظام تزكيه وواسطات والله كيري ساكت ؟

Quote: في نظام تزكيه وواسطات والله كيري ساكت

كلو عندنا يا صاحب..

التزكيات عندنا..الواسطة عندنا...ولو كمان آآيز الكيري ساجت بردو إندنا يا قريبك..

دي ورشة Public Utility يا حاج فاروق... لا نرفض إلا من لم يأتِ الورشة بوجدان سليم..

هسي زاتو الواحد بدا يدبرس من عدم التجاوب بتاع الناس..


ندخل إجازة لمدة أرشفطاشر سنة تاني ولا كيف؟؟

يا لطيف..

Quote: هسي زاتو الواحد بدا يدبرس من عدم التجاوب بتاع الناس..

إلا دي يا فنان..

الناس بتجي يا حبيب ما دام الورشه للمنفعة العامة..

Quote: ندخل إجازة لمدة أرشفطاشر سنة تاني ولا كيف؟؟

معاك معاك ياعمك ولن توقفنا (أرشفتئذٍ)..

يا لطيف..

ربنا يا محمود يفِك ويحِل عُقدة لحنك كمان وكمان

عشان تجمِّل غُنانا: فاروق وأنا والبقية تأتي بإذن الله قريب وقريب

ما تشتغل ناقد لنفسك خاصة في لحظات دفقك الأول، خلي نهر اللحن يجري ويجري، وبراهو بعرف تعرجاتو ومصبو وين

وربنا يسمعنا منافي الذات ومطر إيديك في سيديهات وكستات وأروكسترات كاملة قريباً قريباً ..... قولوا يا لطيف

Quote: ما تشتغل ناقد لنفسك خاصة في لحظات دفقك الأول، خلي نهر اللحن يجري ويجري، وبراهو بعرف تعرجاتو ومصبو وين

الحبيب عصام عيسي:
اليأس قاتل لكل الفنون ، كما قلت فإن النهر يعرف مصبه وإن تعددت المهامه والوهاد.

سأنقل لك أصداء لحن (منافي الذات) بين من أسمعتهم له.
ويكفي أن بعضهم طالبني بأن أوصله بهذا المحمود ليلحن له بعض الأعمال.
هذه وحدها تكفيه يا عزيزي..

خلي الباب مفتوح يا محمود
وأملا قلبك بالنشيد

شكراً لك يا عصام لأنك (بمطر إيديك) أهديتنا فتحاً جديداً في عالم التلحين
ألا وهو الجميل محمود مصطفي محمود..

(إنت قايل دخول النشيد زي مروقو) ؟!


قول يا لطيف.

إهداء إلى الأخ الموسيقي الجميل الأستاذ/ صلاح سري..أبو محمد

وجهزوا البروفات بالله يا أبوالصلح..

حتى يرجع الوجع مهزوماً..

صلاح..

يا سلام

والله البخل حاشاكم.
أرجو أن تتاح لنا نصوص أخرى يا فاروق لنتعرف أكثر
على هذا الصوت الشعري المتميز وعلى مجمل تجربتك الشعرية.
يا محمود لحنك متناغم مع النص لحد بعيد ، ربما ذكر لك بعض
المستمعين أن أثر مصطفى حاضر بقوة في أدائك ولكني كذلك ألحظ
تكنيك عادل الصديق في العود وهو موجود في الأداء الصوتي أيضا بدرجة أقل.

أنا سعيد بهذا الإنجاز الفني الرائع وأتمنى أن تستمر هذه المسيرة الخّلاقة.
ويللا سماح بالنعمة يبطر ويفت عزم الظروف الصم.

Quote: سأنقل لك أصداء لحن (منافي الذات) بين من أسمعتهم له. ويكفي أن بعضهم طالبني بأن أوصله بهذا المحمود ليلحن له بعض الأعمال. هذه وحدها تكفيه يا عزيزي..]

تكفيهو ونُص وخمسة

بس هو يشد الحيل ويدي التلحين شويه وقت واهتمام أكتر، وبراحة حيخت ليهو كرسي بين الملحنين، مش المسألة موهبة وشغل عليها وثقة بالنفس واللحن ....؟!

