Post: #1
Title: ابونور وقلقو وكفش : البعد الذي لانعلمه لهذا البورد الحنين
Author: فتحي البحيري
Date: 12-12-2003, 12:52 PM
كان الثلاثة ،بعد ابي يسرا ،أول الحاضرين في اجتماع 4 ديسمبر
وكان الثلاثة ، قبل ابي يسرا ، آخر المنفضين عنه
وأحد الثلاثة تقريبا هو الذي أطلق النكتة المغرضة وغير الحقيقية بالمرة : ان فتحي البحيري يأتي لمقاهي الشهداء وقبل أن يجلس على أحد الأجهزة ، يمر على جميعها، ويجبر كل الزبائن على فتح سودانيز أونلاين !!!
بريء والله العظيم 17 بريء
لكن الحقيقة التي لا مراء فيها أن هؤلاء الثلاثة قد جعلوا كل العاملين في المكان الذي يعملون به (يعمل ثلاثتهم في مؤسسة واحدة)
يبدؤون يومهم بسودانيزاونلاين بشغف وحب
لهم ولزملائهم جميعا ألف ألف حب
أبونور : الزول دا والله انا ماكنت قايلوا اخخخخخخخخخدر كدي وما كنت قايلوا قاعد في السودان
قلقو : الله غايتوا ما خاتي عليك كان بقاك حلفاوي ؟؟
كفش : الصبر ضل النبي !
|
Post: #2
Title: Re: ابونور وقلقو وكفش : البعد الذي لانعلمه لهذا البورد الحنين
Author: فتحي البحيري
Date: 12-12-2003, 01:40 PM
Parent: #1
طبعا انا كنت قايل ابونور دا اسم ساكت ما عنده علاقة بابن اسمه نور
يطلع كدا وتطلع نور دي بت ما ولد؟؟؟؟
والناس كلهم قايلين قلقو دا اسم عنده علاقة بالقلق والتقلق والتقليق والاقلاق والقلقلة
يطلع لا؟؟
وعندو علاقة بالسياحة في بلادي
تفاصيل اوفى من خشم سيدو لما يشوف الكلام دا
اماكفش
وما أدراك ماكفش
انتو كفش دي معناها شنو؟؟؟؟؟؟؟
|
Post: #3
Title: Re: ابونور وقلقو وكفش : البعد الذي لانعلمه لهذا البورد الحنين
Author: almohndis
Date: 12-12-2003, 07:05 PM
Parent: #1
|
Post: #4
Title: Re: ابونور وقلقو وكفش : البعد الذي لانعلمه لهذا البورد الحنين
Author: الطيب بشير
Date: 12-13-2003, 08:12 AM
Parent: #1
يا باشمهندس البوست بتاعك دة تمتام؟
و لا بياكل الكلام؟
و يا فتحي ور يني لما أنزل البلد ألقاك وين و متين؟
|
Post: #5
Title: Re: ابونور وقلقو وكفش : البعد الذي لانعلمه لهذا البورد الحنين
Author: فتحي البحيري
Date: 12-13-2003, 12:24 PM
Parent: #4
الاخ العمدة عثمان (المهندس غايتو كلامك ما قريتو كويس لكن ما بختلف معاك فيهو كتير
والقول ما قال المهندس
الاخ الطيب بشير : انت جايي بتين
؟؟؟
|
Post: #6
Title: Re: ابونور وقلقو وكفش : البعد الذي لانعلمه لهذا البورد الحنين
Author: فتحي البحيري
Date: 12-13-2003, 01:32 PM
Parent: #5
هذا هو احد التوقيعات التي يذيل بها ابونور بوستاتهQuote: ..لا تساوم
ولو منحوك الذهب
اتري حين افقأ عينيك
وأثبت مكانهما جوهرتين
هل تــــــــري؟
..هذه اشياء
لا تشـــتري
|
|
Post: #9
Title: Re: ابونور وقلقو وكفش : البعد الذي لانعلمه لهذا البورد الحنين
Author: فتحي البحيري
