Post: #1 Title: د / أحمد طراوة ___ فى ندوة عن تاريخ الغناء فى السودان . Author: Osman Musa Date: 07-02-2007, 04:36 AM Parent: #0
بعد النجاحات الكبيرة للمنتدى الثقافى للجاليه السودانيه الامريكيه بمنطقة واشنطن الكبرى . يقدم المنتدى فى مساء يوم 21/7 د/ أحمد طراوه __ فى ندوة عن الغناء فى السودان .
Post: #2 Title: Re: د / أحمد طراوة ___ فى ندوة عن تاريخ الغناء فى السودان . Author: Osman Musa Date: 07-02-2007, 04:53 AM Parent: #1
شفيفة ، هى الأجواء التى يبعثها حديث أحمد طراوة عن الفن السودانى ..
________
يتجه أحمد طراوة فى حديثه الى المستمع كما يتجه الصديق الى الصديق . ياخذك الى المناطق العميقة البعيدة الذكية فى تجارب الغناء السودانى .
Post: #3 Title: Re: د / أحمد طراوة ___ فى ندوة عن تاريخ الغناء فى السودان . Author: Osman Musa Date: 07-02-2007, 05:01 AM Parent: #2
( ظهور سرور العبادى مرجان سيد النقرزان __________ هناك محطات كبيرة يتوقف فيها د/ أحمد طراوة .
Post: #4 Title: Re: د / أحمد طراوة ___ فى ندوة عن تاريخ الغناء فى السودان . Author: Saifeldin Gibreel Date: 07-02-2007, 05:05 AM Parent: #3
دكتور احمد طراوة الاديب والباحث الذى ضلة طريقه لمهنة الطب، بالطبع سوف تكون امسية جميلة فدكتور احمد موسوعة فى فن الحقيبة.
Post: #7 Title: Re: د / أحمد طراوة ___ فى ندوة عن تاريخ الغناء فى السودان . Author: Osman Musa Date: 07-02-2007, 05:31 AM Parent: #4
الأخ سيف شنو ؟ تعال . سلام شديد
Post: #1541 Title: Re: د / أحمد طراوة ___ فى ندوة عن تاريخ الغناء فى السودان . Author: Moawia Mohammed Date: 04-28-2008, 01:07 AM Parent: #4
UP
Post: #5 Title: Re: د / أحمد طراوة ___ فى ندوة عن تاريخ الغناء فى السودان . Author: Osman Musa Date: 07-02-2007, 05:10 AM Parent: #3
د / صلاح الزين يجرجر مراكب د/ طراوة من بحر فرجينيا الى بحر المسالمة .
Post: #6 Title: Re: د / أحمد طراوة ___ فى ندوة عن تاريخ الغناء فى السودان . Author: حيدر حسن ميرغني Date: 07-02-2007, 05:24 AM Parent: #5
يا بختكم يا عثمان
طراوة وود الزين حتة واحدة كدة
هنيئا لكم بندوة كاملة الدسم
Post: #9 Title: Re: د / أحمد طراوة ___ فى ندوة عن تاريخ الغناء فى السودان . Author: Osman Musa Date: 07-02-2007, 05:39 AM Parent: #6
الأخ حيدر حسن ميرغنى سلامات . نعم طراوة وود الزين وفرجينيا سوف تعانق العبادى .
Post: #8 Title: Re: د / أحمد طراوة ___ فى ندوة عن تاريخ الغناء فى السودان . Author: Moawia Mohammed Date: 07-02-2007, 05:34 AM Parent: #1
والله حظكم يا عثمان موسي عقبالنا نحن هنا في دنفر يا رب التحية للدكتور أحمد طراوه
Post: #10 Title: Re: د / أحمد طراوة ___ فى ندوة عن تاريخ الغناء فى السودان . Author: الطيب شيقوق Date: 07-02-2007, 05:41 AM Parent: #8
اخي عثمان موسى
الاخ احمد طراوة الطبيب والاديب الاريب افتقدته الجالية السودانية بمسقط حيث كان يملا ليالينا بابداعاته عن كل ضروب الفن والادب .
فلك وله خالص الود
Post: #11 Title: Re: د / أحمد طراوة ___ فى ندوة عن تاريخ الغناء فى السودان . Author: Osman Musa Date: 07-02-2007, 05:47 AM Parent: #8
استاذ معاويه ليك وحشه يا عزيز تحياتى الى الشباب .
Post: #12 Title: Re: د / أحمد طراوة ___ فى ندوة عن تاريخ الغناء فى السودان . Author: osama elkhawad Date: 07-02-2007, 05:50 AM Parent: #11
عزيزي عثمان نتمنى لكم ندوة ممتعة، في رحاب طرواة المشاء
Post: #14 Title: Re: د / أحمد طراوة ___ فى ندوة عن تاريخ الغناء فى السودان . Author: HAYDER GASIM Date: 07-02-2007, 06:11 AM Parent: #12
لمة في الصيف ... حلاوة
وقفة عند القيف ... طلاوة
زحمة بين قنديل ... وجاوة
نغمة فى الأوتار ... نقاوة
ندوة والمتحدث ... طراوة
أحبكم يا هؤلاء وأتمناكم الأجمل
شكرا ... عتمان ... وإنت فى أمان
مع مودتي
Post: #13 Title: Re: د / أحمد طراوة ___ فى ندوة عن تاريخ الغناء فى السودان . Author: Osman Musa Date: 07-02-2007, 06:05 AM Parent: #11
استاذ الطيب شيقوق سلامات والف سلامه بعد الهركينات يازول . ونعال بخس اللبن ما شالن الهركين يازول الحكايه شنى ؟ دى دايره كرامه . والله اريتك كنت هنا ندوه كاربه وطبعن عارف صاحبك صلاح الزين بطلع الكلام من خشم التمساح سلام شديد الى أحمد القرشى ارجو أن يكون عافيه .
Post: #16 Title: Re: د / أحمد طراوة ___ فى ندوة عن تاريخ الغناء فى السودان . Author: Osman Musa Date: 07-02-2007, 06:17 AM Parent: #13
الف شكر أخى استاذ اسامه الخواض أحمد طراوة يتحدث بوعى عميق . يقف بالمستمع فى كل مراحل العطاء الخلاق فى شعر الحقيبة . تحياتى .
Post: #34 Title: Re: د / أحمد طراوة ___ فى ندوة عن تاريخ الغناء فى السودان . Author: Osman Musa Date: 07-03-2007, 00:21 AM Parent: #16
استاذ حيدر قاسم سلامات شنو ؟ ما تخفس علينا تحياتى
Post: #17 Title: Re: د / أحمد طراوة ___ فى ندوة عن تاريخ الغناء فى السودان . Author: mohmed khalail Date: 07-02-2007, 06:21 AM Parent: #13
يا سلااااام علي د احمد طراوة
يا سلااام على تبحرو في الموسيقى السودانية
يا ناس واشنطن الكبرى من هسي احجزوا المقاعد الاولى
والتحية لك اخ عثمان على التنبيه لان البتفتو الندوة دي
نص عمرو ضاااااع
مودتي محمد حسن/مونتري
Post: #35 Title: Re: د / أحمد طراوة ___ فى ندوة عن تاريخ الغناء فى السودان . Author: Osman Musa Date: 07-03-2007, 00:25 AM Parent: #17
أخى محمد خليل الف شكر ونحن فى انتظارك تحياتى
Post: #15 Title: Re: د / أحمد طراوة ___ فى ندوة عن تاريخ الغناء فى السودان . Author: محمد عثمان Date: 07-02-2007, 06:15 AM Parent: #1
الحبيب..عثمان موسى
حاسدنكم عديل كدا انشاء الله يتم تسجيل المحااضرة عشان ناخد حقنا فى السمع و الاستفادة معاااكم..
تحيااتنا للدكتور احمد طرااوة و حقيقة ما لمسته منه و ما قدمه لنا من معلوماات قيّمة فى البوستات المختلفة الخاصة بالاغنياات فى خلاال هذه الفترة القصيرة التى قضيتها بالبورد واضح انكم موعدون بمحااضرة دسمة..
تحيااتى للجميع...
Post: #36 Title: Re: د / أحمد طراوة ___ فى ندوة عن تاريخ الغناء فى السودان . Author: Osman Musa Date: 07-03-2007, 00:28 AM Parent: #15
استاذ محمد عثمان . يا محمد عثمان وينك يازول لك الشكر .
Post: #18 Title: Re: د / أحمد طراوة ___ فى ندوة عن تاريخ الغناء فى السودان . Author: yasiko Date: 07-02-2007, 06:59 AM Parent: #1
الأستاذ عثمان موسى لك التحية لقد اتصل علي الدكتور طراوة قبل أيام واخبرني بأمر هذا الندوة ، وطلب مني المتابعة لبوستك هذا وشدد على ذلك أمس في رحلة السودانيين بشمال كاليفورنيا وأعاد الاتصال قبل قليل وطلب مني إنزال الكثير لكن الليل أليل فدونك القليل اليسير آملين أن نحظى بتسجيل كا مل لمحاضرتكم تحياتي لصلاح الزين يس م يس
لقد سعدنا قبل أيام 9/6/2007 بمحاضرة عن " تاريخ الأغنية السودانية ومراحل تطورها " ، قدمها الدكتور البحاثة / أحمد طراوة بمدينة مونتري بولاية كاليفورنيا ، نظمتها السكرتارية الثقافية ، للجالية السودانية بمدينة مونترى تحت إشراف الدكتورة إنعام على عبيد الله سعد. أعتقد أن المحاضرة في مجملها ترفد هذا السفر العظيم حقيقة لم يترك لنا طراوة فرصة لأخذ نفس لمدة ثلاث ساعات ، وقد حظيت منها بتسجيل لمدة ساعة وربع ولكن يصعب رفع الملف كاملاً مرة واحدة ، لذلك تجدون أجزاء هنا سيتم التحكم في الملفات لذلك عليك أن تضغط للتشغيل لكم الود
الجزء الأول من الإيقاعات "الدليب" First part
Post: #37 Title: Re: د / أحمد طراوة ___ فى ندوة عن تاريخ الغناء فى السودان . Author: Osman Musa Date: 07-03-2007, 00:52 AM Parent: #18
الأستاذ الفنان yasiko يااخ سلام عليك والف شكر على كل ما تقوم به تحياتى
Post: #1845 Title: Re: د / أحمد طراوة ___ فى ندوة عن تاريخ الغناء فى السودان . Author: Moawia Mohammed Date: 05-25-2008, 02:00 PM Parent: #18
فوق
Post: #19 Title: Re: د / أحمد طراوة ___ فى ندوة عن تاريخ الغناء فى السودان . Author: أحمد طراوه Date: 07-02-2007, 08:43 AM Parent: #1
... عبد العزيز قسم الله البقيف وراء محمد احمد عوض بضرب الدمبا و بشيل معاه كلمات حسن الزبير و بصدح في تناغم موزون بصوتو الالطو متعدد المساحات : انا فاكرك معايا .. وانت مع المظاهر .. ما راعيت وفايا .. و ظلمك لي ظاهر !! كلما اتذكر ود قسم الله رقيق الحال دا ، بزداد حبنا للبلد و غنا البلد و تتفجر فينا ينابيع الاصرار باننا نحفظ و نحمى تراثنا من التشويه و التغييب ، و محارق التتر و المغول !
.. هل تدرى يا نعسان انو علي ابراهيم اللحو اعاد توزيع اغنية فاطمة خميس ( دمعى اللِتشتت .. دمعى الغلب اللقاط )، و طرحا مجددا بهجة و مسرة بضرب ايقاع الريقى !! هلل اتاك حديث الكوكب النضاح القائل : انو عاصم البنا اعاد توزيع اغنية كرومة الموقعة في ثلاثينات القرن الماضى بايقاع النقرزان ، و اللي اسمها ( نسيم سحرك .. لو يسرى في الطيف .. يجبر كسرى ) و طرحا مجددا برضو بضرب ايقاع الريقى !! و الكاشف جاب ايقاع النوبة و الكيتا من الطريقة الاحمدية و موسق علي قاعدتو كلمات السر قدور الجميلة في اغنية ( المهرجان ) و البقول فيها : صارت حياتى مقسمة .. نص في الارض نص في السما ! الكاشف على السليقة فاهم انو دى النوبة ، لكن ناس مصطفى كامل قالو ليهو النوبة في ظل الكمنجات و الزخم الاوركسترالي بتبقى اسمها الرمبا ! .. و ببقى السؤال : شنو الخيط الرابط بين ايقاع النقرزان ، و التم تم ، و الرمبا ، و الريقى الموغل في القِدم الافريقى ، و اللي تفجرت ثورتو مطلع السبعينات بإنتقال حركة الراستافاراى الاثيوبية - الافريقية الي عوالم الكاريبى الساحرة ، شنو البربط كل هذه الايقاعات مع بعضها البعض و بخليها كلها تكون مساحة لاوزان ايقاعية متصالحة مع المقام الخماسى - الموسيقى في لونيتو السودانية ؟
.. الفرضية الاساسية في هذه المحاضرة الغنائية ، هي ان الايقاع و الكلمة و اللحن و منذ العهد السناري السودانى و حتى عشية الاستقلال في منتصف القرن العشرين كلها قد واكبت تطور و نمو الامكانيات و الاتجاهات الموضوعية في المجتمع السودانى ، بل ان الشعر المُغنى ( الليّرك ) قد عكس هذه التطورات بجلاء تام .. سيتم التركيز عبر صيغة السرد التاريخى و استخدام النماذج الغنائية المسجلة علي ابراز العوامل التى مهدت الانتقال للمدرسة الفنية الاولى التى اسسس لها لقاء العبادى - سرور ، ثم تراكم ونمو الخبرة الموسيقية و تطور الشعر الغنائى الذى فتح الباب للمدرسة الثانية مدرسة الغناء الاوركسترالى ... الخيط الرابط في مجمل السرد التاريخى هو خيط صراع السودانين بمختلف اعراقهم في مواجهة الوافد الموسيقى - الغنائى التركى و المصرى و البريطانى ، وذلك لابراز هويتهم الغنائية الخاصة ممثلة في السلم الخماسى بلونيته السودانية ، وهو ايضا خيط العلاقة بين ظهور مارش ود الشريف في منتصف القرن الثامن عشر كاول عمل مسجل على نوتة صول سلاح الموسيقى في جيش الزبير ، ودوباى علي ود محلق و اهل البادية السودانية ، وغناء الحكامات وبت المكاوي عند العهد التركى ، ثم جماعة كبوشية ممثلة في احمد ود بعشوم و محمد ود الفكى حتي لحظة بروز ابو صلاح و البنا و عبقرية كرومة الموسيقية التى مهدت لعبقرية ابراهيم الكاشف
المحاضر : الباحث احمد طراوه منسوب جماعة النقرزان الفنية المكان و الزمان : و اشنطن يوم 21 يوليو و فيلادلفيا يوم 22 يوليو 2007 ( منبر جمعية الجالية السودانية )
Post: #20 Title: Re: د / أحمد طراوة ___ فى ندوة عن تاريخ الغناء فى السودان . Author: Muna Khugali Date: 07-02-2007, 08:58 AM Parent: #19
آخد ياتو مواصلات علشان أصلكم؟
انا في واشنطون..
Post: #38 Title: Re: د / أحمد طراوة ___ فى ندوة عن تاريخ الغناء فى السودان . Author: Osman Musa Date: 07-03-2007, 01:00 AM Parent: #20
الاخت منى خوجلى يا سلام عليك قلتى تاخدى ياتو مواصلات عشان تجى ؟ انتى معانا نعم . الف تحية
Post: #21 Title: Re: د / أحمد طراوة ___ فى ندوة عن تاريخ الغناء فى السودان . Author: Agab Alfaya Date: 07-02-2007, 08:59 AM Parent: #1
Quote: .. و ببقى السؤال : شنو الخيط الرابط بين ايقاع النقرزان ، و التم تم ، و الرمبا ، و الريقى الموغل في القِدم الافريقى ، و اللي تفجرت ثورتو مطلع السبعينات بإنتقال حركة الراستافاراى الاثيوبية - الافريقية الي عوالم الكاريبى الساحرة ، شنو البربط كل هذه الايقاعات مع بعضها البعض و بخليها كلها تكون مساحة لاوزان ايقاعية متصالحة مع المقام الخماسى - الموسيقى في لونيتو السودانية ؟
واضح انو ناس واشنطون على موعد مع محاضرة كاربة ، هنيئا لكم . والقومة ليك يا وطني ،
والتحية لاستاذنا د. طراوة .
وشكرن عثمان
Post: #22 Title: Re: د / أحمد طراوة ___ فى ندوة عن تاريخ الغناء فى السودان . Author: الفاتح ميرغني Date: 07-02-2007, 09:13 AM Parent: #21
الاستاذ عثمان تحية طيبة
شكرا لك وان تسلط الضوء على المبدع الموسوعي احمد طراوة , ومما لك شك فيه ان هذه المحاضرة القيمة سوف تكون إضافة حقيقية للتعريف بتطورات الفن السوداني على مر الحقب المختلفة.المدهش ان الفن السوداني قد تمكن من تشكيل هويته الخاصة به بعيدا عن المؤثرات الثقافية الخارجية.وكما نعلم ان مصر كانت قبلة لكل الفنانين الذين إبتعثهم الراحل ديمتري البازار, ومع ذلك نلاحظ بان موسيقانا لم تتأثر إطلاقا بالسلم السباعي, وإن تاثرت ايقاعيا بالايقاع المصري الشهير " عشرة بلديو, كما وان الفنانيين الذي تغنوا بالسلم السباعي امثال عبدالقادر سالم وابراهيم موسى ابا,اتت اغنياتهم اصدق تعبيرا لبيئات سودانية خالصة.
وتاكيدا لما ذكر الدكتور أحمد بأن ايقاع الريقي موغل في الافريقية وقد انتشر في الكاريبي نتيجة لهجرات جماعات الراستفريان( ذووي الاصول الاثيوبية)لاحظت ان عائشة الفلاتية أدت اغنية( غني يا طيور او الحان الربيع)على ايقاع الريقي وبنفس الوتيرة التي يؤدي بها بوب مارلي اغنية (Waiting in vain).
Post: #23 Title: Re: د / أحمد طراوة ___ فى ندوة عن تاريخ الغناء فى السودان . Author: الرشيد شلال Date: 07-02-2007, 09:28 AM Parent: #22
تحيات طيبات الاستاذعثمان ونحية خاصة لطراوة ذلك المتعمق لسبر اغوار الفن ، سوف يسعداولئك به وبما يحمل من جماليات ، لكم التحية مجددا
Post: #40 Title: Re: د / أحمد طراوة ___ فى ندوة عن تاريخ الغناء فى السودان . Author: Osman Musa Date: 07-03-2007, 01:09 AM Parent: #22
Post: #39 Title: Re: د / أحمد طراوة ___ فى ندوة عن تاريخ الغناء فى السودان . Author: Osman Musa Date: 07-03-2007, 01:05 AM Parent: #21
الأديب الفخيم عجب الفيا أرجو أن تكون الصحه عال العال لك التحية يا أستاذ والف شكر
Post: #24 Title: Re: د / أحمد طراوة ___ فى ندوة عن تاريخ الغناء فى السودان . Author: أبوذر بابكر Date: 07-02-2007, 09:41 AM Parent: #1
هنا
نبع جمال
إزيك يا عثمان
تحية وإنحناءة "أكبر من لفة النيل هناك"
لأحمد وليك
Post: #41 Title: Re: د / أحمد طراوة ___ فى ندوة عن تاريخ الغناء فى السودان . Author: Osman Musa Date: 07-03-2007, 01:14 AM Parent: #24
أبوذر بابكر الشاعر الباهى سلامات يا استاذ والف شكر
Post: #25 Title: Re: د / أحمد طراوة ___ فى ندوة عن تاريخ الغناء فى السودان . Author: أحمد طراوه Date: 07-02-2007, 10:23 AM Parent: #1
... يا سلام يا منى على كلمات ابو آمنة حامد ملحنة علي ضرب ايقاع الدليب : أنا لي في كريمى شايقية بشلوخا .. نعتز بصفاتا ما نجهل تاريخا .. ماها المابيا ريدتى .. و مِى ياها المسيخا !! تصورى في محاضرة مونترى .. الموصلي ( بحر العلوم ) شهر سيوف عِلموا في وجهنا ، و خالف جمعة جابر ، وقال الدليب رغم انو ايقاع غريب و شاذ لكنو بتكتب في النوتة ! و غنوا بيهو ناس المجر ، و( يانى ) الاغريقى البحبوه ناس ود حامد المرتضى ! يا لهول الدليب كما يقول الراحل يوسف وهبى ! يوم ذاك ازددنا علما ..
Post: #26 Title: Re: د / أحمد طراوة ___ فى ندوة عن تاريخ الغناء فى السودان . Author: Muna Khugali Date: 07-02-2007, 10:42 AM Parent: #25
Post: #27 Title: Re: د / أحمد طراوة ___ فى ندوة عن تاريخ الغناء فى السودان . Author: أحمد طراوه Date: 07-02-2007, 10:55 AM Parent: #1
اخوانى الجميع .. ( سيف ، حيدر ، معاوية ، ود شيقوق ، المشاء ، ود قاسم ، محمد حسن , ود عثمان ، يا سيكو ، عجب الفيا ، ود شلال ، الفاتح ميرغنى ) .. الغنا دا يا هو الجناح البنحلق بيهو فوق واقع الازمة و بنعبر بيهو بحر الهزيمة! هزيمة الخمسين سنة الفاتت ، لانو ماهو غنا وبس ، بل جزء اصيل بشكل منظمومة وعينا ! وهو يهُز الارض من اعماقِها ! لانو بالفعل حركة و فعل، بل و روح الامة .. وقال ابوصلاح كيف الامة تعشق بلاكا .. يا مراهم جروحا .. و يا مِلكا و ملاكا ..
شكرن يا عثمان على البوست ..
Post: #28 Title: Re: د / أحمد طراوة ___ فى ندوة عن تاريخ الغناء فى السودان . Author: Osman Musa Date: 07-02-2007, 02:06 PM Parent: #27
سلامات راجع ليكم انشاء الله والتحية لمنتدى الجاليه السودانيه الامريكيه على ما يقوم به من جهد مقدر .
Post: #29 Title: Re: د / أحمد طراوة ___ فى ندوة عن تاريخ الغناء فى السودان . Author: أحمد طراوه Date: 07-02-2007, 06:31 PM Parent: #1
... مستعجل الي ودشيقوق الحاكم الادارى لمساحات العشق و الجمال و الغنا بنواحى الدندر و مسقط ، و مكرر الي الاستاذ المخضرم شوقى حمزه ، احمد القرشى العارف بامر الغنا السودانى و الاستاذ الشاعر صلاح دهب فضل : بقول محمد احمد عوض في اغنية (اخوانى الجميع .. استنطو قولي وبحكى ) : ايه اسبابي غير ذاك الجمال السحرى .. يا عيون الحبيب انتو السبب في سهرى .. ظمآن انا ما ظن يروينى ما البحرِ .. و ما تلومونى يوم لو شفتو ساكن بحرى .. !
_ يا احمد القرشى حصلت لينا التباسات في المحاضرة الاخيرة حول امر توثيق الاسطوانة الاولى في تاريخ الغنا السودانى بتاعت بشير الرباطابى ، اضافة لسيرة ام الحسن الشايقية و اسطوانتا الاولى القديمة ( وين احمد قرشى يا مرتضى ) .. ياود شيقوق المسؤل الاجتماعى ما يهو شغلو يفتش الغايبين !
- يا استاذ شوقى لم نحسم بعد امر تاريخ اللّير / الطمبور في ديار النوبا الكوشيين القديمة ! ما رايك في راى محمد عثمان وردى القائل : بان الطمبور و اللى هو اساس الالحان الخماسية في السودان لم ياتى من الحضارة البابلية - الاشورية ، و لا من مصر الفرعونية .. بل هي الة نشات في موطنها النوبى السودانى كتطور حضارى اصيل و كصدى للوعى الفنى المستمد من موسيقى السواقى و عناق النيل و الصحراء
- استاذنا الباحث صلاح دهب فضل : لم يكتمل نقاشنا ذاك في ساحة وزوايا نادى مسقط حول دوباى الكلوكية في مجتمع النوبا القديم .. وهو فيما نرى اللى فتح الباب لدوباى اهل البادية و دوباى ام دمان في مطلع القرن العشرين .. و ذلك الجدل حول كون شعر ابو صلاح و العبادى ليس شعرا حسيا sensual بهكذا معنى و بساطة قول ، لانه لم يُكتب لذات الاسباب و الظروف و المعانى التى حكمت الشعر الحسى لعمر ابن ابي ربيعة ! شكرا علي قصيدتك الاخيرة حول كجبار ايها النوبى - الكوشى الشامخ .. شكرا ايضا وصلتنى اوراق شعر بن ابى ربيعة قبل سفرى ، هدية منك مقبولة ، نداري بيها دموع العطش للمعرفة ، زي منديل سيد خليفة الحريرو ابيض و منقوش بقطيفة و عليهو صورة قلبِ و سهم نحيل ! نطمع في مقاربة نقدية اوسع تنير دربنا في امر الحسية في شعر المدرسة الاولى
شكرن لعثمان موسى اللي عرج بينا و مال و ساقنا نتامل الافق الجميل و شكل الغزالة مع الصباح !!
Post: #30 Title: Re: د / أحمد طراوة ___ فى ندوة عن تاريخ الغناء فى السودان . Author: عصمت العالم Date: 07-02-2007, 06:54 PM Parent: #29
دكتور احمد طراوه.. وانت تعزف لزمة ابداع الجمال.فى حديثك الطرب..والفن
وانك ذلك المزج الزلال..فى صيغة حديثك النغم المذاب..سهولة ربط الحكى.ومخملية الطرح..ونداوة التبيان.وعمق الامتلاك للقارىء.والمستمع..فى انسكاب متعة لاتجارى.إلآ من تقاسيم رنين النغم الذى يعزفه قوس دكتور احمد طراوه...النطاسى الباحث الفنان.والمؤرخ لتاريخ الزمن الجميل الفنى.. اه..يا دكتور. بيناتنا مسافة محيط .كارب..يستاهل ان يقطع سباحه .عسى ان نهجر الموج و نستطيع اللحاق .بمواكب كل ذلك الزخم الجميل..
دكتور.. نرجوك حتى لو يوست واحد كل اسبوع.بتلك الخلطه الابداعيه التى تغازل الفكر والخاطر.وتشجى الوجدان..وتسيح جمود الانفس .وتعيد خطاوى تناسق الايقاع.وتحى مجامع الاحساس..
لك الجمال.. وكثيف الاعزاز
Post: #42 Title: Re: د / أحمد طراوة ___ فى ندوة عن تاريخ الغناء فى السودان . Author: Osman Musa Date: 07-03-2007, 01:20 AM Parent: #30
عصمت العالم الرجل العالم كيفك يا استاذ تحياتى
Post: #31 Title: Re: د / أحمد طراوة ___ فى ندوة عن تاريخ الغناء فى السودان . Author: أحمد طراوه Date: 07-02-2007, 08:15 PM Parent: #1
... في حضرة هذا المنبر الذى نهوى .. عصفت بنا رقيق كلماتك و مشاعرك الجميلة يا عصمت .. وانت مكنون دررك ما هو هين يا ود العالم منسوب قبيلة الفن و الادب و النضال من اجل المعرفة .. في مكالمة انيسة مع بحر العلوم (يوسف الموصلي) ناقشنا و حاولنا نفهم سر تواجد السلم السباعى في ديار البرتى و الحمر و القمِر و بعض مناطق غربنا العزيز الناهض بجزالة المردوم ، بينما الإحلال الخماسى كان كاملا في سودان الوسط النيلي ! ! ؟ وليه ام كيكي الكمنجة ام وتر موجودة في اثيوبيا و دار الفور و الرزيقات ؟ ليه نطت البحر و مشت هنا و بهناك ؟ اسئلة مُحيرة يا عصمت ، زى حيرة زولكم الراحل ابراهيم عوض عبد المجيد يوم ظهر فجأة في منتصف الخمسينات بمسرح السينما الوطنية ام درمان في كامل الزهو و الاناقة و التسريحة الجديدة - الخلابة و فك المكرفون من السيبا و رقص قائلا : جننى و غير حالى .. حير فكرى و شغل بالي ! قيل ان الذى رقص ابراهيم هو خميس مُقدم اللي كان يا دوبك قد ادخل البنقز الي السودان قادما من مصر و منضما لابراهيم بتوصية السامى رب الشعور عثمان الشفيع .. في المحاضرة الغنائية قاعدين نشغل اغنية قلبك حجر وفيها واضحة ريادة بنقز خميس و عبقرية الجميل عبد اللطيف ود خضر الحاوى .. يا عصمت و يا منى ، في شركة بتأجر بساط الريح كان قد لجأ ليها علي المك يوم جاب ليهو النسام ريحة زريبة المواشى من حى العرب ممزوجة بشذى زهر الباشندى اللي ما موجود الا في السودان ! ود المك كان زى حالنا وحيد حزين في شاطى سانتا مونيكا بكاليفورنيا ! صدق كرومة الذى ابدع فكرة الكسرة و علما للكاشف ، حين قال : حالتى تحنن قلب الحجرِ .. اغيثنى يا الحبيب .. و اربح أجرى .. عميق مودتى العابرة للاطلنطى ..
Post: #33 Title: Re: د / أحمد طراوة ___ فى ندوة عن تاريخ الغناء فى السودان . Author: محمد المرتضى حامد Date: 07-02-2007, 09:16 PM Parent: #31
وأي زول تفوتو المحاضرة الموعوده ، وكان من المستطيعين إليها سبيلا ، ما يجي يبكي لينا هنا . ده مجرد تحذير. يا طراوه ، حول استفسارك عن أحمد القرشي وغيابو عن المنبر ، الراجل ده من ما نقلوه من جزيرة (مصيره) الى ( لوى) جنب (صحار) قاعد في استراحة الحكومه وبيفتش في بيت سمح يفرتق فيهو كراتينو عشان يطلِّع الكومبيوتر والكتب والشرايط ويركِّب مكنة الحقيبة ، خروج الجان من القمقم. مشكلتو انو بيمشي النت كافيه والباسوورد مخزّن في كومبيوترو ، لكن حد علمي انو فترة الإعصار أعادته لقصة القرايه المابتكمل وعاد لإدمانها. طبعا بقى قريب للنادي لكن نادي الجاليه لم ينجُ من الفيضانات التي دمرت كل محتوياته بما في ذلك الصاله المكيفه. والله يا عثمان موسى طراوه وود القرشي كانوا لما يعملوا محاضره عن الغناء في النادي في مسقط ما بيفضل زول في بيتو ، سغيِّر/ه ولاّ كبير/ه والعاشق شايل ( المكسّر). بس عباره عن YANNI في الأكروبول أو رويال البرت هول ما تفوتك يا زول
Post: #32 Title: Re: د / أحمد طراوة ___ فى ندوة عن تاريخ الغناء فى السودان . Author: محمد عثمان Date: 07-02-2007, 09:03 PM Parent: #1
Post: #44 Title: Re: د / أحمد طراوة ___ فى ندوة عن تاريخ الغناء فى السودان . Author: Osman Musa Date: 07-03-2007, 01:32 AM Parent: #32
بنحب من بلدنا .......... سوف نرحل مع أحمد طراوة الى حيث تستقر الاغانى . على اكتاف النهر بعد مشوارها الطويل والخالد التحية لكل شعراء ومطربى بلادى .
Post: #43 Title: Re: د / أحمد طراوة ___ فى ندوة عن تاريخ الغناء فى السودان . Author: yasiko Date: 07-03-2007, 01:22 AM Parent: #1
يا سلام عليك أستاذة منى يا بت خوجلي
لقد طلب مني الدكتور طراوة هذه الأغنية أمس ليدلل على الدليب لاسيما أن الطنبور ظاهر في بعض التسجيلات ولم تكن مسجلة عندي ولما هممت بتسجيلها اليوم وجدتك تطرحين كل هذا الجمال لك القومة ولوردي وأبو آمنة حامد
Post: #45 Title: Re: د / أحمد طراوة ___ فى ندوة عن تاريخ الغناء فى السودان . Author: عبد المنعم ابراهيم الحاج Date: 07-03-2007, 02:02 AM Parent: #43
التحية للدكتور طراوة والدكتور صلاح الزين وحاسدنكم ياناس دي سي
الواحد نفسو يكون معاكم بالتاكيد حايكون يوم يخلي الواحد يبرم شعر راسو .. كان بتخلونا نفتكر ونتصور تذكرة الجية هينة.
Post: #46 Title: Re: د / أحمد طراوة ___ فى ندوة عن تاريخ الغناء فى السودان . Author: Moawia Mohammed Date: 07-03-2007, 06:36 AM Parent: #1
Quote: كان العيد في محيطنا الفني يستعد له المطربون قبل حلوله بشهور بمجموعة من الأغاني الجديدة تدخر وتعد وتجهز لتقديمها في العيد. كان فناء الاذاعة مليئا بالفنانين والعازفين هم مشغولون جميعا باعداد وجبة العيد من الأغاني الجميلة ومن أجمل أغاني العيد التي قدمتها الاذاعة في الأعياد الكريمة أغنية " أجمل أيامي " للمتألق دائما وأبدا عثمان ... لحنها عثمان بكل قدرته وطاقته الابداعية مما جعل الأغنية تتسم بسمات معينة من حيث الجمل اللحنية والجمل الموسيقية والايقاع الذي اختاره هو ايقاع مشية الثعلب Fox medium , وأداها عثمان بشكل متميز وجديد وعصري للغاية فكانت هدية العيد السعيد للمستمعين.
عزيزي د. أحمد طراوه اقتبست الكلام الفوق دا من كتاب بروفيسور الفاتح الطاهر " عثمان حسين حياته وفنه " عايزين نعرف حاجه عن الايقاع دا ومشية الثعلب دي كيفنها وسأورد الأغنية هنا عشان باقي الناس يتخيلوا معانا
أنا كل ما أشوف ثعلب بالليل طوالي بتزكر الأغنية بس المصيبه انو بيقوم جاري من قدام العربية وأبدا ما أداني فرصة أشوفو ماشي عشان اتخيل وأقارن.
Post: #47 Title: Re: د / أحمد طراوة ___ فى ندوة عن تاريخ الغناء فى السودان . Author: Moawia Mohammed Date: 07-03-2007, 06:42 AM Parent: #1
أجمل أيامي
Post: #48 Title: Re: د / أحمد طراوة ___ فى ندوة عن تاريخ الغناء فى السودان . Author: أحمد طراوه Date: 07-03-2007, 02:22 PM Parent: #1
... و الكلمة النادرة في هواك غنيتا .. و شموع ايامك بدماى ضويتا !
.. لقاء السُحب الجاب لينا سارتن تولول و تبقبق للصباح ما إنفشت .. بازرعة/عثمان انتاج غزير مستمر ، قيل ان لقاء ام كلثوم الاول مع عبد الوهاب في اغنية انت عمرى .. نزلوا بسببو الجيش لمن الحركة اتلخبطت في كل القاهرة !!
.. الوله الايقاعى الجوانا( الاحظوهو ناس محمد عبد الحى و صلاح احمد ابراهيم ) سببو تعدد الايقاعات وتنوع مصادرا الثقافية السودانية في بلد الاعراق و الشعوب الناهض كلِ منها بلونيتو المتميزة ، يغنى السودانين و يوطنوا جُملتم اللحنية في عموم البلد فوق دليب الشايقية ، و مردوم ناس عمر إحساس و عبد القادر سالم ، و الكمبا بتاعت النايلو - سهارن من قبائل الجنوب النيلية و الزاندى الجايين من عنصر البانتو الافريقى ، الكمبا اتعمل بيها مارش مندى بت السلطان عجبنا، و غنى بيها خليل اسماعيل ، و حتى العشرة بلدى لمن جاء من مصر وردى غنى بيهو الليلة يا سمرة ، و سيد خليفة غنى بيهو عقد اللولى ، و زنقار و ابو داؤد غنو بيهو يا عروس الروض يا ذات الجناح ، لكن بلونية سودانية و حولوه الي خادم مُطيع للمقام الخماسى السودانى !
.. قيل ان مرجان سيد النقرزان ، ماسنجر الغناء و الرقص المتجول في ساحات حوليات الطرق الصوفية ، كان قد لاحظ ان مختلف ناس القبائل داخل الطريقة الاحمدية و السمانية بمدحون محبوبم المصطفى با يقاعات مختلفة فوحد المديح في الة الطار وفقا لضربة النقرزان الايقاعية اللى قامت عليها رميات محمد ود الفكى و من بعد ذلك العشرين اغنية الاولى لمدرسة الاتجاه الجديد ( الحقيبة ) .. كرومة بعد داك هو اللي غير التواتر و رتابة التكرار بتاع العشرين اغنية الاولى ! بالجد كرومة ثورى ! سلاحو كان الرق و عقلية لحنية لا تهداء لا باليل لا بالنهار ، بنوم علي الالحان و بصحا عليها ! في المحاضرة الغنائية بنجاهد لتوضيح كيف كرومة ود المُغنية مستورة بت عرضو عمل تلك النقلة الثورية في الغنا
... لكن الجزالة و التدفق كان بدخول التم تم وسط السودان قادما من اعماق الغرب الافريقى ، مرورا بالفاشر الكبير ثم الابيض و كوستى ، ليستقر فترة طويلة في رديف كوستى عند ام بشاير و اختها ام جباير و لينتقل بعد ذلك الي ام درمان ! التم تم ميزانو مرن و ضريتو الايقاعية اوسع من النقرزان و الدليب و المردوم و الكمبا و اشتقاقاتو متعددة علشان كدا جاب النهضة و الجزالة اللي بدت لمن كتب سيد عبد العزيز اغنية انا راسم في قلبى صورة الباسم لتلحن بايقاع التم تم ، و برضو لمن لحن عبد الرحمن الريح اغنية خدارى بالتم تم المُحسن و اداها لكرومة ثم غناها بعد ذلك حسن عطية بتم تم صريح ! قال الفاتح الطاهر وردى لوما كان لحن بلا و انجلا بالتم تم ، ما كان بقت اغنية لانتفاضة جماهيرية ، اغنية وحدت مشاعر مئات الالاف من الناس
... تعرف يا معاوية مشية الثعلب ( كايقاع في اغنية اجمل ايامى ) انا كنت في الاول فاكروا فالس او ضربة ايقاع اروبى ، وحسن عطية هو اللي دخل الفالس و جابو من ثقافة جاليات الخرطوم في الاربعينات ، لحن بيهو يا الحرمونى منك ، ولحن بيهو حمد الريح برضو يا مرية ! في الواقع مشية الثعلب هى اشتقاق من ضربة ايقاع التم تم ذو المرونة الفائقة ! عجيب التم تم اللي اسس القاعدة الايقاعية لكل غنانا منذ منتصف الاربعينات و حتى اليوم ، الكاشف قال انو اصعب لحن بالنسبة ليهو كان اغنية فتنت بيهو ! الايقاع الوحيد الشال اللحن هو التم تم ، يو سف الموصلي قال البقلدوا الكاشف كلهم بتجنبو اغنية فتنت بيهو ! لاسباب برضو بنشرحا في المحاضرة الغنائية مستندين علي بحر العلوم الموصلى !
... يا سلام على الفاتح الطاهر ! هو اللي ورانا انو كرومة ولد مستورة بت عرضو ، وساعدنا ان نفهم ولو شوية سر عبقرية كرومة ! و لانو التم تم مافي في مصر ، و لا اروبا فعبارة مشية الثعلب قد تكون هي تصريف سودانى خاص !
Post: #50 Title: Re: د / أحمد طراوة ___ فى ندوة عن تاريخ الغناء فى السودان . Author: Muna Khugali Date: 07-03-2007, 02:48 PM Parent: #48
Quote: يا سلام عليك أستاذة منى يا بت خوجلي
لقد طلب مني الدكتور طراوة هذه الأغنية أمس ليدلل على الدليب لاسيما أن الطنبور ظاهر في بعض التسجيلات ولم تكن مسجلة عندي ولما هممت بتسجيلها اليوم وجدتك تطرحين كل هذا الجمال لك القومة ولوردي وأبو آمنة حامد
والله كنت عايزه استهبل وانوم في الخط.. واخليك فاكرني أنا النزلت الأغنيه.. لكن قلت عيب..وكمان مع شعوري بالعيب ..قلت الناس تقول شنو؟ ومجهود محمد عثمان السمح ده يروح ساكت?? دحين.. الأغنيه جابها محمد عثمان.. عللي الصوره صورتي.. والشلوخ شلخني ليهم نور الهادي..وانكيفت وقت شوفتهم ونزلتها في وسط كلامكم السمح ده..
Post: #49 Title: Re: د / أحمد طراوة ___ فى ندوة عن تاريخ الغناء فى السودان . Author: مجاهد عبدالله Date: 07-03-2007, 02:45 PM Parent: #1
انت عارف يادكتور الواحد يادوب حس بالطراوة بتاعت المنبر
خالص الشكر لكل الإضاءات الجميلة في الفن السوداني..
شكراً عثمان..
Post: #51 Title: Re: د / أحمد طراوة ___ فى ندوة عن تاريخ الغناء فى السودان . Author: عصمت العالم Date: 07-03-2007, 03:09 PM Parent: #49
العزيز الفنان دكتور احمد طراوه..
اعزاى لك فى الافاضه.وانت تسوقنا بدراية المعرفه.لحقبة زمن ناضر وزاهر..ولازلنا نتحلق حولك كدراويش الحضره..تاخذهم غيبوبة ذلك السحر الدفيق الى مقامات الارتقاء وسمو التلاشى..حيث تشب وتثب الارواح من اطر مقاماتها وهى تتحلق حول هطول كل ذلك المد المداد.. سمعت فى زمن غابر الموسيقار الفنان الذى هضم حقه اسماعيل عبد المعين.زوهو يتحدث عن النقرزان..وربط بين خطوط عرضه وطوله من المغرب الى اباطير العراق...هذه واحده.. و.يوما.. جو.جو.. وايقاعها يعزف بيد الفندق الخشبيه على قاعدة الفندق فى تناسق ملودية اللحن وايقاعه....ونعرج الى فيوض ذلك الزمن الندى...عندما برزت فى تواصل منذ اغنيات السيره والفروسيه.عن بنونه بنت المك..ورفيقاتها.الى غناء البنات.المطلبى الذى يعكس انفعالاتهن..ورغباتهن,وتطلعاتهن.زوهن يحمين عن خبايا امنياتهن..من اعنبات الحرب العالميه االثانيه.وقوة دفاع السودان.الى عزاز علينا.. ازمنة من رزم وايقاعات والحان.. وانت ايها النطاسى الفنان.تجوب بنا عبر تلك الخمائل الغناء وتطوف بنا احشاء ذلك الزمن الالهام.. ارجوك.ان تحدثنا..عن. اللورد كرمه..وعن عبقرته والحانه..عن نقلة اللزمه..الموسيقيه..والمقدمه الموسيقيه..وعبقرية العملاق الكاشف..
ولك ماتشاء فكل ما تفيض به يصب فى جدول الامتاع..والروعه..
نحن على مجامر الاحتراق..نقف ونتحلق
لك كثيف الاعزاز والاعجاب والتقدير..
Post: #52 Title: Re: د / أحمد طراوة ___ فى ندوة عن تاريخ الغناء فى السودان . Author: Osman Musa Date: 07-03-2007, 09:00 PM Parent: #51
استاذ عبدالمنعم ابراهيم الحاج يازول ما تقعد تبرم فى شعرك كفايه هموم . تعال لك التحية
Post: #53 Title: Re: د / أحمد طراوة ___ فى ندوة عن تاريخ الغناء فى السودان . Author: Osman Musa Date: 07-03-2007, 09:03 PM Parent: #49
أخى مجاهد عبدالله سلامات الف شكر .
Post: #54 Title: Re: د / أحمد طراوة ___ فى ندوة عن تاريخ الغناء فى السودان . Author: عصمت العالم Date: 07-03-2007, 09:44 PM Parent: #53
العزيز المفضال الاستاذ عثمان موسى..
لك الجمال..وعتق عطره الفواح.. وانت تفتح لنا تلك المنافذ الخمائل.. حيث ياخذنا شدو حكى النطاسى الفنان دكتور احمد طراوه عبر تلك الازمنه الجمال..ويرش علينا من طيبه الشذىوانسام تلك المشاهد المعرفه والتوثيق والايفاء.وهو يدندن بانغام تعزفها كلماته الزاخره بالجمال.. لك الاعزاز.والود. وعميق الامتنان.. ونرجو المواصله..وامزجتنا وصفاء احساسنا يريد ان يرضع من اثداء ذلك الحكى الشهى المستطاب.. لك المحبه
Post: #55 Title: Re: د / أحمد طراوة ___ فى ندوة عن تاريخ الغناء فى السودان . Author: عمار يس النور Date: 07-03-2007, 10:39 PM Parent: #53
الاخ عثمان موسى (صاحب البوست)
تحياتي و سلامي
الاستاذ الكبير عصمت العالم
Quote: بتلك الخلطه الابداعيه التى تغازل الفكر
الدكتور احمد طرواة متخصص في مزج الاشياء بعد الغوص في اعماقها و الخروج بما فيها من كنوز ولؤلؤ. وهو امين و متمكن في معرفته و يبذل في ذلك كل ما يملك و إن تطلب الهجرة إلى الصين أخر هذه الخلطات هو تخصصه في علوم الـ Bioinformatics لذلك هاجر له في هجرته الثانية من مسقط إلى بلاد العم سام وهو الان يخلط بين الطب و علوم التقانة الحديثة و نظم المعلومات.
و دائما في حله و هجرته كالنبيين ، ينصره الناس و ينتصر بهم ، اسال عنه في مسقط فإنه هناك كالقديس !
هنيئا لكم يا ناس امريكا بما سيتحفكم به أحمد طراوة عبر ندواته القيمة.
*******
د. أحمد تقبل تحياتي و تحيات أماني و البنات و دعوات الوالدة
Post: #56 Title: Re: د / أحمد طراوة ___ فى ندوة عن تاريخ الغناء فى السودان . Author: Osman Musa Date: 07-04-2007, 01:15 AM Parent: #55
أخى عمار يس النور أرجو أن تكون بعافيه وكيف حال سدنى الف شكر على المتابعة
Post: #57 Title: Re: د / أحمد طراوة ___ فى ندوة عن تاريخ الغناء فى السودان . Author: أحمد طراوه Date: 07-04-2007, 02:30 AM Parent: #1
... السلام ما غنا شادى او رطان .. السلام ما غنا مفارق الاوطان .. ( قول لسيد عبد العزيز وقد اخد بيو الفراق ماخذ في حب وهيبة بت خالتو ! )
مودتى لكم .. مجاهد ، عصمت ، عمار ، ومنى بت الاولياء اللُحق ، وكل من زار بوست الكريم عثمان ود موسى ( الشيخ العدار النادى الاولياء اللُحق بسبب تباريح الغرام يا منى كان فنان امدرمان الاول في التركية ، غنا التركية بعرفو كويس عوض بابكر و احمد قرشى ! ) ..
.. ساعود فى براح لبعض النقاط الجديرة بالنقاش حول ظاهرة كرومة . . و المقدمات الموضوعية المهدت الانتقال للمدرسة التانية بتاعت الغناء الاوركسترالي .. ننشد النقاش لانو كلنا معرفتنا ناقصة و الحقيقة ياها نسبية .. و يد الله مع الجماعة ..
رغم الخط التراكمى الصاعد البدا علي يد محمد ودالفكى ، و مجاهدات سرور - العبادى ، لكن الواضح انو كرومة هو الغير الميلودى ، وجاب تفانين الجُمل اللحنية اللي ما ليها اول و لا آخر زى ما قال الراحل كمندان الغنا / ابراهيم احمد عبد الكريم ، كرومة برضو جاب اللزمات الموسيقية ، و العوالم الساحرة للكسرات ، مستند فقط علي الرق بتاعو الجنن علي المك وخلاه يقول : ليت لي رق كرومة .. ليت لي بساط الريح ، و مستند برضو علي كمنجة السر عبد الله اول من عزف الكمنجة و دوزنا علي نحو سودانى خماسى ، و مستند برضو علي اوكورديون و هبة ابو زراير ، وهبة الشهُد الوقيعة مع ابو صلاح في القلعة و الخوجلاب ( في الاغنيتين ابو صلاح بشهد وهبة و بستنجد بيهو ) ! و نقلة كرومة للغنا هى بالاساس تمت استنادا علي حقيقة انو عتيق و عبد الرحمن الريح غيرو الشعر !
.. الفرضية العاوزة بحث و اثبات هي : انو اللحن و الايقاع تغير لمن تغيرت التفعيلة و الشعر عموما .. يا ريت يا فضيلى جماع تنورنا في مسائل العروض في الشعر The Prosodology و بحر القصير الحكم ناس العبادى و ابو صلاح في نظم تلك القصائد .. وليه عبقرية الكاشف تجلت في تلحين بحر غير صافى زى : افكارى الحيارا.. ضاعت بأختيارا .. حبيبى آه .. قلبى تآه في يوم الزيارة !!
. . و برضو نلاحظ الفرق مابين : جدى العزاز الجيدو قزاز .. يا عزاز انا نومى خزاز ( العبادى 1924 )
.. و : ذبت وجدا في هواك .. يا حبيبى ولم ازل .. عايش على سفح الامل .. يا من صليتنى بنار هواك ... و رفعت فنى لمستواك ( عتيق 1939)
معانى و مفردات مُغايرة ! ظنيت بسبب قانون التقدم و الحراك الاجتماعى ، و البنات المرقو للتعليم و العمل في التمريض .. وكمان بقوا يعاينو للرجال في بيت العرس ! ايام الطنابرة ناس عبد الغفار و ود راس البيت ، البنات كانو بعاينو علي الحيطة ! سرور هو الغير اتجاه النظر و إعادة ترتيب بيت الحفلة ، وقدح زناد نهر الوعى النسائى الذى ما انفك يتقدم و يجرى ! بنات بلدنا هم سبب الغنا ، اما سبب الاذى فهى عيون الشعراء نفسهم حسب قول الراحل رمضان زايد : الريدو علمنى السهر قابلتو مرة و ماظهر .. خلانى اكتر من شهر .. ذكراه عندى معززة
يا ود حامد ، خلي احمد القرشى يتواصل معانا علي البريد الخاص لحدى ما يلم في الباص ويرد بتاعت سودانيز .. و انقل ليهو قولة محمد احمد عوض : الجذبت فكرى و شالت منام عينيا .. بس اطرى الوصال و الخوة القبيل يا ثريا .. سببى الفراق و دموعي سالت تبكى !!
Post: #58 Title: Re: د / أحمد طراوة ___ فى ندوة عن تاريخ الغناء فى السودان . Author: Osman Musa Date: 07-04-2007, 03:47 AM Parent: #57
د/ أحمد طراوة * يتحدث عن علاقة كبوشية بامدرمان * يتحدث عن الحنين فى الأغنية السودانية * المسالمة * النيل مصدر الجمال * الحمام * المنام * السماء * التضاريس والزمان والتقاليد . والشجاعة . والبشاير وعطش الحب والليل والبعاد وسوف يتحدث عن العمرابى الشاعر العملاق وعن تلك العيون الخجولة وعن السيدة سيده والجمال الفريد التحية لطراوة فى جنوبه الامريكى وهو يغازل شمبات .
Post: #59 Title: Re: د / أحمد طراوة ___ فى ندوة عن تاريخ الغناء فى السودان . Author: ابراهيم عدلان Date: 07-04-2007, 04:46 AM Parent: #1
شكرا عثمان موسي علي هذه الااضي المحررة من ( الزهج و العكننه) و التعبير للفنان ذو القلم الساحر د. حساس
طراوة ايها المسكون بالابداع المعطون في سحر الكلم و محاور الحروف شكرا غزيزا غزارة من تورده من معلومات عن من صاغوا وجدان شعبنا وترجموا جماله اغان خالدات خلود الوطن العزيز الذي وضعوه في الفؤاد و رعته العناية
الحاج محمد احمد سرور و رفيقه شوبان الاغنية السودانية كرومة و من خلفهم رجال عصروا الحرف حتي اتي رحيقه عسجدا يبلغ البلاغة ان لا مستحيل مع الجمال و لا حديث بعد الحدث جناسا كان ام طباقا
سئل ابو الاذاعة السودانية محمد صالح فهمي عن ايهما اشعر محمد عبدالله الامي ام صالح عبدالسيد ابوصلاح فاجاب بلباقته المعهودة ابرعهم وهبة حينما يكتل في جدي العزاز و كرومة في الناعسات عيونن نور جبينن هلا. وهبة وما ادراك ما وهبة تعلم الاكورديون من احد الجنود الانجليز فذبح قلوب الكثيرين
شكرا مرة اخري عثمان موسي و الشكر اجزله لطراوة و يا ريت تعرج علي نيويورك
Post: #60 Title: Re: د / أحمد طراوة ___ فى ندوة عن تاريخ الغناء فى السودان . Author: ابراهيم عدلان Date: 07-04-2007, 04:58 AM Parent: #1
Post: #61 Title: Re: د / أحمد طراوة ___ فى ندوة عن تاريخ الغناء فى السودان . Author: Osman Musa Date: 07-04-2007, 05:15 AM Parent: #60
يا سلام عليك يا استاذ ابراهيم عدلان واصل فى تنزيل صور الخالدين النجوم تابع تحياتى ياعزيز .
Post: #62 Title: Re: د / أحمد طراوة ___ فى ندوة عن تاريخ الغناء فى السودان . Author: الطيب شيقوق Date: 07-04-2007, 07:09 AM Parent: #61
الاخ عثمان
الاخ طراوة عهدته محبا للنغم والكلمة الجميلة عشان كده خليني اهديه ليك هذه الكلمات لابي فراس الحمداني
أراك عصي الدمع شيمتك الصبر *** أما للهوى نهي عليك و لا أمر بلى أنا مشتاق و عندي لوعة ** ولكن مثلي لا يذاع له سر إذا الليل أضواني بسطت يد الهوى ** و أذللت دمعا من خلائقه الكبر تكاد تضيء النار بين جوانحي** إذاهي أذكتها الصبابة و الفكر معللتي بالوصل و الموت دونه **** إذا مت ظمآنا فلا نزل القطر
حفظتُ و ضيعتِ المودة بيننا ** و أحسن من بعض الوفاء لك الغدر و ما هذه الأيام إلا صحائف **** لأَحرفها من كف كاتبها بَشر بنفسي من الغادين في الحي غادة ** هواي لها ذنب و بهجتها عذر تروغ إلى الواشين فيَّ و إن لي ** لأذنا بها من كل واشية وقر بدوت وأهلي حاضرون لأنني *** أرى أن دارا لست من أهلها قفر
و حاربت قومي في هواك و إنهم *** و إياي لولا حبك الماء و الخمر فإن كان ما قال الوشاة ولم يكن ** فقد يهدم الإيمان ما شيد الكفر وفيت و في بعض الوفاء مذلة ** لآنسة في الحي شيمتها الغدر وقور و ريعان الصبا يستفزها **** فتأرن أحيانا كما يأرن المهر تسائلني من أنت و هي عليمة **و هل بفتى مثلي على حاله نكر
فقلت كا شائت وشاء لها الهوى **** قتيلك قالت أيهم فهم iiكثر فقلت لها لو شئت لم تتعنتي *** ولم تسألي عني و عندك بي خبر فقالت لقد أزرى بك الدهر بعدنا *** فقلت معاذ الله بل أنت لا الدهر و ما كان للأحزان لولاك مسلك** إلى القلب لكن الهوى للبلى جسر و تهلك بين الهزل و الجد مهجة **** إذا ما عداها البين عذبها الفكر فأيقنت أن لا عز بعدي لعاشق **** و أن يدي مما علقت به صفر
و قلبت أمري لا أرى لي راحة **** إذا الهم أسلاني ألح بي الهجر فعدت إلى حكم الزمان و حكمها *** لها الذنب لا تجزى به و لي العذر كأني أنادي دون ميثاء ظبية *** على شرف ظمياء جللها الذعر
تجفَّل حينا ثم تدنو كأنما **** تنادي طلا بالواد أعجزه الحُضر فلا تنكريني يابنة العم إنه **** ليعرف من أنكرته البدو و الحضر ولاتنكريني إنني غير منكر **** إذا لا زلت الأقدام و استنزل النضر و إني لجرار لكل كتيبة **** معودة أن لا يخل بها النصر و إني لنزال بكل مخوفة **** كثير إلى نزالها النظر الشزر
فأظمأ حتىترتوي البيض و القنا ****و أسغب حتى يشبع الذئب والنسر ولا أصبح الحي الخلوف بغارة **** ولا الجيش ما لم تأته قبلي النذر و يا رب دار لم تخفني منيعة **** طلعت عليها بالردى و أنا الفجر و حي رددت الخيل حتى ملكته **** هزيما و ردتني البراقع والخُمر و ساحبة الأذيال نحوي لقيتها **** فلم يلقها جهم اللقاء و لا وعر و هبت لها ما حازه الجيش كله ***و رحت و لم يكشف لأثوابها ستر
و ما حاجتي بالمال أبغي وفوره **** إذا لم أفر عرضي فلا وفر الوفر أسرت و ما صحبي بعزل لدى الوغى **** ولا فرسي مهر و لا ربه غمر ولكن إذا حم القضاء على امريء **** فليس له بر يقيه ولا بحر وقال أصيحابي الفرار أو الردى **** فقلت هما أمران أحلاهما مر ولكنني أمضي لما لا يعيبني **** وحسبك من أمرين خيرهم الأسر
يقولون لي بعت السلامة بالردى **** فقلت أماوالله ما نالني خسر و هل يتجافى عني الموت ساعة **** إذا ما تجافى عني الأسر والضر هو الموت فاختر ما علا لك ذكره **فلم يمت الإنسان ما حيي الذكر ولا خير في دفع الردى بمذلة **** كما ردها يوما بسوءته عمر يمنون أن خلو ثيابي و إنما **** علي ثياب من دمائهم حمر و قائم سيفي فيهم اندق نصله***وأعقاب رمحي فيهم حطم الصدر
سيذكرني قومي إذا جد جدهم ***و في الليلة الظلماء يفتقد البدر فإن عشت فالطعن الذي يعرفونه ***و تلك القنا و البيض و الضُّمر الشقر و إن مت فالإنسان لا بد ميت *** و إن طالت الأيام وانفسح العمر ولو سد غيري ما سددت اكتفوا به *** و ما كان يغلو التبر لو نفق الصفر و نحن أناس لا توسط عندنا **** لنا الصدر دون العالمين أو القبر تهون علينا في المعالي نفوسنا **ومن خطب الحسناء لم يغلها المهر أعز بني الدنيا و أعلى ذوي العلا ***و أكرم من فوق التراب ولا فخــر
Post: #63 Title: Re: د / أحمد طراوة ___ فى ندوة عن تاريخ الغناء فى السودان . Author: abdalla elshaikh Date: 07-04-2007, 07:50 AM Parent: #62
أحمد .. داير لي فرصة أفهم لـماذا لـم يمتمد سلمنا الخماسي هذا شمالا..علما بأنه أوصلنا حتي الـمحيط غربا وشرقا.
Post: #64 Title: Re: د / أحمد طراوة ___ فى ندوة عن تاريخ الغناء فى السودان . Author: Saifeldin Gibreel Date: 07-04-2007, 09:31 AM Parent: #63
Quote: من ندوة عن الغنا الجلابي، لي لمة شيوعيين في قلعة الامبريالية
الحقوق الادبية محفوظة للاخ كمال بشاشا
Post: #65 Title: Re: د / أحمد طراوة ___ فى ندوة عن تاريخ الغناء فى السودان . Author: Osman Musa Date: 07-04-2007, 04:01 PM Parent: #64
استاذ الطيب شيقوق فتش لينا عن الزول ده
Post: #66 Title: Re: د / أحمد طراوة ___ فى ندوة عن تاريخ الغناء فى السودان . Author: Osman Musa Date: 07-04-2007, 04:05 PM Parent: #63
استاذ عبدالله ود الشيخ نحنا دايرين لينا فرصه نسلم عليك يا زول والاولاد . حبابك أخى .
Post: #67 Title: Re: د / أحمد طراوة ___ فى ندوة عن تاريخ الغناء فى السودان . Author: Osman Musa Date: 07-04-2007, 04:18 PM Parent: #66
مين فى الدنيا ديه... أجمل من بناتنا ؟ وين ؟ فى اى البلاد ؟ أحمد طراوة يجاوب الشاعر الهدندوى الملتاع أبوامنه حامد. و الدكتور صلاح الزين لديه مفاتيح الكلام .
Post: #68 Title: Re: د / أحمد طراوة ___ فى ندوة عن تاريخ الغناء فى السودان . Author: نهال الطيب Date: 07-04-2007, 05:23 PM Parent: #67
أنت آية ولا حكمة ولا إنسان أنت صاحي ولا نايم ولا طرفك من طبعه نعسان
يا منايا ياهنايا هاك برهان عن غرامي طول هيامي السابني ولهان
ودي برضها حقت كرومة
بوست جميل بقدر أني بتشده لمن افتحه قمة الروعة دكتور أحمد طرواده تاني بقول سمح الكلام وطربي الهوا
عثمان موسى شكرا جميلا
مودتي
Post: #69 Title: Re: د / أحمد طراوة ___ فى ندوة عن تاريخ الغناء فى السودان . Author: Osman Musa Date: 07-04-2007, 06:20 PM Parent: #68
الاخت نهال مين فى الدنيا ديه ... اجمل من بناتنا ؟ وشنو الاعز عندنا من تلك الجنات ؟ لك التحية والتحية لدكتور أحمد الرجل الوفى .
Post: #70 Title: Re: د / أحمد طراوة ___ فى ندوة عن تاريخ الغناء فى السودان . Author: Osman Musa Date: 07-05-2007, 01:41 AM Parent: #69
المنتدى الثقافى للجاليه السودانيه الامريكيه بمنطقة واشنطن الكبرى له التحية وهو الذى قد اصبح ساحة تفاعل فكرى رياضى وثقافى جامع لكل ابنا السودان بمختلف افكارهم .
Post: #71 Title: Re: د / أحمد طراوة ___ فى ندوة عن تاريخ الغناء فى السودان . Author: Bashasha Date: 07-05-2007, 01:54 AM Parent: #1
ياسبحانك! الفاضي قالو يعمل قاضي!
خلاص يعني حليتو كل مشاكلكم كجلابة ولعوا البلد واشعلو محارق التطهير عشان تتكلمو عن الغناء الجلابي؟
دكتور طراوة،
عيني نجيضة تب!
من كلامك عن اصل الفور المجهول، عرفتك جلابي اصيل!
Post: #72 Title: Re: د / أحمد طراوة ___ فى ندوة عن تاريخ الغناء فى السودان . Author: Osman Musa Date: 07-05-2007, 02:54 AM Parent: #71
استاذ ابراهيم عدلان الف شكر
Post: #76 Title: Re: د / أحمد طراوة ___ فى ندوة عن تاريخ الغناء فى السودان . Author: Osman Musa Date: 07-05-2007, 04:10 AM Parent: #71
الاستاذ بشاشا اتمنا أن تكون الصحه عال العال اشكرك على المرور تحياتى أخى .
Post: #73 Title: Re: د / أحمد طراوة ___ فى ندوة عن تاريخ الغناء فى السودان . Author: Elmosley Date: 07-05-2007, 02:56 AM Parent: #1
Enjoy the presentation of this gentleman we did so in Monterey California
Post: #74 Title: Re: د / أحمد طراوة ___ فى ندوة عن تاريخ الغناء فى السودان . Author: HAYDER GASIM Date: 07-05-2007, 03:14 AM Parent: #73
كل الدلائل تشير إلى عرض شيق ... من شخص مائز ,
فليته يشرفنا فى كندا كذلك ... خاصة وأن الصيف
هو الأنسب ... فهل نحن على موعد مع ... طراوة ؟؟؟
ليته ... يكون .
عتمان موس ... كيفنك يا الحبيب ... أيامكم والله .
Post: #78 Title: Re: د / أحمد طراوة ___ فى ندوة عن تاريخ الغناء فى السودان . Author: Osman Musa Date: 07-05-2007, 04:20 AM Parent: #74
استاذنا حيدر قاسم ارجو أن تكون والاهل على احسن حال شنو يازول الطوله دى ؟ الف شكر على المتابعه تحياتى اليكم أخى حيدر
Post: #77 Title: Re: د / أحمد طراوة ___ فى ندوة عن تاريخ الغناء فى السودان . Author: Osman Musa Date: 07-05-2007, 04:14 AM Parent: #73
الاستاذ الموسيقار الكبير الموصلى سلامات والف شكر على المتابعه تحياتى
Post: #75 Title: Re: د / أحمد طراوة ___ فى ندوة عن تاريخ الغناء فى السودان . Author: أحمد طراوه Date: 07-05-2007, 03:55 AM Parent: #1
... مرور الناس العزاز ساق عبد الرحمن الريح لفضاءات وادى عبقر فأتى بذلك القول الوطنو حسن عطية في التم تم المُحسن : يا مارى عند الاصيل وحدك في شاطى النيل .. صدقنى شكلك جميل !
شكرا يا ود عدلان و و يا عبد الله هى قضايا جديرة بالتامل : في الوسط السودانين صارعوا تسرب المقام و العروض الكامن في السباعى و تمسكوا بالخماسى ! بل كتشنر رفد الجسور عدنان احمد عبد الله لانو كان بعمل مارشات الخما سى : زى مارش ود الشريف ، وشلكاوى ، و مندى بت السلطان عجبنا ! عدنان ، و اسمعيل عبد المعين ، و محمد آدم ادهم هم رواد كتابة النوتة السودانية بمقام الخماسى !! و دا موضوع عاوز مزيد من الاخذ و الرد ! في غرب السودان السلم العربى السباعى كان ليه اثر و تمظهر هنا و هناك ! ودا برضو موضوع عاوز اخذ و رد و الوصول لا ستنتاجات ورؤية !
.. شكرى لكل من رمى بقولة موضوع الغنا في السودان زى قدح النبى ماهل و قصتو عاوزة تروى و حوار : شكرا نهال ، بشاشا ، الموصلى و حيدر قاسم .. دعوة كريمة يا حيدر .. كندا عزيزة .. قلبى زاد وجع حمانى القيد منع : قول لود اب شريعة ! بالمناسبة العبادى كتب يا حليل رياضنا الغنا ، فى مجاراة ود المكاوى : يا ليلة ليلك جنا .. نعود بالضرورة ..
Post: #79 Title: Re: د / أحمد طراوة ___ فى ندوة عن تاريخ الغناء فى السودان . Author: Osman Musa Date: 07-05-2007, 04:57 AM Parent: #75
* الدوبيت * الجابودى * الدليب * المردوم * التمتم
Post: #80 Title: Re: د / أحمد طراوة ___ فى ندوة عن تاريخ الغناء فى السودان . Author: الطيب شيقوق Date: 07-05-2007, 05:12 AM Parent: #79
Quote: استاذ الطيب شيقوق فتش لينا عن الزول ده
الزول منو يا العثمان؟
Post: #81 Title: Re: د / أحمد طراوة ___ فى ندوة عن تاريخ الغناء فى السودان . Author: Osman Musa Date: 07-05-2007, 02:50 PM Parent: #80
استاذ الطيب شيقوق سلامات فتش لينا عن الزول ده دايرين اخر اخبار د/ أحمد القرشى تحياتى
Post: #82 Title: Re: د / أحمد طراوة ___ فى ندوة عن تاريخ الغناء فى السودان . Author: ibrahim fadlalla Date: 07-05-2007, 03:09 PM Parent: #81
شكرا عثمان موسى ..لاكن مطقتو بينا عديل كدة..وريالتنا سالت.. طيب ..وصية ..وصية..في رقبتك...يعني عشان الناس تشارككم المتعة التسجيل الكامل بالصوت والصورة ... ولو بقى موضوع حجم الملفات خلوها صوت ساااااكت...يعني برضو حاجة تكون موثقة ..الفائدة تكون أشمل وأعم...ول مش كدة ...
مستنينكم....أبو الزفت زاتو...شفتو الكلمة دي طلعت كيف...
ودي وتقديري...مزيج بمزاج...
Post: #83 Title: Re: د / أحمد طراوة ___ فى ندوة عن تاريخ الغناء فى السودان . Author: Osman Musa Date: 07-05-2007, 05:47 PM Parent: #82
استاذ ابراهيم فاضلابى سلام والف شكر على المرور تحياتى
Post: #84 Title: Re: د / أحمد طراوة ___ فى ندوة عن تاريخ الغناء فى السودان . Author: محمد عثمان Date: 07-05-2007, 05:52 PM Parent: #1
الجميل عثمان...
متاابعين و بشدة... و بما اننا لا نستطيع حضور المحاااضرة دايرين حقنا هنا...!! و بجيكم راااجع بالكثير من الاسئلة للدكتور احمد طرااوة... الخرطوم تلاتة و بيت الخيااطة و زاهى فى خدره.. و لسة...
تحيااتى...
Post: #85 Title: Re: د / أحمد طراوة ___ فى ندوة عن تاريخ الغناء فى السودان . Author: محمد عثمان Date: 07-05-2007, 05:59 PM Parent: #1
Quote: سمعت فى زمن غابر الموسيقار الفنان الذى هضم حقه اسماعيل عبد المعين.زوهو يتحدث عن النقرزان..وربط بين خطوط عرضه وطوله من المغرب الى اباطير العراق...هذه واحده.. و.يوما.. جو.جو.. وايقاعها يعزف بيد الفندق الخشبيه على قاعدة الفندق فى تناسق ملودية اللحن وايقاعه....ونعرج الى فيوض ذلك الزمن الندى...عندما برزت فى تواصل منذ اغنيات السيره والفروسيه.عن بنونه بنت المك..ورفيقاتها.الى غناء البنات.المطلبى الذى يعكس انفعالاتهن..ورغباتهن,وتطلعاتهن.زوهن يحمين عن خبايا امنياتهن..من اعنبات الحرب العالميه االثانيه.وقوة دفاع السودان.الى عزاز علينا.. ازمنة من رزم وايقاعات والحان..
الشفيف...عصمت
الحااضر داايما فى وااحة الجمال و اللحن الطروب... منكم نستفيد فلا تحرمونا من هذا التااريخ الجميل و حكاااوى الزمن الوريف و مشتااقين ...
يديك العاافية...
Post: #86 Title: Re: د / أحمد طراوة ___ فى ندوة عن تاريخ الغناء فى السودان . Author: Osman Musa Date: 07-05-2007, 07:40 PM Parent: #85
استاذ محمد عثمان كيفك الف شكر على المتابعة والحضور والافادات تحياتى أخى العزيز
Post: #87 Title: Re: د / أحمد طراوة ___ فى ندوة عن تاريخ الغناء فى السودان . Author: Osman Musa Date: 07-05-2007, 11:53 PM Parent: #86
استاذ محمد المرتضى ارجو أن تكون عافيه اخبارك شنو ؟
Post: #88 Title: Re: د / أحمد طراوة ___ فى ندوة عن تاريخ الغناء فى السودان . Author: Osman Musa Date: 07-06-2007, 01:09 AM Parent: #87
حكاية قصيدة الشاعر عبدالرحمن الريح يا مارى عند الاصيل وحدك بشاطى النيل صدقنى شكلك جميل يا .............
Post: #89 Title: Re: د / أحمد طراوة ___ فى ندوة عن تاريخ الغناء فى السودان . Author: Osman Musa Date: 07-06-2007, 03:55 AM Parent: #88
* الموسيقار الكبير جمعة جابر * المبدع النعام ادم .
Post: #90 Title: Re: د / أحمد طراوة ___ فى ندوة عن تاريخ الغناء فى السودان . Author: Osman Musa Date: 07-06-2007, 04:21 AM Parent: #89
بى خيول الشوق ارمحى .... واردى دمعى البطمحى بس عشوقك لا تقمحى ..... بى طريف العين المحى أبوصلاح والحكايات وسكب الدموع د / أحمد طراوة سيد مجالس الحديث
Post: #91 Title: Re: د / أحمد طراوة ___ فى ندوة عن تاريخ الغناء فى السودان . Author: Osman Musa Date: 07-06-2007, 02:51 PM Parent: #90
الاستاذ الماحى اسماعيل وتطوير الموسيقى السودانية
Post: #92 Title: Re: د / أحمد طراوة ___ فى ندوة عن تاريخ الغناء فى السودان . Author: Osman Musa Date: 07-06-2007, 04:40 PM Parent: #91
الطنابرة _______
Post: #93 Title: Re: د / أحمد طراوة ___ فى ندوة عن تاريخ الغناء فى السودان . Author: أحمد طراوه Date: 07-06-2007, 08:34 PM Parent: #1
.... شكرا يا ود شيقوق علي قصيدة ابوفراس اللي لحنا كابلى و حصلت فيها القصة اللطيفة بتاعت صراف خزنة الاذاعة لما جاهو تيم المراجع العام في امر فروقات حصلت في اموال الاذاعة ..
.. يا ودعدلان صورك الرسلتها رجتنا في القزاز .. و خلتنا للمجانى ... يعنى فتحت علينا جروح و دوائر محبة جديدة للناس ديك .. وياها كانت اول فرقة غنائية في السودان نظمها سرور ! من شمال القارىء تلقى السر عبد الله علي الكمنجة ، و وهبة محمد سعيد و لد قبائل جنوبنا الحبيب ماسك الاوكورديون بتاعو ، و كرومةمتطوع شيال مع سرور و ماسك ليهو الرق ، كانو بسيطيين و متواضعين و عطائهم زى نهر النيل و مادين ايدهم لبعض .. ، بعدين تلقى في النهاية الرباطابى اللى مشى قعد في مصر بعد ماسجل اول اسطوانة و اشتغل نقلتى ! و هو الجاب ليهم الطبلة كبديل للكبابي و العصايات اللي كانت اساس الايقاع في الاغانى الاولى ! في النهاية سرور و اقفا !
.. الصورة التانية فيها معظم الناس اللي اسسو المدرسة الفنية الاولى .. حارجع ليها برواقة
حنركز علي دور الالات الموسيقية الاولى الثلاثة : كمنجة السر عبد الله ، و اكورديون وهبة ، و طبلة الرباطابى ، ثم الاثر اللي احدثو دخول البنقز اب تلاتة عيون لاحقا علي يد خميس مقدم في تطور ميزان ضربة التم تم و الاوركسترالية ككل .. و التفانين اللي حولت ابراهيم عوض لراقص علي المسرح
... لمن السودان شال كاس الامم الافريفية .. الهادى الضلالي نسابة ام درمان و ظريفها الاستثنائى مسك بشرى وهبة مايسترو الكورة السودانية المتألق في تلك الايام و قال ليهو امام الحشود : يا بشرى كورتك اللية زى عزف ابوك زمان .. الناس يا دوبك اتنورت بكلام الهادى .. بشرى وهبة محمد سعيد ، و لد عازف الاكورديون الاول
.. في انتظار يس ياسيكو يرفع لينا اغنية محمد احمد عوض ( اخوانى الجميع استنطو قولى و بحكى ) و هى كُتبت في احدى المعلمات الاوائل من الحسان كان اسمها ثريا .. بالله لاحظو جمال عبارة اطرى الخوة القبيل يا ثريا ! شكرا لناهد كمال منسوبة اوكلاند و عاشقة محمد احمد عوض علي الاغنية ! الشيالين بتوع محمد احمد عوض و علي راسهم عبد العزيز قسم الله بتاع الدمبا ، بشيلو الغنا لمحمد احمد عوض بطريقة عازفى اللزمة الموسيقية الكاملة .. يعنى بغنوا معاه عديل و بعملو ليهو كاونتر بوينت .. مدد يا موصلي !! محمد احمد عوض و ترباس طورو الحقيبة في اتجاه الغنا الشعبى الجديد و هم كلهم مدرسة طيب الذكر محمود فلاح : انت الذى اتعبتنى .. و انت الذى بك راحتى .. يا ناريا .. يا نوريا .. يا جنتى !! جيوش اشتياقى هزمتنى وزادت انّتيّ ! يا سلام علي فلاح ...
Post: #95 Title: Re: د / أحمد طراوة ___ فى ندوة عن تاريخ الغناء فى السودان . Author: Osman Musa Date: 07-06-2007, 11:28 PM Parent: #93
د / أحمد طراوة ___ يحكى عن دار فلاح
Post: #94 Title: Re: د / أحمد طراوة ___ فى ندوة عن تاريخ الغناء فى السودان . Author: ابراهيم عدلان Date: 07-06-2007, 09:23 PM Parent: #1
مداخلة من ارشيف المنبر من مكتبة عجب الفيا
عبد المعين يعين ولا يعن
كثر هم المبدعون السودانيون الذين " طبزنا" اعيننا بايدينا باهمالهم وهذه - قطع شك – غفلة حمقاء يتسرب حينها – وهي دائمة - كل جميل ما بين انفراج الاصابع وفغرة الأفواه, ماذا نعرف عن كثير من مبدعينا وعن اعمالهم, ماذا نعرف عن احمد زاهر الملحن, عن ابوبكر خالد القاص, عبد العزيز الصياد المغني المجيد, وربما اذا سالت بعض ابنائنا من الأجيال الجديدة عن عبد المعين لرد عليك بالمثل " جبناك يا عبد المعين تعين" هذا اذا كان له المام ومتابعة.
غصة هي الذاكرة المجزوءة عن امثال هؤلاء حين يمضون تاركين لنا مهمة البحث الشاق – شحيح النتاج - والذي يشبه "اكل العنكوليب",,,, اسماعيل عبد المعين هو احد هؤلاء الذين ضيعناهم ولم يبق لنا منهم الأ ما قد يكون ضاع الآن - حرقا - ضمن اعمال الهجمة البذيئة على وثائقنا ومجمل تاريخنا.
قال عبد المعين – كما اورد احد البورداب – انه جاء بايقاع التم تم من الحكامات اللأئي اخذنه عن مساعدية اللواري فقد كانوا اذاعة السودان قبل اذاعة امدرمان, والآن –فقط - استطيع ان افهم معنى مقولة " سارت به الركبان " التي جاءتنا باردة هامدة من تراث العرب. كنت ادمن صداقة المساعدية الذين جلست معهم على الأرض مثلما جلست معهم على " تندات" اللواري فسمعت منهم اجمل الألحان, وجدتهم على غير ما لحق بهم من سمعة اخذنا فيها بالتعميم, وكنا مثل الذباب نحط على القاذورات فننشرها ونروج لها, فالمساعدية لهم قيمهم المهنية والأنسانية ولهم فنهم, وفوق هذا وذاك لهم دورهم الذي ارخ له عبد المعين في مسيرة فن الغناء السوداني حيث كانوا اكفا وسيلة للأتصال المسموع في ذلك الزمان.
من اغانيهم الجميلة:
ياربي تجيب الصيف
ننجر مع الشنيف
الليل بوبا
.....
ودوني لي غبيش
وقال لي حشي العيش
الليل بوبا
وكثلك:
نشيل الجوز في الجوز
نسقي جناين الموز
حريق سكر
نسقي جناين الموز
----------
عطشانة ماابننبل
كان غرقوني بحر
الألما الفي الحجر
شربا الحمام وسدر
-------------
الفقر ماندورا
كان قبة ما نزورا
تأتي هذه الكلمات ضمن نص موازي من الكرير و الصفقة الموزونة, وقد كانت كلمة الصفقة تعني الحفلة كما تعني بيت العرس في كثير من بقاع السودان.
جانب أخر هو انني اظن – مرجحا - ان الثقافة العربية – في معظمها - لم تأت للسودان عن طريق الشمال او الشرق, بل اتت عن طريق الغرب وذلك بعدة شهادات نجتزئ منها على عجل وتعميم اسم ايقاع التم تم ووزنه, والشبه الذي يكاد يكون تطابقا بين الغناء بالسودان وبعض دول المغرب العربي مثل موريتانيا ومالي, اضاقة الى انتشار الطريقة التيجانية القادمة اصلا من المغرب الى السودان ومصر على حد سواء, وغيرذلك من وجود كبير لسلالات المغاربة والشناقيط في اجزاء من دارفور وكردفان, وورود شخوص في السيرة الهلالية رجح الكثير من الدارسين انها سودانية – رغم قول البعض بانها مصرية - وقد نعلم ارتباط السيرة الهلالية بالمغرب العربي.
لنعد الى عبد المعين الذي اراد ان يضع قواعد للغناء السوداني عبر مشروع مساهمته النظرية التي تعرف بالزنجران وهي – فيما يرى – مزاوجة بين الزنجي و العربي في منظومة اللحن والأيقاع, كل ذلك ضمن مرجعية سوسيولوجية هي ان الدم الزنجي الذي يجري في الأعراق السودانية يطربه – اصلا – الأيقاع, لذا يجب ان ينضبط الأيقاع السوداني ب"مشي الخيل" و ليس " مشي الجمل" كما يمطه بعض المغنين, وضرب مثلا لذلك بعزة في هواك على انها سريعة كما غناها الخليل وليس " ممطوطة" كما تؤدي الآن, وربما كان هذا احد خلافاته مع الكثيرين ومنهم اساتذة وطلاب معهد الموسيقى .. والله – وهو وهم – اعلم بذلك مني. وفد ضرب امثلة اخرى كثيرة مثل:
المهدي جا
من دنقلا
قال الفتا
بي فد ريال
والعزبا بالفاتحة
" معليش يا جندرية, فهذه اهزوجة قديمة لم يصبها عهد الجندرة"
ومثل يا الساكن جبال التاكا, وانت كان زعلان انا ما بزعل وغيرها.
وعلى ذكر الخليل قال عبد المعين مؤرخا للحن عزة في هواك ان مقدمته ذات الطابع " المارشاتي" ماخوذة عن جلالة قديمة هي:
ود الطريفي رايو كمل
جابوا شالايتو من دار قمر " وهي ديار قبيلة القمر – بكسر القاف والميم واهمال الفاء - بدارفور".
شوف - بالله عليك - الى اي حد كان هذا الرجل مسكونا بهواجس البحث والتقصي في الدقائق من اجل معرفة الجذور الثقافية للأغنية السودانية, ومن اجل وضع تقعيد نظري لفن - سوداني - نكاد نفتقده حتى الآن في كثير من ابداعنا الفني. يفعل هذا بجدية تامة وايمان كامل برسالته برغم المصاعب والعوازل وظلم ذوي القربى الذي هو اشد من وقع السنين المهند
رحم الله عبد المعين الذي لم يقدر في حياته وهذه دوامة اشبه بدوامة الأنقلابات العسكرية والديمقراطية في السودان, موت المبدع بدون بكريم او افادة من امكانياته ثم البكاء الحق من البعض او التباكي بعيون الغول من البعض الأخر في انتظار ميت جديد من المبدعين, وقطعا هناك رابط منطقي بين هذين الدائين في نفسيتنا الأجتماعية يستحق على الأقل محاولة الدراسة فللسياسي جذره المتموضع في الثقافة, وصدق من قال:
الكل في سوداننا يحتل غير مكانه
المال عند بخيله والسيف عند جبانه
او كما قال الأخر:
مما يزهدني في ارض اندلس اسماء معتصم فيها ومعتضد
اسماء مملكة في غير موضعها كالهر يحكي انتفاخا صولة الأسد
وعمتم صباحا ومساءا وزيدونا من عبد المعين, لك التحية عجب الفية على الأبتدار ولكل من شارك او سيشارك.
بشير اسماعيل
Post: #96 Title: Re: د / أحمد طراوة ___ فى ندوة عن تاريخ الغناء فى السودان . Author: Osman Musa Date: 07-06-2007, 11:32 PM Parent: #94
استاذ ابراهيم عدلان ارجو أن تواصل لك الشكر تحياتى الى الشباب
Post: #97 Title: Re: د / أحمد طراوة ___ فى ندوة عن تاريخ الغناء فى السودان . Author: Osman Musa Date: 07-07-2007, 00:40 AM Parent: #96
* بادى محمد الطيب
Post: #98 Title: Re: د / أحمد طراوة ___ فى ندوة عن تاريخ الغناء فى السودان . Author: yasiko Date: 07-07-2007, 02:44 AM Parent: #1
Transefered to Page 2
Post: #99 Title: Re: د / أحمد طراوة ___ فى ندوة عن تاريخ الغناء فى السودان . Author: Osman Musa Date: 07-07-2007, 03:10 AM Parent: #98
* ميرغنى المامون . وأحمد حسن جمعه
Post: #100 Title: Re: د / أحمد طراوة ___ فى ندوة عن تاريخ الغناء فى السودان . Author: Osman Musa Date: 07-07-2007, 03:18 AM Parent: #99
الغناء السودانى والطرب المحض
Post: #101 Title: Re: د / أحمد طراوة ___ فى ندوة عن تاريخ الغناء فى السودان . Author: Osman Musa Date: 07-07-2007, 03:22 AM Parent: #100
اثر حاج الماحى فى الغناء السودانى
Post: #102 Title: Re: د / أحمد طراوة ___ فى ندوة عن تاريخ الغناء فى السودان . Author: Osman Musa Date: 07-07-2007, 03:39 AM Parent: #101
عتيق
Post: #104 Title: Re: د / أحمد طراوة ___ فى ندوة عن تاريخ الغناء فى السودان . Author: Osman Musa Date: 07-07-2007, 04:14 AM Parent: #102
ليلى بنت مهدى بن سعد بن مهدى بن ربيعة ، وكنيتها أم مالك ابنة عم الشاعر قيس بن الملوح وحبيبته ، واحدى افضل نساء عصرها أدبا وأملحهن شكلا قال قيس فى وصفها * بيضاء خالصة البياض كانها ... قمر توسط جنح ليل مبرد * موسومة بالحسن ذات حواسد ... ان الجمال مظنة للحسد * وترى مدامعها ترقرق مقلة ... سوداء ترغب عن سواد الاثمد * خود اذا كثر الكلام تعوذت ... بحمى الحياء وان تكلم تقصد
( خود الفتاة الحسنة الخلق ) د / أحمد طراوة سوف يتحدث عن ليلى السودانية _ وعن الحياء فى الغناء السودانى
Post: #1491 Title: Re: د / أحمد طراوة ___ فى ندوة عن تاريخ الغناء فى السودان . Author: Moawia Mohammed Date: 04-21-2008, 01:11 PM Parent: #104
UP
Post: #125 Title: Re: د / أحمد طراوة ___ فى ندوة عن تاريخ الغناء فى السودان . Author: Osman Musa Date: 07-09-2007, 03:26 PM Parent: #100
واوحيحى ووا وجع قلبى من صيدة القنيص الفترت كلبى القارى العلم من دينه بتسلبى والماشى الحجاز من جده بتقلبى _____ الحكيم / أحمد طراوة وسط حلقة الدوبيت يعقل الرواحل . لينجم فى مضارب د/ صلاح الزين .
Post: #103 Title: Re: د / أحمد طراوة ___ فى ندوة عن تاريخ الغناء فى السودان . Author: yasiko Date: 07-07-2007, 04:05 AM Parent: #1
Up
Post: #105 Title: Re: د / أحمد طراوة ___ فى ندوة عن تاريخ الغناء فى السودان . Author: Osman Musa Date: 07-07-2007, 04:31 AM Parent: #103
YASIKO نشكرك من هنا لى بحرى . سلامات يا استاذ وربنا يسهل عليك كل صعيب تحياتى
Post: #106 Title: Re: د / أحمد طراوة ___ فى ندوة عن تاريخ الغناء فى السودان . Author: Mohamed Abdelgaleel Date: 07-07-2007, 08:28 AM Parent: #105
Quote: الغنا دا يا هو الجناح البنحلق بيهو فوق واقع الازمة و بنعبر بيهو بحر الهزيمة! هزيمة الخمسين سنة الفاتت ، لانو ماهو غنا وبس ، بل جزء اصيل بشكل منظمومة وعينا ! وهو يهُز الارض من اعماقِها ! لانو بالفعل حركة و فعل، بل و روح الامة .. وقال ابوصلاح كيف الامة تعشق بلاكا .. يا مراهم جروحا .. و يا مِلكا و ملاكا
الأعزاء - عثمان موسى ود. أحمد طراوة .. تحياتي لكما
وشكراً على هذا البوست التثقيفي المريح.
Post: #107 Title: Re: د / أحمد طراوة ___ فى ندوة عن تاريخ الغناء فى السودان . Author: Osman Musa Date: 07-08-2007, 00:07 AM Parent: #106
أخى استاذ محمد عبدالجليل اتمنا أن تكون على احسن حال . الف شكر أخى . تحياتى
Post: #108 Title: Re: د / أحمد طراوة ___ فى ندوة عن تاريخ الغناء فى السودان . Author: Osman Musa Date: 07-08-2007, 01:27 AM Parent: #107
قال عنه الخال الفنان التربال اطال الله فى عمره عثمان ابراهيم الدغور : دخل سيد الغناء محمد أحمد عوض يتأبط الرق فى طرب كانو كان بغنى لطيف من الحوريات اليوم داك ايقظ الميتين يا......... للعجب ...
Post: #109 Title: Re: د / أحمد طراوة ___ فى ندوة عن تاريخ الغناء فى السودان . Author: Osman Musa Date: 07-08-2007, 04:06 AM Parent: #108
كانت تنقل ا لخطوة بين هذه الحجرة وتلك . وكان الشاعر ينقل الطرف بين هذا الركن وذاك ....
Post: #110 Title: Re: د / أحمد طراوة ___ فى ندوة عن تاريخ الغناء فى السودان . Author: Osman Musa Date: 07-08-2007, 04:43 AM Parent: #109
ركبت نيشانا
Post: #111 Title: Re: د / أحمد طراوة ___ فى ندوة عن تاريخ الغناء فى السودان . Author: Bashasha Date: 07-08-2007, 05:00 AM Parent: #1
بي جدهم!
Post: #112 Title: Re: د / أحمد طراوة ___ فى ندوة عن تاريخ الغناء فى السودان . Author: Osman Musa Date: 07-08-2007, 05:10 AM Parent: #111
استاذ بشاشا مرحب حبابك أخى
Post: #113 Title: Re: د / أحمد طراوة ___ فى ندوة عن تاريخ الغناء فى السودان . Author: أحمد طراوه Date: 07-08-2007, 06:41 AM Parent: #1
... يا ودعدلان .. بينا وبين الصورة التانية بلود العندو فوقنا حقوق .. على سكر نبات الفى العلب مدقوق .. قمارى الجالسة اليلة صبحن يسون قوق !! دي صورة فيها بالحق ناس مكانتم كبيرة و دورهم مسطر باحرف من نور ..
.. جلوس من اليمين للشمال : خليل فرح ، العبادى ، سرور في السنتر ، الامين برهان عصفور السودان , و كرومة
.. واقفين من اليمين : داؤد ، و حسين , و سامى ، و شريف اولاد علي نصر ( وديل اخوان زول ورد اسمو في اغنية لخليل بقول فيها : دهبا داقنو صُر .. دق شريف ودعلي و د نصُر ! و دا نوع من الغنا اسمو غنا الاخوانيات بجى فيهو اسماء لناس و اصدقاء ضمن التفعيلة و القافية ، و حنفرد ليه جزء من الحديث و النقاش ) الزول البعد الاخوان الاربعة دا الدرديرى احمد سعيد ، و في النهاية الشاعر عبد المنعم عبد الحى اللي عاش في مصر .. و كتب اول اغنية لابوداؤد في مصر و كانت بالله يا اهل الهوى بوجود برعى اللي لحن الاغنية ايضا
.. حننتظر ياسيكو يرفع اغنية فاطمة خميس دمعي اللتشتت المسجلة في الثلاثينات بايقاع التم تم ، معاد توزيعها بالعشرة بلدى و باداء علي ابراهيم اللحو .. و ليه الاوزان الشعرية السودانية بتتغنى بالتم تم و بتكون جميلة .. و نفس الاوزان بتتغنى بالريقى و بتكون جميلة برضو ! ؟ فعلا سؤال عاوز اجابة ! ؟
Post: #114 Title: Re: د / أحمد طراوة ___ فى ندوة عن تاريخ الغناء فى السودان . Author: yasiko Date: 07-08-2007, 07:45 AM Parent: #1
الأستاذ عثمان موسى والزوار الكرام لقد أرسل لي الدكتور طراوة الملف الصوتي لأغنية "يا دمعي اللتشتت .. غلب اللقاط" يريده خلفية لعمل سيقوم بطرحه وتفصيله أقبلوا الهدية لحين وصول التفصيل
Post: #115 Title: Re: د / أحمد طراوة ___ فى ندوة عن تاريخ الغناء فى السودان . Author: Osman Musa Date: 07-08-2007, 12:50 PM Parent: #114
YASIKO العزيز لك الشكر تحياتى
Post: #116 Title: Re: د / أحمد طراوة ___ فى ندوة عن تاريخ الغناء فى السودان . Author: أحمد طراوه Date: 07-08-2007, 08:54 PM Parent: #1
.. إكسبرس البحث فى مسار النهضة الغنائية للمدرسة الاولى لازم يقيف في محطة ديمترى نقولا ( اللي عُرف بالبازار ) ! اصلا هو من اسرة قديمة من زمن التركية ليها علاقة بسلاطين ، وهو اللي كان بودى الفنانين لمصر لتسجيل اسطوانات الفحم القديمة علي خلفية تعاقدات مع شركة ميتشجان و بيضافون .. جابوه لدنيا الغنا السودانى ناس مصطفى بطران لمن زاملم في مدرسة غردون القديمة ..
... البازار هو اللي اقنع والد عشة الفلاتية بانو ما يقيف حجر عثرة امام مستقبل البنية المشحون بالاشراقات ! عشة كانت بتسندا في معركتا اختها جداوية ، وهى من ابرع عازفات العود في ذلك الزمن ( ساعدتا في تلحين عنى مالم و التجنى .. اجمل اغانى عشة موسى الفلاتية ، كلمات التنقارى ، يا سلام على تحالف عشة - التنقارى ! زى تحالف سرور - العبادى ، البنا - كرومة ، عبد الرحمن الريح - حسن عطية ، الكاشف - عبيد ، بازرعة - عثمان حسين ، وردى - اسمعيل حسن ! و السودان ياهو بلد التحالفات اللي بدت بتحالف عمارة دنقس - عبد الله جماع تحت شجرة بمنطقة جبل موية
و يا سلام علي بوتقة الفن السودانى اللي اتصهرت فيها عشة الفلاتية و البازار النمساوى - الاغريقى بهدؤ و سلاسة .. جداوية موسى كان في حين ذاك معاها برضو سعدية العوادية و اسماء حمزة الصغيرة بت الحلفاية قريبة بشير عباس و اللى علمت بشير ضرب العود !!
.. نقولا ديمترى كاتافنيدس ابو البازار دمتري اسمو الحقيقى محمد عبد الله كاتافنيدس ، و الموضوع دا بفتح علينا دوائر السيرة المدهشة لحال المجتمع السودان عند التركية و فترة حكم الخليفة !!
.. المفتش الانجليزى لمركز دنقلا هو اللي شال الولد الصغير من الخلوة في الشمالية وجابو الخرطوم و رجع اسمو لى نقولا في اطار مسح كل تراث المهدية !! ودى قصة طويلة في إطار فكرة المحاضرة الغنائية اللي هى بتعتمد على منهج قراءة التاريخ كظواهر و علاقات مترابطة .. ( الغنا في اطار مجمل علاقات التاريخ الاجتماعى للبلد )
.. فاطمة خميس كانت في الخط الغنائى النسائى بتاع رابحة التم تم ( ربوحة ) ، و ميري شريف .. و دا خط بختلف من خط سارت فيهو مهلة العبادية و فاطمة الحاج ، و عشة الفلاتية و آمنة خير الله اللي عُرفت بمنى الخير !!
.. في المحاضرة حنلقى الضو علي الخلفية التاريخية لتمايز الخطين ديل و الاسباب ورا هذا التمايز في علاقتو بغنا شريفة بت بلال اللي كانت موضوعة في الاقامة الجبرية في المسالمة بواسطة الخليفة عبد الله التعايشى !!
... و الغنا ذو الاطار الاوسع اللي اسمو ( الغنا اللي ما معروف سيدو ) بحتل برضو مساحة مقدرة في المحاضرة ، و من ضمنو اغنية دمعى اللتشتت اللي وزنها الشعرى بتماهى بجاذبية عالية مع ايقاع التم تم عند فاطمة خميس و مع العشرة بلدى عند اللحو ...
Post: #117 Title: Re: د / أحمد طراوة ___ فى ندوة عن تاريخ الغناء فى السودان . Author: محمد عثمان Date: 07-08-2007, 09:10 PM Parent: #1
دكتور طراااوة...
يااا سلااااااام مصنقرين و متاابعين معااك بكل حوااسنا واصل ربنا يديك العاافية و ياا ريت لو نعرف مكاان ام الحسن الشاايقية من الاعراب..؟؟؟
Post: #118 Title: Re: د / أحمد طراوة ___ فى ندوة عن تاريخ الغناء فى السودان . Author: أحمد طراوه Date: 07-08-2007, 10:22 PM Parent: #1
... محمد يا ود عثمان .. تشكراتنا للإسناد الفنى - الغنائى المستمر .. و بقاءكم في خط الذوق الغنائى عالي المستوى ..
.. ام الحسن الشايقية تخيل سافرت مصر و سجلت اسطوانة مع عبد الله الماحى !! شوف المقدرة ! هو الذوق برا ؟ ! ما هى آية وبس حكاية !! كلمات للراحل حسن الزبير ..
.. حنرجع لام الحسن الشايقية . . و قطاعة الخشوم .. و شريفة بت بلال برواقة
في علاقة قديمة و ثيقة وخيط رابط بين الريقى ، و الدليب .. و النقرزان .. و العشرة بلدى !! و هى كلها علاقة طبول افريقيا القديمة .. دا برضو موضوع للنقاش !!
الطبول الجننت محمد عبد الحى و ناس صلاح و علي المك .. ياها الطبول الجارية في دمنا ، و سر اسرار الوجدان الطروب ! .. طبل العز ضرب هاوينا في البرزة .. و غير ضرب ام كبان انا ما بشوف عِزة !! قول لبت المكاوى شاعرة سودانية و مغنية في التركية ..
.. قيل ان اول مغنى سوداني هو اسماعيل الدقلاشى ( الفقير سيد الربابة ) الواردة حكايتو في كتاب الطبقات ! دا موضوع عاوز نقاش برضو !!
Post: #119 Title: Re: د / أحمد طراوة ___ فى ندوة عن تاريخ الغناء فى السودان . Author: Osman Musa Date: 07-09-2007, 01:48 AM Parent: #118
الشكر الشكر للدكتور أحمد طراوة الطبيب الذى رفع لافتة من الشعر والمزامير ليضىء لنا الزمانات بشعاع عجيب . وحزن وفرح .. أحمد طراوة مكتبة رحبه من زكريات الغناء والشعر والحكايات . .. جسر ضخم للعبور الى بساتين التراث الغنائى السودانى . له التحيات الطيبات .
Post: #120 Title: Re: د / أحمد طراوة ___ فى ندوة عن تاريخ الغناء فى السودان . Author: Osman Musa Date: 07-09-2007, 01:55 AM Parent: #119
أخى محمد عثمان الله يديك الفى مرادك تحياتى
Post: #121 Title: Re: د / أحمد طراوة ___ فى ندوة عن تاريخ الغناء فى السودان . Author: Osman Musa Date: 07-09-2007, 03:43 AM Parent: #120
استاذ محمد المرتضى الحكايه ايه ؟ اتمنا أن تكون عافيه
Post: #122 Title: Re: د / أحمد طراوة ___ فى ندوة عن تاريخ الغناء فى السودان . Author: محمد عثمان Date: 07-09-2007, 08:30 AM Parent: #1
الدكتور احمد طرااوة...
متاابعين و ما بنزل ابدا حااجزين نوم فى البوست دا و دايرين نصل معاك لغاية و يستحيل صدك لانى حبيتك...و فااطمة الحاج و احمد زاهر و عوض جبريل...و لسه المشوار طويل..
تحيااتى..
Post: #123 Title: Re: د / أحمد طراوة ___ فى ندوة عن تاريخ الغناء فى السودان . Author: Osman Musa Date: 07-09-2007, 02:34 PM Parent: #122
التحية للفنان الكبير على ابراهيم اللحو الفنان الراعى صاحب الفاضليلة والزمباره والجدوه والشقيانه والسعن وعكاز السلم . صاحب البرارى والعتامير والفلا زول المسادير والخلا الله يديك العافيه يا فقير تحياتى .
Post: #124 Title: Re: د / أحمد طراوة ___ فى ندوة عن تاريخ الغناء فى السودان . Author: Osman Musa Date: 07-09-2007, 02:47 PM Parent: #123
* ودالشريف وعلاقته بالغناء * _________
Post: #126 Title: Re: د / أحمد طراوة ___ فى ندوة عن تاريخ الغناء فى السودان . Author: Osman Musa Date: 07-09-2007, 03:45 PM Parent: #124
واوحيحى ووا وجع قلبى من صيدة القنيص الفترت كلبى القارى العلم من دينه بتسلبى والماشى الحجاز من جده بتقلبى ___ الحكيم / أحمد طراوة يعقل الرواحل وينزل وسط حلقة الدوبيت فى مضارب د / صلاح الزين فى ليلة شعلة من الضوء .
Post: #127 Title: Re: د / أحمد طراوة ___ فى ندوة عن تاريخ الغناء فى السودان . Author: Osman Musa Date: 07-09-2007, 07:01 PM Parent: #126
العمرابى _ يقوم من فروة صلاته يجلس على عنقريب المخرطه ويكتب اجمل الاشعار .
Post: #128 Title: Re: د / أحمد طراوة ___ فى ندوة عن تاريخ الغناء فى السودان . Author: أحمد طراوه Date: 07-09-2007, 07:19 PM Parent: #1
.. في الفاشر الكبير قبل 250 سنة كانت البت الفوراوية الجميلة ست اللهيج السُكري البتشبه خُدرة الورتاب بتغنى في بكائية حزينة و بتتشفع لامها و عمتا حواء يخارجوها من مأزق الزواج الاجبارى لعجوز ذو حظوة ..
يا إية راعي ليا .. عشان هوان نموت بلا زُرية !! جبدنى مسك ايدى طارت بُقاق .. يا عينى على المنقو اب جلدا دُقاق !! ... و الهوان ياهو الراجل العجوز الي ما معاه ولادة و زرية ..
الميلوديا ( غنا الفم المُلحن ) اللي غنت بيها بت دارفور اغنية عمتى حواء ، هى ذات اللحن اللي بنى عليهو صول سلاح الموسيقى في التركية و الكان بعرف النوتة، معزوفة مارش ود الشريف !! و الصول شال الاهزوجة بتاعت دار قِمر المخصصة لوصف محنة ود الشريف و حولها للمارش الشهير :
.. ود الشريف رايو كمل .. جيبو ليو شالاتا من دار قِمر .. اهل الجبال جاكم بلا .. بشارة جاي مع سيدى محمود ورا ... خليل فرح ختا لحن المارش في مقدمة اسطوانة عزة مستخدما البيانو !!
