فكرت كثيراً في تسمية هذا البوست بهذا الإسم المثير للجدل ، ولقناعتي التامة بأن لقب (الإمبراطور) يزدهي طرباُ بقامة فنان أفريقيا الأول الموسيقار محمد وردي أمد الله في أيامه . والذي هو الفنان الذي يلامس صوته كل (العصب الرهاف) داخلي .. ولكني إسترسلت في نفس الإسم ربما لجدليته العنوان فقط ..
المهم في الأمر أن بوستات التوثيق للفنانين الكبار وجدت حظها من التناول هنا ، وقد قرأت بعض البوستات التوثيقية للكثير من الزملاء إحتفاءً بنجوم الغناء في بلادي. حيث لم يقصروا في ذلك وقد وجدنا فيها الكثير من الأعمال التي ما كنا لنستمع لها إلا عبرهم هذا من جانب. أما من الجانب الآخر لقناعتي التامة بأن أحمد الصادق يطربني جداً وهذا شئ شخصي ويخصني وحدي وربما يشاركني فيه البعض. فأحببت أن يشاركني زملائي ما أستمع له.
فأفترعت هذا البوست للتوثيق لبعض أعماله وإن كنت أراها قليله وذلك يرجع للفترة القصيرة لظهور الفنان أحمد الصادق. ولكني أري أنها جديرة بالإحتفاء بها إن لم يكن من باب الإعجاب فليكن من باب تناولها والتناقش حولها.
حاجة مهمة:- عليك الله مع إي توثيق ادينا أسم الاغنية و أدينا اسم الشاعر والملحن عشان نحفظ ليهم حقهم كمان وعشان نعرف انو لو ملحنين جُدد أو شعرا جُدد ما هو الموقف المتطور للحن الموسيقي مقارنة بالموقف من الالحان والموسيقة السابقه وبرضو نفس الشي ده الشعر والكلمة.
طلب أخر :- ياريت يا صاحبي لو كلمات الاغاني تنزل مكتوبة لانو اخوك مسألة الفيديو دي جد جد ما بيشوفه نسبة لمشاكل في جهازي (الجقروته*) ده.
ـــــــــــــــــــــــــــــــــــــــــــ * كلمة نعني بها الشي القديم البالي الذي يعمل بنصف الآداء لكنه يؤدي الغرض.
Post: #6 Title: Re: الإمبراطــور أحمــد الصـادق (بوست توثيقي) Author: أمين محمد سليمان Date: 09-16-2010, 06:21 PM Parent: #3
Quote: (الجقروته*) ده.
ـــــــــــــــــــــــــــــــــــــــــــ * كلمة نعني بها الشي القديم البالي الذي يعمل بنصف الآداء لكنه يؤدي الغرض.
الكلام ده قولو لناس ما عندها حدايد!!! بالله يا سفيان لو عندك مشكله مع وهبه تعال ليه عديل لانو المطاعنه ما سمحه ، قال جقروته قال !!!
----------- معليش يا أبوحوه لكن كان لازم نقعد سفيان ده في علبو قبل ما الموضوع يستفحل !!
حاجة مهمة:- عليك الله مع إي توثيق ادينا أسم الاغنية و أدينا اسم الشاعر والملحن عشان نحفظ ليهم حقهم كمان وعشان نعرف انو لو ملحنين جُدد أو شعرا جُدد ما هو الموقف المتطور للحن الموسيقي مقارنة بالموقف من الالحان والموسيقة السابقه وبرضو نفس الشي ده الشعر والكلمة.
الحبيب سفيان نابري: العيد (إمبارك) عليك وإن شاء الله السنه الجاية علي أمنياتك.. أولاً مرحباً بك وأنت صاحب الجولات في بوست ود العباسية الجميل (أغاني وأغاني). و ليتك رأيت لهفتي لتحليلكم للحلقات وأنا في العمل الذي يتعارض وقته مع بث الحلقة فكان تناولكم بمثابة (بخره) تجعلني أنتبه لملاحظاتكم عن تلك الحلقات وأداء الفنانين في الإعادة. وقد أضحكتني بكلمة (صوته مفندر) لو بتذكر.. المهم سأحاول قدر المستطاع أن أثبت حقوق الشعراء والملحنين.
