صورتك الـ(ما)ـخايف عليـ(ـنـا منـ)ـها !!ـ

*

عـرقان يا فتجى وانت راكب جوة التاكسي

يا فتحي ما تسف فوق
بتعمل ليك مشكله يا اخي
خلي سفتك دقار تميس

صديقي العزيز ياسر عبد الرحيم سليم ، من أعضاء هذا المنبر الحر ، وله فضاءاته الثقافية والثورية والانسانية ، وفوق هذا وذاك هو رجل فنان ، ومرهف ، فاجأني ذات يوم بأحد مقاهي انترنت الشهداء ، وأنا منهمكا أبدو في هذا المنبر ، والدنيا حر ، وبيده كاميرا رقمية ، فاجأ بها أيضا ستات شاي ساحة الشهداء وسائقي حافلاتها .
أبت نفس أحدنا ، على الاقل ، إلا أن يلتقط لي عدة لقطات ، وأبت نفسي تحديدا إلا أن الاحقه بعد ذلك بنسخة من الصور عبر الايميل ففعل .
ومابين ثلاثة أوضاع وجدت أن هذه الأنسب للتعبير عني هنا
لا سيما وانها فعلا أخذت لي اثناء انهماكي في العمل على المنبر ولكن لآخرين منكم ، أعزائي القراء والأعضاء ، رأي مخالف

Dear Fathi
Please Please change the image in your profile, I know a lot of people can not stand see these bruises it is just like when they start showing dead or injured people on TV, allot of viewers change the channel, any way that is just my opinion.

حبيبنا ود أمدرمان فتحي

تحياتي .. غايتو الفهمتو أنا من قصة الصورة ومن الصورة : ـ إنه عملو للشهداء مقاهي انترنت ـ وصاحبك ده جا من ساحات الفدا صورك ومشى

ده حسب الصورة ...ه

شكرا يا استاذنا وسيدنا عبدالقادر الكتيابي على هذه الطلة وهذا التوقيع
ههههههه
والله العظيم البلد دي فيها (شهدا) بالملايين يمشون في الاسواق
وكنت على سطح معنى ميدان الشهدا بامدرمان
ـ(ضريح الراجل يكاد يختفي تماما لولا قفص صغير ولا تعرف الاجيال الجديدة ان هذا القفص يحوي تاريخا ومعنى)ـ
وبميدان الشهدا ومن حواليه تنبت المقاهي
ـ(والشهادة)لله ـ أنها ترخص أسعارها بمرور الوقت وتتحسن خدماتها رغم انف سوداتل ومن ورائها الانقاذ المترديتين والنطيحتين
وكنت بأحد هذه المقاهي عندما زارني ياسر سليم قيظذاك
ـ(ياسر كان من النجوم الزواهر معنا بمكتبة البشير الريح ويكن لشخصكم يا سيدي معرفة وعرفانا جزيلين)ـ
ولا حول ولا قوة الا بالله
ذكرتنا انه كان ثمة برنامج كذاب جدا بتلفزيون السودان اسمه ساحات الفداء
ولك ودي جميعا

الاخ الاستاذ/ فتحي البحيري...تحية
والله صورتك فيها كلام كتير خاصة بعدما كسيتها توقيعك الجديد
وهي تعبر عن ملايين الشهداءالذين يمشون في الاسواق والدروب ويتدافرون في المواصلات

ديك العافية اخ احمد
لاسيما وانك ربطتا بين الصورة والتوقيع
يديك العافية

الاخ فتحى


سلامى

كتابة العنوان رسم بالكلمات

شكرا لكم جميعا
دورنقاس
العنوان محاولة لدمج العبارتين
صورتك الخايف عليها .... الاغنية التي كادت تسير مثلا
و صورتك الماخايف علينا منها .... المعنى المقلوب المطلوب هنا
هوبفول
والله انا ما قاعد اتعاطى الهباب دا
الزنجي
حليل زمن التكاسي

يا شباب الحاصل شنو هنا?!

ابن منتال .. لا مافي شئ
بس اخونا فتحي .. بشتري من الوطنيه ... وأنا بقول ليهو الدقيل احسن
أها رأيك أنت شنو؟؟

عزيزي
ود البحيري
تعرف يا صديقي ومع البرد النازل علينا اليومين ديل نفسي اعرق لي عرقة مكربة زي حقتك دي وكمان صدقني عاجباني الصورة أذكر حينما تخرجنا في الجامعة أردنا أن نتصور للمناسبة وكان بعضنا حريصا علي أن يهذب هندامه حتي يكون مليحا في الصورة فقال صديقا لنا وكان سليط اللسان : يا أولاد إنتوا ممثلات ما تقيفوا تتصوروا ساكت
ويا فتحي دي صورة زول أغبش لا يعرف الكوندشن والمثلاجات ويدافر في الدفارات الله يديك العافية الصورة خلها سمحة تب

شكرا أبا
والله كنت عارف انه السيرة المتل دي
لا بد وان تجيب كلاما متل دا
من زولا متلك
تسلم
وان كنت أظن أن المسألة تحتاج لمزيد من النقاش
هوبفول
انا حلفت
سنتمنتال
مرحب
وادنا وجهة نظر
خلينا ننشوف

فتحى


سيبك من الصورة هسى



لكن توقيعك فى السلك



تسلم يا زوق . بعدين ما ماشى الابنودى ؟ فى النادى القبطى الخرطوم

ولا بطلت الشعراء والغاوون . الغاوين لأنها مفعول به والفاعد التاء التذكير الممدودة . وعلى العرس الدنيا فيها كتير

فتحي صورتك منقه........