ولي قدام يا أحباب الغِناءِ الجميل

يا محمود 000

مطر ايديك نبتت منافي الذات

يلا علي صوتك بالغنا والجمال

Quote: مطر ايديك نبتت منافي الذات

وأنبتتك زهرةً علي أرض حديقة الغناء..



شكراً عفاف
رغم الغربه
رغم الكربه
الكفاف.

الأستاذة عفاف..

شكراً لمتابعتك التي تمنحنا الكثير من الدعم..

Quote: مطر ايديك نبتت منافي الذات يلا علي صوتك بالغنا والجمال

صاح والله.. رزق ساقه إلينا هذا الفاروق...


زول جا ..كتل الحفلة بتاعة مطر إيديك..

شحدناهو حاجة... قام اتجمل علينا بعذب الكلام في منافي الذات..

أتضح إنه عم العروس لزم..

غايتو..

لكن بالطريقة بتاعتك إنتي وعصام عيسى دي.. شكلو الواحد مفروض يطلع شريط براهو ولا شنو؟؟

واللاي قِسَسْ..

Quote: مش المسألة موهبة وشغل عليها وثقة بالنفس واللحن ....؟!

طيب البيقنع (النيل) منو ؟

أسامة الحبيب...

Quote: يا سلام والله البخل حاشاكم. أرجو أن تتاح لنا نصوص أخرى يا فاروق لنتعرف أكثر على هذا الصوت الشعري المتميز وعلى مجمل تجربتك الشعرية. يا محمود لحنك متناغم مع النص لحد بعيد ، ربما ذكر لك بعض المستمعين أن أثر مصطفى حاضر بقوة في أدائك ولكني كذلك ألحظ تكنيك عادل الصديق في العود وهو موجود في الأداء الصوتي أيضا بدرجة أقل. أنا سعيد بهذا الإنجاز الفني الرائع وأتمنى أن تستمر هذه المسيرة الخّلاقة. ويللا سماح بالنعمة يبطر ويفت عزم الظروف الصم.

غارقون نحن في كريم ثنائك ولطيف عبارتك..

لكن النصيحة لله كدا.. عادل صديق عزااااااااف...وصوت قوي ومتميز جداً..
نحن على قدر حالنا يابا.. في هذه المرحلة تقدر تقول الواحد يا دوبك عايز يوصل للناس فكرة اللحن..

لما نبقى على الأداء.. وفي حالة عدم وجود مؤدي غير محمود.. حينها سيكون لكل نوتة طعمها الخاص..

إن شاء الله..

محبتي يا أبو مهيار..

الجميل فاروق..

مساء الخير ..هنا يا الأمير.. يا المنفاك كسر الضهير..

Quote: سأنقل لك أصداء لحن (منافي الذات) بين من أسمعتهم له. ويكفي أن بعضهم طالبني بأن أوصله بهذا المحمود ليلحن له بعض الأعمال. هذه وحدها تكفيه يا عزيزي..

عصام قال ليك تكفيهو ونص وخمسة.... لعل جميل تواضعك وأدبك والجم واحتفاءك الجميل وحده

يشرفني ويزيداً يقيناً بأن الإنسان السوداني من أعظم ما خلق الله..

Quote: خلي الباب مفتوح يا محمود وأملا قلبك بالنشيد

باب شنو يا حبيب..؟؟

أوع يكون باب الورشة؟؟

الورشة دي أصلاً مشرعة الأبواب وهي مقامة أصلاً على قطعة أرض على قارعة الوجدان السوداني..

وأمانها يطمن الواردات.. الله كريم يابا..

Quote: (إنت قايل دخول النشيد زي مروقو) ؟!

وإنتو قايلين طلوع الألحان زي نزولها؟؟

ياخ تكون قاعد في المكتب في أمااااااان الله... شايل ليك بوكس فايل..

فجأة .. وبدون أي حياء.. تتخذ من ذلك البوكس فايل آلة إيقاع سودانية؟؟ الجن الـ....

