السيد الرئيس .. نريد من المواطنين ان يدعوا لنا في الدنيا ويشهدوا لنا في الآخرة ..

Post: #1
Title: السيد الرئيس .. نريد من المواطنين ان يدعوا لنا في الدنيا ويشهدوا لنا في الآخرة ..
Author: ود الباوقة
Date: 09-27-2010, 11:18 PM
Parent: #0

من اقوال سيدي الرئيس ...

نريد من المواطنين ان يدعوا لنا في الدنيا ويشهدوا لنا في الآخرة ......

الظلم ظلمات يوم القيامة ...

اي زهد وتواضع تحمله شخصية الرئيس القائد...

نسال الله ان يحفظه من كل سوء وان يسدد خطاه على طريق

الخير والصلاح والفلاح .......

انه على كل شيء قدير ......

Post: #2
Title: Re: السيد الرئيس .. نريد من المواطنين ان يدعوا لنا في الدنيا ويشهدوا لنا في الآخرة ..
Author: حيدر حسن ميرغني
Date: 09-27-2010, 11:23 PM
Parent: #1

كتاب مفتوح إلي حضرة الأمام

يا حضرة الأمام ... يا حضرة الإمام

يا أيها الدرويش والرئيس
والمُلهِم والمُلهًم
والمشير والوزير
والغضنفر الضرغام

يا دارسا وفاهما وعالماً
في الفقه والتشريع والقضاء
والفكر والتاريخ والجغرافيا
والشعر والترتيل والغناء
والحرب والسلام والفضاء
والطهي والبلهارسيا
والحب والبكاء

يا أيها الوحي السماوي الذي كرمنا وجاء
لينقذ الإنسان والدنيا من الفناء

يا حضرة الأمام يا جعفر المنصور
بإذن الله يا أيها المهدي والقرشي
والمكي والكوفي والصوفي والأممي
يا مفجر الصحوة يا مبارك والطلعة
يا محرر الإنسان والإسلام
من كيد إبليس ومن شطيان أوربا وأمريكا
ومن إلحاد روسيا الحمراء

يا حضرة الإمام يا قاهر الكفار و التتار والأحبار و القوقاز
يا فاتح الأمصار من مصرٍ وأندلسٍ ومن واغٍ ومن أهواز
يا ناصر الأنصار من هند ومن سند ومن نجد ومن حجاز
ويا رئيسنا المحبوب من عشرين مليون
وعلي الحاكي وفي المذياع التلفاز

تبارك الذي سواك محبوبا ومرغوبا ومعشوقاً
من الداني وإلي القاصي
و من كوريا إلي فاس
تبارك الذي سواك محسودا ومطلوباً
من الأعداء في ليبيا وأثيوبيا
و أقيانوس بنت الروس
والأوغاد من أحفاد جنكيز خان
تبارك الذي سواك مظلوما ومهضوماً
من الكفار من أحفاد ترهاقا
ومن شهداءِ أمدرمانَ أو سنارَ أو شيكان
أ ومن معشر الكفارِ في السودان

تبارك الذي سواك مطلوبا سليما كنت أو ميتاً
من السودان من أهليه من قتلى
ومن جرحي ومن جوعى ومن عطشى
ومن ثكلى........ ومن أيتام

يا حضرة الأمام .. قول لي بحق الله
... كيف جاءك الوحي؟؟؟
أكان عارياً أم لابساً وخافياً أم كاشفا
وهل أتاك في الصبوح أم أتاك في ا لغروب
وفي أثناء سجدة أم في خلال قعدة
و في أي مغارة أتى عليك أفضل الصلاة والسلام
قل لي بحق الله كيف جاءك الإسلام يا مسيلمة الكذاب
وكيف أسلمت وكيف آمنت وأنت الصايع الضائع
والسكران والحيران والطبال والزمار والناصب
والمحتال والسارق والزاني وأنت العيب والحرام

يا حضرة الإمام وقل بحق الله والإسلام
من الذي أباح شرب الخمر في السودان
من الذي استباح زوجات المقربين والحكام؟؟
من الذي ادخل في قاموسنا الجميل والنبيل والأصيل
فاحش الأفــعال والكـــلام؟؟؟؟

يا حضرة الأمام من الذي بشر بالتعذيب والتنكيل والإعدام
من الذي أغرق هذا الوطن المسالم الطيب في الدماء والثارات والأحزان
من الذي أباح مالنا وأرضنا وزرعنا وضرعنا وعرضنا
من الذي حول وطني زريبة وشعبنا أغنام

من الذي جوعنا ــــ صيرنا شعبا من المهاجرين المدلجين في شوارع العالم
تحت الريح والأمطار والظلام

وعندنا السودان عندنا السودان وعندنا السودان
سلة الغذاء للدنيا وكسوة الشتاء للدنيا
والمنزل المفتوح للدنيا بالحب و البسمة والسلام

من الذي يا حضرة الدرويش والأمام
من الذي عاهدنا علي كتاب الله
أن يصون الحق و الدستور والقانون ثم خان

