Post: #1 Title: عجبني ليك يا ذو اليد Author: محمد إبراهيم علي Date: 09-30-2010, 05:22 PM Parent: #0
اها الليلة الارشفة قبل المواعيد
Post: #2 Title: Re: عجبني ليك يا ذو اليد Author: محمد إبراهيم علي Date: 09-30-2010, 05:24 PM Parent: #1
قديتنا قد والغريبة كل مرة يقولو ليك لكن ما بتسمع الكلام المرة دي بكري قص ليك بتريس عديل اها شايبك العاملو مراقة ده اتحمم بيهو
Post: #3 Title: Re: عجبني ليك يا ذو اليد Author: طارق جبريل Date: 09-30-2010, 05:39 PM Parent: #2
Post: #4 Title: Re: عجبني ليك يا ذو اليد Author: محمد إبراهيم علي Date: 09-30-2010, 05:42 PM Parent: #3
عليك الله آود جبرين ما كيفك الريس بعملتو دي
مزمل خيري بكون متكيف للدين
Post: #6 Title: Re: عجبني ليك يا ذو اليد Author: cantona_1 Date: 09-30-2010, 05:44 PM Parent: #4
عجبني ليك يا المرقوت زي ما قالت العجوز التي احترقت قطيتها وبداخلها عنقريبها المليان مرقوت.
كبـَّـاشي الصــَّافي
Post: #14 Title: Re: عجبني ليك يا ذو اليد Author: طارق جبريل Date: 09-30-2010, 06:18 PM Parent: #4
Quote: عليك الله آود جبرين ما كيفك الريس بعملتو دي
مزمل خيري بكون متكيف للدين
ود خيري بيكون خميسه مكرب
Post: #5 Title: Re: عجبني ليك يا ذو اليد Author: Elawad Date: 09-30-2010, 05:44 PM Parent: #3
والله يا محمد انا ذاتي مبسوط بسطة من الموضوع دا. ما ممكن ياخي بالرجالة الواحد يرفع بوستاته.. بالمناسبة ما ذو اليد براه الاتمقلب.
Post: #8 Title: Re: عجبني ليك يا ذو اليد Author: محمد إبراهيم علي Date: 09-30-2010, 05:49 PM Parent: #5
الكباشي تحياتي الزول مفروض يوقفو قبل الارشفة كدا بيومين على الاقل (حبس احتياطي) لانو بمشي بينكت اي بوست كتبو في الربع ويجي يرصها ليك ورا بعض زي جركانات الموية جنب الدونكي
Post: #7 Title: Re: عجبني ليك يا ذو اليد Author: GamarBoBa Date: 09-30-2010, 05:46 PM Parent: #3
يا جماعة الحصل شنو قبيل الضهر كدة جا هنأ سيادته الاسبان بالفوز بكأس العالم قلت ليه البوست المهم ده انقله الربع الجديد
Post: #9 Title: Re: عجبني ليك يا ذو اليد Author: cantona_1 Date: 09-30-2010, 05:49 PM Parent: #7
أنا كتبت بوست تحليلي لمجموعة إخترتها عشوائياً لبوستات الأخ ذي اليد.. ولمن حاولت انشرها المنبر قال لا! ما عرفت السبب. لكن كدا كويس. تحياتي.
كبـَّـاشي الصــَّافي
Post: #10 Title: Re: عجبني ليك يا ذو اليد Author: محمد إبراهيم علي Date: 09-30-2010, 05:50 PM Parent: #7
العوض تحياتي
Quote: والله يا محمد انا ذاتي مبسوط بسطة من الموضوع دا. ما ممكن ياخي بالرجالة الواحد يرفع بوستاته.. بالمناسبة ما ذو اليد براه الاتمقلب.
في كم نفر كدة زيو واعتقد البوست بتاعك وبتاع الليلة نبهو بكري للحركة فقام قص ليهم بالتريس ده
Post: #11 Title: Re: عجبني ليك يا ذو اليد Author: محمد إبراهيم علي Date: 09-30-2010, 05:53 PM Parent: #10
بوبا تحياتي
Quote: قبيل الضهر كدة جا هنأ سيادته الاسبان بالفوز بكأس العالم
تحت تحت كدة سمعت انو يوم المباراة كان في جنوب افريقيا في الاستاد وهناك سودانيزاونلاين محظورة وما لقى طيارة الا امس فلحق بكري قبل الارشفة وهنأ الاسبان عشان ما يزعلو منو وما يجو في طهور اولادو كااااااااااااااك ودي كااااااااااااك تانية يا ذو اليد
Post: #12 Title: Re: عجبني ليك يا ذو اليد Author: Elawad Date: 09-30-2010, 05:54 PM Parent: #7
Quote: يا جماعة الحصل شنو قبيل الضهر كدة جا هنأ سيادته الاسبان بالفوز بكأس العالم قلت ليه البوست المهم ده انقله الربع الجديد
والله عشان دي أتقدم بالشكر لذو اليد على حركاته دي. حلوة يا قمر.