.. المارشات العسكرية خماسية المقام هي مِحور تاريخى هام لتطور الموسيقى و الليّرك السودانى يا سلام علي عدنان احمد عبد الله ، و زقل ، و بادى ، و احمد مرجان و جماعتو .. يا سلام علي اولاد قبائل نوبا الجبال و جنوبنا الحبيب الشكلو تيار الوطنية السودانى الصريح داخل المجموعات الاولى لقوات دفاع السودان و الجيش الوطنى لاحقا و جابوا ناس علي عبد اللطيف و الماظ !
... المحور التانى الهام هو غنا ناس الشيخ العدار ، وبت المكاوى ، و احمد ود بعشوم رواد الغنا في التركية ، و اللى بربطم خيط الوجدان الغنائى السودانى مع غنا السلطنة الزرقاء اللى صدح بيهو الفقير الصوفى اسماعيل الدقلاشى ( سيد الربابة ) و العاشق للبنية الجميلة تهجة !! .. الامر المحير فعلا ، منو الكتب داك الكلام الجميل قبل 180 سنة .. الموز روى .. قايم سوا .. فاطرك ضوا .. يا ناس بالنار قلبي إنشوا !! الكابلى بغنى الموز روى بذات الميلوديا الاولى بتاعت التركية !! المجد للكابلى و للرجل رقيق الحال محمد شعفوفة اللي بمرق السير و الاخبار المدهشة للغناء الشعبى القديم !! و اصلا ود حاج الماح كان فنان طمبور قبل ما يتحول للمديح على نهج علي ود حُليب , و شيخ العاقب
... المحور التالت الهام ياهو محور الدوباى و الشعر القومى وصوت الحكامات اللي شق فضاءات السودان منذ قديم الازمان !! في الدوباى بجى غنا علي ود محلق في السمحة تاجوج في فترة ما قبل التركية
فويطر العنجك الملح الرشيدى .. تاجوج ما اتلقت يا خميلة زيدى !! واضح انو حركة التجارة كانت بتوصل ملح رشيد و دمياط المصرى لحدى السودان و المحلق وصف بياض و جمال اسنان تاجوج بملح رشيد !! يا سلام علي الميتافور و الصورة الشعرية
في المحور دا برضو بجى غنا و دوباى الحاردلو و ابراهيم ود الفراش ..
.. يا خالق الوجود انا قلبى كاتم سرو ، و قلبى المن نشوه للبنات هواى ، و الشافك قبيل ميت عليك باحساسو .. و الحسه لِقاك ظنيتو يقسى خلاصو !! و الزول السمح يوم الخميس واعدنا ! و كل غنا ود الفراش في معشوقتو الدون لِحق و شتن السمحة !!
نهر الغنائية و جُمل اللحن الخماسى السودانى الجارى عبر التاريخ و بشيل من كل تراث و تقاليد القبائل و الجهات الاربعة واصل مسيرتو لغاية تخوم امدرمان ما بعد المهدية ! ودا النهر العامو فيهو ناس محمد ود الفكى و سرور و العبادى و ابوصلاح في بداية القرن العشرين !!
.. كيف انتقل العبادى و ابو صلاح من الدوباى و الرميات الي رحاب الاغنية الكاملة ، ما هى المؤثرات و اسباب ذاك الاستدعاء التاريخى للتجديد ! ؟
.. ليه المغنين و الشعراء انتقلوا الي كبوشية في فترة الحضانة و التشكل الاول ، ثم عادوا بعد داك لامدرمان ! ؟
.. هل السِيرة الهلالية و تغريبة ابوزيد المنتشرة كغنائية في دار قبائل غرب السودان هى سبب لرسوخ و بقاء السلم السباعى العربى في تلك الديار !؟ في اغنية الموز روى كابلى بقول : سِيرة زناتى مع هلال .. ! هل ام كيكي ( الكمنجة ام وتر واحد ) هي حاملة السباعى في غرب السودان ّ ؟
المحاضرة الغنائية هي بالاساس محفل للتحليل و التفكيك ، و اعادة القراءة بمنهج علم التاريخ الاجتماعى ... المحاضرة ساحة النقاش و البحث و طرح مزيد من الاسئلة الحساسة ...
... و ببقى السودان كما قال فضل المولى زنقار : اعز شى عندى .. من برقو للهندي .. !
Post: #129 Title: Re: د / أحمد طراوة ___ فى ندوة عن تاريخ الغناء فى السودان . Author: Osman Musa Date: 07-10-2007, 01:29 AM Parent: #128
_ ليه المغنين والشعراء انتقلوا الى كبوشيه فى فترة الحضانة والتشكل الاول . ثم عادوا بعدها لامدرمان ؟ !
Post: #130 Title: Re: د / أحمد طراوة ___ فى ندوة عن تاريخ الغناء فى السودان . Author: Osman Musa Date: 07-10-2007, 04:25 AM Parent: #129
* شعراء ذابوا بالصبابة والهوى *
Post: #131 Title: Re: د / أحمد طراوة ___ فى ندوة عن تاريخ الغناء فى السودان . Author: Osman Musa Date: 07-10-2007, 02:10 PM Parent: #130
العطبراوى ......
Post: #132 Title: Re: د / أحمد طراوة ___ فى ندوة عن تاريخ الغناء فى السودان . Author: Osman Musa Date: 07-10-2007, 07:18 PM Parent: #131
العزيز د / أحمد القرشى وينك ؟ اتمنا أن تكون كل الامور تمام الان _ وارجو أن تكون انت بخير .
Post: #133 Title: Re: د / أحمد طراوة ___ فى ندوة عن تاريخ الغناء فى السودان . Author: Osman Musa Date: 07-10-2007, 11:55 PM Parent: #132
* ركائز الغناء فى السودان *
Post: #134 Title: Re: د / أحمد طراوة ___ فى ندوة عن تاريخ الغناء فى السودان . Author: Osman Musa Date: 07-11-2007, 05:01 AM Parent: #133
غنى يا السلفوكه وجرى النم عليو وخنقى الدلوكة ...... د / أحمد طراوة يحكى وما اجمل الحكى عن تاريخ الغناء السودانى .
Post: #135 Title: Re: د / أحمد طراوة ___ فى ندوة عن تاريخ الغناء فى السودان . Author: محمد ابراهيم قرض Date: 07-11-2007, 09:29 AM Parent: #1
أذكر أن د. طراوة حينما كان معنا بالسلطنة بخرناه بالقرض و اللبان حتى يفوق من العين التي أصابته بينما كان على مسرح الجالية السودانية يمخر بنا عباب الحقيبة ..
وحقا أنها كانت عين كافرة و لئيمة ، حيث أن طراوة فجأة (إتشنقل) من على خشبة المسرح و ضرب ا########## ضربا مبرحا بينما هو يرتجف من الأخمص للمنكعين و كأن به داء (الابليبسي) التي يتسبب فيها ابليس حينما ينفث سمومه داخل مسامات الضحية خلال عين الحسود ..
المهم-ما اطول عليكم-الدكتور احتاج علاوة على القرض و البخور لمعالجات ادرينالية و ستيرويدية عاجلة ، من دونها كان الآن مبدعنا يجوب في عوالم أخرى ..
وهكذا تم التخلص من العين اللئيمة ، و أوصينا طراوة على أخذ الحيطة و الحذر (من جو جونو و كده) ، وعدم الظهور مرة أخرى على أيتها مسرح مهما كانت عظمة الحقيبة و سوقها الحار ..
الآن اخوتي في أمريكا .. أنتم تتوفرون (حلوة الكلمة دي) على الادرينالين و الستيرويدات ... لكن أين لكم باللبان ، ناهيكم عن القرض العزيز ؟؟؟؟؟
Post: #136 Title: Re: د / أحمد طراوة ___ فى ندوة عن تاريخ الغناء فى السودان . Author: محمد ابراهيم قرض Date: 07-11-2007, 09:38 AM Parent: #1
Quote: ا##########
والله العظيم الكلمة الواردة بين كلمة ضرب و كلمة مبرحا في مداخلتي الواردة اعلاه ، و التي تم شطبها، لا كلمة بذيئة ولا عنصرية ولا حاجة ...
معقول القرض يكون بذئ ؟؟؟
(كمبيوترك) ده جن ساكت يا بكري !!!!
يعني كلمة ا########## دي فيه شنو .. ما كلمة سودانية أصيلة و مهذبة ..
انشاء الله المرة دي ما يشطبوها لي .. كدي نشوف ..
Post: #137 Title: Re: د / أحمد طراوة ___ فى ندوة عن تاريخ الغناء فى السودان . Author: محمد ابراهيم قرض Date: 07-11-2007, 09:57 AM Parent: #1
أها أنا نسيت طراوة و حقيبته بالمرة .. ذلك لأن الموضوع قد دخل الحوش ..
هل ترضون (لكمبيوتر بكري) أن يسئ إلى شخصي الضعيف ، و مرتين على التوالي ؟؟؟؟
جاملناهو في المرة الاولى ، يقوم يشطبها مرة تانية ؟؟؟
هذا أمر جلل لا ينبغي السكوت عليه ، خاصة و أن تداعياته بدأت تظهر الآن و بقوة و كثافة ..
اتصل بي العديد من الاحباب و قالوا لي ما عهدناك يا القرض بذيئا .. بل عاشرناك حلوا سمحا مهذبا حين تشتري و تقتضي ...
(اعدائي) في (السلطنة) و في هذا المنتدى استغلوا الفرصة و هاك يا تبشيع ..
و لشد ما آلمني أن الأخت منى خوجلي تأففت و امتعضت و قالت أنها تصوت الآن لسحب الثقة عني ..
والدتي المسكينة اتصلت من الشمالية و قالت لي وا خسارة عبشنا ما اكلوا الجراد و الحكمة متيق ..
الوالد اتصل و ذكرني بأنه قد أحسن تربيتي و تنشأتي وهو الآن في حيرة من أمره ، كيف وقد انحرف ابنه البكر عن جادة الطريق ..
شكيت كمبيوترك لله يا بكري ..
Post: #138 Title: Re: د / أحمد طراوة ___ فى ندوة عن تاريخ الغناء فى السودان . Author: Osman Musa Date: 07-11-2007, 01:37 PM Parent: #137
استاذ محمد ابراهيم قرض سلامات لك الشكر على المرور الجميل تحياتى
Post: #139 Title: Re: د / أحمد طراوة ___ فى ندوة عن تاريخ الغناء فى السودان . Author: Osman Musa Date: 07-11-2007, 03:16 PM Parent: #138
غنتلو الرحمه قالت يا قشاش دموعى ... وكت الدمعه سالت . __ د / صلاح الزين حالف يحتل فى الحته دى . اين الشاعره الفنانه الرحمه بت الضل ؟ واين المكتوب من افراح تلك الايام العذبه ؟ نستمع الى د / طراوة صاحب السوالف .
Post: #140 Title: Re: د / أحمد طراوة ___ فى ندوة عن تاريخ الغناء فى السودان . Author: Osman Musa Date: 07-11-2007, 07:37 PM Parent: #139
لايبدو مستغربا أن نتابع سيرة شعراء ذابوا بالصبابة والهوى . لهم التحية .
Post: #141 Title: Re: د / أحمد طراوة ___ فى ندوة عن تاريخ الغناء فى السودان . Author: محمد عثمان Date: 07-11-2007, 09:03 PM Parent: #140
الاحباااب
دكتورة طرااوة عثماان موسى
و ما زلنا متاابعين هذه السيااحة الجميلة فى التااريخ الجميل,,, و فى انتظااار سيرة ابو صلاااح و بدور القلعة و الاربعة العظاام الذين ذكروا فى نفس الاغنية لتكون المحطة التاالية الدنيا منى و احلاااام و نور و زهور و استلم المجاال.. و محطتنا النهاائية قوقك هالة كلك ضئ...
و يلا منتظرين الحكى الجميل...
Post: #142 Title: Re: د / أحمد طراوة ___ فى ندوة عن تاريخ الغناء فى السودان . Author: Osman Musa Date: 07-11-2007, 10:45 PM Parent: #141
أبوصلاح _______
* صاغ الشعر من رقة النسائم والزهر والنهر *
Post: #143 Title: Re: د / أحمد طراوة ___ فى ندوة عن تاريخ الغناء فى السودان . Author: Osman Musa Date: 07-11-2007, 10:50 PM Parent: #142
استاذ محمد عثمان الصديق العزيز _ الف شكر على كل ما تقوم به لك التحية
Post: #144 Title: Re: د / أحمد طراوة ___ فى ندوة عن تاريخ الغناء فى السودان . Author: Osman Musa Date: 07-12-2007, 03:12 AM Parent: #143
______ الخليل ________
Post: #145 Title: Re: د / أحمد طراوة ___ فى ندوة عن تاريخ الغناء فى السودان . Author: Osman Musa Date: 07-12-2007, 04:58 AM Parent: #144
بطران
Post: #146 Title: Re: د / أحمد طراوة ___ فى ندوة عن تاريخ الغناء فى السودان . Author: أحمد طراوه Date: 07-12-2007, 07:06 AM Parent: #1
... اخى محمد ابراهيم قرض .. هون علي نفسك ! و رغم انى ما فهمت القصة بتاعت مسرح نادى مسقط دى ، لكن بالضبط الكلمة اللبت تتفك شفرتا دى رسلا لي علي البريد الخاص ! يعنى واليها انت بالصد و الاهمال ! حسب قول البديع خضر بشير في اغنية الزوزو رمز الالف !
.. و اقبل سلامنا و انقلو لناس مسقط !
.. الشيخ محمد ود الرضى عندو نوع من السلام فريد في امرو :
السلام يا روح البدن .. يا غصين النقا يا لدن .. احكي ليك اياما عدن .. الامان يا جنة عدن .. جاز سربا زانو الفطن .. الاحتفال بقرب الوطن ! ربنا يجمع شملنا في وطن النجوم ، وطن صفاء الانفس و العقول ، و طن التعددية و السلم الوطيد
.. ود الرضى افتتح مدرسة الوطنية السودانية مبكرا باغنية يا حليل الجيش الرحل .. بعد داك عبيد عد النور كتب: يا ام ضفاير قودى الرسن .. و بعدو يوسف مصطفى التنى كتب : في الفؤاد ترعاه العناية .. و بسببا كتبت احد النساء الامدرمانيات اغنية : كان طلعت القمرا .. الخير يا عشايا تودينا لاهلنا بسألوك مننا ! وهى فى امر الصراع مع الاستعمار الانجليزى ! الغنية بتمجد اصرار اولاد البلد الكانو على شاكلة تمساح الكبلو الضارب اللّية ، انو يختو الطاقية و العمة في راسهم عند دخول دواوين حكومة المستعمر في مخالفة صريحة و شجاعة للامر الادارى القصد إزلال الرجال !!
.. حنعرج ونميل علي مظاهر و اسباب الازمة الاولى في الغناء اللي حلاها كرومة بعبقريتو ! و برضو الازمة التانية اللي حلاها برضو الكاشف بعبقريتو ! و حنبرز الخيط الرابط بين كرومة و الكاشف !
.. منتظرين يس ياسيكو يرفع وصف الخنتيلة ! توزيع و اداء الكابلى بايقاع الرقى في استناد تام علي الميزان اللحني الاول بتاع كرومة !! شئ عجيب يا النور !
.. الخنتيلة ! اللي خلت قلوب ناس ابوصلاح هزيلة و عقولم كتر زلزيلة .. و نواصل سبر غور صالح عبد السيد ابو صلاح .. اللى ما اتعرف حتى الان سبب جروحو التسعين ، حين انو الناس جروحم عشرة بس !!
Post: #147 Title: Re: د / أحمد طراوة ___ فى ندوة عن تاريخ الغناء فى السودان . Author: سمية الحسن طلحة Date: 07-12-2007, 12:03 PM Parent: #146
يحكى أن أحدهم كان يحب زوجته المليحة حباً جماً، فقال لها ذات يوم : إن لم تكوني أجمل من القمر فأنت طالق ،وذلك لشدة إعجابه بها ، وقد تعارف الناس علي أن القمر هو أجمل مخلوق ، فما كان من الزوجة الجميلة إلا أن جمعت أمتعتها وذهبت لبيت أبيها علي أساس أنها مطلقة ..والزوج المغرور الفار نقز في عبو ، فجمع له كل العلماء ليفتوه في أمره ، فأجمع كلهم علي أن الزوج طالق لامناص ، إلا عالم واحد ظل ساكتا فلما أستنطق قال: يقول سبحانه وتعالىو لقد خلقنا الإنسان في أحسن تقويم) وبذلك فكت الحجنة القوية ، فليت قيس علم أن هناك خلق أجمل من القمر .. واوحيحى ووا وجع قلبى ـــــــــــــــــ من صيدة القنيص الفترت كلبى ــــــــــــ القارى العلم من دينه بتسلبى ــــــــ والماشى الحجاز من جده بتقلبى ــــ يذكرني هذا بقولهم : تمرة كريمة البي سبيط عرجونك لوكان أمنوك زاهد الدنية بخونك يابسيبة الوادي الروايا مرونك حب المنقا والأنناس حلاتك ولونك
أستدعيت الإحتياطي الإستراتيجي من مخزون الذاكرة حيث لم تسعفني بديهة حاضرة بما يتناسب وإسمكم، فلم أفلح ، عدت أدراجي حيث لاينفع إقدام ولا حذر ، لأقول : شكراً عثمان موسى .. بدون ألقاب .. أعلم أنه ليس بإمكان مانكتب أن يرقي لقامتكم ، ولا نطمع في أن تنحني سوامقكم له ، ولكن ندلف من هذه الرياض لا لنقتطف ، بل لنتنسم شيئاً من عبقها الفواح الذى ضمخ أماسي مسقط في ليالٍ خلت ، حيث عرفنا أحمد طراوة الأديب فبل أن نعرف د. أحمد طراوة الطبيب ، على مسرح النادي السوداني بمسقط الذي مازال صامداً رغم عصف جونو به مستمداً عافيته من ترابط أعضائه ، يشد بعضهم بعضا ، ويابدر بالله أسطع لي وياسهيل أرجوك أسمع لى ، فأقمنا فيه حفل وداع د. صفية ساتي التي غادرتنا إلى كندا ، وصدح لها مهيار بمصاحبة فرقة النادي الموسيقية بعزاز علينا وشالوا نوم عينينا ، فراقم جبري لالا مابإيدينا ، وكان آخر وصاياها لنا المحافظة على اللمة في هذا النادي وقد وعدناها بذلك فيكفي النادي فضلاً علينا أننا تعرفنا فيه عليهم ومازلنا على العهد ...ونحو المزيد من الإبداع يادكتور طراوة .
Post: #148 Title: Re: د / أحمد طراوة ___ فى ندوة عن تاريخ الغناء فى السودان . Author: Osman Musa Date: 07-12-2007, 03:26 PM Parent: #147
الاميرة / سمية الحسن طلحة يا احدى فواضل نساء عصرنا سلام اتمنا أن يكون جونو رحيم بكم وبالنادى السودانى وبكل ما هو سودانى وانا اتابع اخبار الجاليه السودانيه بعد الذى حدث انتم عزاز علينا والف شكر تحياتى للشباب .
Post: #149 Title: Re: د / أحمد طراوة ___ فى ندوة عن تاريخ الغناء فى السودان . Author: عدلان أحمد عبدالعزيز Date: 07-12-2007, 08:34 PM Parent: #1
معاكم في ضُـل الدليبة دي.. أتمتع ب طراوة.
Post: #151 Title: Re: د / أحمد طراوة ___ فى ندوة عن تاريخ الغناء فى السودان . Author: Osman Musa Date: 07-13-2007, 04:08 AM Parent: #149
أخى عدلان أحمد عبدالعزيز سلامات النيل وشجر الدليب والنيل وموسيقى الدليب _ يا الله يا نعيم الدنيا كل الدلايل تشير أن الجمال الاصلى فى السودان والله شنو يا عدلان ؟ تحياتى
Post: #150 Title: Re: د / أحمد طراوة ___ فى ندوة عن تاريخ الغناء فى السودان . Author: Moawia Mohammed Date: 07-13-2007, 01:26 AM Parent: #1
وصف الخنتيلة
Post: #152 Title: Re: د / أحمد طراوة ___ فى ندوة عن تاريخ الغناء فى السودان . Author: Osman Musa Date: 07-13-2007, 04:21 AM Parent: #150
استاذ معاويه سلامات يا رجل يا صاحب مطامير الدهب العيار التقيل . معاويه ارشيف الدرر لك الشكر أخى العزيز تحياتى .
Post: #153 Title: Re: د / أحمد طراوة ___ فى ندوة عن تاريخ الغناء فى السودان . Author: munswor almophtah Date: 07-13-2007, 04:21 AM Parent: #150
الأخ عثمان السلام ورحمة الله عليك وهذا الطبيب رطب اللسان طرب البيان عميق النظر كثير الخراج فى تعدد بلا إنقطاع ولا مواسم..أرصده فى أصعدة شتى أكثر تلألا من غيره من النجوم وكأنه مجرة تحوم حولها نيازك وشهب... التحيه له والتقدير لبحثيته الرصينه...وثقته فى ما يقول بحياء وتواضع................
منصور
Post: #154 Title: Re: د / أحمد طراوة ___ فى ندوة عن تاريخ الغناء فى السودان . Author: Osman Musa Date: 07-13-2007, 04:49 AM Parent: #153
استاذ منصور المفتاح مفتاح الأدب وملح الأشعار ونوادر السير والأخبار لك التحية أخى العزيز ولك الشكر على المرور
Post: #155 Title: Re: د / أحمد طراوة ___ فى ندوة عن تاريخ الغناء فى السودان . Author: Osman Musa Date: 07-13-2007, 05:43 AM Parent: #154
د / صلاح الزين الرجل محاور بارع فيه كل الصفات التى يطلبونها فى مقدم البرامج التلفزيونية الكبيرة انسان حاد الذكاء . يحاور بصوت مملوء بلون القطن فى نواحى أبوقوته . له التحية ركيزه من ركايز المنتدى الثقافى للجاليه السودانيه الامريكيه بمنطقة واشنطن الكبرى .
Post: #156 Title: Re: د / أحمد طراوة ___ فى ندوة عن تاريخ الغناء فى السودان . Author: Osman Musa Date: 07-13-2007, 06:16 AM Parent: #155
الكاشف
Post: #157 Title: Re: د / أحمد طراوة ___ فى ندوة عن تاريخ الغناء فى السودان . Author: أحمد طراوه Date: 07-13-2007, 06:55 AM Parent: #1
... او كما قال صلاح : في بلادنا ترتاح .. و ضل الدليب اريح سكن !
.. جاءت هذه التعبيرية الفذة في سياق حالة الاشفاق الذى اعترى الشاعر وهو ينظر طيوره المهاجرة عبر تلك المسافات البعيدة !
.. و الاشد غرابة يا عدلان ان عبد الخالق محجوب و الذى امتلئت كل خلايا دماغه بتفاصيل البرنامج الثورى للتحولات الاجتماعية ، كان قد كتب مقالا صحفيا عند تلك الستينات رصد فيه الدلالات الجمالية العميقة اللتى تجلت في اغنية الطير المهاجر نظما و لحنا !!
. .. الطير المهاجر و الحبيب العائد لوردى ، و من ثم اغنية وحياة ابتسامتك يا حبيبى لمحمد الامين ، و نابك ايه لعثمان حسين كلها مثلت اعلانا صريحا لدخول المدرسة الثانية للغناء السودانى مرحلة النضوج و تبلور الشخصية السودانية الفريدة علي الصعيد الاوركسترالي !!
المدرسة التانية هي اجمالا مدرسة تعدد اللونية ! كل منهم كان ذى نكهة ! بالفعل ما كان فيهم واحد بشبه التانى ! و كلِ جميل و فريد و حالة قايمة بذاتا ! احمد المصطفى ما زى حسن عطية ، و الكاشف ما زى عثمان حسين و لا الفلاتية ، و ابراهيم عوض ما زى وردى ، و خدر بشير وصلاح بن البادية كل منهم غنى الاوصفوك بتاعت عتيق بطريقة مختلفة تماما عن الآخر !!
التمايز دا و اللي بيعكس الثراء ، عندو اسبابو و مصادرو و خلفياتو االلي حنوضحها في المحاضرة باستخدام النماذج الغنائية ..
الفراتيرناتى واللي ياهو الخوة المرهفة ، بطل من بين تعابير منصور المفتاح و سمية بت طلحة .. حسبنا سجع رمضان ود زايد وهو يترنم بتلك الفانتازيا الزاهية : يا يمة يا حوا .. سيد ريدي شن سوا .. لو فتحو القلوب جوه .. بلقوا الصورة خوه !
.. و دى حزمة من الاغانى المصنفة ضمن ما يعرف بالغنا اللي ما معروف سيدو !
... مذهل الراحل رمضان زايد وهو يردد كلمات مبارك المغربى : انا ليتنى زهرُ في خدِك الزاهى .. انا ليتنى نهر تنسابو امواجى .. اشتاق في صمتِ .. و احبُ في همس ! الموصلى بحر العلوم قال لي ذات مرة : اللزمة الموسيقية اجمل ما تكون في اغنية مبارك المغربى اللي اسمها : مرت الايام .. كالخيال احلام ! اللهم وسع مرقد عبدك عبد الدافع عثمان الذى اسعدنا و اشجانا !!
شكرا يا معاوية علي الاسناد المستمر .. سنعود لابوصلاح اللي كتب وصف الخنتيلة ، المتكاثفة رياحها القادمة من وادى عبقر ليلا .. علي لوح خشب تمت تسويته عاجلا بفارة النجارة في ورشة النقل النهرى ببحرى صباحا ! و بالفعل كتابة الشعر لها احكامها !
...
Post: #158 Title: Re: د / أحمد طراوة ___ فى ندوة عن تاريخ الغناء فى السودان . Author: Osman Musa Date: 07-13-2007, 05:04 PM Parent: #157
ماذا قال الموصلى بحر العلوم ؟
Post: #159 Title: Re: د / أحمد طراوة ___ فى ندوة عن تاريخ الغناء فى السودان . Author: Osman Musa Date: 07-13-2007, 07:17 PM Parent: #158
عبدالرحمن بلاص السر قدور
Post: #160 Title: Re: د / أحمد طراوة ___ فى ندوة عن تاريخ الغناء فى السودان . Author: ابراهيم عدلان Date: 07-13-2007, 10:28 PM Parent: #1
حدثنا يا طراوة عن الثنائيات و بداياتها احكي عن عوض و ابراهيم شمبات و عطا كوكو و محمود عبدالكريم و عن الثنائي الخرافي ميرغني المامون و احمد حسن جمعة
القي لنا بظلال المعرفة عن عوض الجاك و ابراهيم عبدالجليل احكي عن غرق الصوفي ود الرضي و يا ليل ابقالي شاهد
احكي عن التنافس الشعري بين هؤلاء العظام الذي اهدانا الروائع
Post: #162 Title: Re: د / أحمد طراوة ___ فى ندوة عن تاريخ الغناء فى السودان . Author: Osman Musa Date: 07-14-2007, 03:14 AM Parent: #160
استاذ ابراهيم عدلان سلامات الف شكر على كل ما تقوم به من جهد مقدر نحو الجميع اتمنا أن نلتقى انشاء الله لك التحية
Post: #161 Title: Re: د / أحمد طراوة ___ فى ندوة عن تاريخ الغناء فى السودان . Author: محمد عثمان Date: 07-13-2007, 10:34 PM Parent: #1
Quote: ... مذهل الراحل رمضان زايد وهو يردد كلمات مبارك المغربى : انا ليتنى زهرُ في خدِك الزاهى .. انا ليتنى نهر تنسابو امواجى .. اشتاق في صمتِ ..
و نحن لسه مع الزمن...!!
Post: #163 Title: Re: د / أحمد طراوة ___ فى ندوة عن تاريخ الغناء فى السودان . Author: Osman Musa Date: 07-14-2007, 03:26 AM Parent: #161
الفنان _ محمد عثمان سلام رحم الله رمضان زايد _ ليتنى زهر فى خدك الزاهى أنا ......... ليتنى نهر ........ اقول ليك شنو ؟ الكلام ودر علينا.
Post: #164 Title: Re: د / أحمد طراوة ___ فى ندوة عن تاريخ الغناء فى السودان . Author: Osman Musa Date: 07-14-2007, 04:07 AM Parent: #163
YASIKO وينك يازول سلام شديد
Post: #165 Title: Re: د / أحمد طراوة ___ فى ندوة عن تاريخ الغناء فى السودان . Author: Osman Musa Date: 07-14-2007, 05:03 AM Parent: #164
1955 _ عندما أعزف يا قلبى الأناشيد القديمة ويطل الفجر فى قلبى على أجنح غيمة سأغنى .. آخر المقطع للأرض الحميمة للظلال الزرق .. فى غابات كينيا والملايو لرفاقى فى البلاد الآسيوية للملايو ولباندوق الفتية لليالى الفرح الخضراء فى الصين الجديدة والتى اعزف فى قلبى لها ألف قصيدة
____ سوف يتحدث ويتحدث عن رائعة الشاعر د/ تاج السر الحسن _ وعن احلام ابنا السودان فى تلك الايام الخالدات 1955 والسودان دولة تشابى نحو التحرر
Post: #166 Title: Re: د / أحمد طراوة ___ فى ندوة عن تاريخ الغناء فى السودان . Author: محمد ابراهيم قرض Date: 07-14-2007, 05:15 AM Parent: #1
Quote: اخى محمد ابراهيم قرض .. هون علي نفسك ! و رغم انى ما فهمت القصة بتاعت مسرح نادى مسقط دى
عزيزي أحمد طراوة .. في الاحوال العادية يمنعني (تواضعي الجم) من توضيح (الشكر) الذي نسوقه من باب التقدير و الاعتراف بفضل الآخرين و تميزهم ..
وقصدت من (قصة مسرح مسقط)-وهي خيالية بالطبع-أنه من شدة تمكنكم و تميزكم في سبر غور الحقيقة في الحقيبةو التوثيق لها ، فلقد أصابتكم العين .. أ و ليس المتميز في كافة المجالات عرضة لعين الحسود التي فيها عود كبير ؟؟؟
و ذهب خيالي أن تلكم العين كانت من (التركيز) بمكان لدرجة أنها طاحت بكم على الأرض-و بالدراجي على ا########## !!! بينما كنتم أنتم وقوف ساعتها أمام النظارة تملكونها ناصية الحقيبة ..
وقع ليك يا احمد ؟؟؟!!!
Post: #167 Title: Re: د / أحمد طراوة ___ فى ندوة عن تاريخ الغناء فى السودان . Author: Osman Musa Date: 07-14-2007, 05:28 AM Parent: #166
الامين برهان __________
Post: #168 Title: Re: د / أحمد طراوة ___ فى ندوة عن تاريخ الغناء فى السودان . Author: سمية الحسن طلحة Date: 07-14-2007, 03:05 PM Parent: #167
الثراء المعرفي لدكتور أحمد طراوة أمر لايخلتف عليه إثنان ( ولا برفعولوا الضو ) محاضراته دسمة ، شاملة لكل ضروب المعرفة تاريخيا وسياسيا ناهيك عن الجانب الأدبي الذي يحشد له الجيوش الجرارة لمؤازرته ، ومعروف عنه إنه متفاني ودقيق جدا في جمع كل شاردة وواردة ، لا زال الكل في مسقط يذكر محاضرته الأخيرة أو ليلة الأغنية الوطنية ، علي مسرح النادي السودانى بمسقط ، مارس / 2005 حيث جمعت هذه الليلةالجمال والكمال من أطرافه بإجماع أهل مسقط الذين أصابتهم بتخمة جعلتهم لايستسيغون بعدها شىء ... فهنيئا لكم بغذاء معرفي لاظمأ معه ولا خواء بعده .
Post: #169 Title: Re: د / أحمد طراوة ___ فى ندوة عن تاريخ الغناء فى السودان . Author: yasiko Date: 07-14-2007, 06:48 PM Parent: #1
Quote: YASIKO وينك يازول سلام شديد
الأستاذ عثمان موسى سلام قواسيب أنا موجود وكل يوم اتمم على هذه الدوحة مستمتعاً بأسفار هذا العالم وتعليقات الزوار بس راجي الصفحة دي تتقلب و "أظبطكم" بي ياسر تمتام ، حاجة ما تخلص تحياتي لود ابوقتة صديقي صلاح الزين وقل ليهو "سووووووووووووووووووووووووت" يس م يس
Post: #170 Title: Re: د / أحمد طراوة ___ فى ندوة عن تاريخ الغناء فى السودان . Author: أحمد طراوه Date: 07-14-2007, 07:26 PM Parent: #1
... يا سلام يا بت طلحة .. سامية النفس و الافعال !!
العبادى .. جبل الشعر المتحرك ، و بوشكين السودان بقول في نهاية اغنية شيخ ريا امرك من فخُر :
" بى عودة يا بت العُزاز .. ترجع ليالينا اللُذاذ .. " !
ليلة الاغنية الوطنية تلك بنادى مسقط اصلا قامت على اكتاف كتيبة النساء .. انتى ، و وداد الزاكى و د. هالة الزين زوجة ود حامد المرتضى و الاخريات خلف الكواليس .. ثم رفيعة المقام شاعرتنا المرهفة سوما ، والهام عبد الخالق اميرة المسرح (و جوان بيز ) تلك الاغانى من شاكلة عروس الروض ، و قام محمد بشر , و بت ملوك النيل ، و الفينا مشهودة .. ويوم تجلت بت دهب خيرى الصغيرة الحلوة فادهشتنا و انزلت علينا مطر الغنا الجميل المُقدم مع الهام في كامل الانسجام و الثنائية البارعة اللي ذكرتنا زينب و خديجة !!
.. ظهرت لي محبة و زادت حبة حبة .. و فتقت بقت وردة في مدنى شارع القبة .. المجد لثنائى النغم و يالها من جراءة تسير على ذات خط مهلة و الفلاتية و شريفة بت بلال اللي قاتلت مع الرجال سنة حرابة سنار
.. انطبق علي الهام و بت دهب في تلك الامسية قول ابو صلاح
" ... يا الجاهلة طِيبك عبق .. سِنك براقا يسوى بق .. ترمحى تشبهى مهر السبق .. الليل اليل يا جمال الليل .. الجاهلة فوقك عهود .. بر و طه و يس و هود !! و يا لجمال و زهو الصورة القرآنية في شعر الحقيبة .. ودا موضوع قايم بذاتو في المحاضرة الغنائية ! "
لكن الرميات برضو امرها لعجب : طابق البوخة ، يا زميل دقق .. الجمال و الذوق فيها متحقق .. ، حالي العلى ما اظن يزول .. و ما بهمنى قول العزول .. هنا برضو يظهر تمسك ناس ابوصلاح ، و ود الرضى و العبادى بعشقهم القديم للقصيدة المربوعة الصغيرة بالغة التعبير اللي اسمها الرمية ، جنبا الي جنب مع صيغة الاغنية الجديدة الطويلة اللي ابتدر حركتا العبادى سنة 1921 ! و يا لجمال الرمية عند كرومة و بادى و محمد احمد عوض و الاستثنائى عوض الجاك : يقول عوض الجاك بصوتو اللي يصعب تصنيفو ، و فى مقدمة اغنية يا جميل يا مدلل لعبد الرحمن الريح ..
" درجو جابو قمنا نتشرف .. نور الحفلة للمكان شرف !! " و شرف الاولى جاية من الشُرفة ( المتاوقة ) و شرف التانية ياها الشرف و الاُبهة ! يا سلام علي ود الرضى في افاق الجناس و الطباق و عاطر المحسنات و البديع
و قصيدة العبادى المهداة لعمر شيخ الجزارين ... شيخ ريا
" لله درك يا عمر .. سوق الادب بيك إنعمر .. ضرغام و ابهى من القمر .. اجمل و الّذ من السمر "
ذاك اجمل ما كتب في وصف حفلات العِرس في عشرينات القرن الماضى ! بيت الحفلة اب رتينة ضوايا كان ساحة النشاط الروحى للرجال و النساء وذلك بالنظر لمحدودية و ضيق واقع الحركة الاجتماعية !
.. الغنا كان رئة كاملة للمجتمع بتنفس بيها الاوكسجسن الضرورى لعمليات الاحتراق الداخلى المُحركة لعجلات عربة الحياة و الانتاج و العمل .. الغناء كان وليد الانقسام الاجتماعى التاريخى الكبير التالت للعمل !! هنا بنلجأ لمنهج علم التاريخ الاجتماعى و شقه السيسيولوجى لفهم ظاهرة المدرسة الاولي .. !
هنا بنلاحظ نفس القسمات اللي ميزت تاريخيا لحظة ناس شكسبير و كورتريدج و بليك ! ناس محمد ود الفكى ، و العبادى و ابوصلاح و البنا كانو ايضا هم الاقدر علي ممارسة التجريد و التعميم و بناء الانساق و المفاهيم المعرفية ! صحيح هم كانو اجمالا بعكسوا الواقع و محكومين بيهو ! بس بعكسوه باستقلالية و تفرد متجاوزين للمباشرة السقيمة ! ياهو كان ذلك هو الابداع
و بالنتيجة إنو حركة الغنا و اللّيرك السودانى .. سابقة و متجاوزة و ارفع شأنا دائما مقارنة بالحركة الاجتماعية في محاور اخرى ( التجارة ، السياسة و كورة القدم ، اللي استخدما العبادى مبكرا كصورة شعرية دالة و جميلة : عمل القلوب كورة قدم .. يلعبها و هي في العدم .. كهربنا و الصف انهدم .. سوانا قُتلا و مافى دم ! .. )
.. بعد ظهور سرور ، البنات بقو يقومن للرقيص براهن دون انتظار العريس اللي كان زمان هو صاحب الحق !
" انا شايف انها كانت حالة مبكرة لانتزاع الحقوق بمقدار عالي من البداهة و العفوية المستبطِنة وعى انسانى عميق ! "
.. الخروج من الترسيم الذكورى اللى كان قابض علي كل مفاصل حياة المرأة ، هذا الخروج العقلانى المتدرج و المشروع واكب تطور حركة الغناء و استمد منها المبادرة و العزم !!
.. و الجراءة النسائية دى وصفا العبادى في نفس حفلة زواج عمر شيخ الجزارين بالخرطوم سنة 1924 لمن البت الجميلة قامت لوحدها للرقيص :
" بادر ظبى شغل القلوب .. بى لطفو للانظار جلوب .. كم بلحاظو هزم تلوب .. و قتل اسود و عاد بالسلوب !! شبه اريلا حاول فزاز .. عينيك و جيدك جام قزاز ! مما رايت تلك الوجان .. انا عقلى فرّ رِكبلو جان !!
بيت العرس ( الحفلة ) حلقة مفتاحية في مسالة غناء المدرسة الاولى و تطور هذه المدرسة علشان كدا حنفرد لهذه الظاهرة السودانية الخاصة حيز من الحديث في المحاضرة مستندين علي حدباى عبد المطلب اللي كان شديد الاهتمام ببيت اللعبة !! يا ريت نلاقى في محاضرة واشنطن او فيلادلفيا واحدة من كريمات ذاك الجيل من نساء السودان حبوبات صغارنا الحاليين ممن حضروا بيت العرس لمن كان عشرين يوم !!
Post: #171 Title: Re: د / أحمد طراوة ___ فى ندوة عن تاريخ الغناء فى السودان . Author: محمد عثمان Date: 07-14-2007, 07:47 PM Parent: #1
و طيب الازهاار بالانفاس يثرى سكرنا منه مراات و لم ندرى...
Post: #172 Title: Re: د / أحمد طراوة ___ فى ندوة عن تاريخ الغناء فى السودان . Author: Osman Musa Date: 07-15-2007, 03:09 AM Parent: #171
( غناء المدرسة الاولى )
Post: #173 Title: Re: د / أحمد طراوة ___ فى ندوة عن تاريخ الغناء فى السودان . Author: Osman Musa Date: 07-15-2007, 03:18 AM Parent: #172
_ ود الكور _
Post: #174 Title: Re: د / أحمد طراوة ___ فى ندوة عن تاريخ الغناء فى السودان . Author: Osman Musa Date: 07-15-2007, 03:27 AM Parent: #173
وينك يا د / أحمد القرشى _
Post: #175 Title: Re: د / أحمد طراوة ___ فى ندوة عن تاريخ الغناء فى السودان . Author: Osman Musa Date: 07-15-2007, 03:50 AM Parent: #174
_ منى الخير _
Post: #176 Title: Re: د / أحمد طراوة ___ فى ندوة عن تاريخ الغناء فى السودان . Author: Osman Musa Date: 07-15-2007, 04:05 AM Parent: #175
مبارك المغربى _______________
Post: #177 Title: Re: د / أحمد طراوة ___ فى ندوة عن تاريخ الغناء فى السودان . Author: Osman Musa Date: 07-15-2007, 04:45 AM Parent: #176
فاطمة خميس ____________
Post: #178 Title: Re: د / أحمد طراوة ___ فى ندوة عن تاريخ الغناء فى السودان . Author: munswor almophtah Date: 07-15-2007, 05:18 AM Parent: #176
تعرف يا طراوه إنت طاقه لا يطيقها هذه المنبر لهمبريبها الذى يسرق سيدو وينوم بالظهر والعصر والمغرب والعشاء ويقوم فى الثلث الأخير بتلمس حقائق الأحلام لا أضغاثها....عزيزى هذه هى الأرجل التى نقف عليها فى أزمنة الهزيمه المصنوعه بجهل فى حاضرنا الباهت...عزيزى هذه ملكات وثروات هائله وعلم يمكن أن ترقع بها شملة كنيزة الوطن ولا أدرى إن كانت كنيزه أو عنيزه...عزيزى أسافر معك سفر الرهو عندما تأتيه شارات الفصول بحاسته التى لا تخطئ سفر من تتبع رحلة من عشق من الأسكله حيث حل بابوره الذى كان عشاؤه بالقطينه ثم تابع معه الرحله بكوستى والجبلين إلى الرجاف وما بعدها وأوصاله ترتجف من خيط وصل ما كان له أن ينفك عنه وهيهات له هيهات...عزيزى وتهزنى من الرميات مكتنزة المعانى الطروبه الجذابه( سبعون قصرت الخطا...وتركننى أمشى الهوينة ضالعا متعثرا...من بعد ما كنت الذى يطأ الثرى زهوا..,.ويستهوى الحسان تبخترا) والأخرى يا بنت عشرين والأيام مقبلة...ماذا تريدين من موعود خمسين ...وتحرك ثبات الجبال فى نفسى أغانى الحزن التى يبدعها الطيب عبدالله...فيا شيخى ويا ولى هذا المضمار إنا لك حيران فأمرنا ما شئت..........................
والشكر لك يا عثمان والسلام للجميع
منصور
Post: #179 Title: Re: د / أحمد طراوة ___ فى ندوة عن تاريخ الغناء فى السودان . Author: Osman Musa Date: 07-15-2007, 05:06 PM Parent: #178
حدباى
Post: #180 Title: Re: د / أحمد طراوة ___ فى ندوة عن تاريخ الغناء فى السودان . Author: محمد عثمان Date: 07-15-2007, 09:01 PM Parent: #1
آآه من دمعى الاشتت غلب اللقاااط....
Post: #181 Title: Re: د / أحمد طراوة ___ فى ندوة عن تاريخ الغناء فى السودان . Author: Osman Musa Date: 07-15-2007, 11:03 PM Parent: #180
عمرو بن سعد بن مالك بن ضبيعة بن قيس بن ثعلبة الحصن بن ربيعة ، _ الزول من أعلى قبائل طىء . شاعر من شعراء القبائل فى الجاهلية، يمنى المولد عراقى النشأة ، نصرانى الرؤية وأحد القلائل الملمين بمبادىء القراءة والكتابة فى زمنه . سمى المرقش لقوله :
__ الدار قفر والرسوم كما ... رقش فى ظهر الأديم قلم وسمى بالمتيم وكان يضرب به المثل فيقال ( أتيم من المرقش ) د/ أحمد طراوة سوف يتحدث عن شيخ المتيمين المرقش السودانى العبادى والشاعر العبادى : امدرمانى النشاة من القلائل الذين رسموا حوريات النيل . وعلى الخيمة الفرجينيه د / صلاح الزين الرجل الذى مكث طويلا فى بادية المرقش ....
Post: #182 Title: Re: د / أحمد طراوة ___ فى ندوة عن تاريخ الغناء فى السودان . Author: Osman Musa Date: 07-15-2007, 11:24 PM Parent: #181
تلميذ السادة العباقرة الفنان تمتام قادم بقوة فنان جاد ____ وينك يا د / أحمد القرشى
Post: #183 Title: Re: د / أحمد طراوة ___ فى ندوة عن تاريخ الغناء فى السودان . Author: Osman Musa Date: 07-16-2007, 00:08 AM Parent: #182
د / أحمد طراوة يدخل امدرمان المدينة الشاعرة الساحرة
يوقظ المزامير والطنابير فى بلاط العاشقين والمريدين
مدينة فوق الخيال
Post: #184 Title: Re: د / أحمد طراوة ___ فى ندوة عن تاريخ الغناء فى السودان . Author: Moawia Mohammed Date: 07-16-2007, 01:08 AM Parent: #1
الوصية - محمد وردي
Post: #185 Title: Re: د / أحمد طراوة ___ فى ندوة عن تاريخ الغناء فى السودان . Author: Moawia Mohammed Date: 07-16-2007, 01:13 AM Parent: #1
يا زهره ناديه- الراحل ابراهيم عوض
Post: #186 Title: Re: د / أحمد طراوة ___ فى ندوة عن تاريخ الغناء فى السودان . Author: Moawia Mohammed Date: 07-16-2007, 01:18 AM Parent: #1
العزيز الرائع عثمان موسي بعد اذنك الوصية ويا زهره ناديه د. أحمد طراوه عندو كلام حولهن ونحن في انتظاره وتسلم يا حبيب
Post: #187 Title: Re: د / أحمد طراوة ___ فى ندوة عن تاريخ الغناء فى السودان . Author: Osman Musa Date: 07-16-2007, 01:42 AM Parent: #186
بسم الله الرحمن الرحيم الجالية السودانية الامريكية سكرتارية الشؤون الثقافية منتدى الجالية الثقافي يسر منتدى الجالية الثقافي دعوتكم لحضور الندوة الكبرى التى يقدمها د/ أحمد محجوب (طراوة) الباحث و المتخصص فى مجال الغناء السودانى بعنوان وقفات في مسار و تطور الغناء السوداني
المكان : أكاديمية الجالية للكمبيوتر 6295 Edsall Rd #220 Alexandria, VA, 22311 الزمان: الساعة السادسة مساء السبت 21 يوليو 2007
( الرجاء من الجميع الحرص على الحضور في الوقت المحدد لمنح فرصة المشاركة لأكبر عدد من الراغبين/الراغبات ، سوف تمنح فرص المناقشة بأسبقية الحضور) الأراء والأفكار التي تطرح في جميع منتديات الجالية سواء كانت من ضيوف المنتدى أو أعضاء الجالية أو أعضاء اللجنة التنفيذية لا تعبر عن موقف الجالية انما تعبر عن أصحابها فقط …………………………………………………………………………. د/صلاح الزين السكرتير الثقافى للجالية السودانية الامريكية
Post: #188 Title: Re: د / أحمد طراوة ___ فى ندوة عن تاريخ الغناء فى السودان . Author: Osman Musa Date: 07-16-2007, 02:04 AM Parent: #187
النقارة _______
Post: #189 Title: Re: د / أحمد طراوة ___ فى ندوة عن تاريخ الغناء فى السودان . Author: Salwa Seyam Date: 07-16-2007, 02:47 AM Parent: #1
د. أحمد طراوة
Post: #190 Title: Re: د / أحمد طراوة ___ فى ندوة عن تاريخ الغناء فى السودان . Author: Osman Musa Date: 07-16-2007, 02:53 AM Parent: #189
خضر بشير _ علم من اعلام الغناء الحركى فى العالم ................ ___________ ..................
Post: #191 Title: Re: د / أحمد طراوة ___ فى ندوة عن تاريخ الغناء فى السودان . Author: Osman Musa Date: 07-16-2007, 03:06 AM Parent: #190
يجلى النظر ياصاح ... منظر الانسان ،الطرفة نايم وصاحي . ...... د / أحمد طراوة __ الدكتور يقوم بتشريح الاغانى على المسرح .
Post: #195 Title: Re: د / أحمد طراوة ___ فى ندوة عن تاريخ الغناء فى السودان . Author: Osman Musa Date: 07-16-2007, 04:05 AM Parent: #189
الاخت الاستاذة سلوى صيام شكرا على التكرم بوضعك الصورة لك التحية .
Post: #192 Title: Re: د / أحمد طراوة ___ فى ندوة عن تاريخ الغناء فى السودان . Author: Moawia Mohammed Date: 07-16-2007, 03:17 AM Parent: #1
Post: #196 Title: Re: د / أحمد طراوة ___ فى ندوة عن تاريخ الغناء فى السودان . Author: Osman Musa Date: 07-16-2007, 04:12 AM Parent: #192
أخى معاويه سلام شديد والف شكر على كل ما تقوم به لك التحية
Post: #193 Title: Re: د / أحمد طراوة ___ فى ندوة عن تاريخ الغناء فى السودان . Author: Moawia Mohammed Date: 07-16-2007, 03:43 AM Parent: #1
Post: #194 Title: Re: د / أحمد طراوة ___ فى ندوة عن تاريخ الغناء فى السودان . Author: الطيب شيقوق Date: 07-16-2007, 04:01 AM Parent: #193
Quote: د/ أحمد طراوة سوف يتحدث عن شيخ المتيمين المرقش السودانى العبادى والشاعر العبادى : امدرمانى النشاة من القلائل الذين رسموا حوريات النيل .
عثمان ود موسى خلى د. طراوة يحكي لينا عن زيارته لسنجة والرماش التي اطلق فيها اغنية سائق الفيات؟
بالمناسبة انا عملت محامي بين السوكى وسنجة وكل مرة بمشى بالدرب التحت واتوقف لدى شجرة هجليج وارفة الظل وبعاين في بيت ناس هوندا متاملا ما قاله العبادي عنها .
فهل لك اخى طراوة ان تروى لنا كل خلفيات المناسبة ؟
عميق مودتى
Post: #197 Title: Re: د / أحمد طراوة ___ فى ندوة عن تاريخ الغناء فى السودان . Author: Osman Musa Date: 07-16-2007, 04:26 AM Parent: #194
استاذ الطيب شيقوق والله مشتاقين ليك بلحيل صاحبك عبدالماجد الدغور اتصل من السودان قال عايز حقو فى قسمة الغناء والثروه وبلجد العبادى ترك ثروه جد لك التحية أخى الطيب
Post: #206 Title: Re: د / أحمد طراوة ___ فى ندوة عن تاريخ الغناء فى السودان . Author: Osman Musa Date: 07-16-2007, 04:47 AM Parent: #197
اركز يا المشويم للقنيص والفوز نيتى أكزم الرطب أب حلاتن موز _________ شويم يعنى سافر _ يتحدث عن جمله سافر بنا الى ديار المحبوبة _ اسرع شيخ العرب سافر من البطانه لكن شيخ أحمد طراوة مشويم لى المسالمه من بكان بعيد بلحيل _____ الى هناك كان الله سهل
Post: #198 Title: Re: د / أحمد طراوة ___ فى ندوة عن تاريخ الغناء فى السودان . Author: ابراهيم عدلان Date: 07-16-2007, 04:31 AM Parent: #1
بكل الاسف تتعارض هذه الندوة القيمة مع موعد حفل السودان الكبير بنيويورك
مالناش في الطيب نصيب
Post: #199 Title: Re: د / أحمد طراوة ___ فى ندوة عن تاريخ الغناء فى السودان . Author: Moawia Mohammed Date: 07-16-2007, 04:38 AM Parent: #1
فوق
Post: #200 Title: Re: د / أحمد طراوة ___ فى ندوة عن تاريخ الغناء فى السودان . Author: Moawia Mohammed Date: 07-16-2007, 04:39 AM Parent: #1
تاني فوق
Post: #201 Title: Re: د / أحمد طراوة ___ فى ندوة عن تاريخ الغناء فى السودان . Author: Moawia Mohammed Date: 07-16-2007, 04:40 AM Parent: #1
وتاني فوق
Post: #202 Title: Re: د / أحمد طراوة ___ فى ندوة عن تاريخ الغناء فى السودان . Author: Moawia Mohammed Date: 07-16-2007, 04:42 AM Parent: #1
Post: #203 Title: Re: د / أحمد طراوة ___ فى ندوة عن تاريخ الغناء فى السودان . Author: Moawia Mohammed Date: 07-16-2007, 04:43 AM Parent: #1
Post: #204 Title: Re: د / أحمد طراوة ___ فى ندوة عن تاريخ الغناء فى السودان . Author: Moawia Mohammed Date: 07-16-2007, 04:45 AM Parent: #1
الوصية - محمد وردي
Post: #205 Title: Re: د / أحمد طراوة ___ فى ندوة عن تاريخ الغناء فى السودان . Author: Moawia Mohammed Date: 07-16-2007, 04:46 AM Parent: #1
يا زهره ناديه- الراحل ابراهيم عوض
Post: #207 Title: Re: د / أحمد طراوة ___ فى ندوة عن تاريخ الغناء فى السودان . Author: Osman Musa Date: 07-16-2007, 05:06 AM Parent: #205
يا سلام عليك يا استاذ معاويه الف شكر _ انت زول فنان تحياتى
Post: #208 Title: Re: د / أحمد طراوة ___ فى ندوة عن تاريخ الغناء فى السودان . Author: أحمد طراوه Date: 07-16-2007, 07:21 AM Parent: #1
... شوفو اسماعين ود حد الزين بوصى في قلبو ! و الحِنية اصلا هي نقطة ضعف السودانين و مصدر قوتهم ايضا !!
" إتنكر لحبك و ريهو الخصام .. !! "
.. قيل ان اسمعين و بازرعة هما اشد رواد و رموز الرومانتيك السودانى جزالة و تألُق ..
.. اسمعين علي نهج لو طلعت القمرة و جيت ، لو حلفت برب البيت ، ما بريدك مهما بقيت ! حين ان بازرعة كان على نهج : حِبى سامحتك لحبى ما لأجلك ! ثم عودة مراكب الريد لبر الامان ! كلِ ذى تجربة شعورية مختلفة ، و رؤية و مفهومية مختلفة ايضا لقضية التسامح في الحب ، و كيفية ادارة اوركسترا العواطف !
و اكيد ان تجربة صلاح احمد محمد صالح في رائعة عثمان حسين نابك ايه ، لم تكن كتجربة مبارك المغربى في اغنية مرت الايام ... بالنتيجة فان المدرسة التانية للغناء الاوركسترالي هي :
" مدرسة اللّيرك اللي استند علي التجربة الشعورية الحقيقة المتميزة و العميقة للشاعر ، و المعبر عنها بوعى و جمالية عالية ! "
.. ويبقى السؤال :
هل كان شعر بازرعة ، و اسماعيل حسن ، و حسين عثمان منصور الذى قال : علمتنى كيف انسى من انا ، و ود القرشى الذى قال فى المحبوب : المهذب و محتشم في نفسو عالي .. المستحيل ينزل من العلالى .. ويا للرموش الحرفن اعتدالى !
.. هل كانت تلك كلها ، هي مدرسة الرومانتيك الكلاسيكى الذى اطل متاخرا في ساحة تاريخ الادب السودانى ؟ ام انها كانت فقط طيف واسع لتجارب شعورية متفرقة و متمايزة و معبر عنها بافصاح عالي !؟ و للحق لا زال الحوار مستمرا مع الناقد الاديب عبد اللطيف علي الفكى منسوب مونترى حول جذور و طبيعة و اتجاهات الرومانتيك السودانى !
.. و لكن ! لماذا استعان وردى وهو بركان الموسيقى الثائر الذى لم يعرف الهدوء ببرعى احمد دفع الله في تلحين اغنية الوصية !
.. وردى لحن المائة اغنية الاولى كلها لوحده ! عدا اغنية المربع الاول يا طير يا طاير التى لحنا ليو خليل احمد ، و اول غرام التى لحنها بمساعدة علي ميرغنى ! لماذا لجاء وردى بعد كل ذلك المسار المُعزز بانعقاد لواء الاوركسترالية ، لماذا لجأ لبرعى ؟ ما هو السر الكامن في هذا الموسيقار الاستثنائى برعى !! نفرد هنا مُقاربة لتاريخ العُود في السودان و اولاد تميم و اولاد بِني ، وناس حسن سوميت و علي مكى و يوسف الشيخ و بقية اوائل العازفين
تعرف يا ود شيقوق .. و فيما نما الى عِلمى ( وهكذا كان يروى حدباى و هو يحكى عن خليل فرح ) ، ان العبادى و الا مين برهان كانا متحركين في زيارة زين العابدين كوكو نائب مأمور سنجة ! هنالك وجدا سرور الذى كان سائقا للورى ماركة الفيات ضمن رتل لرحلة صيد خصصت و نظمت للسير برسي لورين المندوب السامى البريطانى في القاهرة ! اللورى قيل انه يخص دائرة المهدى ، و حول اللورى قصة طريفة تخص العبادى و سرور و طرفها عبقرى اللطف و النكتة موسى ناصر الذى اشتهر جماهيريا ب ( موسى ود نفاش )
.. وفى الواقع فان ثلاثتهم ( العبادى ، سرور و برهان ) قرروا العودة للخرطوم عبر الدرب التحت المحازى لبحر ازرق وذلك قصدا و تعمدا لمشاهدة حسناء الرماش التى عُرفت بهُندة ! في قصيدة يا السايق الفيات تتجلى خصائص الاغنية الجديدة اللتى تقوم علي التوسع و الطول و كثافة الصور و الاخيلة الشعرية ن مقارنة باغنية الرميات و الطمبرة بتاعت الحلق علي يد محمد ود الفكى .. مع حقيقة وجود و حدة الموضوع و استخدام اسس عروض الشعر و محسنات بديع الزمان الهمذانى في الاغنية الجديدة اللي قدح زنادا ابراهيم العبادى !
Post: #209 Title: Re: د / أحمد طراوة ___ فى ندوة عن تاريخ الغناء فى السودان . Author: سمية الحسن طلحة Date: 07-16-2007, 08:07 AM Parent: #208
نأتي لتأدية الفروض فى مسيد الولى البحر أحمد طراوة ، ألم أقل لكم ! أن الورّاد لايصدرون عن مناهله العِذاب أبداً ، فالبحر أن فاض عم الجروف بدفق الطمى وإن استفتحنا ه أنبجس وسقي يمنة ويسرة ، كخلايا النحل كلما فتحت باب غرفة أتاك شراب مختلف ألوانه ، نظل نحلق فوق أرض لم يترك لنا من ركز لوائه عليها موطىء قدم ، ولكن من ضيق المساحات خرجت أروع الأغاني ، ياريت يادكتور أحمد لو بعودة ترجع تعمل لينا حكاية بيت اللعب لمن كان العرس 20 يوم ونحنا حاضرين في مسقط لحضور الحبوبات دي ... وكمان الرميات ورقيص الرقبة دى حكايتا عجيبة ، مع ناس شيخنا ودالرضي .. بوبح المحبوب وأنصقل .. حاكي جدى الريل الوقل .. بالأمس القريب كنا نستمع لميرغنى المأمون وأحمد حسن جمعة في إحدى رمياتن العجيبة ، ..ليلى وليلى الله ياليلي أنا .. مما أثار التساؤل عن مصير رقيص الرقبة !! الأعجب منو اللون الصوفي والصور القرآنية كما تكرمت في الحقيبة . وحتى في الدوبيت عند ود الفراش : ولّفت نمّة .. ياقلبي الشجيع خاتي المهمّة .. أنا أتحصنت ب/ يس وعمّ .. ترا التمساح بشيل الأجلو تمّا ..
Post: #210 Title: Re: د / أحمد طراوة ___ فى ندوة عن تاريخ الغناء فى السودان . Author: Osman Musa Date: 07-16-2007, 08:01 PM Parent: #209
الاخت سمية الحسن طلحة حصيفة اللب ذات اللسان البليغ الطيب لك التحية والف شكر على ( جياتك خيمة الغناء )
Post: #211 Title: Re: د / أحمد طراوة ___ فى ندوة عن تاريخ الغناء فى السودان . Author: Osman Musa Date: 07-16-2007, 08:18 PM Parent: #210
تخيل انظر من النافذة هناك نهر النيل والناس والعبادى ..
Post: #226 Title: Re: د / أحمد طراوة ___ فى ندوة عن تاريخ الغناء فى السودان . Author: سمية الحسن طلحة Date: 07-18-2007, 06:51 PM Parent: #210
Post: #212 Title: Re: د / أحمد طراوة ___ فى ندوة عن تاريخ الغناء فى السودان . Author: Amira Osman Date: 07-16-2007, 10:19 PM Parent: #1
بختكلم يا ناس و اشنطون الكبري صيف و طراوه و المبدع احمد طراوه و الف تحيه لجاليتكم و نتمني يا اعزائي عثمان و طراوه السنه الجايه التجمع عندنا في نوتنجهام و البعدا في السودان
Post: #213 Title: Re: د / أحمد طراوة ___ فى ندوة عن تاريخ الغناء فى السودان . Author: Osman Musa Date: 07-17-2007, 00:24 AM Parent: #212
الاستاذة اميرة عثمان سلامات والله طراوة جد جد مافى منو همبريب الاطلنطى ده امان مو عجيب وامان مو ملهم تحياتى اخت اميرة واشكرك على المرور .
Post: #214 Title: Re: د / أحمد طراوة ___ فى ندوة عن تاريخ الغناء فى السودان . Author: Osman Musa Date: 07-17-2007, 00:43 AM Parent: #213
محمد عثمان وردى __________________ __________________
Post: #215 Title: Re: د / أحمد طراوة ___ فى ندوة عن تاريخ الغناء فى السودان . Author: Osman Musa Date: 07-17-2007, 01:58 AM Parent: #214
الحنية اصلا هى نقطة ضعف السودانين ومصدر قوتهم ايضا !! _ ياسلام عليك يادكتور أحمد طراوة لك الف تحية . ولك الشكر الجزيل على كل ما تقوم به .
Post: #216 Title: Re: د / أحمد طراوة ___ فى ندوة عن تاريخ الغناء فى السودان . Author: Osman Musa Date: 07-17-2007, 02:00 AM Parent: #215
بازرعه _____ _____
Post: #217 Title: Re: د / أحمد طراوة ___ فى ندوة عن تاريخ الغناء فى السودان . Author: Osman Musa Date: 07-17-2007, 02:28 AM Parent: #216
اها يا الطيب شيقوق شوف كثافة الصور .. يا الله
Post: #218 Title: Re: د / أحمد طراوة ___ فى ندوة عن تاريخ الغناء فى السودان . Author: Osman Musa Date: 07-17-2007, 04:10 AM Parent: #217
مشت : فمشى على وراءها مسايرا خطواتها فيمهل ان أبطأت ويعجل ان أسرعت حتى وصلت الى مقصدها وعاد بعدها أدراجه وقد دخل الهوى فى نفسه فقال : فى الطيف او فى الصحيان ....................................... اغنية نستمع اليها فنجلس فى ادب _ اغنية لها حركات وسكنات وتصاوير دكتور طراوة هو الادرى بشعاب المسالمة وهو ابن المدينة المجرتقة بالجمال امدرمان ( ياحليل امدرمان )
Post: #219 Title: Re: د / أحمد طراوة ___ فى ندوة عن تاريخ الغناء فى السودان . Author: Osman Musa Date: 07-17-2007, 04:56 AM Parent: #218
الزول بتكلم مع قلبو شايف التحريض ده كيف يا الطيب شيقوق
Post: #220 Title: Re: د / أحمد طراوة ___ فى ندوة عن تاريخ الغناء فى السودان . Author: Osman Musa Date: 07-17-2007, 05:05 AM Parent: #219
اسماعيل حسن ____________
Post: #221 Title: Re: د / أحمد طراوة ___ فى ندوة عن تاريخ الغناء فى السودان . Author: Osman Musa Date: 07-17-2007, 05:10 AM Parent: #220
استاذ محمد المرتضى وينك يازول حكايتك شنى ؟ اخبار ود القرشى كيف ؟ تحياتى للجميع
Post: #222 Title: Re: د / أحمد طراوة ___ فى ندوة عن تاريخ الغناء فى السودان . Author: الطيب شيقوق Date: 07-17-2007, 05:32 AM Parent: #219
دكتور احمد طراوة
الاخ عثمان موسى
صباحكما خير وعبر هذه النافذة احيي الاخ احمد القرشى ربنا يرجعوا لينا بالعافية والسلامة
Quote: تعرف يا ود شيقوق .. و فيما نما الى عِلمى ( وهكذا كان يروى حدباى و هو يحكى عن خليل فرح ) ، ان العبادى و الا مين برهان كانا متحركين في زيارة زين العابدين كوكو نائب مأمور سنجة ! هنالك وجدا سرور الذى كان سائقا للورى ماركة الفيات ضمن رتل لرحلة صيد خصصت و نظمت للسير برسي لورين المندوب السامى البريطانى في القاهرة ! اللورى قيل انه يخص دائرة المهدى ، و حول اللورى قصة طريفة تخص العبادى و سرور و طرفها عبقرى اللطف و النكتة موسى ناصر الذى اشتهر جماهيريا ب ( موسى ود نفاش )
.. وفى الواقع فان ثلاثتهم ( العبادى ، سرور و برهان ) قرروا العودة للخرطوم عبر الدرب التحت المحازى لبحر ازرق وذلك قصدا و تعمدا لمشاهدة حسناء الرماش التى عُرفت بهُندة ! في قصيدة يا السايق الفيات تتجلى خصائص الاغنية الجديدة اللتى تقوم علي التوسع و الطول و كثافة الصور و الاخيلة الشعرية ن مقارنة باغنية الرميات و الطمبرة بتاعت الحلق علي يد محمد ود الفكى .. مع حقيقة وجود و حدة الموضوع و استخدام اسس عروض الشعر و محسنات بديع الزمان الهمذانى في الاغنية الجديدة اللي قدح زنادا ابراهيم العبادى !
انت عارف يا طراوة اخوى اصلا الدرب الوصفتو انت ده ما متجه على الخرطوم ده بيمشى في اتجاه مدينة السوكى شرق النيل الازرق ( العاديك) . قد يكون الحديث نوعا ما صحيحا لو كانوا ماشين على العاديك ليبحروا بالطوف ( الطوف هو عبارة عن مركب من الخشب لكنها مسطحة خالص كان زمان بيشحنوهو بضاعة من امدرمان للدمازين ) للخرطوم وهذا احتمال مش وارد لانو في بيت من ابيات العبادي بيذكر انهم كانوا عطشانين ونزلوا يشربوا من الجمام ووجدوا البنية هندة دى وغرفت ليهم بالكف من الجمام ( يار ريت يا احمد اكان قلت لينا المقطع ده انا بحبه زى حبي للدوبيت من خشيمك) وبالتالي يكون الموسم موسم صيف - يعنى ما جاء خريف عشان العربات تقيف - وبالتالي ناسك بيكونوا راكبين طوف الغرام ساااااااااى وهرول بيهم تجاه ربوع هوندة .
برضو يا طراوة حتى مسألة الجمام والغرف بالكف دى ما واردة في النيل الازرق لانو طول السنة الموية جارية والناس ليسوا في حاجة لحفر جمام لان الجمام بيحفر في رمال الانهر الجريانة في خريف وتجف في الصيف وتكون مياهها الجوفية قريبة من سطح الارض وهذا ما يحدث عادة في نهر الدندر والرهد وعطبرة ومنطقة ابو جبيهة .
والله يا احمد اخوى انا عادة لما اسافر من السوكى عابرا البنطون تجاه سنجة مرورا بالرماش بتامل في اغنية العبادى دى وبقيف آخد صنفة تحت ضل هجليجة رهييييييييين قريب من بيت ناس هوندة المبني من قطية قش نال والصريف ايضا هكذا . يعنى الجمال ده ممكن ربنا يزرعه في راس حجر - سبحان الله.
Post: #223 Title: Re: د / أحمد طراوة ___ فى ندوة عن تاريخ الغناء فى السودان . Author: Moawia Mohammed Date: 07-17-2007, 09:23 PM Parent: #1
فوق
Post: #224 Title: Re: د / أحمد طراوة ___ فى ندوة عن تاريخ الغناء فى السودان . Author: أحمد طراوه Date: 07-18-2007, 08:33 AM Parent: #1
... معليش يا ود عدلان ! و زى ما قال الكابلى : بنتقابل طالما ظل وتر الغنا مشدود .. و الود ممدود ! المرة دى مافى قسمة حسب قول عثمان حسين في ربيع الدنيا !
.. صورة سرور جميلة و موحية يا ابراهيم ! صعدت بالبوست فوق عند مستوى النجم المسمى القوس ! و عرجت بيهو على النجم التانى المسمى السماك الاعزل !
.. بالله شفت عوض الجاك !! الغريبة كمان قلبى صار ليك منزل .. انت فوق للقوس و السماك الاعزل .. علوت نجوم !
و جميل ذلك التعبير الذى صاغه عوض احمد خليفة في اغنية يا ربيع الدنيا : ما في قسمة يا روحى و حتى بصيص أمل !
.. انسداد الآفاق الكلي هى حالة بلجأ ليها الشاعر الحديث منسوب المدينة بغرض التكثيف الدرامى ! فالدراما هى بت المدينة !
.. العكس من ذلك حالة الشعر الغنائى في بادية السودان حيث يقل اثر التصوير الدرامى ، و يتصاعد التوصيف المباشر لوقائع الجمال الملموس و المجرد .. و تبرز الصورة الشعرية و الفكرة كابسط ما يكون الحال ... يقول الحردلو :
" كبس الهم علي .. ليلى ونهارى مُسرح ! بطنى اتشيمطت قلبى البفر متجرح ! الصايدنى لو صاد الحُجار بتمرح .. إلا رحمة المولى الوسيعة تفرح .. ! صدق من قال : ما اضيق العيش لولا فسحة الامل
... تعرفى يا اميرة لمن قدمنا المحاضرة الغنائية لاول مرة في نادى مسقط ، جاء في الاستهلال ما يلي :
.. هذه المحاضرة ليست في امر الغنا وبس ... لكن هي بالاساس كلام في اصل الهوية و تاريخ البلد الاجتماعى ! كنا نتمنى ان تكون في نادى الخريجين بامدرمان ، او نادى التحرير ببحرى ، او نادى مؤتمر البجا بترب هدل ، او نادى الملكية في واو !
... حتما نعود يا اميرة عودة محى الدين فارس و العطبراوى للغابة السمراء و الكوخ الموشح بالورود !! .. و مرورا بلندن ، و لما لا ! لازلت مهتما بجزيل افكار الاستاذ الفنان معتصم الازيرق المضمنة في رسالته فوق الجامعية عن الواقعية في شعر خليل فرح ! و يبرز مجددا السؤال المركزى التالى لعناية معتصم :
" هل شعر العبادى و ابو صلاح و ود الرضى ، هو الرومانسية ؟ ام هو الواقعية الاجتماعية ؟ ام هو الوجه السودانى للقصيدة الكلاسيكية التى اهتمت بالنسيب و المدح و الحماسة !؟ ام هو جوهر صدر المحافل الشعرية و كفى ! ؟ .. "
.. يا معاوية : اسندنا بابا باب .. بالله خت وصف الخنتيلة خلفية للبوست ، بالرقى ، و توزيع و اداء كابلى .. . علشان نعرج على ميزان كرومة اللحنى الباقى بمرور الزمن ، و نتناول موضوع الوصف و آبعاد الحسية عند صالح عبد السيد ابو صلاح
Post: #225 Title: Re: د / أحمد طراوة ___ فى ندوة عن تاريخ الغناء فى السودان . Author: Moawia Mohammed Date: 07-18-2007, 10:22 AM Parent: #1
وصف الخنتيلة
Post: #227 Title: Re: د / أحمد طراوة ___ فى ندوة عن تاريخ الغناء فى السودان . Author: Osman Musa Date: 07-19-2007, 00:34 AM Parent: #225
تاجوج
Post: #228 Title: Re: د / أحمد طراوة ___ فى ندوة عن تاريخ الغناء فى السودان . Author: أحمد طراوه Date: 07-19-2007, 01:34 AM Parent: #1
... يا سلام يا معاوية !
.. إسنادك فورى .. ! يعنى كدا يصدق علينا قول عبد الله الماحى : اسعفونى و لا تصرفونى !
و دى اغنية جميلة في الاسطوانة الاولى بتاعتو .. الاسطوانة فيها برضو اغنية ما بالنية : اجمل ما فيها: بتقلى فوق احيا .. و حاكيت ملدوغ الحية !!
.. دمترى البازار سمى عبد الله الماحى : فنان السودان كلو ! و سمى ابراهيم عبد الجليل : عصفور السودان !
.. دمترى كان فعال و خلاق و ارتستيك ايضا .. لانو في اسطوانة غصن الرياض في غصونو ماح ، و مع نهاية الصولو (العزف المنفرد) بتاع وهبة بالاكورديون .. بنسمع صوت دمترى بقول يشكل لطيف و لجب : عاش ابراهيم عبد الجليل عصفور السودان !!
في فنانة اسمها فضيل الله ! مشت برضو مصر سجلت اغنية من شعر يوسف حسب الله (سلطان العاشقين) اسمها بس يا عزولى .. ، برضو الجنة حامد مشت مصر سجلت اغنية ابو صلاح : ارجوك يا نسيم روح ليهو .. وديل نساء طلائع لحركة التقدم بمقاييسس ذلك الزمن ..
.. يقول ابو صلاح في وصف الخنتيلة :
شوفة عارضك نعمة جزيلة .. ترد الروح و الغمة تزيلا !! هذه اشراقات بحر القصير ( بحر السهل الممتنع علي صعيدي التفعيلة و القافية )
.. ابو صلاح و العبادى حولو بحر القصير الي زخم شعرى بلا حدود و بلا قيف ! زخم جمالى تجاوزو بيهو كل تلك الحُزم من الاشعار الغنائية الواردة في كتاب الاغانى اللي جمع فيهو ابو الفرج الاصفهانى معظم ضروب النظم اللي عرفتو قديما سير و اخبار البلاد العربية
ابو صلاح كان بارع في القوافى .. كما في اغنية بلغ الاقوال يا هلال .. و برضو كان بارع في التزام لزوم ما لايلزم : و لزوميات ابوصلاح اوضح ما تكون في قصيدة يا رشا يا كحيل غثنى .. لانو ابو صلاح و بدون تكلف او افتعال التزم بتقفيل قافية القصيدة من البداية الى النهاية باربعة حروف متشابهة !!
و ليها عيون الصيد جفيلا .. عليها القافية وجب تقفيلا .. جمال تاجوج المافى متيلا .. هات يا زميل !
..فى المحاضرة بنسعى جاهدين بالمضاهاة و الامثلة و رصد المحددات التاريخية و نوعية الدوافع المُحركة ، بنسعى لفرز رُقى و جمال الوصف عند ابو صلاح عن الحسية الصريحة لعمر بن ابى ربيعة !
Post: #229 Title: Re: د / أحمد طراوة ___ فى ندوة عن تاريخ الغناء فى السودان . Author: Osman Musa Date: 07-19-2007, 02:24 PM Parent: #228
يا رشا يا كحيل .. غثنى _______ ابوصلاح ______________________________________
Post: #230 Title: Re: د / أحمد طراوة ___ فى ندوة عن تاريخ الغناء فى السودان . Author: Osman Musa Date: 07-20-2007, 04:17 AM Parent: #229
عبدالله الماحى ____________ _____________
Post: #231 Title: Re: د / أحمد طراوة ___ فى ندوة عن تاريخ الغناء فى السودان . Author: Osman Musa Date: 07-20-2007, 04:22 AM Parent: #230
Post: #232 Title: Re: د / أحمد طراوة ___ فى ندوة عن تاريخ الغناء فى السودان . Author: munswor almophtah Date: 07-20-2007, 04:37 AM Parent: #231
تعرف يا طراوه إنت طاقه لا يطيقها هذه المنبر لهمبريبها الذى يسرق سيدو وينوم بالظهر والعصر والمغرب والعشاء ويقوم فى الثلث الأخير بتلمس حقائق الأحلام لا أضغاثها....عزيزى هذه هى الأرجل التى نقف عليها فى أزمنة الهزيمه المصنوعه بجهل فى حاضرنا الباهت...عزيزى هذه ملكات وثروات هائله وعلم يمكن أن ترقع بها شملة كنيزة الوطن ولا أدرى إن كانت كنيزه أو عنيزه...عزيزى أسافر معك سفر الرهو عندما تأتيه شارات الفصول بحاسته التى لا تخطئ سفر من تتبع رحلة من عشق من الأسكله حيث حل بابوره الذى كان عشاؤه بالقطينه ثم تابع معه الرحله بكوستى والجبلين إلى الرجاف وما بعدها وأوصاله ترتجف من خيط وصل ما كان له أن ينفك عنه وهيهات له هيهات...عزيزى وتهزنى من الرميات مكتنزة المعانى الطروبه الجذابه( سبعون قصرت الخطا...وتركننى أمشى الهوينة ضالعا متعثرا...من بعد ما كنت الذى يطأ الثرى زهوا..,.ويستهوى الحسان تبخترا) والأخرى يا بنت عشرين والأيام مقبلة...ماذا تريدين من موعود خمسين ...وتحرك ثبات الجبال فى نفسى أغانى الحزن التى يبدعها الطيب عبدالله وكذلك يا عزيزى أتفاعل مع المباشره والوضوح الذى كان سائدا فى أغانى ك أبوي يا يابا ماتقول ليهو لا...عليك الله يابا ما تقوليهو لا...يابا البيت بقشو وبالخرطوش برشو وللضيفان بفرشو...عليك الله يابه ما تقوليهو لا...وهى على موسيقى حجر الظلط شن بقيسو هوى الليله...فالتعبيريه فى ذلك عميقة شامخة راسخه بصورها المتحركه والمحركه للشجون بفوريه فيا عزيزى أتحفنا فتح الله عليك
mansour
Post: #233 Title: Re: د / أحمد طراوة ___ فى ندوة عن تاريخ الغناء فى السودان . Author: أحمد طراوه Date: 07-20-2007, 09:44 AM Parent: #1
... مودتى يا منصور .. و للجميع حار العزاء في فقدنا المشترك للاخ / فيصل طه .. و هاهو المنبر يلبس ثوب الحداد و يطرح جمالية اللون المُعبر .. !
.. انا الابس توب الحداد . . . انا الهايم و الناس شداد (المساح)
.. و شوفتو كان في توب حِدادو ... و كل حواسي عليهو نادو ( طه حمدتو)
.. تبكيك الجوامع اللي انبنت طانقيل .. لقراية العلم و كلمة التهليل ( حكامة غرار العبوس في وهاد دار الفور )
.. لاح لي بريق بالليل .. طرانى الخليفة التلب لّزوم الشيل .. الطيب سمح بالحيل ( الحكامة نواحى شرق النيل )
من الحزن ، اعتصرت الحركة الغنائية السودانية و عبر الازمنة شاعريتها و جمالياتها اللحنية و واصلت التكثيف و التوسع في مضمار التعبيرية الراكزة من فوق التجربة الشعورية الصادقة ..
اغيب عنكم .. فانا في طريقى الي واشنطون دى سى .. معكم علي خط الشعار الغنائى المشحون بالدلالات : غيب وتعال تلقانا نحن علي ذات نهج المشاعر ...
المشاعر اللتى احسها بعمق الراحل هاشم ميرغى فصار مزيج فريدا لتداخل الشعر و اللحن، ولونية اخرى جديدة في المدرسة الاوركسترالية التانية ..
Post: #234 Title: Re: د / أحمد طراوة ___ فى ندوة عن تاريخ الغناء فى السودان . Author: Osman Musa Date: 07-21-2007, 02:38 AM Parent: #233
مرحب بالدكتور أحمد طراوة فى منطقة واشنطن الكبرى _____________________________________________
Post: #235 Title: Re: د / أحمد طراوة ___ فى ندوة عن تاريخ الغناء فى السودان . Author: Osman Musa Date: 07-21-2007, 03:07 AM Parent: #234
ابوصلاح
Post: #236 Title: Re: د / أحمد طراوة ___ فى ندوة عن تاريخ الغناء فى السودان . Author: Osman Musa Date: 07-21-2007, 03:51 AM Parent: #235
الدوبيت ______
Post: #237 Title: Re: د / أحمد طراوة ___ فى ندوة عن تاريخ الغناء فى السودان . Author: Osman Musa Date: 07-21-2007, 01:45 PM Parent: #236
حدباى
Post: #238 Title: Re: د / أحمد طراوة ___ فى ندوة عن تاريخ الغناء فى السودان . Author: Osman Musa Date: 07-21-2007, 09:38 PM Parent: #237
عتيق ____
Post: #239 Title: Re: د / أحمد طراوة ___ فى ندوة عن تاريخ الغناء فى السودان . Author: Osman Musa Date: 07-21-2007, 11:07 PM Parent: #238
د / أحمد طراوة _____ فى ندوة عن تاريخ الغناء فى السودان _________________________________ اليوم 21/ 7 / 2007 مساء
Post: #240 Title: Re: د / أحمد طراوة ___ فى ندوة عن تاريخ الغناء فى السودان . Author: Moawia Mohammed Date: 07-22-2007, 00:10 AM Parent: #1
فوق
Post: #241 Title: Re: د / أحمد طراوة ___ فى ندوة عن تاريخ الغناء فى السودان . Author: Osman Musa Date: 07-22-2007, 05:51 AM Parent: #240
كانت ندوة ناجحه 5 ساعات من الحديث الممتع نتابع ما دار.
Post: #242 Title: Re: د / أحمد طراوة ___ فى ندوة عن تاريخ الغناء فى السودان . Author: Moawia Mohammed Date: 07-22-2007, 06:19 AM Parent: #1
يلا يا عثمان بسراعك منتظرين رفعنا البوست قبيل وراجنكم والله لكن حظكم وما حاسدنكم تحياتي معاويه
Post: #243 Title: Re: د / أحمد طراوة ___ فى ندوة عن تاريخ الغناء فى السودان . Author: محمد عثمان Date: 07-22-2007, 06:52 AM Parent: #1
و فى انتظاار التسجيل كملنا الصبر كلو....
Post: #244 Title: Re: د / أحمد طراوة ___ فى ندوة عن تاريخ الغناء فى السودان . Author: Osman Musa Date: 07-22-2007, 03:56 PM Parent: #243
مشى طراوة فى كل اتجاه طاف بالسوكى والرماش وكبوشية ومصر حتى جلس فى المسالمة 5 ساعات من الركض والتجول بين الازهار فى تلك الجنات 5 ساعات من السفر فى شوارع الغناء السودانى الاصيل
Post: #247 Title: Re: د / أحمد طراوة ___ فى ندوة عن تاريخ الغناء فى السودان . Author: Osman Musa Date: 07-23-2007, 03:29 AM Parent: #243
استاذ محمد عثمان سلامات أخى العزيز بس اصبر شويتين تلاته سوف تسمع العجايب تحياتى
Post: #245 Title: Re: د / أحمد طراوة ___ فى ندوة عن تاريخ الغناء فى السودان . Author: صديق الموج Date: 07-22-2007, 08:31 PM Parent: #1
عثمان العزيز تحياتى ولطراوة مودتى حديث طراوة فيه طلاوة وحلاوة وطراوة هذا بوست لا يتثأب المطلع عليه وفى حضرة جلالك يطيب الجلوس كلنا اذآن صاغيه واصل الله يعافيك،،،،
Post: #246 Title: Re: د / أحمد طراوة ___ فى ندوة عن تاريخ الغناء فى السودان . Author: عمار يس النور Date: 07-22-2007, 10:34 PM Parent: #245
Quote: فى انتظاار التسجيل كملنا الصبر كلو....
تحياتي لكم جميعا،
=================
د. أحمد : الكتاب الذي طلبته وصل فلوريدا مع ريم و الحاجة ، هل إستلمته؟
تحياتي
أبو ريم عاشق بخت الرضا
Post: #249 Title: Re: د / أحمد طراوة ___ فى ندوة عن تاريخ الغناء فى السودان . Author: Osman Musa Date: 07-23-2007, 03:45 AM Parent: #246
Post: #248 Title: Re: د / أحمد طراوة ___ فى ندوة عن تاريخ الغناء فى السودان . Author: Osman Musa Date: 07-23-2007, 03:39 AM Parent: #245
استاذ صديق الموج العزيز سلامات صاحبك د / طراوة فى الليلة ديك طار حلق لا خلى رشيم أخضر ولا خديد انضر حديث عذب كعبير الحدائق اعاد الينا كل الزمان الذى مضى لك التحية والشكر على المتابعه
Post: #250 Title: Re: د / أحمد طراوة ___ فى ندوة عن تاريخ الغناء فى السودان . Author: محمد عثمان Date: 07-23-2007, 09:13 AM Parent: #1
النسااايم لو غادية او رايحة بى ندى الازهااار و العبير فايحة و الفروع بتميل بالطرب مايحة و السواقى تئن بى نغمة الحن صوتها كالنائحة منظر البدرى و بهجته الفاضحة تبدو ليك فى النيل كالدرر واضحة و الطيور تختااال فى الغصون صادحة و السرور ميل روق و اتخيل كفتة الراجحة
و لازلنا فى الانتظااااار
Post: #251 Title: Re: د / أحمد طراوة ___ فى ندوة عن تاريخ الغناء فى السودان . Author: أحمد طراوه Date: 07-23-2007, 09:15 AM Parent: #1
yahh .... what a nice people ... what a good time !!
interesting and still amazing this discussion ! and still more deeply relevent points raised by Salah Shoeib, Mohamed El-noman , Hassan Ahmed el-hassan and all others
.... ya Osman Im really endebted to your genorousity and cordiality ! wanna assure you that Adlan Abdel Aziz is taking enough care of me ... In a prompt and speedy action , Ibrahim Saad handed me 2 copies of DVDs shoowing the lyrical symposium of yesterday !! , one of it will be yours ya Osman .. Find it with Adlan
Stay well all the goody people in DC
A Tarawa
Post: #252 Title: Re: د / أحمد طراوة ___ فى ندوة عن تاريخ الغناء فى السودان . Author: Osman Musa Date: 07-24-2007, 01:57 AM Parent: #251
د / أحمد طراوة ده عايز ليه CHANNEL براو ______ براو
Post: #253 Title: Re: د / أحمد طراوة ___ فى ندوة عن تاريخ الغناء فى السودان . Author: Moawia Mohammed Date: 07-24-2007, 10:30 AM Parent: #1
فوق
Post: #254 Title: Re: د / أحمد طراوة ___ فى ندوة عن تاريخ الغناء فى السودان . Author: Osman Musa Date: 07-24-2007, 03:16 PM Parent: #253
استاذ معاويه يا مستودع الطرب كيفنك وانشاء الله حالك زين فى دنفر التى سال من شعرها الذهب ولم ينسكب فى جيب الحبيب محمد رضوان لك الشكر على كل ما تقوم به يا اخى العزيز .
Post: #255 Title: Re: د / أحمد طراوة ___ فى ندوة عن تاريخ الغناء فى السودان . Author: Osman Musa Date: 07-24-2007, 11:31 PM Parent: #254
استاذ محمد عثمان سلام شديد التسجيلات فى الدرب وصور الندوة تحياتى أخى العزيز
Post: #256 Title: Re: د / أحمد طراوة ___ فى ندوة عن تاريخ الغناء فى السودان . Author: أحمد طراوه Date: 07-25-2007, 05:09 AM Parent: #1
Dear all ... I'm trying to have an access to arabic keyboard ! I wish this will be soon ... as well waiting for the uploading of the symposium material
thanks to all ... ya Amar : little Reem will hand me the book soon
Post: #257 Title: Re: د / أحمد طراوة ___ فى ندوة عن تاريخ الغناء فى السودان . Author: Moawia Mohammed Date: 07-25-2007, 12:10 PM Parent: #1
Post: #258 Title: Re: د / أحمد طراوة ___ فى ندوة عن تاريخ الغناء فى السودان . Author: Osman Musa Date: 07-25-2007, 02:46 PM Parent: #257
استاذ معاويه سلامات والف شكر على رفع الصور تحياتى
Post: #259 Title: Re: د / أحمد طراوة ___ فى ندوة عن تاريخ الغناء فى السودان . Author: Moawia Mohammed Date: 07-26-2007, 12:19 PM Parent: #1
فوق
Post: #260 Title: Re: د / أحمد طراوة ___ فى ندوة عن تاريخ الغناء فى السودان . Author: Osman Musa Date: 07-26-2007, 02:09 PM Parent: #259
وينك يا د / أحمد القرشى
Post: #261 Title: Re: د / أحمد طراوة ___ فى ندوة عن تاريخ الغناء فى السودان . Author: صلاح شعيب Date: 07-26-2007, 04:23 PM Parent: #260
شكرا الزميل عثمان موسي والتحية للدكتور احمد الذى أمتعنا وسأعود
Post: #262 Title: Re: د / أحمد طراوة ___ فى ندوة عن تاريخ الغناء فى السودان . Author: Osman Musa Date: 07-27-2007, 04:33 AM Parent: #261
استاذ صلاح شعيب سلامات نعم . د / أحمد طراوة أمتعنا بالحديث فى الندوة عن الحروف والدفوف و أبوصلاح وعيون بقر الوحش وسحر الموسيقى الزول ما خلى شى لك التحية استاذ صلاح شعيب ولك الشكر على كلماتك التى نثرتها فى الجو الفرجينى الامدرمانى وبعثرتها على الحضور مثل الصندل فى افراح المسالمه .
Post: #263 Title: Re: د / أحمد طراوة ___ فى ندوة عن تاريخ الغناء فى السودان . Author: Osman Musa Date: 07-28-2007, 03:30 PM Parent: #262
وينك يا معاويه
Post: #264 Title: Re: د / أحمد طراوة ___ فى ندوة عن تاريخ الغناء فى السودان . Author: Osman Musa Date: 07-29-2007, 02:31 AM Parent: #263
الشكر الجزيل لكل من شارك فى الندوة _____ ونتابع ما دار
Post: #265 Title: Re: د / أحمد طراوة ___ فى ندوة عن تاريخ الغناء فى السودان . Author: Moawia Mohammed Date: 07-29-2007, 02:55 AM Parent: #1
Post: #266 Title: Re: د / أحمد طراوة ___ فى ندوة عن تاريخ الغناء فى السودان . Author: Moawia Mohammed Date: 07-30-2007, 00:16 AM Parent: #1
فوق
Post: #267 Title: Re: د / أحمد طراوة ___ فى ندوة عن تاريخ الغناء فى السودان . Author: محمد عثمان Date: 07-30-2007, 06:35 PM Parent: #1
و فى انتظاار الدكتور ليحكى لنا عن هذه الاغنية..
Post: #268 Title: Re: د / أحمد طراوة ___ فى ندوة عن تاريخ الغناء فى السودان . Author: Osman Musa Date: 07-31-2007, 03:22 AM Parent: #267
استاذ محمد عثمان كيف حالك يازول لك الشكر اخى العزيز والدكتور أحمد طراوة فى الطريق .. لك التحية .
Post: #269 Title: Re: د / أحمد طراوة ___ فى ندوة عن تاريخ الغناء فى السودان . Author: Ishraga Haimoura Date: 07-31-2007, 10:47 AM Parent: #1
سلام ودي للدكتور طراوة ولعثمان موسى ولمعاوية
Post: #270 Title: Re: د / أحمد طراوة ___ فى ندوة عن تاريخ الغناء فى السودان . Author: Osman Musa Date: 07-31-2007, 03:30 PM Parent: #269
المشرقه اشراقه سلامات كتر خيرك لكى اكاليل الورد
Post: #271 Title: Re: د / أحمد طراوة ___ فى ندوة عن تاريخ الغناء فى السودان . Author: Osman Musa Date: 08-02-2007, 04:51 AM Parent: #270
استاذ معاويه سلامات الصور
Post: #272 Title: Re: د / أحمد طراوة ___ فى ندوة عن تاريخ الغناء فى السودان . Author: Osman Musa Date: 08-03-2007, 03:28 AM Parent: #271
فى انتظار د / أحمد طراوة ...
Post: #273 Title: Re: د / أحمد طراوة ___ فى ندوة عن تاريخ الغناء فى السودان . Author: أحمد طراوه Date: 08-03-2007, 06:15 AM Parent: #1
Shukran Katiir Ya Mohammed Osman and thousands of thanks to Ishraga ! Im so facinated with your Haqibba inclination ya Ishraga .. ofcourse will come soon to interpret in arabic writings, the uploaded songs
Salam Ya Osman , Moawia and all other goody people
Post: #274 Title: Re: د / أحمد طراوة ___ فى ندوة عن تاريخ الغناء فى السودان . Author: Souad Taj-Elsir Date: 08-03-2007, 07:49 AM Parent: #273
Post: #275 Title: Re: د / أحمد طراوة ___ فى ندوة عن تاريخ الغناء فى السودان . Author: Souad Taj-Elsir Date: 08-03-2007, 08:28 AM Parent: #273
Quote: الفرضية الاساسية في هذه المحاضرة الغنائية ، هي ان الايقاع و الكلمة و اللحن و منذ العهد السناري السودانى و حتى عشية الاستقلال في منتصف القرن العشرين كلها قد واكبت تطور و نمو الامكانيات و الاتجاهات الموضوعية في المجتمع السودانى ، بل ان الشعر المُغنى ( الليّرك ) قد عكس هذه التطورات بجلاء تام .. سيتم التركيز عبر صيغة السرد التاريخى و استخدام النماذج الغنائية المسجلة علي ابراز العوامل التى مهدت الانتقال للمدرسة الفنية الاولى التى اسسس لها لقاء العبادى - سرور ، ثم تراكم ونمو الخبرة الموسيقية و تطور الشعر الغنائى الذى فتح الباب للمدرسة الثانية مدرسة الغناء الاوركسترالى ... الخيط الرابط في مجمل السرد التاريخى هو خيط صراع السودانين بمختلف اعراقهم في مواجهة الوافد الموسيقى - الغنائى التركى و المصرى و البريطانى ، وذلك لابراز هويتهم الغنائية الخاصة ممثلة في السلم الخماسى بلونيته السودانية ، وهو ايضا خيط العلاقة بين ظهور مارش ود الشريف في منتصف القرن الثامن عشر كاول عمل مسجل على نوتة صول سلاح الموسيقى في جيش الزبير ، ودوباى علي ود محلق و اهل البادية السودانية ، وغناء الحكامات وبت المكاوي عند العهد التركى ، ثم جماعة كبوشية ممثلة في احمد ود بعشوم و محمد ود الفكى حتي لحظة بروز ابو صلاح و البنا و عبقرية كرومة الموسيقية التى مهدت لعبقرية ابراهيم الكاشف
الدكتور أحمد محجوب النصري (طراوة)، لك التحية والتقدير لهذا التوثيق الرائع لمسيرة عبقرية الأغنية السودانية ذات اللونية المتميّزة إفريقياً وعربياً. ليت كان بالإمكان حضور هذه الندوات الفريدة في عصرها. أتمنّى أن يتّسع وقتك لإصدار هذه الندوات في منشورات تستفيد منها مكتبة الحركة الغنائة السودانية. في قليل الوقت الذي أسترقه لاستنشاق بعض "نسايم الليل" القادمة من الوطن البعيد، أتوق لمتابعة هذا السرد الذي ينساب فيه "كل الجمال" والذي من خلاله "حتى العدم يثمر نغم."
كل التقدير لك وللأستاذ الأديب عثمان موسى على هذا البوست الرائع..
سعاد
Post: #276 Title: Re: د / أحمد طراوة ___ فى ندوة عن تاريخ الغناء فى السودان . Author: أحمد طراوه Date: 08-03-2007, 02:31 PM Parent: #1
Shukran ya Saud .. you as well an artistique and thoughtful person .. soon I will start writing in Arabic to continue revisiting this interesting issue of the sudanese lyricism
Tell my greetings to Ustaz Jalab and your gracious family
Post: #277 Title: Re: د / أحمد طراوة ___ فى ندوة عن تاريخ الغناء فى السودان . Author: Osman Musa Date: 08-04-2007, 03:00 AM Parent: #276
الأستاذة سعاد سلام الف شكر على كلماتك الجميلة تحياتى اليكم
Post: #278 Title: Re: د / أحمد طراوة ___ فى ندوة عن تاريخ الغناء فى السودان . Author: Osman Musa Date: 08-05-2007, 02:53 PM Parent: #277
مع
د / أحمد نتابع الحديث .......
Post: #279 Title: Re: د / أحمد طراوة ___ فى ندوة عن تاريخ الغناء فى السودان . Author: أحمد طراوه Date: 08-05-2007, 06:42 PM Parent: #1
... مودتى لكم جميعا... كنت في إنتظار نسمة الاسحار .. ! لاكتب لكم بالعربية ! العربية بت عم العبرية و قريبة اللغات السائدة في الاراضى الاكسومية قديمها و جديدها و المعروفة لناس عجب الفيا و سعاد تاج السر ومحمد جميل !
.. و ما اروع كابلى و هو يعيد توزيع دمعة الشوق تاسيسا علي الميزان اللحنى الاول اللي وضعو سرور و قدومو لكرومة ! بكائية مصطفى بطران تحكي حال الدروب الخاصة اللي مشاها الشعر ذاك الزمان :
زي سواد حظى جوز دواعجو كحيل .. ! برضو عتيق قال : خطبى زى ردفك مُجسم .. و حظى زي خِصرك مُقسم ! و خضر حسن سعد اضاف : حظى اسود زى رمس عينو .. عوالم من التشبيه و الاستعارات بشقيها المكنى و الصريح ..
... شكرا يا معاوية وصلنى كُتيب الفاتح الطاهر عن صاحب مدرسة " التطور" عثمان حسين !
... يا معاوية جانى جوابكم جاني ! أجرى يا نيل الحياة ! بلادى يا سنا الفجري ! بالكتاب و السنة يعقدو لينا اهلنا ! ... مانوع هذا الغناء الذى اتى به ابوداؤد كلونية خاصة داخل المدرسة الاوركسترالية التانية ؟ نواصل الفرز و التمييز و المقاربات النظرية لتعدد اللونيات اللي ميزت المدرسة التانية !
... كرومة ادخل البيانو فى رسم المقدمة اللحنية بتاعت دمعة الشوق ، فصعد بموسيقى سرور الي ذرى عالية من التطريب و جماليات الرومانتيك الحزين ! خليل فرح كان قد استخدم البيانو في اعادة توزيع ميلوديا مارش ود الشريف بتاعت ناس دار فور ، ودار قِمر وطرحا كمقدمة موسيقية لاسطوانة عازة !
.. المقدمات الموسيقية : تجليات لعبقرية المُلحن السودانى ! المجد للكاشف ، عثمان حسين و وردى ! مقدمة الود اللي وزعا اندريا رايدر تحت الاشراف و الفهم الكامل لوردى هي ابلغ مثال ! نعيد مناقشتا و عرضها بعد التشاور مع الموصلى علشان نفرز التوزيع الالي من التوزيع الاوركسترالى ! الموصلي قال انو الكاونتر بوينت اوضح ما يكون في اغنية عثمان مصطفى : ماضى الذكريات
اول من ادخل الساكسفون هو احمد المصطفى ، اول زول غنى بالعود في الاذاعة هو حسن عطية ! اول من عزف علي الفلوت هو محمد آدم ادهم صاحب الادهميات المسجلة في الاذاعة القديمة ! دمترى جاب اول فلوت و باعو لمحمد أدهم .. الكلارنيت تبلور اجمل ما يكون علي يد محمد عبد الله اميقو
لازم نتحصل علي مارشات الاورط العسكرية لقوات دفاع السودان ! !
فى المارشات دى بتبرز تجليات صراع الهوية مع الاتراك و المصريين و الانجليز ، و بتتضح قسمات الصعود التاريخى للمقام الخماسى في لونيتو السودانية !
.. و لطيف ذلك المارش اللى اسمو (مارش ابو الصفية) ! بقولو فيهو من قبل 280 سنة : نحنا قبيل شن قلنا .. قلنا الطير بياكلنا
.. اصلا كان في شيخ ولي نواحى مملكة تقلي اسموا ابو الصفية بسوق عساكرو في معارك صراعات الفئات التجارية المتبلورة في قلب علاقات الاقطاع القبلى ! مقاتلي ابو الصفية كان عندهم حُزم من الجلالات اهمها جلالة نحنا قبيل شن قلنا ! ودا نفس الميلودى بتاع جلالات شباب الانصار تحت قيادة الامير النضير نقد الله
.. أطروحة صلاح شعيب عن الزنجران كخط استثنائى للرائد الوطنى اسمعيل عبد المعين عاوزة عودة و مناقشة اوسع
كل من في الكون ناما .. عينى ليه فقدت مناما .. انتى يا الكاحلك نعاسك ! رحم الله الحاج عبد الحميد يوسف ! لكن برضو غنا عبد الحميد و حسن عطية و احمد المصطفى و الفلاتية و غنا عثمان حسين الاول حاصرتو دوائر الرتابة اللحنية ! اللى هز الارض تحت اقدام آسن الجمل اللحنية و فجر الاعواد رجعا و ترديدا هو الكاشف !! الكاشف فك الازمة التالتة للغنا ، زى ما سرور فك الازمة الاولى و كرومة فك الازمة التانية ! انه قانون التطور عبر الازمات و صراع القديم و الجديد ..
Post: #280 Title: Re: د / أحمد طراوة ___ فى ندوة عن تاريخ الغناء فى السودان . Author: Osman Musa Date: 08-06-2007, 02:18 AM Parent: #279
ويمتد الحديث ع تاريخ الغناء فى السودان .
Post: #281 Title: Re: د / أحمد طراوة ___ فى ندوة عن تاريخ الغناء فى السودان . Author: محمد عثمان Date: 08-06-2007, 07:33 AM Parent: #1
Quote: كل من في الكون ناما .. عينى ليه فقدت مناما .. انتى يا الكاحلك نعاسك ! رحم الله الحاج عبد الحميد يوسف ! لكن برضو غنا عبد الحميد و حسن عطية و احمد المصطفى و الفلاتية و غنا عثمان حسين الاول حاصرتو دوائر الرتابة اللحنية !
دكتور طرااوة.. و الجميل عثمان موسى..
هذا البوست واحة نستظل بها كلما ازداد بنا الزهج من كدر دواامة العمل اليومى التى لا تنتهى... و متاابعين معكم.. و على ذكر الحاج عبد الحميد يوسف غضبك جميل زى بسمتك..كانت النقلة الكبيرة للاغنية السوداانية.. و راجين التفصيل ياا دكتور...
يديكم العاافية...
