تبا لهذا المنبر : إلا هذه (الإهانة) يا بكري أبو بكر

1- الإهانات التي تم توجيهها لكثيرين هنا ، سواء بشكل مباشر ، أو بشكل غير مباشر ، من قبل إدارة المنبر تجد منا – منهم وستجد دائما كثيرا من التفهم والتسامح والقبول لعلمنا بطبيعة الأمر وطبيعة الحال والمرحلة والوضع الصعب الذي وضع فيه صاحب المنبر نفسه .
2- عندما يتعلق الأمر بمشاعر شخص أو أشخاص محدودين لا مشكلة ويمكن تفويت الأمر والتركيز فقط على ما يمكن أن (يستعدل المسير لي قدام) وإذا لم يفهم الناس هذا التركيز يمكن أن نسكت بعد حين بعد أن نشعر أننا استنفذنا ما لدينا ووصلنا آخر ما هنالك.
3- هذه المرة يختلف الأمر تماما ، نعلم أن ذلك مقترن بتحولات يكاد يكون أغلبها مجهول الهوية حتى الآن ولكن ذلك لا يبيح إطلاقا توجيه الإهانة إلى كامل شعب أحياؤه وأمواته ومن داخل ما ظنوه محل كرامتهم وأنسهم
4- يكفي أن يقول لك شخص أنه (حركة إسلامية) وأنه يعمل فعلا في (المركز السوداني للخدمات الصحفية) لكي يصبح ذلك اعترافا صريحا بأنه عنصر استخباراتي إنقاذي جاء هنا لينفذ خطة ما لهدم هذا الصرح وتفريغه من محتواه أو لتمرير سياسات الإنقاذ التي لا يعجبها أن تتوفر لعامة السودانيين هكذا فضاءات .
5- وعندما تتوانى إدارة المنبر ، بعد هذا الإعتراف ، عن إجراء اللازم وطرد المعنيين بالأمر فإن ذلك لا يمثل أقل من إهانة شديدة الوقع لهذا الشعب الأبي الذي ندعي التواجد هنا لأجله
6- عليه فلنتنادي إلى الإلحاح على الأخ الحبيب بكري أبو بكر عبر الهاتف والإيميل والحديث المباشر لطرد الأمني عرفانا بدماء وحقوق المظلومين والمغبونين من قتلى الإنقاذ وضحاياها على مر الـ15 عاما وحتى لا يصبح المنبر قناة لتحقيق تسامح زائف لا يسنده العدل ولا تقيمه المحاسبة
7- لا حاجة لأحد في منبر توجه فيه هذه الإهانة العامة أبدا

انت يا زول ما عندك غير تبا وخسئتم ودق الله اعناقكم يا زول اقول ليك حاجة براحة (يطق ليك عرق ساى ) ما تنفعل ........يا عبدو روق ......... اسمع انا ما طالع بطوعى اطردونى ..احجبونى ........لكن تبقى الحقيقة ....انكم ........ضقتم ذرعا بالراى الاخر وفشلتم فى تقبل من قلم لا يرضى شخصياتكم النرجسية ....... بعدين يا بحيرى ...خلاص كملت (شكل ) الناس كلها عاوز تختم بينا ... ولا اسمع ......سافر عديل لبكرى ابو بكر و(طالب بفصلى ) ........ تبا لهذا المنبر .....بالله دا كلام ...المنبر مالو اذا كان فيهو ناس (عبيطة ) وعاوزة تعمل فيها بطولات على (الورق )

الإنقاذي محمد حامد جمعة
زعلان مالك
أنا لم أمنعك أن تطالب بفصلي
(منعتك؟؟؟؟)
وإذا كنت تعتقد أن بكري (معك) فافعل
وأنا اعتقد أنه (معي)
وان مكانك ليس هنا
اللهم إلا ان (تتوب) من (سحت) الإنقاذ وحرامها ودنسها
ومالا (البطولات على الورق)
موش أحسن من الخيانات على الأرض
خسئت
(ومثلك لا يستحي!!)

.....ونخشى حقيقة الأمر أن تتراكم (الملاحظات البريئة) ..لتقول شيئا لم يكنه بكري أبوبكر...ولا نقوله عنه
لكن السكوت على تحويل المنبر إلى مؤسسة يرتع فيها الإنقاذيون
كثير علينا جدا
... جدا
... جدا

Quote: لكن تبقى الحقيقة ....انكم ........ضقتم ذرعا بالراى الاخر وفشلتم فى تقبل من قلم لا يرضى شخصياتكم النرجسية ...