Quote: طلب أخر :- ياريت يا صاحبي لو كلمات الاغاني تنزل مكتوبة لانو اخوك مسألة الفيديو دي جد جد ما بيشوفه نسبة لمشاكل في جهازي (الجقروته*) ده.
فكرتي تقوم علي ذلك يا سفيان ، أتمني أن أوفق في ذلك. يا زول كبرت ونحن ما عارفين ؟ قبل سنه فقط أنا شفتك شباب.. المهم كمبيوترك (الجقروته) دا الله يسامحو
ياحنين طوّل غيابـك أصلي مليت أنتظارك كل ما أقرب بتبعــد وعن خطاي بنسد بابك
بالسنين راجيك وصابر وأنت ناكــــــر أني ريدت الدنيا بيك وأني شفتها بي عينيك والحنان المنــي ليك لو كنت فاكــــر ياحنين مابترضي خاطر
غنيت عشانك كم غناوي فيها أحزان الغلابة فيها أيامي التعابة فيها إني كتير بعاني دمعة من زولاً سباني كان معاي ننسج أغاني وفجأة إتنكر نساني وانت ناكر للمعاني
ياحنين طوّل غيابك وأصلي مليت أنتظارك كل ما أقـرّب بتبعـد وعن خطاي بنسد بابك
Quote: نتابع باهتمام.. احمد الصادق غنّــاي والله .. بس عيبو الوحيد مظهرو غير لائق ( هذا من وجهة نظري )
الأستاذ معاويه عوض: كل سنه وإنت طيب
أحمد الصادق غناي بس؟
وجهة نظرك نعتز بها جداً ولكن ليتك لو فصلت لنا ما لا يعجبك في مظهر أحمد الصادق.. لأن هناك نقطه تخص كل الفنانين الشباب بما فيهم أحمد الصادق سآتي لها لاحقاً .
Quote: الكلام ده قولو لناس ما عندها حدايد!!! بالله يا سفيان لو عندك مشكله مع وهبه تعال ليه عديل لانو المطاعنه ما سمحه ، قال جقروته قال !!!
ياراااااجل !!! هو اصلاً انا قلته حاجة !!!!؟ يازول ها خليتها كلو كلو الكلمة دي زولك ده اخير منوا ابسفروك صاحب صلاح عبدالله .
ازيك يا امين خال حمور ياخ .
Quote: الحبيب سفيان نابري: العيد (إمبارك) عليك وإن شاء الله السنه الجاية علي أمنياتك.. أولاً مرحباً بك وأنت صاحب الجولات في بوست ود العباسية الجميل (أغاني وأغاني). و ليتك رأيت لهفتي لتحليلكم للحلقات وأنا في العمل الذي يتعارض وقته مع بث الحلقة فكان تناولكم بمثابة (بخره) تجعلني أنتبه لملاحظاتكم عن تلك الحلقات وأداء الفنانين في الإعادة. وقد أضحكتني بكلمة (صوته مفندر) لو بتذكر.. المهم سأحاول قدر المستطاع أن أثبت حقوق الشعراء والملحنين.
تتبارك ليك الأيام يا ابوحوه وشاكرين للاطرا واهو شُغل سمع ساااي وبنقول راينا لكن في ضُمتك صوته مفندر والا ما مفندر!!!؟ اها فتشته في كل النقد الموسيقي القى لي حاجة تناسب انقد بيهو صوت صباح دي وحاتك ما لقيت كلو كلو فتوكلته علي الواحد الدائم ودقشته ليك العامية السودانية ولقيته تب .
Quote: فكرتي تقوم علي ذلك يا سفيان ، أتمني أن أوفق في ذلك. يا زول كبرت ونحن ما عارفين ؟ قبل سنه فقط أنا شفتك شباب.. المهم كمبيوترك (الجقروته) دا الله يسامحو
برضو طمعانين في جهدك معنا هنا يا سفيان
اشكرك علي الاتفاقات وقطع شك ح اواصل معاكم.
