هذه هي أموال الجوعى:10مليارلحجب المواقع المنافية للعقيدة:(وحاجات2حامياني)!ـ

نعم سادتي
رصدت الهيئة العامة للاتصالات مايزيد عن هذا المبلغ لحجب المواقع المنافية للاخلاق والعقيدة
المنافية للاخلاق دي عرفناها
لكن المنافية للعقيدة دي شنو؟؟؟
يعني مثلا زي موقع الفكرة ممكن يكون ضمنها
وما بعيد سودانيز اون لاين ذاتو
ولبتين؟؟
سنة 5 قربت
والشغلانة ما مطلوقة
وبتحكما قوانين
واتفاقات دولية
يعني الـ10 مليار حقت الفول بتاعنا دي حاتا تروح شمار في مرقة
جاي ولا جاي
وما خفي أعظم
وياريت تدونا امثلة تانية
لسوء ادارة هذه النظام لاموال الجوعى من ابناء هذا الشعب
وانا عندي

بسم الله الرحمن الرحيم
ادارة تنسيق الدفاع الشعبي
المركز العام
في اطار تطوير تجربة الدفاع الشعبي تعلن منسقية الاعلام المركز العام عن مشروع ميراث أمة لتوثيق التجربة وترجو من جميع النظاميين والمجاهدين والمجندين وأسر الشهداء رفع مشاركاتهم من مذكرات وكتب ورسائل شهداء الى ادارات تنسيق الدفاع الشعبيعلى مستوى السودان في فترة لاتتجاوز 15 يوليو 2003 وقد رصدت المنسقية جوائز مالية قيمة للأعمال المتميزة

وين الجوعي ديل ياحبيب ؟؟؟؟؟؟؟؟
انها نفس الجعجعه والاسطوانه التي كنا نسمعها من 1991
ياجبيب سيب الكلام ده وامشي انتج وفيد البلد
خليك واقعي يازوول وانقل الحقايق غير منتفصه وملفقه
فاهمني ولا ازيدك؟
كان داير تناضل .. النضال ده ما محلوا ؟؟؟

بدون زعل
تحياتي

قبل سنوات مات الشاعر الفذ عمر الطيب الدوش
وبحسب شهادة الذين رأوه آخر مرة جائعا
في الوقت الذي كان راتبه في معهد الموسيقى والمسرح موقوفا لاسباب لا علاقة له بانتاجه فيه الذي لن يقدر عليه كل متخمي أموال الشعب من أذيال السلطة
(ولن أقول من أمثالك لأنني أختشي)
وأنا اسمي فتحي البحيري
واكتب الان من قلب المدينة الجائعةامدرمان
علم اليقين وعين اليقين وحق اليقين
وما (بخاف)زيك
لكن يبدو ان مثلك لا (يختشي)ـ!ـ

؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!

الأخ الكريم فتحي
لا بأس من محاولة حجب المواقع المنافية للأخلاق والعقيدة، وحقيقة هذه المواقع تشكل خطرا كبيرا على الشباب في السودان حيث نما إلى علمي أن بعض أماكن تصفح الانترنت هناك تسهم في هذا الأمر بنصيب كبير بتسترها بل ومساعدتها لزوار هذه المواقع المقصودة بالحجب، و قديما قيل معظم النار من مستصغر الشرر، هذا أمر لا خلاف عليه
أتفق معك على أهمية ترتيب الأولويات وبنود الصرف الحكومي ، وأختلف معك في الترتيب نفسه، فإنما الأمم الأخلاق ما بقيت
اتفق معك في أهمية التأكد من الحوجة الفعلية لهذا المبلغ الضخم وأن يصرف كله فيما خصص له، واختلف معك في ذكر موقع الفكرة فلبرما لم يكن مقصودا أصلا، وحتى إن كان مقصودا فنية حجبه أعلم بها الله
الخبر الذي أغاظني فعلا قرأته صباح الخميس بصحيفة الرأي العام الصادرة بالخرطوم، حيث أوردت نبأ مفاده أن وزير التجارة الخارجية كون لجنة للتحقيق في استيراد شحنة من البيض الفاسد من الهند، الذي أغاظني أن الوزير نفا علمه بعملية الاستيراد نفسها، كما أن سيادته كان من المفترض أن يحاسب بفتح السين لا بكسرها
يمكنك طرح وجهة نظرك بخصوص موضوع البوست عبر صحيفة الرأي العام فهذا أفيد، كما أن صوتك قد يصل للمسئولين، لمراسلتها موقع الصحيفة على الانترنت هو
http://www.rayaam.net

