ليه البورد بقى مسييييخ كده؟؟

و شمس الدين
تحياتى
وعيدية القابلة تتحقق الامنيات
وايضا كذلك .. ليه البورد مسيخ؟؟؟






قاسم المهداوى
هامش
تحياتى لمن معك

عام سعيد يا قاسم.
أشواق يا صديقى الغالى والحبيب,
وكيف الذين بطرفكم من أحباب,
عساكم جميعاً بخير؟؟

والله البورد بقى مش بس ناقصه ملح,
ده بقى ناقصه ملاح عديييل كده. يعنى
بقى ما زى زمان, ولا تكون المساخة
دى جوات الواحد وهو ما جايب خبر
وعاملها فى البورد ساكت؟؟
غايتو الله يهون يا قاسم.
محيتى لكم

يا كباشى مرات بتحس إنه الزول ما عليه بالكلام الإنت كاتبه,
ولا بالطرح, بس هو عاوز معاك مشكلة بأى شكل, وعن الفراغ
والخواء فحدث ولا حرج, وعن سلاطة اللسان والبذاءة حتى فحدث
بكثير من الحرج, بل أن البعض يتباهى بأنه سليط وقليل أدب,
وجاهز عشان "يرشك" ويسمعك العمرك ما سمعته. الله يلعن السياسة
يا كباشى, خربت البلد ماكن ما تمشى وتخت عينك ولا يدك.

الحل شنو يا ناس؟؟؟

مرحباً خالد.
ما ذكرته حقيقة, مش بس شلليات, بل عصابات,
ومجموعات تتنادى لنصرة بعضها (عمّال على بطّال),
وفى معاركها الطاحنة التى لا تبقى ولا تزر, يضيع
الكثير من الأمور تحت الرجلين, وأولها المكانة التى
كانت تسم هذا المنبر فيما مضى.
أما عن الغثاء الذى يطفح وينضح به البورد, فحدث..... وبكثير من الحرج
وبعدين يا خالد, الحل وين وشنو؟؟؟
محبتى

لأخ عبد الله

الحل انك تعيش في عالم تعمله براك ، تختار أصحابك ، تختار إهتمامتك براك يا أخوي

عذرا لنبرة الحرن " الرشيده " دي، لكن الواحد بقي يمشي على أطراف أصابعه الأيمات دي

الدنيا لسه بخير ، لكن دير ليهو تفتيش كتير،


خلينا ناس شعر ودب ، وفتش عن الجمال

بس يا خالد إختيار الكتابة بهذا المكان يعنى
أنك كنت قد إخترت, ومنذ البدء أن تعيش فى عالم ذو إتجاهين, تتبادل فيه
الأفكار والرؤى وحتى الأحلام, فكيف يمكن للمرء أن يعيش فى عالمٍ
من صنعه وحده من بعد كل هذا الإنفتاح على أفق الآخرين؟؟!!
ما عنيته, أحسسته ويحسه الكثيرين غيرى هو غياب (الروح) عن
الكتابات التى تسوّد المنبر!!!!!
بالطبع هناك الكثير من الكتابة التى يمكن تصنيفها وإدراجها فى خانة
المفيدة, لكنها تفتقر للروح, وللنبض والحس الذى من المفترض أن
يتوفر بالنص حتى يترك أثره فى حنايا المرء, وبالتالى قد يؤثر فى
إحساسه او رأيه, أو رؤيته لأمرٍ ما. هذا ما أحسه أنا هذه الأيام,
وأحسه ويحسه الكثيرين الذين صار حضورهم هنا غير مرئى, وغير فعّال,
يعنى يجوا يتاوقوا ويطلعوا, ولا يحرك ما يدور هنا فيهم شعرة التفاعل
والتبادل والإنفعال.
مسيييخ يا خالد, وعاوز "دليخ" عشان الواحد يقدر "يزدرد" بوستاته.