Post: #282 Title: Re: د / أحمد طراوة ___ فى ندوة عن تاريخ الغناء فى السودان . Author: Osman Musa Date: 08-08-2007, 03:55 AM Parent: #281
استاذ محمد عثمان الرجل الذى رصف المنابر بالاغانى والفرح سلامات اخى العزيز
Post: #283 Title: Re: د / أحمد طراوة ___ فى ندوة عن تاريخ الغناء فى السودان . Author: أحمد طراوه Date: 08-08-2007, 01:57 PM Parent: #1
شوف يامحمد نوع الكلام اللي كان بغنيهو الحاج عبد الحميد يوسف !
... ( خابف خدودك تنجرح من نظرتي .. خابف فؤادى يذوب هيام من نظرتك !! )
غضبك جميل زى بسمتك ! دا شعر حُميدة ابوعُشر !
.. زول رقيق الحال اترفد من السكة حديد لانو خاض الاضراب الكبير مع ناس الشفيع احمد الشيخ ، و سلام ، و قاسم امين ، و الجزولي سعيد ، وموسى مِتيّ .. و ياهو كلو النضال القايم على سلامة الشوف و الوجدان و السعى لجعل الحياة اكثر جمالا ..
الحاج عبد الحميد خلى عثمان حسين يعزف ليهو العود و يطلع معاهو للجماهير في ادق لحظات التخلُق و التكوين بتاعت عثمان !
.. الحاج عبد الحميد في الغنا السودانى الاوركسترالى زي جوجول في الادب الروسى ! بالضرورة الباقين طلعوا من تحت عبايتو .. و الفترة من مايو 1940 ( إفتتاح الاذاعة ) الي 1950 ، كانت فترة حاسمة في صعود الاروكسترالية السودانية و انبثاق الاتجاه الرئيسى لحركة الغناء السودانى .. نحتاج نرجع ليها بالنظر و التأمل و الفهم
.. يونس بحرى . منسوب التوجيه المعنوى بتاع محور هتلر - موسلينى ، كان بكره اذاعة امدرمان وبحرض من اذاعتو الموجهة للعالم العربى الطيران التليانى قائلا : هنالك ذبابة تطن في ادغال افريقيا تقول (هنا امدرمان) .. اضربوها و سكتوها !
.. السؤال ببقى منو اللي ادى طيران المحور إحداثيات موقع الاذاعة بعد ما انتقلت الي قرب مدرسة بيت الامانة جوار منزل كلتوم بتاعت اللبن !
.. في رواية بتقول انو دا كان جاسوس اسمو ( بِل ) ! و اللي بسببو و بالخطأ ناس ابوصلاح و العبادى دخلوا في مشكلة عويصة مع ادوارد عطية و قلم الاستخبارات البريطانى
Post: #284 Title: Re: د / أحمد طراوة ___ فى ندوة عن تاريخ الغناء فى السودان . Author: Osman Musa Date: 08-08-2007, 02:28 PM Parent: #283
ليتنى كنت هناك معكم فى نيوجرسى فى الليلة ديك لما قام أحمد طراوة بشر وهزه فوق تيجانن وسله سيفو وكشر اتمنا أن لا نكون فى الغربة حتى الديك يصنقر فوقنا_ اتمنا أن تاتى البشاره نلبس العراريق والطواقى ونشارك الناس الافراح والاتراح بلا socil securty بلا لخمه وبلا تصاريح للسفر أخى د / أحمد الف مبروك ياعزيز الف سلام
Post: #285 Title: Re: د / أحمد طراوة ___ فى ندوة عن تاريخ الغناء فى السودان . Author: Osman Musa Date: 08-10-2007, 03:26 AM Parent: #284
شوف زول اترفد من السكه حديد عمل شنو ؟ شوف جمال حميد أبوعشر ده قدر شنو ؟
Post: #286 Title: Re: د / أحمد طراوة ___ فى ندوة عن تاريخ الغناء فى السودان . Author: Osman Musa Date: 08-10-2007, 03:06 PM Parent: #285
د / أحمد القرشى ارجو أن تكون سلامه وعافيه لك التحية
Post: #287 Title: Re: د / أحمد طراوة ___ فى ندوة عن تاريخ الغناء فى السودان . Author: yasiko Date: 08-11-2007, 02:20 AM Parent: #1
الأستاذ عثمان ومحبو الجمال أينما حل وحلوا لكم التحية إنني أحسدكم على هذا الكم الهائل من الجمال ولكن العزاء الوحيد هو أن د. طراوة على مرمى حجر مني أهديكم هذه الأغنية لمزيد من التحليل لاسيما أنها بأصوات جديدة
"أنا من صفاك مسحور" اضغط على زر التشغيل
Post: #288 Title: Re: د / أحمد طراوة ___ فى ندوة عن تاريخ الغناء فى السودان . Author: محمد عثمان Date: 08-11-2007, 05:31 AM Parent: #1
Quote: شوف يامحمد نوع الكلام اللي كان بغنيهو الحاج عبد الحميد يوسف !
... ( خابف خدودك تنجرح من نظرتي .. خابف فؤادى يذوب هيام من نظرتك !! )
غضبك جميل زى بسمتك ! دا شعر حُميدة ابوعُشر !
شكرا دكتور طرااوة... و شكرا للجميل عثمان الذى فتح لنا هذا الركن الهادى الجميل...
غضبك جميل زى بسمتك
Post: #289 Title: Re: د / أحمد طراروة ___ فى ندوة عن تاريخ الغناء فى السودان . Author: أحمد طراوه Date: 08-11-2007, 08:03 AM Parent: #1
... شكرا يا ود عثمان
.... ولما لم اجد سلمى !
.. كسرتُ إبريقي و الدّنا .. سكبتُ على الثرى كأسى .. وداعا روضتى الغنا.. وداعا معبدى القدسي !! مقدمتا الموسيقية اللي صاغا الكاشف ، كانت شعار الاذاعة في تلك الايام !
حميدة ابوعشر ، بعد إضراب 1953 مشى فتح طبلية في مُشرع حنتوب وقعد يكتب جزيل المعانى و القوافى الغناها الكاشف ! حنتوب لم تخلو بدورها من سحر الطبيعة ، و اشراقات مجتمع الطلبة و حركتم المشحونة بالوعى و ارهاصات الوثبة ...
... و كتب برضو لعثمان حسين ، ظلمونى الاحبة فى شرع المحبة ! وهي مستوى رفيع لادب الشكوى و النجوى و قسوة الصبابة و تبريحا و عذابا !
تعرف يا يسن ، العبادى قديما قال في اول اغنية للحقيبة ( ببكى وانوح و أصيّيح ) : التوب شبك في التِنة .. يا اخوانا نحنا كِتلنا ! عتيق في ناعس الاجفان مارس قدر اعلى و اجمل من التجريد و التصوير ...
" و فؤادى هو المنحور .. ( مقتول بغير سلاح ) .. و اقول بكل صراح سببى العيون الحور .. يا ناعس الاجفان ! "
و فعلا ، ايه بثينة و عزة ، و ايه عُبيلة عنتر !؟ هاهو حسنو امامى ! ده الرشيم الاخضر في الخديد الانضر ! حيث تجلت بواكير العبقرية اللحنية لعبد الكريم عبد الله مختار (كرومة) !
لاول مرة يتصدى مغنى و موسيقار سودانى لتلحين بحر غير صافى ! كانت عملية شاقة و تجربة جديدة لجأ فيها كرومة للزمة الصوتية .. ودى كانت اللزمة الموسيقية الاولى اللي فتحت باب الغنا و الاوركسترالية اللي ما انسد من بعد ابدا ..
Post: #290 Title: Re: د / أحمد طراوة ___ فى ندوة عن تاريخ الغناء فى السودان . Author: محمد عثمان Date: 08-11-2007, 09:28 AM Parent: #1
Quote: شكرا يا ود عثمان
.... ولما لم اجد سلمى !
.. كسرتُ إبريقي و الدّنا .. سكبتُ على الثرى كأسى .. وداعا روضتى الغنا.. وداعا معبدى القدسي !! مقدمتا الموسيقية اللي صاغا الكاشف ، كانت شعار الاذاعة في تلك الايام !
حميدة ابوعشر ، بعد إضراب 1953 مشى فتح طبلية في مُشرع حنتوب وقعد يكتب جزيل المعانى و القوافى الغناها الكاشف ! حنتوب لم تخلو بدورها من سحر الطبيعة ، و اشراقات مجتمع الطلبة و حركتم المشحونة بالوعى و ارهاصات الوثبة ...
... و كتب برضو لعثمان حسين ، ظلمونى الاحبة فى شرع المحبة ! وهي مستوى رفيع لادب الشكوى و النجوى و قسوة الصبابة و تبريحا و عذابا !
دكتور طرااوة...
شكرا لهذه السيااحة فى عواالم الشااعر المبدع و الرائد فى اغنياات التى امتازت بالنهج الرومانسى الحالم من المعروف ان مهنته كانت النجارة و لقد سالت انا سؤال من قبل لم اجد له ردا شافيا..ما هى العلاااقة بين مهنة النجارة و كل هذا الابداع..؟؟..المعروف ان صديقه الفنان الكاشف كانت ايضا مهنته النجارة و من الجيل الحديث كان ايضا الراحل خوجلى عثمان و غيره من الفناانين...
من الاغنياات الجميلة المتداولة بكثرة بين الفناانين اغنية الليلة لاقانى ببسمة حياانى و من المعروف ايضا ان هذه الاغنية كتبها الشاعر حمّيد ابو عشر..لكن من هو اول فنان تغنى بهذه الاغنية..؟؟؟
الليلة لاقانى ببسمة حياانى جذب الفكر حسنو و جهر العيون نورو بعد اشتيااقى الطال فأجانى بزهورو شخصتا فى حسنو و اصبحت مسحورو سبحت كبرت و هللت بحياتو شكيتلو الامى شكيتلو من هجرى طلم الهوى و نوحو زى الزهور بااسم زى اللهيب محرق زى الشمس مشرق بعوااطفى بادلتو بدموعى جاوبتو شكيتلو من هجرى ظلم الهوى و نوحو...
الليلة لاقانى و لقاء السحاااب..
Post: #291 Title: Re: د / أحمد طراوة ___ فى ندوة عن تاريخ الغناء فى السودان . Author: Osman Musa Date: 08-12-2007, 03:36 AM Parent: #290
أخى العزيز YASIKO لك الشكر الجزيل لك التحية أخى
Post: #292 Title: Re: د / أحمد طراوة ___ فى ندوة عن تاريخ الغناء فى السودان . Author: أحمد طراوه Date: 08-12-2007, 07:38 AM Parent: #1
... وجميلة على نحو استثنائى الكسرة بتاعت الليلة لاقانى بنظرة حيانى :
... كانت تفانين غنائية لا اول لها و لا آخر .. جمعت حسين عثمان منصور ، و عبد المنعم عبد الحى ، و حسن عطية اللي هو اول من غنى تلك الكلمات !
.. حميدة ابو عشر برضو كتب ادر الكاس علي العشاق صفوا و مُداما.. يا حبيب القلب و الروح ، و يا روح النُداما!
.. البواب بتاع العمارة الفى الدقى كان بقول : طيبين اوى الجدعان السودانيين دول ! بشربوا ، بس برضوا في النهاية بندموا و عمال كل الليل بقولو : النداما .. النداما .. الندااااما
ظهرت الكسرة مبكرا علي يد كرومة في اغنية زيدني في هجراني ، و تصاعدت زخما و جمالا و تطريبا في اغنية البنا ايضا اللي اسمها نسيم سحرك :
.. اغيثنى يا الحبيب .. و اربح أجري .. !
اربعة اتجاهات و عوامل شكلت كرومة و رسمت ملامحو و جعلتو مؤهل لانجاز ذلك الانتقال:
1 - تربيتو و نشئتو علي يد المغنية مستورة بت عرضو ، وهي امو ، و من رواد التم تم المُعدل في المدن
2 - علاقتو بعمر البنا ! عمر كان شاعر و ملحن و مغنى امدرمان الاول ! عمر كان مطبوع .. ابوه قال في المهدية : الحرب صبر و اللقاء ثبات .. و اخوه قال : سايرت نوح و لم تركب سفينته .. و انت طفلا في عمر زبلينِ .. يا ذا الهلال ، عن الدنيا او الدينِ .. حدث فان حديثا منك يشفينى !
.. اكيد عمر لعب دور في بناء الوجدان اللحنى و الموسيقى بتاع كرومة
3 - تمترسو خلف سرور كشيال برنجى ! يعنى كرومة حسب قول الفيلسوف الالمانى هيجل : راكم الخبرة و المعرفة و الاحساس خلف سرور ، و طفق يبحث عن تحول كيفى ونوعى جديد ! لكن مع ذلك اختط لنفسو (ودا بسبب الانتباهة و الجراءة والموهبة النادرة) نهج و لونية ، ودرب اصيل و مُغاير .. لكنو درب مبنى و مستند علي اصداء و رغبات كبيرة داخل الوجدان السودانى
4 - كونو صادف شعر البنا كنظم جديد مختلف نسبيا عن نظم العبادى ، وابوصلاح ! لكن الاهم كان شعر عتيق و عبد الرحمن الريح ! ودا شعر حمل صور و موضوعات جديدة ، و بالضرورة تفعيلة جديدة استدعت جُمل لحنية جديدة ..
Post: #293 Title: Re: د / أحمد طراوة ___ فى ندوة عن تاريخ الغناء فى السودان . Author: julia shawqi hamza Date: 08-12-2007, 12:07 PM Parent: #292
الحبيب د/طراوة بعد غيبة طويلة،شرفنا في النادي الثقافي للجالية السودانية بمسقط د/أحمد القرشي فحييته بعناق طويل و انا ألتفت يمنة و يسرة باحثا عن (الفردة !) د/ طراوة ناسيا و ليس متناسيا أنك في النصف الآخر من الكرة الأرضية!!! دكتورنا الحبيب أحمد طراوة، لقد تركت فراغا في النادي لا أعتقد أن آحدا غيرك سوف يملأه لنا و عزا}نا أنك تعطر أجواء أحباب لنا في الولايات المتحدة فهنيئا لهم بك... لن أطيل عليك لأني كما تلاحظ قد دخلت من الشباك بعد أن طال انتظاري للباب أن يفتح!!! تقبل تحياتي و تحيات الأسرة
شوقي حمزة / مسقط
Post: #294 Title: Re: د / أحمد طراوة ___ فى ندوة عن تاريخ الغناء فى السودان . Author: Osman Musa Date: 08-12-2007, 03:31 PM Parent: #293
استاذ شوقى حمزة مرحبتين حبابك سلام عليك فى شرقك الباهى وسلامات على كل اهل الديرات وتحيه لشيخ الربع د / أحمد القرشى
Post: #295 Title: Re: د / أحمد طراوة ___ فى ندوة عن تاريخ الغناء فى السودان . Author: أحمد طراوه Date: 08-13-2007, 04:48 AM Parent: #1
.. دمت يا ابوجوليا .. و لتدم الساقية و النيل و المحبة و الصفاء !
تعرف يا استاذنا شوقى ،
لا تزال ترن في صيوان الاذن اصداء محاضرتك الفنية - الادبية عن الموسيقى و الغنا في النوبا القديمة بنادى جالية مسقط !
... محاضرتك حملت اشارات هامة و فجرت اسئلة اكثر اهمية !
يا بكرى .. استاذ شوقى قلم نحتاجه ، و مكسب عزيز في زمن الخسائر و الفواجع هذا !
... اللير الاغريقى - الاشورى (الربابة) : هل تعدل في السودان الشمالي القديم و صار ذلك الطمبور حامل المقام الخماسى السودانى الصريح ! ؟
ام هو بالاساس ولادة نوبية - كوشية سودانية متوطنة في النوبا القديمة ! ؟
.. ليه الطمبور وصل بتلك السلاسة و ذلك الاندياح الوطنى - القومى للشرق و الغرب و الجنوب ! ؟ و هل اوزان الطمبور هي اللي اخرجت الدليب بوصفه ضربة ايقاعية ذات تنغيم عالى
" عدلان عبد العزيز وهو بالاساس يجيد العزف علي الطمبور ذكر لي ملاحظة هامة مفادها : ان الدليب هو احدى تخريجات الاوزان الابتدائية الاساسية للطمبور !
وهذا صحيح ! لان النعام و صديق احمد لمن يدخلو بالاغنية في حالة صولو موسيقى مصحوب بالصفقة و ضربة الاقدام الحارة ، فان ما يخرج من الطمبور بالاساس هو ايقاع الدليب لحما و دما !!
.. و انا بدورى احيل الامر لعزيزنا يوسف الموصلى ، و استاذنا شوقى حمزه ! "
و خلافا للطمبور ، ظل العود الوافد للسودان حديثا من مصر و متحدرا من المجالس العربية القديمة لاسحق الموصلى ، و ابراهيم المهدى و زرياب ، ظل حبيس المدن الكبيرة ، و لم تتم دوزنتو خماسيا الا بعد حين طويل من دخولو للسودان
نلاحظ ان السر عبد الله دوزن مبكرا الكمان العربى - الاروبى وفقا لتقاسيم الخماسى ! بينما ظل خليل فرح ، و عبد القادر سليمان واولاد بنى يعزفون العود داخل المجالس المغلقة ردحا من الزمن وفقا للمقام العربى السباعى !
... السؤال الهام : من الذى اخرج المقام و العروض العربى ( من نهاوند و بياتى ) من السلم السباعى ، ودوزن العود علي نهج المقام الخماسى السودانى ! ؟
.. هل تمت تلك العملية عفوا ! ام قصدا و بوعى ! الإجابة موجودة في الدائرة العبقرية المكونة من :
( اسماعيل عبد المعين ، محمد آدم ادهم ، عبد الرحمن الريح ، سعدية العوادية ، صانع الاعواد عبد الحميد الحاج اللي علم عبد الرحمن الريح العود ، و لا ننسى ضمن هذه الدائرة طلائع الوطنيين السودانيين فى سلاح موسيقى التشكيلات الاولي لقوات دفاع السودان )
.. لكن مهم جدا ملاحظة انو كرومة كاول موسيقى سودانى صريح و سابق للمذكورين اعلاه ، كان قد انشأ ، و بالاعتماد علي ميلوديا الفم و الرق و كمنجة السر و اكورديون وهبة ، تراث ضخم من الجُمل اللحنية المصاغة خماسيا !
... با معاوية : بالرجاء ارفع لينا طمبور ابو عبيدة حسن في اغنية حسن الزبير : يا عقد الجواهر يا الضواى و باهر !! فيها بنشوف تصالح عالي ما بين اوزان الطمبور الخماسية و اشتقاقات التم تم بوصفو ايقاع مرن و متسع
Post: #296 Title: Re: د / أحمد طراوة ___ فى ندوة عن تاريخ الغناء فى السودان . Author: Moawia Mohammed Date: 08-13-2007, 09:58 AM Parent: #1
فوق
Post: #297 Title: Re: د / أحمد طراوة ___ فى ندوة عن تاريخ الغناء فى السودان . Author: Moawia Mohammed Date: 08-13-2007, 12:45 PM Parent: #1
الفنان أبوعبيدة حسن - عقد الجواهر كل التمنيات له بالشفاء العاجل وأن يعود سالما لمعجبيه مداعبا طمبوره الكهربائي
Post: #298 Title: Re: د / أحمد طراوة ___ فى ندوة عن تاريخ الغناء فى السودان . Author: Moawia Mohammed Date: 08-13-2007, 01:00 PM Parent: #1
نحن عندنا زيك كم - أبوعبيدة حسن
نموذج آخر لطمبور أبوعبيدة مع ايقاع التم تم لأنو صوت الطمبور ما ظاهر في العمل السابق
Post: #299 Title: Re: د / أحمد طراوة ___ فى ندوة عن تاريخ الغناء فى السودان . Author: Moawia Mohammed Date: 08-13-2007, 01:05 PM Parent: #1
فوق
Post: #300 Title: Re: د / أحمد طراوة ___ فى ندوة عن تاريخ الغناء فى السودان . Author: Moawia Mohammed Date: 08-13-2007, 01:06 PM Parent: #1
فوق تاني
Post: #301 Title: Re: د / أحمد طراوة ___ فى ندوة عن تاريخ الغناء فى السودان . Author: Moawia Mohammed Date: 08-13-2007, 01:09 PM Parent: #1
عاصم البنا و ياسر تمتام - امتي أرجع لأمدر وأعوده
Post: #302 Title: Re: د / أحمد طراوة ___ فى ندوة عن تاريخ الغناء فى السودان . Author: Moawia Mohammed Date: 08-13-2007, 01:15 PM Parent: #1
عاصم البنا و ياسر تمتام - زيدني في هجراني
Post: #303 Title: Re: د / أحمد طراوة ___ فى ندوة عن تاريخ الغناء فى السودان . Author: Osman Musa Date: 08-13-2007, 02:04 PM Parent: #302
عاصم البنا وياسر تمتام امتداد اصيل للغناء السودانى لهم التحية والف شكر استاذ معاويه
Post: #304 Title: Re: د / أحمد طراوة ___ فى ندوة عن تاريخ الغناء فى السودان . Author: أحمد طراوه Date: 08-13-2007, 02:12 PM Parent: #1
... شكرا يا معاوية !
.. بتودينا الان في دروب عمر البنا ! .. و سهل البطانة ، و بحر ازرق ، وتمساح الدميرة البباري عود الكليت الجايبو التيار من هضبة الحبشة ! عود الكليت العزيز لدى نساء السودان و اللي بسببو عمر البنا كاد ان يضيع سدى يوم قفز عكس التيار و صارع تمساح الكبلو ضارب اللّية علشان يجيب العود الاثير لبنية رفاعة الجميلة !! كان عمر على نهج ابوصلاح : اضيع في هواك يا مهفهف حرام !
... بنمشى الان في دروب امدرمان القديمة و ناقة عمر البنا الحايمة جوة المدينة و كلاب الصيد بتاعت محمد حسن الجقر الرامحا بين فتيح و الخور و المزالق !
... و البطانة ملهمة .. و قشها بلاقي ! يعنى خريفا بجيب قش بقعد للخريف الجاى .. قليعات الرزق امست تِعولن ماطرة .. حمريبن طلق ريحة الفلير و الباترا !!
.. و الخبر الاكيد قالو البطانة اترشت .. ساريتن تبقبق للصباح ما انفشت !! مدد يا بت طلحة و يا منصور المسادير ..
عاصم البنا و ياسر تمتام ! تكامل الصوت الندى و روعة الاداء ! عاصم راوية لعمر البنا و تمتام راوية لعتيق و نحن المستفيد ..
ايضا راوية هام لعمر البنا هو صديقو و قريبو العم / صديق الجمرى منسوب مسقط ! ودى سيرة و اتفتحت زي ما بقولو ناس قناة المستقبل !
امتى ارجع لامدر و اعودا .. زيدنى في هجرانى .. و بزوغ فجر تحالف نهاية العشرينات الفنى ، بين البنا و كرومة !
.. ظهرت عبقرية كرومة ، و الجمل اللحنية الجديدة ، و بدا كسر حلقة الرتابة الموسيقية و اترسم بالفعل خط جديد في الغنا السودانى
عمر كان فارس مغوار بقول : مدفع الرزام طلقاتو من صدرك .. تعرفنى ام رشوم و انا بعرف الفيها . . النار و لعت بايدى بطفيها ! ودى ملحمة طويلة في الحماسة اسمها اخوان آمنة ! .. لكن عمر برضو كان عاشق رقيق عريكتو بجد لينة و بقول برضو :
... حن علي جفاك .. و الله كاد يمحانى ! على عفافك دوم .. سيبنى في نيرانى !!
... نسمع ، و نتأمل .. و نواصل مناقشة معالم الانتقال الكبير اللي عملو كرومة
Post: #305 Title: Re: د / أحمد طراوة ___ فى ندوة عن تاريخ الغناء فى السودان . Author: Osman Musa Date: 08-13-2007, 03:24 PM Parent: #304
رعاك الله يا أحمد طراوة وانت تكتب عن تاريخ الغناء فى السودان عن تلك الأصوات الأصداء تصوير وتسجيل لكل الزغاريد والطبول وصليل السيوف وهز العصى واطلاق البنادق وضرب الدفوف ونقر الشتم وهبك الدلاليك يا سلام عليك يا ايها الرجل المهذب والطيب .
Post: #306 Title: Re: د / أحمد طراوة ___ فى ندوة عن تاريخ الغناء فى السودان . Author: Tumadir Date: 08-13-2007, 03:27 PM Parent: #305
يشهد الله يا أحمد طراوة كتبت ليك مداخلة يعنى قبل دقايق ...
وجيت راجعة ما لقيتا ...
أها كان فى زول جاب ليك مداخلة لقاها واقعه فى بوست تانى ...دى بكون انا ...
لما أرجع بعدين بشوف الموضوع ده مشى على وين ..
ولك التحيات ..."الجسام"....
Post: #307 Title: Re: د / أحمد طراوة ___ فى ندوة عن تاريخ الغناء فى السودان . Author: Moawia Mohammed Date: 08-14-2007, 11:10 AM Parent: #1
فوق
Post: #308 Title: Re: د / أحمد طراوة ___ فى ندوة عن تاريخ الغناء فى السودان . Author: أحمد طراوه Date: 08-14-2007, 02:39 PM Parent: #1
... بيتنا نور يا تماضر !
... و دى اغنية في باب المودة لزولكم ابراهيم عوض عبد المجيد !
.. بكسرا ب الغنائية الراقصة الاسمها جننى وغير حالي الكان بتجلى فيها بُنقز خميس مُقدم .. و بزيد عليها من الهجيج بيتين لمن يقول : يا سلوى .. قلبى شن سوى ! ؟ ودا فعلا سؤال جماهيرى لم يجد اجابة بعد !
.. البيز جيتار ، جميل في اغنية يا سلوى ! بتصاعد جمالو في اللزمة الراقصة اللي بصاحبا الكورس العفوى - الجماهيرى في بيت الاعراس .. البيز في الغنا السودانى و خلافا لموسيقى الهارد روك ، بشتغل وتر - موسيقى و ايقاع برضو !
يعنى نحنا يا تماضر موعودين بكلام عن عود الكليت ، ورنة الخلخال ، و الرشيم الاخضر ، ودرب الطير في سكينة ، و قلوب ناس سيد عبد العزيز المرمية في التنور ، و الديس الغزير اللي قامتا يضاير ..
.. ومنو بالله البت اللي لمن حست بالحب لاول مرة قامت كتبت الاغنية الاثيرة : طارت لي شرارة .. و حرقتنى بنارا ! و شكيت الناس لربى الطلقو النار في قلبى !
.. نحنا عاوزين نفهم اكتر قصة الغنا اللي ما معروف سيدو ! على شاكلة: ادانى التحية و المنام ابى ليا .. العجب حبيبى ! احساسى انو كتبوهو بالاساس بنات مرهفات !!
.. الغنا اللي ما معروف سيدو ، اتفجر تحت اصداء ثورة التم تم المُعدل في المدن منذ منتصف الثلاثينات من القرن الماضى !
Post: #309 Title: Re: د / أحمد طراوة ___ فى ندوة عن تاريخ الغناء فى السودان . Author: Tumadir Date: 08-14-2007, 06:51 PM Parent: #308
اها يا أحمد طراوة ..كان سألتنى بقول ليك انه الغنا الفى السودان، سودان المركز أو الشمالى أو الجنوبى أو الغربى ... ده أصلو من فعل المرأة ، يعنى كده بالمفتشر ..بها ولها ..
يعنى انا فى اعتقادى انه العاطفة دى صنع نسائى بحت .."ده فى العالم أجمع" ...وبالخصوص فى السودان ..فهى أشد ايلاما
والحب ابو عاطفة ده (مرأوى)...والرجال ديل "ببكوا" من الحرمان.... وعدم "الوصل" ... لكن ما من شدة العاطفة ..وكل البكاء يؤدى الى الحزن وكل الحزن هو احتمال آخر للغناء..
المرأة تغنى وتتستر على صنعتها بدوافع تأمينية ...زيها وزى أى "حزب شيوعى" ...تتسترعلى شعرها المغنى "أى عواطفها" كما على جسدها ..خوفا من العوازل "وشكيت الناس لربى"...لأن الناس يطعننونها فى كرامتها اذا انكشف أمرها ، ويستخدمونه للتنقيص من انسانيتها وانوثتها على السواء
فالرجل والابوين والقيم كلها تبشر للمرأة التى هى hard to get ، الدر المصون، والسيدو معلى سورو، والصعب المنال...فكيف لها أن تتبجح وتعلن عن عواطفها هكذا وتطالب بحقوقها الادبية كما يفعل الرجال؟ كلا وكلا و"سم" كلا يا عملات المرة ..القالت بس عجبتنى "سم" دى ...من دون الباقيات.. ويكون من السهل عليها أن تندس وسط "البنوت" ليصدحن معا بالموت مع الجماعة ...ويشرن للاخضر الليمونى ..أو المشلخ تى ...ى أشارات مبهمة قد تصيب وقد تخيب ...ولكن لا لألأجرأة ولا للخروج على النسق...
أما الرجل فيشنق طاقيته ويقف فى وسط( الكميونتى ) ناقرا على طنبوره، أو على "رقه" ..او عوده ...ويشدو بأكذب الشعر أعذبه ...وياكل عشا الفنانين ويقبض العداد ويمشى البيت ...يشرب لبينته وينوم ...
والله لا وراكم يا معشر الرجالة ...عذاب الحب الكتامى البجيب "الحجروك عليا" واخواتها .... ههههههه
لك المحبة...وفى البوست الضايع هنيتك بالعرس الميمون ولا يزيدنى الا بهجا أن أعيد.
Post: #310 Title: Re: د / أحمد طراوة ___ فى ندوة عن تاريخ الغناء فى السودان . Author: Moawia Mohammed Date: 08-14-2007, 10:51 PM Parent: #1
فوق
Post: #311 Title: Re: د / أحمد طراوة ___ فى ندوة عن تاريخ الغناء فى السودان . Author: Moawia Mohammed Date: 08-15-2007, 09:59 AM Parent: #1
up
Post: #312 Title: Re: د / أحمد طراوة ___ فى ندوة عن تاريخ الغناء فى السودان . Author: Osman Musa Date: 08-15-2007, 02:44 PM Parent: #311
دخلت .. دخلت تماضر ( يا ناس الكميونتى ) ( نكورك ؟ جات تربعت البدر راق الجو وطابت ليالى مسارح امدرمان عم السرور والحبور البنيات فى حلقة الرقص والأرض تهتز تحت ارجل العارضين الف مراحب . مرحب لقد فاح العبير لك التحية اخت تماضر على الحضور الجميل .
Post: #313 Title: Re: د / أحمد طراوة ___ فى ندوة عن تاريخ الغناء فى السودان . Author: Osman Musa Date: 08-15-2007, 05:14 PM Parent: #312
التحية للفنان تمتام وهو يعتلى المساحات العملاقه. ابشروا بالخير سوف يمتد الغناء فى السودان كل عام تتفجر جنبات النيل كل سنه تهب الرياح على النخيل كل زمان تلد النساء وتربى _ رعاهن الله بنات النيل _ حول بعد حول و حلوق المغنين تشرب من خمر تلك الجنات له التحية تمتام الذى يحاول أن يتم المسير فى الطريق بى ( مهله )
Post: #314 Title: Re: د / أحمد طراوة ___ فى ندوة عن تاريخ الغناء فى السودان . Author: Osman Musa Date: 08-16-2007, 04:07 AM Parent: #313
فى انتظارك د / أحمد القرشى
Post: #317 Title: Re: د / أحمد طراوة ___ فى ندوة عن تاريخ الغناء فى السودان . Author: Moawia Mohammed Date: 08-16-2007, 11:44 AM Parent: #314
up
Post: #318 Title: Re: د / أحمد طراوة ___ فى ندوة عن تاريخ الغناء فى السودان . Author: yasiko Date: 08-17-2007, 02:11 AM Parent: #317
UP
Post: #319 Title: Re: د / أحمد طراوة ___ فى ندوة عن تاريخ الغناء فى السودان . Author: yasiko Date: 08-17-2007, 02:18 AM Parent: #318
الأستاذ عثمان موسى ود. أحمد طراوة سلام كم تجداني آسفاً لما جرى لهذا البوست الجميل لقد رفعت الفيديو أدناه أمس مما أدى إلى إغلاق الصفحة وحاولت سحبه لكن لم أجد المعينات فهي محجوبة ايضاً لذلك اقترح مكاتبة الباشمهندس بكري لسحب المداخلة "الفيديو" أو تعديل الصفحة أو الاستمرار في الكتابة من خلال المداخلة قبل الأخيرة كما فعلت الآن ورفع الصفحة مرات متكررة حتى نتمكن من قلبها إلى الصفحة الخامسة أكرر اسفي يس
Post: #320 Title: Re: د / أحمد طراوة ___ فى ندوة عن تاريخ الغناء فى السودان . Author: Moawia Mohammed Date: 08-17-2007, 12:01 PM Parent: #319
UP
Post: #322 Title: Re: د / أحمد طراوة ___ فى ندوة عن تاريخ الغناء فى السودان . Author: Osman Musa Date: 08-17-2007, 11:53 PM Parent: #320
نتابع
Post: #324 Title: Re: د / أحمد طراوة ___ فى ندوة عن تاريخ الغناء فى السودان . Author: yasiko Date: 08-18-2007, 02:26 AM Parent: #322
Up
Post: #325 Title: Re: د / أحمد طراوة ___ فى ندوة عن تاريخ الغناء فى السودان . Author: Osman Musa Date: 08-18-2007, 02:35 AM Parent: #322
استاذ YASIKO يازول الف سلام والف شكر على الفديو الجميل لا تتاسف يا أخى العزيز . البوست بوستك وانت انسان فنان بحق ارجو أن تكون عافيه تحياتى
Post: #326 Title: Re: د / أحمد طراوة ___ فى ندوة عن تاريخ الغناء فى السودان . Author: Moawia Mohammed Date: 08-18-2007, 02:16 PM Parent: #325
UP
Post: #327 Title: Re: د / أحمد طراوة ___ فى ندوة عن تاريخ الغناء فى السودان . Author: أحمد طراوه Date: 08-18-2007, 03:13 PM Parent: #326
... شكرا يا سيكو
بقينا فعلا داخل روضة غنا ! السر قدور ، و عاصم ، و فرفور ، و تمتام !
وديل ناس عبيد عبد الرحمن الكانو زمان في حدائق شمبات ايام الجمعة ! يوم في الدهر فنا .. شهدنا الزهرِ غنا !! الجمعة في شمبات جميلة عند ترباس !
.. تصور زهور بتغنى و بتجادع في الطيور !
.. مصطفى بطران هو شاعر الطبيعة الاول ! لازم ناخد وقفة في جماليات شعر الطبيعة عند عتيق و العبادى ..
اطرد الاحلام يا جميل و اصحا .. قوم نقضى الليل قي ضفاف النيل ننشد الفسحا
Post: #328 Title: Re: د / أحمد طراوة ___ فى ندوة عن تاريخ الغناء فى السودان . Author: Souad Taj-Elsir Date: 08-18-2007, 07:06 PM Parent: #327
ياسلام يا دكتور أحمد ومواصلة سردك الرائع الجميل.
بِذكر الشاعر البديع محمد بشير عتيق في خِضم انسياب النيل لابد من الوقوف على ضفاف كلماته العذبة: ما بنسى ليلة كنا تايهين في سمر بين الزهور أنا وانت والنيل والقمر
إذ في بعض أبياتها من البلاغة ما هو بديع وأيضاً تطويعه أوصاف النحو شِعراً مُموسقاً، مثلما في:
الليل هدأ والجو صِفا وغاب الأتر والنسيم بجيب من توتي أصوات المَتَر أنا يا جميل بي صوت ضميري المُسْتَتَر من شِعري كم اسمعتك ألحان بي وتَر
أو في إنفجار الدمع وإيقاظ "سُكّان الشجر" مثلما في:
أنا بي غرامك ياحبيب دمعي إنفجر وانا بي غُناك ايقظت سُكّان الشجر قُبال اراك انا كنت في حيرة و ضجر اليوم حُظيت بلقاك يا ظبي الحُجَر
ليت بالإمكان الإستماع لأداء ترباس البديع (سولو)، أو جزئياً مع سميرة دنيا لهذه الأُغنية الرائعة كلماتاً ولحنا.
صادق المودة لكم جميعاً.
Post: #330 Title: Re: د / أحمد طراوة ___ فى ندوة عن تاريخ الغناء فى السودان . Author: Osman Musa Date: 08-19-2007, 02:35 AM Parent: #328
up
Post: #331 Title: Re: د / أحمد طراوة ___ فى ندوة عن تاريخ الغناء فى السودان . Author: Osman Musa Date: 08-19-2007, 02:42 AM Parent: #330
استاذة سعاد سلامات النسيم والوتر وحسك المرهف جابوك من اواخر الدنيا الف شكر والف تحية
Post: #332 Title: Re: د / أحمد طراوة ___ فى ندوة عن تاريخ الغناء فى السودان . Author: Osman Musa Date: 08-19-2007, 02:53 AM Parent: #331
استاذ سيكو ياسلام عليك كتر خيرك يا أخى العزيز لك التحية وانت تضع صورة العملاق السر قدور متعه الله بالصحة حزمه من السنوات فى خدمة الشعر المسرح والفن له تحية من القلب
Post: #333 Title: Re: د / أحمد طراوة ___ فى ندوة عن تاريخ الغناء فى السودان . Author: Osman Musa Date: 08-19-2007, 03:16 PM Parent: #332
نتابع معكم الندوة يا د / أحمد ونستمع الى المجموعه الباهرة لهم التحية
Post: #334 Title: Re: د / أحمد طراوة ___ فى ندوة عن تاريخ الغناء فى السودان . Author: Osman Musa Date: 08-19-2007, 07:01 PM Parent: #333
أحمد طراوة انشاء الله عافيه تحياتى
Post: #335 Title: Re: د / أحمد طراوة ___ فى ندوة عن تاريخ الغناء فى السودان . Author: Osman Musa Date: 08-20-2007, 03:22 AM Parent: #334
شنو يا شباب ؟
Post: #336 Title: Re: د / أحمد طراوة ___ فى ندوة عن تاريخ الغناء فى السودان . Author: أحمد طراوه Date: 08-20-2007, 09:06 AM Parent: #335
... تحياتى تجر مجرى البسفور لسعاد و تماضر..
.. ونعود دون شك عاجلا لموضوع الغنا المامعروف سيدو و كذلك ملامح الطبيعة في شعر عتيق و مصطفى بطران صاحب الريادة !
وفعلا يا سعاد الناس البكونو قاعدين في شاطى ابوروف ناحية مراكب متولى ، نسيم شمبات بجيب ليهم اصوات المتر (بوابير الابار ) بتاعت توتى ! ايقاع صوت البابور البعيد و خفيض ببقى خلفية متسقة مع الاحاديث و الهمس و السمر
.. خليل فرح برضو بعد هزيمة 1924 رحل من حى الترس الجنب كلوزيوم وسكن بحرى و تاثر بضواحيها القديمة وكتب عن القنيص في معية جمجوم كلب يهود الخرطوم قديما ، و تعلقت روحو بالطبيعة الواديها ساكن .. المافى زيها قط في الاماكن ! النال و الشيح و الخزام (اللافندر) دا كلو كلام محبب لدى الطيب ود شيقوق الطول الغياب !!
بطران عاشق لليل ( فالليل نهار العاشقين كما قال جماع ) ! بطران بقول : هبّ جانا النسيم عليل .. طول يا ليل ! ليلنا بنهارنا متصل .. و نومنا من عينا مُنفصل ! وبقول برضو : زمن الربيع حلا .. وفتح الزهر بسام !! وارجع واقول دا النيل .. الفيهو وز و حمام !
.. البوست دا يا عثمان انت شايلو شمعة ! ونحنا معاك بنسقيها الحنان و نصونا .. ضوها ما فتر !!
Post: #337 Title: Re: د / أحمد طراوة ___ فى ندوة عن تاريخ الغناء فى السودان . Author: Osman Musa Date: 08-20-2007, 01:35 PM Parent: #336
نتابع معكم يا د / أحمد طراوة عمنا بطران
Post: #338 Title: Re: د / أحمد طراوة ___ فى ندوة عن تاريخ الغناء فى السودان . Author: Osman Musa Date: 08-21-2007, 02:26 PM Parent: #337
استاذ الطيب شيقوق سلامات الزول جاب لك النال والشيح والخزام قساسيب قساسيب اها مالك ... لك الف تحيه أخى العزيز
Post: #339 Title: Re: د / أحمد طراوة ___ فى ندوة عن تاريخ الغناء فى السودان . Author: Osman Musa Date: 08-21-2007, 08:37 PM Parent: #338
نتابع
Post: #340 Title: Re: د / أحمد طراوة ___ فى ندوة عن تاريخ الغناء فى السودان . Author: Elmosley Date: 08-22-2007, 01:07 AM Parent: #339
هذه معلومة بسيطة عن ايقاع الفوكس تروت ============================= هو ايقاع هرولة الثعلب وهو ايقاع من الضرب الثنائي وتتكون المازورة فيه من اربعة ضربات من فئة النوار وتكون هنالك ضربتين قويتين في هذا الايقاع هما الاولى والثالثة والايقاع نفسه مصحوب برقصة يرقصها رجل وامراة سويا حيث تنعكس حركات الرجلين بينهما فبينما تقد المرأة رجلها اليسري فان الرجل يقد اليمنى والعكس صحيح يمكنكم القراءة في هذه الوصلة عن الضرب الايقاعي لما يسمى بالفوكس تروت وسماع موسيقى غربية تعبر عن الشكل الحقيقي لذلك الايقاع مع تحياتي ولي عودة
Post: #347 Title: Re: د / أحمد طراوة ___ فى ندوة عن تاريخ الغناء فى السودان . Author: Osman Musa Date: 08-24-2007, 03:38 AM Parent: #340
استاذ الموصلى حبابك وانت تفرد البهاء على البوست . الله يديك العافيه يا أبوهديل . تحياتى وشكرى الجزيل اليك .
Post: #341 Title: Re: د / أحمد طراوة ___ فى ندوة عن تاريخ الغناء فى السودان . Author: Ishraga Haimoura Date: 08-22-2007, 12:51 PM Parent: #339
نتابع بشغف هذا الجمال
Post: #343 Title: Re: د / أحمد طراوة ___ فى ندوة عن تاريخ الغناء فى السودان . Author: محمد صباحى Date: 08-23-2007, 11:14 AM Parent: #341
up
Post: #344 Title: Re: د / أحمد طراوة ___ فى ندوة عن تاريخ الغناء فى السودان . Author: Moawia Mohammed Date: 08-23-2007, 12:52 PM Parent: #343
Rhythm Foxtrot Overview
The Rhythm Foxtrot is a straightforward and rhythmic dance, and rather sociable at that. It has the standard slow-slow-quick-quick timing of the classic Slow Foxtrot, but takes much less effort to master and is therefore an ideal dance for a beginner to learn. It is always danced in competitions up to the higher levels, whereafter the couples move on to the Slow Foxtrot.
Background
The Rhythm Foxtrot has the same origins as the Slow Foxtrot (which is the standard Foxtrot). The Rhythm was developed with the express purpose of having a dance much like the very popular (back then) Foxtrot, but without the serious intricacies and amount of travelling, making it a more sociable Foxtrot. It is even possible that the Rhythm Foxtrot is more like the original Foxtrot than the evolved Slow Foxtrot.
Post: #345 Title: Re: د / أحمد طراوة ___ فى ندوة عن تاريخ الغناء فى السودان . Author: Elmosley Date: 08-23-2007, 01:01 PM Parent: #344
لا شكر علي واجب ياعزيزي معاويه وشكرا لدكتور طراوة وعثمان علي هذا البوست الجميل
Post: #349 Title: Re: د / أحمد طراوة ___ فى ندوة عن تاريخ الغناء فى السودان . Author: Osman Musa Date: 08-24-2007, 03:48 AM Parent: #343
ودصباحى الف شكر على المتابعه لك التحية أخى العزيز
Post: #348 Title: Re: د / أحمد طراوة ___ فى ندوة عن تاريخ الغناء فى السودان . Author: Osman Musa Date: 08-24-2007, 03:44 AM Parent: #341
Post: #350 Title: Re: د / أحمد طراوة ___ فى ندوة عن تاريخ الغناء فى السودان . Author: Osman Musa Date: 08-24-2007, 03:59 AM Parent: #348
استاذ معاويه الله يحضرنا عرسك قول يامين اليوم داك هو نان جلد نصاح الدم من الصحافه لى الحزام الأخضر واللقيمات بالقدح تقول لى شندوشتى وبستكولا وكوركولا لك التحيه اخى العزيز
Post: #351 Title: Re: د / أحمد طراوة ___ فى ندوة عن تاريخ الغناء فى السودان . Author: Osman Musa Date: 08-24-2007, 04:48 AM Parent: #350
التحية للصديق العزيز أحمد المك الموسيقار والرياضى الذى يعمل فى صمت ارجو له التوفيق والسداد فى كل ما يقوم به
Post: #352 Title: Re: د / أحمد طراوة ___ فى ندوة عن تاريخ الغناء فى السودان . Author: أحمد طراوه Date: 08-24-2007, 08:12 AM Parent: #351
... جميل كان !
.. ذلك هو الراحل خليل اسماعيل !
... بديع وهو يبدا كلمات ابو قطاطى التى تقول : بكرة يا قلبى الحزين تلقى السعادة
وذلك بعد ان يصدح برمية سرت بين الركبان ماخوذة من قصيدة لعلى بن ابى الجهم ضمن ما فيها : و للايام صروفُ تجورُ و تعدلُ .. وافضل اخلاق الرجال التجملُ
مودتى لكم اشراقة و ود صباحى و عزيزنا الموصلى .. حار العزاء لكل قبيلة الفن فى الراحل خليل اسماعيل ! لا نملك في الاعتراف بفضله و دوره و لونيته المتميزة سوى ان نواصل ترديد جميل غنائه
" الغزال حاسدك عشان فيكى الضمير ! و الهلال من نور جبينك يستعير .. بسحروك الناس عشان ما بشبهوك .. "
Post: #353 Title: Re: د / أحمد طراوة ___ فى ندوة عن تاريخ الغناء فى السودان . Author: Osman Musa Date: 08-24-2007, 03:57 PM Parent: #352
له الرحمة
Post: #354 Title: Re: د / أحمد طراوة ___ فى ندوة عن تاريخ الغناء فى السودان . Author: Osman Musa Date: 08-25-2007, 05:15 AM Parent: #353
استاذ محمد المرتضى ارجو أن تكون رايق لك التحيةأخى العزيز
Post: #355 Title: Re: د / أحمد طراوة ___ فى ندوة عن تاريخ الغناء فى السودان . Author: Osman Musa Date: 08-25-2007, 02:23 PM Parent: #354
التحية للصديق الفنان الشامل الفرجونى وهو يعطر سماء السودان عوده موفقه يافرجونى الف تحية
Post: #356 Title: Re: د / أحمد طراوة ___ فى ندوة عن تاريخ الغناء فى السودان . Author: Osman Musa Date: 08-25-2007, 06:53 PM Parent: #355
فى انتظارك يا قرشى
Post: #357 Title: Re: د / أحمد طراوة ___ فى ندوة عن تاريخ الغناء فى السودان . Author: Osman Musa Date: 08-26-2007, 02:32 PM Parent: #356
التحية عطره استاذ محمديه الموسيقار الساحر جبل من المواهب وكما قال محمد وردى نجاحى فى الغناء يعود الى محمديه وعربى وتك اجمل شهاده التحيه لهم جميعا
Post: #358 Title: Re: د / أحمد طراوة ___ فى ندوة عن تاريخ الغناء فى السودان . Author: Osman Musa Date: 08-26-2007, 06:50 PM Parent: #357
الطيب شيقوق خبرك شنو؟
Post: #359 Title: Re: د / أحمد طراوة ___ فى ندوة عن تاريخ الغناء فى السودان . Author: Osman Musa Date: 08-26-2007, 11:25 PM Parent: #358
كدى يا د/ صلاح الزين شوف عمك السر قدور ده طربان كيفن الله يديو العافيه يارب
Post: #360 Title: Re: د / أحمد طراوة ___ فى ندوة عن تاريخ الغناء فى السودان . Author: Ishraga Haimoura Date: 08-27-2007, 11:09 AM Parent: #359
خالص العزاء للشعب السوداني في وفاة القامة خليل إسماعيل
Post: #361 Title: Re: د / أحمد طراوة ___ فى ندوة عن تاريخ الغناء فى السودان . Author: Osman Musa Date: 08-27-2007, 01:50 PM Parent: #360
اشراقه الاخت العزيزة سلامات الف شكر على المرور الجميل الف تحيه ولكى الشكر الجزيل
Post: #362 Title: Re: د / أحمد طراوة ___ فى ندوة عن تاريخ الغناء فى السودان . Author: Osman Musa Date: 08-27-2007, 09:32 PM Parent: #361
د/ سعاد سلامات عودى الى ضفاف كلمات عتيق. فى انتظارك لك التحية
Post: #363 Title: Re: د / أحمد طراوة ___ فى ندوة عن تاريخ الغناء فى السودان . Author: Osman Musa Date: 08-27-2007, 11:54 PM Parent: #362
فى انتظارالاستاذ الموسيقار الفنان الموصلى .
Post: #364 Title: Re: د / أحمد طراوة ___ فى ندوة عن تاريخ الغناء فى السودان . Author: أحمد طراوه Date: 08-28-2007, 09:04 AM Parent: #363
... مودتى لكم جميعا ... اكيد نعود لتلك القضايا المعلقة
... دمتى يااشراقة
... رسخ الراحل خليل اسمعيل في مسامع و وجدان الناس الباحثين عن غدِ افضل عندما شق بصوته الالطو المتميز عنان ذلك التصوير الغنائى الملحمى لهاشم صديق الملك :
" كان في الخطوة بنلقى شهيد ... بدمو بيرسم فجر العيد ! "
او تلك الامال المعقودة على عودة دوران حركة بيع محصول الكمبا و التبادل السلعى - النقدى ما بين اراضى التونج واسعة الانتشار و سوق كفياكانجى !
فكلما نشطت حركة التجارة في جنوبنا الحبيب ، كلما توجهت قوى الفعل الاقتصادى - السياسى الجنوبى شمالا و نحو خيار الوحدة ! هكذا كان يقول و يرى الرجل كبير العقل بعيد النظر عبد الخالق محجوب : في وحدة السوق الداخلى ونهضة قواه الاجتماعية (وليس في الاتفاقيات السياسية وحسب) تكمن مقومات وحدة البلاد !
محبتنا للسودان باقية ، و للراحل باقية .. محبة تحلق كما قال عثمان حسين : مثل طائر في سماهو .. في شريعتو الحب مباح !
Post: #365 Title: Re: د / أحمد طراوة ___ فى ندوة عن تاريخ الغناء فى السودان . Author: Osman Musa Date: 08-28-2007, 02:25 PM Parent: #364
ياسلام عليك ياطراوة اها دش لك التحية
Post: #366 Title: Re: د / أحمد طراوة ___ فى ندوة عن تاريخ الغناء فى السودان . Author: Osman Musa Date: 08-28-2007, 08:33 PM Parent: #365
نتابع مع د/ أحمد طراوة الندوة لكم جميعا اكاليل الورد .
Post: #367 Title: Re: د / أحمد طراوة ___ فى ندوة عن تاريخ الغناء فى السودان . Author: Osman Musa Date: 08-29-2007, 04:18 AM Parent: #366
نتابع مع د/ أحمد طراوة .. تاريخ الغناء فى السودان
Post: #368 Title: Re: د / أحمد طراوة ___ فى ندوة عن تاريخ الغناء فى السودان . Author: Osman Musa Date: 08-29-2007, 02:25 PM Parent: #367
التحية للمجموعة والعملاق السر قدور
Post: #369 Title: Re: د / أحمد طراوة ___ فى ندوة عن تاريخ الغناء فى السودان . Author: Osman Musa Date: 08-29-2007, 10:21 PM Parent: #368
نتابع الندوة _____
Post: #370 Title: Re: د / أحمد طراوة ___ فى ندوة عن تاريخ الغناء فى السودان . Author: Osman Musa Date: 08-30-2007, 03:44 PM Parent: #369
فى الانتظار بكم نتابع
Post: #371 Title: Re: د / أحمد طراوة ___ فى ندوة عن تاريخ الغناء فى السودان . Author: Osman Musa Date: 08-30-2007, 10:35 PM Parent: #370
التحية للفنان الموسيقار الضخم الفخم محمد عثمان وردى 50 سنه من الابداع الف تحية اليك
Post: #372 Title: Re: د / أحمد طراوة ___ فى ندوة عن تاريخ الغناء فى السودان . Author: Osman Musa Date: 08-31-2007, 03:59 AM Parent: #371
نتابع معكم ندوة تاريخ الغناء فى السودان
Post: #374 Title: Re: د / أحمد طراوة ___ فى ندوة عن تاريخ الغناء فى السودان . Author: سمية الحسن طلحة Date: 08-31-2007, 12:49 PM Parent: #372
.. و الخبر الاكيد قالو البطانة اترشت .. ساريتن تبقبق للصباح ما انفشت !! مدد يا بت طلحة و يا منصور المسادير ..
د. أحمد طراوة حينما أطلقت هذا النداء للمدد.. أنا كنت بالفعل في ركن قصي من قلب البطانةأتنسم رائحة البرم والطلح والمحريب والنال .. وأتنعم بالعفا الذي يجلب العافية .. فلاحاجة لبنسلين ودكاترة هناك ، ولا حتي لسبل مواصلات أو إتصالات حديثة ، فذلك السحر يقهر كل أنظمة التكنولوجيا ولايبالي ... ولا وسيلة نقل تعلو علي الجمل الآصهب (أب قماقمن قاطرة) ولا حتي الشبكة العنكبوتية .. قِليعات الرزق أمست تِعولِـن ماطـرة ومحريبن فتق جاب ريحة الفليروالباترة كان دوَّرتهن فوق أب قمَاقمن قاطرة تضوق العافية من غير بنسلين ودكاترة المحريب هو نبات زكي الرائحة عندما تأكله المواشي تظهر رائحته ولونه فى طعم ولون حليبها ، وهذا بدوره يظهر علي لون ورائحة من يشرب هذا الحليب خصوصا عند ما يفتق بنزول المطر .. وكلمة فتق هذه ذات دلالة عميقة المعنى في تلك البيئة .. عندما يجتمعن البنات في بيت العرس لدق الريحة الناشفة .. كالصندل والمحلب والمسك والقرنفل.. بعد داك يقولوا دايرين نفتق الريحة ، يعنى يكبو عليها الأمياه زى الفلير والصندلية وباريس وباترا وبت السودان وصاروخ وقلامور وريفدور.. وهنا تفوح الرائحة العطرة ، تماما عندما تصب المطرة علي المحريب فيفتف ، حينما تمسى التعول.. أي السحب القريبة .. ما طرة ، ونفس الشىء فتق الدهن بإضافة المجموع والسرتية ..إلخ .. عشان يعملوا الكركار .
Post: #375 Title: Re: د / أحمد طراوة ___ فى ندوة عن تاريخ الغناء فى السودان . Author: Osman Musa Date: 08-31-2007, 02:31 PM Parent: #374
ريحة قليعات ... الزرق امسن تعولن ماطرة حمريبن طلق ريحة الفلير والباترا !! _ هلا هلا ريحة خلقت الله تقول لى TOMMY HILFIGER او LOULOU ريحتنا ديك طعم تانى مش FAKE والله يابت شيخ الحسن مشتهى لى شاى بى محريب متقريف قريفه شديده بلحيل وخايف فى امريكا يفتكروه من المصايب العجيبه ديك _ اها ارجع اقولك والله بختك بزيارة الاهل فى ذاك الركن القصى الذى فى القلب. وانشاءالله تضوقى العافيه من غير بنسلين ودكاترة ليك والوليدات السلام
Post: #376 Title: Re: د / أحمد طراوة ___ فى ندوة عن تاريخ الغناء فى السودان . Author: أحمد طراوه Date: 08-31-2007, 02:52 PM Parent: #375
Post: #391 Title: Re: د / أحمد طراوة ___ فى ندوة عن تاريخ الغناء فى السودان . Author: Osman Musa Date: 09-02-2007, 04:35 PM Parent: #390
ولدك الموصلى ياودالبصير قال بلحكن فى الدرب اها . فى رجاكن
Post: #392 Title: Re: د / أحمد طراوة ___ فى ندوة عن تاريخ الغناء فى السودان . Author: Osman Musa Date: 09-02-2007, 08:08 PM Parent: #391
وانا فى دربى على الشقل يا بت شيخ الحسن اشتريت لى موية. الموية مكتوب عليها Dear park spring water الطعم بس طعم علاج الكتكوته. مسيخه مساخة البعاد من الاهل . ياحليل المحريب ناس ود البصير ديل ما غنو ساكت غناء طاعم طعم المحريب . ليك سلام كتير وحبابك يا سمية بت شيخ الحسن
Post: #393 Title: Re: د / أحمد طراوة ___ فى ندوة عن تاريخ الغناء فى السودان . Author: Osman Musa Date: 09-02-2007, 10:04 PM Parent: #392
معاويه شنو ؟
Post: #394 Title: Re: د / أحمد طراوة ___ فى ندوة عن تاريخ الغناء فى السودان . Author: Osman Musa Date: 09-02-2007, 11:02 PM Parent: #393
Post: #395 Title: Re: د / أحمد طراوة ___ فى ندوة عن تاريخ الغناء فى السودان . Author: Moawia Mohammed Date: 09-02-2007, 11:18 PM Parent: #394
فوق
Post: #396 Title: Re: د / أحمد طراوة ___ فى ندوة عن تاريخ الغناء فى السودان . Author: Moawia Mohammed Date: 09-02-2007, 11:18 PM Parent: #395
فوق
Post: #397 Title: Re: د / أحمد طراوة ___ فى ندوة عن تاريخ الغناء فى السودان . Author: Moawia Mohammed Date: 09-02-2007, 11:19 PM Parent: #396
فوق
Post: #398 Title: Re: د / أحمد طراوة ___ فى ندوة عن تاريخ الغناء فى السودان . Author: Moawia Mohammed Date: 09-02-2007, 11:20 PM Parent: #397
تاني فوق
Post: #399 Title: Re: د / أحمد طراوة ___ فى ندوة عن تاريخ الغناء فى السودان . Author: Moawia Mohammed Date: 09-02-2007, 11:21 PM Parent: #398
يلا نبدأ صفحه جديدة
Post: #400 Title: Re: د / أحمد طراوة ___ فى ندوة عن تاريخ الغناء فى السودان . Author: Moawia Mohammed Date: 09-02-2007, 11:21 PM Parent: #399
UP
Post: #401 Title: Re: د / أحمد طراوة ___ فى ندوة عن تاريخ الغناء فى السودان . Author: Moawia Mohammed Date: 09-02-2007, 11:22 PM Parent: #400
هووووبا
Post: #315 Title: Re: د / أحمد طراوة ___ فى ندوة عن تاريخ الغناء فى السودان . Author: yasiko Date: 08-16-2007, 05:29 AM Parent: #1
Post: #373 Title: Re: د / أحمد طراوة ___ فى ندوة عن تاريخ الغناء فى السودان . Author: Moawia Mohammed Date: 08-31-2007, 12:34 PM Parent: #315
فوق
Post: #316 Title: Re: د / أحمد طراوة ___ فى ندوة عن تاريخ الغناء فى السودان . Author: yasiko Date: 08-16-2007, 05:33 AM Parent: #1
UP
Post: #321 Title: Re: د / أحمد طراوة ___ فى ندوة عن تاريخ الغناء فى السودان . Author: Tumadir Date: 08-17-2007, 12:57 PM Parent: #316
شكرا على الترحيب يا سيد يا جيد ... لكن د. أحمد طراوة خلى البوست ...
الحاجات دى بتعقدنى عديييل كده ...
الناس بتخلى بوستها بعد دخلتى طوالى ليه ياربى؟
بقيت شتره ؟؟
غايتو الله كريم
Post: #323 Title: Re: Osman Musa Author: Moawia Mohammed Date: 08-18-2007, 00:11 AM Parent: #1
UP
Post: #329 Title: Re: د / أحمد طراوة ___ فى ندوة عن تاريخ الغناء فى السودان . Author: ASIM AL BANNA Date: 08-18-2007, 11:21 PM Parent: #1
يادكتورنا ياود حلتنا وحبيبنا لو بتعرف انو ريدك كيف بسوى وفينا بعمل مابتفكر يوم تسيبنا ومابتحاول مرة تزعل ... التحية للجميع وربنا يوفقك يا احمد ويسدد خطاك ويابخت واشطون وجيرانا بيك
Post: #342 Title: Re: د / أحمد طراوة ___ فى ندوة عن تاريخ الغناء فى السودان . Author: Ishraga Haimoura Date: 08-23-2007, 09:51 AM Parent: #1
Post: #346 Title: Re: د / أحمد طراوة ___ فى ندوة عن تاريخ الغناء فى السودان . Author: Safia Mohamed Date: 08-23-2007, 02:46 PM Parent: #1
سلام متابعة معاكم صفية
Post: #403 Title: Re: د / أحمد طراوة ___ فى ندوة عن تاريخ الغناء فى السودان . Author: Osman Musa Date: 09-02-2007, 11:34 PM Parent: #346
لكم جميعا الف شكر
Post: #402 Title: Re: د / أحمد طراوة ___ فى ندوة عن تاريخ الغناء فى السودان . Author: Moawia Mohammed Date: 09-02-2007, 11:32 PM Parent: #1
قصــــــــــــــــتنا
Post: #404 Title: Re: د / أحمد طراوة ___ فى ندوة عن تاريخ الغناء فى السودان . Author: Osman Musa Date: 09-03-2007, 04:46 AM Parent: #402
قصتنا ____
د/ طراوة يقوم بتشريح اغنية قصتنا نتابع معه الاستاذ عثمان حسين . بكل الجوارح .
Post: #405 Title: Re: د / أحمد طراوة ___ فى ندوة عن تاريخ الغناء فى السودان . Author: munswor almophtah Date: 09-03-2007, 09:06 AM Parent: #404
الإخوه عثمان موسى ودكتور طراوه لكم السلام والرحمه أبدا لم أغفل عن هذا البوست وقرأت الشرح الرائع عن فتاقة الشيح والمحريب والناله من الأستاذه سميه الحسن طلحه لا بل تمادت فى الشرح وجاءت بتقريب الصوره بفتق الريحه الناشفه بنصفها السائل ليسيل لعاب الميقن المحصن رغما عن أنفه فيا أعزائى هذا خيط كذب من لم يجذبه سحر محتواه وأعدكم بأن أكون فى الجوار................................
منصور
Post: #406 Title: Re: د / أحمد طراوة ___ فى ندوة عن تاريخ الغناء فى السودان . Author: Osman Musa Date: 09-03-2007, 01:58 PM Parent: #405
ده استاذ منصور المفتاح ؟ حوار شيخنا الطيب. يازول مرحبتين حبابك وارجو أن تكون معنا هنا بعد أن جا ود البصير الى صالون طراوة وهناك اجمل خلق الله لهم ولك التحية والتقدير والاحترام.
Post: #407 Title: Re: د / أحمد طراوة ___ فى ندوة عن تاريخ الغناء فى السودان . Author: الطيب شيقوق Date: 09-03-2007, 04:50 PM Parent: #406
حباب عثمان ومشتاقون شديييييييييييييد
مشغول شوية جاييكم راجع
تحياتي لعشاء البايتات الدكتور طراوة
Post: #408 Title: Re: د / أحمد طراوة ___ فى ندوة عن تاريخ الغناء فى السودان . Author: Osman Musa Date: 09-03-2007, 08:02 PM Parent: #407
استاذ الطيب شيقوق شنو؟ والله مشتاقين ليك الشوق بحر اريتك كنت حاضر الليلة ديك صاحبك تضرع فى داك البحر شرقى وبحرى ما خلى شى . لك السلام اخى الطيب الطيب .
Post: #409 Title: Re: د / أحمد طراوة ___ فى ندوة عن تاريخ الغناء فى السودان . Author: Moawia Mohammed Date: 09-04-2007, 06:58 PM Parent: #1
فوق
Post: #410 Title: Re: د / أحمد طراوة ___ فى ندوة عن تاريخ الغناء فى السودان . Author: Moawia Mohammed Date: 09-05-2007, 11:58 AM Parent: #1
فوق
Post: #411 Title: Re: د / أحمد طراوة ___ فى ندوة عن تاريخ الغناء فى السودان . Author: Moawia Mohammed Date: 09-05-2007, 11:16 PM Parent: #1
فوق
Post: #412 Title: Re: د / أحمد طراوة ___ فى ندوة عن تاريخ الغناء فى السودان . Author: سمية الحسن طلحة Date: 09-06-2007, 00:16 AM Parent: #411
أتتني جارتي ذات يوم ضاحكة مستبشرة تحمل ورداً فى كفيها ، قائلة: الياسمينة فتقت ... وحينما تتفتق الذاكرة أو القريحة عن المكنون ، تأتي بالروائع والكنوز .. وقولهم فتق في الثوب ، غير قولهم شرط فى الثوب، فالآخير دليل القدم والبلى أما الفتق يكون بشدة فعل فاعل ، في القماش الجديد ، وعادة مايكون عند ملاقاة قطعتين بالخياطة ، ومنها فتق الجرح بعد البرء .
Post: #413 Title: Re: د / أحمد طراوة ___ فى ندوة عن تاريخ الغناء فى السودان . Author: Ishraga Haimoura Date: 09-06-2007, 10:02 AM Parent: #1
Post: #414 Title: Re: د / أحمد طراوة ___ فى ندوة عن تاريخ الغناء فى السودان . Author: Moawia Mohammed Date: 09-07-2007, 10:47 PM Parent: #413
يا سلام عليك يا بت حيموره
Post: #459 Title: Re: د / أحمد طراوة ___ فى ندوة عن تاريخ الغناء فى السودان . Author: Osman Musa Date: 09-24-2007, 05:11 PM Parent: #413
الف شكر اخت اشراقه على المرور الجميل الف تحية
Post: #415 Title: Re: د / أحمد طراوة ___ فى ندوة عن تاريخ الغناء فى السودان . Author: Moawia Mohammed Date: 09-08-2007, 05:08 PM Parent: #1
UP
Post: #416 Title: Re: د / أحمد طراوة ___ فى ندوة عن تاريخ الغناء فى السودان . Author: Osman Musa Date: 09-09-2007, 05:20 PM Parent: #415
لكم الشكر جميعا ________ راجع اليكم
Post: #417 Title: Re: د / أحمد طراوة ___ فى ندوة عن تاريخ الغناء فى السودان . Author: أحمد طراوه Date: 09-10-2007, 02:39 AM Parent: #1
... دام عليكم الهنا و السرور
با زرعة ، الطيب صالح ، و عبد الخالق محجوب !!
كلِ زى وزن و اثر ! ففى ثلاثتهم حقا اخرجت ارض السودان اثقالها !
ترافقوا في ثانوية وادى سيدنا بعد انشطار الكلية القديمة ، وبصمت عليهم ذات الظروف و العوامل بميسمِها ! ولكن كل منهم كان علي محور التمرد و الفعل الثورى الخاص ..
وبدا عهد الانتلجنسيا الواعد .. و افردت مراكب الزلزلة اشرعتها !
... الماركسية بالوان سودانية علي يد عبد الخالق
.. و السيسيولوجيا بادواتهاالجديدة الماضية تتحول و بسبب عبقرية الطيب الي سرد فنى زاهى شديد الغوص في اعماق المجتمع و النفس البشرية عند بوادى و حضر السودان
... اما با زرعة فقد فجر الرومانس الجريء و العاطفة المُعلنة هكذا مرة واحدة قُبلا سكرى و اوكار مهجورة يلتقى فيها العشاق !! حقا فقد اربك ذلك الخط الجديد في غناء العاطفة و الحب قوى المُحافظة التى كانت للتو قد خرجت مُعلنة هزيمتها في ساحات معركة انكسار طوق مجتمع الحريم و خروج المرأة الي آفاق العمل و الحياة الجديدة ..
.. في لقاء بازرعة و عثمان دلالات و معانى لها نعود .. مودتى لكم جمبعا
Post: #418 Title: Re: د / أحمد طراوة ___ فى ندوة عن تاريخ الغناء فى السودان . Author: محمد عثمان Date: 09-10-2007, 06:47 AM Parent: #1
قلنا نقول سلاااااام...!!! و كل عام و كلكم بخير و تامين و لامين...
Post: #419 Title: Re: د / أحمد طراوة ___ فى ندوة عن تاريخ الغناء فى السودان . Author: أحمد طراوه Date: 09-10-2007, 07:32 AM Parent: #1
... يا محمد عثمان !
و بحق رونق هذه المساحة المزدحمة بتفانين و جماليات الوطن ... اقبل اعتذارى ، ومن بعده حار و صادق عزائى ... و الله ما كنت اعلم حتى نبهنى بحسه السليم اخونا عثمان موسى .. افرحتنا و اطربتنا و اشجيتنا مرارا يا محمد .. فاسمح لنا ان نشاطرك الحزن !
.. في مُرسلات جميل الاغانى ، لك سبق القدح البجُر و الإيد العطاية !
Post: #420 Title: Re: د / أحمد طراوة ___ فى ندوة عن تاريخ الغناء فى السودان . Author: Osman Musa Date: 09-10-2007, 03:11 PM Parent: #419
اخى العزيز محمد عثمان رحم الله والدتنا جميعا والبركة فيكم اخى حاولت الاتصال بكم كثيرا ولم اوفق دعواتنا لها بالرحمة ولكم بالصبر . لك منى التحية اخى العزيز .
Post: #421 Title: Re: د / أحمد طراوة ___ فى ندوة عن تاريخ الغناء فى السودان . Author: Moawia Mohammed Date: 09-10-2007, 04:41 PM Parent: #1
عزيزنا الغالي محمد عثمان البركة فيكم و أحسن الله عزاؤكم وربنا يتقبلها بواسع رحمته ويديكم الصبر والله يا محمد عثمان ما عندي فكره لو ما قريت المداخلتين السابقتين للأخوين طراوه و عثمان يطرشني والله تقبل اعتذاري وأعفي لي ربنا يجعل قبرها روضه من رياض الجنة اللهم آمين
Post: #422 Title: Re: د / أحمد طراوة ___ فى ندوة عن تاريخ الغناء فى السودان . Author: Osman Musa Date: 09-10-2007, 07:59 PM Parent: #421
الاخت اشراقه سلام الف شكر على المرور وخليك على باب الغناء الافراح تمتد لكى الشكر لكى التحية
Post: #423 Title: Re: د / أحمد طراوة ___ فى ندوة عن تاريخ الغناء فى السودان . Author: محمد عثمان Date: 09-10-2007, 08:25 PM Parent: #1
الاخوان...
دكتور طراوة عثمان معاوية..
لكم جزيل الشكر و لا اراكم الله مكروه فى عزيز لديكم و الرحمة و المغفرة لوالدتنا و جميع موتى المسلمين
Post: #424 Title: Re: د / أحمد طراوة ___ فى ندوة عن تاريخ الغناء فى السودان . Author: Osman Musa Date: 09-10-2007, 11:49 PM Parent: #423
سعادة كبيرة بعودة الاستاذ محمد عثمان ركن هام من اركان المنبر لك التحية اخى العزيز
Post: #425 Title: Re: د / أحمد طراوة ___ فى ندوة عن تاريخ الغناء فى السودان . Author: Ishraga Haimoura Date: 09-11-2007, 07:39 AM Parent: #1
مرحبا بعودة الأخ محمد عثمان
Post: #426 Title: Re: د / أحمد طراوة ___ فى ندوة عن تاريخ الغناء فى السودان . Author: Osman Musa Date: 09-11-2007, 02:57 PM Parent: #425
استاذ سيكو ارجو أن تكون عافيه وينك يازول ؟ لك التحية
Post: #427 Title: Re: د / أحمد طراوة ___ فى ندوة عن تاريخ الغناء فى السودان . Author: محمد عثمان Date: 09-11-2007, 04:28 PM Parent: #425
Quote: مرحبا بعودة الأخ محمد عثمان
ذبت وجدا فى هواااك يا حبيبى لم ازل...عائش على سفح الامل
شكرا اشراقة...
Post: #428 Title: Re: د / أحمد طراوة ___ فى ندوة عن تاريخ الغناء فى السودان . Author: Osman Musa Date: 09-11-2007, 05:44 PM Parent: #427
فى لقاء بازرعة وعثمان دلالات ومعانى لها نعود. عود يا دكتور فجر الينابيع ياطراوة ____ حبابك أخ محمد عثمان
Post: #429 Title: Re: د / أحمد طراوة ___ فى ندوة عن تاريخ الغناء فى السودان . Author: Osman Musa Date: 09-11-2007, 11:30 PM Parent: #428
محمد المرتضى يازول انت وين ؟
Post: #430 Title: Re: د / أحمد طراوة ___ فى ندوة عن تاريخ الغناء فى السودان . Author: Osman Musa Date: 09-12-2007, 02:09 PM Parent: #429
الى كل المشاركين فى بوست تاريخ الغناء فى السودان اليكم جميعا اهلى فى السودان وفى كل بلاد العالم _ رمضان كريم وكل عام وانتم عافيه
Post: #431 Title: Re: د / أحمد طراوة ___ فى ندوة عن تاريخ الغناء فى السودان . Author: Moawia Mohammed Date: 09-12-2007, 02:55 PM Parent: #430
الأحبة عثمان طراوه محمد عثمان الضيوف الكرام رمضان كريم وتصوموا و تفطروا علي خير
الأخ عثمان بالله ما تنسي تنقل البوست قبل الأرشفة
Post: #432 Title: Re: د / أحمد طراوة ___ فى ندوة عن تاريخ الغناء فى السودان . Author: Osman Musa Date: 09-12-2007, 07:56 PM Parent: #431
بازرعة = عثمان حسين ___________________
Post: #433 Title: Re: د / أحمد طراوة ___ فى ندوة عن تاريخ الغناء فى السودان . Author: Osman Musa Date: 09-13-2007, 04:50 PM Parent: #432
الشكر للدكتور صلاح الزين الذى يقوم بنشاط مقدر يحاول عمل حوارات جادة بمنتدى الجالية بمنطقة واشنطن الكبرى . تفيد الناس وتربط المهاجرين بالوطن .
Post: #434 Title: Re: د / أحمد طراوة ___ فى ندوة عن تاريخ الغناء فى السودان . Author: Ahmed al Qurashi Date: 09-13-2007, 06:44 PM Parent: #433
الاخ / عثمان موسى
كنت اتمنى ان اشارك فى هذا البوست منذ البداية والكتابة عن صديقى احمد طراوة ولكنك تعرف اسباب غيابى فى الفترة السابقة ولكننى كنت متابعا له وللجمال الذى حواه ...شكرا لك ولكل المشاركين وللعزيز احمد طراوه
Post: #435 Title: Re: د / أحمد طراوة ___ فى ندوة عن تاريخ الغناء فى السودان . Author: Osman Musa Date: 09-14-2007, 01:12 AM Parent: #434
د/ أحمد القرشى فرحانين بيك فرحه شديده يازول ربنا يكفيك شر العوارض نحن نحتاجك _ انت تكتب عن اشياء تجد كل القبول لدى الناس يا أحمد. لك الشكر أخى العزيز
Post: #436 Title: Re: د / أحمد طراوة ___ فى ندوة عن تاريخ الغناء فى السودان . Author: Osman Musa Date: 09-14-2007, 09:06 PM Parent: #435
نتابع معكم __ ندوة الغناء
Post: #437 Title: Re: د / أحمد طراوة ___ فى ندوة عن تاريخ الغناء فى السودان . Author: أحمد طراوه Date: 09-15-2007, 08:06 AM Parent: #1
... مودتى يا قرشى ! هكذا ضهرنا مسنود .. و البوست مؤكد سعر اغلاقو الان عند مستوى خام برنت ..
جاء بازرعة و لسان حاله يقول لشعب السودان قول المتنبي :
.. وعندى لكم الشُرد السائرات ، لا يختصصن في فضاءات الحب دارا .. قوافي اذا سرن عن مقولي .. وثبن الجبال و خضن البحارا !!
... بإرادة غلابة ومن قلب حوارى ديم التعايشة و السجانة القديمة بدا عثمان حسين ابن تنقاسى يشق طريقه الفنى !
في يده عُود صديقه يحيى ابراهيم زهرى ، وهو ذات العود الذى اهله ومنذ 1943 للجلوس كعازف استثنائى خلف الحاج عبد الحميد يوسف ! وهو ذات العود الذى اخرج الجمل اللحنية الاولى لرائعة عتيق حارم وصلى مالك .. و لاحقا كل شعر بازرعة الذى يحمل بذات نفسه غنائية عالية ..
المقدمة الموسيقية في قصتنا ، و من قبلها في الفراش الحائر لقرشى محمد الحسن و محراب النيل للتجانى يوسف بشير ، كلها تحمل بالضرورة اسرار تجربة عثمان و اتجاهات تطوره الشخصى و تطور الغنا السودانى اجمالا ..
لاحظو في قصتنا لزمة العود الموسيقة اللتى تعقب قول عثمان : لكن حنانك لي .. او حتى مشاعرك نحوى ما كانت حقيقة ! انها ليست لزمة ! بل حالة موسيقية قائمة بذاتها ..
... ثم الحوار بين عثمان و الكمنجات الحاضرة اللتى تعقب قوله : كانت وهم ! و عند قوله ايضا كانت دموع ! و كانما الكمنجات ترد بصيغة التاكيد و المواساة ! وهذا ما ادخله اجتهاد عثمان و ما اسماه اهل الميوزكولوجى ب ( the cause and effect )
Post: #438 Title: Re: د / أحمد طراوة ___ فى ندوة عن تاريخ الغناء فى السودان . Author: Ishraga Haimoura Date: 09-15-2007, 09:10 AM Parent: #1
رمضان كريم وكل عام وأنتم بخير
Post: #439 Title: Re: د / أحمد طراوة ___ فى ندوة عن تاريخ الغناء فى السودان . Author: أحمد طراوه Date: 09-15-2007, 03:02 PM Parent: #1
... كريم مُرسلات الغنا من عندك يا اشراقة في ذات كرم هذا الشهر !
حارم وصلى مالك ، ثم كيف لا اعشق جمالك ، ثم احساس عثمان بضرورة الخروج الي عوالم لحنية جديدة هزت حركة الغناء السودانى عند المتون و الحواشى .. فجاءت الفراش الحائر زخما و صعودا موسيقيا جديدا و كاملا ...
... وكان بازرعة وفى ذات الوقت يكرس مبكرا ادب الاغتراب و الشجن و فلسفة الحب الجديدة وسط امة السودان ..
كيف التقى عثمان و بازرعة ؟ و لماذا كان معسكر عثمان في وسط طلبة وادى سيدنا هو المعسكر الاقوى ؟ !
Post: #440 Title: Re: د / أحمد طراوة ___ فى ندوة عن تاريخ الغناء فى السودان . Author: Osman Musa Date: 09-15-2007, 09:47 PM Parent: #439
الاخت اشراقة المشرقة كيف لا نشكرك ؟ تحية ومبروك يا أحمد طراوة عودة اخوك ودالقرشى .
Post: #441 Title: Re: د / أحمد طراوة ___ فى ندوة عن تاريخ الغناء فى السودان . Author: Osman Musa Date: 09-16-2007, 04:24 PM Parent: #440
نتابع
Post: #442 Title: Re: د / أحمد طراوة ___ فى ندوة عن تاريخ الغناء فى السودان . Author: أحمد طراوه Date: 09-17-2007, 02:44 PM Parent: #1
... و منذ عهود وادى سيدنا كان بازرعة مثل النيزك !
... وثاب و ركاب آقاق و رامى ادق مشاعرو و افكارو الواضحة باتجاه قضية الوطن و الحب !
حُبى نابع من بلادى ... اُفديك بالروح يا موطنى .. و كل طائر مرتحل عبر البحر قاصد الاهل
.. و قلبى معا لا الغاز لا البارود لا التعذيبُ يوما افزعا ، كاجمل ما كتب في ادب ثورة اكتوبر الغنائى !
في قهوة ذات طابع شعبى بامدرمان جمع قرشى محمد الحسن الطالب بازرعة و عثمان حسين ! كان بحق لقاءا خططا فيه لاحداث انقلاب جذرى في مسار حركة الكلمة و اللحن الموسيقى ..
Post: #443 Title: Re: د / أحمد طراوة ___ فى ندوة عن تاريخ الغناء فى السودان . Author: Osman Musa Date: 09-17-2007, 10:20 PM Parent: #442
كبار . بازرعه + عثمان حسين لهم التحية
Post: #444 Title: Re: د / أحمد طراوة ___ فى ندوة عن تاريخ الغناء فى السودان . Author: Osman Musa Date: 09-18-2007, 04:26 PM Parent: #443
ياسكو شنو؟ والله ليك وحشه لك التحية أخى العزيز
Post: #445 Title: Re: د / أحمد طراوة ___ فى ندوة عن تاريخ الغناء فى السودان . Author: Osman Musa Date: 09-18-2007, 05:36 PM Parent: #444
فقدت الامة السودانية اليوم احد اعمدة المعرفة احد الابنا النجباء رحم الله الكاتب والناقد الكبير سامى سالم البركة فى كل ابنا السودان اهل سامى
Post: #446 Title: Re: د / أحمد طراوة ___ فى ندوة عن تاريخ الغناء فى السودان . Author: محمد عثمان Date: 09-19-2007, 09:54 PM Parent: #1
كتبها باازرعة بجدة ولحنها عثمان حسين فى الخرطوم لتصبح من اروع ما تغنى به الفنان عثمان حسين للشاعر باازرعة... فى اى لقاء مع الفنان عثمان حسين بشير الى انها من اكثر الاغنيات المحببة لنفسه...
و برضو نسمع من دكتور طرااوة عن هذه الاغنية..!!
Post: #447 Title: Re: د / أحمد طراوة ___ فى ندوة عن تاريخ الغناء فى السودان . Author: أحمد طراوه Date: 09-20-2007, 06:37 AM Parent: #1
دمت يا محمد !
... إسمها بعد الصبر !
.. يسمعها الانسان ، فيصير في لوعة وحسرة و ترجيع عميق مُبرح .. فيموت مرارا و يحيا مرارا !!
بالفعل الاغنية ذات طابع مركزى داخل المدرسة الغنائية الثانية ! مدرسة الشعر العاطفى الجديد و الاوركسترالية المنبثقة من الجُمل و التراكيب اللحنية الفريدة لكرومة و خليل فرح و اجتراحات اسماعيل عبد المعين المُثيرة للجدل !
.. عثمان حسين نفسه لاحظ اثر هؤلاء الثلاث عليه ، وكونه ظل يتنفس منذ بواكير رحلته الفنية في اجواء معطرة بتراثهم الفنى ! و تتاكد ايضا تلك الفرضية التى تقول : ان تغير الشعر العاطفى شكلا و اسلوبا و موضوعا و محتوى ، هو بالاساس مااستدعى جُمل لحنية جديدة و صرحا موسيقيا جديدا كاملا !
.. بازرعة كانما يبتدر عهد الدراما الغنائية عندما يقول : لست ادرى هل عذابى ام عذابك كان اكتر ؟ ! غير انى كنت ادرى ان حبي كان اكبر !
.. و عثمان كانما يواصل ما عرف عنه بالقدرة علي تصوير اشعار بازرعة تصويرا موسيقيا ! إذ لم يكن عثمان يلحن كلمات بازرعة وحسب ! بل كان يعيشها و يصورها و يسوق معه المتلقى - المستمع ليعيشها ايضا !
و بالنتيجة كان عثمان يطرح عهدا جديدا استثنائيا : وهو عهد تحول الغناء (شعرا و لحنا ) الى اداة فنية و اخلاقية كاملة القدرة علي الارتقاء بالذوق العام و الوعى الانسانى اجمالا وسط امة السودان !
.. وإن سال قاضى التفتيش عثمان و بازرعة : ان ماذا قدمتم لشعب السودان ؟ فيحق لهم القول ايضا مثنى و ثلاث : قدمنا له الوعى .. الوعى الانسانى اجمالا و سلامة الوجدان !
.. الارتقاء بالحس العام .. و تمجيد منظومة القيم النبيلة ، و على راسها قيمة الحب و العاطفة، هي على وجه الدقة فحوى الرسالة الاساسية للمدرسة الغنائية الثانية
Post: #448 Title: Re: د / أحمد طراوة ___ فى ندوة عن تاريخ الغناء فى السودان . Author: Rabab Elkarib Date: 09-20-2007, 08:53 AM Parent: #1
الاعزاء عثمان موسى/ احمد طراوة
لكما الحب كما اتسق وانتم توثوقون للاغنيةالسودانية وتطورها
لقد استمتعت مرات كثيرة بالقراءة والاستماع والسرد كلما مررت من هنا
فلكما منى ولكل المتداخلين/ات كثير التقدير..
دمتم
رباب
Post: #449 Title: Re: د / أحمد طراوة ___ فى ندوة عن تاريخ الغناء فى السودان . Author: Osman Musa Date: 09-20-2007, 05:56 PM Parent: #448
رباب الكارب بتنا كيفنك وكيف حالك ورمضان كريم نشكرك كتير على المتابعة الف تحية اخت رباب ____ محمد عثمان سلامات انت بتنكت الغناء ده من اى مستودع يازول الله يديك العافيه واللقمه الدافيه وبينى وبينك الاغنيه شى ما بعدو. لك التحية اخى ___ ياسكو والله نفتقدك كتير لا ندرى اين انت الان اهل لندن ادرى بشعابعا رمضان اخدك يازول لك السلام ____ معاويه الذى على ظهر جبال الروكى كيف حال بيل قيت وكيف حال وادى دينفر كلورادو لك التحية اخى معاويه وانت تضع البوست على تلال الروكى دايما
Post: #450 Title: Re: د / أحمد طراوة ___ فى ندوة عن تاريخ الغناء فى السودان . Author: Osman Musa Date: 09-20-2007, 10:14 PM Parent: #449
Post: #451 Title: Re: د / أحمد طراوة ___ فى ندوة عن تاريخ الغناء فى السودان . Author: Osman Musa Date: 09-21-2007, 06:08 PM Parent: #450
جميل أن يعود د/ أحمد القرشى الى المنبر ويكتب عن الاغنية السودانية _________________________________________________________________
Post: #452 Title: Re: د / أحمد طراوة ___ فى ندوة عن تاريخ الغناء فى السودان . Author: محمد عثمان Date: 09-21-2007, 10:21 PM Parent: #1
عثمان سلااااام و شكرا د.طراوة للسرد الشيق حول اغنية بعد الصبر...
و يديكم العاافية...
Post: #453 Title: Re: د / أحمد طراوة ___ فى ندوة عن تاريخ الغناء فى السودان . Author: Osman Musa Date: 09-22-2007, 04:49 PM Parent: #452
الف شكر استاذ محمد عثمان وانت تجلب لنا الجمال فى كل حين ___ ارفع التلفون لك التحية اخى العزيز
Post: #454 Title: Re: د / أحمد طراوة ___ فى ندوة عن تاريخ الغناء فى السودان . Author: محمد عثمان Date: 09-22-2007, 08:52 PM Parent: #453
اخ عثمات...
سلاااااام راجع النمرة ما ظهر معااى اى اتصااال..
تحيااات....
Post: #455 Title: Re: د / أحمد طراوة ___ فى ندوة عن تاريخ الغناء فى السودان . Author: محمد عثمان Date: 09-22-2007, 09:06 PM Parent: #1
و دا كوم براهو....
عاهدتنى ترسل بدمع الشوق خطاابى مع كل نسمة من البلد تطفى عذابى و حلفت تسأل كل طاائر عن مأبى لكن نسيت عهدك و وعدك فى غياابى احترت يا اهل المحبة و زاد فى حيرتى اهديه من عمرى اشتهارى و كل صيتى اوصيه بالاخلاااص و ما يحفظ و صيتى و اسكت عى المى و ما يرضى سكوتى تتبدل الاياام يا قاسى تصطفينى اصفح عن الماضى و اسامحك طول سنينى و انسى عذابى معاك و اشيلك فى عيونى
Post: #456 Title: Re: د / أحمد طراوة ___ فى ندوة عن تاريخ الغناء فى السودان . Author: Osman Musa Date: 09-22-2007, 09:45 PM Parent: #455
ياعثمان حسين انشاءالله لا تموت لا تفوت ياسلام ياسلام
Post: #457 Title: Re: د / أحمد طراوة ___ فى ندوة عن تاريخ الغناء فى السودان . Author: Osman Musa Date: 09-23-2007, 02:10 AM Parent: #456
ياسكو يا ياسكو والله شفقتنا عديل يازول انت وين .
Post: #458 Title: Re: د / أحمد طراوة ___ فى ندوة عن تاريخ الغناء فى السودان . Author: Osman Musa Date: 09-23-2007, 05:03 PM Parent: #457
نتابع
Post: #460 Title: Re: د / أحمد طراوة ___ فى ندوة عن تاريخ الغناء فى السودان . Author: Ishraga Haimoura Date: 09-25-2007, 12:40 PM Parent: #1
الأستاذ عثمان موسى جزيل شكري وعظيم امتناني
تحياتي للجميع
Post: #461 Title: Re: د / أحمد طراوة ___ فى ندوة عن تاريخ الغناء فى السودان . Author: Osman Musa Date: 09-25-2007, 04:50 PM Parent: #460
الف شكر الاخت العزيزة اشراقة الف تحية
Post: #462 Title: Re: د / أحمد طراوة ___ فى ندوة عن تاريخ الغناء فى السودان . Author: Moawia Mohammed Date: 09-27-2007, 11:39 PM Parent: #1
يا سلام عليك يا محمد عثمان عاهدتني انك تكون مخلص في بعدي أنت لي
وينكم يا ناس رمضان كريم
Post: #463 Title: Re: د / أحمد طراوة ___ فى ندوة عن تاريخ الغناء فى السودان . Author: Moawia Mohammed Date: 09-28-2007, 11:13 AM Parent: #1
في رونق الصبح البديع كلمات : محمد بشير عتيق الحان : عبد الرحمن الريح أداء : كمال ترباس و حسين شندي
Post: #464 Title: Re: د / أحمد طراوة ___ فى ندوة عن تاريخ الغناء فى السودان . Author: Osman Musa Date: 09-28-2007, 04:29 PM Parent: #463
استاذ معاويه الف شكر اخى العزيز ارجو أن تكون عافيه نحياتى
Post: #465 Title: Re: د / أحمد طراوة ___ فى ندوة عن تاريخ الغناء فى السودان . Author: محمد عثمان Date: 09-28-2007, 09:46 PM Parent: #1
Quote: في رونق الصبح البديع كلمات : محمد بشير عتيق الحان : عبد الرحمن الريح أداء : كمال ترباس و حسين شندي
معاااوية...
سلااااام و شكرا للاغنية الجميلة و التى ترجع بى و ترجعنى الى ايااام جميلة خلت
اعتقد ايضا ان كلمات للاغنية لعبد الرحمن الريح و ياريت الشيوخ يفتونا فى المسألة دى...
لك التحية...
Post: #466 Title: Re: د / أحمد طراوة ___ فى ندوة عن تاريخ الغناء فى السودان . Author: أحمد طراوه Date: 09-29-2007, 03:07 AM Parent: #1
وافر شكرنا للإسناد الكريم من عند معاوية و محمد عثمان ..
...رونق الصبح البديع كتبا عتيق !
بدأ نظمها في العلايل عند ابوروف و اكملها بوصولو لدكان الحلاق (عنبر) الواقع في المسافة ما بين مكى ود عروسة وسوق امدرمان ..
.. دكان عنبر كان يعرف بصالون الفن وهو مثابة جماعة الكوكب الفضى : ناس كرومة ، عبد الرحمن الريح ، عبد الحميد علي الحاج ، عتيق وآخرين .. و عبد الرحمن لحن الاغنبة في ذات الموقع بعد وصول عتيق مباشرة ! يقينا الصالون فيهو عود بل عدة اعود متفجرة رجعا و ترديدا ! و تاكد انو كرومة غناها في ذات اليوم بصالون عنبر ..
طرحت رونق الصبح البديع حقائق مهمة:
- الدور المؤثر و الحاسم لعتيق و عبد الرحمن في الذهاب بالكلام المقفى و الجمل اللحنية الي ذرى و دروب جديدة ... عتيق و عبد الرحمن مثلا القبادة الفعلية لمرحلة الانتقال من المدرسة الاولى ( الحقيبة) الى المدرسة الاوركسترالية التانية ! و اكتملت اضلاع المثلث ببروز ظاهرة كرومة
- الاغنية برضو مثلت مستوى اعلى و ارقى لاقتحام الشعر و اللحن الخماسى لفضاء الطبيعة و تحويل كافة عناصرا لمادة و موضوع للنظم و ربط كل ذلك بمحور الغرام و العشق ! ورونق الصبح زاهية و مفرداتا ساحرة و جرسا الموسيقى رنتو ذات اصداء جمالية عالية ، رغم قوة ماكتبه العبادى و عبيد و عبد الله العشوق مبكرا في موضوع الطبيعة
- المضاء و الحيوية ! بل المرونة و الاصالة و تعدد الابعاد الكامن في تلك القوافى و الاجراس !! ذلك ان اغنية رونق الصبح لا تشيخ ابدا ! و يخيل لي ان السودانى ذى الوجدان لو سمعا بعد مائة سنة من اليوم سيجد فيها ذات الجماليات ! و يمكن هنا نلاحظ قدرة ترباس فى مسايرة التفعيلة مسايرة هلال السماء لسفينة نوح ، و الامساك بالقافبة و الوصول بالاداء لافاق ساحرة مقارنة بالاداء القديم الاول بتاع عوض الكريم عبد الله ! ترباس في الغنا Jack-of-all-trade كما عاصم البنا و ياسر تمتام
الانتقال في كل ظواهر الحياة و الحالات الجديدة هو امشاج تتخلق و هو عناء و مسؤلية و هو صراع القديم و الجديد ... ويبقى الحديث عن عتيق و عبد الرحمن الريح فصول لا تخلص حكاوى ذات شجون !!
Post: #467 Title: Re: د / أحمد طراوة ___ فى ندوة عن تاريخ الغناء فى السودان . Author: Osman Musa Date: 09-29-2007, 03:01 PM Parent: #466
وتستمر ندوة تاريخ الغناء فى السودان ______ د/ أحمد طراوة
Post: #468 Title: Re: د / أحمد طراوة ___ فى ندوة عن تاريخ الغناء فى السودان . Author: محمد عثمان Date: 09-29-2007, 09:35 PM Parent: #1
Quote: وافر شكرنا للإسناد الكريم من عند معاوية و محمد عثمان ..
...رونق الصبح البديع كتبا عتيق !
بدأ نظمها في العلايل عند ابوروف و اكملها بوصولو لدكان الحلاق (عنبر) الواقع في المسافة ما بين مكى ود عروسة وسوق امدرمان ..
.. دكان عنبر كان يعرف بصالون الفن وهو مثابة جماعة الكوكب الفضى : ناس كرومة ، عبد الرحمن الريح ، عبد الحميد علي الحاج ، عتيق وآخرين .. و عبد الرحمن لحن الاغنبة في ذات الموقع بعد وصول عتيق مباشرة ! يقينا الصالون فيهو عود بل عدة اعود متفجرة رجعا و ترديدا ! و تاكد انو كرومة غناها في ذات اليوم بصالون عنبر ..
طرحت رونق الصبح البديع حقائق مهمة:
- الدور المؤثر و الحاسم لعتيق و عبد الرحمن في الذهاب بالكلام المقفى و الجمل اللحنية الي ذرى و دروب جديدة ... عتيق و عبد الرحمن مثلا القبادة الفعلية لمرحلة الانتقال من المدرسة الاولى ( الحقيبة) الى المدرسة الاوركسترالية التانية ! و اكتملت اضلاع المثلث ببروز ظاهرة كرومة
- الاغنية برضو مثلت مستوى اعلى و ارقى لاقتحام الشعر و اللحن الخماسى لفضاء الطبيعة و تحويل كافة عناصرا لمادة و موضوع للنظم و ربط كل ذلك بمحور الغرام و العشق ! ورونق الصبح زاهية و مفرداتا ساحرة و جرسا الموسيقى رنتو ذات اصداء جمالية عالية ، رغم قوة ماكتبه العبادى و عبيد و عبد الله العشوق مبكرا في موضوع الطبيعة
- المضاء و الحيوية ! بل المرونة و الاصالة و تعدد الابعاد الكامن في تلك القوافى و الاجراس !! ذلك ان اغنية رونق الصبح لا تشيخ ابدا ! و يخيل لي ان السودانى ذى الوجدان لو سمعا بعد مائة سنة من اليوم سيجد فيها ذات الجماليات ! و يمكن هنا نلاحظ قدرة ترباس فى مسايرة التفعيلة مسايرة هلال السماء لسفينة نوح ، و الامساك بالقافبة و الوصول بالاداء لافاق ساحرة مقارنة بالاداء القديم الاول بتاع عوض الكريم عبد الله ! ترباس في الغنا Jack-of-all-trade كما عاصم البنا و ياسر تمتام
الانتقال في كل ظواهر الحياة و الحالات الجديدة هو امشاج تتخلق و هو عناء و مسؤلية و هو صراع القديم و الجديد ... ويبقى الحديث عن عتيق و عبد الرحمن الريح فصول لا تخلص حكاوى ذات شجون !!
شكرا دكتور طرااة يديك العاافية....
اخ معااوية: نرجو تعطيل احدى الاغنيتبن لازالة التشويش عند فتح الصفحة..
Post: #469 Title: Re: د / أحمد طراوة ___ فى ندوة عن تاريخ الغناء فى السودان . Author: Moawia Mohammed Date: 09-30-2007, 01:45 AM Parent: #468
جدا يا حبيب
Post: #470 Title: Re: د / أحمد طراوة ___ فى ندوة عن تاريخ الغناء فى السودان . Author: Osman Musa Date: 09-30-2007, 03:26 PM Parent: #469
حارم وصلى مالك ؟ _____________
Post: #471 Title: Re: د / أحمد طراوة ___ فى ندوة عن تاريخ الغناء فى السودان . Author: أحمد طراوه Date: 10-01-2007, 12:42 PM Parent: #1
... الصداقة .. التواصل .. التناغم .. و التحريض الانسانى المتبادل بين عبد الرحمن الريح و عتيق ، حقيقة معروفة ، و كانت تلك من نعم المولى علي امة السودان !
... ودون شك هي علاقة جابت فوائد جمة لحركة الفن و اللحن و الغناء السودانى و بنطبق عليها قول العِبيد ود ريا :
" حباب النافع ! "
... عبد الرحمن زار عتيق في علايل ابوروف تحدثا ، تسامرا .. و ضمنا تعمدا مشاهدة تلك الحسناء الابروفية - الامدرمانية المعروفة !
.. وفي المياه الاقليمية بتاعت عتيق ، عبد الرحمن كتب تلك الغنائية البديعة التى نهضت كمؤشر لحالة التحول الجاد و الضخم في الشعر الغنائى و آفاق الجُمل اللحنية الجديدة ..
.. " هات لينا صباح ! يخجِل البدرى و يخمد المصباح .. النسيم لو فاح يمتزج بزلال دمعنا السفاح ! حبى زول لكن صوروا الفتاح .. يا هوى الارواح الجمال فضاح ، للعيون لكن للنفوس شراح "
للحق زاهية و بديعة عند الكابلى .. و في مستوى جادك الغيث إذا الغيث هما .. لمن يغنيها ابوداؤد !!
عتيق زار عبد الرحمن في المظاهر طرف السوق .. و توجها معا لمشاهدة تلك الحسناء في خور ابو عنجة نواحى الموردة ( اصلا هي كانت زبونة لعبد الرحمن صانع المنتجات الجلدية النسائية في سوق امدرمان )
... وفى تلك الدروب و المشاوير البديعة ( اللي قصرت مشوار سفرنا ) كما ردد مصطفى سيد احمد لاحقا ، كتب عتيق و عبد الرحمن اجمل اشعار الطريق و الدرب الاخضر :
- ليلي و نهارى انا لي حيك بهاجر ! هل تدرى يا نعسان انا طرفى ساهر !؟
- بعيد الدار طال بي بُعدك . . متى يا مولاى تنجز وعدك .. و عليك غنيت وجدتك جافي ما حنيت .. اكون معذور انا لو جنيت !!
- و اقول حبيبى عمل عدوي .. خلانى للاذى و الردى .. ما عندى مانع حتى لو ضيعنى ساكن الموردة ... ودا هو
_ جفونى الاحباب .. من غير ذنب واسباب .. واحكى البحور يا دمعى الهاطل الكباب .. و اذكر حبيبى الحايز في الحُسنِ اول باب .. ادركنى وارحم قلبي يا شادن العمراب ! ( حافية كدا و صريحة و بدون تورية في مخاطبة شادن عمراب الموردة .. ودا هو نفسو الشادن الهالكنى ريدو .. هلك النفوس و الناس تريدو .. و ياهو نفسو اللي ضيع عمرى ظلما فلتسلم يداه .. بدر الحسن فاق القبلو و وراهو
... وعطفا علي كل ذلك الجمال و التجريب الثورى المستند علي التراكم و المقدمات الموضوعية ، اطلت اغنية الملهمة ( نور العيون انتى الامل ! ) لحنا التاج مصطفى علي نحو استثنائى نهض بدلالات هامة و تحولات جديدة في مسار المزيكا السودانية بادية للعيان .. و تاكد من بعد ذلك ان اوتار السودان حقا ماخودة من افنان جنة رضوان
.. فجاءت نفسك ابية و روحك لطيفة و فيك جاذبية ! فاكد ابراهيم عوض نفسه تاكيدا رومانسيا فذا علي يد عبد الرحمن الريح .. و شدا ود المقرن باسحار الجمال ( انا في شخصك بحترم اشخاص ! )
... و ماكانت قصة : يا روحى انصفنى .. في حكمك لانو قاسى علي انا يا حبيب ظلمك ، ما كانت الا اعلانا صريحا بان عبد الرجمن قد ذهب بالشعر الجديد القائم علي الميزان الايقاعى لثورة التم تم و اللي ارتبط فيهو عبد الرحمن بغنا حسن عطية الاول ، ما كانت إلا اعلانا بان عبد الرحمن الريح قد ذهب مذهبا بعيدا متدفقا كماء النيل و ضاربا امة السودان - المشرئبة للتقدم و الجديد - بامواج ضخمة من الزهو و النشوة الفنية و السُكر دون راح !