إنا لله..

تعالوا بالله يا فاروق الورشة أدوها سندة مرة مرة كدي... سمِحْ؟؟

Quote: ربنا يا محمود يفِك ويحِل عُقدة لحنك كمان وكمان

آمين يا عصام ياخ..

Quote: ما تشتغل ناقد لنفسك خاصة في لحظات دفقك الأول، خلي نهر اللحن يجري ويجري، وبراهو بعرف تعرجاتو ومصبو وين

بالعكس.. أنا عايز الناس يجوا الورشة.. إن شاء الله يكونوا عايزين يدقونا زاتو..موش ينتقدونا بس...

كلامك جميل والله ياعصام ... يخلي الزول يسرح في حتات بعيدة كدا..

Quote: وربنا يسمعنا منافي الذات ومطر إيديك في سيديهات وكستات وأروكسترات كاملة قريباً قريباً ..... قولوا يا لطيف

تاني آآمين.. ويا لطيف..

نداء بالصوت العالي جداً...

يا بكـــــــــــــري...

بالله عليك الله ما تصادر لينا الورشة دي.. قصدي ما تأرشفها لينا ... يوجد لحن حديث الولادة...

وشغالين عليهو لسه... بليز... كويس؟؟

أزور النور

ألاقيهو بيخرم ليك

بتتقريف موانيهو

مراسي الحن

سفن إيديك

وتتكيف أمانيهو

إذا شهقت رحيق عينيك

يكب الجرسه شوقا ليك

براك عارفاهو مكشوف حال

ولا بصبر ولا مستور

بجيك دغري كما السكه

دا ما بيعرف يلف ويدور

عشان الإلفه باب الفال

عشان العفة سُترة حال

وشوق عينيك

مزار النور.






------------
(أها نتمها والله نعمل رايحين)..؟؟

Quote: (أها نتمها والله نعمل رايحين)..؟؟

أول حاجة يا عمك...حمداً لله على سلامة الورشة من طوفان الأرشفة...

شايف المعلم بكري استجاب للنداء...

عليك أمان الله أكان انتكلت عليكم إنت وعصام عيسى

ياكم اللابدين بالجاكم في الإيميل...

يا ناس.. ما تشيلوا معانا كتف الغنا...


يا لطيف..

أزيدك ؟؟

البروفات ربما تنطلق في منتصف الأسبوع القادم..

مجموعة أماسي بقيادة الموسيقار صلاح سري على سنة ورمح...

الله كييييييييف؟؟؟ نحن بنلعب؟؟

أبشر بالخير...

محبتي ياخ

Quote: البروفات ربما تنطلق في منتصف الأسبوع القادم.. مجموعة أماسي بقيادة الموسيقار صلاح سري على سنة ورمح... الله كييييييييف؟؟؟ نحن بنلعب؟؟

أيوووووووووووي ااااااااااااااااااااا

Quote: أول حاجة يا عمك...حمداً لله على سلامة الورشة من طوفان الأرشفة...

ودعوات الحاجه كمان

Quote: مجموعة أماسي بقيادة الموسيقار صلاح سري على سنة ورمح...

الورشه بقت تخوووف يا صاحب..
ديل ناس (تُخان) بالحيل ونحن يا دوبك في درب الوجع الفتحتو الورشه دي
أنا شكلي كده يا بتاع الورشه حدي معاك المنافي دي ..

ناس أصلو ما بتعرف هظار؟

يا لطيف

جمعه مباركه

ياخ الغنية دي مافيها كلمة
عايزة التوزيع والحاجات الجوة جوة دي
لكن اللحن دربو مرق

أبو حوة عادي جداً ممكن تواصل في الورشة دي
والجمعة صليها فيما بعد

Quote: ياخ الغنية دي مافيها كلمة عايزة التوزيع والحاجات الجوة جوة دي لكن اللحن دربو مرق

يا حبيب نورة..نهدي ليييييييييييك نغم

دلوكة خمجااااااااانة السيرة والتمتم..