يا حضرة الإمام.... ياحضرة الإمام.... يا حضرة الإمام
كل الذين بايعوك كاذبون أو منافقون أو من سيفك المجنون خائفون
فكلهم يعرفوا أن كل همك البقاء والسطوة والسلطان والجنون
حتى علي أجداثنا حتى علي أعراضنا حتى علي تاريخنا
حتى علي أدياننا
لابد أن تبقى ويبقى حولك المهرجون والدونكيشوتيون والمنظرون
فكلنا يعرف أن إسلامك فرية و نكتة سخيفة
وحيلة أخيرة من ظالم وخاسر ########
يريد أن يبقى علي الكرسي مهما كلف البقاء في الكرسي
هذا الشعب من موت ومن هوان
حذاري يا إمام ..........حذاري يا إمام
فالخلد والبقاء من صفات الله جل شأنه
و أنت من طين ومن تراب
وهالك وزائل
وكل حاكم مهما تناسلت أيامه وانتشرت أعلامه
وانتصبت أحكامه وصار شأنه
فإنه من التراب وعايد إلي التراب

ويبقى الشعب جل صبره وجل شأنه
وحين ما تحين لحظة الميلاد والقيام
وينهض الشعب بإذن الله تنهض الدنيا
وتنهض الأنهار والأشجار والأطيار والأحجار والغمام

ويغرق الظالم في الظـــــــــــلام
فالشعب كاسح وجارح وسائد ووالد
والشعب يا أمامنا وهو الإمام

Post: #3
Title: Re: السيد الرئيس .. نريد من المواطنين ان يدعوا لنا في الدنيا ويشهدوا لنا في الآخرة ..
Author: سيف النصر محي الدين محمد أحمد
Date: 09-27-2010, 11:33 PM
Parent: #2

Quote: من اقوال سيدي الرئيس

"السيد" الرئيس احسن و اكرم من "سيدي" الرئيس يا ود الباوقة.
هاك دي دعوات من بعض اعضاء المنبر مساهمة في البوست:
اللهم في هذه الايام المباركة نسألك أن تخلص السودان من حكامه الفاسدين.

Post: #4
Title: Re: السيد الرئيس .. نريد من المواطنين ان يدعوا لنا في الدنيا ويشهدوا لنا في الآخرة ..
Author: ود الباوقة
Date: 09-27-2010, 11:37 PM
Parent: #2

Quote: وينهض الشعب بإذن الله تنهض الدنيا
وتنهض الأنهار والأشجار والأطيار والأحجار والغمام

نعم لقد نهض الشعب وفجر كل طاقاته في المصانع

والحقول ...

وفاضت الانهار وارتوت الارض واقيمت السدود

والخزانات والكباري والجسور ..

Post: #5
Title: Re: السيد الرئيس .. نريد من المواطنين ان يدعوا لنا في الدنيا ويشهدوا لنا في الآخرة ..
Author: ود الباوقة
Date: 09-27-2010, 11:57 PM
Parent: #4

Quote: السيد" الرئيس احسن و اكرم من "سيدي" الرئيس يا ود الباوقة.

وجهة نظر ربما التزم بها مستقبلا ...

مع التقدير ...

Post: #6
Title: Re: السيد الرئيس .. نريد من المواطنين ان يدعوا لنا في الدنيا ويشهدوا لنا في الآخرة ..
Author: amir jabir
Date: 09-28-2010, 00:03 AM
Parent: #5

Quote: نعم لقد نهض الشعب وفجر كل طاقاته في المصانع

والحقول ...

وفاضت الانهار وارتوت الارض واقيمت السدود

والخزانات والكباري والجسور .

دى ما ما ليزيا

Post: #7
Title: Re: السيد الرئيس .. نريد من المواطنين ان يدعوا لنا في الدنيا ويشهدوا لنا في الآخرة ..
Author: Ahmed Abdallah
Date: 09-28-2010, 00:16 AM

غايتو يا ودالباوقة دلقت مويتكـ ساكت

وناسكـ ما عبروكـ بـ انشاءلله محاسب في السفارة

وهم ينهبوا في نهبهم ويعوسوا في عواستم وانت وغريبة

تدقوا في الدلاليكـ

Post: #8
Title: Re: السيد الرئيس .. نريد من المواطنين ان يدعوا لنا في الدنيا ويشهدوا لنا في الآخرة ..
Author: Ahmed Abdallah
Date: 09-28-2010, 00:17 AM

غايتو يا ودالباوقة دلقت مويتكـ ساكت

وناسكـ ما عبروكـ بـ انشاءلله محاسب في السفارة

وهم ينهبوا في نهبهم ويعوسوا في عواستم وانت وغريبة

تدقوا في الدلاليكـ

Post: #9
Title: Re: السيد الرئيس .. نريد من المواطنين ان يدعوا لنا في الدنيا ويشهدوا لنا في الآخرة ..
Author: ود شاموق
Date: 09-28-2010, 01:06 AM
Parent: #8

ود الباوقة عيب عليك الكلام دا ، احترم سنك ، وأهلك ، وأخوانك ، وأولادك بعد عشرين سنة لمن يجوا يقروا الكلام دا وما يعرفوا يتضايروا كيف .

