هنيئا للبعض قبلاتهم للفنان إيهاب توفيق ، 400 ألف التذكرة ، والفقر يحصد أكثرية

الكريم يدي والحسود زعلان
من الله على بعضنا بنعمة السلام والوئام واستقبال سنة العاصمة الثقافية على خير ما يرام
وفيها إيه لم نخش حفلة للفنان المبدع ايهاتب توفيق
هو بجي الخرطوم كم مرة؟؟؟
ويعني شنو لما نخسر
في يوم زي دا
- عليكم الله - 400 ألف بس للنفر الواحد عشان نفرح وننبسط وأولادنا يشعروا بسعادة حقيقية في هذا البلد المليان غبار وشحادين ونصابين وبلطجية
ويعني شنو بناتنا لمن تاخدن الفرحة والانبساط ويقبلن الرائع في جضمو الشمال أو اليمين
واحد من الناس الحاسدين قال : والله أنا لو لقيت طريقة اخش جوة انسف القاعة بما فيها ومن فيها
واحد تاني بالغ عديل كدا
وقال لو في 3 من الشباب ديل قرروا انهم ينومو بدري الليلة ديك وقنعوا لي من حق تذاكرهم
أنا حاضمن ، في بلد ما فيها ضمان لا ي حاجة ، حياتي وحياة صغاري وعزتي وكرامتي وشرفي سنة كاملة لقدام
بالله شوف
حقيقة
الكريم يدي
والحسود زعلان
(أنطعم من لو يشاء الله أطعمه)؟؟؟؟؟!!!!!

Quote: ويعني شنو بناتنا لمن تاخدن الفرحة والانبساط ويقبلن الرائع في جضمو الشمال أو اليمين

أمانتن فى ذمتك يا فتحي دة حصل فى السودان؟؟؟؟؟؟؟؟؟؟؟؟؟!!!!!!!!!!!!!!!!!!

استاذ فتحي

عارف انا اول ما سمعته انه التذكره للنفر الواحد حتكون بالمبلغ400000
قلت يا حيليلو المصري الجاي يغني في بلدنا يهاو الحفلته بارت وما حيلقي حق التذكره الترجعو مصر

لكن كلامي طلع كلام طير سااااااااكت

ناس عايشه وناس دايشه والله

السودان بلد التناقض الاعظم



تحياتي والله يعين اهلنا الغبش...

بعدين صحي كلام البوس الفي الجدومات دي صحي؟؟؟؟؟؟؟؟؟


لى قدام

ألأستــاذ / فتحى

ســـــلامات و لك التحية

تفتكر لو سافر احد فنانينا الشباب
الى القاهرة فى نفس ليلة راس السنة
حيكون العائد المادى كم؟؟؟
... مجرد ســـؤال بس!!!


الفولانى

لنا مهدي
الأمر -الخبر المدهش متداول على نطاق واسع
والله ، بعد ذلك ، أعلم

بجد الكلام دا حصل ؟ عندنا !!!

الاخت العزيزة بنية
يديك اربعمية الف عافية
خطوة عزيزة
واتمنى ان اجد اللنك الخاص بموضوع لسمبيتيكو في الارشيف يخص التناقض الاعظم لهذا السودان العظيم
وتسلمي

صديقي عوض
على الرغم من أن موضوعنا مختلف
لكنني اختلف معك
ودونك ستونة مجروس وفلانة ...(ركشة)
....
سوداننا الحبيب يعاني من فقر رهيب
ومع ذلك
دعنا نطور السؤال : كم تساوي الأربعمية الف بالدولار
مثلا
وما هو موقع هذه القيمة من متوسط فئة تذاكر إيهاب في مصر وغيرها
حد علمي ان الـ400 ألف
تساوي قيمة ما.... بين 100 و 150 دولار
والسؤال
هل التذكرة بهذا الرقم في مصر مثللا أو في أي دولة أخرى؟؟؟؟
ثمة أسئلة أخرى
أحبك يا صاحبي