لا لم نضق أبدا بمحض الرأي الآخر بعد
بدليل أننا لم نلجأ للانقلاب على خيارات الناس وإراداتهم بليل ودناءة وخسة وذعر في ليلة 30 يونيو
نحن فقط نضيق بأن يكون بيننا القاتل والمقتول ...معا
إما أن يكون منبرا للقتلة
أو للقتلى
مفهومة دي
(لذا لزم التنويه)

Quote: بعدين يا بحيرى ...خلاص كملت (شكل ) الناس كلها عاوز تختم بينا .

أنت تعلم أنني لا مشكلة لي إلا مع المرضى
.... من أمثالك
ومع ذلك
أنا ما معاك
أنا الآن أخاطب بكري والأعضاء
من المهم التحرك الآن وبسرعة
حتى لا ينصرف الناس عن هذا المنبر

محمد حامد جمعه حان الان وقت رحيلك / علي الادارة تسجيل موقف واضح

يا بحيرى ......المسالة كلها جوطة فارغة من الناس الزيك ..... وياخ انا لا حاسب بكرى على ولا عليك .... والقرار الذى يصدره على العين والراس .... وانا اصلا لم ولن اطالب بفصل عضو فى المنبر لانه ضدى ...انا خلينى بتسمونى ظلامى - طافى لمبة ولا لمبتين ما عارف - انتو يا ناس الاستنارة بالله عليكم هسة انا قلت فلان كلب ولا فلان ساقط ولا علان امى وجاهل وعميل .......ما حصل صح .. طيب انا خرقت لوائح المنبر دا بشنو ..بس جيت باسمى الحقيقى وصورتى ... وتلفونى كمان .. يعنى لو كنت خدعتكم وتنكرت ..
اسمع لغة سنفعل وسنهد الشمس وسنربط القمر وسنمد حبال شنو ونفتل حبال ايه دى ما عادت لغة مستعملة .....ياخ اركان النقاش بقى الكلام فيها (واحد زائد واحد يساوى اتنين )

ياجمعة
الدنيا سبت!
انت ما عملتا ولا أي حاجة
ومسكييييييييييييييييييييين
بس بتتباهى بالانتماء لتنظيم ونظام لايزال يمارس القتل والإجرام على أهلي وأهلك
ودي ممكن تكون فعلا (حاجة بسيطة)
إلا أن (فهمي البسيط) لم يستوعب بساطتها بعد
اسمع
تاني ما تجي خاشي هنا
لو سمحت!

ياخ بجاملك لانو منطقك (الاعرج ) دا طرد الناس من بوستك .....بعدين شايفك تسخر من اسم جدى ......عادى ...ياخ انت صنف ناس خشت مع بعض زملائهم فى الاسر والامهات ...يعنى دى طريقة واسلوب ما غريب عليك ........

للتصحيح فقط ، فقط ليس إلا ، : أنا عمري ما خشيت مع زول في الأسر والأمهات
وللتصحيح ، وحاجات تانية حامياني: أنا ماجبت اسم جدك من باب الهزء
وليس للتصحيح ، وحده : منو القال ليك الناس شردوا؟؟
ياخ الناس القت ليهم ما تجو جو؟؟
شنو ليك!!
بعدين ياخي انتا وكت لايوق كدا ما (تحاور) في النقاط الأساسية
أوليست الإنقاذ مجرمة وقاتلة و(ضد) لعامة الشعب السوداني؟؟؟
أولم تعترف بأنك منها؟؟؟
جاوب
وكت أصلك مصر (تكون معانا)

شكرا على التوضيحات يا بحيرى
اى كدا ممكن نتناقش بدون هرج ومرج

العفو
العفو المقصود أعلاه بمعنى لا شكر على واجب
وليس بمعنى العفو عما سلف
مفهوم!!!

أكشفوا كلب جهاز الامن العميد محمد حامد جمعة - عضو الب...ي والعار لكلاب الأمن

~.

الأخ العزيز فتحي بحيري
بعد التحية
مالي أخي أرى التأريخ و كأنما يعيد نفسه و مطرود الأمس طارد اليوم ، بالامس القريب كانت كل الكلمات التي تسوقها لطرد محمد حامد جمعة "تخربش" فيك من كل الجهات و هأنتذا تحاول أن تسقيه من نفس الكأس التي سقيت منها.
المسألة بتفاصيلها تتكرر ولم أكن قد رضيتها لك لأرتضيها لغيرك ، ألبسوك الرتب و قلدوك المناصب و وصموك بكل ما هو قبيح و هأنت تفعل نفس الشيء مع شخص آخر واضح وضوح الشمس.
عزيزي
ما لا تحبه لنفسك لا تحبه لغيرك
دعه ليتحاور و هاهي نيفاشا قد جمعت كل الفصائل بما فيهم الكيزان فلماذا لا يجمعنا حوش بكري لنتفاوض علّنا نصل لنتيجة و نقنعهم بوجهة نظرنا أو نختلف و يظل الود.