شكراً على الدعم يا حبيب..

وشكراً على تكبير الفيديو..


الزول دا .. أبو العروس..قايل دخول الوجدان زي خروجو..

بالله قول ليهو يخت الرحمن في قلبو..


محبة شديدة..

Quote: عايزة التوزيع والحاجات الجوة جوة دي لكن اللحن دربو مرق

نشوف همة محمود يا حبيب
الحاجات (الجوانية) دي ياها الأهم..

Quote: أبو حوة عادي جداً ممكن تواصل في الورشة دي والجمعة صليها فيما بعد

الحمد لله قريت مداخلتك دي بعد صلاة المغرب


تسلم يا حبيبا وحبيبنا

Quote: ناس أصلو ما بتعرف هظار؟

نان تحسبو لِعِبْ؟؟

هووووووووووي يا فاروق..

الورشة الجد جد لسه ما بدت...

والله ناس أماسي ديل يلموا ليك في منافينا دي ويظبطوا ليها البهارات وتسمع بإضانك تسحيبات

كمنجات ناس حاتم بيمول وعبد الرحمن أب ستة

وقبلها أنين أكورديون صلاح سري وإبداعات بقية ناس أماسي ديل ... إلا تعرف حاجة..

إنت ما سمعت بالمثل البيقول:

جدة غير؟؟


قال ما داير معاكم قال..

تاني تجي مولد؟؟

جمعتك مباركة..

Quote: اخوي فاروق .. سامحنا علي المتاوقه في حلتكم السمحة قرينا النص .. سمعنا اللحن .. صليت .. ركعت شاكر لله مندهش للحين ما استعدلت .. !! عبرك ومنك للمحمود جنى مصطفي السلام - أسامه عمر -

امانه ووصيه (كوّتناها) ليك عشان قالو الوصيه بتعطش
أنا مارق من هنا الشغلانه جابت ليها (عدم إستعدال)


جمعه مباركه يا محمود يا جميل

Quote: أنا مارق من هنا الشغلانه جابت ليها (عدم إستعدال)

يا حبيب..

والله أكان إت .. أكان أسامة عمر..

(المستعدلين) ليها شنو؟؟

العدلة من الشيطان..


قرقرقرقرقرقرقر

والله ياهو الفضل...


نان بتدورا تعوجوا لينا دربنا..وتمسكونا درب المنافي الصعب دا..

وتستعدلوا؟؟ حلاة (لِق لِقْ) على قولك..

لذيذين والله..

Quote: حبيب نورة

بسم الله الرحمن الرحيم

الإسم دا زي التقول بعرفو
يا ربي ياهو " الجن المصرم" البقولوهو ؟؟

Quote: العدالة من الشيطان..

والمساواة من وين يا عمك؟؟؟؟؟؟؟؟؟؟؟؟؟؟
التزوير هين لكن أوعي تزوغ من السؤال

كدي أصبر لي (النسعلك).:
- الإجازه يوم الجمعه ما يوم السبت
مالك قافل الورشه وشايل المفتاح؟
خليتنا نزازي في الهجير دا زي "كلاب" الحر..

Quote: مالك قافل الورشه وشايل المفتاح؟ خليتنا نزازي في الهجير دا زي "كلاب" الحر

زوَّر يُزَوِّر تزويراً..فهو شنو؟؟ مزار النور

النسخة المعاك دي يا عمك داسيها لورشة مزار النور ولا شنو؟؟

قال نزازي قال..

غايتو

Quote: النسخة المعاك دي يا عمك داسيها لورشة مزار النور ولا شنو؟؟

النسخه (الإسبير) دي إنت قايل جبناها بي أخوي وأخوك؟؟
ياخي دي شكلنا ليها لجنه لفض لجان أكل عليها الدهر (وما شال باقي عِدتو)
واللجنه دي إنبثقت عن اللجنه الأم
والتي هي نفسها (إنشطرت) من (كوم) لجان
تخطط للجنه ورشة (مزار النور)
هذا مع العلم بأن الألحان داخل الورشه علي مسؤولية صاحبها
والذي هو إنت بلا شك..
(دحين) أكرُب (حزوميتك) ساااااااااكت


غايتو ورشتك دي (عِلا) علمتنا التزوير والمنافي


برضو قول يا لطيف.