Post: #26 Title: Re: الإمبراطــور أحمــد الصـادق (بوست توثيقي) Author: Osman Musa Date: 09-17-2010, 04:03 PM Parent: #25
العزيز فاروق سلامات والله يا فاروق يا أخى أنا عارفك أنت زول فنان وقاعد تسمع كويس . بس أنا أحمد الصادق ده ماراكب لى فى رأسى . الزول ده صوتو مطرطر وزى صوت العنبلوك الشاف البرسيم .
وأنشاءالله كلامى مايكون صاح تحياتى
Post: #27 Title: Re: الإمبراطــور أحمــد الصـادق (بوست توثيقي) Author: Salah Abdulla Date: 09-17-2010, 04:51 PM Parent: #26
الأغنية المشهورة (يابا حرام ) للفنان مصطفي مضوي وهي من أوائل الأغاني التي رددها الإمبراطور أحمد الصادق مع عدد من الأغنيات التي لفتت الناس لموهبتة وصوته وقد كانت ضمن ألبومه الأول ((يابا حرام)).
أحمد يطربك لما تتكيف يا هارون والبحه دي خليها بس. وإن شاء الله ستجد الكثير من الأعمال الجديده هنا.
Quote: بان وردي اطلق علي نفسه لقب امبراطور
اما هو فقد اطلق عليه الجمهور اللقب......!!!!!
شفته كيف......؟
والعهدة علي الراوي
واهديك اغنية ....
الجاب لي اخبارو
(كلام جرايد) يا هارون طبعا أنا أعرف أن بعض الصحفيين وبعض الصحف تبحث عن الإثارة لزيادة مبيعاتها بحكم عملي السابق بالصحافة. ولا أظن أن أحمد الصادق يجهل تاريخ وردي الطويل والجميل حتي يدلي بهذا القول.
أحمد الصادق قادم بالجديد والجميل.. أمسكوا الخشب يا هارون ...
لو قرأت مقدمة البوست لما احتجت أن تسألني ، ولكن لا يضير ذلك في شئ فقد سألت عدد كبير من جماهير أحمد الصادق وكان أغلبهم من فئة الشباب. قلت لهم كيف تطلقون عليه لقب الإمبراطور وتعرفون أن هذا اللقب لفنان إفريقيا الأول محمد وردي؟ وأن أحمد الصادق لازال في مرحلة البداية ؟!! كان رد أغلبهم أو جلهم بأن محمد وردي إمبراطور زمانه وكذا أحمد الصادق.
وبيني وبينك أنا مبسوط من هذا اللقب لأنه يضع علي أحمد الصادق عبء ثقيل هو أن يكون بقدر هذا اللقب الكبير ، بحيث يضعه أمام تحدي كبير لعمل شئ يتناسب مع هذا اللقب الكبير. كما أعرف أن أحمد الصادق قدر هذا التحدي وسنري ما سيفعل إن شاء الله.
Quote: العزيز فاروق سلامات والله يا فاروق يا أخى أنا عارفك أنت زول فنان وقاعد تسمع كويس . بس أنا أحمد الصادق ده ماراكب لى فى رأسى . الزول ده صوتو مطرطر وزى صوت العنبلوك الشاف البرسيم .
وأنشاءالله كلامى مايكون صاح تحياتى
الحبيب عثمان موسي:
كل سنه وإنت طب يا حبيب. نتفق أن مسألة الأذواق تختلف من شخص لآخر ولا عيب في ذلك لكن أحمد الذي تراه كما قلت أراه أنا عكسك تماماً.. و(الطرطره) التي تراها أنت تبقي نسيم عافيه وأكثر عند من يعشقه. أما التشبيه التاني دا برد عليه بـ: (ياخي ما تزعلني منك).. لكن يبقي هو رأيك الشخصي الذي قلته بوضوح
فالعبد لله سمع مصطفي سيد أحمد لما جاتو قُرحه وكنت بزعل جداً من والدي الذي يداعبني قائلاً: ياخي فنانك دا غناهو كلو طوريه وواسوق وشمار في مرقه دا غنا والله (حلّه مُلاح)؟
المهم هنالك فنانون كبار وكثر ، غناهم لا أجد له شبيه عندي سوي (ملاح الكدّاد) لا يطربني ولو غنوه إلي يوم يبعثون ، ولكني لا أقل ذلك لمن يحبونهم وذلك إعترافاً مني بمسألة الأذواق ، وإحتراماً لفنهم الذي يراه معجبوهم مقيماً.