شكرا علاء
أولا : العلاقة بين ما ذكرت وهذا الأمر هي بالضبط علاقة (الفرق) وليست علاقة الشبه، بمعنى أن من ذكرت أنهم وصموني لم يكونوا سوى شخص واحد ولم يقدم أي دليل أو قرينة أو جسم دعوى وعلى كثرة ما طنطن وشنشن ودندن لم يتابعه ولو بالغلط أحد ((اللهم إلا خطرفات الهكرز والمشاكسين قبله)) ولم تنبع خزعبلاته إلا من حالة هياج وردة فعل يعلمها الناس ولا أساس لها من الواقع وما تعلق بحامد جمعة سندته الوثائق والبراهين واعترافاته الشخصية
ثانيا : نحن نطالب بفصله الان احتراما للناس الذين تأذوا من هذه الإنقاذ المجرمة وأجهزتها الفاسدة ، وليس بالضرورة أن تكون هذه المطالبة قفل لأبواب الحوار فها أنذا أتناقش معه في أثنائها كما ترى
ثالثا : الذين يفاوضون في نيفاشا وغيرها مطالبون بالانسجام مع نبض الشارع هاهنا وليس العكس ، لا يعقل أن نطالب نبض الشارع بالانسجام مع أهوائهم
شكرا مرة أخرى

فتحي

فيق
لاتضيق



مايحدث في هذا المنبر يصعب جدا وصفه

اذن لاباس من التزكير
وزكر فان الذكر تنفع المؤمنين

شكرا خضر
صدقني أنا لا أضيق
ولكن
كما قلت أنت
... عسى الذكرى تنفع

Quote: 7- لا حاجة لأحد في منبر توجه فيه هذه الإهانة العامة أبدا

السيد/فتحى البحيرى

بل لا حاجة لنا بمنبر يعبر عن فكر متعصب احادى

فصاحب الحق لا خوف عليه

و دخول محمد حامد جمعة الى البورد سوف يجب على كثير من

الاسئلة المبتورة

و ادونا فرصة نسمع ردهم سمعناكم كتير

و شكرا

شكرا محمد الأمين أحمد
من قال أننا نريد منبرا أحاديا في فكره وتوجهه
لو كنا نريد ذلك (لقمنامثل بعض الجهلاء بانقلاب عسكري شرير في 30 يونيو)
أو لركبنا تلك الموجة الآثمة في أي من مراحل تكسرها (البهي)
ياصديقي لا (تطنطن) خارج فهم ما نرمي إليه هنا
الإهانة العامة التي نرفض أن نكون شركاء فيها وجهها صاحب المنبر لملايين الظانين به الخير من أهله
وذلك بتقاعسه ، حتى الآن ، عن ركل هذا الأمنجي المعتز بأمنجيته ، خارج هذه الرحاب التي يرونها مفضية إلى فجرهم
وهو أن فعل ما ندعوه إليه لسار باستقامة فيما بدأه هو
وإن لم يفعل أصبح كالتي نقضت غزلها من بعد قوة أنكاثا
المنبر يسع جميع الأفكار ، بما فيها أفكار الحركة الإسلامية (إن وجدت )، بعد أن تتطهر من رجز جرائرها وجرائهما الكثيفة تجاه الله والدين والشعب والوطن
هل تفهمون؟؟؟؟؟؟؟؟؟؟

Quote: هل تفهمون؟؟؟؟؟؟؟؟؟؟

لا ..لا ... !
ممكن تطول لينا بالك شوية ؟
يا اخ فتحى هناك ااراء فى هذا المنبر تنادى ببقاء هذا الشخص ( على سبيل المثال : مثلى انا و بشاشا و خالد عويس و محمد الامين ) كتشكيلة لاتجاهات فكرية متباينة .

Quote: الإهانة العامة التي نرفض أن نكون شركاء فيها وجهها صاحب المنبر لملايين الظانين به الخير من أهله وذلك بتقاعسه ، حتى الآن ، عن ركل هذا الأمنجي المعتز بأمنجيته ، خارج هذه الرحاب التي يرونها مفضية إلى فجرهم وهو أن فعل ما ندعوه إليه لسار باستقامة فيما بدأه هو .

بمقارنة الكلام اعلاه : هل تقبل ببكرى كشخص يتعاطى الراى و الراى الاخر ؟
او .. هل يخفف ذلك من غضبك عليه ؟
اذا لا .. فارجو ان تزيدنا شرحا .

يا فتحي البحيري ما تكتب رايك دون ان تسيئ لبكري ابوبكر ..

