Post: #1
Title: لست مناضلاً ولكنني ..... جزء من سيرتي الذاتية ( بالضرورة )
Author: بخاري عثمان الامين
Date: 09-28-2010, 10:32 AM
Parent: #0
موضوع هذا البوست خطر لي من رسالة وصلتني
قال لي كاتبها انت موش عامل فيها ( مناضل )
ما كان تفعل كذا وكذا وكذا ...
أنا لست مناضلاً البتة ولكنني :- .............
|
Post: #2
Title: Re: لست مناضلاً ولكنني ..... جزء من سيرتي الذاتية ( بالضرورة )
Author: بخاري عثمان الامين
Date: 09-28-2010, 10:35 AM
Parent: #1
بداية هذه احدث صورة لي حتي يكون القارئ متخيل
كويس ...
لست مناضلاً ولكنني ........
|
Post: #3
Title: Re: لست مناضلاً ولكنني ..... جزء من سيرتي الذاتية ( بالضرورة )
Author: حذيفه ابراهيم الكباشي
Date: 09-28-2010, 10:45 AM
Parent: #2
وهادي قعدة حضور ومتابعة
|
Post: #4
Title: Re: لست مناضلاً ولكنني ..... جزء من سيرتي الذاتية ( بالضرورة )
Author: بخاري عثمان الامين
Date: 09-28-2010, 10:45 AM
Parent: #2
ولدت في نهاية العام 1970 بالديوم الشرقية
مربع رقم 3HE
منزل رقم 41
والذي يشغل مساحة 200 متر مربع من أرض المليون ميل
وهو ذات المنزل الذي ولدت به أمي بشرية بت عباس في
العام 1945 ... وهذا المنزل ملك لجدي من جهة أمي
المدعو / عباس عبد الرحمن ابو شعر وتعود جذوره الي
شريط الشايقية بشمال السودان بمنطقة تسمي مروي ابو دوم
أما ابي فهو من النيل الابيض مدينة القطينة وينتمي الي
المحس ( فيما أظن ) وهذا الظن لان قبيلتهم لها اسم آخر
وهو ( الجبركت ) .. وهي قبيلة اهتمت بالتعليم كثيرا علي
خلاف اسرة والدتي فجدي عباس ابو شعر كان يعمل خفيرا بالجامعة
كما أنني لم اسمع اهل أمي يتونسون يوما بأن فلان تم قبوله بالجامعة
فمعظم اهلي من ناحية امي كانوا يحترفون مهن معظمها يتعلق بصيانة واصلاح
العربات فهم كهربجية للعربات او ميكانيكية للعربات وكلهم ( معلمين ) وليسوا
مهندسين فحالي فتحي والذي رباني ( أعتقد انه لم يحسن هذا الدور بما يكفي )
كان اشهر معلم كهرباء سيارات بالخرطوم
نواصل
|
Post: #5
Title: Re: لست مناضلاً ولكنني ..... جزء من سيرتي الذاتية ( بالضرورة )
Author: محمد قرشي عباس
Date: 09-28-2010, 11:40 AM
Parent: #4
..
سلامات يا بخاري ..
أعرف أن حياتك بها الكثير المثير ..
لذا سأتابع بشغف
|
Post: #6
Title: Re: لست مناضلاً ولكنني ..... جزء من سيرتي الذاتية ( بالضرورة )
Author: مرتضى احمد عبد القادر
Date: 09-28-2010, 11:41 AM
Parent: #4
واصل يا جميل نتمناها سيره ذاتيه في شكل قصص وحكاوي جاذبة للقراءه كما يبدو عليها
|
Post: #7
Title: Re: لست مناضلاً ولكنني ..... جزء من سيرتي الذاتية ( بالضرورة )
Author: بدر الدين اسحاق احمد
Date: 09-28-2010, 11:56 AM
Parent: #4
Quote: ولدت في نهاية العام 1970 بالديوم الشرقية
مربع رقم 3HE
منزل رقم 41
والذي يشغل مساحة 200 متر مربع من أرض المليون ميل
وهو ذات المنزل الذي ولدت به أمي بشرية بت عباس في
العام 1945 ... وهذا المنزل ملك لجدي من جهة أمي
المدعو / عباس عبد الرحمن ابو شعر وتعود جذوره الي
شريط الشايقية بشمال السودان بمنطقة تسمي مروي ابو دوم
أما ابي فهو من النيل الابيض مدينة القطينة وينتمي الي
المحس ( فيما أظن ) وهذا الظن لان قبيلتهم لها اسم آخر
وهو ( الجبركت ) .. وهي قبيلة اهتمت بالتعليم كثيرا علي
خلاف اسرة والدتي فجدي عباس ابو شعر كان يعمل خفيرا بالجامعة
كما أنني لم اسمع اهل أمي يتونسون يوما بأن فلان تم قبوله بالجامعة
فمعظم اهلي من ناحية امي كانوا يحترفون مهن معظمها يتعلق بصيانة واصلاح
العربات فهم كهربجية للعربات او ميكانيكية للعربات وكلهم ( معلمين ) وليسوا
مهندسين فحالي فتحي والذي رباني ( أعتقد انه لم يحسن هذا الدور بما يكفي )
كان اشهر معلم كهرباء سيارات بالخرطوم
|
كلهم يا بخارى بمختلف مهنهم يفتخــر اى زول بيهم كأهــل يكدون من اجل لقمــة العيش الحلال ...
بيهمنــا ( كســب بخارى فى الدنيـا )
اشواقو ..
تطلعاتو ..
علاقاتو ..
افكارو ..
انتمائــه الحزبــى ..
رؤيتــه فى الشأن العام ...
ترمـــة :
زول من الديم الجابك تتضهــب فى بحرى حـقتنــا شنو ؟
سلام بخارى وام الشباب ..
|
Post: #8
Title: Re: لست مناضلاً ولكنني ..... جزء من سيرتي الذاتية ( بالضرورة )
Author: بخاري عثمان الامين
Date: 09-28-2010, 12:49 PM
Parent: #7
قطعاً ساحكي كثيرا في هذا البوست وأيضاً هناك جملة
من الاعترافات ساكتبها كي اثبت انني لست مناضلاً ولكنني ........
الاخوة :-
حذيفة ابراهيم الكباشي
محمد قرشي عباس
مرتضي أحمد عبد القادر
ساعود لكم بالتفصيل ....
الشيوعي بدر الدين اسحاق أحمد الذي ضل طريقه الي المعسكر الاخر
| Quote: زول من الديم الجابك تتضهــب فى بحرى حـقتنــا شنو ؟ |
وانت قائل ( بحري يا سر الهوي ) دا ساي .. اسأل جادالله ود الديم الحتل عندكم
في الشعبية من القصة دي ...
بالجنبة :
التلفون اتسرق في بيت الفنون ومحتاج لرقمك شتتو لي في الخاص
|
Post: #9
Title: Re: لست مناضلاً ولكنني ..... جزء من سيرتي الذاتية ( بالضرورة )
Author: بخاري عثمان الامين
Date: 09-28-2010, 01:10 PM
Parent: #8
اذا لم اولد لاسرة غنية فوالدي له كل حبي يعمل فني ميكانيكا بمصنع
النسيج السوداني وهو خريج المعهد الفني الذي جاءه من مدرسة أم درمان الفنية
ووالدتي ( لها الرحمة ) لم تكمل تعليمها فقد درست حتي رابعة اولية ثم تفرغت
لمساعدة والدتها الحاجة فاطمة ( والتي تربيت في منزلها لاحقاً ) وانا ادين بجمال
خطي لوالدتي بشرية فلعها كانت تظن ان الخط الجيد يكتب به الشطار لذا اجتهدت معي
ايما اجتهاد كي اتكمن من وضع الحروف في السطر بالشكل الصحيح والاجمل ...
يقال انني كنت اشقي ( مخلوق ) في الديم من محطة الغالي الي محطة حجازي .. أشقي من
عنتر ( ك_ل_ب) ناس عمي الزين كما قالت لي الاستاذة بالمدرسة الابتدائية ، والمدرسة الابتدائية
كان أسمها الرسمي ( مدرسة الديم شرق (1) الابتدائية بنين ) والاسم الرائج هو مدرسة
الز_ب_ا_ل_ة
فقد كان سورها من الطين ... كانت أمي وجاراتها فرحات جداً لقبولي للمدرسة وسبب الفرح ليس
التنبؤ بمسيرتي الاكاديمية الظافرة وانما لان استاذ متوكل مدير المدرسة اشتهر بتأديب كل التلاميذ
في الديم وهانذا قد قبلت في الحظيرة وسيتم ترويض سلوكي المنفلت عملاً بنظرية لكم اللحم ولينا العظم
ونظرية اللحم والعظم دي سمعتها كثيرا وتحديدا من أمي عليها الرحمة
|
Post: #10
Title: Re: لست مناضلاً ولكنني ..... جزء من سيرتي الذاتية ( بالضرورة )
Author: بخاري عثمان الامين
Date: 09-28-2010, 01:19 PM
Parent: #9
تكشف عقلي الصغير حينها علي اشياء كبيرة اخطرها العدل الاجتماعي
وعدم التوازن في توزيع ادوات ووسائل الانتاج لم تكن الاشياء بهذا
المسمي طبعا ... طيب بالعربي كنت في الصف الخامس الابتدائي اصحي
أو ان شئنا الدقة تجبرني أمي علي الصحيان لحمل جردلين وكمية من قراطيس
الورق صحن به طعمية والاخر لقيمات ابيعهم في شارع الزلط محطة التعاون لعمال
النسيج وعمال مصانع اخري كانوا يغادرون معظهم باكرا الديم الي الخرطوم بحري
ويعودون مساء ، كنت اجلس هذه الجلسة الصباحية الباكرة واتسأل عن زملاء اخرين
لي بالمدرسة مدثرون ببطانيين ناعمة رأيت احداهن في بيت زميلي أيمن والذي سيرد
اسمه لاحقا في اهم مشاكل بالمدرسة وهروبي الاول من المنزل ..
|
Post: #11
Title: Re: لست مناضلاً ولكنني ..... جزء من سيرتي الذاتية ( بالضرورة )
Author: امير مصطفى احمد
Date: 09-28-2010, 02:14 PM
Parent: #10
واصل يا بخاري
وهاك مني نضمي حميد الجميل
Quote: ما تهتم يا الزين بالحاصل
واصل سعيك .. واصل واصل
واصل سيرك
كان ما كنت الزين ود حامد كان حا يكونك واحد غيرك
في فضاء فالك يا إنسان
نسمة تقولك في الإمكان
أبدع واحسن من ما كان
ياتو مطرتاً سوت شو .. فرقو غيما الأمريكان
ياتو رصاص ما عقبو خلاص
ياتو سجن يا الزين ود حامد
ياتو محن تمحى الإحساس
لما يكون في الساس والرأس
ياتو وطن يا الزين ود حامد
ياتو زمن دام للأنجاس
|
|
Post: #12
Title: Re: لست مناضلاً ولكنني ..... جزء من سيرتي الذاتية ( بالضرورة )
Author: بخاري عثمان الامين
Date: 09-28-2010, 02:21 PM
Parent: #11
Quote: في فضاء فالك يا إنسان
نسمة تقولك في الإمكان
أبدع واحسن من ما كان |
أمير مصطفي لاحقا ستحقق هذه المقولة فمن
مدرسة ال ز ب ا ل ة الي جامعة الخرطوم يا منقة
ساحكي فانا لست مناضلا ولكنني .....
|
Post: #13
Title: Re: لست مناضلاً ولكنني ..... جزء من سيرتي الذاتية ( بالضرورة )
Author: خالد عويس
Date: 09-28-2010, 02:38 PM
بخاري؟
عامل فيها مناضل؟
يا للسؤال !! يا للسؤال الغريب في هذا الزمن الأغبر الذي كلما تمكن أحدهم من "كي بورد" كتب - متوهما - عن النضال والمناضلين وكأن ذلك شتيمة، أو في درجة أقل سخرية لاذعة. ولطالما شاع مصطلح "مناضلي الكي بورد" في الحط من شأن "كل من تسوّل له نفسه نقد ومعارضة هذا النظام الديكتاتوري القبيح الذي لا يؤيده سوي إلا إذا كان نفعيا أو مفرط السذاجة".
يا للسؤال يا بخاري، ونحن جميعا من درسنا فترة التسعينيات في الجامعات نعرف تماما ما فعلته وما قدمته. كلا، نضالك ليس كتابةً وحسب في س. أون لاين - وهذا أيضا يجد منا عميق الاحترام والتقدير طبعا -، لكنه كان نضالا شرسا على الأرض، وفي مواجهة معتقلاتهم وتعذيبهم، في الوقت الذي آثر فيه الكثيرون الصمت الذليل.
يجب ألا نجاريهم في هذا المنحى، هم يريدون بالفعل (تنميط) مصطلح النضال ليكون مبتذلا وساقطا سقوطهم في امتحان الوطنية واختبار الأخلاق.
لك ولتاريخك المضيء ولهذه الأسرة العظيمة التي أنجبتك كل الإنحناء والتقدير، ولشريكة حياتك العظيمة المناضلة كذلك.
|
Post: #15
Title: Re: لست مناضلاً ولكنني ..... جزء من سيرتي الذاتية ( بالضرورة )
Author: حاتم كاهن
Date: 09-28-2010, 02:49 PM
Parent: #13
متابعبن يا بخاري ..
|
Post: #14
Title: Re: لست مناضلاً ولكنني ..... جزء من سيرتي الذاتية ( بالضرورة )
Author: النذير حجازي
Date: 09-28-2010, 02:47 PM
بوست متعة
واصل في السرد الجميل يا أبو أمين
وتحياتي لك وأسرتك الكبيرة والصغيرة
بمناسبة الهروب من البيت يا بخاري
أنا كانت عندي طريقة ذكية جداً
عندي بطانية ومخدة راميهم في راس البيت
ولمن أهرب من البيت بجي بليل بنوم في
رأس البيت لوول، شفت الشقاوة دي كيف؟!
|
Post: #16
Title: Re: لست مناضلاً ولكنني ..... جزء من سيرتي الذاتية ( بالضرورة )
Author: Elawad
Date: 09-28-2010, 04:19 PM
Parent: #14
شكله حيكون من البوستات الجميلة... متابعين.
تحياتي يا بخاري.
|
Post: #17
Title: Re: لست مناضلاً ولكنني ..... جزء من سيرتي الذاتية ( بالضرورة )
Author: محمد البشرى الخضر
Date: 09-28-2010, 04:20 PM
Parent: #14
ياخي شكرا لصاحب الرسالة ما دام خلاك تكتب الكتابة المشوقة دي
متابعين
|
Post: #18
Title: Re: لست مناضلاً ولكنني ..... جزء من سيرتي الذاتية ( بالضرورة )
Author: محمد زكريا
Date: 09-28-2010, 05:06 PM
Parent: #17
سلام وتحايا للمناضل غصباً عنه
من الديم.......... طيب والوداك بيت المال شنو؟
ياخ انت بتهدى ناس الامن معلومات بالمجان
|
Post: #19
Title: Re: لست مناضلاً ولكنني ..... جزء من سيرتي الذاتية ( بالضرورة )
Author: cantona_1
Date: 09-28-2010, 05:17 PM
Parent: #18
يا بخاري .. سلامات .. باقي كلامك ما مهم .. حلفت يمين إلا بيعك للطعمية والزلابية في الصباح الباكر دا براهو يختك في خانة كبار المناضلين... بالمناسبة الناس فاكرين النضال هو دخول السجن والخروج في مظاهرات .. والكتابة في الجورنال .. والحديث في الليالي السياسية الما جايبه همّها .. البتسوي فيهو إنت وأمك ياهو دا النضال الحق. واصل مع تحياتي.
كبـَّـاشي الصــَّافي
|
Post: #20
Title: Re: لست مناضلاً ولكنني ..... جزء من سيرتي الذاتية ( بالضرورة )
Author: بخاري عثمان الامين
Date: 09-28-2010, 06:51 PM
Parent: #19
اغلي ناس
خالد عويس
حاتم كاهن
النذير حجازي
ELawad
محمد البشري الخضر
محمد زكريا
cantona_1
ساعود لكم لاحقا وما مستغني لكن اليوم في السودان
بقي ممحوق خالص ... دعوني احكي لكم قصة الهروب الاولي :-
كنت في الصف السادس ابتدائي متمرد علي درجة عالية من الخطورة
في اختلاف كنت اعتقد انه بسيط مع زميل جاء اسمه في السرد وهو أيمن
عايرني بأنني وأمي بائعي طعمية .. ورددت الرد القاتل فقد كان ابوه
خارج السودان لذا تحضر أمه كثيرا للمدرسة طبعا بغرض متابعة مستوي تحصيل
ابنها ولكن مخيلتنا ( الديامية ) وعذرا لكل الديامة صورت لنا شئ آخر وطوالي
شوت صاحبنا : انا امي بتجئ المدرسة تبيع طعمية لكن انت أمك بتجئ المكاتب تبيع
شنو ؟ وزميل شاتني ( بلاغ ) لمدير المدرسة الذي يدجن الاسد ذاته وبما الان الامر كان
في وقت المذاكرة اي ليلاً تم تأجيل محاكمتي لصباح اليوم التالي دون علم مني وفي طابور
الصباح نده علي بخاري عثمان الامين من الطابور لمكتب المدير وعلمت ان مشكلة الامس قد
تم الحكم فيها بسماع طرف واحد فقررت الهروب الي قهوة الجكو بسوق الديم والاقامة بها ..
وسنواصل
|
Post: #22
Title: Re: لست مناضلاً ولكنني ..... جزء من سيرتي الذاتية ( بالضرورة )
Author: cantona_1
Date: 09-28-2010, 06:56 PM
Parent: #20
تتذكر يا البخاري زمن قطوعات الكهرباء الكثيرة أيام النميري الكهرباء كانت ما بتقطع في الديم إلا في حالات نادرة. قالوا النميري بقول لناس الكهرباء: أقطعوا الكهرباء من العمارات والصافية ونمرة 2 بس من فضلكم ما تقطعوها من الديم .. الديامة ديل بتاعين مشاكل وما فارقة معاهم .
كبـَّـاشي الصــَّافي
|
Post: #21
Title: Re: لست مناضلاً ولكنني ..... جزء من سيرتي الذاتية ( بالضرورة )
Author: حذيفه ابراهيم الكباشي
Date: 09-28-2010, 06:54 PM
Parent: #19
يا بخاري
واصل السرد الجميــل يا حبوب
طلب مهم:
ياخي لو سمحت ارجو منك ان تضيف لهذا البوست رابط البوست الذي رثيت فيه والدتك الراحلة المقيمة بإعتبارها شخصية مركزية في حياتك
اذكر جيدا ذلك البوست الذي ابكى الكثيرين
...
|
Post: #23
Title: Re: لست مناضلاً ولكنني ..... جزء من سيرتي الذاتية ( بالضرورة )
Author: بخاري عثمان الامين
Date: 09-28-2010, 07:08 PM
Parent: #21
| Quote: ياخي لو سمحت ارجو منك ان تضيف لهذا البوست رابط البوست الذي رثيت فيه والدتك الراحلة المقيمة بإعتبارها شخصية مركزية في حياتك |
لم تكن بشرية بت عباس أو الزرقة كما سميت لفحامة لونها قط
شخصية مركزية في حياتي بل كانت كل حياتي ..
أمي بشرية الديامية ( بائعة الطعمية ) أو سيرة حياة لكثير من الديامة
|
Post: #25
Title: Re: لست مناضلاً ولكنني ..... جزء من سيرتي الذاتية ( بالضرورة )
Author: حذيفه ابراهيم الكباشي
Date: 09-28-2010, 10:26 PM
Parent: #19
كما ارجو شاكرا ان يستمر هذا البوست الي الربع القادم
|
Post: #26
Title: Re: لست مناضلاً ولكنني ..... جزء من سيرتي الذاتية ( بالضرورة )
Author: بخاري عثمان الامين
Date: 09-29-2010, 06:32 AM
Parent: #25
طبعا تم القبض علي بعد وصولي مباشرة للقهوة
فهي لم تكن بعيدة كما صور لي ذهني الصغير
وجئ بي الي المدرسة مكبلاً بمساعدة احد جالسي القهوة
وتولي مسألة ( تعذيبي ) الاستاذ (ع) وهذا الاستاذ لن انساه
طيلة حياتي ليس لانه من تولي هذه المهمة ولكن لقصص أخري ساحكيها
في المداخلة الجاية ..
|
Post: #27
Title: Re: لست مناضلاً ولكنني ..... جزء من سيرتي الذاتية ( بالضرورة )
Author: بدر الدين اسحاق احمد
Date: 09-29-2010, 06:43 AM
Parent: #25
Quote: تجبرني أمي علي الصحيان لحمل جردلين وكمية من قراطيس
الورق صحن به طعمية والاخر لقيمات ابيعهم في شارع الزلط محطة التعاون لعمال
النسيج |
لهــا الرحمــة .. فقد كانت تعلم ان الحلال ثمرتــه ابن صالــح ...
واسرة كريمــة ...
وظفت كل امكانياتها لتحقيق الكفايــة لكم .. لم تدخــر وقتــا / جهدا ...
اللهم ارحمها برحمتك الواســعة
واجعل البركة فى ابنها بخارى واخوتــه ..
وفى ابناء بخارى ..
اللهم ارحــم امــى برحمتك الواسعــة ...
قروش الطعميـة الحــلال دى دخلــتك جامعــة الخرطــوم ( شعور الحاجة والدتكم كان شنو بالنفصيــل ... بكــت / زغردة / وزعت بلح /
عملت بليلــة / ...)
امهاتنــا ديــل نسخــة بالكربــون من بعضهــن البعض ...
|
Post: #28
Title: Re: لست مناضلاً ولكنني ..... جزء من سيرتي الذاتية ( بالضرورة )
Author: Saifelyazal Elmaki
Date: 09-29-2010, 07:08 AM
Parent: #27
سلام بخاري
نسأل الله للوالدة الرحمة والمغفرة
ــــــــــــــــــــــــــــــــــــــــــ
يا بخاري مش كان أفضل ترد للرسالة الوصلتك
عن سيرتك الذاتية بنفس الطريقة
احتراماتي
|
Post: #29
Title: Re: لست مناضلاً ولكنني ..... جزء من سيرتي الذاتية ( بالضرورة )
Author: azhary awad elkareem
Date: 09-29-2010, 07:15 AM
Parent: #27
| Quote: البتسوي فيهو إنت وأمك ياهو دا النضال الحق |
|
Post: #34
Title: Re: لست مناضلاً ولكنني ..... جزء من سيرتي الذاتية ( بالضرورة )
Author: حمد فتح الرحمن
Date: 09-29-2010, 08:16 AM
Parent: #29
و لكنني شنو ؟
ياخ عليك دينك عيشة الداخلية ديك و الجوع و الفقر و القراية و النجاح في الظروف ديك براهم ما كانوا نضال ؟ خليك من باقي الحاجات
رحم الله الخالة بشرية و اسكنها الجنة
|
Post: #30
Title: Re: لست مناضلاً ولكنني ..... جزء من سيرتي الذاتية ( بالضرورة )
Author: بخاري عثمان الامين
Date: 09-29-2010, 07:26 AM
Parent: #27
الاستاذ (ع) :-
جزء من الطلاب كان معجبا به ايما اعجاب فهو للحقيقة
مخلص جدا في التدريس بالاضافة الي انه يقوم بزيارات
لطلابه بمنازلهم لمتابعة الواجبات ... مرة دخلت مكتبه
لتصحيح كراسي ووجدت عدد من زملائي يتوسطهم ويتباهي بمسدس
ما علينا دعاني الاستاذ للاشتراك في جمعية حقيقة لا اذكر اسمها
الان تقام اجتماعاتها بمسجد التعائشة ، هذه الجمعية لم تلاقي
هوي في نفسي ولاحقاً علمت انها لبنة للتنظيم الاسلامي المسمي
الجبهة الاسلامية القومية والتي برزت لاحقاً بعد الانتفاضة وحينها
كنا قد دخلنا المرحلة المتوسطة فلاحظت ان معظم الطلاب المقربين من
الاستاذ (ع) صاروا مناصرين للشيخ حسن الترابي في انتخابات دائرة الصحافة
ولاحقاً في الجامعة بقوا كيزان رأسهم عديل ... أما أنا فقصتي مختلفة شوية
ساتعرض لها لاحقاً
|
Post: #31
Title: Re: لست مناضلاً ولكنني ..... جزء من سيرتي الذاتية ( بالضرورة )
Author: بخاري عثمان الامين
Date: 09-29-2010, 07:32 AM
Parent: #30
Quote: يا بخاري مش كان أفضل ترد للرسالة الوصلتك
عن سيرتك الذاتية بنفس الطريقة
احتراماتي |
الغالي سيف والله ما فهمتك .. انا لم تصلني رسالة عن سيرتي
الذاتية وصلتني رسالة قال لي كاتبها ( انت موش عامل فيها
مناضل لو كده كان تعمل كذا وكذا وكذا ... ) وانا لست مناضلاً ولكنني ...
|
Post: #32
Title: Re: لست مناضلاً ولكنني ..... جزء من سيرتي الذاتية ( بالضرورة )
Author: بخاري عثمان الامين
Date: 09-29-2010, 07:58 AM
Parent: #31
كنت طالباً مميزا من حيث ( الدرجات ) فقط .. ذو سلوك سئ لا اتمناه لابني أمين
دخلت المرحلة المتوسطة بمدرسة الديوم الحكومية والتي بنيت محل ( ترب ) بلاع فجدتي
عليها الرحمة لم تكن تسمي مقابر بلاع بالمقابر بل بالترب .. ولانني دخلت الي سوق العمل
في بواكير طفولتي فقد اطلعت علي ( محرمات ) ما اتيحت لجيلي فدخنت البنقو وانا ما زلت في
المرحلة المتوسطة ونادمت السكاري وهكذا دخلت عالم المزاج و ( كبدي ) عمرها 15 عاماً ..
