Post: #26
Title: Re: بس .. أدخل .. عليك الله
Author: soma
Date: 08-09-2008, 07:32 PM
Parent: #25
Quote: سوما كأنه مسمار طمبل دخل في البوست لقيتو مشتوح زي مشي نعاج البطانة الحُمَل [/QUOTE
فرجت فينى الجيران يا ود المنسى ياخ الله يضحكك ويفرحك ديمه قول آمين
اول حاجة ضحكتنى مرتين الاولى انك لا عارف طمبل ولا المسامر ههههههههههههه طمبل ده هيثم طمبل لاعب المريخ والمسمارد ده آخر هدف فى مرمى الهلال فى الدقائق الحرجة اول امس رغم انى هلالابيه حد النخاع لكن بالجد مبروك عليهم القون ..مهما يكون لازم نفرح ليهم بالنصر ونعترف بالحقيقة ومافى داعى نغالط روحنا الشىء التانى تعليقك الساخر ده يا ود المنسى لكن النبى فيك مسعول من الخير يا يابا دحن ات متأكد انك عاايش فى بلد الخواجات ومعرس منهم كمان ؟ ولا لسه حايم فى بطانة اهلك الغبش ناس سوما ومنتكى تحت شديرات الخلا الباااااااااااااارده فى العصرية تنم وتدوبى مشنق طاقيتك زى طاقية تبارك لكن بينى وبينك طاقية تبارك مى طاقية غبش دى طاقية لوارى ساااااااااااى تحياتى ليك ولى تبارك المشى القضارف كدارى اظنو لوريو وحل فى بادوبة القدمبلية فى الخريف
|
Post: #27
Title: Re: بس .. أدخل .. عليك الله
Author: خالد علي محجوب المنسي
Date: 08-09-2008, 07:53 PM
Parent: #26
Quote: لكن النبى فيك مسعول من الخير يا يابا دحن ات متأكد انك عاايش فى بلد الخواجات ومعرس منهم كمان ؟ ولا لسه حايم فى بطانة اهلك الغبش ناس سوما |
عليك أمان الله إتوقعتَ أن طمبل دا قطع شك ياحداد ولا سكمري ما قايل الشقي دا قطعوا وواسا هسي بعد المبارة الأخيرة ...
كيف تقولي كدي ياسوما عليك أمان الله الخواجات قربوا إجو البطانة ( الفات قديمو تاه )
بعدين هو عليك الله الفي الصورة دي ياهو تبارك تبارك الله .. والله ظنيتو الشاعر ود حسن الدابي
سوما هاك دي
الوليد : يما أديني شئ آكلو الأم : ياولد تأكل الحمت رمت
هسي قولي لي الحمت رمت دا شنو ؟؟ مودتي وتحياتي
|
Post: #28
Title: Re: بس .. أدخل .. عليك الله
Author: خالد علي محجوب المنسي
Date: 08-09-2008, 09:17 PM
Parent: #27
لحين ميسرة بنرجع
|
Post: #30
Title: Re: بس .. أدخل .. عليك الله
Author: rosemen osman
Date: 08-09-2008, 10:16 PM
Parent: #28
الدعوات دى والدتى ربنا يخليهاتخصص فيها كتب وكراسات مكتوبة المهم فى دعوة سمعتها يوم من والدةالرئيس عمر البشير ومن يومها وحفظتها وبتقولها لى لا أذكرها كلها لكن بداينها ودعتك لى الله وداعة كان وقعتى البحر ما تغرقى وكان ....ما تحرقى وووو
غايتو الله يسترنا من لاهاى المهم كان ما لقيتوها بضرب وبجيبها ليكم
|
Post: #34
Title: Re: بس .. أدخل .. عليك الله
Author: سلمى الشيخ سلامة
Date: 08-09-2008, 11:46 PM
Parent: #27
Quote: الوليد : يما أديني شئ آكلو الأم : ياولد تأكل الحمت رمت |
يا خالد اخوى زمان خالى صلاح احمد ابراهيم عليه الرحمة كان لمن يدور ليهو كباية شاى بقول لينا ـ يا بنات اعملو لى كباية شاى لكن ما دايرا لا بالدغنا ولا الحمت رمت
الشاهد انه الناس كانوا بقولو تاكل الدغنا او الحمت رمت ولغاية الان ما عرفت الدغنا ولا الحمت رمت كان عرفت ورينى ولا كان زول فى قال لابوه وكتر منها ارب زول بقول ليهو البو الينفخك او الببو اليشقك ياخ ديل صعبين صعوبية
|
Post: #36
Title: Re: بس .. أدخل .. عليك الله
Author: ALGARADABI
Date: 08-10-2008, 06:16 AM
Parent: #34
والله يا سلمي ذكرتينا أستاذ مصطفي في الثانوي العام كان جاي من عطبرة زمن الناس بتجي تقرا في الفرع ويشتغلو مدرسين بالنهار كان يقول لينا تاكلو الدغنا لما نسألو عن الدغنا يقول لينا: يا أوالاد الخرطوم الدغنا دي حاجة زي البسبوسة كده
|
Post: #40
Title: Re: بس .. أدخل .. عليك الله
Author: خالد علي محجوب المنسي
Date: 08-10-2008, 07:47 AM
Parent: #36
Quote: يا أوالاد الخرطوم الدغنا دي حاجة زي البسبوسة كده |
في التبادي يا القردابي ( عميرة ) الكبير ليه خاتي صورته صغيرة
وتاني التبادي لو ( الدغنا حاجة زي البسبوسة ) يكون دعا لكم ولا دعا عليكم .. الشي دي بتكون مصيبة زمان الله يجيب ريحان البطانة .. ( بتجيب خبرها ) ولا المسلط المنسحوح ومنزوع البركة ودشيقوق
( تحياتي لي أمنّو )
سلاام أبن عمي
|
Post: #31
Title: Re: بس .. أدخل .. عليك الله
Author: محمد البشرى الخضر
Date: 08-09-2008, 11:17 PM
Parent: #1
Quote: سلمى سلامة ومحمد البشرى لأانهما تربية حبوبات |
منسي يا عمك بالغت في تربية حبوبات دي لكن كمان كونك جمعتني مع أستاذتنا القديرة سلمى ووضعتني معاها في نفس المرتبة دي جا شاكرك عليها اذكر زمان لمن الواحد فينا يبكي بقولوا لينا ما تبكي فينا يبكوا عليك ان شا الله تقوم حاجة زينب - الله يرحمها - تزعل جدا و ما بترضى يداعونا
احييك على البوست يا منسي و نجيك باكر ان شاء الله نونسك بحكاوي حاجة زينب
|
Post: #41
Title: Re: بس .. أدخل .. عليك الله
Author: خالد علي محجوب المنسي
Date: 08-10-2008, 07:53 AM
Parent: #31
Quote: اذكر زمان لمن الواحد فينا يبكي بقولوا لينا ما تبكي فينا يبكوا عليك ان شا الله |
ودالبشرى سلااام ياطيب هو انت كنتَ بتبكي .. ( والله تكون كنتَ منجض شفع الحلّه نجاض ) عليك شوف دي .. حاجة قاسية شديد ( الدعا )
( يبكو عليك ) قضتو ولحقتو الصح وما بتعي قالت شنو
وقد يصادف دعاءها هذا وقت تجاب فيه الدعوة
تحياتي ودالبشرى وعشمنا فيك كتير خليك قريب
|
Post: #32
Title: Re: بس .. أدخل .. عليك الله
Author: خالد العبيد
Date: 08-09-2008, 11:30 PM
Parent: #1
ود المنسي تحياتي قصدك شنو سلمى تربية حبوبات
سلمية خدرا وزقاق ضيق
السلمية مقصود بيها سوط من شدرة السلم وطبعا السلم دقو حااار
اها اتخيل واحد جاري وراك شايل ليه سوط سلم وزراك في زقاق ضيق
لقيتوني كيف وبرجع
|
Post: #43
Title: Re: بس .. أدخل .. عليك الله
Author: خالد علي محجوب المنسي
Date: 08-10-2008, 08:02 AM
Parent: #32
Quote: سلمية خدرا وزقاق ضيق |
ود العبيد سلام الساعة عندكم كم ؟ حسي سِليمة خدرا وزقاق ضيق
دي زي زرة الكلب في الطاحونة
بمناسبة الزقاق الضيق قالوا في أتنين عينهم حارة شديد مترصدين ليهم واحد وكل يوم.. وهو بتحاشاهم على قدر ما يستطيع .. المهم يوم شافو دخل في زقاق ضيق وطويل ومافيه أي مخرج بالجانب يعني المخرج أول الزقاق وأخر .. جروا وكل واحد جا من طرف المهم لما إتلفت لقا واحد قدامو قبل بدور يرجع لقى التاني .. قام التاني قال : ( عاد وين والله كلبك دا محل ماتودي ميت ) ( يقصد كلب السيجا )
|
Post: #33
Title: Re: بس .. أدخل .. عليك الله
Author: خالد العبيد
Date: 08-09-2008, 11:34 PM
Parent: #1
بعدين لما يجي الصقط اوع تغلط تقول انا بردان
يقولوا ليك :
برد الحجاج الكلو عشرة في كراع فروة
الكلام ده اتخيل لي واضح لكن نشرحو اكثر
قد يصادف موسم الحج فصل الشتاء اها الحجاج العرايا ديل يقبلوا وين كل عشرة منهم يدخلوا ليهم في جلد خروف
وبرضو برجع
|
Post: #35
Title: Re: بس .. أدخل .. عليك الله
Author: حاتم هاشم
Date: 08-10-2008, 01:47 AM
Parent: #33
بسم الله الرحمن الرحيم
اب احمد ... حياك الله سلام وتحيه ليك ولزوارك الافاضل
( اديك العافيه ويسكنك الصافيه )
سلام لاحمد وامه ...
ــ ابوهاشم .
|
Post: #37
Title: Re: بس .. أدخل .. عليك الله
Author: حمد عبد الغفار عمر
Date: 08-10-2008, 06:51 AM
Parent: #35
الاخ خالد
صباح الخير
زمان الواحد لما يزعل يقول ماشي يقولوا ليه
امش تمش و التراب يكمل
يعني ما القي ليه تراب اجي راجع بيهو ( كلام ناس قنعانين منو)
|
Post: #38
Title: Re: بس .. أدخل .. عليك الله
Author: خالد علي محجوب المنسي
Date: 08-10-2008, 07:25 AM
Parent: #37
Quote: فى دعوة سمعتها يوم من والدةالرئيس عمر البشير ومن يومها وحفظتها وبتقولها لى لا أذكرها كلها |
الأخت الفاضلة روزمين تحية طيبة سلاام ( أنتِ وصلت لا عند أم عمر البشير لميتي فيها وين في بكا في حوش بانقا ولا في محطة بصات شندي )
لك التحية على المرور وكدي إتذكري وأرجعي
|
Post: #39
Title: Re: بس .. أدخل .. عليك الله
Author: خالد علي محجوب المنسي
Date: 08-10-2008, 07:36 AM
Parent: #38
Quote: الشاهد انه الناس كانوا بقولو تاكل الدغنا او الحمت رمت ولغاية الان ما عرفت الدغنا ولا الحمت رمت كان عرفت ورينى |
سلمى سلامة زهرة عروس الرمال سلااام ترباية حبوبتا أنا حالي مستنجد بيك أنت والبشرى لأنو هناك كلمات كتيرة يستخدمها الناس في الدعا على الشخص أو الدعاء له ونستخدمها نحن ولكن لا نعرف معناها.... لذا حبيت أن أفتح هذا البوست وإيد مع إيد تجدع بعيد
كدي نناغم ريحانة البطانة وسوما ومنصور المفتاح وابوحريرة ممكن يفزعونا
ولك تحياتي ومودتي
|
Post: #42
Title: Re: بس .. أدخل .. عليك الله
Author: مجدي عبدالرحيم فضل
Date: 08-10-2008, 07:54 AM
Parent: #38
الجميل خالد أبوأحمد
المجري (اريتك ياظل ضحاي تتمدد)
فوقك العافية
غيمة
تتلقاك خرزاته سبح هطول ممدود لحد قبر الرسول (دي من عندي أبوأحمد)
،،،،أبوقصي،،،،
|
Post: #44
Title: Re: بس .. أدخل .. عليك الله
Author: فيصل محمد خليل
Date: 08-10-2008, 08:06 AM
Parent: #42
هسع اكتب دعوة حبوبتي كيف ?.
بالرطانة ?
ما ندخل بوستات و الا كيف يعني
اصيع انا و لا ايه
|
Post: #55
Title: Re: بس .. أدخل .. عليك الله
Author: خالد علي محجوب المنسي
Date: 08-10-2008, 11:35 AM
Parent: #44
قولها يا فسيسل هليل ( كر كدموني كوريق كدود ) يعني يا ولد تعال تجي مسابق االنبي
تعرف يا فيسل هليل كان بحكي لي الظريف شهاب الدين الحسن انو جنبهم جيران دنقلاة المهم الأم يوم لقت ولدها ( عماد ) يخوض في موية البلاعة بتاعت جيرانهم وقالت له :
إفي ياعماد إفي ..إذ كان تإومي ( تعومي ) في موية البلاعا إفي
تحياتي فيسل
|
Post: #51
Title: Re: بس .. أدخل .. عليك الله
Author: خالد علي محجوب المنسي
Date: 08-10-2008, 11:15 AM
Parent: #42
Quote: تتلقاك خرزاته سبح هطول ممدود لحد قبر الرسول (دي من عندي أبوأحمد)
،،،،أبوقصي،،،، |
آميــن يا ابوقصي ولك مثلها وربنا يديك الصحة والعافية ويديك الفي مرادك ويردك غربتك سالم آمن والجيب ملان ...
تحياتي ومودتي ابوقصي
|
Post: #54
Title: Re: بس .. أدخل .. عليك الله
Author: خالد علي محجوب المنسي
Date: 08-10-2008, 11:28 AM
Parent: #37
Quote: زمان الواحد لما يزعل يقول ماشي يقولوا ليه
امش تمش و التراب يكمل |
كملو حتى التراب والله السودانيين ديل حتى التراب البتمشي علي يكمل
قلت ليك مناصفتهم ودعاهم دا لو سو شعر كانوا غنوة الامة ببلاغة الشعر والادب
تحياتي يا حمد
|
Post: #53
Title: Re: بس .. أدخل .. عليك الله
Author: خالد علي محجوب المنسي
Date: 08-10-2008, 11:23 AM
Parent: #35
Quote: اب احمد ... حياك الله سلام وتحيه ليك ولزوارك الافاضل
( اديك العافيه ويسكنك الصافيه )
سلام لاحمد وامه ... |
حاتم هاشم لك التحية الطيبة يا صديق كيف حالك طولنا والله ومشتاقين
( إديك العافية ويسكنك الصافية ) دعوا سمحة شديد تعرف زمان كان في واحدة من أهلنا ناس شندي ديل مسافرة مع ود بتها من شندي للخرطوم أها لما جو في الصافية البص وقف .. الحاجة شافت الفلل وكل البيوت من طابقين أو ثلاثة .. سألت ود بنتها .. الامين البلد وين ؟ قال ليها : دي الصافية يا حبوبتي .. قالت لي يا كافي البلاء الصافية دي مالا كلها مستشفيات ... ( مسكينة في شندي ماشافت مبنى من طابقين غير المستشفى )
تحياتي ومودتي يا حاتم
|
Post: #49
Title: Re: بس .. أدخل .. عليك الله
Author: خالد علي محجوب المنسي
Date: 08-10-2008, 10:22 AM
Parent: #33
Quote: بعدين لما يجي الصقط اوع تغلط تقول انا بردان يقولا ليك برد الحجاج |
نعم برد الحجاج .. وبرد الجفاف حار ويشقق اليدين والكرعين
مرات يقولوا ليك : ياولد تعال أمسي الدكان جيب لينا كدي وكدي تقول : مابقدر عاوز أقرأ
تجيك الدعوا
( القُر الينفخك )
القُر معروف هو البرد الشديد
|
Post: #45
Title: Re: بس .. أدخل .. عليك الله
Author: خالد العبيد
Date: 08-10-2008, 08:22 AM
Parent: #1
فيصل الجميل تحياتي
Quote: هسع اكتب دعوة حبوبتي كيف ?.
بالرطانة ?
ما ندخل بوستات و الا كيف يعني
اصيع انا و لا ايه |
تعرف ذكرتني حاجة جميلة جدا احكيها ليك مادام بوست خالد ده بتاع حبوبات كنت يوم مع صديقي الحلفاوي عباس وهبة بعد ما ساهرنا حاجة زهرة ام عباس نادتنا للعشا تركين خطير كان معاهم حبوبة وخالة تانية جداد لنج من البلد الجماعة ياكلو والونسة رطانة ما تديك الدرب انا الجعلي مسردب ما فاهم التكتح والجماعة يقرقرو !! ويتونسوا اها واحدة من الحبوبات لاحظت انو انا ساكت ساي قالت لي عباس بالرطانة صاحبك ده ما لو ما بتكلم ابكم ولا شنو قال ليها ياحبوبة ده ما بعرف رطانة الحبوبة انزعجت جدا ودورت ليك معاهم شكلة حادة بالرطانة قالت ليهم مش حرام عليكم زول كبير زي ده ما تعلموه الكلام ليه واستمرت مدوره شكلة مع عباس المسكين الذي حاول ان يقنعها انو بيتكلم عربي لكن كل المحاولات باءت بالفشل الزريع لانو الحبوبة خاتة في راسه انو المابعرف يرطن ما بيعرف يتكلم خالص
ياخ تعال بي رطانتك
|
Post: #46
Title: Re: بس .. أدخل .. عليك الله
Author: اسامة دفع الله ابوالحسن
Date: 08-10-2008, 08:23 AM
Parent: #1
ودالمنسي
هاك دي من حبوبتي الله يرحمها ويغفر لها
(عاد أنت يايابا تتعلى ماتتدلى )
واحدة تانية
(انت تدي ويدو منك)
وعندها واحدة عندما تستيقظ من النوم صباحا دعوة كاربة اذكرها رغم مرور السنين وتبدل الاحوال
(اصبحنا بسيد الصباح وجبريل الفي مكة صاح)
اها كيف ماحسن من سلمى
تحياتي
اسامة (ود الراجل)
|
Post: #56
Title: Re: بس .. أدخل .. عليك الله
Author: خالد علي محجوب المنسي
Date: 08-10-2008, 11:44 AM
Parent: #46
الحبيب أسامة دفع الله السلام جاك سيدي مترادف مطبوق وتتعلّى وما تتدلّى
Quote: (عاد أنت يايابا تتعلى ماتتدلى )
واحدة تانية
(انت تدي ويدو منك)
وعندها واحدة عندما تستيقظ من النوم صباحا دعوة كاربة اذكرها رغم مرور السنين وتبدل الاحوال
(اصبحنا بسيد الصباح وجبريل الفي مكة صاح)
اها كيف ماحسن من سلمى |
أها عليك الله شوف جنس جمال بلاغة الكلام دا ( من حقك تدي بخاطرك واهلك يدو أولادك وزوجتك ) والله ما خليت ليك شئ تب يا أسامة والقصد ان يغنيك الله من فضله وتوجود بما أعطاك الله وبلاحدود حتى أنك تفتح المجال لاهلك التصرف في الإنفاق .. يا سلام على مثل هذا دعاء
لك التحية والمودة
|
Post: #47
Title: Re: بس .. أدخل .. عليك الله
Author: خالد العبيد
Date: 08-10-2008, 08:33 AM
Parent: #1
معتصم تحياتي
Quote: انت يا يابا تتعلى ما تتدلي .. أها دي دعوة حبوبات .. |
دي دعوة والده لي ابنها قبل ما يسافر والراجل ده جنو كوتشينة مدور حريق مع العزابة طواالي ربنا استجاب لي دعوة والدته صاحبنا طوالي مقبوض فوق بي اربعتاشر كرت اصلو ما بينزل كلو كلو دايما في العلالي !!!
|
Post: #48
Title: Re: بس .. أدخل .. عليك الله
Author: فيصل محمد خليل
Date: 08-10-2008, 09:08 AM
Parent: #47
الكومندنتا خالد ود العبيد كتب
Quote: قالت ليهم مش حرام عليكم زول كبير زي ده ما تعلموه الكلام ليه |
فقعتني من الضحك
تعرف يا خالد نحن لما نجي مسافرين
الخرطوم حبوبتنا بتسألنا انتو ماشين السودان متين
هي بتعتبر حلفا دولة و السودان دولة تانية و لا شنو ما عارف
تحياتي
|
Post: #57
Title: Re: بس .. أدخل .. عليك الله
Author: خالد علي محجوب المنسي
Date: 08-10-2008, 11:51 AM
Parent: #47
Quote: دي دعوة والده لي ابنها قبل ما يسافر والراجل ده جنو كوتشينة مدور حريق مع العزابة طواالي ربنا استجاب لي دعوة والدته صاحبنا طوالي مقبوض فوق بي اربعتاشر كرت اصلو ما بينزل كلو كلو دايما في العلالي !!! |
والله يا ودالعبيد ما غلبكم شئ حتى الدعوة دي لقيتو ليها مخرج
.... يقال عندنا في شندي في اسرة ناس الامين الحسن والعجيبة كلهم أصواتهم جميلة وكانوا فنانين يقال عنهم أن جدتهم دعت لهم في ليلة من الليالي الفردية في العشر الآواخر من رمضان كانت تريد ان تقول ( يا ربي أدينا الغناء لي جنى الجنى ).. ( اي كثرة المال ) فقالت ( ياربي أدينا الغُنا لي جنى الجنى ).. ( اي الطرب وحبه والإبداع فيه )
تحياتي ودالعبيد
|
Post: #50
Title: Re: بس .. أدخل .. عليك الله
Author: omer osman
Date: 08-10-2008, 10:23 AM
Parent: #1
نحن في كلية الشرطة كان التعلمجية الواحد يقول ليك (لف يلف قطرك) حقيقة ما كنت فاهم يعني شنو
يلف قطرك ؟ والمقصود يلف يطلع من القضيب يعني ينقلب ........
اما في الكورة لمن الجمهور يكون عاوز اللاعب يرفع الكورة يعني عكسية واللاعب يتأخر بقولوا ليهو
(ارفعه يرفع عنقريبك) وده الموت زاتوووووووو.
|
Post: #52
Title: Re: بس .. أدخل .. عليك الله
Author: هاشم أحمد خلف الله
Date: 08-10-2008, 11:20 AM
Parent: #50
اخوي الحبيب خالد جزاءك الله عنا الف خير
انت عارف امي بتقول لي شنو ؟؟؟
عافية ليك لبن صدري وشيل حكري
ويغطيك جناح جبريل لا ينكسر لا يلين
وبعدين في رصة كده بتاعت دعاء جميلة خلاس
بس ما جافظه .
|
Post: #58
Title: Re: بس .. أدخل .. عليك الله
Author: خالد علي محجوب المنسي
Date: 08-10-2008, 12:01 PM
Parent: #50
Quote: نحن في كلية الشرطة كان التعلمجية الواحد يقول ليك (لف يلف قطرك) حقيقة ما كنت فاهم يعني شنو
يلف قطرك ؟ والمقصود يلف يطلع من القضيب يعني ينقلب ........ |
جنابو عمر عثمان تحضرني أبيات للشاعر محجوب شرف .. بس والله من تشابه الأسم وانت يا جميل ما المقصود قالها وهو كان في سجن كوبر في 1971
يصف فيها نميري وزبانيته
إذاعة في ساعة هنا أم درمان دراب صالحين وعمر عثمان جاء القائد قام القائد صلى القائد ركع القائد شلع القائد ومزّا كمان ولفَّ سجارة واو بي الليل وفرتك لعبة في أم ضبان
( إلف قطرك نعم دعوا معروفة )
ومنها جاءت كلمة ( يازول قوم لف كدي ) يعني أطلع من الموضوع دا
لك الشكر أخي عمر وخليك قريب تحياتي ومودتي
|
Post: #59
Title: Re: بس .. أدخل .. عليك الله
Author: خالد علي محجوب المنسي
Date: 08-10-2008, 12:12 PM
Parent: #58
Quote: عافية ليك لبن صدري وشيل حكري
ويغطيك جناح جبريل لا ينكسر لا يلين |
هاشم الحبيب كيفك يا رجل يالها من دعوات صالحات من أم رؤوم حنون العفو في العافية وعفت لك شيئين عظمين لبنها التي أرضعت في عامين وأنت قطع شك بتكون أخدت ليك ستة شهور فوق المقرر ( بعرفك شفقان ) وشيل حكرها التي ظللت فيه إلى أن قمت منه تف يا المدرسة جاك زول وبعد دا في السيرات والأعراس متحكر فوق حكرها ...
الله يديك العافية ومافي شئ خير من رضاء الوالدين والله يسعدك دنيا وآخرة
تحياتي ومودتي
|
Post: #60
Title: Re: بس .. أدخل .. عليك الله
Author: خالد علي محجوب المنسي
Date: 08-10-2008, 12:16 PM
Parent: #59
ما زال سؤالنا قائم ولم نجد الإجابة عليه
معني كلمة * الدغنّا
* الحمت رمت
|
Post: #61
Title: Re: بس .. أدخل .. عليك الله
Author: خالد علي محجوب المنسي
Date: 08-10-2008, 12:25 PM
Parent: #60
حين أفكر أن بعض الأمهات يجهلن ما يقلن من دعاء على أعز الناس إليهنَّ ( الأبناء ) وحين أخال أن ذلك ناتج من بعض الضغوط اليومية والأمهات عانينا ما عانينا في تربيتنا وكل هموم البيت وكل هموم الأطفال ( والأطفال كُتار ) في زمن كانت فيه الأسرة التي فيها خمسة أطفال تعد أسرة صغيرة وهذا إضافة لهم الغسيل والمكوة والنظافة وغيرها من هموم الأمهات
مثلاً أم تدعو على جناها ضناها وتقول
يا ولد تلدّا البنط ( يعني تلد ليك قرد ) أها حسي لو أستجاب الله ساعتها دعائها هذا وكان حفيدها قرد بتقع بي وين ؟؟
ولا تقول لي بنتها يا بنت أنتِ بي أم بنتو
هي أم بنتو دي ذاتا شنو ؟؟
أهها بقو ثلاثة
* الدغنا
* الحمت رمت
* أم بنتو
|
Post: #78
Title: Re: بس .. أدخل .. عليك الله
Author: سلمى الشيخ سلامة
Date: 08-10-2008, 09:41 PM
Parent: #60
Quote: ما زال سؤالنا قائم ولم نجد الإجابة عليه
معني كلمة * الدغنّا
* الحمت رمت |
يا ود امى الحنين عادامى ماتت وما باقى لى الا الذاكرة دحين يعنى الدغنا قالو الحنضل والحمت رمت ـ التراب
ونحكى ليك بنسوان بربر ومثل سار قالو الله يكفينا شر القوالة نسوان بربر بتلمن للونسة واول ما واحدة منهن مرقت نزلوا ليك فايلاتا قلبه وعدله اها بتفضل واحدة قالو الاخيرة دى تقول ليهن ـ اها الترابة دى فى خشمكن كلكن ومن هنا جا المثل المعروف ترابة بنات بربر يقول ليك كشحت لهن ترابة بنات بربر الا يا عشاى اهلنا وكتين نجى مسافرين امانى دعواتن ميهن سمحات ودعتك لامين الوداعة فى كل بلد ساعة ودعتك للانام لاضاق الطعام وداعةتغتيك من درب السفر تنجيك ياالحبيب تجيبك صادى امان وسلام شاحدة ربى ابقى عشرة على رويحتك وامسك فى درب الله عافية منك وراضية عليك عفويا ينجيك ويطرح البركة فيك خطوتك خدرا ودربك اخدر متل قلبك ودعتك الله وعاد (زى مابقول دكتورعبد الله الطيب ) الدميعات تف تف تف والعيون ما بتقدر تشوفن من الدموع لكن الدعوات السمحات ينسنك روحك
تسلم من كل شر ويطول عمرك والزمان ما يدمرك يديك الفى مرادك وتخرف وسط اولادك لا يعافوك ولا يخلوك محنة تملا الروح وتفضل وعيالا يشيلو كبرك وزوجة تملا عليك حياتك وعيالا بخات وسعاد شاحدة الله عليك يا خالد يا محجوب
|
Post: #62
Title: Re: بس .. أدخل .. عليك الله
Author: أبو الحسين
Date: 08-10-2008, 12:36 PM
Parent: #1
Quote: دخلنا ...
يدخلك الـ .... |
الحبيب تبارك...
أحسن تقول ليهو دخلنا...
الدَخَلْ الما يِنْطَبَّ!!!
فوق عدوك إنشاء الله يا صاحبي خالد...
يعلم الله ليك وحشة قدُر شوقي ليك...
مرت كلمة الدَغَنة... وطالبين الدكشنري ليها...
ونحن عندنا الدَغَنِي... وهي كالآتي: (1) الحِيبِي... (2) أو الفَرْنَاغَة...
وبعد دا لو ما عارفين إستعين بي صديقك د. ياسين...
لك وللمرور الجميل قواسيب مودتي...
أبو الحُسين...
|
Post: #64
Title: Re: بس .. أدخل .. عليك الله
Author: خالد علي محجوب المنسي
Date: 08-10-2008, 04:49 PM
Parent: #62
الحبيب الفاضل أبوالحسين قواسيب سلاام ضُمه مشتاقين والله
Quote: أحسن تقول ليهو دخلنا...
الدَخَلْ الما يِنْطَبَّ!!! |
أها دي نوع من الدعاء على الإنسان الخطيرة شديد ( الدّخل الما ينطب ) يعني يدخل فيه جن وما يلقى طبيب يطبو من مسه وجنونه
Quote: ونحن عندنا الدَغَنِي... وهي كالآتي: (1) الحِيبِي... (2) أو الفَرْنَاغَة... |
وهو أقرب المعاني يا أبوالحسين أنا كنت غير متأكد وحبيت أتأكد هي الفرناغة والفرناغة هي تراب زي الرماد إذا وضعت فيه رجلك قوّم عُفار
لك المودة يا أبوالحسين على المرور الجميل
قواسيب مودتي
|
Post: #63
Title: Re: بس .. أدخل .. عليك الله
Author: JAD
Date: 08-10-2008, 01:08 PM
Parent: #1
الأخ ود المنسي ..
ينساك الهم والغم قول آمين يا رجل يا طيب ..
أحفاد الشريفية الرسالة بت إبراهيم ود المهدي جميعنا يحفظ تلك الدعوات الجميلات المدبجات الجامعات ..
كنا لمن نجي نودعها لسفر قاصد تدعو لنا بالآتي:
يحفظكم حافظ السيف في الجفير ..
وحافظ المخ في القصير ..
وحافظ الموية في البير ..
وحافظ البيضة لمن تفقع وتطير ..
ثم تعقبها ..
ودعتكم لي الله ..
وداعة لا تديكم ولا تمضع فيكم ..
إن ختوها في الدرب ما سرقت ..
وإن ختوها في النار ما حرقت ..
وإن ختوها في البحر ما غرقت ..
وداعة الله عند الرسول ..
عليها رحمة الله وغفرانه ..
جاد
|
Post: #65
Title: Re: بس .. أدخل .. عليك الله
Author: ismeil abbas
Date: 08-10-2008, 05:52 PM
Parent: #1
ألأخ/خالد
لك التحية وأنت تفتح هذا البوست الموفق بأذن الله...
Quote: اخوى ود المنسى انت يا يابا تتعلا ما تدلا قول آمين
|
الله يديك الصحة والعافية يا أسماء بنت الجنيد..ويبارك فيك وفى جنى جناك إن شاء الله
هذه الدعوة ..الله يرحم والدتى..أم كلثوم بنت الفكى إبراهيم..ويوسدها البارده يا رب ويجعل قبرها روضة من رياض الجنة..ووالدينا جميعآ وكل موتى المسلمين...كانت تملا فمها دائمآ بهذا الدعاء لى..
..................((إن شاء الله ياولدى تتعلا ما تدلا))..............وكان هناك موقف طريف.مع المرحوم الدكتور كمال عربى..نسأل الله له المغفرة..عندما حضر إلينا فى المكتب وأنا فى الطابق ألأول وهو فى ألأرضى وأتصل بالتحويلةوقال أنزل لى يا إسماعيل..قلت ليهو يا دكتور أطلع لى إنت أنا أمى بتقول لى دأئمآ إن شاء الله تتعلا ما تدلا..فضحك الله يرحمه وقال لى تربية حبوبات..
شكرآ لكم كثيرآ سأعود بأذن الله..مودتى..
إسماعيل محمد احمد عباس....
|
Post: #67
Title: Re: بس .. أدخل .. عليك الله
Author: خالد علي محجوب المنسي
Date: 08-10-2008, 06:39 PM
Parent: #65
الأخ الفاضل جاد المحترم السلام ليك يا الزين شكراً كتير على الدعاء الطيب الذي شملتني به ( ينساك الهم والغم ) آميــــــــن آميــــــــن آميــــــــــن
Quote: أحفاد الشريفية الرسالة بت إبراهيم ود المهدي جميعنا يحفظ تلك الدعوات الجميلات المدبجات الجامعات ..
كنا لمن نجي نودعها لسفر قاصد تدعو لنا بالآتي:
يحفظكم حافظ السيف في الجفير ..
وحافظ المخ في القصير ..
وحافظ الموية في البير ..
وحافظ البيضة لمن تفقع وتطير .. |
يا سلااام والله كلام وتحس كأنه منظوم من درر ( حافظ البضة لآمن تفقع تطير ) هذه بلاغة عالية والحكمة تجدها نابعة من إنسان غير متعلم لكن علمته مدرسة الحياة
Quote: ثم تعقبها ..
ودعتكم لي الله .. |
اي وأمنتكم للذي لا تضيع عنده الودائع ( الله تعالى )
Quote: وداعة لا تديكم ولا تمضع فيكم ..
إن ختوها في الدرب ما سرقت ..
وإن ختوها في النار ما حرقت ..
وإن ختوها في البحر ما غرقت ..
وداعة الله عند الرسول ..
عليها رحمة الله وغفرانه .. |
كلمة ( تمضع فيكم ) لست متأكد لكن دوماً يعني بها السوادنيين ( تفرط فيكم )
فلجدتك الحاجة الشريفية الرسالة بت إبراهيم رحمة تنزل عليها من العلي القدير رب العالمين ولك التحية والمودة أخي جاد
|
Post: #66
Title: Re: بس .. أدخل .. عليك الله
Author: أبوبكر أبوالقاسم
Date: 08-10-2008, 06:31 PM
Parent: #1
الحبيب ود المنسى حفظك الله
دخلنا مغمضين بدون حليفة ووجدنا البوست عامر بكل ما هو جميل وكحفور فى وجداننا والكثيرون منا يتمنون عودة هذا الزمن الجميل.
استمتعنا بحق وأبهجنا زوارك .
شكراً على الفكرة الظريفة ، وراجعين بشئ من كلام الحبوبات.
|
Post: #68
Title: Re: بس .. أدخل .. عليك الله
Author: خالد علي محجوب المنسي
Date: 08-10-2008, 06:49 PM
Parent: #66
Quote: ..................((إن شاء الله ياولدى تتعلا ما تدلا))..............وكان هناك موقف طريف.مع المرحوم الدكتور كمال عربى..نسأل الله له المغفرة..عندما حضر إلينا فى المكتب وأنا فى الطابق ألأول وهو فى ألأرضى وأتصل بالتحويلةوقال أنزل لى يا إسماعيل..قلت ليهو يا دكتور أطلع لى إنت أنا أمى بتقول لى دأئمآ إن شاء الله تتعلا ما تدلا..فضحك الله يرحمه وقال لى تربية حبوبات.. |
الأخ الفاضل ( أسماعيل ) عباس وإن شاءالله أكون كتبت الاسم صاح .... عندي عقدة مع الحروف اللاتينة في نطق الأسماء أخي أحيك بتحية طيبة قوامها وفحواها سلاام وتسلم من كل شر
ونحن بنقول ليك آمين آمين آمين ربنا يتسجيب دعاء حبوبتك وتتعلى ماتدلّى
وشكراً على المرور الطيب ومنتظرين منك كل جميل يا جميل
تحياتي ومودتي
|
Post: #69
Title: Re: بس .. أدخل .. عليك الله
Author: خالد علي محجوب المنسي
Date: 08-10-2008, 06:57 PM
Parent: #68
Quote: استمتعنا بحق وأبهجنا زوارك .
