Post: #1
Title: هو بالله اسمو ميتو؟؟؟؟؟
Author: فتحي البحيري
Date: 10-22-2003, 05:37 PM
Parent: #0
لي صديق
مثلي مجنون عرس
لكنه يفوتني بالشلاقة
وافوته بالصبر
لكنه احتار
قال لي
انه كلما يفاتح احدى قريباته أو زميلاته أو ... في الأمر
منهن من تبكي وتصرخ
ومنهن من تضحك وتصرخ نفس الصرخة : ميييييييييييييييييتوووووووووووووووووو؟؟؟؟؟؟؟
ثم تختفي ولا يراها ثانية
حتى أوشك أن يتعقد فعلا
نتمنى من ذوي القلوب الرحيمة افادتي أولا
وافادة صديقي المكلوم في مشروعه الحضاري الرباعي
علما بانه قد اكمل نصفه
(نصف المشروع 2 وباقي ليهو 2)
وليس نصف الدين
|
Post: #2
Title: Re: هو بالله اسمو ميتو؟؟؟؟؟
Author: wd al geran
Date: 10-22-2003, 05:54 PM
كدي يافتحي جيب لينا صورتو .. وبعدين نقول ليك  .
|
Post: #3
Title: Re: هو بالله اسمو ميتو؟؟؟؟؟
Author: اساسي
Date: 10-22-2003, 05:54 PM
قلت
علما بانه قد اكمل نصفه
(نصف المشروع 2 وباقي ليهو 2)
وليس نصف الدين
يعني اتنين ولسع دينه ناقص
بيقولوا الزواج نصف الدين
زولك دا جاي من تحت شديد
عشان كدا الفرق بتاعه بعيد
طيب كان عمل اربعة ولسع ما كمل
يسوي شنو؟
|
Post: #4
Title: Re: هو بالله اسمو ميتو؟؟؟؟؟
Author: فتحي البحيري
Date: 10-22-2003, 06:07 PM
Parent: #3
ود الجيران : الا صورته .... ممكن رقم الاي بي ..؟؟؟؟
أساسي : ... اصلا الانسان بكمل النص الاولاني بالعرس وفضل له الباقي في اعماله لي حد ما ... الله يدينا واياك حسن الخاتمة
لكن
ما قتو لي ... ميتو دي شنو؟؟؟؟؟
|
Post: #5
Title: Re: هو بالله اسمو ميتو؟؟؟؟؟
Author: اساسي
Date: 10-22-2003, 06:10 PM
Parent: #4
ميتو دا يا سيدي مسلسل في رمضان القبل الفات
اسمه الحاج متولي
اتزوج خمسة
طبعا واحدة اتلحست عمل بدل فاقد
العروس الاخيرة كانت بتدلعوا وتقول ليهو ميتو
يعني تدليع متولي
نال المسلسل شهرة كبيرة نسبة لانه طرح تعدد الزوجات كحل
لمشكلة البايركس المزمنة
الممثل كان نور الشريف
اي سوال ؟
|
Post: #6
Title: Re: هو بالله اسمو ميتو؟؟؟؟؟
Author: فتحي البحيري
Date: 10-22-2003, 06:26 PM
Parent: #5
شكرا اساسي
لكن
لي كانن في واحدات ببكن
وواحدات بضحكن ...
اقصد في فلم صاحبي
وليس مسلسل صاحبك؟؟؟
|
Post: #7
Title: Re: هو بالله اسمو ميتو؟؟؟؟؟
Author: اساسي
Date: 10-22-2003, 06:28 PM
Parent: #6
انا زول محسوب بدون دين لسع بحسابات الزواج
ما عندي وجهة نظر في البكاء والضحك دا
|
Post: #8
Title: Re: هو بالله اسمو ميتو؟؟؟؟؟
Author: فتحي البحيري
Date: 10-22-2003, 07:12 PM
Parent: #7
شكرا جزيلا اخ اساسي
وانا حقيقة كنت عارف انه في مسلسل بهذه المواصفات
لكن ما كنت عارف حكاية الدلع دي؟؟
وصديقي (محض وهمة)
انا فعلا راغب في طرح هذا الامر للنقاش المستفيض
ومن كل الابواب
وهو اعادة النظر في القيود الاجتماعية التي كبلنا بها انفسنا في مسألة العرس دي
سواء كان من باب أنني : أوافق باطلاق على فتوى الشيخ الزنداني
(رغم اختلافي الاساسي معه : وعليك الله ما تزعل) بتاعة الزاواج فرند
وكان مسكوني سلطة في البلد دي حادي اي شاب قطعة سكن ووظيفة شرط انها تكون مسجلة باسمه هو واسم زوجته ويكونو متزوجين على طول