وانقذني الغالي جمال عبد الرحمن فعرفت عبره المادية التاريخية والديالكتيك وامكانية اعادة
توزيع وسائل الانتاج .. اذاً انا اطرق باب ( الحزب الشيوعي السوداني ) والذي تحرم لائحته تدخين
البنقو .. وكان للحزب الدور الرئيسي في تهذيب سلوكي وبدأت القيام بمهام حزبية بسيطة مثل توزيع
صحيفة الميدان وتعرفت علي عضوية الحزب بالديم واصدقاءه ..
ساواصل
|
Post: #33
Title: Re: لست مناضلاً ولكنني ..... جزء من سيرتي الذاتية ( بالضرورة )
Author: بخاري عثمان الامين
Date: 09-29-2010, 08:16 AM
Parent: #32
Quote: قروش الطعميـة الحــلال دى دخلــتك جامعــة الخرطــوم ( شعور الحاجة والدتكم كان شنو بالنفصيــل ... بكــت / زغردة / وزعت بلح /
عملت بليلــة / ...) |
كان مفروض تدفع شوية قروش كده عشان تستلم النتيجة
وانا ما كان عندي فما مشيت المدرسة طوالي وكنت قاعد في
ركن الساحة الشعبية بدخن في سيجارة برنجي ورأسي مدودو من
كمية ( العصير ) الذي شربناه في ليلة الامس وسألتني خالتي (..)
وكانت داخله في منافسة مع أمي في كل شئ حتي نتائج الاولاد وكانت تعمد
الي المجئ باكرا جدا الي منزلنا بغرض ان ترانا انا ونجلاء شقيقتي وندي
مشغولين بمساعدة والدتنا في صناعة الطعمية ( حقو الزول يعزمكم يوم طعمية )
وكان لها سؤال حفظناه عن ظهر ( حقد) :- انتو هسه بتقدروا تمشوا المدرسة كيف
بعد الشقي دا ؟
|
Post: #35
Title: Re: لست مناضلاً ولكنني ..... جزء من سيرتي الذاتية ( بالضرورة )
Author: المسافر
Date: 09-29-2010, 08:18 AM
Parent: #32
Quote:
بداية هذه احدث صورة لي حتي يكون القارئ متخيل
كويس ...
لست مناضلاً ولكنني ........
|
لكنني....
أبوشنب
لكن زلابيتنا أفخم من زلابيتكم ...
هل تقدر زلابيتكم أن تتباع من الشباك
زي ما زلابيتنا البتخلص قبل الشروق...
فشر...
|
Post: #36
Title: Re: لست مناضلاً ولكنني ..... جزء من سيرتي الذاتية ( بالضرورة )
Author: بخاري عثمان الامين
Date: 09-29-2010, 08:28 AM
Parent: #35
Quote: وسألتني خالتي (..)
|
سألتني اها نتيجتك كيف ؟؟
رديت لها : قديت عربي وما عندي نتيجة ..
وسرعان ما انتشر الخبر ، لم تبكي امي او تحزن
بل بالعكس شدت من عزيمتي بكلمات ما زالت ترن في
اذني : انت راجل وضراعك اخضر وكلمات من هذا القبيل
وتعيد تاني وتجيب نتيجة .. طبعاً استغربت لانني نسيت كذبتي
لخالتي فقلت لها : في شنو ؟ ازالت استغرابي بان خبر رسوبي
قد وصلها .. ضحكت انا اصلا ما مشيت جبت النتيجة كنت قاعد في
الركن بتاع الساحة ادخن واصبح علي خلق الله واتونست مع ..... الحبشية
جات تشيل عيش من الدكان ،،، قلبك ميت دا هسه وقت ونسة قوم امشي المدرسة
جيب النتيجة ،،
|
Post: #38
Title: Re: لست مناضلاً ولكنني ..... جزء من سيرتي الذاتية ( بالضرورة )
Author: بخاري عثمان الامين
Date: 09-29-2010, 08:45 AM
Parent: #36
مشيت المدرسة بي عجلة برفقة صديقي محمد عبد النبي ابنعوف والمقيم
الان بالسعودية والذي اتفق واياه كثيرا في هوي المريخ ...
وصلنا وما عندي المبلغ بتاع استلام النتيجة ودفعه الاستاذ ماجد ابايزيد
والمقيم ايضا الان بالسعودية وهو من ابناء عبري بالله بلغوه كل حبي واحترامي
يا بورداب السعودية .. وتحصلت علي نتيجة عالية تؤهلني لدخول جامعة الخرطوم ..
ولست مناضلاً ولكنني .........
وعدت الي أمي ابلغتها الخبر بكت .. ضحكت .. رقصت وطلعت الشارع بدون توب وزغردت
وكانت نجلاء شقيقتي تحمل لها التوب ولكنها في حالة جذب خاصة رمت فيها كثيرا من الحشمة
قالدت كل من مر بالشارع واصرت بفتح كل زجاجات البيبسي التي بالدكان للمارة والقروش ما مهمة
دين وبرجع .. ولكن طوفان الفرح غمرها عندما سمعت أسمي بالراديو وقد تم قبولي بكلية الاقتصاد جامعة
الخرطوم .. ساواصل لاحقاً تذكرت دموعها وانا الان لا اري الشاشة امامي فقد داهمتني دموع علي فرحها
وعلي وفاتها ..
|
Post: #39
Title: Re: لست مناضلاً ولكنني ..... جزء من سيرتي الذاتية ( بالضرورة )
Author: بخاري عثمان الامين
Date: 09-29-2010, 08:45 AM
Parent: #36
مشيت المدرسة بي عجلة برفقة صديقي محمد عبد النبي ابنعوف والمقيم
الان بالسعودية والذي اتفق واياه كثيرا في هوي المريخ ...
وصلنا وما عندي المبلغ بتاع استلام النتيجة ودفعه الاستاذ ماجد ابايزيد
والمقيم ايضا الان بالسعودية وهو من ابناء عبري بالله بلغوه كل حبي واحترامي
يا بورداب السعودية .. وتحصلت علي نتيجة عالية تؤهلني لدخول جامعة الخرطوم ..
ولست مناضلاً ولكنني .........
وعدت الي أمي ابلغتها الخبر بكت .. ضحكت .. رقصت وطلعت الشارع بدون توب وزغردت
وكانت نجلاء شقيقتي تحمل لها التوب ولكنها في حالة جذب خاصة رمت فيها كثيرا من الحشمة
قالدت كل من مر بالشارع واصرت بفتح كل زجاجات البيبسي التي بالدكان للمارة والقروش ما مهمة
دين وبرجع .. ولكن طوفان الفرح غمرها عندما سمعت أسمي بالراديو وقد تم قبولي بكلية الاقتصاد جامعة
الخرطوم .. ساواصل لاحقاً تذكرت دموعها وانا الان لا اري الشاشة امامي فقد داهمتني دموع علي فرحها
وعلي وفاتها ..
|
Post: #37
Title: Re: لست مناضلاً ولكنني ..... جزء من سيرتي الذاتية ( بالضرورة )
Author: Hussein Mallasi
Date: 09-29-2010, 08:37 AM
Parent: #35
Quote: ما اتيحت لجيلي فدخنت البنقو وانا ما زلت في
المرحلة المتوسطة ونادمت السكاري وهكذا دخلت عالم المزاج و ( كبدي ) عمرها 15 عاماً ..
وانقذني الغالي جمال عبد الرحمن فعرفت عبره المادية التاريخية والديالكتيك وامكانية اعادة
توزيع وسائل الانتاج .. اذاً انا اطرق باب ( الحزب الشيوعي السوداني ) والذي تحرم لائحته تدخين
البنقو .. |
أول مرة اعرف إنو لائحة الحزب بتنص على تحرم تدخين البنقو؛ أتراها تحرم
الخمور أيضاً .. إن كانت الإجابة لا .. فلم حرمت البنقو و لم تحرم الخمور؟!!
|
Post: #40
Title: Re: لست مناضلاً ولكنني ..... جزء من سيرتي الذاتية ( بالضرورة )
Author: المسافر
Date: 09-29-2010, 08:51 AM
Parent: #37
Quote:
فلم حرمت البنقو و لم تحرم الخمور؟!! |
أعتقد أن البنقو من الشجر والخمور من التمور
( تصريحات تماري )
|
Post: #41
Title: Re: لست مناضلاً ولكنني ..... جزء من سيرتي الذاتية ( بالضرورة )
Author: بخاري عثمان الامين
Date: 09-29-2010, 08:52 AM
Parent: #37
Quote: أول مرة اعرف إنو لائحة الحزب بتنص على تحرم تدخين البنقو؛ أتراها تحرم
الخمور أيضاً .. إن كانت الإجابة لا .. فلم حرمت البنقو و لم تحرم الخمور؟!! |
حسين صباح الخير
دي ثلاثة اسئلة :-
السؤال الاول : هل تنص اللائحة بتحريم تدخين البنقو ؟
حقيقي لم اجد النص مكتوب ولكن عرفت ان هناك اجماع علي فصل العضو الذي يدخن البنقو
وعدم قبول طلب عضوية لاي شخص يدخن البنقو ..
السؤال الثاني : هل تحرم الخمور ؟
ابداً ..
السؤال الثالث : لم حرمت البنقو ولم تحرم الخمور ؟
مثلك سألت وسمعت رد ان البنقو يدمر خلايا المخ والخمور ليست كذلك ..
|
Post: #42
Title: Re: لست مناضلاً ولكنني ..... جزء من سيرتي الذاتية ( بالضرورة )
Author: Hussein Mallasi
Date: 09-29-2010, 09:17 AM
Parent: #41
Quote: السؤال الثالث : لم حرمت البنقو ولم تحرم الخمور ؟
مثلك سألت وسمعت رد ان البنقو يدمر خلايا المخ والخمور ليست كذلك |
دا تبرير - فعلاً - غريب.
|
Post: #43
Title: Re: لست مناضلاً ولكنني ..... جزء من سيرتي الذاتية ( بالضرورة )
Author: بخاري عثمان الامين
Date: 09-29-2010, 09:38 AM
Parent: #42
Quote: وكان للحزب الدور الرئيسي في تهذيب سلوكي وبدأت القيام بمهام حزبية بسيطة مثل توزيع
صحيفة الميدان وتعرفت علي عضوية الحزب بالديم واصدقاءه .. |
كانت مرحلة الثانوية قاسية جدا بالنسبة لي فقد تم قبولي بمدرسة الخرطوم
النموذجية بنين وكل من مر بالجديدة في تلك الفترة وتعرف علي الاستاذ عبد الحميد
مدير المدرسة يدرك مدي الضبط بالمدرسة .. وحفظني الصول عن ظهر قلب فقد كنت اظهر في
معظم اللست التي يتولي تأديب المكتوبين بها .. وتعرفت بشكل أفضل علي عمل الحزب بالديم
فالثانوي فتح آفاقي ..
|
Post: #45
Title: Re: لست مناضلاً ولكنني ..... جزء من سيرتي الذاتية ( بالضرورة )
Author: Hamid Elsawi
Date: 09-29-2010, 09:51 AM
Parent: #42
متابعة باهتمام
و ياريت نوثق لتجاربنا و حياتنا بشجاعة
شكراً بخاري
و أسمح لي أن بسؤال لضيفك بالبوست ملاسي
الذي قال
| Quote: دا تبرير - فعلاً - غريب. |
لماذا تُحَلِلْ كل مطارلت الدنيا الخمور و تبيعها.
و تُعاقب من يحمل ذرة مُخَدرات اشد عقاب؟؟؟
و ما هو الغريب في تبرير بخاري؟؟؟
ــــــــــــــــــــــ
و اكرر اسفي عزيزي بخاري عن السؤال العارِض الذي ارجو
ان لا يفسد مسار البوست ... و لكنه مُحاولة لاِزالة استِغراب ملاسي
ــــ
|
Post: #44
Title: Re: لست مناضلاً ولكنني ..... جزء من سيرتي الذاتية ( بالضرورة )
Author: بدر الدين اسحاق احمد
Date: 09-29-2010, 09:48 AM
Parent: #41
Quote: وعدت الي أمي ابلغتها الخبر بكت .. ضحكت .. رقصت وطلعت الشارع بدون توب وزغردت
وكانت نجلاء شقيقتي تحمل لها التوب ولكنها في حالة جذب خاصة رمت فيها كثيرا من الحشمة
قالدت كل من مر بالشارع واصرت بفتح كل زجاجات البيبسي التي بالدكان للمارة والقروش ما مهمة
دين وبرجع .. ولكن طوفان الفرح غمرها عندما سمعت أسمي بالراديو وقد تم قبولي بكلية الاقتصاد جامعة
الخرطوم .. ساواصل لاحقاً تذكرت دموعها وانا الان لا اري الشاشة امامي فقد داهمتني دموع علي فرحها
وعلي وفاتها .. |
هــن هكذا دائمــا ....
يشهد الله ان الدمعـــة سكنـت فى مقلتــى ولم تفارقهــا منذ الصباح ....
فرحهـن لا يقاس ولا يقارن
عليهم رحمة الله
الغريبة انو القصــة دى كاننى سمعتها/ عايشتها / كنت جزء منها من قبل فهى قصــة نجاح كثير من امهاتنــا ...
|
Post: #46
Title: Re: لست مناضلاً ولكنني ..... جزء من سيرتي الذاتية ( بالضرورة )
Author: tmbis
Date: 09-29-2010, 10:07 AM
Parent: #44
| Quote: فحالي فتحي والذي رباني ( أعتقد انه لم يحسن هذا الدور بما يكفي ) |
والله يا بــاخ نزلته تحت لحدت ما كملته البوست .. طبعا الواحد ضعيف جدا قدام كل ما يتعلق بي امي الله يسلمك .. فتجدنا جاملناك بسيل الدموع من غير بمبان مساعد ..
المهم
جيت طالع فوق تاني لي خالك دا .. والله ضحكتني يا بــاخ ..
كان بدقك مش كدا ..؟ عشان كدا زهجـان منو ..
..
تعرف الطعمية دي حكايتي معاها طويلة خــلاص .. حسع قبل شوية فطرته بي طعمية شفت الكلام دا كيف ..؟
المهم معزوم طعمية بدل الهباب العملتو المرة الفاتت داك ..
البوست دا ماشي (النص) الجاي مش كدا .؟
|
Post: #47
Title: Re: لست مناضلاً ولكنني ..... جزء من سيرتي الذاتية ( بالضرورة )
Author: بخاري عثمان الامين
Date: 09-29-2010, 10:51 AM
Parent: #46
| Quote: من الديم.......... طيب والوداك بيت المال شنو؟ |
محمد زكريا يا منقة موش بيت مال المسلمين الما بوديني شنو ؟
|
Post: #49
Title: Re: لست مناضلاً ولكنني ..... جزء من سيرتي الذاتية ( بالضرورة )
Author: بخاري عثمان الامين
Date: 09-29-2010, 11:29 AM
Parent: #47
Quote: و لكنني شنو ؟
ياخ عليك دينك عيشة الداخلية ديك و الجوع و الفقر و القراية و النجاح في الظروف ديك براهم ما كانوا نضال ؟ خليك من باقي الحاجات
رحم الله الخالة بشرية و اسكنها الجنة |
حمد كافي اولا في حاجة غريبة بتحصل وحياة العشرة وشرفي لمن اقرأ اي
مداخلة لك بسمعها بصوتك ذاتو ...
ولدنا في مثل ظروف كهذه ونشأنا ايضا في اسوء منها لم نسرق ولم نجيب الشينة
ولدو هم لاسرة مغتربة أو سدنة نظام .. كنا نذهب للمدارس نرتدي الدمورية ودي في الديم
عندها قصة احكيها اول وارجع لك تاني :-
الما مصدق يسأل اي ديامي نشأ في فترتنا ديك يعني ما قبل الثمانينيات والله كان في ترزي ربنا
يرحمه اسمه عم فضل المولي محله يقع شرق الساحة الشعبية والمحل مقام بالمنزل وهذا المنزل شرق
الساحة وغرب الزاوية التي سميت بأسم عم فضل المولي ... كنا بنجيب قماش دمورية يخيط لك منه لباس
وقميص وباقي القماش كيس لغنماية البيت عشان لبنها ما يرضعو البهم الصغار يعني بلغة هسه ستيانة
للغنماية ...
أعود لك يا حمد اولئك المترفون يحاولون تنميط كلمة المناضل وافراغها من محتواها وانا بدوري فقط
هنا ساروي جزء من سيرة حياتي ( مجبراً ) ولست مستمتعاً لكي يكمل هو النقاط الموجودة بعد كلمة لكنني
فسيدي صاحب الرسالة أنا لست مناضلاً ولكنني ........
|
Post: #77
Title: Re: لست مناضلاً ولكنني ..... جزء من سيرتي الذاتية ( بالضرورة )
Author: cantona_1
Date: 09-29-2010, 06:09 PM
Parent: #47
| Quote: محمد زكريا يا منقة موش بيت مال المسلمين الما بوديني شنو ؟ |
يا بخاري دا بيت مال سيدي خليفة المهدي.
كبـَّـاشي الصــَّافي
|
Post: #48
Title: Re: لست مناضلاً ولكنني ..... جزء من سيرتي الذاتية ( بالضرورة )
Author: إدريس محمد إبراهيم
Date: 09-29-2010, 11:19 AM
Parent: #46
Quote: وعدت الي أمي ابلغتها الخبر بكت .. ضحكت .. رقصت وطلعت الشارع بدون توب وزغردت
وكانت نجلاء شقيقتي تحمل لها التوب ولكنها في حالة جذب خاصة رمت فيها كثيرا من الحشمة
قالدت كل من مر بالشارع واصرت بفتح كل زجاجات البيبسي التي بالدكان للمارة والقروش ما مهمة
دين وبرجع .. ولكن طوفان الفرح غمرها عندما سمعت أسمي بالراديو وقد تم قبولي بكلية الاقتصاد جامعة
الخرطوم .. ساواصل لاحقاً تذكرت دموعها وانا الان لا اري الشاشة امامي فقد داهمتني دموع علي فرحها
وعلي وفاتها .. |
بخاري أخوي ... تحياتي وحبي وتقديري .....
أبكيتني يعلم الله بهذا المقطع ... حتى أنا يا بخاري لا أكاد أرى الشاشة أمامي من فرط الدموع ... وأنا أتخيل كل الأمهات وقد فعل الفرح الغامر بهن ذلك يا بخاري ... رحم الله والدتكم أخي وأسكنها فسيح جناته مع الصديقين والشهداء وحسن أولئك رفيقا ....
واصل يا حبيب ....
|
Post: #50
Title: Re: لست مناضلاً ولكنني ..... جزء من سيرتي الذاتية ( بالضرورة )
Author: محمد زكريا
Date: 09-29-2010, 12:09 PM
Parent: #48
Quote:
محمد زكريا يا منقة موش بيت مال المسلمين الما بوديني شنو ؟ |
تعرف يا بخارى انا بالجد مستغرب من انو معقول اكون ما لاقيتك قبل كده
كدى نديك مفردات ونشوف لو اتعرفت عليها يبقى اكيد فى سابق معرفه
جمال عبدالرحمن +الساحه الشعبيه = المدير الفنى لساورا؟
ساورا؟
ابراهيم الماحى ,جمعه جابر؟
بيت المال؟ناس عمك مكى ,غاده ,ايمان ؟
وكمان صوره البروفايل مع المرحوم عماد
طبعاً ذاكرتى مطششه مابين سنه 93 لحدى 96
====
المسنجر راجيك
|
Post: #51
Title: Re: لست مناضلاً ولكنني ..... جزء من سيرتي الذاتية ( بالضرورة )
Author: Hussein Mallasi
Date: 09-29-2010, 12:16 PM
Parent: #50
Quote:
ما اتيحت لجيلي فدخنت البنقو وانا ما زلت في المرحلة المتوسطة ونادمت السكاري وهكذا دخلت عالم المزاج
و ( كبدي ) عمرها 15 عاماً .. وانقذني الغالي جمال عبد الرحمن فعرفت عبره المادية التاريخية والديالكتيك وامكانية
اعادة توزيع وسائل الانتاج .. اذاً انا اطرق باب ( الحزب الشيوعي السوداني ) والذي تحرم لائحته تدخين البنقو .. |
ترى ما هي الوسائل التي يستعملها الحزب لضبط المساطيل؟ هل يعتمد على عيونه؛
أم على تقارير الشرطة و النظام العام؛ أم تراه يعتمد على اعترافات المساطيل؟!!
_____
أم هو تحريم ساكت كدا والسلام.
|
Post: #52
Title: Re: لست مناضلاً ولكنني ..... جزء من سيرتي الذاتية ( بالضرورة )
Author: tmbis
Date: 09-29-2010, 12:39 PM
Parent: #51
Quote: ترى ما هي الوسائل التي يستعملها الحزب لضبط المساطيل؟ هل يعتمد على عيونه؛
أم على تقارير الشرطة و النظام العام؛ أم تراه يعتمد على اعترافات المساطيل؟!!
_____
أم هو تحريم ساكت كدا والسلام. |
بيعرفوهم من (مصابعينم) يا عموووو .. لانو بتاع الكبنقة بكون (عمييق) وما بترتح زي بتاع المويات
بتاع الكبنقـة بفتشو من مصابعينو .. يعني بي صورة أوضح :
البكتب المحضر لازم مصابعينو تكون كويسة .. لو ما كانت كويسة معناته بتاع سجارات
|
Post: #54
Title: Re: لست مناضلاً ولكنني ..... جزء من سيرتي الذاتية ( بالضرورة )
Author: tmbis
Date: 09-29-2010, 12:52 PM
Parent: #51
Quote: ترى ما هي الوسائل التي يستعملها الحزب لضبط المساطيل؟ هل يعتمد على عيونه؛
أم على تقارير الشرطة و النظام العام؛ أم تراه يعتمد على اعترافات المساطيل؟!!
_____
أم هو تحريم ساكت كدا والسلام. |
بيعرفوهم من (مصابعينم) يا عموووو .. لانو بتاع الكبنقة بكون (عمييق) وما بترتح زي بتاع المويات
بتاع الكبنقـة بفتشو من مصابعينو .. يعني بي صورة أوضح :
البكتب المحضر لازم مصابعينو تكون كويسة .. لو ما كانت كويسة معناته بتاع سجارات
|
Post: #55
Title: Re: لست مناضلاً ولكنني ..... جزء من سيرتي الذاتية ( بالضرورة )
Author: Hussein Mallasi
Date: 09-29-2010, 01:02 PM
Parent: #54
Quote: Quote:
ترى ما هي الوسائل التي يستعملها الحزب لضبط المساطيل؟ هل يعتمد على عيونه؛
أم على تقارير الشرطة و النظام العام؛ أم تراه يعتمد على اعترافات المساطيل؟!!