Post: #10
Title: Re: السيد الرئيس .. نريد من المواطنين ان يدعوا لنا في الدنيا ويشهدوا لنا في الآخرة ..
Author: مرتضى احمد عبد القادر
Date: 09-28-2010, 02:25 AM
Parent: #9

Quote: من اقوال سيدي الرئيس ...

نريد من المواطنين ان يدعوا لنا في الدنيا ويشهدوا لنا في الآخرة

غايتو المواطن يومي بيدعو لكن ليهو ولا عليهو إنت وفِطنتك.

Post: #11
Title: Re: السيد الرئيس .. نريد من المواطنين ان يدعوا لنا في الدنيا ويشهدوا لنا في الآخرة ..
Author: محمد النيل
Date: 09-28-2010, 03:40 AM
Parent: #10

ود الباوقة
تراك شاطر فى اغاظتنا
بعناوين مغيظة

لتغيظ بها المعارضة وتعجب بها اهل الانقاذ
الله يجيب يوم اغاظتكم
قول آمين

ورد ود الباوقة: عشان بقول!
يا حلات لق لق

لكين انا ح اغيظك بالصورة الغياظة دى

مستشفى الباوقة
حقت ناس ود الباوقة
اللى بيحامى للحيكومة

...

Post: #12
Title: Re: السيد الرئيس .. نريد من المواطنين ان يدعوا لنا في الدنيا ويشهدوا لنا في الآخرة ..
Author: محمد النيل
Date: 09-28-2010, 03:46 AM
Parent: #11

Quote: ويشهدوا لنا في الآخرة ..
مستعجل مالك؟
والله المواطنين ح يشهدوا عليكم جنس شهادة

اما الدعا فى الدنيا اسكت خلو
والله لو وقع عليكم
ح يجهجهكم اكتر من الجهجهة الوقعت على مستشفاكم

Post: #13
Title: Re: السيد الرئيس .. نريد من المواطنين ان يدعوا لنا في الدنيا ويشهدوا لنا في الآخرة ..
Author: محمد النيل
Date: 09-28-2010, 04:00 AM
Parent: #12

أنا ما عاوز حقنة

Post: #16
Title: Re: السيد الرئيس .. نريد من المواطنين ان يدعوا لنا في الدنيا ويشهدوا لنا في الآخرة ..
Author: ود الباوقة
Date: 09-28-2010, 07:59 AM
Parent: #9

Quote: ود الباوقة عيب عليك الكلام دا ، احترم سنك ، وأهلك ، وأخوانك ، وأولادك بعد عشرين سنة لمن يجوا يقروا الكلام دا وما يعرفوا يتضايروا كيف .

ودشاموق ..

العيب هو ان تضع ايدك في يد اعداء السودان يا ابن شاموق

العيب هو الاسترزاق من قضايا المهمشين

العيب هو مولاة الكفار واعداء الاسلام .....

دا العيب..

اما ابنائي من حقهم ان يفتخروا بان لهم اب وقف

مع الحق ضد الباطل .....

Post: #20
Title: Re: السيد الرئيس .. نريد من المواطنين ان يدعوا لنا في الدنيا ويشهدوا لنا في الآخرة ..
Author: ود شاموق
Date: 09-28-2010, 09:38 AM
Parent: #16

Post: #14
Title: Re: السيد الرئيس .. نريد من المواطنين ان يدعوا لنا في الدنيا ويشهدوا لنا في الآخرة ..
Author: ود الباوقة
Date: 09-28-2010, 07:50 AM
Parent: #8

Quote: غايتو يا ودالباوقة دلقت مويتكـ ساكت

وناسكـ ما عبروكـ بـ انشاءلله محاسب في السفارة

يا اخوي انت قايل انا محتاج لمحاسب في السفارة......

قوم لف عليك الله ....

Post: #33
Title: Re: السيد الرئيس .. نريد من المواطنين ان يدعوا لنا في الدنيا ويشهدوا لنا في الآخرة ..
Author: د.محمد حسن
Date: 09-28-2010, 12:43 PM
Parent: #8

Quote: غايتو يا ودالباوقة دلقت مويتكـ ساكت

وناسكـ ما عبروكـ بـ انشاءلله محاسب في السفارة

والقال ليك منو ما قبض؟

Post: #15
Title: Re: السيد الرئيس .. نريد من المواطنين ان يدعوا لنا في الدنيا ويشهدوا لنا في الآخرة ..
Author: ود الباوقة
Date: 09-28-2010, 07:51 AM

Quote: دى ما ما ليزيا

لا دي كاجو كاجي ...........

Post: #17
Title: Re: السيد الرئيس .. نريد من المواطنين ان يدعوا لنا في الدنيا ويشهدوا لنا في الآخرة ..
Author: ود الباوقة
Date: 09-28-2010, 08:32 AM
Parent: #15

يا سلام ..............