Post: #13 Title: Re: عجبني ليك يا ذو اليد Author: GamarBoBa Date: 09-30-2010, 06:01 PM Parent: #12
يا محمد والعوض علمت زيارة تفقدية للربع السابق اولا الكجورية الوحيدة كانت اميرة الشيخ،لكن والله اعلم اظنكم كتار فشكلكم ما اتيتم لحوار مع الرجل
لكن وديني كلو كوم وتهنئته للاسبان كيفتني والله،والله لامن حسيت الزول ده انيستا بتاع برشلونة ياخي والله انتو ناس حاقدين
Post: #15 Title: Re: عجبني ليك يا ذو اليد Author: Elawad Date: 09-30-2010, 06:45 PM Parent: #13
غايته يا قمر تهنئة الأسبان دي و نصيحتك بنقلها للربع الجديد ذكرتني نكتة ناس الحلة الجابو ليهم الكهربا جديد فالمهندس كلمهم قال ليهم إذا زول طقته الكهربا بس أخبطوه بعكاز خشب فواحد من أولادهم طقتوا الكهربا و أعمامك كل زول قبل شال عكازه و قام جاري على صاحبنا... المهم في اللحظة ديك الكهربا كانت نفضت زولنا و قبل يلقى ليك الحلة كلها كل زول شايل عكازو و جاي عليه فقام جاري و الجماعة وراه الظاهر الراجل كان خفيف و لا الخوفة ما عارف سبق الجماعة و نط ليه ترعة ما قدروا ينطوا وراه... وقفوا و قالوا ليه مرقت مننا لكن حرم كان جيت للحول عكاكيزنا ياها اللاحقاك. فأخونا ذو اليد دا مرقتوا من مباركته لكن حالف للحول تفتحوا الأرشيف تلقوها في وشكم.
Post: #16 Title: Re: عجبني ليك يا ذو اليد Author: الصادق اسماعيل Date: 09-30-2010, 06:46 PM Parent: #13
بكري خلى ليك زولك (ما عندو إيد ذاتو)، قال ذو اليد قال هيييييييييييييع عفيت من بكري عقبال الفي البال
ود ابراهيم كيفك، ما ناوي تتلوتر ونشوفك بجاي
Post: #17 Title: Re: عجبني ليك يا ذو اليد Author: محمد إبراهيم علي Date: 09-30-2010, 07:00 PM Parent: #16
الصادق المتابع تحياتي يا صديق
Quote: بكري خلى ليك زولك (ما عندو إيد ذاتو)، قال ذو اليد قال هيييييييييييييع عفيت من بكري عقبال الفي البال
والله من شدة ما تكيفت لمن قعدت اضحك براي زي المجنون ولقيت ليك روحي جاري على موضوع جديد لوووووووول بكري ده مفروض في ناس كدة يصفدهم قبل الارشفة بكم يوم عشان نرتاح وهو زاتو يرتاح
Quote: ما ناوي تتلوتر ونشوفك بجاي
والله السنة دي النية حكمت وحقدم يا صابت يا خابت بس انت قدم لينا في (الاوليفر) داك وقول ليهم الزول ده محمول لووووووووووووول
Post: #18 Title: Re: عجبني ليك يا ذو اليد Author: محمد إبراهيم علي Date: 09-30-2010, 07:01 PM Parent: #17
Quote: ود خيري بيكون خميسه مكرب
ده احتمال بركة يضبح عديل كدة
Post: #19 Title: Re: عجبني ليك يا ذو اليد Author: صلاح ليون Date: 09-30-2010, 07:02 PM Parent: #16
Post: #21 Title: Re: عجبني ليك يا ذو اليد Author: محمد إبراهيم علي Date: 09-30-2010, 07:05 PM Parent: #19
ليون يا هندسة شكلك برضو كنت ممكون وصابر مبروك الارشفة المبكرة
Post: #20 Title: Re: عجبني ليك يا ذو اليد Author: عبدالعزيز حسين عبدالرحيم Date: 09-30-2010, 07:03 PM Parent: #16
المحترم محمد إبراهيم
ليك التحية برضه أنا من المبسوطين
العزيز قمر بوبا
Quote: قبيل الضهر كدة جا هنأ سيادته الاسبان بالفوز بكأس العالم
بالجد البوست المنكوت دا اتدقست فيه دقيسه بايخة خلتني اخجل من نفسي ومن شفقتي ولمن شفته قمت جاري افتش واقوقل وما لقيت حاجه جيت راجع عاينت للتاريخ جاني احساس زول اتسدر واتدقس وخجلت من نفسي وهسع بعد ما عرفت الحكاية بقيت مبسوط
Post: #22 Title: Re: عجبني ليك يا ذو اليد Author: محمد إبراهيم علي Date: 09-30-2010, 07:08 PM Parent: #20
مراحب عبد العزيز يا خي عبرو عن فرحتكم بدون خجل لوووووووول ولك مثل ليون مبروك الارشفة المبكرة وعقبال تنفيذ اقتراح التصفيد المبكر للقدادين ديل
Quote: احساس زول اتسدر واتدقس وخجلت من نفسي
Post: #24 Title: Re: عجبني ليك يا ذو اليد Author: osman righeem Date: 09-30-2010, 07:14 PM Parent: #22
طيب ما ممكن يستانف؟؟؟
كامل التضامن مع الرفيق ذو اليد
و يا بكري سويتها ظاهرة
Post: #23 Title: Re: عجبني ليك يا ذو اليد Author: mohmed khalail Date: 09-30-2010, 07:10 PM Parent: #20
اللهم لا شماتة....
بس بالجد........
عجبني ليهو.
Post: #25 Title: Re: عجبني ليك يا ذو اليد Author: محمد إبراهيم علي Date: 09-30-2010, 07:15 PM Parent: #23
تحياتي محمد خليل
Quote: اللهم لا شماتة....
والله شماتة للطيش يا خي الواحد فرح لمن شرق لوووووووووووووول
Post: #26 Title: Re: عجبني ليك يا ذو اليد Author: معاوية عبيد الصائم Date: 09-30-2010, 07:15 PM Parent: #23
الدوام لله
ولكن؟
عجبنى ليهو!!!!