_____
أم هو تحريم ساكت كدا والسلام |
بيعرفوهم من (مصابعينم) يا عموووو .. لانو بتاع الكبنقة بكون (عمييق) وما بترتح زي بتاع المويات
بتاع الكبنقـة بفتشو من مصابعينو .. يعني بي صورة أوضح :
البكتب المحضر لازم مصابعينو تكون كويسة .. لو ما كانت كويسة معناته بتاع سجارات |
دي وسيلة ملتبسة .. و كم بسببها يمكن أن يؤخذ أبرياء بجريرة مساطيل.
______
عيونه المقصودة في الاقتباس الأول عيون الحزب؛
و ليست عيون المسطول؛ لزمت الإشارة منعاً للالتباس.
|
Post: #56
Title: Re: لست مناضلاً ولكنني ..... جزء من سيرتي الذاتية ( بالضرورة )
Author: محمد عبد الماجد الصايم
Date: 09-29-2010, 01:06 PM
Parent: #55
Quote: ترى ما هي الوسائل التي يستعملها الحزب لضبط المساطيل؟ هل يعتمد على عيونه؛
أم على تقارير الشرطة و النظام العام؛ أم تراه يعتمد على اعترافات المساطيل؟!! |
أعتقد أنو القصة متوقفة على التزام عضوية الحزب فقط لا غير!!
|
Post: #53
Title: Re: لست مناضلاً ولكنني ..... جزء من سيرتي الذاتية ( بالضرورة )
Author: الشاذلى خيرى عبد الله
Date: 09-29-2010, 12:39 PM
Parent: #48
والله ماعارف اقول ليك شنو زاتو يا بخارى ..
ربنا يخليك لى عيالك وامهم ياخ ..
ــــــــ
وربنا يرحم امهاتنا أجمعين .
|
Post: #57
Title: Re: لست مناضلاً ولكنني ..... جزء من سيرتي الذاتية ( بالضرورة )
Author: omer osman
Date: 09-29-2010, 01:14 PM
Parent: #53
Quote: وكل من مر بالجديدة في تلك الفترة وتعرف علي الاستاذ عبد الحميد
مدير المدرسة يدرك مدي الضبط بالمدرسة .. |
- المرحوم عبدالحميد مدني ............ من اشهر نظار المدارس الثانوية في السودان ...........
- كانت له هيبة وحضور طاغي وشخصية قوية ..............
- حتى طلاب الثانويات الاخري القريبة من مدرسة الجديدة كانوا يهابون عبدالحميد مدني ويعملون له الف حساب .........
- ماشاء الله كل ابناء عبدالحميد مدني متفوقون مابين الصيدلة والهندسة والمحاسبة .........
- اللهم اغفر له وارحمه واسكنه فسيح جناتك ...........
عمر عثمان - الخرطوم الجديدة 1984م - 1986م
|
Post: #58
Title: Re: لست مناضلاً ولكنني ..... جزء من سيرتي الذاتية ( بالضرورة )
Author: أحمد ابن عوف
Date: 09-29-2010, 01:26 PM
Parent: #57
متابعين يا بخاري
الجديدة 86 - 89 ، وراء ناس جنابو - قريبي
جامعة الخرطوم 90 - 95 بزنس
لكن لييه ما قادر اتذكرك يا بخاري ما عارف، اوع نكون كبرنا يا بخاري؟؟
مواليد 70 برضو
|
Post: #59
Title: Re: لست مناضلاً ولكنني ..... جزء من سيرتي الذاتية ( بالضرورة )
Author: بخاري عثمان الامين
Date: 09-29-2010, 01:30 PM
Parent: #57
Quote: تعرف يا بخارى انا بالجد مستغرب من انو معقول اكون ما لاقيتك قبل كده
كدى نديك مفردات ونشوف لو اتعرفت عليها يبقى اكيد فى سابق معرفه
جمال عبدالرحمن +الساحه الشعبيه = المدير الفنى لساورا؟
ساورا؟
ابراهيم الماحى ,جمعه جابر؟
بيت المال؟ناس عمك مكى ,غاده ,ايمان ؟
وكمان صوره البروفايل مع المرحوم عماد
طبعاً ذاكرتى مطششه مابين سنه 93 لحدى 96
|
محمد زكريا
جمال عبد الرحمن الامين صالح العوض ابن عزة عشان
كده اسمه جمال ود عزة .. مربع 3HE منزل رقم 38
وانا مربع 3HE منزل رقم 41
الساحة الشعبية ،، بيتنا يقع شمالها ونحن فريق الكفاح
وانا السكرتير الثقافي حين كان جمال عبد الرحمن رئيس شعبة المناشط
ابراهيم الماحي والكورال وعودته من الغربة ..
بس جمعة جابر ما بعرفه بعرف الهادي ولده ههههههه
ناس عمك مكي نزيدك من الشعر بيتين بالنسبة لبيت المال ايمان زوجها دكتور محسن عمر
وغادة صديقة لنا انا وزوجتي نجلاء واخوهم اجمل انسان محمد مكي ..
والمرحوم عماد دا رفيق دربي وتؤم روحي ربنا يرحمه .. يلا تعال علينا
|
Post: #60
Title: Re: لست مناضلاً ولكنني ..... جزء من سيرتي الذاتية ( بالضرورة )
Author: بخاري عثمان الامين
Date: 09-29-2010, 01:43 PM
Parent: #59
Quote: متابعين يا بخاري
الجديدة 86 - 89 ، وراء ناس جنابو - قريبي
جامعة الخرطوم 90 - 95 بزنس
لكن لييه ما قادر اتذكرك يا بخاري ما عارف، اوع نكون كبرنا يا بخاري؟؟
مواليد 70 برضو |
أحمد يا زول انت دفعتي اللهم صلي وسلم علي سيدنا محمد ..
انا اولي عثمان
ثانية لطيف ( وقول يا لطيف من تانية لطيف )
تالتة : نصها في الرازي والباقي في الطبري
شلتي : أمين بخاري ، عمر محمد ادريس ، عبد الحميد الهادي
أحمد المكي ( الشايقي ) .. محسن قرافي ، محمد عبد النبي ، بهاء الدين عباس
حسام الدين ابو سقرة ، وحا اتذكر تاني بعد شوية
التعديل لاضافة حرف ( ي ) لكلمة اول
|
Post: #61
Title: Re: لست مناضلاً ولكنني ..... جزء من سيرتي الذاتية ( بالضرورة )
Author: بخاري عثمان الامين
Date: 09-29-2010, 01:53 PM
Parent: #60
الاخوة الاعزاء والغالين جدا الذين يكتبون في بوستي دا والاسمه
لست مناضلاً ولكنني ..... جزء من سيرتي الذاتية ( بالضرورة )
عن تحريم الحزب للبنقو .. اوعدهم بانني ساكتب بوست منفرد بعنوان
يا حليل الشيوعيين حزبهم ما بخليهم يدخنوا البنقو
اما في هذا البوست فانا اهدف لمناقشة امر آخر وقد جاء تحريم البنقو
في الحزب في سياق السرد ليس الا .
|
Post: #62
Title: Re: لست مناضلاً ولكنني ..... جزء من سيرتي الذاتية ( بالضرورة )
Author: بخاري عثمان الامين
Date: 09-29-2010, 01:58 PM
Parent: #61
Quote: بخاري أخوي ... تحياتي وحبي وتقديري .....
أبكيتني يعلم الله بهذا المقطع ... حتى أنا يا بخاري لا أكاد أرى الشاشة أمامي من فرط الدموع ... وأنا أتخيل كل الأمهات وقد فعل الفرح الغامر بهن ذلك يا بخاري ... رحم الله والدتكم أخي وأسكنها فسيح جناته مع الصديقين والشهداء وحسن أولئك رفيقا ....
واصل يا حبيب .... |
درش تسلم ياخ والدموع ان شاء الله دائما مبذولة للفرح وعناق الاحبة وربنا
يستجيب دعواتك للوالدة ...
حتما مواصل يا ادريس يا حبيب
|
Post: #63
Title: Re: لست مناضلاً ولكنني ..... جزء من سيرتي الذاتية ( بالضرورة )
Author: طارق جبريل
Date: 09-29-2010, 02:02 PM
Parent: #62
احكي يا حبيبنا احكي ياخي
اي نعم انت ممسوخ لكن حكيك طاعم
تليشة:
يا بخاري داير احكي عن عشة بت يوسف ود ابو دية
عايز احكي عن امرأة يا بخاري كانت متفردة حتى في موتها
باقيلك اسوي شنو
|
Post: #65
Title: Re: لست مناضلاً ولكنني ..... جزء من سيرتي الذاتية ( بالضرورة )
Author: بخاري عثمان الامين
Date: 09-29-2010, 02:11 PM
Parent: #63
| Quote: - ماشاء الله كل ابناء عبدالحميد مدني متفوقون مابين الصيدلة والهندسة والمحاسبة ......... |
ما مجاملة لك يا عمر لكن منهم ضباط يشار لهم بالبنان ..
واتذكر جيدا استاذ ابراهيم بتاع التاريخ المسئول عن فرقة
الكديت ( كده صاح ) .. كان بقول لهم قبل التدريب انا عايز
لو بقيتوا ضباط تكونوا انتو الاشطر ..
|
Post: #64
Title: Re: لست مناضلاً ولكنني ..... جزء من سيرتي الذاتية ( بالضرورة )
Author: Osama Mohammed
Date: 09-29-2010, 02:07 PM
Parent: #61
Quote: أحمد يا زول انت دفعتي اللهم صلي وسلم علي سيدنا محمد ..
انا اولي عثمان
ثانية لطيف ( وقول يا لطيف من تانية لطيف )
تالتة : نصها في الرازي والباقي في الطبري
شلتي : أمين بخاري ، عمر محمد ادريس ، عبد الحميد الهادي
أحمد المكي ( الشايقي ) .. محسن قرافي ، محمد عبد النبي ، بهاء الدين عباس
حسام الدين ابو سقرة ، وحا اتذكر تاني بعد شوية |
دايما انا منسي الله يسامحك يابخاري ونسيت برضو بدرالدين علي جبر الدار .... وما تنسى الاتحاد وكيف كانت مدرستنا الوحيدة الاتحادها ما كيزان وكيف (علمناهم ) الديمقراطية ايامها ......
لك الود ياعزيزي وصحي المابعرفك بجهلك (بكسر الباء وسكون الجيم وفتح الباقي = يخيل لي انو فتح الباقي ده اسم موش؟
|
Post: #66
Title: Re: لست مناضلاً ولكنني ..... جزء من سيرتي الذاتية ( بالضرورة )
Author: طارق جبريل
Date: 09-29-2010, 02:15 PM
Parent: #64
Quote: ما مجاملة لك يا عمر لكن منهم ضباط يشار لهم بالبنان ..
واتذكر جيدا استاذ ابراهيم بتاع التاريخ المسئول عن فرقة
الكديت ( كده صاح ) .. كان بقول لهم قبل التدريب انا عايز
لو بقيتوا ضباط تكونوا انتو الاشطر .. |
الله يرحمه
كلنا درسنا عند عبد الحميد مدني
|
Post: #67
Title: Re: لست مناضلاً ولكنني ..... جزء من سيرتي الذاتية ( بالضرورة )
Author: بخاري عثمان الامين
Date: 09-29-2010, 02:23 PM
Parent: #66
Quote: دايما انا منسي الله يسامحك يابخاري ونسيت برضو بدرالدين علي جبر الدار .... وما تنسى الاتحاد وكيف كانت مدرستنا الوحيدة الاتحادها ما كيزان وكيف (علمناهم ) الديمقراطية ايامها ......
لك الود ياعزيزي وصحي المابعرفك بجهلك (بكسر الباء وسكون الجيم وفتح الباقي = يخيل لي انو فتح الباقي ده اسم موش؟ |
أسامة الباز معقولة اكتب عن سيرتي الذاتية ولا يرد أسمك يا صديقي يا حبيبي
تمهل .. لست مناضلاً ولكنني .......
مداخلة كاملة سافردها عن اتحاد الجديدة وساستنجد بك لترفدني بالمعلومات فعليك
الله شيل الصبر صديقي الذي ببلاد يموت من البرد حيتانها ...
وبدر الدين علي جبر الدار ساحكي عنه في معرض صديقين علي النقيض من السلوك
وسيرد أسم محمد مبارك الحاج كثيرا ... وكذا اولنا ياسر محمد أحمد مختار
تحياتي للاسرة والقراية ماشة كيف بتاعت اداب الشباب ديلاك ؟
|
Post: #68
Title: Re: لست مناضلاً ولكنني ..... جزء من سيرتي الذاتية ( بالضرورة )
Author: بخاري عثمان الامين
Date: 09-29-2010, 02:32 PM
Parent: #67
Quote: احكي يا حبيبنا احكي ياخي
اي نعم انت ممسوخ لكن حكيك طاعم |
طارق الجاينا في العيد ...
وانا علي اعتاب الاربعين اضع خطة مكربة لاتخارج
من وصف ممسوخ ... اشكرك علي تشجيعي علي الحكي
ونتلاقي تاني يوم العيد في شبا كان الله مد في العمر
|
Post: #69
Title: Re: لست مناضلاً ولكنني ..... جزء من سيرتي الذاتية ( بالضرورة )
Author: مزمل خيرى
Date: 09-29-2010, 03:02 PM
Parent: #68
Quote: عيونه المقصودة في الاقتباس الأول عيون الحزب؛
و ليست عيون المسطول؛ لزمت الإشارة منعاً للالتباس. |
واصل يابخارى متابعين...
|
Post: #70
Title: Re: لست مناضلاً ولكنني ..... جزء من سيرتي الذاتية ( بالضرورة )
Author: Mohammed Haroun
Date: 09-29-2010, 04:28 PM
Parent: #69
أخونا بخاري حتى الآن سيرة حياتك طاعمة .... منتظرين الجزء المر منها ...
أنا غايتو ركبت الفيل مرة واحدة ورماني ومن ديك وعيـــــــــــــــــــــك.
واصل
تحيات أخوك ودهارون
|
Post: #71
Title: Re: لست مناضلاً ولكنني ..... جزء من سيرتي الذاتية ( بالضرورة )
Author: بخاري عثمان الامين
Date: 09-29-2010, 05:10 PM
Parent: #70
Quote: منتظرين الجزء المر منها ...
أنا غايتو ركبت الفيل مرة واحدة ورماني ومن ديك وعيـــــــــــــــــــــك.
|
الجزء المر دا العرقي ولا شنو يا ود هرون ؟
كل حياتي أحمد الله عليها ولا ابصق علي تاريخي وليس فيها
مر البتة ظروف وظروف ولسنا استثناء عن بقية شباب شعبنا
ونحاول فقط ان نعلم اخرين مترفين ومنعمين اننا لسنا مناضلين ولكننا ......
شكرا كتير ود هرون
|
Post: #72
Title: Re: لست مناضلاً ولكنني ..... جزء من سيرتي الذاتية ( بالضرورة )
Author: بخاري عثمان الامين
Date: 09-29-2010, 05:14 PM
Parent: #71
Quote: يا بخاري داير احكي عن عشة بت يوسف ود ابو دية
عايز احكي عن امرأة يا بخاري كانت متفردة حتى في موتها
باقيلك اسوي شنو |
يا طارق اهلك بسوي الاصعب من الحكي
اهلك بكتبوا غنا وشعر يخلد الي خلود البركل
|
Post: #73
Title: Re: لست مناضلاً ولكنني ..... جزء من سيرتي الذاتية ( بالضرورة )
Author: بخاري عثمان الامين
Date: 09-29-2010, 05:16 PM
Parent: #72
Quote: والله ماعارف اقول ليك شنو زاتو يا بخارى ..
ربنا يخليك لى عيالك وامهم ياخ ..
ــــــــ
وربنا يرحم امهاتنا أجمعين . |
شاذلي تسلم ياخ وربنا يسكنهم فسيح جناته
|
Post: #74
Title: Re: لست مناضلاً ولكنني ..... جزء من سيرتي الذاتية ( بالضرورة )
Author: بخاري عثمان الامين
Date: 09-29-2010, 05:33 PM
Parent: #73
| Quote: ولكن طوفان الفرح غمرها عندما سمعت أسمي بالراديو وقد تم قبولي بكلية الاقتصاد جامعة |
ولكن بعد ان قلبتها يمنة ويسرة وحسبتها تمام قررت ان لا ادخل الجامعة
فقد كنت احد الشغيلة بالمنزل ودخلي يسير جزء من دولاب الاحتياجات اليومية
للبيت خصوصا انني الكبير وقلت نجتهد في الشباب الصغار مازن وندي واللول
|
Post: #75
Title: Re: لست مناضلاً ولكنني ..... جزء من سيرتي الذاتية ( بالضرورة )
Author: محمد زكريا
Date: 09-29-2010, 05:45 PM
Parent: #74
Quote: س جمعة جابر ما بعرفه بعرف الهادي ولده ههههههه
|
ههه......فعلاً وهو المقصود
لا والله بس خلاص ما محتاجه تعريف...........نخليك تواصل ونستمتع بسردك
بس عليك الله ووحات خاطر المرحومه لو ما تسلم لى معارفى البعرفوك ديل وتتصل عليهم كلهم تقول ليهم مورتون بسلم عليكم
====
ما بنقاطعك تانى ومتابعين
املائيه
|
Post: #78
Title: Re: لست مناضلاً ولكنني ..... جزء من سيرتي الذاتية ( بالضرورة )
Author: أبو ساندرا
Date: 09-29-2010, 06:12 PM
Parent: #75
Quote: وانقذني الغالي جمال عبد الرحمن فعرفت عبره المادية التاريخية
والديالكتيك وامكانية اعادة توزيع وسائل الانتاج ..
.. اذاً انا اطرق باب ( الحزب الشيوعي السوداني ) والذي تحرم لائحته تدخين البنقو ..
وكان للحزب الدور الرئيسي في تهذيب سلوكي وبدأت القيام بمهام حزبية بسيطة مثل توزيع
صحيفة الميدان وتعرفت علي عضوية الحزب بالديم واصدقاءه .. |
يا بوخ يا أبو الحكايات الماتعة
خيطك ده جاب سيرة ناس عزاز جدآ
وأمكنة مازال عبقها عالق في الوجدان
تحياتي للعزيز جمال عبدالرحمن
وللذين بين بيتكم وبيتهم ، الكرام آل عطا المنان
وآل أبوشعر جميعآ الديامة الأصليين والذين تعرفت على بعضهم عن قرب في أوباري
وكذلك آل أبوسقرة وخاصة العزيز مبارك ومحمد أحمد
الساحة الشعبية ، مدرسة الديم شرق 1 ( مدرسة الزبالة )
مدرسة الديم شرق 2 والعم هارون جد ناس عوض نوبة
والديم شرق 3 ( إتحاد الختمية ) والناظر حسن أبوعركي
سوق الديم وقهوة أبوجوكو ودكان جون ديفيد الترزي الذي دخل
الحزب الشيوعي من بوابة الروح الديامية
أحكي يا حبيبنا
فإن ماتعمله بوح حميم
|
Post: #76
Title: Re: لست مناضلاً ولكنني ..... جزء من سيرتي الذاتية ( بالضرورة )
Author: خالد المحرب
Date: 09-29-2010, 05:53 PM
Parent: #73
Quote: وعدت الي أمي ابلغتها الخبر بكت .. ضحكت .. رقصت وطلعت الشارع بدون توب وزغردت
وكانت نجلاء شقيقتي تحمل لها التوب ولكنها في حالة جذب خاصة رمت فيها كثيرا من الحشمة
قالدت كل من مر بالشارع واصرت بفتح كل زجاجات البيبسي التي بالدكان للمارة والقروش ما مهمة
دين وبرجع .. ولكن طوفان الفرح غمرها عندما سمعت أسمي بالراديو وقد تم قبولي بكلية الاقتصاد جامعة
الخرطوم .. ساواصل لاحقاً تذكرت دموعها وانا الان لا اري الشاشة امامي فقد داهمتني دموع علي فرحها
وعلي وفاتها .. |
وانا والله بكيت ايضا للسببين
عندك ام البتقوم ساعة الهوشه والفرحه بدون ماتلبس ثوبها
وتكرم والجيب فاضى والعند الله قريبه لامثال هولاء
لك الحق ان تفخر فانت كنت على علم بان الفلوس التى تصرفها
وانت صغير جات من وين لك ولامك التحيه
شكرا
|
Post: #79
Title: Re: لست مناضلاً ولكنني ..... جزء من سيرتي الذاتية ( بالضرورة )
Author: خضر حسين خليل
Date: 09-29-2010, 07:34 PM
Parent: #76
يا بخاري
الان فقط سترتاح أكتب ياخ عن بشرية والا ف البشريات أكتب عن ضنك ايامهن التي مضت
وأنا أقرأ جاءتني صور شتي لامي وأخريات ذات ايتها حاجة ياباخ فسبحانك الذي خلقهن
نسخة واحدة .
متابعين يازول
|
Post: #80
Title: Re: لست مناضلاً ولكنني ..... جزء من سيرتي الذاتية ( بالضرورة )
Author: Osama Mohammed
Date: 09-29-2010, 11:17 PM
Parent: #79
بخاري انا بشاغلك ساكت لكن بس احكي للناس دي كيف قدرنا نوقف سيطرة الكيزان على اتحاد الجديدة يمكن الناس تستفيد منها ويقطعوا دابر مقطوعين الاخلاق ديل ...
| Quote: تحياتي للاسرة والقراية ماشة كيف بتاعت اداب الشباب ديلاك ؟ |
تتذكر موش كان في واحد في تلاتة عندو عربية تكسي هيلمان عمرها هايلوكس 83 ..اها انا اسي حاسي اني هيلمان وعمروني باجيرو 2010..
سلامي للأسرة وبالخصوص لارا انا بكر وبتكيف لأي بكر .....
اسامة
|
Post: #81
Title: Re: لست مناضلاً ولكنني ..... جزء من سيرتي الذاتية ( بالضرورة )
Author: خالد العبيد
Date: 09-30-2010, 03:17 AM
Parent: #80
مكرر
|
Post: #82
Title: Re: لست مناضلاً ولكنني ..... جزء من سيرتي الذاتية ( بالضرورة )
Author: خالد العبيد
Date: 09-30-2010, 04:02 AM
Parent: #81
سلام
يا بخاري
والجميع
العام 86 / 87
كنت مدرسا في مدرسة الديم شرق "4"
ومديري كان فقيدنا الغالي صلاح اسماعيل
شفت انا محظوظ كيف يا ابو ساندرا
| Quote: فلم حرمت البنقو و لم تحرم الخمور؟!! |
حكى لي صديق من الذين درسوا في اوربا الشرقية
بان بعض الزملاء من تلك البلاد عزموهم قعدة
وبعض فترة استخرج احدهم سيجارة ماريونا
وقدمها للزميل السوداني
امتنع زميلنا عن تدخين السيجارة
بحجة ان الحزب الشيوعي السوداني يحظر على اعضاءه المخدرات
فاندهش ذاك الشخص وقال للزميل:
انتو حزبكم ده تبع الكنيسة!!
|
Post: #83
Title: Re: لست مناضلاً ولكنني ..... جزء من سيرتي الذاتية ( بالضرورة )
Author: المسافر
Date: 09-30-2010, 05:36 AM
Parent: #82
أنا خالي علي بخيت اسماعيل في الديم
آخر مرة زرتهم 1983 بكون شفتك ؟
بع داك هاجرت
|
Post: #84
Title: Re: لست مناضلاً ولكنني ..... جزء من سيرتي الذاتية ( بالضرورة )
Author: أحمد ابن عوف
Date: 09-30-2010, 05:52 AM
Parent: #83
يا بخاري يا بخاري
Quote: أحمد يا زول انت دفعتي اللهم صلي وسلم علي سيدنا محمد ..