كنت عايز أكون معاك متفائل شوية لكن الواقع الحالي

ما مبشر شديد ، عشان كدا الفكرة الأساسية انوا

الواحد يقضي وقت جميل ، يشوف الحاجة ألي في مزاجو ويعملها

شوف ليك نفر نفرين ، بنفس الاهتمامات وخلاص

الواحد عندو أفكار كتيرة ، لكن خليها في الراس أحسن

في أمان الله، اللهم صلي علي سيدنا محمد

ياخ حرام عليك البورد بيعيش ايام متفردة تقول مسيخ؟
مشاكل ما كنا بنحلم نقراها

الاخ عبدالله

تحايا

البورد ده مرآة حقيقية لينا ولمستوى وعينا ..يعني السلوكيات الفيه دي ما مستلفنها من اية حتة...! ببساطة لانها لاتوجد في مكان اخر....

المحمده ان البورد يحتفظ لنا بكل هذه السوءات امامنا في كل يوم عسى ان نراها فنستحي من انفسنا ..على الاقل !!!

عامك سعيد يا أسامة

Quote: البورد ده مرآة حقيقية لينا ولمستوى وعينا ..يعني السلوكيات الفيه دي ما مستلفنها من اية حتة...! ببساطة لانها لاتوجد في مكان اخر...

هذه الحقيقة المخيفة راودتنى كثيراً, لكنى كنت أطردها كلّما عنّت لى,
لكنها تظل تعود للطفو فوق عقلى بشكل عنيد, ومثابر.
يقول الكثيرين أن البورد هو صورة مصغرة للسودان,
وهذه حقيقة مؤسفة والله, لأن الجميع يعلم أن السودان فى
طريقه للتشظى, إلى كم من الأجزاء لا ندرى بعد (يعلم الله).
ثم أن تاريخ صراعنا السياسى وإقتتالنا غير ببعيد عن الأذهان,
ولا هو غائب عن الذاكرة.
فهل حقيقى أننا هكذا, هل هذه هى حقيقتنا وصورتنا الواقعية؟؟!!!

لكن ما عنيته أنا هو كيف أن البورد بات غير فوّاح, وصار قاتماً
بلا روح ولا نبض, ولا تكون الحكاية داخل روح الواحد يا اسامة؟؟؟

محبتى لك

عام سعيد لك وللأسرة يا أساسى

Quote: مشاكل ما كنا بنحلم نقراها

ياخ عمرى ما إتخيلت قدرة الناس وإستعدادها للمشاكل زى ما حاصل هنا!!!!
يعنى تحيرنى المبادرة يالعداء والإستعداء !!!!!
لغة جارحة, مهينة, مستخفة ومتعالية, والأغرب أنها
تفترض ألآ باطل يأتى كاتبها لا من بين يديه ولا من خلفه ....
والله كثيراً ما تسآءل المرء عن جدوى البقاء فى هذا المكان.
يعنى معقول الزول يحرص على المكوث فى مكان لا يقدم
له إلآ كل اذىً وأذية؟؟؟
فقط لولا القلّة من الأقلام, والقلة من الصحاب,
لبات هذا الفضاء قاعاً صفصفا.
محبتى يا أساسى

والله فعلا بقى مسيخ مرات الواحد ادخل البورد عشان اخفف على

نفسو من قرف القربه تلقى ليك بوستات وردود تزيد غربتك

اقول ليك بصراحه يا عبدالله تعبته من عدم فهمى للشخصية السودانيه

ومرات بتحير عديل كده اصقاطات عجيبه ودا كل بيصب فى ماسورة

عطائنا فنتاجها عدم الصدق والامانه والحقيقيه فى مجالات كثيره

واهمه الكتابه..........................رغم انو هنالك من من

يحاول ان ياتيك بكتابات رصينه ممتعه قويه متخصصه هادفه فهذا كل ما تبقى لنا فى الزمن الصعب ده

وفكرة سودانيس اونلاين فكره حميله ويمكن انو الناس تستفيد منها اكتر من كدة لو نظرنا لها جميعا كاعضاء فى داخل المنبر

بعين المسؤليه التامه فقد تكون مكان برح لنستجم فيه ..............