Post: #27 Title: Re: عجبني ليك يا ذو اليد Author: محمد إبراهيم علي Date: 09-30-2010, 07:20 PM Parent: #26
ود الصايم الجداوي مراحب مرحبا بكم في نادي الشمات والفرحانين والممكونين وعقبال الارشفة الجاية بنفس التكتيك
Post: #28 Title: Re: عجبني ليك يا ذو اليد Author: محمد إبراهيم علي Date: 09-30-2010, 07:23 PM Parent: #27
ابو رغيم تحيات زاكيات
Quote: كامل التضامن مع الرفيق ذو اليد
انت اتضامن خلينا نحن في الجانب الاخر من نمارس شماتة اسفيرية مريحة انا عارفك تحت تحت كدة بتكون معانا
Post: #29 Title: Re: عجبني ليك يا ذو اليد Author: مزمل خيرى Date: 09-30-2010, 07:27 PM Parent: #27
Post: #31 Title: Re: عجبني ليك يا ذو اليد Author: محمد إبراهيم علي Date: 09-30-2010, 07:29 PM Parent: #29
ابوجوان تحياتي وانا بكتب في البوست تصدق كنت خاتيك في بالي قلت الليلة مزمل بضبح عديل كدة مبروك ياخي
Post: #40 Title: Re: عجبني ليك يا ذو اليد Author: مزمل خيرى Date: 09-30-2010, 08:07 PM Parent: #31
Quote: ابوجوان تحياتي وانا بكتب في البوست تصدق كنت خاتيك في بالي قلت الليلة مزمل بضبح عديل كدة مبروك ياخي
ياود ابراهيم والله بالقرقرة ماقادر أكتب ... هاهاهاهاهاهاهاهاهاها الله يجازى محنكم هاهاهاهاهاهاهاهاهاها
Post: #30 Title: Re: عجبني ليك يا ذو اليد Author: GamarBoBa Date: 09-30-2010, 07:28 PM Parent: #27
يا عبدالعزيز عادي ياخي عادي جدا....كلنا بندقس اقرا كتير حتلقي الناس دي كلها داقسة ساي
Post: #33 Title: Re: عجبني ليك يا ذو اليد Author: محمد إبراهيم علي Date: 09-30-2010, 07:32 PM Parent: #30
Post: #32 Title: Re: عجبني ليك يا ذو اليد Author: ABUHUSSEIN Date: 09-30-2010, 07:30 PM Parent: #27
سلام
ياخي عملها أكتر من مرة و إتفتحت بوستات و برضو مصر
و الله عجبني و سر بالي و صدقوني الأرشفة الجاية حا إسويها
Post: #34 Title: Re: عجبني ليك يا ذو اليد Author: محمد إبراهيم علي Date: 09-30-2010, 07:34 PM Parent: #32
ابو حسين كيفك
Quote: و صدقوني الأرشفة الجاية حا إسويها
عشان كدة اقترحنا مشروع التصفيد المبكر قبل الارشفة لذوي السوابق ديل
Post: #35 Title: Re: عجبني ليك يا ذو اليد Author: طه إبراهيم عبد الله Date: 09-30-2010, 07:38 PM Parent: #27
اللهم لا شماتة لكن البوست بتاع أمطار غزيرة في الخرطوم سبب لي خسائر مادية ومعنوية أول ما شفت البوست طوالي إتناولت الموبايل وألو ( أصلو البيت ما زال تحت التشيد ) وتوش داخل في الجماعة المطرة وما المطرة قالوا لي يا زول قول بسم الله مطرة شنو وغزيرة شنو المهم الخلاصة الوالد قال لي : يا زول والله إنت البيت دا جاب ليك ظار حبشي .. كان في داعي ؟
Post: #36 Title: Re: عجبني ليك يا ذو اليد Author: محمد إبراهيم علي Date: 09-30-2010, 07:43 PM Parent: #35
تحياتي طه ابراهيم
Quote: لكن البوست بتاع أمطار غزيرة في الخرطوم سبب لي خسائر مادية ومعنوية
احتسب احتسب بس اهو بكري اخد ليك حقك
Post: #37 Title: Re: عجبني ليك يا ذو اليد Author: بشير أحمد Date: 09-30-2010, 07:43 PM Parent: #27
اغرب حاجة لقيت بوست
وتاريخو من سنة دُو.
Post: #38 Title: Re: عجبني ليك يا ذو اليد Author: محمد إبراهيم علي Date: 09-30-2010, 07:47 PM Parent: #37
حمد لله على السلامة يا بشير احمد
مع سودانيزاونلاين مش حتعرف تغمض عينك اسي عليك الله شوف السواها ذو اليد في طه ابراهيم خلاهو يضرب في التلفونات يسأل من المطرة الصبت ليها شهر دي
Post: #39 Title: Re: عجبني ليك يا ذو اليد Author: بشير أحمد Date: 09-30-2010, 07:50 PM Parent: #38
فاتني ان اقول اخي محمد السلام عليكم
فعذرا...
Post: #41 Title: Re: عجبني ليك يا ذو اليد Author: Elawad Date: 09-30-2010, 08:19 PM Parent: #39
Quote: اللهم لا شماتة....
والله ضحكتني يا محمد خليل... وهي الشماتة دي كيف؟ والله محمد إبراهيم أتاري الناس المحتجين زيك كتار لكن ماكلنها و ساكتين. ذو اليد بالله ما تزعل مننا أخوانك و بهزروا معاك. بس كمان إنت كترتها شوية. والله ما خايف إلا من حاجة واحدة المرة دي تبدا من هسع ترفع بوستاتك للأرشفة... لو عملت كدا غايته ناس البوست دا الضحك بشرطهم.
