مبروك : سقوط حتمي للنظام الانقاذي خلال شهر : وماتشاءون إلا أن يشاء الله

ولا اعلم الغيب
ولا علم او اشتراك لي في اي من المحاولات الانقلابية، اوالتظاهرات او الاعتصامات او الاضرابات التي عسى ان تتم خلال الشهر الجاري
ولا استخدم كلمة (حتمي) أعلاه استسهالا للغة ولا مجانية التعبير والدلالة
انما أعني ما أقول تماما : وقد استثنيت تأدبا ، واعتبارا لان تظهر مستجدات ليست في الحسبان الان ، ليس إلا
فقولوا مبروك لانفسكم وللحق المحض ولملايين تخنقهم عبرات الذل والظلم
وقولو ا لي : كيفن?

كيفن؟

Quote: وقولو ا لي : كيفن?

فتحي يا خوي قبل ما نسألك السـؤال دا قول لينا مـنـو القادر على فعل شئ زي دا ؟؟؟ و مـنـو البقتنع بيهوا الشعب المغلوب على أمروا اللي بعمل حاجة زي دي يا خوي الشعب المسكين أداها لي ناس مرتين في طبق من ذهب و ما قدروا إحافظوا عليها و لو إقتنع بي إنو في من يستحقها و يحافظ عليها صدقني بكره بطلعوا في الشارع و بحصل التغيير


لكن قول لي منو المقنع اللي بستاهل الشعب إضحي ليه

الشعب يضحي من أجل نفسه
وليس من اجل أحد
والشعب السوداني قادر
ومؤهل أن يمارس وبعيش الديمقراطية
والشعب هو الذي يجب أن يحافظ على الديمقراطية
وبمقدوره ذلك .

ولك التحية دائما يا فتحي البحيري

شكرا لكم ايها الاحباء جميعا
اهو الليلة حيسقط ، بحمد الله وعونه ، نصف النظام
ولن يستتب الأمر للنصف الباقي ، بإذن الله وعونه أيضا
هذا هو فقط احد سيناريوهات هذا الشهر
... ليس إلا

Quote: اهو الليلة حيسقط ، بحمد الله وعونه

فتحي...كبر عقلك يا اخي

انت قاعد تصدق النضم القاعد اكتب انا فيهو دا؟

يا اخي قلنا دي احلام زلوط........

سي جي مان الحبيب : قول لي كبر مخك ، كبر راسك ، العقل دا يكبر كيفن ؟؟؟
وعموما يا سيدي ظلوط ذاتو أحلامه قابلة للتحقيق
شيء واحد لا يمكن ان يتحقق
عشم إبليس الانقاذيين في جنة الاستمرار إلى الأبد
ولك الحب ، وكبر العقل ، وشي الزبدة ، والتقدير

يافتحي يا خوي المشكلة انه الشعب قادر ان يسقط الإنقاذ لكنه محبط من البديل لذلك قالوا بدل نفتك من آفة ونتورط في آفة خلينا في آفتنا القديمة اذا جات ديمقراطية سنة وسنتين حينط فيها عسكري ويكون مجلس قيادة ثورة جديد وتبقا دوامة انقلاب ومظاهرات وانتخابات عشان كدا الشعب تعود على المآسي ورضا بالانقاذ بخيرها وشرها وبعدين للاسف الشديد الحزبين القويين المفترض انهما يحركا الشارع في اختلاف ومافي تنسيق بينهم اعني الامة والاتحاددي بقية الاحزاب الآخرى لا وجود لها إلا على شاشات الكمبيوتر واوراق الصحائف فكيف تسقط هذه الحكومة تأكد ان حكومة الانقاذ ستبقى لعشرات النسين رضينا أم ابينا رغم ما جرت اليه السودان لأنها عرفت جيدا الإنفلات من العقوبات والتحايل على القرارات الدولية وتصفية الخصوم والتخلص منهم أعادت كل كلاب الأمن في فترة النميري يعني لو دخلت نملة معارضة تلقاهم لاقفنها .