شكراً على الفكرة الظريفة ، وراجعين بشئ من كلام الحبوبات. |
أخي وصديقي أبوالقاسم لك تحياتي وأنت بين أهلك والأحباب سعدت بيك كتير يا المبروك وفي زحمة السودان ما ناسينا وبتطلنا لك الشكر الجزيل منا ومنتظرين العودة والعود بالحميد هنا وتحت الشديرات ولي قِدام يا الحبيب
تحياتي ومودتي
|
Post: #71
Title: Re: بس .. أدخل .. عليك الله
Author: خالد علي محجوب المنسي
Date: 08-10-2008, 07:13 PM
Parent: #69
المنــــديل كان هدية من المحبوبة والهدية غالية وبنحرص عليها. وبالذات لو كانت من حبيب وللحبيب معزة والمعزة خاصة .. ضاع المنديل وضاعت معه كل فرحة كان يحملها... فما كان من صاحبه إلا أن نظم أبيات منظمومة شعراً يدعو على من سرق منديله أو وجده ولم يعيده له ... معاً نشوف أبيات هذه القصيدة التي فيها من الدعاء على الشخص الذي سرق أو لقى المنديل ما تتعجب له ....
منديلي راح مني والشالو مايتنّي ومايشيل خِلافو
|
Post: #70
Title: Re: بس .. أدخل .. عليك الله
Author: ismeil abbas
Date: 08-10-2008, 07:12 PM
Parent: #1
لك التحية ألأخ/خالد....
Quote: الأخ الفاضل كمال عباس وإن شاءالله أكون كتبت الاسم صاح .... عندي عقدة مع الحروف اللاتينة في نطق الأسماء أخي أحيك بتحية طيبة قوامها وفحواها سلاام وتسلم من كل شر
ونحن بنقول ليك آمين آمين آمين ربنا يتسجيب دعاء حبوبتك وتتعلى ماتدلّى
|
ذلك كان دعاء الوالدة الله يرحمها........ولم تزوجت..دعت لى فالت ياولدى الله يخلى مرتك لؤلوة فى عينيك وسكرة فى فمك..شوف جنس الكلام السمح...ده..وكلام كتير لم اتذكره....
مودتى.............إسماعيل........محمد احمد .....عباس..........
والتحية لآخونا عضو المنبر ..كمال عباس..
|
Post: #72
Title: Re: بس .. أدخل .. عليك الله
Author: ismeil abbas
Date: 08-10-2008, 07:16 PM
Parent: #1
قيل لآحد الصالحين:أى ألأخوان أحق ببقاء المودة؟
فال:الوافر دينه.والوافى عقله.ألذى لاينساك على البعد.إن دنوت منه دناك.وإن بعدت عنه راعاك.وإن إستعنت به عضدك.وتكون مودة فعله أكثر من مودة قوله.غفر الله لنا ولكم.......
هكذا يكون وفاء ألأخ/ لأخيه وألأخت لآختها..نسأل الله أن يديم المعروف بين الناس..........
إسماعيل محمد احمد عباس.............
|
Post: #73
Title: Re: بس .. أدخل .. عليك الله
Author: خالد علي محجوب المنسي
Date: 08-10-2008, 07:29 PM
Parent: #72
Quote: ذلك كان دعاء الوالدة الله يرحمها........ ولكا تزوجت..دعت لى فالت ياولدى الله يخلى مرتك لؤلوة فى عينيك وسكرة فى فمك.. شوف جنس الكلام السمح...ده..وكلام كتير لم اتذكره.... |
وهكذا يبدو قد إستجاب الله دعاءها ( الوالدة ) فهي في فمك سكرة وألا ماذكرت هنا هذا الكلام ندعو لكل الأمهات بالخير البركة والصحة والعافية للموجودات منهمنّ في دنيانا وندعو بالرحمة والمغفرة وحسن المقام لمن فارقنَّ دنيانا أختارنَّ القرب لربهنَّ فلهنَّ الرحمة والمغفرة ...
ولك كل التشكرات أخي ( اسماعيل ) عباس على كلامك الجميل الذي يسر البال ويفرح والله
مودتي
|
Post: #74
Title: Re: بس .. أدخل .. عليك الله
Author: خالد علي محجوب المنسي
Date: 08-10-2008, 07:41 PM
Parent: #73
ود عيسى الفي المسيد أبوي لحّاق بعيد منديلي ما تقليد والشالو يشل الإيد
نراه هنا يدعو الشيخ ود عيسى في مسيد أبوعيسى ( المسيد معروف ) ويصفة بصفات تجعله في مقام المولى عز وجل أنه يلحق وينتقم لم تظلم له ودعاه .. يطلب منه أن ينتقم له من الذي شال منديله ويشل يده التي شالت المنديل ...
كان من الفضل لو قال لي المحبوبة سوي لي منديل تاني داك راح مني لكنه خاف أن يوصف بالإهمال
|
Post: #75
Title: Re: بس .. أدخل .. عليك الله
Author: خالد علي محجوب المنسي
Date: 08-10-2008, 07:53 PM
Parent: #74
وبعدها كان يستنجد بالشيخ برير والشيخ النقر ويقل لهما ألحقوني في منديلي
يا برير ويا النقر والشالو لي ما قر
( أي ما إعترف انه سرقه أو وجده )
الشالو يضوق سم الدقر وكمان أبوه يكون عقر
( الدقر نوع خطير من الثعابين .. اي يلدغه ثعبان دقر .. أبوه يكون عقر يعني لا يلد عشان ما يعوض جناه الذي فقد ومعروف أن الملدوغ من الثعبان الدقر قلَّ ما يعيش من كثرة وسرعة سمه ما لم يسعف سريع )
|
Post: #76
Title: Re: بس .. أدخل .. عليك الله
Author: خالد علي محجوب المنسي
Date: 08-10-2008, 09:23 PM
Parent: #75
لحين ميسرة
|
Post: #88
Title: Re: بس .. أدخل .. عليك الله
Author: ممدوح أبارو
Date: 08-11-2008, 09:46 AM
Parent: #76
تتيسر عليك دنيا و لآخرة قول آمين تحياتنا منسي
|
Post: #77
Title: Re: بس .. أدخل .. عليك الله
Author: مهيرة
Date: 08-10-2008, 09:34 PM
Parent: #75
الله يديك العافية ياود المنسى
انا برضو تربية حبوبات وبتذكر من كلام حبوبتى الله يرحمها لمن تنادينى واقول نعم، تقول لى: ( نعم الله
عليك) ( تتباركى ما تتشاركى)( يديك سعد بت المنى الأبوها دفعها والمولى رفعها)
تحياتى
|
Post: #79
Title: Re: بس .. أدخل .. عليك الله
Author: محمد أبوالعزائم أبوالريش
Date: 08-10-2008, 11:48 PM
Parent: #1
ود المنسي وضيوفه ..... أريت حالكم زين.
الكلام كتير .. وكلما أتذكر بجيكم ...
لكن في كلام سمعتو قريب وعجبني شديد:
يقولوا للراجل: (فال مرتك ولا فال أمك)
طبعاً المقصود إنو الواحد لما يغيب الأم بتقعد تقول (الليلة الحصل عليهو شنو؟ ضربتو عربية؟ بكون حاسّي، كان ما حاسي كان جاء) إلى آخر الظنون السيئة والنابعة من الشفقة. أما مرتو لما يتأخر، فبتقول (يكون لما ليهو في واحدة ... الغيبة دي ما ساكت) .... إلخ.
|
Post: #80
Title: Re: بس .. أدخل .. عليك الله
Author: خالد علي محجوب المنسي
Date: 08-11-2008, 07:23 AM
Parent: #79
Quote: انا برضو تربية حبوبات وبتذكر من كلام حبوبتى الله يرحمها لمن تنادينى واقول نعم، تقول لى: ( نعم الله
عليك) ( تتباركى ما تتشاركى)( يديك سعد بت المنى الأبوها دفعها والمولى رفعها) |
الأخت الفاضلة عقد الجلاد مهيرة تحية طيبة مباركة الحبوبة حنينة .. في سلامة وفي كلامه وصدق المثل المصري القائل ما أحلى من الضنى إلا ضنى الضنى
( تتباركي وماتشاركي ) وهذه من الدعاء الذي تحبه كل مرأة أي تتبارك في حياتها من كل النواحي وما تتشاركي أي لا تشاركك في زوجك زوجة ( ضُرة )
وسعد بت المنى يا ريتو سعدك يا مهيرة إدفع أبوك والمولى يعلي مقامك
لك التحية مهيرة
|
Post: #81
Title: Re: بس .. أدخل .. عليك الله
Author: خالد علي محجوب المنسي
Date: 08-11-2008, 07:30 AM
Parent: #80
Quote: لكن في كلام سمعتو قريب وعجبني شديد:
يقولوا للراجل: (فال مرتك ولا فال أمك)
طبعاً المقصود إنو الواحد لما يغيب الأم بتقعد تقول (الليلة الحصل عليهو شنو؟ ضربتو عربية؟ بكون حاسّي، كان ما حاسي كان جاء) إلى آخر الظنون السيئة والنابعة من الشفقة. أما مرتو لما يتأخر، فبتقول (يكون لما ليهو في واحدة ... الغيبة دي ما ساكت) |
الأخ الفاضل محمد أبوالعزائم التحية الطيبة لك فعلا كلام معبر وبليغ فال مرتك ولا فال أمك قلب الأم رهيف علي ضناها وجناها وهذا ما يدفعة للظنون
تحياتي ومودتي وشكرا علي المرور
|
Post: #82
Title: Re: بس .. أدخل .. عليك الله
Author: elameen
Date: 08-11-2008, 07:36 AM
Parent: #1
خالد دعوة اختي كل ما ارسل ليها قريشات ... المكالمة كلها دعاء ... تجيك انشاء الله باطرافيها والبتهبشى كلها تلقاه هينة... ولك مثله.
من قال لاخية جزاك الله خير ... فلم يترك له شيء.
تحياتي
الامين
|
Post: #83
Title: Re: بس .. أدخل .. عليك الله
Author: ابو جهينة
Date: 08-11-2008, 07:46 AM
Parent: #82
خالد تحياتي أخي العزيز
أنا برضو تربية حبوبات بالإضافة إلى مجاورة الرباطاب منذ الصغر ..
أها هاك الدعا دة كمثال :
( ال حمى ال يجسوها بالمقص )
شايف التيرموميتر دة المغلف بالدهاء و الفطنة .. يعني من شدة حرارة الحمى لا يمكن ملامسة الزول ، و لكن المقص يقوم بعمل التيرموميتر.
كن بخير
|
Post: #84
Title: Re: بس .. أدخل .. عليك الله
Author: ممدوح أبارو
Date: 08-11-2008, 08:49 AM
Parent: #83
Quote: بس .. أدخل .. عليك الله |
ما تحلفنا يحلفوك الأربعة المعمعمين (ناس المحكمة المدنية)
الصمردقل التخلي كرعي البوست ده لا فوق ... فتحتو متين ده؟
الكترابة شوف المداخلات وصلت قدر شنو؟ الغزيزيله التنشف ريقو
شيقا ما وراني ولا ضرب لي يضربو الضريب شقاق العناقريب الناس في العيد السعيد وهو في التعب الشديد هو عارف الهيم اللفسخ جلدو لسه ما جا موش تجيهو الطاوية حبالا تلقاه نايم حسي تنوم عليه حيطة المسنوح
بجيكم راجع تجيني الكشه وترجع المويه من حلق زول مزعلني
|
Post: #92
Title: Re: بس .. أدخل .. عليك الله
Author: خالد علي محجوب المنسي
Date: 08-11-2008, 02:22 PM
Parent: #83
Quote: أنا برضو تربية حبوبات بالإضافة إلى مجاورة الرباطاب منذ الصغر ..
أها هاك الدعا دة كمثال :
( ال حمى ال يجسوها بالمقص ) |
الحبيب الريس أبوجهينة سلام يا طيب لك أحترامي وتقديري
الحمى الــ يجسوهابالمقص وفي قول أخر الحمي الــ يتبنوها بي العود
وهي زي ما قلت دعاء علي الشخص أن تصيبه حمى ومن شدة حرارتها لا يستطيعوا أن يلمسو جسمه باليد مباشرةً فلازم عازل
لك التحية أبوجهينة ونتوقع منك الكثير ياودحبوبتك
مودتي
|
Post: #91
Title: Re: بس .. أدخل .. عليك الله
Author: خالد علي محجوب المنسي
Date: 08-11-2008, 12:15 PM
Parent: #82
Quote: تجيك انشاء الله باطرافيها والبتهبشى كلها تلقاه هينة... ولك مثله.
من قال لاخية جزاك الله خير ... فلم يترك له شيء. |
الأخ الفاضل الأمين لك منا الامان والسلام والتحية الطيبة بارك الله لك في أختك وسخرك لها دوماً معين ومعاون والله مافي أحساس يسعد الواحد فينا أكثر من أن يرى أن يمد يده بالخير لذوي القربة هذا أحساس يولد كل الحنية في زمن أغبر عشنا فيه وكل فيه نفسي نفسي .. سعدت بمداخلتك سعادة لاتوصف
ولك منا دعاء إخيتك الطيبة دي ( تجيك إن شاءالله بطرفيها والبتهبشا كلها تلقاها هينة )
وهو دعاء أن يفتح لك الله الدنيا وتجيك طائعة وكل ما تقدم إليه يكون ماء زلال لك هين رطب
تحياتي أخي الأمين
|
Post: #93
Title: Re: بس .. أدخل .. عليك الله
Author: خالد علي محجوب المنسي
Date: 08-11-2008, 02:37 PM
Parent: #91
Quote: ما تحلفنا يحلفوك الأربعة المعمعمين (ناس المحكمة المدنية) |
أبارو سلام والله كانت مداخلة مميزة وفيها الكتير الذي يحتاج للتعليق يا ظريف وخفيف الروح والدم وعيبك أنك صاحب شيقوق الأربعة المعمعين ديل العمد محكمة العمد لها ذكريات كثيرة كنت أحرص على حضورها في مجلس يلدية شندي قبل سفري للمجر دوماً تشوف فيها العجب وتشوف كيف يعالج هولاء الأمور بحكمة ودراية للعواقب حليل أيام زمان
Quote: الصمردقل التخلي كرعي البوست ده لا فوق ... فتحتو متين ده؟ |
بندورك كدي تورينا معنى كلمة ( الصمردقل ) حتى نستفيد ويكون البوست كوى الجرح في مكانه بالضبط
Quote: الكترابة شوف المداخلات وصلت قدر شنو؟ الغزيزيله التنشف ريقو |
Quote: الغزيزيلة هي تصغير للغزالة والريق هو اللعاب مرطب الفم |
Quote: شيقا ما وراني ولا ضرب لي يضربو الضريب شقاق العناقريب |
كان لنا سؤال في مداخلة سابقة ما معنى كلمة ( الضريب )
Quote: الناس في العيد السعيد وهو في التعب الشديد |
ودا الحزن المالح العطن فرح الحلة في ليلة الدُخلة ( دعوّا صعبة شديد )
Quote: هو عارف الهيم اللفسخ جلدو لسه ما جا موش تجيهو الطاوية حبالا تلقاه نايم حسي تنوم عليه حيطة المسنوح |
دوما نسمع تجيك الطاوية حبالة من هي الطاوية حبالة
Quote: بجيكم راجع تجيني الكشه وترجع المويه من حلق زول مزعلني |
تجيك الكشّا برضو عاوزين نعرف ماهي الكشّا
|
Post: #85
Title: Re: بس .. أدخل .. عليك الله
Author: ابراهيم قناوي
Date: 08-11-2008, 08:55 AM
Parent: #1
الأخ خالد المنسي والزملاء الكرام من لطافة هذا البوست وحلاوتو نساني الفطور
ومعلوم أن الدعاء سلاح المؤمن والدعاء مخ العبادة كما قال النبي صلى الله عليه وسلم ودعوة المظلوم ليس بينها وبين الله حجاب
جيت هنا عشان أحكي ليكم قصة حزينة حزينةحزينةحزينةحزينة ومبكية جدا معليش لتكعير صفوكم ولكن القصة تتعلق بالدعاء وفيها عظة وفوق ذلك هي حقيقية 100% وحدثت لي واحد قريبي وأمي العزيزة شاهدة عيان
والقصة باختصار شديد أن أحد أبناء منطقتنا من المحس كان عاقا لوالده والعياذ بالله وفي احدى المرات وفي خلال نقاش احتدم بينه وبين والده ما كان من الإبن إلا أن صفع والده الطاعن في السن (لا حول ولا قوة إلا بالله) فرفع الوالد المسكين يديه للسماء مستخدما سلاح الدعاء النووي الذي لا يخيب ولا تجلي ضربته ودعا على لإبنه فقال:
اليد الضربتني إن شاء الله تتقطع
وقد كان فبعد مرور ايام وأثناء عمل الإبن في أحد المصانع إذا بالماكينة التي يعمل عليها الولد العاق تتمرد في أسلوب غي مسبوق وتلتف سيورها عل كلتا يدي الولد العاق وتقطع اليدين في الحال
هل إنتهت القصة ؟؟؟؟؟؟
وصل الخبر إلى الأب الحزين ولما عرف بقطع كلتا يدي ولده وفلذة كبده رفع يديه باكيا يا رب أنا قلت
اليد الضربتني بس ما قلت اليدين الإتنين
!!!!!!!!!!!!!!!!!!
ومرة أخرى آسف لإضفاء هذا الجو الحزين على البوست الجميل ولكن لعل في القصة عظة وعبرة لنا جميعا
ودمتم سالمين
|
Post: #94
Title: Re: بس .. أدخل .. عليك الله
Author: خالد علي محجوب المنسي
Date: 08-11-2008, 02:49 PM
Parent: #85
Quote: اليد الضربتني إن شاء الله تتقطع |
الحبيب إبراهيم قناوي تحية طيبة وسلاااام وقيل ذكر فإن الذكرى تنفع المؤمن عقوق الوالدين شئ كبير وقد عجل الله للعاق بوالديه العقاب في الدنيا وهذا لا يشفع له من حساب يوم يقف بين يدي الرحمن .. وقول ( أُف ) تعتبر عقوق في حقهما مكانة الوالد والوالدة في ديننا الحنيف كبيرة وهذا الأب لولا تأذئ من الأذاء ما لم يحتمله مارفع يديه صدقني .... وكم من عاق لوالديه وهما يصبران عليه ويكنا له الحب
تعرف يا إبراهيم أنا ومرات كثيرة أفكر أن بعدنا عنهما لأي سبب هو في حد ذاته عقوق .. أليس ببعدنا نسهد أجفانهما.. ؟ أليس ببعدنا نشغل تفكيرهما ؟ أليس هذا عقوق في حد ذاته ؟ أللهم أعفو عنا إن كنا وقعنا في عقوقهما... لذا بطلب من كل من بعد من والديه كلما يتصل أن يطلب منهما العفو
لك التحية أخي الفاضل إبراهيم وشكراً كتير على القصة والعبرة
|
Post: #86
Title: Re: بس .. أدخل .. عليك الله
Author: sama7
Date: 08-11-2008, 08:57 AM
Parent: #1
خالد سلامات
بوست زى العسل
أبارو تعرف حبوبتك أشفت حبوبة فىالحبوبات كلهم بتجيب جنس المحن دى من وين؟
الدعاء نمرة 1 فال مرتك ولا فال أمك لووووووووووووول بالغت يابو الريش
فى بوست قبل كدا عن حرامى الملايات بفتشه كله دعاء فيه بلاغة ما عادية
فتكم بعافية
|
Post: #87
Title: Re: بس .. أدخل .. عليك الله
Author: ممدوح أبارو
Date: 08-11-2008, 09:10 AM
Parent: #86
Quote: أبارو تعرف حبوبتك أشفت حبوبة فىالحبوبات كلهم بتجيب جنس المحن دى من وين؟ |
سماح إنت يا يمة لا تفوتي لا تموتي
غايتو حبوبتي لو سمعتك كان قالت ليك:
حبوبه؟ يحبك دقونة الجنن ميمونة
محن؟ يتمحنو دكاترتك يمة (دي حبوبتي ما أنا)
مع العلم بأنني لم أعاصر أي منهما لا أم أبوي لا أم أمي
|
Post: #89
Title: Re: بس .. أدخل .. عليك الله
Author: sama7
Date: 08-11-2008, 10:15 AM
Parent: #1
Quote: غايتو حبوبتي لو سمعتك كان قالت ليك: |
يقلقلك الحر
|
Post: #90
Title: Re: بس .. أدخل .. عليك الله
Author: ممدوح أبارو
Date: 08-11-2008, 11:00 AM
Parent: #89
الحراية السببها الجراية
إنتي تبري منها دي
|
Post: #95
Title: Re: بس .. أدخل .. عليك الله
Author: خالد علي محجوب المنسي
Date: 08-11-2008, 03:06 PM
Parent: #90
Quote: فى بوست قبل كدا عن حرامى الملايات بفتشه كله دعاء فيه بلاغة ما عادية |
سماح قمر سبعتين تحية لك وسلاام عليك تعرفي يا سماح الدعاء بشقيه
سواء دعاء حسن ( تتعلا ما تدلّى ) ولا دعاء سيئ ( أضربك الضريب شقاق العناقريب )
أبواب السماء مفتوحة وقد يصادف وقت الدعاء وقت قبول الدعاء وهناك أوقات محبب فيها الدعاء ( أوقات السحر ) ( بعد صلاة الصبح ) ( بين العصر والمغرب يوم الجمعة ) .. فكيف لأم أو أب أو أخ أو اخت أو أي إنسان أن يدعو على من يحب وهو غافل بدعاء سيئ .. هذا المقصد والمراد. ونريد ان نورد نصوص تلك الدعوات ونحاول أن بتعد عنها بقدرما نستطيع وأن لا ندعو بها على من نحب. قد نأخذ الأمر عفوي لكنه هو أكبر من ذلك أنظري لدعوة الأب الذي عاقه أبنه وما كان بينها وبين الله حجاب فوقعت .... فما بالك مثلاً في أم تقول لضنها ( ابن أو أبنة ) اكيد هي تحبهما وهذا لا نشك فيه لكنها تغفل معنى الذي تردد وتقول من دعاء وأنه ممكن أن يقبل عند الله ساعتها أي ساعة التفوه به
( إشيولك الأربعة )
مودتي سماح وتحياتي
|
Post: #96
Title: Re: بس .. أدخل .. عليك الله
Author: خالد علي محجوب المنسي
Date: 08-11-2008, 03:13 PM
Parent: #95
Quote: غايتو حبوبتي لو سمعتك كان قالت ليك:
حبوبه؟ يحبك دقونة الجنن ميمونة |
دي يا أبارو دعوة تقع في مكان الأعراف بين الجنة والنار
دقونة هذا قد يكون إنسان دميم أو مصيبة زي شيقوق أو و أو يعني كيف جنن ميمونة إما بي عمايلو زي شيقوق ولا بي شناتو زي ......( هسي أنا قلت شيقوق ماتسوي لي مشاكل ) ... كدي أسال لينا من دقنونة دا ( مالو ) وليه جنن ميمونة بعدين سماح دي بقولو ليها كدي
سماح بقولو ليها تتعلي ما تتدلي وفال زوجك ولا فال أمك
تحياتي أبارو
|
Post: #97
Title: Re: بس .. أدخل .. عليك الله
Author: خالد علي محجوب المنسي
Date: 08-11-2008, 03:19 PM
Parent: #96
تعرفي يا سماح دي من الدعوات البليغة والله كلما أسمعها أو أتذكرها أتذكر حراية مابين الساعة 12 إلى 5 مساء الواحد فعلاً بكون مقلقل من الحر اي قلق وما قادر يعمل شئ ... ________________________________
تخيلي زول يضحك يعني يقرقر زي مابتقولي قر قر قر قر قر قر ويقولوا لي ....
( تقرقر في الجو )
الجو دا بيت الخمور البلدية
|
Post: #98
Title: Re: بس .. أدخل .. عليك الله
Author: abubakr
Date: 08-11-2008, 03:22 PM
Parent: #1
يا ودالمنسي اها الكام يوم الفاتت علي بوستك وانا اجي لحد الباب واقول ادخل اتذكر العرريب واقول اها كان دخلت بجي مباريني ويفرتق الحفلة ودحين اتوكلت ودخلت ولقيتو متحكر بس انا مستفييد من فرق الوقت لانو هو نائم بعد ما اتغدي وانا اتعشيت ووكت ما هو يصحي بتوكل وانوم ... ممكن اعرف الحفلة بمنو وليه ناس ابارو وسلمي وبن عمك والسما السابعة وسوما بجاي ؟؟ الحاصل شنو ؟؟؟
|
Post: #99
Title: Re: بس .. أدخل .. عليك الله
Author: خالد علي محجوب المنسي
Date: 08-11-2008, 03:35 PM
Parent: #98
[Quote: B]ممكن اعرف الحفلة بمنو وليه ناس ابارو وسلمي وبن عمك والسما السابعة وسوما بجاي ؟؟ الحاصل شنو ؟؟؟ |
الباشمهندس الرطاني حبابك وليك وحشة والله الحفلة بي ود عمي القردابي ذاتو
بالمناسبة هو راجل غناي شديد وبحب أبوعركي وصلاح مصطفى لكن الوليدات طيروها لي في راسو
الموضوع يا سيدي توثيق لنصوص ومعناي الدعاء بشقيه
دعاء حسن لمن تحب ( يعلي مقامك يا يابا مثلاً ) دعاء سيئ وللأسف دون ماتشعر لمن تحب ( ما تنقر ينقرك الضرس )
تحياتي وكيف ماليزيا قابلت دكتورة نجاة لو قابلتها بلغها سلام مننا شديد وتحياتنا لكل بورداب ماليزيا
________________________ زولك ما تشيل همو في بوست ( الطلح .. وصال عالم ) شال عنقريبو من الإنجمامة من عصراً بدري ومشى
|
Post: #100
Title: Re: بس .. أدخل .. عليك الله
Author: abubakr
Date: 08-11-2008, 03:47 PM
Parent: #1
Quote: الحفلة بي ود عمي القردابي ذاتو |
يعني العرريب لما يجينا في دبي القردابي حيخليهو يحت ؟؟؟
___________
العرريب الا تربطوهو او تعلقو في رقبتو جرس بشان الواحد يتنقل من غير ازعاج
|
Post: #101
Title: Re: بس .. أدخل .. عليك الله
Author: خالد علي محجوب المنسي
Date: 08-11-2008, 03:51 PM
Parent: #100
Quote: يعني العرريب لما يجينا في دبي القردابي حيخليهو يحت ؟؟؟ |
ما تجيبو وزي ماقال أبارو تجي الطاوية حُبالة ( والله لي هسي أنا ذلتي ماعارف الطاوية حُبالة دي شنو )
أنا وهو ما بنتلم ( إبرتنا ما بتشيل خيطين ) خلي يحت غادي غادي ( هو حسي في شدر الطلح خلا شديرات الإنجمامة وجرى بي هناك )
تحياتي ومودتي
|
Post: #102
Title: Re: بس .. أدخل .. عليك الله
Author: الطيب شيقوق
Date: 08-11-2008, 04:03 PM
Parent: #100
الشي الربّة بهنا ما بتوروني انا هسع قايلو مديح
ابارووووووو
Quote: شيقا ما وراني ولا ضرب لي يضربو الضريب شقاق العناقريب الناس في العيد السعيد وهو في التعب الشديد |
ات ما بتشوف العمى اللكايسك
المنسي ما تخصم الرطاني براهو مدستر بتلب بلا حليفة
|
Post: #103
Title: Re: بس .. أدخل .. عليك الله
Author: خالد علي محجوب المنسي
Date: 08-11-2008, 04:17 PM
Parent: #102
Quote: ات ما بتشوف العمى اللكايسك |
وقد تكون هكذا في مناطق الدندر لكنهذه الدعوة عندنا في الشمالية
( العمى اللايسك ) اي تعمى وما تشوف حتى لو بصيص أي تتليس عينك تب
_____________________ الرطاني حبيبنا وهوانا رطاني لازم نخسمّو
|
Post: #104
Title: Re: بس .. أدخل .. عليك الله
Author: خالد علي محجوب المنسي
Date: 08-11-2008, 04:26 PM
Parent: #103
مواصليـــن مع دعاء على من سرق المنديل
ينده الشيخ الحبر
ويقول
يا الحبر الدافعا أب صيدتن ناجعّا تشيل روحو التابعا وإسيلوهو الأربعا
كتلو تب ورقدو في عنقريب الجنازة.. الله أريتو منديلك دا يطير كان ودرت في روح بني آدم
|
Post: #105
Title: Re: بس .. أدخل .. عليك الله
Author: الطيب شيقوق
Date: 08-11-2008, 04:33 PM
Parent: #104
وحياتك عمري كلو ما ضحكت لي ضحكة زى دى الله يمسخك
لكن فعلا انا غلطان عندنا - العمى الللايسك ( غلبتني اكتبها ) جاية من التلييس بتاع الذبالة او خياطة الشوال التفويمة ( تعرف التفويمة يا خائب الرجاء؟) .
|
Post: #106
Title: Re: بس .. أدخل .. عليك الله
Author: خالد علي محجوب المنسي
Date: 08-11-2008, 04:41 PM
Parent: #105
Quote: لكن فعلا انا غلطان عندنا - العمى الللايسك ( غلبتني اكتبها ) جاية من التلييس بتاع الذبالة او خياطة الشوال التفويمة ( تعرف التفويمة يا خائب الرجاء؟) . |
إفوم خشيمك دا عشان نرتاح منك ويرتاحن منك البنيات
أنت سفرك دا متين إشاعة ساكت ... ولا شنو
أسمع الدعوة دي فوق الزول السرق المنديل
بنده شيوخ أم مرح
وبقول ليهم
يا رجال أم مرحي قولوا لي الرخا أفرحي ماتسهّي وتسرحي والشالو إتمحي
مسحو من وجه الارض عليك الله دا زول فيهو رحمة بي درب منديل
|
Post: #107
Title: Re: بس .. أدخل .. عليك الله
Author: الطيب شيقوق
Date: 08-11-2008, 04:58 PM
Parent: #106
مسنووووووح
|
Post: #108
Title: Re: بس .. أدخل .. عليك الله
Author: عبدالعزيز الفاضلابى
Date: 08-11-2008, 05:26 PM
Parent: #107
ود المنسي الما منسى : ايوه بندخل وننتكى كمان حوشك دايما عامر وما احلى الدخول بعد شيقوق والرطانة بس عليك الله ماتخليهم يمشوا وكتر ليهم العلوق عشان يدمدموا ينوموا ونامن شرهم عشان كان مرقوا وجوا بعدى العلالة بتقوم.. اها يا خوى شوف جنس الدعا ده.. زميلنا السر- شايقى- لما اشتغل فى المحاماة امه سالته: انت يا السر المحاماة دى بتجيبلك قروش كيف? فشرح لها السر قائلا : يا امى انا بيجينى الزول ويكون عندو مشكلة مع زول تانى وانا بقيف معاه فى المحكمة واجيبلو حقه يقوم يدفع لى قروش . من اليوم داك ام السر بقت تفرش مصلايتا وتدعو لابنها السر..يا السر ياولدى الله يصوتن ويخلتن ليك.. لاحظ الدعوة وشموليتها يعنى يخلتهم للسر بس باقى المحامين ما يشتغلوا..
|
Post: #109
Title: Re: بس .. أدخل .. عليك الله
Author: خالد علي محجوب المنسي
Date: 08-11-2008, 06:02 PM
Parent: #106
ثم نده الشيخ حمد أب عصا
ويقول
ياحمد عصاية السيف هيّا لي المنديل أقيف الشالو يصبح ضيف في الشبر الما نضيف
الشبر أي ود الأحد في القبر
|
Post: #110
Title: Re: بس .. أدخل .. عليك الله
Author: خالد علي محجوب المنسي
Date: 08-11-2008, 06:12 PM
Parent: #109
Quote: بقت تفرش مصلايتا وتدعو لابنها السر..يا السر ياولدى الله يصوتن ويخلتن ليك.. لاحظ الدعوة وشموليتها يعنى يخلتهم للسر بس باقى المحامين ما يشتغلوا.. |
ودالفاضلابي سلام وحمدالله علي السلامة
( يصوتن ويخلتن ليك ) حرّم شايقية وجيهت وليدها تب شن شغلتا فيكم بتجيبو ليها الكيس ولا الهدم ياهو ضراعها أخير تدعي لي براهو
أها مكتبو كيف دوّر تمام
.... تعرف .. في بتاع بنشر في الخرطوم راجل زانداوي ظريف شديد لما تجي تصلح لستك ولو لقى فيه مسمار يطلعو ويمسكو في يدو لحد ما يركب ليك اللستك وبعد تحاسبو يديك المسمار ويقول ليك عليك الله أرمي المسمار دا في الزلط عشان إجيب غيرك ....