شكرا عادل
أنت تعلم أنني أكتب رأيي ولا أسيء إلى أحد
هذه هي الحقيقة (كما ولدتها أمها)

إن لم ينتبه بكري إلى أنه يهين جميع أهله بهذا التقاعس عن تطهير المنبر من الأمنيين
يصبح كالتي نقضت غزلها من بعد قوة أنكاثا

وهو رأي يحمل من المحبة له ما يعلمه هو ولا يصل إليه علمك أنت (فيما بدا ويبدو)
شكرا مرة أخرى

شكرا برهان
مع احترامي لك ولخالد عويس وبكري أبو بكر وكل الذين ينادون ببقاءه
المسألة فيها تفاوت بين
نحن لا مانع عندنا من مناقشتهم حتى آخر قطرة
وجود أمنيين بهذا (العمق) الحامدي الجمعوي في هذا الفضاء الذي يؤمه المغبونون من أهلنا من وجود الإنقاذوسياساتها والذين لازالت جراحاتهم (ندية) من أفعال مجرميها التي لم تتوقف بعد . ..
وجود أمنيين بهذا العمق وبهذه (العزة بالإثم) سيجعل هؤلاء يبصقون علينا وينصرفون
الطرد الذي نطالب به هنا هو (استشفاء) لمايعانيه الظالمون والمظلومون معا ... لو تعلمون
... ولابد منه
ولان حقيقة أنهم هنا لمؤامرة وبخطة واستراتيجية لا يشك فيها إلا مأفون
.... بطبيعة حالنا وحالهم
شكرا مرة أخرى

~

Dear brother Fathi

I am not a member in Sudaneseonline. I should deliver this to the board directly but I can´t.

If we want to kick out members from this board, we should kick all stupid sudanese security agents and the dogs that belong to the vanishing govenment in khartoum.

I liked Dr Moez bakhiet very much. He was my favourite in this board.

Do you know that Dr Moez bakhiet is a very close friend to the dog "Mohammed Gumaa"? Dr Moez is a friend to Altayeb Mustafa (cusin to omar albashir) who was the director of the Sudanese TV.
Dr Moez has written in Alwaan newspaper (Hussein kogali newspaper) and said he is a son of the Islamic movement in Sudan (=muslim-brothers).

Dr Moez omar bakhiet, his father is Omar Bakhiet AlAwad. Omar Bakhiet Alawad is the senior judge at the NATIONAL security authority in Abu Dhabi. Omar bakhiet AlAwad is the judge who signed the agreement that Mr Abdel-Azziz Khalid should be sent to sudan to be arrested in Sudan.

His father is a member in muslim brothers party and a close frent to hassan elturabi, the stupid man who destroyed sudan...

all these things made me sick and now I hate Dr Moez, she should not be related to the govenment ¨by any means.

Have you seen Dr Moez saying anything about this government? Ask him about AbdelAzziz Khaild arrest and his fathers opinion about it?

death to the government in Sudan


best regards

(........)

تحية طيبة للجميع

السيد/ فتحى البحيرى

و كيف يكون له رآى خاص اذا (تطهر) منه ؟؟

اذا تطهر منه اصبح رآيه من رآيك و عندها

لا يعود للنقاش معنى!

ما فهمته انك تطلب ان (يفصل)العضو من البورد

و ان نكتفى بنقل افكاره فقط؟

و شكرا

القتل وتدمير وطن واقصاء أهله عنه وعن خيراته ليس رأيا
احتكار الماء والهواء طيلة 15 عاما ليس وجهة نظر
تجويع وتشريد 30 مليون نفس ليس (فكرة)
إنها محض جرائم
بكل الأعراف والمقاييس واللغات والأديان
ولابد من التطهر يا صاحبي
إن كنا صادقين
فهمتني ؟؟؟

Quote: القتل وتدمير وطن واقصاء أهله عنه وعن خيراته ليس رأيا احتكار الماء والهواء طيلة 15 عاما ليس وجهة نظر تجويع وتشريد 30 مليون نفس ليس (فكرة) إنها محض جرائم بكل الأعراف والمقاييس واللغات والأديان ولابد من التطهر يا صاحبي إن كنا صادقين فهمتني ؟؟؟

صحيح و هذا فى ارض الواقع

و لكن هنا حيث البقاء للفكرة يجب ان يتواجد الجميع

و عسى و لعل ان نجد مخرجا من هذة المتاهات

فى الواقع لا توجدة هذة الفرصة للحديث و لكن يوجد فقط العنف

سياسة اقصاء الآخر، اعتبرها ضعف و اعتقد ان هذا رآيك ايضا

و هى الحل الاخير و المنطقة التى لا يمكن العودة منها.