أحمد

يا أخ أحمد
انت خرجت بوعي او بدونه عن موضوعي الاساسي
النظام الحالي يضع كثيرا من الموارد في يده
في الوقت الذي يعجز فيه السواد الاعظم من الشعب الكريم صاحب هذه الموارد عن اطعام نفسه واطفاله
كنتيجة مباشرة لسياسات الظلم والافقار المتراكمة
ثم لا يحسن بع ذلك التصرف فيما نهبه من هؤللاء الجوعي
الكثيرون هنا يعلم خطل هذا الاتجاه من ثلاث نواح
اولا : لايمكن مهما اوتيت من قوة ومن حنكة ان تحجب المواقع الاباحية واتلفكرية والتجارب التي نراها في الامارات والسعودية تؤكد ذلك
ثانيا : علجلا او اجلا سيكون هذا الحجب عملا اجراميا بموجب قوانين التجارة الدولية
ثالثا: التعامل مع المواطنين بمنهج الوصاية والتعتيم والحجب والـ...لن تجدي في زمن الفضاء المفتوح والسفر السهل
انك لن تجعل مني ضصالحا باجباري على ذلك
وعودة على الجوع
آآآآآآآ
كيف ترى ان صرف هذه المبالغ موضوعيا
في ظل ان المعلم لا يجد قوت اسبوع واحد من مرتبه
المعلم الذي يجب ان يكون حجر زاويتنا في امثال هذه الحروب
؟؟؟
اتقوا الله

الأخ البحيرى
لا غرابة فى ذلك لأنه ليس المقصود بألمسـألة هى اخلاقيات الشباب السودانى التى اعتبرها من احسن الأخلاقيات مقارنة مع اخلاقيات غيرناولكن المقصود هو فتح باب للنهب والأسترزاق من اموال دافعى الضرائب من الموظفين والأرامل واليتامى
وماذا تقول عن مبلغ المليار دينار المطلوب ان توفرها البنوك للأحتفال بأعياد الأنقلاب الأسود ؟ودى طبعا سيتم توفيرها على حساب المساهمين المساكين الذين ينالهم فتات الفتات من ارباح اسهمهم بالبنوك
ولسـع

الأخ الكريم فتحي
على رسلك يا أخي، لم أخرج عن الموضوع أو هكذا أظن ، ثانيا أنا لم أدرس علم الاتصالات حتى يمكنني الجزم بإمكانية حجب المواقع أو عدمها، لكني أعلم أنه يمكن تعقب زوار هذه المواقع و تحديد أماكنهم بسهولة، ثالثا ذكرت في معرض ردك أن هذا الحجب سيكون عملا اجراميا بموجب قوانين التجارة الدولية، و إيه يعني
رابعا ليس في الأمر وصاية أو تعتيم، هل عندما تمنع أبناءك من مشاهدة قناة تلفزيونية بها من المشاهد الخليعة ما بها تكون قد أخطأت؟ رسولنا الكريم يقول كلكم راع وكلكم مسئول عن رعيته، خامسا اهملت بوعي أو بدونه إشارتي للتأكد من الحوجة لهذا المبلغ فعلا والتأكد من أوجه صرفه، سادسا هون عليك أخي لكأني أراك عصبيا بعض الشيئ فلست من الموالين للحزب الحاكم بالسودان وليس هناك ما يمنعني من ذكر ذلك، ما لم تكن دعاوى حرية المنبر مجرد شعارات
وأسال الله أن يجعلنا وإياكم من المتقين
أحمد