Quote: برضو قول يا لطيف. [/QUOTE يا لطيف.. تاني يا لطيف... إت يا فاروق أخوي..الورشة دي مالها بقت زي الماسنجر كدي؟؟؟ والله حقو الزول يأجرها منافي فحم...قصدي مخازن فحم... الشي شنو؟؟ ما تقعد تزازي برة كتير ياخ...

---

Post: #61 Title: Re: فاروق أبوحوه + محمود مصطفى محمود ..إلى :(منافي الذات)..ورشة تلحين على الهواء.. Author: Mahmoud Mustafa Mahmoud Date: 10-04-2010, 08:30 AM Parent: #60 فاروق.. ما تقعد تزازي عليك الله..

---

Post: #62 Title: Re: فاروق أبوحوه + محمود مصطفى محمود ..إلى :(منافي الذات)..ورشة تلحين على الهواء.. Author: Mahmoud Mustafa Mahmoud Date: 10-04-2010, 01:29 PM Parent: #61 منافي الذات دي نفتح ليها فيديو ولا شنو؟؟

---

Post: #63 Title: Re: فاروق أبوحوه + محمود مصطفى محمود ..إلى :(منافي الذات)..ورشة تلحين على الهواء.. Author: فاروق أبوحوه Date: 10-04-2010, 04:09 PM Parent: #61 Quote: فاروق.. ما تقعد تزازي عليك الله.. نكابد العيش يا رجل... وترجمتها بالدارجي: (نجابد في رزقنا يا زول)

---

Post: #64 Title: Re: فاروق أبوحوه + محمود مصطفى محمود ..إلى :(منافي الذات)..ورشة تلحين على الهواء.. Author: Mahmoud Mustafa Mahmoud Date: 10-05-2010, 07:46 AM Parent: #63 Quote: (نجابد في رزقنا يا زول) مجابدتئذْ؟؟ أحييييي يا مصاريني..

---

Post: #65 Title: Re: فاروق أبوحوه + محمود مصطفى محمود ..إلى :(منافي الذات)..ورشة تلحين على الهواء.. Author: Mahmoud Mustafa Mahmoud Date: 10-11-2010, 10:30 AM Parent: #64 ما يبرد النغم النشيد..

---

Post: #66 Title: Re: فاروق أبوحوه + محمود مصطفى محمود ..إلى :(منافي الذات)..ورشة تلحين على الهواء.. Author: Mahmoud Mustafa Mahmoud Date: 10-18-2010, 07:43 AM Parent: #65 Quote: ما يبرد النغم النشيد.. في الخط ... عامر الجوهري..

---

Post: #67 Title: Re: فاروق أبوحوه + محمود مصطفى محمود ..إلى :(منافي الذات)..ورشة تلحين على الهواء.. Author: Mahmoud Mustafa Mahmoud Date: 10-18-2010, 07:48 PM Parent: #66 وآخر مفاجأة قنبلة جابها فاروق.. ما حا أقولها نووهاااااائي

---

Post: #68 Title: Re: فاروق أبوحوه + محمود مصطفى محمود ..إلى :(منافي الذات)..ورشة تلحين على الهواء.. Author: nazar hussien Date: 10-19-2010, 07:11 AM Parent: #67 انت عارف يا محمود اخوي...ود ابنادم دا قدر ما تكون عندو حاجة سمحة ومكملة تلاقيه يشابي لي حاجة رفيقو... ما عارف لي شنو؟ هسي لو قلت ليك غنيتك دي ممكن...تحكرك فووووق... حا تجي تقول لي...لا ياخ...والله نحن لسه مبتدين.. ودي مجاملة منك...وتدخل جوه نفسي وتكتب العايزو بالنيابة عني...وتديها كوزين تواضع... ياخ رسل الغنية دي لي ما يطلبه المستمعون الفي الخلا ديك...وشوف براك...كان ماك مصدقني... غنيها يا محمود...فغناك ولحنك دا نوعه انعدم ... منذ زمان...احمد ربشة...ومصطفي...الله يرحمهم