انا اولي عثمان
ثانية لطيف ( وقول يا لطيف من تانية لطيف )
تالتة : نصها في الرازي والباقي في الطبري
شلتي : أمين بخاري ، عمر محمد ادريس ، عبد الحميد الهادي
أحمد المكي ( الشايقي ) .. محسن قرافي ، محمد عبد النبي ، بهاء الدين عباس
حسام الدين ابو سقرة ، وحا اتذكر تاني بعد شوية |
ما قلت ليك كبرنا
انا شلتي كانت قرناص ود تلاتة ومعز الحلبي وعمر محمد الحسن وصديق دنقلا ومرضي المهدي
ود نمرة اتنين ... و عيييك
وكان لي الشرف ان اكون عضو اتحاد لا يوجد به غير بضعة كيزان وكان نصيبهم السكرتارية
الرياضية، واتذكر يوم وصول الميرغني المطار بعد توقيع اتفاقية الميغني قرنق ان قررنا
كاتحاد ان نسير الطلبة الى المطار لاستقبال (السلام) وكان ان هاج وماج اعضاء الاتجاه الاسلامي
وكادوا ان يكفرونا وزي ما بقولوا الكترة غلبت الشجاعة، فكان ان اقفلنا الباب
الى ان تنتهي حصة الفطور ونتوجه للطلبة في الفصول برغبة الاتحاد.
لكن الموقف الظريف كان يوم قررنا ان نزور اتحاد مدرسة الخرطوم الجديدة بنات (الام)
فقد علمنا انه سنويا يقوم اتحاد مدرسة الجديدة اولاد بزيارة الجدية بنات في يوم
المعرض السنوي، فما كان من بنات الاتجاة الاسلامي الا ورفضوا استقبالنا وقفلوا الباب
في وشنا، انا ما عارف النظرية شنو لكن يبدو والله اعلم ان الموضوع ليه علاقة برجالتنا
ورجالة اعضاء الاتحاد السابقين من الكيزان.
واصل يا ما مناضل
|
Post: #85
Title: Re: لست مناضلاً ولكنني ..... جزء من سيرتي الذاتية ( بالضرورة )
Author: بخاري عثمان الامين
Date: 09-30-2010, 06:07 AM
Parent: #84
Quote: وكان لي الشرف ان اكون عضو اتحاد لا يوجد به غير بضعة كيزان وكان نصيبهم السكرتارية
الرياضية، |
أحمد لو دي الدورة التي ترأسها عثمان الشايقي من ابناء الديم والحزب الاتحادي
فراجع كلام الباز الفوق فانا كنت من ضمن الذين واصلوا الليل بالنهار حتي لا يصل
الكيزان لمقاعد الاتحاد .. لست مناضلاً ولكنني .......
سمعاً وطاعة
|
Post: #86
Title: Re: لست مناضلاً ولكنني ..... جزء من سيرتي الذاتية ( بالضرورة )
Author: بخاري عثمان الامين
Date: 09-30-2010, 06:20 AM
Parent: #85
| Quote: وقلت نجتهد في الشباب الصغار مازن وندي واللول |
ولم يخذلني الشباب ...
درست ندي الاقتصاد البحت بكلية البنات الجامعية
درس مازن الادارة بمدرسة العلوم الادارية جامعة الخرطوم
درست اللول الادارة بمدرسة العلوم الادارية جامعة الخرطوم
شكرا يا شباب وانا احبكم حب معلن علي الهواء مباشرة ...
عموما قررت قرار صارم عدم دخول الجامعة واصرت أمي وباءت محاولاتها بالفشل
وفي الاخر طلبت مني طلب واحد عشان تعفي عني وهي الذهاب لمعسكر الدفاع الشعبي
بالقطينة فقد كانت السلطة الحاكمة تفرض في ذاك الوقت علي كل الطلاب المقبولين
بالجامعات الانتظام في معسكر يسمي معسكر ( الدفاع الشعبي ) ولي رغبة جامحة منذ
امد ان احكي جزء من تاريخنا بالمعسكر وساقوم بذلك في هذا البوست ...
|
Post: #87
Title: Re: لست مناضلاً ولكنني ..... جزء من سيرتي الذاتية ( بالضرورة )
Author: أحمد الصديق
Date: 09-30-2010, 07:49 AM
Parent: #86
متابعة
للكتابة السمحة دي.
بدون تشويش يابخاري:
تحياتي.
|
Post: #88
Title: Re: لست مناضلاً ولكنني ..... جزء من سيرتي الذاتية ( بالضرورة )
Author: بخاري عثمان الامين
Date: 09-30-2010, 07:52 AM
Parent: #86
بداية فكرة انك تتعسكر في حد ذاتها كانت تقبلها بالنسبة لنا اكثر من صعب
ولكن كي نجلس علي مقاعد الدراسة بجامعة الخرطوم كان يجب علينا خوض التجربة ..
وصلت الي بتنا بالقطينة ( البيت الكبير ) برفقة زميلين هما محسن والذي صار طبيبا
بيطرياً فيما بعد والاخر هو ياسر والذي تخرج من كلية الهندسة فيما بعد ... كنت قد تدربت
في الاجازة ضمن طاقم الكشافة البحرية ( أنا احد مساعدي قادة الكشافة البحرية ) .. في برنامج
تابع لوزارة الصحة بالتعاون مع منظمة الصحة العالمية علي مكافحة الايدز لذا كنت مصر جدا ان نحلق
الصلعة ( بايدينا ) قبل دخول المعسكر كما اننا اتفقنا ان نقاوم اي عقوبة بحلاقة الصلعة في داخل
المعسكر ووصلنا معسكر الشهيد عيسي بشارة والذي يقع شمال الحي الاول وبالحي الاول لنا عدد من البيوت
لعماتي واعمامي ولكنني كنت مصراً ان امكث كل الفترة بالمعسكر وما ( أقد سلك ) خالص .. تم ادخالنا
الي المعسكر عصراً وكان الدنيا شتاء لاننا في شهر نوفمبر أو ديسمبر ان لم تخني الذاكرة ...
|
Post: #89
Title: Re: لست مناضلاً ولكنني ..... جزء من سيرتي الذاتية ( بالضرورة )
Author: بخاري عثمان الامين
Date: 09-30-2010, 09:09 AM
Parent: #88
منذ اللحظة الاولي لاستقبالنا بمدخل المعسكر وقع لي تماما الفكرة من اقامة هكذا معسكر
فقد لقبنا ب ( المجاهدين ) وعلا صوت :-
تكبير : الله أكبر
تهليل : لا اله الا الله
هي لله .. هي لله .. لا للسلطة ولا للجاه
ما لدنيا قد عملنا نحن للدين فداء
فليعود للدين مجده أو ترق منا الدماء
ولك ان تتخيل حالتي انا الذي عملت منذ المرحلة المتوسطة في صفوف حزب يدعو للعلمانية
وأقامة وطن لا يفرق بين ابناءه علي اساس الدين ولعنت الجامعة ودفعت نفسي دفعاً لداخل المعسكر
كسباً لرضا أمي ( وهي ايضاً ليست مناضلة ولكنها ...... ) وفي صباح اليوم التالي تبدلت فكرتي تماما
عن المعسكر فالجبهة الاسلامية قد اهدتني فرصة العمر لتعلم استخدام السلاح وهذه الخبرة الجديدة قد
احتاجها يوماً...
نواصل
|
Post: #90
Title: Re: لست مناضلاً ولكنني ..... جزء من سيرتي الذاتية ( بالضرورة )
Author: بخاري عثمان الامين
Date: 09-30-2010, 10:30 AM
Parent: #89
أيام المعسكر كلها نسخة واحدة ما عدا احتجاج كبير كنت من قادته
بالاضافة للاصدامات التي تحدث بين حين والآخر مع المنسقين وهم مجموعة شباب
كانت تعمل علي تجنيد الطلاب للتيار الاسلامي ...
يبدأ اليوم عند السادسة صباحا بتمام ستة
( عذرا ان نسيت الترتيب )
بعدها الجكة ثم الفطور ...
بعد الفطور واحدة من :-
بيادة او طابور قلق أو تدريب علي السلاح
نتوقف عند صلاة الظهر ويفترض بعد الصلاة راحة حتي وجبة الغداء
ولكن دائما بعد الصلاة هناك طابور وجزء
العصر في معظم الاحيان بيادة واحيانا تدريب علي السلاح ..
بعد صلاة المغرب محاضرة حتي صلاة العشاء وبعدها تمام تسعة
ويستمر علي حسب رغبة التعلمجي ولا الضابط ما عارف
نسيت امر مهم وهو حلقة التلاوة بعد صلاة الصبح وسا اسلط الحكي
عن تلاتة في المعسكر :-
1. حلقة التلاوة
2. محاضرة ما بين صلاة المغرب والعشاء
3. الاحتجاج الذي قمنا به ...
وعموما ايقنت وانا بالمعسكر ان مقولة ( تعبان داير اموت )
كلام ساي .. التعب اصلو ما بكتل زول
نواصل
|
Post: #91
Title: Re: لست مناضلاً ولكنني ..... جزء من سيرتي الذاتية ( بالضرورة )
Author: بدر الدين اسحاق احمد
Date: 09-30-2010, 11:11 AM
Parent: #89
| Quote: وانقذني الغالي جمال عبد الرحمن |
الاحزاب دى عندها افضال كثيرة جدا علينــا ...
فكم مثل جمال عبد الرحمن
فى كل الاحزاب السياسية
لا يعرفهم احد
كانو طوق نجاة لنــا فى ظلماء شبابنــا
هــل يكفى ان نشكرهم ( لا )
فنحن نديــن بحياتنــا اليهم
فكانو يقومون بدور ابائنــا فى تصويبنا وترقيتنا والحفاظ علينا
وكم حددو لنــا ان ( لا تذهب مع فلان وعلان )
سلم عليهو يا بخارى وقول ليهو الكوز بدر الدين قال ليك
شكرا
جمال عبد الرحمن ان جعلت لنــا بخارى ( هـكذا ) ليس مناضلا ولكن ....
|
Post: #92
Title: Re: لست مناضلاً ولكنني ..... جزء من سيرتي الذاتية ( بالضرورة )
Author: محمد زكريا
Date: 09-30-2010, 11:20 AM
Parent: #91
Quote:
جمال عبد الرحمن ان جعلت لنــا بخارى ( هـكذا ) ليس مناضلا ولكن .... |
وانا ايضاً تعرفت عليه زماناً ..........الغريبه ان هذا الجمال رجل لا يعدو عمره كثيراً عن عمر بخارى ان لم يكن مثله فى العمر
===
كل التحايا للرجل القامه الخلوق جمال عبدالرحمن وكل امثاله من الرجال
|
Post: #93
Title: Re: لست مناضلاً ولكنني ..... جزء من سيرتي الذاتية ( بالضرورة )
Author: بخاري عثمان الامين
Date: 09-30-2010, 12:20 PM
Parent: #92
| Quote: وانا ايضاً تعرفت عليه زماناً ..........الغريبه ان هذا الجمال رجل لا يعدو عمره كثيراً عن عمر بخارى ان لم يكن مثله فى العمر |
الفرق بيننا عمريا ليس كبير وهسه غالبا صرت انا ابدو اكبر من جمال
ولكن كما قلت جمال كانت ادواته هي ادوات الحزب الشيوعي السوداني
فشكرا للحزب ان اهدي للسودان جمال عبد الرحمن والذي قطعاً ابعد غيري
من سكك الضياع
|
Post: #94
Title: Re: لست مناضلاً ولكنني ..... جزء من سيرتي الذاتية ( بالضرورة )
Author: معاوية عبيد الصائم
Date: 09-30-2010, 12:25 PM
Parent: #93
شكرا شكرا ياصاحب على
السرد الانيق وشكرا لرحم
الام بشرية الاستثناء الملتزم
لها الرحمة والمغفرة وكن بخير
يا صديق اى زمان
|
Post: #95
Title: Re: لست مناضلاً ولكنني ..... جزء من سيرتي الذاتية ( بالضرورة )
Author: بخاري عثمان الامين
Date: 09-30-2010, 12:37 PM
Parent: #94
Quote: شكرا شكرا ياصاحب على
السرد الانيق وشكرا لرحم
الام بشرية الاستثناء الملتزم
لها الرحمة والمغفرة وكن بخير
يا صديق اى زمان |
بالمناسبة معاوية دا برضو ليس مناضلاً ولكنه ......
يا صديق اشتاقك جدا واحن الي ليالي قضيتها معنا في الديم هل تذكر
حقنة الملاريا التي اصر علي بها خالي ادريس ؟ اذكرك بيها
كان اليوم خميس وما قدرنا نستورد من سوبا والجو فرض نفسه فجلبنا ليهم
من الديم وللاسف اكثرت انا من الشرب وتسممت وخالي ادريس زارني كعادته يوم
الجمعة الصباح وانا عملت فيها الولد شفت ورايح لمن سألني من الاستفراغ دا شنو ؟
قلت له احتمال كبير تكون جاتني ملاريا .. اتخارج سريع ورجع شايل معاه حقنة واصر
عليها غايتو الحمد لله اخدتها ولمن جاء طالع قال لي العرقي هو الجاب لك الملاريا
سألته عرقي شنو ؟ قال لي ريحتك تعمل قعدتين موش واحدة .. طيب وكت انت شاطر كده
يعني انا رضعتو من شطر باعوضة عشان تجيني ملاريا ما كان في داعي لحقنتك دي ...
|
Post: #96
Title: Re: لست مناضلاً ولكنني ..... جزء من سيرتي الذاتية ( بالضرورة )
Author: بخاري عثمان الامين
Date: 09-30-2010, 12:53 PM
Parent: #95
تم توزيعنا علي مجموعات وتم تنصيب ( أمير ) علينا
قام هذا ( الأمير ) بتوزيع مصاحف علينا وقال يوميا
تجوا صلاة الصبح وبعدها ح يكون عندنا حلقة تلاوة ..
قلت له أنا ماجاي خالص من هسه ولو في اي حاجة عايز
تعملها أسمي : بخاري عثمان الامين حامد
وأسم الوالدة بشرية عباس
وانا من جهة تسمي الديوم الشرقية
ومقبول بكلية الاقتصاد جامعة الخرطوم ...
حاول يقاطعني وأنا بقول في التعريف الطويل دا لكنني اكملته ..
بالمناسبة المعسكر كان به المقبولين لجامعة الخرطوم والمقبولين لجامعة القران الكريم
هددني بطردي من المعسكر اولاً ان لم أحضر وبعدها لن اتمكن من الالتحاق بالجامعة لانه لن يكون
بحوزتي بطاقة الدفاع الشعبي .. قلت له جدا جامعة بدخولها ببرنامج خاتينو انتو ما عايزها ..
ولم احضر ولا حلقة تلاوة واحدة وتخرجت من جامعة الخرطوم التي كان يسميها احد الضباط حين يريد
الفصل بيننا وطلاب من جامعة القران الكريم بجامعة الصمود والتحدي علي سبيل التريقة
|
Post: #97
Title: Re: لست مناضلاً ولكنني ..... جزء من سيرتي الذاتية ( بالضرورة )
Author: عفاف الصادق بابكر
Date: 09-30-2010, 01:12 PM
Parent: #94
Quote: ولدت في نهاية العام 1970 بالديوم الشرقية
مربع رقم 3HE
منزل رقم 41
والذي يشغل مساحة 200 متر مربع من أرض المليون ميل
وهو ذات المنزل الذي ولدت به أمي بشرية بت عباس في
العام 1945 ... وهذا المنزل ملك لجدي من جهة أمي
|
ويييين موقع ماما زهرة عباس ... من الكلام ده ..
|
Post: #98
Title: Re: لست مناضلاً ولكنني ..... جزء من سيرتي الذاتية ( بالضرورة )
Author: عفاف الصادق بابكر
Date: 09-30-2010, 01:15 PM
Parent: #97
الرسول فيك يا بخاري .. ما تجدع لينا الحكى بالقطارة ..
واصل ..
|
Post: #99
Title: Re: لست مناضلاً ولكنني ..... جزء من سيرتي الذاتية ( بالضرورة )
Author: بخاري عثمان الامين
Date: 09-30-2010, 01:52 PM
Parent: #98
| Quote: 2. محاضرة ما بين صلاة المغرب والعشاء |
اول واخر محاضرة لي كانت بعد صلاة المغرب بالمسجد وجاء الينا
زول من برة المعسكر بدء المحاضرة بتعريف الجهاد وافضاله ووصل
الي ان الحرب الدائرة بالجنوب هي حرب دينية وكل من يقتل فيها
طبعا من جيش الحكومة شهيد اوكي دي سمعناه قبل ما نجئ بس بدء يحكي
في قصة جد مدهشة .. فهو كان بالحرب وشاهدوا احدي الدبابات التابعة
لهم تترنح وكانت عايزة تقع في قاع لكن امتدت يد ملاك وسندتها وكان بكثر
من الحليفة .. قلت له بالله ولحقت المحاضرة مصير حلقة التلاوة فقد كانت اخر
محاضرة لي ...
|
Post: #100
Title: Re: لست مناضلاً ولكنني ..... جزء من سيرتي الذاتية ( بالضرورة )
Author: بخاري عثمان الامين
Date: 09-30-2010, 02:32 PM
Parent: #99
Quote: الرسول فيك يا بخاري .. ما تجدع لينا الحكى بالقطارة ..
واصل .. |
جدا يا غالية
|
Post: #101
Title: Re: لست مناضلاً ولكنني ..... جزء من سيرتي الذاتية ( بالضرورة )
Author: Tumadir
Date: 09-30-2010, 02:34 PM
Parent: #99
Quote: قلت له بالله ولحقت المحاضرة مصير حلقة التلاوة فقد كانت اخر
محاضرة لي ... |
بالله دى بس مفروض تكتبها "بلااااااى؟؟" ههههه
أول مره أقرا البوست ده..
أها فى النقطة الوقفت فيها ، ومن شدة ال suspense ، والبكا والضحك وقراية خلف السطور، مشيت اتشاغل بى حاجات ما مهمة شديد، بس دايرة اديك وقت كفاية عشان تواصل وتكتب زيادة (ونحن نجى نلغف من المتعة)
ياخى انت ما مناضل كلو كلو ...
.انت( ولكننى )دى بس....مافى غيرها
|
Post: #102
Title: Re: لست مناضلاً ولكنني ..... جزء من سيرتي الذاتية ( بالضرورة )
Author: مهيرة
Date: 09-30-2010, 02:39 PM
Parent: #99
Quote: لهــا الرحمــة .. فقد كانت تعلم ان الحلال ثمرتــه ابن صالــح ...
واسرة كريمــة ...
وظفت كل امكانياتها لتحقيق الكفايــة لكم .. لم تدخــر وقتــا / جهدا ...
اللهم ارحمها برحمتك الواســعة
واجعل البركة فى ابنها بخارى واخوتــه ..
وفى ابناء بخارى ..
|
آآميييييييييييين
|
Post: #103
Title: Re: لست مناضلاً ولكنني ..... جزء من سيرتي الذاتية ( بالضرورة )
Author: بخاري عثمان الامين
Date: 09-30-2010, 03:10 PM
Parent: #102
Quote: أها فى النقطة الوقفت فيها ، ومن شدة ال suspense ، والبكا والضحك وقراية خلف السطور، مشيت اتشاغل بى حاجات ما مهمة شديد، بس دايرة اديك وقت كفاية عشان تواصل وتكتب زيادة (ونحن نجى نلغف من المتعة)
ياخى انت ما مناضل كلو كلو ...
.انت( ولكننى )دى بس....مافى غيرها |
أنا رأسي بقي كبير وخائف بالجد الغرفة دي ما تشيله .. تماضر شخصياً كيف انت
وما هي اخبار عرائس النيل ..
ياخ كلموهم انا لست مناضلاً ولكنني ......
ساكتب بس الدنيا ذي خمست وكده ومفروض اعمل شتات لعوالم ما فيها تقرير ومدير
وأعود لك بعد ال WEEK END
ولد دا بالانجليزي كمان ... زمان بتكره الخميس لانه بتعقبه جمعة والمدارس مقفلة
وبيع الطعمية بدني .. والله يا ود بشرية أيامك
|
Post: #104
Title: Re: لست مناضلاً ولكنني ..... جزء من سيرتي الذاتية ( بالضرورة )
Author: Tumadir
Date: 09-30-2010, 03:22 PM
Parent: #103
ويك اند كامل يا ود بشرية؟؟
وتجى تلقاهم أرشفوك؟؟
غايتو الله فى، استمتع بويكندك.
Quote: وما هي اخبار عرائس النيل ..
ياخ كلموهم انا لست مناضلاً ولكنني ...... |
بكونوا عارفين
بس يا نميرى انت كيف ترخس!!
زى النكتة لو ما عارفها أقولها ليك
فى واحد تعبااان زمن نميرى وفى القهورة كان الراديو فاتح وهو طالب قهوة مرة ...الدعاية بتاعة "اسبرو اسبرو.."
قاليهو: ما سبرنا كتير يا نميرى بس انت كيف ترخس ؟؟(بتشديد الخاء وكسرها... كسرها بلا يخمها)
|
Post: #105
Title: Re: لست مناضلاً ولكنني ..... جزء من سيرتي الذاتية ( بالضرورة )
Author: بخاري عثمان الامين
Date: 10-01-2010, 07:46 AM
Parent: #104
| Quote: 3. الاحتجاج الذي قمنا به ... |
كنا الدفعة رقم 2 لمعسكرات الطلاب بالدفاع الشعبي
وطبعاً المعسكر دا مقصود منه اعادة صياغة عديل فكل
الانشطة به عبارة عن بناء وتجنيد لصالح الجبهة الاسلامية
القومية وبالمناسبة في نهاية المعسكر يوقع كل طالب علي
تعهد كده بأن يعمل علي دعم وتمكين الحكومة وعدم التظاهر
ضدها .. الدفعة التي سبقتنا تظاهرت وخرجت من المعسكر ووصلوا
الخرطوم مشياً علي الارجل ولاحقاً تم معالجة أمرهم أما احتجاجنا
فقد كان بسبب سوء معاملة احد العساكر لاحد الطلاب ، تمردنا داخل
المعسكر وهتفنا ضد الجبهة الاسلامية وضد سياساتها وعلمنا بعد ان هدا
الوضع من احد العساكر بأن ضابط امرهم باطلاق الذخيرة الحية علينا
ولكنهم رفضوا الانصياع له والمعسكر دا فيه حاجة غريبة كانت فالضباط
من الشرطة والتعلمجية والعساكر من الجيش ( يا ريت جنابو عمر لو جاء شرح
لينا الحكمة كانت شنو من الهرمية دي ) ...
الدرس الذي استفدته من الاحتجاج ان سياسة الحكومة لاعادة الصياغة ليست مؤثراً
كثيرا وان برنامج ( الجبهة الديمقراطية ) أقرب الي وجدان الطلاب من برنامج
( الجبهة الاسلامية ) وتيقنت اننا سننازل سلطة شرسة في المحافظة علي مقاعدها
وما خاب ظني فيهم فقائمة شهداء الطلاب في التسعينيات خير دليل .. اللهم اسكن
شهدائنا عالي الجنان : بشير ، سليم ، طارق ، التاية ، محمد عبد السلام ..
|
Post: #106
Title: Re: لست مناضلاً ولكنني ..... جزء من سيرتي الذاتية ( بالضرورة )
Author: بخاري عثمان الامين
Date: 10-01-2010, 08:42 AM
Parent: #105
امس لاقيت صديق عزيز قال اخوه اتصل عليه من السعودية
وقال له بخاري شكله الكيزان خوفوه وكتب بوست انه ما مناضل ...
ياخ تخ .. قلت له يقرأ مداخلتين بس بفهم الحاصل مداخلة حمد كافي
ومداخلة تماضر بت شيخ الدين تبارك
|
Post: #107
Title: Re: لست مناضلاً ولكنني ..... جزء من سيرتي الذاتية ( بالضرورة )
Author: سفيان بشير نابرى
Date: 10-01-2010, 08:49 AM
Parent: #106
شايفك ماشي كوييييييس
في كتابة مذكراتك من
اجل مكتبتك !!!.