... في تلك التواريخ المنسوبة لعتيق و عبد الرحمن ، و في ذلك الانتقال بكل ما حمل و اعتمل نقرأ و نجد التفسير المقنع و الفهم الكامل للقفزة الارتباطية اللاحقة اللي جاءت علي يد آخرين من رواد المدرسة الغنائية التانية ، و التى تحكرت كلماتها و الحانها فوق العقول و القلوب :
- محمد يوسف موسى تغمص الخضرة مذهبا و حالة وجود كامل فكتب : تهيم خطواتى نشوانة تعانق دربك الاخضر
- عثمان خالد و هو يقول : و حياة شبابك ذبت في عينيك حنان و مغازلة
- اسحق الحلنقى يخاطب عصافيرو الخريفية قائلا : زى ما بتخافى من الرياح .. بنخاف مكان نحنا الضياع
- اسمعيل حسن وهو يقول : الخدود الشاربة من لون الشفق عند المغارب .. ديل خدودك سيدى يا سيد الناس سيد الحبايب .. العيون طرتنى زول من اهلو غايب
- مبارك بشير وهو يقول : ولو بقدر .. اسافر في برق لحظِك و ما ارجع ! تقول لي خايفاك بكرة تتوجع
_ ابو آمنة حامد وهو يقول : وشوشنى العبيرُ فإنتشيتو .. و ساقنى الهوى فما ابيتو
و عنهم هؤلاء الرقيقين ممكن نكتب و نستشهِد و نقتبس لمن ديكنا يصيح و فوق رؤسنا يتحكر كما قال خليل فرح ..
الانتقال .. الارتباط .. التراكم .. القفزات و فك الازمات : مقولات الفلسفة تظل بادية و جلية في قصة و مسار الغناء السودانى اللي تبلورت ارهاصاتو و مقوماتو الاولي في مارش ود الشريف قبل 170 سنة تقريبا !!
Post: #472 Title: Re: د / أحمد طراوة ___ فى ندوة عن تاريخ الغناء فى السودان . Author: Moawia Mohammed Date: 10-01-2007, 01:18 PM Parent: #1
في رونق الصبح البديع كمال ترباس - شعبي
Post: #473 Title: Re: د / أحمد طراوة ___ فى ندوة عن تاريخ الغناء فى السودان . Author: Osman Musa Date: 10-01-2007, 08:13 PM Parent: #472
هات لينا صباح يخجل البدرى ويخمد المصباح ... النسيم لو فاح يمتزج بزلال دمعنا السفاح .. __________________________ عبدالرحمن الريح . اسم ضخم فى تاريخ الغناء السودانى .
Post: #474 Title: Re: د / أحمد طراوة ___ فى ندوة عن تاريخ الغناء فى السودان . Author: محمد عثمان Date: 10-01-2007, 11:50 PM Parent: #473
Quote: هات لينا صباح يخجل البدرى ويخمد المصباح ... النسيم لو فاح يمتزج بزلال دمعنا السفاح ..
Post: #475 Title: Re: د / أحمد طراوة ___ فى ندوة عن تاريخ الغناء فى السودان . Author: Moawia Mohammed Date: 10-02-2007, 12:01 PM Parent: #1
أعز الناس - وردي
Post: #476 Title: Re: د / أحمد طراوة ___ فى ندوة عن تاريخ الغناء فى السودان . Author: Moawia Mohammed Date: 10-03-2007, 05:30 PM Parent: #1
UP
Post: #477 Title: Re: د / أحمد طراوة ___ فى ندوة عن تاريخ الغناء فى السودان . Author: Osman Musa Date: 10-03-2007, 07:40 PM Parent: #476
حارم وصلى مالك ؟ يا المفرط كمالك _________________ ياد/ أحمد طراوة بعد ما تنتهى من الغناء الفى يدك ده تعال عشان الاغنية دى دايره تشريح .
Post: #478 Title: Re: د / أحمد طراوة ___ فى ندوة عن تاريخ الغناء فى السودان . Author: Osman Musa Date: 10-03-2007, 09:43 PM Parent: #477
د/ أحمد طراوه ___ فى ندوة عن تاريخ الغناء فى السودان
Post: #479 Title: Re: د / أحمد طراوة ___ فى ندوة عن تاريخ الغناء فى السودان . Author: أحمد طراوه Date: 10-04-2007, 03:36 AM Parent: #1
... " العمُر زادت غلاوتو معاك و صالحنى الزمان ! يا احن الناس حنان ! "
... و ما انفك معاوية يعصر لنا الاعناب و يملأ بها دنان المنبر و حركة التوثيق !!
" كنت من قبلك بشيل الليل دموع و اطويهو هم .. انا كنت بخشى علي الامانى الحلوة يفنيها العدم ! "
.. معانى جديدة ! صور شعرية و موضوعات جديدة ! بحور شعرية غير صافية و تفعيلة جديدة ذات سلاسة و جرس ! هكذا جاءت وترسخت المدرسة الاوركسترالية التانية غضة الإيهاب !
.. و دا بالضرورة استلزم ثورة المزيكا السودانية : التوزيع الاوركسترالى ، التوزيع الآلي ، المقدمة الموسيقية ، توجهات جديدة في مسارات اللزمة الموسيقية و الجُمل اللحنية ! و الكاونتر بوينت المُصنع سودانيا علي ايدى عبقرية التبادل و التداخل الصوتي ما بين وردي من جهة ، وحنان النيل و امال النور من جهة أخرى !
جنين الثورة اللحنية تخلق في رحم تجربة كرومة ، و اجتهادات عبد الرحمن الريح المتواترة ! و الرصانة وعمق الرؤية لدى الحاج عبد الحميد يوسف وهو يتصدى لتلحين اذكرينى يا حمامة بملوديا الفم فقط كما كان يفعل كرومة الذى لم يعزف عودا و لا كمنجة و لا صفارة في كامل حياته الفنية !!
كرومة سلاحو كان الرق فقط ! و صدق من قال المؤمن بسلاحو !
.. فعلى صدى ضربة الرق و توقيع النقرزان الخفيف ، تمكن هذا الشاب السودانى البسيط الاسمر من اعادة تفكيك و تركيب كافة الجُمل الموسيقية السابقة و القديمة علي نحو جديد آسر و ساحر !
.. في الرشيم الاخضر حلّ كرومة ( و لاول مرة في تاريخ الميلوديا السودانية ) ، حلّ ازمة اللزمة الموسيقية بالفم فقط عندما ادخل ذلك الالتياع الغنائى ممثلا في قولة ( الله ) التي تسبق عبارة : هم سبب الآمي !
ذلك التراكم و تلك الاجتراحات كانت بالضرورة تاكيد و اشارة لاحقة ، و من بعد ، للكاشف بان هذا التحول الجديد الحتمى لا يحتاج لاوتار و لا هوائيات لكى ما يطرح اسسه و ماركته الجديدة ! فقد كان الكاشف للحق أميا فيما يتعلق بكل الالات الموسيقية
و لكن من كان بمقدوره من المحدثين ، ان يلحن بحر شعري غير صافى بذلك المدى من الجودة لو ما كان الكاشف قد اجترح المأثرة اللحنية مبكرا وهو يتصدى لموسقة كلمات عبيد عبد الرحمن : افكارى الحيارا .. ضاعت باختيارا ! ؟
... فذلك قد كان في ضروب بحر الطويل الا تقليدى و الخارج عن إطار ما تعارف عليه العبادى و ابوصلاح !
.. وفى اغنية فُتنت بيهو ! كان مالي وانا مالي بيهو ! اعلن الكاشف وسائله الجديدة الفذة في الخروج علي الرتابة الموسيقية اللي كانت بتحاصر غنا ناس الحاج عبد الحميد يوسف ، و حسن عطية و حتى غنا عثمان حسين الاول ..
... فتنت بيهو : فيها الكاشف بطلع و بنزل من مقام الي آخر ! من عالي الي اقل علوا ! وهو الذى لم يدرس الموسيقى و لم يعزف العود حاضنة الخماسى السودانى !!
Post: #480 Title: Re: د / أحمد طراوة ___ فى ندوة عن تاريخ الغناء فى السودان . Author: Moawia Mohammed Date: 10-04-2007, 08:13 PM Parent: #479
شكرا علي الفزلكة التاريخية و السرد الجميل يا أعز الناس
Post: #481 Title: Re: د / أحمد طراوة ___ فى ندوة عن تاريخ الغناء فى السودان . Author: Osman Musa Date: 10-04-2007, 10:50 PM Parent: #480
د/ أحمد طراوه سلامات قبل قليل تحدث لى كثيرا وباعجاب شديد الصديق/ قمر السيد المكى تحدث معى عن الغناء و عنك . وعن حبك لامدرمان . وعن عتيق وعن السيد المكى وعن علايل ابوروف . لك وله التحية .
Post: #482 Title: Re: د / أحمد طراوة ___ فى ندوة عن تاريخ الغناء فى السودان . Author: محمود ريحان Date: 10-05-2007, 03:16 AM Parent: #481
الدكتور احمد طراوه تحياتي وايه كم الابداع ده والتحيه للاخ صاحب البوست عثمان ومزيد من الابداع حضرنا للتحيه والمجامله محمود ريحان
Post: #483 Title: Re: د / أحمد طراوة ___ فى ندوة عن تاريخ الغناء فى السودان . Author: Osman Musa Date: 10-05-2007, 05:12 AM Parent: #482
استاذ محمود ريحان مرحبتين حبابك الف شكر على المرور لك التحية أخى الكريم
Post: #484 Title: Re: د / أحمد طراوة ___ فى ندوة عن تاريخ الغناء فى السودان . Author: Moawia Mohammed Date: 10-05-2007, 03:04 PM Parent: #1
UP
Post: #485 Title: Re: د / أحمد طراوة ___ فى ندوة عن تاريخ الغناء فى السودان . Author: Osman Musa Date: 10-05-2007, 05:50 PM Parent: #484
الف شكر استاذ معاويه الذى على تلال دينفر كلورادو كنت فاكر يا معاويه أن جبال الحسانية التى تقع غرب بلدتى الحبيبه الزيداب. كنت احسب أنها اعلى جبال الدنيا حتى قادتنى الرياح الى جبال الروكى اى جان مصرم رسم شارع الجبل . وانا على تلك القمة تخيلت جبال الحسانيه ( كوم تبن ) وانا كم أشتاق الى رايحة التبن والى تلك الديار التى اخرجت العمرابى . جبل الشعر العالى .
Post: #486 Title: Re: د / أحمد طراوة ___ فى ندوة عن تاريخ الغناء فى السودان . Author: أحمد طراوه Date: 10-06-2007, 04:13 AM Parent: #1
... يا محمود !
لك دوام المودة و انت تشدو و تتنقل في حدائق الفن علي شريعة عتيق : من كل عينة زهرة !
.. كنت يومها يا ود ريحان ، ومن داخل سنتر الخرطوم تناجز ضربات التم تم و تعبر مساحاته الواسعة في اتساق و تناغم و صعود لا يمل و لايفتر !
عبرك نهدى لكل من مروا و كتبوا ، و لاخونا قمر تخصيصا ، إبن حى السيد المكى : حيث وقعت واقعة زواج عربى البارودى و جرت قصة الليلة الساهرة التى تضمنت محاسن ، نهدى كلمات عتيق ايضا الواردة في الرشيم الاخضر :
" فكرى اضحى مبعثر .. من روائع حسنو وجوز لحاظو الفُتر ! حِكمة لو يتمايل ! او سفر و تبختر ! ايه بثينة و عزة ؟ و ايه عُبيلة عنتر ؟ ها هو حسنو امامى ! "
لا زلنا يامحمود تحت اصداء و اثر تلك الليلة الليلاء التى اتحفتنا فيها بجميل الغناء !
Post: #487 Title: Re: د / أحمد طراوة ___ فى ندوة عن تاريخ الغناء فى السودان . Author: Osman Musa Date: 10-06-2007, 02:55 PM Parent: #486
نتابع أحمد طراوه فى ندوة تاريخ الغناء فى السودان أحمد يحكى عن الشعراء . عن الغناء عن المرافى. عن الأقاصى عن علايل أبوروف عن المورده عن أحمد ودبعشوم عن عتيق عن البنا عن العمرابى عن سيد عبدالعزيز عن بطران وعن عثمان حسين ______ نتابع
Post: #488 Title: Re: د / أحمد طراوة ___ فى ندوة عن تاريخ الغناء فى السودان . Author: Osman Musa Date: 10-06-2007, 04:52 PM Parent: #487
دار الفنانين امدرمان _____________________
هواء منعش عليل يهب على تلك الدار الصقيرة البسيطة على جرف النيل الخالد تلك الدار خرجت منها اضخم الاعمال الفنية السودانية. اجمل الهديل الترانيم والمارشات من تلك الدار كانت تقوم كل افراح السودان والسودان الذى خارج الحدود ____ ( ياجميله ... ومستحيله )كلمات ادهشت عالم الغناء اذكر اول يوم تغنى بها وردى فى عيد ميلاد جوليا محمد وردى والحضور الصامت وفرحة وردى بتلك الاغنية التى ( تقطع فيها العملاق وردى فى سنة 1977 _____ الله يديك الصحه استاذ وردى هرم الغناء العربى الافريقى والتحية لتلك الدار العزيزه على كل قلب . دار الفنانين امدرمان ..
Post: #489 Title: Re: د / أحمد طراوة ___ فى ندوة عن تاريخ الغناء فى السودان . Author: أحمد طراوه Date: 10-08-2007, 09:27 AM Parent: #1
... كان علي محمد احمودى المولود 1901 بحى الاسبتالية بامدرمان ، و الذى عرف وسط مجتمع الفن بودمدنى باسم : " علي المساح " !
.. كان اُميا اجمالا و تفصيلا !
... ومع ذلك تجاسر المساح رقيق الحال علي عوالم النظم الخفية ، و مشى دروب القوافى العصية ، و ركب صهوة جواد التعابير و الصور الشعرية الجامح ! فقال ضمن ما قال من جميل الإنشاد :
.. في الجيل يا الجمالك سائد .. عينيك ليك جنود وانت ليهن قائد .. ! يا خلاصة الحوارى المن جنان وخوالد .. حسنك ليك يدوم لا ام تلد لا والد ! .. جفيتنى ليه وانا ليك رايد .. يا غصن الرياض المايد !؟
إذن الثلاتين عاما الاولى من القرن العشرين ، شهدت بعثا سودانيا شعريا ضخما و رصينا بل و متفردا و متمايزا عن كل ماعداه وسط الساحة العربية - الافريقية !
.. تدفق بحر القصير المكتشف و مصنف علي يد الخليل بن احمد الفراهيدى ، تدفق و جرى رِقة و عذوبة علي نحو سودانى استثنائى و خاص !
.. ولان شعر المدرسة الغنائية الاولى نهض تطورا و اشتقاقا جديدا من قلب متون و حواشى كلام الطنابرة ذوى الماركة السودانية الاصيلة من امثال نعيم و بخيت اولاد الجوخ ، و محمد ود الماحى ، و محمد ود الحورى الذى عُرف خلف سرور ب (راس البيت) .. ولانه انبثق شعرا كالشهب من قلب رميات محمد ود الفكى و من عمق سماوات دوباى الحُداة في البوادى و مجاهدات شق العتامير ! لكل ذلك و غيره :
... " جاء شعر العبادى و ابو صلاح و البنا و الشيخ محمد ود الرضي ، جاء متمايزا عن شعر شوقى و البارودى و بقية جماعة ابولو ، بل و مغايرا لميخائيل نعيمة و بقية رهط المهجريين العرب آناء مطلع القرن العشرين ، وبقى اشد ارتباطا و اقرب لروح و شكل و تفعيلة نظم احمد ود بعشوم و علي ود حُليب منسوبى العهد المهدوى - التركى بكل مافى ذلك الشعر السودانى الغنائى القديم من عفوية آسرة ، و اصالة شبت بنيرانا :
... الاصالة و الروح السودانى المتميز وحده ، ظل هو مصدر تيار الالهام الذى لا ينضب و المحُرك لكلمات المساح تلك ، وجماليات اخرى لا اول لها و لا آخر :
- ما النور الفى حُليهو رافل .. في حُق نهدو قلوبنا قافل .. وجهو ينور و البدرِ آفل .. فوق للبدر يزيد نفيلة ( ابوصلاح في مطلع القرن العشرين )
- يا ليل حِظوظنا الجنا .. ظرفك علينا تجنا .. اخرجنا من الجنة .. وفي نار فراقو سجنا ! يا حليل رياضنا الغنا ( العبادى مطلع القرن العشرين )
_ في تصوير محاسنك قد جل السميع .. وضع الماء و النار في خديك جميع ( البنا مطلع القرن العشرين )
- صب يا دمعي لا تكون جاف .. يا قلبي البقيت رجاف .. البدر الخفى الانجاف .. اليوم شرف الرجاف ( الشيخ محمد ود الرضى مطلع القرن الماضى )
_ انا الفى حالي ماك سائل .. انا المني الفؤاد مضنى .. انا المني الدمع سايل .. اُعاني عذابي الهائل .. أخذ منى الفراق مأخذ .. ونال مني الهوى نائل .. غزال البرِ يا راحل ! ( عبيد عبد الرحمن ثلاثينات القرن الماضى )
.. هاهنا ، وعلى وجه الدقة ، نتعرف علي طبيعة و جذور شعر سيد عبد العزيز ، و محمد عبد الله الأمى ، و الجاغريو ، و المنحى التجديدي - الانتقالي لشعر عتيق و عبد الرحمن الريح و تفانين القول و المفردات في المدرسة الاوركسترالية التانية ، تلك المدرسة طويلة المدى .. متعددة الالوان و واسعة الآفاق
" إنها قصة الليرك السودانى ! هى فصول في رواية الزمن السودانى الجميل ! و صدق من قال : يشغل قلبي حبك على مر الزمان !! "
Post: #490 Title: Re: د / أحمد طراوة ___ فى ندوة عن تاريخ الغناء فى السودان . Author: mamkouna Date: 10-08-2007, 12:14 PM Parent: #1
من أجمل البوستات القابلتني في سودانيز أون لاين. مشكور يا أخ عثمان موسى على إستضافة البوست دا. و مشكور يا دكتور أحمد طراوة على المعلومات الهائلة و القالب اللطيف و المميز لكل معلومة.
من هنا و جاي.. أنا مُعسكِرة قدام باب البوست دا!
Post: #493 Title: Re: د / أحمد طراوة ___ فى ندوة عن تاريخ الغناء فى السودان . Author: Osman Musa Date: 10-08-2007, 07:25 PM Parent: #490
الاخت ممكونة حبابك مراحب بيكى فى دولة الغناء العظيمة كلنا ننخرط مع الجموع لنستمع الى د/ أحمد طراوه أحمد لديه الكثير لو لا المشقوليه . سعيدين بوجودك هنا الف تحيه
Post: #494 Title: Re: د / أحمد طراوة ___ فى ندوة عن تاريخ الغناء فى السودان . Author: Osman Musa Date: 10-09-2007, 02:09 AM Parent: #493
نتابع مع د/ أحمد طراوه __ ندوة تاريخ الغناء ____________________________________________
Post: #491 Title: Re: د / أحمد طراوة ___ فى ندوة عن تاريخ الغناء فى السودان . Author: أحمد طراوه Date: 10-08-2007, 03:11 PM Parent: #1
ذلك بعض من غنا السودان القديم علي نهج بحر القصير ذو الاشراق و التجلي في الحضر و البادية ! جمال بحر القصير ايضا في دوباى ابراهيم ود الفراش منسوب عهد التركية ، و الحاردلو رائد مدرسة العُشق و الغرام في السودان
... مرحبا يا ممكونة .. خوالص التحايا ايضا لصفية ، و اشراقة بت حيمورة و رباب الكارب ... و ناس البوست ياهم على نهج ابو صلاح الذى قال :
... كل شي ظاهر .. و اشراق الفجر يشهد على طرفى العليل ساهر ! وردت في قوافى وجه القمر سافر ..
Post: #492 Title: Re: د / أحمد طراوة ___ فى ندوة عن تاريخ الغناء فى السودان . Author: Souad Taj-Elsir Date: 10-08-2007, 04:22 PM Parent: #491
مازال هذا البوست هو الواحة الظليلة التي نستظل بها ونتوق إليها الشكر والتقدير مجدداً للدكتور الأديب أحمد طراوة والأستاذ الأديب عثمان موسى على بوست كل الأزمان روعةً وإبداعاً كل التحايا وصادق المودة
سعاد
Post: #495 Title: Re: د / أحمد طراوة ___ فى ندوة عن تاريخ الغناء فى السودان . Author: Osman Musa Date: 10-09-2007, 05:11 AM Parent: #492
الأميرة سعاد تاج السر سلامات وكيف حال الاستاذ عبدالله جلاب انشاءالله بخير وعافيه عبدالله جلاب احد القلائل الملمين بفن وعلم الصحافة الفنيه فى السودان والعالم العربى هرم صحفى كبير له التحية. كيف حال الوليدات الف تحيه الف شكر على مرورك الكريم .
Post: #496 Title: Re: د / أحمد طراوة ___ فى ندوة عن تاريخ الغناء فى السودان . Author: محمد عثمان Date: 10-09-2007, 07:24 AM Parent: #1
Quote: دار الفنانين امدرمان _____________________
هواء منعش عليل يهب على تلك الدار الصقيرة البسيطة على جرف النيل الخالد تلك الدار خرجت منها اضخم الاعمال الفنية السودانية. اجمل الهديل الترانيم والمارشات من تلك الدار كانت تقوم كل افراح السودان والسودان الذى خارج الحدود ____ ( ياجميله ... ومستحيله )كلمات ادهشت عالم الغناء اذكر اول يوم تغنى بها وردى فى عيد ميلاد جوليا محمد وردى والحضور الصامت وفرحة وردى بتلك الاغنية التى ( تقطع فيها العملاق وردى فى سنة 1977 _____ الله يديك الصحه استاذ وردى هرم الغناء العربى الافريقى والتحية لتلك الدار العزيزه على كل قلب . دار الفنانين امدرمان ..
الاخ عثمان موسى كل عاام و انت بخير و تحياتنا لجميع الاخوان....
جميلة و مستحيلة...قصة اغنية...!! فى انتظاار د. طراوة...
Post: #497 Title: Re: د / أحمد طراوة ___ فى ندوة عن تاريخ الغناء فى السودان . Author: Osman Musa Date: 10-09-2007, 07:42 PM Parent: #496
محمد عثمان الذى يمتلك مفاتيح الافراح والليالى الملاح العيد مبارك عليك وعلى كل الضفاف الجميله .. ومستحيله وكلنا فى انتظار د/ أحمد طراوه الف شكر استاذ محمد عثمان
Post: #498 Title: Re: د / أحمد طراوة ___ فى ندوة عن تاريخ الغناء فى السودان . Author: Osman Musa Date: 10-09-2007, 11:00 PM Parent: #497
نفتقد بشده الاستاذ سايكو نرجو أن يكون الاخ سايكو بخير
Post: #499 Title: Re: د / أحمد طراوة ___ فى ندوة عن تاريخ الغناء فى السودان . Author: Osman Musa Date: 10-10-2007, 02:56 AM Parent: #498
هوزز راسه فرحان .. بالسفر يقنبه أب دومات غرفن .. عرقة اتنادن به ضرب الفجة وأصبح .. ناره تاكل الجنبه ____ أحمد طراوه لديه الكثير عن الدوبيت والكتاتيب ( الخلاوى ) والشعر .
Post: #500 Title: Re: د / أحمد طراوة ___ فى ندوة عن تاريخ الغناء فى السودان . Author: Osman Musa Date: 10-10-2007, 03:08 AM Parent: #499
ألا ان ليلى كالمنيحة أصبحت .. تقطع الا من ثقيف حبالها فقد حبسوها محبس البدن وابتغى .. بها الربح أقوام تساحت مالها__
هوى يا ليلى ما سر دخول ليلى فى كل الغناء ..
Post: #501 Title: Re: د / أحمد طراوة ___ فى ندوة عن تاريخ الغناء فى السودان . Author: Osman Musa Date: 10-10-2007, 03:26 AM Parent: #500
ولما نقلت ليلى الى بيت زوجها ازداد حزن قيس بن الملوح على ليلى
فقال طربت وشاقتك الحمول الدوافع .. غداة دعابالبين أسقع نازع شحا فاه نعبا بالفراق كأنه .. حريب سليب نازح الداء جازع __ ( هنا __ شحافاه تعنى فتح فمه ) (نعبا النعب هو الصياح ) ____ أحمد طراوه يتحدث عن الشعر السودانى وعن ليلى السودانيه والطيب الذى عبق
Post: #502 Title: Re: د / أحمد طراوة ___ فى ندوة عن تاريخ الغناء فى السودان . Author: Osman Musa Date: 10-10-2007, 04:45 AM Parent: #501
مع د/ أحمد طراوه والمشاركين والمشاركات نتابع ندوة تاريخ الغناء فى السودان وكل عام والجميع بخير والسودان يعتلى المكانات العاليه بين دول العالم ..
Post: #503 Title: Re: د / أحمد طراوة ___ فى ندوة عن تاريخ الغناء فى السودان . Author: Osman Musa Date: 10-10-2007, 05:08 PM Parent: #502
يبتدى الحديث دايما فى مجلسه الشاعر الضخم عكير الدامر بقوله شعراء اثر شعراء جاءوا قبلنا أحسنو قول الشعر ثم رحلوا فى (سكات ) غفرالله لهم لا بد أن نترحم عليهم جميعا___
Post: #1560 Title: Re: د / أحمد طراوة ___ فى ندوة عن تاريخ الغناء فى السودان . Author: Moawia Mohammed Date: 05-01-2008, 01:30 PM Parent: #503
UP
Post: #504 Title: Re: د / أحمد طراوة ___ فى ندوة عن تاريخ الغناء فى السودان . Author: أحمد طراوه Date: 10-11-2007, 06:27 AM Parent: #1
.. شكرن يا د. سعاد ! و معليش كوننا بنتأخر ! لكن ياهو تاخير الشيخ محمد ود الرضى علي الحاج محمد احمد سرور :
أخوك يا سرور القالو عُذر .. و اقبلو رُجيزة تشيق و تسُر !
.. محمد ود الرضى كتب اجمل الرميات الاولي اللي سبقت بزوغ فجر الاغنية الجديدة ! ذلك الفجر اللي لاح نورو يوم كتب ابراهيم العبادى و وفقا لذلك المنحى الجديد ، الاغنية الاولى الفانتازيا الاثيرة و الجريئة ايضا :
... ببكى و انوح و اصّيح .. للشوفتن بتريّح ! و بختما بارهاصات مبكرة لشعر الاخوانيات وهو يقول :
.. بذكر لياليك ديكا .. الكانت في ناديكا .. يضرب سرور مزيكا .. يا الامين الله يجزيكا !
كانت ريادة و ألوية الغنا الجديد معقودة مبكرا للحاج محمد احمد سرور و الامين برهان ! وقد ظل عبد الله الماحى الذى كان بالفعل قد سبقهم جميعا هو و بشير الرباطابى في التجريب الغنائى ، كان مترددا ما بين البقاء في امدرمان لخوض وطيس و معارك الدفع الجديد المطل براسه في مواجهة الطنابرة اسياد الرميات ، و مابين العودة و الانكفاء و الاستكانة بكبوشية !
... سرور مستندا علي قوة احساسة الشخصى بذلك الجديد الآسر ، و مستدلا طريقه من خبرة و حنكة العبادى و بعد نظر العبادى ايضا ، هو (اى سرور) من خاض بالفعل المعارك الحاسمة ضد الطنبارة ناس عبد الغفار و حماد ابو كدر و بقية الرهط الطنبارى المتراجع تاريخيا امام حقائق التاريخ الجديدة !
... صدق اولاد عشرى و عرفات وهم نوارة الامة ، و ضمير الجديد الصاعد يوم ان سموا عند 1923 تلك الاغنية المتجاوزة لحواجز و عقابيل الطنبرة : باغنية الاتجاه الجديد ...
وقد ساقتنا دروب البحث و تجديد الفحص و التامل و المقاربة التاريخية - الاجتماعية لطرح السؤال المركزى التالي الناهض في مسارات و سير و حكاوى التطور الغنائى السودانى عشية مداخل القرن العشرين و يوم بروز دولة التنظيم الادارى - الاجتماعى الحديث بتاعت السير ونجت :
.. " لماذا جاءت الرميات الاولي و الاتجاهات الغنائية الاشد رصانة و اكتمالا و المتبلورة علي يد محمد ود الفكي و اللى مهدت الدروب للغنا الجديد في امدرمان ، لماذا جاءت من كبوشية تحديدا !؟ " ..
... و لاحظنا انه و ضمن عوامل و مسببات اخرى : فان فرصة تطور الغناء في كبوشية غضون المهدية و حقبة الخليفة كانت افضل كثيرا من رصيفتها بامدرمان ! لان المهدى ومن بعده الخليفة منعا اجمالا و اختصارا الغناء وما لف لفه و حوله من مجالس و تواصل و ادوات موسيقية و ايقاعية !
غير ان علاقة و تضاد كبوشية بامدرمان ، و اللتى شابهت في اطارها العام هروب طلائع التقدم تلك من روما القديمة الي اسبرطة ، لهى مجرد فرضية نطرحها لمزيد من البحث و التقصى و المضاهاة التاريخية ! ذلك ان التحولات و الفواصل الجديدة بالضرورة تحكمها اعتبارات اشد سعة و تعقيدا و تداخلا
هاهو الشيخ محمد ود الرضى يقول في سحر الرميات الذى يكاد يكون ماخود من سحر هاروت البابلي :
فاح لي كبريتا ، يا زميل دقق .. الجمال و الذوق فيها متحقق .. الصدير عالي و الحشاء مُرقق .. و القِديم في الحوش كان مشى يبقق !!
.. تلك كانت رمية مخالفة لرميات ناس باسعيد ، و محمد علي بدرى ، و علي جِن وبقية الرهط الذى صارع دوباى (دوبيت) البوادى و الضهارى عند مداخل المدن ، و حول نظمو المربوع ( القائم علي اربعة شطرات ) الي حقيقة امدرمانية جديدة اسمها الرمية ( الرمية .. القايمة ايضا علي اربعة شطرات بل و متخذة شكلا دون ذلك اكثر مرونة ، و لكنها اطول قليلا و مختلفة في الموضوع و الصورة و التفعيلة ) وهى الرمية الصالحة للغناء في بيوت الاعراس !
الاستخلاصات النهائية هي :
- الاغنية الجديدة بتاعت العبادى و ابوصلاح و ود الرضى هى تحويل معرفى عميق لدوباى اهل السودان .. تحويل مر عبر جسر الرمية ! وكان الراحل علي المك قد لاحظ بان ابوصلاح كان رائدا للدوباى الامدرمانى قبل ان يصبح شاعرا استثنائيا فذا للاغنية الجديدة
- الرمية نفسها هي دوباى معدل ، و في كبوشية بالاساس ! لذا فان محمد ود الفكى ماسنجر الغناء الامدرمانى لاحقا و الذى تفوق سريعا علي ( مرجان سيد النقرزان الامدرمانى ) ، كان قد اعد نفسه و انضج تجربته في كبوشية قبل وصوله لامدرمان
فقط رميات العبادى و ود الرضى و ابوصلاح ، فقط رميات هؤلاء تحديدا و ليس غيرهم هي اللتى مثلت جسرا الي الغناء الجديد !!
الغناء الجديد اللى وطن جملتو اللحنية البسيطة من فوق ايقاع النقرزان .. ثم تقدم واثق الخطى مطورا اشعارو و مزيكتو من فوق قاعدة ثورة الايقاع التانية !
أنها ثورة التم تم التى تفجرت مطلع ثلاثينات القرن الماضى !
- فاح لي كبريتا ، يا زميل دقق .. الجمال و الذوق فيها متحقق ، درجو جابو قمنا نتشرف !
Post: #505 Title: Re: د / أحمد طراوة ___ فى ندوة عن تاريخ الغناء فى السودان . Author: Agab Alfaya Date: 10-11-2007, 10:13 AM Parent: #504
استاذي احمد طراوة الاستاذ / عثمان موسى الاعزاء القراء المتابعين
العيد مبارك عليكم وكل سنة وانتم طيبين
احزننى انني لم اتمكن من متابعة هذا النقاش الثر وهذه المعرفة الموسوعية لاستاذنا طرواة بتاريخ الاغنية السودانية الحديثة . لا ادري ان كان جرى نقاش عن التم تم من قبل ولكن استوقفني قولك في مداخلتك الاخيرة الذي اتفق معه :
Quote: أنها ثورة التم تم التى تفجرت مطلع ثلاثينات القرن الماضى !
دائما أقول - استاذي - ان ادخال التم تم على اغنية الحقيبة شكل حجر الاساس لما يسمى بالاغنية الحديثة ، وكان اسمعيل عبد المعين هو من جلب هذا الايقاع الى ام درمان من كوستى التي جاءها من كردفان وتحديدا من ديار الجوامعة بشرق كردفان . ويعد زنقار اول من ادخل التم تم على اغاني الحقيبة ، وذلك في أغناني مثل : من نفسك يا القطار ، وسوداني الجوه وجداني الخ .. وربما تسرب التم تم من غرب السودان ، الى اغاني بنات ام درمان قبل ذلك .
Post: #507 Title: Re: د / أحمد طراوة ___ فى ندوة عن تاريخ الغناء فى السودان . Author: Osman Musa Date: 10-11-2007, 04:01 PM Parent: #505
تجدنا أشد غبطة وسرور أستاذ عجب الفيا أستاذ عجب الفاتح الكبير فى الأدب سلامات نطمح فى مشاركاتك المفيده الف شكر وكل عام وانت بخير استاذ عجب تحياتى
Post: #506 Title: Re: د / أحمد طراوة ___ فى ندوة عن تاريخ الغناء فى السودان . Author: Moawia Mohammed Date: 10-11-2007, 03:58 PM Parent: #1
UP
Post: #508 Title: Re: د / أحمد طراوة ___ فى ندوة عن تاريخ الغناء فى السودان . Author: Moawia Mohammed Date: 10-12-2007, 01:54 PM Parent: #1
برضي ليك المولي الموالي الحاج محمد أحمد سرور
Post: #509 Title: Re: د /زان أحمد طراوة ___ فى ندوة عن تاريخ الغناء فى السودان . Author: أحمد طراوه Date: 10-13-2007, 05:07 AM Parent: #1
جعل الله ايامكم كلها اعيادا !
.. و لكم بعض او كل تلك التهانى المستمرة التى اطلق عنانها محمد بشير عتيق يوم حفلة منطقة البيان بحى السيد المكي في زواج صديقو البارودي ..
" التهانى مستمرة لحبيبنا و لصديقنا عربي البارودي ! قضينا ليلة ساهرة تضمنت محاسن ! "
.. وكان خليل فرح بدري قد قال ايضا نظما جميلا في ادب الاخوانيات يوم ضيع حفلة زواج سليمان كشة بعد ما اخدتو نومة عميقة في القطر و ما صحى إلا في مدني ، وفات عليهو بنطون رفاعة البستوجب النزول من القطر في الحصاحيصا :
" اذكر ليالي العِشة .. وفي الحِلة هبوب الرشة .. هوى بيت المال الما إنفشا .. صدقنى اخوك إتغشى .. لا ضلّ هواك لا كشة .. اذكرني ولو بقشة بيت مال وعيال يا ( كِشة ) "
مودتي وشكرى لتواجدك معنا وحولنا في هذه المناجزة العصية يا منعم ! انها مناجزة التاريخ و الهوية و الفعل السودانى الرصين الذى تخلق مطلع القرن العشرين جبارا قويا في افق الثقافة الوطنية !
.. الان نحنا يا عجب الفيا في قلب دائرة صراع ناس العبادى و ابوصلاح مع بحور و اوزان الخليل بن احمد الفراهيدى ! لقد كان صراعا من اجل السودنة و التمايز و التمسك بثراء وجمال العامية السودانية ، و صراعا لكسر اسنة رماح غلاة العروبيين العروضيين ( جماعة علم العروض ) : من ودائر المعهد العلمى القديم و العائدين من الرواق السنارى بالازهر ، و الراكبين صهوة جيادهم التهامية الاصيلة في شوارع امدرمان القديمة و ناطقين لغة الضاد علي نهج المربي و الفطحل الجليل الراحل الطيب السراج
انه صراع العبادى تحديدا لاجل توطين قافية و تفعيلة و رجز سودانى اصيل ! و بحر الرجز السودانى الجديد ، بكل خصوصيتو و جمالو ، و القايم علي التدوير ، هو سر اسرار الانتقال و التحول اللي انجزو عتيق !
العبادى علي شاكلة : جدي العزاز .. الجيدو قزاز .. يا عُزاز انا نومى خزاز ! الخصرو هضيم .. لا جوع لا ضيم .. الخاتي عِضيم .. الما نضِيم ..
و عتيق علي شاكلة : قم نرتشف خمر الهوى .. و نذكر احاديث الغرام .. علي شاطى النيل السعيد ! الطقس معتدل الهواء .. قم يا الحبيب نمر سوا .. في خميلة و العالم نيام !
.. و علي هذا المحور نواصل و نشحذ عقولنا و قلوبنا نحن و انتم يا منعم و يد الله مع الجماعة !
.. ونعود حتما لتقصى جذور التم تم السودانى .. تم تم الثلاثينات ماركة ام بشاير و ام جباير !
التم تم الذى انبثق تاريخيا من قلب طبول افريقيا القديمة و من عُمق سير واخبار جماعات البانتو الموغلة في القِدم ! التم تم الذي صار تطورا مدنيا سودانيا عالي المقام و وعاء تحتيا حاملا لاجمل الاوزان الشعرية و ارق الجُمل اللحنية !
... نطم خليل فرح اعلاه ( يوم فاتو زواج كشة ) ، و توصيف العبادى لجدي الارض العزاز ، ما ظنيتو قابل و بتلك السهولة للتصريف و الوزن في موازين الفراهيدي الواردة في بحورو الخمستاشر !؟
.. شكرا يا معاوية علي صوت سرور البارتون ! سرور كان بعمل الحفلة كاملة بايقاع النقرزان الصادر من كبايتين قزاز ، و عصايتين و مثلث نحاس ، ومستند بالاساس علي صوتو ذو القوة و الجرس و العذوبة ..
خلي نصحك عنى (خالي) .. عن صراط الحب ما بميل .. برضى ليك المولى الموالي .. وفيك لازم الصبر الجميل .. !
.. منو هو خال سرور اللى منعو الغناء فى بداية عهدو ؟ !
Post: #510 Title: Re: د /زان أحمد طراوة ___ فى ندوة عن تاريخ الغناء فى السودان . Author: Osman Musa Date: 10-13-2007, 03:02 PM Parent: #509
تحيه كبيره للمربى الراحل استاذ الطيب السراج الأستاذ صاحب الباع الطويل والجهد المقدر والعظيم فى التنوير ..
Post: #577 Title: Re: د /زان أحمد طراوة ___ فى ندوة عن تاريخ الغناء فى السودان . Author: Osman Musa Date: 11-10-2007, 05:30 PM Parent: #510
نتابع ما يدور عن التمتم
Post: #511 Title: Re: د / أحمد طراوة ___ فى ندوة عن تاريخ الغناء فى السودان . Author: أحمد طراوه Date: 10-13-2007, 03:17 PM Parent: #1
... و بالاختصار ! غنانا صار ! و خلال النصف الاول للقرن العشرين مدرسة سودانية متميزة بذاتا و خصائصا ..
اولاد البلد ناس العبادى ، و ابوصلاح ، و اسمعيل عبد المعين ، و محمد آدم ادهم ، و خليل فرح و كرومة و عتيق : خاضوا واحدة من اعظم معارك الوطنية السودانية ، و معارك تخليق هوية المزيج الجديد المدهش الناتج من تلاقح العروبة مع الافريقية !
.. تم فك حصار ( العروض الفراهيدى ) المحكر عروبيا و لزاما في نهاية اي صدر لبيت الشعر العربى ! وتم تجاوز ( الضرب الفراهيدى ) المحكر برضو عروبيا و لزاما في نهاية عجز البيت الشعرى ! و انطلق الغنا السودانى في رحاب الرجز المفتوح و آفاق بحر (المُتدارك) السادس عشر الفات تصنيفو و ملاحظتو من قِبل الفراهيدى !
بحر المتدارك اللي ما بحبوه غلاة العروبيين ، هو البحر البقول انو الدنيا بناسا و اعراقا و ثقافتا و غناها و موسيقتا هي بالضرورة اوسع بكتير من جزيرة العرب و ابعد في عمقها وسعتا من ناس قحطان و عدنان و تغلب و ادد
.. تم فك حصار العروض و الضرب شعرا ! و تم اخراج النهاوند و البياتى و بقية المقامات العربية لحنا !
.. و انطلقت الخصوصية السودانية من قلب افريقيا مسطرة اجمل ملاحم الغنا و الجمل اللحنية ذات الماركة السودانية
.. و ياهو زي ما بقول عبيد عبد الرحمن : صاح شادينا صحنا .. غنينا و فرحنا .. و امسينا و صبحنا .. مع النغمات سبحنا !!
Post: #512 Title: Re: د / أحمد طراوة ___ فى ندوة عن تاريخ الغناء فى السودان . Author: محمد حيدر Date: 10-13-2007, 03:36 PM Parent: #1
الاخ د أحمد طراوة والاعزاء المشاركون كل عام وانتم بخير بعد قرآتي لهذا البوست حزنت علي إني كنت يوما ما قريب من هذا المنبع ولم انهل منه د طراوة قد لا تتذكرني لكنني أذكرك بوضوح عام 1984 الزقازيق شقة حي المساكن حيث كان يقيم د امير خليل و فيصل ود الصحافة و كان يزورهم عادل ود البيه و مجدي وايضا اتذكر شقة الدكاترة حيدر خلف الله وقدورة والباسم ومن الاسكندرية صلاح ابو السباع محمد حيدر طالب الثانوي الذي جاء لزيارة ابن خالته د امير خليل لك ولهم جميعا الود
Post: #513 Title: Re: د / أحمد طراوة ___ فى ندوة عن تاريخ الغناء فى السودان . Author: أحمد طراوه Date: 10-14-2007, 02:14 AM Parent: #1
.. ذاكرك يا محمد ! تلك ايام زاهيات قال عنها العبادى :
" ايام اُنس ما اقصرا .. مرت كان لم نبصرا ! " و انتم مربوطين عندنا بحى الامراء ، و دا حى فيهو ابراهيم عبد الجليل اللي سماه دمتري البازار ( عصفور السودان )
في اسطوانة الفحم بتاعت اغنية : يا الهواكم ازى في البداية .. النهاية كيف تبقى خير ! و في القفلة بتاعت الاغنية ابراهيم عبد الجليل بعمل ترديد و ترجيع لحني بالفم يكاد يكون اوركسترا موسيقية كاملة ! ام كلثوم اعترفت بفضل و تمايز و فرادة صوت ابراهيم عبد الجليل لمن سمعتو في اغنية ( الشويدن روض الجنان )
دمتري بنفعل في نهاية الاسطوانة وبقول : عاش ابراهيم عبد الجليل عصفور السودان !
طبعا يا محمد : ابراهيم عيد الجليل هو اخو محمد عبد الجليل حقي ..
Post: #514 Title: Re: د / أحمد طراوة ___ فى ندوة عن تاريخ الغناء فى السودان . Author: Osman Musa Date: 10-14-2007, 02:45 PM Parent: #513
عيد مبارك اخ محمد حيدر الف شكر على المرور تحياتى
Post: #515 Title: Re: د / أحمد طراوة ___ فى ندوة عن تاريخ الغناء فى السودان . Author: أحمد طراوه Date: 10-16-2007, 03:05 PM Parent: #1
... التم تم : ماركة افريقيا القديمة ، و صنو انسان افريقيا القديمة اللي كان بالاساس على هوى و شريعة الادغال و الطبول ، هذا التم تم لمن انسرب للوسط النيلى السودانى صار بنطبق عليهو الرجز الكردفانى الاثير البقول :
.. " زولا سرب سربا .. و خلى الجبال غربا !! "
عبر مراحل ، و تطورات و تعديلات و صراعات ، و إعادة صياغة و تركيب ايقاعى باطنى و عبر مقاربات ذوقية و وجدانية واسعة صار التم تم ولادة سودانية قومية زى ولادة كل خير السودان في النصف الاول للقرن العشرين !
التم تم ثورة و رسالة توحيد !
.. لانو الناس الماشين على درب الغى الراقى بذوبو في موسقة كلمات عثمان خالد البتقول : وحياة شبابك ذبت في عينيك حنان و مغازلة !
.. و برضو بترسموا جماليات لحظة الانتفاضة في كلمات محجوب شريف : بلا و انجلا !
و بواصلو اشتهاء النوم و البحث عن الراحل عوض دكام في الافق النوستالجى الاثير ، بسبب عذابات السهر الناجم من البلاوى و الضغوطات الحاصلة في الخرطوم بعد ان صارت سنتر ضيق لا يسع الا الطفيليين و الغرائزيين !
و في الحالات التلاتة ناس السودان هم علي نهج و شريعة التم تم الضارب في شغاف القلب و نسيج الوجدان السودانى الاصيل ، و اللي صار بمثل القاعدة التحتية و الميزان الايقاعى لمعظم الغنا الحديث منذ منتصف ثلاثينات القرن الماضى
.. كيف انقلب النقرزان ذو الضربة الايقاعية البسيطة الي تم تم واسع الاشتقاقات !؟ كان ذلك و للحق انقلاب السحر على الساحر !
كيف انو التم تم و الكمبا و الدليب و المردوم كانو السبب في طلوع النهاوند و البياتى من السلم السباعى العربى ، و تحولو بالتالي الي سلم خماسى سودانى اصيل متميز عن خماسى الهند و خماسى امريكا و بقية مناطق الدنيا
Post: #516 Title: Re: د / أحمد طراوة ___ فى ندوة عن تاريخ الغناء فى السودان . Author: Osman Musa Date: 10-17-2007, 01:48 PM Parent: #515
نتابع معكم سادتى الندوة وكل عام والجميع بخير وعافه
Post: #517 Title: Re: د / أحمد طراوة ___ فى ندوة عن تاريخ الغناء فى السودان . Author: محمد عثمان Date: 10-19-2007, 09:43 AM Parent: #1
عيد مباارك للجميع..
و باا عيد تعود يا عيد...
و فى الأعياااااااد !! وفي أحزان عيون الناس.. وفي الضُّل الوقَف ما زاد.. و أناديها!!
فى بسمة الاطفال.. فى ضحكة الاصباااااح.. هليت علينا يا عيد.. و غمرت بالافراح!! يتصافوا كل الناس.. يتقابلوا الاصحاااااب.. يتساقوا خمر الشوق.. يتبادلوا الانخاب!!
عيونك!!!! ذى سحااااابة صيف .. تجافى بلااد و تسقى بلااد و ذى فرحا.. يشيل منى الشقا و يزداد.. و ذى كلمااااات.. بتتأوه!!!! تتوه .. لمن يجى الميعااااااد!! و ذى عيدا..غشانى و فااااات.. و عااد .. عم البلد أعياااااد!!!! و ذى وطنا.. وقت اشتاقلوا..برحل ليهو من غير زاد.. بدون عينيك..بصبح زول..بدون ذكرى و بدون ميلااااااد!!
و هكذا العيد فى الاغنية السوداانية....
و سلااااااام للجميع....
Post: #518 Title: Re: د / أحمد طراوة ___ فى ندوة عن تاريخ الغناء فى السودان . Author: أحمد طراوه Date: 10-20-2007, 04:01 AM Parent: #1
شكرا يا محمد عثمان على تلك التنويعات الغنائية ذات الصلة بعيد المسلمين !
و اجمل عيدية اخالها هى صوت سرور الجارى في هذه الصفحة مجرى البسفور !
.. في الحانو و كلمات العبادى برضى ليك المولى المولى ، و الاغنية فيها تورية ضمنية في شكل مناشدة للرجل جليل الشأن التجارى و القدر الامدرمانى / الامين عبد الرحمن !
.. وهو في حكم خال سرور !!
صوت دمترى البازار في اسطوانة الفحم انتاج بيضافون و متشجان نواحى مصر ( و اللي سبقت اسطوانة البلاستيك انتاج منصفون نواحى الخرطوم ) و هو يقول ( اى دمترى ) بحزم جميل و منتشيا بترديد و ترجيع سرور عند قفلة الاغنية او سمها كسرتا او سمها ما شئت :
" زِيدم يا حاج ! "
.. وهى في مقام : عقب يا نديمى ! صوت دمترى برضو بالنسبة لينا عيدية اضافية ! بالله ركز علي صوت دمترى يا ود عثمان !
... سرور نال لقب الحاج لانو مشى الحجاز ، و ارتبط بالملك عبد العزيز بن عبد الرحمن ال سعود ! و هو من اهدى ليهو ساعة الدهب و المسدس ! وفي حفلة بحى ود البنا بامدرمان اخرج سرور مسدسو و اطلق رصاصة في الهواء في مواجهة مجموعة من معكرى صفو الحفلات من امثال اللبخ ، و كبس الجبة . . ودا رهط من كرام الرباطين و همباتت ام درمان القديمة !
.. وطبعا سرور قضى الشهر بتاع السجن في جنينة السيد عبد الرحمن ( حلال العقد و البفك المشبوك ) !
كان سرور و العبادى و سيد عبد العزيز شديدى الولاء و المحبة للسيد عبد الرحمن المهدى و قالو فيهو اجمل الكلام .. علي شاكلة :
.. " يا نيل القراب و بُعاد .. و يا المالك القلوب بالجبرة ما بالارهاب ! " .. كلام في الاجتماع و السياسة لازال يسرى في تقاسيم جميلة !
.. و الى التم تم نعود !
لكن ليه ناس عبدو الحامولى و سيد درويش و الشيخ زكريا احمد في شمال الوادى قبلو السلم السباعى بهكذا بساطة و استسلام ؟ ! و لبسوا توبو الضيق علي تراث الموسيقى و الملوديا ذات الهوى الفرعونى - الهيلينى - الاشورى - المصرى القديم ! ؟ وحشروا الغنا المصرى كلو قديمو و حديثو في ايقاع العشرة بلدى و اشتقاقاتو المحدودة ! ؟
و ليه ناس اسمعيل عبد المعين ، و ناس احمد مرجان و السر عبد الله ، و عدنان احمد عبد الله ، ومحمد آدم ادهم ، و خليل فرح و كرومة و عبد القادر سليمان لاحقا تمردوا علي مقامات النهاوند و البياتى .. و رجعوا استزادو بمعين ضربات و موازين الايقاعات السودانية ذات العمق الافريقى في كسر شوكة السباعى المتسلل عبر العود و ساعيا لطمس اصالة الخماسى الموطن تاريخيا في اوتار الطمبور !؟
.. في الاجابة بتكمن قصة و تاريخ و انثربولوجيا وطن بحالو ! و لازالت ترن في اذنى ملاحظة عدلان احمد عبد العزيز يوم جمعتنا في فيرجينيا لحظة صفاء وأنس استثنائى ، قال لي ابو مهيرة وهو عازف و صانع طمبور ايضا :
.. لمن يتم تحريك اصباع اليد في اوتار الطمبور بشكل مفتوح متصل ( او كما يفعل ابو عبيدة حسن في صولو الطمبور في اغنية الجننى ) ! فان الانغام الصادرة و واقعة غالبا خارج اطار حروف النوتة ، هي علي وجه التحديد تمثل و تطابق ضربة ايقاع الدليب !
.. هذا امر نرفعه لجراب الراى و بحر العلوم يوسف الموصلي ! اما نحن فلا نملك سوى الاستزادة المحفزة لمزيد من التقصى و الفهم و سؤال العارفين : فالمعلوم لدينا ان الطمبور هو الحامل التاريخى للمقام الخماسي في السودان ! غير انه حاملا عفويا و تاريخيا ايضا لايقاع الدليب فذلك هو الجديد و المثير ايضا !!
Post: #519 Title: Re: د / أحمد طراوة ___ فى ندوة عن تاريخ الغناء فى السودان . Author: Osman Musa Date: 10-20-2007, 05:32 PM Parent: #518
الف شكر استاذ محمد عثمان ارجو أن تكون على احسن حال تحياتى
Post: #520 Title: Re: د / أحمد طراوة ___ فى ندوة عن تاريخ الغناء فى السودان . Author: yasiko Date: 10-21-2007, 05:34 AM Parent: #1
Post: #521 Title: Re: د / أحمد طراوة ___ فى ندوة عن تاريخ الغناء فى السودان . Author: yasiko Date: 10-21-2007, 06:17 AM Parent: #1
Post: #522 Title: Re: د / أحمد طراوة ___ فى ندوة عن تاريخ الغناء فى السودان . Author: أحمد طراوه Date: 10-21-2007, 07:26 PM Parent: #1
شكرا يس .. الشوق و الريد + العلمك ظلمك ! الاثنين غناء المدرسة التانية القايم علي اشتقاقات التم تم !
.. التم تم .. وليد عدة عوامل تاريخية و اجتماعية و فنية تشابكت فكانت لحظة الميلاد و اكتمال ثورة الايقاع ! التم تم هو السحر اللي انقلب علي الساحر !
نواصل في هذا المحور ...
Post: #523 Title: Re: د / أحمد طراوة ___ فى ندوة عن تاريخ الغناء فى السودان . Author: yasiko Date: 10-24-2007, 07:00 AM Parent: #1
Salam Dr. Ahmed Thank you Enjoy this also
Post: #524 Title: Re: د / أحمد طراوة ___ فى ندوة عن تاريخ الغناء فى السودان . Author: Moawia Mohammed Date: 10-24-2007, 09:05 AM Parent: #1
UP
Post: #525 Title: Re: د / أحمد طراوة ___ فى ندوة عن تاريخ الغناء فى السودان . Author: Moawia Mohammed Date: 10-25-2007, 10:47 AM Parent: #1
فوق
Post: #526 Title: Re: د / أحمد طراوة ___ فى ندوة عن تاريخ الغناء فى السودان . Author: أحمد طراوه Date: 10-25-2007, 11:31 PM Parent: #1
.. زحف التم تم نحو الوسط النيلى كان اشبه بزحف الجيوش المغربية يوم ازمة الصحراء تلك !
كان زحفا مجيدا استدعتو لحظة الازمة الرابعة في الغناء السودانى !
.. الازمة اللي اقتضت تضافر جهود عبد الرحمن الريح و سيد عبد العزيز و كرومة في تناسق تام مع ذلك الجهد و تلك المواجهة الصريحة مع مقومات ذات الازمة ، المواجهة اللي كان بخوضا فلتة زمانو فضل المولى زنقار بدعم و توجيه الرجل ذو البصيرة و الحس الفنى - التاريخى عبد القادر تلودى !
محور تلودى - زنقار كان بركز علي تحويل و اعادة توجيه كافة النشاط الفنى - الطليعى بتاع فاطمة خميس و رابحة التم تم و ابوحراز المسلح بدلوكتو الفريدة ، في وجهة جديدة سميت بالتم تم الراقى !
محور عبد الرحمن ، عتيق ، كرومة و سيد عبد العزيز ، دا المحور اللي وقعت فيهو واقعة ( الترافيلغر ) او الطرف الاغر السودانى !
دا المحور اللي حصل فيهو انقلاب السحر علي الساحر !
ثورة التم تم النيلى ثم اعادة انتاجو قوميا علي صدى غناء ناس رطانة امثال خليل فرح و يوسف فتاكى ، ابن الجنوب ، هى قضية اكبر و اعقد في مضمونا من حقيقة انو التم تم هو ايقاع افريقى قديم تمت حضانتو تاريخيا في دوائر و مجتمعات الرديف البريطانى اللي تخلق عند مدن بعينها قبل وصولو سنتر الخرطوم ..
Post: #527 Title: Re: د / أحمد طراوة ___ فى ندوة عن تاريخ الغناء فى السودان . Author: محمد عثمان Date: 10-26-2007, 09:18 AM Parent: #1
Quote: اعقد في مضمونا من حقيقة انو التم تم هو ايقاع افريقى قديم تمت حضانتو تاريخيا في دوائر و مجتمعات الرديف البريطانى اللي تخلق عند مدن بعينها قبل وصولو سنتر الخرطوم ..
متااابعين و سنتر الخرطوم بالليل و كلااام يااا....
Post: #528 Title: Re: د / أحمد طراوة ___ فى ندوة عن تاريخ الغناء فى السودان . Author: محمد المرتضى حامد Date: 10-26-2007, 11:04 AM Parent: #527
عثمان موسى شوف ياخ أولا بالتبادي كلو سنه وكل بوست وانت طيب ، تانيا المعايده دي لاحقه محمد عثمان مهندس الغناوي ومعاهو معاويه لأنهم بينضفوا لينا الأذن الداخلية والوسطى مما يخلفه الكثير من كتبة هذا المنبر من مواد شمعية تصل بنا حد الفيرتايقو. شكرا يا عثمان على رعايتك لكل ضواحي الجمال وطرف مداين السماحه في الزمن الصهيوني القبيح ، شكري لزولي المتمم كيفي طراوه وهو يبني دعائم تحت أرضية هذا المنبر منعا للسقوط والإنهيار كما يحاول أهل الهندسة مع برج بيزا صونا لتلك الأعجوبة بعد أن تمادى في الميلان كانه ينصت لمحمد ود الرضي في هوى الخلخال. نحن قبيلة تحسن الإنصات وتسكر طربا لكل الذبذبات المموسقه حتى تحفل المآقي بدموعها، طراوه ، في مطار تورنتو وتحت تحفة كريستال واحد كاتب bewrae of the alluring spell cast by beauty أين يا وصلي
Post: #530 Title: Re: د / أحمد طراوة ___ فى ندوة عن تاريخ الغناء فى السودان . Author: Moawia Mohammed Date: 10-26-2007, 12:07 PM Parent: #528
مولانا محمد المرتضي ياخ كل سنه وانت بالف خير وربنا يديم المودة بيناتنا ولك كل الحب ( في المنبر وبره المنبر )
Post: #529 Title: Re: د / أحمد طراوة ___ فى ندوة عن تاريخ الغناء فى السودان . Author: Moawia Mohammed Date: 10-26-2007, 11:59 AM Parent: #1
UP
Post: #531 Title: Re: د / أحمد طراوة ___ فى ندوة عن تاريخ الغناء فى السودان . Author: Moawia Mohammed Date: 10-26-2007, 12:11 PM Parent: #1
حبيبي غاب كلمات : عبد القادر تلودي وأداء : فضل المولي زنقار
تعتبر مثال حي لايقاع التم تم
Post: #532 Title: Re: د / أحمد طراوة ___ فى ندوة عن تاريخ الغناء فى السودان . Author: Moawia Mohammed Date: 10-26-2007, 12:17 PM Parent: #1
وكذلك أداها الصناجة عبدالعزيز محمد داؤود ويمكن بكل سهولة تبين ايقاع التم تم
Post: #533 Title: Re: د / أحمد طراوة ___ فى ندوة عن تاريخ الغناء فى السودان . Author: Moawia Mohammed Date: 10-26-2007, 12:49 PM Parent: #1
Quote: سلام ياعزيزي يحيى بالله عليك يا عارف الأسباب سلم على البورداب قول ليهم يا البورداب ما لاقي لي دوداب ------- رسل مقالي لي كافة الأحباب لي عجب الفية قبل الهجوع ما شاب والجندرية والموصلي الجياب ايمان ودريمنا غفار والأباباب قبل العصير ما غاب يوصل يدق الباب
تسلم بشير اسماعيل
عبد المعين يعين ولا يعن
كثر هم المبدعون السودانيون الذين " طبزنا" اعيننا بايدينا باهمالهم وهذه - قطع شك – غفلة حمقاء يتسرب حينها – وهي دائمة - كل جميل ما بين انفراج الاصابع وفغرة الأفواه, ماذا نعرف عن كثير من مبدعينا وعن اعمالهم, ماذا نعرف عن احمد زاهر الملحن, عن ابوبكر خالد القاص, عبد العزيز الصياد المغني المجيد, وربما اذا سالت بعض ابنائنا من الأجيال الجديدة عن عبد المعين لرد عليك بالمثل " جبناك يا عبد المعين تعين" هذا اذا كان له المام ومتابعة.
غصة هي الذاكرة المجزوءة عن امثال هؤلاء حين يمضون تاركين لنا مهمة البحث الشاق – شحيح النتاج - والذي يشبه "اكل العنكوليب",,,, اسماعيل عبد المعين هو احد هؤلاء الذين ضيعناهم ولم يبق لنا منهم الأ ما قد يكون ضاع الآن - حرقا - ضمن اعمال الهجمة البذيئة على وثائقنا ومجمل تاريخنا.
قال عبد المعين – كما اورد احد البورداب – انه جاء بايقاع التم تم من الحكامات اللأئي اخذنه عن مساعدية اللواري فقد كانوا اذاعة السودان قبل اذاعة امدرمان, والآن –فقط - استطيع ان افهم معنى مقولة " سارت به الركبان " التي جاءتنا باردة هامدة من تراث العرب. كنت ادمن صداقة المساعدية الذين جلست معهم على الأرض مثلما جلست معهم على " تندات" اللواري فسمعت منهم اجمل الألحان, وجدتهم على غير ما لحق بهم من سمعة اخذنا فيها بالتعميم, وكنا مثل الذباب نحط على القاذورات فننشرها ونروج لها, فالمساعدية لهم قيمهم المهنية والأنسانية ولهم فنهم, وفوق هذا وذاك لهم دورهم الذي ارخ له عبد المعين في مسيرة فن الغناء السوداني حيث كانوا اكفا وسيلة للأتصال المسموع في ذلك الزمان.
من اغانيهم الجميلة:
ياربي تجيب الصيف
ننجر مع الشنيف
الليل بوبا
.....
ودوني لي غبيش
وقال لي حشي العيش
الليل بوبا
وكثلك:
نشيل الجوز في الجوز
نسقي جناين الموز
حريق سكر
نسقي جناين الموز
----------
عطشانة ماابننبل
كان غرقوني بحر
الألما الفي الحجر
شربا الحمام وسدر
-------------
الفقر ماندورا
كان قبة ما نزورا
تأتي هذه الكلمات ضمن نص موازي من الكرير و الصفقة الموزونة, وقد كانت كلمة الصفقة تعني الحفلة كما تعني بيت العرس في كثير من بقاع السودان.
جانب أخر هو انني اظن – مرجحا - ان الثقافة العربية – في معظمها - لم تأت للسودان عن طريق الشمال او الشرق, بل اتت عن طريق الغرب وذلك بعدة شهادات نجتزئ منها على عجل وتعميم اسم ايقاع التم تم ووزنه, والشبه الذي يكاد يكون تطابقا بين الغناء بالسودان وبعض دول المغرب العربي مثل موريتانيا ومالي, اضاقة الى انتشار الطريقة التيجانية القادمة اصلا من المغرب الى السودان ومصر على حد سواء, وغيرذلك من وجود كبير لسلالات المغاربة والشناقيط في اجزاء من دارفور وكردفان, وورود شخوص في السيرة الهلالية رجح الكثير من الدارسين انها سودانية – رغم قول البعض بانها مصرية - وقد نعلم ارتباط السيرة الهلالية بالمغرب العربي.
لنعد الى عبد المعين الذي اراد ان يضع قواعد للغناء السوداني عبر مشروع مساهمته النظرية التي تعرف بالزنجران وهي – فيما يرى – مزاوجة بين الزنجي و العربي في منظومة اللحن والأيقاع, كل ذلك ضمن مرجعية سوسيولوجية هي ان الدم الزنجي الذي يجري في الأعراق السودانية يطربه – اصلا – الأيقاع, لذا يجب ان ينضبط الأيقاع السوداني ب"مشي الخيل" و ليس " مشي الجمل" كما يمطه بعض المغنين, وضرب مثلا لذلك بعزة في هواك على انها سريعة كما غناها الخليل وليس " ممطوطة" كما تؤدي الآن, وربما كان هذا احد خلافاته مع الكثيرين ومنهم اساتذة وطلاب معهد الموسيقى .. والله – وهو وهم – اعلم بذلك مني. وفد ضرب امثلة اخرى كثيرة مثل:
المهدي جا
من دنقلا
قال الفتا
بي فد ريال
والعزبا بالفاتحة
" معليش يا جندرية, فهذه اهزوجة قديمة لم يصبها عهد الجندرة"
ومثل يا الساكن جبال التاكا, وانت كان زعلان انا ما بزعل وغيرها.
وعلى ذكر الخليل قال عبد المعين مؤرخا للحن عزة في هواك ان مقدمته ذات الطابع " المارشاتي" ماخوذة عن جلالة قديمة هي:
ود الطريفي رايو كمل
جابوا شالايتو من دار قمر " وهي ديار قبيلة القمر – بكسر القاف والميم واهمال الفاء - بدارفور".
شوف - بالله عليك - الى اي حد كان هذا الرجل مسكونا بهواجس البحث والتقصي في الدقائق من اجل معرفة الجذور الثقافية للأغنية السودانية, ومن اجل وضع تقعيد نظري لفن - سوداني - نكاد نفتقده حتى الآن في كثير من ابداعنا الفني. يفعل هذا بجدية تامة وايمان كامل برسالته برغم المصاعب والعوازل وظلم ذوي القربى الذي هو اشد من وقع السنين المهند
رحم الله عبد المعين الذي لم يقدر في حياته وهذه دوامة اشبه بدوامة الأنقلابات العسكرية والديمقراطية في السودان, موت المبدع بدون بكريم او افادة من امكانياته ثم البكاء الحق من البعض او التباكي بعيون الغول من البعض الأخر في انتظار ميت جديد من المبدعين, وقطعا هناك رابط منطقي بين هذين الدائين في نفسيتنا الأجتماعية يستحق على الأقل محاولة الدراسة فللسياسي جذره المتموضع في الثقافة, وصدق من قال:
الكل في سوداننا يحتل غير مكانه
المال عند بخيله والسيف عند جبانه
او كما قال الأخر:
مما يزهدني في ارض اندلس اسماء معتصم فيها ومعتضد
اسماء مملكة في غير موضعها كالهر يحكي انتفاخا صولة الأسد
وعمتم صباحا ومساءا وزيدونا من عبد المعين, لك التحية عجب الفية على الأبتدار ولكل من شارك او سيشارك.
منهج الشك هو الذي قاد رائد الغناء السوداني إسماعيل عبد المعين لاجتراح "الزنجران الموسيقي" وهو المصطلح الذي قصد به، عبر محاولته البحثية الباكرة، تسديس المنوال الغنائي السوداني، أي مزواوجة السلمين الخماسي والسباعي، والاخير موجود في الغناء السوداني لمجموعات سكانية عربية، وأفريقية أيضا. وفي الواقع إنه لا تهمنا فقط التطبيقات التي سعي إليها عبدالمعين لإكساب مصطلحه المصداقية وإنما تهمنا أكثر جرأته في عدم القناعة آنذاك بغناء جميل لمرحلة الحقيبة، وكذلك مرحلة الكاشف والتاج مصطفي وعثمان حسين وعبدالرحمن الريح وغيرهم. ولعل الاستاذ عبدالمعين نحي بعد إعمال الذهن للتنقيب عن قوالب غنائية أكثر ملائمة لهؤلاء الزنج والعرب وما بينهما، هؤلاء الذين يعبر عنهم المصطلح .. ولكن أية جرأة هذه لمن لا يقنع بالقبول الكاسح الذي وجدته أعمال أولئك الرواد ..؟ وما الذي كان يمنع دارس الموسيقي في أوربا الخمسينات ليؤلف مثلهم حتي يحظي بصيت حسن عطية مثلا, والذي كان فنان المثقفين كما لو أن هذه التسمية جرت بإتجاه الكابلي الآن؟؟ ويحدثنا الناقد الحصيف عبدالمنعم عجب الفيا عن عبدالمعين بقوله".. ان ادخال ايقاع التم تم في اغاني الحقيبة كان نقطة تحول في مسار الاغنية السودانية.." ويضيف أن "..التم تم بمثابة اللبنة الاولي في صرح ما عرف بالاغنية الحديثة. ومن الدلائل علي ذلك ان رواد هذه الاغنية مثل الكاشف وحسن عطية واحمد المصطفي والفلاتية، قد بداوا تجاربهم الفنية بترديد اغاني التم تم .والفضل في هذا يعود الي الفنان العبقري المجهول اسماعيل عبدالمعين. ومن الاغاني التي كان يؤديها عبدالمعين بالعود تشكلت الامشاج الاولي للاغنية الحديثة..." في يقيني أن مصطلح "الزنجران" كان ضربا ً خفيضا ً في وتر الهوية و"نقارتها"، وضربا ً من ضروبها الوعرة أيضا، حيث تلازم أوان طرح المصطلح مع "طروحات هويوية" في مجال الفكر والادب والتشكيل/ وإذا كانت ما تضخه منظومات الحركة الوطنية/الحزبية يمثل أحلاما لمطابقة هويتنا بالمجال الحضاري أو تنويعا له، فإن مدرسة الغابة والصحراء كانت كذلك تفصح بشعرها، أما مدرسة الخرطوم التشكيلية فهي لا تختلف بإنتاج ابراهيم الصلحي ومحمد أحمد شبرين وعثمان وقيع الله الذين يطوعون الحرف العربي لتبيئته سودانيا ً..وهل ننسي تجربة "ابادماك" الإله الاسد..؟ إذن فإن الاستاذ عبدالمعين قائد فرقة البساتين الموسيقية لم يعدم حيازة جزء من الملمح الفكري الذي سم تلك المحاولات، فمحاولته لتأسيس وتأثيث "الزنجران" ربما أرادت خلق منهج موسيقي يرضي البقارة والجعليين والدينكا والمساليت والشوابنة والحمر والقمز أوالوطاويط، في آن واحد، فهو لابد أحس أن الاغنية الامدرمانية تمثل التراث الجميل لثقافة الوسط ولكنها بحاجة إلي التطور بإتجاه التنوع القبائلي للسودانيين. وكأني به أراد أن يقول ان من أخلاق خلق الموسيقيين السودانيين إستخدام التراث التشكيكي لديكارت أو توظيف التساؤلات الاخلاقية/المعرفية لسقراط حينما يهمون للتلحين الجديد كما كان يفكر هو عبر إنتاج جوقة "البساتين" والتي يقول عنها الموسيقار يوسف الموصلي إنها "تعتبر رائدة في مجال الفرق السودانيه التي تعزف وتقرأ علي النوتة الموسيقية ..إنها تذكرنا انجازاته العظيمه وهي اضافة رائعة في تاريخنا.." ولكن مشكلة الاستاذ إسماعيل أن تطبيقات جوقته كانت بحاجة إلي الدعم من قبل حفريات موسيقية ينهض بها أكاديميون حتي يعينونه في عمله الخلاق، جلبا للفلكلور الموسيقي من الاصقاع النائية كما يفعل بعض طلاب الموسيقي، أو تحليلا له في معمل الدرس ومعرفة حول ما إذا كان هذا الجلب يساعد في تحسين فكرة أعماله الموسيقية إقتباسا أو تناصا ، كما فعل وردي في قصيدة الاستاذ سيد أحمد الحردلو حيث إستعان ببعض الموازير الموسيقية من الغناء النوبي لمقتضي إستنطاق النص، أو كما فعل الشاعر محمد طه القدال في إستخدام الايقاع العربي/الشامي في إحدي قصائده للوصول بالتجريب الموسيقي إلي أعلي مدي. وللاسف الشديد أن الموسيقيين وهم أصحاب الوجعة لم يعطوا عبدالمعين حقه من التقدير ولم تصل إلينا بحوثات منشورة من المعهد العالي للموسيقي والمسرح تشرح أو تراجع تجربته مع "الزنجران" وكذلك إستدراك التجارب اللحنية التي نجح أو أخفق فيها. فما وصلنا عن صاحب "الزنجران" هو ذلك الحوار الاذاعي القديم الذي أجراه الاستاذ محمود ابو العزائم معه، حينما كان مديرا للاذاعة وفي ذلك الحوار بدا لنا عبدالمعين في جانبه التنظيري حول شؤون الغناء، رغم إنه وصل إلي كل الاجيال كملحن للاشعار الوطنية وبعض الاعمال الموسيقية البحتة وكذلك المارشات التي تبنت البحرية الاميركية إحداها كشعار لها، ولعل هذا الشح في الدراسات التطبيقية للرواد ليس قصرا ً علي عبدالمعين فنحن لم نعن بعد بمحاولات حرث بقية الرواد، ولم نتوافر حتي علي منهجي تدريس سودانيين، واحدهما للموسيقي والآخر للمسرح. يقول استاذنا محمد صالح يعقوب وهو من بعد باحث/صحافي دؤوب "..لعل من أهم المهام التي أداها الراحل الأستاذ الموسيقار اسماعيل عبدالمعين انه سبر أغوار الفنون المسموعة القديمة في السودان وأخضعها لتنظيره واستماعه الطويل فاستطاع ان يعيد كثيراً من الأنغام السودانية الشهيرة - بما فيها المارشات العسكرية - الى خلفياتها الشعبية الضاربة في القدم ومن خلال ذلك أوضح لنا حركة التطور المتواصلة في أهم شرائح الفنون «الشعر والغناء والموسيقى» فيما تبين به .." ويشير يعقوب إنه "حتى منذ الفترة السابقة لألحان وأغانى «التم تم» وحتى المرحلة الحديثة التي أعقبت «غناء الحقيبة» شارك في خضم ذلك باضافاته اللحنية سواء ما لحنه للفنان الراحل سيد خليفة في مرحلته الدراسية بمصر وغيره من الفنانين أو تلحينه لبعض الأناشيد الوطنية في مرحلة قيادته معهد البساتين «في الستينيات وبعض السبعينيات».." الدكتور الفاتح الطاهر، أحد رواد العلم الموسيقي السوداني، يضع عبدالمعين علي رأس المؤسسين للاغنية الحديثة ويري إنه ثالث ثلاثة رواد عبدوا الطريق للأجيال المتعاقبة والاثنان هما خليل فرح وسرور ويحدثنا "..إنه جاء إسماعيل عبد المعين بعد وفاة خليل فرح وبداخله الجديد ويقتضينا الإنصاف الوطنى والتاريخى أن نقول ان اسماعيل عبدالمعين كان ثورة جديدة إضافيّة فى التلحين . كان هو صاحب الإضافة الحقيقيّة التى عبّدت الطريق لجيلٍ سوف يأتى ليضع بصماته على الغناء ، وعمل ماكان خليل فرح سوف يفعله لو عاش أطول مما عاش بأعماله الجميلة المتجدّدة ، وبأحاسيسه وتفكيره الإنسانى . ويشير الدكتور الطاهر إنه "..فى عام 1937 لحّن إسماعيل عبدالمعين الأغنية الوطنية ( صه ياكنار ) من كلمات الصاغ محمود أبوبكر والتى اشتهرت ولعبت دوراً تربويّاً هاماً خاصةً وسط الطلبة والمثقفين ، لأنها كانت تعبّر عن الأحاسيس الوطنيّة والنضال من أجل الحريّة ، وكان إسماعيل يعلم ان الأغنية الوطنية تدفع إلى الأمام وتربط المواطن بأمّته . والأغنية فى صياغتها ترتكز على عنصر التوازن الدقيق بين الكوبليهات فى توليفة جذّابة بعد أن وضع لها مقدّمة موسيقيّة حالمة . وتعتبر أغنية ( صه ياكنار ) هى ثانى أغنية سودانيّة لها مقدّمة موسيقيّة بعد أغنية ( عزّة ) ..." ويضيف بقوله: بعدها قدم اسماعيل عبدالمعين مجموعة من الأغانى الجميلة، بها لمسات لحنيّة جميلة وشديدة الجاذبية ( ياحنونى ) و ( أيه يامولاى إيه ) و ( وقابلته مع البياح ) و ( جبال التاكا ) و ( القاش ) وكانت أغنية ( جبال التاكا ) بالذات فتحاً جديداً فى عالم الأغنية السودانية ، وبها خرج اسماعيل إلى الجديد وهو يقود حركة التطوير . لقد اعترف سرور بالقيمة الفنيّة الواضحة لهذه الاغنية التى تقدّمت على بقيّة الأغانى إذ لم يحدث حتى ظهورها ان خرجت إلى النور اسطوانة بالعدد الكبير من النُسخ الذى خرجت به اسطوانة ( جبال التاكا ) والأغنية وضع لها اسماعيل مقدّمة موسيقيّة جميلة .." ويختتم مدير معهد الموسيقي والمسرح السابق بقوله "..كما وقف خليل فرح مع ثورة 1924 وقف اسماعيل بكل قوّته مع مؤتمر الخرّيجين العام عند تأسيسه عام 1938 ضد الاستعمار . وفى عام 1941 اتصل ممثلو مؤتمر الخريجين باسماعيل عبدالمعين طالبين منه تلحين نشيد المؤتمر ( للعُلا ) من كلمات خضر حمد ، وافق اسماعيل ، لابوصفه رائداً يكتشف الطريق للأجيال القادمة ، بل بوصفه فناناً مصقولاً بالعلم ، وبوصفه مواطناً ثائراً ضد الأوضاع الإستعماريّة فى السودان . وفى مساء نفس اليوم وُفّق فى تلحين النشيد ، وفى اليوم التالى دعا مجموعة من شباب نادى الخريجين وأجرى معهم البروفات حتى اقتنع بأدائهم . وبعدها قدّمه أمام ممثلى المؤتمر ، وكان من بينهم الزعيم الأزهرى ، والنشيد يُعتبر أول عمل سودانى لُحن على إيقاع المارش ( نبرة الحماس ) ..." الفنون لبصريتها وسمعيتها وملفوظيتها، ليست هي علي شاكلة الفكر، فهي تجسد مسائلها حول الهوية تطبيقيا بينما الفكر والفلسفة والدين ينشد عاملهم التنظير عن شكل ومصمون هوية المرء أو الجماعة. الفنان لا حاجب بينه وإحداث التطبيق ولكن المفكر والفيلسوف محجوبان بالسياسي الذي ينفذ فكرتهما بالنيابة عنهما: في حالة الغابة والصحراء يطبق مبدعوها زهاء الغابة والصحراء" ديواني العودة إلي سنار..وأمتي" ووجدنا الراحل أحمد الطيب زين العابدين يطبق "السودانوية" عبر الرسومات والقصص والغريب أن مدرسة الواحد التشكيلية التي أسسها أحمد عبدالعال وإبراهيم العوام وعبدالباسط الخاتم ومحمد عبدالله عتيبي لم تنتج تشكيلا تطبيقيا ــ بعد تدشينها نظريا ــ كما فعل الفنان التشكيلي العراقي شاكر حسن آل سعيد مؤسس مدرسة "البعد الواحد" والذي طبق لها بلوحاته، وجدير بالذكرإنه لا فرق بين طرح الاسبق لآل سعيد وطرح الواحد السودانية. أما في الموسيقي التي بذل لها عبدالمعين عمره لحظنا أن الملحنيين الكبار أمثال حسن بابكر وبرعي محمد دفع الله وعبدالرحمن الريح وأحمد زاهر وصولا إلي جيل وردي ومحمد الامين وبابا فزاري وبشير عباس يعبرون عن الهوية إبداعيا ونادرا ما تجدهم ينظرون تجاه ما ينبغي أن تكون عليه أغنياتنا مثلما كان يفعل العاقب محمد حسن لماما ً. عبدالمعين شذ عن هؤلاءحسث وجدنا إنه برغم أعماله الفنية كان مهتما بالتنظير حول أمور الغناء والموسيقي. ولكن يبدو إنه ظلم بسبب أن المجتمع الذي عاش فيه لم يكن ليعطي الفن والغناء خصوصا حقهما من التقدير، ناهيك عن الاستماع إلي التنظير حول طرائق اللحن، وآنذاك غاب إهتمام الدولة بالتأسيس للشأن الاكاديمي الموسيقي الذي كان يمكن أن يتبني إتجاهاته البحثية الغنائية ويدعمها ويقيمها وتلك من المساعدات التي تحفزه لجولات موسيقية مختلفة في ربوع السودان. وطالما إننا لم نتوافر بعد علي السيرة الذاتية الوافية لحياته الخاصة لندرك إلي أي مدي صرفته نوائب الدهر عن المواصلة في مشروعه، فإننا نتوقع أن المعاناة التي واجهت الملحن/غير المغني ــ وهو علي كل حال ليس مثل الملحن/المغني الذي يعتمد علي الحفلات ــ قد فعلت فيه مفعلا كما كان الامر مع أنداده من الرواد المسرحيين أمثال خالد ابو الروس وإسماعيل خورشيد وحسن عبدالمجيد ويس عبدالقادر وخلافهم من الرواد الذين قدموا مسرحهم علي "ضوء الفانوس" ولم يحصدوا من مجتمعهم إلا الجحود ومن الدولة إلا التجاهل. ولو أن حال المبدعين "من بعضو"، فإن هناك إحساسا كبيرا يتملك المرء أن عبدالمعين تناثر في جيل الثمانينات الذي تخرج من معهد الموسيقي والمسرح. ويكاد المرء نفسه يلمح في ذات الموسيقار عثمان النو الذي يعود له الفضل الكبير في تأسيس فرقة "عقد الجلاد" الغنائية التي جاءها بعد أن ساهم في تأسيس فرقة السمندل الموسيقية، وهذا التواترهو من ميزة الفكرة الابداعية، حيث إنها تتناص كما يحدثنا الاخوة البنيويون بطريقة ما في الافكار التي تلي مجايلتها أو تعقبها في المجايلة بقرون حتي، وباب التناص مثل باب "الجين" وهو كبير ويمكن الرجوع إليه في الدراسات التطبيقية الحديثة التي تثبته بالتطبيق وليس بالتاويل. وبخلاف عقد الجلاد لا حظنا أن "ساورا الموسيقية" ايضا بشكل غير مباشر تسير في تطبيق مباحث عبدالمعين الجريئة وغيره ممن مهدوا بعده الطريق للاجيال الجديدة الذين إتجهوا لتقديم أغنية تختلف عن أغنية امدرمان، وهي الاغنية التي تتضمن موتيفات وإيقاعات من البيئة السودانية وطرق آداء مقتبس من الدوباي والحكامات وآخر مهرمن من تجارب الغناء في جنوب السودان حتي. فضلا عن كل هذا فإن هناك أفراد ا ً منتجين في الحقل الغنائي/الموسيقي يمثلون "إسماعيل عبد المعين" عصرهم، مع الاختلاف في التفكير الوجودي والحساسية الابداعية والمنطلق الذاتي بين أصحاب" أم كحيل نسيم المره بالليل" التي تؤديها ساورا و"جابو لي سرو..سر غامض ما قدرت أحلو.." والتي هي من أعمال الموسيقار الراحل عبدالمعين، أعانه الله في قبره وآخرته.
Post: #535 Title: Re: د / أحمد طراوة ___ فى ندوة عن تاريخ الغناء فى السودان . Author: Moawia Mohammed Date: 10-26-2007, 01:08 PM Parent: #1
Quote: مقدمة كتاب معاوية يسن "من تاريخ الغناء والموسيقي في السودان" 2-2 عبدالله علي إبراهيم يصدر كتاب الأستاذ معاوية يسن عن مركز عبدالكريم ميرغني قريباً. وقلت في الحلقة الأولي من مقدمتي له أنه كتاب يأخذ دراسة الأغنية السودانية بقوة لأنه وضع مصطلح هذه الدراسة نفسها للمساءلة. فهذا المصطلح عنده قاصر عن الإحاطة بظاهرة الأغنية الحديثة مما عطل فهمنا لها وتذوقها. وقد رأيت من إشارات كثيرة للكاتب أن أغنيتنا المسماة بالحديثة هي بنت تأثيرات عربية مصرية غالبة أغفلها أو تغافل عنها من نسبوها للأفريقية لمجرد قيامها علي السلم الخماسي. وسيجدد هذا الكشف حديثنا عن هويتنا عن بينة من علم لا رجماً كما يفعل أكثرنا في حمي السياسة الدارجة. وقد اثنيت علي مسرده الذي رصد فيه تاريخ المعالم الهامة في تاريخ الأغنية الحديثة من مثل ميلاد فنان أو موت شاعر أو غيرها. وهذا باب آخر لتقعيد الأغنية الحديثة في تقويم ييسر تتبع تاريخها. وريحانك يفوح . . . نوع نوع هذا كتاب صادر عن شغف بالحيوات التي من وراء الأغنية السودانية من شعراء وإذاعيين وعن أريحيتهم وموهبتهم. فقد كان ليسن معني، الإذاعي المعروف، حاسة شم غراء للموهبة الغنائية. فمن بابه دخل السر قدور (غفير نادي حي البوستة الثقافي) الي عالم الفن عن طريق نص مسرحي أجازه معني له. وقد اشتهر السر شهرة حققت نبوءة أغنية نظمها أحد جدوده. فقد كره هذا الجد قريته المسماة "أم بوري" بجهة الدامر ورأي أن كل من هجرها حالفه الحظ وأسعده. فقال: أم بوري بلداً قاعة جميع الفارقوها بلابضاعة جونا معلقين الساعة عاد السر الي أم بوري التعيسة ببضاعة الكلم الطيب واللحن العذب. وفي زمن الشكوي الذائعة عن تهميش إبداع الأطراف لا يذكر الناس ليسن معني أنه قد جاء للوجود ببرنامج "في ربوع السودان" عام 1956، عام إستقلالنا الوطني، بما يشبه "وجدتها وجدتها". فقد جاءه ذات يوم من ذلك العام غفير الإذاعة برجل كبير من شعب المسيرية يريد تسجيل أغان للبرنامج الصباحي الذي كان يسن يقدمه. وأخطر معني المرحوم عبدالرحمن الخانجي، مدير الإذاعة، بمطلب الرجل المسيري. فجاء الخانجي واستمع اليه بصحبة خاطر أبوبكر، فراقهما، وسجلا له اغنيات ثلاث. ثم أجاز الخانجي فكرة برنامج "الربوع" فغني فيه عثمان حسين "القمر بوبا" (منقولة من حفل للإتحاد النسائي) ثم أحمد عمرالرباطابي. وفي زيارة لحلفا سجل البرنامج اغنيات لمحمد وردي وتلاميذه. ثم جاء وردي عن طريق "الربوع" وغني "الليلا ووبلا" و"الليلة ياسمرا". وكنت قد قرات لوردي من عهد قريب يشكو من العناية بالحقيبة وتقديمها دون غناء الأقوام غير المنحدرين من أصول غير عربية. وواضح أن هناك من حاولوا ولهم أجر الإجتهاد. وقد توقفت بصورة خاصة عن جهد رجل آخر لحمل مواهب الهامش الي المركز . والرجل هو عوض محمداني من مكتب إعلام كردفان في عام 1963. وتركز هذا الجهد في "رسالة مديرية كردفان" التي ظل يبعث بها الي راديو أمدرمان لمدة 11 سنة من أستوديو بدائي من خشب الموسنايد، بآلات تسجيل نقالة، وخلا من جهاز لخلط الأصوت. وكان البرنامج الذي جري إعداده علي هذه المائدة المتواضعة نافذة للأغنية الكردفانية. وجاء عن طريقه الفنان عبدالقادر سالم بسلم اهله البقارة السباعي وأستنكر الناس ذلك منه وأتهموه "بلطش" الالحان من الموسيقي العربية. وكان الإتهام محض نقص في علمنا ببلدنا. وقد استوقفتني محطات بارزة في حياة الرجال والنساء الذين ندين لهم بتراثنا أو ذوقنا الموسيقي. وأسعدتني براءة المؤلف في تراجمه من حزازات الصفوة الحديثة. فقد وصف إسماعيل خورشيد ب"العبقرية" مما لايجود بها له غيره. وقد ردتني سيرة قرشي محمد حسن الي عهده كشاعر غنائي رقيق من جيل شباب مباديء الخمسينات بمدرسة وادي سيدنا ممن غني له الفنان عثمان حسين كرفيقيه السر دوليب وحسين بازرعه. فقد حجبنا عن إرث قرشي الغنائي الباكر نجاحه الباهر في كهولته وشيخوخته في إذاعة برنامج (أدب المدائح) ونشر عبيرها في كتب مرموقة. فقد كتب قرشي "خمرة العشاق" علي طريقة الموشح وغناها عثمان حسين. والتحول عن الغناء الي المديح طريقة متبعة يظن بعض الناس أنها مما ينكر به الشاعر لهو الشباب وغيه ويتوب به عن الإثم الي التقوي. وهي عندي غير ذلك. فهذا التحول عندي مكر. إنه الذوق نفسه يتلون كالحرباء ليقاوم الزمان الشقي بالدندنة والنمة والذكر الجميل.بل زاد المؤلف بأن توقف عند سيرة أغنيات بعينها. ف "أجراس المعبد" لحسين عثمان منصور لها قصة. فقد قيل أن مراقب مواصلات العاصمة أمر سائقي الترام بالتوقف عن السير متي ما كانت هذه الأغنية مدرجة في برنامج اليوم الإذاعي. فقد أراد للركاب سماعها من مكبر صوت المحطة الوسطي من فرط شهرتها وتعلق الناس بها. وقد علمت من الكتاب أن أغنية "ياقسيم الريد فوقك النبي" هي من كلمات ديمتري البازار، سلطان الطرب السوداني. وقد رتبها علي إيقاع التم تم الذائع وقتها في محاولة صفوية منه (وصحبه سيد عبدالعزيز وعبدالقادر تلودي) للخروج بالأغنية من التم تم الهابط بتم تم صاعد. ثم اقتحم التم تم عالم الإسطوانات تتزاحم عندها مناكب الرجال والنساء. ولا أتمني شيئاً مثل ان اقرا سفراً ذكياً عن هذا البازار. واتمني ان يتوافر عليه الأستاذ معاوية يسن، مؤلف هذا السفر، بعد أن صارت كل أوراق البازار في عهدته. وقد أردف المؤلف سير أهل الغناء بمسرد التاريخ الغنائي والموسيقي في السودان. وفيه حاول ضبط الحوادث البارزة في حقل الغناء بحسب وقوعها في الزمان . وهو مسرد لا غني عنه للمؤرخ وكتاب الصحف بصورة خاصة ممن رأيتهم يسألون بلا معين عن تاريخ حياة أو موت فلان ويجازفون. فقد علمت من المسرد ان تاريخ قدوم آلة العود الينا كان عام 1920 علي الترجيح وأن اول إسطوانة صدرت كانت لبشير الرباطابي في 1928. وأن مولد عثمان حسين كان في نفس العام. وفي العام التالي له كان مولد برعي محمد دفع الله واستخدام كرومة للرق في غنائه. وكان أول أجر تقاضاه مطرب سوداني نظير كدحه في عام 1931 وهو عبارة عن 15 جنيه أرسلها البازار الي عبدالله الماحي بحوالة بريدية علي مكتب بريد شندي. ورحل عن دنيانا سرور في عام 1946 وجري دفنه بمقابر المسلمين بأرتريا. بينما تخرج اسماعيل عبدالمعين من معهد فؤاد الأول للموسيقي بالقاهرة عام 1952 . وكان عام 1954 عام إذاعة أول حلقات حقيبة الفن. وغادر دنيانا في 1956 الفنان عمر احمد مبكياً علي صباه. وكانت أول رحلة فنية كبري للجنوب بترتيب اللواء طلعت في 1959 وضمت الراقصين مامبو وأفريكانو وانضم لها يوسف فتاكي. وودعنا في 1968 الفنان عثمان ألمو. ورحل عنا ايضاً في 1979 العقيد مرجان أول من دون نوتة السلام الجمهوري. وتوفي سلطان الطرب، ديمتري البازار، في 1989. ولو اكتفي معاوية بهذا المسرد دون الكتاب لطوقنا بدين مستحق. فعلي عاتق مثل هذا العمل الببلوغرافي الصعب تقوم الكتابة النقدية علي بينة من التاريخ وبيان منه. وسيعجب القاريء بسعة حيلة المؤلف من جهة المصادر التي استعان بها في تأليفه. ومن هذه المصادر ما سعي اليه بقدميه ومنها ما أوجده من عدم. فقد استنفد المؤلف تراث مجلة هنا أمدرمان ( مجلة الإذاعة والتلفزيون والمسرح) التي هي وعاء تاريخ الأغنية الأعظم. كما قرأ "الصباح الجديد" التي تلقاها مباشرة من محررها المرحوم حسين عثمان منصور. وهي من أنفع المراجع عن الفن في منتصف الخمسينات.كما نظر في ارشيف الإذاعة السودانية وعاد الي برامج ترجع الي ستينات القرن الماضي. ونقب في مكتبة القسم العربي بالبي بي سي ومتحف الجيش البريطاني وتسجيلات من التلفزيون والقناة الفضائية السودانية. وغشي الإنترنت كمثل موقع مدينة مدني الذي حوي سيرة الكاشف. كما ساعدته سكني المهجر والعمل في صحافته أن يجمع كل المقابلات التي أجراها صحفيون لصحف عربية مع مبدعين سودانيين. والمؤلف لقاط للمصادر. فقد وجدته اطلع علي كتب الهامش الثقافي التي تصدر عن نقاد هواة أو معجبين بمغن او آخر. وهي مما يصعب جمعه إلا لوراق عتيد عنيد. ومن أبرز أبواب الكتاب فصله عن إرشيف الأغنية السودانية التي فصل فيها محفوظات الأغنية السودانية وقيمتها ونقاط قوتها للباحث. فمكتبة إذاعة وادي النيل (صوت السودان سابقاً) لم تعن بالحقيبة مثلاً علي قوتها في ضروب الغناء الأخري. بينما تفوقت بريطانيا في ارشفة الأغنية السودانية مما هو موجود بإذاعة لندن والأرشيف البريطاني للصوت. وندين بالفضل في هذا الي الدكتورة لوسي دوران المحاضرة في جامعة لندن. فقد جاءت الي السودان وجمعت ثروة مرموقة من تراثه الغنائي. ووصف الكاتب ذخائر هذه الأراشيف تفصيلاً: أغنية بعد اغنية .ولم يذكر للأسف إرشيف معهد الدراسات الأفريقية والآسيوية الذي جمع وأوعي. ومن المراجع التي اوجدها المؤلف إيجاداً تلك المقابلات العديدة التي أجراها مع فنانين ومبدعين سودانيين. وقد استفاد من اقامته الطويلة بلندن التي يغشاها صفوة السودانيين لعقد هذه المقابلات. وهذا دأب وطلب حثيث للحق. وقد سبقه الدكتور عبدالوهاب الأفندي الي تسخير سكناه لندن لغرض "اصطياد" صناع الفكرة والحركة الإسلامية لمقابلات أغنت كتابه المعروف "ثورة الترابي". فقد التقي المؤلف في لندن بطائفة من المبدعين منهم عثمان عبدالله وقيع الله، أزهري عبدالقادر نور الهدي (عازف) ، عثمان مصطفي، محمد وردي، أحمد الجابري، محمدية، الشفيع، سيد خليفة. كما أعد مذكرات كتبها بعد لقاءات مع الفنان عثمان الشفيع. وقد ورث المؤلف أوراق البازار كما تقدم كما ورث أوراق حسين عثمان منصور. وهذا كسب يدل علي ولع بالبحث وسماحة مع حملة التاريخ وسخاء نفسي كافأه عليه اولئك الحملة الذين يوادون من يوادهم.هذا كتاب نافع لن تعود الكتابة عن الأغنية السودانية المعروفة بعده كما كانت قبله. وسيبقي مثله في وكد البحث وتحري المصادر وبراءة الخاطر قدوة تحتذي في حقول أخري.
Post: #536 Title: Re: د / أحمد طراوة ___ فى ندوة عن تاريخ الغناء فى السودان . Author: Moawia Mohammed Date: 10-26-2007, 01:18 PM Parent: #1
Quote: ايقاع التُمْ تُمْ يقال أن ضرب التُمْ تُمْ مصدره أختين مغنيتين من حي الرديف بمدينة كوستي جنوبي العاصمة السودانية الخرطوم . ومنها إنتشر لبقية مناطق السودان المختلفة . ورويّ أن مصدره الأصلي مناطق غرب السودان ، التي إنتقل منها إلى مدينة كوستي بواسطة الراحلين و المتنقلين بين مناطق الغرب وكوستي من تجار وعابري سبيل وسائقي سيارات النقل التجاري ومن يرافقونهم . يرمز ضرب التم تم لحالات الإنتشاء والفرح الكبير ، لذلك إرتبط بغناء البنات في أول عهده وما لبث أن أُلفَّ عليه لجميع المستويات والأعمار وتغنى عليه الرجال والنساء والأطفال ، حتى أضحى الضرب السوداني الأكثر شيوعاً مما عداه من الضروب الإيقاعية الأخرى . يتميز ضرب التم تم بالرشاقة والخفة ، لذا نجد أن الألحان التي تبنى عليه ذات طوابع مشحونة بالشجن والحنين وجمال الصياغة والتأليف . وهو الذي تؤلف عليه ألحان النصوص الإجتماعية والسلوك والحالات النفسية والتأثيرية التي تنتاب مبدعو النصوص الشعرية . يتيح ضرب التم تم للمبدع ، إمكانية عرض شكواه وهمه في بساطةِ وجزالةِ التركيب الشعري . ولأن ضرب التم تم من أنواع الضروب الإيقاعية البسيطة ، نجده يسمح لأي شخص أن يتغنى عليه أو يعزف عليه ولو إرتجالا . لضرب التم تم بعض المسميات الإضافية مثل : التم تم المفتوح – والمقفول والحبشي وتم تم المارشات والجلالات العسكرية والتقليدي البناتي– الذي تتغنى عليه البنات بآلة الدلوكة الشعبية في مناسبات أفراح ختان الأنجال والزيجات وتعليم العروس إستعدادا لليلة العرس أو ( الدخلة ) . ولضرب التم تم عدة موازين موسيقية يمكن أن يدون عليها مثل : الثلاثي 3 من 4 و 3 من 8 و 6 من 8 . . وتتفق معظم قبائل ومناطق السودان المختلفة في ذات الإسم ، ضرب التم تم – أو إيقاع التم تم . يشابه ضرب التم تم الضرب الغربي الأوروبي المعروف باسم ( استايل هولي جولي –HOLLY JULLY STYLE ) . وفي السودان إذا أردت أن تُشعل وتؤجج نار الرقص والتصفيق وتملأ جو الإحتفال فرحاً ومرحاً وضجيجا ، فعليك بالتأليف الموسيقي والغنائي على ضرب التم تم .
نقلا عن بوست بعنوان الايقاعات السودانية للكاتب طارق سيد أحمد بمنتديات موقع النيلين
Post: #537 Title: Re: د / أحمد طراوة ___ فى ندوة عن تاريخ الغناء فى السودان . Author: Moawia Mohammed Date: 10-26-2007, 11:58 PM Parent: #1
UP
Post: #538 Title: Re: د / أحمد طراوة ___ فى ندوة عن تاريخ الغناء فى السودان . Author: Osman Musa Date: 10-27-2007, 01:36 AM Parent: #537
اخوانى * محمد عثمان * ياسكو * محمد المرتضى * معاويه * أحمد طراوة لكم الف تحيه واعتذر للغياب يا سادتى ( الف خير) كنت مشقول شويتين تلاته لكم الشكر الجزيل تحياتى
Post: #539 Title: Re: د / أحمد طراوة ___ فى ندوة عن تاريخ الغناء فى السودان . Author: Osman Musa Date: 10-27-2007, 01:42 AM Parent: #538
نتابع
Post: #540 Title: Re: د / أحمد طراوة ___ فى ندوة عن تاريخ الغناء فى السودان . Author: Moawia Mohammed Date: 10-27-2007, 11:36 PM Parent: #1
عثمان موسي 1000 حمد لله علي السلامة والبركة الشوفناك طيب
Post: #541 Title: Re: د / أحمد طراوة ___ فى ندوة عن تاريخ الغناء فى السودان . Author: Moawia Mohammed Date: 10-28-2007, 10:31 AM Parent: #1
UP
Post: #542 Title: Re: د / أحمد طراوة ___ فى ندوة عن تاريخ الغناء فى السودان . Author: Osman Musa Date: 10-28-2007, 02:22 PM Parent: #541
الأستاذ عجب الفيا الرجل الذى جال بين نفافيج التمتم وشعاب النغم والكلام الزين . سلامات نحتاجك لكم جميعا التحيه .
Post: #543 Title: Re: د / أحمد طراوة ___ فى ندوة عن تاريخ الغناء فى السودان . Author: محمد عثمان Date: 10-29-2007, 08:30 PM Parent: #1
سلاااام للجميع...
كما ذكرت فى بوست يا حمامة مع السلامة عن طرفة الشاعر و الملحن محمود فلاح و الشاعر هلاوى انقلها اليكم هنا:
من الاغنياات الشهيرة التى كتبها الشااعر عبد الوهاب هلاوى و تغنى بها الفنان زيدان ابراهيم اغنية فراش القاش التى زاع صيتها و انتشرت خلال فترة السبعينات و ظلت من الاغنيات الجميلة حتى الان هناك طرفة شهيرة تحكى عن هذه الاغنية و بطلها هوالملحن و الشاعر محمود فلاح و كل ما فى القصة ان الشاعر هلاوى كان يكتب فى احدى الصفحات الفنية لاحدى الصحف و يذكر انه قام بتوجيه نقد شديد لمحمود فلاح فى مقال له فوصل خبر المقال و النقد لفلاح فكان رده: دا مش شاعر (ابو الدقيق) دا سيبك منو..!!!
و معليش شوية تغيير و كدا,,, و يا ريت لو دكتور طراوة يحكى لينا عن طرائف الفنانين و الاغنيات لو امكن...
تحيااتى...
Post: #544 Title: Re: د / أحمد طراوة ___ فى ندوة عن تاريخ الغناء فى السودان . Author: Osman Musa Date: 10-30-2007, 02:04 PM Parent: #543
استاذ محمد عثمان ارجو أن تكون عافيه الف شكر على كل ما تقوم به من صب فى ركايز البوست الف تحيه أخى العزيز
Post: #545 Title: Re: د / أحمد طراوة ___ فى ندوة عن تاريخ الغناء فى السودان . Author: Moawia Mohammed Date: 10-30-2007, 05:32 PM Parent: #1
UP
Post: #546 Title: Re: د / أحمد طراوة ___ فى ندوة عن تاريخ الغناء فى السودان . Author: أحمد طراوه Date: 10-30-2007, 11:27 PM Parent: #1
.. تاخرنا علي رهط الكرام ضيوف عثمان .. ناس يا سيكو ، و ود حامد ، و محمد عثمان ، و معاوية وهو يرفع مفيد الكلام و خاتى صورة فريد زمانو اسمعيل عبد المعين لوقو و دلالات ما ليها بر و ما ليها قيف !
بنغالب في مجريات الحال بقولة ابراهيم الرشيد .. ترانيم ابراهيم عوض عبد المجيد : يا زمن وقف شوية .. واهدى لي لحظات هنية !
يا زمن لحنا ود الحاوى علي ايقاع الجيرك الهادى ، برضو لو ما بتحن ما لك مضوق قلبى في دنياك مُر .. كلام عثمان خالد ، لحنها ود الحاوى علي ايقاع الجيرك السريع الطالعة ضرباتو من بنقز خميس مقدم ( قيل ان البنقز و المعروف في كوبا باسم البونقو ، قد جاء من امريكا الاتينية و استقر في مصر حينا من الدهر قبل ان يدخل الخرطوم دخول الفاتحين )
وردى لحن كلام كمال محيسى البقول فيهو : بشوف في شخصك احلامى بلحن اساسي ( غرار ) اعاد توزيعو و توطينو مجددا علي ايقاع الجيرك الراقص !