(حاسخر جهاز امن اعتى من اجهزة الانظمة الديكتاتورية لملاحقة المتلاعبين والمتلاعبات)
وحاصدر قانون منع المغالاة في المهور والمآدب والعادات البزخية الضارة
وحالاحق كل من يتعدى أو تتعدى الـ30 دون زواج ودون عذر شرعي مقبول ومختوم من الطبيب الشرعي والجهات الدينية والاجتماعية
و
و
و
التوقيع
|
Post: #9
Title: Re: هو بالله اسمو ميتو؟؟؟؟؟
Author: aba
Date: 10-22-2003, 07:21 PM
Parent: #8
ود البحيري
سلام
أقول لك سر أماني زوجتنا المصون من أشد المعجبين بي كتاباتك ووجهة نظرها هنا أن الهم الكبير أولا
اليوم غضبت منك وقالت : فتحي جنا تعدد زوجات شنو إنتو الواحد ما قادرين عليها ..وزي جبت لي أخوك الشتيمة
|
Post: #10
Title: Re: هو بالله اسمو ميتو؟؟؟؟؟
Author: نصار
Date: 10-22-2003, 07:31 PM
و الله يا فتحى اخوى ذكرتنى بدفعك الشباب تجاه الزواج بحكاية الصايم المتجرس نص النهار شابك العيال يا ولد اكل دى يا لت اشربى الموية البااااردة دى و حكايته حكاية ...اها هو صايم انت مالك كل مةتجيب سيرة البحر
تصوم وتفطر على خير
|
Post: #11
Title: Re: هو بالله اسمو ميتو؟؟؟؟؟
Author: فتحي البحيري
Date: 10-23-2003, 01:05 PM
Parent: #10
الرائعان الكاربان
خالد الحاج وعلاء الدين نصار
كلامكم دا داير لي رجعة كاربة وبي مهل
ياساتر
|
Post: #12
Title: Re: هو بالله اسمو ميتو؟؟؟؟؟
Author: عبدالقادر الكتيابي
Date: 10-23-2003, 01:44 PM
Parent: #11
يا فتحي :
أنا فهمتها : ـ
( me too? )
و المسألة بما إنها جابت ليها حاج متولي و الرأي الآخر وعرسان جدد زي ناس أبا ونصار عرفت إنها ميتو ـ تانية ـ غير( me too )
الفهمتها ..
أدينا خبر إذا الحكاية انقلبت وبقت بالطريقة دي .
تحياتي
|
Post: #13
Title: Re: هو بالله اسمو ميتو؟؟؟؟؟
Author: فتحي البحيري
Date: 10-23-2003, 02:09 PM
Parent: #12
استاذي
لك الحب دائما
me too = أنا ايضا بالانجليزي
ميتو=his death بالعربي
أو
his 100
وفي رواية
(تدعي انها أكثر صحة)
أن ميتو هي دلع متولي
والمشكلة الان انني اكاد افقد الموضوعية وربما المعجبين بكتاباتي السياسة
وربما .... رأسي
لأن الساطور ما بعيد
ولان وزوجتي الله يديها العافية عرفت درب المنبر
(براي سويتا في روحي)
وطالما الشغلة بقت موت موت أحسن اوضح الفكرة أكثر
أنا وكما اتضح لا اهتم هنا بتعدبد الزوجات
بفدر ما احاول التنبيه الى ضرورة فك الحظر عن هذا الفعل الانساني الضروري والذي دون شك يمثل خط دفاع أخير لوجود الفرد وهوية الامة معا
وذلك بجعل الشروط والموانع الاجتماعية والاقتصادية أكثر مرونة لاقصى حد
هذا والا ...الطوفان الذي سنصبح بعده مثلما قال المغني
(ونحن بقينا ما نحن)
واستغفرالله لي ولكن-لكم
|
Post: #14
Title: Re: هو بالله اسمو ميتو؟؟؟؟؟
Author: almohndis
Date: 10-23-2003, 02:25 PM
Parent: #12
استاذنا فتحى
me too
وجدت لك شهادة من اثنين من معرفك
شهادة حسن سير وسلوك
الخبر عبى المسن
|
Post: #15
Title: Re: هو بالله اسمو ميتو؟؟؟؟؟
Author: hamid hajer
Date: 10-23-2003, 04:03 PM
Parent: #14
زولك ده يا ابو الفتوح لازم تأخدوه للزريبة
عشان يعملوا ليه كنفقريشن يمكن بعد داك
يعمل بنق كويس ويقدر يؤمن تلنت مع بقية
الراوترات في مجتمعنا الجديد ده .