لك محبتى اخى عبدالله

سونا الحبيبة. أشواق عاتية لك وللأسرة.

والله مسألة محبطة ومخيّبة جداً.
فإذا فسد الملح, فبماذا يملّح؟؟!!
هذا المكان لم يكن مجرد واحة أو متنفس,
هذا المكان كان حديقة, وبراحاً يتنادى إليه
الناس بكل الشوق واللهفة.
كان مجرد الإنضمام لهذا المكان يبعث الزهو والغبطة
فى النفوس, كيف لا وهو المكان والزمن الإفتراضى
الذى يجد فيه المرء ما يشبع روحه وكيانه, ما يثير شجونه
وحنينه, ما ينفخ روح الجمال فى حناياك, وما يجعل للفضاء
ايادى وقلوب تحتضن, تربت وتواسى, وتزيل ما يعلق بنسيج الروح
من بقع الحزن ونقاط المرارة والأسى.
لكن بات هذا المكان مؤلماً, مفتوحاً على الأذى والإيلام والتجريح.
إحساس مريع ان تكون محاصراً بخوفك من الخطو فى أرض تعتقد
انها لك, وانك منها.
الواحد بقى يخاف يقول أى حاجة لأى زول حتى لا يهب فيه البعض
مستخفاً, محقِّراً ومسيئاً, أو مجرّحاً ومستفزاً وقاتلاً للمعنويات.

Quote: لو نظرنا لها جميعا كاعضاء فى داخل المنبر بعين المسؤليه التامه فقد تكون مكان برح لنستجم فيه

يا ريت الناس تعرف تبعث المسؤولية والإلتزام فى داخلها من جديد.

محبتى يا سونا. كونى ومن معك بخير

عبد الله الحبيب
بشكل شخصي أحزنني إنو موضوعك ده جا في الوكت الانا فيهو زي ما شايف نشيط خلاص، (بالنسبة لي مجرد اني اتواصل ده نشاط ما عادي، خلي افتح بوست).
وبشكل عام، يا صاحبي المكان ده دي ياها طبيعتو، من الأول
بس الناس بتاعين الكتابة والدعوة للجمال والمسامحة والتصافي والنقاش والمحاورة كانوا اكتر وده كان في زمن لا انا ولا إنت انضمينا ليهو.
وحسب تجربتي، واظنها سبقت تجربتك، كل الناس بتجي متحمسة للمحل ده وفي ظنها إنها ممكن تعمل شي عشان تسند الحال المايل.
وبتحبط،
وده حصل علي، لكن برضو كنت مصر على إننا حا ننتصر، طالما ما انتصرنا على أرض الواقع وما بقت بلدنا زي ما نحنا عايزين قلت حا يكون "الهِنا " زي ما نحنا عايزين.
وواصلت،
وبديت مشروع التوثيق لمجايليّ "المحرومين وقتها" من مثل هذه الامكانات، وبديت سلسلة وعنونتها بـ"دعوة للجمال".
لكن قبل ما تتعلم المشي كانت الفاجعة
وكان رحيل قرنق
وكان ما كان،
حاولنا أن نقف وأن ننفض كل الرماد "الكال حماد"..
أن نتحدى العاصفة،
ولكن،
برضو كان ما كان،
وبتنا كلنا ناءٍ غريب (كما قال أحمد محمد علي وغنى ابو داؤود)..
،
من أيامها وعدت فقط من القراء الموسميين،
وربما هذه -برضها- من الاخطاء التاريخية، كما هو إفراغ البلد بدعوى المعارضة الخارجية، فيتمكن الذئب من الغنم السايبة بلا راعي.
بعدها حصل الطمر الإنقاذي للمنبر،
وتعرف أنه عدو لا يستهان به،
يجيد قواعد اللعبة "لمن تتكيف منو".
ونحن - لا عفا الله عنا- لسه بعاااااااااد عن امتلاك آليات التعامل معه كما تفيد أدوات المعارضة التي لم تتجاوز "المُفْرَاكة" للاستخدام في خلط وتماسك الفعل السياسي.
الآخر بيقرا وبيفهم يا عبد الله
وناسنا، المفروض أهل الفهم والراي، لا بيقروا ولا حتى بيقربوا أما الفهم "فهو قِسم" زيو زي السماحة وزي الرزق
،
غايتو
طولت عليك،
لكن الوجعة واحدي، وانا الايام دي متحمس. عشان شنو ما عارف.
عليه أرجو إنو ألقى الزيك معايا.
كيتاً علي الجودلية.
،
بالمناسبة، الجودلية دي منو؟
،
طاب خميسك يا صاحب
،
،