تحياتي ومودتي الفاضلابي
|
Post: #111
Title: Re: بس .. أدخل .. عليك الله
Author: خالد علي محجوب المنسي
Date: 08-11-2008, 06:21 PM
Parent: #110
نشوفو لما نده الشيخ حسن ودحسونة قال يا ودحسونة الحار يا صاحب الدردار منديلي في الودار يخلوه من الدار
|
Post: #112
Title: Re: بس .. أدخل .. عليك الله
Author: خالد علي محجوب المنسي
Date: 08-11-2008, 06:23 PM
Parent: #111
ثم بعد نده كل الصالحين من شيوخ
وقال
يا الصالحين هِمّوا في مكة إتلمّوا القشا بي فمّو تحرق حشا أمو
شوفوا جنس الغبينة دي ( أريتو منديلك يطير )
|
Post: #127
Title: Re: بس .. أدخل .. عليك الله
Author: حمد عبد الغفار عمر
Date: 08-12-2008, 07:17 AM
Parent: #102
في واحدة لناس الكوتشينة
يقول ليهو بايظك شنو التاني يقول ليهو دو
الاول يقول ليهو
دودة الكميشاب قباضة السواسيو و في رواية اخري دودة نقزو
بس الكميشاب دي وين ما عارف
وواحد يقول للتاني
شيل
يشيلوك الاربعة
الاربعة ديل البشيلو عنقريب الميت للمقابر
|
Post: #124
Title: Re: بس .. أدخل .. عليك الله
Author: عادل عبدالعزيز عبد الرحيم
Date: 08-11-2008, 11:22 PM
Parent: #100
اخوى خالد اعتقد فى لبس بين الدعاء والمداعاة
فالدعاء يكون ايجابى لجلب الخير للمدعو له
والمداعاة تكون سلبية بطلب الاذى للمداعا عليه
فى مداعاة على جيهة بربر ما قادر افهمها هل هنالك من يشرحها لى
وهى تقول ( زح كدى العجاجةالتشيل نعالك )
وطبتم وتسلمون من شر المداعاة وتنعمون بصالح الدعوات
|
Post: #133
Title: Re: بس .. أدخل .. عليك الله
Author: صلاح أبودية
Date: 08-12-2008, 10:03 AM
Parent: #100
شوفو جنس الدعا دا:
غلبتينى ان شاءالله بركة النبى يغلبوك اردافك كية عليكى والدوف المردوم يهجر اكتافك والشعر يمشى زايدا و يدوخك عسافك يجبروكى و تطنطنى من بويخة شافك
|
Post: #237
Title: Re: بس .. أدخل .. عليك الله
Author: Seif Elyazal Burae
Date: 08-16-2008, 12:28 PM
Parent: #100
ود المنسي
ان شاء الله تبقي في الارض عرق وفي السماء مرق
وتكون غابة والناس حطابة
قول امين
بوستك جميل يا رائع
مودتي
سيف اليزل
|
Post: #389
Title: Re: بس .. أدخل .. عليك الله
Author: السر عبدالله
Date: 08-31-2008, 02:30 AM
Parent: #100
لكن البوست ما عندك يا خالد المنسى.. والله لقد استمتعنا بجد بهذا البوست الظريف والدعوات الحنينة.. دعوات الحبوبات.. وان شاء الله يا خالد الله يجازيك بالخير وترجع لوطنك سالم وغانم.. اذا كنت مغترب ,, وتسافر بالسلامة وتهاجر بدون ندامة لارض الحرمين الشريفين ويظلك غمامة.. بس ما تقبل على اوروبا وتصيبك ندامة.. ورمضان كريم وتصوم وتفطر على خير
|
Post: #390
Title: Re: بس .. أدخل .. عليك الله
Author: السر عبدالله
Date: 08-31-2008, 02:31 AM
Parent: #100
لكن البوست ما عندك يا خالد المنسى.. والله لقد استمتعنا بجد بهذا البوست الظريف والدعوات الحنينة.. دعوات الحبوبات.. وان شاء الله يا خالد الله يجازيك بالخير وترجع لوطنك سالم وغانم.. اذا كنت مغترب ,, وتسافر بالسلامة وتهاجر بدون ندامة لارض الحرمين الشريفين ويظلك غمامة.. بس ما تقبل على اوروبا وتصيبك ندامة.. ورمضان كريم وتصوم وتفطر على خير
|
Post: #113
Title: Re: بس .. أدخل .. عليك الله
Author: محمد أبوالعزائم أبوالريش
Date: 08-11-2008, 06:26 PM
Parent: #1
Quote: ياحمد عصاية السيف هيّا لي المنديل أقيف الشالو يصبح ضيف في الشبر الما نضيف
|
منديلي ضاع مني الشالوا ما يتني ما يشيل خلافو
|
Post: #114
Title: Re: بس .. أدخل .. عليك الله
Author: خالد علي محجوب المنسي
Date: 08-11-2008, 06:39 PM
Parent: #113
Quote: منديلي ضاع مني الشالوا ما يتني ما يشيل خلافو |
الجميل محمد أبوالعزائم بس مايكون عندك منديل ضاع
مودتي
|
Post: #115
Title: Re: بس .. أدخل .. عليك الله
Author: عبدالعزيز الفاضلابى
Date: 08-11-2008, 06:51 PM
Parent: #114
عمنا صديق البشير من ظرفاء الفاضلاب واقف فوق البحر وحماره بجانبه يريد تحميل جركانات الموية عليه..والحمار لايثبت .. يتحرك .. وعمنا صديق فى كل محاولة يصيح فى الحمار حاو.. حاو.. لمان زهج قال للحمار حااااو تحوى مغيب الشمش بيقفاك.. دى ذو القرنين ماعملها..
|
Post: #117
Title: Re: بس .. أدخل .. عليك الله
Author: عبدالعزيز الفاضلابى
Date: 08-11-2008, 07:01 PM
Parent: #115
كنت راكبا فى احد البصات القادمة من السجانة ... الباص وقف فى المحطة جوار المستشفى .. الناس عاوزة تنزل واحد واقف فى السلم الخلفى لاتعرفو نازل ولا عاوز يواصل واحدة شايقية وراه عاوزة تنزل ومنتظرة الزول ده ينزل قامت قالت ليه انت نازل ? قال لها لا . قالت ليهو نان مالك منعارض زى اليوم الشال ابوى .. شوف المرة دى وصافة كيف وبهذه المناسبة اقترح عليك ان تفتتح لنا بوستا عن الوصف من هذه الشاكلة.. ودى للجميع..
|
Post: #138
Title: Re: بس .. أدخل .. عليك الله
Author: خالد علي محجوب المنسي
Date: 08-12-2008, 12:33 PM
Parent: #117
Quote: مالك متعارض زي اليوم الشال أبوي |
اليوم الشال أبوي أي اليوم المات فيه أبوي
تحياتي الفاضلابي واما بخصوص تناول قصص بليغة في الوصف فهذا يمكنك هنا حتى
ولك التحية والمودة
|
Post: #135
Title: Re: بس .. أدخل .. عليك الله
Author: خالد علي محجوب المنسي
Date: 08-12-2008, 11:50 AM
Parent: #115
Quote: لمان زهج قال للحمار حااااو تحوى مغيب الشمش بيقفاك |
الفاضلابي والله عمك ودا الحمار في داهية ذكرتني قصة الرجل راكب حماره وكان جعان شديد مرا علي جماعة بخلاء قاعدين تحت شدرة وبيأكلوا ( في ملاح روب حار بي كسرة ) وقف قصادهم .. سلاام يا ناس مافي زول ردا .. سلاام يا ناس .. مافي رد .. سلااام يا أهل الله .. وما هبببو لي .. لكّا حمارو وخبطو بي العصا وقال لي ::
( عر عر عر ملاح الروب اليقطع نفسك )
|
Post: #116
Title: Re: بس .. أدخل .. عليك الله
Author: فيصل محمد خليل
Date: 08-11-2008, 06:53 PM
Parent: #113
استراحة
محمد صالح ولدو جاء من الخرطوم في الاجازة
اصحابوا جو يزورهو
قام واحد من الاصحاب سال ولد محمد صالح
قال ليهو تعال انت بتقرأ شنو في الجامعة
قام ابن محمد صالح قال ليهو بقرأ فلسفة و منطق
صاحبو قال ليهو ما فهمت اشرح لينا
قام ابن محمد صالح قال ليهو اضرب ليك مثل.
انتو عندكم كلب ?
صاحبو قال ليهو ايوه
معانتو عندكم بيت
عندكم بيت معناتو عندك ابو و ام
عندك ابو وام معناتو انت ود حلال
اها محمد صالح كان قاعد و سمع الكلام دا
الاولاد اصحاب ولدو فرتقو
قام محمد صالح طلع لاصحابو بره في البرش
و راجي متين واحد يسالوا عن ولدو بقرأ شنو
بعد تلتلا واحد سالو تعال يا شيحه انت ولدك بقرأ شنو في الحرتوم
قام طوالي استعدل في قعدتو و عاوز يستعرض بالجماعة
قال ليهم بقرأ علم فلسفة و منطق
اصحابو ايه يعني فلسفة و منطق
محمد صالح انا اشرح ليكم
انت عندكم كلب
صحبو: لا ماعندناش كلب
محمد صالح: حلاس انت ود حرام
|
Post: #118
Title: Re: بس .. أدخل .. عليك الله
Author: ممدوح أبارو
Date: 08-11-2008, 07:38 PM
Parent: #116
الريس منسي كان عندي بوست في الربع الاول من عام 2008 بعنوان ديك العدة والشقليب
في شافع وصاف خلاس زكرتني ليه بي منديلك ده الجماعة ضبحو ديكو فعمل ليه مناحة
يالضبحت الديك أنا عن ياسين بشكيك بليلو النجضو واكلوه ****** جابولنا الخبر في السوق قالولنا الشقليب محروق في دعوة ديكنا ده المسروق بليلو النجضو واكلوه **** يا فقرا ما تهتمو عند اب عشه تنلمو جميع من أكلو بي دمو تصيبوالراعية في فمو * بليلو النجضو وأكلوه
والراعية هي الجزام والعياذ بالله شفت الجنا وصاف كيفن؟
|
Post: #142
Title: Re: بس .. أدخل .. عليك الله
Author: خالد علي محجوب المنسي
Date: 08-12-2008, 05:35 PM
Parent: #118
Quote: جميع من أكلو بي دمو تصيبوالراعية في فمو * بليلو النجضو وأكلوه
والراعية هي الجزام والعياذ بالله شفت الجنا وصاف كيفن؟ |
ابارو الظريف التحية طيبة نعم الراعية هي مرض الجِزام المعروف لأنه يرعى في أعضاء الجسم مما يسبب بترها
ويقولوا ليك .. ( سوق الغنم أرعاهن .. إت أريتك بي الراعية الما تخلي فيك قائم )
تحياتي ومودتي
|
Post: #119
Title: Re: بس .. أدخل .. عليك الله
Author: soma
Date: 08-11-2008, 07:44 PM
Parent: #116
Quote: وقد تكون هكذا في مناطق الدندر لكنهذه الدعوة عندنا في الشمالية
( العمى اللايسك ) |
ود المنسى حبابك هى اصلها اسمها العمى اللايسك .. صاح كلامك علا العربى ده اصلو حقو مشاتر وجنو كواسة لفحها ساى اللكايسك دى وقام جارى بيها
|
Post: #120
Title: Re: بس .. أدخل .. عليك الله
Author: ممدوح أبارو
Date: 08-11-2008, 08:06 PM
Parent: #119
Quote: الشي الربّة بهنا ما بتوروني انا هسع قايلو مديح
ابارووووووو
|
الربة ؟ تربك حنانة الخلت القلوب محنانة في سعنها
مديح ؟ تمدح برا طار آالمغير
ابارووووووو؟ تباري بالخلا مع الكلنق
Quote: ات ما بتشوف العمى اللكايسك
المنسي ما تخصم الرطاني براهو مدستر بتلب بلا حليفة |
العمي ؟ عمي كباسه مدستر ؟ تدستر بي فركة زرقايافقر بتلب ؟ تتلب شاحد الله في بير سعد الله حليفة ؟ الحلوف اليشقك نشايل
|
Post: #121
Title: Re: بس .. أدخل .. عليك الله
Author: ممدوح أبارو
Date: 08-11-2008, 08:30 PM
Parent: #120
الرقم بتاع عدد القراء ده فال حسن يا خالد
حسي بجي المسنوح داك بقول عندو فيه نص
نصو في الطابونة والتاني في الطاحونة
|
Post: #145
Title: Re: بس .. أدخل .. عليك الله
Author: خالد علي محجوب المنسي
Date: 08-12-2008, 05:53 PM
Parent: #121
Quote: الرقم بتاع عدد القراء ده فال حسن يا خالد |
الزول محامي فالك ولا فال أمي كان مرقتا وإتأخرت ما جيت
قلت لي كيف نصو في الطابونة ونصو في الطاحونة
سماح ( الطابونة يعني الفرن البلدي ) بي الرطانة أسمها شنو ؟؟
|
Post: #144
Title: Re: بس .. أدخل .. عليك الله
Author: خالد علي محجوب المنسي
Date: 08-12-2008, 05:49 PM
Parent: #120
Quote: العمي ؟ عمي كباسه مدستر ؟ تدستر بي فركة زرقايافقر بتلب ؟ تتلب شاحد الله في بير سعد الله حليفة ؟ الحلوف اليشقك نشايل |
تعرف يا أبارو تزداد بهجتنا لو تشرح بعض المفردات التي ترى قد يكون صعب فهمها
مثلاً ( عمى كباسة )
اي تعمى وتكابس ملتمس طريقك
( تدستر بي قركا زرقا )
الدسترة هي مرض الظار المعروف وهو مرض نفسي ويدعي الناس انه يُعالج بالضرب على الطبول وتكون مجالسة فيها كل ماهو ممنوع ومحرم وهي أقرب لمجالس الجن فيها يشربو الخمر والدم وغيرها من الموبغات
( ما تحلف :: الحلوف اليشقك ) الحلوف هو الخنزير مودتي
|
Post: #143
Title: Re: بس .. أدخل .. عليك الله
Author: خالد علي محجوب المنسي
Date: 08-12-2008, 05:41 PM
Parent: #119
Quote: ود المنسى حبابك هى اصلها اسمها العمى اللايسك .. صاح كلامك علا العربى ده اصلو حقو مشاتر وجنو كواسة لفحها ساى اللكايسك دى وقام جارى بيها |
دهب البنيات سوما لك التحية طولتي الغيبة زولك دا أصلو كدي ساعة الجد ينقنق .. وساعة الفارغّا يشيل ويبعزق تعرفي هسي لو قلت عديل ما كدي كان جاني زي الطاوية حُبالا وقال لا انتو شن عرفتكم بي النضمي
( لفحها ساي اللكايسك وقام جاري بيها ) إتخيلت شكلو ومشنق طاقيتو ومزرزر العوينات الزي قدود الجلد السلخو ضباح أهوج
تحياتي ومودتي سوما
|
Post: #141
Title: Re: بس .. أدخل .. عليك الله
Author: خالد علي محجوب المنسي
Date: 08-12-2008, 05:29 PM
Parent: #116
شكراً كتير جميل للإستراحة صديقي فيسل هليل
مودتي
|
Post: #122
Title: Re: بس .. أدخل .. عليك الله
Author: ابراهيم قناوي
Date: 08-11-2008, 09:36 PM
Parent: #1
Quote: تعرف يا إبراهيم أنا ومرات كثيرة أفكر أن بعدنا عنهما لأي سبب هو في حد ذاته عقوق .. أليس ببعدنا نسهد أجفانهما.. ؟ أليس ببعدنا نشغل تفكيرهما ؟ أليس هذا عقوق في حد ذاته ؟ أللهم أعفو عنا إن كنا وقعنا في عقوقهما... لذا بطلب من كل من بعد من والديه كلما يتصل أن يطلب منهما العفو |
لك التحية أخي خالد وللإخوة جميعا وكما تفضلت أخي فإن من العقوق ألا تكون معهما خاصة في وقت الحوجة لك في وقت الكبر ولكن عزاءنا في ذلك أننا مجبورون على الغربة والبعد ونسال الله أن يعفو عنا ولا ننسى أن نتصل بهم ما امكن ذلك لمؤانستهم وأخذ الرضا منهم والباب في بر الوالدين يطول
ولك التحية مرة أخرى أخي خالد وللجميع
ودمتم سالمين
|
Post: #146
Title: Re: بس .. أدخل .. عليك الله
Author: خالد علي محجوب المنسي
Date: 08-12-2008, 06:02 PM
Parent: #122
Quote: وأخذ الرضا منهم والباب في بر الوالدين يطول
ولك التحية مرة أخرى أخي خالد وللجميع |
إبراهيم قناوي سلام نعم بر الوالدين واجب ووصالهم وبأي طريقة خير وسيلة لكن تعرف مهما كان .. بعدك والله يطلق النوم من عيونهم ( يا سماح ( يطلق ) دي فيها بلاغة كأن النوم بهيمة ولو إنطلقت البهيمة طشت وسرحت بي الخلا ) والزول مابعرفو إلا يسوي لي بطينين ( اي وليدات )
والله كان بقو بعاد منك في نص الليل ( كك ) قلبك دا ينغزك وتصحى ويطلق النوم من جفونك ... بس البنقدر علي نطلب منهما العفو العافية
سوما لو شافت الكلام دا حسي بتجيك تاخد ليها بكيا أمها تجيها في مسقط وتكون مشتهياها تحياتي إبراهيم
|
Post: #123
Title: Re: بس .. أدخل .. عليك الله
Author: محمد أبوالعزائم أبوالريش
Date: 08-11-2008, 10:12 PM
Parent: #1
الوالدة - الله يديها العافية - لما كنا صغار نجي نكورك (جيعانين) وهي تكون مشغولة وأكلها لسة ما جهز، تقوم تقول لينا (جوع الشوت رحطها أكلتو)
غايتو شية الرحط دي ما جربناها ----- لكن أكيد جوعتها كافرة
|
Post: #147
Title: Re: بس .. أدخل .. عليك الله
Author: خالد علي محجوب المنسي
Date: 08-12-2008, 06:10 PM
Parent: #123
Quote: تقوم تقول لينا (جوع الشوت رحطها أكلتو) |
والله دي جوعا كافرة
ومنها برضو إشيط رحطك اي تشوي رحطك من جوعة عشان تأكلي ويحرق ( يشيط )
وعادة كانت البنت ( الفتاة ) بتلبس الرحط ومن هي صغيرة وحتى يوم عرسها ويقطع الرحط وبعدها تنتقل لمرحلة كونها مرأة ولا تلبسه مرة أخرى ... لكن في زماننا كانوا يلبسوها له في ليلة قطع الرحط
تحياتي أبوالعزائم ويا لجمال ما تأتي به شبكتك كلما رميتها
|
Post: #125
Title: Re: بس .. أدخل .. عليك الله
Author: abubakr
Date: 08-12-2008, 03:45 AM
Parent: #1
يا فيصل وابارو جنس كلامكم دة عن ولد محمد صالح والديك هو البيجيب المسنوح عرريب السجم دة هنا.. قولو "حوالينا ولا علينا" وهو ما بيجي...
|
Post: #126
Title: Re: بس .. أدخل .. عليك الله
Author: سلمى الشيخ سلامة
Date: 08-12-2008, 04:48 AM
Parent: #125
Quote: "حوالينا ولا علينا" وهو ما بيجي... |
يا صحبى الجميل جيتك كيف انفع ؟ وبمناسبة جيتك دى زمان حبوبة بتقول للواحد مننا تعال ولمن تجيها تقول ليك ـ جيت تجيك الكشة بكسر الكاف وكان جيت ماشى تقول ليك ماشى وين تمشى بطنك ، او تمشى فى كرعيك يعنى اى كلمة عنده ليها مرادف وكان قلت ليها الحاجة دى قصيرة اول كلمة بتكون ـ القصر اليخليك تشابى للفنجان او القصر اليخليك تدلدل كرعيك من المصلاية وكان بقى زول عيان وهى ما بتريدو وقالو ليها فلان دا عندوحمى طوالى ما جاهزة عاد تقول ليك ـ الحمى اليتاوقو ليها بالحيطة ودايما لمن تجى المطرة اظنها كانت حاقدة طوالى بتقول المطرة انشا الله التغرقكن والطويل يكوسوه بالقناية شفت ليك مساخة بنت حوا ؟
|
Post: #139
Title: Re: بس .. أدخل .. عليك الله
Author: abubakr
Date: 08-12-2008, 12:59 PM
Parent: #126
Quote: القصر اليخليك تشابى للفنجان |
دة يا صحبي الجميل لفنجان زماااان انا اول مرة اطلب فنجان قهوة من كافي اسمو "كوستا" جابو لي "كورية " عدييل
|
Post: #149
Title: Re: بس .. أدخل .. عليك الله
Author: خالد علي محجوب المنسي
Date: 08-12-2008, 06:33 PM
Parent: #126
Quote: وكان جيت ماشى تقول ليك ماشى وين تمشى بطنك ، او تمشى فى كرعيك |
سلمى سلامة شوفي هذه البلاغة وبديعها ( تمشي بطنك ) اي يجيك إسهال ( وتمشي في كرعيك ) اي تسهل في كرعيك
Quote: وكان قلت ليها الحاجة دى قصيرة اول كلمة بتكون ـ القصر اليخليك تشابى للفنجان |
دي حلوووووووووة شديد
Quote: او القصر اليخليك تدلدل كرعيك من المصلاية |
يا سلااام دي عجيبة شديد والله .. دا ما قصير دا نملة
Quote: وكان بقى زول عيان وهى ما بتريدو وقالو ليها فلان دا عندوحمى طوالى ما جاهزة عاد تقول ليك ـ الحمى اليتاوقو ليها بالحيطة |
الحمة البتاوقو ليها بي الحيطة دي قطع شك حمة معدية ( كرنتينا عديل دي ) والحمى اليتبنوها بي العود لما ترتفع درجة الحرارة شديد
Quote: ودايما لمن تجى المطرة اظنها كانت حاقدة طوالى بتقول المطرة انشا الله التغرقكن والطويل يكوسوه بالقناية شفت ليك مساخة بنت حوا ؟ |
أنتن أظنكن كنتن ما ريحاتنها ( بتشرق قريشاتا البرسلوها ليها أولادها زي عمر ودعمي القردابي ) حبوبتي ماكانت بتريدو سلمى سلامة لك المودة معليش الشرح دا عشان ما كل الزوار تربية حبوبات زيك أنت وودالبشرى ابارو وأبوالعزائم
|
Post: #148
Title: Re: بس .. أدخل .. عليك الله
Author: خالد علي محجوب المنسي
Date: 08-12-2008, 06:15 PM
Parent: #125
Quote: يا فيصل وابارو جنس كلامكم دة عن ولد محمد صالح والديك هو البيجيب المسنوح عرريب السجم دة هنا.. قولو "حوالينا ولا علينا" وهو ما بيجي... |
فال زوجتك ولا فال أمك يا باشمهندس
تعرف أمس ضحكت ضحك مشى من شاف عنوان الطلح في بوست ودخل لقاها قصيدة عن شجر الطلح سحب حالو وجا مارق وتاني ما رجع
لكن حايم زي ضبانة الكمبو في البوستات التانية
مودتي وتحياتي
|
Post: #128
Title: Re: بس .. أدخل .. عليك الله
Author: sama7
Date: 08-12-2008, 07:58 AM
Parent: #1
عمو أبوبكر والركلسة
كيف ماليزيا معاك ان شاء الله بهجة شديدة
غايتو يا خالد مداعاة الحرامى بتاع الملايات صعبة شديد ما فاهماها بس حتة بقول فيها:
تطرشق لى برنامج أخطط فيه لى سنين يطرشق فيك كمبرسون يخليك انت بس ساردين ويطرشق فيك بوتوجاز ويكون جنبك صفيح بنزين وترقد ما نشوف لنا زول يقولنا ماشى فى تحسين
عليك الله دى كانت ملايات دى؟؟؟؟؟
نسيت أصبح وبرضو مشتاقين
|
Post: #129
Title: Re: بس .. أدخل .. عليك الله
Author: ممدوح أبارو
Date: 08-12-2008, 08:17 AM
Parent: #128
Quote: نسيت أصبح وبرضو مشتاقين |
سماح حبوبه لو سمعتك حتقول ليك نسيتي؟ تنسي كرعيك وراك
أصبح ؟ تصبحي قرد مربوطة علي صل أضانك (مافي زول يسألني صل دي شنو)
برضو؟ يرضرض عضمك مشتاقين؟ يشق حنكك
دي حبوبة ما أنا
|
Post: #131
Title: Re: بس .. أدخل .. عليك الله
Author: الطيب شيقوق
Date: 08-12-2008, 08:55 AM
Parent: #129
بت الشيخ سلامة
يا دوب عرفنا فصاحتك دى موروثة من جينات حبوباتك
ابارو
ربنا يجعل اكلك من حتحاتها البتشتت بجاى وبجاى
Quote: .. قولو "حوالينا ولا علينا" وهو ما بيجي... |
الرطاني جاييك
|
Post: #152
Title: Re: بس .. أدخل .. عليك الله
Author: خالد علي محجوب المنسي
Date: 08-12-2008, 06:51 PM
Parent: #131
Quote: بت الشيخ سلامة
يا دوب عرفنا فصاحتك دى موروثة من جينات حبوباتك |
خلي النضم الكُبار دا بتاع سوق الأوراق المالية دا بوست حبوبات جينات ...................... أسمع الدعوة بس ما ليك يا شيقوق
( الجن اليعلق رايو في إدنيك ( أضنيك ) )
اي يعسكر ويعلق راياته ( العلم ) وتاني ما يمرق
|
Post: #151
Title: Re: بس .. أدخل .. عليك الله
Author: خالد علي محجوب المنسي
Date: 08-12-2008, 06:47 PM
Parent: #129
Quote: أصبح ؟ تصبحي قرد مربوطة علي صل أضانك (مافي زول يسألني صل دي شنو)
برضو؟ يرضرض عضمك مشتاقين؟ يشق حنكك |
أبارو المعاني مهمة والله ولو ماعارف ما تستحي سلمى سلامة وماشاء الله عليها ماعرفت الحمت رمت لي الليلة
( يرضرض عضمك ) الرضرضة معروفة يدهس ويدشدش
|
Post: #140
Title: Re: بس .. أدخل .. عليك الله
Author: abubakr
Date: 08-12-2008, 02:17 PM
Parent: #128
Quote: عمو أبوبكر والركلسة |
ركلسة مية في المية
|
Post: #150
Title: Re: بس .. أدخل .. عليك الله
Author: خالد علي محجوب المنسي
Date: 08-12-2008, 06:40 PM
Parent: #128
Quote: تطرشق لى برنامج أخطط فيه لى سنين يطرشق فيك كمبرسون يخليك انت بس ساردين ويطرشق فيك بوتوجاز ويكون جنبك صفيح بنزين وترقد ما نشوف لنا زول يقولنا ماشى فى تحسين |
سماح قمر سبعتين وإدوّر
مساك سعيد رغم أنت صبحتي تعرفي دي دعوات ميكانيكي ( نخلي محمد البشرى يجي يشوفها )
بس ( ترقد ومانشوف زول يقول ماشي في تحسين ) دي معناها ترقد مريض وكل يوم ماشي للأسوأ ودي زي دعوة كتبتها في أول البوست ( يعاينو ليك بي الشُباك وإقولو أخير أمبارح )
تحياتي سماح
|
Post: #130
Title: Re: بس .. أدخل .. عليك الله
Author: خالد العبيد
Date: 08-12-2008, 08:48 AM
Parent: #1
صاري لي وشك كده ليه
يصروك في بعرة
|
Post: #132
Title: Re: بس .. أدخل .. عليك الله
Author: ممدوح أبارو
Date: 08-12-2008, 09:51 AM
Parent: #130
Quote: قولو "حوالينا ولا علينا |
يا هندسة ده بقولو (محمد معانا ما تغشانا)
خالد
ويرد هو علي الزول الدعاه
يبعر فقرتك
|
Post: #153
Title: Re: بس .. أدخل .. عليك الله
Author: خالد علي محجوب المنسي
Date: 08-12-2008, 06:59 PM
Parent: #130
Quote: صاري لي وشك كده ليه
يصروك في بعرة |
ود العبيد والله أنت قدو دي ما طلعت من دمك تب
تحياتي خالد
|
Post: #134
Title: Re: بس .. أدخل .. عليك الله
Author: ابراهيم قناوي
Date: 08-12-2008, 11:15 AM
Parent: #1
سلام يا شباب والله يا أبارو إنت مبالغة عديييييييييييل
كلامك ده ذكرني قالوا في واحدة إتفقت مع عمال طيانة علي شغل والمقابل إنها تأكلهم ... ويا زول الحاجة بقت جارية ونفسها قايم تجيب الكسرة تلقاهم كملوا الملاح ... تجيب الملاح ... تلقاهم ضربوا الكسرة ...
المهم ... زي ما بقول تبارك
أثناء العوا دي والحاجة قايمة وقاعدة جا كلب يلحس في العجين الحجة قامت نهرتو قالت ليهو
جر ياكلوك الطيانة
ودمتم سالمين
|
Post: #136
Title: Re: بس .. أدخل .. عليك الله
Author: ممدوح أبارو
Date: 08-12-2008, 12:00 PM
Parent: #134
يا قناوي دي زي ياكلوك الديانة النصها عريانة
مقصود بيهم ناس الديون والواحد يكون عريان ماقادر يلبس
|
Post: #154
Title: Re: بس .. أدخل .. عليك الله
Author: خالد علي محجوب المنسي
Date: 08-12-2008, 07:03 PM
Parent: #134
تعرف يا إبراهيم قناوي أسدك بتقدل في جنس قديل
عندنا في شندي المقابر أسمها ( مقابر أولاد عمران ) كان يوم ساكت جاتك نهمة وقلت تقدل فوق عديلك .. يلاقيك واحد يقول ليك
( بتدقدّل كدي مالك تقدل علي أولاد عمران )
|
Post: #137
Title: Re: بس .. أدخل .. عليك الله
Author: abubakr
Date: 08-12-2008, 12:20 PM
Parent: #1
Quote: بس باقى المحامين ما يشتغلوا.. |
خسوسا العرريب محامي الورق دة
|
Post: #155
Title: Re: بس .. أدخل .. عليك الله
Author: خالد علي محجوب المنسي
Date: 08-12-2008, 07:12 PM
Parent: #137
ما زلنا بنقول
هناك كلمات تحتاج لشرح في الامثال الدعوات التالية ::
الكشّا ( تجيك الكشّا )
الطاوية حُبالا ( تجيك الطاوية حُبالا )
الضريب ( يضربك الضريب شقاق العناقريب )
الصمردُقل ( الصمردقل اليخلي كرعيك لي فوق )
الكلنق ( تباري بي الخلا مع الكلنق )
هل من معين ؟؟
|
Post: #156
Title: Re: بس .. أدخل .. عليك الله
Author: الطيب شيقوق
Date: 08-12-2008, 07:21 PM
Parent: #155
المنسي المسنوح دحين حصل حفرت للصارقيل؟
|
Post: #157
Title: Re: بس .. أدخل .. عليك الله
Author: خالد علي محجوب المنسي
Date: 08-12-2008, 07:23 PM
Parent: #155
الشافع غلط غلطة السواد
وقال : يما عليك الله شيليني
ترد الأم : اها ولد ها إتزاخر غادي ( إشلوك الأربعة )
ومعروف الأربعة بشيلو شنو ... ( الجنازة )
|
Post: #158
Title: Re: بس .. أدخل .. عليك الله
Author: خالد علي محجوب المنسي
Date: 08-12-2008, 07:26 PM
Parent: #157
مسيكين الجاهل
جاي بكل براءة
يما عليك الله قدي لي الهنايا دي
( امش كدي إقد نافوخك ) أو ( امش كدي إقد هامتك )
والنافوخ والهامة هما قمة الرأس ومنطقة حساسة شديد وتكون لينة في الطفل حديث الولادة
|
Post: #159
Title: Re: بس .. أدخل .. عليك الله
Author: خالد علي محجوب المنسي
Date: 08-12-2008, 07:40 PM
Parent: #158
لا سبة ولا سبب تلقى واحد قال للتاني
تعال .. الله يقطعك ويقطع سعيتك
اي يميتك وأصلو تر حياتك مافيها فائدة لأهلك
|
Post: #160
Title: Re: بس .. أدخل .. عليك الله
Author: خالد علي محجوب المنسي
Date: 08-13-2008, 07:10 AM
Parent: #159
( إشق نصّك )
دي بتجيك بتجيك الدعوة دي لو قلت شِقو لي دي ....
يا ساتر
|
Post: #161
Title: Re: بس .. أدخل .. عليك الله
Author: Ishraga Haimoura
Date: 08-13-2008, 08:08 AM
Parent: #1
ود المنسي
وداعة الله يا ابوي وداعة لا تحرق لا تغرق وداعة العيش في الرحل والموية في البحر
وأمي بتقول لينا:
الله يديك العلاوة البلا شقاوة
إن شاء الله دايماً إنتو غابة والناس حطابة
|
Post: #165
Title: Re: بس .. أدخل .. عليك الله
Author: خالد علي محجوب المنسي
Date: 08-13-2008, 09:04 AM
Parent: #161
Quote: وأمي بتقول لينا:
الله يديك العلاوة البلا شقاوة |
الأخت الفاضلة إشراقة حيمورة أنتِ ناس جعفر حيمورة بتاعين المتمة أهلكم تحية طيبة وسلااااام ( يديك العلاوة البلا شقاوة ) دي قطع شك بي واسطة
Quote: إن شاء الله دايماً إنتو غابة والناس حطابة |
يا سلام يا لها من دعوة لها المعنى البالغ عمقاً تظلو دوماً عون للناس ويأخذوا منكم الناس
( يا ولدي إن شاء تبقى شدرة موية ) وشدرة الموية أي الشجرة القريب من مصدر المياه لو نيل أو جدول وبتكون دوماً رويانة وتأتي أكلها كل حين ودوماً ندية ....
|
Post: #162
Title: Re: بس .. أدخل .. عليك الله
Author: خالد العبيد
Date: 08-13-2008, 08:49 AM
Parent: #1
ماشي على السوق .
امش تمش بي وشيك
تمشي بي وشيك بمعنى تمشي وما تقيف كلو كلو
|
Post: #167
Title: Re: بس .. أدخل .. عليك الله
Author: خالد علي محجوب المنسي
Date: 08-13-2008, 09:17 AM
Parent: #162
Quote: ماشي على السوق .
امش تمش بي وشيك |
خالد ود قدو
تمش بي وشيك برضو يعني تمشي وماترجع
تحياتي ست البنات كيفنها
|
Post: #163
Title: Re: بس .. أدخل .. عليك الله
Author: خالد العبيد
Date: 08-13-2008, 08:53 AM
Parent: #1
فلان سافر
سفر البن انشاء الله !!
سفر البن دعوة بعدم الرجوع مرة اخرى يتصاعد دخان البن لمن يقلوه للجبنة ولا يعود مرة اخرى
|
Post: #164
Title: Re: بس .. أدخل .. عليك الله
Author: خالد العبيد
Date: 08-13-2008, 09:03 AM
Parent: #1
Quote: ود العبيد والله أنت قدو دي ما طلعت من دمك تب |
قدو تمرق تمش وين يا ود المنسي نحن طبعا مشهورين بي زراعة البصل يعني في قدو لو رميت بصلة في حجر بتقوم وتفرهد وعندنا مثل للزول الناجح اهلنا بقولو : والله الزول ده ناجح نجاح البصل في قدو شفت كيف ! اولادي الماشافو السودان كلو كلو عندهم حب شديد مع الكسرة وام رقيقة والتقلية قبل ايام عملت لي كسرة بي موية سااااكت وناديت العيال : تعالو اجرو كسرة بي موية وارف الصغير قال لي : طيب يا بابا دي الكسرة الموية وينا!!
|
Post: #170
Title: Re: بس .. أدخل .. عليك الله
Author: خالد علي محجوب المنسي
Date: 08-13-2008, 11:41 AM
Parent: #164
Quote: وارف الصغير قال لي : طيب يا بابا دي الكسرة الموية وينا!! |
البصل وقدو تعرف اساسا المثل دا مرق مننا نحن ناس شندي يانا البنقول للزول الناجح ناجح زي نجاح البصل في قدو ....
جننتا الاولاد كان تكب ليهم الموية قدامهم عشان يشوفوها الموية راحت بينات الكسرة
وقالوا الموية وينا ؟؟؟
الجماعة يقولوا ليك ::::: الزول دا متبتب وسميّن زي شوال البصل ...