يعني هس انت شايل الصور دي وفرحان بيها

انتظر قليلا لترى مستشفى الباوقة بصورته الجديدة

Post: #18
Title: Re: السيد الرئيس .. نريد من المواطنين ان يدعوا لنا في الدنيا ويشهدوا لنا في الآخرة ..
Author: معاوية الأرباب
Date: 09-28-2010, 08:34 AM
Parent: #15

Quote: والكباري والجسور ..

أيها الأفاق

ما الفرق بين الكباري الجسور؟

شكلك ما لقيت شئ تكبر بيهو الكوم.

ذكرتني واحد كاتب في الc.v بتاعتو أنو يجيد الإنجليزية والبريطانية.

Post: #19
Title: Re: السيد الرئيس .. نريد من المواطنين ان يدعوا لنا في الدنيا ويشهدوا لنا في الآخرة ..
Author: ود الباوقة
Date: 09-28-2010, 08:36 AM
Parent: #18

Quote: ذكرتني واحد كاتب في الc.v بتاعتو أنو يجيد الإنجليزية والبريطانية

دمك خفيف لكن ....

عثل بث ......

Post: #21
Title: Re: السيد الرئيس .. نريد من المواطنين ان يدعوا لنا في الدنيا ويشهدوا لنا في الآخرة ..
Author: ود شاموق
Date: 09-28-2010, 09:43 AM
Parent: #19

Quote:
ودشاموق ..

العيب هو ان تضع ايدك في يد اعداء السودان يا ابن شاموق

العيب هو الاسترزاق من قضايا المهمشين

العيب هو مولاة الكفار واعداء الاسلام .....

دا العيب..

اما ابنائي من حقهم ان يفتخروا بان لهم اب وقف

مع الحق ضد الباطل .....

والله غيرك انتا وشيعتك عدو للسودان مافي، وكافر غيرك إنتا وشيعتك مافي، أرزقي والغ في المال الحرام حتى أذنيه غيرك انتا وشيعتك مافي، انتهى زمن الانشاء والخطب المنبرية.

العيب هو أن تكون طبلاً يقرع عليها الظالمون، وبوقاً ينفخ فيه المشعوذون، وأنت لم تفعل طوال إقامتك في هذا المكان غير ذلك.

قل لي، لماذا أدعو للبشير؟ وعلى ماذا سأشهد له في يوم القيامة؟ على الملايين التي أهلكها بصلافته وعنجهيته وجهله؟ أم أدعو له ليطيل الله عمره في الباطل؟ يا ود الباوقة، أسمع الكلام الجايي دا، ودي شهادتي عليك وعلي رئيسك يوم القيامة، أنه مكن للباطل في بلادنا، وفتح خزائن الأرض للصوص، ودمر اقتصادنا، وقسم بلادنا، وقتل النساء والأطفال، ودمر البنية التحتية للبلاد، وأدخل البلاد في نفق مظلم لا نعرف - حتى اللحظة - كيف نخرج منه، وأنه أطلق يد أعوانه وسلطهم على رقاب الخلق، وأن الاسلام الذي أتى باسمه براء منه براءة الذئب من دم ابن يعقوب.

أما أنت، فأشهد الله أنك كنت ظهيراً للمجرمين، تزين لهم الباطل وتدعوهم إليه، تنافح عنهم حينما يخجلون هم أنفسهم من الدفاع عن أفعالهم، وأنك بذلت جهدك، ووقتك، ومالك، وعافيتك، لتمكينهم في الأرض، ليعثوا فيها فساداً، وأنك رأيت الباطل باطلاً وفضلت اتباعه، ورأيت الحق حقاً وقررت اجتنابه، وأن دماء المسلمين، وأموالهم، وأعراضهم، التي انتهكتها حكومة الانقاذ، لك نصيب من وزرها يوم القيامة، وأشهد الله أن المدعو ود الباوقة، قد أحب عمر البشير فأسأل الله أن يحشره يوم القيامة معه، مع هامان وفرعون وهتلر وموسليني حسن أولئك رفيقاً.

Post: #25
Title: Re: السيد الرئيس .. نريد من المواطنين ان يدعوا لنا في الدنيا ويشهدوا لنا في الآخرة ..
Author: ود الباوقة
Date: 09-28-2010, 11:25 AM
Parent: #21

Quote: والله غيرك انتا وشيعتك عدو للسودان مافي، وكافر غيرك إنتا وشيعتك مافي، أرزقي والغ في المال الحرام حتى أذنيه غيرك انتا وشيعتك مافي، انتهى زمن الانشاء والخطب المنبرية.