بدرى الجميل, "الولد العجيب", أشواق يا صاحب
قلت:-

Quote: بشكل شخصي أحزنني إنو موضوعك ده جا في الوكت الانا فيهو زي ما شايف نشيط خلاص، (بالنسبة لي مجرد اني اتواصل ده نشاط ما عادي، خلي افتح بوست).

أما أنا فأقول, ربما كان لكسل/ك, و(من شابهوك) اليد الطولى فى تسلل جحافل القبح إلى هذا المكان,
ومن ثم لقاع روح المرء, وبشكل شخصى أحزننى غيابكم هذا, والذى (أجدب هذا المكان), حيث أنكم
كنتم حامل مسك الروح, الذى يفيض "طيبه" وينداح ليطفو فوق عرصات كل الأمكنة, وما كان هنا إلآ
ما توسمناه من "منتدىً" تنادت إليه كل الأصوات والأقلام التى "كالها" المنفى, منفى المكان, ومنفى الأوان.
لكن أنظر أين إنتهينا يا حبيبى!!!
وبشكل عام، يا صاحبي المكان ده دي ياها طبيعتو، من الأول
وبشكلٍ عام, فهذا المكان يشبه الوطن الكبير, والذى سكنته أشباح الظلام, فلم إفتراض
نجاته وخلوّه مما ينغِّص, فقط, فقد كان ترياقه أقوى من سمومه فيما مضى, وذلك أوانُ لم
نشارك فيه نحن إلآ بتتبع بوصلة من نهوى شخوصهم وكتاباتهم, لذا فقد كنا بعيدين عن (رشاش)
وزخّات رصاصهم الطائش, لأننا ما كنا ندنو من أسوارهم, ولا ساقتنا أقدامنا حتف أنوفنا إليهم،
الشئ الذى أوجزته فى قولك هنا:-