فلا عليك يا صديقي فالمسألة لا تتعدي إختلاف الأذواق.
علي الليمان (الفندره) شويه عليهو عاد نكضب (إضنينا)..؟؟ كلام عاصم البنا عنها بي هناك أصلو ما دخل لي في صنقوري تب.
تعرف واحد صاحبي زهجان من صباح جنس زعل كلمتو بـ (مفندر) دي والله إتكيف جنس كيف قا لي دا مصطلح جديد حقو يدخلوهو قاموس معهد الموسيقي والمسرح حررم كل ما يقعد في مجلس وتكون صباح دي بتغني يقول ليهم: والله زي ماقال نابري البت دي صوته (مفندر)
تسلم يا سفيان وإنت بلا شك تستاهل لم نقل سوي الذي فيك يا جميل.
وأهلاً بك البوست بوستك.
Post: #35 Title: Re: الإمبراطــور أحمــد الصـادق (بوست توثيقي) Author: وليد عبد اللطيف Date: 09-19-2010, 07:21 AM Parent: #32
الجميل الشاعر المرهف ابوحوة
Quote: هذا من جانب. أما من الجانب الآخر لقناعتي التامة بأن أحمد الصادق يطربني جداً وهذا شئ شخصي ويخصني وحدي وربما يشاركني فيه البعض. فأحببت أن يشاركني زملائي ما أستمع له.
احمد الصادق شاب متطور ومجتهد واجمل ما به صوته الطروب الذي تلمس به بحة تميزة عن باقي الشباب حتى شقيقة حسين الصادق وربنا يوفقة في مسيرته الفنية وهذا طبعا بعد وقفتكم معة انتو كشعراء وملحنين . . ابوحوة ياخي سمعت ليك عمل قبل يومين مع الفنان الشاب عمر دفع الله وهو يغني واحدة من اغانيك في قناة زول الكلمات جميلة جدا بس التوزيع الموسيقي ماعجبني ياربي انا غلطان ولا تلفزيوني تعبان يازول نحن قاعدين هنا ومتابعين الشاب ود الصادق
----------------------------- تحياتي لكل الضيوف وكل سنة وانتم طيبين
Quote: احمد الصادق شاب متطور ومجتهد واجمل ما به صوته الطروب الذي تلمس به بحة تميزة عن باقي الشباب حتى شقيقة حسين الصادق وربنا يوفقة في مسيرته الفنية وهذا طبعا بعد وقفتكم معة انتو كشعراء وملحنين
الصديق وليد عبد اللطيف: كل سنه وإنت طيب وربنا يحقق أمانيك
كما قلت أحمد الصادق مجتهد ومتطور وعنده طموح كبير ليغني أجمل الألحان ، وقد لاحظت ذلك من خلال أعماله الأخيره وبحثه المستمر عن الجديد والجيد من الأعمال الغنائية ، وأكثر ما يعجبني فيه هو عدم حصر نفسه في نطاق ضيق من أهل الفن حتي لا يكرر نفسه ، وهذا في حد ذاته فكر كبير ، فالإحتكارية من قبل الشعراء والملحنين والموسيقين مضره في أغلب الأحيان لأن التفكير يكون ذاتي ولا يخدم في شئ.
أحمد يمتلك خامة صوت جيده لو وظفت التوظيف الصحيح . وعن جانبي لا أمانع في التعامل مع كل الشباب الجادين ، وبابي مفتوح بلا شك.
