Post: #1
Title: فتح الخرطوم:واغني لشعبي ومين يمنعني؟:حميد الاسبوع القادم بالخرطوم وآخرون
Author: فتحي البحيري
Date: 08-13-2003, 09:13 AM
الخبر-الإعلان منشور بالاضواء اليوم
سموها (عودة عصافير الخريف)
(ويا استاذ احمد (تكفى)سامح الجهة المنظمة في استعارة عنوان الرواية)
والجهة المنظمة منتدى الاشقاء
والمكان مسرح المشاهد
واليوم غير محدد
الاسبوع القادم
وهي ليلة شعرية يشارك فيها
أزهري محمد على
السر عثمان الطيب
المكاشفي محمد بخيت
محمد الحسن سالم حميد
محمد طه القدال
مدني النخلي
ودون شك : عشرات الالاف من الانقس الظامئة والأفئدة المتعطشة لهواء مبدع صادق
حرمت منه ليلا طويلا
|
Post: #2
Title: Re: فتح الخرطوم:واغني لشعبي ومين يمنعني؟:حميد الاسبوع القادم بالخرطوم وآخرو
Author: فتحي البحيري
Date: 08-13-2003, 01:52 PM
Parent: #1
up
|
Post: #3
Title: Re: فتح الخرطوم:واغني لشعبي ومين يمنعني؟:حميد الاسبوع القادم بالخرطوم وآخرو
Author: bunbun
Date: 08-13-2003, 02:01 PM
Parent: #2
من حقي اغني لشعبي
ومن حق الشعب عليا
لابيدك تمنع قلبي
ولا قلبي مكان بايديا
علمني اغني الطين
المخرطة والطورية
الناس الصابرا سنين
بالحالة الما دغرية
القابضة الجمرا في ايدا
والجمرا تلهلب حية
لا قادرة الجمرة تقيدا
ولا قادرة تولع فيا
يا قلبي
بلاش تستعجل
يا قلبي شوية شوية
واصلين الما بتأجل
اليوم الشمسو قوية
لا القش بيهاب المنجل
لا طب النار الكية
يا صقر
ياآفة
ياريح
لا تنفض عش قمرية
من حقو يغني صريح
زرية ورا زرية
من حقي اغني العالم
ابداع .. علم .. حرية
انساني شعوب نتسالم
نتكالم بي حنية
على نخب الود نتنادم
لا جنس ولا لونية
لا عرق لا آه نتقادم
سكتنا بياض النية
مش كلنا جينا من آدم
مش آدم ابو البشرية
السجن إذن يترايم
نبنيها قلاع ثورية
عقبان الخير يترادم
والدنيا تمش دغرية
مد كفك يا بني ادم
حرية
سلام
حرية
حرية
سلام
حرية
الجميل بحيري
كل الشموس في يدك والتحايا لنشاطك الكثيف والاخبار الجميلة التي توردها وودت ان اشاركك هذا البوست برائعة حميد حق الغنا ويا ليتنا كنا في الخرطوم لنحضر
|
Post: #4
Title: Re: فتح الخرطوم:واغني لشعبي ومين يمنعني؟:حميد الاسبوع القادم بالخرطوم وآخرو
Author: فتحي البحيري
Date: 08-13-2003, 02:45 PM
Parent: #3
بنبن
يا بوصلة الروعة ومقياس الانتماء
شكرا لهذا الغناء البكاء
وانت في الخرطوم
طالما هي فيك هكذا
مفتوحة على غدها اليشبهها-يشبهك
|
Post: #5
Title: Re: فتح الخرطوم:واغني لشعبي ومين يمنعني؟:حميد الاسبوع القادم بالخرطوم وآخرو
Author: bushra suleiman
Date: 08-13-2003, 05:02 PM
Parent: #1
الحبيب فتحى
قريبا نغنى معكم بملء الفم وتحت النور وتضوى شموع الفرح رغم انف الحاقدين الاوغاد
أرفع راسك
بتعرف خلاصك
من سجانك .. ومن حراسك
ودوس بى مداسك
الكاتم أنفاسك
وضيّع عنوانك
وشرّد أناسك
***
وعلّم طيورك
تغرّد فى دورك
ويبحر سفينك
فى بحرك .. ونيلك
ولا من يدينك .. ولا من يهينك
***
وفكّك قيودك
وشدّ من زنودك
وأطلق عنانك .. لسانك حصانك
و لى شمس بكره ، تعلم زمانك
***
وما تسيب أمانك
فى ايد اللى خانك
وودّر مكانك
وخرّب أنسانك
|
Post: #6
Title: Re: فتح الخرطوم:واغني لشعبي ومين يمنعني؟:حميد الاسبوع القادم بالخرطوم وآخرو
Author: فتحي الصديق
Date: 08-14-2003, 06:00 AM
