ليس باسمناياعادل عبد العاطي والادارة:تزوير فاضح ومكشوف لارادة اعضاء المنبر!

كعادتها الشمولية تمارس الادارة الصمت والطبطبة واختلاس الوقت والنتائج
قام عادل عبد العاطي فيما بدا تشبثا بأم الناس وهو له كارهون بانزال بوست يطالب فيه الناس بالتصويت على استمراره كأمين للمنبر او استقالته (طبعا لانه مسكين وعدو نفسه كان مفروض يقول اعفاء بدل استقالة ويعكس الترتيب الاعفاء ام الاستمرار لكن نقول شنو؟؟)
طبعا هو من حقه ما يعمل كدا ويستمر لي حدي ما يقرر بكري او يقرر هو انه يقيف
لكن الراجل ما قصر وداير يحكمنا بشكل أكثر ديمقراطية من الناحية الظاهرية فقط للأسف
فالاجراء باطل الان من عدة نواح
1- لايمكن ان ينزل البوست باسم عادل عبد العاطي ليستفتي الناس حول عادل عبد العاطي وكان أجمل لو نزل باسم الادارة
2- لم يرسلوا رسائل بريدية للاعضاء لاخطارهم بالامر ومعلوم ان معظم الاعضاء الرافضين لوجود عادل لامانة المنبر هم الان خارجه قرفا وبرما
3- لا توجد احصاءات عن الذين يحق لهم التصويت مثلا ولا تسجيلات ولا خلافه فكيف سيقرروا ان الذين صوتوا قد اكملوا نصابا ام لا او او او الخ
4- لم تحسم بعد مسألة الأسماء الوهمية وكلنا يعلم ان هناك اسماء لا وجود لها تكتب على المنبر
5- الفترة قصيرة طبعا لان لدينا اعضاء لا يتاح لهم المنبر الا مرة في الاسبوع او مرة في الشهر
6-الاستفتاء غير رسمي حتى الان لانه لا جهة رسمية غير امين المنبر المستفتى حوله تتبناه
فكيف لا تكون نتيجة هذا الاتسفتاء مقدما تزويرا فاضحا ومكشوفا لارادة اعضاء المنبر ؟؟؟
وكيف لا تكون محض هرجلة ومهزلة يجب ان لا تستمر
يمكنك أن تحكم يا عادل عبد العاطي بالعدل أو بغيره ما شئت هنا
لكن لا تتتصور انه بوسعك قرطستنا وفعل ذلك باسمنا
انت قايلنا عندنا قنابير؟؟؟؟

العزيز فتحي..

ســـلام..

أتمنى ان تستطيع المساعدة هنا: الحبوب،الكيك، أبو عرفة، قلقو، فتحي البحيري وبورداب الخرطوم.. مــســاعــدة

في الانتظار..

تخريمة: قلنا نستفيد من بوستاتك الملهلبة دي..

لووووووووووووول

والله قريتو يا استاذة
ونفسي اساعدك
بس قت اتاكد اول انو انا فتحي البحيري
ما مسيلمة الكذاب!!!
وصراحة ما قادر لسبب بسيط
ان امين منبركم الموقر بيمشي بين البوستات باني كذاب
وما في زول بيقول ليهو انت الكذاب ،فتحي ما كذاب
(فتحي بريء ، فتحي ما يعرفش يكدب ، مع التحيات الطيبات لالهام شاهين في اول مسلسل تلفزيوني لها : صرخة بريء)
حاكون مصدر (موثوق) بياتو وش؟؟

العزيز البحيرى


ما تصلى على النبى
مع تحياتى

العزيز هشام
اللهم صلي وسلم وبارك على سيدنا محمد وعلى اله وصحبه ومن والاه
في حاجةغلط؟؟؟

العزيز البحيرى

لا لا لا مافى غلط ابدا والغلط الا يقوله اكثر من كده حيكون شنو ممكن

Quote: منبركم الموقر

ومنبرها الموقر..

ومنبره الموقر..

ومنبرهم الموقر..

..
...

الخ..



وفي انتظار مساعدتكم الموقرة..

فتحي وعادل..


رجاء توقفا عن هذه الحماقات..

لأنها تضر بالجميع والمنبر..

انا اكثر من يريد لهذه الحماقات ان تقف يا استاذة
واعتقد انني ما قصرت معكم
مسكتكم طرف الخيط
اثبتوا لي كذبة واحدة كذبتها
فيما قال عادل انني كذبت فيه
او خارجه
واهي فرصة الواحد يتحلل من احدى كذباته
او فهموا الامين العادل دا انه مطالب باعتذار لي
ديل حاجتين
اي واحدة فيهن تحصل انا ما عندي مانع
اوقف ما اسميته انت حماقات
وما اسميه انا دفاعا مشروعا عن الذات
وبعدين الموضوع دا ما عندو علاقة بالحماقات
موش؟؟؟

عندي ثقة مبصرة
ان لغضبة عادل العمياء ضدي
صلة بهذا البوست بالذات
اكثر من غيره
فلماذا لا يرد هنا اذن
اعلم انه اشجع من أن لا يرد هنا
بعقل او بدونه
قد لا يكون العقل من مميزات عادل
لكن ، والحق يقال ، ليس من عيوبه الجبن
شفتو انا منصف كيف؟؟
فليته يرد هنا
بعقل
او بما شاء
ليته
تهو
تهو
تهو

فتحي بحيري
سلامااات

انت عايز تشتم الناس وتتهمهم زي ما عايز ... ولما اي واحد يتهمك تقلب الدنيا وتقعدها..
ياخي كرهتنا البورد بي مشاكلك الكتيرة دي ... روق بالله كم يوم كده وغيب عن البورد وبعد كده تعال
تاني ... بس ما تجي تكرهنا البورد من جديد

وكمان ما كل شوية تفتح لينا بوست جديد بي مشكلة ... لم مشاكلك كلها في بوست واحد ووصله اي حد ... بس خلي لينا الصفحة الاولي دي تكون خالية من عناوينك اللي كلها مشاكل دي

انا معاك انه عادل غلطان في اتهامه ليك ... لكن انت اتهمته في الأول و استفزيته .. وهو كمان بدل يكبر عقله .. جاراك في مشاكلك اللي ما دايره تنتهي دي

كدي صلي علي النبي كده وروق شوية ... شيل تلفون عادل وايميله واتشاكلوا بيناتكم

بوست توثيقي
من زمن الفشل المنبري

ويتوالي الفشل

شكرا فتحي
للأنذار المبكر