كيف مات الدوش وكيف يموت البشير :اللهم أعز السودان بأحب العمرين إليك!!!

كيف مات الدوش وكيف يموت البشير :اللهم أعز السودان بأحب العمرين إليك!!!


03-06-2005, 06:27 AM


  » http://sudaneseonline.com/cgi-bin/sdb/2bb.cgi?seq=msg&board=304&msg=1190018118&rn=2


Post: #1
Title: كيف مات الدوش وكيف يموت البشير :اللهم أعز السودان بأحب العمرين إليك!!!
Author: فتحي البحيري
Date: 03-06-2005, 06:27 AM
Parent: #0

1- قليلون هم الذين يعرفون أن ثمة صلة قرابة قوية تربط بين المواطن العبقري عالي الحظ والقدرات والمواهب والعامر بالمحبات لهذا الوطن الطيب وأهله جميعا بلا فرز : عمر الطيب الدوش وبين المواطن تحت العادي متواضع الحظ والقدرات والمواهب والقفر من المحبات لهذا الوطن الطيب وأهله : عمر حسن أحمد البشير
عمر الطيب الدوش هو خال لوالدة عمر حسن أحمد البشير أو شيء من ذلك (في الحساب) والعهدة على الرواة
2- وأقل من هؤلاء من يعرف كيف مات الأول!!!
3- لكن كثيرون يعلمون علم اليقين وعين اليقين وحق اليقين كيف أثرت الفترة التي حكم فيها الأخير على السودان والسودانيين ، ومن بينهم الأول ، لقد كانت أسوأ أيام عمر الطيب الدوش (دون شك) تلك التي عاشها في وطنه وفي ظل حكم نظام ممعن في الوحشية على رأسه (قريب) له ، يظهر للعالم التاريخ خلو نفسه (الفائق) من مكارم أخلاق الشعب ، ومكارم أخلاق القبيلة ، وومكارم أخلاق البيت
4- لا أحد إطلاقاً يعلم كيف سيموت الأخير ، ولكننا جميعاً ، نعرف أن المواطن عمر حسن أحمد البشير ، مثلنا جميعاً ، في طريقه إلى موت محقق ، وأي موت!!!

Post: #2
Title: Re: كيف مات الدوش وكيف يموت البشير :اللهم أعز السودان بأحب العمرين إليك!!!
Author: Hussein Mallasi
Date: 03-06-2005, 06:38 AM
Parent: #1

سلامات يا فتحي؛

1- لم اكن اعلم ان ثمة قرابة بين العمرين.

2- لا اعلم كيف مات الدوش.

3- اعلم تماماً ان كل من عليها فان.

4- اعلم - ايضاً - انا محمولون على الة حدباء او نحو ذلك.

Post: #3
Title: Re: كيف مات الدوش وكيف يموت البشير :اللهم أعز السودان بأحب العمرين إليك!!!
Author: فتحي البحيري
Date: 03-06-2005, 06:46 AM
Parent: #1

ولنا ، يا أحبة ، حق السؤال المحض : كيف ستنتهي أيام عمر حسن أحمد البشير ؟؟؟؟
أضحك ، صدقوني ، كل ما أتذكر قوله على رؤؤوس الأشهاد: الزول دا كان شيخنا للأسف ، لكن الزول دا شيطان
يعلم أقل الناس علما ، ويفهم أدناهم فهما أن ما حدث بين المواطن الساذج عمر البشير وبين شيخه الشيطان الماكر (آنذاك) كان (تنافساً وقحاً على سحت السلطة الحرام وما أنتجته في كليهما من شحوم وكضوم وجضوم) وأنه لم يكن للبشير (مكر) كثير في أول الأمر ولا في آخره
فالمكر الأول كان لشيخه الشيطان وأعوانه وإنما سيق المسكين إلى القصر رمزا وصورة وحسب
والمكر الثاني (الذي أبقاه مصادفة بذات القصر) إنما كان لأعوان الشيخ المنقلبين على شيخهم ، ليس بفكرة جديدة ولا بطريقة قويمة وإنما محض لعاب (ريالة) تسيل وراء ما لا يبق لأحد أبداً
ولا يزال (أقل العمرين قربا من الرب ومن الشعب ، أو هكذا الرجاء والحب) رهين لمكر الآخرين
فإلى أين يقوده الذين لم يراعوا لأحد ، كائنا من كان ، إلا ولا ذمة


