|
Re: بين صقور المؤتمر والحركة ضاع اولاد امانويل (Re: على ميرغني)
|
يا عمي علي .. كدي أسأل جوزيف زكريا قول ليهو الزول دا حيحصل عليهو شنو؟ إمانويل دا ما جنوبي ممكن نقول عليهو دينكاوي (أو قبيلته) من الشمال. الجنوبي دا هوالزول العايش في الجنوب. وكتار مولودين في الشمال وعمرهم ما شافوا الجنوب بس قبائلهم جنوبية.. ديل شماليين تب. تحياتي.
كبـَّـاشي الصــَّافي
| |
|
|
|
|
|
|
Re: بين صقور المؤتمر والحركة ضاع اولاد امانويل (Re: cantona_1)
|
شكرا ابن اخي على المرور امانويل من دينكا بحر الغزال الكبرى ــــــــــــــــ امانويل هذا علم نفسه بنفسه واصبح قسيس في الحي الذي يسكن فيه في منطقة سوبا غرب وترشح في الانتخابات السابقة لمجلس تشريعي ولاية الخرطوم عن دائرته وبعد بعض الضغوط تنازل جلست معه اليوم لنتناقش حول الاستفتاء ومآلاته
| |
|
|
|
|
|
|
Re: بين صقور المؤتمر والحركة ضاع اولاد امانويل (Re: على ميرغني)
|
سألته عن رايه في الاستفتاء ونتائجه رغم ان عيون امانويل ضيقة لكن بالجد شفت شبح الدموع فيها .. ودموع الرجال غالية خاصة القبائل الرعوية والدينكا منهم قال ان الحركة الشعبية اخطاءت خطاء كبير لانها لم تحقق او لم تسعى لتحقيق التنمية في الجنوب منذ اول سنوات الفترة الانتقالية .. وحلل الموضوع دا انو قيادات الحركة ما كانت عايزة تعطي احساس بانها تسعى للانفصال ...
| |
|
|
|
|
|
|
Re: بين صقور المؤتمر والحركة ضاع اولاد امانويل (Re: على ميرغني)
|
امانويل حكى عن تجربة العودة الطوعية السابقة الى الجنوب ... قال انو الحركة سلمت كل عائد مبلغ مائة جنية رغم انو المانحين وفروا مبلغ بالدولارات اكبر من كدا بعشرات الاضعاف تمنح لكل عائد طوعي.زز والاكتر من كدا انو الجنوبيين الموجودين في الجنوب كانوا بنظروا للعائدين من الشمال على انهم خائنين.ز وتعرض العائدين لنهب عينك عينك تحت تهديد السلاح واخذوا منهم كل اغراضهم المنزلية خاصة السراير والمراتب
| |
|
|
|
|
|
|
Re: بين صقور المؤتمر والحركة ضاع اولاد امانويل (Re: على ميرغني)
|
سالتو عن رايو في فرص استمرار الجنوب كدولة كان واضح وقال انو الجنوب غير قادر حالياً على استيعاب الملايين الممكن يرجعوا من الشمال ودول اللجؤ .. وقال انو الناس دي كلها حتستقر في جوبا ومدينة جوبا مدينة محدودة المساحة ودا ح يكون سببلتوترات الامنية والعنف القبلي
| |
|
|
|
|
|
|
Re: بين صقور المؤتمر والحركة ضاع اولاد امانويل (Re: على ميرغني)
|
توقع امانويل ان لا يحقق الاستفتاء نتيجة 50+1 والرجوع لفترة انتقالية ثانية تستمر لفترة ستة سنوات امانويل قال انو معظم جنوبي الشمال ح يفضلوا البقاء في الشمال حتى لو انفصل الجنوب... خاصة انو في اجيال كتيرة اتولدت هنا في الشمال ومابتعرف حاجة عن الجنوب ... امانويل ختم كلامو بانو لو ناس السياسة قادة المؤتمر الوطني والحركة الشعبية طلعوا من حياة المواطنين السودانيين وخلوهم براهم ممكن يتعايشوا مع بعض بسلام ... لكن الناس ديل عايزين مصالحهم المبنية على ضرورة تقسيم السودان
| |
|
|
|
|
|
|
Re: بين صقور المؤتمر والحركة ضاع اولاد امانويل (Re: على ميرغني)
|
عن تصريحات كمال عبيد قال امانويل انو حقو لو حصل انفصال يتم التعامل مع الجنوبيين بالشمال بصورة افضل من الاجانب الآخرين (اللاجئين الاثيوبيين مثلاً) يعنى يكون ليهم الحريات الاربعة ...وكرر نفس العبارة تاني (لو الحكومة والحركة طلعوا من بين الشعب السوداني وخلونا برانا انحنا بنعرف كيف نعيش مع بعض بدون مشاكل)
| |
|
|
|
|
|
|
|