Post: #22
Title: Re: السيد الرئيس .. نريد من المواطنين ان يدعوا لنا في الدنيا ويشهدوا لنا في الآخرة ..
Author: إدريس البدري
Date: 09-28-2010, 09:45 AM
Parent: #19

هظار اشتر خلاص يا باوقة

Post: #23
Title: Re: السيد الرئيس .. نريد من المواطنين ان يدعوا لنا في الدنيا ويشهدوا لنا في الآخرة ..
Author: محمد النيل
Date: 09-28-2010, 10:28 AM
Parent: #22

Quote: انتظر قليلا لترى مستشفى الباوقة بصورته الجديدة
برضو ماح يكون فى حقن
المواطن ح يكدح عشان يجيب حقها

واذا حصل وبنيتوها من جديد
المقاول ح يكون منكم
ولوارى الطوب منكم
وانتم موردين الاسمنت
والخرصانة والمسامير
وكافترية فتة فول العمال
وزيت سمسمها المعفن
وموية جبنتها المصدية
وح تضعوا ليها ميزانية عشرة اضعاف
وح تصرفوا فيها ربع الميزانية المفروض تتبنى بيها
وتضربوا الثللاثة ارباع مع التسعة اضعاف الباقية

وح تكون مستشفى خاوية من الاطباء والخدمات الضرورية
ونرجع تانى بعد شهور قليلة للصورة القبيحة اياها

Post: #26
Title: Re: السيد الرئيس .. نريد من المواطنين ان يدعوا لنا في الدنيا ويشهدوا لنا في الآخرة ..
Author: ود الباوقة
Date: 09-28-2010, 11:35 AM
Parent: #22

Quote: هظار اشتر خلاص يا باوقة

اسف اخي بدري

ان تسببت في ازعاجك ........

تحسبوه لعب .............

Post: #24
Title: Re: السيد الرئيس .. نريد من المواطنين ان يدعوا لنا في الدنيا ويشهدوا لنا في الآخرة ..
Author: إدريس البدري
Date: 09-28-2010, 10:30 AM
Parent: #19

هظار اشتر خلاص يا باوقة

Post: #27
Title: Re: السيد الرئيس .. نريد من المواطنين ان يدعوا لنا في الدنيا ويشهدوا لنا في الآخرة ..
Author: Hisham Ibrahim
Date: 09-28-2010, 11:40 AM
Parent: #24

Quote: نريد من المواطنين ان يدعوا لنا في
الدنيا ويشهدوا لنا في الآخرة ..

مواطن : هسع قاعدين ندعــو وبعدين أكيد أكيد بنشهد ..

( اليوم داكـ يا ( بُق بُق ) كُلنا بنكون عـريانين قدام

مالكـ يوم الدين ) ,,,,

يوم لا ينفع مال ولا بنون .

Post: #28
Title: Re: السيد الرئيس .. نريد من المواطنين ان يدعوا لنا في الدنيا ويشهدوا لنا في الآخرة ..
Author: Saifelyazal Elmaki
Date: 09-28-2010, 11:46 AM
Parent: #27

ود الباوقة سلامات يا رايق
Quote: السيد الرئيس .. نريد من المواطنين ان يدعوا لنا في الدنيا ويشهدوا لنا في الآخرة ..

ومنو القال ليك ما بدعو عليكم ولا حيشهدوا في الآخرة
اطمئن يا سيدي كل الشعب بدعو عليكم

Post: #29
Title: Re: السيد الرئيس .. نريد من المواطنين ان يدعوا لنا في الدنيا ويشهدوا لنا في الآخرة ..
Author: قلقو
Date: 09-28-2010, 11:53 AM
Parent: #28

Quote: نعم لقد نهض الشعب وفجر كل طاقاته في المصانع

والحقول ...

وفاضت الانهار وارتوت الارض واقيمت السدود

والخزانات والكباري والجسور

بالجد كدة ياودالباوقة انت بتتكلم عن ياتو شعب ؟
بس اوعك تقول لى الشعب السودانى حتى لاأتهمك بالتخلف العقلى .

Post: #30
Title: Re: السيد الرئيس .. نريد من المواطنين ان يدعوا لنا في الدنيا ويشهدوا لنا في الآخرة ..
Author: فايزودالقاضي
Date: 09-28-2010, 12:04 PM
Parent: #29

صديقي ود الباوقه .سلامات ...

بركة شفنا صورتك ياعمر وربنا يكرمنا بلقياك قبل الهداية او بعد الهداية مابتفرق ...من الصورة شكلك ود ناس واهلي ناس الباوقه اهل عزة وكرامة واظنك كذلك ...وابداً مابتشبه الناس ديل ...بكل محبة ادعو الله لك الهداية ..قول آمين ياودالباوقه ..

Quote: السيد الرئيس .. نريد من المواطنين ان يدعوا لنا في الدنيا ويشهدوا لنا في الآخرة ..

رخيص والطلب غالي ياريس...

Post: #31
Title: Re: السيد الرئيس .. نريد من المواطنين ان يدعوا لنا في الدنيا ويشهدوا لنا في الآخرة ..
Author: قلقو
Date: 09-28-2010, 12:25 PM
Parent: #30

Quote: رخيص والطلب غالي ياريس...

بالجد حلوة ياود القاضى .
Quote: السيد الرئيس .. نريد من المواطنين ان يدعوا لنا في الدنيا ويشهدوا لنا في الآخرة ..

بدون ماتطلب ياريس فالكل سوف يدعو (عليك) فى الدنيا وسيشهدون ايضا (عليك ) فى الآخرة .
فأطمئن .

Post: #32
Title: Re: السيد الرئيس .. نريد من المواطنين ان يدعوا لنا في الدنيا ويشهدوا لنا في الآخرة ..
Author: ود شاموق
Date: 09-28-2010, 12:39 PM
Parent: #31

Quote: نعم لقد نهض الشعب وفجر كل طاقاته في المصانع

والحقول ...