أقول قولي هذا ، واستغفر الله لي وللعمرين ولكم وأنا أرى الآن عمر البشير على وشك أن يمشي في طريق سوى طريق خاله (الطيب مصطفى) ذلك الذي كان له (فضل) تجنيده فيما كان يسمى بالحركة الإسلامية (واذكروا محاسن موتاكم)

Post: #4
Title: Re: كيف مات الدوش وكيف يموت البشير :اللهم أعز السودان بأحب العمرين إليك!!!
Author: فتحي البحيري
Date: 03-06-2005, 07:08 AM
Parent: #3

Quote: لا اعلم كيف مات الدوش.



هنيئا لك يا صديقي (عدم علمك) هذا
فرب علم يعذب صاحبه
وإن الله مد في العمر
عمري وعمرك
وعمر هذا البوست والمنبر
وقدرتي على المجيء إلى هنا
سأخبرك
بعض مما نما إلى علمي


حول موت الدوش

Post: #5
Title: Re: كيف مات الدوش وكيف يموت البشير :اللهم أعز السودان بأحب العمرين إليك!!!
Author: فتحي البحيري
Date: 03-06-2005, 07:40 AM
Parent: #4

كدي خليني أنا يا حسين ملاسي
وخلي عدم عرفتك بي موت الدوش؟؟

تعتقد أنو الجنا دا



بكون عارف؟؟؟


الله في علمه!!!

Post: #6
Title: Re: كيف مات الدوش وكيف يموت البشير :اللهم أعز السودان بأحب العمرين إليك!!!
Author: فتحي البحيري
Date: 03-06-2005, 07:50 AM
Parent: #5

من مصادر موثوقة : مصادر تؤكد وجود صفقة سرية بين علي عثم...تستهدف اقصاء البشير

Post: #7
Title: Re: كيف مات الدوش وكيف يموت البشير :اللهم أعز السودان بأحب العمرين إليك!!!
Author: محمد حامد جمعه
Date: 03-06-2005, 07:56 AM
Parent: #6

الدوش مات زى الناس بتموت
وكل الامة دى ماشية (المقابر ) كان البشير خالو ... ولا حبوبتو ...

Post: #8
Title: Re: كيف مات الدوش وكيف يموت البشير :اللهم أعز السودان بأحب العمرين إليك!!!
Author: فتحي البحيري
Date: 03-06-2005, 08:01 AM
Parent: #7

الدوش بموت
والبشير بموت
والناس بتموت
والـ


بموت
لكن الدوش مات .... جوع
بسبب هذا النظام الذي لا يرقى لأن يكون يهوديا ولانصرانيا
والتفاصيل .... تلي
إنت زعلان مالك يازول؟؟؟

Post: #9
Title: Re: كيف مات الدوش وكيف يموت البشير :اللهم أعز السودان بأحب العمرين إليك!!!
Author: محمد حامد جمعه
Date: 03-06-2005, 08:03 AM
Parent: #8

الكلاب ... بتموت ... والله كويس
....................................... يعنى حتى الموت دا حاسدنهم عليه !

Post: #11
Title: Re: كيف مات الدوش وكيف يموت البشير :اللهم أعز السودان بأحب العمرين إليك!!!
Author: فتحي البحيري
Date: 03-06-2005, 08:10 AM
Parent: #9

صدقني يا زول أنا لا بحسد الكلاب ولا الناس لا على حياتها ولا على موتها ولا على ناسوتها ولا على كلبوتها ولكن ...
اتذكر (حبيبا للشعب) غنى له وغنى وغنى
الود وبناديها والساقية وعييك
رفع اسم السودان خارجه ووداخله
وعاش حياته كلها بالعاطفة النبيلة
وكيف أنه مات من المسغبة والتهميش
(ولو كان عمر الدوش في بلد غير الوطن الكلبي هذا لعاش عزيزا ومات عزيزا)
ولكنه كان سودانيا وقريبه (الشهم النبيل) عمر البشير فعاش ذليلا ومات ذليلا
.... مات وراتبه في معهد الموسيقى والمسرح ...موقوف!!

Post: #23
Title: Re: كيف مات الدوش وكيف يموت البشير :اللهم أعز السودان بأحب العمرين إليك!!!
Author: معتز تروتسكى
Date: 03-07-2005, 09:49 AM
Parent: #9

خالص التحايا..
البحيرى..