الجيرك : كايقاع اروبى - امريكى معدل حديثا في اغانى ال ( R & B ) و البلوز .. بفصح بوضوح عن جذورو و نكهتو الافريقية .. دا اوضح ما يكون في زخم الايقاعات المصاحبة لغناء الامريكان السود شاكلة ديانا روس ، مارفن قاى و الاستثنائية ( Shade ) .. و تخصيصا اغنيتا Cherish the day المشحونة بالمعانى الجميلة و خلفيات البيز جيتار اللي بشتغل برضو كمستوى ايقاعى اضافى .
نستصحب بعض الحقائق في مسار البحث و السعى لسبر اغوار التم تم و طيف الايقاعات السودانية :
- التم تم بوصولو للنيل ، و قبل اكتمال تخلقو و اعادة انتاجو مجددا في ضروب شتى من الاشتقاقات الايقاعية اللي ساقت الغناء السودانى علي قاعدة الايقاعات الثنائية و الرباعية ، وجد النقرزان و الدلوكة ( و ايقاع السيرة واحد فقط من ايقاعات الدلوكة ) وجدم مستقريين تماما و اكتمالا في ثقافة الوسط النيلى الغنائية ! الدلوكة و الشتم المصاحب ليها ، قديمين قِدم الطنبور الاشورى - المصرى - النوبى السودانى
- الضرب الايقاعى لكل غناء السودان الحديث منذ 1900 ، قايم علي ايقاعات ثنائية و رباعية !
- ايقاع الدلوكة muti-Rhythm ، لذا هو ايقاع معقد قايم علي عدة ضربات ( 3 و 4 )
- النقرزان بشقينو الخفيف عند كرومة و سرور و التقيل عند الفاضل احمد في اسطوانة لي في المسالمة غزال ، هو في الحالتين ايقاع بسيط و ضربتو غير معقدة
- التم تم و العشرة بلدى ايقاعات صريحة و غير معقدة ! لذا كابلى ذات نفسو اعاد توزيع دمعة الشوق كبى علي نحو جميل بايقاع العشرة بلدى ! وكان كرومة بغنيها بالنقرزان الخفيف ! اللحو اعاد توزيع دمعى اللتشتت علي ايقاع العشرة بلدى و كانت فاطمة خميس بتغنيها تم تم ، عاصم البنا اعاد توزيع نسيم سحرك بايقاع الرقي ، وكان كرومة بغنيها نقرزان
- كل الايقاعات دى ذات تداخل و تماهى مع السلم الخماسى وهى موحدة في الجذر الافريقى ، بما في ذلك الجيرك الاروبى - الامريكى البقى قاعدة للغناء السودانى الخماسى
- التم تم ايقاع ثلاثى ، صريح ، و غير معقد و ذو مرونة ! و هو واسطة العقد بين النقرزان و ايقاع الدلوكة الاشد تعقيدأ ! و برضو نعيد ونقول هو السحر اللى انقلب علي ساحر الغناء السودانى
Post: #547 Title: Re: د / أحمد طراوة ___ فى ندوة عن تاريخ الغناء فى السودان . Author: Osman Musa Date: 10-31-2007, 05:07 PM Parent: #546
نتابع حديث د / طراوة عن الجذور الافريقيه للتم تم وانتشاره فى العالم الاروبى والامريكانى __ نرجو من الاستاذ الموصلى أن يضع لنا تسجيل لحديث عالم الموسيقى الفنان الامريكى رى شارلس عن الموسيقى الافريقيه .
Post: #548 Title: Re: د / أحمد طراوة ___ فى ندوة عن تاريخ الغناء فى السودان . Author: محمد عثمان Date: 10-31-2007, 07:51 PM Parent: #1
Quote: وردى لحن كلام كمال محيسى البقول فيهو : بشوف في شخصك احلامى بلحن اساسي ( غرار ) اعاد توزيعو و توطينو مجددا علي ايقاع الجيرك الراقص !
Post: #549 Title: Re: د / أحمد طراوة ___ فى ندوة عن تاريخ الغناء فى السودان . Author: أحمد طراوه Date: 11-01-2007, 11:13 PM Parent: #1
... مدد يا دسوقى !
... يا سلام يا محمد عثمان ، جميلة كلمات محيسي .. و بالحق مبدع و عبقرى وردى !
و ليك اكون شاكر .. و أم الافق بروائع الغناء السودانى تقنع .. و لا تولد شمس باكر !
.. طربا هزاني تماوج و انسياب الكمنجات علي خطى ايقاع الجيرك الافريقى - الاروبى المعدل سودانيا في مجري المدرسة الاوركسترالية التانية !
و كيف تم توطين الجيرك ليصبح قاعدة و ضرب ايقاعى لغناء السودانيين المموسق علي مقامات الخماسى !؟
أنه الق و عجائب المدرسة الاوركسترالية التانية ، انه الناتج الاجمالي النهائى لوصول التم تم عند حواف و تماسات الوسط النيلى السودانى عشية الازمة الرابعة في الغناء السودانى !
الازمة اللي خلت كرومة و عبد المعين و عبد الرحمن الريح في حالة بحث و تجريب لا ينقطع لتوطين الكلام الجديد و التفعيلة الجديدة و الجُمل الموسيقية الجديدة في قوالب ايقاعية جديدة تتسم باللونية السودانية و بالقدرة و الاتساق ..
... سنام الازمة كان البحث عن ضرب ايقاعى جديد يواكب متغيرات التفعيلة و الجملة اللحنية ..
" يعجبنى ايضا ذلك الافتراض اللي بحتاج الي تأمل و البقول انو : السودانيين في الوسط النيلى و ام درمان تحديدا .. هربوا من ضربة النقرزان الضيقة المحدودة و الغير مرنة الي رحاب ايقاعات اخرى راقصة و مرنة عبر جسر التم تم ، هربوا من النقرزان بحثا عن سكسكة و رقيص مجتمع الرجال اللي عاوز يمايز ثقافتو الغنائية و قعداتو عن مجتمع النساء و محافل الغناء و الرقص المشترك السائد في الريف و اللي كان سائد برضو فى امدرمان بيوت الحفلات و البطان و الاعراس القديمة ، امدرمان عشية تخلقا تاريخيا وفقا لنمط برجوازى - شبه اقطاعى فلا قرية بقيت و لا مدينة صارت ... ! "
و دا افتراض جدير بالاهتمام ! لانو ضرب التم تم الحبشى المعروف ب ( ايقاع الاسكستا) قام و شبا من بدايتو في وثيق الصلة مع رقيص الاثيوبين اللي اسمو ( الشِب رِب )
.. التم تم بدخولو شوارع ام درمان و الخرطوم ، و منتديات الغناء العاصمى ، و اذاعة ام درمان علي رقة حالا ، كان هو السبب في خروج خليل فرح من الصوالين الصفوية - المُغلقة الي ساحات الغناء الشعبى المفتوح !
.. كان هو السبب تحديدا في تحول عازفى العود و علي راسهم خليل فرح من المقام السباعى العروبى الي المقام الخماسى السودانى الاكثر انفتاحا و ا تفاقا مع الوجدان السودانى !
.. كان هو سبب خروج سيد عبد العزيز و كرومة و عبد الرحمن الريح من حِمى الجملة اللحنية البسيطة و ضربة الايقاع الضيقة الي مجاهل التحدى و مواجهة المد الشعبى الكاسح ! و تجشم عناء البحث عن صيغة لحنية - ايقاعية جديدة ..
.. صحيح انو السر عبد الله كان قد الهم الجميع بدوزنتو للكمنجة خماسيا من عشرينات القرن الماضى ، لكن التم تم كان هو وهج الطلقة النارية اللي اشعل نيران التغيير و مارس وحِدتنا القومية !
التم تم جسر قومى لانو واسطة عقد الايقاعات و هو اللي دخل بقية الايقاعات السودانية الاصيلة في غناء المدرسة الاوركسترالية التانية ، وهو اللي قاد معركة اخراج النهاوند و البياتى من السلم السباعى و توطين ميزان الايقاعات السودانية الاصيلة في مكانا معلنا ولادة سودانية جديدة للخماسى السودانى .. ! هو طبل العز اللي استلفت عبد المعين و فجر قريحتو لكتابة نوتة سودانية
.. و بنقول ولادة جديدة لانو الخماسى السودانى كان موجود اصلا و قديم قدم اللير / الرباب / الطمبور السودانى ! بس كان مُغرب و معزول في الهوامش الشايلة طمبورا في مواجهة الزحف المصرى / البريطانى
.. التعديل و التحول الموسيقى التاريخى دا ، و اللي احدثوا التم تم و احدثتو برضو اسباب اخرى ذات صلة بالطابع الطليعى - الاجتراحى لناس عبد المعين و خليل و محمد ادم ادهم و كرومة ..
.. التحول دا الي رحاب الخماسى ، هو اللي خلي ناس وردى يغنوا بشوف فى شخصك احلامى بالجيرك ، و هو اللي خلي ابراهيم خوجلي يواصل غناء وجه القمر سافر بضرب النقرزان المعدل لمسايرة خماسى المندلين ، وهو اللي خلي شرحبيل رائد الهارد روك السودانى يغنى يا ابو شعور رقيقة .. قول لينا الحقيقة بتم تم صريح ، وهو اللي خلي عبد العزيز المبارك يعيد توزيع صابحنى دايما مبتسم علي صدى ضربة الريقى الشايل من التم تم مسحة واضحة ، وهو اللي خلا الكاشف يغنى توبة يا أنا بايقاع النوبة/السامبا ، وهو سبب دخول الدليب لغناء المدرسة التانية زى ما واضح في اغنية الريلة لوردى و مطر عز الحريق لمصطفى سيد احمد
.. التم تم بوصلو النيل عموما ، و امدرمان تحديدا وجد دولة النقرزان مُشيدة ابراجها و حصونا ! فاخرج التم تم مسار و مستقبل الغناء السودانى من حصون النقرزان المأزوُم الي رحاب التجديد و التنوع
.. التم تم كان فولكانو القواعد الشعبية السودانية المتميزة تاريخيا و اجتماعيا عن صفوة النيل ! صحيح انو سرور و الامين برهان و خليل فرح غناهم كان صدى و نتاج نهائى مُعقد لملوديا و ايقاعات السودان كلو ! لكن هم و للحق ما كانو فنانين كل السودان ! السودان الواسع ذو التمايز العرقى و التعقيد الثقافى
.. يوم انفجر فولكانو التم تم الشعبى ، و شبت نيرانو في حصون استقراطية النقرزان الامدرمانى ، عند ذلك و منذ 1927 تقريبا انبثق و ترسخ توجه لحنى و ايقاعى جديد :
... فلم يعد التم تم كما هو تم تم ماركة الرديف البريطانى الشايل اصداء ام بشاير و ام جباير ، و الشايل اختلاجات مساعدية اللوارى العابرة من السودان الفرنسى الى الخرطوم عبر الفاشر و كوستى ، و لا عاد تم تم ( سكسكة ) جماعة التحالف الافندوتجارى في القعدات الدكاكينية الخاصة ... .. ! كما لم يعد النقرزان كما كان نقرزانا !!
... فكانت ولادة المدرسة الاولكسترالية التانية ذات التعدد اللونى ! المدرسة التانية ذات التماهى الايقاعى ! لانو و بسبب حقيقة انو ميزان الضرب الايقاعى للمردوم و الدليب و الكمبا و التم تم مستقر في بنية المقام الخماسى ، لهذا السبب وحدو ، فان الاغنية الاوركسترالية السودانية بيعاد توزيعا مجددا بالرقي بديلا للتم تم و النقرزان ، او العشرة بلدى بديلا للتم تم ، او الدليب بديلا للنقرزان
Post: #550 Title: Re: د / أحمد طراوة ___ فى ندوة عن تاريخ الغناء فى السودان . Author: Osman Musa Date: 11-02-2007, 03:37 PM Parent: #549
د / أحمد طراوة والحديث الطويل عن الغناء السودانى _ الف تحيه ونحن فى انتظار د / أحمد القرشى والاستاذ عوض بابكر لهم التحيه
Post: #551 Title: Re: د / أحمد طراوة ___ فى ندوة عن تاريخ الغناء فى السودان . Author: محمد عثمان Date: 11-02-2007, 04:28 PM Parent: #1
و متااابعة.....
Quote: وهو اللي خلي شرحبيل رائد الهارد روك السودانى يغنى يا ابو شعور رقيقة .. قول لينا الحقيقة بتم تم صريح ،
Post: #552 Title: Re: د / أحمد طراوة ___ فى ندوة عن تاريخ الغناء فى السودان . Author: محمد عثمان Date: 11-02-2007, 05:19 PM Parent: #1
Quote: وهو اللي خلا الكاشف يغنى توبة يا أنا بايقاع النوبة/السامبا
Post: #553 Title: Re: د / أحمد طراوة ___ فى ندوة عن تاريخ الغناء فى السودان . Author: Moawia Mohammed Date: 11-02-2007, 06:42 PM Parent: #1
فوق
Post: #554 Title: Re: د / أحمد طراوة ___ فى ندوة عن تاريخ الغناء فى السودان . Author: أحمد طراوه Date: 11-02-2007, 11:15 PM Parent: #1
... في حزام السافنا الافرو - عربى صارت للتم تم صولات ، و جولات ، و تقاطعات ، و تماهي !
- الإسكستا ( ضرب التم تم الحبشى ) البترقص عليهو الشِب رِب الاثيوبى مجسد بوضوح في غناء المبدع الاثيوبى ملووكا مالاسا ، و غناء طولون قساسا معبود الجماهير الاثيوبية ! وانا واثق انو محمد عثمان حيجيب لينا هواء ناس ملووكا و طولون من قرونو
- عبد العزيز المبارك غنى بايقاع الاسكستا الساكن السودانين روحا و عقلا اغنية بت التاجر الاثيوبى الشهيرة اللي اسمها ( أنو ) .. محمود عبد العزيز وزع اغنية ( يا حلاة السكرية و القامة السمهرية ) برضو بضرب التم تم الحار و برضو متداخل مع ايقاع الاسكستا الاثيوبى
- ابراهيم عوض وزع مجددا اغنية يا جمال دنيانا علي ذلك الميزان اللحنى الاساسى بتاع عبد الرحمن الريح ، بايقاع التم تم المفتوح ، و بواصل علي ذات الميزان الايقاعى باغنية يا سلوى قلبى شن سوى ؟! و بسوق الحفلة و كل جماهير بيت العرس ببنقز خميس مقدم و طبلة عبيد خال سميرة دنيا و البيز جيتار الناهض بجماليات الترجيع علي ضربة التم تم ، في زهو و تماوج استثنائى و رقيص غريب مدهش عبارة عن اسكستا اثيوبى معدل سودانيا ، ال Shouldering السودانى او ( الكشِف ) ، او كل تلك المستجدات السوسيو - ثقافية المرتبطة بسنتر الخرطوم الجديدة !
- التم تم المقفول واضح في غناء زنقار قديما ، و حديثا في الطريقة الوزع بيها جمال فرفور اغنية البلابل ( البنريدو تايه يا حليل البريدنا .. و احكام الليالي متين كانت بايدنا ! )
_ اجمالا غناء المدرسة التانية قايم علي ضروب التم تم و اشتقاقات هذا الضرب خاصة بعد التمكن من برمجة كافة ايقاعات الدنيا القديمة و الجديدة داخل الجهاز الشامل للموسيقى و الايقاع و اللي اسمو ( الكى بورد ) ماركة Yamaha ! ود الجهاز اللي استلفت مبارك حسن بركات و قال عنو تعليقو الطريف البحكيهو اخمد القرشى
.. نعود لقصة النقرزان الامدرمانى .. لمرجان سيد النقرزان ( التريبرادور ) المتحرك في شوارع امدرمان بتاعت 1900 ، ما سنجر الغناء المتجول في بيوت الاعراس و الطهور ، و ميادين الحوليات و زفة العيد الكبير و الصغير ( و المجد لمين للحدادين ، و المجد لمين للنجارين .. وكل الطوائف الحِرفية لزفة امدرمان القديمة ) ، الطوائف اللي كانت تعشق مرجان السودانى - الافريقى الي حد الثمالة !!
كيف طلع النقرزان من يد مرجان الشعبى .. و اسس لاستقراطية غنائية جديدة !؟
Post: #555 Title: Re: د / أحمد طراوة ___ فى ندوة عن تاريخ الغناء فى السودان . Author: Osman Musa Date: 11-03-2007, 01:41 PM Parent: #554
حبيبى الدنيا ما احلاها ...
كل سحر الدنيا فى اغانى العملاق وردى الفنان الذى أشعل الضوء _ له التحيه والله يديك الصحه
Post: #556 Title: Re: د / أحمد طراوة ___ فى ندوة عن تاريخ الغناء فى السودان . Author: أحمد طراوه Date: 11-03-2007, 10:25 PM Parent: #1
... امدرمان القديمة ( اللي كانت بقعة المهدى ) غدت تتخلق علي نحو جديد منذ تلك الساعات الاولى لما بعد هزيمة كررى ..
.. شوفو امدرمان في 1900 :
" شوارعا مُضلمة ! عدا ضوء متناثر من مصابيح الغاز بتاعت الدولة التركية ! - استعار من ذلك سيد عبد العزيز قوله الشعرى : مسوا نوركم .. الصادرة مساءا ضمن اوامر الباشبذق التركى لمصادرة حياة الناس و ايقاف دوران الساعة حكوميا و أمنيا .. و بمعنى : اطفوا النور ! و الكهرباء دخلا ونجت في العشرينات ، و الماء من الآبار العامة في الشوارع او الخاصة داخل بيوت اثرياء التجار و العوائل الكبيرة ، وسيلة المواصلات هي الحمير ! توزيع الاحياء قايم علي التركيبة القبلية و النوع و اسماء الكاريزمات : حى الركابية ، حي الشايقية ، حي الحلب ، حي العرب ، حى السيد المكى ، حى ود أرو .. الخ "
... تلك امدرمان حيث وقعت واقعة الغناء ، حيث انبثقت الامشاج و تخلقت و نمت ضروبا اجتماعية و فنية
تلك امدرمان اللي ما كان فيها رق ، و لا طبلة ، و لا طار و لا بنقز ! ناهيك عن كمنجة السر و اكورديون وهبة ، و فلوت محمد آدم ادهم !
" تلك ام درمان اللي ما كان فيها اى ضرب ايقاعى حتى ظهور النقرزان ! "
.. هزيمة كررى : بعدها لم يعد السودان ابدا كما كان من حيث ديموغرافيا و نوعية الناس الفضلت و من حيث آفاق التوجه المادى - الروحى و الثقافى الجديد !
... في الديموغرافيا و الحراك البشرى و الثقافى بهمنا رصد الاتى :
- حركة البدو و الدوبيت لداخل المدينة الجديدة بعد زوال موانع الخليفة ! هنا بنرصد مسار ظهور الرمية الغنائية و تطورا علي يد جهابذة ام درمانين .. الرمية اصلا دوباى معدل في مداخل المدينة و منتديات الطلائع الاولى
- استقلال و نمو حركة النشاط الحرفى و التجاري ، و انبثاق المدن السودانية علي قاعدة و حقيقة انو التقسيم الاجتماعى - التاريخى - الكبير الثالث و الرابع للعمل قد مضى اشواطا متقدمة و بعيدة ( و اصلا لمسات ونجت الادارية قامت علي حقيقة انو قوانين التقدم الاجتماعى كانت بتفعل فعلها الذاتى في امة السودان منذ الدولة السنارية ) .. انبثاق و نمو المدن دا عندو علاقة عضوية بتبلور صيغة ايقاع تم تم المدن و الوانو المتعددة ... و في صلتو بدوائر الرديف البريطانى و جماعات التحالف (الافندوتجارى) لدولة البرجوازية و شبه الاقطاع السودانى
- و فنيا بنرصد هجرة و عودة طلائع بعينها من كبوشية الي امدرمان بعد فك الحظر و الاحتباس و رفع الاقامة الجبرية
- و ايقاعيا و غنائيا بنرصد عودة و ظهور الطرق الصوفية و الحوليات اللي كان مانعا المهدى ! عاد الطار ، و عادت النوبا ، و الكيتا ، وزحف المردوم و الدليب و الكمبا لداخل المدينة و تحديدا لداخل الحوليات ! نقرزان مرجان كان ضربا ايقاعيا تولد داخل الحوليات بوصفها ساحة تمازج ايقاعى لقبائل مختلفة ملتفة حول المدح و التغنى بنبى الاسلام
.. و بينما النهر لازال يطفح بالضحايا و الدماء الغالية (كما يقول محمد عثمان وردى ) ، و جثث اشاوس التاكتيك الحربى الذى عرف ب (سد الفرقة) تملاء يمين النيل ( كما عبر خليل فرح بدري ) ..
.. بينما كل ذلك ! بنلقى إنو امدرمان قد استعادت سريعا قدرتا الذاتية علي تجاوز الحصار و المنع و ( مقص الرقيب ) الفنى - الغنائى التابع للخليفة التعايشى و نهج الدولة المهدية !
.. إذن تبلورت و ظهرت شخصية مرجان سيد النقرزان ، و انفجرت كما الشهُب لونية التطور الغنائى الجديد لرميات محمد ود الفكى ، و احمد ود بعشوم ، و محمد كدباس !
اذن عاد الاسبرطيين الطليعيين الي روما الجديدة !
.. و بدأت جحافل الطنبارة ناس : حسين بيومى ، و خضر الرومى ، و ود الكتيابى ، و اولاد ابو الخوخ ، و بلال ابو كدر ، و ود راس البيت ، وتوم شم العيش ، بدات تجوب ليل امدرمان فيما بعد الساعة السادسة مساءا بتصريح استثنائى خاص من مفتش السلطة الاستعمارية !
.. و واضح انو نهج كتشنر و ونجت كان برمى لاعادة صياغة المجتمع وفقا لا سسس جديدة مفارقة للنهج المهدوى
.. إذن الطنبور و الدوباى ثم تطور الدوباى في مسار الرميات الغنائية ، ثم المصير الزاهى للرميات كلونية غنائية علي يد محمد ود الفكى تحديدا ، وهو المثل الحصيلة النهائية لحال الغناء عند 1920
.. و بالضرورة بدت الانتلجنسيا و النخبة تنظم نفسها علي خط الدوباى و الرمية و البحث عن مصائر جديدة للغناء السودانى !
.. الحلقة الطليعية الاشد تاثيرا تكونت من شعراء و مغنيين هم : ابو عثمان جقود ، يوسف حسب الله ( سلطان العاشقين ) ، محمد عثمان بدرى و قريبو الرطانى خليل فرح الذى كان وقتها قد قطع شوطا كافيا في مجرى الاستعراب ! نضيف لهولاء طيبى الذكر : علي جن ، و محمود ود مجاهد و ود الخياط .. و بهمنا في هذه الحلقة الطليعية اثنان لا ثالث لهما :
" ابراهيم احمد بابكر العبادى ... و صالح عبد السيد ابو صلاح ! "
ديل هم سبب الانقلاب التاريخى .. ديل و العبادى تحديدا ، شالو نقرزان مرجان و رميات ود الفكى و عملوا في 1923 الغناء الجديد !
.. جدليات المدرسة الاولى و فك الازمة التانية بتاعت الغناء تمثلت في انو العبادى لمن شال رمية ود الفكى و طورا في صيغة نظم و تفعيلة جديدة و دمجا في ايقاع مرجان البسيط ، كان بالضرورة انتاج كائن ثالث جديد ! كائن لونو اسمر .. و كل الشافو انكر .. غيرو يكون في سُكر ..
.. لكن كيف مرجان عمل النقرزان !
Post: #557 Title: Re: د / أحمد طراوة ___ فى ندوة عن تاريخ الغناء فى السودان . Author: Moawia Mohammed Date: 11-04-2007, 04:25 PM Parent: #1
Tilahun Gessesse المغني الأثيوبي في حفل له في لوس أنجلوس
Post: #558 Title: Re: د / أحمد طراوة ___ فى ندوة عن تاريخ الغناء فى السودان . Author: Moawia Mohammed Date: 11-04-2007, 04:30 PM Parent: #1
Muluken Melesse المغني الأثيوبي
Post: #559 Title: Re: د / أحمد طراوة ___ فى ندوة عن تاريخ الغناء فى السودان . Author: Osman Musa Date: 11-04-2007, 05:06 PM Parent: #558
الف شكر أخ معاويه على وضع ملوك الغناء والرقص فى الشرق الافريقى تحياتى
Post: #560 Title: Re: د / أحمد طراوة ___ فى ندوة عن تاريخ الغناء فى السودان . Author: محمد عثمان Date: 11-04-2007, 08:11 PM Parent: #1
Quote: ابراهيم عوض وزع مجددا اغنية يا جمال دنيانا علي ذلك الميزان اللحنى الاساسى بتاع عبد الرحمن الريح ، بايقاع التم تم المفتوح ، و بواصل علي ذات الميزان الايقاعى باغنية يا سلوى قلبى شن سوى ؟! و بسوق الحفلة و كل جماهير بيت العرس ببنقز خميس مقدم و طبلة عبيد خال سميرة دنبا و البيز جيتار الناهض بجماليات الترجيع علي ضربة التم تم ، في زهو و تماوج استثنائى و رقيص غريب مدهش عبارة عن اسكستا اثيوبى معدل سودانيا ، ال Shouldering السودانى او ( الكشِف ) ، او كل تلك المستجدات السوسيو - ثقافية المرتبطة بسنتر الخرطوم الجديدة !
سلوى
Post: #561 Title: Re: د / أحمد طراوة ___ فى ندوة عن تاريخ الغناء فى السودان . Author: Osman Musa Date: 11-04-2007, 09:43 PM Parent: #560
الأخ محمد عثمان الله ينصر أبو البلد الجيت منها_
Post: #565 Title: Re: د / أحمد طراوة ___ فى ندوة عن تاريخ الغناء فى السودان . Author: محمد عثمان Date: 11-05-2007, 08:13 PM Parent: #561
Quote: الأخ محمد عثمان الله ينصر أبو البلد الجيت منها_
الجميل عثماان
ربنا يديك العافية و يحفظك يا رب,,,
Post: #562 Title: Re: د / أحمد طراوة ___ فى ندوة عن تاريخ الغناء فى السودان . Author: أحمد طراوه Date: 11-05-2007, 05:26 AM Parent: #1
.. اقل ما يقال عن زخم التوزيع الموسيقى اللي ظهر في مطلع ثمانينات القرن الماضى و المصحوب بمسارات فريدة للهارمونى و التوزيع الآلي ..
.. اقل ما يقال عن ذلك : هو انو التم تم بالفعل ساق المزيكا السودانية الي حالة الانفجار و التجديد الثورى الشامل !
.. شكرا يا معاوية علي نماذج الإسكستا (ضرب التم تم الاثيوبى) ، شكرا محمد عثمان علي (سلوى) وسؤال العاشقين الذى الذى مازال مطروح جماهيريا و غنائيا دون اجابة بعد !
.. " قلبي شِن سوى ؟ ! "
.. والي مرجان سيد النقرزان نعود ، مرجان السودانى - الافريقى الحر الطليق ، و الواقع خارج اطار العلاقات القبلية !
.. مرجان الطليعى اللى كان مثل علي عبد اللطيف و عبد الفضيل الماظ ( مابعد - قبلى ) .. Post-tribal
Post: #563 Title: Re: د / أحمد طراوة ___ فى ندوة عن تاريخ الغناء فى السودان . Author: Osman Musa Date: 11-05-2007, 04:58 PM Parent: #562
مع د / طراوة يطول الحديث عن مرجان سيد النقرزان وعن جمعه جابر ومعهد الموسيقى الاول
Post: #564 Title: Re: د / أحمد طراوة ___ فى ندوة عن تاريخ الغناء فى السودان . Author: محمد عثمان Date: 11-05-2007, 08:07 PM Parent: #1
Quote: ابراهيم عوض وزع مجددا اغنية يا جمال دنيانا علي ذلك الميزان اللحنى الاساسى بتاع عبد الرحمن الريح ، بايقاع التم تم المفتوح ،
Post: #566 Title: Re: د / أحمد طراوة ___ فى ندوة عن تاريخ الغناء فى السودان . Author: Moawia Mohammed Date: 11-05-2007, 08:18 PM Parent: #1
فوق
Post: #567 Title: Re: د / أحمد طراوة ___ فى ندوة عن تاريخ الغناء فى السودان . Author: أحمد طراوه Date: 11-05-2007, 08:21 PM Parent: #1
.. لغاية 1900 امدرمان ما كان فيها ايقاع ! لكن في الهوامش ، في الاطراف وسط الاعراق و القبائل و نسيج شعوب السودان الاصيلة القديمة كان الوضع مختلفا :
- الطار قديم بضربتو البسيطة و موجود قصيا عند كلانات النوبيين في الشمال
- النقارة و ضربة ايقاع المردوم عند قبائل الغرب ونوبا الجبال الراقصين علي تقاسيم الكمبلا
- ايقاع الدليب مستقر في النيل الشمالي قديما في تزاوج وتداخل وتري ايقاعى مع الطمبور القديم برضو قِدم اللير/الرباب .. و غنو بيهو ناس ود حاج الماحى ، وعلي ود حُليب .. ود حاج الماحى بدا فنان حفلات و برضو كان (تيربرادور متحرك ) في ديار الشايقية و البديرية
- البجا وطنو الطمبور قديما و شالو من ايقاع الطار ، وطورو ايقاع مستوحى من ثقافة الساحل و التلال و متفق مع التنغيم الخماسى للطمبور .. ايقاع متسق مع رقصة الصقيرية و السيف الببرق و بلمع صقيل
- الكمبا : ايقاع قديم مستقر عند (استقراطية الافورقى) ا الافورقى المتحدرين من سلالة البانتو الافريقية القديمة ، هم أهم و اقوى كلانات الزاندى .. و في مجرى الحراك و التفاعل الانثربولوجى - السوسيولوجى الطويل وفى تفاعل مع ثقافة الساحل الافريقى و الغناء السواحيلى برز ايقاع الكمبا و رقيص ( الترم ترم ) و تعمم ليشمل باقى قبائل النايلوت السودانى : دينكا ، نوير ، انواك ، شلك
الايقاعات دى كلها دخلت امدرمان بشكل صريح بعد 1900 !
بعد 1900 برضو اخد الغناء مسارو في الشكل الجنينى اللي اسمو الطنبرة ( الايقاع الصادر من الحلق و الحنجرة ) و المصحوب بايقاع ضرب الارض بالاقدام ! دا كان غناء الطنابرة ناس عبد الغفار و ود راس البيت و بقية الرهط الكريم
_ ايقاع الحنجرة لم يظهر في امدرمان دون خلفيات و مقومات تاريخية و قومية ! لانو غناء و ايقاع الحنجرة معمم في سودان ما قبل امدرمان في صيغة : الهسيس ، و الكرير ، و الجرارى ، و الحومبى كتطوير و تعديلات لاحقة ، وكذلك النمط المصحوب بالصفقة اللي اسمو الجابودى و الصورو الطيب صالح علي اروع ما يكون في موسم الهجرة للشمال في حادثة اللورى التجارى الكسر مسمار
هل طنبير ناس امدرمان الاوائل و المصحوب بالرمية الغنائية كان نتاج نهائى لدخول الهسيس و الجرارى و الكرير للمدينة ! ؟
.. هل تفاعل الكمبا و المردوم و الدليب داخل الحوليات هو ما انتج النقرزان كايقاع تحتى متسق مع ميلوديا الرميات البسيطة ! ؟
كيف وصف حسن نجيلة محمد ود الفكي ؟
و كيف برضو ظهر النقرزان و تطور ؟
Post: #568 Title: Re: د / أحمد طراوة ___ فى ندوة عن تاريخ الغناء فى السودان . Author: أحمد طراوه Date: 11-07-2007, 11:15 AM Parent: #1
جنبا الي جنب مع التم تم .. برضو الغنا الاركسترالى الجديد استند علي ايقاع ( المامبو السودانى )
ايقاع المامبو ترسخ بدءا في غنا البنات وهو بالاساس ايقاع دلوكة اتغنت بيهو الاغنية الاثيرة ( جنة العشاق يا مامبو ) و منو سيد خليفة مشى مشوارو ذو اللونية الخاصة ..
Post: #569 Title: Re: د / أحمد طراوة ___ فى ندوة عن تاريخ الغناء فى السودان . Author: محمد عثمان Date: 11-07-2007, 08:13 PM Parent: #1
متاااابعة....
Post: #570 Title: Re: د / أحمد طراوة ___ فى ندوة عن تاريخ الغناء فى السودان . Author: أحمد طراوه Date: 11-08-2007, 11:54 AM Parent: #1
.. سيد خليفة اعاد توزيع طرير الشباب بايقاع المامبو !
.. وكان سلفا غنى بجنس المامبو الثقيل اغنية اسمها انت اجمل زهرة ندية .. برضو حبيبى وغالي عليا .. و بكرة الشوق يجيبك ليا
.. و قبليها اغنية فرايحية راقصة اسمها الليلة اجمل ليلة ! بشيلو معاهو فيها ناس الرحمة مكى و الرضية سعد ..
ولانو المامبو السودانى هو ايقاع دلوكة مركب Multi-Rhythm .. لذا ود الامين ختاهو قاعدة و ميزان لموسيقى برضو مركبة و معقدة : كما في اغنية عويناتك ترع لولي و بحار ياقوت
و برضو لمرجان سيد النقرزان نعود ، عودا حميدا مستطاب ..
Post: #571 Title: Re: د / أحمد طراوة ___ فى ندوة عن تاريخ الغناء فى السودان . Author: Osman Musa Date: 11-08-2007, 02:04 PM Parent: #570
يا أخ معاويه _ حزنت عليه حزن شديد الفنان الموسيقار الاثيوبى الضخم Tilahun Gessesse الفنان صديق الشعب السودانى الفنان عاشق الخرطوم واكبر مطربى الشرق الافريقى _ حزنت حينما رايته مبتور الارجل يجلس على كرسى متحرك فى مطار الجى اوف كندى N Y كان الرجل بكامل عافيته فى منتصف السبعينات كان مثل الفراشة يرقص ويغنى للحلم الافريقى وللخروج الى عالم اصح واجمل . شفاك الله يا استاذ تل لقد ابكيت العرب والعجم بفنك العالى ..
Post: #572 Title: Re: د / أحمد طراوة ___ فى ندوة عن تاريخ الغناء فى السودان . Author: أحمد طراوه Date: 11-09-2007, 00:05 AM Parent: #1
.. و مهم جدا الاشارة و القول بانو اعجوبة و عبقرى الغناء الامريكى Ray Charles ، موطن ميزانو الايقاعى علي ايقاع الدلوكة ( الدهلة ) الافريقى القديم و تحديدا اللونية اللي اسمها ( جنة العشاق يا مامبو )
.. دى اللونية اللي اكتشفوها برضو و طوروها بنات السودان منذ عهد قضاعة الخشوم و مستورة بت عرضو !
متوازيات المامبو السودانى ظاهرة في اجمل اغانى رى شارلز :
- اطلق صراح قلبى : Un - chain my heart
- و التانية الاغنية الجميلة اللي عملا لمن حبيبتو طردتو بسبب الفاقة و الفلس و قالت ليهو بكلام شماسة حى هارلم النيويوركى ( شتت يا زول ) : Hit the road Jack .. and dont come back any more
بنحاول نستعرض لاحقا مقال رى شارلز عن الجذور الافريقية للموسيقى و الغناء الامريكى .. وهو اصلا غناء السود منذ عهود الجاز و البلوز
... يا ريت ابتداء نسمع ايقاع النقرزان كاوضح ما يكون عند كرومة في كلمات عمر البنا : زيدنى في هجرانى ! او عند الفاضل احمد في اغنية عبد الرحمن الريح : لي في المسالمة غزال ..
.. والي مرجان نعود ! مرجان اللي كان واقع خارج اطار العلاقات القبلية ! مرجان اللي كان بتحرك و بفكر بروح المدينة الجديدة .. مرجان الطليعى اللي علي شاكلة عبد الوهاب زين العابدين عبد التام اول سكرتير عام للحزب الشيوعى السودانى ! و علي شاكلة ثوار 1924 ناس علي عبد اللطيف و عبد الفضيل الماظ .. مرجان اللي كان لابس معطف جوجول السودانى .. و طلع من تحتو ناس المزيكا و الغناء
( احمد مرجان ، زقل ، محمد آدم ادهم ، اسمعيل عبد المعين ، كرومة .. الخ )
.. نحنا بنخالف كوريتا اليابانية في بحثها عن الجذور التاريخية لثورة 1924 ، و اللي سمت الناس ديل ب ( المنبتين قبليا ) the detriblized !
نحنا بنشوفم سودانيين طليعيين نواتج تلاقح عروبى افريقى ، و ( ما بعد - قبليين ) post - tribal !
ودا صراع طويل و عريض مع مدرسة المركزية الاروبية .. و مع غلاة التطرف الزنوجى الافريقى برضو ..
Post: #573 Title: Re: د / أحمد طراوة ___ فى ندوة عن تاريخ الغناء فى السودان . Author: Osman Musa Date: 11-09-2007, 07:29 PM Parent: #572
ندوة تاريخ الغناء فى السودان .. نتابع
Post: #574 Title: Re: د / أحمد طراوة ___ فى ندوة عن تاريخ الغناء فى السودان . Author: أحمد طراوه Date: 11-09-2007, 08:19 PM Parent: #1
... الهسيس و الكرير و الجرارى و سط قبائل وشعوب السودان ( وكل الايقاعات الصادرة من الحلق ) .. تبلورت داخل مسار و بواكير الغناء الامدرمانى في شكل الطنبرة و ظهور مجموعات الطنبارة ( الطنبار : مغنى بقول رمية و بطنبر بالحلق و خلفو ناس بطنبرو بالحلق برضو و بضربو الارض بارجلهم )
.. نقرزان مرجان البسيط كان تدشين لعهد الايقاعات السودانية الصريحة و المعدلة و الماشة كلها علي الضرب الايقاعى 2 و 4
.. ايقاع نوبة الطريقة الاحمدية في ود مدنى هو الي ساق الكاشف الي عوالم السامبا المنسوبة لتواريخ و سير الغناء الافريقى - الاتينى !
.. السامبا عند شكيرة !
سامبت شكيرة .. ذات جذور و نكهة افريقية و مفارقة لونية السالسا بتاعت امريكا الاتينية !
السامبا و اضحة عند شكيرة في اغنيتا البرنجى ( whenever .. forever ) ! بالضبط زى سامبت الكاشف في اغنية المهرجان ( رف قلبي بجناح النسايم ) توزيع عصام محمد نور الجديد اللي فيهو الايقاع المبرمج ماخد مداهو الكامل !
" جميلة طبول شكيرة .. و جميلة برضو طبول القارنق عند قبيلة النمانج صنو نوبا الجبال "
.. و السامبا اللي غنى بيها الكاشف و آخرين هي برضو ضرب ايقاعى واقع في ذات الحقل و المدى 2 ، 4
.. و الغريبة كمان ! انو مواكب الايقاع اللي بداها مرجان وصلت الي حد الرمبا !
.. الرمبا غنا بيها حسن عطية كلام طه حمدتو : حبيب عمرى انت لي كل شى ! و غنا بيها شرحبيل احمد كلام سعد قسم الله : قلبي دقا .. لما شفتك .. من بعيد تنظر إليا !!
" و ما انفك مرجان السودانى - الافريقى يصارع داخل الحوليات و الساحات و في مقدمة موكب الزفة لصياغة ايقاعو الاول الفريد !! ... إيقاع النقرزان الامدرمانى !
Post: #575 Title: Re: د / أحمد طراوة ___ فى ندوة عن تاريخ الغناء فى السودان . Author: محمد عثمان Date: 11-09-2007, 09:57 PM Parent: #574
Quote: و غنا بيها شرحبيل احمد : قلبي دقا .. لما شفتك .. من بعيد تنظر إليا !!
Post: #576 Title: Re: د / أحمد طراوة ___ فى ندوة عن تاريخ الغناء فى السودان . Author: Osman Musa Date: 11-10-2007, 02:17 PM Parent: #575
الف شكر استاذ محمد عثمان على وضع الملك ملك عموم افريقيا ملك الجاز الموسيقار بل المفكر الفنان شرحبيل أحمد نحن حتى الان لم نكتشف شرحبيل الرجل الشديد المعرفة بكل مسالك الموسيقى ___ فى ما بعد ارجو أن يسمح لك ولنا د / أحمد طراوة بان تضع تسجيل لشرحبيل أحمد وهو يغنى اغنية المرحوم عبدالحليم حافظ اهواك واتمنا لو القاك شى لا يصدق احد الاخوان المصرين المشتغلين بهم و بفن ( الطبله) فى شوارع نيويورك سالنى يا ابن النيل والسيده زينب بس ورينى شرحبيل ده جالس فين يا عمى ده بغنيها احسن حتى من أبو الهول الله يديك الصحه يا استاذ شرحبيل يا ملك النيلين
Post: #578 Title: Re: د / أحمد طراوة ___ فى ندوة عن تاريخ الغناء فى السودان . Author: Osman Musa Date: 11-10-2007, 07:09 PM Parent: #576
الاستاذ الفنان محمد منير دايما يتحدث باعجاب شديد عن السودانى الاعب على البنقز والسودانى عازف الجيتار فى فرقته الموسيقيه المصاحبه محمد منير يتحدث دايما باعجاب شديد عن الفن السودانى وعن شرحبيل أحمد وعن العملاق محمد وردى وسيد خليفه. له التحيه
Post: #579 Title: Re: د / أحمد طراوة ___ فى ندوة عن تاريخ الغناء فى السودان . Author: أحمد طراوه Date: 11-11-2007, 12:00 PM Parent: #1
... يا الناعسات عيونك .. لي عينا سهيدة ..... تضرب بنبالك ارواحنا و تصيدا !
.... افكاري تايهة !
... وهكذا تمدد التم تم وتواصلت سِيرو واخبارو في امدرمان ، وفي خرطوم حي المراسلات و حي الترس و حي باريس ... ودخل جزيرة توتى علي صدى جميل القول بتاع بُر محمد نور و ترانيم ابراهيم خوجلي
... وميزة عوض بابكر هي : الرصد بذكاء !
.. لانو عوض بابكر ، لمن يجى يقدم اغنية زى افكاري تايهة ، او (خدارى) بطريقة حسن عطية ، بقول ابتداء :
.. بنسمع الان من جنس التم تم التقيل ، اغنية خدارى بطريقة حسن عطية !
نعم ، من جنس التم تم التقيل ! لانو خدارى اصلا لحنا كرومة في اول علاقتو الفنية مع عبد الرحمن الريح بايقاع النقرزان الخفيف !
... و لوعاوز تطرب نفسك و تسعدا ، اسمع خدارى عند كرومة .. او بطريقة كرومة عند الراحل بادى ..
.. عبد الرحمن الريح اقترح علي حسن عطية وبعد وفاة كرومة ، انو يغنى خدارى بايقاع التم تم ! لانو كان ياهو الايقاع المدور في البلد و ماشة علي هديو القواعد الشعبية ..
عبد الرحمن لريح و سيد عبد العزيز كانو عاوزين يوطنو فوق التم تم ، كلام جديد راقى بديلا لاهازيج ام بشاير و ام جباير ، وبديلا لغناء رابحة التم تم اللي كان غناها المتسعة دوايرو و متزايدة جماهيرو ، مصدر قلق لانتلجنسيا النظم و الغناء و دولة الذوق السليم !
سيد عبد العزيز عمل اغنية انا راسم في قلبي صورة الباسم ، و معاها اغنية الجنان في الدنيا و الليالي تدور ، واشترط ان لا تلحن إلا بضرب ايقاع التم تم !
.... سيد و عبد الرحمن .. هم السحرة اللي انقلب عليهم سحر التم تم !
سحر التم تم اللي استوعب باطنيا نقرزان مرجان و مشى بيهو الي الامام ، واعاد انتاجو في ضرب ايقاعى اشد سعة و مرونة و تعدد لونى و اشتقاقات لا اول لها و لا آخر ..
Post: #580 Title: Re: د / أحمد طراوة ___ فى ندوة عن تاريخ الغناء فى السودان . Author: Osman Musa Date: 11-11-2007, 05:08 PM Parent: #579
استاذ محمد عثمان سلامات لو تكرمت يا محمد كان عندك تسجيل للبرنامج التلفزيونى ( عوض بابكر سهره قديمه كانت فى سنة 1989 مع الفنان عوض شمبات كان قد اعيد بثها امس السبت 9/11/2007 فيها حديث هام جدا ارجو وضعها للحفظ ولك الشكر الجزيل يا استاذ محمد عثمان تحياتى
Post: #581 Title: Re: د / أحمد طراوة ___ فى ندوة عن تاريخ الغناء فى السودان . Author: محمد عثمان Date: 11-11-2007, 09:17 PM Parent: #580
Quote: استاذ محمد عثمان سلامات لو تكرمت يا محمد كان عندك تسجيل للبرنامج التلفزيونى ( عوض بابكر سهره قديمه كانت فى سنة 1989 مع الفنان عوض شمبات كان قد اعيد بثها امس السبت 9/11/2007 فيها حديث هام جدا ارجو وضعها للحفظ ولك الشكر الجزيل يا استاذ محمد عثمان تحياتى
الجميل عثمان..
انا عادة لا اشااهد التلفزيون الا يوم يكون هناك مبارة للهلال رغما عن ذلك انشاء الله افتش على المادة التى ذكرتها بجيك صاادى...
يديك العاافية...
Post: #582 Title: Re: د / أحمد طراوة ___ فى ندوة عن تاريخ الغناء فى السودان . Author: أحمد طراوه Date: 11-11-2007, 09:47 PM Parent: #1
شكرا يا عثمان ..
.. و يا ريت بالفعل محمد عثمان يوثق لينا حلقة عوض بابكر مع اولاد شمبات ! و لدينا الكثير الهام مع صاحب الحس الفنى و المعرفة بتاريخ و دخائل و حكاوى تاريخنا الغنائى الاستاذ عوض بابكر
.. و اصلا امر عوض بابكر نحنا موكلين بيهو سليمة الذوق الغنائى : اشراقة حيمورة .. شكرا يا اشراقة استلمنا تلفون عوض بابكر و بنجهز في ( المرشد لفهم تاريخ الغناء )
... عوض و ابراهيم شمبات ، دمترى سماهم ( فنانى الذاوات ) وسمى عبد الله الماحى فنان السودان كلو وهى تسميات ذات معنى و اسباب .. و حنفرد لذلك حديث عبد القادر خميس و كلام عوض دكام و حكاوى عوض مكاوى او هكذا كان يقول اهل المجالس و الظرف في تلك الايام الصافيات الخوالي
.. محظوظين نحنا لانو الموثق الحصيف المتابع للبوست ، ماجد بوب منسوب كاليفورنيا مُدرج سيرة و تجربة دمترى ضمن اهتمامو
جميلة عند اولاد شمبات اغنية سيد عبد العزيز : يا غصون الروض .. الأمالك ، النسيم الجاك من شمالك ؟ ام غنى القمرى الحزين ! ؟
وهى من جنس التم تم التقيل برضو ..
و دي اغنية حول غلاء المهور و فلسفة الزواج ايام نهضة السودان في عهد الجمهورية الاولى للبرجوازية التجارية !
.. الاغنية بحبها الصادق المهدى !
و احترامنا للمهدى بزيد بحبو لغناء ناس المدرسة الاولي ! و ثباتو علي ذات خط بت ذو الفقار علي بوتو في استعادة الحق الديمقراطى الضايع ! و بالاساس بنحترمو لانو بجى للحكم عبر صناديق الانتخابات النضيفة ، و لانو بخلي بناتو يكاتلو في الصفوف الامامية لمعركة الشعب السودانى ..
نقد المنتخب شرعا في دائرة الامتداد و الديم و المايقوما ( و اللي انحنا بنعلق عليهو آمال كبيرة ) بحب برضو الغنا و حافظو و عندو ديوان عتيق - ايام صفانا - و بنقول ليهو دايما قولة ابو صلاح في بدور القلعة : يا " عبد الرحمن " دمت مظفرا .. في نعيم و حظوظ متوفرا
قال نقد مرة لغسان شربل : نحنا ناس عاديين ! بنتونس و نسمر و نسهر لمن ديكنا يصيح و فوق رؤسنا يتحكر
وعاوزين ماجد بوب يورينا برضو ليه عبد الخالق محجوب كان فنانو المفضل خضر بشير !؟
.. و بالحق التم تم الساحر الآسر ساق عبد الرحمن الريح و سيد عبد العزيز و عتيق في مساراتو الشجية ! وصدق من قال : من وجد التم تم قيدا .. تقيدا !
منتظرين النماذج :
_ نقرزان و رق كرومة : زيدنى في هجرانى
- ايقاع الكمبا : عند الراحل خليل اسمعيل .. يوم بيوم نبيع الكمبا في كفياكانجى .. ومرة تانية و تالتة بعد الالف بنسجل اعتذارنا و خجلنا الما بندسو امام شعوب و قبائل جنوبنا الحبيب ، مما كان يفعله اجدادنا في اسواق و زرائب كفياكانجى
- ضرب ايقاع الدلوكة المعدل عند جماهير الرديف في صيغة ايقاع المامبو و قوة جمالو في اغنية (انو بت التاجر الحبشى ) توزيع و ترانيم عبد العزيز المبارك ! بنشوف حرارة الضرب الايقاعى في طبول و دُنب السودان
- ضربة المارش العسكرى بتاع ود الشريف رايو كمل ! و اللى لحن بيهو اسمعيل عبد المعين كلمات الصاغ محمود ( صه يا كنار ) ايام صعود حركة النضال الوطنى
.. بنعمل دا كلو و لسا عينا علي حال و مآل و مصير مرجان سيد النقرزان
Post: #583 Title: Re: د / أحمد طراوة ___ فى ندوة عن تاريخ الغناء فى السودان . Author: محمد عثمان Date: 11-11-2007, 10:31 PM Parent: #582
Quote: .. محظوظين نحنا لانو الموثق الحصيف المتابع للبوست ، ماجد بوب منسوب كاليفورنيا مُدرج سيرة و تجربة دمترى ضمن اهتمامو
جميلة عند اولاد شمبات اغنية سيد عبد العزيز : يا غصون الروض .. الأمالك ، النسيم الجاك من شمالك ؟ ام غنى القمرى الحزين ! ؟ وهى من جنس التم تم التقيل برضو ..
و دي اغنية حول غلاء المهور و فلسفة الزواج ايام نهضة السودان في عهد الجمهورية الاولى للبرجوازية التجارية !
.. الاغنية بحبها الصادق المهدى !
مصااادفة غريبة...!!!!
Post: #584 Title: Re: د / أحمد طراوة ___ فى ندوة عن تاريخ الغناء فى السودان . Author: أحمد طراوه Date: 11-12-2007, 01:09 AM Parent: #1
.. وهكذا بصدق علينا وصف ابراهيم عوض :
" المجال طال بينا و سهرنا ... و المحبة شديدة يا اهلنا ! "
.. إسناد كريم و جاهزية عالية من ناس محمد عثمان و معاوية !
.. صار عندنا هيئة اركان و غرفة عمليات .. و عشان كدا حنواصل نخوض معارك و رماح البحث و التقصى و طرح الفرضيات إن كان تزيد او تقل .. و برضو حنواصل نهاب سيف العيون الببرق يلمع صقيل ..
.. قمرية قالت للتانية مالك ؟ ! .. جميل كلام سيد عبد العزيز
سيد كان ( صريع هوى التم تم و لونيات ايقاع الدلوكة المعدل من شاكلة المامبو وخلافو ) كان لماح وذو اخيلة شاردة و تصاوير عالية المقام !
ناس امدرمان في 1915 و اللي كانوا بعيشو ايامن بانشراح و بدون طبيب جراح ، طلع عليهم الصباح و لقو نفسهم في فناء مملكة النقرزان و غنا الرميات و الطنبرة الجديد
- الارجح انو مرجان وهو مغنى حوليات راقص و أذكار بالاساس ، كان بحل و بعالج في معضلة الالتباس الفنى الحاصل : لانو داخل الحولية كان ايقاع الدليب بتاع الشايقية بصطدم مع مردوم ناس الغرب و الاتنين بتقاطعو مع كمبة القبائل الجنوبية البايعت المهدى ودخلت الاسلام ... يعنى جوه الحولية و في حب المصطفى السودانين بمارسو الخصوصية و التعدد ! ودى رسالة لكل من اراد ان يحكم السودان !
- مرجان كان (تريبرادور منشد) وليس راقص حوليات فقط ! كان مغنى ! كان علي نهج غنا المربوعة اللي اتعمل بيهو مديح نبى الاسلام منذ عهد ناس الشيخ النقر ، و الشيخ / ود جبور ، و احمد ود تميم ، و شيخ العاقب و حاج الماحى ! مرجان ذات نفسو كان ببحث عن ايقاع وسط بين تلك الايقاعات الرئيسية يوطن فيهو رمياتو المربوعة و غناهو المتسعة دوايرو الي تخوم بيوت العرس و الطهور
_ مرجان مرق النقرزان غالبا و ليس تاكيدا ! من حقيقة انو الغنا في السودان تاريخيا هو علي الضرب الايقاعى الثنائى و الرباعى ، و الامثلة تحديدا و من داخل حلقات المديح هى ( ايقاع المخبوت وهو ثلاثى ، ايقاع المعشر وهو رباعى ، ايقاع الحربى وهو ثنائى زى المارش ، ايقاع الدقلاش وهو دلوكة و عرضة و مزيج للثلاثى و الر باعى و الثنائى )
- التداخل و الترابط دا ! و اللي افضى لبروز النقرزان من وسط معادلة حوجة الرميات الغنائية لايقاع تحتى متسق مع التفعيلة ، بنفهمو اكثر لمن ناخد بالاعتبار كلام تلاميذ الشيخ المادح / احمد ود سعد لمن سئلوا عن العلاقة بين الحان المدائح و الاغنية الشعبية فقالوا : كنا بنبارى و نجارى بيها المغنيين !
- عشان كدا ابراهيم العبادى عمل لحن و ايقاع اغنيتو ( يا حليل رياضنا الغنا ) في مجاراة كاملة لمدحة الشيخ / ود المكاوى : يا ليلى ليلك جنا .. معشوقك اوه و غنا !
.. مرجان كان مؤشر مبكر للقومية السودانية ! و النقرزان رغم حقيقتو الامدرمانية ، فهو ايقاع قومى ماخد من كل زهرة عينة !
.. بقول الباحث الرصين د. الفاتح الطاهر فى وصف امدرمان حينذاك :
" المشاركين في الحلقات الدينية الاحتفالية الراقصة .. كانو ينشدون الاغانى و يتحركون وفقا لتوقيع الالات الايقاعية .. و يدمجون مختلف العناصر الموسيقية لمختلف القبائل المنتمية للطريقة الصوفية "
... وبقول العبادى ، ودا قول بنطبق علي مرجان السودانى - الافريقى المابعد - قبلي و رجل الدين الطليعى النقى - التقى :
" جعلي و دنقلاوى و شايقى ايه فايدانى ... غير ولدت خلاف خلت اخوى عادانى .. خلوا نبانا يسرى مع البعيد و الداني .. يكفى النيل ابونا و الجنس سودانى "
الجنس سودانى و كفى ... هنا يكمن مفتاح حل الازمة التاريخية !
Post: #585 Title: Re: د / أحمد طراوة ___ فى ندوة عن تاريخ الغناء فى السودان . Author: Moawia Mohammed Date: 11-12-2007, 01:48 AM Parent: #1
كرومة - زيدني في هجراني بمصاحبة كمنجة السر عبد الله و أكورديون وهبة
بكل أسف التسجيل تعبان شديد يا جماعة
Post: #586 Title: Re: د / أحمد طراوة ___ فى ندوة عن تاريخ الغناء فى السودان . Author: Moawia Mohammed Date: 11-12-2007, 01:55 AM Parent: #1
الكمبا - خليل اسماعيل
Post: #587 Title: Re: د / أحمد طراوة ___ فى ندوة عن تاريخ الغناء فى السودان . Author: Moawia Mohammed Date: 11-12-2007, 02:09 AM Parent: #1
Post: #588 Title: Re: د / أحمد طراوة ___ فى ندوة عن تاريخ الغناء فى السودان . Author: Moawia Mohammed Date: 11-12-2007, 01:08 PM Parent: #1
Post: #589 Title: Re: د / أحمد طراوة ___ فى ندوة عن تاريخ الغناء فى السودان . Author: بجاوى Date: 11-12-2007, 01:42 PM Parent: #1
يا لهذا الالق الجميل اشكركم جميعا دون فرز قبل ايام قلائل كتبت موضوع فى احدى المنتديات فاتانى احد المهوسيين دينيا كى يلخبط كل ما كتبته حاول صرف الموضوع عن وجهته فهل يا ترى اطمع فى توثيق اشمل لوقائع هذه الندوة الرائعة بكل ما تحمل كلمة ( رائع) من معانى لكم كل ودى وتقديرى واحتراماتى
Post: #590 Title: Re: د / أحمد طراوة ___ فى ندوة عن تاريخ الغناء فى السودان . Author: Osman Musa Date: 11-12-2007, 04:42 PM Parent: #589
الأخ بجاوى الف مرحب والدار دارك سعدا بمرورك ونطمع فى مشاركاتك لك جزيل الشكر تحياتى ..
Post: #591 Title: Re: د / أحمد طراوة ___ فى ندوة عن تاريخ الغناء فى السودان . Author: محمد عثمان Date: 11-12-2007, 08:37 PM Parent: #1
و قمرية قاالت للتانية ماالك..؟؟ ما انتى لسه فى عز جماالك..
و متااابعة....
Post: #592 Title: Re: د / أحمد طراوة ___ فى ندوة عن تاريخ الغناء فى السودان . Author: Moawia Mohammed Date: 11-12-2007, 08:58 PM Parent: #1
فوق
Post: #593 Title: Re: د / أحمد طراوة ___ فى ندوة عن تاريخ الغناء فى السودان . Author: Osman Musa Date: 11-12-2007, 10:38 PM Parent: #592
السيد معاويه سفيرنا الذى يجلس على ظهر الروكى .. وتحتك وادى دينفر .. وادى يشبه وادى جبل الحسانيه ( الهواد) احن الى تلك المدينه المشرقة . وهى تحتضن ( ناس عزاز علينا. الف شكر وانت تشتت عطر الاغانى فى البوست الف تحيه .
Post: #594 Title: Re: د / أحمد طراوة ___ فى ندوة عن تاريخ الغناء فى السودان . Author: أحمد طراوه Date: 11-13-2007, 00:17 AM Parent: #1
... في سنكات بنعشق بت سمرا و ابية .. ترتاح في الضفيرة خصلاتا الندية .. عاشت جوة قلبى احلى هدندوية .. مرحبا و دبايوا يا ( بجاوى ) ..
ودا قول بالعربى للبجاوى الرطانى الراحل ابو آمنة حامد .. لحنو و غناهو بالعربي النوبى الرطانى محمد عثمان وردى ! و الغريبة كمان لحنو بدليب الشايقية .. ومن بعد ذلك وفوق كل ذلك كل قوميات و اعراق السودان بتطرب لاغنية بنحب من بلدنا و لضربة ايقاع الدليب الحار اللي بتحرك كل سودانى عفوا و اقتدارا
عبد العزيز حسن وعدنا يرفع لينا الدليب الحار في اغنية صديق احمد ( جروح قلبى اللي ابت تبرا )
.. تعرف يا اخى ( بجاوى ) انت خليك معانا هنا و ارسل لينا كلامك في منبرنا المفتوح للحوار و المساجلة و التصويب و اللي هو منبر من لا منبر له ..
قصدنا نقول انو غنا المدرسة الاولى و التانية و ما فعلو مرجان سيد النقرزان وناس العبادى و سرور ، هو عبارة عن جسر مابين - عرقى ، جسر ما بين - قبلى .. جسر نحو وحدتنا القومية و ترسيخ معالم المزيج الفريد لهويتنا السودانية
شكرا يا معاوية علي نقرزان رق كرومة في اغنية زيدنى في هجرانى
.. ضربة نقرزان العصايا و الكبايات القزاز واضح في اغنية برضى ليك المولى الموالي اللي انتو نزلتوها من قبل !
سرور ما غنى بالرق من البداية طوالي ! هو جاب الرق للسودان من الطريقة الاحمدية في مصر لمن زار مصر في العشرينات من القرن الماضى !
Post: #595 Title: Re: د / أحمد طراوة ___ فى ندوة عن تاريخ الغناء فى السودان . Author: Moawia Mohammed Date: 11-13-2007, 10:29 AM Parent: #1
UP
Post: #596 Title: Re: د / أحمد طراوة ___ فى ندوة عن تاريخ الغناء فى السودان . Author: أحمد طراوه Date: 11-13-2007, 11:40 AM Parent: #1
... التم تم الحبشى ( اسمو برضو الاسكستا ) .. و الصادر من طبول الكِبرو القديمة المنسوبة لمملكة اكسوم .. واضح في اغنية بت التاجر الاثيوبى (نانو) بطريقة عبد العزيز المبارك !
.. ودا تم تم حار ! ما زى تم تم حسن عطية !
الولد العاشق ( دويو) كان مُستخدم مع التاجر الاثيوبى ( الاباشى نقادى ) و بقول لبت التاجر الحلوة اللي وقعت في غرامو :
.. كلام دويو متوازى مع جميل القول عند عثمان مصطفى : عندى كِلمة عاوز اقولا !
.. و اغنية عثمان مصطفى مموسقة علي ضرب السامبا الماخد مسحة التم تم المفتوح ( و شاحدين المولى الكريم انو محمد عثمان يلقاها ضمن رصيدو الغنائى الوافر )
وحسن عطية منذ ايام حى المراسلات .. مرورا بايام حي باريس وهو صريع و رائد التم تم التقيل : لحن بيهو خدارى ، و هل تدرى يا نعسان .. و كمان اغنية بت البلد البقول فيها :
" سوي الخفيف و تقيل يا بت البلد ! " ودا نوع رقيص البنات عهدذاك
... و الجدير بالملاحظة انو الكابلى اعاد توزيع كلام حكامة شرق النيل في الطيب ود العبيد ود بدر البقول :
" البشيل فوق الدبر ما بميل .. قدل شيخى اللرباعتو مهِل .. لاح لي بريق باليل .. طرانى الخليفة التلب لزوم الشيل .. الطيب سمح بالحيل .. "
الكابلى ختاها في ايقاع الدلوكة/ العرضة اللي اسمو ايقاع الدقلاشى ! ودا نفس الايقاع بتاع المديح اللي عملوا بيهو اولاد البرعى مدحة العدنانى يا نور الجِنانى ..
ونقول هنا بالضرورة انو الدقلاشى : هو الشيخ اسماعيل سيد الربابة منسوب السلطنة الزرقاء و اللي هو اول مُغنى سودانى .. !
... وهكذا ندخل ساحات الدلوكة ..
.. ساحات ابو حراز اللي كان بضرب دلوكة رابحة التم تم .. ساحات ناس مستورة بت عرضو ام كرومة ، و قضاعة الخشوم ، و ميرى خميس ، و مهلة العبادية ، و الانظكية فاطمة خميس اللي مشت مصر مع دمترى و عملت اسطوانة الفحم بتاعت ( دمعى اللتشتت )
.. و نصل الي فناء دار حواء فضل المولي ريحان اللي عُرفت امدرمانيا و جماهيريا ب : حواء بنزين
.. طارت لي شرارة .. حرقتنى بنارا .. حرقتنى بنارا .. و النار نار سجارة .. !
.. هكذا غنت حواء بنزين بعد ما فارقت رفيقة دربها عشة موسى الفلاتية اللي مشت في دروب حسين طه زكى و اذاعة ام درمان !
.. كان زمن حواء بنزين ، هو زمن البت العاشقة من اول نظرة ، و زمن الشاب الافندى الانيق ، الشايل علبة الروثمان ، و مكفكف القميص و مطلع ساعتو الجوفيال قصدا في بيت الحفلة
Post: #597 Title: Re: د / أحمد طراوة ___ فى ندوة عن تاريخ الغناء فى السودان . Author: بجاوى Date: 11-13-2007, 12:19 PM Parent: #1
شكرا لكم ايها الرائعون على حسن الاستقبال وارسل لكم من على البعد تحية تحمل روعة توتيل وبشاشة بورتسودان وتاريخ سواكن وكل الشرق الحبيب لكم كل مودتى وتقديرى واحترامى الدكتور الغالى/ احمد ذكر الصحفى عاطف عبدالله بان تاريخ الغناء بدا مع سرور واول اغنية مغناة كانت لسرور وقبلها كانت هناك ما يسمى ويعرف ب ( الدوبيت ) وحصر كل تاريخ الغناء فى امدرمان والمهدية سؤالى هناعن اصحية ما كتبه وقاله فى المقال وهل لم تكن هناك اى تجارب غنائية خارج امدرمان او فى بقية الولايات ؟؟؟ المقال موجود ويمكنى احضاره هنا لكم كل الود والتقدير والاحترام
Post: #598 Title: Re: د / أحمد طراوة ___ فى ندوة عن تاريخ الغناء فى السودان . Author: Osman Musa Date: 11-13-2007, 03:26 PM
الف شكر الأخ بجاوى
كيف حال شرقنا الحبيب . فمن تلك البوابات دخلت علينا شمس الغناء . اغانى الساحل الشرقى اليمنيه والحجازيه والصوماليه والحبشيه وفى ما بعد يتحدث د/ أحمد عن اغانى البحر الأحمر ومدغشقر وخليج عمان . الف شكر على مرورك الكريم ( وفى انتظارك تحياتى
Post: #599 Title: Re: د / أحمد طراوة ___ فى ندوة عن تاريخ الغناء فى السودان . Author: Osman Musa Date: 11-13-2007, 04:38 PM Parent: #598
لا ادرى كيف اشكر الاخوان سايكو ومعاويه ومحمد عثمان هم ركايز البوست والحديث عنهم يطول وبهم يتمدد بوست تاريخ الغناء بوست عاشق امدرمان د/ أحمد طراوة والذى يفكر فى بنا تماثيل لشعراء البلاد فى مداخل العواصم الثلاثه امدرمان وبحرى والخرطوم عموم وذلك بعد العوده حافى حالق ,,
Post: #600 Title: Re: د / أحمد طراوة ___ فى ندوة عن تاريخ الغناء فى السودان . Author: Osman Musa Date: 11-13-2007, 04:50 PM Parent: #599
فاطمه خميس والجديد فى تفانين هبك الدلاليك .. ننتظر _________________________________________________
Post: #601 Title: Re: د / أحمد طراوة ___ فى ندوة عن تاريخ الغناء فى السودان . Author: Osman Musa Date: 11-13-2007, 04:59 PM Parent: #600
وبمشاركاتكم الكريمه يتابع د/ أحمد طراوة الحديث عن تاريخ الغناء فى السودان __ لكم كل الشكر ..
Post: #602 Title: Re: د / أحمد طراوة ___ فى ندوة عن تاريخ الغناء فى السودان . Author: محمد عثمان Date: 11-13-2007, 06:50 PM Parent: #601
الجميل عثمان موسى...
اخبار سارة لقيت ليك تسجيل صوتى للمادة التى طلبتها بس شوية سمكرة كدا و بنزلها ليك...
و برضو عندى مفاجاءة من العيار الثقيل للدكتور طراوة,,
و نتااابع.....
Post: #603 Title: Re: د / أحمد طراوة ___ فى ندوة عن تاريخ الغناء فى السودان . Author: Osman Musa Date: 11-13-2007, 07:44 PM Parent: #602
استاذ محمد عثمان سلامات اها شتت التيراب . صاحبك د/ أحمد بفتح ليك الترعه اسع دى . سلامات
Post: #604 Title: Re: د / أحمد طراوة ___ فى ندوة عن تاريخ الغناء فى السودان . Author: أحمد طراوه Date: 11-13-2007, 08:30 PM Parent: #1
... قال الشيخ / ود اب شريعة في حب نبى الاسلام و شدة التوق لزيارة قبرو :
" شفيعنا في الحشُر .. التِبعك في الخُدر .. و الفارق من حالو كُر ! قلبى زاد وجع .. حمانى القيد منع ! )
مفردة (كُر علي) .. بتاعت حبوباتنا .. بقت جميلة لمن دخلت في فضاءات التعبير الفنى للشيخ ود اب شريعة
.. كابلى شال المدحة و اعاد توزيعا بمصاحبة الطبول و الدُنب و البيز جيتار بتاع (الرستافاراى نادر) !
.. البيز جيتار كان قائم مقام ايقاعى في تلك الاهزوجة الصوفية المموسقة بعبقرية جماعة المقام الخماسى السودانى ناس محمدية و عربي و اكرد علي الاوكورديون ، و عبيد خال سميرة دنيا علي الطبلة ( قيل ان مصطفى كامل عازف القانون و استاذ الموسيقى المصرى هو اللي جاب الطبلة للسودان منتصف القرن الماضى )
.. في مدحة الكابلى بنستبين حقيقة كلام ( جراهام كولير ) في كتابو Jazz : the resources of Music ..
.. لانو الكابلى مزج ايقاع النوبة مع التم تم و مع ايقاع المخبوت بتاع جماعة السفينة في مقابر حمد النيل ودخل كل المستمعين في دوائر الحضرة و الجذب الصوفى عند ذلك اليوم الرمضانى من خريف الانتفاضة في 1989 .. و في الحديقة الخلفية المفتوحة لقاعة الصداقة
ايقاع السفينة و المخبوت و النوبة وقع في هواهم مغنى الريقى العالمى (جيمى كليف) يوم زيارتو الشهيرة لحمد النيل
.. ساباستيان كلارك في كتابو ( جذور موسيقى الريقى ) بقول :
" النقطة اللي انطلقت منها فلسفة ماركوس غاركى و جماعات الرستافاراى و موسيقى الريقى هي : حقيقة امتداد ايقاع الريقى في جذور ايقاعات الموسيقى الافريقية عبر تجارب البلوز و الجاز .. "
بقول جراهام كولير : " إن اي قطعة من الموسيقى الاروبية لها ايقاع واحد ثابت يغلب عليها في اللحظة الواحدة ، بينما يكون للقطعة الواحدة من الموسيقى الافريقية ايقاعان او ثلاثة و قد يصل الامر لاربعة ايقاعات " .. ودا واضح في مدحة ود اب شريعة توزيع كابلي
و اعتقادى الشخصى : هو ان التطريب في الموسيقى الاروبية و الذوق الاروبى يعتمد بالاساس علي الهارموني الموسيقى ! بينما التطريب لدى ذو الوجدان الافريقى من شاكلتنا نحن ، و ثيق الصلة بضربة و موازين الايقاعات !!
.. هذه فرضية و ملاحظة نطرحها من منطلق سوسيو - ثقافى عام و ليس من داخل زوايا علم الميوزوكولوجى و الذى نترك امره للعارفين ناس الموصلي ، و جراهام عبد القادر و مكي سيد احمد و رائد الكلارنت محمد عبد الله اميقو
.. و هل دلوكة السودان و وسطو النيلي ، و فصائل الشتم التابع ليها جات من دارفور كما ذكر التونسى ! ؟ انا شخصيا دا احساسي ! لكن دا امر بيحسمو علم الحفريات و الاركيولوجيا الحديثة و دراسة تاريخ الايقاعات السودانية علي نحو علمى اشد تدقيقا و رصانة
... جميل اللحو وهو بضرب دلوكة الجعليين و بقول : لواي سلسلن قاهرن بلا تحنيس .. دراج عاطلن و قتين يجنو دريس .. أحيّ عليهو من قلبو طرد ابليس ّ!
للحق بناشد عاصم البنا يجى يكلمنا عن ( حمرا ام قلب ) و ضروب شعر الحماسة السودانى القايم كلو علي ايقاع الدلوكة
Post: #608 Title: Re: د / أحمد طراوة ___ فى ندوة عن تاريخ الغناء فى السودان . Author: Moawia Mohammed Date: 11-13-2007, 10:43 PM Parent: #604
Quote: ... و الجدير بالملاحظة انو الكابلى اعاد توزيع كلام حكامة شرق النيل في الطيب ود العبيد ود بدر البقول :
" البشيل فوق الدبر ما بميل .. قدل شيخى اللرباعتو مهِل .. لاح لي بريق باليل .. طرانى الخليفة التلب لزوم الشيل .. الطيب سمح بالحيل .. "
الكابلى ختاها في ايقاع الدلوكة/ العرضة اللي اسمو ايقاع الدقلاشى ! ودا نفس الايقاع بتاع المديح اللي عملوا بيهو اولاد البرعى مدحة العدنانى يا نور الجِنانى ..
ونقول هنا بالضرورة انو الدقلاشى : هو الشيخ اسماعيل سيد الربابة منسوب السلطنة الزرقاء و اللي هو اول مُغنى سودانى .. !
... وهكذا ندخل ساحات الدلوكة ..
.. ساحات ابو حراز اللي كان بضرب دلوكة رابحة التم تم .. ساحات ناس مستورة بت عرضو ام كرومة ، و قضاعة الخشوم ، و ميرى خميس ، و مهلة العبادية ، و الانظكية فاطمة خميس اللي مشت مصر مع دمترى و عملت اسطوانة الفحم بتاعت ( دمعى اللتشتت )
Post: #605 Title: Re: د / أحمد طراوة ___ فى ندوة عن تاريخ الغناء فى السودان . Author: Moawia Mohammed Date: 11-13-2007, 10:21 PM Parent: #1
نانو - عبد العزيز المبارك
Post: #609 Title: Re: د / أحمد طراوة ___ فى ندوة عن تاريخ الغناء فى السودان . Author: Osman Musa Date: 11-13-2007, 10:56 PM Parent: #605
بارك الله فى الشيخ محمد العمودى الرجل السباق الى عمل الخير
الشيخ محمد العمودى الذى تكفل بكامل علاج الفنان الاثيوبى الضخم TILAHUN GESSESSE اكبر مطربى الشرق الافريقى الفنان الموسيقار الاثيوبى عاشق الخرطوم المتيم بجمالها وفنها . نتمنا له الشفاء التام ___ والتحيه للفنان عبدالعزيز المبارك الرجل المهتم بما يربط شعوب القارة الافريقيه الحبيبه ومحيطها العربى العزيز .
Post: #606 Title: Re: د / أحمد طراوة ___ فى ندوة عن تاريخ الغناء فى السودان . Author: Moawia Mohammed Date: 11-13-2007, 10:32 PM Parent: #1
البشيل فوق الدبر ما بميل - الكابلي
Post: #607 Title: Re: د / أحمد طراوة ___ فى ندوة عن تاريخ الغناء فى السودان . Author: Moawia Mohammed Date: 11-13-2007, 10:35 PM Parent: #1
دلوكة مهلة العبادية - الوافر ضراعو
Post: #610 Title: Re: د / أحمد طراوة ___ فى ندوة عن تاريخ الغناء فى السودان . Author: Osman Musa Date: 11-13-2007, 11:26 PM Parent: #607
استاذ معاويه سلامات ولى قدام انشاءالله لو سمح د / طراوة عايزين كمان للحفظ تضع ( محجوب كبوشيه وكمان تضع سيد الجعلى و ودالسافل بالمناسبه محجوب كبوشيه بعمل فى اشياء جميله جدا بجمع فى اغانى المنطقه بمجهود فردى له التحيه _ بعدين الدلوكه بتاعت محجوب كبوشيه والدلوكه عند سيد الجعلى فى فرق كبير والدلوكه عند مهله العباديه والكابلى تختلف .. الدلوكه عند الكابلى بارده شويه يعنى دلوكة بندر يعنى دلوكة خرتوم .. محجوب كبوشيه يغنى الدلوكة الجعليه الحاره محجوب يسلك طريق ود السافل والحى يشوف والحى يشوف هى سيدة غناء الدلوكة حسب كلام المرحوم الطيب محمد الطيب عن الدلاليك .. لكم التحيه
Post: #611 Title: Re: د / أحمد طراوة ___ فى ندوة عن تاريخ الغناء فى السودان . Author: Moawia Mohammed Date: 11-14-2007, 12:02 PM Parent: #1
UP
Post: #612 Title: Re: د / أحمد طراوة ___ فى ندوة عن تاريخ الغناء فى السودان . Author: Osman Musa Date: 11-14-2007, 05:01 PM Parent: #611
ونتابع د / أحمد والحديث الجميل عن تاريخ الغناء نتابع افراح النيل الاوسط والدلوكه هناك والعريس الذى سار البحر وقطع جرايد النخل وعريسنا مرق البحر ياعديله. يا محمد عثمان فى واحد بعد ما ضرب عبارين من ال M وسمع اغنية السيره قام قال هو المارق فى النهار الحار ده منو ؟ لكم التحيه
Post: #613 Title: Re: د / أحمد طراوة ___ فى ندوة عن تاريخ الغناء فى السودان . Author: Moawia Mohammed Date: 11-15-2007, 00:12 AM Parent: #1
Post: #614 Title: Re: د / أحمد طراوة ___ فى ندوة عن تاريخ الغناء فى السودان . Author: أحمد طراوه Date: 11-15-2007, 11:17 AM Parent: #1
.... ساقية ابوي طنت ... دراويشا الطرابا و كيرا بتقنت ... وانا بشرح بقول و الطنابرة تتصنت !
وهكذا تقذف حكامة شرق النيل بقفاز التحدى في وجه طنابرة امدرمان ناس عبد الغفار و خضر الرومى ، و محمد ود الحوري ، و اولاد ابو الجوخ !
مهلة العبادية مبكرا (فزت) من شرق النيل و استجارت في امدرمان ب شريفة بت بلال مغنية امدرمان الاولى !
.. الخليفة قبض شريفة في معركة فتح مكوار - سنار .. ( اصلا هي كانت برتبة عالية في جيش عبد القادر حلمى ) .. و ختاها في الاقامة الجبرية (البارول) في حى المسالمة ..
.. شريفة كانت بتغنى علي ميزان ايقاع الدلوكة بذات جسارة بت المكاوى :
" انا شريفة بت بلال .. بت العسكر العُدال .. سنة حرابة سنار .. سنة السيف و الشوتال .. انا كاتلت مع الرجال "
مهلة جودت معرفتا بغنا الدلوكة و ايقاع الدلوكة في كنف شريفة بت بلال .
.. و حكامة محمود ود زايد صاحب ( قدح ود زايد ) قالت :
" إن اداك وكتر ما بقول اديت .. اب درق الموشح كلو بالسوميت ! اب رسوة البِكُر حجّر شراب سيتيت .. كاتال في الخلا و عُقبن كريم في البيت .. "
كابلي شال الكلام دا و وطنو في جملة لحنية آسرة من ضروب المقام الخماسي ! و الغريبة كمان كابلي برضو وطن علي الخماسى السوداني كلام شوقي و ابو الطيب المتنبى ..
Post: #615 Title: Re: د / أحمد طراوة ___ فى ندوة عن تاريخ الغناء فى السودان . Author: Moawia Mohammed Date: 11-15-2007, 12:46 PM Parent: #1
UP
Post: #616 Title: Re: د / أحمد طراوة ___ فى ندوة عن تاريخ الغناء فى السودان . Author: Osman Musa Date: 11-15-2007, 06:37 PM Parent: #615
منى الخير حميره ود السافل ود الكور عبدالله جانقى عمر العبد الحى يشوف الرحمة بت الضل سيد الجعلى محجوب كبوشيه لهم التحيه مطربين ومطربات اغانى الحماسه ( الدلوكه )
Post: #617 Title: Re: د / أحمد طراوة ___ فى ندوة عن تاريخ الغناء فى السودان . Author: Osman Musa Date: 11-15-2007, 09:30 PM Parent: #616
د/ أحمد طراوة وكت جا طارى الدلوكه لا بد نذكر الفنان عثمان بشير والتحيه للفنان القلع .
Post: #618 Title: Re: د / أحمد طراوة ___ فى ندوة عن تاريخ الغناء فى السودان . Author: Osman Musa Date: 11-16-2007, 00:01 AM Parent: #617
قالت فى ابنها : غنتلو الرحمه قالت .. يا قشاش دموعى وقت الدمعه سالت .. وكت الصف وقف والفرسان تتالت .. نادو لى حسن قليه الحاره دارت وبره الداره أبوى .. الوافر ضراعو امنتو الرسول ما مون الوداعه وبره الداره أبوى ................. ____ اغانى فيها دعوات الى النخوه والتعاضد والتماسك والتكافل والشجاعه والبر
Post: #619 Title: Re: د / أحمد طراوة ___ فى ندوة عن تاريخ الغناء فى السودان . Author: أحمد طراوه Date: 11-16-2007, 00:04 AM Parent: #1
... أيقاع الدلوكة من بعد صار قاعدة وافية و ضافية لكثير من غناء المدرسة الاوركسترالية التانية متعددة اللونية
- شعر الحماسة بتاع الحكامات هو جزء اصيل في نسيج الشعر القومى السودانى
- الشعر القومى السودانى هو دوباي ناس الحردلو ، و ابراهيم ود الفراش و علي ود محلق .. وناس اولاد الشلهمة و الصادق ود نفيسة ، و الدوباى في كتير من اشكالو هو ميلوديا كاملة و غنا صريح
- شعر الحماسة و الدوباى و غنا ناس اسمعيل سيد الربابة ، و مديح المصطفى و الجلالات العسكرية القديمة ( الجاية في خط مارش ود الشريف بتاعت ناس الشيخ / ابو الصفية و الشيخ حسن ود حسونة .. ) الحاجات دى كلها هي خطوط و مسارات تطور الغنا السودانى
" حسن ود حسونة كان عندو جيش براهو ! بستند عليهو فى صراع الفقير - المانجلك التاريخى ! صراع المسيد في مواجهة قصر الحاكم ! ودا كان صراع فئات البرجوزاية التجارية الناشئة في رحم علاقات الاقطاع القبلي السنارى القديم ، و الساعية للاستغلال ب مشيخاتا و كونفدرالياتا و الامساك بفائضا الاقتصادى الخاص "
الشيخ حسن ود حسونة مات بطلقة في ضهرو من سلاح نارى قديم ، ودا كان اول حادث اغتيال سياسي في السودان !
و للدلوكة نعود
... ابراهيم عوض بغنى على ايقاع الدلوكة الوافر ضراعو بتاعت مهلة العبادية مموسقة علي تفانين الخماسى .. السلكوكا البتخنق الدلوكة و بتغنى ( لود البها الاصم الما بشبهوكا ) كانت رفيقة مهلة ..
شرحبيل برضو بغنى بلونية الهارد روك و علي ايقاع التم تم الصريح اغنية جميلة مموسقة علي الخماسى السودانى بقول فيها : البهجة في عينيك .. فسر عليك الله ؟
.. ودا المقصود بانو شرحبيل العبقرى الرائد كان بوطن في الهارد روك بتاع هارى بلافونت علي نحو سودانى قائم علي مزيج التم تم و الدلوكة ، و المقام الخماسى
.. و الغريبة كمان انو يوسف فتاكى الرطانى الجنوبى و بعد ما قطع شوط في مجرى الاستعراب صار بغنى و بقول :
.. يوم اداني نظرة .. لامن قلبي فرة .. الزول الحنين ساكن ( اطلع برة ) ودا طبعا احد احياء مدينة جوبا !
بل و المدهش انو فتاكى ختا كلام عربى جوبا دا ، في ايقاع ضربة التم تم الصريح المفتوح ..
ّ للحق التم تم هو ايقاع السودان القومى الناهض وفقا للحوار و الصراع التاريخى الديمقراطى - الحر المفتوح !
.. لكن ما ينطبق علي التم تم ، لا ينطبق علي الاستعراب اللي فرض سطوتو علي الرطانى خليل فرح و وصلو حد انو يقول بالعربية اللي ما كان بعرف فيها ابجدهوز لغاية عمر 12 سنة :
" يا غزالا فرّ من إرمِ .. طاف من روما الي الهرم ِ .. يا غزالا ظننى شركا .. كل ما مرّ الهوا فركا .. كل يوم فيه لو اركا .. هو يوم ظاهر البركة "
جميلة قصيدة خليل فرح عند الفرجونى يايقاع التم تم القومى ..
Post: #1530 Title: Re: د / أحمد طراوة ___ فى ندوة عن تاريخ الغناء فى السودان . Author: Moawia Mohammed Date: 04-26-2008, 06:33 PM Parent: #619
UP
Post: #620 Title: Re: د / أحمد طراوة ___ فى ندوة عن تاريخ الغناء فى السودان . Author: Moawia Mohammed Date: 11-16-2007, 01:10 AM Parent: #1
UP
Post: #621 Title: Re: د / أحمد طراوة ___ فى ندوة عن تاريخ الغناء فى السودان . Author: Moawia Mohammed Date: 11-16-2007, 01:51 PM Parent: #1
فوق
Post: #622 Title: Re: د / أحمد طراوة ___ فى ندوة عن تاريخ الغناء فى السودان . Author: Osman Musa Date: 11-16-2007, 06:28 PM Parent: #621
البشيل فوق الدبر ما بميل _____ الدبر هنا تعنى الجرح القديم الملتهب التحيه لكل من ( شال ) هم اهله وبلده على الجروح __ اخى محمد عثمان اكلفك تانى لو عنك تسجيل دلوكه يكون فيها جلد يعنى جلد جد جد يعنى ضهر يكون مدبر بى الجلد. ارجوك . تحياتى
Post: #634 Title: Re: د / أحمد طراوة ___ فى ندوة عن تاريخ الغناء فى السودان . Author: محمد عثمان Date: 11-19-2007, 01:28 PM Parent: #622
Quote: اخى محمد عثمان اكلفك تانى لو عنك تسجيل دلوكه يكون فيها جلد يعنى جلد جد جد يعنى ضهر يكون مدبر بى الجلد. ارجوك . تحياتى
كلو موجود ياا عثمان بس خلينا نكمل الطرب مع الاخ معااوية و الظروف يا حلوة...اغنية محببة جدا من اياام الجاامعة... و زى ما قال ود الريح بالدموع انباح... ولا حسن السر لمن قال و سر الريدة بينا يذيع... و بس....
Post: #623 Title: Re: د / أحمد طراوة ___ فى ندوة عن تاريخ الغناء فى السودان . Author: أحمد طراوه Date: 11-16-2007, 08:18 PM Parent: #1
خطين تولدا في مسار و تطور الغناء النسائى !
.. خط شريفة بت بلال اللي مشت عليهو مهلة و جات فيهو لاحقا فاطمة الحاج !
.. صوت فاطمة الحاج في اغنية (استحق صدك لانى دللتك) هو بالضبط زى صوت مهلة في اغنية الوافر و يسلم لي خال فاطنة .. درجة خاصة من درجات الالطو النسائى !
.. هنا بنصل لتخوم الفونومتريك السودانى الخاص بتاع الاصوات السودانية ! لانو التقسيم الاكاديمى القطعى و الحرفى ما بقدم تفسير كافى لحقيقة انو في مغنيين رجال اصواتم وقعت في دوائر الفونومترك الاكاديمى النسائى !
.. قطاعة الخشوم و مستورة بت عرضو كانو نوع من الغنا القائم ذاتو
خط الغناء النسائى التانى كان بتاع فاطنة خميس و رابحة التم تم !
عشة الفلاتية كانت بحد ذاتا مسار خاص و خارج الخطين اعلاه ! ودا موضوع بطول شرحو .. والي كل ذلك نعود ...
Post: #624 Title: Re: د / أحمد طراوة ___ فى ندوة عن تاريخ الغناء فى السودان . Author: Osman Musa Date: 11-17-2007, 02:23 AM Parent: #623
قدل شيخى .. بين رباعتو مهيل البشيل فوق .. الدبر ما بميل
Post: #625 Title: Re: د / أحمد طراوة ___ فى ندوة عن تاريخ الغناء فى السودان . Author: Moawia Mohammed Date: 11-17-2007, 02:01 PM Parent: #1
UP
Post: #626 Title: Re: د / أحمد طراوة ___ فى ندوة عن تاريخ الغناء فى السودان . Author: أحمد طراوه Date: 11-18-2007, 00:17 AM Parent: #1
.. لا تخشى هجيرك .. سافر يا حمام مولاي (يجيرك) .. ! أسمعني نشيدك .. ورينى كمان في الفن (تجديدك) يا حمام الدوح ..
.. بارع ( بُر محمد نور ) في النظمم المقفى و التعابير الشعرية الجزِلة ! وتوتى ناسا ناس ادب دينى راسخ و وافر .. لانو ( الاستجارة ) الحقيقة لا تكون إلا بالله ..
ابراهيم خوجلي جميل في حمام الدوح .. و وجه القمر سافر ..
وجه القمر سافر كانت بايقاع النقرزان ابتداء .. ابراهيم خوجلى مستند علي جملة المندلين الموسيقية وطنا لاحقا في ايقاع نقرزان معدل ممكن نسميهو تسهيلا و حتى حدوث اتفاق اكاديمى علمى ب ( مجزؤ التم تم ) و ياريت نسمعا عيانا بيانا ..
.. قصدنا نقول الضرب الايقاعى السودانى الواقع و منذ عهد انسان ( الميلوسك المتقدم ) .. عهد الطبول .. ودا هو عهد تحول الجمع و الالتقاط و حياة الغابة الي عهد الزراعة ، ضرب السودان الايقاعى من حينذاك هو ضرب ثنائي ، و رباعى ، و ما بينهم من امور متشابهات ..
.. انطلاقة الجملة اللحنية السودانية الجديدة منذ منتصف ثلاثينات القرن الماضى ، و علي يد جماعة الصولفيج السودانى الاول ، ناس عبد المعين و ادهم و السر عبد الله ، هذه الانطلاقة هي سبب استدعاء التلاوين و التداخلات الايقاعية المتعددة و سبب ظهور خصائص و طيف الاصوات الغنائية السودانية ذات الطابع الفريد ..
Post: #627 Title: Re: د / أحمد طراوة ___ فى ندوة عن تاريخ الغناء فى السودان . Author: Moawia Mohammed Date: 11-18-2007, 02:23 AM Parent: #1
الظروف - حمد الريح
Post: #635 Title: Re: د / أحمد طراوة ___ فى ندوة عن تاريخ الغناء فى السودان . Author: محمد عثمان Date: 11-19-2007, 01:42 PM Parent: #627
كنا قبلك يا حليوة في دروب ما فيها الفة لا الصباح زاور دروبنا لا قليب نلقالو مرفا لما حن الليل علينا ولعينك جابتنا صدفة ما غريب علينا شوفتك زي زمان بيناتنا عرفة
الظروف يا حلوة دايما لعيون حلوة بتجيبنا يا رضت بريدنا ليها ولا صبح الهم حبيبنا
الزمن تاريهو برضو بقساوتو بيصفى مرة جابني ليك من غير ارادة وصحى في اعماقي زكرى زي عيون في خيالي ديمة هسه ليها بحاول اطرى وفي عينك الليلة تهت وما بيهم لو اشقى بكرة
العيون العاجبة سيدها نحن برضو نشتهيها والضفاير الحاضنة ليلنا شايلة ضي افراحنا فيها هدي ليلو وعزي ريدو والعيون ما تكسفيها ولو خطاك بخلت علينا نحن بشوقنا بنجيها
الظروف يا حلوة دايما لعيون حلوة بتجيبنا يا رضت بريدنا ليها ولا صبح الهم حبيبنا
Post: #628 Title: Re: د / أحمد طراوة ___ فى ندوة عن تاريخ الغناء فى السودان . Author: أحمد طراوه Date: 11-18-2007, 11:03 AM Parent: #1
... الظروف يا سمحة دايما .. لعيون حلوة بتجيبنا !
.. شكرا معاوية
.. و الاغنية مرفوعة قصدا و اتفاقا ..
.. عشان نشوف جماليات ايقاع الفالس السودانى ، وهو ذات ايقاع : ليت لي إزميل فدياس و روحا عبقرية يا مرّية ..
عوالم واسعة من الضرب الايقاعى قام عليهو غنا المدرسة الاوركسترالية التانية متعددة اللونية ..
.. و نعيد القول : انطلاقة الجملة الموسيقية السودانية الجديدة و بلا حدود ، و تفانين الالحان ذات التمايز هو سبب تعدد موازين الايقاع السودانى ..
بس برضو لا ننسى انو البلد اصلا بلد اعراق مختلفة ، و ثقافات قديمة و حضارات متعددة .. !
.. مصر لانها كلها موحدة في النيل ، عشان كد1 العشرة بلدى مع باقى اشتقاقاتو ، صار هو ايقاع كل الحركة الغنائية المصرية .. ! بدءا من عهد عبدو الحامولى مرورا بعهد عبد الوهاب ثم ام كلثوم و حليم ، انتهاء بعهد احمد عدوية و كازينو الليل في الهرم
Post: #629 Title: Re: د / أحمد طراوة ___ فى ندوة عن تاريخ الغناء فى السودان . Author: Osman Musa Date: 11-18-2007, 04:40 PM Parent: #628
البلد بلد اعراق مختلفة وثقافات قديمة وحضارات متعددة . يا سلام عليك د / أحمد يا ريت من على الدفة يفهم عظمة تلك البلاد اكنا مرقنا من حفرة الجهل دى .
Post: #630 Title: Re: د / أحمد طراوة ___ فى ندوة عن تاريخ الغناء فى السودان . Author: أحمد طراوه Date: 11-18-2007, 09:42 PM Parent: #1
.. كنا قبلِك يا حليوة في دروب ما فيها إلفة !
جميلة تعابير الرومانس - العاطفى السودانى ..
.. و اصلا تطور المدرسة الاوركسترالية التانية في كلاما و موسيقتا مشى مع تطور مشاعر الحب و مفاهيمو و عموم ثقافتو ، وقع الحافر بالحافر ..
.. و جميل صوت حمد الريح المصنف في الفونو - ميوزك ب ( الصوت التِنور Tenour ) .. اما كونو تنور اول او تنور تانى ( فدا شعر نحنا ما عندنا ليهو رقبة ) لانو دا اختصاص ناس الموصلى
.. و التِنور هو اعلى الاصوات الموسيقية الرجالية و ليس ( اغلظها ) هو الصوت الصادح اللي ببقى في مسار كل الغناء الموسيقى اتجاه قايم بذاتو
. . و يا لجمال الصوت التِنور عند وردى .. و سرور مستند علي صوتو البارتون و على عصايتين للضرب الايقاعى عمل كل الغنا الاول وحول المسار العام لحركة الفن الغنائى
.. شرحبيل صوتو تِنور بخصوصية .. لكن الكابلى هو بارتون العصر الحديث فيما بعد بارتون سرور في العهد الاول .. اما ابو داؤد فهو ظاهرة صوتية بتدخِل علم الفونتيكس بشقينو : The acoustic phonetics and The articulatory phonetics
.. بتدخلو حقا في مأزق حقيقى !
.. قيل ان ابو داؤد عندو تمانية من اوزان النغمات العشرة الموجودة في الحنجرة !
.. يعني زى ناس قصر الرشيد الشايد : اسحق الموصلي و ابراهيم المهدى ..
و بالله شوف يا محمد عثمان ، جمال الدنيا و خفة الدم و الذهن اللماح : لمن يجتمع بارتون كابلى مع البارتون - الباص بتاع ابو داؤد !
ودا لمن غنوا معا إجري يا نيل الحياة بذلك الاداء الرائع ، ابو داؤد قال من فوق خشبة المسرح :
.. وكانت شريفة بت بلال هي انطلاقة الالطو النسائى .. وجات مهلة العبادية بدرجة اوضح للالطو النسائى ..
مهلة ورثت صوتا لفاطمة الحاج .. و بقت الفلاتية من بعد هي الالطو الاذاعى الفريد !
... لكن هادية طلسم في اغنية رجعنالك و طير الجنة يا حِنين ، بتمشى بعيدا لآفاق الالطو القايم علي العلم و الدراسة و تمارين الصوت !
.. يعنى هادية ( الطو مسنكب ) كما يقول ناس حوش الاذاعة و التلفزيون
لكن نحنا بنحب كتير عبد العزيز قسم الله وهو بضرب الدنبا خلف محمد احمد عوض و بعمل ( استلاف ذكي و استعارة ضرورية False - Set ) لصوت الفلاتية و فاطمة الحاج .. و بورينا جمال الالطو المستعار اللي بخلى الشيل يبقى غنا بالكامل
.. رائد الاستعارة .. و ا ستلاف الصوت النسائى كان هو فضل المولي زنقار ! زنقار كان عندو صوتين نسائى و رجالي .. وياها ظروف و احكام ذلك الزمان اللي خلت برضو ابراهيم عبد الجليل يغنى ( افكاري ديمة مقسمة .. وين انت يا بدرِ السماء ! ) بصوت الطو نسائى صريح
.. ورغم إنو الصوت السبرانو النسائى نادر في السودان و قد يكون موجود بدرجة ما عند منال بدر الدين و زينب الحويرص .. إلا إنو الفاضل احمد لمن ظهر في بداياتو على يد عبد الرحمن الريح ( في اغنية كان بدري عليك ) كان بصوت سبرانو - طفولي - نسائى صريح ..
عوالم مدهشة .. سِير و اخبار .. و مادة لجبة ، لا تزال قيد التجميع و الرصد و التحليل و تطبيقات العلوم الحديثة
.. فعلا يا عثمان :
" بلد واسع .. ثقافات متمايزة فريدة ، تاريخ سحيق و ضخم ، حِراك انثربولوجى افريقى و عروبى قديم لم يهدأ و لم يفتر ، عشان كدا الظروف اللي جابت الدليب في النيل الشمالي لهى شديدة الخصوصية و الاختلاف ، عن تلك اللي ولدت الكمبا وسط استقراطية الافورقى بتاعت الزاندى .. ! بس المدهش انو الاتنين ( دليب و كمبا ) بقوا قاعدة ضرب ايقاعى لتفانين المقام الموسيقى - الخماسى - السودانى .. "
.. قصة طويلة بصدق فيها قول ابو صلاح سيد السهر و البقول : نجمة الساهر .. رفقا بمجنونِك يا ليلى بنى عامر !
Post: #631 Title: Re: د / أحمد طراوة ___ فى ندوة عن تاريخ الغناء فى السودان . Author: Moawia Mohammed Date: 11-18-2007, 10:07 PM Parent: #1
UP
Post: #632 Title: Re: د / أحمد طراوة ___ فى ندوة عن تاريخ الغناء فى السودان . Author: Moawia Mohammed Date: 11-19-2007, 12:02 PM Parent: #1
قالوا الحجيج قطع - الكابلي
Post: #633 Title: Re: د / أحمد طراوة ___ فى ندوة عن تاريخ الغناء فى السودان . Author: محمد عثمان Date: 11-19-2007, 01:20 PM Parent: #1
Quote: يا محمد عثمان فى واحد بعد ما ضرب عبارين من ال M وسمع اغنية السيره قام قال هو المارق فى النهار الحار ده منو ؟ لكم التحيه
الجميل عثمان موسى...
ههههههههههههه خلاااص ما مارقين علا نسمع الصفاارة
Post: #636 Title: Re: د / أحمد طراوة ___ فى ندوة عن تاريخ الغناء فى السودان . Author: أحمد طراوه Date: 11-19-2007, 06:04 PM Parent: #1
... يوم النهار صقع .. لولاهو نروح جُرع .. قلبى زاد وجع حمانى القيد منع !
حب السودانين لنبى الاسلام لا تحده حدود ! و الحب ياهو بجيب الغنا و بستنهض الايقاع و اللحن ..
ود اب شريعة وقع في بحر جميل متسق مع ثقافة النظم السودانى .. و تفعيلة و اوزان اجمل
وكان المديح منذ سودان السلطنة الزرقاء عالم قايم بذاتو لتطور الايقاع و اللحن .. بل لافاق الموسقة و إعادة التوزيع الآلي و الاركسترالى ..
وصوت كابلى البارتون و الواصل الي تخوم الباص ادى مدحة الشيخ / اب شريعة زهو و رونق غير محدود
Post: #637 Title: Re: د / أحمد طراوة ___ فى ندوة عن تاريخ الغناء فى السودان . Author: احمد الامين احمد Date: 11-19-2007, 06:24 PM Parent: #636
دكتور طراوه تحيه انا من المتابعين...قلت فى مداخلتك قبل الاخيره " الا انو الفاضل احمد لمن ظهر فى بداياتوعلى يد ود الريح فى اغنيه " كان بدرى عليك" كان صوت سبرانو طفولى صريح"..........هل تقصد عمر احمد ؟؟؟
Post: #638 Title: Re: د / أحمد طراوة ___ فى ندوة عن تاريخ الغناء فى السودان . Author: أحمد طراوه Date: 11-19-2007, 11:52 PM Parent: #1
شكرا احمد الامين
.. مابالك الاسماء تتداخل علينا
نعم المقصود عمر احمد .. لانو الفاضل احمد في اسطوانة لى في المسالمة غزال و الاسطوانة التانية ( جمرو حرقنى ) صوتو بارتون على باص
عمر احمد ما غنى كتير ! بدأ صغير ، و بعد صعود هرمون التستوسترون في الدم تغير صوتو ، و صار فيرشن صوتى مختلف جدا عن ما عرفتو الناس ، قيل انو تاثر لضياع الصوت فترك الغناء
و قيل ان حسن عطية كان قد نصحه في هذا الصدد .. احمد القرشى ملم بتفاصيل ذلك الامر
بالله يا جماعة الاسناد ( ودى على وزن : بالله يا اهل الهوى ) ..
.. جيبوا لينا جمرو حرقنى بطريقة ياسر تمتام و بمصاحبة الفلوت علشان نشوف كيف النقرزان بتاع الفاضل احمد تحول الي تم تم بماشى التوزيع الاوركسترالي عند ناس ياسر
.. اغنية ابو عبيدة حسن اللي اسمها ( الجننى .. خلانى اغنى ) فيها نموذج العلاقة بين الرقى و ايقاع الدلوكة المعروف ب ( المامبو ) .. دا اوضح ما يكون في الصولو بتاع الطمبور
.. ابو عبيدة حسن دخل وتر سادس علي الطمبور !!
.. و برضو دخل الكهربا في الطمبور ! ابو داؤد يا محمد عثمان لمن كلموهو بانجاز ابوعبيدة الكهربائى قال ليهم : عقبال ما يدخل الموية كمان ..
Post: #639 Title: Re: د / أحمد طراوة ___ فى ندوة عن تاريخ الغناء فى السودان . Author: Moawia Mohammed Date: 11-20-2007, 00:15 AM Parent: #1
جمرو حرقني - الفاضل أحمد
* * * سبعون عاما بين التسجيلين * * * جمرو حرقني - ياسر تمتام
Post: #640 Title: Re: د / أحمد طراوة ___ فى ندوة عن تاريخ الغناء فى السودان . Author: Moawia Mohammed Date: 11-20-2007, 12:02 PM Parent: #1
UP
Post: #641 Title: Re: د / أحمد طراوة ___ فى ندوة عن تاريخ الغناء فى السودان . Author: Osman Musa Date: 11-20-2007, 03:09 PM Parent: #640
الله يديك العافيه يا أبوعبيده حسن فنان منتصف السبعينات الموهوب كان يمكن أن يقدم الكثير لو لا المرض والتجاهل ..
