أسعدتني بهذه بدون أي مجاملة الكلمات قمة في الروعة لصديقنا عصام اللحن متوافق مع النص و الصوت يعانق النص و اللحن بحميمية دافئة و العود مدندنا ينادي بقية الأوركسترا و كأنه يقول : يمكنني العمل وحدي أيضا
حاجة تمام واصل الشغل ال زي دة دمتم
Post: #19 Title: Re: عمرها 17 سنة...بوردابية أصيلة..يوجد فيديو ..وشجن وأشياء أخرى Author: Mahmoud Mustafa Mahmoud Date: 09-18-2010, 07:07 AM Parent: #16
Quote: الكلمات قمة في الروعة لصديقنا عصام اللحن متوافق مع النص و الصوت يعانق النص و اللحن بحميمية دافئة و العود مدندنا ينادي بقية الأوركسترا و كأنه يقول : يمكنني العمل وحدي أيضا
أخجلتم تواضعنا يا حبيب.. وكلماتك تاج وشهادة نفاخر بها الثريا والنجوم..
لكن باقي ليك دي حالة زول ممكن يواصل؟؟ مطر إيديك مسجونة 17 سنة..
غايتو ..أبشرك.. في الطريق أخواتها..والجميل في الأمر ..كلهن بنات حبيبنا عصام عيسى رجب..
صادق الود والتقدير..
Post: #47 Title: Re: عمرها 17 سنة...بوردابية أصيلة..يوجد فيديو ..وشجن وأشياء أخرى Author: Manal Mohamed Ali Date: 09-21-2010, 00:05 AM Parent: #14
ياسلاااااااااااااااااام ياخ جميييييييييييييييييييييل اوعه عمر بانقا يتسلبط فوقها باقي هو سلباط والله انا علقت بي هناك وقايلو صوت كارق ابو عبيده ماشار الله اهنْئك من القلب وعصام نصو سهل وممتنع
Post: #18 Title: Re: عمرها 17 سنة...بوردابية أصيلة..يوجد فيديو ..وشجن وأشياء أخرى Author: ترهاقا Date: 09-18-2010, 00:25 AM Parent: #17
شغل جميل وشكلك متمكن وعارف اللعبة
بس يا ريت تعيد التسجيل وصوت العود يكون ما طاغي مع تقليل سرعة الاغنية
2- اللحن جميل ومتوافق مع الكلام لكن ياريتك تختصر المقدمة الموسيقية يعني أنا في رأئي تخش توش في الغنا
Post: #22 Title: Re: عمرها 17 سنة...بوردابية أصيلة..يوجد فيديو ..وشجن وأشياء أخرى Author: Mahmoud Mustafa Mahmoud Date: 09-18-2010, 07:51 AM Parent: #18
ترهاقا أيها العظيم..
Quote: شغل جميل وشكلك متمكن وعارف اللعبة
بس يا ريت تعيد التسجيل وصوت العود يكون ما طاغي مع تقليل سرعة الاغنية
2- اللحن جميل ومتوافق مع الكلام لكن ياريتك تختصر المقدمة الموسيقية يعني أنا في رأئي تخش توش في الغنا
مجرد راي ولك الود
والله رأيك محل تقدير واحترام..شكلك إنت المتمكن وعارف اللعبة..
وشكلك كمان زول مفيد خالص في الحاجات دي..
لا عدمناك إن شاء الله..
وعيدك سعيد
Post: #21 Title: Re: عمرها 17 سنة...بوردابية أصيلة..يوجد فيديو ..وشجن وأشياء أخرى Author: Mahmoud Mustafa Mahmoud Date: 09-18-2010, 07:45 AM Parent: #17
لا أصدق..
مطر إيديك نجحت يا عصام..
Quote: ياسلاااااااااااااااااام ياخ جميييييييييييييييييييييل اوعه عمر بانقا يتسلبط فوقها باقي هو سلباط والله انا علقت بي هناك وقايلو صوت كارق ابو عبيده ماشار الله اهنْئك من القلب وعصام نصو سهل وممتنع
هكذا قال أستاذنا يوسف الموصلي...
سعادتي لا توصف بهذا الحضور.. وهذه الشهادة يا أستاذ.. ما لاقي لي برواز أضعها فيه..