وعن اذنك...

يامحمد جمعه..

المشكله مافى الموت..


المشكله فى الكلاب.....


بعدين موت الكلاب مافى حد حاسدهم فى موتهم...

فتحى عزيزى
تقول شنو ..
الله فى...

Post: #24
Title: Re: كيف مات الدوش وكيف يموت البشير :اللهم أعز السودان بأحب العمرين إليك!!!
Author: فتحي البحيري
Date: 03-08-2005, 05:29 AM
Parent: #23

شكرا تروتسكي
للمرور المضيف
وتسلم يا حبيب

Post: #10
Title: Re: كيف مات الدوش وكيف يموت البشير :اللهم أعز السودان بأحب العمرين إليك!!!
Author: ست البنات
Date: 03-06-2005, 08:09 AM
Parent: #1

أخى فتحى ،


سلام ،


لقد مات الشاعر الدوش فى وسط دارة بأمبدة وحيدا فوق ( عنقريب ) ! ، يقبع تحته طبق من

الفول لم يمهله الزمن أو المرض من تناوله !

فقد قتلته الملاريا ! وهو القوى متوقد الذهن ، فاذا بحشرة البعوض تقضى عليه فى استخفاف


بمبدعينا الذين ما قدرناهم حق قدرهم ! رغم عطائه وعبقريته !




أعتقد أن لا صلة قرابة تجمع الراحل الفذ بالبشير نذير الشؤم !

الراحل الدوش من قبيلة الشايقية (القرير) ، ونذير الشؤم من قبيلة الجعليين (حوش بانقا )

فأرجو أن لا تزعزع مرقد الراحل !

ولقد مات الشاعر الدوش فوق ( عنقريب ) فى وسط الحوش ، يقبع تحته طبق من الفول لم يمهله

الزمن أو المرض من تناوله !خاوى الجيب !شأنه شأن الصوفى العفيف !

فقد قتلته الملاريا ! وهو القوى متوقد الذهن ، فاذا بحشرة البعوض تقضى عليه فى استخفاف

بمبدعينا الذين ما قدرناهم حق قدرهم ! رغم عطائه وعبقريته !


فقد عرفت الراحل الدوش منذ نعومة أظفارى ، صديقا لأخى الأكبر ، وهنالك تشابه كبير بينهما

حتى اننا لا نفرق بينهما ، فلا نعرف أيهما الراحل وأيهما أخى !

فكان يقضى الأسابيع بدارنا ، وصار جزءا من أسرتنا !

اللهم ارحم عمر الدوش واغفر له ، واحتسب له اهمالنا له ، وعدم تقديرنا له بما يستحق ، و

جميل عطائه واثرائه للأدب والشعر فى السودان ، واجعله فى ميزان حسناته ، فقد كان طيب

المعشر ، مسالما ، عطوفا بالناس ورحيما ، رافضا للظلم ، ومحبا للخير والجمال .



ست البنات .

Post: #12
Title: Re: كيف مات الدوش وكيف يموت البشير :اللهم أعز السودان بأحب العمرين إليك!!!
Author: محمد حامد جمعه
Date: 03-06-2005, 08:18 AM
Parent: #10

فتحى ممكن كلمة تاخدها منى بجدية
الدوش مبدع كبير وشاعر دفق ابداعه الجميل داخل كل نفس سودانية - بدون تمييز بالمناسبة - وربنا يرحمو وهو حسيبه ...
وكويس انو (ست البنات ) قدمت جملة تفاسير رغم انى ما شايف انو قصة الدوش جعلى ولا شايقى دى قضية وحاجة عاوزة مجابدة ... الزول سودانى كان ابو واخو وعم وخال وحبيب ............. سعاد .