تحياتي
بسبب دخولي مقاهي الانترنت بضع مرات في الخرطوم ومشاهدتي لرواد تلك المقاهي من المواظبين وهم ينتمون لمرحلة عمرية معينة وكأم أيضا استطيع أن اقول انني موافقة تماما على الفكرة في العموم لحجب المواقع المنافية للآداب والعقيدة. وبرأي أن المنافية للآداب هي ذاتها المنافية للعقيدة ولا شنو يا فتحي بحيري؟

اما المبلغ المرصود فلا ادري ان كان مناسبا او مبالغا فيه هذه يفتي فيها العارفون بالتكلفة ولو اني لا امانع في دفع ما يلزم لحماية اولادي فهذه مسؤليتي وعلى فكرة تلك ليست فلوس الجوعي فقط بل حلالنا الذي دفعنا لأجله سنوات الغربة وكل ما تبعها من المرمطة وتمت جبايتها على اساس الزكاة والضرائب وبنود اخرى كثيرة لا دخل لنا بها

ما لفت نظري هو الموضوع الآخر (وهوفيما أعتقد لا صلة له بالموضوع الاول.. ولا هو بس غباي القال لي كدا؟) ْء

Quote: بسم الله الرحمن الرحيم ادارة تنسيق الدفاع الشعبي المركز العام في اطار تطوير تجربة الدفاع الشعبي تعلن منسقية الاعلام المركز العام عن مشروع ميراث أمة لتوثيق التجربة وترجو من جميع النظاميين والمجاهدين والمجندين وأسر الشهداء رفع مشاركاتهم من مذكرات وكتب ورسائل شهداء الى ادارات تنسيق الدفاع الشعبيعلى مستوى السودان في فترة لاتتجاوز 15 يوليو 2003 وقد رصدت المنسقية جوائز مالية قيمة للأعمال المتميزة

حدثنا عنه
هذه بادرة لها معان خطيرة في هذه المرحلة بالذات

شكرا ود الريح
وشكرا قلقو
وشكرا لنا
وشكرا رمانة
اولا ياود الريح انا ايضا اتاسف لكن يبدو اننا بعيدين عن الاتفاق
ان اتكلم من ناحية منهجية اكثر
وانت تتكلم عن الحدث من فوق
دا بالنسبة للاتصالات والحجب
انا برهنت على عدم جدوى الحجب بدول تتفوق علينا ماديا وبالتالي تقنيا وهي الأمارات والسعودية
لازال مواطنو تلك الدول في مهب ريح المواقع المنافية للهوية الثقافية على الرغم من همة الجهات الرسمية وفعلها الدءووب في هذا الاتجاه
او هذه هي الشهادات الواردة من هناك
وبعدين حكاية انه المسألة سوء ادارة مالية انت وافقت من بعيد لي بعيد كانك لا تدري بالحجم الكارثي للفقر والمسغبة في السودان مما يؤثر تأثيرا سالبا على العقيدة والاخلاق تفوق فاعليته تأثير المواقع الأجنبية مئات المرات
يعني بي صراحة الصدق أبعد عن تفكير المسئوليين الشموليين حقيقة وواقعا ونهج تفكير بعد الثريا عن الثرى
زد الى ذلك وفي ظل التهريج الذي يمارسه حكامنا يمكن تصنيف اي موقع مخالف للرأي على أنه منافي للعقيدة وهذه طامة أكبر
الشيء الثالث ان هؤلاء الذين لا يرون ابعد من ربطات أعناقهم لا يعرفون ان هذه المواقع هي سلع أو أفكار او منافذ ترويج لسلع على أقل تقدير
والاتجاه في العالم الان هو عكس ذلك : حرية انتقال السلع وعدم الحيلولة دون ذلك
وسنة 2005 سيدخل السودان في منظمة التجارة العالمية
ويصبح بالتالي ملزما بالقوانين والاتفاقات الدولية في هذا الشأن
وان لم تكن هناك نصوص مباشرة الان تجرم الحجب
فتوشك ان تكون
اتمنى ان تكون فهمت حرقتي على القروش التي كان يجب ان توجه الى دعم فول ملايين الفقرا
ويقيني ان هذه هي قطرة من بحر سوء الإدارة المالية
فضلا عن باب اخر كبير اسمه الفساد
ثانيا : يا رمانة الرابط بين الخبرين ان هؤلاء الحكام الراشدين لا ينهون ولن ينتهوا عن رصد أموال الشعب لتمويل أوهامهم وخزعبلاتهم وجهلهم الا ان يردعوا بافعال شعبية قوية وواضحة
ماممكن الناس تموت بالمئات والالاف نتيجة لنقص في الخدمات الرئيسية والاساسية من أكل وخدمات صحية وعلاجية
وناس يرصدوا جوائز لي روحهم من أموال هؤلاء الضحايا لأجل أكاذيبهم وخرافاتهم
انتو ما مصدقين انه في ناس في البلد دي قاعدين يموتوا من الجوع؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
ويخسروا اعز من الارواح لانهم لا يملكون ما يسدون به الرمق