وفاضت الانهار وارتوت الارض واقيمت السدود

والخزانات والكباري والجسور ..

والمدارس والمستشفيات* يا ود الباوقة ما تنسى العلاج المجاني والتعليم وغزو الفضاء.

--------------------------------------------------------

* مستشفى مدينة الباوقة الدولي

Post: #34
Title: Re: السيد الرئيس .. نريد من المواطنين ان يدعوا لنا في الدنيا ويشهدوا لنا في الآخرة ..
Author: ود شاموق
Date: 09-28-2010, 12:43 PM
Parent: #32

Quote: نعم لقد نهض الشعب وفجر كل طاقاته في المصانع

والحقول ...

وفاضت الانهار وارتوت الارض واقيمت السدود

والخزانات والكباري والجسور ..

( وما يزال الرجل يكذب ويتحرى الكذب حتى يكتب عند الله كذاباً ) صدق رسول الله الكريم . والله انا خايف يوم القيامة عمك عمر البشير زاتو يطالب بالسجن الانفرادي من الحيشوفو فيكم .

Post: #35
Title: Re: السيد الرئيس .. نريد من المواطنين ان يدعوا لنا في الدنيا ويشهدوا لنا في الآخرة ..
Author: doma
Date: 09-28-2010, 01:14 PM
Parent: #34

Quote: برضو ماح يكون فى حقن
المواطن ح يكدح عشان يجيب حقها

واذا حصل وبنيتوها من جديد
المقاول ح يكون منكم
ولوارى الطوب منكم
وانتم موردين الاسمنت
والخرصانة والمسامير
وكافترية فتة فول العمال
وزيت سمسمها المعفن
وموية جبنتها المصدية
وح تضعوا ليها ميزانية عشرة اضعاف
وح تصرفوا فيها ربع الميزانية المفروض تتبنى بيها
وتضربوا الثللاثة ارباع مع التسعة اضعاف الباقية

وح تكون مستشفى خاوية من الاطباء والخدمات الضرورية
ونرجع تانى بعد شهور قليلة للصورة القبيحة اياها

Post: #47
Title: Re: السيد الرئيس .. نريد من المواطنين ان يدعوا لنا في الدنيا ويشهدوا لنا في الآخرة ..
Author: محسن عبدالقادر
Date: 12-27-2010, 09:18 PM
Parent: #35

سندعوا عليكم في الدنيا يا قاتلي الأبرياء وآكلي السحت ... وسنقاضيكم يوم الوقوف بين يدي الله تعالى ... وربنا ينتقم منكم دنيا وآخرة ..

Post: #42
Title: Re: السيد الرئيس .. نريد من المواطنين ان يدعوا لنا في الدنيا ويشهدوا لنا في الآخرة ..
Author: ود الباوقة
Date: 09-29-2010, 08:54 AM
Parent: #30

Quote: رخيص والطلب غالي ياريس...

غالي والطلب رخيص ...

يا فايز ........

Post: #37
Title: Re: السيد الرئيس .. نريد من المواطنين ان يدعوا لنا في الدنيا ويشهدوا لنا في الآخرة ..
Author: ود الباوقة
Date: 09-28-2010, 05:56 PM
Parent: #28

Quote: ومنو القال ليك ما بدعو عليكم ولا حيشهدوا في الآخرة
اطمئن يا سيدي كل الشعب بدعو عليكم

اخي المكي 00

سندعو للسيد الرئيس من كل اعماقنا بالتوفيق والسداد

وان يجنبه كل سوء

نحن ندعو له وانتو ادعوا

والحشاش يملا شبكتو ...........

Post: #36
Title: Re: السيد الرئيس .. نريد من المواطنين ان يدعوا لنا في الدنيا ويشهدوا لنا في الآخرة ..
Author: ود الباوقة
Date: 09-28-2010, 05:50 PM
Parent: #27

Quote: يا ( بُق بُق )

نسال الله السلامة.....

Post: #38
Title: Re: السيد الرئيس .. نريد من المواطنين ان يدعوا لنا في الدنيا ويشهدوا لنا في الآخرة ..
Author: الزبير صالح الزبير
Date: 09-28-2010, 06:27 PM
Parent: #36

ياو دالباوقة

ما عارف اقول او اكتب شنو لكن غايتو القدرني عليها ربنا انو اقول ليك
انت انسان عايش برة الشبكة

Post: #39
Title: Re: السيد الرئيس .. نريد من المواطنين ان يدعوا لنا في الدنيا ويشهدوا لنا في الآخرة ..
Author: BAKTASH
Date: 09-28-2010, 06:55 PM
Parent: #38

والله ناسك ديل يا ود الباوقة لو مسألة دعاء (ربنا ما بوصوهو) لكن ربنا عايز يكتر فضايحهم ويكشف دجلهم للناس ولعبهم بالدين واستغلاله وح تشوف كلامي دا..