Post: #13
Title: Re: كيف مات الدوش وكيف يموت البشير :اللهم أعز السودان بأحب العمرين إليك!!!
Author: فتحي البحيري
Date: 03-06-2005, 08:21 AM
Parent: #10

ست البنات .... صدقت أنت وصدقت أنا
لا صلة قرابة على مستويات كثيرة أعلى وأهم تجمع بين الدوش والبشير
ولكن ، ولا يضير الدوش هذا في اعتقادي ، قدر الله أن يكون خيال المآتة هذا الذي نصبه الغإنقاذيون الجبناء رمزا لسلطتهم حينا من الدهر من ذوي قرابة الدم واللحم لعمر الطيب الدوش
.. للأسف

الدوش جعلي 100%
والبشير ، حد علمي ، مزيج من أهلنا الجعليين وأهلنا البديرية الدهمشية
وهو ينتسب ، بأمه ، للدوش
والله أعلم
وأقدر تعاطفك مع روح الانسان الفنان الخلاق الدوش واتفهمه
وما أود إثارته في هذا السياق لا يخرج مما اردته أنت بمداخلتك النبيلة هذه
فالتحية لك والود
ولهذا الانسان الذي رحل عنا في وقت كنا أحوج ما نكون لوجوده بيننا ألف سلام وسلام وسلام
لا يموت الذين هم مثل الدوش
فليت الآخرين يعوا
قبل فوات الأوان

Post: #14
Title: Re: كيف مات الدوش وكيف يموت البشير :اللهم أعز السودان بأحب العمرين إليك!!!
Author: ست البنات
Date: 03-06-2005, 08:29 AM
Parent: #1

محمد جمعة ،

سلام ،

لم أتوقع منك تعليقا !

يكفى أنكم أزهقتم كل روح الأبداع بالوطن !

ومفاجأة لى أن أعلم أنك تعلم قدر الرجال المبدعين !

ولكنها ليست مفاجأة أنك تعرف اسم زوجة الراحل الدوش !

لأن سجلاتكم تمتلئ بكل أسر المبدعين الذين ذاقوا الأمرين على أيديكم !

وما أقرب وقت انبلاج الأصباح ، وانقشاع الظلام الذى تتسترون به !

سؤال :

من المجرم منكم الذى صفع المروءة والعفة فوق وجه الكريمة عبير خيرى ???

ست البنات .

Post: #15
Title: Re: كيف مات الدوش وكيف يموت البشير :اللهم أعز السودان بأحب العمرين إليك!!!
Author: محمد حامد جمعه
Date: 03-06-2005, 08:37 AM
Parent: #14

ست البنات
سلامات
تعرفى مشكلة كبيرة ان (يحتكر ) بعضنا كل مظان الابداع فى هذا البلد بما لا يتيح لاحد او شخص اخر من غير فصيلته ان ينتمى اليه او يسمعه ...
ست البنات .... قرات للدوش ... وسمعت اشعاره بل ورايتها ... واعجبتنى لانه كتب لنا جميعا ولم يفرق كما تدعون انتم اليوم وتسعون لجعل ابداعه ماركة مسجلة لديكم ... اسم سعاد لم اتى به من سجل كما يصور لك عقلك او هواك او ولكن (سعاد ) كانت فى شعر الدوش حرفا ونغم وقافية ولهذا عرفت وكتبت وعلمت عنها ...
ست البنات
بشان عبير خيرى فقد سجلت (موقفى ) بوضوح واذكرك وللمرة المئة انك وغيرك لا تزالون تنزلون ركابكم فى المكان ولدى الشخص الخطأ
وربنا عليك يسهل وعلينا يمهل ... وبالعكس
مع فائق تقديرى

Post: #16
Title: Re: كيف مات الدوش وكيف يموت البشير :اللهم أعز السودان بأحب العمرين إليك!!!
Author: ست البنات
Date: 03-06-2005, 08:51 AM
Parent: #1

محمد جمعة اللزج ،

والله لو الدوش رحمه الله لازال عايش ، وعرف ان بتوع الأمن بيقروا شعره ، لحرقه عن اخره !

عارف ليه ???

لأنه حيتيقن انكم لم تفهموه ولم تستفيدوا منه !!!

وتوضيح :

لا علاقة بين من يقرأ لأمثال الدوش ، ومن يعمل فى أمن الأنقاذ !

لذلك يصعب استيعاب وتصديق ما قلته !

لأن أولئك فصيلة تختلف عن هؤلاء !!!!

ست البنات .