تعرف زمان جنب مشرع البنطون شندي المتمة كان في واحد مجنون الراجل دا بس واقف هناك من أشوف لي راجل سمين .. يكورك لي النسوان ... هي هي عاينن لو التلح شوال الملح أرمي ليكن ؟ ويجري علي .. والزول قوي خلاس يشيل ليك الراجل لي فوق ويضرب بي الواطا .. تعرف الرجال بقوا يضايروا منو لما يشوفوا عشان ما يفضحهم قدام الحريم ...
|
Post: #166
Title: Re: بس .. أدخل .. عليك الله
Author: خالد العبيد
Date: 08-13-2008, 09:10 AM
Parent: #1
اها ما غلبت ليك سلمى !!
|
Post: #169
Title: Re: بس .. أدخل .. عليك الله
Author: ممدوح أبارو
Date: 08-13-2008, 11:30 AM
Parent: #166
Quote: الكشّا ( تجيك الكشّا )
الطاوية حُبالا ( تجيك الطاوية حُبالا )
الضريب ( يضربك الضريب شقاق العناقريب )
الصمردُقل ( الصمردقل اليخلي كرعيك لي فوق )
الكلنق ( تباري بي الخلا مع الكلنق )
هل من معين ؟؟ |
الاحباب سلام نبدا واحده واحده * الكشا أو الكشه بكسر الكاف هي الحساسيه التي تحدس نتيجة للبرد يقول ليك فلان مكشك عندو كشكه أو كشه
* الطاويه حبالا هي المنيه أو الموت
* الضريب والصمردقل ديل بقيفن لي إلا يجو الحجاج من البلد
*الكلنق الصقر وبالاحري صقر الجديان
والله أعلم
|
Post: #172
Title: Re: بس .. أدخل .. عليك الله
Author: خالد علي محجوب المنسي
Date: 08-13-2008, 11:51 AM
Parent: #169
بس يا أبارو ديك ( الكِشكا )
امانة ما أذتنا أذية زمان والجلسرين فيها حارن يولع فيك سهراجة جمرها حي
تعرف مرة مشيت السودان في شهر نوفمبر وبدأ الجو يبرد .. يوم زوجتي شافت أمي مغتغتا وخاتا كانون نار قِداما قالت لي حبوبة ليه عاملة كدي .. قلت ليها من البرد .. ضحكت ضحك وقالت لي هم شافو برد كلمهم كم بتنزل درجة البرودة عندنا في الشتاء .. وماهي إلا أيام والبرد شدا شوية بس وزوجتي وأحمد جضومهم ويديهم وكرعيهم إتشققن .. قامت قالت دا شنو دا البرد ليه حار كدي مع انو درحة البرودة ما منخفضة شديد ..
|
Post: #171
Title: Re: بس .. أدخل .. عليك الله
Author: خالد علي محجوب المنسي
Date: 08-13-2008, 11:43 AM
Parent: #166
Quote: اها ما غلبت ليك سلمى !! |
سلمى اخير الطلع فشوش ساكت ود البشرى كمبرسون ما عارفها وهو ميكانيكي ( مهندس )
تحياتي ودالعبيد وسلامنا لست البنات
|
Post: #217
Title: Re: بس .. أدخل .. عليك الله
Author: سلمى الشيخ سلامة
Date: 08-15-2008, 11:53 PM
Parent: #166
Quote: اها ما غلبت ليك سلمى !! |
يا خالد اخوى ازيك قلت لى غلبتنى ؟ يغلبوك وليداتك قول يامين لمن الواحديتزوج بقولو ليهو تغلبا بالمال وتغلبك بالعيال او لمن خلاس تزهج من وليداتا بتقول ليهم يقلب لونكم كرهتونا
وحبوبة ما بتغلبا كلمة كان قلت لي واحد يا مجنون مثلا تقول ليهو الجن اليعلق قربو فى اضنيك دى سمعتها؟ وكان واحد داير حاجة وقال ليها داير الحاجة الفلانية الرد مفصل جاهز ـ الدورة التملا راسك ورق يعنى تبقى مجنون ويكتبو ليك المحايات اها يا خالد لقيت حبوبة كيف ؟
|
Post: #218
Title: Re: بس .. أدخل .. عليك الله
Author: خالد العبيد
Date: 08-16-2008, 00:28 AM
Parent: #217
سلام يا سلوم
Quote: اها يا خالد لقيت حبوبة كيف ؟ |
هسه كان قلت ليك حبوبة تجيني بي مفراكتك : حبوبة ؟ الحبة التخنقك !! والعجب كان قلت ليك يا حاجة! الاجابة برضو جااهزة انا حاجة تحج يايابا بي جمل اعور
اها يا حبوبة لقيتيني كيف !
|
Post: #219
Title: Re: بس .. أدخل .. عليك الله
Author: سلمى الشيخ سلامة
Date: 08-16-2008, 00:55 AM
Parent: #218
Quote: هسه كان قلت ليك حبوبة تجيني بي مفراكتك : حبوبة ؟ الحبة التخنقك !! |
يا خالد انت قايل ما حبوبة ؟ متمنية وحات الله ابقى حبوبة واحجى الوليدات احيييي مالك على ؟ وبعدين مفراكة دى القاها وين ؟ هسى المفراكةبقت بالكهربا الطقطقة البتسمعا مع خاتم حبوبة لمن تفرك الملاح وين يا حبيب ؟ اها قلت لى الحبة التخنقك ؟ تحبك مقدة بتعرفا دى ؟ اوتحبك دبورة وماتسالنى ديل منوديل ويحبك برص وسته خرص كيف كده ؟
|
Post: #220
Title: Re: بس .. أدخل .. عليك الله
Author: خالد العبيد
Date: 08-16-2008, 02:13 AM
Parent: #219
Quote: تبقى مجنون ويكتبو ليك المحايات |
الدكتور سمع المجانين في الطابق العاشر بقولوا :
ستة وتلاتين ستة وتلاتين ستة وتلاتين
طلع يشوف ستة وتلاتين دي شنو
المجانين شالو الدكتور ورموه من الطابق العاشر واستمرو يقولو
سبعة وتلاتين سبعة وتلاتين سبعة وتلاتين
|
Post: #168
Title: Re: بس .. أدخل .. عليك الله
Author: Ishraga Haimoura
Date: 08-13-2008, 11:18 AM
Parent: #1
يا ود المنسي
شدرة الموية دي حسب علمي بتقعد لسنوات طويلة وهي الشجرة البيحفظوا فيها الموية
وتبقى شدرة موية يعني يبقى عمرك طويل.... عرفت؟؟؟؟
حبوبتي كانت بتقول لي ولدها:
الله يديك العروس أم مقنعاً سابل وخشماً طابل
دي كيف؟؟
|
Post: #173
Title: Re: بس .. أدخل .. عليك الله
Author: ممدوح أبارو
Date: 08-13-2008, 12:07 PM
Parent: #168
Quote: قالت دا شنو دا البرد ليه حار كدي مع انو درحة البرودة ما منخفضة شديد .. |
والله أحمد الله شافو ساي كان حضر زمنا هّلا هّلا
كنا زمان نجي المغرب من الرمه وحباسا ولا طب العصب ماكان في بلي إستيشن ولا كمبيوتر نجي غبش زي العضم القديم
يلمو فيك بعد يدوك قرصه في وركك ويتفو ليك أصابعيك حتي يعطنوك في الطش ذي اللستك ويكبو فيك جردل مويه بارده
ويكرشوك بي الليفه وكواريكك جايبه آخر الحله ومعاها صرجه سنون بعداك يطرشوك بالزيت والجرسلين إن وجد
تاني بتلعب؟ تلعب سنك هلل عاين خلقتك زي الفوله المدمسه يفلفل أجرك(دي ما عارف معناها)
|
Post: #174
Title: Re: بس .. أدخل .. عليك الله
Author: خالد علي محجوب المنسي
Date: 08-13-2008, 12:12 PM
Parent: #168
اشراقة الله يسلم فمها البتمرق منه جنس هذه الدعوات لكن دي أكيد لي أخوانك ...
أمم مقنعاً سابل .. كناية أنها مستورة ولا يعنى بها ان لبسها طويل وبس
وخشماً طابل ..ايضا ً كناية انها صبورة ومهولة والله دي العروس البتمناها اي زول
وانت يا بنات حواء يديكن الراجل المهول ومكفي البسوم ما مكشر .. والكريم وجواد
لك التحية اشراقة حيمورة
|
Post: #175
Title: Re: بس .. أدخل .. عليك الله
Author: ممدوح أبارو
Date: 08-13-2008, 12:34 PM
Parent: #174
بت حيمورة سلامات
Quote: حبوبتي كانت بتقول لي ولدها:
الله يديك العروس أم مقنعاً سابل وخشماً طابل
دي كيف؟؟ |
تفسير خالد هو الاقرب للصواب
كدي شوفي الوصية دي كيف
أم ساقاً نحيف أم خشماً رهيف كان كتلك الزيف في بابا ما تقيف
|
Post: #176
Title: Re: بس .. أدخل .. عليك الله
Author: خالد علي محجوب المنسي
Date: 08-13-2008, 04:18 PM
Parent: #175
Quote: تاني بتلعب؟ تلعب سنك هلل |
أبارو ليفة شنو ؟ أنت بكون كرشوك بي طوبة حمرا
قلت كيف غبش زي الفول المدمس ؟ والله بعد حمام السقيطة والواحد في سرو يقول تاني أصلو ما أمشي ألعب بكرة تجي والله التقول بشيلو شيطان.. إقوم جاري زي عصار الساعة إطناشر البلوي داك شايل لي كيس نايلون وورقة جريدة قديمة ..
أبارو كانت أيام وولت وكانت فيها الحياة حلوة وبسيطة زي لونا... تلقى الواحد فينا والحيطة والواطا والحمارة الغبشا لونهم واحد ما بتفرزهم
( تلعي زسنك هلل ) اي تتخلل وتقرب تنقلع وبتكون مهلهلة تلزها كدي بي لسانك تمش لي قدام وترجع تاني ...
تحياتي أبارو
|
Post: #177
Title: Re: بس .. أدخل .. عليك الله
Author: خالد علي محجوب المنسي
Date: 08-13-2008, 05:27 PM
Parent: #176
( ينقطع ضِكرك ) أي تنقطع منك الخِلفة والنسل هل تصدقو أن بعض الناس يدعو على فلذات كبدهم بمثل هذا الدعاء وهم في حالة اللاوعي ولا مابعرف شنو لكن عدم مبالاة
|
Post: #178
Title: Re: بس .. أدخل .. عليك الله
Author: محمد أحمد الخضر
Date: 08-13-2008, 06:10 PM
Parent: #177
الأخ خالد المنسي أهنئك على هذا البوست الرائع وأحيي كل الذين شاركوا معك. لقد لامستم إحدى مناطق الإبداع الحقيقي في مجتمعنا السوداني. لم أجد ما اشارككم به أنسب من دعاء الوالد لي كلماسافرت كان رحمه الله يتوجه إلى القبلة ويرفع يديه قائلا "أمش يا ولدي عفيت منك عفواً لايرده سخط ولا غضب" ياريت يا منسي تتحفنابتعليقك.
|
Post: #179
Title: Re: بس .. أدخل .. عليك الله
Author: الطيب شيقوق
Date: 08-13-2008, 06:20 PM
Parent: #178
ود الخضر
Quote: وأحيي كل الذين شاركوا معك. |
نحييك يا تلب التلوب ونحنى لك الرؤوس بس ادعو لينا ربنا يسهل لينا جيّة نانسي عجاج لنادي جاليتنا بمسقط خلينا نشبع ترسي وحت سااااااااااى .
|
Post: #180
Title: Re: بس .. أدخل .. عليك الله
Author: خالد علي محجوب المنسي
Date: 08-13-2008, 07:10 PM
Parent: #179
Quote: أمش يا ولدي عفيت منك عفواً لايرده سخط ولا غضب" ياريت يا منسي تتحفنابتعليقك. |
الأخ الفاضل / محمد أحمد الخضر لك التحية الطيبة سلاااام
حنان الأم وعطفها يدعوها ان تدعو لنا دوماً وتعفو عنّا حتى لو كان منّا القصور وفتور الوصال .. وكونو أن أم تقول: عافية منك والله هذا المكسب وهذا الربح عافية منك وراضية سو رضايا ومابهم الرضى والدتو يا جنايا
لك منا كل التقدير والتحايا أخي محمد وخليك قريب جنبنا سعدنا السعد السعيد بوجودك بيننا والله
مودتي وتحياتي
|
Post: #181
Title: Re: بس .. أدخل .. عليك الله
Author: خالد علي محجوب المنسي
Date: 08-13-2008, 08:40 PM
Parent: #180
Quote: جاليتنا بمسقط خلينا نشبع ترسي وحت سااااااااااى |
تترس فوق روت بقراً غلاد يا ودشيقوق
|
Post: #182
Title: Re: بس .. أدخل .. عليك الله
Author: خالد علي محجوب المنسي
Date: 08-14-2008, 06:57 AM
Parent: #181
مساهر كنتَ وين ؟ ( السهر اليقدد عيونك )
لحين ميسرة بنرجع
|
Post: #183
Title: Re: بس .. أدخل .. عليك الله
Author: ممدوح أبارو
Date: 08-14-2008, 10:54 AM
Parent: #182
Quote: ترسي وحت سااااااااااى |
ترسي؟ تترس مع الفلو (بتعرفو الفلو؟)
حت؟ بالتحتحت سنونك
سااااااااااى؟ السوسة التنخر عضيمك
Quote: ( السهر اليقدد عيونك ) |
ده بقولو ليه سهر الناسور ونوم الخور
|
Post: #184
Title: Re: بس .. أدخل .. عليك الله
Author: الطيب شيقوق
Date: 08-14-2008, 11:41 AM
Parent: #183
Quote: ترسي؟ تترس مع الفلو (بتعرفو الفلو؟) |
يا سجم الرماد
شاعر البطانة وقتين العيش اساعرو ارتفعت قال:
وقت ما العيش يبقى في تحسيس تلقى الفلوة للملوة جالبة قصيص
اشرح انت يا مسنوح قال لي الفلوة شنو.
|
Post: #185
Title: Re: بس .. أدخل .. عليك الله
Author: ممدوح أبارو
Date: 08-14-2008, 11:53 AM
Parent: #184
Quote: شاعر البطانة وقتين العيش اساعرو ارتفعت قال:
وقت ما العيش يبقى في تحسيس تلقى الفلوة للملوة جالبة قصيص |
أنا ما قاصدك يا متعوس عارف خابرا أنا قولت بتعرفو بالجمع يجمع فيك زنوب أب لهب
لكن زولك وصاف خلاس كلت لي قرمصيص عديل؟
هيييع
|
Post: #186
Title: Re: بس .. أدخل .. عليك الله
Author: خالد علي محجوب المنسي
Date: 08-14-2008, 01:35 PM
Parent: #184
Quote: وقت ما العيش يبقى في تحسيس تلقى الفلوة للملوة جالبة قصيص |
الغرز نشابو وشايلا قليبي وين ماشابّو
ويا فليوة قلبي نشابّو
عفواً شيقوق أبارو تبارو لكن في النهاية تكون النتيجة شرح ما تباريتم فيه حتى تعم الفائدة
ولكما مني أخلص التقدير
معنى كلمة الفلو ؟؟؟؟
|
Post: #187
Title: Re: بس .. أدخل .. عليك الله
Author: الطيب شيقوق
Date: 08-14-2008, 03:15 PM
Parent: #186
Quote: أنا قولت بتعرفو بالجمع |
امانة فيك الجمع انا ما محسوب فيك يحسبوك في حدبة حديبة جهنم يا ود الحديبة
المنسي ات ممنوع تتدخل اى منافسة وبراك عارف السبب . والله ناس المباريات لو عرفوك هيييييييييييييع خشم بيتكم وانفتح
|
Post: #188
Title: Re: بس .. أدخل .. عليك الله
Author: ممدوح أبارو
Date: 08-14-2008, 03:40 PM
Parent: #187
Quote: امانة فيك الجمع انا ما محسوب فيك يحسبوك في حدبة حديبة جهنم يا ود الحديبة |
جهنم الشرارا يطقطق يجمعو فيك كلاب سوق الحديبة غب السوق ويحسبوك يوم الغيامة غائب يا مسنوح
|
Post: #189
Title: Re: بس .. أدخل .. عليك الله
Author: خالد علي محجوب المنسي
Date: 08-14-2008, 06:33 PM
Parent: #188
دعاء ولا قضادة فيه.. يعني شئ حتى لو حصل وربنا أستجاب الدعاء فيه ماهو بالشئ الذي يندم عليه من دعا عليك به .. وأذكر ونحن صغار كنا ( حاقرين بي أخواتنا البنات ) وكانت الكبرى وهي في مقام الوالدة بالنسبة لنا لكن كله كان من الجهل وما تربينا عليه ( لكن نحمد الله نكن لهنَّ الآن كل الإحترام والتقدير والحب والمحنة بعد أن وعينا وعرفنا الحياة وما يجب أن يكون بين الأخوة ) أذكر كلما نهرت أختي الكبرى وهي بكر البيت كانت ترد لي وحينها كنت لا أفقه حتى لردها معنى ..
( يا ولد ما تنهرني .. ينهرك الدللال والسوق بارد ) الدللال هو معروف الذي يقوم بعملية ( الدللالة الععروفة ) ومعنى الدعوة اي الدللال لما سوقو يكون ( بارد ) بكون زهجان وأكيد لو زول تعرض له سوف ينهرهه وبتكون نهرة قوية حينها ..
|
Post: #190
Title: Re: بس .. أدخل .. عليك الله
Author: الطيب شيقوق
Date: 08-14-2008, 07:42 PM
Parent: #189
Quote: يجمعو فيك كلاب سوق الحديبة غب السوق ويحسبوك يوم الغيامة غائب يا مسنوح |
كلامك صاح هي لاقية ليها فضلات عشان تنومها ؟
|
Post: #191
Title: Re: بس .. أدخل .. عليك الله
Author: حبيب نورة
Date: 08-14-2008, 08:11 PM
Parent: #190
عذينا الخصامة يا منسي تعظيم سلام وين الناس
شكرن كتيرن!
|
Post: #192
Title: Re: بس .. أدخل .. عليك الله
Author: خالد علي محجوب المنسي
Date: 08-14-2008, 08:15 PM
Parent: #190
أهلنا الشايقة برغم حنيتهم الشديدة لكن عندهم دعوة كعبا خلاااااااس
يقولوا : ( ياولد تعال تنقطع ريحتك ) أي تموت وينقطع اثرك حتى رائحتك من الدار
|
Post: #193
Title: Re: بس .. أدخل .. عليك الله
Author: خالد علي محجوب المنسي
Date: 08-15-2008, 07:31 AM
Parent: #192
لحين ميسرة بنرجع
تحياتي ومودتي
|
Post: #194
Title: Re: بس .. أدخل .. عليك الله
Author: الطيب شيقوق
Date: 08-15-2008, 08:45 AM
Parent: #193
هيييييييييييييييع
اها كمان عندكم عليها تعليق ؟
|
Post: #195
Title: Re: بس .. أدخل .. عليك الله
Author: ممدوح أبارو
Date: 08-15-2008, 08:59 AM
Parent: #194
Quote: هيييييييييييييييع
اها كمان عندكم عليها تعليق ؟ |
إت خانقك عضم قصير ولا شنو؟
يعلقوك من من لسانك ولا أقول ليك يعلقوك قرد من صلبك
|
Post: #196
Title: Re: بس .. أدخل .. عليك الله
Author: خالد علي محجوب المنسي
Date: 08-15-2008, 06:46 PM
Parent: #195
( الله يأذاك .. يامقطوع الطاري ) وهي دعوة مركبة ... في البداية الله يأذاك وحتى لو شالك ومت مافي زول بطراك أصلك نكرة ومنسي
بالمناسبة المنسي دي ذاتا ما اسمي ... ما تجيني ناطة هسي سلمى سلامة
|
Post: #197
Title: Re: بس .. أدخل .. عليك الله
Author: خالد علي محجوب المنسي
Date: 08-15-2008, 06:49 PM
Parent: #196
Quote: يعلقوك من من لسانك ولا أقول ليك يعلقوك قرد من صلبك |
الله يجازي محنك يا أبارو
مرات يا أبارو تجي بكل بساطة وبراءة لواحد أسمو خلف الله أو خليفة وتقول لي السلام عليك يا خليفة يرد ليك
( إتخلفن فوقك العصي )
|
Post: #198
Title: Re: بس .. أدخل .. عليك الله
Author: الطيب شيقوق
Date: 08-15-2008, 06:53 PM
Parent: #197
ابارو
ات ما عندك شغل غير النت ؟
|
Post: #199
Title: Re: بس .. أدخل .. عليك الله
Author: خالد علي محجوب المنسي
Date: 08-15-2008, 07:00 PM
Parent: #198
في أيام الجهل مرات تكون بتلعب براك ومزاجك رايق وتنقر في باب ولا في لوح خشب فجاءة لا يدك لا كراعك تجيك دعوة ...
( يا ولد ما تنقر ينقرك الضرس )
وأمانة ما مزعجة نقرة الضرس تخليك معلق بين السماء والأرض وما عارف تحكو كيف
|
Post: #200
Title: Re: بس .. أدخل .. عليك الله
Author: خالد علي محجوب المنسي
Date: 08-15-2008, 07:05 PM
Parent: #199
يومك أسود لو حاولت تعبر عن حبك وقمت إتكلت ( حملت ثقلك بالجنبة على من تحب أخ أخت أم اب خال عم جد ) وتجيك الدعوة
يا ولد شيل حيلك ما تتكل ( إتكلوك بي الشِعب )
لا أله إلا الله من هذه دعوة تتكسر وتتكسح
|
Post: #201
Title: Re: بس .. أدخل .. عليك الله
Author: محمد المرتضى حامد
Date: 08-15-2008, 07:21 PM
Parent: #200
خالد المامنسي، بعد الذي قرأته أعلاه أدعو الله ألا أغضب أحدا من زوارك ، ياخ ديل حافظين (أدعية) يورانيوم مخصّب ، البوست والمقابر مباشرة. هسه (يرفعو عنقريبك) دي ما شرنوبل ذاتو. ربي يحفظك وزوارك.
|
Post: #202
Title: Re: بس .. أدخل .. عليك الله
Author: خالد علي محجوب المنسي
Date: 08-15-2008, 07:25 PM
Parent: #200
وبسم الواحد الأحد نبدأ صفحتنا الثالثة ونصلي ونسلم على أشرف خلق الله محمد بن عبدالله صلى الله عليه وسلم أخواتي وأخوتي لكم الأحترام والتقدير أعلم أن الكثير منا قد يسمع مثل سوداني قد يفهم معاني كل مفرداته. لكن قد يستعصي عليه فهم المقصود بهذا المثل.. وأحياناً قد تستعصي على السامع معاني بعض المفردات .. وأحببت رغم أني أعلم علم اليقين أن هذا الموضوع قد تناوله بعض الأعضاء في بوستات أخرى وكثيرة. لكن أحببت هنا أن نأتي مثلاً بالمثل ونشرح ما المقصود منه؟ ومتى يقال؟ ولو رأينا أن هناك من مفرداته ما يصعب على البعض فهمها فلا ضير أن نشرحها .. أخوتي وأخوتي قد يرى البعض أن عملية الشرح هذه مثلا ( ماحلوة ) لكن والله صدقوني وأعطيكم مثال أنا من الناس المهتمين كتييييييير بكل ماهو قديم وعتيد من اللغة. سواء في أمثال .. كلام عادي .. شعر .. وغيره لكن كثيراً ما تصادفني كلمات يصعب فهم معانيها.. ومن هنا أحببت أن تعم الفائدة وكلنا يعرف ( أفتكر الفكرة واضحة صاح يا أبارو ) يلا أبدع لنا كما أبدعت في الدعا على الناس والمناصفا .....
وشكراً كتير لكل من سطر حرف في الصفحتين الأولى والثانية وبسم الله نبدأ
|
Post: #203
Title: Re: بس .. أدخل .. عليك الله
Author: خالد علي محجوب المنسي
Date: 08-15-2008, 07:29 PM
Parent: #202
الفاضل الحبيب ودالمرتضى تحياتنا يا جميل الروح
وبالذات أبارو التقول درسها في الخلوة
وينك ما مبيّن ؟؟
........ كسرة يا أبوعلي ودالقرشي بجي متين محرقني بوست أتفقنا عليه والله كان إتأخر .............. انت محامي بتجيب خبرها النقط دي
تحياتي وتقديري
|
Post: #204
Title: Re: بس .. أدخل .. عليك الله
Author: خالد علي محجوب المنسي
Date: 08-15-2008, 07:32 PM
Parent: #203
السمح سمح لو قام من النوم والشين شين لو دلكو كل يوم
أفتكر معناهو واضح وما يحتاج لشرح سواء في مفرداتها ومتى يقال
معروف الزول لما يقوم من النوم وبالذات لو كان النوم عميق بقوم وشو يلعن قفا وبكون شكلو زي الشيطان العفر في الرماد ... لكن السمح بقوم والله زي ماهو التقول وماشاء الله تمرو ولمعو فوق نومك داك ....
|
Post: #205
Title: Re: بس .. أدخل .. عليك الله
Author: خالد علي محجوب المنسي
Date: 08-15-2008, 07:39 PM
Parent: #204
( الناس في شنو والحسانية في شنو )
وقد نسب هذا المثل للمك نمر مك الجعليين ( ولا علم لي بمدى صحة ذلك ) يقال أنه عندما سمع بقدوم حملة الدفتردار بدأ يستنفر بعض القبائل لنصرته .. وعندما ذهب لشيخ قبيلة الحسانية بنواحي النيل الأبيض وشرح له الأمر وقطع له اليوم الذي هم يتوقعون أن تصل فيه جيوش الدفتردار .. فرد عليه شيخ الحسانية وقال له لو قلت أي يوم غير دا كنا جيناك لكن اليوم دا بالذات عندنا فيهو سبق الحمير ... فقال قولته المشهورة وأصبحت مضرب للمثل ..
( الناس في شنو والحسانية في شنو ) ويضرب المثل الآن لما يكون هناك أمر مهم وترى شخص مهتم بأمر أخر هايف ويترك الأهم
|
Post: #206
Title: Re: بس .. أدخل .. عليك الله
Author: خالد علي محجوب المنسي
Date: 08-15-2008, 07:43 PM
Parent: #205
( عينك في الفيل وتطعن في ضلّو )
ويضرب هذا المثل عندما توجه اللوم لشخص وأنت تعلم أنه ليس الملام أنما اللوم على فلان ولكن أنت لا تريد أن تواجه فلان باللوم مباشرةً لأي سبب في نفسك
|
Post: #207
Title: Re: بس .. أدخل .. عليك الله
Author: خالد علي محجوب المنسي
Date: 08-15-2008, 07:46 PM
Parent: #206
( العرجا لي مراحا )
المراح هو القطيع من البهائم
ويضرب هذا المثل للإنسان الذي يفارق المجموعة( أصدقاء كانوا أو رفاق ) بطر أو تكبر أو لأي سبب أخر لكنهم يعرفون أنه بمشي وبجيهم راجع لأنه زولهم وعارفين وواعين دي كويس دي ..
|
Post: #208
Title: Re: بس .. أدخل .. عليك الله
Author: خالد علي محجوب المنسي
Date: 08-15-2008, 07:55 PM
Parent: #207
هناك مثل أخر قريب في معناها من السابق
لكن يختلف قليلاً ... أن شخص فارقك لسبب قد يكون زعل منك مثلاً كان يتعامل معك لكن لسبب ما. تركك وذهب يتعامل مع شخص أخر فتقول له ....
( الفولة بتتملي والبقارة بجو )
والفولة هي مكان تجمع الماء.
والبقارة هم القبائل المعروفة في غرب السودان التي تحترف مهنة تربية الأبقار وقد أطلق أسم البقارة على قبائل كثيرة وهي قبائل توجد في جنوب كردفان ودارفور . فهي مثل لفظ الأبالة وهي القبائل التي تهتم بتربية الأبل مثل قبائل شمال كردفان ودارفور.
ولا يا شيقوق عندك رأي تاني
|
Post: #209
Title: Re: بس .. أدخل .. عليك الله
Author: خالد علي محجوب المنسي
Date: 08-15-2008, 07:58 PM
Parent: #208
ومثل أخر بنفس المعنى ( الفولة بتتملي والبقارة بجو ) لكنه بألفاظ لغة الراندوك ( وهي لغة معروفة في السودان ) اي لغة الشماسة
( أصبر بجي الخريف واللواري بتقيف )
|
Post: #210
Title: Re: بس .. أدخل .. عليك الله
Author: خالد علي محجوب المنسي
Date: 08-15-2008, 08:58 PM
Parent: #209
( الفيك بدربّو وود الناس أحقربّو )
ويضرب هذا المثل للإنسان الذي يبادر ويصف الناس بصفة ذميمة فيه حتى يداري عيبه
|
Post: #211
Title: Re: بس .. أدخل .. عليك الله
Author: خالد علي محجوب المنسي
Date: 08-15-2008, 09:03 PM
Parent: #210
ومثلأ يقول ليك فلان دا ... ( يدّي النقارة عصا ويدّي الشتم نقرّا )
أي أنه يمشي بين الناس بالفتن وتحميش النيران ( يدي دا كلام ويدي التاني كلام حتى تولع
|
Post: #212
Title: Re: بس .. أدخل .. عليك الله
Author: خالد علي محجوب المنسي
Date: 08-15-2008, 09:05 PM
Parent: #211
( القرد في عين أمو غزال )
اي زول جميل حلو في عين أمو وما بتشوف في أجمل منو في الدنيا ودي حقيقة
|
Post: #213
Title: Re: بس .. أدخل .. عليك الله
Author: خالد علي محجوب المنسي
Date: 08-15-2008, 09:39 PM
Parent: #212
( حزموني ولزموني النقوم أشاكّل )
ويضرب هذا المثل في الإنسان الذي يعتمد إعتماد كامل في قضاء كل أموره على الناس ويكلفهم أعملو لي كدي وسو لي كدي ( زول كلفة بس )
|
Post: #214
Title: Re: بس .. أدخل .. عليك الله
Author: خالد علي محجوب المنسي
Date: 08-15-2008, 09:59 PM
Parent: #213
( دا أمير ودا أمير .. ومنو البركب ليكم الحمير )
يضرب هذا المثل لما يكون في مجموعة من الناس قد جمعهم شئ معين ( اي شئ ) وكل واحد ينظر ويعطي الأوامر ويعمل هو القائد وطبعاً البركب الحمير دا هو الوحيد الرعية ( المسكين ) وهو البقول ليهم المثل حتى يفرض نهجهم هذا
|
Post: #215
Title: Re: بس .. أدخل .. عليك الله
Author: خالد علي محجوب المنسي
Date: 08-15-2008, 10:11 PM
Parent: #214
مثل جاء في أبيات شعر ( أعجبني شديد ) ويضرب في حق مستجدي النعمة
الشبع البعد جوع سيدو ديما سغيّر والريش البقوم بعد الكسر ما بطيّر
|
Post: #216
Title: Re: بس .. أدخل .. عليك الله
Author: خالد علي محجوب المنسي
Date: 08-15-2008, 10:26 PM
Parent: #215
قالوا أهل المثل
( العريبي كان إتفلهم بسوي في تِكت سروالو لمبة )
ودي مابقدر اجيب ليها مثل إلا اخوي ودشيقوق
أول ما تخرج وأشتغل محامي من أول راتب وتمّا من أبو أشترى لي لاندروفر ( فيهو جركانات بي الجنبة واحدة لي الموية والتانية لي البنزين ... أصلو اللاندروفر بشرب تقول بقرة ) وبقى حايم بي في البردانة والبلد كلها لواري وأجمل لوري تيمس وبقوم دفرة مركبين لي ريشة نعام في الكبوت..
( عاد مافاكي الحرف ولابد أن يميز نفسو) .. ( فلهمة ) وبعدها سافر للخليج وقوم سوي الكبيرة أشترى لي كرويلا موديل 2000 مكندشا ونزل بيها البردانة وهي البلد أساسا مافيها عربية حايمة لواري تراب من الساعة 12 بقرشو... من السوق بجي ماشي بالخلف وما بعاين ورا ويصل بدون حادث ( أها دي ياها زي زولنا السوا في تكت سروالو لمبة داك )
|
Post: #221
Title: Re: بس .. أدخل .. عليك الله
Author: سلمى الشيخ سلامة
Date: 08-16-2008, 02:43 AM
Parent: #196
Quote: بالمناسبة المنسي دي ذاتا ما اسمي ... ما تجيني ناطة هسي سلمى سلامة |
انت يا الحبيب قايل يعنى سلامة دا اسم جدى؟ النحكى ليك القصة جدى الله يرحمو سالتو مرة ـ انت يا ابوى سلامة دا اسم جدنا الكبير؟
قال لى ـ سلامةداما اسمه دا(لغم ساكت ) يقصد لقب قال ـ فى الخلوة بلعبو ، قام ابوه الاسمومحمد احمد وقع قال الفكى قال ليهو ـ قوم يا زول سلامةسلامة وبقى اسمه سلامة
اها كان زول قال ليك سلامة قول ليهو السلب الطوال تعرف السلب ؟ يسلم عمرك والزمان ما يدمرك
سالب فؤادى وما عليك
|
Post: #222
Title: Re: بس .. أدخل .. عليك الله
Author: خالد العبيد
Date: 08-16-2008, 03:22 AM
Parent: #1
اكيد ودالمنسي بعرف السلب بكون نشل من البير لمن ضهرو انقطع
ويقولوا ليك فلان روحو سلبة يعني روحو طويلة بالو طويل
|
Post: #223
Title: Re: بس .. أدخل .. عليك الله
Author: الطيب شيقوق
Date: 08-16-2008, 05:17 AM
Parent: #222
Quote: أول ما تخرج وأشتغل محامي من أول راتب وتمّا من أبو أشترى لي لاندروفر ( فيهو جركانات بي الجنبة واحدة لي الموية والتانية لي البنزين ... أصلو اللاندروفر بشرب تقول بقرة ) وبقى حايم بي في البردانة والبلد كلها لواري وأجمل لوري تيمس وبقوم دفرة مركبين لي ريشة نعام في الكبوت.. |
والله يا المنسي فعلا كلامك صاح ومن يوم اشتريتو كل يوم ماشي السوق لمكتبي اها وكل يوم شكلة نسوان مع الصباح في المقعد القدامي . ومن يوم اشتريتو عيني ما غمضت اجي راجع من الشغل تعبان بعد شوية يجيك الوليد يقول ليك في ناس منتظرك في الديوان وامشى الديوان القاهم عندهم مرة دافرة للولادة عايزين يودوها الدكتور .
|
Post: #224
Title: Re: بس .. أدخل .. عليك الله
Author: خالد علي محجوب المنسي
Date: 08-16-2008, 10:50 AM
Parent: #223
( الكلب بحذر لي مكان ضرب ضنبو )
اي الإنسان الشئ الذي فيه مصلحته بكون مهتم به شديد ويحاسب عليه
( بحذر لمكان ضرب ضنبو ) .. أن أول شئ يفعله الكلب عندي يتمدد منبسط فوق ضليل بشوف المكان الذي لما يحرك ضنبة بتلك الحركة المنظمة ما يكون فيه زجاجة أو شوك أو اي شئ أخر قد يؤذيه مثلاً فهو حذر شديد في ذلك
|
Post: #225
Title: Re: بس .. أدخل .. عليك الله
Author: خالد علي محجوب المنسي
Date: 08-16-2008, 11:00 AM
Parent: #224
Quote: انت يا الحبيب قايل يعنى سلامة دا اسم جدى؟ النحكى ليك القصة |
يعني الحال من بعضو تعرفي في واحد صديق أبن عمي القردابي ( عمر ) درس معه في مصر أسمه ( عوض علوب ) واخوانه يحملون ( اسم الوالد علي ) وعوض علوب دي أسم في كل أرواقه الرسمية لآن الداية كانت تعرف فقط أسم الشهرة لوالده ( علوب ) ولما ولد عوض طلعت له الداية الشهادة بأسم ( علوب والده وليست علي كما يحمل بقية أخوانه ) قومي يا الأم من يوم جابو ليها شهادة الميلاد ( وهي طبعاً ما فاكا الحرف .. شيليها بي صمتها وأديها البكما ( دفنتا في الواطا ) مع الدهيبات في علبة وبقية الأروراق المهمة ( عقد الزواج أوراق قطعة الأرض ) أها لما أحتاج عوض لشهادة ميلاده لقى أسمو مخالف لأسم أخونه ( عوض علوب ) ولي هسي ماشي بالاسم دا ....
|
Post: #226
Title: Re: بس .. أدخل .. عليك الله
Author: خالد علي محجوب المنسي
Date: 08-16-2008, 11:04 AM
Parent: #222
Quote: اكيد ودالمنسي بعرف السلب بكون نشل من البير لمن ضهرو انقطع
ويقولوا ليك فلان روحو سلبة يعني روحو طويلة بالو طويل |
والله يا ودالعبيد حقيقة العرق دساس ناس قدو وزارعين بصل سالب بس طوالي جريت علي السلب والبير ودرب الوادي يا أخي البنية بت بندر وقاصدة سالب فؤادي وماعليك اي سارق فوادي عنوة
سويتا لي سلب وعاشميق
___________________ بتعرف حبل العاشميق يا شيقوق
|
Post: #227
Title: Re: بس .. أدخل .. عليك الله
Author: خالد علي محجوب المنسي
Date: 08-16-2008, 11:15 AM
Parent: #226
( كان بي الدين بسوي الزين )
ويضرب هذا المثل للزول الكريم الشهم البكفي ويوفي عندما يأتوه ضيوف
بي الدين بكفي
|
Post: #228
Title: Re: بس .. أدخل .. عليك الله
Author: خالد العبيد
Date: 08-16-2008, 11:17 AM
Parent: #1
ابوي الله يرحمه كان بناديني يا خالد يا خالد يا خالد
نعم
نعامة تزازي بيك اطرش !!
|
Post: #229
Title: Re: بس .. أدخل .. عليك الله
Author: خالد العبيد
Date: 08-16-2008, 11:19 AM
Parent: #1
او يقول ليك
اها ادوكم شنو في المدرسة
ما ادونا حاجة
يدوك من كل شدرة عصا !!
|
Post: #230
Title: Re: بس .. أدخل .. عليك الله
Author: خالد علي محجوب المنسي
Date: 08-16-2008, 11:46 AM
Parent: #229
Quote: ابوي الله يرحمه كان بناديني يا خالد يا خالد يا خالد
نعم
نعامة تزازي بيك اطرش !! |
نفس الشعور تصدق أبوي كان بناديني برضو خالد خالد خالد في النهاية لما أرد يقول لي ( أخلت دمك ) اي يخلط
|
Post: #231
Title: Re: بس .. أدخل .. عليك الله
Author: خالد العبيد
Date: 08-16-2008, 11:53 AM
Parent: #1
سلمى ياخ ما تجي
تجييك الكشة!!