Date: 12-13-2003, 01:53 PM
Parent: #6
وفي بروفايل ابونور نجد
Quote: عدد البوستات: 184
تاريخ التسجيل: 24-02-2003
|
وهذا غير صحيح ولذلك قصة نتمنى ان يجد وقتا لسردها لنا هنا
ونجد ايضا
| Quote: محل الاقامة: كاب الجداد |
و
| Quote: مكان الميلاد فى السودان: كاب الجداد |
وهذا غير صحيح أيضا ، وليس لذلك قصة نتمنى ان يجد وقتا لسردها هاهنا أيضا
و
وهذا غير صحيح من ناحية الاوراق
فالرجل معين مهندس في الجهة التي يعمل بها
وهو خريج كلية العلوم والتكنلوجيا بجامعة الجزيرة قسم الهنسة الالكترونية
غير انه لا ضمانات ان يكون (بسد) للفراش عند اللزوم
وربماان لذلك قصة نتمنى ان يجد وقتا لسردها هاهنا أيضا
|
Post: #8
Title: Re: ابونور وقلقو وكفش : البعد الذي لانعلمه لهذا البورد الحنين
Author: ابو نور
Date: 12-13-2003, 01:43 PM
Parent: #1
صديقي فتحي البحيري
لك كل التحايا، لك كل الود
اول الحضور كان ابو يسرا وهذا للتاريخ
اضاف للاجتماع القا خاصا كل من اساسي الما اساسي وسنتي بن منتال بالاضافه الي ابو ساندرا
وساندرا وماهيتاب
اشنا واحد في الاجتماع كان فتحي البحيري ولكنه اكثرنا حضورا وكان يملك زمام الحوار
بنظل نردد بفتح فرصة دخول للاخ كفش
اخيرا كل التحايا لبورداب الخرطوم جميعا ولا تنسوا الاجتماع القادم الاربعاء 17/12
ابونور
|
Post: #10
Title: Re: ابونور وقلقو وكفش : البعد الذي لانعلمه لهذا البورد الحنين
Author: ابو نور
Date: 12-13-2003, 04:08 PM
Parent: #1
يا بحيري
مالك الليله متلحني يا اخوي
شكلك بالك رايق!!!!
صح انا كنت قبل ابونور garja لكن لقيت انو ابونا قرجه الاصلي قاعد ومحكر في البورد
والراجل اقدم مننا الاختلاف كان في انو انا بكتب قرجه زي ما شايفه فوق هنا وقرجه ابو عكاز كان بيكتب قرجه كده garjah فقمنا عبر المسنجر الداخلي رسلنا لبعض واتفاكرنا حول الامر واتصلنا بالاخ بكري لتغيير اسمي من قرجه بدون اتش لابونور. لذلك تجد بوستاتي قليله هذا سبب والسبب الثاني انو الشباب الله يديهم العافيه هوبلس سابقا وهوبفل حاليا واساسي الما اساسي وسنتي بن منتال كرهوني ليك البورد ايام حملتهم علي فتحي البحيري واساي كرهني البورد عشان موضوع نزل في البورد وفي وقت واحد من اربعه اعضاء كنت احدهم ، طبعا قمت عملت حردان واجرت لاخونا كفش.
ان شاء الله تكون ارتحت
لكاب الجداد قصه خليها لبكره عشان انا اتأخرت عن نور حبيبة قلبي الله يديها العافيه
قول معاي آمين
فتحي لك كل التحايا لك كل الود
ابونور
|
Post: #11
Title: Re: ابونور وقلقو وكفش : البعد الذي لانعلمه لهذا البورد الحنين
Author: garjah
Date: 12-13-2003, 05:50 PM
Parent: #10
الاحباب فتحي بحيري
ابونور
تحياتي يا شباب ...بصراحة الواحد بيشوف فيكم شبابو
وكتاباتكم بتحمل روح جميلة ...ارجو ان تستمر ...