ومال ايه!!؟
|
Post: #108
Title: Re: لست مناضلاً ولكنني ..... جزء من سيرتي الذاتية ( بالضرورة )
Author: عبداللطيف حسن علي
Date: 10-01-2010, 09:32 AM
Parent: #107
كلنا دخلنا الحزب بالطريقة دي
وبرضو يجي امجد يقول زيدان مشلخ
ـــــــــــــــ
المرة دي كان فطيتني ح تكون الاخيرة
اما شيوعيين انصار سنة
|
Post: #109
Title: Re: لست مناضلاً ولكنني ..... جزء من سيرتي الذاتية ( بالضرورة )
Author: عبدالمجيد المقابل
Date: 10-01-2010, 09:46 AM
Parent: #108
Quote: موضوع هذا البوست خطر لي من رسالة وصلتني
قال لي كاتبها انت موش عامل فيها ( مناضل )
ما كان تفعل كذا وكذا وكذا ...
أنا لست مناضلاً البتة ولكنني :- ............. |
الشكر لصاحب الرسالة , الذي لولا رسالته لما كان هذا البوست الراتع !!!
واصل يا باخ ... متابعين و مستمتعين .
|
Post: #110
Title: Re: لست مناضلاً ولكنني ..... جزء من سيرتي الذاتية ( بالضرورة )
Author: بخاري عثمان الامين
Date: 10-01-2010, 09:58 AM
Parent: #108
Quote: كلنا دخلنا الحزب بالطريقة دي
وبرضو يجي امجد يقول زيدان مشلخ
ـــــــــــــــ
المرة دي كان فطيتني ح تكون الاخيرة
اما شيوعيين انصار سنة |
عبد اللطيف مالك قائم بنمرة اربعة ؟
اها ما فطيتك شوف لك زول تاني احرد له ..
ياخ معقول افطك .. والله بتكون سهواً ولك العتبي حتي ترضي
|
Post: #111
Title: Re: لست مناضلاً ولكنني ..... جزء من سيرتي الذاتية ( بالضرورة )
Author: محمد على حسن
Date: 10-01-2010, 10:17 AM
Parent: #110
بخاري العامل فيها مناضل
قرات كل حرف سطرته في هذا البوست و ساقرا القادمات
واصل و متع قراء المنبر واكشف لنا بعض ظلام المشروع الحضاري و جميل
زمن ما قبل الانقاذ لتعرف البشرية كيف يكون الانقاذ دمارا مع الاسلامويين الفاسدين
ديامة خترين
|
Post: #112
Title: Re: لست مناضلاً ولكنني ..... جزء من سيرتي الذاتية ( بالضرورة )
Author: عبداللطيف حسن علي
Date: 10-01-2010, 10:53 AM
Parent: #111
Quote: عبد اللطيف مالك قائم بنمرة اربعة ؟
اها ما فطيتك شوف لك زول تاني احرد له ..
ياخ معقول افطك .. والله بتكون سهواً ولك العتبي حتي ترضي |
كويس انها كانت سهوا ، كنت قايلها تعمد!
اصلو الشيوعيين علمونا نظرية المؤامرة( ربنا يجازيهم!!)
ـــــــــــــــــــــ
بعد دا ممكن اقول ليك :بوست ممتع !
وطرح افضل من خط الحزب كلوا!
|
Post: #114
Title: Re: لست مناضلاً ولكنني ..... جزء من سيرتي الذاتية ( بالضرورة )
Author: أبو ساندرا
Date: 10-01-2010, 11:27 AM
Parent: #112
خالد العبيد:
Quote: العام 86 / 87
كنت مدرسا في مدرسة الديم شرق "4"
ومديري كان فقيدنا الغالي صلاح اسماعيل
شفت انا محظوظ كيف يا ابو ساندرا |
مليون رحمة تتنزل على قبر الشاهق الراحل
استاذنا صلاح إسماعيل
فعلآ أنت محظوظ يا ود العبيد ، فأستاذ صلاح مدرسة قائمة بذاتها
بل مدارس
انا ما حظيت بشرف التتلمذ على يديه في فصول الدراسة
لكن رافقته عن قرب ايام كان مسئول عن دائرة الديم والعمارات
و وكيلآ للأستاذ محمد إبراهيم نقد ، عملنا سنويآ ساعات طوال
كادت أن تكون كل اليوم في بعض الأيام
وتعلمت منه الكثير
|
Post: #113
Title: Re: لست مناضلاً ولكنني ..... جزء من سيرتي الذاتية ( بالضرورة )
Author: بخاري عثمان الامين
Date: 10-01-2010, 11:23 AM
Parent: #111
| Quote: واكشف لنا بعض ظلام المشروع الحضاري |
وفي هذا الاطار وبعيدا عن تسلسل الحكي فيما يخص لست مناضلاً ولكنني
ادعوك اخي محمد والقراء الكرام الاطلاع علي هذا الرابط لانه جاء ضمن
الكلام .. وانوه انه يجب عليك بعد الانتهاء منه ان تقول والله
فعلاً ليس مناضلاً ولكنه .........
الليلة التي قضيتها مع نجلاء سيد أحمد محبوسين بالنظام العام
|
Post: #115
Title: Re: لست مناضلاً ولكنني ..... جزء من سيرتي الذاتية ( بالضرورة )
Author: أبو ساندرا
Date: 10-01-2010, 11:30 AM
Parent: #113
يا بوخ ، إنك مناضل وحكااااي
و بتاع ناسات
-------------
|
Post: #117
Title: Re: لست مناضلاً ولكنني ..... جزء من سيرتي الذاتية ( بالضرورة )
Author: عبداللطيف حسن علي
Date: 10-01-2010, 11:42 AM
Parent: #115
ابدا مابتاع ناسات ولا قتاتات !
|
Post: #116
Title: Re: لست مناضلاً ولكنني ..... جزء من سيرتي الذاتية ( بالضرورة )
Author: بخاري عثمان الامين
Date: 10-01-2010, 11:37 AM
Parent: #113
Quote: مليون رحمة تتنزل على قبر الشاهق الراحل
استاذنا صلاح إسماعيل
فعلآ أنت محظوظ يا ود العبيد ، فأستاذ صلاح مدرسة قائمة بذاتها
بل مدارس
انا ما حظيت بشرف التتلمذ على يديه في فصول الدراسة
لكن رافقته عن قرب ايام كان مسئول عن دائرة الديم والعمارات
و وكيلآ للأستاذ محمد إبراهيم نقد ، عملنا سنويآ ساعات طوال
كادت أن تكون كل اليوم في بعض الأيام
وتعلمت منه الكثير |
الخال عبد الرحمن بركات ازيك ... وانا تتلمذت علي يد الراحل صلاح
ولي شرف كبير ان رباني الحزب الشيوعي السوداني فرع الديم وعلمني
معاني الشهامة والرجولة والنخوة والنضال بيان بالعمل من أجل شعبي
انا هنا اكتب سيرتي ولكن هي دون شك سيرة كثيرين و90% من الديامة مروا
بذات التجارب اتمني ان تفترع لنا خيطا للحديث عن شخصيات من الديم ..
كان المرحوم عماد الامين كثيرا ما يطلب ذلك وبقول لي انت يا بخاري تكتب
تحديدا عن مجانين في الديم لانك مفروض تكون منهم او قريب شديد لهم .. يلا نحدثهم
كمبال بنقس وقعر بابور وابراهيم توم وعزو وعبد الله العريس وفائز
|
Post: #118
Title: Re: لست مناضلاً ولكنني ..... جزء من سيرتي الذاتية ( بالضرورة )
Author: بخاري عثمان الامين
Date: 10-01-2010, 11:52 AM
Parent: #116
Quote: يا بوخ ، إنك مناضل وحكااااي
و بتاع ناسات
------------- |
شكلك ما عملت ريفريش لاني كتبت لك مداخلة طويلة
عموما لو كنت بتاع ناسات حيكون غيرك انت منو البصطفيه يا خال ؟
|
Post: #119
Title: Re: لست مناضلاً ولكنني ..... جزء من سيرتي الذاتية ( بالضرورة )
Author: مريم بنت الحسين
Date: 10-01-2010, 01:55 PM
Parent: #118
الاستاذ بخاري
تحياتي، والحقيقة انا مستمتعة جداً برواياتك للأحداث التي مررت بها.. في كثير من الاحيان أُذهل بسبب ما مررت به.... ربنا يرحم والدتك... ويخلي ليك اخوانك...
واصل... وتحياتي الخالصة للاستاذة نجلاء
|
Post: #120
Title: Re: لست مناضلاً ولكنني ..... جزء من سيرتي الذاتية ( بالضرورة )
Author: محمد أبوالعزائم أبوالريش
Date: 10-01-2010, 06:57 PM
Parent: #119
متابعين يا ........... ما مناضل.
تحية ليك وللماجدتين في حياتك.
نجلاء بت سيد أحمد ....... والوالدة في عليائها.
|
Post: #121
Title: Re: لست مناضلاً ولكنني ..... جزء من سيرتي الذاتية ( بالضرورة )
Author: طه جعفر
Date: 10-01-2010, 10:58 PM
Parent: #120
الحبيب بخاري
قرأت ما كتبته في هذا البوست المميز، انت صديقي الذي ورثته عن اخي الاصغر (مرتضي) و غريب أن يرث احدنا اخيه الاصغر، نجلاء اختي الصغيرة و تلميذتي
تعلمت منك الكثير في هذه الكتابة، تعلمت منك "أن الرواية العظيمة هي ليست اكثر من تجربة حياة" سنلتقي و نفكك مغاليق هذا الرمز المكتوب بالاحمر ! سنلتقي قبل ان يموت احدنا من اجل هذا الرمز
لا اريد اغراق البوست بذكريات و لكن يجب ان تسمح لي يا بخاري من باب الصداقة ان احكي هذه الحكاية
التقيت بخاري في يوم ما من عام 1996 في نهايته ربما ديسمبر و كنت في طريقي الي القضارف للمكوث مع امي لانجاز فترة حبسها بعد وفاة ابي في القضارف ، كنت وقتها معلما في الخرطوم القديمة الثانوية و كان بخاري خريجا يتهيب ظلامات الخدمة الوطنية و ارذالاتها و كان بخاري في حوجة ماسة لمكان يمضي فيه فترة الخدمة الوطنية بسلام ، كانت اسرتي حينها في القضارف و هي من النمط الذي لا تقف امامه العوائق الادارية مهما تكلف الامر من انقاذ!! او سلطة اخري . محبتي لبخاري جعلتني اقول له ان الحل لمشكلتك سيكون هناك في القضارف، انضم الينا( الهام و انا) في القضارف في ذلك الحين بخاري و نجلاء كصديقين . المهم التقينا هناك و كان الوقت خريفا و لسوء حظ بخاري فقد نزل بيننا ضيفا اواون الخرسان و كان قصف الرعود و بهرة البرق ، ما كان يخيف بخاري هو ليس المطر و لكن تلك القطية التي تم استئجارها علي عجل في بيت احد المعارف ، كان بخاري قلقا و كنت اكثر منه في القلق بفراسخ ، الهام و نجلاء تتآنسان مع امي اوان المطر و ليس عندهما خبر عن القلق ، قلت لبخاري سيضيء البرق عبر شقوق سقف القطية !! احتمينا بالمشروب من عسف الاحتمالات ثم ضحكنا الي ان عبرت العاصفة
اعجبتني هذه الكتابة يا بخاري فهي كتابة الحياة
و اصدق الادب و اجمله هو القصة الحقيقية
لكم حبي و تقديري يا الحبيب ، الي لقاء
اخوك
طه جعفر
|
Post: #122
Title: Re: لست مناضلاً ولكنني ..... جزء من سيرتي الذاتية ( بالضرورة )
Author: طه جعفر
Date: 10-01-2010, 11:06 PM
Parent: #121
لست مناضلا يا بخاري
فانت لست مناضلا، لان النضال حالة
انت انسان من هذا البلد و الانسانية هنا نادرة
انت ابن امرأة من مواليد الخرطوم هي الام بشرية عليها الرحمة و هي
لم تفعل غير اعطاء البلد بنات و ابناء خيرين
و هذا خير جزاء للوطن
لست مناضلا يا بخاري بل انت انسان و معلم
طه
|
Post: #123
Title: Re: لست مناضلاً ولكنني ..... جزء من سيرتي الذاتية ( بالضرورة )
Author: باسط المكي
Date: 10-02-2010, 04:03 AM
Parent: #122
Quote: ياخي شكرا لصاحب الرسالة ما دام خلاك تكتب الكتابة المشوقة دي
متابعين |
متابعة ....
راجيك تحكي عن تجارب نص التسعينات
راجيك بي مهلة ...
|
Post: #124
Title: Re: لست مناضلاً ولكنني ..... جزء من سيرتي الذاتية ( بالضرورة )
Author: بخاري عثمان الامين
Date: 10-02-2010, 06:31 AM
Parent: #123
Quote: الاستاذ بخاري
تحياتي، والحقيقة انا مستمتعة جداً برواياتك للأحداث التي مررت بها.. في كثير من الاحيان أُذهل بسبب ما مررت به.... ربنا يرحم والدتك... ويخلي ليك اخوانك...
واصل... وتحياتي الخالصة للاستاذة نجلاء |
تسلمي يا أستاذة مريم
|
Post: #125
Title: Re: لست مناضلاً ولكنني ..... جزء من سيرتي الذاتية ( بالضرورة )
Author: بخاري عثمان الامين
Date: 10-02-2010, 06:32 AM
Parent: #124
Quote: متابعين يا ........... ما مناضل.
تحية ليك وللماجدتين في حياتك.
نجلاء بت سيد أحمد ....... والوالدة في عليائها. |
ابو العزائم لك الود والحب ..
|
Post: #126
Title: Re: لست مناضلاً ولكنني ..... جزء من سيرتي الذاتية ( بالضرورة )
Author: بخاري عثمان الامين
Date: 10-02-2010, 06:38 AM
Parent: #125
Quote: اعجبتني هذه الكتابة يا بخاري فهي كتابة الحياة
و اصدق الادب و اجمله هو القصة الحقيقية |
طه جعفر الخليفة طه الريفي .. ضربت اهم القصص: القضارف
والله عارف .. عموما جاطت لك بعض التواريخ ( الكبر حصل )
عموما يا ناس المنبر ويا كل القراء هذا الرجل المدعو طه جعفر
والجميلة الهام عبد الخالق سيرد أسمهما كثيرا في قائمة الذين
ضخوا الدم في شرايين علاقتنا انا ونجلاء ..
بالمناسبة يا طه انا اول بوست كتبته في المنبر كان بعنوان : جعفر الخليفة طه الطود الاشم
وكنت اكتب باسم :
bukhary el amin
ساعود لك يا طه ...
|
Post: #127
Title: Re: لست مناضلاً ولكنني ..... جزء من سيرتي الذاتية ( بالضرورة )
Author: بخاري عثمان الامين
Date: 10-02-2010, 06:45 AM
Parent: #126
Quote: متابعة ....
راجيك تحكي عن تجارب نص التسعينات
راجيك بي مهلة ... |
باسط المكي يا زميل
التسعينات اسمها المربع الاول موش كده ..
ساحكي كل حدث يقود القارئ الي انني :
لست مناضلاً ولكنني .......
|
Post: #128
Title: Re: لست مناضلاً ولكنني ..... جزء من سيرتي الذاتية ( بالضرورة )
Author: بخاري عثمان الامين
Date: 10-02-2010, 12:16 PM
Parent: #127
عن الجامعة :-
عدت من المعسكر يوم الخميس برفقة صديقي محسن قرافي الذي صار اليوم دكتور بيطري ..
ومحسن من أسرة دنقلاوية قطنت الخرطوم منذ زمن بعيد ولكن حبوبته لامه حاجة زينب لها
الرحمة والمغفرة لم تستطيع التحدث جيدا بالعربية وكانت تناديني ( بخاري تعالي أمشي جيبي )
بالمناسبة يا ابو ساندرا دي والدة الخال أحمد البدري بتاع السهم الذهبي ...
لنا مع حبوبة زينب طرفة جميل فقد كانت لها غنماية وانجبت هذه الغنماية سخلة وهذه السخلة قاتلها
الله كانت مزعجة جدا.. ولانها مربوطة في شباك الغرفة التي نراجع فيها دروسنا امتعضنا من وجود السخلة
وحزمنا امرنا وتوجهنا لحاجة زينب وخيرناها بيننا والسخلة فاختار السخلة دون تردد ولمن رجعنا البيت
بالمساء عشان ننوم لقيناها اي الحاجة اغلقت كل منافذ الدخول ولم تستجب لدق الباب الا بعد مسافة
شنو يا حاجة قفلتي ؟ انتو موش قلتو لي يا نحنا يا السلخة ، جيتو ليه ؟
|
Post: #129
Title: Re: لست مناضلاً ولكنني ..... جزء من سيرتي الذاتية ( بالضرورة )
Author: بخاري عثمان الامين
Date: 10-02-2010, 12:27 PM
Parent: #128
| Quote: عدت من المعسكر يوم الخميس برفقة صديقي محسن قرافي الذي صار اليوم دكتور بيطري .. |
نمت الجمعة باكملها ولي خال ينتمي للجبهة الاسلامية ، جاء المنزل بعد صلاة الجمعة وكنت نائماً
انتظرني حتي صحتني حاجة فاطمة والتي ربتني واناديها يمة .. سألني الخال ما صحيت للصلاة ؟
قلت له انا تعبان جدا وشالتني نومة .. امتعض وقال لي : مفروض المعسكر يكون عودك تصحي تبدري
وتكون اتغيرت في حاجاتك .. استفسرته حاجاتي شنو ؟ رد يعني تكون مصر علي الصلوات الخمسة في المسجد
مثلاً..... أسقطت في يده لمن قلت له: المعسكر دا كشف لي سوء الجبهة الاسلامية خالص وعمق لي فكرتي بأن
الدولة العلمانية هي الحل .. وأنا هسه علي اتم الاستعدادا اصادم الحكومة لابعد درجة ..
ولست مناضلاً ولكنني .......
|
Post: #130
Title: Re: لست مناضلاً ولكنني ..... جزء من سيرتي الذاتية ( بالضرورة )
Author: بدري الياس
Date: 10-02-2010, 06:39 PM
Parent: #129
الله علي الحكي الطاعم يا بخاري،
وزي كتيرين،
متابع،
أضحك
وأبكي،
واتمنى السرد ما يخلص
،
من أول دخلة لي للعاصمة، واحنا ولاد أقاليم، حبيت المكان الاسمو الديم ده،
عشقت ناسو وبيوتو وزقاقاتو وفسحاتو العجيبة،
وبالاخص مجانينو، ودراويشو،
بالله لازم تخلي الكلام عنهم مشروع كتابتك الجاية، وما تنسى تضيف للمجموعة الذكرتها أعلاه "حليمة العضاية".
بالله جوابات عبد الله "كديس" أو العريس، دي براها ما مشروع رواية؟
،
واصل يا حبيب
|
Post: #131
Title: Re: لست مناضلاً ولكنني ..... جزء من سيرتي الذاتية ( بالضرورة )
Author: أبو ساندرا
Date: 10-02-2010, 11:04 PM
Parent: #130
يا بوخ ، يا إبن أخت
كثف الحكاية بالشخصيات الباهرة
التي عرفت كيف تصنع الحياة
في مساحة ضيقة محدودة
ولكنها ضاجة بالحياة وبالصخب
ومتعتعة جمال
تحدث عن إنتفضات ناس شارعكم عندما يحاول الأمن إصطياد ميرغني عطاالمنان
تحدث عن يوم تشييعنا للشهيد علي فضل وكيف الزميلات إقتحمن المقابر
شاركن ، وهتف علن ، هتفن علن
تحدث عن المآتم والصدمة تعتري كل أحياء جنوب الخرطوم
حزنآ على الضباط الميامين ، عصمت ميرغني طه ورفاقه
تحدث عن الجدران التي كم صبغناها بالأحمر الزاهي
والشعارات المجيدة التي يستقبلها الديامة بفرح وبأمل
تحدث عن الديم ، وعن الحزب في الديم
عن الرياضة وعن الفن وفرقة جاز الديم
عن ترب بلاع وسينما النيلين وثنائي ديم القنا
عن أرض الحيوان
عن الرعد والنجوم والنجم الأحمر والكفاح والربيع والمجد والمؤتمر
عن سهم العسيلات وسهم العمارات والبرنس والطليعة والدينمو والإتحاد
والعاصفة والنصر والوطن والإستقلال والأمل
فرق كان الشيوعيين قلبها النابض
وأمكنة كانوا خميرة وعيها ولبنة صرحها
أحكي ياخ
|
Post: #132
Title: Re: لست مناضلاً ولكنني ..... جزء من سيرتي الذاتية ( بالضرورة )
Author: بخاري عثمان الامين
Date: 10-03-2010, 07:14 AM
Parent: #131
| Quote: تحدث عن إنتفضات ناس شارعكم عندما يحاول الأمن إصطياد ميرغني عطاالمنان |
ما كانوا بالجرأة تلك لاعتقال ميرغني بالنهار داهموا الحلة نهايات الليل ..
بس يا خال تلك الملحمة كانت تخص اعتقال جمال عبد الرحمن ..
انا في البيت جاني زول قال لي جمال ناس الامن بسألوا منه وقال لك تعال ليهو ، قابلت جمال في بيت
تاني وبالمناسبة للناس الما من الديم انا ممكن ادخل من اي باب من بيوت الديم واحوم جواها كلها بدون
ما افتح اي باب تاني بالذات مربع 3HE والحركة دي طبعا ميزة للديامة لاننا كلنا اسرة واحدة وبيت واحد
وبتاع الامن بجئ يحرسك قدام باب انت دخلت بيهو وبتكون من الغالي طلعت في حجازي ولا ديم القنا ..
عموما ( كلمة عموما دي البفكني منها شنو ؟ ) جمال قال بس محتاج لزمن لانه عايز يعرف رأي الحزب انه
يمشي مع الامن ولا ما يمشي ؟
سواصل ملحمة جمال ..
|
Post: #133
Title: Re: لست مناضلاً ولكنني ..... جزء من سيرتي الذاتية ( بالضرورة )
Author: أبو ساندرا
Date: 10-03-2010, 07:29 AM
Parent: #132
بوخارين:
| Quote: بس يا خال تلك الملحمة كانت تخص اعتقال جمال عبد الرحمن .. |
عشان كدا بنقول ليك اكتب ، أحكي ، وثق
لأجل التاريخ
وكمان عشان ذاكرتي المثقوبة
|
Post: #134
Title: Re: لست مناضلاً ولكنني ..... جزء من سيرتي الذاتية ( بالضرورة )
Author: بخاري عثمان الامين
Date: 10-03-2010, 07:35 AM
Parent: #133
فكرت ووجدتها وقلت له بنديك زمن يا فردة تلاتة اربعة ساعات ..
بيوت الديم مساحتها 200 متر مربع ومتوسط السكان بها عالي جدا لذا
كنا ننوم في الشارع ( العام ) ... ولاحقاً قدام كل بيت عملنا حصيرة
عشان نقيل فيها .. وقبل ما اتم اعرض عليكم هذه الصور :-
|
Post: #135
Title: Re: لست مناضلاً ولكنني ..... جزء من سيرتي الذاتية ( بالضرورة )
Author: abdelrahim abayazid
Date: 10-03-2010, 08:24 AM
Parent: #134
بخاري
واصل وما تقيف فانت فخرنا وتاج راسنا
|
Post: #136
Title: Re: لست مناضلاً ولكنني ..... جزء من سيرتي الذاتية ( بالضرورة )
Author: بخاري عثمان الامين
Date: 10-03-2010, 08:45 AM
Parent: #135
Quote: بخاري
واصل وما تقيف فانت فخرنا وتاج راسنا |
ابا يزيد ديامي معتق .. وانتم من هداني واخذ بيدي
فكنتم خير دليل ..
الصورة واضح بها ان امام معظم البيوت حصيرة ودي صورة قريبة وبالمناسبة هي صور للمنزل الذي
ولدت به انا ومن قبلي بشرية أمي ...
|
Post: #137
Title: Re: لست مناضلاً ولكنني ..... جزء من سيرتي الذاتية ( بالضرورة )
Author: rani
Date: 10-03-2010, 08:49 AM
Parent: #135
عطشتنا... كدي النبلو الريق ونرجع ليك.
.
.
راني السماني
|
Post: #138
Title: Re: لست مناضلاً ولكنني ..... جزء من سيرتي الذاتية ( بالضرورة )
Author: بخاري عثمان الامين
Date: 10-03-2010, 08:54 AM
Parent: #137
Quote: عطشتنا... كدي النبلو الريق ونرجع ليك.