تخريمة: الكشة بي كسر الكاف ما بالفتحة
البي الفتحة دي تجي لي ود المنسي
!!!
|
Post: #232
Title: Re: بس .. أدخل .. عليك الله
Author: خالد علي محجوب المنسي
Date: 08-16-2008, 12:10 PM
Parent: #231
قالوا أهل المثل
( يلمهّا النمل .. وياطاها الفيك ) المعنى أي النمل يلم قوته من هنا وهناك ويتعب ويكد ويجتهد .. مرور بس للفيل يكون نازل البحر يشرب موية يعفص القوت ويودي في داهية ( يذهب تعبه هبا )
ويضرب المثل للشخص يتعب ويحتهد ويوفر من المال. وفجاءة يقدر الله أن يحدث شئ سواء فرح أو غيره لاهل أو قريب ويضع فيه جل ما جمع أو يجي حرامي ويسرقها مثلا .. أو اي شئ أخر
|
Post: #233
Title: Re: بس .. أدخل .. عليك الله
Author: خالد علي محجوب المنسي
Date: 08-16-2008, 12:13 PM
Parent: #232
Quote: تخريمة: الكشة بي كسر الكاف ما بالفتحة
البي الفتحة دي تجي لي ود المنسي |
تب ما بتجيني .. إلا كان ضهبانين مؤدب وقاعد فوق بيتي إلا كَشا من أبوي ويقول لي ياولد كفاك مرصعة فوق الجليد دا أبقى مارق علي شندي
|
Post: #234
Title: Re: بس .. أدخل .. عليك الله
Author: خالد علي محجوب المنسي
Date: 08-16-2008, 12:18 PM
Parent: #233
( القالب غالب )
ويضرب هذا المثل بالذات للبنات الفستان أو الثوب ويكون نفس الشئ ( القماش والقصة والخياطة وحتى الغسال والمكوجي واحد ) وتبلسو دي وتلبسو ديك بس يكون في كل واحدة شكل
فيقال ( القالب غالب )
|
Post: #235
Title: Re: بس .. أدخل .. عليك الله
Author: خالد علي محجوب المنسي
Date: 08-16-2008, 12:23 PM
Parent: #234
( التسوي كريت في القرض .. تلقى في جلدا )
أن يسعى إنسان أن يعمل مصيبة أو مقلب في شخص أخر وتقع فوق راسو هو... فقيال له هذا المثل
|
Post: #236
Title: Re: بس .. أدخل .. عليك الله
Author: خالد علي محجوب المنسي
Date: 08-16-2008, 12:27 PM
Parent: #235
( الصقر أن وقع كتر البتابت عيب )
اي لو وقعت في مشكلة اي كانت ما تتجرس أثبت والثبات واجب
|
Post: #238
Title: Re: بس .. أدخل .. عليك الله
Author: Seif Elyazal Burae
Date: 08-16-2008, 12:31 PM
Parent: #236
ود المنسي
ان شاء الله تبقي في الارض عرق وفي السماء مرق
وتكون غابة والناس حطابة
قول امين
بوستك جميل يا رائع
مودتي
سيف اليزل
|
Post: #239
Title: Re: بس .. أدخل .. عليك الله
Author: خالد علي محجوب المنسي
Date: 08-16-2008, 04:54 PM
Parent: #238
Quote: ان شاء الله تبقي في الارض عرق وفي السماء مرق
وتكون غابة والناس حطابة
قول امين |
سيف اليزل والسيف دُكرَّري تحية طيبة سلام هاشت سعدتنا شبرين لي فوق بزيارتك ومرورك الرائع والله لك من الدعاء أن يناك خير الجزاء من رب العزة ( خير وخيل وصحة وعافية وعقباك الجنة ) قول آمين خليك قريب ونشوفك يا الضو
تحياتي ومودتي
|
Post: #240
Title: Re: بس .. أدخل .. عليك الله
Author: خالد علي محجوب المنسي
Date: 08-16-2008, 05:02 PM
Parent: #239
( محنّة كُت بلا لبن )
كُت يقصد بها الدجاجة .. ويضرب هذا المثل لما في زول يكون عليك حنين شديد لكن ما بتلقى من ورا شئ ( يعني ما بطلع من عندو يتيم ممسح ) وفيقول ليك دا محنة كُت بلا لبن ... فلو لاحظنا نجد أن الدجاجة وبالذات لما يكون عندها صغار تلقاها سايقاهم وتكتكت تشير لهم لمكان وجود حبوب يقتاتون منها فتراها في فعلها هذا مليئة بالحنية على صغارها .. وبما أن المحنة والعطف تكون مقرونة مع رضاعة اللبن فيقال ..
( محنّة كُت بلا لبن )
|
Post: #241
Title: Re: بس .. أدخل .. عليك الله
Author: خالد علي محجوب المنسي
Date: 08-16-2008, 05:10 PM
Parent: #240
( جنى الوز عوام )
اي المولود عادة يحمل من أبوه وأمه الكثير من الصفات فلو أبو شجاع كريم هميم شهم تجده حمل منه الصفات. وكذلك من من الأم ____________________________
ماشفتو أولاد شيقوق واحد فيهم فتح محل كمبيوترات بالقرب من كلية الأحفاد الجامعية ( طبعاً الكلية كلها ......
|
Post: #242
Title: Re: بس .. أدخل .. عليك الله
Author: خالد علي محجوب المنسي
Date: 08-16-2008, 05:26 PM
Parent: #241
( إحلنا الحللا بلة )
هذا المثل بالذات أدعو الأخ الكريم الطيب شيقوق حتى يشر قصته
لكن يضرب هذا المثل لما الواحد يتزنق شديد في أمر وما يلقى الحل فيقول ... ( يحلني الحللا بلة )
|
Post: #243
Title: Re: بس .. أدخل .. عليك الله
Author: خالد علي محجوب المنسي
Date: 08-16-2008, 06:29 PM
Parent: #242
( البباري الجداد بودي الكوّش ) ....
( الكوشا اي مكان الأوساخ والمخلفات )
وهذا يقال للإنسان عنما تكون رفقته ( فسادة ) ويودوا أن يبعدهو عنهم
|
Post: #244
Title: Re: بس .. أدخل .. عليك الله
Author: خالد علي محجوب المنسي
Date: 08-16-2008, 06:34 PM
Parent: #243
( ما تأكل البايتّا وما تركن علي الخائث .. البايتّا بتأذيك والخائث بعملا فيك )
الخائث هو : المخنث ( الباطل من الرجال )
البايتا اي الطعام البائت ما فرش تركن : اي تعتمد عليه في شئ
|
Post: #245
Title: Re: بس .. أدخل .. عليك الله
Author: ممدوح أبارو
Date: 08-16-2008, 06:53 PM
Parent: #244
Quote: ابارو
ات ما عندك شغل غير النت ؟ |
ينتك ولي نعمتك يا سنيح أنا شغال في مقهي إنترنت لكن الليله سحرتني الكهربا عندنا تتقطع اليوم كلو
|
Post: #248
Title: Re: بس .. أدخل .. عليك الله
Author: خالد علي محجوب المنسي
Date: 08-16-2008, 07:08 PM
Parent: #245
Quote: ينتك ولي نعمتك يا سنيح أنا شغال في مقهي إنترنت لكن الليله سحرتني الكهربا عندنا تتقطع اليوم كلو |
أبارو عليك الله خلي المداقرا مع الدبيب دا وشوف موضوع البوست هسي قلبنا أمثال وزي ما أبدعت في الدعاء ورينا فنونك في الأمثال ومعانيها
ولي قدام ومحل رهيفة التنقد .. هييييع
تحياتي ومودتي
|
Post: #246
Title: Re: بس .. أدخل .. عليك الله
Author: خالد علي محجوب المنسي
Date: 08-16-2008, 06:54 PM
Parent: #244
( أديّ العيش لي خبازو )
اي أترك الصنعة لصاحبها الذي يجيدها ويحزقها ولا تتهجم على شئ مابتعرفه
وقد قال شاعر في هذا المعنى :
ياباري القوس برياً إن لست تحكمه لا تظلم القوس وأعطي القوس باريها
|
Post: #247
Title: Re: بس .. أدخل .. عليك الله
Author: الطيب شيقوق
Date: 08-16-2008, 07:05 PM
Parent: #246
Quote: لكن الليله سحرتني الكهربا عندنا تتقطع اليوم كلو |
انشاء الله النور تاني ما تشوفو الا في اب لمبة حق الضهاري او الجويهراء حقت الخريف
|
Post: #249
Title: Re: بس .. أدخل .. عليك الله
Author: عبداللطيف حسن علي
Date: 08-16-2008, 07:23 PM
Parent: #246
شكرا ود المنسي علي البوست التوثيقي
هنا بعض الاضافات
لما الواحد يزهجو منو :
تطير ما ترك
المره(المرأة) ام كفوت(ذات الكفل) لاتديك مقوت(ما بتديك تاكل)ولاتخليك تفوت
سوات التابا واليابا(اي الحاجة الحصلت دي يعملها الزول البياباك)
تحبك الشكلوتا(يعني يحبك الشيطان)
يضربك الضريب شقاق العناقريب (الضريب هو الثعبان فيما اعتقد ولاادري ماعلاقته بالعناقريب)
|
Post: #250
Title: Re: بس .. أدخل .. عليك الله
Author: ممدوح أبارو
Date: 08-16-2008, 07:42 PM
Parent: #249
Quote: أبارو عليك الله خلي المداقرا مع الدبيب دا وشوف موضوع البوست هسي قلبنا أمثال وزي ما أبدعت في الدعاء ورينا فنونك في الأمثال ومعانيها
|
حاضرين
|
Post: #251
Title: Re: بس .. أدخل .. عليك الله
Author: الطيب شيقوق
Date: 08-16-2008, 07:44 PM
Parent: #250
Quote: أبارو عليك الله خلي المداقرا مع الدبيب دا وشوف موضوع البوست هسي قلبنا أمثال وزي ما أبدعت في الدعاء ورينا فنونك في الأمثال ومعانيها |
الامثال ال ................ اهلك انت وابارو سجم الرماد بتاعك ده
|
Post: #252
Title: Re: بس .. أدخل .. عليك الله
Author: خالد علي محجوب المنسي
Date: 08-16-2008, 07:44 PM
Parent: #249
Quote: يضربك الضريب شقاق العناقريب (الضريب هو الثعبان فيما اعتقد ولاادري ماعلاقته بالعناقريب) |
الأخ الفاضل / عبداللطيف حسن لك مني التحايا الطيبة ممزوجة بطعم رائحة مطيرة صابه هسي عندنا هنا ( في كوسوفا ) شكراً كتير على الإضافات المميزة
تعرف كلمة الضريب دي جننتني شديد وتب ما لقيت من يشفي تلهفي لمعرفة معناها هي وكلمة ( الكِشا ) ( تعال يا ولد تجيك الكِشا )
ماعارف لكن مازلت أعتقد حسب مجرى الكلام أنها أفة الخشب ( الأرضة أو السوسة ) وقد تكون الثعبان كما قلت لكن ما علاقة الثعبان بشق العناقريب ... أهلنا ديل ما بقولوا كلام وبس فيه كلامهم حكم وفيه بلاغة وربط شديد بين الأشياء المذكورة وأيضاً قد يكن غائب علينا شئ أن الثعبان له علاقة بالعناقريب والله أعلم
المهم يا سيدي حتى نجد من يأتي بالخبر اليقين نظل منتظرين
ولك مني أجمل التحايا والمودة
|
Post: #253
Title: Re: بس .. أدخل .. عليك الله
Author: خالد علي محجوب المنسي
Date: 08-16-2008, 07:49 PM
Parent: #252
Quote: Quote: الامثال ال ................ اهلك انت وابارو سجم الرماد بتاعك ده |
( إحلنا الحللا بلة )
هذا المثل بالذات أدعو الأخ الكريم الطيب شيقوق حتى يشر لقصته
لكن يضرب هذا المثل لما الواحد يتزنق شديد في أمر وما يلقى الحل فيقول ... ( يحلني الحللا بلة ) |
عليك الله أرجع لي الكلام دا
مودتي
|
Post: #256
Title: Re: بس .. أدخل .. عليك الله
Author: خالد علي محجوب المنسي
Date: 08-16-2008, 07:55 PM
Parent: #253
Quote: Quote: : أبارو عليك الله خلي المداقرا مع الدبيب دا وشوف موضوع البوست هسي قلبنا أمثال وزي ما أبدعت في الدعاء ورينا فنونك في الأمثال ومعانيها
|
حاضرين |
أبارو نحضر يوم عديلك قول آمين يوم تهلل مدني ويزهو سمائها بتقديم ود العزا والمهلا لأحلى صبية عين في الأرض ويد تتناول من خالاتها الضيق رواب لي الخلوة البتعزم وتعزم باشا الضاقو الصي الهاجرو فوق رقاب الضي
تحياتي ومودتي ومنتظرين
|
Post: #254
Title: Re: بس .. أدخل .. عليك الله
Author: ممدوح أبارو
Date: 08-16-2008, 07:51 PM
Parent: #252
قالو في القناعة:- أكل حامدك أقنع ضرساً ياخد علي طعام الرجال أقلع
|
Post: #255
Title: Re: بس .. أدخل .. عليك الله
Author: ممدوح أبارو
Date: 08-16-2008, 07:55 PM
Parent: #254
*اربط مصرانك ولا تشمشم عن جيرانك
|
Post: #257
Title: Re: بس .. أدخل .. عليك الله
Author: ممدوح أبارو
Date: 08-16-2008, 07:56 PM
Parent: #255
صيام شهر ولا عزومة اب كشر
|
Post: #258
Title: Re: بس .. أدخل .. عليك الله
Author: خالد علي محجوب المنسي
Date: 08-16-2008, 08:01 PM
Parent: #257
Quote: اربط مصرانك ولا تشمشم عن جيرانك |
( أربطك مصرانك ولا تشمشم جيرانك )
والمعنى القريب هو أن تصبر على كل شئ ولا تعلمه حتى أقرب الناس إليك وهو الجار وحتى فقرك لا تعلمه خلق الله وأصبر عليه والله يفرج الكرب وهو طاعم الطير تروح خماص وتعود بطان
|
Post: #259
Title: Re: بس .. أدخل .. عليك الله
Author: ممدوح أبارو
Date: 08-16-2008, 08:07 PM
Parent: #258
ناس الاقربين ربو الجرو النباح والعاقل طبيب نفسو يكون مرتاح
|
Post: #260
Title: Re: بس .. أدخل .. عليك الله
Author: خالد علي محجوب المنسي
Date: 08-16-2008, 08:07 PM
Parent: #258
( صيام شهر ولا عزومة اب كشر )
أب كشر هو الشخص السنونو كبار وبارزة
ولكن المعني بها هنا هو الإنسان الغير بشوش ومرحب بالضيوف
ويضرب المثل عندما تريد أن تعبر أنك لا ترجى خير من فلان فلذا خير لك أن تقنع من الأمر ولاترجى مساعدته لك فيه
|
Post: #262
Title: Re: بس .. أدخل .. عليك الله
Author: خالد علي محجوب المنسي
Date: 08-16-2008, 08:12 PM
Parent: #260
( ما بحك جلدك إلا ضفرك )
ويقال هذا المثل عندما تركن في موضوع مهم على شخص لا يهمه أمرك كثير وما يقضي ليك هذا الأمر ...
|
Post: #261
Title: Re: بس .. أدخل .. عليك الله
Author: الطيب شيقوق
Date: 08-16-2008, 08:11 PM
Parent: #258
ود المنسي
اها تعال احكي ليك بالحلّ بلة
عاش بلة في زمن الخليفة عبدالله التعايشي بامدرمان و في تلك الفترة كان الخليفة في قمة سطوته وقد سجن معظم شيوخ الطرق الصوفية بامدرمان مثل الشيخ حمد النيل وغيره و كان بلة يعيش في احدى ضواحي امدرمان و كان يسمى بعوير المنطقة وقد كان كثير التردد على مجالس الخليفة عبدالله وفي يوم من الايام حرضه بعض من اهالي امدرمان للحديث مع الخليفة بشأن الافراج عن الشيخ حمد النيل وطوالي بلة زولك و بسزاجته المعهودة قرر مطالبة الخليفه باطلاق سراح شيخو حمد النيل و في احدى مجالس الخليفه بادر بلة بسؤال الخليفه عن مصير شيخه حمد النيل فالتفت اليه الخليفة قائلا بنهرة حادة: قلت شنو يا ولد ؟ فارتجف بلة و فتشعن البحلو من غضب الخليفلة ثم رد عليه بله :و قال "امي بتسلم عليك ثم قال له مكررا امي بتسلم عليك) . فضحك الخليفة - ودى الحلت بلة الله يحلك انت يا الرطاني
|
Post: #263
Title: Re: بس .. أدخل .. عليك الله
Author: خالد علي محجوب المنسي
Date: 08-16-2008, 08:18 PM
Parent: #261
Quote: اها تعال احكي ليك بالحلّ بلة |
الأخ الفاضل شيقوق شكراً كتير على المعلومة الطيبة
وليتك تبهجنا بجميل الأمثال في منطقة الصعيد
ونكون لك شاكرين والله الموضوع دا بهمني شديد لكن اريد المثل مع شرح بعض معاني كلماته لو كان هناك ما تراه قد يكون صعب فهمها وكذلك ان تعطينا مثال متي يضرب ذلك المثل اي ( الحالة )
وأكون لك شاكر ومقدر
|
Post: #264
Title: Re: بس .. أدخل .. عليك الله
Author: الطيب شيقوق
Date: 08-16-2008, 08:20 PM
Parent: #263
جاييك يا العشاء انت اصبر
|
Post: #267
Title: Re: بس .. أدخل .. عليك الله
Author: خالد علي محجوب المنسي
Date: 08-16-2008, 08:27 PM
Parent: #263
( البجيك متشمر .. قابلوا عريان )
متشمر : اي رافع من ثوبه فوق الركبة حتى لا يعيق عليه في الحركة
ويضرب المثل لحالة إذا شخص قصد معك الشر تب ما تلين وتمو معا ( ومحل رهيفة التنقد )
وهذا أيضاً مثل ويقال لما تحول ان تعالج أمر وترى الطرف الثاني تب ما داير يقتنع بي رأيك وفي النهاية تزهج وتقول له يا زول سوي الفي رأسك .. ومحل رهيفة التنقد
والمعنى العام للجملة اي المكان البلي ودائب من الثوب ان شاءالله ينقد ( ينشرط )
|
Post: #265
Title: Re: بس .. أدخل .. عليك الله
Author: ممدوح أبارو
Date: 08-16-2008, 08:21 PM
Parent: #261
Quote: أبارو نحضر يوم عديلك قول آمين يوم تهلل مدني ويزهو سمائها بتقديم ود العزا والمهلا لأحلى صبية عين في الأرض ويد تتناول من خالاتها الضيق رواب لي الخلوة البتعزم وتعزم باشا الضاقو الصي الهاجرو فوق رقاب الضي
تحياتي ومودتي ومنتظرين |
إنت إنشاءالله يوم شكرك ما يجي
|
Post: #266
Title: Re: بس .. أدخل .. عليك الله
Author: الطيب شيقوق
Date: 08-16-2008, 08:26 PM
Parent: #265
Quote: أبارو نحضر يوم عديلك قول آمين يوم تهلل مدني ويزهو سمائها بتقديم ود العزا والمهلا لأحلى صبية عين في الأرض ويد تتناول من خالاتها الضيق رواب لي الخلوة البتعزم وتعزم باشا الضاقو الصي الهاجرو فوق رقاب الضي
تحياتي ومودتي ومنتظرين |
حنانتا شكارتا
|
Post: #270
Title: Re: بس .. أدخل .. عليك الله
Author: خالد علي محجوب المنسي
Date: 08-16-2008, 08:35 PM
Parent: #266
المثل هو ( شكارتا دلاكتا )
اي البتشكر البنية هي المرأة البتدلكها وشاهدتها مطعون فيها ...
ويضرب هذا المثل لما واحد يشكر زول بحبو فيكون شكره له مطعون فيه
لأنو البتحبو دا مهما كان بتشوفو قمر والقمر قريب وهو أبعد
___________________ ياودشيقوق سوف أنزل ليك كلام طيب دار بين شما زوجة المك نمر داهية العرب ودالنعيسان عندما أستنجدت به شما حتى يصلح بين نمر والشكرية لآن الشكرية هم أهلها وهي اي شما بنت ( شيخ العرب ممد وددكين شيخ قبيلة الشكرية في ذاك الزمان )
|
Post: #268
Title: Re: بس .. أدخل .. عليك الله
Author: ممدوح أبارو
Date: 08-16-2008, 08:28 PM
Parent: #265
Quote: أكل حامدك أقنع ضرساً ياخد علي طعام الرجال أقلع |
Quote: اربط مصرانك ولا تشمشم عن جيرانك |
يراد به الرضي بالمقسوم وعدم الاعتماد علي موائد الغير
Quote: صيام شهر ولا عزومة اب كشر |
يرادفو بليلة مباشر ولا ضبيحة مكاشر
Quote: ناس الاقربين ربو الجرو النباح والعاقل طبيب نفسو يكون مرتاح |
يحكي أن رجل مسكين لا يملك طعامة بينما جارة ميسور الحال وقد كان عند الجار الغني وليمة فذهب المسكين لستطعم فهاجت فيه الكلاب وقطعت ما تبقي من ثيابه الرثه ، فقال هذا المثل
ونواصل
|
Post: #269
Title: Re: بس .. أدخل .. عليك الله
Author: ممدوح أبارو
Date: 08-16-2008, 08:34 PM
Parent: #268
دي الطلعت بيها من أكلك للبرياني؟
|
Post: #271
Title: Re: بس .. أدخل .. عليك الله
Author: ممدوح أبارو
Date: 08-16-2008, 08:55 PM
Parent: #269
Quote: جاييك يا العشاء انت اصبر |
تتعشي قو بتعرف القو؟
|
Post: #272
Title: Re: بس .. أدخل .. عليك الله
Author: الطيب شيقوق
Date: 08-17-2008, 05:10 AM
Parent: #271
Quote: ياودشيقوق سوف أنزل ليك كلام طيب دار بين شما زوجة المك نمر داهية العرب ودالنعيسان عندما أستنجدت به شما حتى يصلح بين نمر والشكرية لآن الشكرية هم أهلها وهي اي شما بنت ( شيخ العرب ممد وددكين شيخ قبيلة الشكرية في ذاك الزمان ) |
في انتظارك
|
Post: #273
Title: Re: بس .. أدخل .. عليك الله
Author: خالد علي محجوب المنسي
Date: 08-17-2008, 09:18 AM
Parent: #272
لحين ميسرة
تحياتي ومودتي للكل
|
Post: #274
Title: Re: بس .. أدخل .. عليك الله
Author: خالد علي محجوب المنسي
Date: 08-17-2008, 12:15 PM
Parent: #273
ود شيقوق والأخرين بدون فرز دي إستراحة .... خارج الموضوع
حديث دار بين شما زوجة المك نمر وودالنعيسان ( داهية البلدان في ذاك الزمان ) ( شيقوق أعرف أنك تمل من قراءة الكلام عندما يطول لكن بالله أقرأ هذا الحديث الطيب وما حا تندم )
عندما خربت الحكاية بين الجعليين والشكرية وأعلنوا الحرب .. هنا شما همت واصبحت تمنح وقالت أشعار وهذه الأبيات تحكي صراحة عن حالها وعن حزنها لما صار ...
وا وجعي الشديد أنا جمري زاد في وقيدو أبوي بي قبيلتو جا داير إستجير في فقيدو الديش كلو أهلي وراسو أخوي وعقيدو وطه المك حمى والشر صِعب ترقيدو
نادت لي المروق أنا روحي جات مطابقا صعب الحال خلاص والعقدة مي مجاردا الشكرية أمس .. لحقوها حارا وباردا خلو المك زِعل وحالف يعقر الواردا
ديل ناس وجعا كان عملوا زي مايعملو مالو المك لو فوت كلامن وحملّو قالوا عطاشا والرهد بينزلو يملّو وكان إنسلا سيف تاني القبيلتين كملّو
ضاق صدري الوسيع ياهمومي وين تنجمعي فارقني المنام من عيني فارق سمعي طال اليوم بُكاك ياعيوني جودي أهمعي أصبح جسمي جاف والوحّا حرقت دمعي
أها بعد ما منحت وبكت زين وكوركت لي خادمها : صافيات .. يا صافيات
قالت ليها : ( صافيات ) : هوي يا الملكة جاياك ....
قامت الملكة شما قالت ليها : لي ود النعيسان روحي ما تجيني من غيرو أحي ..فاضل لي أخنق روحي
أها خادمها مشت نادت ودالنعيسان وجات وهو معاها ....
ود النعيسان قال ليها :
سلام ياملكة الدار يا أم عمارة سلام عليك مالت جسارة وصدري فيهو كلام وكتين إنتِ سوت بيك كدي الألآم معذورة الدروب مظلومة كان تتلام
لفخر الجدود ياملكة ليه متناسيا تروس الحافلة أبواتك بدور الماسيّا تلوب الحارا وجبال الثبات الراسيّا إنتِ تجبري ما بصبروك في القاسيّا
قامت شما قالت لي : صدقتّ علي المتلي الثبات مفروض وكمل توب الصبر واليوم لبسنا عِروض عليّ الهم كِتر وأنا صدري مملي غروض ودا الخلاني ما قدمت ليكّ عَروض التحت الطبق دا شيلو مسحة شارب مو قدر المقام يختا وشوية يقارب
ود النعيسان فتح الطبق لقا ملان دهب ....
قام قال ليها : ديل خروز يا ملكة ولا عقارب الجهرن عيوني الدنيا باقي مغارب جود كفك طمح ياملكة سيل غرقنا خدر عودنا راشّا بعد المحل ورقنّا ياصاحبي الفقر أنا إنتَ ماتفارقنّا أختر ماتعود غرب خلاس شرقنا
شما قالت لي : أنت فرحتي والهم دخيل عاصيني ولي العبرات أبلع والدمع عاصيني
بس بدورك تعالج لي صدر المك نمر وابوي ... والحرب ما تقع
قام ودالنعيسان قال ليها : يا ملكة العليك ما بخصك براك يمين خاصيني وختي حِملتو فوقي وتاني ما توصيني الساس الرموهو عُقب مابتقدم قبل مايختو طوف يلقو القديم إتهدم كل واحد أخلي علي السبب يتندّم تب ماتخافي شئ همك رقد وإتدمدم مافي نيتي شئ غير أقنع أبوك في محلو وبي شيش أدخلّو بي كلامن حلّو إزيل الفي الصدور وكلامي أنشر حلّو بعدين الكلام بعرف طريقة إحلّو بعدما يرضى أبوك المك بعالج صدرو
قامت شما قالت لي : نضراً فوق دكين العالي راسو وقدرو التحت الطبق ليكا خمسة كيمان قدرو
ود النعيسان : الوصلت كفاي ياملكة ماها قليلة خليني النمش هسي وقفتي مليلة بدور السفر وفي ظني إبقى الليلة الجمرة إنطفت في إيدي تاني بشيلا
بدور لي بنية مأمونة توصل لي أإراضي ديل ....
قامت شما كوركت لي خادمها ... تعالي يا ليمونة
قام ود النعيسان قال ليها : شن سموها دي ليمونة ولا أمونة تفتحو في الشرور وإن قلنا شي تلومنا
قامت شما قالت لي : شن داير بيها دي ماتشيل توصل ليكَ
قام ودالنعيسان قال ليها : توصل لي بنية الملكة هيل دليكا ....
قامت شما قالت لي : شن رأس مالا مو شيتن كتيرا عليك سوقا مع الهدية خلاس دفعتها ليك
قام ودالنعيسان قال ليها ...... مقبولة الهدية الكل شئ جامعاهو فيها غناي وفيها البغني والبسعاهو طبقي ملان دهب وهادي بتي ماشا معاهو يجزيك الكريم بالخير حِماك يرعاهو ودعناك الله نومي عاد مطامنّا تصحي تلقي كل شئ تما ودارك أمانا
|
Post: #275
Title: Re: بس .. أدخل .. عليك الله
Author: الطيب شيقوق
Date: 08-17-2008, 03:16 PM
Parent: #274
Quote: شن رأس مالا مو شيتن كتيرا عليك سوقا مع الهدية خلاس دفعتها ليك |
هيييييييييييع والله يا المنسي ناس شمة ديل نسوان يوزنن رجال والله
|
Post: #276
Title: Re: بس .. أدخل .. عليك الله
Author: سلمى الشيخ سلامة
Date: 08-17-2008, 04:30 PM
Parent: #231
Quote: سلمى ياخ ما تجي
تجييك الكشة!! |
خالد جابت ليها شتيمة ؟ سمح حبوبة ودى واحدة صعبة خلاس اها كان نادتك وما جيت فسراع تقول ليك ـ ما تجى تجيك الجاتنى فى ابوى او تجيك بوليداتا عارفا دى ؟ ناقة الفقر حماكم الله
يجيك الخير ياالعشا اب لبن
هسى عليك الله يا خالد اخوى العشا اب لبن دى اخر مرة سمعتها متين؟ يا ودحشاى يجيك السمح والزين
لكين اطرف دعوة سجلتها الوالدة عليها الرحمة كنت مسافرة فى مرة (طبعا اخوك ابن بطوطة ) مشيت بورتسودان اتذكر رحلة تعليمية المهم جبت لى (برنيطة لاخوى البحبه جدا المغيرة ) عندى اخوى الصغير اخر العنقود احمد برضو بحبه لكين المغيرة حبه براهو والحكمة لغاية الان كل يوم حبى ليهو بزيد هو ووليداتو وامهن كمان المهم يا حبة احمد مسك فى البرنيطة زى ما سمتها امى والشكلة دورت الخبر وصل لامى كانت قاعدة تعوس وما قادرة تقوم تفض الاشتباك من محلتها ديك كوركت للمغيرة ـ يا ولد اديهو البرنيطة يبرنط قلبك لغاية الان نحنا بنضحك فى الدعوة دى قبل كم يوم كنت بتكلم مع خنساء اختى الله يخليها قالت لى الحكاية دى وضحكنا وبكينا لانه امى عليها كل الرحمة ما كانت بتعرف تشاكل او تداعى
|
Post: #277
Title: Re: بس .. أدخل .. عليك الله
Author: خالد علي محجوب المنسي
Date: 08-17-2008, 04:57 PM
Parent: #276
Quote: خالد جابت ليها شتيمة ؟ سمح |
إن شاءالله موقعة ماك دايشا دا خالد ودالعبيد ( أب تفا دا ) الداعاك ... مو أنا
هي الكشّا دي شنو ؟؟؟
انت البرانيط شنو البتجيبي فيهن
مودتي
|
Post: #278
Title: Re: بس .. أدخل .. عليك الله
Author: خالد علي محجوب المنسي
Date: 08-17-2008, 04:59 PM
Parent: #277
Quote: هيييييييييييع والله يا المنسي ناس شمة ديل نسوان يوزنن رجال والله |
يقال ياود شيقوق أن شما كانت زولة الله ومسكينة وما عندها شدايد المرأة التي توزن رجال كانت بنونة بت نمر وهي بنية كانت فوق وليدات وكانت فارسة وخاضت كم معارك
تحياتي ومودتي
|
Post: #279
Title: Re: بس .. أدخل .. عليك الله
Author: خالد علي محجوب المنسي
Date: 08-17-2008, 06:59 PM
Parent: #278
( الني لي النار )
ويضرب هذا المثل أنه عندما تعزم على أمر يجب أن تدرس كل جوانبه وتحكمه جيد حتى يكون ناجح لآن الشئ الني ما بنفع والني لي النار حتى يتسوي
|
Post: #280
Title: Re: بس .. أدخل .. عليك الله
Author: خالد علي محجوب المنسي
Date: 08-17-2008, 07:22 PM
Parent: #279
كانت فاجعة حزنت يومها كل شندي ليلة غرق مركب كان فيها أسرة الزنين في شندي وهم قادمين لشندي من غرب شندي .. لا أذكر القصة بالضبط لكن الأخ كمال زميل معنا هم أهله وأكيد يعرف تفاصيل القصة جيد ولو وقعت عينو في البوست بجي يحكيها لينا ... ( موتا زي دي الناس بقول إختّفو ما بقولو ماتو ) المهم بعدها القصة صبحت مثل
يقولوا ( لحقو أو لحقها الزينين )
|
Post: #281
Title: Re: بس .. أدخل .. عليك الله
Author: الطيب شيقوق
Date: 08-17-2008, 07:29 PM
Parent: #280
Quote: يقال ياود شيقوق أن شما كانت زولة الله ومسكينة وما عندها شدايد المرأة التي توزن رجال كانت بنونة بت نمر وهي بنية كانت فوق وليدات وكانت فارسة وخاضت كم معارك |
والله يا المنسي السمحة ام ولدى اسمها شما واسم شمة ده اصلا ما بخيب وحاة الرسول الضيوف بجوها رقل رقل من الدندر النهار كلو في المطبخ شغالة وتضحك وحرم اخوك من شدة ميلو هي بتكسر العود وانا بعاين حت عود ال ..........