Quote: بس الناس بتاعين الكتابة والدعوة للجمال والمسامحة والتصافي والنقاش والمحاورة كانوا اكتر وده كان في زمن لا انا ولا إنت انضمينا ليهو. وحسب تجربتي. Quote: كل الناس بتجي متحمسة للمحل ده وفي ظنها إنها ممكن تعمل شي عشان تسند الحال المايل. وبتحبط، ما يصيب المرء باليأس, وإحساس اللآ جدوى هو قدرة الكثيرين هنا على "حشرك" عنوةً, وبجرّة قلم فى قالبٍ ما, وإنتماءٍ ما أنت منه براءً , وحين ترفض ذلك, لا لعيبٍ فى القالب, بل لأنه وببساطة محض إفتراضٍ غير سليم, ونتاج قراءة لا أقول فطيرة, بل هى قراءة أقل ما توصف به هو أنها (خطرفة) الجاهل, ليس بشئٍ واحدٍ فحسب, بل بكل الأشياء و ... "أبقى شاطر وأمرق من قالبو ده تانى". ثم أن الدنيا لا تنحصر فى أُطُر ما هو سياسى, ولا فى حدود ما هو حكومة ومعارضة فقط, فهناك براحات أكبر من كلكل الحكومات, وهو حتماً أعلى من سقوف كل معارضات العالم, فلم الإصرار على الحصر؟؟ Quote: وربما هذه -برضها- من الاخطاء التاريخية، كما هو إفراغ البلد بدعوى المعارضة الخارجية، فيتمكن الذئب من الغنم السايبة بلا راعي. بعدها حصل الطمر الإنقاذي للمنبر آه منها تلك البوابة الخبيثة, و "غض الطرف" الذى يرقب دبيب نمل أفراد المعارضة, خرج الكثيرين وفق هندسة الإنقاذيين الخبيثة هذه فى التغاضى عن خروج فلول المعارضة ورموزها, تغاضوا وهم يكتمون ضحكاتهم الخبيثة فى أكمامهم لأنهم كانوا يقيناً يعلمون أنها (أى تلك المعارضات) ستموت حتماً حين إنفصالها عن مشيمة الناس فى البلاد, وقد كان, فقد أخذت تلك البلاد البعيدة الناس فى تلافيف أوضاعها الجديدة, تيار الحياة الدافق هناك, والإبتعاد القسرى/ الطوعى أرخى قبضاتهم عن عنان جياد النضال والصراع (ليس هذا نقد), وقد كان ما كان. أما عن الطمر, والغمر, فدعنى "آخد نفسى" اولاً يا صديقى, وقد لا أرد بعدها, لأن ليس هناك ما يقال, فالــ :- Quote: لكن الوجعة واحدي كما أسلفت يا حبيبى, الجرح واحد, والعين التى تبكى واحدة. Quote: وانا الايام دي متحمس. عشان شنو ما عارف. عليه أرجو إنو ألقى الزيك معايا. كيتاً علي الجودلية. وخليك كده متحمس دايماً يا صاحب, وكيتاً للجودلية التى نجهل, وحتى لا نقول فى آخر التطواف, "عجبنى للمرغوت" كما تلك العجوز التى إحترقت دارها, فهل ستحترق دارنا يا صديقى, أو بالأحرى, هل سيحترق (ما تبقى) من دارنا يا بدرى؟؟!!! أرقد عافية يا بدرى, وخليك (موقداً بهذا الحماس, ومتقداً كما جمرة الحشا المغبون) يا صاحب. كن بخير. محبتى عذراً لخطأ إختلاط كتابتى بالإقتباسات, الشئ الذى لم أنجح فى تعديله.

---

Post: #23 Title: Re: ليه البورد بقى مسييييخ كده؟؟ Author: عوض محمد احمد Date: 09-23-2010, 08:37 PM هناك تغيير مخيف اصاب سلوكيات اهل السودان فى الاونة الاخيرة هناك الكثير من العدوانية و عدم احتمال الاخر و الاستعداد المحير للمباداة بالشر تتلقى مكالمة جافة لدرجة بعيدة, و تتوقع انها من جهاز امنى او من صاحب شيك مرتد, فاذا بها من احدهم عائز يشحدك قروش غابت الحساسية و الذوق من حياتنا هذا الصباح تلقت احداهن مكالمة من ادارة روضة ابنها الصغير كانت نبرة المتحدثة من الروضة تدل ان مكروها اصاب الصغير, فاذا بها المحاسبة تطالب بتسديد القسط هذه هو حالنا داخل و خارج المنبر المنبر صار عدوانيا اكثر من اللازم و ما دام عدد القراء كما هو لا ينقص, فلن ينتبه القائمون على امره لاصلاح الحال و دمتم