الاخ - محمود - العيد مبارك عليك وانت تفاجيء عيد الغربة بلحن يقد صدر طول العيد الحزين ويشى بفنان قادم على صهوة الكلام المقطر واللحن العذب
بالامس مساء كنا جلوسا بمنزل عصام عيسى رجب
الدكتور بشرى الفاضل/نصار الحاج/عبدالفتاح/سعد/عصام/ محمد مدني/محمد جميل/وشخصي وبدأت الجلسة بهذه الكلمات بصوتك من مسجل إنيق بعد أن وزع عصام وريقة حوت الكلمات .. كنا نقرأ ونسمع اللحن وكانت [B]"كان الوكت إتِ"[/B] هي البداية والنهاية لجلسة طوفنا بها بأركان أوجاع الوطن الأربعة .. وتم تناول القصيدة كلمات وغناء وعصام على صفيح المحكمة الأدبية، شفع لك الغياب وإستعادة مصطفى سيد أحمد بكلمات جديدة مدهشة .. ماذا قيل في تلك الجلسة؟!
الدكتور بشرى الفاضل/نصار الحاج/عبدالفتاح/سعد/عصام/ محمد مدني/محمد جميل/وشخصي وبدأت الجلسة بهذه الكلمات بصوتك من مسجل إنيق بعد أن وزع عصام وريقة حوت الكلمات .. كنا نقرأ ونسمع اللحن وكانت "كان الوكت إتِ" هي البداية والنهاية لجلسة طوفنا بها بأركان أوجاع الوطن الأربعة .. وتم تناول القصيدة كلمات وغناء وعصام على صفيح المحكمة الأدبية، شفع لك الغياب وإستعادة مصطفى سيد أحمد بكلمات جديدة مدهشة .. ماذا قيل في تلك الجلسة؟!
أي قلادة تلك الأنيقة التي طوقتم بها "مطر إيديك"؟؟
محظوظة هذه (المحاولة) اللحنية لبكاء عصام ونشيده المموسق..
محظوظة (بكم) في حضرة أبيها المرهف عصام ود حاجة مريم جودات..
حضور يضم د. بشرى الفاضل ونصار الحاج وعبد الفتاح وسعد ومحمد مدني
ومحمد جميل ومحمد عبد الجليل و"مطر إيديك" تلك المحتشمة (في خدرها) !!!!!..
Quote: هسي "مطر إيديك" زاتها تكون خايفة من نوع عمها فاروق البيعرسو طوالي ديل...
كان عندك ليك إخية لمطر إيديك دي..رسلها لينا وعريسها جاهز..
والله نفسي أغني ليك حاجة من زمان..
ربك يقوي النصيب...
والهادي حامد أظنو استلم "العروسة" والله أعلم..
الحبيب محمود مصطفي محمود:
خير البر عاجله والله مو كدي؟ الحمد لله إنو العروس وصلت بسلام ياخي الهادي دا زول فيه كميه من الشجن الجميل!!! أنا كمان أديتو نص بعنوان (بتجاوزِك) إن شاء الله الهادي ينغمو وينعمو.
ياخي يشرفني جداً أن تخطب ليك واحده في (بيت) قصيدنا إنت سمي البتدوره ولوم البقولك أبيت .
المهم كدي شوف دي وإن شاء الله العريس يكون عركي زاتو ولو ما عجبتك ما تخاف البيت ملاااان بنيات: __________________________________
منافي الذات
لأنك في ( القِبَل) مُشرع أمانو يطمن الواردات.. صبابات الهوي المًترع ضفاف النيل غنا الجايات (سبايط) من جدايل الموج.. يونِّّس وحشة (الباقات).. يبِّـل عطش السنين المُر. يفيض و يعم منافي الذات
نسيمك يا صباح مطّر ملا الساحات نِدا التُمتُم سماح بالنعمه بتبطّر يفت عزم الظروف الصُم .. بنتلاقي.. ونتقاسم فطور نمي.. ونبق همك.. نخُب ضاحكين.. علي الإحصاء.. وتوافيق الحِساب الشين.. سماح نتقالد الإتنين.. صباح ممدود كما نيلين.. علي شهقة قفا الخرطوم.. يفيق (فاق) الرحيل مشدوه علي كذبة نسيم إبريل.. علي الوجع الرجع مهزوم
Post: #40 Title: Re: عمرها 17 سنة...بوردابية أصيلة..يوجد فيديو ..وشجن وأشياء أخرى Author: Mahmoud Mustafa Mahmoud Date: 09-20-2010, 10:27 AM Parent: #39
Quote: لأنك في ( القِبَل) مُشرع أمانو يطمن الواردات.. صبابات الهوي المًترع ضفاف النيل غنا الجايات (سبايط) من جدايل الموج.. يونِّّس وحشة (الباقات).. يبِّـل عطش السنين المُر. يفيض و يعم منافي الذات