فوق

فوق

فوق

فتحي بحيري
سلام
طيب نقول فهمنا العلاقة
بس لسه ما فهمنا الموضوع
ده خبر في جريدة؟
وبعدين انت رأيك شنو في الخبر ده في هذا التوقيت بالذات؟

وبما اني لقيت البوست قدامي، صلحت لي غلطة لغوية في رسالتي الفوق
شكرا ليك على فوق فوق فوق دي
لكن بصراحة فلقتنا بيها
تحياتي

اوكي رمانة اولا دا ما خبر دا إعلان يعني مدفوع عليه قروش من الاول
وسألتيني عن المغزى منه في هذه اللحظة بالذات
طيلة الفترة الفاتت والانقاذيين بتعاملوا مع حاجاتم الخاصة والحزبية وكأنها حاجات قومية
وكانوا بشوفو انه ما في فرق بين ما هو حزبي وبين ماهو سوداني
او كما قال قائلهم مرة (لبنت لبنت ما بنديها بغاث الطير)بتشديد الباء من اللبن وبغاث الطير ديل الزي وزيك وكل من هو ليس على فكرتهم الخواء والمعنى ان الموارد كترت عليهم وخلعتن وما بشمموها لي ناس قريعتي راحت اللي هم اصحابا الحقيقيين
والان بعدما أسفر الصبح لذي عينين أو كاد هم دايرين يلحقوا قوام قوام يعملوا حاجتين
اولا :يملكوا ماتبقى من اتباعهم اكبر قدر من الموارد بي سبب وبلاسبب عشان لما تجي الديمقراطية يكون عندهم القرش والتانيين لا
والشواهد هنا كثيرة والحمد لله انه بوقعنا على معلومات ما حارنها بشكل يومي
(وكان ما ناس قللوا البوستات ديل واقفين لي في حلقي والزمن وكداكان كتبت كترة حاجات)ـ
المهم دي حاجة
وثانيا : دايرين يخلدوا خرافاتهم في كتب متخيلين انهم بي الكتابة الكاذبة والمؤسطرة ممكن يجعل من فسيخ عهدهم الظلامي شربات بطولات وهمية
وفي الحالتين هيهات
فانا لهم بالمرصاد
والله المستعان

فأنا لهم بالمرصاد
خطير يا عبد الفضيل والله
فتحي بحيري
انا استغربت الخبر (الاعلان مدفوع الأجر) لأنه في (محاولات) سلام وافتضرت انه الناس تحاول الابتعاد عن نكأ الجروح بالنسبة لجميع الاطراف عسى ولعل الله يعجل بالفرج وتحقن الدماء رغم اني ما عارفة الفرج حيجي كيف مع عمو قرنق وعمو البشير بس طالما في أمل في حياة

ps. ما تآخد في بالك من بعض خربيشي هنا وهناك أنا زولة طيرة ساكت... عذرا

انا دي ما انا انا دي المجموع السوداني كله ولوانا وانت ما كنا عبد الفضيل لأمر ما
في غيرنا كتار ممكن يكونوا من الجواهم (وما تشيلي هم)والعفو يارمانة
ما تقولي علي روحك طيرة ساكت لان ممكن افهم من كلامك انك بتاخديني على قدر عقلي الصغير
المحيرني ومتحير