و شكرا

.. جميل
أهو نحن كدا ماشين لي قدام
ومطلوب الآن على مستوى الفكرة أن ينخلع الإنقاذيون ، ولو على مستوى الفكرة فقط ، من ممارساتهم البشعة تلك ويتحدثوا عن فترة الأنقاذ باعتبارها (خطأ) على الأقل ولا يجب تكراره
أما هذه العزة البلهاء بجرمهم فليست ، على مستوى الفكرة ، فكرة بريئة ولا تستحق التواجد هاهنا
فهمتني
دي حاجة
الحاجة التانية
لما نجي نتكلم عن الانقاذ وجرائمها ... والتسامح
لا يجب أن نتجاوز الباب الوحيد المفضي إليه وهو تثبيت (حق كل فرد سوداني في محاسبتهم)
.... إن كنا صادقين ومخلصين
شكرا لهذا الدأب على النقاش بامحمد

هل يرتبط وجودنا في البورد ببكري أبوبكر وشخصيته? وهل نأتي للبورد
لكي يقرأنا بكري أبوبكر فقط? لنفترض أن غدآ تغيرت مواقف بكري أبوبكر
السياسية وأصبح إنقاذويا فهل نترك البورد ونذهب للبحث عن بورد آخر?
مجرد تساؤلات في أحقية من في الكتابة ولمن نكتب.

شكرا ملامح
طبعا نحن لسنا هنا (عشان بكري)
والأمر بغاية البساطة أنه في (انزلاق) حسب تقديري المتواضع لطبيعة ورائحة البورد ستفقده حتما تميزه ومبررات وجوده
ووللأسف الشديد فإن ايقاف هذا الانزلاق مرهون الان بقرار من بكري
وأخشى أن لا يكون الناس قد شوشوا عليه سلامة الرؤيا
ذلك كل ما في الأمر
تسلم

الأستاذ بكري
أرجو ألا يتم طرد أي عضو من هذا لمنبر
وإحنا لمن بنخش النت بنخش علي سودانيييييز أون لأين
مش المعارضة أون لاين
بعدين يا بحيري حتسمع كيف رأي الطرف الآخر إذا تم طرده
والإنقاذ ما للدرجة دى كأنك بتتكلم عن صدام حسين
روّق المنقةووطنيين ولا معارضة في النهاية
قاعدين تتلموا هناأحمدو الله علي اللمة دي وبطّلواتحريض
الواحد يقرا ليكم يقول الحمد لله إنو مالينا دعوة في السياسة
سياسة الورق والنميمة والتجنّي علي الاآخرين زورآ وبهتانآ

وعارف كمان يا بحيري
أنا ما عارفة إذا حكومتنا دي زي ما بتقول ولا لأ
لكن إذا دة منطقك السب والملاعنة
إنشاء الله ماتتغير خالص وتحكم السودان للأبد
مادام هذا نهج قادة المستقبل

فتحي البحيري

أنت رجل جبان لا أكثر ومحاولتك لإقحام الآخرين في ضعفك ومواقفك الهزيلة يؤكد على ذلك

تبا لمناضلين الكيبورد

شكرا صديقي وزميلي السابق أسامة عبد الرحمن (بخاف)
هذا رأيك
أنني مناضل
وأنني مناضل كيبورد
وأنه : تبا لي
ومع أني لا اشاركك في أي من أجزائه
إلا أنني أشكرك
على أجزائه كلها
....
وأرثى لك
...
لو صدفة .... نتقابل

شكرا سامية بكري
أنت لا تعرفينني
وأنا لا أعرفك
وربما أن ثمة خطأ (ليس بالضرورة في أحدنا) ولكن بيننا
لهذا أنا انتظر
ولست بغاضب منك
واسمحي لي بأن ادعو الله صادقا لنفسي ولك بالشفاء التام من كافة الآلام والأسقام
وقولي : آمين

سارة فضل
شكرا لك على المداخلة
أولا أنا ما قصرت من سماع (الطرف الآخر) طيلة 15 سنة في كل منابره التي احتكرها دون أهلك المساكين
ثانيا الطرد ليس إلا لأنهم قتلوا الناس وشردوهم وضايقوهم ولايزالون في أرزاقهم وأنهم يجب أن يقلعوا عن ذلك ويعتذروا ويقبلوا بمبدأ المحاسبة العادلة
والطرد ليس إلا احتراما لمششاعر كثيرين رأوا في هذا المنبر غصبا عني وعنك وعن صاحبه أنه طريقهم الأخير للتعبير عن اختلافهم عن النظام المجرم وحلمهم في أن تتحق عدالة ما على هذا الوطن ذات يوم
الطرد يا سارة أراه شفاء وبلسما يداوي الظالم والمظلوم على حد سواء
ولكيلا يصبح المنبر الحر طاردا للألاف والملايين الذين لن يهدأ لهم بال حتى تعود تلك العدالة
وتعلمين أنه لو أنصرف هؤلاء عن منبرنا
لفقد كل مبررات وجوده
واتمنى أن تعودي للمناقشة واعود
شكرا مرة أخرى