Post: #42 Title: Re: عجبني ليك يا ذو اليد Author: Ashraf el-Halabi Date: 09-30-2010, 08:32 PM Parent: #41
إخلاء طرف: الوش البيلف دا يا محمد إبراهيم ما ليهو أي صلة بشماتتكم في ذي اليد، بيد أنه وثيق الصلة بنكتة الآثار السلبية للكهربا بتاعت شيخ العوض ديك
Post: #43 Title: Re: عجبني ليك يا ذو اليد Author: ذواليد سليمان مصطفى Date: 09-30-2010, 08:39 PM Parent: #41
Post: #51 Title: Re: عجبني ليك يا ذو اليد Author: اسماء الجنيد Date: 09-30-2010, 10:54 PM Parent: #50
Quote: ام ساقطين في مادة الجغرافيا
لوووووووووووووووووووووووولز غايتو دي بالغت فيها يا اخونا ذو الافكار الجهنمية ازيكم يا جماعة والله كلكم حلوين وضحكتوني ضحك مبالغة الليلة كنتوا دافننها الشماتة دي لي ذو اليد لقيتو حافرها ليكم مطمورة لووووووووووووولز
Post: #52 Title: Re: عجبني ليك يا ذو اليد Author: cantona_1 Date: 09-30-2010, 11:42 PM Parent: #38
يا محمد إبراهيم إنت الوداك محل الجركانات برصوها جنب الدونكي شنو؟
كبـَّـاشي الصــَّافي
Post: #53 Title: Re: عجبني ليك يا ذو اليد Author: ذواليد سليمان مصطفى Date: 10-01-2010, 00:03 AM Parent: #52
الله يقطس حجركم يا بتاعين ناسات ووننسات الله يقطع اصابعكم فوق الكيبورت ونسأل الاستجابة عاجلاً يا ود ابا خلي الرجال اشباه نسوان ديل يشمروا ديل ناس قالوا وقلنا اللهم احرق البوست بتاعت محمد ابراهيم فوق رأسوا
ـــــــــــــــــــــــــــــــــــ اي زول دخل في البوست دا ما يجي يقول يا ذواليد كلامك عيب والدعاء من القلب ونقول اللهم استجب بل اللهم لجم السنتهم جمعيا ولاتجعل فيهم بركة
Post: #54 Title: Re: عجبني ليك يا ذو اليد Author: mohmed khalail Date: 10-01-2010, 00:11 AM Parent: #53
Quote: اللهم احرق البوست بتاعت محمد ابراهيم فوق رأسوا
يا حبيب انت زعلت ولا شنو؟
شايفك شلعت العربي شديد خلاص.
Post: #55 Title: Re: عجبني ليك يا ذو اليد Author: عوض عبدالله طه Date: 10-01-2010, 05:17 AM Parent: #54
ذو اليد ازيك .... يا خوي دعوة المظلوم عرفناها
ليس بينها وبين الله حجاب
لكن دعوة الظالم دي أول مرة نسمع بيها
في ذمتك يا ذو اليد كدى براك أحكم
اليومين الفاتو ديل ...قررنا نحول كتاب تراثي سوداني هو كتاب طبقات ود ضيف الله لنسخة الكترونية الطريقة الوحيدة هي الطباعة اليدوية من الكتاب للكيبورد حرف حرف متخيل معاي كم المجهود المبذول في الموضوع ده تجي يا خوي ترفع لينا بوستات زي مطرة في الخرطوم شهر 8 ومواعيد مباراة اسبانيا مع هولندا الكان في شهر 6 وتغتس لينا حجر بوستينا التعبانيين فيهو ده للصفحة التانية والتالتة ذنبنا شنو ؟ وانت تستفيد شنو والقراء يستفيدو شنو من مواعيد كورة اتلعبت ليها 4 شهور؟؟ وكمان زعلان وتدعو على الناس وكأنك انت المظلوم
.....
Quote: اي زول دخل في البوست دا ما يجي يقول يا ذواليد كلامك عيب والدعاء من القلب ونقول اللهم استجب بل اللهم لجم السنتهم جمعيا ولاتجعل فيهم بركة
غايتو دعوتك الأخيرة ممكن توجهها لهكر كارب يعمل ليك تروجان في البوست ده ينجم ليك
Quote: اي زول دخل في البوست دا
...
Post: #56 Title: Re: عجبني ليك يا ذو اليد Author: بدر الدين اسحاق احمد Date: 10-01-2010, 05:41 AM Parent: #55
Quote: الله يقطس حجركم يا بتاعين ناسات ووننسات الله يقطع اصابعكم فوق الكيبورت ونسأل الاستجابة عاجلاً يا ود ابا خلي الرجال اشباه نسوان ديل يشمروا ديل ناس قالوا وقلنا اللهم احرق البوست بتاعت محمد ابراهيم فوق رأسوا
اها يا محمد ابراهيم خم وصر ( قرضك ) مع الجمعة الجامعة دا
Quote:
ـــــــــــــــــــــــــــــــــــ اي زول دخل في البوست دا ما يجي يقول يا ذواليد كلامك عيب والدعاء من القلب ونقول اللهم استجب بل اللهم لجم السنتهم جمعيا ولاتجعل فيهم بركة
يا ذو اليد افرز يأخ ...
انا داخل متضامن معاك ...
وليك كل الحرية ما لم تخالف لوائح المنبر ...
ناس محمد ابراهيم ديل يضيقون ذرعــا بالكلمــة الحره الصادقة المعبره عن امال شعبنا ...