Post: #17
Title: Re: كيف مات الدوش وكيف يموت البشير :اللهم أعز السودان بأحب العمرين إليك!!!
Author: Alshafea Ibrahim
Date: 03-06-2005, 09:34 AM
Parent: #1

عمر الطيب الدوش ، صديقي وعاشرته منذ (1991 وحتى 1996) ، وكما قالت ست البنات كان رحمه الله يقضي يوميه تحت شجرة (البان) التي تتوسط حوشه المتواضع في أمبده جوار منزل الأستاذ الشاعر ( التجاني الحاج موسى) ، وهم عائلية ( جعلية) عريقة ، الأسم المحبب لهم ( الدوشاب) ويسكنون جوار ( استاد الهلال) وأمبده الحارة (6 ، 8 ) وغيرها ، وقد حرمته حكومة الإنقاذ من راتب معهد الموسيقي المتواضع الذي يعتمد عليه منذ بداية التسعينات ، ولم أرى شخصا في حياتي مثل هذا الرجل ، صبور ، قنوع ، متواضع ، مثقف ، ألخ ، يكره أن يشكو مصائب الزمان كبرت أم صغرت ،،
اللهم أرحم الإنسان الشاعر عمر الدوش ،

Post: #18
Title: Re: كيف مات الدوش وكيف يموت البشير :اللهم أعز السودان بأحب العمرين إليك!!!
Author: محمد حامد جمعه
Date: 03-07-2005, 04:23 AM
Parent: #17

ست البنات
قلت
محمد جمعه اللزج !

دى جديدة .... لكن ولا يهمك .... برضو الدوش انا بحبو كان ترضى كان تابى .. ولو فى نصيحة اقدمها ليك مع تقديرى لسنك ومكانتك واسمك فى البورد انك ما تنتحلى لسان الاخرين ... وخلى الزول يرقد فى سلام كفاية الزيك نجهوه حى قبال الحكومة وكمان عاوزين تنغصو عليهو فى رقدتو بين يدى مليك مقتدر ... ربنا يرحمو ويرحمنا اذا ما عدنا اليهم .

Post: #19
Title: Re: كيف مات الدوش وكيف يموت البشير :اللهم أعز السودان بأحب العمرين إليك!!!
Author: برير اسماعيل يوسف
Date: 03-07-2005, 04:51 AM
Parent: #18

Quote: تعرفى مشكلة كبيرة ان (يحتكر ) بعضنا كل مظان الابداع فى هذا البلد بما لا يتيح لاحد او شخص اخر من غير فصيلته ان ينتمى اليه او يسمعه ...


العزيزة/ست البنات

و الله يا جماعة قوة عين الزول دي لم تقابلن من قبل... فهو يتحدث عن الابداع الذي لا يمكن له ان يلتقي مع تقتيل الناس و ارهابهم ... خلاص يا زول دع ست البنات و فتحي البحيري ... يحتكران لفيخ النساء و بقر بطون الرجال و دفن الناس وهم علي قيد الحياة و انت عمر البشير لكما حق الملكية الفكرية و الابداعية في السودان ... و يا دار ما دخلك شر.

فتحي البحيري هنالك علاقة قرابة قوية بين العمرين هي ان الاثنين من السودان و لكن اعرف ان هنالك ملايين السنوات الابداعية و الجمالية بين الاثنين و لن يلتقيا قريبا... كما اعتقد.

Post: #20
Title: Re: كيف مات الدوش وكيف يموت البشير :اللهم أعز السودان بأحب العمرين إليك!!!
Author: bayan
Date: 03-07-2005, 05:42 AM
Parent: #19

اللهم ارحم استاذى العظيم الدوش.. كم نفتقده وكم نحبه..
وارى ان هذا البوست بوست لا يليق به..

Post: #21
Title: Re: كيف مات الدوش وكيف يموت البشير :اللهم أعز السودان بأحب العمرين إليك!!!
Author: ست البنات
Date: 03-07-2005, 07:58 AM
Parent: #1

محمد جمعة اللزوجة ذاتها !

هسع سنى دخلها شنو ؟

وانت شن عرفك بى سنى يا طفيلى ؟؟والا عاوز تورينى انك بحثت ملفى فى الجهاز ! وبرضو معلوماتك مغلوطة !

وانا احترامك مانى محتاجالو ! احترموا حرمة الوطن ونسائه !

ودفاعك عن عمر البشير وتسدرك الى كل بوست يذكر به اسمو حاجة تحيير وتزهج ! واكسبتك صفة اللزوجة دى !

وكمان قضيتك دى خاسرة ! وما تشكر للسودانيين الراكوبة فى الخريف !

وكان ماب نعرف عمر البشير واستباحته وجماعته لكرامة بلد باكمله كنا صدقنا هترشاتك دى !

ويا ريت ما تتداخل معاى عشان انا جانى يرقان من تداخلك !