.
.
راني السماني |
صديقنا الذي بكندا .. في انتظار رجعتك ...
|
Post: #139
Title: Re: لست مناضلاً ولكنني ..... جزء من سيرتي الذاتية ( بالضرورة )
Author: المسافر
Date: 10-03-2010, 09:25 AM
Parent: #138
الديم
كان يسمى ديم الريامة
وكلمة ديم أصلها بجاوي وتعني أرض وأحياناً أهل
والريامة أصلها تركي وهي مركبة من كلمتين أعجميتين راي أمة وهي كذلك تحتوي على أهل
وجمع الكلمتين تعني الكهنة أو السحرة
وديم الريامة تعني أرض السحرة ... وربما أرباب الكهنة ...
|
Post: #140
Title: Re: لست مناضلاً ولكنني ..... جزء من سيرتي الذاتية ( بالضرورة )
Author: rani
Date: 10-03-2010, 09:50 AM
Parent: #137
عارف يا بخاري.. بالجد شوقتني للونسة معاك..
كان دايماً يحدثني عنك هشام سيد احمد ورشاد.. كانو دايماً بيقولو لي " انت يا راني بس لمن تمشي السودان قابل بخاري ومجدي بحر.. وما بتزهج" طبعاً
الكلام دا كان بيقولوه لانو كنت كل ما امشي السودان برجع زهجان وبقول ليهم السودان دا انا زهجت منو وما ماشيهو تاني، اقعد اربعة شهور اقوم اتشالق تاني واقطع لي تزكرة
امشي السودان واجي زهجان كالعادة ، البرنامج دا مدور كده لمدة التلاتة سنين الفاتت دي.
المصيبة اليوم القابلتك فيهو كنت انا راجع كندا تان يوم منو، الكلام دا كان في حي النخيل، امدرمان بيت ناس عم سيد احمد الشيخ ، الله يرحمو.
كنت راقدلك في عنقريباً، ويبدو انك مرهق شديد، " ربما، تفاصيل ما بعد الغروب" فقلت ما ازعجك. وخليتك.
يارتني كنت عارفك حكاي كدا.
المهم ياصديق.. اسعدني جداً.. اسلوبك الراقي في سرد تفاصيل كيف انك " ماك مناضل". واكتر بكتير تفاصيل تشابه بيع امي للخضار بسوق الندي، شرابي للبنقو في سن مبكرة
والاقلاع عنه بنفس الطريقة، شغبي الشديد الذي لازال يتكلم عنه حي امتداد الدرجة التالتة، دخول المعسكر وكل التفاصيل التي ذكرت.
ياصديق.. نحن محتاجين نقعد نشبع روحنا من روح بعض.. او منك.
انا جاي السودان بعد اسبوعين.
تليفونك كان معاي، لكني ضيعتو.. رسلو لي بالماسنجر لو امكن. حقي تلقاهو في البروفايل.
سلم لي عليهم...
نجلاء سيد احمد، ضياء الدين ، احلام ناصر، ميرغني عطاء المنان، مجدي بحر... وكل الناس الحالهم زين.
ودي
راني السماني
|
Post: #141
Title: Re: لست مناضلاً ولكنني ..... جزء من سيرتي الذاتية ( بالضرورة )
Author: بخاري عثمان الامين
Date: 10-03-2010, 10:12 AM
Parent: #140
| Quote: فكرت ووجدتها وقلت له بنديك زمن يا فردة تلاتة اربعة ساعات |
مشيت لي بشرية قلت ليها سوقي اللول ( اللول كانت طفلة ) واغشي معاك نسوان الحلة كلهم
اي واحدة تسوق معاها اطفالها عايز اكبر كمية من الاطفال .. تمشوا تقعدوا في حصيرة عزة
أم جمال لانه بتاعين الأمن عايزين يسوقوه .. واول ما بتاع الامن يقرب علي الباب تصرخوا باعلي
صوت وفعلا بعد مدة قصيرة الحصيرة كانت عبارة سوق ام دفسو .. ضابط الامن عايز ينزل من عربيته
الكواريك بدت وشوية شوية اتحولت لهتافات ضد الجبهة الاسلامية والعار العار يا كيزان ويحيا نضال
الحزب الشيوعي السوداني وهكذا .. ولاحظنا استنجاد الضابط بقوة اخري ، في زول يا اخوانا بعتقلوها
بقوة فيها كم بوكس وكم عربية احتياطي مركزي هل تصدق ، عموما جمال قال ح يسلم نفسه وفي اللحظة دي
ضابط الامن كان بهدد عبر مكبر صوت : يا جمال لو ماسلمت نفسك انا حا اضرب بمبان والناس دي ح تتأذي !!
طلع جمال وحبيبته هدي بكت سكتتها رشاد ميرغني وبدأت رشاد بالزغاريد وانطلقت الزغاريد مسيرة العريس
جمال ،، عزة قالت له يا جمال اقيف عايز اقول حاجة وخطبت في الحشد : امشي عافية منك وراضية عليك
لا سرقت لا نهبت والناس الهنا ديل كنت بتخدمهم عشان كده مستعدين يموت لك .. ودوي من النساء هتاف
واحد : ارجل منهم ، ارجل منهم وجمال حكي لي ان الهتاف كان بصله لمسافة كم شارع ..
ولست مناضلاً ولكنني .......
|
Post: #142
Title: Re: لست مناضلاً ولكنني ..... جزء من سيرتي الذاتية ( بالضرورة )
Author: بخاري عثمان الامين
Date: 10-04-2010, 06:35 AM
Parent: #141
*
|
Post: #143
Title: Re: لست مناضلاً ولكنني ..... جزء من سيرتي الذاتية ( بالضرورة )
Author: بخاري عثمان الامين
Date: 10-04-2010, 07:34 AM
Parent: #142
Quote: المصيبة اليوم القابلتك فيهو كنت انا راجع كندا تان يوم منو، الكلام دا كان في حي النخيل، امدرمان بيت ناس عم سيد احمد الشيخ ، الله يرحمو.
كنت راقدلك في عنقريباً، ويبدو انك مرهق شديد، " ربما، تفاصيل ما بعد الغروب" فقلت ما ازعجك. وخليتك. |
عارف يا راني الشعب السوداني كله ما عدا الكيزان .. وما كل الكيزان لانه فيهم
ناس حالهم من حالنا ربنا ينورهم ويهديهم ، مع نهاية اليوم بنكون اشبه بالجثث
من التعب وكده الجري وراء المعايش ..
|
Post: #144
Title: Re: لست مناضلاً ولكنني ..... جزء من سيرتي الذاتية ( بالضرورة )
Author: بخاري عثمان الامين
Date: 10-04-2010, 08:54 AM
Parent: #143
Quote: لا اريد اغراق البوست بذكريات و لكن يجب ان تسمح لي يا بخاري من باب الصداقة ان احكي هذه الحكاية
|
يا طه يا خليفة ياخ احكي ما كان بيننا لاتبخل كل القصة بقت
حكايات يا منقة .. سلم لي علي الاستاذة الهام والابن جعفر ..
|
Post: #145
Title: Re: لست مناضلاً ولكنني ..... جزء من سيرتي الذاتية ( بالضرورة )
Author: بخاري عثمان الامين
Date: 10-04-2010, 09:07 AM
Parent: #144
Quote: ولكن بعد ان قلبتها يمنة ويسرة وحسبتها تمام قررت ان لا ادخل الجامعة
فقد كنت احد الشغيلة بالمنزل ودخلي يسير جزء من دولاب الاحتياجات اليومية
للبيت خصوصا انني الكبير وقلت نجتهد في الشباب الصغار مازن وندي واللول |
محمد عبد الله صديقي وقدوتي وافخر به جدا .. أقنعني بحاجتين :-
الاولي عدم التفكير في الاقلاع عن التمباك نهائياً لان هذه الفكرة تؤثر في الثقة بالنفس !!!
قلت له كيف ؟ رد انه التمباك من أقوي العادات للانسان وكل ما تحاول تقلع عنها بترجع لها تاني
وكده ممكن ثقتك في نفسك تهتز .. خلوني من دي وعموما سمعت كلامه ، اقنعني محمد بالذهاب للجامعة
وعمل المقابلة الاولي واحتمال الرسوم تكون معقولة .. ولكن اعتراضي كان ان الدراسة مع العمل صعبة
شوية ، اقنعني انه لم يكمل الجامعة وهو يعمل ومحمد كان معلم نقاشة خطير ..
مقابلة الجامعة :-
اواصل بعد حين
|
Post: #146
Title: Re: لست مناضلاً ولكنني ..... جزء من سيرتي الذاتية ( بالضرورة )
Author: بخاري عثمان الامين
Date: 10-04-2010, 09:35 AM
Parent: #145
انتظرت في صف المعاينة ودخلت بعد حين .. قابلت دكتورة
من بنات بدري لكنني لا اتذكر الاسم الاول الان .. لطيفة وفي
غاية الذوق .. نظرت الي ملفي والله ما شاء الله من الديم موش
مبروك الدخول للجامعة .. لو الله قسم لك تستمر عايز تخصص شنو ؟
اجبتها مباشرة : علوم سياسية .. سألتني ليه ؟ نظرت كتير كده ،وعموما
كنت شاعر ان دراسة العلوم السياسية ممتعة بالاضافة الي انني كنت اصبو
ان اصير لاحقاً السكرتير السياسي للحزب الشيوعي السوداني ! بعد الونسة
قتلتني بسؤال ( البعولك منو ؟ ) سكتت مسافة بالزمن قصيرة ولكن كثافة الذكريات
شريط قد يمر علي انسان غيري في ثواني : تذكرت أمي عائدة من سوق الديم والقفة تقيلة
عليها تظن انها ثرية وبالقفة ما لذ وطاب من لحوم ولكن تقلة القفة عائدة الي انها ملئية
بالكبكي والفول المدروش للطعمية ، تذكرت ادعيتها لي قبل بزوغ الشمس اصحي افرم الطعمية يا بوخ
بكرة تكبر تدخل لينا الجامعة وتبقي لي وزير .. تذكرت وتذكرت ولم اتمالك نفسي .. سألتني الدكتورة
معليش في شنو ؟ رميتها لها طوالي : نحن بنعول نفسنا بي نفسنا وبنبيع طعمية وفسيخ واذا مصاريف
الدراسة كتيرة أو أنت عايزة اثبات علي بيع الطعمية انسيني من الفيلم دا كلو وطلعت من مكتبها علي
الديم .. والعايز دمو يروق ديامه شارع السوق
|
Post: #147
Title: Re: لست مناضلاً ولكنني ..... جزء من سيرتي الذاتية ( بالضرورة )
Author: د.محمد بابكر
Date: 10-04-2010, 09:40 AM
Parent: #146
والله يا بخارى انتوا فى الديم ارقى مننا فى الشعبيه ده ما بوست كود ادددديل كده
تحياتى لك يا عزيزى وانت تسرد قصه تشبه قصة كل منا ربما لاننا ملح الارض وربما اننا من استريفنا المدينه بقدومنا لها وهى لم تضعنا فى الحسبان ازعجنا صمتهم... وان لم تستوعبنا المدينه كأناس كاملى الحقوق فأننا(سنملأ عالمهم بالفقراء وبالمحرومين وسنطرق راحتهم بيتا بيتا وسنزعجهم فى اليقظة والكابوس) وتحياتى
|
Post: #148
Title: Re: لست مناضلاً ولكنني ..... جزء من سيرتي الذاتية ( بالضرورة )
Author: بخاري عثمان الامين
Date: 10-04-2010, 09:54 AM
Parent: #147
| Quote: وان لم تستوعبنا المدينه كأناس كاملى الحقوق فأننا(سنملأ عالمهم بالفقراء وبالمحرومين وسنطرق راحتهم بيتا بيتا وسنزعجهم فى اليقظة والكابوس) وتحياتى |
صديقنا الدكتور محمد ... سننتزع حقنا في العيش عنوة كده واقتدار
وكلنا لسنا مناضلين ولكننا ......
|
Post: #149
Title: Re: لست مناضلاً ولكنني ..... جزء من سيرتي الذاتية ( بالضرورة )
Author: بخاري عثمان الامين
Date: 10-04-2010, 10:24 AM
Parent: #148
| Quote: الدراسة كتيرة أو أنت عايزة اثبات علي بيع الطعمية انسيني من الفيلم دا كلو |
حددت اللجنة المكلفة مصاريف دراستي كطالب بجامعة الخرطوم
كلية الاقتصاد والدراسات الانسانية بمبلغ 2350 جنيه يعني أقل
من علبة برنجي هسه ... طبعا وقطع شك ما كان عندي مبلغ ذي دا
وحاولت أمي الدخول في ختة وفشلت ...
عموما عندما تبقي للتسجيل يوم واحد فاجاتني أمي بمبلغ خمسة جنيه كاملة
يا حليلها قالت لي سجل واشرب بارد في الكلية وخلي رأسك عالي ، سألته :
من أين لك هذا ؟ انا ببساطة ممكن افتح فيك بلاغ يا بشرية في نيابة الثراء الحرام !
رفضت الاجابة .. لبست وقعدتها معاه للقهوة عشان أطلع لاحظت غياب ( عديلة ) عن مكانها
الذي اعتادت ان تقف فيه وتنظر لي .. عملت مسح سريع بي نظري لبقية الزوايا امكن واقفة
في حتة تانية لم أجدها .. ختيت القهوة في الواطة ووقفت من البمبر وسألت أمي :-
عديلة وين ؟ تشاغلت عن سؤال .. مسكتها من يدها ، بشرية بسأل فيك عديلة وين ؟ لم تستطيع الكلام
العبرة كانت خانقاها ، حضنتي وقالت لي: فداك فداك يا وزيرنا ويا مديرنا ويا كبيرنا ...
سألت مشت لي منو ؟ ردت : الامين ...
سال سيل من السباب مني لامي وللجامعة وكلت هذا الامين بوافر اللعنات ، وكنت بقول لها : أمي العن ....
ضحكت قالت لي : ما ممكن كلمة أمي بعدها العن ........ بين دموعي قلت لها طيب يا بشرية العن ......
ما ماشي الجامعة ولا حاجة وحا امشي اجيبها من الامين واجئ ، قالت لي سفرها الجزيرة قبل شوية وقال
دي ما غنماية سوق دي مفروض تمشي تسقي اولادي .. وعديلة كنت اشعر بها حقيقة مثل اخت لنا ...
|
Post: #150
Title: Re: لست مناضلاً ولكنني ..... جزء من سيرتي الذاتية ( بالضرورة )
Author: بخاري عثمان الامين
Date: 10-04-2010, 04:39 PM
Parent: #149
| Quote: وديم الريامة تعني أرض السحرة ... وربما أرباب الكهنة ... |
والله يا المسافر والديم كذلك تشكر علي المعلومة
|
Post: #151
Title: Re: لست مناضلاً ولكنني ..... جزء من سيرتي الذاتية ( بالضرورة )
Author: بخاري عثمان الامين
Date: 10-05-2010, 10:22 AM
Parent: #150
كلما حاولت الكتابة عن فترة الجامعة تجيني المدة التي قضيتها
معكوسة ففي السنة الاخيرة قابلت ( زميل ) في السقما بكلية الاقتصاد
وتجاذبنا اطراف الحديث قال لي كلام لن انساه ابدا .. قال لي : انت يا باخ
ما عشت الحياة الطلابية كما يجب وقضيت الجامعة كلها عمل سياسي ، سألته الحياة
الطلابية قاصد بيها شنو ؟ لو اكاديميات انا تمام محقق درجات كويسة .. ولو قاصد
حب وخلط وونسة انا لمن بي هناك لانني تزوجت وانا طالب ببداية السنة الرابعة
ولست مناضلا ولكنني .........
ساعود لتفاصيل ما حدث بالجامعة ، وذي ما قالت لي بشرية يوم رجعنا انا وامين بشري
مدقوقين دق العيش ، انتو يا اولادي دخلتو الجامعة ولا دخلتو حرب الله يجازي الكيزان ..
|
Post: #152
Title: Re: لست مناضلاً ولكنني ..... جزء من سيرتي الذاتية ( بالضرورة )
Author: النذير حجازي
Date: 10-05-2010, 10:47 AM
Parent: #151
تعرف يا بخاري، إنت روائي وقاص ولكن....
والله يا بخاري دا مشروع كتاب جاهز
تقبل فائق تقديري
وكل احترامي ومستمتعين بالحكي
|
Post: #153
Title: Re: لست مناضلاً ولكنني ..... جزء من سيرتي الذاتية ( بالضرورة )
Author: بخاري عثمان الامين
Date: 10-05-2010, 11:39 AM
Parent: #152
Quote: تعرف يا بخاري، إنت روائي وقاص ولكن....
|
النذير القصة كلها اني تربيت حبوبات ..
اذا بنفع كتاب اطبعه ووزعها علي ان يعود ريعه للفقراء
من ابناء شعبنا ..
|
Post: #154
Title: Re: لست مناضلاً ولكنني ..... جزء من سيرتي الذاتية ( بالضرورة )
Author: بخاري عثمان الامين
Date: 10-06-2010, 07:52 AM
Parent: #153
لي قصص مع احد كوادر مؤتمر الطلاب المستقلين واذا لم تخني الذاكرة
أسمه ناصر .. هذا الشاب يعتقد بما لا يدع مجالا لديه للشك في في امرين
الاول ان الجبهة الديمقراطية تفرز بين اعضاءها
والثاني انني بخاري واحد ج ب ا ن جدا فمن اين وصل الي هذا ؟
يلا نحكي شوية ...
|
Post: #155
Title: Re: لست مناضلاً ولكنني ..... جزء من سيرتي الذاتية ( بالضرورة )
Author: بخاري عثمان الامين
Date: 10-06-2010, 11:50 AM
Parent: #154
| Quote: الاول ان الجبهة الديمقراطية تفرز بين اعضاءها |
كنت ومعي الزملاء الدهنون وغازي أعضاء لجنة الفرز النهائي ممثلين للجبهة الديمقراطية
والفرز كالعادة يتم بمباني الاتحاد أظن ان تلك كانت انتخابات 93 .. عدة احداث حصلت داخل
قاعة الفرز ، ساروي ما تسعفني به الذاكرة .. أما رأي زميلنا من تنظيم مؤتمر الطلاب المستلقين
فساعود له بعد نهاية الفرز .. وصلتنا ورقة صغيرة من الجبهة الديمقراطية والمسمي تحبباً ( ج د )
مكتوب بها :( ما ح نقدر نوصل لكم اي اكل ، الامن سيعتلقكم بمجرد خروجكم من دار الاتحاد) ..
زهجت جدا وقلت طيب الطريقة الوصل بيها الزميل الورقة دي موش كان ممكن الورقة تكون ساندوتش وبعد
الاعتقال اصلا عملهو لمنو موش لينا نحن ؟ مررت الورقة علي الدهنون وغازي .. طيب بعد ده ( الكنتة )
شنو ؟ والكنتة كلمة نتداولها وتعني الرأي شنو ؟
ساواصل
|
Post: #156
Title: Re: لست مناضلاً ولكنني ..... جزء من سيرتي الذاتية ( بالضرورة )
Author: بخاري عثمان الامين
Date: 10-06-2010, 02:03 PM
Parent: #155
Quote: والكنتة كلمة نتداولها وتعني الرأي شنو ؟
|
الجوع ما مشكلة اي اكل يدخل القاعة دي ان شاء الله بتاع الكيزان نشيل منه ..
بس قصة الاعتقال دي نحاول نتفادها وقد تأكد لي اننا لا محالة من الدار للسجن
همس احد الكوزات لمدير الجلسات وهو محمد خير فتح الرحمن ( ان شاء الله اكون كتبت
الاسم صاح ) قالت له : الشيوعيين ديل اصلو ما يطلعوا من هنا حيين ..
قررنا اننا لن نخرج من دار الاتحاد ليلا مهما كلف الامر يجب ان نقضي ليلتنا كلها داخل الدار
ومع التنظيمات السياسية الاخري ونطلع الشمس برة عشان الطلاب يشكلوا لينا حماية هذا من جانب
ومن جانب اخر نزيد عددنا ما امكن ولم يكن مسموحا بدخول الطلاب الا الذين يأتون مع الصناديق
وهكذا زاد عددنا بأن يقوم الزملاء بتسليم الصندوق والمكوث بالقاعة وان لم تخن الذاكرة كان
من بينهم زميل البورد علي عجب والذي كان يدرس حينهابكلية التربية ...
|
Post: #157
Title: Re: لست مناضلاً ولكنني ..... جزء من سيرتي الذاتية ( بالضرورة )
Author: بخاري عثمان الامين
Date: 10-06-2010, 02:20 PM
Parent: #156
| Quote: الجوع ما مشكلة اي اكل يدخل القاعة دي ان شاء الله بتاع الكيزان نشيل منه .. |
ولم يخيب ظني دقائق قبل صلاة المغرب وجاء كيس عضة كبير لجماعة انصار السنة
وقام شيخهم بادياً باليمين بتوزيع الساندوتشات وكانت بتاعت كبده وطبعا عمرنا كله
في الجامعة ما اكلنا كبده .. كنا نجلس نحن ممثلي الجبهة الديمقراطية جمب انصار
السنة بس علي يسارهم .. دهمتني المفاجاة عندما وصل الينا شاح ( بسندوتشاته ) بعيدا
طوالي ( قلعت ) الكيس واديت الشباب ساندوتشات ، سألته : ليه كده يا شيخنا نحن موش طلبة
معاكم ؟ رد لي بس انتو شيوعيين وما بتصلوا .. قلت له نحن ذاتنا ما شيوعيين جبهة ديمقراطية ساي
وحقيقي لم يكن لا الدهنون ولا غازي اعضاء في الحزب الشيوعي ..
|
Post: #158
Title: Re: لست مناضلاً ولكنني ..... جزء من سيرتي الذاتية ( بالضرورة )
Author: بخاري عثمان الامين
Date: 10-06-2010, 03:49 PM
Parent: #157
واستطعنا جرجرت الزمن وطلعت النتيجة الصباح حوالي ستة ونص
بفوز الاتجاه الاسلامي بفوز ساحق رفضنا التوقيع عليها ضحك محمد خير فتح الرحمن
وقال لينا عندكم واحد منكم هنا ح يوقع وفعلا في واحد مننا وقع عليها ( خ ) ..
طلعنا الشارع تقدمنا خطوات فتحرك بوكس خلفنا في تلك اللحظة وقفت عربة مرسيدس
بجانبي ظننت انها تابعة لجهاز الامن ولكن ركب فيها احد قيادات الطلاب المحايدين
طبعا لم افكر لحظة طوالي وجدوني معهم بداخل العربة سألني الشخص الذي يقود العربة
ماشي وين يا ابو الشباب ؟ قلت له اي حتة خلاف مباني جهاز الامن ... صديقنا من مؤتمر
الطلاب المستقلين افتكر ان العربة ارسلت لي شخصياً لان بقية زملاء ج د لم يركبوا بها
فظن ان ج د تفرق بين عضويتها ان شاء الله يكون عرف ان القصة تصرف ومخارجة مني فانا
اكره ان يتم اعتقالي او تعذيبي ...
|
Post: #159
Title: Re: لست مناضلاً ولكنني ..... جزء من سيرتي الذاتية ( بالضرورة )
Author: حسن الجزولي
Date: 10-06-2010, 07:21 PM
Parent: #158
يا بخاري تضحك سنيناتك زي ما بقول محسن خالد ..
لكين التحت دي بالغت فيها عديل:-
| Quote: يعني انا رضعتو من شطر باعوضة عشان تجيني ملاريا ما كان في داعي لحقنتك دي ... |
سردك ممتع عن جد,, ليه تذكرت الكاتب المغربي محمد شكري وأنا أقرأ هذه السيرة الذاتية لك؟
تحياتي للأسرة
|
Post: #160
Title: Re: لست مناضلاً ولكنني ..... جزء من سيرتي الذاتية ( بالضرورة )
Author: فيصل محمد خليل
Date: 10-06-2010, 07:29 PM
Parent: #159
حسن الجزولي شخصياً !!!!
|
Post: #161
Title: Re: لست مناضلاً ولكنني ..... جزء من سيرتي الذاتية ( بالضرورة )
Author: بخاري عثمان الامين
Date: 10-07-2010, 07:25 AM
Parent: #160
Quote: يا بخاري تضحك سنيناتك زي ما بقول محسن خالد ..