Post: #57 Title: Re: عجبني ليك يا ذو اليد Author: ABUHUSSEIN Date: 10-01-2010, 06:31 AM Parent: #53
فقدت المنطق يا جاهل و بقيت تسئ للناس بالجملة ... ؟ أسي أشباه الرجال منو القالو ليك إنت غلطان في وشك ولا الزول البعمل زي عمايلك دي إنت اصلا لو زول عندك مخ او زولا بتحس زي كل البشر بعمل عملية زي دي ؟؟ بوستات كتبتها من شهور عايز تفرض نفسك علي الناس بي تقالة دمك دي أقعد أدعي علينا باقي عمرك كلو و البوست دا قاعد ثلاثة شهور و كان الله كتب لينا عمر و إستمريت في عبطك دا ياهو القاعد سنين
Post: #58 Title: Re: عجبني ليك يا ذو اليد Author: ABUHUSSEIN Date: 10-01-2010, 06:34 AM Parent: #57
أناني و عبيط كمان ؟
Post: #59 Title: Re: عجبني ليك يا ذو اليد Author: بدر الدين اسحاق احمد Date: 10-01-2010, 07:25 AM Parent: #58
يا ابوحسيــن ... براحــة يا حبيب
ذو اليد دا زول فاضل بس شالتو زعلــة حقكم كلكم على انا
رجاء يا ذو اليد يأخ الاخوان ديل كلهم زول فيهم يضمر لك سوء مافــى
تعال امسح كلام زعلك دا ياخ ...
يا ذو اليد زول يقول ليك بالغت تقول ليهو جنس كلامك دا ( لا يعقل يا حبيب )
Post: #60 Title: Re: عجبني ليك يا ذو اليد Author: ABUHUSSEIN Date: 10-01-2010, 07:44 AM Parent: #59
بدر الدين زول فاضل دا كلو .. ؟؟
طيب لو ما فاضل كان قد الشاشة دي و جانا طلع ميتينا و لا كيف يعني ؟
Post: #61 Title: Re: عجبني ليك يا ذو اليد Author: محمد إبراهيم علي Date: 10-01-2010, 09:01 AM Parent: #60
اولا نرحب بجحافل الممكونين وصابرين وكانو كاتمين الريدة اشرف الحلبي احمد محمد بشير اسماء الجنيد الفكي بدرالدين (حتى وهو يمارس فقه التقية خوفا من مطر الدعوات والكجور) وعوض عبدالله
واخيرا سيد الاسم زاتو ذو اليد
Post: #62 Title: Re: عجبني ليك يا ذو اليد Author: محمد إبراهيم علي Date: 10-01-2010, 09:09 AM Parent: #61
يا ذو اليد
Quote: هل تعلمون فارق الوقت بين ولاية الخرطوم وولاية ارزونا ام ساقطين في مادة الجغرافيا
طيب انت تكون قادي شنو الجاي تهنئ اسبانيا بفوزها بكاس العالم يوم 30/9 اي بعد شهرين هسي ده يسموهو شنو ولا رافع البوست بتاع المطرة الصبت في الخرطوم قبال شهر لما اخونا طه خاف على بنيانو وخسرتو تلفونات للسودان
Post: #63 Title: Re: عجبني ليك يا ذو اليد Author: محمد إبراهيم علي Date: 10-01-2010, 09:23 AM Parent: #62
Quote: الله يقطس حجركم يا بتاعين ناسات ووننسات الله يقطع اصابعكم فوق الكيبورت ونسأل الاستجابة عاجلاً يا ود ابا خلي الرجال اشباه نسوان ديل يشمروا ديل ناس قالوا وقلنا اللهم احرق البوست بتاعت محمد ابراهيم فوق رأسوا
هسي طوالي فكيت اخرك وبقيت تشتم وتدعي علينا ما في واحد اساء ليك ولا شتمك ولا قال ليك كلمة ما ياها الداعي شنو لكل الكلام الفارغ الكبيتو ده؟ انت قايل روحك قاعد تكتب لينا في المعلقات السبع ولا مفتكر نفسك برنارد شو ولا يمكن قايل روحك تولستوي ياها حركتك القاعد تعملها في كل ارشفة تفتح بوستاتك كلها وتخت ليك نقطة وترصها لينا ورا بعد قوم لف كدة ولا كدة بلا فارغة ومقدودة معاك
Post: #64 Title: Re: عجبني ليك يا ذو اليد Author: GamarBoBa Date: 10-01-2010, 09:29 AM Parent: #63
يا جماعة انتو اخدتو الموضوع بجد ولا شنو
قوموا لفوا كدة ولا كدة يا ساقطين جغرافيا يا كجوريين والله يسخط كيبورداتكم ذاتو
_ ابوحسين ومحمد بالراحة علي ذو اليد والموضوع انا خشيته للخستكة..ما تقلبوا الشغلة مشانق انا مشانق دي علقت معاي من ايام تمتام غايتو..والسلام عليكم
Post: #65 Title: Re: عجبني ليك يا ذو اليد Author: محمد إبراهيم علي Date: 10-01-2010, 09:48 AM Parent: #64
تحياتي يا بوبا والله انا الموضوع لما فتحتو خستكة برضو لكن شايف زولك جاب ليهو شتائم ودعوات واشباه رجال قالو ليهو خلي روحك رياضية لكن مقوي راسو شوف المثال التحت ده يا خي انا زاتي خفت اقتل البوست وما قدرت اجيبهم كلهم