مستقبل الغناء في السودان في هؤلاء الشباب ، فمن حقهم علينا أن نعينهم ليقدموا لنا فن راقي ، لا أن نقف مكاننا متمترسين وراء (ياحليل غنا زمان) ، نعلم أنه جيد وجميل ونحفظه عن ظهر قلب ، ولكن المعطيات إختلفت الآن ، فالزمن ليس كما كان وكذا الآليات. أسوء ما فينا هو أننا مجبولون علي (الماضي) وحنينا إليه دوماً دون ان نقدم له ما يعين في وقته ، و تجدنا صُم بكمُ وعمي أمام المستقبل الذي لا نجيد التخطيط له دوماً.
أذكر هنا عند ظهور الفنان الجميل محمود عبد العزيز ، قلت لبعض الرافضين لتجربته وهي في طور التكوين ، قلت لهم:(دعوه يغني ومن حقكم أن لا تسمعوه) ، ولكن ما أحزنني وقتها أن سخّر بعض الزملاء الصحفيين أقلامهم للنيل من هذا القادم الجديد بإعتبار أنه (نشاز) وأن جمهوره من سواقط المجتمع . قالوها يومهم أن من يكن جمهوره (أصحاب الأورنيش) هو خصم علي الغناء السوداني و لن يضيف (مثقال فن). وقد وصلت درجة مقاومتهم لمحمود ذلك الوقت إلي وصفهم له بالمطرب (هناق)!!!! ، وقد سخر أحدهم كل رسوماته الكاريكاتيريه لهذا الغرض لا لشئ إلا لأنه لا يعجبه صوت محمود. ولكن هذا الفتي صاحب الصوت الرائع ولأنه موهوب وله عزيمه قويه إستطاع أن يصمد أمام كل المتاريس والتي تعدت متاريس الأفراد لتصل مرحلة (متاريس دوله) كامله ، لكنه تجاوز كل المعوقات وأوصل صوته الجميل وفنه الراقي للكل ن وخلق جمهور من كل الطبقات ، بل تربع علي العرش في وقت وجيز وأنجز أفضل وأروع الأغنيات.
أما الشق الثاني من حديثك سأعود له بلا شك,,
شكراً الحبيب وليد
ولي قدام
Post: #38 Title: Re: الإمبراطــور أحمــد الصـادق (بوست توثيقي) Author: جمال سعيد Date: 09-19-2010, 12:33 PM Parent: #37
سلامات وتحيات... أمتلاك مجموعة من الاغانى الخاصة كما موضح فوق دليل على الجدية والاهتمام ودا شى بيسعدنى جدا جدا ودا شى ايضا بنفقدو عند كتير من الفنانين الشباب والشباب +.
Quote: كلام عاصم البنا عنها بي هناك أصلو ما دخل لي في صنقوري تب.
لا نجوت إن نجى فردتنا يا ابو حوه وريني بس كتابتو دي وين!!!!؟
Quote: تعرف واحد صاحبي زهجان من صباح جنس زعل كلمتو بـ (مفندر) دي والله إتكيف جنس كيف قا لي دا مصطلح جديد حقو يدخلوهو قاموس معهد الموسيقي والمسرح حررم كل ما يقعد في مجلس وتكون صباح دي بتغني يقول ليهم: والله زي ماقال نابري البت دي صوته (مفندر)
Quote: وهذا الطريق قادمة فيه صباح عن طريق الاستاذ السنى الضوى رغم ان لها بعض الاخطاء غير الاساسية (اووفر تيوون) وهو من الحماس الزائد ويمكن علاجه بالمراس والخبرة وكثيرين من كانوا كذلك وانا منهم . وعالجها لى الاخ الاكبر والفنان عبدالعزيز المبارك
دا كلام عاصم فردتك يا عمك في بوست ( التسويط) بتاع الخير.. في النهايه رأي عاصم ممكن يكون صاح وممكن لا غايتو نتمني أن تتجاوز هذا (الأوفر لاف) القالو عاصم دا طارف جبريل المسخوت قا ل الوجنات بتديها حسن جداً
صاحبي قرا كلامك دا ومبسوط تب منك قال ليك : يوم شكرك ما يجي
Quote: سلامات وتحيات... أمتلاك مجموعة من الاغانى الخاصة كما موضح فوق دليل على الجدية والاهتمام ودا شى بيسعدنى جدا جدا ودا شى ايضا بنفقدو عند كتير من الفنانين الشباب والشباب +.