Post: #642 Title: Re: د / أحمد طراوة ___ فى ندوة عن تاريخ الغناء فى السودان . Author: أحمد طراوه Date: 11-20-2007, 06:30 PM Parent: #1
... يا سلام يا معاوية و يا محمد عثمان !
يا سلام علي الإسناد و الجاهزية .. و ياها فيالق الميمنة المقتحمة امدرمان من يمين النيل .. و لازال نيلنا سالك و نحنا لا نزال نرمح و نبحث و ننشد الغد الواعد من فوق اعراف السوابق !
نغيم فاهك دُرو شايقنى .. محنن ب (دمى) .. يا حبيبى كيف ( تجنى )
. . . معك يا معاوية .. معك يا محمد عثمان .. معك يا احمد الامين وكل من يكتب ، و كل قارىء لما نكتب ..
.. معكم جميعا نخوض بحر السودان المابنقاس .. بحر الشعر و اللحن و الايقاع الرافل في القِدم ..
.. معكم جميعا نشق عتامير ابوصلاح .. !
.. شاف الحناء ( الخِضاب ) في يد الحسناء فاصر و ذهب مجازا و جمالا و خيالا بانها ليست ( حنة الدامر ) .. بل هو دمو المهدر في محراب الغى و العشق و مجاهدات توطين الجمال نظما و غناءا في ارض الوطن العزيز
.. و يصبح الامر عند ابو صلاح جناية قانونية كاملة ( يا حبيبي كيف تجني !؟ )
... نعم يا معاوية 70 عاما دارت فيها افلاك و ازمنة امة السودان . . وبقى الميزان اللحنى الاساسي لكرومة كما هو !
.. هذا واضح تماما ليس في اعادة توزيع جمرو حرقنى مجددا ! بل اوضح ما يكون كذلك في :
- قسم بمحيك البدرى .. اعاد وردى توزيعا استنادا على ذات الميزان الاول لكرومة
- بدور القلعة .. اعاد ود الامين توزيعا استنادا على ذات الميزان الاول لكرومة
- وصف الخنتيلة ,, اعاد الكابلى توزيعا استنادا على ذات الميزان الاول لكرومة
.. و في ما ارى فان ثوابت السودان هي : النيل الجارى واهبا الحياة ، و التعددية الحزبية ودولة القانون و الحكم البرلمانى ، و من قبل ذلك ميزان كرومة اللحنى
.. بوستك يا عثمان رايتو خفاقة .. زى راية اكتوبر واحد و عشرين ..
Post: #643 Title: Re: د / أحمد طراوة ___ فى ندوة عن تاريخ الغناء فى السودان . Author: محمد المرتضى حامد Date: 11-20-2007, 08:36 PM Parent: #642
Quote: قسم بمحيك البدرى
وهو قسم، لو تعلمون ، عند العاشقين عظيم.
عثمان المارشال بحري مسئول القاعدة الجوية بي توتي عديني، معاويه قائد كتيبة الدعم اللوجستي، الفريق مظلي محمد عثمان منسق عمليات الإبرار الفني بألحان الفضاء جار الكواكب الإحتفلوا بالقمر. القمر طراوه، من مرتفعات مسقط وهي في أبهى زينتها هذه الأيام نحييكم. قائد الأسطول الأدميرال ودالقرشي يبثكم أشياء من صنائع الفؤاد. طراوه .. اين يا وصلي؟ مَصلي..
Post: #644 Title: Re: د / أحمد طراوة ___ فى ندوة عن تاريخ الغناء فى السودان . Author: Moawia Mohammed Date: 11-20-2007, 11:47 PM Parent: #643
وينك يا ود المرتضي سلامات و تحايا الشوق بحر توتي
Post: #645 Title: Re: د / أحمد طراوة ___ فى ندوة عن تاريخ الغناء فى السودان . Author: أحمد طراوه Date: 11-21-2007, 00:46 AM Parent: #1
... يا محمد ابياتى القلال .. تاج في صدورن و ليك هلال .. بقدرة الحى ذو الجلال .. نلاقيكم من غير معاد في بلدا تعرفنا و نحنا نعرفا ..
جميل صاحبك التجانى سعيد : من غير ميعاد !
.. صحيتي في نفسي الوجود و رجعتى لعيونى النهار ! و خطاكِ و الهدب المكحل و فتنة التوب الانيق ..
.. يا ريت ناس جميل مرسلات الغناء يسمعونا ايقاع الجيرك لمن يلاقى جملة وردى اللحنية و يتكاملو مع عذوبة الصوت التِنور Tenour لمن يصدح ويقول : واااا ضيعة الوتر اللي ما غنيت معاهو و لا عزف !
سلامنا واجد لناس مسقط .. او كما قال الشيخ العاشق الوقور ود الرضى :
" نسيم شيل لي تحياتن .. و خصص بيها نياتن "
Post: #646 Title: Re: د / أحمد طراوة ___ فى ندوة عن تاريخ الغناء فى السودان . Author: Osman Musa Date: 11-21-2007, 04:00 AM Parent: #645
استاذ محمد المرتضى سلام شديد صاحبك طراوة بى هناك يشيل من بحر كلفورنيا ويرسم لينا فى تماثيل ناس العبادى صاحبك يرفض الهجرة عن ذاكرة الوطن. يجروك جر هو ومعاويه ومحمد عثمان الى بلاد الشمس الحامية والدلاليك الحارة بلاد الندى والنيل بلاد عتيق . جبران السودان _ والله يا استاذ محمدالمرتضى اشد السعادة بمرورك الف تحية اخى العزيز
Post: #647 Title: Re: د / أحمد طراوة ___ فى ندوة عن تاريخ الغناء فى السودان . Author: Moawia Mohammed Date: 11-21-2007, 02:35 PM Parent: #1
من غير ميعاد
Post: #648 Title: Re: د / أحمد طراوة ___ فى ندوة عن تاريخ الغناء فى السودان . Author: Osman Musa Date: 11-21-2007, 04:13 PM Parent: #647
رحم الله اخينا العزيز المرحوم شبرين . الرجل المكافح المجاهد الذى قتل امس بنيويورك البركه فيكم جميعا ابنا السودان بالمهجر. له الرحمه..
Post: #649 Title: Re: د / أحمد طراوة ___ فى ندوة عن تاريخ الغناء فى السودان . Author: أحمد طراوه Date: 11-21-2007, 06:08 PM Parent: #1
و فاة الوليد شبرين .. و هكذا ( من غير ميعاد ) و على هذا النحو التراجيدى ، هو بعض من حالة ضياعنا القسرى في مجاهل الدياسبورا !
.. صراعنا طال الزمن ام قصُر ، هو العودة لحضن وطن ديمقراطى موحد و آمن .. وطن بنعرفو و بعرفنا
نصارع من اجل وطن الغناء و الفنون و العلوم و دواليب الانتاج و النومة العميقة .. بديلا لوطن المحارق الحكومية و حمى الوادى المتصدع
.. نروم وطن الضياع الجميل !
.. ضياع كمنجات مصطفى سند الذى طرح قوسه جسرا ببحر الليل ثم هوى الي القاع ، ضياع اوتار التجانى سعيد كما يقول وردى في اغنية معاوية الجارية امامنا مجرى الدم في العروق .. !
ضياع ابو صلاح وهو يقول : اضيع في هواك يا مهفهف حرام ! ضياع صبر عبيد عبد الرحمن و هو يقول : ضاع صبرى .. اين يا وصلى .. قلبي بنار الغرام مصلي
.. لاشى يعدل الوطن !
.. يا ود حامد شفاك و (مصلك و لقاحك) عند عمر البنا البقول : إمتى ارجع لام در و اعودا .. إمتى تلمع بروق رعودا .. حظوظى تنجز لوعودا .. هناي و منية روحى و مقصودا .. اشوف رشيم يضوى بين خدودا !
شفاك في الرشيم الاخدر و درب الطير الفي سكينة .. انت بالذات شفاك في دولة القانون ! دولة الترافع القضائى لصالح ( خُدرة الورتاب - بت دارفور ) في مواجهة الاوباش منتهكى الروح و البدن
Post: #650 Title: Re: د / أحمد طراوة ___ فى ندوة عن تاريخ الغناء فى السودان . Author: Moawia Mohammed Date: 11-22-2007, 02:15 AM Parent: #1
فوق
Post: #651 Title: Re: د / أحمد طراوة ___ فى ندوة عن تاريخ الغناء فى السودان . Author: Osman Musa Date: 11-22-2007, 05:20 AM Parent: #650
يا أحمد نيويورك اليوم حزينه المهاجرين سايقى التاكسى والطلاب والعمال. مشيعون من السودان وغينى كوناكرى ومصر والباكستان يمشون فى موكب حزين رؤوس منخفضة وملامح مكتئبة رحم الله الوليد الشهيد.
Post: #652 Title: Re: د / أحمد طراوة ___ فى ندوة عن تاريخ الغناء فى السودان . Author: Osman Musa Date: 11-22-2007, 05:20 PM Parent: #651
يا أحمد طراوة الفنان التشكيلى العالمى راشد دياب الرجل الذى نشر الفن فى مدريد. بقول تعال يا زول نشوف الغناء _ الغناء عند دياب بنشاف متلو متل الرسم. دحين يا أحمد تعال شوف وردى بغنى كيف . صحيتى فى عيونى الوجود صحيتى فى عيونى الوجود اظن أن حتى النيل سمع صوت دموع القصيدة . الله يديك العافيه ياوردى ..
Post: #653 Title: Re: د / أحمد طراوة ___ فى ندوة عن تاريخ الغناء فى السودان . Author: أحمد طراوه Date: 11-22-2007, 08:35 PM Parent: #1
.. بلد غابة الابنوس و المانقو .. و بلد نخيل ضفاف النيل ..
.. بلد الكِتر ، و الهجليج ، و التبلدى ، و الدروبا ، وصندل الردوم , و السرو ، و الهشاب و الطلح
.. بلد تعدد الاعراق و القبائل و الجماعات و الشعوب
.. ياهو ذات نفسو بلد الايقاعات اللي ما ليها اول ولا آخر :
_ ايقاع الدلوكة و كل مشتقاتو .. و اهمها المامبو ( شوفو الايقاع عند شرحبيل وهو بقول : قوم من نومك و سيب همومك .. ودور .. دور في رقصة المامبو .. يا الابس البمبى .. ) اكرمونا يا محمد عثمان و يا معاوية
- ايقاع النقرزان
- ايقاع التم تم .. نتاج طبول افريقيا و الساير حثيثا ، و المعدل في الوسط النيلى
- ايقاع الكمبا : بالله شوفو لينا مارش مندى بطريقة عقد الجلاد عشان نشوف الكمبا
- ايقاع المردوم ( شوفو عبد القادر سالم وهو بقول : طير بينا يا ابورنة .. دار الاهل جنة .. قيل ان ابو رنة هو التيمس الشاقى القيزان و الرمال
- ايقاع الدليب
- ايقاعات المديح و حلقات الذكر من مربوع ، و مخبوت ، و دقلاشى , و نوبا
- ايقاع الرقى ذو الاصل الافريقى ( شوفو عاصم البنا في نسيم سحرك ، و هو بعيد توزيع كلام عمو و لحن و نقرزان كرومة الاول )
- ايقاع النوبا البقى سامبا عند الكاشف ( يا معاوية و يا ود عثمان .. جهزو المهرجان بتاعت السر قدور و الكاشف بطريقة عصام محمد نور )
- ايقاع الفالس و الرمبا اللي حولوهو ناس حسن عطية و شرحبيل الي قاعدة للخماسى السودانى
- ايقاعات الحنجرة من : هسيس و كرير و جرارى و حومبى و جابودى ودى الجابت طنبرة ام درمان
.. حداشر ايقاع ! كلها بتساير المقام الخماسى السودانى مسايرة ( ابوالدرداق للقمرة ) .. بالله كيف الخماسى السودانى بتماشى مع ايقاع العشرة بلدى المصرى ، بينما السباعى المصرى ما بقدر يتماشى مع الدليب و التم تم ! شى عجيب يا النور !!
.. بقولو اهل الميوزكولوجى إنو الخماسى السودانى فيهو تعدد مراكز النغم ! نظرية بعملو فيها ناس الموصلى مجهود علم الفلك
السودان نواتج تلاقح واسع عميق .. نواتج الفِطنة و النور ! اللي قال عنها سيد عبد العزيز :
" يا منبع النور و الفِطن .. يا الفقتى يعرُب و الرطن .. في جوفى من حُبك قطن .. يا بنية مليون الف طن .. "
Post: #654 Title: Re: د / أحمد طراوة ___ فى ندوة عن تاريخ الغناء فى السودان . Author: Moawia Mohammed Date: 11-23-2007, 11:35 AM Parent: #1
قسم بي محيك البدر - محمد وردي
Post: #655 Title: Re: د / أحمد طراوة ___ فى ندوة عن تاريخ الغناء فى السودان . Author: Moawia Mohammed Date: 11-23-2007, 11:57 AM Parent: #1
البمبي - شرحبيل أحمد
Post: #656 Title: Re: د / أحمد طراوة ___ فى ندوة عن تاريخ الغناء فى السودان . Author: أحمد طراوه Date: 11-23-2007, 08:00 PM Parent: #1
.. قسم بمحيك البدرى !
يقول صالح عبد السيد ابو صلاح في امر العيون و ما حولها من مناطق و اجزاء :
المُحيى نور ليلة القدرِ .. نصب قوس حاجبو لغدرى
ولو ان حاجب العين الكثيف يكون قوسا فلاشك ان رمش العين هو السهم النافذ ! انها الاخيلة الواردة من وادى عبقر the Fairy - land
.. وكان ابو صلاح قد اختار من قبل ، الموت و الهلاك الحلال ، في منطقة ضيقة حرجة ، هى المنطقة الواقعة ما بين الرموش و الجفن : خلي العيش حرام ما دام ارى الموت يحل .. ما بين الرميش فوق للطريف الكحيل
.. وفى محنته و صراعه مع العيون قال في امر البنت اخت البدر ، ذات الجبرة و المقام :
من حيو السباع تنتر .. من رمشو السهم طافر .. انسان عينى كاد يغرق في ماء خدك الزاهر .. يا بدر سائلك ؟ جاوب ليش اخوك نافر ؟ !
قوة موسيقى شعر ابو صلاح و جمال المفردات و التعابير ، من الاسباب الرئيسية اللي استدعت تغيير كرومة لخط الميلودى ( موسيقى و غناء الفم ) السودانى .. كرومة مُلحن عبقرى تمكن من ارساء المقدمات الاولي الاساسية للجملة اللحنية .. ونعيد القول بانو كرومة عمل دا كلو استنادا علي زخم عبقريتو المتكاثف في المسافة ما بين الدماغ و الفم ! كرومة كان بملك نقرزان الرق و خيال الجملة اللحنية
.. لحن زيدنى في هجرانى كان هو ( سِفر التكوين - the Genesis ) ..
.. كان هو الخروج الاول عن رتابة الميلودى بتاع العشرين اغنية الاولى ( حنعمل لستة بهذه الاغانى بتاعت سرور و عبد الله الماحى و التوم عبد الجليل و ابراهيم عبد الجليل و ام الحسن الشايقية )
.. من بعد ، عبد الرحمن الريح هو من احدث المعالجات الاوسع للجملة اللحنية ! و مشى بيها في دروب الأتساق و التنوع و الإبحار الحر في آفاق المقام الخماسى السودانى ..
.. و سيرة عبد الرحمن الريح بتوضح بجلاء مفهوم البراكسيس الفنى - الغنائي the lyrical praxis ... : التطور و الابداع و التجديد عبر الممارسة و التراكم المعرفى !
.. وردى هو الحصاد اللاحق لكرومة و عبد الرحمن الريح ! وردى انعطافة المدرسة الاوركسترالية التانية .. وردى تتويج فذ لجماعة الصولفيج الاول ناس عبد المعين و السر عبد الله و محمد آدم أدهم و خليل فرح ( عن الصولفيج .. و نوتة الخماسى السودانى .. و موسيقى المعرفة اللي زانت الموهبة ، سنعود و نفرد حديث خاص )
و بينما نحن نميل شمال .. و نميل يمين مع شرحبيل و ندور .. و ندور مع الابس البمبي .. في قلب معمعان ايقاع بنات السودان المعروف بالمامبو .. نقول بالصوت العالي :
" يا لعظمة و قوة مضاء و خلود الميزان اللحنى الاساسي الاول بتاع كرومة .. انها بعض من تلك الانجازات الفذة لسودان التطور الطبيعى ! "
... رحم الله علي المك فقد ظل يردد دائما في برنامجه الاذاعى الاثير ( من اركان الدنيا ) ... و على خلفية الكونشيرتو الرابع و العشرين لموتسارت : اريد ان ارسم كرومة .. رق كرومة الضارب في اوتار القلب ..
Post: #657 Title: Re: د / أحمد طراوة ___ فى ندوة عن تاريخ الغناء فى السودان . Author: محمد عثمان Date: 11-23-2007, 08:23 PM Parent: #1
من غير ميعاااد واللقيا أجمل في الحقيقة بلا اتظااار صحّيتي في نفسي الوجود ورجّعتي لعيوني النهااار
قلت أرحل .. أسوق خطواتي من زولاً نسى الإلفة أهون ليل أسافر ليل أتوه من مرفى لي مرفى ابدل ريد بعد ريدك عشان يمكن يكون اوفي رحلت وجيت في بعدك لقيت كل الأرض منفى عيونك زي سحاب الصيف تجافي بلاد وتسقي بلاد وزي فرحاً يشيل مني الشقا ويزداد وزي كلمات بتتأوّه.. تتوه لمن يجي الميعاد وزي عيدا غشاني وفات عاد عمّ البلد آيات وزي فرح البعيد العاد وزي وطناً وكت اشتاقلو برحل ليهو من غير زاد بدون عينيك بصبح زول بدون ذكرى وبدون ميلاد
التجاانى سعيد كتب من غير ميعاد و قلت ارحل و هو طالب فى الثانوى ... لم يكتب شعر غنائى بعدهم ما هى العلاااقة بين الاغنيتين..؟؟؟؟ و ما هى القصة الحقيقية لهما....؟؟؟
و فى انتظاار دكتور طراااوة.....
Post: #658 Title: Re: د / أحمد طراوة ___ فى ندوة عن تاريخ الغناء فى السودان . Author: أحمد طراوه Date: 11-24-2007, 12:24 PM Parent: #1
... بلاك اشوف النور ظلام .. و اضوق طعم كل حاجة مُرة ! زورنا مرة ..
و حتى الكاشف وقع في هوى التم تم و احكامو ..
.. عبد الرحمن الريح هو بوابة التم تم في الغنا الحديث ! زنقار صدح وهو مستند علي الميزان الايقاعى للتم تم .. لكن عبد الرحمن حول التم تم لنهج و اتجاه كامل
.. كيف و لماذا فعل ود الريح ذلك ؟
بعض من سر و دواعى ما جرى مفهوم لنا !
.. و البعض الاخر لا يُفهم و لا يُفسر الا علي هدي تلك المقولة :
إن التم تم هو ذلك السحر الذى انقلب علي ساحر الكلمة و الالحان السودانية آناء مطلع الاربعينات من القرن الماضى ..
.. القصة مش ( خدارى ) و بس ! و مش حسن عطية الغرقان اصلا في بحر التم تم بتاع ( بت العقاب ) ، و اللي كانت بتقول : إنت كان زعلان انا ما بزعل !
.. شوفو غنا اولاد اولاد الموردة عطا و محمود ، و اولاد شمبات ، و ناس ميرغنى المامون و احمد حسن جمعة : عبد الرحمن بعد ما كتبو ، ما قدر يلحنو الا علي ضرب ايقاع التم تم :
- الشادن الهالكنى ريدو
- انا سهران يا ليل
- بدر الحسن فاق القبلو و الوراهو
- يا جميل ما بصح ليك تعمل كدا
- و عوض الجاك بديع في كلام ولحن عبد الرحمن الريح : يا جميل يا مدلل . . ضرب التم تم بسابق في قوتو ، ضرب الحنجرة الذهبية لعوض الجاك !
.. ود الجاك .. ببداها برمية العبادى الجميلة ( حالي العلي ما اظن يزول .. و ما بهمنى قول العزول )
و هكذا كان ود الريح بحضِر البلاد طولا و عرضا .. من ( برقو للهندى ) ، للدخول في عهد المدرسة الاوركسترالية التانية
محمد عثمان : مودتى .. للتجانى سعيد نعود ..
Post: #659 Title: Re: د / أحمد طراوة ___ فى ندوة عن تاريخ الغناء فى السودان . Author: Moawia Mohammed Date: 11-24-2007, 12:50 PM Parent: #1
UP
Post: #660 Title: Re: د / أحمد طراوة ___ فى ندوة عن تاريخ الغناء فى السودان . Author: محمد عثمان Date: 11-24-2007, 01:00 PM Parent: #1
الكاابلى عمل شغل عجيب مع الاثيوبيات مزج عجيب بين الايقااعااات الاخ معاوية اتضاير لى شوية عشاان نسمع الشغل الجديد... و نوم عينى البقى سهر... و تم تم مهجن بالقوات الاثيوبية....
Post: #661 Title: Re: د / أحمد طراوة ___ فى ندوة عن تاريخ الغناء فى السودان . Author: Moawia Mohammed Date: 11-24-2007, 03:10 PM Parent: #660
محمد عثمان وين انت يا زول
قرب تعال ما تبتعد أنا اليومين دي في حالة رحول الي سكن جديد عشان كدا تعال جيه الشغلة دي
بالمناسبة عندنا ليك طلبين دايرنك تفتش لينا الجنني بتاعت أبوعبيدة حسن ومارش مندي بتاع ود الشريف بصوت عقد الجلاد
ورسل لينا التلفون الجديد وتسلم يا حبيب
Post: #662 Title: Re: د / أحمد طراوة ___ فى ندوة عن تاريخ الغناء فى السودان . Author: محمد عثمان Date: 11-24-2007, 03:26 PM Parent: #661
Quote: محمد عثمان وين انت يا زول
قرب تعال ما تبتعد أنا اليومين دي في حالة رحول الي سكن جديد عشان كدا تعال جيه الشغلة دي
بالمناسبة عندنا ليك طلبين دايرنك تفتش لينا الجنني بتاعت أبوعبيدة حسن ومارش مندي بتاع ود الشريف بصوت عقد الجلاد
ورسل لينا التلفون الجديد وتسلم يا حبيب
الاخ معاااوية...
تحياات و مبروك السكن الجديد و انشاء الله تتهنا بيهو..
اغنياات ابو عبيدة عندى موجودة لكن مارش عقد الجلاد داير بحث شوية...
خلااص برسل ليك رقم التلفون الجديد غايتو صاحبك بكرى دا ادانا فى الثابتة بقصة الماسنجر دى
انا بجهز فى شغل الكابلى الجديد و بقوم بتنزبله قريب خلاااص ننسق مع بعض...
وين صااحبنا عثمان موسى..؟؟؟ليهو مدة ما بان
يلا..فى رعااية الله
Post: #663 Title: Re: د / أحمد طراوة ___ فى ندوة عن تاريخ الغناء فى السودان . Author: Moawia Mohammed Date: 11-24-2007, 03:42 PM Parent: #662
Quote: تحياات و مبروك السكن الجديد و انشاء الله تتهنا بيهو..
الله يبارك فيك يا زول بقينا زي العرب الرحل كل يوم في محل جديد
Quote: خلااص برسل ليك رقم التلفون الجديد غايتو صاحبك بكرى دا ادانا فى الثابتة بقصة الماسنجر دى
نعمل شنو عاد يا محمد عثمان للضرورة أحكام والهكر ديل بقوا لينا في رقبتنا خلينا ليهم البلد وبرضو بره لاحقننا غايتو بكري ربنا يعينه
Quote: وين صااحبنا عثمان موسى..؟؟؟ليهو مدة ما بان
أخونا عثمان كويس اتكلمت معاهو الاسبوع الفات لكن شكله مشغول مع البوست بتاع نيويورك
Post: #665 Title: Re: د / أحمد طراوة ___ فى ندوة عن تاريخ الغناء فى السودان . Author: محمد عثمان Date: 11-24-2007, 08:48 PM Parent: #663
معااوية...
يا زول الحق امسح ما يلفحوهو الجماااعة...
Post: #664 Title: Re: د / أحمد طراوة ___ فى ندوة عن تاريخ الغناء فى السودان . Author: أحمد طراوه Date: 11-24-2007, 08:30 PM Parent: #1
.. إحدى عشر كوكبا من الايقاعات تتلألأ في سماوات السودان !
.. كان ذلك عند مدخل النصف الاول لاربعينيات القرن الماضى ..
.. كان ذلك نتاج الحراك التاريخى العميق و المترابط لطبول البانتو الافريقى المتوجهة شرقا نحو بلاد السودان و جنوب الوادى الاخضر .. تلك هى قصة الانثربولوجى الافريقى ، انها قصة الهجرات الافريقية القديمة نحو مراتع النيل الخصيب
هذا التزاوج الغرب - افريقى - النيلي .. عبرت عنه ظاهرة طبل النحاس القبلى - السودانى ، و الذى شد شاعرية بت المكاوى وهى تستدعى ظهور مهدي الله في نهايات عهد الاتراك :
" طبل العز ضرب هاوينا في البرزة .. وغير ضرب ام كبان انا ما بشوف عِزة ! "
.. جأت الجملة اللحنية الجديدة عند الاربعينات قوية و فتية ! جات معززة و رفيعة المقام الموسيقى الخماسى ، و جليلة النسب و الحسب السودانى الاصيل علي يد جماعة الصولفيج الاول و مجاهدات كرومة تخصيصا و عبد الرحمن الريح اجمالا !
كرومة بعد ما اكمل الانتقال اللحنى داخل المدرسة الاولى للحقيبة .. رمى بجهدو مع عبد الرحمن الريح و عتيق ، و اسمعيل عبد المعين ، لفك الازمة التالتة الكبيرة لحركة الغناء السودانى ..
"
و تمكن التم تم بمدخل الاربعينات من احتواء النقرزان و دك حصونو و توسيع دوايرو الغنائية و كل ذلك بسبب عبد الرحمن الريح !
- حسن عطية علي هوى التم تم في خدارى و الباقيات
- فاطمة الحاج اللي سبقت الفلاتية في الاذاعة برضو علي شريعة التم تم ( استحق صدك )
- عثمان حسين المتفرد مع عتيق في ( حارم وصلي مالك ) سار علي نهج ابو علي في خدارى لكى ما يوطن جملته اللحنية الجديدة الآسرة
- و حتى الحاج عبد الحميد يوسف الرائد و المعلم الاول لجماعة المدرسة الاوركسترالية التانية ، لم يكن بمنجأ من سطوة التم تم : أذكرينى يا حمامة ! تلك الحسناء اللتى قال عنها عتيق : إنتي يا الكاحلِك نعاسك ! النعاس كنشاط فسيولوجى - كيمائي يصير عند عتيق تعابير و صور شعرية جديدة و فريدة !
.. حقا تغير الشعر ، فغير معه الالحان و وجد ضالته الايقاعية في التم تم و بقية الوان الضرب الايقاعى الاخر الاشد سعة و مرونة
_ بل التاج مصطفى وهو يلحن ( نور العيون انتي الامل ) وهى اهم اغانى الارتكاز ، و بمساعدة عبد الرحمن الريح .. ما وجد غير التم تم سبيلا
- و الغريبة كمان انو خليل فرح لحقتو لوثة التم تم فعمل بيهو اغنية تم دورو و ادور .. بل و الاغرب انو عبد الله الماحى الرافل في القِِدم لمن لحق عهود التم تم لحن بيهو اغنية يا ام جمالا يسبى العقول
.. بفضل ذكاء و شدة عبد الرحمن الريح ، و سرعة التقاطو لجوهر رسالة التم تم و دلا لاتو التاريخية - التطورية ، انتصر خط زهرة بت نجدى ، و العزوهات ، و ناس فاطمة خميس و رابحة التم تم .. و اندمجت و تعدلت تلك الاغانى اللطيفة من شاكلة ( سيد الكرفتة ) و ( الليلة يا تومى ) و ( حبيبي ما بخلي الاخضر لونو زرعى ) في مسار الحداثة و الجماليات الغنائية الجديدة !
.. و بدأت الانطلاقة الكبرى للمدرسة الاوركسترالية التانية ! المدرسة اللتى ما نفكت و بعد 10 سنوات تقريبا ان اعلنت عن ازمتها ايضا !
.. كانت تلك هي الازمة الرابعة الكبيرة في حركة الغناء السودانى !
انها جدليات واقع السودان و حركته اللتى لا تهدأ .. " مدرستان .. و اربعة ازمات " .. قصة الليرك السودانى اللي ما ليها اول و لا آخر ..
Post: #666 Title: Re: د / أحمد طراوة ___ فى ندوة عن تاريخ الغناء فى السودان . Author: محمد عثمان Date: 11-24-2007, 10:18 PM Parent: #1
تم تم مهجن بالفرقة الاثيوبية و التفصيل مع دكتور طرااوة.....
Post: #667 Title: Re: د / أحمد طراوة ___ فى ندوة عن تاريخ الغناء فى السودان . Author: أحمد طراوه Date: 11-24-2007, 11:26 PM Parent: #1
.. يا محمد عثمان دام عليك الهنا و السرور !
تم تم سودانى مهجن بايقاعات طبول الكِبرو الاثيوبية الرافلة في القِدم .. اسكستا سودانى فريد في نوعو
امطرنا يا محمد .. بديع كابلى وهو يعيد توزيع كرومة و ابوصلاح بالاسكستا
Post: #668 Title: Re: د / أحمد طراوة ___ فى ندوة عن تاريخ الغناء فى السودان . Author: محمد عثمان Date: 11-24-2007, 11:42 PM Parent: #1
و تاانى ..هجين
Post: #669 Title: Re: د / أحمد طراوة ___ فى ندوة عن تاريخ الغناء فى السودان . Author: محمد عثمان Date: 11-24-2007, 11:48 PM Parent: #1
و نواااصل....
Post: #670 Title: Re: د / أحمد طراوة ___ فى ندوة عن تاريخ الغناء فى السودان . Author: Moawia Mohammed Date: 11-24-2007, 11:51 PM Parent: #669
أفتح الأغنية الأولي يا محمد عثمان
Post: #671 Title: Re: د / أحمد طراوة ___ فى ندوة عن تاريخ الغناء فى السودان . Author: Moawia Mohammed Date: 11-24-2007, 11:53 PM Parent: #670
دا الشغل
Post: #672 Title: Re: د / أحمد طراوة ___ فى ندوة عن تاريخ الغناء فى السودان . Author: Osman Musa Date: 11-25-2007, 02:35 AM Parent: #671
ساكسفون الكابلى ده يرد الروح للجسم البالى اعرف الكابلى فنان دايما يناقش ويتبادل مع الناس وجهات النظر حيال التجديد ويتابع بفهم ما يدور فى مدارس الموسيقى فى العالم___ الف شكر الاخوان معاويه ومحمد عثمان الكبيوتر معصلج معاى شوتين _ معليش تحياتى .
Post: #673 Title: Re: د / أحمد طراوة ___ فى ندوة عن تاريخ الغناء فى السودان . Author: أحمد طراوه Date: 11-25-2007, 11:58 AM Parent: #1
الفاطرك نور و فاهك عسالي .. جندلت إلوف عشاق امثالي .. يا غزال الروض !
" اللهم اكرم سودان الحريات و التعددية و حكم القانون و الدين الرشيد ، بوزير ثقافة لا تاخذه لومة لائم في بناء تمثال لا بو صلاح و آخر لعبد الرحمن الريح "
معاوية و محمد عثمان بنطبق عليهم قول طه حمدتو بعد ما قسم دار الرياضة بامدرمان الي مربعات و صار بقول :
الكورة عند قِرعم اداها لبرعى .. برعى مرر لحسن العبد .. قطعا كوارتى اداها لجكسا .. و جكسا دلوقت في خط ستة ..
.. طه حمدتو كتب الوسيم القلبي رادو لاحمد المصطفى ، و برضو كتب حبيب عمرى انت لي كل شى ، لحنا حسن عطية بضرب الرمبا
.. شكرا مجددا معاوية و محمد ، و انتم تقالبون عدوان الهكر القاعد في ذاك المبنى الفخم الضخم بضاحية كوبر
.. و اهو ربنا مد في عمرنا و عمر الكابلى وشوفنا ابو صلاح في ساحات الاسكستا و الشِب رِب ..
.. وهكذا سنبقى غرقانين في بحور التم تم ( كانى اسير في جُب مسجون ! أنا ما معيون .. )
و صلنا الان الي تخوم المدرسة الاوركسترالية التانية اللي بنطبق عليها قول الفكى عبد الرحمن ..
كان الفكى عبد الرحمن يقدم لبرنامحه الاذاعي الاثير ( ذكريات العبادي ) قائلا :
سيداتى ، سادتى .. نواصل الان الاستماع لذكريات الشاعر ابراهيم العبادى اللي ما عندها اول ولا آخِر !
.. يا محمد عثمان المسؤلية الوطنية تقتضى اخراج ذكريات العبادى المسموعة ، من اضابير الاذاعة و وضعها في موقع بكري هذا .. انها ذكريات امير شعراء الحقيبة ، بترد الروح في جسمنا البالي من تباريح و افعال الدياسبورا
.. فعلا و للحق قصة المدرسة التانية ، قصة لا اول لها و لا آخر ..
بدليل إنو خليل فرح وقع قديما في هوى مغنية تم تم ببحرى ، كانت بتغنى لمدة عشرين يوم في نفس ذلك الزواج اللي عمل فيهو اغنية ( لمّ خيل الضل علي الاريل .. في مشارعو الصيد ورد قيل .. )
بعد اسبوع خليل عمل اغنية ضواحى و أطراف مدينة بحرى : الدلال المحن الامات .. و لحنا علي ايقاع التم تم من الجنس التقيل .. دا كان بعد هزيمة ثورة 1924 و رحيل خليل من حى الترس بالخرطوم الي بحرى ..
.. بعد 80 سنة جاء ولدا جعيص اسمو عاطف انيس .. شال الاغنية و اعاد توزيعا مجددا علي نحو بديع ..
عاطف ما احتاج لاي ايقاع جديد آخر يماشى الهارمونى الحديث ، غير انو حرك ميزان التم تم التقيل بعض الدرجات و مشى للتم تم المفتوح ! التم تم المفتوح البتكامل مع ايقاع البيز جيتار و صولو الساكس
بعد 80 سنة !!
.. بالله يا اخوانا مش فعلا قصة ما عندها اول و لا آخر !
.. يا معاوية سمعنا في الضواحى بطريقة عاطف انيس علشان نآمن بانو التم تم فعلا ثورة !
.. ثورة فيها صدى التاريخ و حقائق اللحظة و مستوجباتا ، وفيها كل ارهاصات المستقبل ..
.. علشان نآمن فعلا بانو التم تم هو السحر اللي انقلب علي الساحر و فاق سحر بابل .. سحر ناس هاروت و ماروت
Post: #674 Title: Re: د / أحمد طراوة ___ فى ندوة عن تاريخ الغناء فى السودان . Author: Moawia Mohammed Date: 11-25-2007, 12:45 PM Parent: #1
في الضواحي وطرف المدائن عزيزنا و حبيبنا عاطف أنيس
وأحبابك في دنفر بيغروك السلام
Post: #675 Title: Re: د / أحمد طراوة ___ فى ندوة عن تاريخ الغناء فى السودان . Author: Osman Musa Date: 11-25-2007, 03:39 PM Parent: #674
شوف يا طراوة الكلام ده كيف . جندلت الوف عشاق امثالى.. يا غزال الروض الكترابه التقد نعالك يابت . حكايتك شنو ؟ يا فارسه انتى عنتر ؟ اعمامك الشعراء المساكين ديل كفاهن . __ انها مدارس الفن السودانى السوان البلد الشاعرة الجميلة .
Post: #1555 Title: Re: د / أحمد طراوة ___ فى ندوة عن تاريخ الغناء فى السودان . Author: Moawia Mohammed Date: 04-30-2008, 10:04 AM Parent: #674
UP
Post: #676 Title: Re: د / أحمد طراوة ___ فى ندوة عن تاريخ الغناء فى السودان . Author: Moawia Mohammed Date: 11-26-2007, 02:34 AM Parent: #1
Post: #677 Title: Re: د / أحمد طراوة ___ فى ندوة عن تاريخ الغناء فى السودان . Author: أحمد طراوه Date: 11-26-2007, 03:16 AM Parent: #1
الساكسفون جابو من مصر مبكرا للغناء السوداني و بدايات المدرسة الاوركسترالية، الفنان الكبير ، الرائد / احمد المصطفى ..
.. كان مشى شارك في احتفالات تنصيب الملك فاروق بعد و فاة الملك فؤاد
احمد المصطفى ، حسن عطية ، عبد الحميد يوسف هم ضربة البداية !
.. جاء بعد داك عثمان حسين و فاطمة الحاج و الفلاتية ثم ابو داؤد
المدرسة التانية زخما ضخم و تلاوينا واسعة ولم تخلو من الازمات و الاشكال الانتقالية و التطورية
Post: #678 Title: Re: د / أحمد طراوة ___ فى ندوة عن تاريخ الغناء فى السودان . Author: Osman Musa Date: 11-26-2007, 05:07 PM Parent: #677
بيل كلنتون عمك بيل كلنتون تولى الرئاسة الأمريكية بعد أن اكمل الحملات الانتخابية وهو يعزف على الساكسفون هلا هلا يا أحمد بنات نيويورك خرجن كاشفات صوتن للزول الفنان اها لو كلنتون سمع ساكسفون الكابلى ده كانت مشاكل السودن انحلت بى كلمة من البيت الابيض ..
Post: #679 Title: Re: د / أحمد طراوة ___ فى ندوة عن تاريخ الغناء فى السودان . Author: محمد عثمان Date: 11-26-2007, 08:39 PM Parent: #678
Quote: اها لو كلنتون سمع ساكسفون الكابلى ده كانت مشاكل السودن انحلت بى كلمة من البيت الابيض ..
Post: #680 Title: Re: د / أحمد طراوة ___ فى ندوة عن تاريخ الغناء فى السودان . Author: أحمد طراوه Date: 11-26-2007, 08:55 PM Parent: #1
.. قال حسن عطية في مذكراتو :
" اصلا انا كنت عاوز اكون - بيه كبير - .. لكن اهو احكام الزمان بقتنى عواد بضرب العود "
.. محظوظين نحنا , و محظوظ فجر المدرسة الاوركسترالية التانية كونو الباكوية فارقت ابوعلي فراق الطريفى لجملو . .. قضى اب علي بقية حياتو ، شانو شان اهل الفن ، بقالب في الفلس و مُعضلة بيت الايجار ، لكن متمتع بحب الناس ، و صنوف من الاناقة و الذوق ، و جماهيرية قلما توفرت لاحد
.. صار ود حى المراسلات قديما و حى باريس لاحقا ( اميرا للعود ) و صريعا لهوى التم تم و مستوحيا الفالس و الرمبا من جاليات خرطوم الخير و السعد ، و مبتكرا لفكرة الفرقة الموسيقية المصاحبة للفنان
.. و صار نجم و فنان الاذاعة السودانية الاوحد هو و سرور ، لمن كانت الاذاعة غرفة صغيرة في ميدان البوستة بسوق الموية في ام درمان .. غرفة صغيرة جانبية مربوط في ضهرا حمار الشيخ المُقرىء عوض عمر ..
.. زحف التم تم التقيل بتاع (بت العقاب) اللي كان ابو علي معجب بيها الي داخل الاذاعة في اغنية خدارى !
.. اولاد الخرطوم بحكم انو ابو علي زولم ، ما خلوه لعبد الرحمن الريح ! قام خضر حسن سعد عمل الاغنية الجميلة اللي فيها روح الشلة و الفانتازيا الخرطومية :
" دام الحب و دام صفانا .. و عاش النيل الروانا ! "
.. لحنا ابو علي بتفانين الجملة الموسيقية الجديدة .. مستند علي مرونة و سعة و جماليات ضرب التم تم القادر علي مسايرة اطياف واسعة للالحان
زهو الانجاز و التجديد و جمال الخرطوم حينذاك ، خلو ابو علي يقول في الاغنية المحورية تلك : الامير بعودو . . وضرب الكاس يا حلاتو .. بين اندادو و لُداتو !
- حسن عطية - الفرقة الاوركسترالية الاولى البسيطة - ورش الغناء و ضرب العود ( ناس حسن سوميت في برى القديمة ، عبد الرحمن الريح في ام درمان - حى العرب ، ناس خليل احمد ( ملحن يا طير يا طاير لوردي ) في السجانة ، ناس عبد القادر سليمان و اخوه حسن سليمان الهاوي في قلب الخرطوم
ثلاثة عوامل ابتدائية ، و اشياء اخرى هامة ، كلها مثلت قوى الدفع و التخلق و الانطلاق للاوركسترالية السودانية و المدرسة التانية
.. بس الاساس كان هو : و بمطلع اربعينات القرن الماضى ، إكتمل الانتقال الكلي علي يد : كرومة ، عبد الرحمن الريح ، و عتيق . . و نهضت ثورة الايقاع ..
.. تم تم زهرة بت نجدى و العزوهات اللي بقى في خدود المدرسة التانية دليل و علامة ..
Post: #681 Title: Re: د / أحمد طراوة ___ فى ندوة عن تاريخ الغناء فى السودان . Author: Moawia Mohammed Date: 11-26-2007, 08:58 PM Parent: #1
UP
Post: #682 Title: Re: د / أحمد طراوة ___ فى ندوة عن تاريخ الغناء فى السودان . Author: Osman Musa Date: 11-27-2007, 03:17 AM Parent: #681
يا غزال الروض
Post: #683 Title: Re: د / أحمد طراوة ___ فى ندوة عن تاريخ الغناء فى السودان . Author: Moawia Mohammed Date: 11-27-2007, 05:04 AM Parent: #1
أظهر و لا تبالي
Post: #684 Title: Re: د / أحمد طراوة ___ فى ندوة عن تاريخ الغناء فى السودان . Author: Moawia Mohammed Date: 11-27-2007, 02:08 PM Parent: #1
UP
Post: #685 Title: Re: د / أحمد طراوة ___ فى ندوة عن تاريخ الغناء فى السودان . Author: Osman Musa Date: 11-27-2007, 04:27 PM Parent: #684
تحية طيبة استاذ سايكو شنو؟ يازول نفتقدك ونحتاجك تبنى معناالاساس . بارك الله فيكم اخوانى محمد عثمان ومعاويه ويجلس على الطابية البطل طراوة يقاتل من اجل حقوق عتيق لكم التحية
Post: #686 Title: Re: د / أحمد طراوة ___ فى ندوة عن تاريخ الغناء فى السودان . Author: أحمد طراوه Date: 11-28-2007, 02:10 AM Parent: #1
.. في مطلع الاربعينات ( و كانت الاذاعة قد بدأت في ابريل 1940 ) .. خطف الموت الحاج محمد احمد سرور في واحدة من زيارتو الاجتماعية - التجارية لاريتريا !
... قبرو هناك ! ما قدرنا نجيبوا حتى الان !
.. بالله تخيلو قبر سرور و علي عبد اللطيف لازال خارج السودان !
.. كتر خير عبد الماجد ابوحسبو .. شال ابيات شعر ذات معنى و دلالة ، كتبا الشاعر الراحل الفحل / كرف ، في تمجيد سرور و الوفاء لفضلو ، و كتبا في شاهد القبر ..
فرج الله كاك ! الشعبى و ملك الظرف ، و الهلالابى المطبوع صاحب ود مرجان ، و الاتنين بعملو الاهازيج و الجلالات الكروية و بدوها ل (تمساح) بالنوبة بتاعتو :
" حمد و الديبة .. حكاية عجيبة ! "
كاك .. كلم الراحل بروفسور / عبد الله الطيب في صباح الجمعة وداخل سوق الخضار بامدرمان : يا بروف صاحبك كرف مات امس الخميس بالليل !
.. عبد الله الطيب قال : جادت قريحتى من شدة وقع الخبر ، فكتبت حينها مرثية كرف العصماء :
... " سقت قبرك الديمة الهطِلُ "
.. مات سرور .. واصل ابو علي لوحدو في الاذاعة ماسك في خط التم تم و جميل قول عبد الرحمن الريح
- اقول إنت نور ! و لا اقول زهور ! ولا اقول نسيم فياح بالعطور .. تم تم خدارى ذات نفسو
- ما ليا غيرك حياة .. يا اسمر يا رمز الضياء .. تم تم خدارى ذات نفسو
_ يا مارى عند الاصيل .. تم تم خدارى ذات نفسو
... و جاء الحاج عبد الحميد يوسف ، و من خلفو عثمان حسين عازف عود ماهر ، و صبى صغير واعد ، بيرنو للافق البعيد : أذكرينى يا حمامة لعتيق .. تم تم خدارى ذات نفسو .. يا روحى انصفنى لعبد الرحمن الريح .. و يا ذو القدر رفقا بمهجة مُحبك لعتيق .. تم تم خدارى ذات نفسو
... و ظهر احمد المصطفى .. لون خاص ، و تجربة مختلفة .. و شعر مختلف ، و غنى : فارق لا تلم .. انا اهوى الالم .. لكن تم تم خدارى ذات نفسو
.. و جات الفلاتية بكلام عبد الرحمن الريح : الله ليا جاهل صغير و حمامة .. ودوهو خشم القربة .. يا الله عودة سلامة للعاصمة .. تم تم خدارى ذات نفسو
.. و حتى عثمان حسين بعد ما عجم عودو .. و لاقى عتيق و لحن حارم وصلي مالك .. برضو كان واقع في دائرة و اثر تم تم خدارى ! تم تم (بت العقاب)
.. برضو التاج مصطفى لمن عمل ( الملهمة ) بتاعت عبد الرحمن الريح بكل دلالاتا و ابعادا التجديدية و التحولية .. كان بتنفس تم تم ناس بت نجدى و ربوحة !
.. كلهم كانو بيخطو خطواتم الاولي طالعين من تحت عبأءة عبد الرحمن الريح ، كلهم بالضرورة كانوا براكمو التجربة ، و بميزو في خطهم الخاص بالاستناد علي عبد الرحمن ، كلهم كانو ضمنا بعيدو انتاج تجربة عبد الرحمن الريح و توجهاتو اللحنية و الايقاعية الاولي ...
... ( دا في جدليات الحركة و التطور : اسمو التجاوز و التمايز و النماء عبر الاستيعاب )
ربنا يمد في ايام الهادى الضلالي صاحب ود مرجان .. لانو قال ذات مرة في مكتبة البشير الريح : ربنا ادا الهند تاج محل ، و ادا مصر الاهرامات ، و ادا السودان عبد الرحمن الريح و مدارس الاحفاد ..
حب الهادى لعبد الرحمن الريح بسبب حب الهادى لا براهيم عوض ! و عبد الرحمن واصل في قلب و معمعان المدرسة الاوركسترالية ليقدم لنا : ابراهيم عوض ، عمر احمد ، الجابرى ، فاطمة الحاج . . و آخرين
. . بس كيف نتجت ازمة المدرسة الاوركسترالية التانية ، الازمة الرابعة لتطور حركة الغناء السودانى ! و منو الفكا عقابيل و عُقد هكذا ازمة ! ؟
Post: #687 Title: Re: د / أحمد طراوة ___ فى ندوة عن تاريخ الغناء فى السودان . Author: Osman Musa Date: 11-28-2007, 03:51 PM Parent: #686
استاذ محمد عثمان سلامات اسعدنى الخبر _ بيت العود _ فى سنه2008 بيت العود فى السودان رحم الله استاذ حمزه علا الدين الفنان السودانى العالمى الذى جال فى كل العوالم والعواصم ليسمع الناس صوت السودان له الرحمة ..
Post: #688 Title: Re: د / أحمد طراوة ___ فى ندوة عن تاريخ الغناء فى السودان . Author: Moawia Mohammed Date: 11-28-2007, 04:33 PM Parent: #1
UP
Post: #689 Title: Re: د / أحمد طراوة ___ فى ندوة عن تاريخ الغناء فى السودان . Author: أحمد طراوه Date: 11-28-2007, 08:34 PM Parent: #1
... مهم جدا تاريخ ( العود ) The Lute ، ودورو في مسار المدرسة الاوركسترالية التانية
- عبد الحميد علي الحاج صانع الاعواد و اللي علم عبد الرحمن الريح العود
- عبد الرحمن الريح اللي علم برعى و سعدية العوادية
- سعدية اللي علمت الجداوية موسى اخت عشة الفلاتية ( كيف الفلاتية لحنت عنى مالم صدو و إتوارو ؟ )
- اسماء حمزه بت الحلفاية الطليعية ، و اللي سلفت عودا لبشير عباس
- ضباط جيش الفتح اولاد تميم و اولاد بنى اللي جابو العود و علموا ناس عبد القادر سليمان و خليل فرح .. و كيف تعلم حسن عطية العود في حى الترس
- مجموعة العوادين المتلمين حول حسن سوميت في ورشة برى اللي انصقل فيها ابوداؤد .. و ليه ابو داؤد ما عزف العود ؟ !
_ يوسف الشيخ و بقية العوادين الاوائل في السجانة و الخرطوم القديمة
- عود محمد زهرى اللي عزف بيهو ابتداء عثمان حسين بمصاحبة كمنجة عبد الفتاح الله جابو و عثمان المو
- العود كوافد عربى خاص بناس زرياب و اسحق الموصلي و ابراهيم المهدى و جماعة قصر الرشيد ، في مواجهة الطمبور / الكيسر السودانى القديم ! و منو الحامل الاساسي الفريد للمقام الموسيقى الخماسي - السودانى
- و شنو اللي ساق حمزه علاء الدين النوبي بالاصل و الهوية للعود دون الطمبور .. و ايه هي اختراقات و اشراقات حمزه في امر العود
.. بس كيف ظهرت الازمة الاوركسترالية الاولي و كيف تصدى ليها الكاشف و عثمان حسين ؟ !
Post: #690 Title: Re: د / أحمد طراوة ___ فى ندوة عن تاريخ الغناء فى السودان . Author: محمد عثمان Date: 11-28-2007, 09:34 PM Parent: #689
Quote: استاذ محمد عثمان سلامات اسعدنى الخبر
لك التحية اخ عثماان...
Quote: اسماء حمزه بت الحلفاية الطليعية ، و اللي سلفت عودا لبشير عباس
و نواااصل مع دكتور طراااوة....
Post: #691 Title: Re: د / أحمد طراوة ___ فى ندوة عن تاريخ الغناء فى السودان . Author: Moawia Mohammed Date: 11-29-2007, 12:41 PM Parent: #1
UP
Post: #692 Title: Re: د / أحمد طراوة ___ فى ندوة عن تاريخ الغناء فى السودان . Author: Osman Musa Date: 11-29-2007, 07:18 PM Parent: #691
استاذ بشير عباس طل على الناس بفن جديد جاء مثل التدفق ومثل النهر فنان عالى . بشير عباس _ اين بشير الأن ؟ اين هو.. له التحيه وله الاحترام الكبير.
Post: #693 Title: Re: د / أحمد طراوة ___ فى ندوة عن تاريخ الغناء فى السودان . Author: أحمد طراوه Date: 11-29-2007, 11:03 PM Parent: #1
... بشير عباس استثنائى و فريد وهو بعيد انتاج الجملة اللحنية بصفارة الفم !
دا اوضح مايكون في مقطوعات موسيقية جميلة من تاليف بشير :
- نهر الجور - المقرن في الصباح ( يا حبيبى قوماك ننسرق .. علي مقرن النيل في الصباح .. الروض بسم .. و الطير غرِد و الطقس لا حر لا برد ! جميلة كتبا ابو الروس و لحنا الكاشف و مدهش فيها بشير بصفارة الفم ) - افراح السودان - ليالي واشنطن
يعنى ابداع بشير عباس الجارى في محور الدماغ/ اليد/ الي اوتار العود ، هو ذات محور الابداع الجارى من الدماغ/ الي عضلات الوجه .. البتحرك اللسان و الشفتين لاخراج تنغيم صفارة الفم !
" وصدق من قال الابداع دماغ "
.. وردى لانو لماح و مسكون بالموسيقى و التجديد ، وظف الصفارة بالفم في مطلع اغنية (الحِنين قلبو طيب ) ..
.. وهكذا كانت الاوركسترالية التانية بتمشى للامام بقوة دفع اساسا التنوع و التجريب الجرىء ، و المعالجات الواعية الرصينة .. فكرة إثر فكرة ، خطوة إثر خطوة ، مجهود إثر مجهود ! كلهم كانوا مسؤلين و بنائين True Developers ..
.. لكن برعى احمد دفع الله بقى من بعد ذلك نهج و لونية قايمة بذاتا في ضرب العود ... برعى / ابوداؤد قصة عجيبة .. و شوفو لحن برعى لكلام عبد المنعم عبد الحى :
و البلبل الصداح اهو جاك يا حبيب .. جاك يحكى ليك .. جاك يشكى ليك .. جميلة بصوت حنان النيل و ضربة التم تم الاصيل
.. عود عبد الرحمن الريح و كمنجة السر عبد الله ، و اكورديون وهبة كانوا الاساس المادى - الموسيقى الاول لانطلاقة و تطور الاوركسترالية السودانية
.. محظوظ فجر الاوركسترالية السودانية بوصول الايطالي ( إزو ما ستريانى ) بتاع التشيلو و البيانو ، و اللي اصلا نصحوه الاطباء انو يمشى يعيش لفترة في مناخ ما بين مدارى زى السودان بسبب مرض جلدى
.. لانو احمد حامد النقر ، و احمد فضل الله حسين بقو بارعين من بعد في عزف التشيلو !
.. و الساكسفون اللي جابو احمد المصطفى من مصر ، بقى ضجة و حديث في يد محمود عثمان
.. و حتى مولانا المحامى / عبد الله النجيب تعلم الاورغن الهوائى و انضم لفرقة الاذاعة الموسيقية في تلك الايام اللي كان بتتخلق فيها دروب الاوركسترالية الجديدة
.. الكاشف كان قد انتقل للخرطوم من مدنى و سكن ابتداء مع خالتو ( تاتا) و ولدا (حيدر ود تاتا) في بانت القديمة ، و لاقى حجازى و النقر بتوع الكمنجة و اللي ادوه عضوية ورشة ناس حسن عمر سوميت عازف العود الماهر في برى
.. الكاشف لمن بدا معركتو مع كسر الرتابة لقى في فرقة سودانية موسيقية شبه كاملة من حولو .. فيها :
- ناس فلوت زى محمد النور بلة - لقى محمد احمد ابو شنب ماسك الطبلة الجابة عازف القانون المصرى مصطفى كامل - لقى صحبو ود مدينة مدنى و الساكن جنبو في بانت القديمة بدر التهامى ! بدر اللي بدا الكمنجة عبر ام كيكي .. مجاهدات ما ليها حد و ما ليها قيف بنسجلا با حرف من نور ...
.. عمل الكاشف اغنيتو الاوركسترالية التجريبية الاولى مع الجماعة الطليعيين ديل : حبيب القسا .. طال الشوق و الاسى ..
و بدت واضحة اشراقات الجديد الفنى - الاوركسترالي !
.. لكن برضو جزء كبير من هذه الفرقة الموسيقية انصقل بجهود و عبقرية و عِلم و صولفيج اسمعيل عبد المعين .. لمن وقعوا معاهو اهم اغنيتين تركوا اثر في مسار الاوركسترالية السودانية و نهضة الكاشف بل و مسار عثمان حسين ذات نفسو :
- قابلتو مع البياح - حجبوكا يا ضو القمر
كان عبد المعين بفتح الدروب و بسطر اجمل الملاحم الموسيقية .. ودا الدرب اللي مشى عليهو الكاشف و عثمان حسين وهم بفكو في ازمة الرتابة اللي ضربت فجر المدرسة التانية
فك الازمة كان في الانتقال من المونوفونيا The mono-phonic melody بتاعت احمد المصطفى و حسن عطية ... الي البولى - فونيا The poly - phonic melody بتاعت الكاشف
.. الكاشف كان كاسر الرتابة الاول Our great monotony breaker
كيف عمل الكاشف كل ذلك ! ؟ حكمة يا ابراهيم !
يا معاوية و محمد .. شغلو لينا بشير عباس شوية ، ثم شرحبيل في البمبى علشان نشوف وهج الهارد روك السودانى .. و التلاوين الفريدة للمدرسة التانية
Post: #694 Title: Re: د / أحمد طراوة ___ فى ندوة عن تاريخ الغناء فى السودان . Author: Osman Musa Date: 11-30-2007, 03:55 AM Parent: #693
التحية للموسيقار الفخم بشير عباس يا د/ أحمد طراوة ليتنى اتحصل على تلفون له . الرجل فعلا فريد وقدم الكثير للوطن . له التحية
Post: #695 Title: Re: د / أحمد طراوة ___ فى ندوة عن تاريخ الغناء فى السودان . Author: محمد عثمان Date: 11-30-2007, 07:45 AM Parent: #1
Quote: يا معاوية و محمد .. شغلو لينا بشير عباس شوية ، ثم شرحبيل في البمبى علشان نشوف وهج الهارد روك السودانى .. و التلاوين الفريدة للمدرسة التانية
معااوية..
فى مقاام الاستئذان للاستماع لهذا التسجيل النظيف..
و نوااصل مع دكتور طراااوة....
Post: #696 Title: Re: د / أحمد طراوة ___ فى ندوة عن تاريخ الغناء فى السودان . Author: Osman Musa Date: 11-30-2007, 04:41 PM Parent: #695
عارف يا طراوة شرحبيل ده لو عاش فى شرق بروكلن كان بكون أشهر من شان جون . لكن لضعف الاعلام السودانى الزول رايح ساكت شىء يبكى زول زى شرحبيل أحمد يكون ساكن فى غرفتين معكوسات وصالون ؟ معليش بلد مسكينه تحيه لشرحبيل الفنان الحق . ___ تحيه للبطل محمد عثمان المرابط على باب الغناء .
Post: #697 Title: Re: د / أحمد طراوة ___ فى ندوة عن تاريخ الغناء فى السودان . Author: محمد عثمان Date: 11-30-2007, 10:23 PM Parent: #1
الاغنية من كلمااات و الحاان الفنان شرحبيل......
الرقص جميل و ليهو نميل تعاال يا كحيل ما تبقى بخيل الرقص قياافة و فيك لطاافة يا اللابس البمبى يا نعسان و غالبك نومك يا مهموم سرحاان فى همومك قوم من نومك و سيب همومك و رينا فنونك ميل شماال ميل يمين و دور...دور يا اللابس البمبى...
Post: #698 Title: Re: د / أحمد طراوة ___ فى ندوة عن تاريخ الغناء فى السودان . Author: أحمد طراوه Date: 11-30-2007, 11:01 PM Parent: #1
.. الرقص قيافة .. و فيك لطافة .. يا الابس البمبى !
شرحبيل بمشى مشاوير الهارد روك السودانى عبر دمج الجمل اللحنية للخماسى الغربى - الامريكى ، و تخصيصا روك بلافونت في ايقاع التم تم السودانى ، و الدلوكة ذات المستوى الايقاعي المتعدد the multi - Rhythmic
.. لسبب غير معروف ، قام شرحبيل غنى في عرس بالخرطوم اغنيتو الجميلة : يا ما بكرة تندم .. و انا حالك بشوفو !
.. د. حليم كان من ضمن المدعويين ، نادى علي نور الجليل ( طالب الطب ) اللي كان بعزف جيتار مع شرحبيل و سألوا : انت يا ولد انا مش امتحنتك قبيل الصباح في الكلية .. نور الجليل قال ليهو نعم يا دكتور .. حليم قال ليهو : طيب يا ابنى بالعقل كدا ، في عريس بغنو ليهو يوم عرسو يا ما بكرة تندم ! ؟
جهود شرحبيل و ابداعو خلت المدرسة الاوركسترالية التانية تبقى مدرسة تعدد اللونية ! بالضبط مدرسة قوس قزح
.. رمضان زايد حبيب عوض دكان و منسوب ناس ( الزين قديم ) في بحرى ، و خليل احمد في فرقة الخرطوم جنوب دليل ، رمضان دليل ساطع علي جماليات التنوع في المدرسة التانية ! ببداء الغناء :
.. بكلام زي : يشغل قلبي حبك علي مر الزمان ... و بعرج علي كلام مبارك المغربى : انا ليتنى زهر في خدك النادى .. و فجاة بقلب الموال كلو و بكسر و يقول : الريدة ريدتنا .. و المحبة حقتنا .. ادوهو الاكيدة اتنين خمسة حارتنا !
.. بنذكر في اللحظة دى جماعة الصولفيج الاول : السر عبد الله من ضمنهم ! مات في ظروف اجتماعية و مالية سيئة ، و الاذاعة بتقول السر عبد الله في وضع صحى خطير و بحتاج لمتبرع بزجاجة دم فصيلة (أو - سالب )
.. السر عبد الله شال الكمان العربى المدوزن : صول ، ري ، صول ، ري .. و دوزنو علي وجدان السودان في المقام المتنوع و الاوسع : صول ، ري ، لا ، مي ..
السر و عبد المعين طلائع السودنة و الاختراق التاريخى و هم مع عبد الرحمن الريح و كرومة كانوا بوابة الدخول للمدرسة الاوركسترالية التانية
.. و للكاشف اللي كان رائد البوليفونيا نعود
Post: #699 Title: Re: د / أحمد طراوة ___ فى ندوة عن تاريخ الغناء فى السودان . Author: Osman Musa Date: 12-01-2007, 05:01 PM Parent: #698
تعال يا جميل ما تبقى بخيل يا لابس البمبى __ ايام الستينات ايام الايام كانت رواق . وكان شرحبيل فى ديك الايام يكتب الأغانى ويلحنها فى مكتب مجلة الصبيان فى شارع الحرية فى حى باريس . على بعد امتار من بيت البيه الكبير حسن عطيه وشرحبيل كمان فنان رسام وخطاط اتمنا يا محمد عثمان أن تجد له تسجيل يغنى فيه لعبدالحليم حافظ اغنية بهواك واتمنا لو انساك يغنيها اجمل من صاحبها عبدلحليم . شرحبيل فنان ماهل فى الافريقى والعربى _ بس يد الاعلام السودانى ملويه ..
Post: #700 Title: Re: د / أحمد طراوة ___ فى ندوة عن تاريخ الغناء فى السودان . Author: محمد عثمان Date: 12-01-2007, 07:18 PM Parent: #699
الاخ عثماان...
سلااااام و حقا القلوب شوااهد و كأنك تقرأ افكاارى... احتفظت بهذه الاغنية و معها اغنية اخرى للفنان المصرى محمد عبد الوهاب بصوت الفنان احمد المصطفى منذ زمن طويل.. كنت استمع هذا الصبااح للفنان عبد الحليم حاافظ فى اغنية مين نبتدى الحكااية فتذكرت شرحبيل و اغننية اهواك..
Quote: اتمنا يا محمد عثمان أن تجد له تسجيل يغنى فيه لعبدالحليم حافظ اغنية بهواك واتمنا لو انساك يغنيها اجمل من صاحبها عبدلحليم .
Post: #701 Title: Re: د / أحمد طراوة ___ فى ندوة عن تاريخ الغناء فى السودان . Author: Osman Musa Date: 12-01-2007, 10:36 PM Parent: #700
يا سلام عليك يا استاذ محمد عثمان . ما عارف كلام د/ أحمد طراوة لكن الواحد بفتكر أنو الفنان السودانى لمان يغنى الأغنية العربية بغنيها احسن من صاحب الأغنية . الكابلى . أحمد المصطفى ومحمد الامين غنى اغنية (يا ناعم العود ) احسن من الدوكانى . اسمع الفنانه امال النور وهى بتغنى لفيروز شىء بجنن. سلامات ..
Post: #702 Title: Re: د / أحمد طراوة ___ فى ندوة عن تاريخ الغناء فى السودان . Author: أحمد طراوه Date: 12-02-2007, 12:12 PM Parent: #1
.. فويطر العنجك الملح الرشيدى .. تاجوج ما إتلقت يا خميلة زيدى ..
.. و الناس بتلد الناس ساكت حسادة .. و امِك بتلد الصيد سمح القلادة . . !
دا كان دوباى علي ود محلق ..
.. بعد 6 شهور من مقتل تاجوج 1820 ، الاتراك دخلوا السودان ، و علي ود محلق مات حسرة و ندم .. وقال بسبب غلطتو مع تاجوج :
... الجلب التعيس براي سويتو بايدى .. وفى كلمة مزاح قليت غميضى !
زي : ( النوم من عينى فرا .. و عقلي ناوى الرحيل ! ودا قول لاحق لابوصلاح معطوف علي حال ود محلق )
.. ود محلق مات ! وحركة الادب و الغناء السودانى لم تزل بعينيها تقاتل !
لانو دوباى ود محلق جرى من بعد ذلك مسادير جميلة في يد الحردلو ، و ود الفراش ، و اولاد الشلهمة .. بل و لحق ابو صلاح في ابواب امدرمان القديمة !
" لانو الدوباى جاب الرمية .. !
الرمية اللي جابت العشرين اغنية الاولي بتاعت الحقيبة .. ! لمن العبادى و ابوصلاح شالو رميات محمد ود الفكى و دمجوها مع نقرزان السودانى - الافريقى مرجان سيد النقرزان
- بس العشرين اغنية الاولي وقعت بعد حين من الدهر في إتون الرتابة الاولي اللي فكا محنتا كرومة .. كرومة منهجو كان التفكيك و اعادة التركيب ، و ابداع جمل لحنية جديدة ..
... نرصد مثالا و ليس حصرا بعض من تلك الاغانى الاولي اللي وقعت في دائرة الميلودى المتكرر:
" يا امانى و جار بي زمانى ، متى مزارى اوفى نذاري ، برضى ليك المولي الموالي ، يا ام جمالا يشفي السقيم ، ما هو عارف قدمو المفارق ، تيهى فوق العز و النفل ، احرمونى و لا تحرمونى سُنة الاسلام السلام .. "
.. و في 1947 توفي زنقار و كرومة .. لكن تم تم زنقار و لزمة كرومة الموسيقية سافرت كلها في فضاءات الوطن و الزمان ، و الخيال برضو .. و وقعت في يد الكاشف !
الكاشف عمل (الليل ما بنومو لانى حارس نجومو ) ، عملا بفكرة جديدة ، و تجريب جديد و لونية جديدة ، لكن برضو بالتم تم ذى السعة ، و المرونة و التماهى الا متناهى ..
.. و علي يد الكاشف شفنا اللزمة الجد .. اللزمة اللي خلت الغنا حاجة تانى خالص !
و اللزمة قصص و خشم بيوت في الغناء السودانى .. قال ابو داؤد بعد ما غنى بمجهود فاق الحدود اغنية سرور (أنة المجروح ) .. :
" يا جماعة ، و الله لو ما اللزمة الموسيقية ، انة المجروح دى عنتر ما يقدر عليها ! تخيلو سرور كان بغنيها بالرق بس ! "
.. و كرومة مات ( مات صغير عمرو 32 سنة بس !! ) .. مات ، ولم تزل حركة الفن و الغناء السودانى بعينيها تقاتل ..
.. تُقاتل بأنامل عبد الرحمن الريح ، و المعية حسن عطية ، و رصانة الحاج / عبد الحميد يوسف .. و التجريب الاول لاحمد المصطفى ..
.. احمد المصطفى لما حاول يطلع من ( الجنس التقيل ) بتاع التم تم .. و لحن بايقاع الرمبا الراقص كلمات طه حمدتو : الوسيم القلبى رادو .. الجمال حازم فِرادو ..
.. و فعلا وزى ما قال طه حمدتو في شعارو الكروى - الغنائى الاثير : سمارة ماش .. و لسه سمارة ماش
و ما انفكت مواكب المدرسة الاوركسترالية التانية تترى و تسير ، و تمشى في درب الامانى المستطابة و الافاق الغير محدودة !
.. حركة الفن و اصلت بنظرية ( التراكم المعرفي ) ..
.. لانو الكلارنيت اللي عزفوهو رواد و طلائع الاربعينات ناس كمال عبد اللطيف ، و آدم ريحان .. جاء بعد داك في يد ( محمد عبد الله اميقو ) ليصبح علم و ابداع ... بل و رافعة حقيقية لحركة التجديد الغنائى الاوركسترالي ، و خاصة غنا عثمان حسين
- الان يا جماعة الإسناد و رونا الكرم ! و رونا سنن البرامكة !
.. عاوزين علي موجة البث المتوسط / 524 ، و الطالعة من الاذاعة لمن كانت في بيت طيب الذكر / منصور فرج الله .. جنب مدرسة بيت الامانة القديمة .. و قبل ما يضربا طيران موسلينى التليانى و يقتل حمار كلتوم (ست اللبن) .. عاوزين للكاشف
- المقرن في الصباح ... جميل الكاشف لمن يوصف المقرن بلسان ابو الروس : نور الصباح بدا و انتشر .. و من المنام صحت البشر .. بيك طاب زماني اللي كشر
- و عاوزين برضو : في الشاطى طاب لينا السمر
- و صابحنى دايما مبتسم بطريقة عبد العزيز المبارك
- و اغنية الفراش الحائر لعثمان حسين
- و الملهمة للتاج مصطفى
... علشان نسمع ، و بعد داك نطرب ، و بالتالي نقدر نفهم , مسارات و تطور و مصائر المدرسة الاركسترالية التانية .. التطور اللي وصل الكاشف حد انو يقدر يطلع من المقام الكبير للمقام الصغير بدون تاشيرة خروج و لا إذن دخول !
Post: #703 Title: Re: د / أحمد طراوة ___ فى ندوة عن تاريخ الغناء فى السودان . Author: Osman Musa Date: 12-02-2007, 03:23 PM Parent: #702
الأخوان الاحباب سلامات نسبة لسفرى تلاته اربعه ايام ارجو القيام بواجب خدمات ناس ندوة تاريخ الغناء فى سفرى الف شكر
Post: #704 Title: Re: د / أحمد طراوة ___ فى ندوة عن تاريخ الغناء فى السودان . Author: أحمد طراوه Date: 12-03-2007, 06:09 PM Parent: #1
... هام جدا دور ( ورش الغناء الموسيقى ) اللي كانت موجودة في السجانة و برى و ام درمان .. و برضو صالون خليل فرح الغنائى اللي انعجم فيهو عود زرياب علي نحو سودانى - خماسى - المقام
" زرياب دخل الوتر الخامس في العود " !
... هل دا ساعد لاحقا في دوزنة العود علي نحو سودانى ؟؟ !
.. مهم برضو دور الفرقة الموسيقية بتاعت طلبة كلية غردون التذكارية ! دى كانت تحت اشراف قائد موسيقى الحدود البريطانية مستر (بينه) .. فيها كان عبد المجيد إمام .. و صغيرون الزين , . و آخرين .. و الفرقة للحق اولاها الزعيم الراحل / الازهرى عناية خاصة لمن كان استاذ بكلية غردون ! و جند ليها صول الموسيقى محمد اسمعيل بادى ، و وصاه خيرا بالاولاد
" من تلك اللحظات و بجد الازهرى كان قائد أمة ! بشوف و بفهم و بعاين بعيد " .. هو بالمناسبة وراء حب ولدو محمد للموسيقى
ما غريبة الراحل ( محمد اسمعيل الازهرى ) كان عندو ثقافة موسيقية عالية ، و كان بدى موسيقى الكاشف اهتمام و عناية كبيرة !
في فرقة الازهرى ايام كلية غردون ، بهمنا تلاتة : عوض فضل الله ، و محمد احمد حجازى ... ديل هم اللي ربطو كفاحم الموسيقى مع الكاشف مبكرا و طلعوا من حيز الاكاديميا الموسيقى الضيق الي شارع السودان الملان في بداية الاربعينات بانفاس الحان كرومة و السر عبد الله و مساعى خليل فرح لدوزنة العود علي نحو خماسى
.. التالت البهمنا في فرقة الازهرى هو محمد آدم ادهم : لانو آدهم هو اللي جاب اسمعيل عبد المعين لعالم النوتة و الصولفيج و نصحوا يمشى معهد فؤاد الموسيقى العالي في مصر ( ادهم درس الطب في مصر وهو اول سودانى عزف فلوت و عمل سيمفونية سودانية كاملة إسمها الادهميات ! جراءة التجريب اللي جابت كل جميل و عجيب )
.. محور آدهم/عبد المعين كان دورو هام في حسم التطورات الاحقة لمعركة انتصار الخماسى السودانى علي صعيد الصولفيج ! ودا المدخل اللي جاب لاحقا الانفتاح و التطور الموسيقى علي يد الكاشف و عثمان حسين .. وصدق من قال ( هذا من ذاك )
... اجمالا نقول :
.. سلاح الموسيقى اللي فيهو الطلائع الوطنية ناس عدنان و ريحان و بادى و زقل ، فرقة طلاب غردون الموسيقية بتاعت الزعيم الازهرى ، محور أدهم/عبد المعين ، خروج خليل فرح في نهاية العشرينات من الصوالين لحركة الشارع و اجواء التم تم ، انفاس كرومة و عبد الرحمن الريح .. دي كلها الخلفيات اللي شكلت ما عرف لاحقا بوهج المدرسة الاوركسترالية التانية و ما عرف ب :
" عبقرية الكاشف " !!
Post: #705 Title: Re: د / أحمد طراوة ___ فى ندوة عن تاريخ الغناء فى السودان . Author: محمد عثمان Date: 12-03-2007, 06:16 PM Parent: #1
تواااصل و متاابعة مع دكتور طرااوة... فى انتظاار الاخ معااوية لوضع الخلفية الغنائية
من بعد غدا ساغيب لفترة تقارب الشهر اليلة و بكرة معااكم...
تحيااتى...
Post: #706 Title: Re: د / أحمد طراوة ___ فى ندوة عن تاريخ الغناء فى السودان . Author: أحمد طراوه Date: 12-04-2007, 09:26 AM Parent: #1
.. كرومة فتح الباب لاتجاهات لحنية غنائية جديدة كثيفة و متعددة !
.. علشان كدا عبد الرحمن الريح طرح مشروعو الانتقالي اللي اتسم بالتنوع و المدى البعيد ، طرحو فوق قاعدة اتسمت بالسعة و المتانة ..
يعنى جدير بالملاحظة إنو عبد الرحمن الريح تناغم مع كرومة ، ثم حسن عطية ، ثم التاج مصطفى ، ثم فاطمة الحاج ، ثم ابراهيم عوض ، ثم عوض الجاك ، ثم عوض و ابراهيم شمبات ..
.. ازمة الرتابة التانية تصدى ليها الكاشف !
الكاشف تجاسر علي البحر الشعرى غير الصافى و لحن و غنى كلام عبيد عبد الرحمن :
" و إنت يا الناعسات عيونك .. الله لي عيونى السهارا ! افكارى الحيارا ضاعت باختيارأ .. حبيبى أه .. عقلي تاه .. في يوم الزيارة "
.. كانت نبؤة سرور حول ذلك الصبى الطالع في حيطة حوش ناس ابو جبل في ود مدنى و بغنى معاهو ( انة المجروح ) وقع الحافر بالحافر .. كانت بجد نبؤة صحيحة !
.. خلافا لاحمد المصطفى ، و الحاج / عبد الحميد يوسف ، و حسن عطية .. الكاشف كان بغنى في عدة سلالم موسيقية و ليس سلم واحد ! رغم انو ما بعزف عود .. كان لمن يجيهو اللحن من وادى عبقر بجرى لبدر التهامى جارو في بانت القديمة عشان يدوزن اللحن بنهج كمنجة السر عبد الله و يحفظو !
.. قال حيدر ود تاتا : يوم الهنا و السعد بتاع الكاشف رقيق الحال ، كان لمن جابو ليهو جهاز تسجيل صغير من مصر !
Post: #707 Title: Re: د / أحمد طراوة ___ فى ندوة عن تاريخ الغناء فى السودان . Author: Osman Musa Date: 12-05-2007, 03:06 PM Parent: #706
د/ أحمد طراوة _____ فى ندوة عن تاريخ الغناء فى السودان . نتابع
Post: #708 Title: Re: د / أحمد طراوة ___ فى ندوة عن تاريخ الغناء فى السودان . Author: أحمد طراوه Date: 12-06-2007, 05:05 AM Parent: #1
" عبقرية الكاشف .. جديد الفن "
.. الولد اللي كان بغنى مع سرور أنة المجروح .. واستلفت انتباه سرور في حفلة حوش ناس ابو جبل بود مدنى .. و كان بنط من حيطة لحيطة ... و الناس تكورك انزل يا ولد ! بتقع يا ولد !
" الولد دا يا هو زاتو ابراهيم ابو جبل "
اسامة حمد النيل الكاشف ، كان قال لينا في محاضرة مسقط بمشاركة عاصم البنا : إنو اصلا هم من قبائل صحراء سينا .. و كان كبارم و اجدادم ( كشيفين ) للقوافل التجارية :
.. قوافل التجارة القديمة بين مصر و السودان .. تجارة المسافات الطويلة .. و الملح الرشيدى اللي شبه بيهو علي ود محلق سنون تاجوج : فويطر العنجك الملح الرشيدى .. سن بلا مسواك برق المكادة .. و شعرا بلا دايوق هدل الوسادة ..
.. إذن تراث الناى و الحداء عميق وراسخ في وجدان ابراهيم الكاشف !
كان بلقط القطن في تفاتيش الجزيرة وهو صغير و بغنى : يخوض في وحل الشتاء .. فتى غرير ارعناء .. لا يتقى شر العيون .. و لا يخاف الالسنا ! واقف قدام الدنيا بما حوت و بغنى من جهلو : انا افريقى انا سودانى ..
.. غنى و لحن في مدنى للمساح : قومو يا احبة نسترق السمع .. ما بطيق القعدة و المايق دمع ، و كمان إنت بدر السماء في صفاك ، .. و كمان نغيم فاهك يا ام زين دواي .. و وصل الخرطوم جاهز و مكتمل .. جاء الخرطوم للاقلاع و ارتياد الآفاق و الانجاز و الإعجاز :
- واضح اثر الطريقة الاحمدية بتاعت ود مدنى عليهو .. لانو نقل ايقاع النوبة مباشرة لحقول الضرب الايقاعى اللي كانت اصلا متداخلة ! و واضح برضو انو جراءة لحن المارش اللي عملو اسمعيل عبد المعين لاغنية الصاغ محمود ابوبكر " صه يا كنار " ، هو الامر اللي مهد للكاشف تلحين ( المهرجان و توبة يا انة ) بايقاع السامبا .. الكاشف من البداية لامس وتر حساس جوه الوجدان السودانى .. وتر ضربة الطبل الافريقى الموحى و المُحرِك
- صحيح انو وجود استاذ الموسيقى عازف القانون و الكمان التابع للبعثة التعليمية المصرية ( مصطفى كامل ) كان ليهو اثرو علي الكاشف ! لكن من المؤكد انو جراءة الكاشف في الخروج من السلم الواحد الي عدة سلالم ( ودى الفات فيها الكبار و القدرو ) ، كانت انجاز بيُحسب للكاشف لوحدو ! الخروج من المقام الكبير الي المقام الصغير و بالعكس واضح في اغنية عبيد عبد الرحمن : فتنت بيهو ! الخروج من المقامات اصلا شغل بتهوفن في سيمفونية ( القدر )
- بنرصد برضو انو وبعد المساح مباشرة ، فان سيد عبد العزيز و عبيد عبد الرحمن و ابو الروس ، هم الشعراء الاساسيين لتلك الظاهرة الجديدة اللي اسمها الكاشف ! كتبوا اجمل الشعر الحديث للكاشف .. بتفعيلة ذات سلاسة لحنية عالية .. و جمل شعرية موجزة ذات إيحاء .. : ( القمرى غنا بكل ذوق ، و سط الزهور العاملة روق هنا يا الحبيب نجلس نروق .. و القمري سوى في نخيلا سوق .. اما السواقي بدت تسوق .. ! رجز مدهش ما بجيب إلا الحان اشد جمالا )
- لانو عبد الرحمن الريح كان مدرسة التم تم الجديد .. كان حليف حسن عطية .. الكاشف كان ببحث عن مواقع جديدة و دروب غير مطروقة ، و جمل لحنية مغايرة وذات كثافة ، و تتناسق مع ايقاعات خارج ضرب التم تم و الدلوكة ! او توحد فيما بينهم .. و بالله يا ناذر رسل لينا صابحنى دايما مبتسم بلونية عبد العزيز المبارك علشان نشوف تداخل الايقاعات ! سلفنا ليها يا ناذر من بوست عاطف بتاع الغنا .. سلفنا ليها بسعر فايدة ، او مرابحة ، او مضاربة ، كلو ماش في عالم الفن
- و بالتالي جاب المقدمة الموسيقية : كانت مقدمتو بتاعت داخل روضة غنا ، هى شعار الاذاعة و لفترة طويلة ! المقدمة دليل السعة اللحنية و النفس الموسيقى الطويل
- ولانو كان بولى - فونيك .. لذا قدر يلحن بحور غير صافية ! ناس احمد المصطفى و الحاج عبد الحميد يوسف كانو مونو - فونيك
- و حلق بلزمة كرومة الموسيقية في آفاق بجد مدهشة ! شوفو اغنية حبيبى اكتب لى .. وانا اكتب ليك ! القرار اللحنى الاول هو ميلودى الفم بتاع الكاشف .. بتعقبو واحدة من اجمل اللزمات في الموسيقا السودانية ، و الي تكاد تكون لوحدها اجابة كاملة علي ( القرار ) .. جهزا يا معاوية !
- ولانو كان شعبى و جماهيرى و بتاع غنا مفتوح .. اشرك الناس المستمعين في الترديد و المجادعة .. بقولو دا اسمو الباس Pass : يوم سفروك .. و الناس تقول ايوا .. بالقطر ودوك و الناس تقول برضو ايوا
- و طور الفرقة الموسيقية الاولي .. و كان اول من جاب الكورس النسائى : ناس الرضية سعد و الرحمة مكي ..
" كان عبقرية اللحن بالفم ! " لا عود ، لا كمنجة ! حكمة يا ابراهيم
Post: #709 Title: Re: د / أحمد طراوة ___ فى ندوة عن تاريخ الغناء فى السودان . Author: Osman Musa Date: 12-06-2007, 03:35 PM Parent: #708
الكاشف ______
Post: #710 Title: Re: د / أحمد طراوة ___ فى ندوة عن تاريخ الغناء فى السودان . Author: ناذر محمد الخليفة Date: 12-06-2007, 10:21 PM Parent: #1
أستاذ طراوة ...
Quote: سلفنا ليها بسعر فايدة ، او مرابحة ، او مضاربة ، كلو ماش في عالم الفن
نديك ليها بالكسر في البوست دا
Post: #711 Title: Re: د / أحمد طراوة ___ فى ندوة عن تاريخ الغناء فى السودان . Author: Osman Musa Date: 12-06-2007, 10:52 PM Parent: #710
ناذر الخليفة ود عمى العريس الذى شال شبابيل بنات البندر . حبابك عشرة . اريتنى كنت هناك . عرس حاشد بالكتاب والشعراء والفنانين كان حشدا لم تشهد الخرتوم مثله .. يا للعجب .. ارجو أن تضع لنا صورة الزول البعرض فى بوست تاريخ الغناء والكرباج الجد جد خت الصورة ليتعلم منها مايكل جوردن فن الطيران . _ استاذ ناذر الف شكر على الدخول الكريم تحياتى لعموم الاهل .
Post: #712 Title: Re: د / أحمد طراوة ___ فى ندوة عن تاريخ الغناء فى السودان . Author: ناذر محمد الخليفة Date: 12-07-2007, 10:10 AM Parent: #711
سلامات يا عثمان موسى ...
قصدك دي :
Post: #713 Title: Re: د / أحمد طراوة ___ فى ندوة عن تاريخ الغناء فى السودان . Author: أحمد طراوه Date: 12-07-2007, 11:21 AM Parent: #1
.. بلد الاُ ندراب يا سيدى شقيتا .. وجرح البطان المُغور لحقتا بريتا ..
يا ناذر ! دمت في نعيم مدة الدهر ..
... خيمة العرس النهارية ! بنطبق عليها كلام ابو الروس و غنا الكاشف :
" إتجلى في وسط الضحى .. تجد العليل نعنش صِحى .. الصاحى دون خمرة إنتشا .. يا فاضح البان يا رشا .. بقلبى افعل ما تشاء .. و الكون وراك طايع مشا .. نور الشمس نورك محا .. سعدت عيوني الشافتك .. " ا
مدرسة الغناء الاوركسترالي التانية .. قصة ما عندها اول و لا آخر ..
Post: #714 Title: Re: د / أحمد طراوة ___ فى ندوة عن تاريخ الغناء فى السودان . Author: ناذر محمد الخليفة Date: 12-07-2007, 01:43 PM Parent: #713
سلامات أستاذ طراوة ..
أنا والله من ما بدا البوست دا أبيت كلو كلو إتداخل وفضلت متايع بس عشان إستمتع وإتعلم من الفطاحلة والدكاترة والأساتذة المتداخلين ..
علا إنت ورطتني بي طلب أغنية ..
وعثمان موسى ورطني بي طلب صورة ..
وهسي داير أورط نفسي بي معلومة عن الخيم النهارية للناس الطولو من البلد وما متابعين ..
أعراس السودان من زمان معروف طقوسا وأياما وتراتيبا ..
علا الزمن إتغير وجات حاجات جديدة ..
عرس نهاري كامل دا أنا ما قابلني صراحة إلا في عرس أخونا عمر الفاروق والكان أيامات أحداث الغثنسن الأسود لمن كان الخرطوم فيها حظر تجول يبدا الساعة تمنية مساء ..
جينا العرس وطبعا بحكم المواعيد الدعوة غدا والفنان بعد الغدا والزفة والدخلة كلو بالنهار ..
ووكتها إتميت دايما كل أعراس السودانيين تكون بالنهار ..
حاجة روعة والزول ما بياخد هم الزمن أو هم الرجعة والمدعويين بيجو مرتاحين وفي زمن كويس ..
والفنان ما بيزنقو الحظر بتاع ممنوع الغنا بعد حداشر بالليل ..
الموضة حاليا في دعوات الغدا ..
زمان كان بعد الغدا الفي صينية مدنكلة كباية شاي .. الزول ياكل ويشرب الشاي ويتخارج لحدي مواعيد الحفل بالليل ...
هسي ما كدة ..
الغدا بقى كوكتيل وبعد الكزمكيل ما في شاي .. حاجة باردة .. وبعد الحاجة الباردة ما بتمشي طوالي ..
في برنامج مصاحب حسب عادات الأسرة صاحبة المناسبة .
الجعليين بعد الغدا بيدورو دلوكة وبطان لحدي المغرب (زي عرسي في الصور الفوق) الشوايقة بيجيبو طمبور وغنا حنين .. المحافظين شوية بيجيبو ناس يمدحو ...
جاييكم ...
Post: #715 Title: Re: د / أحمد طراوة ___ فى ندوة عن تاريخ الغناء فى السودان . Author: Osman Musa Date: 12-07-2007, 03:19 PM Parent: #714
نعم دى .. هلا هلا. شوف المسافة بين الأرض والكراع . الزول يا ناذر حلق فى عوالم الطرب . ده انجذاب فى الدلوكه والمديح والطبل والرقص . فى السودان لمان تجامل زول فى عرسو بتجامل من قلبك . .. عليك الله يا ناذر شن طعم سفرنا بعيد عن تلك الجنات ؟ شوف شجر النيم ده شامخ كيف ؟ .. كونك تكون فى السودان فى بلدك ده هو الربح . استاذ ناذر نحتاجك .. البوست يحتاجك كتير كتير سلامات وشكرا على صورة الدلوكه الكاربه .
Post: #716 Title: Re: د / أحمد طراوة ___ فى ندوة عن تاريخ الغناء فى السودان . Author: محمد المرتضى حامد Date: 12-07-2007, 03:24 PM Parent: #714
عثمان وطراوه ومعاويه ومحمد عثمان (ناسنا) وكل الجميلين اللي كتبوا هنا سلام. والله يا ناذر مازلت أضحك على كلامك.
Quote: الجعليين بعد الغدا بيدورو دلوكة وبطان لحدي المغرب (زي عرسي في الصور الفوق) الشوايقة بيجيبو طمبور وغنا حنين .. المحافظين شوية بيجيبو ناس يمدحو ...
بعدين (الكزمكيل) دا شنو يا ناذر؟ الإثبات بالصور يا العزيز,
محبتي
Post: #719 Title: Re: د / أحمد طراوة ___ فى ندوة عن تاريخ الغناء فى السودان . Author: Osman Musa Date: 12-08-2007, 03:49 AM Parent: #716
هطل على البوست واحد من نا سنا محمد المرتضى حامد قائد دولة الجمال الكبرى سلام شديد أخ محمد الف تحيه
Post: #717 Title: Re: د / أحمد طراوة ___ فى ندوة عن تاريخ الغناء فى السودان . Author: ناذر محمد الخليفة Date: 12-07-2007, 07:40 PM Parent: #1
عثمان موسى ...
Quote: فى السودان لمان تجامل زول فى عرسو بتجامل من قلبك .
أي والله ودي أجمل خحاجة في شعبنا الطيب دا ..
أخوي الكبير في زواجو سنة 1990 قبل طريق شندي .. كان السفر قاسي خلاص .. مشينا سيرة من الخرطوم ، قبل ما ندخل شندي وقفنا نصلي المغرب في حلة قبل شندي بي ساعة تقريبا .. أنحنا تلاتة بصات سفرية كبيرة وعربية صغيرة فيها الفنان عماد أحمد الطيب ..
في الحلة وبعد ما صلينا رجال الحلة وشبابا حلفو ما نتحرك طوالي .. فجأة لقينا الشاي واللقيمات والقهوة قدامنا !! جرادل العصير ما تديك الدرب !! الحلة جتتتتتتتت إتلمت وطلعوا الحروم والجنيات والعمد والأرابيب ولاحظ أنحنا ما بنعرف ناس في الحلة دي ولا من الاهل قريب أو بعيد !!
كبيرم زعلان وقال (فاكرننا جنايز تمرو فوقنا كدي ! عريسكم دا الليلة محتفلنبو هنا في الاوال قبال تدخلو شندي) !!
كباراتنا حاولو يقنعوهو وما إقتنع لا هو لا باقي كبارات الحلة ..! وكان عرس في الخلا ما في مثيلو ..
إتلمو النسوان ودقو الدلوكة وعرضو رجال الحلة مع رجال السيرة وشالو العريس في الكتوف في جو ومناخ تحلف تقول في العالم كلو ما في زيو ..!
بعد ساعة أو أكتر خلونا نمشي تودعنا كمية من التباريك والزغاريد والدعوات ..
وكان العرس الفجائي البرة شندي أجمل من العرس المرتب الجوة شندي من كل النواحي ..
منظر ما أنساهو طول العمر وأنا الوكت داك في تالتة متوسط ومسجلو بي ذاكرة فولاذية ..
Quote: عليك الله يا ناذر شن طعم سفرنا بعيد عن تلك الجنات ؟
ضريبة مفروضة علينا يا عثمان موسى ..
وإنشاء الله نرجع البلد لي شدر النيم نتلمى في ضلو عما قريب ....
Post: #718 Title: Re: د / أحمد طراوة ___ فى ندوة عن تاريخ الغناء فى السودان . Author: ناذر محمد الخليفة Date: 12-07-2007, 07:55 PM Parent: #1
سلامات محمد المرتضى ..
نديك صور خفيفة يا حبيب لزوم التصبيرة وكدة
الفنان عمر الحواري .. دلوكة وعرضة ..
عرضة مايكل جوردانية بسيطة ..
عريس + سوط بطان = حزفت باقي الصور مراعاة لشعور البعض ممنن لا يتحملون رؤية مناظر الجدل والدم
ديل اللي ما عندهم علاقة بي شوايقة أو جعليين وما عندهم تراث خاص بيهم في الغناء أو جعليين وشوايقة لكن (ناس بندر ساكت) !! وأحسن ليهم المديح من تراث بلدم ..
Quote: بعدين (الكزمكيل) دا شنو يا ناذر؟
الله يجازي الكي بورد يا محمد المرتضى
قصدي الكوكتيل بتاع الغداء
Post: #720 Title: Re: د / أحمد طراوة ___ فى ندوة عن تاريخ الغناء فى السودان . Author: أحمد طراوه Date: 12-08-2007, 12:02 PM Parent: #1
... و البوست صار صوت و صورة !
ناس ود فايت حسن ( جماعة العرضة ) !
.. البدخل في المحاصة .. اب جُلتن بارود .. صمد للبجن طابور .. شدولو فوق تاتاى .. مطروح الجبين لعرضو مو نساي ..
و طبل النحاس بتاع ( بت المكاوي ) البقى قاعد في طرف الزلط !
نحنا يا ناذر مآخدين بعين الاعتبار إنو فك التسجيلات بالمنبر علي الابواب ، بنقترح علي عثمان موسى يديك ذات المبلغ اللي اداهو الراحل عبد الرحمن شاخور للونق الشمال عبدو الشيخ .. !
.. لخص ود القرشى قصة و رسالة المدرسة التانية بتاعت الغناء الاوركسترالي لمن قال :
" بلقاك نفرح .. نتبادل الاشواق لهوانا نطرح .. مزمارنا يا دأؤد صار بيك و اصبح .. عهد الرشيد عدناه و صرنا انجح .. "
فعلا جماعة الكوكب الفضى ( شعراء و فنانين ) فاتو ابراهيم المهدى ، و اسحق الموصلي , و اصبحوا الوراث الشرعيين لقصر الرشيد بعد ان تمت سودنتو سودنة كاملة !
.. اولم يقل الرجل الامى رقيق الحال علي المساح و بدوافع حبو لام زين :
" ما ذنبي غير قلت النشيد و نشايد .. في مدحك بنيت قصر الرشيد الشايد .. جفيتنى ليه وانا ليك رايد ؟ يا غصن الرياض المايد ! .. "
. . 1953 ، و السودانين لم يلتقطو انفاسهم بعد بسبب مشاوير الكاشف .. أنشقت بطن السماء ، و اخرجت ابراهيم عوض عبد المجيد !
.. الفنان الذرى المنطلق بسرعة 7 ماخ !
Post: #721 Title: Re: د / أحمد طراوة ___ فى ندوة عن تاريخ الغناء فى السودان . Author: Osman Musa Date: 12-08-2007, 05:15 PM Parent: #720
الفنان عمر الحوارى ؟ عفارم عليك يا ناذر . الما ركز فى دلوكة الحوارى عمرو ما ركز . فى دلوكة الحوارى الجلد ينزل فى ضهرك بارد ومنعش لا تشعر وانت تحت البنج الكامل والانجذاب الجد . الزول ده يا ناذر فنان جد وما بريد الهيلمانه وهو شاعرنا ومادحنا. وهو فنان الحماسه ورسول السخاء والحياء . يا ناذر سلم لى على الناس ديل شديد. بعدين انا سعيد جدا بما يقوم به الفنان محجوب كبوشيه محجوب بجمع فى اغانى الحماسه بصوره جميله جدا الف تحيه يا ياذر
Post: #722 Title: Re: د / أحمد طراوة ___ فى ندوة عن تاريخ الغناء فى السودان . Author: Osman Musa Date: 12-09-2007, 01:44 AM Parent: #721
والله يا ناذر متكيف للصور دى جنس كيف _ عارف جماعتك وربعك ناس عرضة وناس بطان كان يا ناذر عندى عمى عليه الرحمه لامن جاوز التمانين كان بعرض . وكان يقول النجامل اولادى بالفرحة قبال ما سيد الامانه يشيل امانتو. كان يجد متعه كبيره فى العرضة __ وبعدين عندنا واحد يا ناذر ضهرو معور من شدة الجلد وكان تعبان . جا لى عرس ودعمو عشان ينجلد تانى الجماعه الكبار قالولو لا تنجلد عشان ضهرك كعب . قام حلف وقال ده عرس ود عمى وانا حالف لو ما جلتونى بالكرباج اكان احلف وما انجلد الا بالسكين __ وطبعن يا ناذر ما فى طريقه الا ينجلد تقولى شنو وتقولى منو.
Post: #723 Title: Re: د / أحمد طراوة ___ فى ندوة عن تاريخ الغناء فى السودان . Author: ناذر محمد الخليفة Date: 12-09-2007, 07:14 AM Parent: #722
صباح الخير يا عثمان ...
وبما إنو الحديث ذو شجون ..
أحيلك لرابط بوست ذكريات الحفلات لإحتوائه على الكثير من قصص البطان :
Post: #724 Title: Re: د / أحمد طراوة ___ فى ندوة عن تاريخ الغناء فى السودان . Author: Osman Musa Date: 12-10-2007, 00:59 AM Parent: #723
الف شكر استاذ ناذر سلامات ارجو ارسال تلفونك على الفاكس ده (7033793999 )فرجينيا U S A ضرورى جدا تحياتى .
Post: #725 Title: Re: د / أحمد طراوة ___ فى ندوة عن تاريخ الغناء فى السودان . Author: Moawia Mohammed Date: 12-11-2007, 02:37 PM Parent: #1
Jamal Duniana - Ibrahim Awad
Post: #726 Title: Re: د / أحمد طراوة ___ فى ندوة عن تاريخ الغناء فى السودان . Author: أحمد طراوه Date: 12-11-2007, 10:21 PM Parent: #1
... ونحن نتحسس يوم بعد الاخر غيابهم الذى ترك خانات شواقر لا تُسد .. الي ارواحهم المحلقة فوق سماوات الوطن !
.. الي كل من : توفيق صالح جاويش ، علي المك ، عزيز الرفاعى ، بشار الكُتبى .. نهدى سيرة واحد من اعز الرجال و اشدهم جسارة و عطاءا .. إكسبريس الغناء السودانى ..
" ابراهيم عوض عبد المجيد "
... الي صديق محمد فرح رمرم ، و الي الهادى الضلالي ..
.. و هما برغم العوادى ، و توترات الواقع ، و انقلاب ( دنيانا الجميلة ) ، يواصلان دورهما التاريخى : كريحانة اصيلة للمجالس ، و ذاكرة حية تفيض بوقائع ذلك الماضى الجميل الذى ناخذ منه الدلالات و الدروس و العِبر
.. مثلهم مثل الراحل ابرهيم عوض تخصصوا دون اجر او مقابل في مهنة : جعل حياتنا محتملة و واقعنا اجمل ، و يومنا لا يخلو من فسحات الامل ..
1953 : انبثاق اضواء الكوكب الفضى الذى طاف بمدارات الغناء السودانى و فتح صفحة تاريخ تعدد اللونية الغنا ئية ، و التمايز الايجابي داخل المدرسة الاوركسترالية الثانية
Post: #727 Title: Re: د / أحمد طراوة ___ فى ندوة عن تاريخ الغناء فى السودان . Author: Osman Musa Date: 12-12-2007, 07:06 PM Parent: #726
التحية لثورة ابراهيم عوض المجيدة الثورة التى قادت طلاب علوم الغناء الى الخرتوم .
Post: #728 Title: Re: د / أحمد طراوة ___ فى ندوة عن تاريخ الغناء فى السودان . Author: ناذر محمد الخليفة Date: 12-12-2007, 07:21 PM Parent: #1
Post: #729 Title: Re: د / أحمد طراوة ___ فى ندوة عن تاريخ الغناء فى السودان . Author: Osman Musa Date: 12-13-2007, 04:47 AM Parent: #728
استاذ ناذر الخليفه سلامات والف شكر على كل ما تقوم به نحياتى .
Post: #730 Title: Re: د / أحمد طراوة ___ فى ندوة عن تاريخ الغناء فى السودان . Author: أحمد طراوه Date: 12-13-2007, 07:34 PM Parent: #1
.. بنرصد اهمية ورشة حي العرب في نشأة و مسار ابراهيم عوض الفنية !
.. بنقصد مثلث الابداع و الاشراق اللي تشكل لمن التقى ابراهيم عوض ، و الطاهر ابراهيم ، بعبد الرحمن الريح . .
.. دا كان مثلث برمودا السودانى الحافل باسرار الجمال و مساعى ايجاد اجابات جديدة و رصينة للاسئلة المطروحة في ساحة المدرسة الاوركسترالية التانية عشية مطلع الخمسينات من القرن الماضى
.. الاسئلة دي برزت لمن تبلورت تلاتة اتجاهات و لونيات غنائية !
- لونية التاج مصطفى ، و عثمان حسين ( التكثيف الموسيقى ، المقدمة الطويلة ، و موسقة كل الكلام الشعرى في القصيدة ، دا ظهر في اغنية الملهمة و ليلة الذكرى عند التاج ... و كل غنا عثمان حسين الاحق بعد ما لاقى قرشى محمد الحسن و بازرعة )
- لونية احمد المصطفى و حسن عطية ( بعد خروجم من اسار التم تم التقيل ، للاغنية الخفيفة الجديدة القصيرة المستندة علي ميلوديا بسيطة و ايقاعات جديدة )
- لونية الكاشف : بكل ما فيها من عجيب و غريب في افق التجديد و كسر الرتابة
" كل لونية من التلاتة كان عندها توصيفا و خصائصا ! و لهذا التمايز الهام ذو الاثر العميق اللاحق ، سوف نعود و نشرح "
و في اطار وحدة المقام الخماسى السودانى اللي اصبح راسخ ، و في اطار تلك الجملة اللحنية الاولي اللي ختا طوبتا عبد الرحمن الريح في وثيق الصلة بجهود كرومة و عبد المعين و خليل فرح ، كانت الاتجاهات التلاتة اعلاه بتتفاعل و تتصارع ! و صارت بتتشكل اذواق السودانيين الغنائية - الفنية في محاور شتى ! ودا خلافا للذوق المصري اللي ساقو عبد الوهاب و سلمو من بعد لام كلثوم اللي سلمتو من بعد لعبد الحليم ، في اطار ما عرف بوحدة الذوق المصرى "
" عجيب فعلا امر التنوع و التعدد في السودان ! كانما الامر غريزة و فطرة شعبية " طبيعى خلقة ربك !!