فوق

الايام ، الاحد 22-6
خمسة وعشرون ونصف مليار جنيه سوداني متاخرات العمال بالولايات
الخرطوم من مشاعر دراج
طالب أمين شئون الولايات بالاتحاد العام لنقابات عمال السودان ادم فضل دفع بقية المتاخرات للعاملين للأعوام 97-98-2000 م
وقال ادم فضل للصحفيين ان ست ولايات صرفت متاخراتها
للاعوام 97-98-2000م بنسبة 50% مشيرا الى أن المتاخرات تبلغ 25 ونصف مليار جنيه سددت منها حوالي 2و10 مليار جنيهفقط وتشمل ولاية الجزيرة جنوب دارفور غرب كردفان جنوب كردفان ولاية نهر النيلولاية النيل الأبيض وأكد ادم فضل أن الاتحاديبذل جهوده لدفع بقية المتاخرات
(انتهى)

السلام عليكم
ان كانت العشرة مليار تشبع اخينا ود البحيري فلا باس ان يضيع مراهقو السودان الصغار ...ولكن لا اظنها تشبع .....ياخي تحري الدقة في كتاباتك وما تستهلك نفسك اكتر من كدا
وبعدين السؤال المهم وانا في قلب الخرطوم الولاية ....اين الجوعى؟؟؟؟؟؟؟
والسلام

اقول لك حاجه بسيطه لفتت انتباهي في الفترة البسطيه القعدتها في السودان . لمن تطلع الشارع وتلقي اولاد الحله متلملمين للعشاء عارف لمن اقترح ليهم انه العشاء يكون فووول ومصلح ومن الواحه ولا الجان
( انتا ود امدر وبتعرف المحلات دي ) والله ما فاضل ليهم الا يدوني كف ويقولوا لك كيف نتعشي فوول !!!! اها تقول ليهم دايرين شنو يقولوا لك نمشي قولدن قيت ولا البيت السوري ولا يقولوا لك نطلب دجاج بروست
بالله قوم لف كده وتقول لي برضو جعانين ؟؟؟؟؟؟؟؟
اتقي الله في ما تنقله وتكتبه لنا عن جووع السودانييين

الاخ بخاف
ياتوا اولاد حله
ناس الامبدات ال60 ولا الثورات ولا دار السلام ولا جبرونا ولا البنك العقارى ولا سوق لبيا غرب الحارات ولا صالحه ولا الفتيحاب.

حبيب احمد
والله معذور الظاهر انتا مغترب زينا كده .
اديك مثل تاني ست الشاي ياحبيب وبتاع اللبن شايلين موبايلات
وكمان تلقاه اصاله او عاشقه نوكيا 3310 داك بيشيلوه الطلبه ياحبيب
اها ست الشاي دي اكيد موجودات في الاحياء الذكرتها دي .
وبعدين معظم ساكني الاحياء الذكرتها دي ديل ناس باعت بهائمها وبيوتها وزراعتهم ونزحوا للعاصمه عشان بسوووا شنو ؟ يبيعوا مويه
ودي زاتها ما شغله هينه دخل الشغلانه دي 60 الف جنيه ده تلقاه بعد ما طلع مصاريفه الشحصيه كمان .
يامان ست الشاي بتعمل ليها 60 الف جنيه صااافي من 6 مساء الي 10 مساء فقط .
وبرضو جعانين؟؟؟؟

الاخ بخاف

يعني معني الكلام دا 90% شغالين شاي طيب ببيعوا لمنوا

اتمنى من كل الاخوة البورداب
الاعضاء المشتركين منهم
والذين يسمعون ويقرأون
من الموجودين داخل السودان
الاسراع بفض هذا النزاع
هل غالبية الناس كما أقول أنا
ام كما يقول هذا(البخاف)؟؟

up

up

up

؟؟؟؟؟؟