---

Post: #69 Title: Re: فاروق أبوحوه + محمود مصطفى محمود ..إلى :(منافي الذات)..ورشة تلحين على الهواء.. Author: Mahmoud Mustafa Mahmoud Date: 10-19-2010, 08:09 AM Parent: #68 نسبة لانقطاع خاصية الاقتباس في كمبيوتر المكتب هنا.. ولأسباب غير معروفة عشان كدي استعملنا طريقتنا الخاصة في الكوتيشن ... طيب.. يا نزار.. =============================================================== انت عارف يا محمود اخوي...ود ابنادم دا قدر ما تكون عندو حاجة سمحة ومكملة تلاقيه يشابي لي حاجة رفيقو... ما عارف لي شنو؟ ============================================================= أنا زاتي ما عارف والله... هسي دي خلقة زول عارف؟؟ لكن (ود ابنادم) دي بالغت فيها عدييييييييل.. ====================================================== هسي لو قلت ليك غنيتك دي ممكن...تحكرك فووووق... حا تجي تقول لي...لا ياخ...والله نحن لسه مبتدين.. ودي مجاملة منك...وتدخل جوه نفسي وتكتب العايزو بالنيابة عني...وتديها كوزين تواضع... ========================================================= ما حا أقدر أدخل جوة نفسك .. عارف لشنو؟؟ لأني عارف نفسك مسدودة زي نفيستي دي.. مسدودة ساي من عوج الدنيا دي .. هسي دي زاتها موش فرفرة مننا ساكت؟؟ لكن شايفك زي دخلت جوه نفسي وقلت (حا تجي تقول لي .. لا ياخ..والله نحن لسه مبتدي..).. الظاهر إنه نفسي فاتحة وأنا ما جايب خبر؟؟ الله لا كسب شيطانك..يا زول يا طاعم.. ============================================================ غنيها يا محمود...فغناك ولحنك دا نوعه انعدم ... منذ زمان...احمد ربشة...ومصطفي...الله يرحمهم ============================================================= والله يا نزار هسي قاعد أغنيها ... لكن لما أتأكد إني قاعد براي والهم عصف..ريحاً كسح زهرة صباي.. ويا حبذا لما أكون في (البرادو) هههههه نزار.. أنا جادي والله.. ياخ شجعني..لكن كمان ما قدر دا.. تشجيعك ربما يؤدي للتهلكة على قول سليمان ود مساعد.. غايتو هسي أنا ما قريت أنا كتبت ليك شنو... لكن من ناحية فرحان بجيتك .. والله فرحان بيها فرح السنين.. ربما أعود لمداخلتك دي مرات عديدة .. ساي كدا أقراها لرويحتي دي.. موش مداخلة صاحبي؟؟ محبات كتار يا نيزو..

---

Post: #70 Title: Re: فاروق أبوحوه + محمود مصطفى محمود ..إلى :(منافي الذات)..ورشة تلحين على الهواء.. Author: nazar hussien Date: 10-19-2010, 06:02 PM Parent: #69 Quote: ضفاف النيل غنا الجايات كدي اسمع دي بس براك...عشرة مرات واحسب ميلانات النيل وانحداراتو بدون ما ترجع لي اطلس... غناك دا بكون مجهجه كترة ناس؟؟؟ يا زول غني....واحترف الغناء من القمة...وانا سميع مبتدي دب ما تقولا تاني.. هو كان الناس ببتدو كدي...كنا وصلنا فوس قزح بي الغنا غناك دا ياهو الغنا البنفتش عليه يا صدبق...