.. ابراهيم عوض ، و الطاهر ابراهيم ، و عبد الرحمن الريح كانو بفكروا في اتجاه جديد و لونية مخالفة تسوق الجماهير الي دروب جديدة
عشان كدا ابراهيم عوض المشبع بالاصرار و الذكاء الفنى - الفطري ، لمن لجنة النصوص اجازت صوتو في يونيو 1953 مع سيد خليفة و صلاح محمد عيسى ، لم يذهب الي الاضواء و الاذاعة ولم يقلد احدا ! بل مشى لورشة حى الحرب باحثا عن اجابات و اجتراحات جديدة لا سئلة قديمة
" يشرفنا و الله إنو هرم الفن السودانى وردى بدا مقلدا لابراهيم عوض عبد المجيد ! "
" كان ابراهيم عوض ، زى مصطفى سيد احمد لمن مشى لورشة بحرى ! بعد ما غنى غدار دموعك ، و السمحة قالو مرحلة ، ثم مارس من بعد ذلك الكمون و مجاهدات البحث عن الاجابات ، ورجع باتجاهو الجديد اللي شافوهو الناس في 1983 في ذلك اللقاء التلفزيونى الهام اللي قدمو محجوب عبد الحفيظ و اخرجو عبد السلام الرفاعى "
.. برضو واصل ابراهيم عوض الكمون و المجاهدات الفنية ، لغاية ما فجر بركانو و ديناميتو هكذا مرة واحدة علي مسرح السينما الوطنية بامدرمان في شتاء ديسمبر 1955
" كانت ليلة عجيبة ! انقلب كيان المدينة ، و هاجت الصحافة .. و ماجت حركة الفن ، و الكاشف سيد الملعب ما قدر يقدم وصلتو الاخيرة اللي كانت دايما مِسك الختام ! لانو الجماهير ابت تخلي ابراهيم عوض ينزل من المسرح ! و بقت الناس ماشة في الشوارع بتقول : و الله جننى و غير حالي . , حير فكري دا الشغل بالي ! "
Post: #731 Title: Re: د / أحمد طراوة ___ فى ندوة عن تاريخ الغناء فى السودان . Author: ناذر محمد الخليفة Date: 12-13-2007, 07:46 PM Parent: #1
دا الكلام ولا بلاش ...
تسلم يا طراوة ...
Post: #732 Title: Re: د / أحمد طراوة ___ فى ندوة عن تاريخ الغناء فى السودان . Author: Osman Musa Date: 12-14-2007, 02:57 AM Parent: #731
يا استاذ ناذر سلامات صاحبك د/ طراوة يحتاج CHANNEL براو CHANNEL لتاريخ الغناء فى السودان والشرق الأفريقى . أحمد طراوة . المسكين بحر فى شغلات الغناء وهو ملم بكل ما دار فى امدرمان المدينة البارعة فى خلق المسرات .. الف شكر أخ ناذر
Post: #733 Title: Re: د / أحمد طراوة ___ فى ندوة عن تاريخ الغناء فى السودان . Author: أحمد طراوه Date: 12-14-2007, 09:07 PM Parent: #1
.. سعيدين باستمرار وجودك يا ناذر .. وين باقى الصور ؟ لا تنسى البوست بقى حرف ، و صوت .. و صورة !
... و بنفتقد محمد عثمان (جراب الاغانى و الحس الفني )
و مشكور معاوية جاب لينا جمال دنيانا المموسقة علي ضرب التم تم المفتوح !
جمال دنيانا كتبا عبد الرحمن الريح ، وخلا لحنها لبرعى !
عبد الرحمن الريح ذكي ، و بشوف ، و بلتقط المؤشرات .. و بعيد النظر ! هندس حركة الغناء و تحولاتو الجديدة
اصلا عبد الرحمن بعد ما تعلم العود علي يد عبد الحميد احمد الحاج و بقوا سوا في اول ورشة امدرمانية فنية ( دكان عنبر/ صالون الفن )
.. قام عبد الرحمن ، علم برعي و سعدية العوادية ضرب العود
عبد الرحمن شاف لحن برعى الاول لابوداؤد في اغنية ( احلام الحب ) بتاعت ( محمد عبد الله الامي ) الترزى في سوق الابيض : آمن ببرعي و بقدراتو و دورو الحاسم
" شتلوك في قلبي يا من كسانى شجون .. وروّك من دمي يا الادن العرجون ! "
عبد الرحمن الريح قال لبرعى : بالله لحن لابراهيم عوض جمال دنيانا بطريقة جديدة ، بجُمل لحنية خفيفة راقصة .. كان عبد الرحمن بشوف بوادر و ميول الاحتياجات و المزاج الجديد و سط جماهير الطرب و الحركة الفنية
.. إعادة التوزيع لاحقا لاغنية جمال دنيانا بظهر فيهو الدور الرائد للبيز جيتار اللي بنهض كضرب و ترى موسيقى و ايقاعى برضو
" اللي دخل الجيتار في الغنا السودانى سنة 1957 هو الزول الامدرمانى المجتهد ، المثابر و المؤمن مبكرا برسالة العلم و دور العلم : د. الفاتح الطاهر دياب "
Post: #734 Title: Re: د / أحمد طراوة ___ فى ندوة عن تاريخ الغناء فى السودان . Author: ناذر محمد الخليفة Date: 12-14-2007, 10:04 PM Parent: #1
طراوة وعثمان موسى ,,,,
Quote: .. سعيدين باستمرار وجودك يا ناذر .. وين باقى الصور ؟
جا ييكم ........ جايييكم ... لا تستعجلو .....
Post: #735 Title: Re: د / أحمد طراوة ___ فى ندوة عن تاريخ الغناء فى السودان . Author: Osman Musa Date: 12-15-2007, 02:39 PM Parent: #734
استاذ ناذر سلامات اهو يازول كل ما يستفيض بنا الشوق نفتح بوست صاحبك/ طراوة .نشوف وجه امدرمان يتلألأ.. __ يا ناذر 1993 كان لى الشرف أن اقابل ( سيدة وجمالها فريد) صاحبة الأغنية المشهورة فى بيت المال ( كانت فى حوالى ال 85 اقسم با الله وهى فى التمانين لكن البريق لم يفارق وجههاالطيب . سيدة هى أجمل مخلوقة فى النساء . وهى ملكة من ملكات النيل ومعلمه من معلمات الفضايل والاعتدال ..
Post: #736 Title: Re: د / أحمد طراوة ___ فى ندوة عن تاريخ الغناء فى السودان . Author: أحمد طراوه Date: 12-15-2007, 09:29 PM Parent: #1
.. المسار الخرطومي للعود و تاريخ العود ارتبط إجمالا و إختصارا بضباط جيش الفتح و استاذ خليل بتاع حي الترس موظف البوستة و التلغراف القديم اللي تعرف بيهو خليل فرح !
.. ثم ظهور العود الخرطومي في يد عبد القادر سليمان و خليل فرح في مجالس الغناء المُغلقة :
.. ( ظهر إبتداء زي عود زرياب ذو النهج السباعي القايم علي مقامات النهاوند و البياتى و تحول عبر تجريب طويل و مجاهدات سودانية معقدة وفي الاجواء المبكرة لثورة التم تم الي عود المقام الخماسي السودانى ! )
.. لغاية ما وقع العود الخرطومي في يد حسن سليمان الهاوي و حسن عطية .. ابو علي عجيب ! كان عمرو 16 سنة شايل العود بعزف و خلفو فرقة موسيقية
.. المسار الامدرماني الفني - الرسمي للعود ارتبط برجل اسمو عبد ا لحميد احمد الحاج ! كان نجار في زمن الانجليز بمصلحة المخازن و المهمات .. و بعرف يضرب العود ، تعلمو علي يد أحد المصريين في حي المسالمة !
.. لكن كيف عبد الحميد من بعد ذلك تعلم العود علي النسق الخماسي ؟
و وصل حد إنو يفتح ورشة لصناعة و تصليح الالات الموسيقية منذ ذلك العهد القديم .. دا السؤال اللي عاوز اجابة ، و للحق دا الامر اللي عاوزين نمسك خيوطو و نعرف مداخلو !؟
... واهمية ذلك بتعود الي إنو و في تلك الفترة الامدرمانية ظهر عازف عود شديد المراس الفني - الموسيقى في حي الموردة إسمو حسن عمر سوميت !
.. سوميت كان ماسنجر العود المتحرك لانو كان جزء اساسي في ورشة الموردة الفنية اللي ارتبطت بمنزل الدرديرى عمر كروم اخو بروفسر حداد كروم .. سوميت هناك في بيت الدرديري تعرف علي ابوداؤد برعي برضو عرف ابو داؤد هناك !
.. و صار سوميت و الكاشف و ابو داؤد و يوسف عبد العزيز اخو سيد عبد العزيز اطراف اساسية في ورشة برى الفنية نواحي الخرطوم القديمة
.. الكلام دا كلو بقصد الوصول لبرعى احمد دفع الله !
.. برعى شاف العود في الموردة في يد سوميت و جلسات علايل الموردة ! ومن يوما ركبو جان العود ! العود بخصايصو السودانية كان قاعد جوه برعى !
صحيح إنو برعى تعلم العود في اساسياتو علي يد عبد الحميد و عبد الرحمن .. لكنو مشى في خط سوميت لفترة بسيطة و صار بعد داك مدرسة و لونية خاصة بذاتا .. عود برعى ذو خصوصية سودانية فريدة زى جبل الداير و شجرة الهشاب ولفة نهر النيل عند ابو حمد .. !
قال عازف الكمان السودانى ، الموسيقار - البرنجى محمد عبد الله محمدية :
" برعي لغز كبير .. طريقتو في عزف العود خاصة بيهو لوحدو "
.. شوفو العظمة و الاشراق في الجملة اللحنية ذات التجلي في الحان برعى الاتية :
- داك الصباح اهو جاك يا حبيب .. بتوزيع و طريقة حنان النيل
- ليل و خمر و شفاه .. يا سقاة الكأس من عهد الرشيد : توزيع سيد خليفة الجديد بمصاحبة الساكسفون
- الوصية : ولازال السؤال مطروح ليه وردى اللي لحن المية اغنبة بتاعتو براهو ، لمن جات اغنية الوصية وداها لبرعى .. يا لذكاء وردى و قوة حسو الموسيقى
- و قدامنا اهو جمال دنيانا .. اللي كانت توجهات لحنية جديدة انبثقت زى برق البطانة البرف عبادي
" برعي رقم صعب في معادلة التطور الموسيقي السودانى الاكثر صعوبة "
.. يا ناذر بالله مع الصورة الجاية جيب لينا جنني و غير حالي ، بتوزيع ود الحاوى الجديد .. جيبا لينا بطريقة سوق ليبيا و سوق تمبول كسر عديل ..
Post: #737 Title: Re: د / أحمد طراوة ___ فى ندوة عن تاريخ الغناء فى السودان . Author: ناذر محمد الخليفة Date: 12-16-2007, 11:26 PM Parent: #1
سلامات دكتور طراوة ..
بتوزيع ود الحاوي ما لقيتا لكن لقيت دي بعد إذنك :
بتوزيع الموصلي أول التسعينات
Quote: جيبا لينا بطريقة سوق ليبيا و سوق تمبول كسر عديل ..
عفيتك قروشا لله والرسول
Post: #738 Title: Re: د / أحمد طراوة ___ فى ندوة عن تاريخ الغناء فى السودان . Author: ناذر محمد الخليفة Date: 12-16-2007, 11:31 PM Parent: #1
عثمان موسى والله إنت زول محظوظ خلاص .. خليتني أحقد عليك عدييييل كدة !!
Quote: يا ناذر 1993 كان لى الشرف أن اقابل ( سيدة وجمالها فريد) صاحبة الأغنية المشهورة فى بيت المال ( كانت فى حوالى ال 85 اقسم با الله وهى فى التمانين لكن البريق لم يفارق وجههاالطيب . سيدة هى أجمل مخلوقة فى النساء . وهى ملكة من ملكات النيل ومعلمه من معلمات الفضايل والاعتدال ..
والزمن داك ما كنت شايل ليك كاميرا دجتال مالك
Post: #739 Title: Re: د / أحمد طراوة ___ فى ندوة عن تاريخ الغناء فى السودان . Author: ناذر محمد الخليفة Date: 12-16-2007, 11:46 PM Parent: #1
صراحة يا دكتور طراوة النقطة دي دايرة تفصيل وإسهاب شوية :
Quote: و تحول عبر تجريب طويل و مجاهدات سودانية معقدة وفي الاجواء المبكرة لثورة التم تم الي عود المقام الخماسي السودانى ! )
دي حتة لا بد من أنها تذكر للتاريخ .. مش تاريخ تحويل العود للمقام الخماسي وبس .. لأنو بكل تأكيد التحويل دا هو الساعد على بلورة الأغنية السودانية عشان تظهر بي لونيتا اللحنية الحالية ..
المعروف أن أغلب الفنانين والملحنين الكبار بيعتمدو على ألة العود في تلحين أعمالم و طبعا بيستخدو العود الخماسي بتاعنا ... طيب لو كان العود لسع ما تم تحويلو !! فهل كانت الألحان السودانية حا تطلع من إطار التشابه ولا حا تظل كما هي ؟!!!
لاحظ أنا بقصد طريقة العزف وإستعمال أوتار العود كاملة .. مش الألحان ..
العود ذو المقام السباعي بيديك مساحات اوسع وحرية في العزف والتنويع والتلوين غير محدودة مقارنة بي العود الخماسي .. طبعا دا لو إستصحبنا طريقة عزف الفنانين والملحنين المتشابهة لي بعضم إلا ما ندر وفلتات زي ناس برعي وحسن عطية والكابلي واحمودي وغيرم ...
الغريبة إنو المرحلة بتاعت التحويل دي أعتقد بيكون حصل فيها مخاض طويل وعسير وفترة لا زم تتوثق كويس !! والغريبة إنو البحث النال بيهو دكتور الماحي سليمان درجة الدكتوراة عن ألة العود من جامعة السودان ما إتطرق للحتة دي !!
فهل في ضبابية ونقص معلومات في الفترة دي يا دكتور ساهمت في عدم التوثيق بصورة مركزة ؟!!
تسلم كتير ..
Post: #740 Title: Re: د / أحمد طراوة ___ فى ندوة عن تاريخ الغناء فى السودان . Author: Osman Musa Date: 12-17-2007, 02:31 PM Parent: #739
لكم جميعا التحية الاخوان سايكو محمد عثمان معاويه ناذر الخليفة جزيل الشكر وعظيم الامتنان على التدفق الجميل .. الف شكر وانتم تتابعون بوست الغناء .. تحياتى
Post: #741 Title: Re: د / أحمد طراوة ___ فى ندوة عن تاريخ الغناء فى السودان . Author: ناذر محمد الخليفة Date: 12-17-2007, 08:15 PM Parent: #1
up
Post: #742 Title: Re: د / أحمد طراوة ___ فى ندوة عن تاريخ الغناء فى السودان . Author: أحمد طراوه Date: 12-17-2007, 09:21 PM Parent: #1
دي يا ناذر : ياها الاسئلة المفصلية في مسار تطور الموسيقى و الغناء السوداني .. و اسئلة تانية اخريات ننظما و نطرحا تباعا .. اصلو دا هدف البوست طرح الاسئلة الكبيرة .. يا ريت نقدر نطرحا صاح !
" لانو الحكماء بقولو طرح السؤال الصاح هو نصف الاجابة ! "
كيف جماعة الكوكب الفضى و الصولفيج السودانى البسيط الاول قدروا يكسروا اسنة رماح المقام السباعي المتسلل قديما من البوابة الشمالية و حديثا مع جيش الفتح .. وكيف قدرو يفتحو الباب لنهضة و مسار المقام الخماسى في لونو السودانى !
تلك كانت واحدة من معارك الهوية السودانية !
" لكن كيف السلم السباعى قعد في مزيكة غرب السودان ! شوفو غنا عبد القادر سالم : الزول اب فاطرا صب .. مكانو جوه القلب ! "
الاجابة تدقيقا هي تخصص ناس الميوزكولوجى و الدارسين النقد الموسيقى - الفني - الغنائي
نحنا ابلغ ما نبلغو يا ناذر هو إننا نطرح الافتراضات و نعمل المقاربات من مواقع علم التاريخ الاجتماعى و المدخل السوسيو - ثقافي السوداني
.. بنعمل في حاجة اسمها : ( المرشد لفهم تاريخ و مسار تطور الغناء السودانى ) ..
مبدئيا حنوصلو ل د. الفاتح الطاهر ، عوض بابكر , و وردي ، و الموصلي .. و آخريين ممكن تقترحوهم علينا بنديهم اسئلة المرشد و اشرطة تسجيل و ممكن حجار بطارية افريدى ابو كديس او تكاليف كرت الجمرة الخبيثة !!
زي مرشد الراحل بروفسور عبد الله الطيب !
تصورو عبد الله الطيب في اربعينات القرن الماضى اقنع مراقب الاذاعة السودانى انو يخلي عثمان الشفيع يغنى رائعة ود القرشي ( وطن الجدود نفديك بالارواح نجود )
قال ليهو ما تخاف من ناس القلم السرى و يوم البث المباشر (اصلا ما كان في اجهزة تسجيل في الاذاعة وقتها) اقعد في البيت و اعمل عيان ! قال ليهو في اللحظة دى من تاريخ الوطن الشعب محتاج لنوع الغنا دا !
و صدق حس عبد الله الطيب السياسي : الناس كلما تسمع الشفيع في مسرح السينما بتطلع شايلاهو في الاعناق و بتهتف و راهو بعد الاغنية يسقط الاستعمار ..
" تغشاك الرحمة و افضال الوطن و دعوات الغبش المجاذيب القائمة مدى الليل يا عبد الله الطيب "
بنرجع اكيد لمقاربة التحول من السباعى للخماسى و المأثرة الاولى اللي عملا السر عبد الله لمن دوزن قبل العود الكمنجة الاروبية - المصرية علي نحو سودانى
شعارنا كلام ود البادية : أي سكة نواصلا .. لما بكرة نحصلا
Post: #743 Title: Re: د / أحمد طراوة ___ فى ندوة عن تاريخ الغناء فى السودان . Author: أحمد طراوه Date: 12-18-2007, 07:18 AM Parent: #1
.. و لسه لا نزال بنحلق في سماوات المدرسة الاوركسترالية التانية !
.. بسوقنا في سماواتا السبعة مِسبار الغناء الجديد ، الغنا اللي زي فجرا أطل !
ابراهيم عوض ، واجد طريقو the Pathfinder !
.. بس بنحتاج برضو نلملم اطرافنا ! اصلا دي مدرسة قصتا طويلة ! دي مدرسة مواكب الريد القدام و الجُداد ! مدرسة الغناء للوطن الرعاني و البقضالي حاجة .. الوطن الما بسيبو و اروح لخواجة .. و برضها زى ما قال يحيي فضل الله مدرسة البنية الخايفة من نار الحروف ..
.. بنحتاج لخارطة طريق فنية نرسم بيها المسافات الزمنية لرموز ، و قوى ، و وسائل الفعل الاوركسترالي الفني !
.. وضوح المدى الزمني ياهو من وضوح الرؤية الكلية :
- في 1936 لغاية 1940 كان فضل المولي زنقار بغني باهازيج الجملة اللحنية الجديدة ، و علي ضرب ايقاع التم تم الجديد المُعدل
" ابو داؤد اليافع .. هاجر ليلا من سنكات من موقع شغلو كمحولجى في محطة ال قطر و حيث كان مواظب علي الانشاد و تدريب صوتو و ملكاتو في حولية السيدة الشريفة / مريم بت الحسن الكبير ، هاجر ليلا لسينما بربر علشان يسمع زنقار ، ويقول ليهو : اكتب لي رجاءا اغنية حبيبي غاب في موضع الجمال بلاقي ! إنها مجاهدات المدرسة التانية .. زى عثمان الشفيع لمن هاجر لدنقلا علشان يلاقى موظف الحكومة الشاعر مبارك المغربي و يقول ليهو : اكتب لي الباسم الفتان احييت خيالي !
- 1940 لغاية 1950 ... ظهر الحاج عبد الحميد يوسف ، و حسن عطية ، و احمد المصطفي ، و التجانى السيوفي ، و الفلاتية ، و عثمان حسين و التاج مصطفى ، و الكاشف .. تمددت الجملة اللحنية و طارت المزيكا في آفاق التعدد و اللونية .. و تبلورت إتجاهات الصراع و قواه التلاتة .. دا كلو جاب التطور و ولد قوى الدفع لفك الازمة الرابعة بتاعت الغنا :
" الاطار المنهجى التاريخى بتاعنا بقوم علي فكرة : مدرستان و اربعة أزمات ! ! "
- 1951 .. ظهر عثمان الشفيع ! عجيب ود الشفيع في تدفق مشاعرو الوطنية ! بعد كل حفل غنائي كان البوليس السري (ابو الجلابية المن فوقا الجاكتة) بسوقو قدام ادوارد عطية و بقية المحققين الانجليز ! كان اصيل برضو عثمان ! قال لخميس مقدم الجاي من مصر بالبنقز الغير مسارات الضرب الايقاعى : إنت بتنفع اكتر مع ولد جديد اسمو ابراهيم عوض ، غناهو راقص خفيف و بحتاج لبنقزك دا
- 1953 .. اجازت لجنة النصوص برضو صوت سيد خليفة بعد عودتو من مصر ، وصوت صلاح محمد عيسى ، وصوت ابراهيم عوض
- 1958 و بينما العاقب محمد الحسن اللي ظُُمئت روحو وحنت للتلاقي ببلور من علي تلك الصخرة البحرية في نهجو الغنائى الجديد اللي فيهو مسحة السلم السباعي المُوطن سودانيا .. كان الانفجار التاني لظاهرة ابوداؤد ! اصلهم ديل زى البراكين تهدأ ثم تثور ! دا الانفجار اللي صاحب عودة برعى من مصر في 1958 بعد ما خلص فترتو كموظف في السفارة السودانية ، و كطالب بمعهد فؤاد العالي .. ابوداؤد لاقي برعى في مصر ! سفرة ابوداؤد لمصر كانت صدفة عجيبة !
ديل ناس و لكونهم ظواهر موضوعية اصيلة : حياتم كانت ضرب من قانون الصدف اللي بتتحول لضرورات و توجهات جديدة كاملة !
.. الكاشف كان راكب مع ناس المريخ لرحلة مصر ، لاقى ابوداؤد في عطبرة قال ليهو نط في القطر معانا ! ابو داؤد قضى حياتو متنقلا و راكب المجهول ! في مصر مشوا هو و برعى لعبد المنعم عبد الحي و عملو اغنية ( بالله يا اهل الهوى ) ، و برضو لقو ورقة مقطوعة من مجلة واقعة في الارض فيها اغنية الشاعر المصري / احمد محمد ( همسات من ضمير الغيب تشجى مسمعى ) انبثقت بسببا ارهاصات ذلك التحالف الفنى الاسطوري و برزت في قلب سماء الفن السوداني ارقى الجُمل اللحنية و اشدها جاذبية ! وصدقت نبؤة مختار عباس اللي قالا لابوداؤد قبل سنينا عددا في بيت الدرديرى عمر كروم ! ودى ضمن حكاوى الزمن الجميل : قصة الناس البقطعوا جلابيتم في غنى ابو داؤد !
- 1957 كان وردى قاعد قدام لجنة النصوص : وردى محن و حير عبد الرحمن الخانجى ، و خاطر ابو بكر ... فقالو لعلي شمو عضو اللجنة : سوق الفنان العجيب دا معاك خلي بالك منو و ورينا لاحقا اصل الحكاية بتاعتو
- 1960 كان الكابلى و بعد ان رسخ ظهورو و لونيتو و مكانتو ، كان معتلي خشبة المسرح القومى السودانى و بغنى قدام عبد الناصر : للرفاق في البلاد الاسيوية و في الملايو و باندنق الفتية .. في اشد انواع الشعر السودانى فتنة و جمال حيث يصور تاج السر الحسن الدجى وهو يشرب ابهى الالوان من ضوء النجيمات البعيدة
- و في 1960 برضو ترسخت اقدام مهندس البريد و البرق صلاح مصطفي كمطرب و مُلحن ذو لونية خاصة ! بيت ناس صلاح ليهو علاقة قديمة باكورديون وهبة محمد سعيد .. صلاح صوتو منسوب الي دوائر الرومانسية الثورية لمن يصور الوضع اللي كان قبل انفجار اكتوبر 1964 و يقول : كانت ليالي طِوال .. ملاينة هم و نواح .. لكن إرادة الشعب .. و الشعب شعبِ كفاح .. فجت ضلام الليل عادت في احلي صباح ..
- 1961 .. تحول منشد المدائح و قارىء القران صلاح بن البادية الي فنان و ملحن ثابت الاقدام ! بصدح وبقول : إنت يا غرامى .. حبك السامى .. وحي الهامي .. جددت انغامي .. و بددت الآمي ..
_ في 1962 و في خضم مهرجان الفنون الشعبية بكل طابعو الوطني و ابعادو القومية ، و على خشبة المسرح القومى ظهر : الطيب عبد الله ، و محمد الامين ، و ابو عركى ، و صالح الضي ، و زكي عبد الكريم
- في 1963 ، ظهر العندليب المُغرد The Nightingale زيدان إبراهيم ، مدعوم بالحان ود الحاوي و احمد زاهر ! ظاهرة جديدة لا تخطئها العين .. ودي نفس الفترة اللي ظهر فيها حمد الريح ، ثنائي العاصمة و اللحو ..
_ لكن و بحسب نظرية البراكين التى ما تنفك تنفجر مجددا ، و علي صدى انفاس ثورة اكتوير و اجوائها الملهمة المفجرة للطاقات و في نهايات 1964 .. ضربت مدنى الخرطوم مجددا بنبال الفن الجميل .. وجابت تانى محمد الامين و ابو عركي راجعين وهم اشد اكتمالا : ود الامين بيحلف با بتسامة الحبيب و عيونو الجميلة و بيقول قلبي حآزرك ومن زمان سائل عليك .. و ابو عركي بصر إنو ما في قوة بتقدر تفرق بين حبايب إتلاقى شوقم .. ظاهرة فنية جديدة و إنعطافات جديدة في مسار الجملة اللحنية و مستقبل المزيكا السودانية !
- وفى 1967 --- 1968 ، برز في ساحة الحِراك الفنى الموسيقى السودانى ، وبحرو الذى لا يهدأ عثمان مصطفى ( با فاروتى ) السودان ، ومحمد ميرغنى بصوتو المتدفق دفئا و غناهو الفريد المستند علي الجملة اللحنية بتاعت حسن بابكر و العاقب محمد الحسن
... طيب وين شرحبيل ! ؟ زولنا الما بنبدلو !
.. دا للحق و فيما نرى ما ظهر في سنة معينة ! لانو في ظواهر إستُثنائية مدهشة بتكون عابرة للسنين و مستصحبة معاها المسافات الزمنية !
.. شرحبيل دا بنخليهو براهو ، بنخليهو قصدا .. زي ما قال شاعر الشكرية :
" أنا خليتك لإمتثال يا صحبي المتمم كيفي .. ابراهيم ثبات عقلي ودرقتى وسيفي .. مطمورة غلاي مونة خريفى و صيفى .. سُترة حالي في نفسى و نسايا و ضيفى .. " !!
عن مجاهدات شرحبيل ، و علي نور الجليل ، و كامل حسين ، و احمد دأوؤد و بقية أفراد الفرقة الماسية و طاقم الرقص المصاحب ليهم و اللي بيحكى عنهم شوقي بدرى بجزالة و محبة و المعية .. حنخلي باب كامل من ابواب السرد المنسوب لذلك الماضي الجميل و المستشرف لافاق المستقبل .. المستقبل اللي ما حصل يوم فقدنا الامل في خيرو و انبثاق فجرو ..
.. يا ود شيقوق إتشفع لينا عند هاشم يسلفنا مين في الاحبة اخلص و حبا ، ويدينا ليها بطريقة ناذر معفية لله و الرسول ...
Post: #744 Title: Re: د / أحمد طراوة ___ فى ندوة عن تاريخ الغناء فى السودان . Author: ناذر محمد الخليفة Date: 12-18-2007, 08:25 AM Parent: #1
وشعارنا :
Quote: كلام ود البادية : أي سكة نواصلا .. لما بكرة نحصلا
يديك العافية ..
Post: #745 Title: Re: د / أحمد طراوة ___ فى ندوة عن تاريخ الغناء فى السودان . Author: Osman Musa Date: 12-18-2007, 05:04 PM Parent: #744
الف مبروك اولاد الطيب شيقوق فى العيد عرسان وندوة الفناء بتنتقل الى بيت العرس تسجيل . وتصوير وشربوت نبارك لعمهم عبدالماجد محمد الحسن وعمهم ناذر الخليفة وعمهم د / أحمد طراوة وعمتم بت الشيخ / سميه طلحه وعمهم سيد الخيل البتجى فى اللفه د/ أحمد القرشى وعمهم سيد الحيشان التلاته المن ناسنا استاذ محمد المرتضى ود حامد وكل عام والدلاليك لى السماء السابع تحياتى
Post: #746 Title: Re: د / أحمد طراوة ___ فى ندوة عن تاريخ الغناء فى السودان . Author: أحمد طراوه Date: 12-19-2007, 00:21 AM Parent: #1
... الجنان في الدنيا .. و الليالي تدور ... اهي دي ليلة وجمعت بين حِسان و بدور
جانا الخبر شايلو نسام الصعيد ... !
خوالص التهاني لآل شيقوق ! مبروك للعرسان
سلامنا واجد لبت طلحة ...
Post: #747 Title: Re: د / أحمد طراوة ___ فى ندوة عن تاريخ الغناء فى السودان . Author: Muna Khugali Date: 12-19-2007, 01:17 AM Parent: #746
كل سنه وانتو طيبين والمنبر جميل بيكم..
Post: #748 Title: Re: د / أحمد طراوة ___ فى ندوة عن تاريخ الغناء فى السودان . Author: Osman Musa Date: 12-19-2007, 04:22 AM Parent: #747
بت خوجلى سلام شديد والعيد مبارك وكل عام وانتى بالف عافيه تحياتى
Post: #749 Title: Re: د / أحمد طراوة ___ فى ندوة عن تاريخ الغناء فى السودان . Author: Osman Musa Date: 12-19-2007, 05:33 AM Parent: #748
استاذ ناذر الخليفة العيد مبارك عليك وكل عام وانت وعموم الاهل بالف خير استمعت الى حسين شندى وفرفور .. توزيع لنج التقول حسين شندى دخل الكهرباء فى الدلوكة كما فعل أبو عبيده حسن فى الطمبور عليك الله لو سمح د/ طراوة نزل لينا الأغنية _ البتقول .. غنى يا بنيه .. فوق الولد الشكرو ما شويا الخيل قلبن .. والسيوف طايفا وغير الاصم .. عيونى ما شايفا غنى يا بنيه الأغنية دى يا ناذر بالتوزيع الجديد بعد سمعتها كنت عايز اعوم ال ATLANTIC OCEAN وما اركز الا فى مشرع شندى أستاذ ناذر خلى بالك ايام العيد بتكون فى برامج جميلة .. تحياتى
Post: #750 Title: Re: د / أحمد طراوة ___ فى ندوة عن تاريخ الغناء فى السودان . Author: Ahmed al Qurashi Date: 12-19-2007, 10:37 AM Parent: #749
الاعزاء عثمان موسى واحمد طراوة
كل سنة وانتم بخير وعيد مبارك عليكم وعلى جميع القراء وليستمر هذا العطاء الجميل فى هذا البوست
Post: #751 Title: Re: د / أحمد طراوة ___ فى ندوة عن تاريخ الغناء فى السودان . Author: حيدر حسن ميرغني Date: 12-19-2007, 11:01 AM Parent: #750
زمان علي المساح قال : شوفتك زي هلال العيد وفيهو أعايّد !
.. ابراهيم عوض مشى للعيد ذاتو و قال :
.. يا عيد تعود يا عيد .. بالخير علينا جديد !
.. كلمات بسيطة لكنها بتحمل دلالات التمسك بالحياة ودوران الحياة ، دلالات الامل المشروع و التغنى للدنيا الجديدة اللي حسوا بيها السودانين بعد الاستقلال مباشرة !
.. كان غنا ابراهيم بضرب في ذات الاتجاه المتحرك فيهو عقل و مشاعر الجماهير : الدنيا مُنى و احلام ... يا سلام !
.. وبقى ملهم لحركة الشباب الواعد المتطلع ليوم بكرة بعيون ملؤها الحرية و الكرامة و عِزة النفس :
" نفسك أبية و روحك لطيفة و فيك جأذبية ! فيك جاذبية و روح من رقة الازهار "
.. و كانت الدعوة و الرسالة الجديدة اوضح ما تكون في كلام سيف الدسوقى ، واداء ابراهيم القائم علي الالتياع وقوة النداء :
" نحنا قلب الدنيا ديا . . . ونحنا عِز الدنيا بينا .. بنقطع الليل المُخيم و نمشى في القفر اليباب .. و صرنا للناس رمز طيبة . . وكنا عنوان للشباب ..
و المزيكا السودانية بظهور ود الحاوى في عوالم ابراهيم الغنائية ، المزيكا نطت بالزانة في حقول الرشاقة الفنية !
يعنى بالله شوفو اللزمة الموسيقة اللي بعملا ود الحاوى بصولو الاكورديون في ذات اغنية المصير ! اللزمة اللي بتجى مباشرة بعد ما ابراهيم عوض يقول : بنجرى من خلف السراب ..
دي لزمة موسيقية خلتنا نقول من قبل : فعلا ود الحاوى بعز السودان و ناس السودان و بعز وهبة محمد سعيد ، و اكورديون وهبة محمد سعيد ( الاكورديون الاول القديم .. ابو زراير ، رقيق الحال )
Post: #754 Title: Re: د / أحمد طراوة ___ فى ندوة عن تاريخ الغناء فى السودان . Author: حيدر حسن ميرغني Date: 12-19-2007, 04:29 PM Parent: #753
Post: #755 Title: Re: د / أحمد طراوة ___ فى ندوة عن تاريخ الغناء فى السودان . Author: أحمد طراوه Date: 12-19-2007, 05:19 PM Parent: #1
... يا سلام يا حيدر ! يا سلام تانى و تالت .. للغنية بنعود ، ليها بنعود .. و تاني بنعود و عند الاصيل لازم نعود
عثمان موسى ، يا سيد الدار ... بالله ذكر بكرى ينقل لينا البوست الي الامام ضمن باقى بوستاتك المنتقاة ، و ضمن حركة الارشفة و التنظيم في المنبر ، لا نزال في مربع واحد بالنسبة للمدرسة الاوركسترالية التانية
Post: #756 Title: Re: د / أحمد طراوة ___ فى ندوة عن تاريخ الغناء فى السودان . Author: Osman Musa Date: 12-19-2007, 10:21 PM Parent: #755
الأخوان أحمد طراوة وناذر الخليفة ومعاوية ومحمد عثمان وعموم الأهل بالسودان عيد مبارك ..
بوست تاريخ الغناء فى السودان هو بوستى الوحيد الذى ارجو أن ينقل مع شكرى الشديد لمجهوداتكم العظيمة وكل عام وانتم بالف خير
Post: #757 Title: Re: د / أحمد طراوة ___ فى ندوة عن تاريخ الغناء فى السودان . Author: Osman Musa Date: 12-20-2007, 08:53 PM Parent: #756
نترحم على كل من رحل عنا والعام 2007 ينطوى . ___ اتمنا من رب العرش العظيم أن يكون العام 2008 عام خير وسلام على السودان الحبيب عام يتعافى فيه الجميع يتصالح فيه الكل يعم فيه العدل _ تتوقف فيه الحروب _ يتفق فيه الجميع على بنا سودان جديد قوى موحد ___ واتمنا بعون الله ومساعدة الشباب أن يتابع د/ أحمد طراوة السير فى شعاب تاريخ الغناء السودانى . ثم العربى . والأفريقى والعالمى اتمنا التوفيق فى عمل شىء يجد القبول . وسودانيز أون لاين الان تتمدد فى كل مكان .
Post: #758 Title: Re: د / أحمد طراوة ___ فى ندوة عن تاريخ الغناء فى السودان . Author: أحمد طراوه Date: 12-21-2007, 00:27 AM Parent: #1
.. عبر نافذة تاريخنا المجيد ، ونحن نتفيا ظلال المدرسة التانية للغناء السوداني ... تأخذنا معانى و مقتضيات التقدير و الوفاء ..
.. ننظر الي ذلك الماضى المشرق ، ونهدى كل الق و جمال و انتصارات الاوركسترالية السودانية ...
... نهديها الي روح من قدموا بلا مّن او أذى ! ثم رحلوا في هدؤ دون مغنم او صيت ذائع ! الي :
- اولاد التومة ( حمزة و الياس ) ، وهما يؤسسان مبكرا اول ورشة امدرمانية للغناء ، نهل منها كرومة التدريب و تجويد الالحان و فنون الغناء و آصرة العمل الجماعى
- الي روح عبد الرحمن حمامتى ، محمد سعيد راس البيت ، و عثمان ضربا ، و عبد الله ود الصبر ، و بشير الحلاق ، و محمد دنقِية ، و مؤذن الجامع الجسور المستنير ذو النون المبارك .. كلهم كانوا شيالين نجباء مخلصين خلف كرومة !
.. شالوا معه الغناء فنا جميلا و مسؤلية وطنية كاملة .. شالوا معه هم تلك المرحلة الحساسة ... شمعة ضواية سقوها الحرص و المثابرة فصارت شمعة الغناء الوقادة اللي ضوها ما فتر ...
نجدد تهانى العيد للجميع .. و لا ننفك نتحرك في مربع الاوركسترالية السودانية الاول
Post: #759 Title: Re: د / أحمد طراوة ___ فى ندوة عن تاريخ الغناء فى السودان . Author: Osman Musa Date: 12-21-2007, 07:53 PM Parent: #758
د / أحمد طراوة __ فى ندوة عن تاريخ الغناء فى السودان . _______________________________________________________ نتابع
Post: #760 Title: Re: د / أحمد طراوة ___ فى ندوة عن تاريخ الغناء فى السودان . Author: Moawia Mohammed Date: 12-22-2007, 02:29 AM Parent: #1
أنساني - عثمان الشفيع
Post: #762 Title: Re: د / أحمد طراوة ___ فى ندوة عن تاريخ الغناء فى السودان . Author: Osman Musa Date: 12-22-2007, 04:25 AM Parent: #760
نتقاسم مرار البين ... أنا واياك __ الله ينصر دينك الله يرحمك _ غدا نصبح .. حطام اشواق عثمان الشفيع صوت مفتوح كالنهر الف شكر أخ معاويه والعيد مبارك عليك ودى عيديه جد كاربه ..
Post: #761 Title: Re: د / أحمد طراوة ___ فى ندوة عن تاريخ الغناء فى السودان . Author: Moawia Mohammed Date: 12-22-2007, 03:10 AM Parent: #1
أنا بطراكي - عبد القادر سالم
Post: #763 Title: Re: د / أحمد طراوة ___ فى ندوة عن تاريخ الغناء فى السودان . Author: أحمد طراوه Date: 12-22-2007, 10:41 AM Parent: #1
.. عودة معاوية
.. نازلا بعطائه الجزيل من جُرح الغناء الجميل و تفاصيل الحِراك الاوركسترالي السودانى ..
سعيدين لا نزال بوجود ناذر معنا في ذات خندق صراع الهوية و نهضة و مآلات المقام الخماسى السودانى .. و نفتقد بحق جراب الاغانى محمد عثمان .. بنحسب ليهو في ايام شهر الغياب زى حساب الناس الزارعين علف ابو سبعين ..
.. أنه برعي في مسيرة تاصيل الخماسى علي نحو سودانى فريد !
" كان برعى واحدا من اشد قوى الدفع الموسيقى - الاوركسترالي مضاءا و فعالية "
.. لو قِليب فراكِ .. انا بطراكِ .. يا قِمير في سماكِ ! حافلة بالاسرار و ما تنفك تطرح الاسئلة الحساسة الدقيقة ، تلك هي تجربة عبد القادر سالم و أبا .. !
.. عبقرية توطين المقام السباعي من فوق ضربة المردوم !!
كيف إنسرب المقام السباعى ، وكيف استقر و تمكن في ديار غرب السودان !! ؟
Post: #764 Title: Re: د / أحمد طراوة ___ فى ندوة عن تاريخ الغناء فى السودان . Author: Moawia Mohammed Date: 12-22-2007, 02:12 PM Parent: #1
UP
Post: #765 Title: Re: د / أحمد طراوة ___ فى ندوة عن تاريخ الغناء فى السودان . Author: أحمد طراوه Date: 12-22-2007, 08:26 PM Parent: #1
... و في برضو سلم سداسي في غنا غرب السودان المموسق ! ؟
الغنا الوثيق الصلة بالناي ، و الرباب / الكيسر ، و ام كيكي و تغريبة ابوزيد الهلالي ! غنا السيرة الهلالية البشبه الغنا و المزيكا في مناطق القرن الافريقي ..
و اصلا ببداهة انبثاق الظواهر و نشؤ المتغيرات .. فإن المقام الخماسي السوداني لمن كسر في ساحات النيل الشمالي شوكة النهاوند و البياتى العروبي و فرز خطو و خصايصو من درب السلم الموسيقى الكبير الكامل اللي جابوه الانجليز .. كان ذلك هو اعلان لانتصار الخماسي السوداني ، إنتصار بس غير شامل لنمطو و هيمنتو علي بقية الانماط و تعايشو معاها جنبا الي جنب ! انتصار بمثابة إعلان اتجاه و بروز هيمنة و ليس إلغاء و إقصاء للآخر :
" انتصار و تجاوز علي قاعدة مقولة الفلسفة اللي اسمها : نفي النفي "
.. بنحتاج و من خلال مسيرة جماعة الصولفيج الكردفانى ناس المنصورى و أبا و عبد القادر سالم نفهم و نمسك بخيوط تاريخ المقام السباعى في ديار عيال اب جويل اللي بقول عنهم ود الامين :
" ... الكمبلو و عرضو .. و ضربو الجوز عديل حاشا ما ضلو ..
فعلا ما ضلو لانو غنا عبد القادر سالم المازج فيهو المقام السباعي مع ضربة ايقاع المردوم هو غنا بلامس شقاف القلب و الوجدان السودانى اللي ما إنفك يتشكل و يتبلور في إتجاه وحدة المشروع القومى الشامل
ود الامين لمن عمل اغنية مراكب الشوق قال : دي أغنية تؤكد انو لدينا القدرة على استخدام السلم الموسيقي الكامل مع المحافظة علي نكهة موسيقانا و لونا السودانى الفريد !
.. البسمع برضو اغنية حروف إسمك بميزا سريعا علي نحو سودانى اصيل من مزيكة اروبا و مصر رغم إنها معمولة زيهم في سلم كامل !
.. مدد يا موصلي ! بنشكر الموصلي الما جار او تجنا و اللي احبابو غنا !
.. لمن نعجز امام دقائق علم المزيكا بنقول واا موصلاه ، بنضرب ليوسف علي الكود 831 .. و ياسلام علي ونسة المزيكا
.. بنفتح حاليا في جسور تواصل مع د. علي نور الجليل في لندن ! دا من اصحاب الهم القديم ، من زمن كانوا فنانين متجولين بالعجلة الرالي هو و شرحبيل ..
.. و بسبب القضايا الواردة اعلاه و زخم الاسئلة الدقيقة الحساسة حول الغنا و المزيكا السودانية ، علي نور الجليل قرر يتفرغ للميوزكولوجي حينا من الدهر ..
Post: #766 Title: Re: د / أحمد طراوة ___ فى ندوة عن تاريخ الغناء فى السودان . Author: Osman Musa Date: 12-23-2007, 08:00 PM Parent: #765
ونحنا اليوم .. ورود بتفوح غدا نصبح .. حطام اشواق شن بتقول يا استاذ الموصلى فى الأغنية دى ؟ ينصر دينك يا استاذ الشفيع ..
Post: #767 Title: Re: د / أحمد طراوة ___ فى ندوة عن تاريخ الغناء فى السودان . Author: Osman Musa Date: 12-23-2007, 10:23 PM Parent: #766
أخ معاويه الف حمد الله على سلامتك وعيد مبارك والسنه العلينا دى عريس _ الف شكر على النشاط بعد الرحول المتعب تحياتى ___ أخ ناذر الخليفة سلامات احاول التواصل _ لكن ايميلك معصلج وحارن _ ارجو ارسال تلفونك على الفاكس بتاعى ( 3999 379 703 ) _ دايرين تسجيلات دلاليك كاربه دايرين صقريه وعرضه تكون ليها عجاجه دلاليك حاره تمرقنا من تلج البلد دى _ شايف صاحبك حسين شندى بحرو طامح . تحياتى ..
Post: #768 Title: Re: د / أحمد طراوة ___ فى ندوة عن تاريخ الغناء فى السودان . Author: أحمد طراوه Date: 12-24-2007, 07:36 PM Parent: #1
.. اسرار التحولات الحاسمة في المقام الموسيقى و رسوخ نهج السلم الخماسى السودانى ! دي لا تزال قضية لمزيد من التدقيق و الفهم
.. و نواصل رصد وحصر ورش الغناء الفنى ! كانت بتمثل مجهود الحركة الاجتماعية - الفنية - الوطنية ، كانت صنو المنتديات الادبية اللي جابت مؤتمر الخريجين و الحركة الوطنية السياسية ( كلها مثلت الارهاصات الاولي لمؤسسات المجتمع المدني السودانى ! المجتمع السابق دايما الدولة السودانية )
.. قوى الفعل الاوركسترالي : تاريخ دخول الالات و رسوخا في مسار الموسيقا السودانية
- جوغان واصل رسالة الاكورديون بتاعت وهبة و سلمو للباقين
- محمد آدم أدهم عِرف الفلوت و سلمو لناس عثمان حامد ، ومحمد النور بلة ، و سعدابي عمر
- محمد احمد ابو شنب و عثمان حاكم : كانو اساتذة في ضرب الطبلة بكل اثرا الايقاعى علي مسيرة الغناء ! و خميس جوهر و خميس مقدم جعلو للبنقز دور تحويلي رائد لمن دخلو فبهو العين الرابعة ! شوفو بنقز خميس البكمل المقدمة الموسيقية لاغنية عزيز دنيايا
- ساكسفون محمود عثمان القديم ، تحول الي اضافة اوركسترالية عالية المقام في الغناء الاحق . . شوفو دور الساكسفون عند بادى محمد الطيب وهو بعيد اوركستراليا توزيع اغنية نظرة يا السمحة ام عجن
" السودان اشراقة جديدة .. في افريقيا و بسمة سعيدة !
هكذا تغنى ابراهيم عوض بعد اعلان الاستقلال ، ودا كان احساس كل الحركة الفنية - الغنائية و إحساس كل الشعب "
.. و نرصد لزاما ازمة الهارموني في الغنا السودانى اللي حسا بيها كرومة ، و انتبه ليها علميا د. الفاتح الطاهر و مكي سيد احمد و تصدى ليها عثمان حسين ، و وردي و محمد الامين ، بل و التاج مصطفى مبكرا لمن لحن الملهمة و مشى لحن للكاشف حبيبي اكتب لي و انا اكتب ليك ، بزخم موسيقي جديد فوق العادة
Post: #769 Title: Re: د / أحمد طراوة ___ فى ندوة عن تاريخ الغناء فى السودان . Author: احمد الامين احمد Date: 12-25-2007, 00:45 AM Parent: #768
د. طراوه والفريق العامل تحيه ما زلت من المتابعين ولاحظت ان الدكتور طراوه بدأ يحفر غريق جدا بدخول برعى وابراهيم عوض والكاشف لكن يهمنى كثيرا الاشاره الى اغنيه ابراهيم عوض " ياجمال دنيانا "كلماتها للزابط الكبير عبد المنعم عبدالحى وتمت كتباتهابحضور ابوخليل وبرعى ملحنها فى قهوه الخواجه "متاتيا" بالقاهره فى النصف الثانى من الخمسينات وهى فعلا لونيه فارقه فى مسيره ابراهيم عوض بالتالى ضرورى ابعادها عن دائره ود الريح وسطوته الجميله على فن ابراهيم عوض " كتب ود الريح لابراهيم عوض ولحن21 اغنيه لايتسع وقتى الان لسردها" ثم الذى انزل رابط اغنيه " انسانى" للشفيع لحن برعى وفق قمه التوفيق لانها كذلك للشاعر عبدالمنعم عبدالحى ومن ذات الفتره بتاعه " ياجمال دنيانا" وضمن تلك الفتره اى النصف الثانى من الخمسينات لحن برعى حوالى عشره اغنيات لعبدالمنعم عبدالحى غناها الشفيع منها ايامنا اسمر يا سميرى وغيرها لكنى سمعت الشفيع فى حوار قديم مع معاويه يس يذكر ان اغنيه "البلبل صداح" التى تم ذكرها فى مداخله سابقه منسوبه للحن برعى انها من كلمات ولحن ود الريح .... على عجله اشار طراوه فى حديثه عن شله بيت ناس سوميت بالمورده الى شخص غامض اسمه يوسف عبد العزيز شقيق الشاعر سيد ولاعب فريق الهلال فى الخمسينات قبله اشار طراوه كذلك الى امنيته فى انزال اغنيه الكاشف "فى الشاطى طاب لينا السمر وحبيبى قال ضوء القمر بكشفنا" فى هذا السياق اشار عبدالعزيز داؤد ان يوسف عبدالعزيز هذا هو ملحن هذه الاغنيه وانه اى عبد العزيز شاهد على ذلك عبر حضوره جل بروفاتها بدار سوميت لكنه حزين جدا لان الكاشف لم يغنيها كثيرا ويسجلها للاذاعه رسميا ولقد غناها عبدالعزيز بمصاحبه عود برعى فى حلقات كتاب الفن لابى العزائم ...... الاشاره الى ان الكاشف هو ملحن اغنيات المساح بمدنى قبل حضوره العاصمه تعيدنى الى حوار قديم جدا 1963 اجراه المبارك ابراهيم مع المواطن كما اسماه على المساح فذكر ان الشبلى مغنى مدنى الاول هو الذى لحن كل تلك الاغنيات التى جاءبها الكاشف من مدنى وكتبها المساح علما ان الكاشف كان شيالا مع الشبلى هذا الذى طواه النسيان ولم تسجل اغنياته بالاذاعه رغم انه غنى بها liveبمبادره من الكمنجست الكبير بدر التهامى ابن مدنى وصديق الكاشف وجيله ولى عوده ان شاء الى الكاشف بعد وصوله الخرطوم ومعانقته لدرر عبيد وسيد والسر قدور وغيرهم واتمنى ان يواصل الدكتور طراوه حفره العميق فى هذا المجال
Post: #770 Title: Re: د / أحمد طراوة ___ فى ندوة عن تاريخ الغناء فى السودان . Author: أحمد طراوه Date: 12-25-2007, 05:25 AM Parent: #1
.. دمت يا احمد الامين .. و جزيل الشكر كونك بتقرأ البوست بعيون الحرص ، ونحنا حنواصل نغرِق لمن نلاقي عين الموية
.. بقترح ما يلي :
- نحاول نرصد و نميز كل شعر عبد المنعم عبد الحي الغنائي و نحاول نفهم اسرار و تاريخ تواجد تلك المجموعة من الضباط السودانين في مصر في تلك الحقب من تاريخ العلاقات المصرية - السودانية ، خاصة اللي ارتبطو هم او آبائهم بجيش السودان في مصر تحت مظلة الكوندومنيوم - الاستعماري المصري الانجليزي
- نعم ! نتابع نشأة مسيرة الكاشف و ملامح تشكلو الفني - الغنائى في مدني .. نعيد سبر اغوار ظاهرة الكاشف في علاقتو كشيال علي نهج المدرسة الاولي بتاعت سرور خلف الشبلي ، و إعجابو بطريقة غناء عثمان فرفشة الحديثة نسبيا ! و نحاول نكتشف اسرار نزعة المزيكا و الاوركسترالية جوة الكاشف !
تعرف يا احمد ، إضافة ل كتاب الفن و سحارة الكاشف بتاع ابو العزايم مهم برضو توثيق (عشرية) راصد الحركة الفنية - الاجتماعية لمدني السني و مدني كمركز اقتصادى - تجاري جديد بتمدد و ينمو في وثيق الصلة بالخرطوم
Post: #771 Title: Re: د / أحمد طراوة ___ فى ندوة عن تاريخ الغناء فى السودان . Author: أحمد طراوه Date: 12-25-2007, 05:45 AM Parent: #1
.. ونقتبس من بوست نآذر - الموصلي إشارات كتبناها هناك كمدخل لرصد قوى الفعل الاوركسترالي السوداني و مقاربة ازمة الهارموني و القالب الفنى في الغناء و الموسيقى بتاعتنا :
كرومة كان شديد الاصرار علي إدخال البيانو في الغناء السودانى لمن جاء يلحن ( دمعة الشوق ) ! خليل فرح كان عمل بيهو مقدمة عازة في هواك المستوحاة من ميلوديا مارش ود الشريف
لكن الكان عجيب بحق زول اسمو موسى محمد ابراهيم !
.. موسى بعرفو الموصلي كويس .. أصلا موسى جاء لعالم الاوركسترالية السودانية من موسيقى قوة دفاع السودان !
.. عزف الفلوت ، و البيكلو و البيانو منذ الاربعينات .. و حافظ علي عزف الاكورديون بنهج وهبة و محمد كوجان ، لغاية ما سلم مدرسة الاكورديون السودانية ( تامة لامة ) لقبانى ، و ود الحاوي ، و أكرت
عبقرية موسى محمد ابراهيم بتتضح في لحنو لاغنية ماضى الذكريات ( موتسارت لاقى بافاروتي .. موسى لاقى عثمان )
.. و بلغة شارع الليلة ( حديد لاقى حديد )
في ماضى الذكريات الارتجال بلغ قمتو ! و الكاونتر بوينت السودانى بدأ يشق طريقو .. و بالله يا ناذر ما تخلي الموصلي لغاية ما نشرب من خمرة عِلمو كؤوس الاندرينا
أذن بنحتاج نسمع ود الامين في اغنية ( وحياة ابتسامتك ) اللي كتبا محمد علي جبارة ! هناك فن الارتجال اللحنى - السوداني بالعود ببلغ شأوا عظيما
.. و لنسمع ايضا محمدية و عربي بمارسو زهو و تفانين الارتجال اللحنى - السوداني بالكمنجة في اغنية ( انا و النجم و المساء ) عثمان حسين / بازرعة .. كان ذلك إحدى لقاءات السحب السودانية
Post: #772 Title: Re: د / أحمد طراوة ___ فى ندوة عن تاريخ الغناء فى السودان . Author: Masoud Date: 12-25-2007, 05:58 AM Parent: #1
شكرا يا دكتور طراوة علي هذا الدرس التاريخي الراقص..و الله هذا أبدع ما قيل عن تاريخنا الموسيقي .. يجب أن يخرج هذا في كتاب مقروء و مسموع و مشاهد للجيمع و عندك فريق الانتاج جاهز كما وضح في هذا الدرس الجميل الذي أرجو أن لا ينتهي!!!
Post: #773 Title: Re: د / أحمد طراوة ___ فى ندوة عن تاريخ الغناء فى السودان . Author: Moawia Mohammed Date: 12-25-2007, 09:44 AM Parent: #1
وحياة ابتسامتك - محمد الأمين كلمات : محمد علي جبارة
Post: #774 Title: Re: د / أحمد طراوة ___ فى ندوة عن تاريخ الغناء فى السودان . Author: Moawia Mohammed Date: 12-25-2007, 09:57 AM Parent: #1
أنا و النجم و المساء - عثمان حسين كلمات : حسين بازرعة
Post: #775 Title: Re: د / أحمد طراوة ___ فى ندوة عن تاريخ الغناء فى السودان . Author: Moawia Mohammed Date: 12-25-2007, 10:07 AM Parent: #1
في الشاطئ طاب لينا السمر - ابراهيم الكاشف
Post: #776 Title: Re: د / أحمد طراوة ___ فى ندوة عن تاريخ الغناء فى السودان . Author: أحمد طراوه Date: 12-25-2007, 11:45 AM Parent: #1
.. شكرا يا مسعود
.. نحنا سعيدين كونك معانا في بوست تاريخ الغنا ، حركة الغنا ، مدارس الغنا ، ازمات الغنا و مآلات و مصير الغنا
.. و معاوية بخفقة جناح فراش القاش ، جاب لينا وحياة ابتسامتك ، و معاها انا و النجم و المساء ، و كمان اغنية الكاشف البقول فيها :
" الكون هِدأ .. و نامو العِدأ .. و انا مالي و مالي و مال كدا "
.. دا الغنا اللي اتعمل في ورشة برى !
الشعر الجميل دا بتاع سيد عبد العزيز ، و فكرة اللحن بتاعت الكاشف ، و تفاصيل اللحن كان مجهود يوسف عبد العزيز اخو سيد .. و قعا علي شريعة الخماسى السودانى لحنا جميلا حسن عمر سوميت بعودو الساحر الآسر
1950 ----- 1955 عثمان الشفيع معاهو ود القرشى بفتحو في طريق جديد للكلمة و اللحن و ادب العشق المترع بالشفافية :
" يقصيك مغنطيسو و بعاطفة بتحس .. و يوريك بعيونو لفتات الجدى .. دا البروح تفتدى .. "
Post: #777 Title: Re: د / أحمد طراوة ___ فى ندوة عن تاريخ الغناء فى السودان . Author: Moawia Mohammed Date: 12-25-2007, 05:17 PM Parent: #1
UP
Post: #778 Title: Re: د / أحمد طراوة ___ فى ندوة عن تاريخ الغناء فى السودان . Author: Osman Musa Date: 12-25-2007, 06:18 PM Parent: #777
استاذ احمد الامين احمد عيد مبارك الف شكر ونحتاجك أخى العزيز .. طبعن يا أخ احمد عارف انو صاحبك احمد طراوة اول ما جا امريكا كان اشتغل فى شركة شيفرون فى مجال الحفر هناك فى كلفورنيا الرجل استفاد عرف كيف يتابع العيون والمنابع وعروق الذهب . وبفلاحة اولاد امدرمان عرف كيف يكون الحفر والى اى عمق ... اهو يتابع الحفر .. نحتاجك . الف شكر أخى العزيز
Post: #779 Title: Re: د / أحمد طراوة ___ فى ندوة عن تاريخ الغناء فى السودان . Author: Moawia Mohammed Date: 12-25-2007, 11:02 PM Parent: #1
UP
Post: #780 Title: Re: د / أحمد طراوة ___ فى ندوة عن تاريخ الغناء فى السودان . Author: أحمد طراوه Date: 12-25-2007, 11:36 PM Parent: #1
و من بوست ناذر و الموصلي و حمزة سليمان بنستلف ما كتبناه هنالك ..
.. شعارنا معاهم قولة الراحل عوض دكام : الدين للكتوف و الاصل معروف ..
و الاصل ياهو السودان ! السودان الافريقى و ما زي كينيا و زائير .. السودان العربى و ما زى السعودية و العراق
بقول حمزة سليمان :
اتقف معك فى الارتجال عند موسيقييننا لكن الارتجال عند الاستاذ الموصلى هو الارتجال الواعى الذى يمكن منه معرفة موازيرية الاغنية ومعرفة سلم الاغنية فى وضوح تام ومعرفة اساسيات الانتقال اثناء سير الاغنية لذلك الاستاذ الموصلى هو من الذين يعلمون الصنعة التى صادفت موهبة فيه حقة ومتينة ....اما بخصوص العود وانه ما اله اروكسترالية بقف عندها شوية وهى اساسا ما اله غربية ليصنفها الغرب ضمن الات الاوركسترا لذلك كان يمكن ان يكون شانها شان الايقاعات المحلية فى العالم الثالث التى اطلق ععليها الغرب مصطلح( الايقاعات الغريبة )لان هذه الايقات لم تكن فى وجدان الغرب فهى ايقاعات ذات خصوصية محلية لكل بيئة ولكل شعب ( مثل ايقاع الدليب الذى هو اصلا ما سودانى ) وهو ايقاع هندى اسمو النواخت وزمنة سبعة من تمانية وهذه الاشكال الايقاعية لم تكن موجودة ضمن السياق الايقاعى الغربى لذلك اطلق عليها اسم الايقاعات الغريبة ولو لم يكن لاله العود تراكمها النغمى المسموع من زمن بعيد لما اعترف بها واصبح يتطلع لها فى فضول طفولى لها فتجاوز العود التخت العربى ليكن ضمن الالات الاورسترالية فى ابتداع عربى واصبح يحاور الالات الغربية فى توزيع مهم للغاية كصوت تحتاجة الوتريات الغربية
التحية للاستاذ الموصلى وحقيقى من زمن بعيد كتبت بوست عن الاستاذ الموصلى وهو يستحق كل هذا الاهتمام من كل الموسيقين والمهتمين
... ( انتهى كلام حمزة المنقول من بوست نآذر )
.. و من احمد طراوه الي حمزة سليمان :
الموسيقي المطبوع حمزة سليمان
.. ناديتك يا حمزة بالخلفاء الاربعة ، ضاربي العود في السودان :
- ناديتك بعبد القادر سليمان و صحبو خليل فرح ، و صاحبو التاني البيه حسن عطية
- و ناديتك بحسن عمر سوميت .. ما سنجر العود المتجول آناء الثلا ثينات و الاربعينات من القرن الماضى .. و معاهو عوض فضل الله .. و الاتنين هم اول من ضرب العود خلف الكاشف . . و يوم غيابم الاتنين لظروف عابرة جلس برعى خلف الكاشف .. و يوم داك عرف برعى إنو حوبتو جات و زمانو بسم ، بالضبط لمن لقى روحو وسط الفرقة الماسية ناس خواض و حجازى و النقر
- و ناديتك كمان ببرعي ذات نفسو وهو بواصل في نهج عبد الرحمن الريح (عواد السودان الكبير ) برعى ورث من عبد الرحمن الريح الخصوصية و النكهة السودانية بتاعت الجملة اللحنية الطالعة من احشاء العود المدوزن خماسيا
- ثم ناديتك بوراث العود كاداة موسيقية سودانية تجاوزت التخت العربي القديم و بقت حسب قولك يا حمزة إحدى قوى الحوار الاوركسترالي ( رغم إنو العود و في نظر الغرب مبتدع الاوركسترالية ، ليس بآلة اوركسترالية )
.. ديل الوراث الشرعيين : يوسف الشيخ ، عثمان حسين ، التاج مصطفى ، محمد الامين الازيرق ، و الاستثنائي المتميز بلونيتو : بشير عباس وهو شايل عود الطليعية قريبتو بت الحلفاية العوادة اسماء حمزة ..
" .. المجد لسعدية العوادية ، و جداوية موسى ، و اسماء حمزة "
ناديتك بكل هؤلاء يا حمزة ،
.. ضرورة المواصلة في طرح و تناول هذه القضايا الحساسة و ثيقة الصلة بالميوزكولوجي السوداني و مسقبل الغناء و خصائص الغناء المموسق في الوطن العزيز ..
و سوف انقل مداخلتك الصغيرة بكل مؤشراتا الهامة الي بوست تاريخ الغناء ..
كيف العود تجاوز تاريخيا التخت العربي ؟ هل دا كان بسبب الوتر الخامس اللي اضافو زرياب لعود اسحق الموصلي ؟ !
.. وكيف العود صار في يد محمد الامين الازيرق ، إحدى قوى الحوار الاوركسترالي ! ؟
بل صار في يد برعى اشد قوى الدفع الاوركسترالي السوداني مضاءا و فعالية ؟ ! بل قائد الاوركسترا بقضها و قضيضها !
.. مش سيد مكاوى لمن يقعد وراء الست ام كلثوم بتتراجع حياءا كل الالات الموسيقية الاخرى و بقيف الزمن الموسيقى عن الدوران
خالص مودتي : احمد طراوه
Post: #781 Title: Re: د / أحمد طراوة ___ فى ندوة عن تاريخ الغناء فى السودان . Author: أحمد طراوه Date: 12-26-2007, 06:42 AM Parent: #1
.. في الشاطي طاب لينا السمر ! رائية سيد عبد العزيز
و معاها برضو اغنية ابو الروس : المقرن في الصباح
.. شغل الكاشف في ورشة بري مع ناس سوميت و بحضور ابوداؤد اللي كان وقتها بستمع و لسه بتلمس طريقو الجديد و بصقل في مواهبو وبقوم الصباح يمشى شغلو في مطبعة ماكوركوديل و يدور مطبعة الحجر
.. عشان كدا ابو داؤد بحب المقرن في الصباح !
.. و ياللروعة .. و جمال السودان و مقرن نيلينو ، لمن بشير عباس يصاحب ابوداؤد بالعود و بصفارة الفم وهو بيقول :
" شوف توتي يا المحبوب بدت .. كالطفلة باكية تنهدت .. حفاها ذاك النيل الشفوق .. و القمري سوا في نخيلا سُوق .. اما السواقي بدت تسوق ! "
.. و معاهم كمان اغنية قرشي محمد الحسن ( الفراش الحائر ) الملحنا عثمان حسين علي نحو جديد غريب فيهو المقدمة الموسيقية ودرجة اعلي من التوزيع و التكثيف الموسيقى و الهارمونى بمقاييس السلم الخماسى السودانى .. كانت نهضة الاوركسترالية السودانية
دا كلو حصل في نهاية الاربعينات و فجر الخمسينات من القرن السابق !
.. دا الخلا الناس حست فعلا إنو الغناء و المزيكا ماشين في درب جديد .. كان ذلك هو الاجتهاد و التجريب و الانتصارات علي يد الطلائع الفنية لجماعة الكوكب الفضى السودانى ..
رائية سيد عبد العزيز ياها الخلت السودانين يفارقو نونية بن زيدون و اشتراطات البحر الفراهيدى في نظم الشعر ، و خلتم يسلموا وجدانم للنهج السوداني الجديد الفريد في الشعِر الغنائى :
بقول سيد ..
" ونحنا جالسين في الضفاف في ليلنا داك نطق الوتر .. تيارو يعلو و ينخفض .. مع موجو كم سبحت فِكر .. ادخِل علي قلبي السرور و انثر على سمعى الدرر ! نشوانين من خمر الفنون السامية ما خمرة سكر ! "
.. يا معاوية :
زمان حسن عطية و عبد الرحمن الريح مشوا يهابشوا التم تم ماركة ام بشاير و بت العقاب ، دخلو في الورطة اللي ما طلعوا منها الا بتغيير الكلمة و اللحن جذريا !
.. نحنا مشينا نهابش ناس الميوزكولوجى ( حمزة و الموصلي ) .. و بقينا برضو في ورطة الدليب !!
.. الموصلي من محاضرة مونتري كان بقول للشوايقة ناس ياسيكو الدليب موجود قديما في اروبا و بغني بيهو الاغريقى (ياني) ! .. حمزة سليمان برضو قال :
" الدليب ماركة كومار موجود قديما في الهند و إسمو النواخت ! وزمنو ياهو ذاتو سبعة من تمانية "
" زمن ايقاع الدليب الحير الراحل جمعة جابر ! "
الحل يا معاوية تجيب لينا : جروح قلبي اللبت تبرأ بطريقة صديق احمد .. الفيها ضرب الدليب الحار المارق من الدُنب و الطبلة و الشتم !
علشان نتأمل غرابة الزمن الفالت مقاس سبعة من تمانية و اللي برضو بلامس شغاف القلب السودانى و بحرك قوى الفعل الاوركسترالي السوداني : قصدنا الدليب الحرك محمد وردى وهو بيعيد اوركستراليا توزيع ( الريلة ) كلام اسماعيل حسن و تعبيرو الاستثنائي وهو يحصى انفاس بت الشوايقة الجميلة :
" نِفيسِك شمعو جوة الفتيلة "
Post: #782 Title: Re: د / أحمد طراوة ___ فى ندوة عن تاريخ الغناء فى السودان . Author: Moawia Mohammed Date: 12-26-2007, 07:50 AM Parent: #1
المقرن في الصباح - ابراهيم الكاشف
Post: #783 Title: Re: د / أحمد طراوة ___ فى ندوة عن تاريخ الغناء فى السودان . Author: Moawia Mohammed Date: 12-26-2007, 07:53 AM Parent: #1
جروح قلبي - صديق أحمد
Post: #784 Title: Re: د / أحمد طراوة ___ فى ندوة عن تاريخ الغناء فى السودان . Author: Moawia Mohammed Date: 12-26-2007, 08:03 AM Parent: #1
الريلة - محمد وردي
Post: #785 Title: Re: د / أحمد طراوة ___ فى ندوة عن تاريخ الغناء فى السودان . Author: Osman Musa Date: 12-26-2007, 08:44 PM Parent: #784
الهميم معاويه سلامات وميرى كريسماس على كل ناس دنفر والمسالمه والغزالة التى تغنى بها عمك تحياتى وشكرى على النشاط انت رحلت جم جيم ؟ ايوه كده رص مداميك الغناء شد السقايل الدكتور الان فى الطابق التامن . الشكر لكل النفير الكريم ( وميرى كريسماس يا مسالمه ..
Post: #786 Title: Re: د / أحمد طراوة ___ فى ندوة عن تاريخ الغناء فى السودان . Author: أحمد طراوه Date: 12-27-2007, 00:32 AM Parent: #1
يا معاوية فِك ( الرِيلة ) .. فكها ترمح في تصاريف و ترانيم طمبور وردى الضارب باوتارو في عمق تاريخنا !
" تاريخ انسان كرمة الجاب النوبة البجاي و البهناك ! انسان كرمة الجاب بعانخى و الكنداكة و باقى خليط الليلة الافرو - عروبى "
خليها لوقو و شعار .. سمع و طرب
وبقينا داخل روضة غنا ! حِزم من تفانين الغناء الجميل المنسوب للمدرسة الاوركسترالية التانية
يا رزينة الامة السودانية : خلي عينيك الحنينة ترسم الفرح المهاجر في عيون امدرمان القديمة !
و قال ليك محمد علي جبارة : قلبي حآذركِ ومن زمان سائل عليك ..
ود الشفيع معاهو ود القرشى : الق تلك الخمسينات .. نعود و نواصل
Post: #787 Title: Re: د / أحمد طراوة ___ فى ندوة عن تاريخ الغناء فى السودان . Author: Moawia Mohammed Date: 12-27-2007, 11:28 AM Parent: #1
UP
Post: #788 Title: Re: د / أحمد طراوة ___ فى ندوة عن تاريخ الغناء فى السودان . Author: Osman Musa Date: 12-27-2007, 07:08 PM Parent: #787
استاذ محمد وردى قال وهو طالب فى الاوليه . تعلم الطمبور تعلم الطمبور على يد واحد منصورى من المناصير كان يبنى الجالوص وكان يعزف عزف جميل . العزف داك دخل راسى . طلبت منو يعلمنى العزف وتعلمت . اذكر ذاك الحديث فى سنه 1978 فى يوم العيد وردى فى التلفزيون . وبعدها وردى غنى حتى الطير رحل خلانى .. وقال انا معجب بتلك الاغانى واغنيها فى البيت واطرب لها .. التحية لوردى هرم الغناء السودانى الكبير ..
Post: #789 Title: Re: د / أحمد طراوة ___ فى ندوة عن تاريخ الغناء فى السودان . Author: أحمد طراوه Date: 12-28-2007, 00:19 AM Parent: #1
" شن تشبه بلا الداسنو في بطن المطامير ! "
.. كلام اسماعيل ود حد الزين !
موسقة وردى علي ضرب الدليب ! الدليب وثيق الصلة بمقامات الخماسى الصغيرة و الكبيرة
.. يا جمال و رونق المقدمة الموسيقية اللي بعملا وردى بالطمبور ! الطمبور : الحامل التاريخى القديم للخماسى السودانى !
بس دا كيف حصل تاريخيا ؟ ! الخماسى الطالع من الطمبور .. وكيف الطمبور بسلاسة جرى في يد اوهاج ، و شيخ حاج الماحي ، و اسماعيل الدقلاشى ، و دينق منسوب القبائل النيلية ، واولاد دار الفور و الحمر !
المقدمة الموسيقية جابا الكاشف .. و ابدع فيها مبكرا التاج مصطفى في ( الملهمة ) و بقى سيدا بعد داك عثمان حسين !
" دفع اوركسترالي لا بتراجع لا بساوم "
مدهشة المقدمة الموسيقية بصولو الاكورديون في شجن .. و برضو في عاهدتنى .. لكن ليه عثمان لحن عاهدتنى بمقام (فا) الكبير .. ! ؟
يا للهول ! قتلو منذ حين اشد النساء اقداما و شجاعة في امر الديمقرطية : بنازير بوتو ! الما كان ابوها بخيل ..
كلما قتلو او آذوا احد فرسان الحرية و التحول الديمقراطى بصيبنا نحنا خوف شديد علي الغناء و مستقبل الغناء ..
الي روح بنازير و الي كل رزينات المنبر بنهدى كلمات سيد عبد العزيز :
" يا صاحبة الإكليل .. ما أظنو النهار العين تدورلو دليل "
وبدأ ود القرشى مع ود الشفيع يفتتح في دروب لونية فريدة مُغايرة و يقول في اغرب انواع الكلام
" يال الرموش العكسن إعتدالي .. هل حور ام انسان ام شى خيالي "
كان سألت ناس شيقوق و ود حامد اصحاب بوست ( الحب في المنبر ) ، بقولو ليك : و الله شى خيالي يا محمد عوض الكريم القرشى
Post: #790 Title: Re: د / أحمد طراوة ___ فى ندوة عن تاريخ الغناء فى السودان . Author: Moawia Mohammed Date: 12-28-2007, 10:36 AM Parent: #1
فوق
Post: #791 Title: Re: د / أحمد طراوة ___ فى ندوة عن تاريخ الغناء فى السودان . Author: Osman Musa Date: 12-28-2007, 05:18 PM Parent: #790
طمبور يجيب الرايح النعام ادم كان يقول فرك السلك حشحش صوابعنا .. وردى يحب كلام النعام ادم ويضحك .. وردى معجب بالطمبور .. شوف كلمات ود حد الزين .. امشى وبتلفت لما النهار غاب حد ما لملمولى تانى مان صاد يا حليل امونه فى غرب الضيا باب .. نتابع د / طراوة
Post: #792 Title: Re: د / أحمد طراوة ___ فى ندوة عن تاريخ الغناء فى السودان . Author: أحمد طراوه Date: 12-28-2007, 07:23 PM Parent: #1
.. يعنى يا عثمان ، إنت اسمعيل ود حد الزين زول (جلاس) كان مقتول في حوش ناس أمونة غرب البياضاب ! ؟
وزمان برضو العزوهات مغنية التم تم كانت بتقول :
" الطلقو النار في قلبي .. و سكنو الحي الغربي "
" مدرسة الموت غربا "
.. و الغنا السوداني حامل لحقائق الجغرافيا و قسمات التاريخ الاجتماعى للبلد .. ! شوف كمية المدن البمشى فيها مشترك كريمة !
.. القطر اللي استلم من وابور النيل جميلة الشوايقة المرحلة لبورتسودان ..
" ويا لروعة وصف بابور بحر الشمالية في ادب الطيب صالح "
.. ( و إتفتحت في ناس الدابى ، و كدكى ، و كنة ، و النعام و صديق احمد ، جروح السنين الطويلة اللبت تبرأ ! )
.. زي ود الرضى في وداع السمحة ملين الشالا وابور خط النيل الابيض من الاسكلا لغاية جلهاك و كدوك و جوبا
" و طلعت لفوق اسعار اسهم البورصة في سوق كدوك ! سوق كدوك البظهر يوم و يغيب يومين ! زى سوق تمبول !
" سوق الاقتصاد الاكتفائي - المُجزأ لعلاقات ما قبل التشكل الراسمالي "
.. ود الرضى قال : بقدومِك كدوك اصبح .. سوقو من الكساد أرباح !
و كان الراحل مننا اول امس رفيع المقام د. فاروق كدودة بقول علي نهج عبد الخالق محجوب :
" نحنا كل موضوعنا و قصتنا إنو عاوزين السوق المجزأ اللي بظهر و بختفى يبقى سوق كامل مترابط و حالة دايمة ! " دا البجيب تماسك البلد و وحدتا و بفجر خيرا الكامن و بِطلع علي نحو ديمقراطى حر مزيجا الثقافي النهائى
" قم يا ملاكِ و الدنيا ليل .. نتناجى في الشاطي الجميل .. و الليل نهار العاشقين ! "
.. الليل نهار العاشقين : دى استعارة و تصوير زمكانى ( زمان / مكان ) حسب قول ناس صلاح الزين و الماشين في خط لوكاش و دريدا و فوكو
.. و ليه و كيف زمان و قبل عهد الصولفيج و النوتة قدر عثمان حسين و من حولو عبد الفتاح الله جابو و خليل احمد و عربى يطلعو الدرجة الرابعة و السابعة - بتحديد و دقة و كامل المفهومية - من المقام الكبير The Diatonic و ينتزعو من براثينو مقام (فا) الكبير .. و يسطروا بالتالي اجمل ملاحم الخماسى السوداني The Sudanese Pentatonic
من المقام الكبير السباعي طلعوا درجتين و خلو خمسة درجات ! بكامل الالتزام في البقاء داخل الوجدان السوداني .. داخل مقام (فا) الكبير المدوزن علي خمس درجات !
" دي كانت ورشة السجانة اللي لحنو فيها كلام بازرعة .. عاهدتني ترسل بدمع الشوق خطابي .. مع كل نسمة من البلد تطفي عذابى "
.. لغاية ما يصل با زرعة و يقول : اصلو الهوى .. ناري و دنياي و ديني !
و برضو تانى قامت قوى الضلام و الهوس في وش بازرعة ... و فتحو ليهو ملفات نشاطو القديم بثانوية وادى سيدنا في وسط حركة اليسار الديمقراطى و فصلوه من الخدمة في 1963 .. في ذات الوقت اللي كانو بشعلو فيهو محارق التطهير العرقى في جنوبنا العزير !
.. علي محمود التنقارى قال : نسايم الشمال للجنوب تزور ! غني يا طيور غني ..
.. عشة موسى الفلاتية لحنت الكلام براها و غنتو في وجه قوى الاستعلاء العرقى اعداء حركة المرأة و الفن و وحدة البلاد
" يا جماعة نادوس : بآزرعة هو اول سودانى مغترب في بلاد الخليج و السعودية بسبب التشريد من العمل "
Post: #793 Title: Re: د / أحمد طراوة ___ فى ندوة عن تاريخ الغناء فى السودان . Author: Osman Musa Date: 12-28-2007, 07:46 PM Parent: #792
يا عجو المحس التقيل التقيل .. فدع العراجين انتى ما بدوكى لى زولا مسيكين اغنيه ضخمه من الاغانى الكبيرة التى يجب التوقف تحت عراجينها ..
Post: #794 Title: Re: د / أحمد طراوة ___ فى ندوة عن تاريخ الغناء فى السودان . Author: Moawia Mohammed Date: 12-29-2007, 02:26 PM Parent: #1
أنت لي ( عاهدتني ) كلمات : حسين بازرعة غناء : عثمان حسين
Post: #795 Title: Re: د / أحمد طراوة ___ فى ندوة عن تاريخ الغناء فى السودان . Author: Moawia Mohammed Date: 12-29-2007, 02:44 PM Parent: #1
رب الشعور كلمات : محمد عوض الكريم القرشي أداء : عثمان الشفيع بمصاحبة الفنان عبد المنعم الخالدي ( دوبلاج )
Post: #796 Title: Re: د / أحمد طراوة ___ فى ندوة عن تاريخ الغناء فى السودان . Author: Moawia Mohammed Date: 12-29-2007, 02:49 PM Parent: #1
المقرن في الصباح - أبوداؤد
Post: #797 Title: Re: د / أحمد طراوة ___ فى ندوة عن تاريخ الغناء فى السودان . Author: محمد عثمان Date: 12-29-2007, 05:48 PM Parent: #1
سلااااااام كل عاام و الجميع بخير...
Post: #798 Title: Re: د / أحمد طراوة ___ فى ندوة عن تاريخ الغناء فى السودان . Author: Osman Musa Date: 12-29-2007, 06:10 PM Parent: #797
استاذ محمد عثمان سلامات والف حمدالله على سلامتك ولو حجيت فى ال 30 يوم دى مبروك الحجه ولو مشيت كندا وما جيت علينا تكون اتلومت لوم البنيه مع ود حد الزين _ تحياتى بعد سفرك حضرنا عرس ناذر الخليفة لايف دلاليك لى السماء السابع والداير ينجلد فى الخرتوم كلو انجلد واكل وشرب وعرض .. كان عرس العام 2007 تحياتى أخ محمد عثمان والف مرحب بعودتك بعد أن عاد استاذ معاويه بعد الرحول من وادى دنفر الى الجبل الى الروكى معاويه من هناك يمكنه متابعة كل حفلات الديوم الشرقية والحاج يوسف والكلاكلات وشندى من راس الروكى له ولك التحية عيد مبارك .. وارجو أن تكون بالف خير
Post: #799 Title: Re: د / أحمد طراوة ___ فى ندوة عن تاريخ الغناء فى السودان . Author: محمد عثمان Date: 12-29-2007, 06:16 PM Parent: #1
Quote: سلامات والف حمدالله على سلامتك ولو حجيت فى ال 30 يوم دى مبروك الحجه
الاخ عثماان
تحياات لك و للجميع هنا و ربنا يتقبل منا انشاء الله
و البوست عاامر ما شاء الله
مودتى...
Post: #800 Title: Re: د / أحمد طراوة ___ فى ندوة عن تاريخ الغناء فى السودان . Author: Osman Musa Date: 12-29-2007, 07:01 PM Parent: #799
استاذ محمد عثمان مبروك الحج كنت أظن ذلك نعم .. الحج كنت يشهد الله اراك حزين بعد فقد الوالدة القالية .. انت رجل صادق فى فرحك وفى حزنك .. كنت أراك وكنت حزين مثلك لفقدها .. وكنت ادرك أنك سوف تهدى لها حجتك مثل ما تهدى لنا الافراح كل يوم لها الرحمة .. ومتعك الله بالصحه أخى محمد تحياتى .. وكل من عليها فان .
Post: #801 Title: Re: د / أحمد طراوة ___ فى ندوة عن تاريخ الغناء فى السودان . Author: Osman Musa Date: 12-29-2007, 07:08 PM Parent: #800
نرحب بالأستاذ محمد عثمان بعد عودته من الحج ونتابع العمالقه _ سماعين ود حد الزين ومحمد عثمان وردى
Post: #802 Title: Re: د / أحمد طراوة ___ فى ندوة عن تاريخ الغناء فى السودان . Author: محمد عثمان Date: 12-29-2007, 08:01 PM Parent: #1
Quote: ونتابع العمالقه _ سماعين ود حد الزين ومحمد عثمان وردى
Post: #803 Title: Re: د / أحمد طراوة ___ فى ندوة عن تاريخ الغناء فى السودان . Author: Osman Musa Date: 12-29-2007, 09:04 PM Parent: #802
أخ محمد عثمان سلام شديد بعد ايه .. ده عمك سماعين ود حد الزين العاشق .. من نفس بلاد العاشق الكبير ود حاج الماحى . الذى عبر البحر المالح .. انه العشق الله يخدر ضراعك يا محمد
Post: #804 Title: Re: د / أحمد طراوة ___ فى ندوة عن تاريخ الغناء فى السودان . Author: Osman Musa Date: 12-29-2007, 09:54 PM Parent: #803
تحيه للعملاق الفنان الموسيقار محمد وردى .. هرم الأغنية السودانيه
Post: #805 Title: Re: د / أحمد طراوة ___ فى ندوة عن تاريخ الغناء فى السودان . Author: محمد عثمان Date: 12-29-2007, 10:00 PM Parent: #1
Quote: أخ محمد عثمان سلام شديد بعد ايه .. ده عمك سماعين ود حد الزين العاشق .. من نفس بلاد العاشق الكبير ود حاج الماحى . الذى عبر البحر المالح .. انه العشق الله يخدر ضراعك يا محمد
الاخ عثماان...
يقال ان اغنية بعد ايه سببها مناكفة بين الشاعر اسماعيل حسن و الشاعر ود الرضى و احسن ننتظر دكتور طراوة ليحكى لنا الحكااية..
Post: #806 Title: Re: د / أحمد طراوة ___ فى ندوة عن تاريخ الغناء فى السودان . Author: أحمد طراوه Date: 12-29-2007, 11:33 PM Parent: #1
.. وِقاية تقِيك من المحذور .. ما جرت كفارة يا حُور ام دُر
ليالي العودة نعيم و سِرور الحج مبروك مبرور يا سرور
- كلام ود الرضى لحن كرومة يوم حجة سرور -
... عودة الحاج / محمد عثمان ! و كنا بنحسب ليك في الايام حساب الزارعين علف ابو سبعين !
.. و تبقى الحجة كفارة جارية لروح الوالدة العزيزة ، تبقى كفارة لغلابة و مظاليم السودان و تشمل حالنا نحنا اهل الغنا :
" حال زولا خيل سبيلو عالِف و كالف .. ودا الخلانى فوق نيران جهنم خالف .. ياهو فراق السودان و فراق الزول العزيز بعد ما يوالف
.. و معاوية في غيابك يا محمد و الله شال الشيلة و بقى مطمورة غلانا و مونة خريفنا و صيفنا
.. وردى !
الق الاوركسترالية السودانية ! لحن 120 اغنية ( من نوع دهب البرتى ود هب شيبون براهو ! )
عدا يا طير يا طاير لحنا ليهو خليل احمد ، و اول غرام لحنا علي ميرغنى ، و الوصية لحنا برعى ..
.. اما اغنية يا سلام منكِ انا آه يا سلام ، فدى وردى ختاها في قالب ميلوديا الموال و الغنا النوبى القديم ..
" زى خليل فرح لمن ختى عازة في ميلوديا مارش ود الشريف القديم "
صراع ود الرضى مع اسمعيل حسن حول الغنا القديم و الجديد بعرفوهو كويس احمد القرشى و ود حامد المرتضى
نحنا لسه في القرن الماضى :
_ 1938 بشير عبد الرحمن الطالب في القاهرة و شاعر بت النيل اللي دخل فيها احمد المصطفى كسرة الجاغريو ! الكسرة الفيها اسباب جنون عبد القادر مضوى ..
.. بشير قاعد في شقتو في ميدان التحرير بالقاهرة معاهو طالب المزيكا اسمعيل عبد المعين بلحن في شعر بشير ( جبال التاكا ) .. أغنية مفصلية في مسار اللحن و عملت نقلة نحو الغنا الجديد بتاع المدرسة الاوركسترالية التانية
- عثمان حسين قاعد بالساعات الطوال قدام القراند هوتيل بعاين لنيلنا العظيم ملهم الجمل اللحنية ، و بجود في الحان ورشة السجانة ( انا و النجم و المساء ، بعد الصبر ، عاهدتنى .. و مناجزة مقام ( فا) الكبير علشان يواصل التاصيل الخماسى السودانى
- سيد خليفة راجع من مصر في 1953 و بقول كلام حسن عوض ابو العلا : وهناك ارقد في الرمال و لا ارى غير الرمال .. ! بقولو بطريقة جديدة فريدة في مسار المزيكا و الغنا السودانى
- ود القرشى معاهو ود الشفيع بيعملوا في مقدمة موسيقية ذات عمق دراماتيكي لاغنية الذكريات
" ما اصلو ما ممكن يرد لسؤالي .. لانو ما عارف كيف يشقى حالي .. المحتشم و مهذب في نفسو عالي .. المستحيل ينزل من العلالي "
فعلا تغير الشعر فكرتو و بحورو ، و جات تفعيلة جديدة فغيرت معاها المزيكا و جات انطلاقة الخماسى السودانى
Post: #807 Title: Re: د / أحمد طراوة ___ فى ندوة عن تاريخ الغناء فى السودان . Author: Osman Musa Date: 12-29-2007, 11:54 PM Parent: #806
بوست تاريخ الغناء يطبق البوخه التاسعه . طوابق طوابق .. البومات من الشعر والغناء والحديث العذب . كم نحن سعدا بعودة الأخ الحاج الفنان محمد عثمان ..
Post: #808 Title: Re: د / أحمد طراوة ___ فى ندوة عن تاريخ الغناء فى السودان . Author: Osman Musa Date: 12-30-2007, 00:14 AM Parent: #807
يا د/ أحمد طراوة صاحبك ناذر الخليفة ما باين . فى الخرطوم موه فى يمكن مشى شندى يشوف الجنينه . ده موسم طلوع القرين فروت .. نحن فى انتطار تسجيلات دلوكة كبوشيه ..الدلوكة المجرتقة بالدم بالبطان . ليك وحشه أخ ناذر
Post: #809 Title: Re: د / أحمد طراوة ___ فى ندوة عن تاريخ الغناء فى السودان . Author: ناذر محمد الخليفة Date: 12-30-2007, 10:48 AM Parent: #1
أسف للغياب القسري ..
نواصل
Post: #812 Title: Re: د / أحمد طراوة ___ فى ندوة عن تاريخ الغناء فى السودان . Author: Osman Musa Date: 12-30-2007, 05:18 PM Parent: #809
استاذ ناذر الخليفة حبابك مشيت شق ايش يازول ؟ فتشنا عنك فى علايل أبوروف وفتيح والخرطوم اتنين . وكنا دايرين نعلن فى التلفزيون لو ما شفنا الرد . انت مشارك رأس وعضم فى ورش الغناء . تحياتى .
Post: #810 Title: Re: د / أحمد طراوة ___ فى ندوة عن تاريخ الغناء فى السودان . Author: Moawia Mohammed Date: 12-30-2007, 01:33 PM Parent: #1
الحاج محمد عثمان
حجا مبرورا و سعيا مشكورا و ذنبا مغفورا و عودا حميدا
يا داخل هذا الدار صلي علي النبي المختار
Post: #814 Title: Re: د / أحمد طراوة ___ فى ندوة عن تاريخ الغناء فى السودان . Author: Osman Musa Date: 12-30-2007, 05:30 PM Parent: #810
أخ معاويه الف حمد الله بعودة أخيك محمد عثمان من الأراضى المقدسة لك وله التحية
Post: #816 Title: Re: د / أحمد طراوة ___ فى ندوة عن تاريخ الغناء فى السودان . Author: محمد عثمان Date: 12-30-2007, 08:45 PM Parent: #810
الحبيب معااوية
ربنا يديك العافية و يحفظك من كل شر و شكرا جزيلا و ربنا يتم ليكم و تحجو يا رب
مودتى....
Post: #811 Title: Re: د / أحمد طراوة ___ فى ندوة عن تاريخ الغناء فى السودان . Author: Mohamed Omer Date: 12-30-2007, 03:31 PM Parent: #1
Malaria kills 4,000 people in Sudan each month
Post: #813 Title: Re: د / أحمد طراوة ___ فى ندوة عن تاريخ الغناء فى السودان . Author: Osman Musa Date: 12-30-2007, 05:26 PM Parent: #811
استاذ محمد عمر الفنان النيويوركى النشيط الف مرحب . الف شكر نعم اتمنا أن نحارب ال MALARIA القاتله وهى سبب من اسباب الفقر والمرض والتخلف فى افريقيا . الف شكر أخ محمد
Post: #815 Title: Re: د / أحمد طراوة ___ فى ندوة عن تاريخ الغناء فى السودان . Author: أحمد طراوه Date: 12-30-2007, 08:39 PM Parent: #1
" المصائر التاريخية للكسرة الغنائية "
.. بعض من جدليات المدرسة التانية للغناء السودانى
الكسرة الصغيرة اللي جابا كرومة في اغنية زيدنى في هجرانى .. حولا الكاشف الي ضرب فنى - غنائى جديد !
.. احمد المصطفى معاهو خالو الجاغريو في اغنية بشير عبد الرحمن يا بت النيل ساقو الكسرة لاغنية شبه كاملة !
وهم بقولو في الجزء المُضاف لاغنية بشير :
" فقدنا الصواب يا شبابنا .. يا ابو عبده وين احبابنا "
الكسرة فتحت الباب للتحرر التاني للاغنية من الرتابة !
.. التحرر الاول عملو الكاشف وهو بناجز المقامات و بتحرك بين السلم العالي و السلم الادنى
" و دا الفتح الباب لابراهيم عوض وخلا الكسرة علي ايدو بقت غنية كاملة ! الاغنية الجديدة ذات الايقاع السريع و الكلام الاشد بساطة "
Post: #817 Title: Re: د / أحمد طراوة ___ فى ندوة عن تاريخ الغناء فى السودان . Author: محمد عثمان Date: 12-30-2007, 09:56 PM Parent: #815
Quote: " المصائر التاريخية للكسرة الغائية "
.. بعض من جدليات المدرسة التانية للغناء السودانى
الكسرة الصغيرة اللي جابا كرومة في اغنية زيدنى في هجرانى .. حولا الكاشف الي ضرب فنى - غنائى جديد !
Post: #818 Title: Re: د / أحمد طراوة ___ فى ندوة عن تاريخ الغناء فى السودان . Author: Osman Musa Date: 12-30-2007, 10:13 PM Parent: #817
الساحر سيد خليفة يظل هو سفير الأغنية السودانية ونجمها المحبوب فى كل الملمات العربية والافريقية .
Post: #819 Title: Re: د / أحمد طراوة ___ فى ندوة عن تاريخ الغناء فى السودان . Author: أحمد طراوه Date: 12-31-2007, 10:43 AM Parent: #1
وكانت من اجمل كسرات تلك الخمسينات !
" اشعلت لي ناري .. جددتو تذكاري .. و ساكن قريب جاري .. جاري انا مالي بنساك .. يا زول انا قلبي حباك .. "
و إنبثق ذلك الشعار الالمعى :
" كسرة يا ابوعلي "
.. شعار كروى - غنائي اثير .. ظل يتردد في ذاك الافق الجماهيرى الواسع المصبوغ بلونية حسن عطية و نكهة التم تم التقيل اللي إتلحنت بيهو كلمات حسين عثمان منصور : الليلة لاقانى .. بنظرة حياني ..
.. صلاح احمد محمد صالح ، و عثمان حسين بو صفهم معالم بارزة للتحولات الجديدة و ضمن قوى الدفع الاوركسترالي - الغنائى الصاعد ، وقفوا مع ضرورة و حتمية فصل الكسرة وتحريرا عن الاغنية !
" شوفو اغنية ( نابك ايه ) .. فيها لقاء عثمان و صلاح "
" عثمان حسين دون صولفيج او نوتة لحن نابك ايه باسلوب استثنائى فذ ! و كان واعي بقضايا تلك المرحلة و إشتراطات التطور الغنائى - الموسيقى "
دوائر معينة في الصحافة الرجعية ذاك الوقت هاجمت تجربة عثمان حسين في اغنية ( محراب النيل ) شعر التجاني يوسف بشير بوصفها أمر غريب في ساحة الاغنية السودانية .. و برضو قوى المُحافظة وقفت ضد فصل الكسرة عن الاغنية !
.. لانو فصل الكسرة عن الاغنية كان بيعنى رسوخ و سريان نمط و لونية ابراهيم عوض ! الغنا الخفيف الراقص اللي بصور الحياة اليومية و بحرك عفوية مشاعر الجماهير ..
" ومافي شي بخوف قوى القديم و الهيمنة سوى التحرك العفوى للجماهير و خروجا عن الثوابت و الضوابط ... "
ابراهيم عوض برضو كان هدف لذات قوى المحافظة ! وقيل عنو و عن لبستو و تسريحتو و رقصتو في مسرح السينما ، و في ذات تلك الصحف مالم يقله مالك في الخمر
.. قوى الحداثة و الاستنارة و في مقدمتا إتحاد طلاب جامعة الخرطوم ، اعلنو دعمهم و إنحيازم الكامل لخط عثمان / بازرعة
.. و كامل التاييد لما اتي به عثمان حسين من جديد في اغنية محراب النيل خاصة إدخال ايقاع ( البوليرو ) الاسباني و الدور الكبير اللي اداهو للترمبيت و الكلارنيت !
" المجد لعمر طلق النار ، ومحمد عبد الله اميقو .. اسطوات الكلارنيت السودانى "
.. بل إتحاد الجامعة حدد موقفو بوضوح الي جانب لونية ابراهيم عوض .. و مشت كل قوى الجديد مع ضرورة فصل الكسرة من الاغنية !
و في يونيو 1956 اقام اتحاد طلاب جامعة الخرطوم ندوتو الشهيرة عن موضوع ( الكسرة الغنائية )
شارك في الندوة إضافة لكل المهتمين بحال و مسارات الغناء ، احمد المصطفى ، و ابو داؤد .. و تبلورت مفهومية ، و وضوح وراي كامل حول حقيقة إنو فصل الكسرة من الاغنية بيعنى انطلاقة المزيكا و اللحن و الكلمة و اتساع دوائر اللونية !
دا ذات نفسو اتحاد ناس الاحمدى و النصيرى ، و من ثم عبد المنعم خليفة ، و علي نور الجليل .. الاتحاد اللي كان مهموم بقضايا تطور الغناء السودانى ، و قضايا الوطن الحساسة وفى مقدمتا نزيف الدم في جنوب البلاد و مجمل قضايا الحريات و التنمية
Post: #820 Title: Re: د / أحمد طراوة ___ فى ندوة عن تاريخ الغناء فى السودان . Author: Osman Musa Date: 12-31-2007, 10:02 PM Parent: #819
حيانى .. حيانى
Post: #821 Title: Re: د / أحمد طراوة ___ فى ندوة عن تاريخ الغناء فى السودان . Author: أحمد طراوه Date: 01-01-2008, 02:42 AM Parent: #1
... كيف تجاوز جماعة الصولفيج السوداني الاول ، عبد المعين ، و خليل فرح ، و تحديدا عثمان حسين لاحقا .. كيف تجاوزا التخت العربي
" جدليات المدرسة التانية للغناء الاوركسترالي "
التخت العربي الاول ، اللي ترسخ في شكل و ادوات الغناء المصري كان قايم علي :
- الوتريات : كمنجات ، شيلو ، و قانون
- العود : كآلة موسيقية قائمة بذاتا .. عود اسحق المصلي اللي غنى بيهو ابراهيم المهدى ، و معبد ، و دخل فيهو زرياب الوتر الخامس
.. جماعة الصولفيج الاول حرروا العود من دائرة التخت العربي و مقاماتو السُباعية ، وحولو العود لآلة موسيقية مدوزنة علي المقام الخماسي ، و ماشة مع الموازير السودانية ، و مستقلة بذاتا و عندها المقدرة الكاملة لقيادة الاوركسترا علي صعيد سودانى
. . رغم إنو العود اوربيا و مصريا ، ما محسوب ضمن الآلات الاوركسترالية
.. الموسيقى السودانى بضع قالبو اللحني - الموسيقى كلو استنادا علي العود و علي تناغم العود مع صدى و خبرة الايقاعات السودانية الضاربة بجملتا اللحنية في عقل و وجدان الملحن السودانى - الافريقى
- ود الحاوى سلاحو الاساسي هو الاكورديون ، بسوي العجايب بالاكورديون .. لكن ود الحاوى بلحن الغناء برضو بالعود ، ودي برضها طريقة عثمان حسين و وردى و ود الامين
- الموسيقى السودانى طلع الناي و جاب الصفارة و الفلوت بل مشى ابعد من ذلك بادخال ترمبت عوض عثمان و كلارنيت كامل عبد اللطيف و عمر طلق النار و محمد عبد الله اميقو .. المناجزة دي بلغت قمتا في غناء عثمان حسين عشية الاستقلال و ما بعد ذلك ( افديك بالروح يا موطني ، و اغنية في محراب النيل )
ولمن تحول الايقاع و الضرب الايقاعي الي فهم و علم علي يد استاذ الموسيقى مصطفى كامل في 1951 .. تجلت خصائص و عجايب الموازير السودانية
.. المازورا هي الحقل الايقاعى ! تخيلو الموازير و الجملة اللحنية الايقاعية في بلد اهلو بغنو باكتر من ستة ضروب ايقاعية اساسية ..
بلد فيهو الدلوكة ال multi - Rhythmic ، الدلوكة المشتق منها ايقاع المامبو السودانى المعمول بيهو معظم الغنا الجميل بتاع سيد خليفة و ود البادية
الضرب الايقاعي الاوحد في مصر ياهو العشرة بلدى و اشتقاقاتو
Post: #822 Title: Re: د / أحمد طراوة ___ فى ندوة عن تاريخ الغناء فى السودان . Author: محمد عثمان Date: 01-01-2008, 08:20 AM Parent: #821
Quote: ولمن تحول الايقاع و الضرب الايقاعي الي فهم و علم علي يد استاذ الموسيقى مصطفى كامل في 1951[/U] .. تجلت خصائص و عجايب الموازير السودانية
و ابدااعاات مصطفى كامل و لمسااته فى اله القانون فى هذه الاغنية..
Post: #823 Title: Re: د / أحمد طراوة ___ فى ندوة عن تاريخ الغناء فى السودان . Author: محمد عثمان Date: 01-01-2008, 05:48 PM Parent: #822
انا عمرى ما حبيت غير الجماال فى الروح تعاال و لو مرة اسى الفؤاد مجروح تبخل على بلقاااك انا ياا حبيب مجروح بااكى العيون سااهرة نسر على النوح القمرى فى الاغصاان يحكى لى لم ينوح و انت تحكى الفل و الورد لما يفوح....
الكلمااات.....؟؟؟؟؟؟؟؟
Post: #824 Title: Re: د / أحمد طراوة ___ فى ندوة عن تاريخ الغناء فى السودان . Author: أحمد طراوه Date: 01-01-2008, 09:51 PM Parent: #1
السودنيين يا محمد عثمان حبو الة القانون الجديدة في مزيكتم و التقطو سحرها و جماليات اوتارا ..
ولانهم كانو بحبو برعي احمد البشير فانتازيا ملاعب الكورة .. قامو سموهو : " القانون " = الفن و الطرب
واضح سطوة آلة القانون و جمال تنغيمو و لزمتو في اغنية انا عمري ما حبيت غير الجمال في الروح
كتبا عبد الرحمن الريح علي نهج التانية ديك : نفسك أبية و روحك لطيفة و فيك جاذبية
عبد الرحمن ساق ، ضمنما ساق و سوى و انتج ، ساق الغنا السودانى الي مراقي السمو و التجريد البسيط المفهوم
ومصطفى كامل جاب الطبلة المصرية للغنا السودانى و اداها لناس محمد احمد ابو شنب و حاكم اللي عملو بيها ثورة التم تم الخفيف و التقيل نهاية الاربعينات و الخمسينات
مصطفى كامل بدا برضو في اول الخمسينات يكتب الاغانى في النوتة .. تخيلو يجى زول يكتب الملهمة و اغنية انا و النجم و المساء في نوتة ؟ !
" كانت قفزة ضخمة في مسار الصولفيج السودانى .. كانت نوتة مصطفى كامل بعث مجيد لسيرة عبد المعين و ادهم و السر عبد الله
" ليه الخماسى السودانى بمشى مع ايقاع العشرة بلدى ، بينما غنا المصريين و مقامهم السباعي ما ممكن يمشى مع التم تم و الدليب ؟
لكن ليه سعدابي عمر عازف الفلوت عمل كدا ؟ شال اوراق مصطفى كامل و مشى بيها البحر ! عجيبين نحنا السودانين لمن نزعل ! بديع و فريد نبي الاسلام لمن حذر امتو من الزعل
"
Post: #825 Title: Re: د / أحمد طراوة ___ فى ندوة عن تاريخ الغناء فى السودان . Author: Osman Musa Date: 01-01-2008, 10:42 PM Parent: #824
عام سعيد على الشعب السودانى الحبيب تتحقق فيه الوحدة والسلام والامن والعدل ..