وانا فى الاساس دخلت البوست بفهم انه خاص بالاخ فتحى البحيرى واتوقع الرد منه هو !

وطبعا ما حدث للشهيدة ابتهال وما تلاه من اهانة للعزيزة المكرمة عبير خيرى لن تنمحى من ذاكراتنا !والكثير المقزز فى صفحات النقاذ الحالكة المهينة !

وطبعا انت وقبيلة كلاب الامن تتمنوا عودة كل رواد وكتاب البورد للنيل منهم /هن !!!

وكان قايلنا نسينا كلام الاخ عبد العزيز وما تيقنا منه تكون مخطىء ! وكل شىء بوقته واوانه !

ست البنات .

Post: #22
Title: Re: كيف مات الدوش وكيف يموت البشير :اللهم أعز السودان بأحب العمرين إليك!!!
Author: فتحي البحيري
Date: 03-07-2005, 09:26 AM
Parent: #21

هوني عليك يا ست البنات
ولو نظرنا للأمر بعمق
نجد أنه لا وجود للأمنيين ... لا في هذا المنبر .... ولا في أي مكان
فالذي لا وجود حقيقي له
لا يمكن أن يكون له وجود في مكان ما
هم غير موجودين إذن
مهما ادعوا وتطاولوا
فدعي الأمر
وتأملي معي
الهوة الشاسعة بين رجل ورجل ينتميان لذات البيت !!!

Post: #25
Title: Re: كيف مات الدوش وكيف يموت البشير :اللهم أعز السودان بأحب العمرين إليك!!!
Author: خدر
Date: 03-08-2005, 05:43 AM
Parent: #22

جمعه مبروك
لقبين في ويب سايد واحد
1/العميد
2/لزج

حقو تعمل نيفاشا و تدمج الاسمين
فيصبح الناتج
العميد لزج
و اذا اضفنا اليها قليل من التوابل
و المُحسنات البديعيه
تصبح
العميد اللزج








اطلع بره
البوست ده مابشبهك

Post: #26
Title: Re: كيف مات الدوش وكيف يموت البشير :اللهم أعز السودان بأحب العمرين إليك!!!
Author: ahmed abdelati
Date: 03-08-2005, 06:29 AM
Parent: #1

العزيز البحيري
شكرا علي حديثك عن-الراحل الي دواخلنا-عمر الطيب الدوش
انني اعتبر ان الدوش لم ولن يمت لانه عائش في وجدان معظم السودانيين
اما عمر الآخر فانا اعتقد انه لم يكن في يوما من الايام حيا حتي يموت
اود ان اصحح بعض المعلومات التي وردت في مداخلات البعض
الدوش ينتمي لقبيله الجعليين-المتمه-
وهو ليس شايقي رغم ان معظم من قرا شعره يتخيل ذلك
الدوش فعلا قريب سالف الذكر-عمر البشير وشتان بين هذا وذاك
اذكر انني حكيت للدوش عن ان هنالك انسان لم يره-اسمه ود العجمي-
معجب باشعارك لدرجه الجنون وتحدثنا قليلا عن ود العجمي-عضوء المنبر
وبعدها انتقل الحديث الي مواضيع اخري
وقلت له مداعبا ياخي ما تمشي لقريبك عمر البشير عشان يشوف ليك وظيفة
وممكن يعينك مديرا للتلفزون
فقال لي انا ما محتاج لان اذهب اليه يكفي فقط ان اتصل عليه تلفونيا
حتي يعينني وزيرا للثقافة= ولكني عندها اودي وشي وين من قريبك الاسمو ود العجمي
انه المبدع الذي يحترم جمهوره
ولنا معه ذكريات طويله اناشد الاخ ود العجمي ان يكتب عندها اذا وجد متسع من الوقت

Post: #27
Title: Re: كيف مات الدوش وكيف يموت البشير :اللهم أعز السودان بأحب العمرين إليك!!!
Author: Balla Musa
Date: 03-08-2005, 08:38 AM
Parent: #26

Quote: الراحل الدوش من قبيلة الشايقية (القرير)


Quote: الدوش جعلي 100%


Quote: وهم عائلية ( جعلية) عريقة ، الأسم المحبب لهم ( الدوشاب)




Quote: وهو ليس شايقي رغم ان معظم من قرا شعره يتخيل ذلك




جعلى3 شايقى 1

ست البنات الراجل طل مننا لكن شعرو فيه نكهة الشوايقة وروحو سودانية

Post: #28
Title: Re: كيف مات الدوش وكيف يموت البشير :اللهم أعز السودان بأحب العمرين إليك!!!
Author: ست البنات
Date: 03-08-2005, 09:25 AM
Parent: #1

الأخ البحيرى ,

الأخ خدر ,

الأخ بلة ,

الأخوة المتداخلين غير اللزجين !