|
Post: #282
Title: Re: بس .. أدخل .. عليك الله
Author: ممدوح أبارو
Date: 08-17-2008, 07:47 PM
Parent: #281
Quote: وحرم اخوك من شدة ميلو هي بتكسر العود وانا بعاين حت عود ال .......... |
أريتو ميل السواد واللواد
|
Post: #283
Title: Re: بس .. أدخل .. عليك الله
Author: خالد علي محجوب المنسي
Date: 08-17-2008, 08:01 PM
Parent: #282
Quote: والله يا المنسي السمحة ام ولدى اسمها شما واسم شمة ده اصلا ما بخيب وحاة الرسول الضيوف بجوها رقل رقل من الدندر النهار كلو في المطبخ شغالة وتضحك وحرم اخوك من شدة ميلو هي بتكسر العود وانا بعاين حت عود ال .......... |
قال الشاعر
الجلابة جات قاصدا الخريف أب نيلة ألحقيني ياأم كنانّة عليكي عديلة مشت الحنينة وعشت ضيوفها بليلة نيران الكرم متواصلة ماداب ليلة ياأم بيتن سبيل لامي الضعاف والعيلة ضيوفك في أم حفير نازلين قبيلة قبيلة ماكاست فريق لي كسرة مواجبا حليلة جاد بيها الزمن لكن بخل بي غيرا ياأم البخيت بي عطاكي نلتي فضيلة ياالأخوان نقول أم كنانة بالكتير يا حليلا
تحياتي
|
Post: #284
Title: Re: بس .. أدخل .. عليك الله
Author: خالد علي محجوب المنسي
Date: 08-17-2008, 08:04 PM
Parent: #283
يقول ليك هي ألحقو وأمسك من الوليد
( بلحقو أمات طه )
أها يا الحبان والأخوات الكريمات عاوزين نعرف القصة الحقيقة لأمات طه وقد قيل في هذا المثل قصص كتيرة
ومنتظرين ...
|
Post: #285
Title: Re: بس .. أدخل .. عليك الله
Author: الطيب شيقوق
Date: 08-17-2008, 08:46 PM
Parent: #284
ود المنسي
وحياتك قصيدتك تورت شعر راسي كلو
Quote: أريتو ميل السواد واللواد |
ود حبوبات وناجح
|
Post: #286
Title: Re: بس .. أدخل .. عليك الله
Author: سلمى الشيخ سلامة
Date: 08-18-2008, 02:32 AM
Parent: #285
عفيت منك يا ابو الطيب عفويا يخدر ضراعك عل يعنى ما تزعل منى شان مااقول ليك زعل ام العروس الدقت طيبا ومات نسيبا
ولا اقول ليك ياقول حبوبة فراغ مين متلا الباعت امها وكست راجلا
متاكدة حتقول لى
يتروجلن كرعيك
ما بقول امين
واوعك تبقى معاى ظريف لانى حاقول ليك ظرف (بضم الظاء ) مطيرة الغسلت كتاب نسيبا
لكين بقول ليك تتعلى ما تتدلى ويحووك اهل الله او يحوطوك اهل الله
لكن ما تقول لى الله يطوطحك النعمنى مطوطحة خلقة
|
Post: #287
Title: Re: بس .. أدخل .. عليك الله
Author: الطيب شيقوق
Date: 08-18-2008, 06:09 AM
Parent: #286
بت الشيخ
Quote: عفيت منك يا ابو الطيب عفويا يخدر ضراعك |
وعفوا منى ليك يلزمك الجابرة
Quote: فراغ مين متلا الباعت امها وكست راجلا |
Quote: متاكدة حتقول لى
يتروجلن كرعيك
ما بقول امين |
حاشاك ما بتشبهك كلوجة الكرحين يا ام عزة
Quote: واوعك تبقى معاى ظريف لانى حاقول ليك ظرف (بضم الظاء ) مطيرة الغسلت كتاب نسيبا |
Quote: لكين بقول ليك تتعلى ما تتدلى ويحووك اهل الله او يحوطوك اهل الله |
يحلقوك ويفزعوك
|
Post: #288
Title: Re: بس .. أدخل .. عليك الله
Author: ممدوح أبارو
Date: 08-18-2008, 09:46 AM
Parent: #287
الدبيب شيقا حأرد عليك ذي ما قال المثل
الكلب ينبح والجمال ماشه
*حاشاك ماك كلب علا كلب كيبوردك
|
Post: #292
Title: Re: بس .. أدخل .. عليك الله
Author: خالد علي محجوب المنسي
Date: 08-18-2008, 12:06 PM
Parent: #286
سلمى سلامة وإن شاء الله سلامة لي جدك فوق الخلوة وبنقول سلام يا بت سلامة والله يسلمنا من ناس قدو ( ودالعبيد ) ديل بطششو المطر كان شالت وبركو ليها بي الفقرا ( اصلهم نا زراعة بصل .. والبصل المطر بتضرو )
Quote: [Quote: B]زعل ام العروس الدقت طيبا ومات نسيبا |
Quote: فراغ مين متلا الباعت امها وكست راجلا |
Quote: ظرف (بضم الظاء ) مطيرة الغسلت كتاب نسيبا |
Quote: النعمنى مطوطحة خلقة |
|
ليتنا نحظى ببعض الشرح يا بت الشيخ سلامة
لكن كلمة ( النعمنو والنعمني ) دي بتعجبني عجب لما أسمعها وكذلك كلمة ( عمنوّل ) ( وداكي الليلة )
تحياتي سلمى
|
Post: #307
Title: Re: بس .. أدخل .. عليك الله
Author: سلمى الشيخ سلامة
Date: 08-19-2008, 11:50 PM
Parent: #292
غايتو يا خالد دى تخريجاتى براى نعمنى اتخيل لى معناها نعم اننى بمعنى تم تحريف وادغام لبعض الحروف نعم انه صارت نعمنو ونعم اننى صارت نعمنى والله اعلم اما فيما يتعلق بظرف مطيرة يحكى انها امراة تحب النظافة لذلك قامت بغسل كتاب نسيبها وهوربما كان المصحف مخطوطا رات الحبر مسودا الصفحات فابدت انزعاجا فقامت بغسله وبرضو الله اعلم فيما خص زعل ام العروس الشر برة وبعيد لانى حاكون ام عروس قريب فما اظن فى اسوا من ان يموت ابو العريس يوم العرس
|
Post: #291
Title: Re: بس .. أدخل .. عليك الله
Author: خالد علي محجوب المنسي
Date: 08-18-2008, 11:29 AM
Parent: #285
Quote: ود المنسي
وحياتك قصيدتك تورت شعر راسي كلو |
طيب علي حس كدي كدي قول لينا قصة المثل دا شنو
( فراق الطريفي لي جملو )
|
Post: #289
Title: Re: بس .. أدخل .. عليك الله
Author: خالد العبيد
Date: 08-18-2008, 10:04 AM
Parent: #1
سلوم انا اشتمك انت ياخ يشتمني البلا
Quote: ما تجى تجيك الجاتنى فى ابوى |
بكرة بكرة انا تجيني الطاوية حبالا بتعرفوها ؟!
|
Post: #290
Title: Re: بس .. أدخل .. عليك الله
Author: فيصل محمد خليل
Date: 08-18-2008, 11:19 AM
Parent: #289
يا ود المنسى ياخوى ...انتة عارف الحمد الدعوات دى كلها ما كانت
بتصيب لانو النيات كانت طيبة ..لكين انا متأكد فى واحدة صابت وهى:ـ
( يا ولد ما تنقر ينقرك الضرس )
واللبيب بالاشارة يفهم!!!!!!!!!!!!!!وبالمناسبة هاك دى:ـ
الدبيبة التمتغ كبدتـك
عمك كمــال
|
Post: #293
Title: Re: بس .. أدخل .. عليك الله
Author: خالد علي محجوب المنسي
Date: 08-18-2008, 12:09 PM
Parent: #290
Quote: الدبيبة التمتغ كبدتـك |
يا عم كمال دي دعوة نشأتها من عندكم ريحتها سار وحجار البجراوية
قلتي لي كيق ما تنقر ينقرك الضرس
واللبيب بي ضرسو يفهم
تحياتي ومودتي
|
Post: #294
Title: Re: بس .. أدخل .. عليك الله
Author: ممدوح أبارو
Date: 08-18-2008, 01:17 PM
Parent: #293
سلام ناس النضم الزين
*يقول ليك لًمه في الشي ذي النعجة في شوال الدقيق!(النعجة أنثي الضان ) *ولمِه فيها ذي الشاه القابه(الماعز التي لم تأكل ليوم كامل) *ولمِه فيها ذي القبور في التقاه (الجراد والتقاه هي مكان تجمع في الغلال ) *ولمِه فيها ذي العنتد في الشجرة (حشرة تعيش في الاشجار)
كناية عن الشعاتة أظن الشعاتة زاتا دايرة تفسير يقول ليك فلان شعيت يعني قوي الشكيمة إذا أصر علي شئ فعله
|
Post: #295
Title: Re: بس .. أدخل .. عليك الله
Author: ممدوح أبارو
Date: 08-18-2008, 01:27 PM
Parent: #294
وقالو في الزول الشقي:- *الشقي بقي *الشقي يلقي العضم في الفشفاش (الليله جرب كل الصنع لامن عمل جباده وابت الحوتة تقبض مخو جابلو بلادة) ونواصــــــــــــــــــل
|
Post: #296
Title: Re: بس .. أدخل .. عليك الله
Author: خالد علي محجوب المنسي
Date: 08-18-2008, 06:13 PM
Parent: #295
في ناس كدي كل ماتساعده برضو يظل في حالو تدخلو في شغل مافي يومين وتلقى خلا تدي رأس مال يشتغل في تجارة يأكل رأس المال ويقعد تب مو ناجح لو في شئ
فيقولوا لك
خلي ( مرمي الله مابترفع )
____________________ أبارو سلام يا طيب
|
Post: #297
Title: Re: بس .. أدخل .. عليك الله
Author: فيصل محمد خليل
Date: 08-18-2008, 09:15 PM
Parent: #296
الليلة يا ود المنسى..عأمل ليك تشكيلة ومعذرة اذا فى واحدة مكررة
الجـايـاك مـا بتختــاك
اصلــو مارق للربا والتلاف
دخانكم يدخن وجوعكم يمحن
راحت شمار فى مرقة
سجمــان ورمــدان
بلد غاب فيها التمساح يقدل فيها الورل
اسم زى اسمك يا علمك الهبالة يا علمك الندالة
البتريدو تديو حلاوة حربة والما بتريدو تحرش علي الكلبه
ومحل الرهيفة التنقد
عمـك كمــال (عما كباســة)....دى ملحق
|
Post: #298
Title: Re: بس .. أدخل .. عليك الله
Author: خالد علي محجوب المنسي
Date: 08-18-2008, 09:42 PM
Parent: #297
Quote: ومحل الرهيفة التنقد
عمـك كمــال (عما كباســة)....دى ملحق |
يخدر ضراعك عم كمال وتحية طيبة وأجر المناولة للعزيز فيسل هليل
تحياتي ومودتي
|
Post: #299
Title: Re: بس .. أدخل .. عليك الله
Author: الطيب شيقوق
Date: 08-19-2008, 05:02 AM
Parent: #298
عمو كمااااااااااااااااااااااااااااااااااااال
Quote: دخانكم يدخن وجوعكم يمحن |
قلت كدا؟
|
Post: #300
Title: Re: بس .. أدخل .. عليك الله
Author: خالد علي محجوب المنسي
Date: 08-19-2008, 06:49 AM
Parent: #299
( عقلك فوق رأسك أعرف خلاصك )
اي دبر نفسك وأنت زول واعي ومدرك
|
Post: #301
Title: Re: بس .. أدخل .. عليك الله
Author: الطيب شيقوق
Date: 08-19-2008, 07:46 AM
Parent: #300
المنسي بقيت مائل ونوام
|
Post: #302
Title: Re: بس .. أدخل .. عليك الله
Author: خالد علي محجوب المنسي
Date: 08-19-2008, 06:22 PM
Parent: #301
Quote: المنسي بقيت مائل ونوام |
ماني نوام لكن الليلة إنشغلت ( بقيت زي سلمى سلامة يوم عرس بتها )
أدخل وأمرق زي سيد الرايحة ( وأفتش في خشم البقرة )
كان شفتني الليلة كان قلت علي الجن بداوّا بس كعبا الإندراوّا
قعدتا زي فاقدن مزوزّو أجرجر في التراب ودر حِجابي تحياتي ودشيقوق
قلتا ليك ما تقول لينا فراق الطريفي لي جملو ( قصتا شنو )
|
Post: #303
Title: Re: بس .. أدخل .. عليك الله
Author: ممدوح أبارو
Date: 08-19-2008, 06:53 PM
Parent: #302
منسي مساء الخيرات
Quote: الجن بداوّا بس كعبا الإندراوّا |
الإندراوّا زاتا شني؟
|
Post: #304
Title: Re: بس .. أدخل .. عليك الله
Author: خالد علي محجوب المنسي
Date: 08-19-2008, 07:11 PM
Parent: #303
Quote: الإندراوّا زاتا شني؟ |
الإندراوة يا أبارو هي حالة لا يمكن أن نصفها بالجن لآن الجن يتلبس لكنها حالة يكون فيها الزول ( مهود .. سارح .. ساهي .. لاهي .. مزوزو) وأقرب وصف لها.....
قعدتا زي فاقدن مزوزو أجرجر في التراب ودر حِجابي
تقعد في الواطا يتكلموا معاك وانت تشخبط في التراب وتجرجر ليك في خطوط وانت ذاتك ماعارف دا شنو الله يكفينا شر الإندراوة وهي ما بتتعالج
|
Post: #305
Title: Re: بس .. أدخل .. عليك الله
Author: ممدوح أبارو
Date: 08-19-2008, 07:19 PM
Parent: #304
Quote: تقعد في الواطا يتكلموا معاك وانت تشخبط في التراب وتجرجر ليك في خطوط وانت ذاتك ماعارف دا شنو الله يكفينا شر الإندراوة وهي ما بتتعالج |
عماً لينا بقول كان لقيت ليك زول بلقط في الحصحاص معناة مسألتو مستعصيه أها كان قام خلاه كوم معناة مشكلتو لسه قائمه وكان كشحو معناة مشكلتو إنحلت
|
Post: #306
Title: Re: بس .. أدخل .. عليك الله
Author: خالد علي محجوب المنسي
Date: 08-19-2008, 08:01 PM
Parent: #305
Quote: عماً لينا بقول كان لقيت ليك زول بلقط في الحصحاص معناة مسألتو مستعصيه أها كان قام خلاه كوم معناة مشكلتو لسه قائمه وكان كشحو معناة مشكلتو إنحلت |
دي الإندراوّا ذاتا
بس أديها شوية سرحان وبين الحين والأخر صرة وشي وتعقبها بسمة صغيرة وتختفي لصرة وجه مرة أخرى
_____________________________________ قالوا
البلاعب الجرويات بخربشنّو
|
Post: #308
Title: Re: بس .. أدخل .. عليك الله
Author: خالد علي محجوب المنسي
Date: 08-20-2008, 10:27 AM
Parent: #306
لحين ميسرة
تحياتي
|
Post: #309
Title: Re: بس .. أدخل .. عليك الله
Author: الطيب شيقوق
Date: 08-20-2008, 11:19 AM
Parent: #308
Quote: البلاعب الجرويات بخربشنّو |
والبيلد المحن لا بد يلولي صغارن
زى ابارو المسنوح
|
Post: #310
Title: Re: بس .. أدخل .. عليك الله
Author: ممدوح أبارو
Date: 08-20-2008, 11:39 AM
Parent: #309
Quote: والبيلد المحن لا بد يلولي صغارن |
والبابا النصح بلقاه في تولاه
يخلف في الكلام ويعرقو من تالاه
بتعرف العِرق يا مطموس
|
Post: #311
Title: Re: بس .. أدخل .. عليك الله
Author: الطيب شيقوق
Date: 08-20-2008, 11:49 AM
Parent: #310
دى هسع اكان سالت منها سماح بترجمها ليك زى ترجمة المسبار او القاموس الالكتروني عندما تدخل ليهو جملة .
|
Post: #312
Title: Re: بس .. أدخل .. عليك الله
Author: ممدوح أبارو
Date: 08-20-2008, 01:17 PM
Parent: #311
Quote: دى هسع اكان سالت منها سماح بترجمها ليك زى ترجمة المسبار او القاموس الالكتروني عندما تدخل ليهو جملة . |
زكرتني فترة كده سكنا في داخلية للطلاب الاجانب وكان معاي في الغرفة سوداني وأتنين سواحليين من ساحل العاج بيدرسو في أفريقيا العالمية ومابتكلمو غير فصحي شابكننا ليك ماذا تريد وماهذا يارجل المهم... واحد من السواحليين محنن دقنو حمرا ويقرا الليل كلو في القرآن، السوداني المعاي وأسمو عثمان كان مسمي صاحبنا قرد الطلح اليوم داك عثمان غلبو النوم مع التلاوه فقام يطنطن *يا خوانا ما تنطفو النور ده كرهتونا النوم زاتو؟ *مابالك يارجل ؟ *ملاله تملك ياخ ده شنو المابحس ده؟ عامل خلقتك الذي قرد الطلح دي؟ قالو ليك نحنا كفار؟ وصاحبنا ما فاهم وشابكو ليك ما هذا وماذا تريد قمت قلت لي عثمان خليه ياخ موأرح ننوم في السطوح قال لي والله صاحبك الدماغو زي الدليبه ده أنا خايف يجيه جبريل بباقي الليل ده
|
Post: #313
Title: Re: بس .. أدخل .. عليك الله
Author: الطيب شيقوق
Date: 08-20-2008, 03:00 PM
Parent: #312
Quote: قال لي والله صاحبك الدماغو زي الدليبه ده أنا خايف يجيه جبريل بباقي الليل ده |
هههههههههههههههههههههههههههههههها بالغ
ات عارف يا ابارو زولك ده بيكون من شاكلة المنسي المسنوح
|
Post: #314
Title: Re: بس .. أدخل .. عليك الله
Author: خالد علي محجوب المنسي
Date: 08-20-2008, 03:43 PM
Parent: #309
البيلد المحن لا بد يلولي صغارن
هذا المثل من الأمثال المعبرة وبليغة شديد .. تشكر أخي شيقوق
|
Post: #315
Title: Re: بس .. أدخل .. عليك الله
Author: خالد علي محجوب المنسي
Date: 08-20-2008, 03:54 PM
Parent: #314
Quote: والبابا النصح بلقاه في تولاه
يخلف في الكلام ويعرقو من تالاه |
أنت يا المسنوح أقعد قطر لينا بالإبرة ما تكب الأمثال خلي الخلا يولع ومحل رهيفة التنقد
السٍبر ( بتعرف السِبر )
تحياتي
|
Post: #316
Title: Re: بس .. أدخل .. عليك الله
Author: خالد علي محجوب المنسي
Date: 08-20-2008, 04:06 PM
Parent: #315
( جربتّا لحسة كوعك )
ويضرب هذا المثل لكي يعبر عن إستحالة حدوث أمر ما... وأنه بعيد المنال .. ولا يمكن أن تناله يا فلان وتستطيع ان تناله إذا أستطعت أن تلحس كوعك بِلسانك وهذا مستحيل ..
|
Post: #318
Title: Re: بس .. أدخل .. عليك الله
Author: ممدوح أبارو
Date: 08-20-2008, 04:18 PM
Parent: #315
Quote: ما تكب الأمثال خلي الخلا يولع |
كبة الكارجقل الضبانا يحني الشِقل
بتعرف كبة الكارجقل والشقل إنت؟
|
Post: #317
Title: Re: بس .. أدخل .. عليك الله
Author: عمر صديق
Date: 08-20-2008, 04:15 PM
Parent: #299
الاخ ود المنسي
المثل يقول الممطورة من الرشة مابتبالي
وهو يضرب للشخص الذي اصابته جائحة كبيرة مثل الذي اصابته مطر في الخلاء وبللته قبعد ذلك لايهتم بالرشاش او المطر الخفيف لانه تعود علي تحمل ماهو اكبر
وهذا المثل ينطبق علي الاشياء المادية والحسية اما المعنوية فنجد انه ربما يحاول ان يشفي جروحه بلقاء من افتقده وتسبب في حاله وحرمانه ويبذل اقصي ما عنده للتخلص مما يعانيه وربما تشغله شواغل الدنيا عن ذلك.
المثل الاخر الجيعان حلمو عيش
ولان الجوع علاجه هو تناول (العيش) او الذرة لذلك تكون هي حلمه الذي يتردد الي ان تزول حالة الجوع
زهنا ربما تشغل تلك الحالة الناس عن الوجدانيات وتحصرهم في الجري لاجل الحصول علي لقمة العيش وبعد ان تشبع هذه الحاجة والحاجات الضرورية ربما ينصرف الانسان لاشباع حاجته العاطفية وحينها سيبذل كل ما في وسعه من اجل ذلك مهما صعبت المهمة وبعدت عليه الشقة وكل ما اوردته هنا ربما تحكيه او تفسره هذه الابيات:
الشاعر احمد عوض الكريم ابوسن يقول في نهاية مسدار الصباغ:-
اربطو الجانا ضامر لا كبد لاكرشة سحار الغروب جيبلو العلوق بي الورشة نفضن المراتب وطرحن بي الفرشة داير ابري جرحا في القلب مو خرشة
وقبل ايام ارسل احد ابناء الشكرية عبر الموبايل هذه الرباعية للشاعر البلولة حاج الامين وطلب منه الرد عليها وصادف ذلك حالة مزاجية منهمكة في العمل وسبل كسب العيش فعارض تلك الرباعية بقوله:
الناس قايمةمن عين الصباح مندرشة تلهث بي وراء حق الملاح والدرشة بنوت الكريم البي الليف منكرشة مابملن مزاج بقت الكيوف في الكرشة
وهنا جاءه بعض الاخوة وقالو له نريد مجاراة وليس معارضة واستجاب لطلبهم باستخدام عربة (فور ويل درايف) بدلا من جمل الشاعر احمد عوض الكريم (سحار الغروب)قائلا
الفور ويل درايف وعمرو ماشاف خرشة اخر صيحة في الموديل وما شاف ورشة بريريبة الغسين الطامنة من الهرشة بدني بلودا بي سرعة ابنصيه الفرشة
|
Post: #319
Title: Re: بس .. أدخل .. عليك الله
Author: خالد علي محجوب المنسي
Date: 08-20-2008, 04:58 PM
Parent: #317
Quote: الفور ويل درايف وعمرو ماشاف خرشة اخر صيحة في الموديل وما شاف ورشة بريريبة الغسين الطامنة من الهرشة بدني بلودا بي سرعة ابنصيه الفرشة |
ودصديق السلام يا البديع في نضمك والله كلامك وكلام أبوسن وكلام البلولة حاج الأمين بسرنا بالحيل
ولك منا كل التقدير وأنت تتحفنا كل وهنة بجميل
شكراً كتير على الإضافة الحلوة والتي سوف تظل تزين الصفحة الرابعة مع درر ودشيقوق والجميل أبارو
تحياتي بالله للبلولة حاج الأمين
|
Post: #320
Title: Re: بس .. أدخل .. عليك الله
Author: خالد علي محجوب المنسي
Date: 08-20-2008, 05:35 PM
Parent: #319
أعجبني هذا المثل كثيراً
زوجك حسب ماتعودّي .. وأبنك حسب ماتربّي
افتكر المثل واضح المعاني
|
Post: #321
Title: Re: بس .. أدخل .. عليك الله
Author: خالد علي محجوب المنسي
Date: 08-20-2008, 05:39 PM
Parent: #320
Quote: كبة الكارجقل الضبانا يحني الشِقل
بتعرف كبة الكارجقل والشقل إنت؟ |
تعرف الشقل دا يكثر في مناطقنا وهناك قرية في جهات شندي أسمها أم شقل
ابارو كل مرة ننوه شابكننا بتعرف كدي بتعرف كدي أما كان علي مامشكلة ...... أنا نفسي أن يكون هذا البوست ذو فائدة للجميع لذا ارجو تاني شرح معاني الكلمات لو أمكن
وتحياتي ومودتي
|
Post: #322
Title: Re: بس .. أدخل .. عليك الله
Author: خالد علي محجوب المنسي
Date: 08-20-2008, 05:43 PM
Parent: #321
الطبع بغلب التطبع
من شبَّ على شئ شاب عليه
|
Post: #323
Title: Re: بس .. أدخل .. عليك الله
Author: خالد علي محجوب المنسي
Date: 08-20-2008, 05:45 PM
Parent: #322
( البمشي مشلق الحفر تتلافّا)
المشلق اي الذي عندما يمشي بكون بعاين في السماء فوق لا يضع بال أين موقع قدمه
الحفر تتلافا : اي تتسابق عليه الحفر عشان يقع فيها
|
Post: #324
Title: Re: بس .. أدخل .. عليك الله
Author: خالد علي محجوب المنسي
Date: 08-20-2008, 06:04 PM
Parent: #323
( ياحافر حفرة السوء وسّع مراقدك فيها )
|
Post: #325
Title: Re: بس .. أدخل .. عليك الله
Author: خالد علي محجوب المنسي
Date: 08-20-2008, 06:13 PM
Parent: #324
الكديسة لما ماتلقى اللحم بتقول عفن
|
Post: #326
Title: Re: بس .. أدخل .. عليك الله
Author: ممدوح أبارو
Date: 08-20-2008, 06:54 PM
Parent: #321
Quote: أنا نفسي أن يكون هذا البوست ذو فائدة للجميع لذا ارجو تاني شرح معاني الكلمات لو أمكن |
وأنا قصدي أثري البوست بالنقاش ياحبيب
فلو كبيناها زي ما بتقول حتكون ممله عشان كده لمن تجي في شكل أسئله بتكون ألطف
كبة الكارجقل ياحبيب هي الاسهال أو الدايرية الذي يتسبببه القرع وهو من أشد أنواع الاسهالات حدة ولذلك تجد لزباب يكثر فيه حتي ليحني أشجار الشقل من كثافته
معليش قرفناكم بس لأجل العلم
|
Post: #327
Title: Re: بس .. أدخل .. عليك الله
Author: الطيب شيقوق
Date: 08-20-2008, 07:11 PM
Parent: #326
Quote: ولذلك تجد لزباب يكثر فيه حتي ليحني أشجار الشقل من كثافته |
المسنوح كمان دخلت في الشقل والخراش؟ اها كانت مشيت السودان اكان ما مريت عليك في اجازتي ما ليها طعم.
المنسي ابارو دخل الغريق وانت ذاتك فكك الدرب
الشقلة تستعمل مفرد وجمع معا- و عند اهل البادية والارياف البدوية تعني البلتب ( البلتب الشجيرات القصيرة التي تنمو بطرف الحلة) النامي في طرف الحلة .
نحن زمان وكت الدنيا بخيرها قبل النسوان يتعلمن قطع الشجر للفحم بسبب العوز كنا بنسرح بالجمال في الشقلة والغالب شجرها كلو سدر ويوي ( اليوي هسع انتهى لكن زمان كان بيعملوا بيهو الملودات والنجامات عشان الواحد يتسرت ( يتسرت يقدل بيها ) ايام الصبان ( الصبان انقطاع المطر مش عمرو ابن كلثوم قال صبنت الكأس عنا ام عمرو ) و يتسرت وكمان رابط المحكاكة وين يا ابارو ؟ تمها عليك الرسول .
عيييييييييييك سماح طارت
هييييييييييع
|
Post: #328
Title: Re: بس .. أدخل .. عليك الله
Author: خالد علي محجوب المنسي
Date: 08-20-2008, 07:31 PM
Parent: #327
Quote: وأنا قصدي أثري البوست بالنقاش ياحبيب
فلو كبيناها زي ما بتقول حتكون ممله عشان كده لمن تجي في شكل أسئله بتكون ألطف |
وأنا قصدي استفز مشاعرك بت مدني عشان نسمع كلام طيب ( مع أنو كلامك مقرف بس فيه معلومة ) الكارجقل
وهو الأسهال الشديد
طيب بتعرف الكاردقل ؟؟
|
Post: #329
Title: Re: بس .. أدخل .. عليك الله
Author: خالد علي محجوب المنسي
Date: 08-20-2008, 07:32 PM
Parent: #328
( النفيسا فيها والقليب مابيها )
أبارو بتعرف الكشامبير ؟؟؟؟
|
Post: #330
Title: Re: بس .. أدخل .. عليك الله
Author: ممدوح أبارو
Date: 08-20-2008, 08:20 PM
Parent: #328
Quote: الكارجقل
وهو الأسهال الشديد |
Quote: وأنا قصدي استفز مشاعرك بت مدني |
ده شنو دي اللخبته دي؟ الكارجقل هو القرع أو اليقطين الكبة هي الاسهال وسويتني بت مدني كمان؟
بجيك للكاردقل
الله يكون في العون
|
Post: #331
Title: Re: بس .. أدخل .. عليك الله
Author: الطيب شيقوق
Date: 08-20-2008, 08:25 PM
Parent: #330
ابارو
وانا ما مالي عينك آآآآآ الشوم
|
Post: #333
Title: Re: بس .. أدخل .. عليك الله
Author: خالد علي محجوب المنسي
Date: 08-20-2008, 08:38 PM
Parent: #331
Quote: ده شنو دي اللخبته دي؟ الكارجقل هو القرع أو اليقطين الكبة هي الاسهال وسويتني بت مدني كمان؟ |
يا اللخو انت لازمك كورس قراءة ماتحت السطور بنصحك تمشي مسقط شهرين تقعد مع شيقوق يعلمك كتابة وقرأءة ماتحت السطور
القرع بسوي شنو ؟ قلت بسوي الإسهال الشديد والقرع اسمو شنو ؟ قلت اسمو الكارجقل وبسوي شنو ؟؟ قلت بسوي الكبة .. ( الكبا يا ولدي التخليك تساسق وأخر الدور تخت كرسيك جنب الحمام )
بعدين نرجع لي مشاعرك بت مدني المعنى القريب هو الغير مراد احساسك ( المشاعر .. مؤنثة وبتقول مشاعري ) والمعنى البعيد وهو المراد ( اسم الفي بالك ) وخلتك مهود زي كلب برا مكفي أضنيك كدي زي كبابي الطقم
بنصحك تمش لي شيقوق ولو تعذر أدخل كورس عن طريق المراسلة وانا بتوسط ليك عندو كويس
تحياتي ومودتي أبارو
|
Post: #338
Title: Re: بس .. أدخل .. عليك الله
Author: ممدوح أبارو
Date: 08-21-2008, 10:08 AM
Parent: #333
Quote: والمعنى البعيد وهو المراد ( اسم الفي بالك ) وخلتك مهود زي كلب برا مكفي أضنيك كدي زي كبابي الطقم |
لا كان كدي خلاس
وأححح من المعني البعيد جيتن فوق جرح
بعدين منكم نتعلم أستاذي بس أبعدني من شيقا ده بقتس حجري
|
Post: #332
Title: Re: بس .. أدخل .. عليك الله
Author: ممدوح أبارو
Date: 08-20-2008, 08:33 PM
Parent: #327
Quote: المسنوح كمان دخلت في الشقل والخراش؟ اها كانت مشيت السودان اكان ما مريت عليك في اجازتي ما ليها طعم.
|
راجيك وحاتك محضر ليك مفاجأت بالكوم والردوم
Quote: و يتسرت وكمان رابط المحكاكة وين يا ابارو ؟ |
في تكة سروالو ومتشمر تب ورابط الشعقيبة بدبارة
ويعرق ويجف ويظرط
هيييع @ عيييك
|
Post: #334
Title: Re: بس .. أدخل .. عليك الله
Author: الطيب شيقوق
Date: 08-20-2008, 10:05 PM
Parent: #332
Quote: في تكة سروالو ومتشمر تب ورابط الشعقيبة بدبارة |
والله عافي منك يا اللخو حيرتني طاب علا عندى سؤوال واحد اها وضهروا وقت يجي راجع العصرية بيتو بيكون كيف؟
|
Post: #335
Title: Re: بس .. أدخل .. عليك الله
Author: ممدوح أبارو
Date: 08-21-2008, 09:50 AM
Parent: #334
Quote: وضهروا وقت يجي راجع العصرية بيتو بيكون كيف؟ |
بكون زي ملركوب جلد البقر يشيل ليه رطلين زيت سمسم حتي ينطلق
|
Post: #336
Title: Re: بس .. أدخل .. عليك الله
Author: خالد علي محجوب المنسي
Date: 08-21-2008, 09:50 AM
Parent: #334
أبارو مالك زغتا من كلمة
الكشامبير
وبعدين الشعقيبة ذاتا هي شنو
وقال محمد طه القدال
وفي الشعقيبة كان بازمالّو شبالين
|
Post: #337
Title: Re: بس .. أدخل .. عليك الله
Author: خالد علي محجوب المنسي
Date: 08-21-2008, 09:53 AM
Parent: #336
أب سنية يضحك علي أب سنينتين
_________________ ما معنى كلمة الكَرب ( تستخدم في الزراعة عشان ماتمشي لي كلمة الكرب من كربة ومحنّة )
أبقوا عافية
|
Post: #339
Title: Re: بس .. أدخل .. عليك الله
Author: الطيب شيقوق
Date: 08-21-2008, 10:22 AM
Parent: #337
وكربتة
تعرفي الكربتة يا منسي ؟
|
Post: #340
Title: Re: بس .. أدخل .. عليك الله
Author: ممدوح أبارو
Date: 08-21-2008, 10:33 AM
Parent: #336
Quote: أبارو مالك زغتا من كلمة
الكشامبير |
مازغت بس مامستحضر بس عارف يا منسي اللغة مترادفات مرات تلقي كلمة نحنا في الوسط بنفسرا غير ناس الشماليه والدندر
وبرضو حاجة يكون عندها كم مسمي كدي قول معناها
Quote: وبعدين الشعقيبة ذاتا هي شنو |
الشعقيبة هي أكتاف العراقي والزول في الخلا بكون متشمر ورابط يد العراقي مع كتفتو
ووقال محمد طه القدال راجل كلام مافيه كلام
|
Post: #341
Title: Re: بس .. أدخل .. عليك الله
Author: خالد علي محجوب المنسي
Date: 08-21-2008, 03:47 PM
Parent: #340
Quote: الشعقيبة هي أكتاف العراقي |
نعم هي الأكتاف كما ورد في قول القدال ( الشبال عادة يرمى على كتف الرجل ) وبازمالّو اي نصيبه .... وقد يكون كما ذهبت إليه أن يسمى كتفي العراقي بالشعقيبة مجازاً
________________________ الكشامبير هو ثلاثة شعب صغيرة تربط من أعلاها وتكون في شكل هرم يعلق فيها السعن لما يخشو الروب لجمع عملية خش الروب ينتج منها الفرصة التي تتجمع بالحركة المنتظمة للسعن ( حركة أفقية ) والباقي يكون روب خفيف يعرف بالغباشة والفرصة هي التي يستخرج منها السمن البلدي بعد أن يسوحوها في نار هادئة ...