أخي الحبيب أبو رزان
أفهم سؤالك وألمك
لكن عليك أن تثق في جميع حروف كلماتك هذه إلا (.... نا) المتكلمين هذه
.... نحن بقينا ما نحن
المعنيين/ت بهذا الكلام هم في مقام طلابي
وقد أكون درست بعضهم/ـن فعلا
لكنني أتفهم وجودهم
هذه ليست المشكلة
(وأقاسمك وافر الألم)
المشكلة الحقيقية
أننا نحتاج ، كفقراء وأغنياء ، في هذا الوطن الكليم
لتفهم (((ظروف!!!))) بعضنا البعض
.... محبتي

قل اللهم مالك الملك تؤتي الملك من تشاء وتنزع الملك ممن تشاء وتعز من تشاء وتذل من تشاء بيدك الخير إنك على كل شيئ قدير ) صدق الله العظيم .. ( آل عمران 26 ).
أخي فتحي البحيري كل سنة وإنت طيب ، شخصياً أعتبر الأمر نوع من المنتشه ، وأجد أننا في السودان جعلت منا الإنقاذ فريق في الجنة وفريق في السعير ، وأخشي ما أخشاه أن نكون كشعب قد أُصبنا إصابة مباشرة في أخلاقنا ، وهو ما لا يمكن تصحيحه وإصلاحه لا بإنقاذ ولا بعكاز أو بهما معاً. أن تدخل حفلة بمبلغ وقدره فهذا شأنك ، وأن لا يجد غيرك كسوة تستر عورته أو لقمة تعينه على الحياة أو دنانير معدودة لشراء دواء فهذا شأننا جميعاً.

----
أما في شأن (أنطعم من لو يشاء الله أطعمه)؟؟؟؟؟!!!!! فإما أن نؤمن بالكتاب كله و نكفر به كله فلا يمكن التجزئة على طريقة ويل للمصلينا (فلستوب) فإذا كنا فعلاً في مجتمع يؤمن أن الله على كل شئ قدير ما بقي في البلاد إنسان محتاج أو خائف أو مهان.

صديقي العزيز الملا
جميل أنك جعلت من اختيارات الغني شأنه الخاص ومن معاناة الفقير شأننا العام
لو كنا ترجمنا كلماتك هذه إلى واقع محسوس (بيننا) وإلى نبض معاش (فينا) لما كنا قد احتجنا لكل هذا السفر ، رد الله غربتنا إلينا ورحمنا بماشاء أو بنا
وجميل انك قرأت اقتطافي لجزء الآية الكريم - الكريمة استنكارها الكريم الموازي : أقتؤمنون ببعض الكتاب وتكفرون ببعض؟؟
فاقبل مني أن أحبك ... لمحض الديمقراطية والاشتراكية والدين
(تعددت الاسماء والحب واحد)
ومودتي

العزيز فتحى البحيرى
تحيه طيبه
كنت قدكتبت فى نفس الامر الاتى

Quote: خلو الناس تنفس شويه كبت ذيادة عن اللزوم بعمل انفجار شديد مليار ونصف بالجنية السودان ما كتيره. مع تحياتى

Quote: واتزكر ان حضرت الراقصة سهير زكى وفى ليلة عريس خاص ورقصت ونثر فوقها الذهب وغيره من العملات واولها الجنية السودانى عندما كان الجنية يساوى ثلاثة دولار دى كان سنة 1973 وسنة 2004 كل هذه الضجة فى ايهاب توفيق وتزكرة بمايعادل 100 دولا ممكن ومن المؤكد تكون فى متناول يد الجميع هنا يعنى خلاص وجدنا الحلول لكل مشاكل الوطن وما باقى الا ايهاب توفيق والله تحيه له لحضوره وطرب معجبه فى السودان واتمنا ان تتكرر الزيارة كمان تانى ريكم شنو مع خالص احترامى لكم

نحن شعب نحب ونعشق الفن لماذا لا

لك معزتى

شكرا صديقي هشام
ولكننا
مع ذلك
نحتاج كثيرا إلى الفقراء في هذا الوطن مثلما يحتاجوننا كثيرا بالضبط
ونحتاج كثيرا إلى الفقراء في هذا الوطن مثلما يحتاجوننا كثيرا بالضبط
نحتاج لفهم بعضنا إذن لتحقيق هذا الاحتياج الرباعي
أليس كذلك؟