بكري الضغير
ود العجمي
اشكرك
نعم التوقيع بيني وبينك عاجبني اكتر من الصورة
(وعلى العرس الدنيا دي ما فوقا شيء)
تتلبسنا دائما شهوة الانشاء وبادرة الانحراف الأسلوبي ونحن نثمن العرس (الذين يحبونه جدا والذين يكرهونه جدا) للدرجة التي ندعي فيها انه ان كان لابد فهو احق بالحلفان من الطلاق
وكما يقول أذكياء البسطاء ـ (دي حالة أخير منها العرس )ـ
وعني فقد اعلنت بما يكفي انني من عشاق قيمة الانسان وحالة العرس
والود الكثيف لك ، للشعراء والغاويين
(وتفوتون وين يا ود الشوايقة)
وللابنودي الذي لن اتمكن من انتهازه معك الليلة
(كان شفتني مكتف كيفن؟؟؟)
ونحن ما بنبقى صراحة بلا الشعر والشعرا والغاويين
لانهم يمدوننا باللغة
ربما يصلح العيش بلا طاغية
ولكنه حتما لا يمكن لنا بدونهم
لك حبي جميعا وللجنا الصغير
وللجميع

يا سلااام يا فتحي ياخي ت بالله سلم لي على ياسر كتير ـ إن شاالله يكون ( وزنه ) شوية كده جاتو زيادة ـ طبعا أحلى نكتتين في البشير الريح كانتا عن نحافته ـ الأولانية ـ لما جا داخل إلى المكتبة مستعجل ـ وسأل الأستاذ عبدالمنعم الكتيابي في عن بنتين نحيفتين جدا حسب وصفه ـ يعني لو شافهم هنا ـ مباشرة عبدالمنعم سأله بهدوء ( أنحف منك شوية كده ؟ ) فأجاب ياسر بالإيجاب فرد عليه عبدالمنعم بنفس الهدوء : ـ ديل يكونوا جو و مشوا وما شفناهم .

النكته التانيه لما جابو لينا خبر واحد اسمه ياسر يشاع انو اغتالوه برصاصة ـ وانو ليه علاقة بالمكتبة ـ طبعا انشغلنا عليه لكن صاحبه عبدالمنعم أضحكنا جدا ـ قال لينا ده ما مكن أبدا يكون ياسر بتاعنا ـ لأنه ـ زي ما قال ـ ياسر بتاعنا ده مستحيل يقدر واحد ينشن عليه ويصيب .

بالله سلم عليه كتير أنا مشتاق ليه جدا ـ وتحياتي ليك .
بالمناسبة صاحبك التيجاني حايم في دبي اليومين ديل ـ بيسلم عليك .

كتيابي

لك الود يا أستاذ
وسلامك مبلغ إلى ياسر الشفيف انشاء الله
وللتيجاني محمد علي التحية
(تسرب هكذا دون أن نعلم)
ياسر طبعا مر (مثلما مرت الأيام) بأقسى ظروف ربما تعلم منها طرفا
ولكنه الان (زي ما كنا أول) وأشد روعة
يوقع على هذا المنبر أحيانا
ويتوزع (عرقه) ما بين منظمة سودو للتنمية الاجتماعية والجمعية السودانية للانترنت وأعبائه الخاصة ومفاجأة الأصدقاء أحيانا بكمرته الرقمية أن توفر وقت
أما المكتبة ..... فالاحتمال الارجح أن تكون في طريقها للزوال الان
(ويبقى وجه ربك ذو الجلال والإكرام)
ومن الله على قبل أيام بقفشات ونقاشات مع أستاذي عبد المنعم
كان من ضمنها أنه لما جاءت (عفوا )سيرة ـ(أنا خاتم الشعراء ولا أبالي) _ حكى لي عن أحد ظرفاء المحبين أنه قال لما بلغه ذاك
_ (إن كان قال فقد صدق)ـ
وآه
ليتني أتمكن من نقل بعض مايدور في ندوة إشراقة الأدبية ومنتدى محمد صديق إل هذه الرحاب
ولكن
لا تدعني لكن
واقبلني محبا على الدوام

تعرف يافتحى ياخوى انا اول ماشفت صورتك دى قلت فتحى دة ضربوه بونيه الجماعه ديك واللا ياربى دى ماخوده فى بيت اشباح،اتارى فى بيت انترنت،والله حاله صعبه

موش؟؟؟؟؟
وبيني وبينك يا استاذ بشرى
هوانا قاعد في النت في سودانيزاونلاين في امدرمان في الصيف في الضهر في زمن الانقاذ في حالة صعبة
يبقى كام ؟؟؟؟

وكدا كيييييييييييييف؟؟؟
(ملحوظة : تم تعديل في الصورة موضوع الحديث الان)

السترة واجبة

ظللت أتابع يا صديقي فتحي
وأنت تدير كل شئ بقدراتك الرائعة
والكثير من الأشياء التي قصدت قولها عبر الصورة
لامسها البعض
وعبر عليها البعض دون أن يدركونها

شكرا نصار
للمتابعة والتوقيع والتماس الحكمة فيما يفعل البعض وشخصي هنا
والعذر لما يفعل البعض الاخر وشخصي أيضا
ولك الحب دائما

يا استاذ فتحي تحياتي و احترامي
قبل نشرك للصورة كنت اعتبرك من القابضين علي الجمر ...
اما الان فانت بالتاكيد من الجالسين علي الجمر !!

شكرا مالاسي
القبض على الجمر يقصد به المعاناة
والجلوس عليه يقصد به الانتظار
(وليس بالضرورة الصبر)
؟؟؟؟؟؟؟؟؟؟؟؟؟؟؟؟
لك كامل الود