نسيمك يا صباح مطّر ملا الساحات نِدا التُمتُم سماح بالنعمه بتبطّر يفت عزم الظروف الصُم .. بنتلاقي.. ونتقاسم فطور نمي.. ونبق همك.. نخُب ضاحكين.. علي الإحصاء.. وتوافيق الحِساب الشين.. سماح نتقالد الإتنين.. صباح ممدود كما نيلين.. علي شهقة قفا الخرطوم.. يفيق (فاق) الرحيل مشدوه علي كذبة نسيم إبريل.. علي الوجع الرجع مهزوم
محمود مصطفى محمود صوت مشحون بالشجن والتطريب تفتحت عيناه ونشأت ذائقته الفنية ما بين مدح المصطفى عليه الصلاة والسلام وروائع الحقيبة في حلة بادي وعمداً أقول (حلة بادي محمد الطيب) وهي حلة عباس وما أدراك ما حلة عباس؟ حيث جمال الإنسان والطبيعة ونداوة الأصوات هناك في حلة عباس،،، بادي محمد الطيب ، دفع الله محمد الطيب، مصطفى محمود و رحمة عبدالقادر جاء إلى العاصمة وجاور عازف الأوتار الراحل التاج مصطفى رغم صغر سنه فقد كانت موهبته طاغية ونحن في جامعة السودان أو معهد الكليات حينها فهو قاص ويقرض الشعر ويجيد العزف على العود أما صوته فالحكم لكم ولذلك لفت نظر الراحل التاج مصطفى فتبناه فنياً وأهداه عوده حباً وكرامة وشهادة بنبوغ هذا الفتى المسمى محمود مصطفى وأصطحبه معه لداخل صالة علم الدين حامد (صالة العرض) التي جلس فيها وعبر من خلالها كل كبار نجوم الغناء فقط لأن علم الدين حامد لم يقدم من خلالها إلا كبار الفنانين أو من تنبئ بداياته بأنه يستحق أن يكن من رواد الصالة ومحمود أحد أولئك محمود كتلة من المشاعر الرقيقة والبسيطة فحين يحدثك بكلام أهلنا في الجزيرة فلاتحس أو تشعر بأنه قد أمسك بقلم أو قرا حرفاً ناهيك أن يكون عازف ماااااااااااااااااهر على العود وفنان مترع بالشجن والصوت الحلو وياليت ماكتب أعلاه يكون فيه دافع لمحمود من أجل المزيد لأننا على ثقة بأنه لن يأتي إلا بالمفيد. أما عصام عيسى فإن له في قلوب كل أبناء معهد الكليات حب وبراح كبير فقد كان لساننا في كل المحافل ومازال....
أمير عبد الدائم (أول المعجبين) وأحمد العربي وعليش وبكري عبّاس وأميرة الشيخ "ملاحظين حاجة: البداية أمير والنهاية أميرة .... جماااال مُش ...؟!":
ليكم الحُب بقدر محبّتكم "مطر إيديك"، بِنيَّتنا الأولى ..... طبعاً جاتكم كدا على حينِ صِبا وعندها 17 سنة مِن الحنان والحنين
محمود"زرياب" شُلّتنا من زمااااان، مِن قبل ما تجي "مطر إيديك" للدنيا والمَغْنى .... وهي لا شك محظوظة ونُص وخمسة كونها أولى تجارب محمود اللحنية، ويالها بداية .....!!!!!
شلّة الزمن الجميل: صلاح عبد الله، والهادي أحمد علي وعمر محمد الحسن وصديق النور والشيخ يوسف و .... آخرون، فرحوا بيها بمزاااااج لما مرقت للوجود سنة 1993 م وإنتظروا سنين وسنين لحظة الميلاد دا
الاخ - محمود - تحياتي، قبل يومين عملت مداخلة طويلة عريضة هنا سجلت فيها كل ما أختزنته ذاكرتي عن الجلسة إياها لحدي كلام محمد مدني عندما قال أن هذه القصيدة رأسها ذروة (وكان الوكت إت) لحدي ما قال إيه الـ جاب: والوكت كان ليل .. ما أصلو الوكت هي .. والوكت واحد.. غايتو عشان أتذكر تاني إلا أرقد بخيرتها يومين متتابعين أصلو الذاكرة فقدت النص الكتير الحلو.. وعلى قول صلاح أحمد إبراهيم:
وحالي كما تعلمين إغتماما همومي كثر ومالي قليل وجسمي عليل فلا تهزئي بي .. حذارك
إبراهيم عبد الحليم: ما في مشكلة يا فنان، خشيت موقعك ولقيت غُناك ولي قدام .... ولو ما جاتك (مطر إيديك) نديك غيرها، باقي في بنيتين تلاتة وكدا .... وكلامك صح: الهادي حامد عريس أول إذا عجبتو البنيّة
محمد عبد الجليل: جلسة الليلة ديك في حضرة بشرى الفاضل وبقية العقد الجميل خلّت مطر إيديك منشدهة ومندهشة لي هسه .... ولي عودة لتلك الليلة البهيّة .....