لكين التحت دي بالغت فيها عديل:-
Quote: يعني انا رضعتو من شطر باعوضة عشان تجيني ملاريا ما كان في داعي لحقنتك دي ...
سردك ممتع عن جد,, ليه تذكرت الكاتب المغربي محمد شكري وأنا أقرأ هذه السيرة الذاتية لك؟
تحياتي للأسرة |
حسن الجزولي بعيداً عن الصداقة انت مشهود لك بأنك كاتب ... وانت بهذا الحديث
تضع قلادة شرف افخر بها ...
ربما جمعني معي كاتب الخبز الحافي الفقر في كلا الحالتين ولكنه عاش ظروف اسوء مني ...
شكر يا حبيب وتحياتك وصلت لنجلاء والشباب
|
Post: #162
Title: Re: لست مناضلاً ولكنني ..... جزء من سيرتي الذاتية ( بالضرورة )
Author: أحمد ابن عوف
Date: 10-07-2010, 08:17 AM
Parent: #161
متابعين يا حبيب
محطات كثيرة بحكم الجيل والسن الواحد توقفت معك بها
القطينة
الجامعة
انتخابات 93
المبيت بدار الاتحاد حينما كان ابليس يعبث باصواتنا
المراقبة (كنت في لجنة علوم)
المحايد ابو بنز (هم اتنين بالمناسبة هندهم بنزات) وبعرفهم الاتنين
واحد محايد، وليحمدوا ربهم اننا الآن لسنا مناضلين
|
Post: #163
Title: Re: لست مناضلاً ولكنني ..... جزء من سيرتي الذاتية ( بالضرورة )
Author: بخاري عثمان الامين
Date: 10-07-2010, 11:31 AM
Parent: #162
Quote: متابعين يا حبيب
محطات كثيرة بحكم الجيل والسن الواحد توقفت معك بها
القطينة
الجامعة
انتخابات 93
المبيت بدار الاتحاد حينما كان ابليس يعبث باصواتنا
المراقبة (كنت في لجنة علوم)
المحايد ابو بنز (هم اتنين بالمناسبة هندهم بنزات) وبعرفهم الاتنين
واحد محايد، وليحمدوا ربهم اننا الآن لسنا مناضلين |
يا دفعة ياخ خش لي جوه واحكي معاي ...
|
Post: #164
Title: Re: لست مناضلاً ولكنني ..... جزء من سيرتي الذاتية ( بالضرورة )
Author: بخاري عثمان الامين
Date: 10-08-2010, 09:46 AM
Parent: #163
| Quote: حسن الجزولي شخصياً !!!! |
نعم يا فيصل هو حسن الجزولي شخصيا .. شفت اخوك طالع في الكفر كيف ؟
|
Post: #165
Title: Re: لست مناضلاً ولكنني ..... جزء من سيرتي الذاتية ( بالضرورة )
Author: Muhib
Date: 10-08-2010, 02:46 PM
Parent: #164
رد لي بس انتو شيوعيين وما بتصلوا
....
..ربنا يخلص السودان من الاسلام
|
Post: #166
Title: Re: لست مناضلاً ولكنني ..... جزء من سيرتي الذاتية ( بالضرورة )
Author: بخاري عثمان الامين
Date: 10-08-2010, 03:28 PM
Parent: #165
| Quote: رد لي بس انتو شيوعيين وما بتصلوا |
نحن شيوعيين وبنصلي وكمان بنصوم
|
Post: #167
Title: Re: لست مناضلاً ولكنني ..... جزء من سيرتي الذاتية ( بالضرورة )
Author: بخاري عثمان الامين
Date: 10-08-2010, 03:31 PM
Parent: #166
| Quote: ..ربنا يخلص السودان من الاسلام |
ربنا يخلي لينا الاسلام وكل الاديان وسائر كريم المعتقدات
ويخلص السودان من الكيزان وكل من يحاول استغلال الاديان
في استغلال الانسان ......
|
Post: #168
Title: Re: لست مناضلاً ولكنني ..... جزء من سيرتي الذاتية ( بالضرورة )
Author: بخاري عثمان الامين
Date: 10-08-2010, 06:49 PM
Parent: #167
شكرا يا المهيرة وعقد الجلاد
|
Post: #169
Title: Re: لست مناضلاً ولكنني ..... جزء من سيرتي الذاتية ( بالضرورة )
Author: Muhib
Date: 10-08-2010, 07:01 PM
Parent: #167
بخاري
قطعت قلبي
ربنا خلقك علشان تخلص
|
Post: #170
Title: Re: لست مناضلاً ولكنني ..... جزء من سيرتي الذاتية ( بالضرورة )
Author: امير مصطفى احمد
Date: 10-08-2010, 08:49 PM
Parent: #169
| Quote: ..ربنا يخلص الإسلام من الاوهام |
واصل يا باخ
|
Post: #171
Title: Re: لست مناضلاً ولكنني ..... جزء من سيرتي الذاتية ( بالضرورة )
Author: بخاري عثمان الامين
Date: 10-08-2010, 09:21 PM
Parent: #170
Quote: بخاري
قطعت قلبي
ربنا خلقك علشان تخلص |
والله وشرف سيدنا محمد لو فهمتك يا محب الحس المكوة حارة ....
عموما مكتوب في شهادة ميلادي :-
أسم المولود : بخاري
أسم الوالد : عثمان الامين جامد
أسم الوالدة : بشرية عباس عبد الرحمن
الديانة : مسلم
| Quote: ربنا خلقك علشان تخلص |
تخلص : تكون وفي
تخلص : تنتهي من عمل ما .
تخلص : تلحق امات طه ...
أختر الاجابة الصحيحة واذا كانت الاولي فانا ابذل مجهود خارق لاجلها
واذا كانت التانية البوست وتعني بها البوست فممكن تجلي الموضوع برمته وشوف لك بوست آخر ..
واذا كانت التالتة فكل ابن ادم يوما ما علي الة حدباء محمول ...
وبرضو لك ودي
|
Post: #172
Title: Re: لست مناضلاً ولكنني ..... جزء من سيرتي الذاتية ( بالضرورة )
Author: مناهل ابراهيم
Date: 10-08-2010, 11:27 PM
Parent: #171
ياسلام
حياتك مدرسه يابخارى ( عاش متزن ونبيل )
واصل
|
Post: #173
Title: Re: لست مناضلاً ولكنني ..... جزء من سيرتي الذاتية ( بالضرورة )
Author: بخاري عثمان الامين
Date: 10-09-2010, 08:10 AM
Parent: #172
Quote: Date: 09-10-2010, 05:03 ص
From: Elmuiz Haggaz
To: بخاري عثمان الامين
Subject: سلام
سلامات بخارى.....
لى زى إسبوع بقرا في بوستك (لست مناضلا ولكننى....)
وما عارف اكتب اقول ليك شنو, البتعملوا فيهو انت
ونجلاء
في الدنيا دي مافى لغة او تعابير ممكن تستوعبوا,
المفردات زاتا عندها حد لما تجى تعبر عن
حاجة او شيئ حاصل لكن البتعملوه انتوا دا ما ممكن
تعبر عنه اى مفردات صاغها بنى ادم.....
واصلوا يا بخاري وتاكدوا انه الحاجات عندها تاثيرها
طال الزمن او قصر....
معز حجاز
(ممكن تكون ما متزكرنى لكن اتلاقينا مرة واحدة
(وكانت اخر مرة اقابل فيها الراحل عماد الامين), في
حفل البلابل في نادى الضباط قبل رحيله ببضع شهور).
ما عندى مشكلة انك تنزل الرد دا في البوست بس خجلت
اكتبه هناك.
|
فقط التعليق الوحيد: انني كنت ما قادر ادخل حفلات البلابل
بعد رحيل تؤم الروح عماد .. كسرت الحاجز في الحفلة الاخيرة
لكن لمن غنوا لون المنقة سالت دموعي دون ارادتي ربنا يرحمك يا عماد
|
Post: #174
Title: Re: لست مناضلاً ولكنني ..... جزء من سيرتي الذاتية ( بالضرورة )
Author: بخاري عثمان الامين
Date: 10-09-2010, 08:14 AM
Parent: #173
Quote: ياسلام
حياتك مدرسه يابخارى ( عاش متزن ونبيل )
واصل |
مناهل ازيك وين مواعيدكم ياخ ...
نجلاء الحقي مناهل بتغني لي غنوة الشهيد
لحقتني علي فضل ...
|
Post: #175
Title: Re: لست مناضلاً ولكنني ..... جزء من سيرتي الذاتية ( بالضرورة )
Author: بخاري عثمان الامين
Date: 10-09-2010, 08:36 AM
Parent: #174
Quote: Quote: ..ربنا يخلص الإسلام من الاوهام
واصل يا باخ |
آمين يا امير .. سواصل يا حبوب
|
Post: #176
Title: Re: لست مناضلاً ولكنني ..... جزء من سيرتي الذاتية ( بالضرورة )
Author: بخاري عثمان الامين
Date: 10-09-2010, 10:58 AM
Parent: #175
| Quote: محطات كثيرة بحكم الجيل والسن الواحد توقفت معك بها |
شمار كده يا أحمد هسه عندك كم من الابناء ؟
|
Post: #177
Title: Re: لست مناضلاً ولكنني ..... جزء من سيرتي الذاتية ( بالضرورة )
Author: Muhib
Date: 10-09-2010, 02:22 PM
Parent: #176
باخ
ماعايز اهاجمك لانك مثل ملايين السوادنه مسلم ولكن الشريعه ماعاجبه التقول الشريعه كعبه
انت محمد دا مش نبي الاسلام ومؤسسه?
ياخ الانقاذ ارحم وعلي الاقل مستغلين الدين ويعني لو طبقوا الاسلام
الصحيح كانت مرقتك منه..
طالما السوداني مقتنع بان الاسلام سمح وزين لن تقوم دوله علمانيه ..
وصدقني انا اكن لك محبه ويسوع مخلصك الوحيد ..انا بس دغري
|
Post: #178
Title: Re: لست مناضلاً ولكنني ..... جزء من سيرتي الذاتية ( بالضرورة )
Author: زينب بدر الدين
Date: 10-09-2010, 02:46 PM
Parent: #176
أشهد أنك مبدع ومناضل
وإبن مناضلة فخرا لكل من يعرفها ناهيك عن من ينتمى لها
لم أبكى كما بكيت لكتابة كما بكيت فى إعتقال جمال
وفى معاينة الجامعة
ضحكت وأنا أتذكر تقديم البعض لى بالمناضلة
أين نحن منك يا إبن بشرية
أصبحت أحتاج لتعريف واضح لكلمة مناضل التى تجمعك ب
يالها من سيرة حياة وسيرة نضال وسيرة أم
|
Post: #179
Title: Re: لست مناضلاً ولكنني ..... جزء من سيرتي الذاتية ( بالضرورة )
Author: بخاري عثمان الامين
Date: 10-09-2010, 02:54 PM
Parent: #178
Quote: باخ
ماعايز اهاجمك لانك مثل ملايين السوادنه مسلم ولكن الشريعه ماعاجبه التقول الشريعه كعبه
انت محمد دا مش نبي الاسلام ومؤسسه?
ياخ الانقاذ ارحم وعلي الاقل مستغلين الدين ويعني لو طبقوا الاسلام
الصحيح كانت مرقتك منه..
طالما السوداني مقتنع بان الاسلام سمح وزين لن تقوم دوله علمانيه ..
وصدقني انا اكن لك محبه ويسوع مخلصك الوحيد ..انا بس دغري |
محب يا عسل ساعود لك مطولاً ...
|
Post: #180
Title: Re: لست مناضلاً ولكنني ..... جزء من سيرتي الذاتية ( بالضرورة )
Author: عاطف اسماعيل
Date: 10-09-2010, 03:11 PM
Parent: #179
يا بخارى سلام وتسلم على الحكى الانيق ، والرحمة
والمغفرة للخالة بشرية ، ومستمتع جداً بالبوست ،
قبل وبعد انضمامى لعوالم سودانيزاون لاين .
ومتوقع تفاصيل عن عملك فى البنيان !!!
وتحياتى لنجلاء والعصافير
|
Post: #181
Title: Re: لست مناضلاً ولكنني ..... جزء من سيرتي الذاتية ( بالضرورة )
Author: بخاري عثمان الامين
Date: 10-09-2010, 05:01 PM
Parent: #180
Quote: أشهد أنك مبدع ومناضل
وإبن مناضلة فخرا لكل من يعرفها ناهيك عن من ينتمى لها
لم أبكى كما بكيت لكتابة كما بكيت فى إعتقال جمال..
وفى معاينة الجامعة
ضحكت وأنا أتذكر تقديم البعض لى بالمناضلة
أين نحن منك يا إبن بشرية
أصبحت أحتاج لتعريف واضح لكلمة مناضل التى تجمعك ب
يالها من سيرة حياة وسيرة نضال وسيرة أم |
ويا لك من امراة يا ام ولاء اول انثي تتقلد منصب رئيس اتحاد
اعرق جامعة سودانية ( جامعة الخرطوم ) ..
جمال زهرة شباب الديم يحس باوجاع اهله ومشاكلهم ،
احاول انتقاء اجمل الكلمات للرد عليك ولكنني للاسف لم املك ناصية لغة الضاد
لكن اوعدك لمن اقابلك احكي كتير عن جمال عبد الرحمن ..
تحياتي للولد والبنية
|
Post: #182
Title: Re: لست مناضلاً ولكنني ..... جزء من سيرتي الذاتية ( بالضرورة )
Author: بخاري عثمان الامين
Date: 10-09-2010, 05:02 PM
Parent: #181
| Quote: ومتوقع تفاصيل عن عملك فى البنيان !!! |
جدا لكن والله شعرت بوجع الكتف من قدح المونة حا نحكيها نهاية
ليل اليوم ...
|
Post: #183
Title: Re: لست مناضلاً ولكنني ..... جزء من سيرتي الذاتية ( بالضرورة )
Author: محمد مكى محمد
Date: 10-09-2010, 07:37 PM
Parent: #182
يا سلام يا باخ
مناضل وستين مناضل ولسه معاك 90 فى الميه من شعب السودان.
فى بلد الواحد يعيش فيها يوم جديد ده فى حد زاتو نضال.
لاتحتاج الذهاب إلى كوبر أو شالا .
أنت داخل سجن كبير فى أى بقعه فيه.
واصل ياخ وسلم على نجلاء والشباب فى أمدرمان.
|
Post: #184
Title: Re: لست مناضلاً ولكنني ..... جزء من سيرتي الذاتية ( بالضرورة )
Author: بخاري عثمان الامين
Date: 10-09-2010, 09:37 PM
Parent: #183
Quote: ومتوقع تفاصيل عن عملك فى البنيان !!!
|
عاطف في الاول مرحب بك في وطن من لا وطن له وبوصيك هنا عاين فقط للنصف الممتلي من الكوب ( معليش الهمزة قلعتها كلارا )
تخرجت من قسم العلوم السياسية بجامعة هي الافضل وكان عددنا بسيط جدا مثل اصابع اليد وظنت ان من حقي ان اكون موظفاً بحكومة جمهورية السودان
التي احفظ نشيد علمها ( نحن جند الله .. جند الوطن ) والتي يتلصق جنسي بها متي سألت : جنسيتك فارد فخوراً : سوداني
فتقدمت لثلاثة معاينات الاولي لبنك وقفلت الامتحان وقفلت تعني احرزت الدرجة الكاملة .. وذهبت للجنة القبول وقالوا لي عايزين فقط خرجيين تربية قلت لهم انا
ممكن ادرس ما عندي مشكلة ( وممكن اجيب شهادة خبرة ) ما بين القوسين لك انت يا عاطف وليس للجنة فشهادة الخبرة هي في تدريس كورس المرشحين للحزب ..
لكنهم رفضوا .. والثالثة كانت لوزارة الخارجية وقابلني كوز من الجامعة قال لي : دي بالغت فيها معقولة شيوعي يشتغل في الخارجية ...
عموما لم يتصل بي البنك .. ووزراة الخارجية كنت انتظر منها فقط الاعتذار كي احكي به لابنائي ولكنهم فتحوا لي ...
حا اديها قفزة كده من تاريخي عشان اجيك لتجربة البنيان :
اسوء احساس في الدنيا تكون متزوج وعاطل .. كنت انوم قليلا رغم انني في الديم بين احبابي واصدقائي .. صحيت بدري جدا وقلت الليلة شغال شغال مهما كانت طبيعة الشغل
|
Post: #185
Title: Re: لست مناضلاً ولكنني ..... جزء من سيرتي الذاتية ( بالضرورة )
Author: بخاري عثمان الامين
Date: 10-09-2010, 09:43 PM
Parent: #184
Quote:
يا سلام يا باخ
مناضل وستين مناضل ولسه معاك 90 فى الميه من شعب السودان.
فى بلد الواحد يعيش فيها يوم جديد ده فى حد زاتو نضال.
لاتحتاج الذهاب إلى كوبر أو شالا .
أنت داخل سجن كبير فى أى بقعه فيه.
واصل ياخ وسلم على نجلاء والشباب فى أمدرمان. |
ياخ انت وين لبته كده مالك تعال تلقانا نحن يانا نحن
وتحياتك وصلت لنجلاء وام در كلها .. وانا ام درمان
|
Post: #186
Title: Re: لست مناضلاً ولكنني ..... جزء من سيرتي الذاتية ( بالضرورة )
Author: Amjed
Date: 10-10-2010, 01:15 AM
Parent: #185
انتا يا باخ
القصة دي مدورة ليها كم هنا و انا ما عندي خبر
كان اقلاها تضرب تلفون ياخ
غايتو سيرة تش عين الضلام بالضوء دي ما تنتهي باخوي و اخوك
ابقا طيب و لي قدام
|
Post: #187
Title: Re: لست مناضلاً ولكنني ..... جزء من سيرتي الذاتية ( بالضرورة )
Author: بخاري عثمان الامين
Date: 10-10-2010, 07:30 AM
Parent: #186
| Quote: بدري جدا وقلت الليلة شغال شغال مهما كانت طبيعة الشغل |
صباح الخير يا عاطف وأخبار مصر كيفها وأخباري المعاها ...
امتطيت البص من محطة التعاون بالديم الشرقية ونزلت في السكرية واتجهت الي
ابو جنزير ( هسه طبعاً السكرية ما في وابو جنزير ذاتو مافي )
قعدت افكر ياتو شغلانة ممكن تكون ما محتاجة لي انك تكون كوز ؟
اذا هي الاعمال الحرة .. وبما ان صديقي بدر والحائز علي مرتبة الشرف من قسم
العلوم السياسية قد اتجهت للعمل في البنيان قررت بسرعة وحزم البحث عنه والعمل معه ..
وصلت بدر الموقع محكمة شيخ ابوزيد بسوق ليبيا وهسه لمن اجئ بهناك بتذكر المحكمة وهي
ورق وخرط وخطوط بالجير علي الارض .. حفرت مع الباقين الساس ووضعنا حجر الجبل في الساس ..
بالمناسبة بدر كان المقاول والمعلم كان الاستاذ عاكف اسماعيل وعاكف محامي شاطر لكن تباً
للنظام .. عملت بالبناء قرابة ثلاثة شهور استفدت منها اكثر من اي شغلانة تانية علمتني الصبر
ساعود
|
Post: #188
Title: Re: لست مناضلاً ولكنني ..... جزء من سيرتي الذاتية ( بالضرورة )
Author: أحمد ابن عوف
Date: 10-10-2010, 07:42 AM
Parent: #187
سلام يا بخاري
ونزلا عند طلبك بأن نحكي وكتبت في مقدمه البوست نزولا عند رغبة
اخينا بخاري
حينما يعتقل الامن جثة شهيد .. طارق محمد ابراهيم حين استشهد في احضاني
هاك من الشمار، لي من الابناء اربعة
ويدك معاي لو عندك ذكريات فيما يخص توثيق استشهاد الجميل طارق محمد ابراهيم
|
Post: #189
Title: Re: لست مناضلاً ولكنني ..... جزء من سيرتي الذاتية ( بالضرورة )
Author: بخاري عثمان الامين
Date: 10-10-2010, 09:00 AM
Parent: #188
ومثلك أنا
لارا
يارا
أمين
كلارا
يبدو ان دفعتنا ولادة بنت المستكفي ...
|
Post: #190
Title: Re: لست مناضلاً ولكنني ..... جزء من سيرتي الذاتية ( بالضرورة )
Author: بخاري عثمان الامين
Date: 10-10-2010, 09:21 AM
Parent: #189
Quote: انتا يا باخ
القصة دي مدورة ليها كم هنا و انا ما عندي خبر
كان اقلاها تضرب تلفون ياخ
غايتو سيرة تش عين الضلام بالضوء دي ما تنتهي باخوي و اخوك
ابقا طيب و لي قدام |
الدكتور .. هي ليست سيرة هي جزء من سيرة
نحكي منها فقط ما يدلل علي انني : لست مناضلاً ولكنني.......
فأنت اكمل النقاط
تسلم وتحياتي لساندرا
|
Post: #191
Title: Re: لست مناضلاً ولكنني ..... جزء من سيرتي الذاتية ( بالضرورة )
Author: بخاري عثمان الامين
Date: 10-11-2010, 07:57 AM
Parent: #190
Quote: الاول ان الجبهة الديمقراطية تفرز بين اعضاءها
والثاني انني بخاري واحد ج ب ا ن جدا فمن اين وصل الي هذا ؟ |
وما جعل صديقنا ( مؤتمر طلاب مستقلين يوقن بانني ج ب ا ن )
عندما اعلن ان البشير سيزور الجامعة .. اجتمعت التنظيمات السياسية
ومن ضمنها ج د ( الجبهة الديمقراطية ) اها سا شباب عمكم البشير دا
قرر يجينا الجامعة ! مؤتمر الطلاب المستقلين قال : يدخلها مشياً علي ( جثثنا )
لابد ان نتصدي له عند البوابة وما يدخل الجامعة خالص .. وكان رأي انا علي النقيض
البشير يدخل الجامعة ونستفيد من زيارته اعلامياً .. لقاء البشير ح يكون في الميدان
الشرقي نقوم نحشد كل الطلاب في علوم والميدان الشرقي ما ح يكون فاضي لانهم ح يجيبوا
كوادرهم من جامعات تانية لذا نجهز شعاراتنا بحيث يصل هتافنا لاعلي من صوت المايك بتاع
البشير وكل الاعلاميين الجايين للقاء البشير ح يندهشوا ان هنالك اكثر من خمسة الف طالب
متواجدين بغير مكان اللقاء هم طلاب جامعة الخرطوم الحقيقيين والطلاب الديكور بالاضافة لطلاب
الاتجاه الاسلامي بالجامعة اقلاها يعرفوا حجمهم الطبيعي .. زميلي بمؤتمر الطلاب المستقلين قال لي
انت اصلا ما زول مواجهات و ج ب ا ن قلت له معليش المعارضة ( تاكتيك ) يا فردة .. وجاء القائد
المفدي والرئيس الاعلي عمر حسن احمد البشير وفشل اللقاء بهتافنا المتواصل وحدثت ربكة والبوليس
فك البمبان وقعت واحد من البمبان جمب الرئيس وعمل شتات ... بالمناسبة في صحفي سأل اذا كان
الطلاب مع ثورة الانقاذ طيب البهتفوا ديل منو ؟
|
Post: #192
Title: Re: لست مناضلاً ولكنني ..... جزء من سيرتي الذاتية ( بالضرورة )
Author: بخاري عثمان الامين
Date: 10-11-2010, 09:12 AM
Parent: #191
Quote: من أول دخلة لي للعاصمة، واحنا ولاد أقاليم، حبيت المكان الاسمو الديم ده،
عشقت ناسو وبيوتو وزقاقاتو وفسحاتو العجيبة،
وبالاخص مجانينو، ودراويشو،
|
بدري اليأس معليش للتأخير يا فردة
ناس الديم بتحبو والله بتحبو يا بدري ...
الديم مقسم مربعات وكل مربع فيه فسحة في نص المربع
وكل كم مربع فيهم ميدان كبير لكن هسه اختلف الامر ومكان الميدان
في كميات بتاعت اسمنت اتخت وكانت المتنزهات والفسحات دي رئات للناس
لانه مساحة البيوت ضيقة جدا 200 متر مربع للبيت ..