تحية طيبة للجميع

السيد / قتحى البحيرى

Quote: .. جميل أهو نحن كدا ماشين لي قدام

و نتمنى ان نستمر

Quote: ومطلوب الآن على مستوى الفكرة أن ينخلع الإنقاذيون ، ولو على مستوى الفكرة فقط ، من ممارساتهم البشعة تلك ويتحدثوا عن فترة الأنقاذ باعتبارها (خطأ) على الأقل ولا يجب تكراره

اذا لتدحض فكرهم حتى لا تقوم له قائمه، اما ان ننحيه او ننفيه فهذا لن يفيد فى شئ، فهذا مجرد تجاهل للمشكلة الحقيقية

Quote: أما هذه العزة البلهاء بجرمهم فليست ، على مستوى الفكرة ، فكرة بريئة ولا تستحق التواجد هاهنا

لا تستحق البقاء هنا من وجهة نظركم، و لكن البعض لديهم وجهة نظر آخرى

Quote: فهمتني

نحاول الوصول الى ان نتفهم بعض

Quote: دي حاجة الحاجة التانية لما نجي نتكلم عن الانقاذ وجرائمها ... والتسامح لا يجب أن نتجاوز الباب الوحيد المفضي إليه وهو تثبيت (حق كل فرد سوداني في محاسبتهم) .... إن كنا صادقين ومخلصين

هو الشعب السودانى ده يحاسب منو ولا منو ؟
فى حكومة جات السودان و الشعب ما مفروض يحاسبها ؟
نحن محتاجين نأسس لقدام، اكتفينا من اللاعيب السياسة

Quote: شكرا لهذا الدأب على النقاش بامحمد

اتمنى ان نرى السودان فى ابهى صورة

و شكرا

لو جئتني يا محمد الأمين الآن لتقول لي أن لك مظالم وحقوق على التعايشي أو السلطان علي دينار أو بادي أبو شلوخ ... لما وسعني أن أطالبك بصرف النظر عنها
الحق حق والعدل عدل ومبدأ المحاسبة الذي نطالب بإقراره (أعطانا له المنطق المحض وكل الشرائع والأعرف والقوانين منذ أن خلق الله الأرض والسموات وإلى أن يرثها ومن عليها)
أقروا مبدأ المحاسبة
وطبقوه بعد ذلك على كل من شئتم
أما خلطك الواضح المفضوح بين محض الفكر ومحض الجرائم
... فلا يستحق الرد
وأيضا
.... لي قدام

يا فتحى قول بسم الله (النجيهه ) الكتيرة ما كويسة يا زول .. انت بتتكلم عن انو الاسلاميين يتطهرو ويتحاسبو وانت زاتك عاوز ليك غسيل وغسل ..يعنى بوست قصة (ابو معز ) دى فى البوست دا ولمن ما جاب حقو طلعت فى بوست منفصل .. ياخ اصبر كلام جميل ...فى فترة انتقالية وديمقراطية جاية ..الناس تجى كلها وتورينا فلاحتها وبعد داك العندك عليه دليل دامغ فان القضاء حسيبه وقبل دا الشعب السودانى دا حسيب الجميع وهو عارف لو الخير فى زيد ولا عبيد ، بعدين ياخ ما عارف ليه جانى احساس انك زول عندك ازمة نفسية يعنى لو ما عملت ازمة .. ما بترتاح مالك عندك ام الصبيان انت

شكرا جمعة
أنك لاتزال هنا
ليكون عندي موضوعا
ولتكون لام صبياني وأزمتي النفسية
ما تعمل عليه
بجيك تاني


شكرا بكري
هذا التجاهل (الذكي)
والسكوت (الأريب)

بحيري سلامات اخوي

هدي اللعب يا حبه

انت قاعد تكتر في اعداءك

هدي اللعب

عشمني في نص ساعة بيناتنا تكون شفيع وتسمع كلام اخوك

سوف لن تفهمني
(يا ضيف قارعة الطريق بساحة الشهداء وصحبة بهنس ومحمد ورحاب)
لو قلت لك أنني لا أحمل أي شيء شخصي لأحد
حتى عمر البشير وأبو لهب وعلى عثمان وهامان و الطيب مصطفى وفرعون .... وصلاح قوش
والمسألة هنا إجراء أشبه شيء بالإجراء القضائي أو غسيل الكلى
ليس إلا
ولو جمعة دا قريب منك
جيبوا يشرب معانا قهوة
ونفهمو نحن مادايرينو هنا ليه
يمكن يقتنع هو
أو أقتنع أنا
قصرت معاك؟؟