وما لم تقله يا فتحي عن ابونور هو ذلك الشاعر الذي يجول داخله
فبالله اعمل على ايقاظه..
تحياتي لكما يا حلوي النضم والفهم
|
Post: #12
Title: Re: ابونور وقلقو وكفش : البعد الذي لانعلمه لهذا البورد الحنين
Author: ابو نور
Date: 12-14-2003, 08:37 AM
Parent: #11
صباحكم خير
ابونا قرجه الحنيّن جانا لانو رأس السوط هبشو
خالص التحايا ليك يا استاذنا قرجه
والله يديك العافيه
ابونور
|
Post: #13
Title: Re: ابونور وقلقو وكفش : البعد الذي لانعلمه لهذا البورد الحنين
Author: أبو ساندرا
Date: 12-14-2003, 12:06 PM
Parent: #1
فتحي
مزاجك رايق ، والبروفايل العاملو ل ابونور مناسب وبتاع قلقو مفصل عليهو ، ادعوكم على بيتزا ساخنة في حدائق شهداء اكتوبر واتمنى لكم التوفيق في مهمتكم العظيمة والصعبة
أبو نور
ليه غبتي يالقمرة ،قبلة للامورة نور وتحية لأم نور
قلقو
فاتتك ونسة ، كنت حا تطلع نسيب ، حدثت ام ساندرا وحددت لي صلة قرابتها مع محمد الحاج ، وهي تغيب وتجي وتسأل قلقو لسع ما حضر
|
Post: #14
Title: Re: ابونور وقلقو وكفش : البعد الذي لانعلمه لهذا البورد الحنين
Author: قلقو
Date: 12-14-2003, 12:35 PM
Parent: #13
الحبيب ابوساندرا..
كنت فى بوست سابق قد قدمت لكم عظيم اسفى واعتذارى عن عدم تمكنى من الحضور لمنزلكم العامر دوما بأذن الله لتناول الشاى مع احتفاظى بحقى كاملا فى تناوله فى اقرب سانحة وماتنسى العشا.
مع تحياتى لقريبتنا ام ساندرا وساندرا وماهيتاب وسارا ودينا(اوع اكون نسيت واحدة ).
بالمناسبة فى بوست مفتوح عن خريجى الخرطوم القديمة جاول اديه طلة.
ودمتم جميعكم.
يا فتحى يابحيرى يارجل ياوجيه انا كنت معاك فى بوست الأسد فعليك الله حاول حس بى .
وتسلم للطلة.
|
Post: #15
Title: Re: ابونور وقلقو وكفش : البعد الذي لانعلمه لهذا البورد الحنين
Author: ابو نور
Date: 12-14-2003, 01:27 PM
Parent: #1
فتحي فتحت البوست وعملت نايم، نرجو ان يكون المانعك خير
ابوساندرا تحياتي الخاصه لك ولاسرتكم الرائعه، وعزرا لغيابي لانو لستك عربيتي طرشك قبالة مستشفي الخرطوم والاسبير كان مخستك وباتت هناك للصباح ورجعت بتاكسي للبيت.
لكم كل التحايا لكم كل الود
القبله وصلت ياابو ساندرا
ابونور
|
Post: #16
Title: Re: ابونور وقلقو وكفش : البعد الذي لانعلمه لهذا البورد الحنين
Author: فتحي البحيري
Date: 12-14-2003, 02:36 PM
Parent: #15
ابونور قلقو ابو ساندرا وقرجة
لك الحب أجزله
وفي انتظار مزيد من التوضيحات
... هذا والا
تحياتي الى كفش
لحد الاربعاء
|
Post: #17
Title: Re: ابونور وقلقو وكفش : البعد الذي لانعلمه لهذا البورد الحنين
Author: ابو نور
Date: 12-15-2003, 11:21 AM
Parent: #1
السغله جابت ليها تهديد
وافضل نحكي:
لكاب الجداد قصه.....