---

Post: #71 Title: Re: فاروق أبوحوه + محمود مصطفى محمود ..إلى :(منافي الذات)..ورشة تلحين على الهواء.. Author: nazar hussien Date: 10-19-2010, 06:14 PM Parent: #70 وبعدين يا محمود...انت عارف الجناح الجنوبي بالمعهد الهسي جامعة السودان دا لماني فيك وفي عبدالعظيم منصور لقيتكم فنانين كبار...عاملين فيها رايحين...متواضعين ما عارفين قدركم...وكل واحد طفش علي حتة... لو كنت غنيت من الزمن داك....رسمي...كان تكون محمود حمد اصلك ماك عارفو قدر شنو... وكذلك عبدالعظيم...كان يغني الغناء الشايقي بالعود...ويغني لوردي كابلغ ما يكون الغناء وكنت رفيقه في كل جلساته...ولو واصل يمين يكاور ليك غنا الشايقية دا كلو بي عودوا دا بس.. وانا متاكد كان طلع لينا نظرية في الغناء الشايقي بي محنة صوتو وثقافتو الموسيقية العالية وتكنيكه في عزف العود الاتنين كنتو...ظواهر في اضاني...هو لم اسمع عنه منذ ذلك الزمان وعله يكون بخير...وتحياتي له اينما كان...اما انت فاسمعك منذ ان رفعت هذا اللحن وتيقنت انك لم تنقطع عن الغناء...واصل ياخ...

---

Post: #72 Title: Re: فاروق أبوحوه + محمود مصطفى محمود ..إلى :(منافي الذات)..ورشة تلحين على الهواء.. Author: nazar hussien Date: 10-19-2010, 07:07 PM Parent: #71 يا زول هيييي... بعد سمع اكتر من اللازم...ما تدي الغنية دي لي اي زول غنيها براك...او اذا ما عايز تغني اديها لي... واحد صاحبي تاني ما معروف...ومتردد... زيك كدي

---

Post: #73 Title: Re: فاروق أبوحوه + محمود مصطفى محمود ..إلى :(منافي الذات)..ورشة تلحين على الهواء.. Author: Mahmoud Mustafa Mahmoud Date: 10-20-2010, 07:11 AM Parent: #71 Quote: وكذلك عبدالعظيم...كان يغني الغناء الشايقي بالعود...ويغني لوردي كابلغ ما يكون الغناء وكنت رفيقه في كل جلساته...ولو واصل يمين يكاور ليك غنا الشايقية دا كلو بي عودوا دا بس.. وانا متاكد كان طلع لينا نظرية في الغناء الشايقي بي محنة صوتو وثقافتو الموسيقية العالية وتكنيكه في عزف العود الاتنين كنتو...ظواهر في اضاني...هو لم اسمع عنه منذ ذلك الزمان وعله يكون بخير...وتحياتي له اينما كان.. أنا قايل يا نزار أخوي.. الزول لما (يتقدم في السن) ويتغرب شوية كدي.. بيبقى رهيف زيادة عن اللزوم.. ياخي مرات كتيرة خالص الواحد يجوا داخلين عليهو الأولاد يلقوهو قاعد يبكي .. مرات مرات لما يجيبلوا اتنخاجة.. وبعدين شفع الزمن دا صعب خلاص يصدقوك.. ياخ قبل كدا أنا عندي ولدي كان معاي في المدينة المنورة..أها لما جينا قدام القبر الشريف.. أخوك جعر.. ولدي ليوم الليلة بيسأل : "إنت يا بابا بكيت لشنو؟؟".. أها اتفرج بالله.. لا أذكر إني بكيت قريب دا زي بكيتي بتاعة امبارح في مداخلتك دي.. عبد العظيم وين ياخ؟؟ عبد العظيم فنان مدفق فن.. وأنا بيني وبينك زمان لما كنت ألقاهو قاعد يغني سواء غناء شوايقة ولا غناء وردي..كنت إما عملت فيها رايح..أو أعمل فيها عيان.. كضاب البيقول ليك غنيت في حضرة عبد العظيم .. تأدباً وطمعاً وخوفاً زاتو.. تلقاهو هسي شبع مدافرة في الدنيا لما قال بس.. يا حليلنا منها يا نزار ياخ..