Parent: #1
العزيز فتحي البحيري
لك التحية والود
ضحكتني والله جدا. يا زول المكاشفي طه القدال شنو؟ انت قاصد المكاشفي محمد بخيت أعتقد . مش ؟
مع خالص الود
|
Post: #7
Title: Re: فتح الخرطوم:واغني لشعبي ومين يمنعني؟:حميد الاسبوع القادم بالخرطوم وآخرو
Author: فتحي البحيري
Date: 08-14-2003, 09:16 AM
Parent: #6
هههههه
شكرا للتصحيح
والحمد لله انها ما بقت المكاشفي طه الكباشي
|
Post: #8
Title: Re: فتح الخرطوم:واغني لشعبي ومين يمنعني؟:حميد الاسبوع القادم بالخرطوم وآخرو
Author: فتحي البحيري
Date: 08-14-2003, 07:49 PM
Parent: #7
فوق
|
Post: #9
Title: فتحي ايوه لازم نعود نغني برغم إنو الحزن طول زي تقول ما ليهو آخر
Author: Dr. NassurEldeen
Date: 08-14-2003, 08:30 PM
Parent: #1
بحيري يا حبيب
ياخي من قلبي عقبالنا
اسمعوا معاي وطني
وشوف معاي الحاردلو
كتب الله له السلامة
ايوه لازم يا جميلة
نعود نغني
برغم إنو الحزن طول زي تقول ما ليهو آخر
و لا أول
ما الوجع مليان غناوي
و الحزن شايل حكاوي
و البلد حيرانة تسأل
ايه بيحصل
و ليه بيحصل
وحده وين هذا المسلسل
البلد صارت مفازة
و الفرح سافر اجازة
و البيوت يوماتي تبكي
و كل يوم لازم جنازة
و برضو لازم رغم هذا
يا جميلة نعود نغني
عشان طيور الريدة تسمع
و الزغاريد تاني ترجع
و الكلام الدابو لسع
في صدور بنوتنا يطلع
و يبقى مرجيحات و شفع
ايوه لازم يا جميلة
نعود نغني
و صوتنا يكبر
و ريشنا يغرز
و نبقى تاني
وطن محبة
و الحرب نديها دبه
و تاني نرجع لي وطّنا
و تاني نقدل في بلدنا
ما البلد حقتنا نحن
و نحن اولادها الغلابة
و هيه لينا الديمة يمه
و نحن ليها الديمة يابه
و نحن طالعين من جروفه
و نحن مارقين من ترابه
و كنا ديمه نغني ليها
و لسه ما زالت حبابه
هي البداية
و هي النهاية
و هي الدواية
و هي الكتابة
و هي الاغاني
اللسه جاية
و هي المسادير..و الربابة
آديك بلدنا
و ديله نحنا
و تاني جايين زي سحابة
عشان يعود سودانا تاني
و يبقى فردوس للتعابة
و يبقى حرية و صلابة
ايوه لازم يا جميلة
نعود نغني
برغم إنو الحزن طول
زي تقول ما ليهو آخر
و لا أول
يا جميلة
كل بداية
ليها في الآخر نهاية
و الظلام مهما طول ليه آخر
و ليه اول
|
Post: #10
Title: فتحي يا حنين ياخي انت ذاتك اصبتني بالدهشة الروعة
Author: Dr. NassurEldeen
Date: 08-14-2003, 08:42 PM
Parent: #1
فتحي يا حنين
ياخي انت ذاتك اصبتني بالدهشة الروعة
معقول ياخي في اللحظة دي انا
كنت بتكتب لي
وانا بكتب ليك
بالحاصل بي والحاصل بيك
شكرا ليك ولي هشام الفرصة الجميلة
لك مني كل المحبة
نصر
|
Post: #11
Title: Re: فتحي يا حنين ياخي انت ذاتك اصبتني بالدهشة الروعة
Author: فتحي البحيري
Date: 08-16-2003, 03:38 PM
Parent: #10
القلوب شواهد يا دكتور
|
Post: #12
Title: Re: فتحي يا حنين ياخي انت ذاتك اصبتني بالدهشة الروعة
Author: safwan13
Date: 08-17-2003, 10:23 AM
Parent: #11
ايوة فتحي
الهرطوم حتغني الليلةالاحد
مع الرائعين ديل في صحيفة المشاهد
وهاك صلاح الباشا دا
ندوة الإبداع الكبري بمنتدي المشاهد بالخرطوم
|
Post: #13
Title: Re: فتحي يا حنين ياخي انت ذاتك اصبتني بالدهشة الروعة
Author: فتحي البحيري
Date: 08-17-2003, 05:00 PM
Parent: #12
ايوا يا صفوان13
وانشاء الله نقدر نحضر الليلة
|
|