الحبيب جما ل سعيد:
كل سنه وإنت طيب يا ملك وربنا يحقق أمانيك أحمد الصادق له أعمال كثيره جداً بعضها خرج للناس وهو القليل ولكن يبقي القادم هو الأحلي بلا شك وإن كانت الأعمال الفنية لا تقاس بالكم ولكن جودة الأعمال المغناة هي الفيصل. اتمني أن يكون إنتاج الأعمال الجديدة الجيدة عملاً تنافسياً بين الفنانين حتي يكون المستمع هو المستفيد الأول من ذلك.
Quote: ابوحوة ياخي سمعت ليك عمل قبل يومين مع الفنان الشاب عمر دفع الله وهو يغني واحدة من اغانيك في قناة زول الكلمات جميلة جدا بس التوزيع الموسيقي ماعجبني ياربي انا غلطان ولا تلفزيوني تعبان يازول نحن قاعدين هنا ومتابعين الشاب ود الصادق
الحبيب وليد : الغريبه انا أعجبني التوزيع جداُ يا وليد والله وخصوصاً شغل مهيار فيه .. هذه الأغنية لحنها عمر دفع الله في ظرف 4 ساعات فقط بنظام الورش ن ولكنك ربما تحس بالإستعجال فيها.. كمبيوترك حاشاه لكن قناة زول معروفه ببساطة أشيائها والجودة المفقوده عندهم ، الأغنيه قام بتوزيعها الفنان الشاب مهيار إبن شاعرنا محمد نجيب محمد علي ، واعلم مدي مقدرته العالية في التوزيع الموسيقي ، ولكن نسبه لظروف تسجيل الأغنية المستعجل ، ولظرف الحادث المؤلم الذي تعرض له الفنان عر دفع الله قبل يومين من التسجيل والذي نجا منه بأعجوبه والحمد لله ، ربما كل هذه الأشياء ساهمت في أن تأتي الأغنية بالشكل الذي رأيت .
المهم شكراً علي الملاحظة يا وليد .. اما عن حسين الصادق شقيق أحمد الصادق دا كلام تاني كمان يا وليد ، صوت ما شاء الله سمح جنس سماحه ولا يقل عن أحمد في شئ .. كدي أسمع حسين الصادق في (كلمة) و أدينا رايك.
العيون الشالو قلبي من بجيبو تاني لي يلا أرجع يا قليبي خفف الحزن العلي
Post: #45 Title: Re: الإمبراطــور أحمــد الصـادق (بوست توثيقي) Author: وليد عبد اللطيف Date: 09-20-2010, 08:33 AM Parent: #43
ابوحوة
Quote: الحبيب وليد : الغريبه انا أعجبني التوزيع جداُ يا وليد والله وخصوصاً شغل مهيار فيه .. هذه الأغنية لحنها عمر دفع الله في ظرف 4 ساعات فقط بنظام الورش ن ولكنك ربما تحس بالإستعجال فيها.. كمبيوترك حاشاه لكن قناة زول معروفه ببساطة أشيائها والجودة المفقوده عندهم ، الأغنيه قام بتوزيعها الفنان الشاب مهيار إبن شاعرنا محمد نجيب محمد علي ، واعلم مدي مقدرته العالية في التوزيع الموسيقي ، ولكن نسبه لظروف تسجيل الأغنية المستعجل ، ولظرف الحادث المؤلم الذي تعرض له الفنان عر دفع الله قبل يومين من التسجيل والذي نجا منه بأعجوبه والحمد لله ، ربما كل هذه الأشياء ساهمت في أن تأتي الأغنية بالشكل الذي رأيت .