---

Post: #24 Title: Re: ليه البورد بقى مسييييخ كده؟؟ Author: بدري الياس Date: 09-23-2010, 10:00 PM Parent: #23 Quote: تتلقى مكالمة جافة لدرجة بعيدة, و تتوقع انها من جهاز امنى او من صاحب شيك مرتد, فاذا بها من احدهم عائز يشحدك قروش والله يا عوض جد مخيف، ومرعب كمان، والعجب بتاع الروضة، معقول بقينا كده؟ قبل كم سنوات، وكنت مشترك انترنت تجاري وقتها، وآل أمر التحصيل لشركة خاصة. جاءت إحداهن في أحد الأيام وهي في عتادِ الحرب، مدججة بكل اللؤم والقبح والجفاف، لتطالبني بدفع الفاتورة، تساءلت لما العداوة؟ فنحن طرفان في تعاقد، وكلانا مستفيد. طلبت منها أن تتحلى بقليل من اللطف، فالأمر لا يحتمل، وأنا أسدد ما علي، انفجرت في، ورمتني بالتهرب وأشياء أخرى وانا ابتسم، فلم أكن أسدد من خلال شركتهم وكنت على تعاقدي الأول مع الشركة ، وأسدد مباشرة، لكن حيرني أن تلك الفتاة كانت بكل ذلك الاستعداد للعداء ولم يكن هناك ما يلزم بذلك. كيف لم تتصور أننا ربما نلتقي في نسب ما في خلاء ما؟ كيف لم تتصور أنني ربما أكون صديقاً أو رفيقاً أو حتى جاراً لأحد ما من من تعزهم؟ فنحن كسودانيين نضع لهذه المسائل حساب قبل مبادءتنا بالعداوة. ، دمت أخي ونلتقي،

---

Post: #26 Title: Re: ليه البورد بقى مسييييخ كده؟؟ Author: عبدالله شمس الدين مصطفى Date: 09-24-2010, 05:57 PM Parent: #23 العزيز عوض, التحايا وكل سنة وإنت طيب. Quote: هناك تغيير مخيف اصاب سلوكيات اهل السودان فى الاونة الاخيرة هناك الكثير من العدوانية و عدم احتمال الاخر و الاستعداد المحير للمباداة بالشر تتلقى مكالمة جافة لدرجة بعيدة, و تتوقع انها من جهاز امنى او من صاحب شيك مرتد, فاذا بها من احدهم عائز يشحدك قروش قال محدثى سائق لتاكسى بحسرةٍ ولوعة, "الناس زمان كانت نضيفة جوه وبرّه" فتزامن إيقاع قوله مع كلمات عادل إمام الساخطة وهو يترنح فى فلم (عمارة يعقوبيان), "الناس كانت مؤدبة, البلد كانت نضيفة". تغير مرعب ومخيف اصاب سلوكنا كما قلت يا عوض, إكتسبنا الكثير من الرذائل, وإستنهضت هذه الأوضاع كل قبيحٍ فينا, واخرجت كل دميم, وكل دمامل النفس وقيحها. تعلمنا الكذب, تعلمنا الخيانة, تعلمنا الغدر والطعن فى الظهر ونحن نرتدى أوسع وأجمل الإبتسامات !!!! ماذا جرى للناس, ماذا جرى لنا, هل تبرر قساوة الدنيا كل هذه البشاعة؟؟؟ وهنا هو (شريحة), وقطاع لجلد المجتمع, فما ينضح هنا, هو ما يفور ويغلى هناك, وتنزّ مياهه فى أرواحنا. Quote: غابت الحساسية و الذوق من حياتنا كنت أمشى فى طرقات الخرطوم ونحن نعتذر عن إعاقتنا لطريق احدهم, أو لمجرد تلامس الأكتاف, والدوس على قدم احدهم عن طريق الخطأ, ولا حياة لمن تنادى, فلا أحد يلتفت لك ولا يعير إعتذارك إنتباهاً. راح الناس المهذبين المؤدبين, وصار الإعتذار قيمةً لا قيمة لها, بل صار يعنى كل شئ, إلآ ما درج السابقون على فهم معناه ومقصده, وصارت الكلمات السحرية مثل "عفواً, عذراً ولو سمحت" كانها جاءت من كوكبٍ آخر فيما مضى من الأيام. Quote: هذه هو حالنا داخل و خارج المنبر نعم, ويااا للأسف على ذلك. هذا هو حالنا ومخبرنا, هنا أو هناك, فلا عجب أن ما يحدث لنا, يحدث وبكل هذه الفجاجة. محبتى لك يا عوض. كن بخير

---

Post: #27 Title: Re: ليه البورد بقى مسييييخ كده؟؟ Author: عزيز عيسى Date: 09-24-2010, 06:25 PM Parent: #26 الأخ عبدالله شمس الدين وضيوفه الكرام، قرأت كل حرف كتبتموه وعبرتم عما يجول بخاطرنا وما نشعر به من حزن لما يدور هنا من خلافات بين الأخوان والأخوات أبناء الوطن الواحد. ونسأل ماذا جرى للناس؟ ومن أين هذا التحول الغريب في طبع الناس. يازول قول يا لطيف وربنا يصلح الحال.