تحياتي ابارو
|
Post: #342
Title: Re: بس .. أدخل .. عليك الله
Author: خالد علي محجوب المنسي
Date: 08-21-2008, 04:16 PM
Parent: #341
يقولوا أهل المثل الناس ديل ( الطير في السماء يقولولّو جيت من وين ؟ )
اي أنهم ناس شر ومشاكل
________________________ يقال أن المِكابراب من الجعلين لما الواحد فيهم يدور لي سبب مع الناس ( بس مشتهي لي شكلة ) بشيل عنقريبو ويختو في الطريق .. اها كان بقى مشيت بي بعيد منو بناديك تعال هنا أنا مجرب بتمشي مني كدي ببعيد ( ينقرن فيك ) وكان جيت ماشي بقربه كمان يقول ليك كتحتني بي التراب ( وينقرن فيك )
يعني سيك سيك معلق فيك
|
Post: #343
Title: Re: بس .. أدخل .. عليك الله
Author: ممدوح أبارو
Date: 08-21-2008, 04:39 PM
Parent: #342
قالو خادم الفكي مجبورة علي الصلاة والبكاء بحررو اسيادو البتجي من السماء تحملها الواطه شنو قولكم في.... جلداً ماجلدك جر فيه الشوك؟ و بلاد ابوك كان خربت شيلك شلية وجحا قال بعد مرقت من بطن امي إنشا الله تنسد ونواصـــــــــــــــــل
|
Post: #344
Title: Re: بس .. أدخل .. عليك الله
Author: خالد علي محجوب المنسي
Date: 08-21-2008, 04:52 PM
Parent: #342
يقولوا ليك فلان دا
( راقد قفا وقاطع الخبر )
اي ناسي الناس والأهل ومنقطع من البلد وفوق عديلو
____________________ الكرب يا ابارو هو عود يوضع في ظهر ثوري الحراثة وفي هذا العود يربط المحراث الحديدي
|
Post: #345
Title: Re: بس .. أدخل .. عليك الله
Author: ممدوح أبارو
Date: 08-21-2008, 05:13 PM
Parent: #344
Quote: الكرب يا ابارو هو عود يوضع في ظهر ثوري الحراثة وفي هذا العود يربط المحراث الحديدي
|
يعني ذي الرادوف؟ وهو شعبة توصل بين الحصانين وهما يجران العربة
|
Post: #346
Title: Re: بس .. أدخل .. عليك الله
Author: خالد علي محجوب المنسي
Date: 08-21-2008, 05:35 PM
Parent: #345
Quote: يعني ذي الرادوف؟ وهو شعبة توصل بين الحصانين وهما يجران العربة |
بالضبط كدي بس الرادوف بكون في وضع راسي مع راس الحصانين والكرب بكون في وضع افقي مع رأس الثورين
|
Post: #347
Title: Re: بس .. أدخل .. عليك الله
Author: خالد علي محجوب المنسي
Date: 08-21-2008, 05:40 PM
Parent: #346
الكاردقل
هو الشوكة وبتكون حديدية ولها اسنان وتستحدم في لم الحشيش والبروس عند عزق ما تحت شجر الفواكه
والعزق هي عملية قلب خفيف للارض تحت جذع شجرة الفواكه مثلاً حتى يسهل عملية وصول الماء لجزورها لآن بتكرار عملية السقي تتصلب التربة تحت الشجرة وتنمو الحشائش الطفيلية وعملية العزق تكون قلب للتربة وفي نفس الوقت نظافة ما تحتها من حشائش ضارة ...
|
Post: #348
Title: Re: بس .. أدخل .. عليك الله
Author: ممدوح أبارو
Date: 08-21-2008, 08:27 PM
Parent: #347
Quote: تعرفي الكربتة يا منسي ؟ |
دي تعرفا إنت يا قبيح ومسنوح
يداك أو كدتاه وفوك نفخ
قول ياعم العراف
|
Post: #349
Title: Re: بس .. أدخل .. عليك الله
Author: خالد علي محجوب المنسي
Date: 08-22-2008, 08:22 AM
Parent: #348
بقول المثل
( من دِقنّو ويفتل لي )
وهو أيضاً مرادف للمثل
( صررّو بي بعرو )
أولا نشوف كدي كلمة ( صرار ) الصرار هو هو أن تضع شئ مانع يحول دون أن ترضع الصِغار أمها ( من البهائم ).. مثلا في الأغنام يستخدم مخلفاتها الأغنام نفسها ( البعر ) وهي لينّة .. وتستخدم كدهان يدهن به قطعة من خِرقة قديمة ( قماش ) في شكل شريط ويلف به حلمات ثدي الماعز .. طعمه مر فعندما يريد صغير الماعز أن يرضع يتذوق ذاك الطعم المر ويترك الثدي مبتعداً .. وهذا هو الصُرار ..
ويضرب المثل للشخص الذي يحسن ويكرم الناس من حقهم أو مما يخصهم .. مثلاً أن يدعو شيقوق أبارو للعشاء وممدوح أبارو المدعو يدفع حساب الدعوة ...
|
Post: #350
Title: Re: بس .. أدخل .. عليك الله
Author: ممدوح أبارو
Date: 08-22-2008, 08:33 AM
Parent: #349
Quote: للعشاء وممدوح أبارو المدعو يدفع حساب الدعوة ... |
دي إسمها ميته وخراب ديار
يقول ليك أخ من خشمك وتف فوق دقنك
بمعني إنك تنهي عن فعل وتاتي بمثله مثلاً لو قال ليك أجدع الحاجة دي بره تقوم تجدعا في العتبة
ويرادفة يهدوها من المقيلة باتت كتر
|
Post: #351
Title: Re: بس .. أدخل .. عليك الله
Author: خالد علي محجوب المنسي
Date: 08-22-2008, 08:42 AM
Parent: #350
Quote: يقول ليك أخ من خشمك وتف فوق دقنك |
وبرضو يا أبارو يقولوا ليك ( فلان دا )
( لا في العير لا في النفير )
اي زولاُ تب مازول حارة .. لا بتلقي في الفزعة والوجعة لا التعاون مع الناس ( لما يكون هناك نفير )
والنفير هو أن تستنفر الناس لقضاء حاجة مثلاً لا تستطيع أن تقوم بها وحدك النفير مشهور عندنا في السودان أن تتعاون الناس في رمي المحصول وحصاده وغيرها من مصالحهم وأشغالهم
|
Post: #352
Title: Re: بس .. أدخل .. عليك الله
Author: خالد العبيد
Date: 08-22-2008, 09:02 AM
Parent: #1
الصلعة المقابلة الحر
|
Post: #353
Title: Re: بس .. أدخل .. عليك الله
Author: سلمى الشيخ سلامة
Date: 08-22-2008, 11:03 AM
Parent: #352
يعنى ياخالد عبيد مالك على ناس ابصلعة ؟ تعرف حبوبة كانت زولة لسانها فالت كان نادتك وقلت ليها جاى طوالى ردها جاهز ـ نان ماتجى تجيك الجاتنى فى ابوى ولو كنت قاعد وقالت ليك قوم وما قمت ـ تقوم من ترب البنية تر ب البنية دى شنو؟ برى وحاتك يخربنى خراب الترب وكان بتتكلم معاها وغلطت قلت ليها حبوبة طبعا هى جنها وجن تقول ليها حبوبة يا تقول امى ولا تسكت طبعا الرد ـ تحبك مقدا او تقول ليك ـ تحبى بلاهن كيف ؟ما تاسالنى حبوبات عجيبات وكان يوم غلطت وفتحت الصندوق(الاسود ) حقها ـ يفتح قبرك فاتحو مالك عليهو عندك فوقو شنو (عندك بى وليداتا ) وكان مارقين محل وانت اتاخرت شوية فى المشى ـ يا سجم ما تمشى تمشى فى كرعيك او تمشى دا والبهل يعنى يجيك اسهال عليك الله شفت الزولة دى حاقدة كيف ؟ الله يرحمها لانها حفظتنا حاجات ما اظن كتب الدنيا كلها تعلمك ليها
|
Post: #354
Title: Re: بس .. أدخل .. عليك الله
Author: خالد العبيد
Date: 08-22-2008, 11:29 AM
Parent: #1
سلام يا سلمى غايتو حبوبتك دي ذي ما بتقول امي : اريته بالقاهر والنبي الطاهر
وامي الله يديها العافية عندها لي دعوة سمحة خلاص دايما تقول لي : انت يايابا لا تتعرى لا تنوم بره
|
Post: #355
Title: Re: بس .. أدخل .. عليك الله
Author: خالد علي محجوب المنسي
Date: 08-22-2008, 05:25 PM
Parent: #354
خرافــــــــــــة تيراب البنية
Quote: ولو كنت قاعد وقالت ليك قوم وما قمت ـ تقوم من ترب البنية تر ب البنية دى شنو؟ |
هي خرافة في السودان أن هناك أموت يقومون من موتهم ويمشون بين الناس .. وبالذات لو كان عند الميت لديك شئ فهو سوف يأتي عشان يأخذه منك.. وتيراب البنية تعني .. ان اللذين يقوموا من قبورهم ( البعاتي ) هم تيراب البنية
يعني أن هناك ناس ( يتاورثون هذه الصفة ) مثال فرضاً هناك اسرة هم ( بقوموا بعاعيت ) ففي هذه الأسرة الاولاد والبنات عندما يموتوا سوف يقومون ( بعاعيت ) وبعدها سوف يستمر الحال مع اولاد البنات ( ايضاً هم سوف يقومون بعاعيت ) لكن أولاد الاولاد لا وهكذا يستمر الحال مع اولاد البنات وإن نزلن إلى قيام الساعة
لذا يطلق على البعاعيت تيراب البنية
|
Post: #356
Title: Re: بس .. أدخل .. عليك الله
Author: خالد علي محجوب المنسي
Date: 08-22-2008, 05:41 PM
Parent: #355
( التسوي بي إيدك يغلب أجاويدك )
الأجاويد : هم الناس التي تسعى للصلح في حالة وجود مشكلة بين شخص وأخر ..
ويضرب المثل لما تعمل ليك مصيبة ويخالها من يقول لك المثل أن هذه المشكلة وحتى لو تدخل الأجاويد ما يستطيعوا حلها
|
Post: #357
Title: Re: بس .. أدخل .. عليك الله
Author: خالد علي محجوب المنسي
Date: 08-22-2008, 06:05 PM
Parent: #356
( الرحول عز العرب )
__________________________- أبارو .... الويرّا يعني شنو
|
Post: #358
Title: Re: بس .. أدخل .. عليك الله
Author: خالد علي محجوب المنسي
Date: 08-22-2008, 07:51 PM
Parent: #357
( الجمرة بتحرق واطيها )
_____________________________ أبارو بتعرف
الفافانوس والبوص
|
Post: #359
Title: Re: بس .. أدخل .. عليك الله
Author: خالد علي محجوب المنسي
Date: 08-22-2008, 09:22 PM
Parent: #358
( البكى بحررو أسيادوا )
__________________________ الليلة الجنى دا وين مهكور ؟ (( أبارو )) حيرتني الليلة سحروك ولا أدوك عين
سمحة المقدرة ( كان بقى لقاء عاطفي ولا عادلي )
|
Post: #360
Title: Re: بس .. أدخل .. عليك الله
Author: خالد علي محجوب المنسي
Date: 08-23-2008, 07:35 AM
Parent: #359
مثل يضرب للناس البخلاء
يقول ليك
( ديل يشحدوا الرماد لي بِكاهم ) زمان كنَّ النساء في البكاء بسون النقارة. في حر الشمس تقج النقارة وتتحزم النساء ويسون في رؤسهنّ الرماد والتراب ( يردحن حييي وووب ... ووب حي .. حييي ووب )
وقلة الرماد في البيت تعني أن الشخص غير كريم فطبخه قدر نفسه وعياله فقط
|
Post: #361
Title: Re: بس .. أدخل .. عليك الله
Author: ممدوح أبارو
Date: 08-23-2008, 08:55 AM
Parent: #359
Quote: الليلة الجنى دا وين مهكور ؟ (( أبارو )) حيرتني الليلة سحروك ولا أدوك عين
سمحة المقدرة ( كان بقى لقاء عاطفي ولا عادلي ) |
سلامات يا ريس قاعد بس الجمعة بعد الصلاة بمشي ألف علي الاهل وبالزات أمس كان معاي ضيوف في البيت
نحنا اللقائات العاطفية خلاص راحت علينا بقينا ناس عرس ساي
|
Post: #362
Title: Re: بس .. أدخل .. عليك الله
Author: خالد علي محجوب المنسي
Date: 08-23-2008, 08:58 AM
Parent: #361
قالوا أهل المثل
البرقص ما بغطي دِقنو
______________________________
Quote: نحنا اللقائات العاطفية خلاص راحت علينا بقينا ناس عرس ساي |
يعني ننادي سلمى سلامة تزغرد
|
Post: #363
Title: Re: بس .. أدخل .. عليك الله
Author: ممدوح أبارو
Date: 08-23-2008, 07:11 PM
Parent: #362
Quote: يعني ننادي سلمى سلامة تزغرد |
ونادي سماح النعوسا جردلين طقة الديك وبت صبحي والريحانة يقومن بواجب النساويين وشيقااليجيب الخدار بالبوكسي بس قول ليه أعمل حساب ناس الحركة أما فيسل هليل فعليه التلج والكراسي ودأبو القاسم لزموه الكشف عم كمال يستقبل الضيوف ولازماً يقج العمة الكبيرة الحفلة السنجك بقضيها ومحيو عليه الكاميرا
شنو ليك؟
هيييع عرسة ملح سااااي
|
Post: #364
Title: Re: بس .. أدخل .. عليك الله
Author: ممدوح أبارو
Date: 08-24-2008, 05:16 PM
Parent: #363
منسي راجنك تفسر ديل الويرا الفافنوس البوص
|
Post: #365
Title: Re: بس .. أدخل .. عليك الله
Author: خالد علي محجوب المنسي
Date: 08-24-2008, 10:19 PM
Parent: #364
Quote: منسي راجنك تفسر ديل الويرا الفافنوس البوص |
الحبيب ابارو
* الويرة قد تكون حبل من التيل أو العاشميق أو في الغالب تكون ( زنجير ) ويربط بها المحراث على ( الكرب ) التي شرحناها من قبل
* الفافنوس والبوص هما نباتان الفافنوس ساق نحيف شديد اليوص هو ساق غليد النباتان إمتازا بالهشاشة ويسها كسرهما
لذا قالت الشاعرة بنونة بت نمر تصف أخاها ( عمارة )
ماهو الفافنوس وماهو الغليد البوص
|
Post: #366
Title: Re: بس .. أدخل .. عليك الله
Author: ابراهيم قناوي
Date: 08-25-2008, 07:19 AM
Parent: #1
Quote: * الويرة قد تكون حبل من التيل أو العاشميق أو في الغالب تكون ( زنجير ) ويربط بها المحراث على ( الكرب ) التي شرحناها من قبل
* الفافنوس والبوص هما نباتان الفافنوس ساق نحيف شديد اليوص هو ساق غليد النباتان إمتازا بالهشاشة ويسها كسرهما |
هسة يا ود المنسي حالتو مرتك خواجية؟؟ والله تلقاها اتعوربت ساااااااااااااااي
لك التحية وانت تدخل في صميم البادية وتخرج الدرر النادرة
Quote: ماهو الفافنوس وماهو الغليد البوص |
هييييييييييييييييييييييييييييييع
|
Post: #367
Title: Re: بس .. أدخل .. عليك الله
Author: خالد علي محجوب المنسي
Date: 08-25-2008, 07:19 PM
Parent: #366
Quote: هسة يا ود المنسي حالتو مرتك خواجية؟؟ والله تلقاها اتعوربت ساااااااااااااااي
لك التحية وانت تدخل في صميم البادية وتخرج الدرر النادرة
Quote: ماهو الفافنوس وماهو الغليد البوص |
ود قناوي حبابك يا الزين الضو وما بقوللك سوو إتعوربت ساكت ( مسختهم فد مرة ) لكن عليك أمان الله ضريعت أسدك تعجب ( قادل فوق عديلو )
تحياتي وسعدنا بالمرور الجميل
______________________ ها زول ها السنوسي بلدو وين مختفي شايفو متشمر بي غادي وعجاجتو لاويا تحياتي لكما
|
Post: #368
Title: Re: بس .. أدخل .. عليك الله
Author: خالد علي محجوب المنسي
Date: 08-25-2008, 10:20 PM
Parent: #367
مـــد كراعك قدر لِحافك
___________________________
فسر لي الكلام دا يا أبارو
واحد قال للتاني:
لقيت لي كسفريتا فوق الدمبويا
التاني قال لي : قول وحات سيدي
الأول رد : وحات الجا بي الصالون
|
Post: #369
Title: Re: بس .. أدخل .. عليك الله
Author: خالد علي محجوب المنسي
Date: 08-25-2008, 10:27 PM
Parent: #368
عيب الزاد ولا عيب سيدو
_______________________
وهاك دي يا أبارو فسر بس وتعال لي
واحد بنادي فوق أخو الجماعة كانوا لاعبين ( الرمة وحراسا )
محمد : الخليفة قالولّك تعال إتعشّا الخليفة : العشا شنو ؟ محمد : العشا لبّى الخليفة : لبى خرابة كل يوم لبى
محمد : غشيتك .. العشاء ملاح رجلة
الخليفة : بارديش بارديش بارديش
أها يا أبارو معنى كلمة لبى وبارديش
شنو ؟؟؟؟؟
|
Post: #370
Title: Re: بس .. أدخل .. عليك الله
Author: خالد علي محجوب المنسي
Date: 08-26-2008, 07:16 AM
Parent: #369
( قد الإبرا ما بشيل خيتين ) .. اي خيطين
|
Post: #371
Title: Re: بس .. أدخل .. عليك الله
Author: خالد علي محجوب المنسي
Date: 08-26-2008, 07:32 AM
Parent: #370
زاد الطين بله
_____________________ وا والو من الليلة الشيخ الأمين خمجو وزاد ماء
|
Post: #372
Title: Re: بس .. أدخل .. عليك الله
Author: خالد علي محجوب المنسي
Date: 08-26-2008, 10:26 PM
Parent: #371
العين بصيرة والإيد قصيرة
_____________________________ والطول فاقا القصر عاقا
|
Post: #373
Title: Re: بس .. أدخل .. عليك الله
Author: خالد علي محجوب المنسي
Date: 08-27-2008, 06:43 PM
Parent: #372
الفقرا إتقاسمة النبقة
________________________ ويضرب هذا المثل تبين للتعاون والتعاضد بين الناس وإنهم بالقليلة بتماشو
_________________________ المسنوح دا وين ( أبارو )
|
Post: #376
Title: Re: بس .. أدخل .. عليك الله
Author: ممدوح أبارو
Date: 08-28-2008, 09:17 AM
Parent: #369
Quote: أها يا أبارو معنى كلمة لبى وبارديش
شنو ؟؟؟؟؟ |
اللبي بعرفو مو لبن البهيمة الوالده جديد؟ علا بارديش دي ما لاقتني وحاتك
|
Post: #374
Title: Re: بس .. أدخل .. عليك الله
Author: ممدوح أبارو
Date: 08-28-2008, 07:55 AM
Parent: #368
Quote: لقيت لي كسفريتا فوق الدمبويا |
دي ذي الشيح والشنفريت والحلبة والخرتيت؟
ما عرفتها والله
|
Post: #375
Title: Re: بس .. أدخل .. عليك الله
Author: خالد العبيد
Date: 08-28-2008, 08:21 AM
Parent: #1
محمد جانا ما تغشانا
|
Post: #377
Title: Re: بس .. أدخل .. عليك الله
Author: خالد علي محجوب المنسي
Date: 08-28-2008, 12:00 PM
Parent: #375
Quote: اللبي بعرفو مو لبن البهيمة الوالده جديد؟ علا بارديش دي ما لاقتني وحاتك |
أبارو سلااام
طيب نبدأ واحدة واحدة نعم اللبى هو لبن البهيمة الوالدة حديثاً لما يغلى في النار بصير لبى
بارديش : عندما الناس تكون لاعبين شليل أو حرينة أو أي لعبة اخرى وواحد يقول بارديش تعني ::::time out
|
Post: #378
Title: Re: بس .. أدخل .. عليك الله
Author: ممدوح أبارو
Date: 08-28-2008, 03:25 PM
Parent: #377
أب أحمد سلام
Quote: بارديش : عندما الناس تكون لاعبين شليل أو حرينة أو أي لعبة اخرى وواحد يقول بارديش تعني ::::time out |
هي بس بتكون بمعني تاني عندنا بس أنا ما متزكرها
برضو ما وريتنا الكسفريت شنو؟
|
Post: #379
Title: Re: بس .. أدخل .. عليك الله
Author: خالد علي محجوب المنسي
Date: 08-28-2008, 03:42 PM
Parent: #378
Quote: واحد قال للتاني:
لقيت لي كسفريتا فوق الدمبويا
التاني قال لي : قول وحات سيدي
الأول رد : وحات الجا بي الصالون |
الكسفريتا : هي الكبريتا الدمبويّا : بناء مرتفع في شكل طاولة ( طربيزة ) في الغرفة يوضع عليه الأغراض سيدي : هو السيد علي الميرغني الصالون : هو صالون القطر وكان يسافر به الأعيان قديماً
مرة جاء السيد علي الميرغني لشندي بصالون قطر ومن يومها والناس بتحلف وتقول
( وحات الجا بي الصالون )
|
Post: #380
Title: Re: بس .. أدخل .. عليك الله
Author: خالد علي محجوب المنسي
Date: 08-28-2008, 04:08 PM
Parent: #379
المثل دا لفحتّو هسي من ود قناوي
البتدورو بتبلع ليهو الزلط والما بتدورو بتفتش ليهو الغلط
حقوق الطبع محفوظة يا ودقناوي
|
Post: #381
Title: Re: بس .. أدخل .. عليك الله
Author: خالد علي محجوب المنسي
Date: 08-28-2008, 05:04 PM
Parent: #380
مساك الدروب ضِهيب
________________________ أها يا أبارو بتعرف النقعة
و
المدلف
|
Post: #382
Title: Re: بس .. أدخل .. عليك الله
Author: ممدوح أبارو
Date: 08-28-2008, 05:13 PM
Parent: #381
Quote: أها يا أبارو بتعرف النقعة
و
المدلف |
النقعة حقت الموية ولا ويحيدة تانية؟
والمدلف دي وقفت لي
أعرف لي
السويبة
واحدة بي واحدة
|
Post: #383
Title: Re: بس .. أدخل .. عليك الله
Author: خالد علي محجوب المنسي
Date: 08-28-2008, 05:29 PM
Parent: #382
Quote: النقعة حقت الموية ولا ويحيدة تانية؟
والمدلف دي وقفت لي
أعرف لي
السويبة
واحدة بي واحدة |
النقعة أو النقع هي الأرض الفضاء وأيضاً كما قلت هي المكان الذي تتجمع فيه الماء
المدلف : مكان جريان الماء
السويبة والله تب ماعرفتها وكان عندنا ليها في منطقتنا أسم بقولو ليك تب إن شاءالله
|
Post: #384
Title: Re: بس .. أدخل .. عليك الله
Author: ممدوح أبارو
Date: 08-28-2008, 08:10 PM
Parent: #383
Quote: السويبة والله تب ماعرفتها وكان عندنا ليها في منطقتنا أسم بقولو ليك تب إن شاءالله |
اب أحمد مساك خير السويبة هي بناء من الطين يخزن فيه الزرة تبني في شكل دائري أو برميلي ويصب داخلها الزرة أو المحصول وهي تختلف عن المطموره حيث أن المطمورة تحفر في باطن الارض أما السويبة فتبني علي ظاهرها
لك الود سويبتين متمسحات(ملانات) لي حدهن
|
Post: #385
Title: Re: بس .. أدخل .. عليك الله
Author: خالد علي محجوب المنسي
Date: 08-28-2008, 08:34 PM
Parent: #384
جا يكحلها عماها ويقال هذا للمثل للإنسان الذي يريد أن يعدل في عمل شئ ما ( ويبوظ كل حاجة )
_____________________________
أها يا أبارو
أب كريق
أب محار
العشاري
|
Post: #386
Title: Re: بس .. أدخل .. عليك الله
Author: خالد علي محجوب المنسي
Date: 08-29-2008, 07:53 AM
Parent: #385
هذا المثل قاله عبدالله ودسعد عندما أمره الخليفة عبدالله التعايشي أن يخلي المتمة
( موجعاني قومة نمر من شندي )
الكثيرين وللأسف حتى التاريخ يمثل بأن نمر جرى أمام جيوش الترك نمر طلع من شندي بمشورة أهل الرأي الذين أشاروا له أن يقابل الجيوش خارج شندي علماً منهم بعدم التوازن من ناحية العدة والعتاد والعدد .. وحتى لا يدمر قبيلة الجعلين عن دابرها وخرج نمر وما إستسلم حتى مابقى من الجند عددا وكان يحارب حتى دخوله الحبشة ماترك جيش الترك .. وفي تلك الحروب ذاع صيت عمارة أبنه الفارس المغوار وتغنت له أخته بنونة بالأشعار التي ما زلنا نسمعها .....
|
Post: #387
Title: Re: بس .. أدخل .. عليك الله
Author: خالد علي محجوب المنسي
Date: 08-30-2008, 11:43 AM
Parent: #386
.
|
Post: #388
Title: Re: بس .. أدخل .. عليك الله
Author: خالد علي محجوب المنسي
Date: 08-30-2008, 05:52 PM
Parent: #387
up
|
Post: #391
Title: Re: بس .. أدخل .. عليك الله
Author: خالد علي محجوب المنسي
Date: 08-31-2008, 09:59 AM
Parent: #388
ناس شر
والطير في السماء يقولولو جيت من وين
|
Post: #392
Title: Re: بس .. أدخل .. عليك الله
Author: خالد علي محجوب المنسي
Date: 08-31-2008, 02:08 PM
Parent: #391
الشبع البعد جوع سيدو ديما سغير
والريش البقوم بعد الكسر مابتطير ( الياء مشددة )
|
Post: #393
Title: Re: بس .. أدخل .. عليك الله
Author: خالد علي محجوب المنسي
Date: 09-01-2008, 04:00 PM
Parent: #392
up
|
Post: #394
Title: Re: بس .. أدخل .. عليك الله
Author: سلمى الشيخ سلامة
Date: 09-01-2008, 04:17 PM
Parent: #393
رمضان كريم ياهل الدار وحكاوى رمضان ما تنسونامنها تصوموا وتفطروا على خير
|
Post: #395
Title: Re: بس .. أدخل .. عليك الله
Author: محي الدين جبريل
Date: 09-01-2008, 04:30 PM
Parent: #394
ودالمنسى أخوى
لعلك طيب ويطيب جوفك ويسلم شوفك
وبجيك بى روااااقة ، اصلى تربية حبوبات
=======================
محبتى الأكيدة والشديدة
|
Post: #396
Title: Re: بس .. أدخل .. عليك الله
Author: خالد علي محجوب المنسي
Date: 09-01-2008, 04:35 PM
Parent: #395
Quote: رمضان كريم ياهل الدار وحكاوى رمضان ما تنسونامنها تصوموا وتفطروا على خير |
salma salma thanx
|
Post: #397
Title: Re: بس .. أدخل .. عليك الله
Author: محي الدين جبريل
Date: 09-02-2008, 04:32 PM
Parent: #396
ابارو : وينك ، ماتجى ترفع البوست ده يرفعوك للنشا وتدفرا
|
Post: #398
Title: Re: بس .. أدخل .. عليك الله
Author: خالد علي محجوب المنسي
Date: 09-02-2008, 04:39 PM
Parent: #397
العين بصيرا والإيد قصيرا
مد كراعك قدر لحافك
|
Post: #399
Title: Re: بس .. أدخل .. عليك الله
Author: وضاحة
Date: 09-02-2008, 04:51 PM
Parent: #1
ود المنسى
كل سنة وانت طيب
اها دخلنا فى شنو هنا
|
Post: #400
Title: Re: بس .. أدخل .. عليك الله
Author: خالد علي محجوب المنسي
Date: 09-02-2008, 09:24 PM
Parent: #399
Quote: ود المنسى
كل سنة وانت طيب
اها دخلنا فى شنو هنا
|
لو ما لبستي ثوب بوبتك ماحا تشوفي شئ أخلعي ثوبك الغربي تعالي بثوب جدتك من أم علي جبيلاتا
والفات قديمو تاه
ولا شنو ياوضاحة
لك التحية والتقدير
|
Post: #401
Title: Re: بس .. أدخل .. عليك الله
Author: خالد علي محجوب المنسي
Date: 09-03-2008, 07:29 AM
Parent: #400
up
|
Post: #402
Title: Re: بس .. أدخل .. عليك الله
Author: خالد علي محجوب المنسي
Date: 09-03-2008, 04:43 PM
Parent: #401
أبقى مِبدر مع الطير
ود البدري سمين
|
Post: #403
Title: Re: بس .. أدخل .. عليك الله
Author: ممدوح أبارو
Date: 09-03-2008, 07:37 PM
Parent: #402
منسي راجيك لي تفسير ديل أب كريق العشاري(التمساح علي ما أظن)
محيووو العريس
Quote: ابارو : وينك ، ماتجى ترفع البوست ده يرفعوك للنشا وتدفرا |
الدنيا رمضان ما بدعيك إنت وينك بقيت تفحط مع صاحبك(لم أجد وجه مناسب)
|
Post: #404
Title: Re: بس .. أدخل .. عليك الله
Author: خالد علي محجوب المنسي
Date: 09-03-2008, 08:32 PM
Parent: #403
Quote: منسي راجيك لي تفسير ديل أب كريق |
أب كريق وأب محار
هي أسماء للتمساح أيضا كما أيضاً يسمى العشاري وهو التمساح الكبير
|
Post: #405
Title: Re: بس .. أدخل .. عليك الله
Author: خالد علي محجوب المنسي
Date: 09-04-2008, 03:41 PM
Parent: #404
أبارو بتعرف ديل
* القراف * العسين * التبسا * الحنقوقة
|
Post: #407
Title: Re: بس .. أدخل .. عليك الله
Author: محي الدين جبريل
Date: 09-04-2008, 05:44 PM
Parent: #405
ود المنسى
دق القراف شان الجمل يخاف .......
وانت لو عرفت لى الكبروس ، والتكويا ، والحوية ،وقرن الهسكة ( نهد ام زين قرن هسكة عجولنا زمان ... وصدر أم زين بهر بالدلكة
والدخان ... وهاف أم زين رقيق خلقة الرحمن ) ...
ولو عرفت لى التفتا بوريك الحنقوق ...
ولو عرفت لى العويش بوريك التبسا ...
__________________________________
وأصى مانى ماشى شبر القط ...
|
Post: #479
Title: Re: بس .. أدخل .. عليك الله
Author: خالد علي محجوب المنسي
Date: 10-02-2008, 10:31 AM
Parent: #405
لحين ميسرة
|
Post: #406
Title: Re: بس .. أدخل .. عليك الله
Author: doma
Date: 09-04-2008, 04:21 PM
Parent: #400
Quote: ابارو : وينك ، ماتجى ترفع البوست ده يرفعوك للنشا وتدفرا |
لا حولا يا ودجبرين يا زول مالك داعاي كدي يبري الجنا ود ابارو دا امانه مو نجيض اها تاني بوستيكم دا تب ما ني فايتا. وي سلووووووم م يا ود المنسي وضيوفه واخونا ود شيقوق
|
Post: #408
Title: Re: بس .. أدخل .. عليك الله
Author: ممدوح أبارو
Date: 09-04-2008, 07:25 PM
Parent: #406
Quote: * القراف * العسين * التبسا * الحنقوقة |
القراف ودجبريل فسرا والعسين لو قاصد السعين بنعرفو وهو تصغير للسعن وبهزو بيه الروب ويشربو من المي والتبسا دي وقفت لي الحنقوقة سريحة السعف آزويل
محيووو العريس بعدا فطرت وقبلت عليك وبعد شهادة الخالة دوما تاني مافي كلام
Quote: وأصى مانى ماشى شبر القط ... |
تمشيك بطنك آزويل
|
Post: #409
Title: Re: بس .. أدخل .. عليك الله
Author: ممدوح أبارو
Date: 09-04-2008, 07:35 PM
Parent: #406
الخالة دوما
Quote: لا حولا يا ودجبرين يا زول مالك داعاي كدي يبري الجنا ود ابارو دا امانه مو نجيض اها تاني بوستيكم دا تب ما ني فايتا. وي سلووووووم م يا ود المنسي وضيوفه واخونا ود شيقوق |
محيو ده أصلو لقاني صايم وساكتلو بس وحات غلاوتك كان قبلت عليه علا يطير
تسلمي ياستي وماتغيبي مننا
|
Post: #410
Title: Re: بس .. أدخل .. عليك الله
Author: خالد علي محجوب المنسي
Date: 09-04-2008, 08:49 PM
Parent: #409
Quote: ولو عرفت لى التفتا بوريك الحنقوق ...
ولو عرفت لى العويش بوريك التبسا ... |
محي الدين الحبيب سلاااام تسلم وتشرح لنا هذه الكلمات الجميلة والله تعيد لنا حال والحال حال كلما نسمع كلمة من هذه الكلمات بتولع يا نحي الدين والله بتولع ...
الكبروس التكويا الحوية القتيا العويش
والحب نار عويش كان ولعوها
تحياتي محي الدين يلا أشرح وجيب غيرها وخلي الفائدة تعم
|
Post: #411
Title: Re: بس .. أدخل .. عليك الله
Author: خالد علي محجوب المنسي
Date: 09-04-2008, 08:52 PM
Parent: #410
Quote: اها تاني بوستيكم دا تب ما ني فايتا. وي سلووووووم م يا ود المنسي وضيوفه واخونا ود شيقوق |
ولو قلتي ماشة بنمسك فوق طرف توبك وين ما لسه الوكت بدري
الأخت الفاضلة دومة التحية الطيبة سلااام وأنت تمرين منورة هذا البوست ولك منا أجمل التحايا والتقدير سعدنا للمرور ونسعد وتسعد سعادتنا بالمكوث
ولك المودة والتحية
|
Post: #412
Title: Re: بس .. أدخل .. عليك الله
Author: خالد علي محجوب المنسي
Date: 09-04-2008, 08:56 PM
Parent: #411
القراف : هو وعاء من الجلد ( جراب لحمل الحبوب )
العسين : هو نبات أخضر ينبت عقب المطر وأيضاً يعني بها الأرض المنخفضة
والذي تقصده أنت يا أبارو هو السعن وعادة بكون من جلد الماعز الصغير ويخش فيه الروب وتتكون الفرصة ومنها ينتج السمن والغباشة وهي الروب بعد الخش وإستخراج الفرصة
|
Post: #413
Title: Re: بس .. أدخل .. عليك الله
Author: Muna Khugali
Date: 09-04-2008, 09:21 PM
Parent: #412
كل سنه وانتو طيبين يا شباب..
تصوموا وتفطروا علي خير..
|
Post: #414
Title: Re: بس .. أدخل .. عليك الله
Author: خالد علي محجوب المنسي
Date: 09-05-2008, 07:44 AM
Parent: #413
Quote: كل سنه وانتو طيبين يا شباب..
تصوموا وتفطروا علي خير.. |
وأنت طيبة الأخت الفاضلة منى خوجلي وتصومي وتفطري على خير
ومالك بتقرطعي في العصير دا قبل الأذان
وشكرا كتير على المرور الرمضاني البهي
تحياتي ومودتي
______________________
أها يا أبارو
تقرطعي ... أو تقرطع .... ؟؟
|
Post: #415
Title: Re: بس .. أدخل .. عليك الله
Author: خالد علي محجوب المنسي
Date: 09-05-2008, 04:23 PM
Parent: #414
سيد الرايحا بفتش خشم البقرة
وهذا يعني ان ألإنسان لما يضيع منه شئ يكون يبحث وحتى تلك الاماكن التي بعيد أن يكون بها ما ضاع منه ..
|
Post: #416
Title: Re: بس .. أدخل .. عليك الله
Author: خالد علي محجوب المنسي
Date: 09-05-2008, 09:11 PM
Parent: #415
البعيد عن العين بعيد عن القلب
رغم أنه من الأمثال لكني لا أؤمن به بقول
البعيد عن العين عامر في القلب
|
Post: #417
Title: Re: بس .. أدخل .. عليك الله
Author: خالد علي محجوب المنسي
Date: 09-05-2008, 09:56 PM
Parent: #416
البــيتو من قزاز ما بجدع الناس بي الحِجارة
___________________________
يا أبارو البنينة
شنو ؟
|
Post: #418
Title: Re: بس .. أدخل .. عليك الله
Author: خالد علي محجوب المنسي
Date: 09-06-2008, 08:33 AM
Parent: #417
قالوا أهل المثل
العوجا بايتا مقيلة
ويعني أن الحال أعوج تب
________________________ أبارو تكنو : يعني شنو
|
Post: #419
Title: Re: بس .. أدخل .. عليك الله
Author: خالد علي محجوب المنسي
Date: 09-06-2008, 04:32 PM
Parent: #418
العُزاز بينين ما بدوروا ضــــو
___________________________ وينك يا المسنوح مقطوع الطارئ يا أبارو
|
Post: #420
Title: Re: بس .. أدخل .. عليك الله
Author: خالد علي محجوب المنسي
Date: 09-06-2008, 08:42 PM
Parent: #419
الكلب بحاذر لمكان ضرب ضنبو
المعنى اي أن الكلب أكثر شئ يعمل حسابه عندما يرقد ..أول شئ يفعله ينظر للمكان الذي سوف يضرب فيه ذيله ..