يا خي المنبر اليكتب فيهو زي ما عايز ما في زول قال ليهو تلت التلاتة كم بس حكاية يجي يوم الارشفة وفي اخر لحظة يرفعهم كلهم بكلكة واحدة ويرصهم لينا ورا بعض عشان يبقو في الواجهة دي هي المشكلة يرفع بوستاتو بس يختار يعني اسي يجي يرفع لينا بوست بتاعة مباراة اسبانيا وهولندا ويهنئ الاسبان بالفوز يوم 30 سبتمبر ده يسموه شنو وايه الفائدة القاها (عزيز ذو اليد القارئ ) من تهنئة ذو اليد بفوز اسبانيا بكاس العالم بعدين الاسبان ما قاعد يقرو المنبر ده ولا قاعدين يسجلو في الناس الهنوهم ولا الناس الما هنوهم عشان لما تجي مناسبة لذو اليد يتسدو فيهو بعدين قصة ما حلوة انو الواحد يكون قاعد بيتصفح في سودانيزاولاين وشاف ليهو طيرة دخلت بالشباك ومرقت يرفع لينا بوست بايقونة انو في طيرة دخلت من الشباك وطلعت بدون ما تعمل اي حاجة لووووووووول
Post: #67 Title: Re: عجبني ليك يا ذو اليد Author: محمد علي شقدي Date: 10-01-2010, 10:00 AM Parent: #65
سلام يا الغالي محمد ابراهيم وجمعة مباركه
ولك التحيه يا رجل طبعا يا ذواليد ده سلام ساي لصاحبي ما تكتبني مع الجماعه وفعلا خلي روحك رياضيه يا حبيب القصة واضح انها مكاوه (مكاوه دي صاح ) ينعي بشتغلو في التكتيك الانت شغال به فاحتفو بالتكتيك المضاد
تحياتي
Post: #68 Title: Re: عجبني ليك يا ذو اليد Author: ABUHUSSEIN Date: 10-01-2010, 11:09 AM Parent: #67
أنا عن نفسي جادي في كل كلمة قلتها لأنو تصرف أناني جدا و زول عايز إفرض نفسو علينا رضينا أم أبينا علما بأنو عملها أكتر من مرة و إتفتحت ليه بوستات بي إسمو و هو نفسو تداخل فيها
Post: #66 Title: Re: عجبني ليك يا ذو اليد Author: ABUHUSSEIN Date: 10-01-2010, 09:59 AM Parent: #53
محمد أبراهيم هي ما أشباه الرجال
هي الرجال أشباه النساء
و الفرق كبير طبعا
Post: #69 Title: Re: عجبني ليك يا ذو اليد Author: محمد إبراهيم علي Date: 10-01-2010, 11:38 AM Parent: #66
Quote: ولك التحيه يا رجل طبعا يا ذواليد ده سلام ساي لصاحبي ما تكتبني مع الجماعه
تحيات يا صاحب قلت لي اخدت ساتر من الدعوات النازلة مطر دي شغال بنظرية الخواف ربى عيالو يا خي دعوات ذو اليد ما بتخوف وما فياتة سقف الكي بورد بتاعو ده
Post: #70 Title: Re: عجبني ليك يا ذو اليد Author: محمد إبراهيم علي Date: 10-01-2010, 11:47 AM Parent: #69
Quote: هي الرجال أشباه النساء
الزول الدعاي ده مش دعاهو ده الزي بتاع النسوان ديلاك بتاعات يضربك الضريب شقاق العناقريب قبل كدة برضو شد ليك الزميلة اميرة الشيخ وفيصل الرشيد بدعوات من نفس النوع
Quote: الله يكسر الكيبورد حقتك يا فيصل الرشيد
اكتب مليون بوست ما عندك دخل بي
وياريت الكيبورد حقتك يبقى ليك كهربة
ببركات نهاية العام وبداية العام الهجري
وادناه دعواته لاميرة الشيخ
Quote: صلاح غريبة سلام ولا يهمك من الفئة الضالة الله يكسرك، قولي امين ويطفي نور عيونك
انا من اصلي كبيييييييييييرررررر لكن انتي ما زلتي صغيرة اتنعمي بالطفولة
Post: #71 Title: Re: عجبني ليك يا ذو اليد Author: ذواليد سليمان مصطفى Date: 10-01-2010, 04:15 PM Parent: #70
رجال الزمن زي الودايات قالو وقلنا الا من عرف قدر نفسه
Post: #72 Title: Re: عجبني ليك يا ذو اليد Author: GamarBoBa Date: 10-01-2010, 04:45 PM Parent: #71
ذو اليد.. الودايات ديل شنو كمان..اشباه النسوان عرفناها بالمناسبة 99% من الناس دي منضبطة في كلامها ليك بضحكوا ايوا..شغالين ليك نعم..لكن مافي زول شتمك وحتي الشتمك شتمك بعد عملت انت فيها بتعرف للنبذ اضبط كلامك مع الخلق دي وانت حقيقي قديتهم برفع البوستات وخليك زول عارف انت بتعمل في شنو وبترفع في ضغط الناس دي
داير تسمع ليك كلمتين حلوات من اي زول قاعد في البوست ده سوي زي سواتك دي..الكلام الشين ساهل،الا تاني ما برجع بعد يتقال.