سلام وتحية ,

كنت أحسب أن معلومتى عن قبيلة القبيلة الدوش صحيحة !

ولكن تاكيدكم أقنعنى !

ولكن يبدو أن ملازمة الراحل فى سنى حياته القصيرة الحافلة المليئة بالأبداع لأسرة شايقية , قد أكسبته صفات الشايقية ! خاصة وانها قبيلة لا حدود لأبداع بنيها !

وبرضو الدوش وان لم يكن شايقى , فهو فى عرفى شايقى !

وشكرا لكم ,

ست البنات .

Post: #29
Title: Re: كيف مات الدوش وكيف يموت البشير :اللهم أعز السودان بأحب العمرين إليك!!!
Author: ahmed abdelati
Date: 03-08-2005, 09:53 AM
Parent: #1

الاخت ست البنات
الاخ محمد حامد جمعة
هل حقيقة ان محمد حامد جمعة امنجي
اريد ان اعرف الحقيقة
لاني حقيقة استغرب ان يتباكي علي الدوش
اولئك الذين ابكوه
ولان الحديث مع ناس الامن سيتم بلغة اخري وانا لدي
معهم معارك لم تبدا بعد
وتسقط كل الاشياء اللزجة

Post: #30
Title: Re: كيف مات الدوش وكيف يموت البشير :اللهم أعز السودان بأحب العمرين إليك!!!
Author: ست البنات
Date: 03-08-2005, 12:36 PM
Parent: #1

الأخ أحمد عبد العاطى ,

سلام ,

عليك الله بس طريقته فى التطفل دى براها ما دليل ؟؟؟


الدليل الدامغ مع الأخ عبدالعزيز !


وتسقط اللزوجة وكل اللزجين !

ست البنات .

Post: #31
Title: Re: كيف مات الدوش وكيف يموت البشير :اللهم أعز السودان بأحب العمرين إليك!!!
Author: فتحي البحيري
Date: 03-09-2005, 02:47 AM
Parent: #30

الاخت العزيزة / ست البنات
صدقيني
لا تحتاجين لكل هذا المجهود
كل هذا الخطاب
مع ولا عن (هذا)
...
واصلي في الحديث عن الدوش
وإبداع - معاناة الدوش
وأرجو أن لا أكون ولا تكوني ركزت على إبداعه دون معاناته
ولا على معاناته دون إبداعه
لكم الحب جميعا
جميع المتداخلين هنا
عدا استثناء واحد
أو استثنائين
لا يهمان ...
..... كثيرا

Post: #32
Title: Re: كيف مات الدوش وكيف يموت البشير :اللهم أعز السودان بأحب العمرين إليك!!!
Author: فتحي البحيري
Date: 03-16-2005, 06:41 AM
Parent: #31

شكرا
لكل المتداخلين
وننتظر المزيد

Post: #33
Title: Re: كيف مات الدوش وكيف يموت البشير :اللهم أعز السودان بأحب العمرين إليك!!!
Author: فتحي البحيري
Date: 03-24-2005, 00:05 AM
Parent: #32

+

Post: #34
Title: Re: كيف مات الدوش وكيف يموت البشير :اللهم أعز السودان بأحب العمرين إليك!!!
Author: فتحي البحيري
Date: 03-30-2005, 02:47 AM
Parent: #33

يقول لي المواطن س في إحدى تجلياته العالية : أنا ما حصل نمت يوم وأنا مطمئن على تجذر (الوحدة الوطنية) و(السلام ) في هذه البلد
فقلت : كيف؟
فقال : أبيت أحيانا غير جائع وأنا أعلم أن معظمهم يجوع فكيف أشعر تجاههم بالوحدة أو بالسلام
وأبيت أحيانا جائعا وأنا أعلم أن ذلك نتيجة مباشرة لسعي وتدبير البعض منهم فكيف أشعر تجاههم بالوحدة أو بالسلام