يا بكرييييييييييييييييييييييييييييي

اي فهمتك
لكن المقاضاة عندها اصولها
سُجل بلاغك وشُطب لعدم كفاية الادلة

ولا بعد ده حا يعتبر بلاغ كيدي
ومافي زول كبير على الاتهام (يعني انت في حدود النيش)

مثال ما عندو علاقة بالموضوع

اتناقشنا انا وصحبي عن السودان وامريكا
قال كلام غريب
قال لي انو السودان وامريكا حبايب والكلام ده كلو جعجعه ساكت
قلتا ليهو كيف
قال لي امريكا اقوي سلاحين عندها القمح والبترول
والبلد دي كانت في ضنك وخصوصا البترول القمح
لمن جو ناس الانقاذ اتحلت مشكلة البترول كيف ما عارف
والاهما من ده اتحلت مشكلة الرغيف مع انو قالوا وقفوا استيراد القمح

قلتا ليهو ما فاهم
قال لي بالعربي الفصيح

الدول العندها مشكلة بنزين وقمح عندها مشكلة سياسية مع اميريكا
والدول الخلاف كده هي وامريكا حبايب وان ظهر العكس

ما تفسر كلامي غلط

وما بتقصر
والعزومة مردودة

كيف (عدم كفاية الأدلة) مع انه اعترف؟؟؟
تيجي دي؟؟؟

اعترف بي شنو
بي انو اسلامي
ولا بي انو مسؤل عن موت فلان واعدام علان

وانت متصور انو كل الاسلاميين مصاصصي دما

لو دي فكرتك بقول ليك غلط
عارف لي لانو الكمال لله وحده
صفت الكمال محجوزة
وتاني مافي كمال
لاكمال في السمح ولا كمال في الشين

الزول ما نكر انو اسلامي
لاكن الحاسب السدنه منو عشان تحاسبو الاسلاميين

ولا حتى الحساب فيهو خيار وفقوس

بره الموضوع
نفسي في كباية جبنا تاني
عازمنى ولا اشربا مع مرتي في بيتنا

شكرا وليد
الانقاذ ، في 30 يونيو ، وما تلاها على طول وعرض الخمسة عشر عاما الماضية ، عبارة عن مسلسل من الجرائم ، لا يشك أو يغالط في ذلك إلا شخص ما عاش بالبلد أومنتفع منهم
وانت لست كذلك
وكل من يعترف لانتمائه إلى أجهزتها ةتنظيماتها معترف بالجرم ومجاهر به ولن يستعفي إلا بالتوبة والأنخلاع
أتمنى أن أكون (شفيتك) إفهاما وشفيت نفسي تبيانا

عُلِم

واكلتني في عزومة الجبنه
مافي مشكلة

ومارديت لي
نميري حكم الناس 14 سنة وسوى البدع

وهسع حايم في الخرتوم ومتجدع

ولا نقول عصر الاصلاح من هنا وجاي

أبدا
والجبنة (براك ولا معاك جمعة ؟؟؟ مامشكلة أي نعم 500 نعم جنيه بتدخلني تلت ساعة انترنت لكن عندنا هنا كل من ستات الشاي واصحاب المقاهي (بدينوا)
ياسيدي قنا قبل كدا : أقروا
وردينا قبل هنا أنه المحاسبة مبدأ لا مناص منه
ونميري يتحاسب
والمهدي يتحاسب
وبعنخي ذاته يتحاسب
(قصرت معاك؟؟؟؟)
مؤلم الكلام في الحتة دي أمام ملايين المغبونين أيها السادة!!!!

فهمناك يا باشا

والله معاك

الليل اليل

ملحوظة
حا احاول اجيب معاي محمد حامد جمعة

انشاء الله

قبلت العزومة يا جماعة ...... بس ما بشرب (جبنة ) ممكن شاى تقييييييل شاى (تفل ) لان المعبأ دا رغم جمالو واناقته وسلامته من حيث شروط التعبئة لكن ما بيخش مزاجى ..انا زول بقارى وحريف شاى ...ما كمكلى

وابقى جاهز .....للدواس المنطقي العقلاني

مافى مشكلة ...

يا بحيرى
كان حكماء اليونان اذا ارادوا معالجة المصاب بالاوهام والقلق
والامراض النفسيه يجبرونه على العمل فى الفلاحه والبساتين فما
يمر وقت قصير الا وقد عادت اليه عافيته وطمانينته... بنصحك
تقوم تشوف ليك مزرعه ولا جنينه وتاخد ليك اسبوع اسبوعين
عسى ولعل......................

فتحي البحيري
في البدء شكرآ على فتح الموضوع الهام ، وشكرآ على ردودك النيرة وسعة صدرك ،وحرصك ان لايخرج الموضوع عن مساره بسبب أي مهاترة أو مماحكة.