---

Post: #28 Title: Re: ليه البورد بقى مسييييخ كده؟؟ Author: عبدالله شمس الدين مصطفى Date: 09-24-2010, 06:41 PM Parent: #27 مرحباً يا عزيز, عامك سعيد بإذن الله. Quote: ونسأل ماذا جرى للناس؟ الذى جرى ويجرى كبير بلا شك, لكنه ليس بفداحة ما نصنعه بأنفسنا هنا من تعدّى وتجاوز فى حق بعضنا البعض. كثيراً ما كان الناس يعلقون على خراب الحال, لكنهم لم يكونوا جزعين لأنه لا خوف علينا ولا نحن نحزن طالما كان هناك (إنسان), والان هنا, تجد الكثير من الناس, ولا تجد الإنسان. لسنا طوباويين, ولا نحلم بمدينة فاضلة تمشى الملائكة على طرقاتها, لكن هذا المكان كان من المفترض أن يكون مكاناً مختاراً, أقل ما تجده به هو الإحترام والتقدير, دع عنك ما كنا ولا زلنا نصبو إليه من إعتباره زبدة مسرح القول والفعل, وصفوة المشتهى والمأمول من السلوك المهذب والراقى, لكن......... صار المكان ساحة حرب, الكل يحمل أسلحته, والكل يستبيح عرض اخيه, والساحة ملأى بأشلاء الجثث والدماء والدموع. ليه كل ده؟؟ يا لطيف يا عزيز, وربنا يهدّى سرّنا, وسر الاخرين. محبتى. كن بخير

---

Post: #29 Title: Re: ليه البورد بقى مسييييخ كده؟؟ Author: محمد الكامل عبد الحليم Date: 09-26-2010, 06:25 AM Parent: #28 تحية طيبة ....اتفق معك يا اخي عبد الله ...انه عالم ساس يسوس..وحالة الاستقطاب الحادة التي يحفل بها واقعنا ...ثم ناتي الي شخصنة الامور وعقلية مع او ضد..تمتد بدك بالتحية للبعض فلا تجد غير الصدود...تقليدية السلوك والمعايشة سمة بارزة ينبغي مواجهتها بكل الرؤي الجميلة..وبالمزيد من الحب والاحترام للجميع... دعنا نعمل سويا لمحاربة كل اشكال القبح...طالما يجمعنا فضاء انساني واسع...مرحبا بك صديقا جديدا..

---

Post: #30 Title: Re: ليه البورد بقى مسييييخ كده؟؟ Author: عبدالله شمس الدين مصطفى Date: 12-04-2010, 07:14 PM Parent: #29 عزيزى محمد الكامل, التحية. عذراً يا عزيزى فقد إختفى البوست وتوارى وسط تدفق سيل المواضيع الكثيرة, و وسط زحمة الدنيا التى أخذتنى بعيداً لملاحقة "مصالح", مهام وأغراض ما. قلت:- Quote: وحالة الاستقطاب الحادة التي يحفل بها واقعنا وهى لعمرى آفة هذا الفضاء, وآفة كل أشياء البلد, فالكل بات يصطف من وراء لافتة أو شعار أو قبيلة. غابت القضايا الإستراتيجية فى وسط زحمة ما هو تاكتيكى, آنى و... "تحت الرجلين" لا ينظر لأبعد من ذلك. ليت الجميع يجعل من محاربة القبح ديدناً وقضية ملحّة. مرحب بيك اخى مجمد الكامل عبد الحليم, وممتن لمرورك الكريم. محبتى