اذا كل ده ما نفع مع صاحبك ده ، ودوه
الشكنيبة يعملوا ليه runn_config
مع شكري للباسورت.
|
Post: #18
Title: Re: هو بالله اسمو ميتو؟؟؟؟؟
Author: فتحي البحيري
Date: 10-25-2003, 01:49 PM
Parent: #14
اخي عثمان
الخبر اعتبروا وصل
مع تحياتي لك ولهما
ولي ايضا
لكن دا علاقتو بي موضوعنا شنو؟؟؟؟
|
Post: #16
Title: Re: هو بالله اسمو ميتو؟؟؟؟؟
Author: ود العجمى
Date: 10-23-2003, 04:06 PM
فتحى
بخصوص زوجة ابا أقول ليك أستمر
لن يستطيع المرء أن يبكى بعين واحدة
وبرضو موضوعك دا سياسة
تعرف يا فتحى نحن كسودانيين داير وجه واحد بس وما عارف ليه
الرسول كان يمازح الناس
والهزل مطلوب للإستمرارية والسخرية أو الكوميديا السوداء اوالبنفسجية مطلوبة برضو ؟
كلامى دا كلام الطير فى الباقير ولا شنو ؟
تتذكر كاسك يا وطن ؟؟؟؟ استمر يا زول كل الالوان معاك حلوة
|
Post: #17
Title: Re: هو بالله اسمو ميتو؟؟؟؟؟
Author: طارق اسماعيل
Date: 10-23-2003, 04:56 PM
Parent: #16
هوووووى ياخوى يادو البحيرى
ابقى راكز وربى اولادك ديل انت عارف لو سمعوك نسوان المنبر ده بعلنوا عليك الجهاد
وانت ما لك ومال العرس ياخى انت الان قادر تعيش وحده كويس
اقول ليك وماتزعل ابقى مربى اولادك ديل
وبس
|
Post: #19
Title: Re: هو بالله اسمو ميتو؟؟؟؟؟
Author: nazar hussien
Date: 10-25-2003, 03:43 PM
Parent: #17
يا فتحي البحيري
فكرتك دي يا صاحبي في الزمن ده بتبقي ميتو وخراب ديار
احسن ليك ميتو الجنجويد ولا ميتوك دي...
|
Post: #20
Title: Re: هو بالله اسمو ميتو؟؟؟؟؟
Author: ترهاقا
Date: 10-25-2003, 04:17 PM
Parent: #19
النسعلك يا فتحى ، الزول ده لمن كان بمشى يفاتح الجماعة ديل
إنت كنت بتكون معاهو؟
|
Post: #22
Title: Re: هو بالله اسمو ميتو؟؟؟؟؟
Author: فتحي البحيري
Date: 10-26-2003, 11:58 AM
Parent: #16
اخي ياسر
سويتو مزاح وكوميديا بمبية؟؟؟؟
الفيك اتعرفت
يديك العافية
|
Post: #21
Title: Re: هو بالله اسمو ميتو؟؟؟؟؟
Author: bushra suleiman
Date: 10-25-2003, 04:59 PM
الحكايه دى ذكرتنى بى واحد صاحبى احوص قال داير يعرس فمشى لى اهل العروسه وهم جماعه هاى هاى،اها العروسه مما شافتو صرخت (الزول ده مالو عيونو الاتنين عاملين left)
من ديك صاحبنا جاتو عقده بقى بمشى رايت فى اى محل
|
Post: #23
Title: Re: هو بالله اسمو ميتو؟؟؟؟؟
Author: أبوالزفت
Date: 10-26-2003, 01:04 PM
الاخ المناضل فتحى
السلام عليكم ورحمة الله وبركاته
كل سنة وانت طيب
طبعا دى اول مرة اشارك فى ما تنشره على المنبر
لانو معظم ما تنشره سياسى وانا امى فى السياسة
والسبب ابوى الله يديهو العافية
اها يا زول انا اطلقت عليك اسم المناضل
وده مما شاهدتة فى تسعينات القرن الماضى
وانت احد المنظمين لاضراب طلاب كلية العلوم
وكنتم تجلسون على السلالم المؤدية الى مكتب
عميد الكلية
وانت كنت المتحدث باسم المضربين ترد على
اسئلة واستفسارات الطلاب بصوتك المبحوح
فالتحية لك ولجميع المناضلين فى كل مكان
نعود الى موضوع البوست
وما هى الاسباب التى جعلتك
مجنون عرس
|
Post: #24
Title: Re: هو بالله اسمو ميتو؟؟؟؟؟
Author: ahmad almalik
Date: 10-26-2003, 02:14 PM
فتحي رمضان كريم، ويبدو من توقيعك وكتاباتك انك تعاني اعراض زواج ثان!
كل سنة وانت طيب .
|
|