عفاف علي: 3 يوم سماع دي تخلي أي غُنية تنبسِط و"تضحك في سرها" بمزااج ومزاجين وتلاتة كمان .... وليكِ الغنا ....
فاروق أبو حوة: يديك عافية الغُنا، وأهو جاك أول الغيث مِن زِريابنا: محمود، وعقبال المزيد والمزيد كمان
جمال السنوسي: صوتنا مع صوتك عشان محمود يمرق على الغُنا ويمسِك دربو الجمييييل
أبو عبيدة: حليل زمن الصِبا والغُنا، وبارك الله فيك كشفت لينا السّر الجميل: سِر غناء محمود في حضرة التاج مصطفى وإهدائه عوده ... أفتكر ما في احتفاء أجمل مِنْ كدا
صديق ضرار وسعد الدين وهشام كمال: شكراً على المرور الجميل، ما قبل الأرشفة، ومعليش متأخرين وكدا
طارق أبو عبيدة: يا سلام عليك إنت دا، وسلام سلامين وتلاته كمان لما أسمعك تغنّي غُناي وغُناك
"بنغنِّي غُنانا العاجبِكْ داك صفقتنا سماك وصوتنا يسوِّي سُواةْ النَّيل وقتين يرمي الشَّبَّال ما بين نهرينو قمر ضحَّاك ..."
ويا محاسن: حزن الكلام ما في "مطر إيديك"، دا مدكِّنو محمود في "ماليني الحنين": "هاكِ الحروف غمَّستها فـ بحر الحُزُن ومرقتها شوفيها كان تَقْنَعْ طيورِك بالرحيل مِنْ جفوَتِك ... لمتين يلاويكِ التَّعَب ويكتِّفْ الضي في عيونِك خوفْ وخوف ....."
Post: #69 Title: Re: عمرها 17 سنة...بوردابية أصيلة..يوجد فيديو ..وشجن وأشياء أخرى Author: احمد محمد بشير Date: 10-03-2010, 09:00 PM Parent: #68
تسلم يا رائع.
Post: #70 Title: Re: عمرها 17 سنة...بوردابية أصيلة..يوجد فيديو ..وشجن وأشياء أخرى Author: Mahmoud Mustafa Mahmoud Date: 10-04-2010, 07:14 AM Parent: #69
Quote: تسلم يا رائع.
الله يسلمك يا دكتور..
على قول مذيعات النيل الأزرق (أكيد) قاصد بالروعة دي الشاعر الجميل عصام عيسى (أبو روعة)..فلك الشكر والتقدير
أما إذا قصدك على اللحن والأداء ، فيا دكتور ياخي ما تخجلنا..
من ذوقك والله.. وما تحرمنا جياتك..
صادق المحبة
Post: #71 Title: Re: عمرها 17 سنة...بوردابية أصيلة..يوجد فيديو ..وشجن وأشياء أخرى Author: Mahmoud Mustafa Mahmoud Date: 10-04-2010, 08:30 AM Parent: #70
عصام ..
تعال رد على الدكتور دا..
Post: #72 Title: Re: عمرها 17 سنة...بوردابية أصيلة..يوجد فيديو ..وشجن وأشياء أخرى Author: Baha Elhadi Date: 10-04-2010, 10:10 AM Parent: #71
الأخ محمد من أجمل ما سمعت مؤخرا تطريب عالي ومداخل من العود تتناغم مع الكلمات العكحس أحسست بفرح أنو زول محتفي بحبيبتو ومن جلس مستمعا لشيخي العارف بمكامن النغم النضيد حتما يخرج منه هدا المترع لحنا وكلمات واداء لك مودتي على امتاعي بهاء