إلغاء ديوان الزكاة !!!!

نعم
لماذا لا نطالب ، مثلما نطالب بالغاء كافة قوانين الكبت ومؤسسات الكبت والتخلف الإنقاذية ، بإلغاء ديوان الزكاة ؟؟؟

الاخ فتحي البحيري
كيفكنك
كذلك نطالب بإلغاء الإنقاذ بعد فشل مشروعها الحضاري!!!!!!!.

نعم
نطالب بالغاء الأنقاذ جملة وتفصيلا
وينبغي أن لا يشغلنا الحدب على إلغاء الكل عن العمل على إلغاء التفاصيل
ولا العكس
ولك الحب والسعادة يا صاحبي

فتحي

الليلة شيل شيلتك يا علماني يا عدو الاسلام. وأعمل ساتر

طيب وكت نلغي ديوان الزكاة التماسيح ديل تاني يلهطوا من وين

تحياتي يا صديقي شماشي
ولك الود
قبل سنوات كان معي شوية كمبيوترات قتا أعمل بيهن معهد في الحلة ، قالوا لي اسم عمل وما ادراك ما ذلك ، مشيت اعمل اسم عمل ، قاموا قالوا لي تمشي ناس الزكاة وناس شنو وناس شنو وناس شنو!!! مشيت ناس الزكاة قاموا قالوا لي تدفع كدا
قت ليهم ياخوانا ادفع كدا ليي وانا ما اشتغلت اصلا وزمان قرونا في المدرسة (لمن يحول عليهو الحول ) قالوا لي لا قاموا اشتغلو معاي بعد داك شيل خت شيل خت شيل خت زي بيع الدلالة ، في النهاية وصلتا معاهم لي حل أصله ما (وسط) كله كله ، قام الموظف المسكين (مثلي) قال لي ببراءة يحسده عليه تلاميذ الابتدائي : (تقبل الله !) قمت هجت فيهو : أوعك تقول لي تقبل الله ، أنا الليلت الله عارف بوديها وين وانت عارف وانا عارف انه القروش دي ما لي الله ولا حاجة
شماشي : مضى الوقت الذي يمكن أن (تسير) فينا مثل هذه الشعارات الجوفاء الكاذبة . لم تكن مؤسسات الانقاذيين وأجهزتهم تتبع نهجا يشبه الاسلام في شييء وان تسمت باسماء اسلامية
الذي يحز في نفسي الان انني اشهد بام عيني وابيها الفقر يقدل في كل مناحي الحياة والوجود السوداني ومع ذلك يمتصون من هؤلاء الفقراء جبايات متعددة الاشكال والالوان والروائح ومن بينها هذه الزكاة وصدق فيهم قول القائل (زكاة الانقاذيين تؤخذ من فقراء السودانيين وترد إلى أغنيائهم)
ولك مودتي

~

وحسنا فعل متمردو كردفان حين اعتنوا فقط بجهاز الامن و وديوان الزكاة
... في غارتهم الأخيرة على معتمدية غبيش

الاخ/ فتحى البحيرى

اوفقك ولكن بدل الغاء ديوان الذكاة وعلى منوال مشروع الانقاذ الحضارى ممكن اعدل العناون ليكون
ازالة حوش الذكاة
تحياتى

لك الود
نعم
وطبت خيالا ونكتة وبديهة واياما
يا صديقي

~