شكرا
Post: #73 Title: Re: عجبني ليك يا ذو اليد Author: osman righeem Date: 10-01-2010, 04:52 PM Parent: #72
Quote: رجال الزمن زي الودايات قالو وقلنا الا من عرف قدر نفسه
صعبت علينا التضامن ياخ
Post: #74 Title: Re: عجبني ليك يا ذو اليد Author: صلاح ليون Date: 10-01-2010, 04:54 PM Parent: #72
يا بوبا .. سلام نحنا عشان عارفين تقلة الدم دي لا بينفع معاها "النصح" ولا "النبذ" .. جينا ختينا صورة ومشينا
Post: #75 Title: Re: عجبني ليك يا ذو اليد Author: GamarBoBa Date: 10-01-2010, 05:16 PM
يا ليون كيفنك واتمناك طيب لينا زمن برضو ما صادفناك
صدقني ما فهمتها كدة،لكن نتنور مالو؟؟الصورة انا فهمتها انو مشاغلة ليس الا..لكن شايف الزول نزل نمرة خمسة
_ زول بعرف عربي يبرني بمعني الودايات مافي؟؟غايتو كان طلعت نبذ بت لذينا مابراي و تراكا الما طلعت ساهل يا ذو اليد وبحمل صاحب البوست مسؤلية الدق الفي بيته ده غايتو بالودايات راسي يودي ويجيب..ودي مشكلة تكون رطاني في بورد زي ده
Post: #76 Title: Re: عجبني ليك يا ذو اليد Author: بشير أحمد Date: 10-01-2010, 05:24 PM Parent: #75
الاخ/محمد علي شقدي
تحياتي؛؛؛
Quote: ولك التحيه يا رجل طبعا يا ذواليد ده سلام ساي لصاحبي ما تكتبني مع الجماعه
يديكـ العافية ياخي ضحكتني
خُفت من الدعوات المنبهلة دي ولاّ شنو ؟
Post: #77 Title: Re: عجبني ليك يا ذو اليد Author: عبدالعزيز حسين عبدالرحيم Date: 10-01-2010, 06:06 PM Parent: #76
خوفي بعد البشتنة دي اطلع وداية كمان
وديت فشفاشنا
Post: #80 Title: Re: عجبني ليك يا ذو اليد Author: mohmed khalail Date: 10-01-2010, 06:35 PM Parent: #77
يعني لا ودايات السودان ولا ودايات المهجر ما عاجبهم شغلك,,
ياخ وحدت السودان حكومة ومعارضة,,قدرت على الغلب الساحر والطبيب,,
وبرضو ودايات دي يعني شنو ؟؟؟؟؟
Post: #78 Title: Re: عجبني ليك يا ذو اليد Author: جعفر محي الدين Date: 10-01-2010, 06:16 PM Parent: #76
محمد إبراهيم علي تحيات ياخي ربك كريم على العباد أنا بغيب من البورد مرات باﻷيام وبجي وبلقى اﻷمور عادية أتاريه عندكم عجايب بتحصل هنا الودايات ديل أظنهم الوداعيات يا جماعة بسيطة حبوباتنا وبتونسن ساهي وقلبن أبيض ذي الودع
Post: #79 Title: Re: عجبني ليك يا ذو اليد Author: cantona_1 Date: 10-01-2010, 06:34 PM Parent: #72
Quote: الودايات مافي؟
يا قمر بوبا .. هذه بتلك .. زي ما إنت كتبت (بالعنقليزي بتاعكم) في البوست المأرشف .. أها ذو اليد كتب لينا نحن عيال الغرب بلغتنا... تدفع كم نوريك الحاصل؟
كبـَّـاشي الصــَّافي
Post: #81 Title: Re: عجبني ليك يا ذو اليد Author: omar arbab Date: 10-01-2010, 07:02 PM Parent: #79
Quote: ام ساقطين في مادة الجغرافيا
Post: #82 Title: Re: عجبني ليك يا ذو اليد Author: ذواليد سليمان مصطفى Date: 10-01-2010, 07:40 PM Parent: #79
Quote: يا قمر بوبا .. هذه بتلك .. زي ما إنت كتبت (بالعنقليزي بتاعكم) في البوست المأرشف .. أها ذو اليد كتب لينا نحن عيال الغرب بلغتنا... تدفع كم نوريك الحاصل؟
كبـَّـاشي الصــَّافي
اخي لا نريد ان نكون عنصريون ولكن ديل ما دايرن نكون معاهم في المنبر ولكن في كل ارشيف نجعل مليون بوست في الواجهة فالانفصال واجب لكن ولايات السودان لي نقسم الثمرة والنيل ينساب تحتك يا قمرة وطن يعشق الانقسام تحت غايات الاحلام ليقتل الكبير ويحسد الفقير ليفرق الاشبال ويشرد الصغار تحت اصوات الانفصال *** وطن من دون مواطنة اسمها السودان بشكلها الحزين يفارق الحنين يحارب الجوعان يسلط الاشرار ليقتل الحنان وفي اخر الزمان نفصل الاحزان شمال من شمال بنيلنا السرحان جنوب من جنوب مستقبل العمران
Post: #83 Title: Re: عجبني ليك يا ذو اليد Author: mohmed khalail Date: 10-01-2010, 07:46 PM Parent: #82
عمر أرباااااااااااااااب شمسيا
ياخ وييين الحي بييك
والله انت المختفي ولا أنا ما عارف؟
أها دي واحدة من حسنات ذو اليد
نكت لينا الجماعة اللابدين
أظهر وبان عليك الامان
بعد أذنك طبعا يا ابوحميد يا صاحب الدار
Post: #84 Title: Re: عجبني ليك يا ذو اليد Author: omar arbab Date: 10-01-2010, 08:06 PM Parent: #83
بعداذن صاحب البوست
محمد خليل
ابو الانفاس زاتو هنا يا سلام ياخ
والله ياذواليد كان كدا اكتب ساكت
وشنو من ابراهيم جاء ما سمعنا شي يا سيد الشي زاتوو
والله زولك دا قرب يخلني ارجع التزاكر بتاعت الاولاد كانو مسافرين يوم المطره بتاعت ذواليد وتزاكر مقفوله كمان بس الحمدالله التلفون موجود وبي المناسبه دي ياخ
دي مالي العيد الفات دي لي الضحيه وكدا وكااااااااك زاتو
Post: #85 Title: Re: عجبني ليك يا ذو اليد Author: mohmed khalail Date: 10-01-2010, 08:25 PM Parent: #84
ابو حميد معليش نرفع ليك البوست حبه وبالمرة ذو اليد ياخد ليهو نفس..