عموما ربنا يرد غربتك وتجئ تشتري بيت في الديم
|
Post: #193
Title: Re: لست مناضلاً ولكنني ..... جزء من سيرتي الذاتية ( بالضرورة )
Author: بخاري عثمان الامين
Date: 10-12-2010, 07:27 AM
Parent: #192
اتصل بي الحبيب مرتضي جعفر وعرضاً قال لي : معقولة
تحكي سيرتك وما تجئ فيها ذكري مرتضي وغسان جعفر ..
قلت له اذا جات سيرتكم هسه اكتب عن منو ايام عرسي ..
|
Post: #194
Title: Re: لست مناضلاً ولكنني ..... جزء من سيرتي الذاتية ( بالضرورة )
Author: بخاري عثمان الامين
Date: 10-15-2010, 10:24 AM
Parent: #1
****
|
Post: #195
Title: Re: لست مناضلاً ولكنني ..... جزء من سيرتي الذاتية ( بالضرورة )
Author: بخاري عثمان الامين
Date: 10-15-2010, 12:41 PM
Parent: #194
| Quote: قلت له اذا جات سيرتكم هسه اكتب عن منو ايام عرسي .. |
وباعتباري لست مناضلاً ولكنني ..... فقد تزوجت من نجلاء سيد أحمد بالطريقة الحااحكيها
اذا وافقت زميلة البورد بأن اسرد قصة زواجنا ( دا حفظاً للحقوق الادبية وكدا ) وانا في
انتظارها ...
|
Post: #196
Title: Re: لست مناضلاً ولكنني ..... جزء من سيرتي الذاتية ( بالضرورة )
Author: نجلاء سيد أحمد
Date: 10-15-2010, 02:42 PM
Parent: #195
Quote: وباعتباري لست مناضلاً ولكنني ..... فقد تزوجت من نجلاء سيد أحمد بالطريقة الحااحكيها
اذا وافقت زميلة البورد بأن اسرد قصة زواجنا ( دا حفظاً للحقوق الادبية وكدا ) وانا في
انتظارها |
سلام باخ احكى وانا افخر بها سيرة
|
Post: #197
Title: Re: لست مناضلاً ولكنني ..... جزء من سيرتي الذاتية ( بالضرورة )
Author: محمد أبوالعزائم أبوالريش
Date: 10-15-2010, 09:55 PM
Parent: #196
| Quote: سلام باخ احكى وانا افخر بها سيرة |
شفت كيف يا ود بشرية؟
ضوّك أخضر
يالاّ ...... أحكي
|
Post: #198
Title: Re: لست مناضلاً ولكنني ..... جزء من سيرتي الذاتية ( بالضرورة )
Author: الزبير صالح الزبير
Date: 10-15-2010, 11:26 PM
Parent: #197
ناس الديم بتحبو والله بتحبو
تعرف يا بخاري اول مرة اجي الخرطوم من عطبرة مشيت الديم من محطة السكة حديد الخرطوم للديم مباشرة بيت جدي احمد ادريس بركية يمكن سنة 74 م ، ومن ما اذكرة ان اليوم داك كان اول مرة في حياتي اشوف تلفزيون، اول حاجة عملتها مشيت خلف التلفزيون عشان اشوف الزول القاعد بيتكلم وراء الصندوق دة ، لانة لم يخطر ببالي وقتها سوي ان الشخص مندسي خلف الصندوق وبيتكلم
تحياتي
|
Post: #199
Title: Re: لست مناضلاً ولكنني ..... جزء من سيرتي الذاتية ( بالضرورة )
Author: بخاري عثمان الامين
Date: 10-16-2010, 01:54 PM
Parent: #198
Quote: شفت كيف يا ود بشرية؟
ضوّك أخضر
يالاّ ...... أحكي |
والاخدر يا يمة جنني ( الاخضر شعار كلية الاقتصاد بجامعة الخرطوم )
سنحكي كثيرا يا ابو الريش
|
Post: #200
Title: Re: لست مناضلاً ولكنني ..... جزء من سيرتي الذاتية ( بالضرورة )
Author: بخاري عثمان الامين
Date: 10-16-2010, 02:00 PM
Parent: #199
| Quote: بيت جدي احمد ادريس بركية يمكن سنة 74 م |
الزبير يا حبيب انت من اسرة ديامية عريقة وهم جيران لنا ..
|
Post: #201
Title: Re: لست مناضلاً ولكنني ..... جزء من سيرتي الذاتية ( بالضرورة )
Author: بخاري عثمان الامين
Date: 10-17-2010, 11:42 AM
Parent: #200
*****
|
Post: #202
Title: Re: لست مناضلاً ولكنني ..... جزء من سيرتي الذاتية ( بالضرورة )
Author: بخاري عثمان الامين
Date: 10-17-2010, 08:13 PM
Parent: #201
تمت خطبتنا طبعاً انا ونجلاء ( فقد خضت تجربة تتويج علاقات الحب بتلبيس الدبل مرة واحدة في حياتي ) في رأس السنة بتاع 1995
وفي يوليو من ذات العام والخرطوم قاعدة في غلاية الصيف ودرجة الحرارة فوق الاربعين درجة حزمنا امرنا صوب الزواج واخترنا
شهر نوفمبر وقد تمت هذه المفاوضات في الاستوب بتاع الجامعة ونحن ننتظر حافلات بحري كي تقلنا الي المحطة الاوسطي بحري
برة النص ( يا كوز يا من حرضني لكتابة جزء من سيرتي الذاتية شوف نوفمبر حصل لي فيه شنو :-
1. انا مواليد نوفمبر
2. تزوجت في نوفمبر
3. تخرجت من جامعة الخرطوم في نوفمبر
4. ولدت كبري بناتي في نوفمبر
وخامسا وهي المهمة اتمني ان اموت ايضاً في نوفمبر )
ساعود بعد شوية
|
Post: #203
Title: Re: لست مناضلاً ولكنني ..... جزء من سيرتي الذاتية ( بالضرورة )
Author: بخاري عثمان الامين
Date: 10-17-2010, 08:47 PM
Parent: #202
وضربنا نوفمبر موعدا للزواج عشان اكون خلصت امتحانات ( المستوي التالت ) ... ( اجمل ما في هذا البورد واصعبها في نفس الوقت ان تبحث في العربية
لمصطلحات مرادفة لمسميات جامعة الخرطوم الانجليزية ) ... وعموما هذا الامر سيفرح صديقي عزت الماهري ان كان مواظباً علي تصفح المنبر ومثله اشرف سعد
ومعتز اب شرو وهم ( فراعه .. من جامعة القاهرة فرع الخرطوم ) لهم رأي راسخ بأن اولاد جامعة الخرطوم مطنقعين في الفارغة ساي ...
ونجلاء كانت قد انهت امتحانات الشهادة السودانية وهذه الامتحانات كانت سر بداية علاقتنا فقد استعانت بي نجلاء لتدريسها مادة الرياضيات واستاذ منعم جنقو قال لي
لاحقا : قلنا لك درسها انت سمعت عرسها ...
|
Post: #204
Title: Re: لست مناضلاً ولكنني ..... جزء من سيرتي الذاتية ( بالضرورة )
Author: بدر الدين اسحاق احمد
Date: 10-17-2010, 10:18 PM
Parent: #203
ونجلاء كانت قد انهت امتحانات الشهادة السودانية وهذه الامتحانات كانت سر بداية علاقتنا فقد استعانت بي نجلاء لتدريسها مادة الرياضيات
يا زول عندنــا فصــل تقويــة بتاع شهادة سودانيــة ( كلامك شنو ) جاهــز 
|
Post: #205
Title: Re: لست مناضلاً ولكنني ..... جزء من سيرتي الذاتية ( بالضرورة )
Author: محمد أبوالعزائم أبوالريش
Date: 10-17-2010, 10:27 PM
Parent: #204
| Quote: فقد استعانت بي نجلاء لتدريسها مادة الرياضيات |
أيوااااااااا
وإنت ما صدّقت ..... ضربت وجمعت وطرحت و ......... قسمت
إنشاء الله تكون نجحت في الرياضيات بس
أهو كده يادوب النضال بدأ
_____
ياخ والله البوست ده يخلي الواحد يحبكم ................... زيادة
|
Post: #206
Title: Re: لست مناضلاً ولكنني ..... جزء من سيرتي الذاتية ( بالضرورة )
Author: بخاري عثمان الامين
Date: 10-18-2010, 08:53 AM
Parent: #205
| Quote: يا زول عندنــا فصــل تقويــة بتاع شهادة سودانيــة ( كلامك شنو ) جاهــز |
بدر الدين باقيلك اربعة اطفال ومدير مبيعات وقاوت وارتفاع ضغط الدم
بقدر اقول لك جاهز .. زمني فات وغناي مات ..
بالجنبة :
اخبارك ووليداتك ..
|
Post: #207
Title: Re: لست مناضلاً ولكنني ..... جزء من سيرتي الذاتية ( بالضرورة )
Author: بخاري عثمان الامين
Date: 10-18-2010, 09:01 AM
Parent: #206
Quote: أيوااااااااا
وإنت ما صدّقت ..... ضربت وجمعت وطرحت و ......... قسمت
إنشاء الله تكون نجحت في الرياضيات بس
أهو كده يادوب النضال بدأ
|
تصدق يا ابو الريش تأخرت مقابلتي لنجلاء ثلاثة شهور كاملة
لاني اعتذرت عن مقابلتها وتدريسها في البداية بسبب انشغالي
بالسياسة ولكن وعموما بدء حبنا بمسائل التحليلية والجبرة والتفاضل
والتكامل .. شفت بدينا من حتات مشربكة ومعقدة كيف ..
|
Post: #208
Title: Re: لست مناضلاً ولكنني ..... جزء من سيرتي الذاتية ( بالضرورة )
Author: بخاري عثمان الامين
Date: 10-19-2010, 07:21 AM
Parent: #207
| Quote: ياخ والله البوست ده يخلي الواحد يحبكم ................... زيادة |
البوست بس ...
|
Post: #209
Title: Re: لست مناضلاً ولكنني ..... جزء من سيرتي الذاتية ( بالضرورة )
Author: بخاري عثمان الامين
Date: 10-19-2010, 08:37 AM
Parent: #208
اذا قررنا الزواج وحددنا الموعد فماهي الاحيتاجات .. كلما نحكي لشخص كيف
تزوجنا بقول علينا كضابين عموما قمنا بالغاء كل المعوقات التي ستحول بيننا
والزواج وهي ( الشيلة ، الريحة ، العزومة أم ضبايح ، العشاء ، الحفلة ) واكتفينا
بأن نبدل الدبل من اليد اليمين الي اليد الشمال
نواصل
|
Post: #210
Title: Re: لست مناضلاً ولكنني ..... جزء من سيرتي الذاتية ( بالضرورة )
Author: بخاري عثمان الامين
Date: 10-24-2010, 07:37 AM
Parent: #209
علاقة القائد الاممي معمر القذافي بزواجنا :-
قرر القائد الاممي معمر
ساواصل السرد لاحقاً
|
Post: #211
Title: Re: لست مناضلاً ولكنني ..... جزء من سيرتي الذاتية ( بالضرورة )
Author: بخاري عثمان الامين
Date: 10-28-2010, 07:24 AM
Parent: #210
| Quote: علاقة القائد الاممي معمر القذافي بزواجنا :- |
كان يا ما كان لدينا منزل بالكلاكلة القبة قسمناه الي اثنين
وقررت اسرتي ( الكبيرة ) الهجرة الي ليبيا التحاقا بأبي وانا
استعصمت ببيت الكلاكلة وكانت الخطة ان استأجر منزلا واسكن انا ونجلاء
في الجزء التاني وبما اننا قد حددنا مواعيد الزواج فقد بدأت نجلاء
ترتيباتها كي تظهر في يوم المناسبة بشكل مختلف يعني ( اتحبست ) للزواج
وفي ذات الزمن حجزت لاسرتي للسفر الي ( الجماهيرية العربية الليبية الاشتراكية العظمي )
ودا الاسم الرسمي لها والمكتوب انذاك في طوابع بريدها التي تزينها صورة الاخ القائد الاممي
معمر القذافي وفجأة قرر هذا القائد طرد كل السودانيين من ارض ليبيا والتي كانت تسمي ارض
كل العرب في اتجاهه نحو غابات افريقيا .. فطار البيت وطارت احلام هجرة اسرتي ولم يطير الزواج
فقد تمسكت نجلاء بالمواعيد وذي ما تجئ تجئ .. كان رأيي تأجيل الزواج لتوفيق الاوضاع ونجلاء رفضت
وأصرت علي خوض التجربة هكذا ...
|
Post: #212
Title: Re: لست مناضلاً ولكنني ..... جزء من سيرتي الذاتية ( بالضرورة )
Author: بخاري عثمان الامين
Date: 11-06-2010, 09:12 AM
Parent: #211
وعموما اختم البوست بما كتبته من سيرتي الذاتية
واقول انني لست مناضلا ولكنني لن اخذل او اخون الرجل المكتوب اسمه ضمن
هذه الكوكبة وسابذل دمي رخيصاً لاجل عرضي وشرفي وكرامتي فان كان كل ذلك
ليس نضالاً فلك يا سيد التسميات بلا حدود ...
بخاري عثمان الامين حامد ود الفكي عبد الله
|
Post: #213
Title: Re: لست مناضلاً ولكنني ..... جزء من سيرتي الذاتية ( بالضرورة )
Author: بخاري عثمان الامين
Date: 11-21-2010, 07:46 AM
Parent: #212
Quote: وانا والله بكيت ايضا للسببين
عندك ام البتقوم ساعة الهوشه والفرحه بدون ماتلبس ثوبها
وتكرم والجيب فاضى والعند الله قريبه لامثال هولاء
لك الحق ان تفخر فانت كنت على علم بان الفلوس التى تصرفها
وانت صغير جات من وين لك ولامك التحيه
شكرا |
قفلت البوست ولكن محادثة من الغالي خالد المحرب اعادتني اليه
فقد عاتبني انني لم ارد علي مداخلته وحقيقي انا عندي مشكلة نبهني
لها الخال عبد الرحمن بركات سابقاً ونبهتني لها عزيزتي نجلاء لاحقاً
وهي خلل في الرد علي المتداخلين واتنين لو قالوا لك رأس مافي حقو
تتحسسو وديل ما أي اتنين ... عموما يا خالد افخر بك وافخر بأمي
واعتز بكل قرش صرف علينا جاء من بين دخاخنين نيران الطعمية ندفع منه
للمدرسة ونشتري به مس التترسايكلين للعيون التي ارهقتها قومة بدري
ودخان الحطب .. وللايادي التي تشققت ونشفت من البرد انحني احتراما
ولوالدتي التي ترقد في ارض الشيخ خوجلي تحرسها الرايات المطرزة ودقات
الطار من الدراويش ودعواتهم لها بالجنة لها كل المحبة والتقدير ....
خالد اعفي لي ...
|
Post: #214
Title: Re: لست مناضلاً ولكنني ..... جزء من سيرتي الذاتية ( بالضرورة )
Author: بخاري عثمان الامين
Date: 11-21-2010, 09:37 AM
Parent: #213
Quote: الشكر لصاحب الرسالة , الذي لولا رسالته لما كان هذا البوست الراتع !!!
واصل يا باخ ... متابعين و مستمتعين . |
يا دكتور مجيد تسلم يا حبيب وشكرا علي المرور
|
Post: #215
Title: Re: لست مناضلاً ولكنني ..... جزء من سيرتي الذاتية ( بالضرورة )
Author: بخاري عثمان الامين
Date: 11-21-2010, 09:42 AM
Parent: #214
Quote: سلامات يا بخاري ..
أعرف أن حياتك بها الكثير المثير ..
لذا سأتابع بشغف |
دكتور محمد قرشي وما لاتعرفه ان بها الخطير ( خطير باللبن )
وهدفي من البوست انني ابذلها رخيصة اي حياتي لتأكيد قناعات آمنت بها
اشكرك علي الشغف فالمتابعة حقي بالصداقة لوووول
|
Post: #216
Title: Re: لست مناضلاً ولكنني ..... جزء من سيرتي الذاتية ( بالضرورة )
Author: بدر الدين اسحاق احمد
Date: 11-21-2010, 10:14 AM
Parent: #215
اول شئ كل عام وانت والمدام والعيال بالف خيــر
والعام القابل انت فى بيتك ( ملك حــر ) من عرقك
تقفل البوســت تمشـــى ويــن يا زول قول بسم الله
موضوع ( هدوم العيــد ) و موضوع ( خروف العيــد )
والوالدة عليها الف رحمة تكابــد لتلبسون الجديد فى كل عيد
وخروفكم مــع الخرفان يكورك الليل كلو ( باع باع باع )
بالمناسبة يا بخارى انت قاعد تحكــى فى قصــة كثير مننــا .. والغريب فى الحكى بتجيب تفاصيل كل زول
الله يرضى عليك واصـل
|
Post: #217
Title: Re: لست مناضلاً ولكنني ..... جزء من سيرتي الذاتية ( بالضرورة )
Author: بخاري عثمان الامين
Date: 11-21-2010, 10:28 AM
Parent: #216
Quote: بالمناسبة يا بخارى انت قاعد تحكــى فى قصــة كثير مننــا .. والغريب فى الحكى بتجيب تفاصيل كل زول
الله يرضى عليك واصـل |
لذا تجد السودانيين يحبون السيرة الذاتية
فعلا يا بدر بيوت الديم متشابه لدرجة المبالغة
ساواصل حتما وكل سنة وانت طيب والسنة الجاية أفضل
|
Post: #218
Title: Re: لست مناضلاً ولكنني ..... جزء من سيرتي الذاتية ( بالضرورة )
Author: ASHRAF TAHA
Date: 11-21-2010, 10:43 AM
Parent: #217
تحيات وسلام كتير يا زول يا نضيف
بالله سلام خاص للعزيز جدا جمال عبد الرحمن
|
Post: #219
Title: Re: لست مناضلاً ولكنني ..... جزء من سيرتي الذاتية ( بالضرورة )
Author: بخاري عثمان الامين
Date: 11-21-2010, 01:29 PM
Parent: #218
Quote: لكنني....
أبوشنب
لكن زلابيتنا أفخم من زلابيتكم ...
هل تقدر زلابيتكم أن تتباع من الشباك
زي ما زلابيتنا البتخلص قبل الشروق...
فشر... |
المسافر ... زلابيتكم كنتوا بترموها في الزيت الساعة كم ؟
|
Post: #220
Title: Re: لست مناضلاً ولكنني ..... جزء من سيرتي الذاتية ( بالضرورة )
Author: بخاري عثمان الامين
Date: 11-21-2010, 01:33 PM
Parent: #219
Quote: تحيات وسلام كتير يا زول يا نضيف
بالله سلام خاص للعزيز جدا جمال عبد الرحمن |
والله يا أشرف مشتاقين
|
Post: #221
Title: Re: لست مناضلاً ولكنني ..... جزء من سيرتي الذاتية ( بالضرورة )
Author: خالد المحرب
Date: 11-21-2010, 01:47 PM
Parent: #213
الاخ بخارى مرات الواحد بكون ما محظوظ
انا اعتبرك من الناس المحظوظبن لعدة اسباب
السبب الاول انك ترفع هذا البوست الجميل الذى
فيه تاريخ اعز شى عندك من الارث لا قروش
ولا سلطه هى مبادى فقط هى الوالده
الشى التانى انا اعجبت جدا بى كلامك عن والدتك العظيمه
وانت ما رديت على الحمد لله انو البوست الجميل رجع بى سببى
انا لكن برضو انا دايرك ترضينى تجيب لى صور مدرسة الجيلى
وتفتح لى بيها بوست تقول لى دى مدرسة الجيلى الكانت ليها راى
فى فيما يدور فى القصر الجمهورى
|
Post: #222
Title: Re: لست مناضلاً ولكنني ..... جزء من سيرتي الذاتية ( بالضرورة )
Author: بخاري عثمان الامين
Date: 11-21-2010, 03:45 PM
Parent: #221
Quote:
انا لكن برضو انا دايرك ترضينى تجيب لى صور مدرسة الجيلى
وتفتح لى بيها بوست تقول لى دى مدرسة الجيلى الكانت ليها راى
فى فيما يدور فى القصر الجمهورى |
سمعاً وطاعة يا محرب
|
Post: #223
Title: Re: لست مناضلاً ولكنني ..... جزء من سيرتي الذاتية ( بالضرورة )
Author: حمد عبد الغفار عمر
Date: 11-21-2010, 06:02 PM
Parent: #222
الأخ بخاري
كل سنة وانت طيب
رأيك شنو انا قريت البوست دا كلو بنفس واحد
كتابة مريحة جدا وسرد رائع والله
واصل ياخي حكاوي وزيد من حياة الديم كمان
الاحياء الشعبية دي جميلة
وبتحس فيها برسوخ الحياة وجمالها.
|
Post: #224
Title: Re: لست مناضلاً ولكنني ..... جزء من سيرتي الذاتية ( بالضرورة )
Author: بخاري عثمان الامين
Date: 11-22-2010, 10:08 AM
Parent: #223
Quote: الأخ بخاري
كل سنة وانت طيب
رأيك شنو انا قريت البوست دا كلو بنفس واحد
كتابة مريحة جدا وسرد رائع والله
واصل ياخي حكاوي وزيد من حياة الديم كمان
الاحياء الشعبية دي جميلة
وبتحس فيها برسوخ الحياة وجمالها. |
تشكر يا حمد علي المرور وتكبد مشاق الاطلاع ...
نعم الاحياء الشعبية الحياة فيها راسخة وجميلة
واهم ما فيها انها ترضعك معاني سامية ونبيلة
التكاتف والنفير والتعاضد وتوفير الحماية فانت اخو البنات
|
Post: #225
Title: Re: لست مناضلاً ولكنني ..... جزء من سيرتي الذاتية ( بالضرورة )
Author: بخاري عثمان الامين
Date: 11-23-2010, 11:54 AM
Parent: #224
| Quote: والعام القابل انت فى بيتك ( ملك حــر ) من عرقك |
والله دي أجمل دعوة يا بدر الدين
|
Post: #226
Title: Re: لست مناضلاً ولكنني ..... جزء من سيرتي الذاتية ( بالضرورة )
Author: بخاري عثمان الامين
Date: 11-23-2010, 12:48 PM
Parent: #225
أمس نبهني صديق ليس عضواً معنا هنا بأن أضع عنوان البريدي
فهو يريد الكتابة الي وهانذا استجيب وشكرا يا ( حبيب )
[B][email protected]
|
Post: #227
Title: Re: لست مناضلاً ولكنني ..... جزء من سيرتي الذاتية ( بالضرورة )
Author: بخاري عثمان الامين
Date: 11-24-2010, 07:33 AM
Parent: #226
[email protected]
|
Post: #228
Title: Re: لست مناضلاً ولكنني ..... جزء من سيرتي الذاتية ( بالضرورة )
Author: saif massad ali
Date: 11-30-2010, 02:13 PM
Parent: #227
شكرا يا خال لو تابعت هذا البوست من الاول لاكتفيت
عن سؤالي لك ياللخو انت بخاري سيد عثمان الامين حامد الفكي عبدالله
|
Post: #229
Title: Re: لست مناضلاً ولكنني ..... جزء من سيرتي الذاتية ( بالضرورة )
Author: إدريس البدري
Date: 12-01-2010, 04:33 PM
Parent: #228
هو انت بتقفل علي كيفك يا بخاري؟
خسمتك بأعز ما لديك إنك تواصل في البوست..بصراحة كدة وبيني وبيني شايف نفسي فيهو
تحياتي ياخ
|
Post: #230
Title: Re: لست مناضلاً ولكنني ..... جزء من سيرتي الذاتية ( بالضرورة )
Author: بخاري عثمان الامين
Date: 12-02-2010, 02:46 PM
Parent: #229
| Quote: هو انت بتقفل علي كيفك يا بخاري؟ |
الغالي ادريس البدري ابدا والله ما علي كيفي خالص بس
تقول شنو ؟ ياخ انا خليني اشكي لك شوية وعلي العلن
( المعايش جبارة ) واليوم كله بقي وراء حلة الملاح
|
|