والسؤال : هل الحرية لنا ولسوانا؟ ولو كان {سوانا} هذا قاتل ومعادي للحرية والحريات حتى النخاع ومكمم للأفواه الحرة و إقصائي ولا يعترف بالآخر ولايتورع عن تعذيبه حد القتل؟
الإنقاذيون جميعآ وكل كوادر الجبهة الإسلامية/المؤتمر الوطني {ولا أستثني} أحد شركاء في الجرائم والتعديات التي حدثت في معتقلاتهم السرية المعروفة ب {بيوت الأشباح }بصرف النظر عن نوع المشاركة وجسامتها فكلهم سواء في الجريمة من مستوى المخطط ومصدر القرار ومنفذ عمليات التعذيب حتى مستوى من يبررها أو يغض الطرف عنها ويلوذبالصمت.
التسامح والتستر وراء إحترام الراي الآخر ليس سوى غفلة
ولأننا لسنا إقصائيين يمكن ان نقبلهم ونسمع رأيهم ونحاورهم ، بشرط :
#الإعتراف بجرائمهم والكشف عنها والإعتذار عنها وقبول مبدأ المحاسبة

فتحي البحيري
* في البدء شكرآ على فتح هذا البوست / الموضوع الهام ، وشكرآ على سعة صدرك برغم محاولات حرف الموضوع عن مساره
& والسؤال : هل الحرية لنا ولسوان؟ ولو كان {سوانا} هذا إرتكب في حقنا جرائم ومارس ضدنا أقسى صنوف التنكيل وسامنا العذاب ؟ ولو كان {سوانا } هذا إقصائي ولا يعترف بالآخر ومكمم للأفواه ولا يتورع عن إرتكاب الجرائم في حق معارضيه؟

# في رأي كل أعضاء سلطة الإنقاذ ،قادة وكوادر وقاعدة ، شركاء في كل الجرائم التي أرتكبت في حق الوطن والمواطنين وبخاصة التعذيب والتنكيل حد القتل في بيوت الأشباح التي إعترف بها إبراهيم السنوسي ،وبغض النظر عن مستوى المشاركة وجسامتها فجميعهم متورطين من خطط ومن أصدر القرار ومن نفذه ومارسه ومن تستر عليه ومن حاول تبريره ومن لاذ بالصمت عنه ، كلهم سواء ومجرمين والتسامح معهم والتستر وراء قبول الآخر ليس سوى غفلة.
وفي يد السلطة وكوادرها الدولة وأمكانياتها ، وكل أجهزة الإعلام مسخرة لها من إذاعة وتلفزيون وصحف مأجورة وما قبلوا أن يشاركهم أحد فيها بالإضافة لوكالات ومراكزإنشأتها خصيصآ للتضليل والغش والخداع.
وليس لناسوى هذه المواقع التي حاولت السلطة إيقافها وحجبها ، ولما فشلت تحاول الآن إحتوائها وإغراقها في المهاترات ، وهاهي تدس كوادرها{ المختارة بعناية } في البورد لأجل تنفيذ مخططها في إسكات هذا الموقع الهام أو إستخدامه في التزييف ومواصلة الخداع ، أو إغراقه في المهاترات
# وبرغم كل ذلك ،ولأننا لسنا إقصائيين ، يمكن النظر في أمر قبولهم والتعاطي معهم فكرآ وحوارآ بشرط :
- الإعتراف بجرائمهم والكشف عنها وخباياها والإعتذار عنها للشعب وقبول مبدأ المحاسبة ونتائجها.
- إعلان نبذهم العنف وقبول الحوار وإحترام نتائجه ، وقبول التداول السلمي للسلطة ونشر الآفكار
- عدم إستغلال الدين والمتاجرة به ، والكف عن الإستعلاء الديني والعرقي

الأخ / فتحي البحيري

السلام عليكم ورحمة الله

من اليوم فصاعدا فسوف تخرس كل الالسنة التى تدعي وتزعم أن منبر سودانيزاون لاين حكر على طائفة معينة والدليل على ذلك إنضمام الأخ محمد جمعة


ماهو رأيك فى هذا الكلام

اعزائي الافاضل بحيري وجمعة ، وفقا للسياسة التي اعتمدها المنبر فانني اعتقد انه ملك لكل سوداني حر، وليس ملكاللجبهجية والامنجية والمسيسن من اليساريين وغيرهم ولكنه يستوعبهم وقد يكون ملكهم اذا التزموا بشرف الكلمة واجتبوا التنابز بالالفاظ غير اللائقة وغير المقبولة، واعتقد ان صدر الاخ بكري اوسع من الانجراف في مثل هذه المزايدات، ولنعمل جميعا من اجل ان يكون هذا المنبر للجميع ، وللراي والراي الاخر،تحياتي لكم وشكرا.