عمر يا عمك الله يجازي محنك ياخ والله ضحكتني رغم مغايص ابو الرفيع
Quote: والله زولك دا قرب يخلني ارجع التزاكر بتاعت الاولاد كانو مسافرين يوم المطره بتاعت ذواليد وتزاكر مقفوله كمان بس الحمدالله التلفون موجود
الجاتك في خلعتك سامحتك يا حبيب إن شاء الله يوم شكرو ما يجي لكن سواها حامضه..
المهم يا حبيب كل سنة وانت واب شنب وامه بخير..
شكلي كده حأفتح ليك بوست بي قادي ابقى قريب.
Post: #86 Title: Re: عجبني ليك يا ذو اليد Author: omar arbab Date: 10-01-2010, 08:38 PM Parent: #85
Quote: شكلي كده حأفتح ليك بوست بي قادي ابقى قريب
جاهزين ياعمك مويه وهواء
ممكن نفس لي ذواليد زاتوو
Post: #87 Title: Re: عجبني ليك يا ذو اليد Author: محمد إبراهيم علي Date: 10-02-2010, 07:22 AM Parent: #86
Quote: ولكن ديل ما دايرن نكون معاهم في المنبر
كيف الكلام ده يا ذو اليد هسي الواحد كان يقضي خميسو كيف لو ما كنت معانا في المنبر ده
ـــــــــــــــ شكرا على القصيدة
Post: #88 Title: Re: عجبني ليك يا ذو اليد Author: محمد عبد الماجد الصايم Date: 10-02-2010, 07:24 AM Parent: #86
الودايات = الوداعيات!!
ذو اليد .. أضرب بيد من حديد!! رشّهم رش طيارة المبيدات الحشرية!!
Post: #89 Title: Re: عجبني ليك يا ذو اليد Author: محمد إبراهيم علي Date: 10-02-2010, 11:27 AM Parent: #88
Quote: ذو اليد .. أضرب بيد من حديد!!
يضرب منو يا عمك ما شايف الرش اللي اترشاهو ده بداية من بكري والمقلب التاريخي بتاع تقديم مواعيد الارشفة يعني بدل يعملها ليهو بتوقيت اريزونا عملها ليهو بتوقيت استراليا انت طبعا متكيف لكن شكلك بتمارس في فقه تقية خوفا من مطر الدعوات النازل السنة الفاتت دعوتو قالو كهربت فيصل الرشيد بالكي بورد بتاعو لووووول اسي وانا بكتب احتياطا كدة لابس لي جونتي (او قفاز بلغة نيكولودين)
Post: #90 Title: Re: عجبني ليك يا ذو اليد Author: ذواليد سليمان مصطفى Date: 10-02-2010, 11:43 AM Parent: #88
Quote: الودايات = الوداعيات!!
ذو اليد .. أضرب بيد من حديد!! رشّهم رش طيارة المبيدات الحشرية!!
ديل الكجور بتاعتهم صعبة قدر ما حاولة ما قدرة ليهم وبعدين عندهم ودع البعيو ما خلا ليهم حاجة
Post: #91 Title: Re: عجبني ليك يا ذو اليد Author: محمد إبراهيم علي Date: 10-02-2010, 11:48 AM Parent: #90
Quote: البعيو ما خلا ليهم حاجة hl=ar_EG">hl=ar_EG" type="application/x-shockwave-flash" allowscriptaccess="always" allowfullscreen="true" width="480" height="385">
جابت ليها كواديك اسفيرية يا ذو اليد ؟ اسمع بيع منها شوية لناس المريخ والمؤتمر الوطني اصلهم محتاجين شوية كواديك اليومين دي
Post: #92 Title: Re: عجبني ليك يا ذو اليد Author: محمد عبد الماجد الصايم Date: 10-02-2010, 11:59 AM Parent: #91
يا هندسة .. إت برضو ممكون بنكولودين!!
Post: #93 Title: Re: عجبني ليك يا ذو اليد Author: محمد إبراهيم علي Date: 10-02-2010, 12:18 PM Parent: #92
Quote: إت برضو ممكون بنكولودين!!
لدرجة اني بفكر جادي اخد دروس لغة عربية فصحي كي استطيع ان اتفاهم معاهم دورا وما ادراك ما دورا واسبونج بوب الله يقطعم في القبل الاربعة
Post: #94 Title: Re: عجبني ليك يا ذو اليد Author: مزمل خيرى Date: 10-02-2010, 02:03 PM Parent: #93
ياذو اليد عليك الله أبدا لينا الرش بالمرة المصلعة الاسمها قمر دى أصلها هى سبب المشاكل من الربع الفات .! مع أنى قاعد أحن عليها عشان شفعها الكتار ديل ود ابراهيم دا خليهو يموت بمغصتو الكاتلاهو دى .! أما الباقين ديل أقطع لينا فيهم قصيدة عصماء كدا وهم براهم حيشتتوا منك ..!
Post: #95 Title: Re: عجبني ليك يا ذو اليد Author: ذواليد سليمان مصطفى Date: 10-02-2010, 02:36 PM Parent: #94
وردة فواحة عارفك خجلان من ست الودع بعد ان اكتشفنا الوداعين خليك مع الزمن الجميل
Post: #96 Title: Re: عجبني ليك يا ذو اليد Author: مزمل خيرى Date: 10-02-2010, 08:34 PM Parent: #95
أغنية وردة فواحة دى جميلة ياذواليد ياريت لو نزلت لينا النص هنا عشان تعم الفائدة الجميع وبالمرة تحكى لينا قصة الأغنية شنو وتكون ماقصرت تب .!