والمثل يضرب أن الإنسان يعمل ألف حساب للشئ الذي من وراءه رزقه مثلاً أو الباب الذي يأتيه منه خير
|
Post: #421
Title: Re: بس .. أدخل .. عليك الله
Author: خالد علي محجوب المنسي
Date: 09-06-2008, 08:44 PM
Parent: #420
ويقال للإنسان الكذاب مثل
دا يقول ليك :
ناس القبور وقفوا طابور
|
Post: #422
Title: Re: بس .. أدخل .. عليك الله
Author: خالد علي محجوب المنسي
Date: 09-07-2008, 08:54 AM
Parent: #421
لحين ميسرة
|
Post: #423
Title: Re: بس .. أدخل .. عليك الله
Author: خالد علي محجوب المنسي
Date: 09-07-2008, 09:04 AM
Parent: #422
قالوا أهل المثل
الجمل ما بشوف عوجة رقبتو
اي الإنسان لا يرى عيوبه
|
Post: #424
Title: Re: بس .. أدخل .. عليك الله
Author: سلمى الشيخ سلامة
Date: 09-07-2008, 09:23 AM
Parent: #423
اها يا خالد اخوى جيتكم ومعاى كلام عن رمضان
الحرامية فى نهار رمضان وحات ابو ادريس الشياطين مطلوقين فى نهار رمضان ، قولو لى كيف ؟ يعنى الحرامى ما بعرف رمضان ؟ ولا ما بعرف الله ؟ جنس زول يشتكى من السرقة فى نهار رمضان ، السبب شنو يعنى انها بتزيد معدلات السرقة عشان الواحد بكون صايم ودايخ من الحر ؟ يوم مرقت من مكتب الجريدة ويا مؤمن يا مصدق شنيطتى فوق ضهرى ، وماشة لغاية ما وصلت المواصلات ، فجأة واحد من سواقين الحافلات جرّ الحافلة حقتو وبقيت مقفولة فى النص بين الحافلتين ، وما حسيت بى جنس زول فى ضهرى ، لمن طلعت الحافلة بالصدفة ركبت اختى معاى وتشيل وتقول لى ( نضارتك وقعت ما حاسة بيها؟ ) تبنت الشنطة لقيتا منشولة نشلة عدوك لا موبايل لا محفظة ، والحمد لله انها ركبت فى نفس الحافلة اظنى كنت لليوم واقفة فى الشارع ، المهم انو الزول الما عديل دا سرقنى وفى نص النهار فى رمضان ، مغستى ما على الحاجات السرقا ، لكين فى الفكرة وضعف سيدها ، يعنى السرقة من الاشياء المبغوضة ، والمستهجنة كان فى الدين وكان فى الدنيا ، من الله خلق الناس فيهن الضعيف وفيهن القوى ، فيهن الامين وفيهن الحرامى ، دحين الحرامية كترو فى البلد ، كل زول يحكى ليك كيف تمت سرقتو ، تحتار فى الدقة والشطارة والحرفنه ، يعنى بقينا مضرب مثل فى السرقة ، طيب كل شى عندو سبب ، وعندو نتيجة ، بالاول السرقة ليه اتفاقمت وبقت عندها اصول وثوابت ، هل فى سبب رئيسى ؟او فرعى ؟ الاتنين موجودات الاثر الاول فى الحرب ، ومعروف انه الحروبات بتنتج انماط بشرية عندها مواصفات متعددة وعشان كده فى حاجة اسمها اعادة تاهيل ، ودا برضو بنطبق على ناس الكوارث وديل الناتج التانى فى البلد ، يعنى الحرب لمن وقفت ما اتصدينا لمعالجة ما يمكن ان تنتجه ، بمعنى فى ناس ما مؤهلين اجتماعيا عشان ينصهروا فى المجتمع المدينى وما عندهم قابلية لاى نوع من انواع التحضر ، لذلك بيلجأوا لنفث احقادهم بصور عديدة وهى ما احقاد بالمعنى العميق للكلمة بقدرما تراكمات من اثر الحرب ، والتحول النفسى البتم فيها ، اها زى ديل ما خلينا ليهن بالنا طوالى ( توووشك ) دخلوا مجتمع مختلف عن الكانوا عايشين فيهو ، ما عندهم وسائط حياة ولامعرفة بمجتمع جديد دخلوا فيهو ، لمن اتحاصرو ما بقى قدامن غير الدخل السريع ودا بجى من وين ؟ ياهو الختف والسلب ونحنا الملامين لاننا ما ختينا بالنا للحاجات الصغيرة البعد داك بتيقى كبيرة ، بمعنى انه الجريمة حتبقى جزء من مكونات المجتمع للاسف ، ودا الحاصل ، ودا نتيجة للفقر والفقر بجيب الافكار السيئة والافكار السيئة بتنعكس على المجتمع والمجتمع ببقى مفكك والتفكك نتيجتو الحتمية البنشوفوا بيناتنا ، والحادث الصغير بجيب اخوانو واخوانو القتل الفى الشوارع الشايفنو دا ، ما مجانا يعنى يكون فى معدل جريمة عالى فى البلاد ، والبسرق الصغير باكر بسرق الجمل بما حمل ، وبتنتفى الامانة من بين الناس والاخلاص والنزاهة ، وبتكتر الرشاوى ، والضرب التحت الحزام وهيصة ، دحين يا ناس الرعاية الاجتماعية دا شغلكن ، اعيدوا تأهيل الناس المشردين كان من الحرب او الكوارث ، ولانو ناس الحيكومة ما بتحصل ليهن الحاجات الصغيرونه دى ما بحسوا بيهالكين نحنا ناس كشما مشى ديل مغضوب علينا ومكتوب علينا اننا نشوف الويل من جنس ناس عفاريت رمضان ديل ودعتكن الله والسلامة حالكم والامان مسداركم
|
Post: #425
Title: Re: بس .. أدخل .. عليك الله
Author: خالد علي محجوب المنسي
Date: 09-07-2008, 09:30 AM
Parent: #424
Quote: الحرامية فى نهار رمضان وحات ابو ادريس الشياطين مطلوقين فى نهار رمضان ، قولو لى كيف ؟ يعنى الحرامى ما بعرف رمضان ؟ ولا ما بعرف الله ؟ جنس زول يشتكى من السرقة فى نهار رمضان |
سلمى كل سنة وأنتِ طيبة رمضان كريم دحين أنا لاقيتك في رمضان دا ؟؟
ديل يا سلمى شياطين الإنس وهم أخطر من شياطين الجن اللذين أصفدهم الله في شهر رمضان
تحياتي ومودتي
|
Post: #426
Title: Re: بس .. أدخل .. عليك الله
Author: خالد علي محجوب المنسي
Date: 09-07-2008, 09:48 PM
Parent: #425
عايرا وأدوها صوت
العايرا هي البهيمة اي كانت ( الشاردة )
|
Post: #427
Title: Re: بس .. أدخل .. عليك الله
Author: خالد علي محجوب المنسي
Date: 09-08-2008, 08:00 AM
Parent: #426
دي الفلهمة العورا وشيل البطارية في القمرة
زي سلمى سلامة مسوية في خشم بابا في بلاد اليانكي طاقة تتناول بيها اللبن والجرائد
|
Post: #428
Title: Re: بس .. أدخل .. عليك الله
Author: خالد علي محجوب المنسي
Date: 09-08-2008, 03:58 PM
Parent: #427
ما بحك جلدك إلا ضفرك
اي أن الأمر يهم فقط الذين يعنيهم
|
Post: #429
Title: Re: بس .. أدخل .. عليك الله
Author: خالد علي محجوب المنسي
Date: 09-09-2008, 07:08 PM
Parent: #428
لحين ميسرة
|
Post: #430
Title: Re: بس .. أدخل .. عليك الله
Author: ممدوح أبارو
Date: 09-09-2008, 08:05 PM
Parent: #429
منسيناالحبيب الكلام كتر علي شديد في غيبتي دي
كدي نزاكرو نجيك صادين
|
Post: #431
Title: Re: بس .. أدخل .. عليك الله
Author: خالد علي محجوب المنسي
Date: 09-09-2008, 08:44 PM
Parent: #430
Quote: كدي نزاكرو نجيك صادين |
ذاكر وتعال لينا يا الحبيب أبارو نحن في إنتظار روائعك يا جميل
تحياتي
|
Post: #432
Title: Re: بس .. أدخل .. عليك الله
Author: خالد علي محجوب المنسي
Date: 09-10-2008, 07:35 AM
Parent: #431
لحين ميسرة
|
Post: #433
Title: Re: بس .. أدخل .. عليك الله
Author: خالد علي محجوب المنسي
Date: 09-10-2008, 04:17 PM
Parent: #432
الحسنة في المنعول زي الشرا في القندول
_____________________ أبارو انانة وما إتلومتا أنت وسلمى سلامة
التصبر لي عاملة تفتا دي
|
Post: #434
Title: Re: بس .. أدخل .. عليك الله
Author: خالد علي محجوب المنسي
Date: 09-10-2008, 09:51 PM
Parent: #433
كل زول بعجبو الصارّي
_______________________ الناس بي المكارم والشِعار إتباهو وأمشي الزول فِطرتو حيب مرباهو عادة جِدو عادتو ونسل أباهو نباهو إلبس توب قبيلتو إن دارو ولا أباهّو
|
Post: #435
Title: Re: بس .. أدخل .. عليك الله
Author: خالد علي محجوب المنسي
Date: 09-11-2008, 07:48 AM
Parent: #434
أمها ميتّا وأبوها مشى الحجاز
وهذا المثل يضرب للإنسان الذي لا رغيب ولا عتيد عليه
|
Post: #436
Title: Re: بس .. أدخل .. عليك الله
Author: ممدوح أبارو
Date: 09-11-2008, 08:12 AM
Parent: #435
Quote: الحسنة في المنعول زي الشرا في القندول
_____________________ أبارو امانة ما إتلومتا أنت وسلمى سلامة
التصبر لي عاملة تفتا دي |
أها أوعي يكون المثل الفوق ده عانينا؟ (شنو ليك في الوشوش دي)
وبت سلامة اليومين دي ما تسألها بت الربيع شوشت رادارها والله إتلومنا وقاطعين الدرب عدييل بس النت اليومين ديل معكلت معانا بنجيييييييك
|
Post: #437
Title: Re: بس .. أدخل .. عليك الله
Author: خالد علي محجوب المنسي
Date: 09-11-2008, 05:06 PM
Parent: #436
Quote: وبت سلامة اليومين دي ما تسألها بت الربيع شوشت رادارها |
الله شكيت بت الربيع علي الله كان خربت رويس البنية ذكرتا العرس والدلاليك وشلهتت رويسا
|
Post: #438
Title: Re: بس .. أدخل .. عليك الله
Author: خالد علي محجوب المنسي
Date: 09-11-2008, 08:40 PM
Parent: #437
الحنين بِعاود .. والضرس بِتاور
____________________ الزول في الرُقاد شِيقو البريحو بخبرو والزول البليد بي إيدو يحفر قبرو
|
Post: #439
Title: Re: بس .. أدخل .. عليك الله
Author: خالد علي محجوب المنسي
Date: 09-12-2008, 07:55 AM
Parent: #438
يقول ليك الزووول دا
لا في العير لا في النفير
اي هذا الشخص ممحوق لاتجده في الحارة أبداً
العير هو وقت الفزعة
النفير هو يوم التكافل التعاضد لقضاء مهمة الناس مجتمعة وإيد مع إيد تجدع بعيد
وممحوق اي ما منه خير
|
Post: #440
Title: Re: بس .. أدخل .. عليك الله
Author: خالد العبيد
Date: 09-12-2008, 02:38 PM
Parent: #1
Quote: والتبسا دي وقفت لي |
التبس نوع من القش الجاف
صايمين صيام الضب ولا السحلية؟
|
Post: #441
Title: Re: بس .. أدخل .. عليك الله
Author: ممدوح أبارو
Date: 09-12-2008, 03:24 PM
Parent: #440
Quote: التبس نوع من القش الجاف
صايمين صيام الضب ولا السحلية؟ |
ود العبيد ركضان كريم
أكيد صيام السحلية الحدو المغربية
ما صيام الضب البلقاه كلو جــب
|
Post: #442
Title: Re: بس .. أدخل .. عليك الله
Author: خالد علي محجوب المنسي
Date: 09-12-2008, 04:51 PM
Parent: #441
Quote: التبس نوع من القش الجاف |
التبس والحنقوق كلها أنو من القش الجاف
|
Post: #443
Title: Re: بس .. أدخل .. عليك الله
Author: خالد علي محجوب المنسي
Date: 09-13-2008, 11:15 AM
Parent: #442
البِلد المحن .. لابد يلولي صُغارا
______________________ كيف أنا اعيش وصبري وللا مودع وسببي الرُخرخ القام من سغير مِتفدع
|
Post: #444
Title: Re: بس .. أدخل .. عليك الله
Author: خالد علي محجوب المنسي
Date: 09-13-2008, 12:25 PM
Parent: #443
التور إن وقع بتكتر سكاكينو
___________
ابارو وسلمى سلامة والله بالغتو والله
|
Post: #445
Title: Re: بس .. أدخل .. عليك الله
Author: خالد علي محجوب المنسي
Date: 09-14-2008, 10:47 AM
Parent: #444
إن غلبك سدها .. وسع قدها
_______________________ الشكرية جو لحقوها حارا وباردا خلو المك زعل حالف يعقر الواردا
|
Post: #446
Title: Re: بس .. أدخل .. عليك الله
Author: خالد علي محجوب المنسي
Date: 09-14-2008, 08:38 PM
Parent: #445
ريسين بغرقوا المركب
______________________
الناس في العِروض ما تقيسا بي تيبانا
|
Post: #447
Title: Re: بس .. أدخل .. عليك الله
Author: خالد علي محجوب المنسي
Date: 09-15-2008, 07:44 AM
Parent: #446
العين ما بتعلا علي الحاجب
___________________________ وحبيب الروح ما بتعادّا
|
Post: #464
Title: Re: بس .. أدخل .. عليك الله
Author: خالد علي محجوب المنسي
Date: 09-19-2008, 02:18 PM
Parent: #446
.
|
Post: #448
Title: Re: بس .. أدخل .. عليك الله
Author: سلمى الشيخ سلامة
Date: 09-15-2008, 08:09 AM
Parent: #444
Quote: ابارو وسلمى سلامة والله بالغتو والله |
خالد الحبيب العين ما بتعلى على الحاجب وحبيب الروح ما بتعالى وحات سيدى وسيدك مشلهته من الصيام وال(سقط) اجارك الله برد لمن غلط ومطر حاميانا الرعده من النفس النعمننا خوافين من تالا الرعد ووكتين يشلع البرق عليك امان الله البدن يتراجف متل مرقة الضلافين اها دا ما عذرا بييييييين لكين قلت نجيكم وايدى مليانة قول خير
ابغض الحلال البنية حلاتا متل صباح العافية جاتنى ووشها مختوف ، الوش الكان متل عافية الحياة مالك يا الحليوة ؟ قالت لى ياخالتى ستنا انتى ما بتعرفينى لكين بعرفك ، ودايرة احكى ليك سببى ومشكلتى قلت ليها قولى ــ الحكاية طويلة بدت من كم سنة ، كنت تلميذة فى المدرسة الثانوية ، وزى ما بقولوا اهلنا كنت اسمح واحدة فى اخواتى ، ما اكبر واحدة ، لكين ممكن تقولى اسمح واحدة فيهن ، وكنت شاطرة فى المدرسة وعندى طموح ، لكين طموح انى القى زول يقدر يعيشنى فى وضع كويس ، يعنى زى ما تقولى شايفة روحى ، المهم فى سنة تانية جا ود عمى من السفر ، كان عايش فى السعودية زمن طويل واول ما شافنى قال يعرسونى ليهو ، طبعا طرت من الفرح رغم انه اكبر منى كتير ، لكين قلت فارق السن مامهم المهم انه اعيش كويس والقراية ملحوقة عملنا الزواج فى فترة وجيزة جدا ، قعد معانا شهر وسافر ، الكلام دا تم ليهو تلاته سنين ، فى الفترة القصيرة دى كان نصيبى الطفل الشايفاهو معاى دا ، هسى عمرو تلاته سنين ولغاية الان ما شاف ابوه ، كل ما يتكلم فى التلفون يقول جاى بعدشهر فى وشهر فى شهر فى شهر تمت تلاته سنين ، لا جا لارسل مصاريف ، وزى ما قلت ليك ، ما كنت مخططة لحياتى تمشى كده ، لكين غصبا عنى ، المهم انى رجعت المدرسة وبقيت ادرس من جديد ، خلصت الثانوى ، وهسى شغالة فى شغلانة ما عليك بيها ، لكين بتوفر لى ولى ولدى حق الحياة فى اقل درجة ممكنة ، بقيت افكر بس فى الدراسة ، ولانها مصاريف كتيرة اضطريت ابيع كل دهبى الكان جابوه لى فى الزواج عشان اقدم للجامعة ، ونجحت بواسطة زول قريبنا فى جامعة من الجامعات الجديدة الكتيرة دى لقى لى فرصة ،دخلت ولى هسى سنه كاملة ، مشيت كويس الحمد لله ، لكين هو ما جا والزمن ماشى طبعا، وهسى ما دايرة حاجة الا يدينى ورقتى عشان اشوف مستقبلى مع زول تانى طبعا دى قصة الواحد بسمعا مئات المرات فى السودان ، امكن التفاصيل تختلف لكين الواقعة ياها ذاتا ، الواحد يجى ويتزوج بنية ويمشى ، يعنى انت ممكن تتزوج لكين كمان الزواج دا ما عندو شروط ، هسى متل البنية دى ، الحمد لله انها بقت شاطرة وعرفت تستغل الظرف كويس لمصلحتا ، ورجعت تقرا تانى ، لكين فى العشرات او المئات ما قادرين يتصرفوا ، مش لانهن ما قادرات او عاجزات ، لكين لانه الظروف عندهن صعبة يعنى واحدة فى قرية نائية لا فيها مدرسة ولا فيها اول ولا تانى تعمل شنو ؟؟ الكلام دا موجعنى فى قلبى والبنيات بكتبن فى الجرايدعن مشاكل المطلقات وهى كتيرة لكين المطلقات ديل ما هن براهن العندهن مشاكل ، زى البنية دى الحكت حكايتا ، دى لا مطلقة لا زولة عايشة مع زوجها ، يعنى معلقة ، وكتلوك ولا جوك ، يعنى الواحدة ان بقت مطلقة عديل اخير من نوم الديك فى الحبل دا ، لا هى نايمة مع الناس ولا هى صاحية بى ارادتا ، حاجة مجوبكة كدى ، المعنى يعنى بندور ناس قانون الاحوال الشخصية يورونا رايهن فى الحكاية دى شنو ؟ وكيف تنحل ؟ ما قلنا البنات ما يتزوجوهن لكين الزواج دا ما التزام واحترام للزوجة والنفس والاهل ، نعمنو الزول ما بتزوج عشان خلاص يقولو والله اتزوج كفى ، لكين الزواج ستره وصلاح للاتنين ، دحين يعنى يا ناس الاحوال الشخصية افتونا يرحمكم الله
|
Post: #449
Title: Re: بس .. أدخل .. عليك الله
Author: خالد علي محجوب المنسي
Date: 09-15-2008, 05:16 PM
Parent: #448
Quote: خالد الحبيب العين ما بتعلى على الحاجب وحبيب الروح ما بتعالى وحات سيدى وسيدك مشلهته من الصيام وال(سقط) اجارك الله برد لمن غلط ومطر حاميانا الرعده من النفس النعمننا خوافين من تالا الرعد ووكتين يشلع البرق |
الرعد الينتف نيش خالد ود العبيد
الجنى نيشو زي نيش الجن المحورر
والله بس من شوقنا ليك يا سلمى
اطفي الانوار وامرقي بطارية التلفون وقت الرعد كويس
وقولي حوالينا ولا علينا خليها تقع مدني عند ناس أبارو
بقدرو عليها تحياتي سلمى
|
Post: #450
Title: Re: بس .. أدخل .. عليك الله
Author: ممدوح أبارو
Date: 09-15-2008, 08:45 PM
Parent: #449
Quote: طبعا دى قصة الواحد بسمعا مئات المرات فى السودان ، امكن التفاصيل تختلف لكين الواقعة ياها ذاتا |
أستاذة سلمي الموضوع منتشر ذي ما تفضلتي بس لمتين؟
Quote: وقولي حوالينا ولا علينا خليها تقع مدني عند ناس أبارو
بقدرو عليها
|
نحنا عشان بت الشيخ سلامة خليه يضربنا الزيف والشعفوفه
بس إت الفيك إنعرفت
|
Post: #451
Title: Re: بس .. أدخل .. عليك الله
Author: خالد علي محجوب المنسي
Date: 09-15-2008, 08:55 PM
Parent: #450
Quote: نحنا عشان بت الشيخ سلامة خليه يضربنا الزيف والشعفوفه
بس إت الفيك إنعرفت |
بريدك يا أبارو
والبتجي من السماء تتلافاها الأرض وأنت الدُخري يا يابا
تسلم وتقعد لينا شدرة موية
تحياتي ومودتي وأمسحها لينا في وشنا كان حقصت
|
Post: #452
Title: Re: بس .. أدخل .. عليك الله
Author: ممدوح أبارو
Date: 09-15-2008, 09:05 PM
Parent: #451
Quote: بريدك يا أبارو
والبتجي من السماء تتلافاها الأرض وأنت الدُخري يا يابا
تسلم وتقعد لينا شدرة موية
تحياتي ومودتي وأمسحها لينا في وشنا كان حقصت |
ياخ ماتقول كده حبيت أمازحك ماأكتر ربنا يديم المحبة والمودة
عارف اليومين دي فارق علي الدبيب شديد
|
Post: #453
Title: Re: بس .. أدخل .. عليك الله
Author: خالد علي محجوب المنسي
Date: 09-15-2008, 09:14 PM
Parent: #452
Quote: ياخ ماتقول كده حبيت أمازحك ماأكتر ربنا يديم المحبة والمودة
عارف اليومين دي فارق علي الدبيب شديد |
المشتهي الحنطير يطير يا أبارو
___________________________ والداير الغنى بعمل حساب لي فقرو
|
Post: #454
Title: Re: بس .. أدخل .. عليك الله
Author: يوسف الخضر
Date: 09-15-2008, 09:39 PM
Parent: #453
الاخ خالد المنسي.. سلام طبعا انا يادووووب برلوم جدييييييد في المنبر،،، وده تاني مشاركة في بوست..عليك الله اقبلها كدي علي علاتها.. عربون محبة،، اديك المثل والدعاء... وبخلي ليك التفسير..والشرح..
تبقي غابة والناس حطابة،،،، ده دعوة درجت عليها الوالدة تدعيها لي ..في اجازتي الاخيرة ده قلت ليها عليك الله يمة.. قصة الناس حطابة ده بلاش منها لانو حصل لينا تصحر..قامت حبوبتي قالت لي: تبقي بحر تغرف منو الايادي!!!!!!!!!! وتبقي اسد تاكل من تحتو الافاعي!!!!!!!!!!!!! المثل: وده كان بقولو لي ابوي لما كنا بنتأخر في العمل النقابي ونرجع بالليل ايام اتحادات الطلاب.. الهامل أولي بيهو الحيكومة!!!!!!!!!! فتكم بي عافية شباب.
|
Post: #455
Title: Re: بس .. أدخل .. عليك الله
Author: ممدوح أبارو
Date: 09-15-2008, 09:39 PM
Parent: #453
Quote: والداير الغنى بعمل حساب لي فقرو |
قالو جحا الفقر ضربو ضرب موجع
وفي أثناء ماهو ماشي وبيفكر كيف يلملو قرشين للزمن
لقي ليه حبة عيش (زرة) ومعها حبة زبادة (حجر رائحته كالمسك يستخلص من قط الزباد)
قام شالن ومشي السوق ويغني:
جيت أتقز وأنقز فوق درب الجلابه لقيت لي حبة عيشة وحبة زبادة
دحين ما بجيبن لي جدادة؟
لمن وصل سوق الجداد عزل أسمن جداده ورماهن قداما الجداده بلعتن
وزولك وقف ألف أحمر علا يدوه حبتينو؟
الجماعه فكاً للإشتباك أدوه الجداده
صاحبك ما قنع شال الجداده ويغني
جيت أتقز وأنقز فوق درب الجلابه لقيت لي حبة عيشة وحبة زبادة جابن لي جدادة دحين الجدادة ما بجيب خروف؟
مشي سوق الضان ورمي الجدادة في نص الزريبة ، والضان مو عوير خفج الجدادة كتلها
وزولك وقف ألف أحمر علا يدوه جداتو؟ الجماعه فكاً للإشتباك أدوه خروف
صاحبك ما قنع شال الخروف ويغني:
جيت أتقز وأنقز فوق درب الجلابه لقيت لي حبة عيشة وحبة زبادة جابن لي جدادة الجدادة جابت خروف الخروف ما بجيب بقرة؟
شال الخروف ومشي زريبة المواشي وختاه في نص البقر ، البقر دفس الخروف قطع نفسو
وزولك وقف ألف أحمر علا يدوه خروفو؟ الجماعه فكاً للإشتباك أدوه بقرة
شال بقرتو متراوح أهلو ، في الشارع لاقاهم كلب البقرة طفرت(هاجت) وقطعت الحبل
وترست لمن وفعت علي رقبتا كسرتا!!!
طولت عليكم صاح؟
|
Post: #456
Title: Re: بس .. أدخل .. عليك الله
Author: يوسف الخضر
Date: 09-15-2008, 09:44 PM
Parent: #455
الاخ خالد المنسي.. سلام طبعا انا يادووووب برلوم جدييييييد في المنبر،،، وده تاني مشاركة في بوست..عليك الله اقبلها كدي علي علاتها.. عربون محبة،، اديك المثل والدعاء... وبخلي ليك التفسير..والشرح..
تبقي غابة والناس حطابة،،،، ده دعوة درجت عليها الوالدة تدعيها لي ..في اجازتي الاخيرة ده قلت ليها عليك الله يمة.. قصة الناس حطابة ده بلاش منها لانو حصل لينا تصحر..قامت حبوبتي قالت لي: تبقي بحر تغرف منو الايادي!!!!!!!!!! وتبقي اسد تاكل من تحتو الافاعي!!!!!!!!!!!!! المثل: وده كان بقولو لي ابوي لما كنا بنتأخر في العمل النقابي ونرجع بالليل ايام اتحادات الطلاب.. الهامل أولي بيهو الحيكومة!!!!!!!!!! فتكم بي عافية شباب.
|
Post: #457
Title: Re: بس .. أدخل .. عليك الله
Author: خالد علي محجوب المنسي
Date: 09-15-2008, 09:45 PM
Parent: #455
والله .... الله لا قرن زول مع جحا ولا ودشيقوق
|
Post: #458
Title: Re: بس .. أدخل .. عليك الله
Author: ممدوح أبارو
Date: 09-15-2008, 10:02 PM
Parent: #457
Quote: والله .... الله لا قرن زول مع جحا ولا ودشيقوق |
الله يجيبو بي حالتو دي قبلانينبو
عارف يامنسي جحا ده عندو نوادر بلغة أهلنا
مبالقة حأحاول ألملم منها قدر المستطاع بإذن الله
|
Post: #459
Title: Re: بس .. أدخل .. عليك الله
Author: خالد علي محجوب المنسي
Date: 09-16-2008, 05:01 PM
Parent: #458
Quote: عارف يامنسي جحا ده عندو نوادر بلغة أهلنا
مبالقة حأحاول ألملم منها قدر المستطاع بإذن الله |
ابارو حاول أعمل تسجيل
لانو بالصوت بتكون أحلى
وسماح تقدر تفهمها
________________________
وقالوا أهل المثل
السواي مو حداث
|
Post: #460
Title: Re: بس .. أدخل .. عليك الله
Author: خالد علي محجوب المنسي
Date: 09-17-2008, 09:28 PM
Parent: #459
قالوا فلاحة العربي يجلس فرقو ويجلب كلبو أو يربط درب وإرجا الإضينة يسلبّو الهيلهم حقيقة وفيها ما بنغلبّو فالحين في القنيص يرعو ويعرفو يحلبّو
ديل ناس ودشيقوق
|
Post: #461
Title: Re: بس .. أدخل .. عليك الله
Author: Ibrahim Mohamed
Date: 09-18-2008, 01:42 AM
Parent: #460
بنرمي التماسي ورمضان كريم
ايوخليل
|
Post: #462
Title: Re: بس .. أدخل .. عليك الله
Author: خالد علي محجوب المنسي
Date: 09-18-2008, 08:01 AM
Parent: #461
Quote: بنرمي التماسي ورمضان كريم |
ايوخليل وعليكم كريم رمضان يا أبو خليل
وتحيتنا سلااام طيب لك أرمي وجر التماسي ونحن في رجاك قاعدين
وشكراً كتير علي المرور
وتحياتي ومودتي
|
Post: #463
Title: Re: بس .. أدخل .. عليك الله
Author: خالد علي محجوب المنسي
Date: 09-18-2008, 08:09 PM
Parent: #462
وإذا هددك واحد يمكنك أن تقول له
انت سوي عوسك ونحن بنسوي عوسنا
|
Post: #465
Title: Re: بس .. أدخل .. عليك الله
Author: خالد علي محجوب المنسي
Date: 09-19-2008, 10:53 PM
Parent: #463
الميتى ما بتسمع الصياح
|
Post: #466
Title: Re: بس .. أدخل .. عليك الله
Author: خالد علي محجوب المنسي
Date: 09-21-2008, 05:29 PM
Parent: #465
ركاب السروج وقييع
_____________________
وين يا أخوانا بت سلامة والسيجمان أبارو
|
Post: #467
Title: Re: بس .. أدخل .. عليك الله
Author: ممدوح أبارو
Date: 09-21-2008, 06:15 PM
Parent: #466
Quote: وين يا أخوانا بت سلامة والسيجمان أبارو |
حاضرين قالو جلداً مو جلدك جر فيه الشوك
التسوي كريت في القرض تلقي في جلدا
وجحا قال بعد مرقت من بكن أمي إنشاء الله تنسد
والبحرشو ما بكاتل والبكا لحررو أهلو
|
Post: #468
Title: Re: بس .. أدخل .. عليك الله
Author: خالد علي محجوب المنسي
Date: 09-21-2008, 07:16 PM
Parent: #467
Quote: وجحا قال بعد مرقت من بكن أمي إنشاء الله تنسد |
والمثل يضرب للإنسان الذي يهمه فقط أن يقضي قرضه ولا يهمه أن تسود في وجوه الأخرين
( بعدما مامرقت من بطن أمي إن شاء الله تنسد )
|
Post: #469
Title: Re: بس .. أدخل .. عليك الله
Author: خالد علي محجوب المنسي
Date: 09-22-2008, 09:10 PM
Parent: #468
النفيسا فيها والقليب مابيها
|
Post: #470
Title: Re: بس .. أدخل .. عليك الله
Author: خالد علي محجوب المنسي
Date: 09-24-2008, 07:53 PM
Parent: #469
جوا يساعدو في دفن أبو .. دسّا المحافير
الطول فاقا والقصر عاقا
|
Post: #471
Title: Re: بس .. أدخل .. عليك الله
Author: ممدوح أبارو
Date: 09-24-2008, 08:04 PM
Parent: #470
Quote: الطول فاقا والقصر عاقا |
قر قر قر قر حقت سماح زاتا
والزارعنا في الارض اللجي يقلعنا
هيييع
|
Post: #472
Title: Re: بس .. أدخل .. عليك الله
Author: خالد علي محجوب المنسي
Date: 09-24-2008, 08:12 PM
Parent: #471
Quote: قر قر قر قر حقت سماح زاتا
والزارعنا في الارض اللجي يقلعنا
هيييع |
قر قر قر قر قر قر حقت أبوالقاسم ( حضرة المستشار )
الزارعها الله في الحجر بتقوم
تحياتي أبارو
|
Post: #473
Title: Re: بس .. أدخل .. عليك الله
Author: ممدوح أبارو
Date: 09-24-2008, 08:20 PM
Parent: #472
Quote: قر قر قر قر قر قر حقت أبوالقاسم ( حضرة المستشار )
الزارعها الله في الحجر بتقوم
تحياتي أبارو |
والممطورة ما بتبالي من الرش
والله ما شقالو حنكاً ضيعو
وتاني هييييع حقت شيقا
|
Post: #474
Title: Re: بس .. أدخل .. عليك الله
Author: خالد علي محجوب المنسي
Date: 09-25-2008, 08:56 PM
Parent: #473
Quote: والله ما شقالو حنكاً ضيعو |
وأسمع جنس الكلام دا يا أبارو
والله ما سوالّو طفلاً ما سقاهّو ورضعّوا إلا أسمعّوا يا رفاقة الرضاعة خشم بيوت والرباية خشم بيوت والمعذّب أخير إموت
|
Post: #475
Title: Re: بس .. أدخل .. عليك الله
Author: ممدوح أبارو
Date: 09-25-2008, 09:41 PM
Parent: #474
Quote: والله ما سوالّو طفلاً ما سقاهّو ورضعّوا إلا أسمعّوا يا رفاقة الرضاعة خشم بيوت والرباية خشم بيوت والمعذّب أخير إموت |
ود بادي؟
ياخ الراجل ده نضمو سمح وكلو حكم
|
Post: #476
Title: Re: بس .. أدخل .. عليك الله
Author: خالد علي محجوب المنسي
Date: 09-25-2008, 09:50 PM
Parent: #475
وقال
الوليد كان مبرجّل شن بسويّ وزي كليب جربان يهوّي يصبح والمصران مهوّي ويمسا والمصران مهوّي لا يبهرج لا يضوّي الولد كان يربّا قوّي عملة إسترليني سايرا يبقى صاروخ أرضي جوّي
|
Post: #477
Title: Re: بس .. أدخل .. عليك الله
Author: خالد علي محجوب المنسي
Date: 09-28-2008, 06:15 PM
Parent: #476
الشقي بلقى في الفشفاش عضم
ولحين ميسرة بنرجع لكم
|
Post: #478
Title: Re: بس .. أدخل .. عليك الله
Author: خالد علي محجوب المنسي
Date: 09-30-2008, 09:36 PM
Parent: #477
لحين ميسرة
وكل سنة وانتم طيبين
|
Post: #480
Title: Re: بس .. أدخل .. عليك الله
Author: خالد علي محجوب المنسي
Date: 10-05-2008, 08:05 PM
Parent: #478
الفيك بدربّو وود الناس أحقربّو
|
Post: #481
Title: Re: بس .. أدخل .. عليك الله
Author: خالد علي محجوب المنسي
Date: 10-06-2008, 07:33 AM
Parent: #480
لحين ميسرة
وكل سنة وأنتم طيبين
|
Post: #482
Title: Re: بس .. أدخل .. عليك الله
Author: خالد علي محجوب المنسي
Date: 10-08-2008, 07:39 AM
Parent: #481
الناس في العروض ما تقيسا بي تيبانة وما يهمك لباسهم والعروض عريانة هم حُراس رزق متل التكنّو أمانة زي أبل الرحول شايلا السقو وعطشانة
|
|