كنت بسمع بدري بكاب الجداد دي وكنت متخيل انها في الخيال فقط ولا اساس لها في الواقع الجغرافي، وفي مره من المرات جاي من مدني وركبنا حافله في وقت متأخر وصعب جدا وبدينا ننقنق مع اصحاب العربيه نطلع وما نطلع واتأخرنا وقلت للراجل يا أخ احنا واصلين كاب الجداد فأمرقونا بدري فقام قال لي كاب الجداد ما اهندي بيجاي انت قايله بعيده!!!
صعقت وعرفت ان الموضوع ما نضمي ساي وانو كاب الجداد دي حله او قريه من قري ولاية الجزيره
ولنا عوده
ابونور
|
Post: #18
Title: Re: ابونور وقلقو وكفش : البعد الذي لانعلمه لهذا البورد الحنين
Author: أبو ساندرا
Date: 12-15-2003, 12:54 PM
Parent: #1
قلقو
تعال العشاء وقريبتك ايدها طاعمة ، اوعك تفطر اليوم داك ، فقط جيب معاك درقة وتعلم كيف تعمل ساتر ، تنسى سولارا بجلالة قدرها ، ( شيل شيلتك ، بقيت للنص )
أبو نور
أها عرفنا القبلة وصلت ، عملت لينا شنو في التحية ؟، ثم ثانيآ ناشر فضيحتك على الهواء مباشرة في زول بيركب ليهو سيلرة مخستكة في زمن البي أم دبليو ، حا تودي وشك وين من هوزي !
|
Post: #19
Title: Re: ابونور وقلقو وكفش : البعد الذي لانعلمه لهذا البورد الحنين
Author: ابو نور
Date: 12-16-2003, 08:52 AM
Parent: #1
ابو ساندرا
صباحك خير وزين..........
التحايا برضو وصلت وان شاء الله تكون اعتزاراتنا وصلت؟
نعمل شنو يا ابو ساندرا ما نحن فقرا وتعبانين نحمد الله
لكن ما قلت لي هوزي شنو؟
ابونور
|
Post: #20
Title: Re: ابونور وقلقو وكفش : البعد الذي لانعلمه لهذا البورد الحنين
Author: ود عقاب
Date: 12-16-2003, 09:24 AM
Parent: #1
ابونور
صباحاتك بيض
بكره الاجتماع
المره الفاتت عزمت الجماعه شاى عزومه مراكبيه وكنت صايم
لكن المره دى غير عصير ما بقبل شد حلك
وسلم على نور
وكفش عامل كيف
والتحيه للاخ قلقو
ويا فتحى يا عزيز
ودعقاب
|
Post: #21
Title: Re: ابونور وقلقو وكفش : البعد الذي لانعلمه لهذا البورد الحنين
Author: ابو نور
Date: 12-16-2003, 10:22 AM
Parent: #1
ود عقاب سلامات
ووينك انت ماك ظاهر
والمره دي جد جد، ابشر بالخير يا مان
ابونور
|
Post: #22
Title: Re: ابونور وقلقو وكفش : البعد الذي لانعلمه لهذا البورد الحنين
Author: قلقو
Date: 12-16-2003, 11:33 AM
Parent: #21
سولارا المتوهجة
اعذرى عمك قلقو ولك العتبى حتى ترضى وعندما احضر اليكم للزيارة كترى لى الكنافة مع الشاى وشوفى تانى لو انساك وبلغى ام ساندرا بتحياتى وبلغيها انه انا داخل فى اضراب عن الطعام حتى التهم من الطعام الذى يتفنن ابوساندرا فى الترويج والدعاية له.(لأ احسن مايروج ويعمل دعاية لأنه ليلته حتكون منيلةبستين نيلة).
ياودعقاب الأجتماع الجاى انت حتكون عليك لسع باقى ايام قضاء من شهر رمضان فماتفكر فى موضوع الشاى وكدة.
|
|