تعرف انا عجبني جدا الشاب عمر وثقته بنفسة في الحديث وارى ان الاستعجال كان ظاهر واضف الى ذلك امكانيات قناة زول كما تفضلت بس انا اري ان الاستعجال في التحلين يقتل الكلمات الجميلة وغير ذلك من الصعب اي واحد يلحن تعرف ليه لان كل الاغاني السودانية متشابه لذلك اهم شيء الملحن يكون متمرس . . . حسين الصادق + احمد الصادق ياخي ديل اولاد ممتعين بالزات لما تجدهم مع بعض في برنامج واحد او حفل واحد
Quote: تعرف انا عجبني جدا الشاب عمر وثقته بنفسة في الحديث وارى ان الاستعجال كان ظاهر واضف الى ذلك امكانيات قناة زول كما تفضلت بس انا اري ان الاستعجال في التحلين يقتل الكلمات الجميلة وغير ذلك من الصعب اي واحد يلحن تعرف ليه لان كل الاغاني السودانية متشابه لذلك اهم شيء الملحن يكون متمرس .
دا كلام ما عليه أي جدال يا وليد..
Quote: حسين الصادق + احمد الصادق ياخي ديل اولاد ممتعين بالزات لما تجدهم مع بعض في برنامج واحد او حفل واحد
ماشاء الله عليهم يا وليد متناغمين جداً ربنا يحفظهم ويزيدهم دوزنه.
كل سنه وإنتي طيبه كل يوم و الحب بخير كل ما أحزاني تكبـر بي عيونـك بستجير
إنت بيك العيد بيحلا يزدهي ويزداد نداوه عارفه يوم طّّلت عيونك زي صباح العيد نقاوه صحَت الشوق بي لهيبو عمّت امدرمان طراوه أهدت أرواحنا الكتير كل يوم و الحب بخير
إنتي يا الطيبه ورزينه يا عمر هادي وسعيـد جيت بشوق أهديها ريدي يا أمل عمري الوحيد هلّ عيدي الليله بيكِ وانت في دنياي عيد وانت نبراسي المنير كل يوم و الحب بخير
شوفي كم أعياد بدونك لا فـرح طليتو فيها إلا يوم طلت عيونك دي العيون البشتهيها يلا هِلّي واسعدينا فرحه العيد ضاعفيها طيّبي الخاطر الكسير كل يوم و الحب بخير
Post: #62 Title: Re: الإمبراطــور أحمــد الصـادق (بوست توثيقي) Author: عمران حسن صالح Date: 10-15-2010, 05:27 PM Parent: #61
الحمد لله الطلع مريخابي كمان كان هلالابي كان حنيت شوية وقتَ يمكن يجي منو خير معليش يا فاروق يا آخوي مزاجنا ما بتلمَ مع الزول ده ولا شي هنا يحتاج للتوثيق ومعليش تاني فالأمبراطور في بلدنا واحد " حتى الآن "
___________________________ خلي بالكـ طويل فلا شي شخصي هنا بالتأكيد
Quote: ومعليش تاني فالأمبراطور في بلدنا واحد " حتى الآن "
كلامي في أول البوست كان: ولقناعتي التامة بأن لقب (الإمبراطور) يزدهي طرباُ بقامة فنان أفريقيا الأول الموسيقار محمد وردي أمد الله في أيامه . والذي هو الفنان الذي يلامس صوته كل (العصب الرهاف) داخلي .. ولكني إسترسلت في نفس الإسم ربما لجدليته العنوان فقط ..
Quote: مزاجنا ما بتلمَ مع الزول ده
الأمزجه تختلف من شخص لآخر (مو كدي) ؟؟
Quote: خلي بالكـ طويل فلا شي شخصي هنا بالتأكيد
الله لا جاب الشخصي .يا عمران..لست أنا من يحور الرأي الآخر إلي شخصنه..
كامل الإمتنان يا ملك
Post: #64 Title: Re: الإمبراطــور أحمــد الصـادق (بوست توثيقي) Author: عمران حسن صالح Date: 10-16-2010, 10:31 AM Parent: #63