Post: #48
Title: Re: السيد الرئيس .. نريد من المواطنين ان يدعوا لنا في الدنيا ويشهدوا لنا في الآخرة ..
Author: دوت مجاك
Date: 12-27-2010, 09:42 PM
Parent: #38

Quote: ياو دالباوقة

ما عارف اقول او اكتب شنو لكن غايتو القدرني عليها ربنا انو اقول ليك
انت انسان عايش برة الشبكة

الزبير صالح الزبير والله مشتاقين

Post: #40
Title: Re: السيد الرئيس .. نريد من المواطنين ان يدعوا لنا في الدنيا ويشهدوا لنا في الآخرة ..
Author: صديق_ضرار
Date: 09-28-2010, 07:43 PM
Parent: #2

محلولة دايما بى رجالها

شعر : صديق ضرار

وبقيـت بـراكا حدا الأسـد . . الشـعب قصـدك كلـه جــد
أفـيال تخـاف قحـة شـبل . . وانت بتعـوعـى قصـد أسـد

جعـلوك إمـام والصـولجان . . موصـول بإيـدك ومنعـقـد
سـنوا الـشـريعة مضللـين . . يـفتـى الـترابى ويجتهـد

قانـون حمـاية المفسـديـن . . لا ليـه حجـة ولا سـنــد
محـروس بأمـن المجرمـين . . ومنــو البنـازع و ينـتقـد

قلـنا لـيك إتـنـازل أمـان . . نصحـوك وقالـوا كلام حسـد
ملوا ليـكا راسـك بالهـوس . . ومشـيت تبـرطـع فى البـلد

جريت حريمنا مـن البيـوت . . لدفـاعـك الشـعبـى النكــد
ماختيت عجـوزة ولا مريض . . أو طـفل يـادابـو اتـولــد

فضفضت جيـشنا المنضـبط . . سخّـرتـو للكـيـزان عضـد
تسريح معـاش ، أو إغتـيال . . ضبـاتنا أصـبحـوا بالعــدد

وصـبرنا ، أيـوب إستجـار . . شــادّين حبـلنا من المســد
لاكـين لـقـينـا الملـتحـين . . خمّـوا الـقلـيل الاتـوجـد

نآكل وتزرعـوا صـاغـرين . . حكـمك تشـدّ الـمـا شـهد
تعـروا ونكـون متلبســين . . ممــا صنعتـوا وممـا ورد

تيفـودك الضـارى المخـيف . . فيـروسه سـارح فى الكـبد
وأنيمـيا من عـدم الرغـيف . . وملاريـا نيـران فى الجسـد

وتقـول كمان شدّوا الحـزام . . ويـنا البطـون الدايـرة شـد
ما جسومنا نحلت لى عضـام . . داخـريــنا لـى ود اللحـد

وجنيـهنا داك اللكـان دهب . . الأهـيف أب فقـــرة وزرد
خفّـض قـواه من الغضـب . . من قـت زكـاته جمـل حمد

فى جنـوبنا يا دابو السـلام . . تمـت شـروطـه وانعـقـد
طبّـيت ورافـع الانقسـام . . أوصـدت بابـه الـى الأبـد

كنـا البنـاوى اللاجئـيـن . . سـودانا رغـم المـر صمد
اللـيلة نحـنا مشــرديـن . . فى كل دولـة تلاقـى فـرد

كتـرت مدايـح السـائلين . . ظهـرت عـمم ما لـيها حـد
ودقـن فى فاسـق لا ركع . . لـى ربـه مـرة ولا سجــد

وجباة ضرايبك فى السفارة . . أفنـديـة فى التمـريـن جـدد
لابسـين ملافـح أمـهاتم . . الــزى مـوحــد ومتـحـد

مافيـش كلام غـير الدفع . . وتقـول سـلام مـا بتلقـى رد
نفخة أباطـرة ورا الطيق . . أهـلا ومـرحــب يـا عمـد

إالزامنا بالتحويل سخيف . . فى قراره مهـما السـوق سـود
ما كفاية تلزمنا بضريبة . . وحـق زكــاة ورسـوم تهــد

إضـافة المولود مئـات . . توثــيق مئـاتـك ويـا مـدد
توكيل بشى وسؤال بشى . . وفـضــى جـيبك دون تعـد

وفرضت باب لتبرعـات . . حـوت الغـريب من كل بنـد
الشرطة فى الخرطوم جياع . . والتـرعة نشـفت فى الرهـد

وكمان تقـول قد اكتفـينا . . وانت بتطـارد فيـنا طــرد
بقفا الريال بتسيل ريالـتك . . وتمـلا خشــمك بالـزبــد

شركـت لـيه بكل وسيلة . . وقلـت عـاشـقه ومافـى ند
صدرت زيتنا وبعت سكـر . . قصـبه أخضـر ، ما اتحصد

والمتخلف الضاربه الحصار . . وتحـت الشمش شقيان يكـد
لو جاكا يسـتخرج وثـيقة . . " شـباك تلاتـة " تقوله سـد

الـزول معـرض للقبـض . . قانـون صريـح شـادد شدد
خلـينا كـدى بس بالعـقل . . كيفـن يسـد وانـت بتقـد

(بقـر الحلب فى الاغتراب . . للثــورة اكـتر مـن سـند
ومال الشهـيد يا محسنـين . . ما برضه ملـوال قـد شهـد

ملـوال أخـوى وكمان ألير . . والمانـقو زمبـيرى الخـلد
من دمّى دمّه ومن عضـاى . . وقلبـنا من بـدرى اتحــد)

بقـر الحلب فى الاغتراب . . للثــورة اكـتر مـن سـند
ومال الشهـيد يا محسنـين . . ما برضه ملـوال قـد شهـد

ملـوال أخـوى وكمان ألير . . والمانـقو زمبـيرى الخـلد
من دمّى دمّه ومن عضـاى . . وقلبـنا من بـدرى اتحــد

والمستشهدين هنا فى الشمال . . الـراحوا سمبـلة أو عمـد
والراحوا فى التعذيب شمار . . والطـالب البـطل الصـمد

شالـوه أمـنك فى الفجـر . . يوميـن معـاهـم بس أخـد
جابوه جثـة وقالوا جنـدى . . أكــان بنـضف فى فـرد

جرحوا أمه فى عز حشاها . . وبـطن أمـه بطـرانة بتـلد
لو كتلـوا بالتعذيب محـمد . . مليــون محـمد بتـولــد

روحـه حلـت فى سمـانا . . وجرحه نــوّر فـى البـلد
أصـبح مزار كل العـذارى . . قبـره فــتّح حقــل ورد
كـل القبـيلة بقت قبـيلته . . وسمّوا إسـمه علـى الـولد

وقـت لـينا نحنا المنقذين . . ألـزم حـدودك يــا ولـد
محلولة دايما بـى رجالـها . . ومافـى غـيرهم لـيه يـد

وتراكا المشيت على اللسـد . . والشعـب لىخطـوك رصـد
أفـيال تخـاف قحة شـبل . . وانت بتعـوعى قصـد أسـد
واتحـدى . . . لو تمس . . شـعراى من لــبد اللســد
خنـزير عديل مشى للأسد . . واب لـبـدة لـيه لبـد لـبـد
وكلاب تجهـز فى الحنوط . . وتقـرا الـوصـية على الولد
خنزير حمـار مشى للأسد . . خنـزير بليــد مشـى للأسد
وزرافة ماسكة فى يد خروف . . وعبـلانـج براقـص فى قرد

* * *

Post: #41
Title: Re: السيد الرئيس .. نريد من المواطنين ان يدعوا لنا في الدنيا ويشهدوا لنا في الآخرة ..
Author: محمد زكريا
Date: 09-28-2010, 08:00 PM
Parent: #40

Quote: : السيد الرئيس .. نريد من المواطنين ان يدعوا علينا في الدنيا ويشهدوا لنا في الآخرة ..

====
اللهم ...................... {اتخيل الباقى}

Post: #43
Title: Re: السيد الرئيس .. نريد من المواطنين ان يدعوا لنا في الدنيا ويشهدوا لنا في الآخرة ..
Author: Alshafea Ibrahim
Date: 09-29-2010, 02:42 PM
Parent: #41

أها ياود الباوقة
غطتسوا حجروا خليتوهو عضيرة بارك مربوط بسلبة مثل القرد في الدنيا (يهدر بارك ) كما يقال
في الآخرة حسابو جسيم وعظيم عند رب لا ينسى ولا يسهى قوي مقتدر جبار ذو إنتقام ... تعالوا أنفعوا أنفسكم خلي الرئيس
هات نموذجا لمواطن تعتقد أنه سيشهد للرئيس بالخير ؟ وفي أي بقعة ترى ..
من فقدوا أرواحهم وأموالهم ومصدر رزقهم المشردون تقدر تحصهم عددا ؟ لا يعلم عددهم إلا الله ، وودمائهم وحفوقهم لا تضيع بإذن الله
الشفيع

Post: #44
Title: Re: السيد الرئيس .. نريد من المواطنين ان يدعوا لنا في الدنيا ويشهدوا لنا في الآخرة ..
Author: التيجاني عبد الباقي
Date: 09-29-2010, 03:24 PM
Parent: #43

Quote: وكافر غيرك إنتا وشيعتك مافي،
!!!!!!!!

**نصيحة لنفسي والبورداب احترموا قوانين البورد والذوق ولكم الود

Post: #45
Title: Re: السيد الرئيس .. نريد من المواطنين ان يدعوا لنا في الدنيا ويشهدوا لنا في الآخرة ..
Author: ود الباوقة
Date: 09-30-2010, 01:14 PM
Parent: #44

نصيحة لنفسي والبورداب احترموا قوانين البورد والذوق ولكم الود

اخي تجاني ..

هؤلاء معذورون.......

Post: #46
Title: Re: السيد الرئيس .. نريد من المواطنين ان يدعوا لنا في الدنيا ويشهدوا لنا في الآخرة ..
Author: ود شاموق
Date: 12-27-2010, 07:53 PM
Parent: #45

سجل عدد واحد شاهد عندك، ويوم القيامة قريب!