Post: #826 Title: Re: د / أحمد طراوة ___ فى ندوة عن تاريخ الغناء فى السودان . Author: أحمد طراوه Date: 01-02-2008, 00:09 AM Parent: #1
.. موازير هيوارد ! نواحى كاليفورنبا
" الموازير : حقول الايقاع السودانى .. وكل حسن مالك حسن "
" جدليات المدرسة التانية للغنا السوداني "
كانت بديعة و فريدة حفلة رشا شيخ الدين اللي هندسوها جميلة عبد الرحمن ، و سيف جبريل منسوب سودانيز اونلاين و باقى نشطاء جالية شمال كاليفورنيا
.. الحفلة اللي بدأت مساء 2007 و انتهت سنة 2008 باغنية كيف الحياة غير ليمك .. من بعدك اصبح حظى زى لون هضليمك ! كلام البنا لحن كرومة ..
رشا فيها سحر السودان .. و مجريات تاريخو العجيب :
جابت معاها بجانب ميخائيل الضو لاعب الكي بورد القدير ، جابت الاسطى احمد باص اللي بمسك الكمنجة و اقفا بطريقة السر عبد الله
.. محور الجمال كلو كان في ضربات ايقاع الطبل و الدمبا .. ايقاعات السودان الطارت و حلقت بموازيرا ( حقولا الايقاعية ) في سماوات مدينة هيوارد !
.. هيوارد ، و اوكلاند و بيركلي تاريخيا مع نيويورك مثلوا حاضنة البلوز و غناء الجاز و الهِب هوب الجديد
.. حافظ كعادتو ضرب الطبلة ضرب غرائب الابل الرافضة الترويض ! و كان في راجل نيجيرى ماسك الدمبا لرشا سوى بيها افعال و عجايب و اهازيج قبائل البانتو
" تجمع مدهشة لناس كلهم جايين من حزام السافنا الافرو - عروبي "
.. رشا ذات نفسها خاتا قداما طبلة في استاند بتضربا علي ايقاع التماوج الغنائى الصادر من قواما السمهرى - الافريقى اللي فيهو مسحة جينات ربيعة و جهينة
- نارى انا و الله نارى و نارى يا الله .. البدور الفن يجى عندنا .. غنا بت العقاب اللي جننن حسن عطية و ساقو في دروب التم تم التقيل
- خديدا رشاما .. في خشيما بساما دى الفاح لينا نساما .. غنا عبد القادر سالم علي المقام السباعي بايقاع المردوم الجنن حرم و مناهل
- و غنت رشا علي الموال النوبي و ايقاع الضرب الواقع داخل الحقل السودانى اتنين علي اربعة ! يا هو ايقاع الطار النوبي
- و قالت هاكم دي اغنية ( حِميرا ام قلب ) :
قمر العِشا الضواي يسلم اخوى .. للخصيم كواي ..
غنتا علي ضرب ايقاع الدقلاشى .. ايقاع الدلوكة اللي شالوهو ناس المديح عملو بيهو مدحة البرعى : العدناني يا نور الجِناني !
" الشيخ اسمعيل الدقلاشى سيد الربابة بدا الغناء من زمن عجيب المانجلك "
.. ونحنا نقول دى الدنيا ؟ ام جنة عدن ؟ شفنا ملاك لابس بدن .. !
.. و اصلت كلامى مع (إلين) زوجة الرشيد خليفة :
نحنا اول حاجة في الاغنية بجذبنا الايقاع ! بعد داك بنشوف كان فيها شوية هارمونى ( اصوات موسيقية متوافقة ) ، او شوية كاونتر بوينت ( اصوات موسيقية متقاطعة ) ، نمشى بيهو حالنا
Post: #827 Title: Re: د / أحمد طراوة ___ فى ندوة عن تاريخ الغناء فى السودان . Author: Moawia Mohammed Date: 01-02-2008, 08:43 AM Parent: #1
أنا و النجم و المساء - عثمان حسين كلمات : حسين بازرعة
Post: #828 Title: Re: د / أحمد طراوة ___ فى ندوة عن تاريخ الغناء فى السودان . Author: Osman Musa Date: 01-02-2008, 04:16 PM Parent: #827
رشا لها التحيه سفيرتنا الجملية .
Post: #829 Title: Re: د / أحمد طراوة ___ فى ندوة عن تاريخ الغناء فى السودان . Author: محمد عثمان Date: 01-02-2008, 10:33 PM Parent: #1
يلا ياا سايق نلحق الرايق...
و تجلياات برعى فى اله العود....
Post: #830 Title: Re: د / أحمد طراوة ___ فى ندوة عن تاريخ الغناء فى السودان . Author: أحمد طراوه Date: 01-03-2008, 00:15 AM Parent: #1
.. و بنهدى
.. لرشا شيخ الدين ، لهادية طلسم ، لعابدة الشيخ ، لالهام عبد الخالق .. وكل البنات النواضر البغنوا الليلة دون خوف او وجل ، علي ذات درب شريفة بت بلال .. اخت العسكر العُدال
بنهدي سيرة اول وفد نسائى سودانى سافر للخارج في مهمة رسمية
- الوفد سافر سنة 1937 ، و كان مكون من : ام الحسن الشايقية ، و فاطمة خميس ، و عشة موسى الفلاتية ، و ميري شريف ..
- الوفد سافر مصر لتنفيذ اتقاق مع صاحب شركة ميشان الفنية ، لتسجيل اسطوانات فحم
.. ميري شريف الانظكية غنت اغنية تم تم جميلة اسمها ( انا ليك مشتاق )
استعملت فيها البيانو ! وخلت ابو حراز يضرب ليها الدلوكة ، و خلت اخواتا التلاتة يقيفوا كورس نسائى من خلفها !!
" دا كان اول كورس نسائى سودانى ! بس خارج السودان ! الكاشف عمل اول كورس نسائى سودانى جوة السودان
.. دمت يا محمد عثمان
.. جميل برعي
.. و بالله يا اهل الهوى .. و بطريقة طه حمدتو تاني :
شغلوا لينا انت و معاوية ، انا و النجم و المساء .. و بعدا الذكريات لود القرشى !
دا غناء فجر الخمسينات من القرن الماضى .. لحظات إرهاصات و تشكُل المسار الكبير بتاع الا وركسترالية السودانية
Post: #831 Title: Re: د / أحمد طراوة ___ فى ندوة عن تاريخ الغناء فى السودان . Author: محمد عثمان Date: 01-03-2008, 00:35 AM Parent: #1
شكرا دكتور طرااوة
نسمع اهل الهوى و ننتظر اخونا معااوية لنسمع انا و النجم المساء...
Post: #832 Title: Re: د / أحمد طراوة ___ فى ندوة عن تاريخ الغناء فى السودان . Author: Moawia Mohammed Date: 01-03-2008, 12:45 PM Parent: #1
أنا جاهز يا محمد عثمان
Post: #833 Title: Re: د / أحمد طراوة ___ فى ندوة عن تاريخ الغناء فى السودان . Author: أحمد طراوه Date: 01-03-2008, 07:34 PM Parent: #1
.. بالله يا اهل الهوى .. فؤادى حارمنو ليه
" بالله يا سارى الغمام .. الجاي من وادى الحبيب "
.. الشاعر كان اصلا قاعد في مصر ! قاعد بوصفو ضابط في الجيش السودانى بمصر وعينو و عقلو مع وادى الجنوب ؟ !
" كان قاعد في اطار الاتفاق السياسي لدولة الكوندومنيوم ! دا الاتفاق اللي بموجبو مصر و بريطانيا استعمروا السودان "
دا كلام عبد المنعم عبد الحى ! دا زول لعب دور هام في تطوير الشعر المُغنى و بالتالي الملوديا السودانية
.. الميلودى السودانى ، لحظاتو الاولي و نشأتو كامنة في الاهازيج الشعبية القديمة الاولى :
- صول سلاح الموسيقى اللي شال ميلودى عمتى حواء ( غناء بنات الفاشر الكبير ) و عمل بيهو على النوتة مارش ود الشريف
- اسمعيل عبد المعين اللي شال ميلودى قبائل و شعوب الجنوب اللي كان مجسد في إهزوجة و مارش ( الطير بحوم فوق الرِمم ) و عمل بيهو علي النوتة نشيد يقِظة شعب
- الكابلى و هو بستمد الجمل اللحنية من دوباى و غناء الحردلو : يا خالق الوجود انا قلبي كاتم سرو ، قلبي المِن نشوهو للبنات هواي
- محمد الامين الإزيرق بعيد توسيع و إنتاج الجملة اللحنية الاولي في أهازيج غرب السودان : غرار العبوس ، و عيال اب جويل الكمبلو و عرضو
- وردى وهو بلحن يا سلام منك انا آه ، مستند علي ميلوديا الموال النوبي القديم
تاريخ الميلودى السودانى : تراكم ، و تنوع و نهضة و تجديد
" جدليات المدرسة التانية للغناء الاوركسترالي "
عبد المنعم عبد الحى سمع سرور بغنى في نادى الضباط بحى الزمالك بالقاهرة سنة 1944 ! الكلام دا كان في حفل عملو اللواء المصرى الاسمر ذو الاصول السودانية / محمد نجيب ! عملوا تكريما لسرور ، واحمد المصطفى ، و السر عبد الله اللي رافقم بكمنجتو للغناء في طبرق و بنغازى نواحى الصحراء الليبية في مساندة جيشنا اللي كان بتصدى لزحف النازى روميل ( ثعلب الصحراء )
.. عبد المنعم عبد الحى الموهوب بطبعو ركبو شيطان الشعر الغنائي الجميل يوم سمع غناء سرور ، وصار من يوم نادى الزمالك داك حليف احمد المصطفى :
" اتفتحت ابواب خير و بركة علي الغنا السودانى "
1951 .. من زمن قديم بآزرعة و عثمان حسين فجروا قنبلة في وجه التقليد و المحافظة و الرتابة :
" انا و النجم و المساء .. ضمنا الوجد و الحنين "
Post: #834 Title: Re: د / أحمد طراوة ___ فى ندوة عن تاريخ الغناء فى السودان . Author: Moawia Mohammed Date: 01-03-2008, 09:33 PM Parent: #1
فوق
Post: #835 Title: Re: د / أحمد طراوة ___ فى ندوة عن تاريخ الغناء فى السودان . Author: محمد عثمان Date: 01-03-2008, 09:54 PM Parent: #834
و فى انتظاار الاخ معااوية لنسمع انا و النجم و المساء...
Post: #836 Title: Re: د / أحمد طراوة ___ فى ندوة عن تاريخ الغناء فى السودان . Author: Osman Musa Date: 01-04-2008, 04:35 AM Parent: #835
ون .. تو ون .. تو الشكر الجزيل اليكم أخوانى استاذ محمد عثمان واستاذ معاويه وانتم تدعمون البوست بالأغانى والشعر والحديث العذب . تحياتى وشكرى
Post: #837 Title: Re: د / أحمد طراوة ___ فى ندوة عن تاريخ الغناء فى السودان . Author: محمد عثمان Date: 01-04-2008, 08:59 PM Parent: #1
الكلماات باازرعة
أنا والنجم والمساء ضمنا الوجد والحنين جف في كأسى الرجاء وبكت فرحة السنين آه يا شاطئ الغد أين في الليل مقعدي أين بالله موعدي
يا خطاها... على الربا عطر أنفاسها صبا تحمل الشوق والصبا و الخيالات موكبا و انا كلما دنى طيفها الحلو و انثنى عادني الهم والضنا
في الدجى شاق مسمعي صوتها الملهم النغم في الهوى هاج مدمعي حبها الخالد الألم كلما لاح.. بارق من محيا... خافق مات بالهم عاشق انها رقيتى التى خلدت لحن شهرتي أسرجت ليل وحدتي بالأسى.. والصبابة
يا روى البحر أشهدي ها هنا كان موعدي وهنا كان مقعدي
Post: #838 Title: Re: د / أحمد طراوة ___ فى ندوة عن تاريخ الغناء فى السودان . Author: أحمد طراوه Date: 01-05-2008, 00:37 AM Parent: #1
.. يا سلام يا حاج محمد !
كتبتها كما هي ( انا و النجم و المساء )
في جبهة الغنا ، حننصبك برضو زعيم الوراقيين !
.. نحنا الآن في المدى الزمنى 1950 - 1955 .. نهضة الموازير السودانية .. النهضة دى حصلت لانو :
- تم تحرير العود من إسار التخت العربي ، و تمت دوزنتو علي النهج الخماسى .. التحرر دا اخد مداه و إكتمالو لمن خليل فرح طلع بعودو من الصالونات الضيقة ، لاجواء الموزارية الايقاعية لتم تم زهرة بت نجدى ، و العزو هات ، و مستورة بت عرضو ، و فاطمة خميس
- لانو التطور ذات نفسو اللي حصل في المدى الزمنى 1953 -------- 1955 ، كان بسبب تراكم معرفي علي صعيد الموزارية ! ملامح الموازير السودانية اللي انبثقت لحظة ما خليل فرح لحن ( الشرف الباذخ بجملة لحنية جديدة ) ، و لمن اسمعيل عبد المعين لحن ( جبال التاكا ) بصيغة جديدة فريدة ، و لمن الكاشف كسر رتابة المونوفونيا ، و لمن عثمان حسين لاقى طالب وادى سيدنا الثانوية حسين بآزرعة و شال منو قصيدتو الفازت بالمركز الاول ( القبلة السكرى ) .. و لمن اداهو بعدا في 1951 ( انا و النجم و المساء )
- عثمان حسين مع ناس ورشة السجانة الاستثنائيين : لحنو انا و النجم و المساء متحركين في 3 موازير عاملة عبارة لحنية سودانية جديدة ! .. ملاقية برضو 3 موازير تانية علشان يعملوا الجملة الموسيقية الفريدة ام ستة موازير .. اللي ادهشت امة السودان مطلع الخمسينات !
" عبد الفتاح الله جابو ، و عربي ، و خليل احمد ، و عثمان حسين ، في 1951 :
.. مستندين علي جزالة شعر بآزرعة و تفعيلتو الجديدة و جرسو الموسيقى الرنان ، و بدون نوتة موسيقية كانو متحركين في عبارة لحنية من 3 موازير .. و طالعين لمستوى عبارتين من 6 موازير ! و عملوا :
" الجملة الموسيقية السودانية الجديدة !! " دا كان الانتصار التاني الحاسم للخماسي السودانى ! إنتصار فن الغناء السودانى "
.. لكن سرور مبكرا في اغنية أنة المجروح : كان بتحرك في خمسة موازير ! و جملة موسيقية مكونة من 10 موازير ! شي عجيب فعلا ! علشان كدا ابو داؤد لمن غنى انة المجروح بالنفس القايم قال :
و الله دى بدون لزمة موسيقية ، عنتر ما يغنيها ! سرور كان بغنيها بالرق كيف ؟ ؟
" مابين موازير سرور ، و موازير السجانة .. بنلقى جدليات المدرسة الاوركسترالية التانية "
Post: #839 Title: Re: د / أحمد طراوة ___ فى ندوة عن تاريخ الغناء فى السودان . Author: ناذر محمد الخليفة Date: 01-05-2008, 04:12 PM Parent: #1
فوق
Post: #840 Title: Re: د / أحمد طراوة ___ فى ندوة عن تاريخ الغناء فى السودان . Author: Osman Musa Date: 01-05-2008, 07:11 PM Parent: #839
رحم الله الموسيقار الكبير بدر الدين عجاج . أحد اهم المدارس الجديده فى السودان .. له الرحمه .
Post: #841 Title: Re: د / أحمد طراوة ___ فى ندوة عن تاريخ الغناء فى السودان . Author: ناذر محمد الخليفة Date: 01-05-2008, 09:32 PM Parent: #840
رحمه الله رحمة واسعة ...
Post: #842 Title: Re: د / أحمد طراوة ___ فى ندوة عن تاريخ الغناء فى السودان . Author: أحمد طراوه Date: 01-05-2008, 09:36 PM Parent: #1
.. رحم الله بدر الدين عجاج !
.. عازف البيانو المُبرمج ( الكي - بورد )
.. للراحل يعود فضل ادخال و ترسيخ هذه الآلة الموسيقية متعددة الامكانيات في الاوركسترالية السودانية .. كان عجاج جزء اصيل من تجربة ود الامين في التلحين يالسلم الكبير !
" التلحين بالسلم الكبير : دى تجربة حنتعرض ليها لاحقا ، في مسار تطور الاوركسترالية السودانية "
لانزال في المدى 1950 -- 1955 :
.. حنركز علي مجموعة الشعراء اللي رققوا الشعر الغنائي السودانى و احدثوا انقلاب جديد في التفعيلة و المفردات و الصور الشعرية ، فيما بعد عتيق و عبد الرحمن الريح !
" الافتراض المنهجى الاساسي بتاعنا :
" إنو تغيير التفعيلة الشعرية استدعى بالضرورة موازير لحنية و ايقاعية جديدة ! "
.. رققوا تصريف ( الرِقة ) The Sudanese Lyrical Compassion and Tenderness
.. ديل لعبوا نفس دور بوشكين في الادب الروسى و بليك , و لويس آراغون في الادب الاروبي :
- محمد عبد الله الامى : سافر مصر مبكرا 1928 مع بشير الرباطابي لمصر و وقف ليهو شيال وهو بسجل اول اسطوانة فحم في تاريخ الغناء السودانى .. بعد داك عمل مبكرا لابوداؤد و برعى اغنية ( الحان الحب ) زرعوك في قلبى يا من كساني شجون .. و عمل لابوعلي اغنية جميلة رقيقة اسمها : سألتو عن فؤادى .. اجابني ما هو عارف اكرمونا بهذه الاغانى يا معاوية و يا نآذر و يا حاج محمد
- حسين بآزرعة : قصتو طويلة : في قهوة جورج مشرقى وهو طالب ثانوى عمل اتفاق تاريخى مع عثمان حسين لاحداث انقلاب و ثورة فنية سودانية .. اصلا كان طليعى و تقدمى !
علشان كدا جماعة المحرقة و الاستعلاء العرقي مرقوهو من السودان في 1963
- ود القرشى : كان امير الصورة الشعرية ذات الرقة المتناهية ! عجيب السودان فعلا .. تخيلوا اصلا هو تاجر مواشى بعراقي و جلابية .. جسد رسالة المدرسة التانية لمن قال : عهد الرشيد عُدناهو وكنا انجح ! عاوزين نسمع الذكريات نهضت بجِيلا
- عبد المنعم عبد الحى : قصة الضابط السودانى في الجيش المصرى ! من يوم لقاء نادى الزمالك 1944 عمل قفزة و لونية جديدة ، عمل لاحمد المصطفى الغناء اللي جاب الالحان الجديدة ! لكن القفزة التانية كانت لمن ادى سيد خليفة اهم اول أغنيتين : يا بانة ، و اغنية ابنى عُشِك يا قماري .. قال ليهو و انت راجع الاجازة غنيهم في القهاوى و المناسبات الاجتماعية و حيوصلوك الاذاعة ! فعلا في 1953 لجنة النصوص اللي وصل اضانا خبر الغناء الجميل دا نادت سيد خليفة
.. عبد المنعم عبد الحى لازم نرصد الطيف الواسع لاغانيهو
( دى مهمة جماعية بنوكل قيادتا لمعاوية و نآذر و محمد عثمان )
.. اى أغنية جميلة في الاوركسترالية السودانية ما بين 1945 الي 1960 ، و ما معروف سيدا : رجع نسبا مباشرة لعبد الرحمن الريح او حسين عثمان منصور او عبد المنعم عبد الحى
Post: #843 Title: Re: د / أحمد طراوة ___ فى ندوة عن تاريخ الغناء فى السودان . Author: محمد عثمان Date: 01-05-2008, 10:02 PM Parent: #1
الرحمة و المغفرة للراحل الموسيقار بدر الدين عجاج.... بدا الراحل مسيرته بالعزف على اله الاكورديون و التى تخرج بها من معهد الموسيقى فى العام 1972 يعتبر من الاوائل الذين ادخلوا اله الاورغ فى الفرق الموسيقية فى السودان... اول اعماله باله الاورغ كانت اغنية ابو عركى حلوة عيونك فيهم روعة قدم بعد ذلك تجربة مشتركة مع الفنان محمد الامين اثمرت عن الكثير من الاعمال الجميلة..ثم بدا بعد ذلك العزف المنفرد للاغانى المختلفة اول الحانه كملحن كانت اغنيات لمحتك و حاجة فيك للفنان مصطفى سيد احمد هااجر خارج السودان فى اواخر التسعينات,,,
و نوااااصل مع دكتور طرااوة...
Post: #844 Title: Re: د / أحمد طراوة ___ فى ندوة عن تاريخ الغناء فى السودان . Author: ناذر محمد الخليفة Date: 01-05-2008, 10:21 PM Parent: #1
أبني عشك يا قماري للراحل سيد خليفة
Post: #845 Title: Re: د / أحمد طراوة ___ فى ندوة عن تاريخ الغناء فى السودان . Author: محمد عثمان Date: 01-05-2008, 10:41 PM Parent: #844
ابنى عشك ياا قماارى.. قشه... قشه و علمينا كيف على الحب دارنا ينشه رغم العوااصف برضو وااقف ما ليهو رعشه علمينا يا قماارى سر المحنه كيف بتبنى يا قماارى من قشة جنه و كيف تخلى الحب دوام فوق المظنه و كيف نهلنا على مهلنا.. حبنا ما فيهو غشه
علمينا يا قماارى سر الاغاانى هى نجوى ام دعاء ام امانى ام نداء لاليف ليس دانى..؟ ام حنين و دعابة..؟ ام صلاة مستجااابة..؟ ام تزيلى بها وحشة..؟
ياا قماارى.. هل طال يوما بيك سهاادك..؟ و حبيبك.. هل غاب يوما عن ميعاادك..؟ و هل قضيت الليلة سااهرة و دموع خديك ظااهرة و ضياء عينيك اعشه..؟؟
Post: #846 Title: Re: د / أحمد طراوة ___ فى ندوة عن تاريخ الغناء فى السودان . Author: أحمد طراوه Date: 01-06-2008, 07:02 PM Parent: #1
" المصائر التاريخية للتفعيلة "
.. في الربع الاخير للقرن التاسع عشر .. كان البنا الكبير محمد عمر البنا (شاعر الامام المهدى) ، وهو بتحرك في إطار النسق العامودى للقصيدة ، كان غالبا بيعبر عن الكلاسيكية السودانية لمن كتب :
الحرب صبرُ و اللقاءُ ثبات والموت في ِشأن الاله حيات
.. لغاية التلاتين سنة الاولى من القرن العشرين كانت الكلاسيكية ملقية بظلالا علي حركة الشعر السودانى !
البنا الصغير ( عبد الله محمد عمر البنا ) قال :
يا ذا الهلال عن الدنيا او الدينِ .. حدث فإن حديثا منك يشجيني
.. العباسى في ذات الظروف و النسق برضو قال :
وكيف ارضى اسباب الهوان ولي .. آباء صدق من الغر الميامين النازلين علي حُكم العُلا ابدا .. من زينوا الدهر اي تزينِ يا بنت عشرين و الايام مقبلة .. ما ذا تريدين من موعود ثمانين
لكن التجانى يوسف بشير و أدريس جماع :
.. وفي ذات الظروف و التوافق الزمنى للكلاسيكية الممتدة .. كانوا بنقلوا الشعر السودانى لشكل جديد ، لصور و موضوعات جديدة ، لتفعيلة جديدة ، لتحرر جديد ..
" قم يا طرير الشباب .. غنى لنا غنى "
" أ علي الجمال .. تغار منا .. ماذا عليك إذا نظرنا "
جماع ، و التجاني يوسف بشير .. سليل الكِتياب دورم كان حاسم في نقل الشعر و تغييرو .. و أثر التجاني قوى في شعر الغناء الاحق بتاع المدرسة الاوركسترالية التانية !
وقعت علي الجمال ، و طرير الشباب في يد سيد خليفة .. كلموه بيها ناس الندوة الادبية : عبد الله حامد الامين ، حسن عباس صبحى ، مهدى محمد سعيد ، و د. عبد المجيد عابدين
.. عبد المجيد عابدين هو برضو اللي نبه عثمان حسين لاغنية محراب النيل : شعر التجاني يوسف بشير
.. شعر الحقيبة بتاع ابو صلاح و العبادى .. معطوف عليهو شعر الانتقال ذو التفعيلة الجديدة بتاع عتيق و عبد الرحمن الريح .. دا كان التمثيل الصريح ل :
الرومانسية السودانية : The Sudanese Romanticism and Expressionism
.. لكن وين تيار الواقعية في الشعر الغنائى السودانى ؟؟
هل ارتبطت بموضوعات النضال الوطنى قبل الخمسينات ؟ في شعر خليل فرح ، و يوسف مصطفى التنى لمن قال في الفؤاد ترعاه العناية ، و عبيد عبد النور لمن قال يا ام ضفائر قودي الرسن .. و ود الرضى لمن قال يا حليل الجيش الرحل .. ! ثم موضوعات التطلعات الجديدة لامة السودان فيما بعد الاستقلال
ام كان كل ذلك هو ايضا ضربا من ضروب الرومانسية الوطنية !
.. عبد المنعم عبد الحى لمن يقول : ابني عشك يا قمارى قشة .. قشة ! .. هو كان فعلا بغير في موضوع و شكل الشعر و بربط الحب كقيمة اخلاقية - انسانية بمجريات الواقع و صراع الواقع السودانى الجديد :
دى اسمها الواقعية العاطفية و الانسانية .. بتختلف من الواقعية الاشتراكية اللي قفل بيها ستالين باب الرحمة و الجمال في الشعر و الادب الروسى - السوفيتى !
بالله يا معاوية خلي نآذر يشغل لينا ابنى عشك يا قمارى ..
Post: #847 Title: Re: د / أحمد طراوة ___ فى ندوة عن تاريخ الغناء فى السودان . Author: yasiko Date: 01-07-2008, 04:37 AM Parent: #1
Post: #848 Title: Re: د / أحمد طراوة ___ فى ندوة عن تاريخ الغناء فى السودان . Author: أحمد طراوه Date: 01-07-2008, 08:32 AM Parent: #1
.. وطفق نهر الرومانتيك السوداني يجري منذ ثلاثينات القرن الماضى ويتدفق قولا عذبا سلسبيلا !
.. تبلور الرومانتيك بنكهة البساطة القايمة علي مفردات و صور الواقع العاطفي اليومي بتجاربو الحقيقية ..
.. دا كان في شعر الصادق الياس و عوض جبريل المكرس لظاهرة ترباس !
.. لغاية ما رمت حِكمات يس بجميل الرومانس في دنياواتنا تلك :
" قصة غرام بالشوق بدت .. رحلة عذاب دابا إنتهت .. و كيف تاني ترجع من جديد ! صدقني ما بقدر أعيد ..
.. خلتنا نقول : يا فتاتي اين شخصى ؟ !
شكرا ياسيكو .. هدية من ايدك مقبولة .. صورة قلبِ .. و سهمِ نحيل ..
.. و لانزال في محطة الشفيع و سيد خليفة وهو يُهييء زينتهو .. و يعُدُ مفتخر الثياب ..
Post: #849 Title: Re: د / أحمد طراوة ___ فى ندوة عن تاريخ الغناء فى السودان . Author: محمد عثمان Date: 01-07-2008, 08:34 AM Parent: #1
Quote: بالله يا معاوية خلي نآذر يشغل لينا ابنى عشك يا قمارى ..
Post: #850 Title: Re: د / أحمد طراوة ___ فى ندوة عن تاريخ الغناء فى السودان . Author: Osman Musa Date: 01-07-2008, 03:28 PM Parent: #849
يتحدث هنا د/ أحمد طراوة عن ______ تيار الواقعية فى الشعر الغناى السودانى .
Post: #851 Title: Re: د / أحمد طراوة ___ فى ندوة عن تاريخ الغناء فى السودان . Author: أحمد طراوه Date: 01-07-2008, 05:36 PM Parent: #1
بالله يا عثمان .. خلي صحبك ود حامد المرتضى يتشفع لينا عند فضيلي جماع
عاوزين فضيلي يكتب لينا مؤشرات و يرسم لينا ملامح عامة عن
- الكلاسيكية في الشعر السودانى ! وهل اصلا في كلاسيك شِعري سودانى بالمعنى المتعارف عليه ؟
- الرومانسية في الشعر السوداني .. اشكالا ، اتجاهاتا ، و رموزا
- تيار الواقعية في الشعر السودانى .. وذلك الوجه المعروف بالرمزية .. و اين الرمزية في شعر الراحل عمر الطيب الدوش : الساقية ، بناديها .. و الضل الوقف ما زاد .. و محجوب شريف لمن يقول يا جميلة و مستحيلة
- محتاجين برضو لقلم العارف بامر الشعر السودانى و سيرة ناس عرفات و حمزه الملك طمبل د. محمد المكي ابراهيم ، و برضو قلم الناقد الادبي عبد اللطيف علي الفكي .. ديل كلهم ناسك .. ناس مونتري
.. القماري الغردن يا معاوية .. في قليبي قنبن و طنبن
بقول سيد خليفة من شعر حسن عوض ابو العلا ، وفي ضروب التعبير التراجيدي و مناجزة المحنة :
" ليلي مضى بين التسهُدِ و الانين .. و وسادتي بللتها بالدمع .. و الدمع السخين .. مع تباشير الصباح .. و رنة الفجر المُبين .. غنيت مثل الطيرِ فرحا في رياض العاشقين "
دي يا حاج / محمد عثمان ، و معاها ليلُ و خمر و شفاه .. يا سقاة الكأس من عهد الرشيد .. شعر حسين عثمان منصور
Post: #852 Title: Re: د / أحمد طراوة ___ فى ندوة عن تاريخ الغناء فى السودان . Author: أحمد طراوه Date: 01-08-2008, 10:28 AM Parent: #1
.. جميلة !
صدقني ما بقدر اعيد ..
ترباس و بادى ساقوا الغنا الشعبي بتاع محمود فلاح الي دروب الاوركسترالية بتاعت المدرسة التانية ..
" دي كانت لونية جديدة و إضافة مُقدرة "
.. و القسم المنام لعيونك .. ليه ما خلى ليا نصيب .. ؟ من عُزالنا سيبك سيب هم بدورو لي تعذيب
دي اغنية جميلة بغنيها ترباس بالاوركسترالية و بايقاع الرقي
. . حنلقى برضو بعض الضوء علي علاقة الرقى بايقاعات المامبو السودانى الماخود من تلاوين ايقاع الدلوكة الافريقى ال Multi - Rhythmic
حنحاول نعيد اكتشاف مسارات و إنبثاق إيقاع الرقى في الغناء الامريكي عهد تجربة غناء البلوز علي يد الرائد الاسود ( وليام كريستوفر هاندي )
.. وتجربة غناء الجاز الكامل علي يد الاسود ( لويس ارمسترونغ )
لكن بنرجع نقول :
.. تسودن العود العربي وصار بيقود الاوركسترالية ! و ما عاد مجرد رقم في معادلة التخت العربي
.. و برضو ( الرق ) اللي جابو سرور قديما من الطريقة الاحمدية بمصر بقى في صدارة الاوركسترالية علي يد ترباس
Post: #853 Title: Re: د / أحمد طراوة ___ فى ندوة عن تاريخ الغناء فى السودان . Author: محمد عثمان Date: 01-08-2008, 02:19 PM Parent: #1
Quote: دي يا حاج / محمد عثمان ، و معاها ليلُ و خمر و شفاه .. يا سقاة الكأس من عهد الرشيد .. شعر حسين عثمان منصور
دكتور طرااوة...
قريت مدااخلتك فى بوست محجوب سرااج و ايك على بجيب ليك الجمااعة الذكرتهم كلهم هناااا و كمان بجيب ليك ما بيغيرنى صدودك عنى...ودى ان كنت خاتيها محل الجوكر...
و نسمع اغنياات فى شفاه الحب للشاعر حسين عثمان منصور... و الاغنية طبعا اسمها ليل و خمر و شفاه..
أغنيااات فى شفاه الحب غنّاها الجمااال والمنى يا روح قلبى ليس يفنيه الدلال ** أغرقتنى بين أموااج المنى والمنى شطّ على بحر الغراام وسقتنى خمر أعناب الهنا والهنا كأس وهمس وإنسجااام علمتنى كيف أنسى من أنا وأنا لفظ حراام فى الهياام و انتى ليلة القدر و ينبوع الثنا و الثنا حلم على جمر الغراام ** يا سقاة الكأس من عهد الرشيد ما لى كاسى ظامئا أبدا وحيد ونديمى!! قد سرى نجما مع الأفق البعيد حطم الكأس وولى وانطفأ نجم تلألأ وغدت تبكى على شفتيّ أصداء النشيد ** ليل وخمر وشفاه هنّ للقلب لظاه هنّ إكسير الحياة شعرها ليل تموّج صدرها الوثّااب هودج شفة عطشى .. وأخرى هى كأس خمرها نااار وجمرة ليتنى لو ذقتها.. فى العمر مرة
Post: #854 Title: Re: د / أحمد طراوة ___ فى ندوة عن تاريخ الغناء فى السودان . Author: ناذر محمد الخليفة Date: 01-08-2008, 02:53 PM Parent: #1
Post: #855 Title: Re: د / أحمد طراوة ___ فى ندوة عن تاريخ الغناء فى السودان . Author: salma subhi Date: 01-08-2008, 03:14 PM Parent: #854
التحية للدكتور أحمد طراوة.... التحية لك أستاذ عثمان.....
....
Post: #856 Title: Re: د / أحمد طراوة ___ فى ندوة عن تاريخ الغناء فى السودان . Author: Osman Musa Date: 01-08-2008, 05:38 PM Parent: #855
الأخت سلمى حسن عباس صبحى الاسم العلم سلامات وكل عام وانتى سابحه فى بحور الغناء والطرب والسعادة والصحه والعافيه . تحياتى والف شكر على مرورك الكريم
Post: #857 Title: Re: د / أحمد طراوة ___ فى ندوة عن تاريخ الغناء فى السودان . Author: أحمد طراوه Date: 01-08-2008, 07:49 PM Parent: #1
.. يا سلمى لازم تعرفي انو ابوك .. وكل جماعة الندوة الادبية .. ديل ناس قاعدين في ضمير الامة و ذاكرتا الناصعة
.. هم اللي وجهوا الحركة الثقافية الحديثة و كشفوا لاهل الفن و الغناء ، جميل الشعر في مظانو الحقيقية
شفتى البرنامج التلفزيوني بتاع دكتور (فيلى) اللي عامل ضجة في امريكا و خاصة بعد مشكلة بريتنى سبيرز !
البرنامج دا د. حسن عباس صبحي عملوا زمان في التلفزيون السودانى : تطبيقات علم النفس و التحليل النفسى في قضايا المجتمع و الحياة اليومية البسيطة ! دى رسالة التلفزيون الحقيقة
بالله يا نآذر محمد عثمان مش زى هدهد سيدنا سليمان !
هسي دي للنظام العام عدل سجن وجلد وغرامة وتغريب عن البلد تسعطاشر سنة
Post: #859 Title: Re: د / أحمد طراوة ___ فى ندوة عن تاريخ الغناء فى السودان . Author: Osman Musa Date: 01-09-2008, 00:01 AM Parent: #858
يا ناس ندوة الغناء الف مبارك جديد وليدات اخوكم الطيب شيقوق . دلاليك تجيب الرايح شبابيل طلقت ريحة الفلير والباترة . ضبايح ماحصلت فى التاريخ وقاليك الصحان تتطاقش من بيت العرس لى كلفورنيا . ناذر الخليفة دايرين التصاوير حقت عرس وليدات شيقوق . بكل الطرق بالعنف القانونى . أوبطريقة فوزى المرضى مع محمود الخطيب . قالوا يا أحمد طراوة الطيب شيقوق عرض فى اغنية الجدى العام وانتنا .
Post: #860 Title: Re: د / أحمد طراوة ___ فى ندوة عن تاريخ الغناء فى السودان . Author: محمد عثمان Date: 01-09-2008, 08:45 PM Parent: #1
Quote: لانزال في بداية الخمسينات : الشفيع ، سيد خليفة ، عثمان حسين .. وصلاح محمد عيسى :
" كُف عيونك عني لغة العيون هالكاني .. اهوى العيون السودا .. احب جمال في خدودا "
رحمة الله عليك يا اسماعيل خورشيد .. يا رقيق الحال
Post: #861 Title: Re: د / أحمد طراوة ___ فى ندوة عن تاريخ الغناء فى السودان . Author: salma subhi Date: 01-09-2008, 08:53 PM Parent: #860
د. أحمد طراوة ....
لك التقدير على كلمة طيبة جاءت في حق الوالد رحمه الله....
بحق لك كل التقدير
Post: #862 Title: Re: د / أحمد طراوة ___ فى ندوة عن تاريخ الغناء فى السودان . Author: Moawia Mohammed Date: 01-09-2008, 11:42 PM Parent: #1
الذكريات - عثمان الشفيع
Post: #863 Title: Re: د / أحمد طراوة ___ فى ندوة عن تاريخ الغناء فى السودان . Author: Moawia Mohammed Date: 01-09-2008, 11:47 PM Parent: #1
ما تنسانا - النعام أدم
Post: #864 Title: Re: د / أحمد طراوة ___ فى ندوة عن تاريخ الغناء فى السودان . Author: أحمد طراوه Date: 01-10-2008, 12:15 PM Parent: #1
سلِمتي يا سلمى .. يا بنت ذلك الرجل الهُمام !
عِندك معزة و محبة الكتيرين في هذا المنبر
.. بدليل إنو في غيابك فتحو ليك بوست خاص علي نهج غناء الراحل خلف الله حمد :
" بحثنا سالنا عليهو الطير .. و ما بنستحمل يوم بلا ! و بحر الشوق انا بعدي "
.. شكرا لمحمد و معاوية و نآذر علي جميل الغنا المرسول ..
.. حسين عثمان منصور كتب برضو لابودأؤد لحن برعى :
دقت الاجراسُ في معبدي .. وهو اخو محمد عثمان منصور
.. في عرس محمد عثمان منصور تلاتينات القرن الماضى .. وقعت واقعة حدباى و صحبو خليل فرح .. و إتعملت غنيتين علي قدر من الاهمية :
- زهر الرياض في غصونوا ماح .. بقول فيها حدباي في ضروب شعر الاخوانيات : يا محمد ابياتي القُلال .. تاج في صدورن و ليك هلال .. بقدرة الحي ذو الجلال .. تتهنا في بيت الحلال
- خليل برضو عمل اغنية : تم دورو وإ دور .. عملا نتيجة مشكلة و زعل حصل في حفلة العرس
.. حنقيف برضو في محطة : حسن عوض ابو العلا ، عبد المنعم عبد الحي , و خورشيد اللي ادو سيد خليفة جميل الشعر الغنائي :
" يا ملفت الانظار .. قلبي فيك إحتار .. "
Post: #865 Title: Re: د / أحمد طراوة ___ فى ندوة عن تاريخ الغناء فى السودان . Author: أحمد طراوه Date: 01-11-2008, 00:38 AM Parent: #1
عندنا الان حزمة من الاغاني الجميلة بتاعت فجر الخمسينات !
.. كلها شايلة تراث الجملة الموسيقية بتاعت خليل فرح و عبد المعين و عبد الرحمن الريح ..
بداية الخمسينات كانت نهضة الموازير السودانية و بالتالي القدرة علي كتابة و تدوين الموسيقى الغنائية !
و قلنا انو مصطفى كامل هو الكتب النوتة الاولي .. لكن سعدابي في لحظة زعل السودانين اللي هم شعب ( كبير عندو الجمل ) حسب قول المثل الشعبي ..
" شال كل ورق مصطفى كامل و رماهو في بحر ابوروف !! "
الموزارية في بساطة هي قانون الميزان اللحنى إن كان ايقاع او موسيقى ..
كل اللحن السوداني بتحرك في 3 موازير بتلاقيها 3 موازير ، او 4 موازير بتلاقيها 4 موازير علشان تتعمل جملة موسيقية !
صلاح محمد عيسى لحن اهوى العيون السودا متحرك في 3 موازير .. ودى الموزارية الاقرب للوجدان السودانى منذ عهد دوزنة العود علي نحو خماسي
.. اهوى 1 العيون 2 السودا 3 .. واحب 1 جمال 2 في خدودا 3
بين خطين بتتكرر النغمة و الوزن و بالتالي بتطلع عبارة لحنية متسقة بتعمل مع الاجابة اللي بهناك جملة موسيقية اثيرة :
" الميلودى بتاع الموازير الاولي دا اسمو القرار .. وهو في شكل سؤال نبرتو عالية بتردا عليهو بجواب نبرتو اقل علوا
دا اوضح ما يكون في اغنية الجابرى :
من طرف الحبيب جات اغرب رسائل ! الجابري هنا صوتو بنبرة عالية
بترد عليها بصيغة اقل علوا :
بيحكى عتابو فيها قال ناسينو قايل .. الجابري هنا صوتو مختلف و بنبرة اقل علوا
بالتالي بطلع التناسق الكلي بتاع الجملة الموسيقية المقبول للذوق و الوجدان ..
" مدد يا موصلي ! "
" دا قانون التلحين الموسيقى في ابسط و اجمل صورو "
لكن سرور في انة المجروح تحرك في 5 موازير و برضو كان جميل و قريب للوجدان السوداني !
كيف دا حصل من سرور ؟ !
وليه خليل فرح في عرس محمد عثمان منصور عمل مواجهة مع شلة (ود حاجي) بتاع استخبارات ادوارد عطية ، ومشى قعد قدام وزارة الداخلية علي الشاطى وقال :
" مين يقوم يتهور .. يبرى القيف هناك تحتو الدابى كور ؟ ! "
Post: #866 Title: Re: د / أحمد طراوة ___ فى ندوة عن تاريخ الغناء فى السودان . Author: أحمد طراوه Date: 01-11-2008, 07:56 PM Parent: #1
.. عُملاء جهاز القلم السرى بتاع الانجليز كانو باستمرار بترصدوا خليل فرح ومصطفى بطران و بسعوا لاستفزازم . .
" خليل ما كان داسى علاقتو بجمعية الاتحاد السودانى و ناس اللواء الابيض و موقفوا الوطنى - الفكري كان واضح بجلاء في غناهو ..
لمن بدا التراشق بالكلام في عرس الخرطوم ، حدباي راوية خليل و صحبو الاول قال ليهو في اغنية (زهر الرياض في غصونو ماح ) :
يا خليل اخوي !
" من قالو ومن قلنا سيب .. و اسمعني من حالي النسيب .. ذكرني آرام الكثيب .. الليهم الجيب و الكسِب "
.. خليل رد علي حدباى بالقصيدة الوطنية المشحونة بدلالات العزة و الإباء (تم دورو و إدور ) :
.. " يا قليبي اتجبر قوم وريني كيف الكرام تتصبر .. الحسود يتضور نارو حارقة لسانو كلو زور و مزور "
و برسل كلام جميل في شعر الاخوانيات للعريس :
" قام محمد بشر .. هزّ فوق تيجانن سل سيفو و كشر "
ودا بنقلنا لزواج الملك فاروق من ناريمان :
دا العرس اللي سافرو شاركو فيهو ناس احمد المصطفى ، وحسن عطية و الكاشف ، و عثمان الشفيع !
.. ولاقو هناك في العرس سيد خليفة و الشاعر / عبد المنعم عبد الحى معاهم الصاغ صلاح سالم !
صلاح سالم بتكليف من تنظيم الضباط الاحرار المصريين كان كثير الحركة وسط السودانين ! دا بشرح تطورات دورو لاحقا في انتخابات 1953 لمن مشى الجنوب ورقص الترم ترم في جوبا و ملكال بغرض التاثير علي نتائج الانتخابات حول موضوع الوحدة مع مصر
.. ومن يوم حفلة عرس الملك فاروق ظهرت الكسرة الغنائية علي ايقاع التم تم السودانى ، اللي اسمها :
" يعيش الملك فاروق "
جميلة عند الفابيولاس رمضان زايد لمن يضيف ليها علي نهج الاسترسال الحر :
" يعيش الملك فاروق .. خليك مع الزمن .. هو دا وقتو ؟ ! "
وزى خليل فرح ، كان ود القرشى ذو نزعة وطنية و قومية صريحة في مطلع الخمسينات :
" وطن الجدود نفديك بالارواح نجود " و لمن برضو يمارس لملمة الوطن العريض و يقول :
" يا الفي الجنوب حي الشمال .. يا الفى الغروب هاك لحني قال قال .. يا الفي الشروق ليك شوقنا طال طال "
رحم الله الفنان السودانى المطبوع بحب بلدو و شعبو : السيد علي الخليفة محمد الامين ( الشهير بسيد خليفة ) وهو بيقول :
" يا وطني يا بلد احبابي .. في وجودي اريدك و غيابي "
تحية خاصة لجامع الكلم الغنائى : احمد الامين !
منتظرنك يا احمد في مداخلة عن الراحل / عبد المنعم عبد الحى و رصد جميل شعرو اللي علي شاكلة :
" رملتنا بيضا .. يلاك نزورا "
.. جلسة يا كريم في الرملة السفاى بتاعت توتى
.. و للنيل نرد و نداعب الموج يا جميل حسبما قال ابو الروس و ترنم الكاشف !
يا محمد عثمان : بالله شوفوها لينا بطريقة ابوداؤد معاهو بشير عباس بالعود و صفارة الفم
" المقرن في الصباح "
Post: #867 Title: Re: د / أحمد طراوة ___ فى ندوة عن تاريخ الغناء فى السودان . Author: محمد عثمان Date: 01-11-2008, 10:03 PM Parent: #1
Quote: تحية خاصة لجامع الكلم الغنائى : احمد الامين !
منتظرنك يا احمد في مداخلة عن الراحل / عبد المنعم عبد الحى و رصد جميل شعرو اللي علي شاكلة :
لينا زمن من الاستااذ احمد الامين؟؟؟
و بجيكم رااجع بالمقرن فى الصباااح..
Post: #868 Title: Re: د / أحمد طراوة ___ فى ندوة عن تاريخ الغناء فى السودان . Author: أحمد طراوه Date: 01-12-2008, 10:36 PM Parent: #1
.. تسري النسائم عذبة .. و انا اهيم بلا مِلال .. و تسوقني الامال في دنيا المباهج و الخيال ..
" من الرومانتيك الاول للمدرسة التانية "
كتبا حسن عوض ابو العلا .. مُقعدا يناجز المحنة و الابتلاء !
وقعت في يد سيد خليفة ، زين بيها جيد عنق الغناء السوداني الاوركسترالي
في تلك اللحظة كان ود القرشي .. بتامل في القطار كحقيقة هامة في مجتمع السودان الناهض
.. القطار كاحدى مصادر الالهام الشعري .. فكتب جميل القول:
" القطار المرا .. فيهو مرا حبيبي "
من يومها دخل القطر كمفردة شعرية اثيرة في الرومانس السوداني المُغنى
" المقرن في الصباح "
يا حبيبي قوماك ننسرق علي مقرن النيل في الصباح
.. يالجمال السرقة علي هذا النحو ! الحردلو قال :
بهمة منصح الوادي المُخدر دِرو شالت قلبي تطوي و كل ساعة تفرو !
" فصارت البهيمة شعرا ، في عداد المفردة الجميلة "
.. بننتظر كلام ابو الروس الحان الكاشف علشان نشوف صلة التفعيلة الجديدة بالجملة الموسيقية الجديدة برضو
المقرن تلك الظاهرة الفريدة في افريقيا و العالم ..
Post: #869 Title: Re: د / أحمد طراوة ___ فى ندوة عن تاريخ الغناء فى السودان . Author: محمد عثمان Date: 01-12-2008, 11:23 PM Parent: #1
Quote: .. بننتظر كلام ابو الروس الحان الكاشف علشان نشوف صلة التفعيلة الجديدة بالجملة الموسيقية الجديدة برضو
المقرن تلك الظاهرة الفريدة في افريقيا و العالم ..
دكتور طرااوة..
يومين نقاتل فى الفيروس اللعين الذى سبب لنا مشاكل فنية حالت دون انزال الاغنية بصوت الكااشف..ايضا موقع تحميل الاغانى فى البورد لا يعمل حاليا الامر الذى سبب لنا بعض الصعوباات فى انزال اغنياات جديدة..
اغنية المقرن فى الصبااح بصوت الفنان عااصم البنا..
مودتى..
Post: #870 Title: Re: د / أحمد طراوة ___ فى ندوة عن تاريخ الغناء فى السودان . Author: Osman Musa Date: 01-13-2008, 04:39 AM Parent: #869
د / ياسكو الكلفورناوى الشوق بلاحدود . عليك الله شوف صوت عاصم البنا ده ما بخلى الواحد يخلى البلد دى فى ضهرو ويمشى يتخيل لى يا سيكو متل الغناء ده هو البحدد ويعجل موعد رجوع الناس الى تلك البلاد الجميلة الى حد الا موت ..
Post: #871 Title: Re: د / أحمد طراوة ___ فى ندوة عن تاريخ الغناء فى السودان . Author: محمد عثمان Date: 01-13-2008, 06:51 PM Parent: #1
Quote: " المقرن في الصباح "
يا حبيبي قوماك ننسرق علي مقرن النيل في الصباح
.. يالجمال السرقة علي هذا النحو ! الحردلو قال :
بهمة منصح الوادي المُخدر دِرو شالت قلبي تطوي و كل ساعة تفرو !
" فصارت البهيمة شعرا ، في عداد المفردة الجميلة "
Post: #872 Title: Re: د / أحمد طراوة ___ فى ندوة عن تاريخ الغناء فى السودان . Author: محمد عثمان Date: 01-13-2008, 09:25 PM Parent: #1
و الطقس لا حر لا برد...
Post: #873 Title: Re: د / أحمد طراوة ___ فى ندوة عن تاريخ الغناء فى السودان . Author: Ahmed al Qurashi Date: 01-13-2008, 09:55 PM Parent: #872
الاخ العزيز - عثمان موسى
اشكرك كثيرا لانك اتحت لنا وللقراء متابعة هذا الجمال وهيأت المناخ المناسب لاستنطاق هولاء المبدعيين ليسكبوا لنا هذا الجمال فالتحية للعزيز احمد طراوة وللاعزاء محمد عثمان ومعاوية وياسيكو
Post: #874 Title: Re: د / أحمد طراوة ___ فى ندوة عن تاريخ الغناء فى السودان . Author: أحمد طراوه Date: 01-14-2008, 08:16 PM Parent: #1
اما السواقي بدت تسوق ! لم يقل تدور ! و للحق تسوق المستهدفة آفاق الرايم لهى اجمل !
دا بحر الرجز او ( المُتدارك ) اللي فات علي الخليل بن احمد الفراهيدى تصنيفو ، دا بحر بكتبو بيهو ناس الثقافة العربية في بلاد الهُجنة خارج جزيرة العرب
.. البحر دا فيهو براعة و فنون عتيق و شعر التدوير الجديد بتاعو اللي استدعى الجملة الموسيقية الجديدة
لمن ابو الروس عمل مسرحية خراب سوبا بكل دلالاتا الوطنية المناهضة للمستعمر ، قلم الاستخبارات قام استدعى الشاعر الاديب و رائد التعليم الوطنى ودار حِوار - استجوابي حول المسرحية
.. ابو الروس في الاستجواب الامني داك كان عظيم بحق .. تفاصيل الاستجواب عارفو و حافظو شاعرنا الوطني عالي المقام حفيد المك ناصر و استاذ المسرح السودانى : هاشم صديق الملك
.. لمن نصل محطة (ود الامين) .. لازم نسمع ليرك هاشم صديق المُلحن بمزيج السلم الخماسي - السباعي :
" البريدا .. ريدا سيدى .. وريدى سيدا "
يا قرشي : ليك السلام ما غنى شادى او رطان .. ليك السلام ما غنى مفارق الاوطان
بالنسبة لينا ، بوستك ، و بوست نآذر عن الموصلي هما زاد المسافر و مونة خريفنا و صيفنا
Post: #875 Title: Re: د / أحمد طراوة ___ فى ندوة عن تاريخ الغناء فى السودان . Author: محمد عثمان Date: 01-14-2008, 08:42 PM Parent: #1
دكتور طرااة..
يا سلاااااام
و متاابعين معااااك....
Post: #876 Title: Re: د / أحمد طراوة ___ فى ندوة عن تاريخ الغناء فى السودان . Author: Osman Musa Date: 01-15-2008, 04:51 AM Parent: #875
د / أحمد القرشى DICTIONARY الغناء السودانى والمحيط السودانى .. والله ياأخ أحمد القرشى . من سنه 1987 فى تلك الجلسه مع د/ بخيت فى داك اليوم وانا تترامى الى أذنى كلماتك عن العبادى وعن بادى ..لهم الرحمه يا سلام يا سلام اغانى نتظلل بها كل ما تعصر علينا المصايب . تحياتى أخ أحمد القرشى .
Post: #877 Title: Re: د / أحمد طراوة ___ فى ندوة عن تاريخ الغناء فى السودان . Author: Osman Musa Date: 01-15-2008, 10:35 PM Parent: #876
مع د/ أحمد طراوة تمتد
ندوة تاريخ الغناء فى السودان . نتابع
Post: #878 Title: Re: د / أحمد طراوة ___ فى ندوة عن تاريخ الغناء فى السودان . Author: محمد عثمان Date: 01-15-2008, 11:16 PM Parent: #1
كتب ابو الروس ايضا للكااشف اغنية حيرتى افكارى معااك و مفردة الفجر هناا ايضا...
اسكرنى طيب لطفك يا روحى يا فتنة يا مغرى يا باسم الثغر يا طلعة الفجر يا دنيا من زهر...
و سر العلاااقة بين ابو الروس و الفجر و الصبااح فى المقرن..؟؟؟
و نوااصل مع دكتور طرااوة....
Post: #879 Title: Re: د / أحمد طراوة ___ فى ندوة عن تاريخ الغناء فى السودان . Author: أحمد طراوه Date: 01-16-2008, 11:24 AM Parent: #1
.. و كتب برضو :
" ما احلي ساعات اللقاء في الشاطي قرب المُلتقى .. انا و الحبيب عند الغروب .. "
.. و لازم نصل لسر اسرار علاقة ابو الروس بالمقرن !
.. برضو مسعد حنفى كان بمشى بهناك :
" أتذكري جلستنا في المقرن سوا "
و بديع احمد المصطفى لمن يغير ميلوديا الاغنية بتاعت ابو الروس بجملة لحنية فريدة و يقول :
" سامرني يا ظبي النقا .. فيك قامة دايما بعشقا .. و ليك بسمة ساحرة و شيقة "
وجميلة ( غرد الفجرُ ) عند عثمان حسين !
و لاح الصباح عند الشفيع ، كلام عبد المنعم عبد الحي
.. و قصة خليل فرح مع الليل !
" ليل ونهار بصحالو .. و ايه ضيعني غير إهمالو ! ياليل .. صباحك مالو احبابك جفوني و مالو يا ليل "
ودي قصة الزول الفقد راس مالو .. وبقى ما بفرز يمين لا شمالو
.. و الكاشف لمن يصدح بكلام عبيد عبد الرحمن :
" الليل ما بنوموا .. لاني حارس نجوموا "
.. و الرجل الورع الفقير لله ، القايم الليل علي خط الطريقة السمانية .. الشيخ قريب الله لمن سمع صوت كرومة شاقى فضاءات امدرمان بكلام ابوصلاح :
" ياليل صار ليك مُعاهد .. طرفي الفي منامو زاهد "
.. ونجمة .. نجمة .. الليل نعِدو ! إذ نحن لانزال في الدرب الطويل لمدرسة الغناء الاوركسترالي التانية
خيط الموازير الجديدة الرابط لونية سيد خليفة ، مع لونية عثمان حسين و ابراهيم عوض
.. دا نفس الخيط اللي نسج بيهو وردي في نهاية الخمسينات تجربتو الموسيقية - الغنائية بكل طابعا التجديدى ، الاستثنائي ، الفريد
Post: #880 Title: Re: د / أحمد طراوة ___ فى ندوة عن تاريخ الغناء فى السودان . Author: محمد عثمان Date: 01-16-2008, 04:29 PM Parent: #1
Quote: .. و كتب برضو :
" ما احلي ساعات اللقاء في الشاطي قرب المُلتقى .. انا و الحبيب عند الغروب .. "
.. و لازم نصل لسر اسرار علاقة ابو الروس بالمقرن !
دكتور طراااوة...
كسرة يا ابو على..لا تخرج بالموضوع من سيااقه و اتجاهاته
و على ذكر الليل و الصبااح:
كتب باازرعة و هو جاالسا فى كنبته المشهورة قباالة الساحل و قرب الثقالة المشهورة:
اسال عليك الليل ونجمه.. وحتى انوار الصباح وكل طائر في سماه و فى شريعته الحب مباح اسال مشاعر عن هوانا وليه حنانك لى راح .. خليتنى في غاية الألم آمالى تزروها الرياح
و كان و لعله عزمى ممد خليل بعد كان السلام غير المعهود عليه ان قال:
نحكى ليك عالليل شقاانا و عن مسااار نجمو بعد نحن سالمناك بطيبة و يا ما بكى عيونا ردك ليه زمااان اديتنا ربدا و جيت حرمتنا تاانى ودك...
و اسمااعيل حسن ايضا كان له صولات و جولات مع الليل و الاغنية الشهيرة التى اقتلعها وردى اقتلاعا من الفنان صلاح بن البادية ليقوم بتسجيلها لحظة خروجه من سجن كوبر فى السبعينات:
منو البدور يساهر الليل ويسافر فوق جناح الشوق يكوس نجماً بعيد ضواي منو .. إذا وصفولو أرض الحور تلاقي قوافلو طول الليل تشق التيه تجر النم مع الحردلو في الدوباي
هااشم صديق كان حزينا جدا و هو يحكى عن الليل فى الاغنية التى طرزها الفنان سيد خليفة بصوته الدافئ:
والليل ضفائر حزنو مداها الألم زي التقول عارف النهاية القاربت شفتا الفريق ضامي الفرح فى دار حبيب ضميتو في قلبي الحنين..
ود القرشى كانت له امسياته التى افرزت الكثير من الدرر و فى واحدة من اغنياته البديعة جعل الليل شااهد ملك لتكتمل المراافعة بصوت ود الشفيع الراائع:
تشهد نجوم الليل تشهد زهور الخميل وفيما يجدي الملام او يسمر السمار هل نلمح ظبي الديار صدفه الحبيب اختار قربي وهوائي شعار..
التجاانى حاج موسى وقف محتاار فى امر الليل و بدأ يسأل:
متين الليل يصافينى!!!!! و نعود تااااانى.. من تانى.. و القاك يا حبيب عمرى و تلقانى و تلقى الريد معااااايا..و لحظة ما نسيتك.. و لا نسااااانى.. لا بنساك..و لا بقدر..و لا عاوز بعد حبك..أحب تانى..
و كاابلى رفض الا ان يوثق لاياامه الجميلة التى قضاها بمدينة مروى حيث كان يعمل بالقضائية هنناك حيث خرجت اغنية مروى الجميلة و كان ليضا لليل قيها كلاااام:
يلا نمشى النيل فى اواخر الليل بين رمال ونخيل يغنى لينا جميل بوبا عليك تقيل القمر بوبا يا مريسيل تعال بوصيك فى الرمال الصيد بلاقيك...
و عتيق هو الاشهر فهو صااحب الليالى الخاالدات و الذى كتب الكثير عن الليل و الصبااح اجاد فيها الوصف والخيال حتي تشعر بانك معهم في تلك الايام الخوالي....ومن لياليه:
ما بنسي ليلة كنا تايهين في سمر انا ..وانت ... والنيل و القمر
وايضااااا.... في حدائق المقرن يوم الأحد بالليل شفت الشموس طالعه وشفت المهج والعه
قضينا ليله ساهره تضمنت محاسن من كل روضة عينه ومن كل عينه زهره...
معليش دكتور طرااوة سرحنا شوية....
و نسمع اغنية ابو الروس..ما احللا سااعات اللقاء..بصوت شرحبيل و عاابدة الشيخ
Post: #881 Title: Re: د / أحمد طراوة ___ فى ندوة عن تاريخ الغناء فى السودان . Author: Osman Musa Date: 01-17-2008, 03:20 AM Parent: #880
أخ محمد عثمان الله يحججك تانى ويمد فى أيامك .. سلام شديد وشكر كتير .. اها عندى ليك خبر سمح بلحيل يا محمد عاطف أنيس الفنان الجميل بكون معاكم يوم 22/1/2008 تحياتى
Post: #882 Title: Re: د / أحمد طراوة ___ فى ندوة عن تاريخ الغناء فى السودان . Author: محمد عثمان Date: 01-17-2008, 05:24 AM Parent: #881
Quote: أخ محمد عثمان الله يحججك تانى ويمد فى أيامك .. سلام شديد وشكر كتير .. اها عندى ليك خبر سمح بلحيل يا محمد عاطف أنيس الفنان الجميل بكون معاكم يوم 22/1/2008
الجميل عثمان موسى..
اللهم امين و ربنا يوعدكم و كل الاخوة الاحباااب
لم استمع للفنان عاطف انيس من قبل و لكنى سمعت عنه الكثير و لعلها فرصة طيبة لنسمع عن قرب هذا الفنان الذى سبقت شهرته حضوره الى الخرطوم.. شكرا للخبر و شكلنا نحن متغربين دااخل البلد..
يديك العاافية...
Post: #883 Title: Re: د / أحمد طراوة ___ فى ندوة عن تاريخ الغناء فى السودان . Author: Osman Musa Date: 01-17-2008, 11:49 PM Parent: #882
استاذ ناذر الخليفة سلامات ليك يومين ماك باين .. شنو ؟ اتمنا أن تكون كل الاحوال على ما يرام تحياتى .. الايميل بتاعك عصلج معاى تب حلف ما يمشى وعمك بكرى حيرنا فى الماسنجر . على كل حال انا فى انتظار ارسال التلفون على الفاكس
Post: #884 Title: Re: د / أحمد طراوة ___ فى ندوة عن تاريخ الغناء فى السودان . Author: أحمد طراوه Date: 01-18-2008, 00:35 AM Parent: #1
.. عاطف انيس في دروب الاوركسترالية و مجمل الغناء لماح ، مجتهد ، شاقي طريقو ، و عندو حساسية عالية
.. دا الانطباع اللي بتطلع بيهو لمن تسمع اعادة توزيعو لاغنية خليل فرح ( في الضواحى )
.. عاطف عمل اعادة توزيع موسيقي بما يخدم قضية الهارموني السوداني
- النتائج النهائية لإنعتاق العود السوداني من إسار التخت العربي
- النتائج النهائية لصراع جماعة الصولفيج السوداني البسيط مع مقام (فا) الكبير لاخراج الدرجة الرابعة و السابعة ، و اجمالا الصر اع مع الداياتون الاروبى - المصري الكبير ، و انتزاع البنتاتون السوداني الخماسى الصغير من فك الاسد الاوركسترالي
- تجليات الكاونتر بوينت و الهارموني في غناء عثمان حسين ، و الشفيع ، و سيد خليفة ، و ابراهيم عوض ، و باقي جماعة فجر الخمسينات .. وكيف دا كلو صار تراث مركزي لغناء وردى ، و ود الامين لاحقا ! ؟ و ما فعله موسي محمد ابراهيم في اغنية ماضى الذكريات !
- المصائر التاريخية للزمة الموسيقية الاولي اللي ابتدعا كرومة في اغنية الرشيم الاخضر ، و برضو كسرة كرومة اللي بقت اغنية كاملة علي يد الكاشف و ابراهيم عوض
.. عبقرية كرومة و تجليات الكابلي معا .. بوفروا الاساس لمقاربة تلك القضايا ..
" كابلي في الرشيم الاخضر .. مدد يا ود عثمان يا اب جلابية "
.. الرشيم الاخضر ، غنية مركزية في مسار و قفزات الموازير و الميلودى السودداني
Post: #885 Title: Re: د / أحمد طراوة ___ فى ندوة عن تاريخ الغناء فى السودان . Author: Osman Musa Date: 01-18-2008, 01:33 AM Parent: #884
هطل علينا الفنان الجميل ابو عركى البخيت صاحب حدائق الغناء المثمرة اهلا والف مراحب به . ابو عركى الفنان الحق له التحيه
Post: #886 Title: Re: د / أحمد طراوة ___ فى ندوة عن تاريخ الغناء فى السودان . Author: Moawia Mohammed Date: 01-18-2008, 12:35 PM Parent: #1
الأعزاء الأوفياء
عثمان موسي
أحمد طراوه أحمد القرشي
محمد عثمان ياسيكو ناذر
أحني هامتي احتراما و اجلالا لكم وأنتم تنثرون دررا عبر هذا الاسفير عندهايغمرني احساس بالدفء في بلد يأتيها المسافرين للتزلج وشعور بأني أحتضن المذياع وأستمع الي برامج أخر الليل من هنا أم درمان
يا تري هل من عودة ?
Post: #887 Title: Re: د / أحمد طراوة ___ فى ندوة عن تاريخ الغناء فى السودان . Author: Moawia Mohammed Date: 01-18-2008, 01:01 PM Parent: #1
المقرن في الصباح
الكاشف - أوركسترا
الكاشف - عود
أبوداؤود وبشير عباس - عود
Post: #888 Title: Re: د / أحمد طراوة ___ فى ندوة عن تاريخ الغناء فى السودان . Author: أحمد طراوه Date: 01-19-2008, 00:19 AM Parent: #1
.. وكمان ابو داؤد و كابلي في الاغنية اللي اسمها :
" يا زاهية .. يا لاهية ، قلبي الشلتي جيبي ! "
فنان لندن مصطفى السنى اعاد توزيعا علي تقاسيم الريقى ..
كتبا و لحنا كابلي و اداها لابوداؤد علي شعار :
" اولاد بحري : بلاك آند وايت ! "
لك منا الشكر الجزيل يا زول دنفر ..
Post: #889 Title: Re: د / أحمد طراوة ___ فى ندوة عن تاريخ الغناء فى السودان . Author: Osman Musa Date: 01-19-2008, 04:51 PM Parent: #888
شعب متحضر البستمع وبغنى متل ده ..
Post: #901 Title: Re: د / أحمد طراوة ___ فى ندوة عن تاريخ الغناء فى السودان . Author: Moawia Mohammed Date: 01-21-2008, 02:07 AM Parent: #888
فوق
Post: #890 Title: Re: د / أحمد طراوة ___ فى ندوة عن تاريخ الغناء فى السودان . Author: أحمد طراوه Date: 01-20-2008, 00:28 AM Parent: #1
.. و الله جميلة هذه ساعات اللقاء !
عابدة مع شرحبيل ..
عابدة بتمارس الانتقال من صوت لآخر .. بحس سليم و بنهج الانتقال المتوافق .. و بتمارس حركة اصوات محسوبة ..
" دا الهارموني "
.. في غناء الحقيبة الاول الانتقال كان عبر ( العصايا )
العصايا ( كبري للانتقال ونهج اوركسترالي بسيط )
.. فكرة ذات صلة ب الميلودى جابا بشير الرباطابي و طورا سرور في انة المجروح و استعملا برضو كرومة في الرشيم الاخضر حيث التكثيف النغمى بدا ياخد مدى جديد في الغناء السوداني
اغنية الذكريات عاوزين نسمعا !
تطور خاص في الميلودى السوداني علي يد الشفيع و ود القرشى !
بتقابلا اغنية الذكريات بتاعت الفنان الاثيوبي ذو المكانة
" محمد احمد ! " بالضبط اسمو محمد احمد ..
Dtezite بغنيها محمد احمد ب ( الكِرار ) ودا اسم الطمبور في اثيوبيا ..
تاريخ الطمبور الضارب في القِدم في حزام السافنا الافريقي
لمن نسمع النعام في :
" اشد اوتاري و اترنم و اجرو مع الخيال النم .. اجرى يا عيوني دمع الدمع "
بنقارب الطمبور تاريخيا : حاملة الخماسى في السودان و افريقيا !
Post: #891 Title: Re: د / أحمد طراوة ___ فى ندوة عن تاريخ الغناء فى السودان . Author: Moawia Mohammed Date: 01-20-2008, 01:31 PM Parent: #1
فوق
Post: #892 Title: Re: د / أحمد طراوة ___ فى ندوة عن تاريخ الغناء فى السودان . Author: Moawia Mohammed Date: 01-20-2008, 01:41 PM Parent: #1
الكابلي - يا زاهية
Post: #893 Title: Re: د / أحمد طراوة ___ فى ندوة عن تاريخ الغناء فى السودان . Author: احمد الامين احمد Date: 01-20-2008, 06:49 PM Parent: #892
يلاحظ مدى الفرح والحب والشجاعه التى يتحلى بها قلم طراوه وهو يطرز هذا الحديث العذب عن ارثنا الوجدانى يتدفق حبره منسابا زى " مرالنسيم بمقله النعسان" او زى ما قال شيخ عبادى فى " سايق الفيات " احمد لطراوه انه من فك لغز اسم العازف الشهير الذى اطعم النوته الموسيقيه التى دونها المصرى مصطفى كامل " عازف القانون " الشهير للاغنيات السودانيه لسمك النيل اثر خلاف فنى او غيره jealous كما ذكر الذاكرون قبل طراوه لكنهم عمدوا الى الحفاظ على سريه اسم العازف من الذين فعلوا ذلك المؤرخ معاويه يس رغم جراته فى الكتابه ...الان فقط علمت من طراوه ان هذا العازف المجيد هو عازف الفلوت المتدفق " سعدابى " وللذين يودون معرفه مدى مهارته وتجليه الشديد فى العزف وبراعته الفذه استموا مره اخرى للمقدمه الموسيقيه لرائعه قرشى وابى عفان " الفراش الحائر" وانصتوا جيدا للحوار الثلاثى الذى يسودها بين مزهر عثمان حسين ومجمل الاوركسترا وفلوت "سعدابىلوحده " حين تصمت بقيه ادوات الفرقه وكذلك للحوار الممتع لفلوته مع "الصوت الراقى" وردى فى المقدمه الجميله لرائعه ود حد الزين " لو بهمسه " ذاك هو فلوت سعدابى ... * قبل ان يستجيب الشاعر الكبير والعاشق فضيلى جماع لدعوه طراوه فى الكتابه عن الثنائيات فى الكلاسيكيات السودانيه يبدو ان هذه الثنائيات قد تضر احيانا تحديدا فى بازرعه وعثمان حسين اذ صار كل نغم جميل لعثمان ينسب لبازرعه ان استعصت الذاكره لفت نظرى فى مداخله سابقه بهذا البوست نسبه رائعه زابط سلاح الاشاره القديم واول دفعه نميرى فى الكليه الحربيه عوض احمد خليفه : اسال عليك الليل ونجمه حتى انوار الصباح وكل طائر فى سماه وفى شريعته الحب مباح اسال مشاعرك عن هوانا وليه حنانك راح خليتى فى غايه الالم امالى تذرها الرياح نسبتها الى بازرعه رغم ان صاحبها عوض احمد خليفه الصوفى المعذب وامام جامع الادريسى الان بالمورده رقم صعب وزاويه حاده فى مسيره عثمان حسين ويتفوق على بازرعه فى تجربته تلك انه اى عوض يكتب اغنياته مترنما بلحنها " زى عبيد عبدالرحمن وود الريح والسر قدور" الى جانب براعته فى العزف على المزهر بدرجه تقارب عزف برعى لكنه اى عوض ممزق بين الفن والمسجد ولعله انحاز اخيرا للاخير فالتحيه له فى مصلاه فجرا وضحى وعصرا ومغربا وعشا وسحرا بعدد حروف المصحف الذى يتلوه اناء الليل واطراف النهار ...وعوض احمد خليفه اهدى الاذن عبر صوت عثمان حسين اغنيات هن " نورا " التى منها الابيات السابقه وخلى قلبك معاى شويه يا اغلى حبيبه لى وعشره الايام ما بصح تنساها كان ما حبيتك وعشناه احلى غرام وشتات الماضى وربيع الدنيا " ارجو الاستماع للاخيره عند محمد الامين بالعود بس" واهدى ابراهيم عوض " ياغايه الامال لو تعرف الشوق " واخريات لزيدان وكابلى.... تحيه لطراوه ومحمد عثمان اعدكما ساستجيب دون موعد مسبق للتداخل حول الزابط الكبيرعبدالمنعم عبدالحى بشرط ان "يسلطنى" معاويه محمد من "بيت الكلاوى" على رائعه عبدالمنعم وامير العودعلى ايقاع التم تم اغنيه "ننو يا ننو" تلك الاغنيه الخفيفه الظريفه التى اجبرت احمد المصطفى ذاك " المشدود على قلوبنا " ان يقطع اجازته السنويه بالقاهره ويعود للخرطوم باعنيه "انا ام درمان" لذات الشاعر كى يغطى " نو ياننو" ويتنافس مع صديقه حسن عطيه فى الموسم ... أرجو ان لا يسرع طراوه فى الخروج عن فتره الخمسينات والولوج الى الستينات حسب خطواته لان الحديث عن الفن السودانى فى الخمسينات يحتاج لوقت طويل جدا خاصه انه اى طراوه بدأ الحديث عن الكسره التى ميزت اغنيه الخمسينات بعد تحولها الى اغنيه خفيفه كما ذكر طراوه على يد عثمان حسين وابراهيم عوض وعلى ذكر الاخير ذكر وردى ان للزابط الحربى المبدع الطاهرابراهيم القدح المعلى فى كسرات الخمسينات على حنجره ابراهيم عوض وعلى ذكر ابراهيم عوض لقد اصدر الفنان الطروب الدرويش صلاح ابن الباديه كاسيت مؤخرا بصوته يتغنى فيه باروع كسرات ابراهيم عوض واغنياته الاخرى " الدنيا منى واحلام " بسهر فى غيابك وابكى كثير شايل همى وهمك وهموم الغير انا حبى ليك ثابت انا حبى غير " وجمال دنيانا والوافر ضراعو" علمت من مداخلات طراوه انها لام الحسن الشايقيه " وحبيبى جننى وغير ذلك واعتذر عن الاسهاب
Post: #894 Title: Re: د / أحمد طراوة ___ فى ندوة عن تاريخ الغناء فى السودان . Author: محمد عثمان Date: 01-20-2008, 07:06 PM Parent: #1
Quote: لفت نظرى فى مداخله سابقه بهذا البوست نسبه رائعه زابط سلاح الاشاره القديم واولدفعه نميرى فى الكليه الحربيه عوض احمد خليفه : اسال عليك الليل ونجمه حتى انوار الصباح وكل طائر فى سماه وفى شريعته الحب مباح اسال مشاعرك عن هوانا وليه حنانك راح خليتى فى غايه الالم امالى تذرها الرياح نسبتها الى بازرعه رغم ان صاحبها عوض احمد خليفه الصوفى المعذب وامام جامع الادريسى الان بالمورده رقم صعب وزاويه حاده فى مسيره عثمان حسين ويتفوق على بازرعه فى تجربته تلك انه اى عوض يكتب اغنياته مترنما بلحنها " زى عبيد عبدالرحمن وود الريح والسر قدور" الى جانب براعته فى العزف على المزهر بدرجه تقارب عزف برعى لكنه اى عوض ممزق بين الفن والمسجد ولعله انحاز اخيرا لاخير فالتحيه له فى مصلاه فجرا وضحى وعصرا ومغربا وعشا وسحرا بعدد حروف المصحف الذى يتلوه اناء الليل واطراف النهار ...وعوض احمد خليفه اهدى اذنا عبر صوت عثماتن حسين اغنيات هن " نورا " التى منها الابيات السابقه
الاستااذ احمد الامين..
شكرا كتير للمداخلة الثرة و القيّمة و شكرا ايضا للتصحيح بالنسبة لاغنية اطيب خااطرك الغالى فعلا انا كنت قد نسبتها للشاعر بازرعة و هى فعلا من كلمات الشاعر عوض احمد خليفة
يديك العاافية..
Post: #895 Title: Re: د / أحمد طراوة ___ فى ندوة عن تاريخ الغناء فى السودان . Author: Osman Musa Date: 01-20-2008, 07:28 PM Parent: #894
استاذ أحمد الامين أحمد سلام شديد تشرفنا كتير أخى بدخولك المفيد والجميل . نحاول ادخال استاذ جماع فى ما يدور . لك الشكر الجزيل ونحن نحتاج وننتظر افاداتك . تحياتى وشكرى .
Post: #896 Title: Re: د / أحمد طراوة ___ فى ندوة عن تاريخ الغناء فى السودان . Author: محمد عثمان Date: 01-20-2008, 08:03 PM Parent: #1
و ينتقل المايكروفون الان للزميل معااوية للموااصلة..
Post: #897 Title: Re: د / أحمد طراوة ___ فى ندوة عن تاريخ الغناء فى السودان . Author: Moawia Mohammed Date: 01-21-2008, 01:28 AM Parent: #1
شكرا الزميل محمد عثمان
Post: #898 Title: Re: د / أحمد طراوة ___ فى ندوة عن تاريخ الغناء فى السودان . Author: Moawia Mohammed Date: 01-21-2008, 01:51 AM Parent: #1
أستاذنا أحمد الأمين لك التحايا مثني و ثلاث و رباع والرجاء المواصلة و الاسهاب في كل ما هو مثير و مدهش في تلك الفترة الذهبية مع صنوك د. طراوه و نحن دائما رهن اشارتكم
وهاكم ننو يا ننو عند أمير العود
Post: #902 Title: Re: د / أحمد طراوة ___ فى ندوة عن تاريخ الغناء فى السودان . Author: Osman Musa Date: 01-21-2008, 02:12 AM Parent: #898
يا سلام الحاج محمد عثمان بعد الهروله ورمى الجمرات عاد اكثر نشاط من العجب ماشاءالله .. الأن بعونكم ندوة تاريخ الغناء تطبق البوخه العاشره . .. عماره ناطحة سحاب وفى المدخل تمثال عمك العبادى . لكم جميعا التحيه أخوانى الكرام
Post: #903 Title: Re: د / أحمد طراوة ___ فى ندوة عن تاريخ الغناء فى السودان . Author: Osman Musa Date: 01-21-2008, 02:50 AM Parent: #898
د / أحمد طراوة ___ فى ندوة تاريخ الغناء فى السودان .
Post: #899 Title: Re: د / أحمد طراوة ___ فى ندوة عن تاريخ الغناء فى السودان . Author: Moawia Mohammed Date: 01-21-2008, 02:01 AM Parent: #1
فوق
Post: #971 Title: Re: د / أحمد طراوة ___ فى ندوة عن تاريخ الغناء فى السودان . Author: Osman Musa Date: 02-09-2008, 10:59 PM Parent: #899
الأخ معاويه سلامات الف شكر وانت توقف التاكسى فى حدريب الروكى لترفع للجماعه بوست تاريخ الغناء . نفس رشاقة الفنان خضر بشير فى المسرح . ... تحياتى وشكرى واتمنا لكم التوفيق فى موضوع الحفل
Post: #900 Title: Re: د / أحمد طراوة ___ فى ندوة عن تاريخ الغناء فى السودان . Author: Moawia Mohammed Date: 01-21-2008, 02:06 AM Parent: #1
الرشيم الأخضر - كابلي
Post: #968 Title: Re: د / أحمد طراوة ___ فى ندوة عن تاريخ الغناء فى السودان . Author: Osman Musa Date: 02-08-2008, 05:29 PM Parent: #900
نتابع .. ندوة تاريخ الغناء
Post: #904 Title: Re: د / أحمد طراوة ___ فى ندوة عن تاريخ الغناء فى السودان . Author: أحمد طراوه Date: 01-21-2008, 10:26 AM Parent: #1
... و ما عارفين نقول شنو . . و ما قادرين نقول شنو !
" من اراجيز مدرسة الغناء الاوركسترالي التانية "
.. و يا احمد الامين دمت مُظفرا .. في نعيم و حِظوظ مُتوفرا
" قول لابو صلاح "
.. ويظل معاوية و محمد عثمان مثل طيور صلاح احمد ابراهيم المُهاجرة للوطن زمن الخريف
" فبسبب معاوية و محمد عثمان ، صرنا كلما استشعرنا التعب و وعثاء المسافة و السفر سمعنا صوت وردي ينادي :
" و كان تعب منك جناح في السرعة زيد ! "
و يبقى فضل ( الرشيم الاخضر ) في مسار الغناء السودانى الحديث ، مثل فضل قصيدة ( اوراق العشب ) يوم ان كتبها والت و يتمان ، و بها اعاد توجية مسار الشعر الامريكى الحديث في تلك الوجهة الجديدة !
و مبتدا القول و منتهاه هي عبقرية كرومة !
و كما قال الهادي الضلالي : إن الله قد منح الهند تاج محل ، و وهب مصر الاهرامات و منّ علي امة السودان ب ( عبد الكريم عبد الله مختار )
.. غير ان صديق محمد فرح رمرم ، كان يضيف قائلا : و ابراهيم عوض ايضا .. و صديق فرح هو ( راوية ابراهيم عوض )
.. اربعة دلالات هامة و ثلاتة قفزات و تحولات اشدة اهمية ، جاء بها كرومة و عتيق في تلك العبقرية المسماة :
" بالرشيم الاخضر .. في الخديد الانضر .. هم سبب آلامي "
.. علي درب الرشيم الاخضر نواصل سبر أغوار :
- جديد الميلودي السوداني
" و نقصد الق و جمال الغنائية السودانية و نكهتا الخاصة ، كما هو واضح في لونية الكابلي الجارية قدامنا في جميل مُرسلات معاوية "
- شعر التفعيلة الجديدة و التدوير الذي استدعى موازير ايقاعية و لحنية جديدة
- اللزمة الموسيقية في تجلياتها الاولي
_ بوادر و إشراقات الكسرة في عهدها الاول اللي سبق الكاشف
- توافق كرومة و مُسايرتو لحركة و مُتغير الايقاعات : غنى دمع المحاجر سال بالنقرزان التقيل ، و بعدا غنى نسيم سحرك لو يسري بالنقرزان الخفيف ، و جاء ليغني الرشيم الاخضر بالتم تم التقيل .. ثم خداري بالتم تم الخفيف علي نهج زنقار
_ وفي الرشيم الاخضر كان كرومة صاحب اول ( قرار ) لحني تمت متابعتو بإجابة لحنية علي ذلك القدر من الغنائية السودانية الأخاذة الرفيعة
" يعنى بكامل الوضوح و مختصر القول :
لمن تسمع الكابلي بيصدح بالقرار الاول في الاغنية : الرشيم الاخضر .. في الخديد الانضر ..
.. و يقوم يغطي القرار بالاجابة المتوافقة بحرا و لحنا و يقول :
هم سبب الآمي !
و يدخِل ال آه في النُص ك : لزمة و تكملة موسيقية !
لمن تسمع البداية دي بس ، بتقتنع انك سمعت عمل سوداني فني - غنائي كامل تاخد بسببو انفاسك ، و تقفل عليهو قلبك و تلملم باقي مشاعرك .. وتقول آمنت بيك يا كرومة
.. يا معاوية : بالله لبو لاحمد الامين كل طلباتو ، فهذا رجل قوزو اخضر .. كما قال شهيد الضمير و الفكر الراحل محمود محمد طه ..
.. مداخلتك يا احمد الامين فيها اشارات و إنتباهات هامة بنرجع ليها .. المهم إنت اعصر شديد علي عبد المنعم عبد الحي .. خلينا نوفيهو حقو
.. خذ مثلا ما اتي به عثمان الشفيع آناء الخمسينات من رقيق الموازير و جميل الميلوديا و فريد اللونية :
- القطار المرا لود القرشي
- ما لقيتلو مثيل يا النفيسة خصالك لمصطفي بطران
- يا فتاتي اين شخصى : افتينا يا ود عثمان اهي لود القرشى ، ام مبارك المغربي ، ام عبد المنعم عبد الحي
- انساني و انا انساك لعبد المنعم عبد الحي
- الشباب النضير كالزهر الندي لود القرشى
" و تبقى الذكريات بكل صدقها و جمالها هي ذلك الباعث الُموحي بالاشياء الجميلة !
خلينا نسمعا يا معاوية !
و معاها الفراش الحائر ، علشان نشوف قصة المقدمة الموسيقية اللي جللت و زانت عقد الخمسينات السوداني من القرن الماضى
Post: #905 Title: Re: د / أحمد طراوة ___ فى ندوة عن تاريخ الغناء فى السودان . Author: احمد الامين احمد Date: 01-21-2008, 12:03 PM Parent: #904
د.طراوه على عجل تساءلت ان كانت رائعه الكنار" الشفيع" يافتاتى اين شخصك وينو رسمك غبتى عنى لود القرشى ام لمبارك ام لعبدالمنعم عبد الحى ذكر الشفيع انها من بواكيراغنيات ود القرشى وقد سمعها الشفيع من بعض ابناء شندى الذين التقوا بود القرشى بالابيض قبل ان يتعرف عليه الشفيع وقد اعجب بها كثيرا فسمع عنه ود القرشى فارسل اليه ليوافيه بالابيض لتتوالى الدرر من لدن القطار المر والارباب البان جديد مع ملاحظه ان عبدالعزيز داؤد قد تغنى بهذه الاغنيه " يافتاتى " كثيرا قبل دخول الاذاعه وقتها كانعبد العزيز يسامر الشفيع و ومهندس زراعى اسمه على صالح جبريل فى ميز بالمحميه تصحبهما عود وكمنجه فقط ....
Post: #906 Title: Re: د / أحمد طراوة ___ فى ندوة عن تاريخ الغناء فى السودان . Author: احمد الامين احمد Date: 01-21-2008, 03:24 PM Parent: #905
شكرا معاويه على : كنا فى جنينه من حوالينا الطيور غنو ننو يا ننو.... عليه خير من يتحدث عن عبدالمنعم عبدالحى هو حسن عطيه ابن حيه بالخرطوم القديمه " جوار الجامع الكبير الحالى ربما كان اسمه فريق " الترس" وهو بعض مسارح خليل فرح وحدباى وصديقهما عبدالقادر الهاوى حيث تزامل الطفلان حسن عطيه وعبدالمنعمعبد الحى وتحلقا حول نار قران الشيخ محمد بابكر ومجالس ذكر الشيخ محمد الحنفى قبل ان يرسل والعهده على امير العود فى حوار قديم مع ذى النون بشرى والد عبدالمنعم ابنه لمصر ليتخرج ضابطا كبيرا تمتع بحظوه عند الملك فاروق لدرجه انه لاحقا ساهم فى دعوه حسن عطيه واحمد المصطفى والشفيع للغناء فى حفل زواج فاروق من ناريمان ومصافحته شخصيا ... قال حسن عطيه " عبدالمنعم عبدالحى اكثر الشعراء الذين اعطونى غنا يليه ود الريح وكانت اغنياته مفصله على النغم الذى بداخلى بمعنى انه اذا رانى مشغولا بايقاع او دندنه يملاها لى بالكلام وكل اغنياته معاى كانت ناجحه جدا واشهرها رمله بيضا بين بحرين وننو وقطار الشمال لكنه لم يقتصر على وحدى بل اعطى معظم الفنانين الذين كانوا بالساحه خصوصا عند زيارتهم لمصر حيث كانت زيارته والسهر معه فى " مشرب الجمال " بشارع عدلى شرط اساسى من شروط الزياره لاى مطرب سودانى الى القاهره يتوج ذلك باغنيات وتسجيلات لركن السودان من القاهره " انتهى كلام حسن عطيه بتصرف ... من الذين اعطاهم عبدالمنعم اغنيات: 1- احمد المصطفى تحديدا اغنيه انا ام درمان لاجل تغطيه ننو يا نو لحسن عطيه. 2- عبدالعزيز داؤد " عوده قلب" مطلعها من زمان مستنى عوده قلبى لحن برعى واغنيه لوموه اللاهى بالغرام بالله قولو ليه الحب شى طبيعى الهى الغرام ما بخير بين صغير وكبير امرو فينا يحير يا جميل يانضير الخ وهذه الاغنيه بكلماتها البسيطه العميقه بعض ما يصدح به الصوت الراقى وردى على عوده المرن عندما يصفو فى جلساته الخاصه وقد سمعتها منه live اكثر من مره .. 3- الشفيع نحو عشر اغنيات كلهن لحن برعى فى النصف الثانى من الخمسينات ابان عمل برعى بالسفاره بالقاهره واشهر هذه الاغنيات "انسانى" "اسمر ياسميرى" و" ايامنا " والاخيره يصدح بها مصطفى سيد احمد على مزهره فقط فى جلساته الخاصه بصوره تكاد تستنطق الصخر وتذوب الجلمد!! 4- التاج مصطفى : كتب له " قلبى ذاب ليه كلمونى الحبابب المونى ليتهم لو انصفونى فى منامى حلمونى يا نسيم قول للازاهر نامت الناس وانا ساهر "وما اجملها عند كابلى فى جلساته الخاصه على العود فقط ... 5- عبيد الطيب : كتب له "سلام بردو ليك ياروحى سلام عليك " لحن برعى واعتقد كذلك اغنيه " اصحى ياناعس لذات الملحن والاخيره تحتاج لتاكيد 6- عثمان حسين: كتب له ناس لا لا ناس لالا خلو الالا ولهانه فى حالها خلو الما خطر يوم على بالها تنسى الدنيا الخ وكذلك الاغنيه الجميله " اوراق الخريف" التى مطلعها يا ليالى المصيرقولى لخلنا اوراق الخريف الخ 7- محمد حسنين بصوته الكاستراتو غنى له " ياسهارا" التى تعد اول الحان بشير عباس حيث التقى الشاعر فى اول زياره له لمصر لعلها مطلع الستين او اواخر الخمسين .. 8- سيدخليفه اغنيات عديده وخفيفه فى بدايه عهده اثناء دراسته بمعهد فؤاد الاول بمصر منها اغنيه يابانه واغنيه"رحله" التى يسير عبرها الشاعر فى رحله الى عاصمه وطنه عكس تيار النيل ببابور البحر ثم القطار وتبدأ من " حلفا ودغيما" ثم يستريح قليلا فى " شندى ياشندى الجميله ذكرياتى فيك يا حليلا " ثم يواصل المسير الى الخرطوم . 9- ابراهيم عوض " جمال دنيانا " لحن برعى من الذين تغنوا باشعار عبدالمنعم كذلك ابن الباديه والجابرى وغيرهما من عمالقه ذاك العصرالجميل ... عبدالمنعم عبدالحى ينتمى فئويا الى ثله من ابناء الوطن الذين لم تفسد العسكريه بقسوتها وصرامتها شعورهم واحساسهم بالجمال خلافا للعسكريين الساسه الذين افسدوا حياتنا بالانقلابات والمذابح والدماء والقهر والجوع والمرض بل عمل مثل عوض احمد خليفه والطاهر ابراهيم على تلوين حيواتنا بالفرح وترقيه احساسنا بالجمال ويحمد له اى عبد المنعم ان سنوات الاقامه الطويله بمصرخارج الوطن لم تبعده عن مراتع الصبا بالوطن يشبه فى ذلك شاعر كبير جدا وملحن سبقه الى لمصر خلسه عقب انهزام اللواء الابيض هو المهندس الزراعى بشير عبدالرحمن الذى عاش طويلا بمصر لكنه كتب بها ولحن اروع الاغنيات السودانيه مثل " جبال التاكا" وبنت النيل وغيرها اعتذر عن الاسهاب وشكرى للثقه يا طراوه وبقيه العقد النضيد فى هذا البوست الموحى ويا معاويه عسى ان نسمع " عوده قلب " لعبدالمنعم لحن برعى اداء عبدالعزيز على العود فقط ولك الود...
Post: #907 Title: Re: د / أحمد طراوة ___ فى ندوة عن تاريخ الغناء فى السودان . Author: Osman Musa Date: 01-21-2008, 09:03 PM Parent: #906
الأخ أحمد الامين احمد سلامات والف شكر تقول يا أحمد قابلتك بدرى .. بدرى فى القطار فى المحميه . وحدثتنى عن الشاعر العمرابى . يمكن ده انت ؟ والله يا أخ أحمد نحتاجك بشده ونشكرك كتير . تحياتى
Post: #967 Title: Re: د / أحمد طراوة ___ فى ندوة عن تاريخ الغناء فى السودان . Author: Osman Musa Date: 02-07-2008, 03:50 PM Parent: #904
نتابع
Post: #908 Title: Re: د / أحمد طراوة ___ فى ندوة عن تاريخ الغناء فى السودان . Author: محمد عثمان Date: 01-21-2008, 10:01 PM Parent: #1
متاابعين مع الفطاحلة د.طرااوة و الاستاذ احمد الامين فى هذه السياحة الفنية الراائعة عن تااريخ جميل و شكرا كتير للاستاذ احمد و هو يتحدث عن الشاعر الفذ عبد المنعم عبد الحى هذا الشااعر الذى اثرى مكتبة الغناء السودانى بالكثير من الرواائع و اذكر اننى سمعت انه فى بداياته كتب احد المطاالع الشعرية و لكن لعدم قناعته به هجره لمدة خمس سنوات ليجى من بعد مطلعا لاروع الاغنيات فى مكتبة الغناء السودانى و كان المطلع يقول: يل نديما عبأ من كاس الصبا و مضى يمشى الهوينة طربا و هى القصيدة التى تغنى بها عبد العزيز محمد داؤود واصبحت بعد ذلك من الاغنياات الشهيرة..
شكرا كتير و متاابعين معكم...و يا عثمان موسى ربنا يديك العاافية و الشكر ايضا للاخ معااوية للالحان الشجية التى تصاحب البوست...
Post: #951 Title: Re: د / أحمد طراوة ___ فى ندوة عن تاريخ الغناء فى السودان . Author: Osman Musa Date: 02-02-2008, 06:34 PM Parent: #908
نتابع
Post: #909 Title: Re: د / أحمد طراوة ___ فى ندوة عن تاريخ الغناء فى السودان . Author: أحمد طراوه Date: 01-22-2008, 12:02 PM Parent: #1
.. يا كابلي : عارفك ساحر ازمان قبالي .. و بتسحر ازمان جايات و ليالي ..
أهات كابلي في الرشيم الاخضر .. كآهات محمود درويش وهو يوصف حال شعبه يوم فاجعة تل الزعتر :
" نازلا من نُحلة الجرح القديم الي تفاصيل البلاد .. وقد كانت السنة انفصال البحر عن مدن الرماد .. وكنت وحدي .. آآه يا وحدي ! "
الق و إبتداءت الكسرات " يا غزال النيل "
.. اصلا عتيق لم يذكر هذه العبارة الرشيقة في قصيدتو الغنائية القايمة علي شِعر التدوير الجديد
.. عتيق فقط قال في نهاية القصيدة :
" ليك سلامي الخالص .. يا ( جميل ) يا مُبطر .. و ليك جزيل إكرامي "
.. كرومة شال مفردة يا جميل
.. عمل بيها كسرة غزال النيل .. بواكير فجر الكسرات
.. و انتقل من التم تم التقيل لذلك الضرب المفتوح الخفيف الراقص ..
.. و نواصل لنفرز ايضا تراكيب شعر التدوير !
بسبب التفعيلة الجديدة اللي فتحت الباب لجملة لحنية جديدة .. عتيق كان بتحرك في مستويين من القوافى داخل قصيدة الرشيم الاخضر بوصفها سنام شعر التدوير السوداني
.. كانت الخروج الاول الصريح من بحور الخليل بن احمد الفراهيدى الي آفاق الرجز السوداني المستجيب لزخم الايقاعات الجديدة ..
نرجع و نحللل البُنية الداخلية للقصيدة !
Post: #910 Title: Re: د / أحمد طراوة ___ فى ندوة عن تاريخ الغناء فى السودان . Author: Ahmed al Qurashi Date: 01-22-2008, 01:36 PM Parent: #909
Quote: من الذين اعطاهم عبدالمنعم اغنيات: 1- احمد المصطفى تحديدا اغنيه انا ام درمان لاجل تغطيه ننو يا نو لحسن عطيه. 2- عبدالعزيز داؤد " عوده قلب" مطلعها من زمان مستنى عوده قلبى لحن برعى واغنيه لوموه اللاهى بالغرام بالله قولو ليه الحب شى طبيعى الهى الغرام ما بخير بين صغير وكبير امرو فينا يحير يا جميل يانضير الخ وهذه الاغنيه بكلماتها البسيطه العميقه بعض ما يصدح به الصوت الراقى وردى على عوده المرن عندما يصفو فى جلساته الخاصه وقد سمعتها منه live اكثر من مره ..
الاخ العزيز / احمد الامين
شكرا لمساهمتك واتحافنا بجزء من مذكرات الاستاذ حسن عطية ولكن حسب علمى فان اغنية عودة قلب للفنان عبدالعزيز محمد داوؤد هى من كلمات الشاعر الدكتور الزين عباس عمارة وليست من كلمات الشاعر عبدالمنعم عبدالحى كما اورد الاستاذ الفنان الكبير حسن عطية فى مذكراته وهذه المعلومة فد نساها الاستاذ حسن عطية خاصة وانه كتب مذكراته فى فترة متأخره من عمره .. هذه هى كلمات الاغنية اتمنى الا تكون فيها بعض الاخطاء...
من زمن . عبد العزيز محمد داود..
من زمن مستني عوده قلبي راحل كنت بكتب ليهو بدمى الرسائل قلت فيهو اشعاري وإتعذب ضميرى كل كلمه حنان يفيض يغمر سطوري وكل حرف كتبتو من اعماق شعوري افتكرتو يرد رسالتي يرد يطمني في خطابه ما خطر في بالي يأسرني بعتابه ونسي اول مره اغراني بشبابه وكل ما ادلل بزيد اعجابي بيه.. كنت شايف الجنه في نظرات عينيه حبيبي كان جميل من قلبه لو يرحم عذابي الدليل انا شايفه عايش في خطابي وكل ايام عمره ولحظاته الهنيه حاول يخفي شعوره .. ويدلل علي من زمن مستني عوده قلبي راحل كنت بكتب ليه بقلبي الرسائل
Post: #911 Title: Re: د / أحمد طراوة ___ فى ندوة عن تاريخ الغناء فى السودان . Author: احمد الامين احمد Date: 01-22-2008, 02:53 PM Parent: #910
دكتور احمد القرشى تحيه وود واحترام دخولك الاخير قد يفتح باب هام جدا فى كتاب الفن السودانى هو تصحيح اخطاء يصعب تصحيحها لتقادم الزمن عليها تحديدا نسبه الاغنيات لشعراء اخرين حول "عوده قلب " لداؤد لحن برعى لم استند على مذكرات حسن عطيه حولها بل وجدتها منسوبه الى عبدالمنعم عبدالحى فى شريط قديم لعبدالعزيز من تسجيلات " منصفون" القديمه حبذا لو تداخل الدكتور الزين عباس عماره الشاعر الكبير وعضو المنبر لفك الاشتباك حول شاعر الاغنيه ومبلغ علمى ان الزين عباس عمار قد كتب اغنيه لعثمان حسين كذلك " للشاعر الزين عباس عماره موقه اسفيرى خاص بكتاباته ارجو الرجوع اليه".... من الاخطاء التى يصعب تصحيحها نسبه اغنيه وردى الرائعه " اول غرام" لعازف الكمنجه الراحل على ميرغنى رغم انها مثبته فى الاذاعه تحت شاعريه على ميرغنى لكن وردى فى حوار هام مع معاويه يس العام 1994 بلندن صحح ان هذه الاغنيه من كلمات ولحن وردى نفسه وليس على ميرغنى لكن محمد صالح فهمى رفض اجازتها قائلا لوردى " ليه تكتب وتلحن وتغنى اطلع بره " فخرج وردى وكتب على الاغنيه كلمات على ميرغنى عندهى اجازها محمد صالح فهمى!!!!؟؟؟ وللتاريخ ذكر وردى ان على ميرغنى كتب له اغنيه " ناسى حبك".... بعيدا عن الغناء اتاحت لى صوره احمد القرشى على مداخلته التيقن انه هو ذاك الشاب المتكلم الذى كان يعطر اركان النقاش بجامعه الخرطوم عقب الانتفاضه ولم اكن ادرى يومها ان طالب الصيدله وقتها المهموم بالسياسه اليوميه يحمل فى جعبته هذا الزخم الجميل من الفن والالق فلك الود
Post: #912 Title: Re: د / أحمد طراوة ___ فى ندوة عن تاريخ الغناء فى السودان . Author: Osman Musa Date: 01-22-2008, 04:43 PM Parent: #911
سلامات أخ أحمد الامين الأخ أحمد القرشى هو طالب كلية الاسنان. ومشعل الانتفاضة واشهر منظمى الاركان فى جامعة الخرطوم تاريخ طويل من النضال . له التحيه
Post: #913 Title: Re: د / أحمد طراوة ___ فى ندوة عن تاريخ الغناء فى السودان . Author: أحمد طراوه Date: 01-22-2008, 09:39 PM Parent: #1
.. و تاني نتابع آآهااات كابلي الجميلة المتخللة كل الجسد اللحني لاغنية الرشيم الاخضر
كرومة ، ابتدع تلك الآهات كلزمة موسيقية يناجز و يوافق بيها التفعيلة الجديدة مع الجملة اللحنية اللي برضو كانت جديدة
و اصلا المُغني بحتاج للزمة الموسيقية لسبب آخر إضافي :
" عشان يقدر ياخد نفسو ! استراحة مُحارب "
بس أه بتاعت كرومة كانت أكتر من كل ذلك ، فقد صارت جزء اصيل في مُجمل البناء الشعري للقصيدة
" صارت ليّرك "
صارت كبري عبور تاريخي طلع بيهو كرومة من بواقى آثار بحور الفراهيدى الي رحاب الرجز السوداني المُلحن .. العبور اللي الطريقة السودانية الخاصة في الغناء
" دي عبقرية كرومة .. و أفضال كرومة علي أمة السودان "
يا ود القرشي .. سعيدين ب ها دي الطلة البهية !
واصل حوارك مع احمد الامين .. فنحن و حركة الغناء ستعمنا الفائدة دون شك
رسل لي الاستاذ الفنان رقيق الشعور ، و المُغني خلسة و خفاء ، محمد الفاتح احمد منسوب دار الاذاعة قديما و العارف بدروبا الداخلية .. رسل لي الليرك الرائع البديع بتاع محمد عوض الكريم القرشى :
" الشباب النضير كالزهر الندي ! "
الشباب النضير كالزهر الندي يا طرفك غرير بيك ما أسعدي يا الزاهي ونضير يا أروع ملك في أقوم سبيل سيد الناس سلك لعواطفي وجناني خلاص يا ناس ملك رب القدرة قادر خلقك مسعدي وأنك رائدي شوف في حبي خالو وضاح كالشمس يحلو لك جمالو بعاطفة بتحس يقصيك مغنطيسو مجرد أن تمس ويريك بي دلالو لفتات الحدي وحزم القائدِ هل تذكر لقانا الأول يا حبيب كيف نظراتنا كانت للحب تستجيب وكيف حصل التلاقي وكان موقف رهيب يا النقلوك مني متين لي تجي ويتم مقصدي
.. بسراع يا معاوية .. بسراع يا ود عثمان يا اب جلابية .. التمساح سكن الشايقية .. الحقونا
جميلة عند الكابلي و برضو جميلة عند سيدا الشفيع
Post: #914 Title: Re: د / أحمد طراوة ___ فى ندوة عن تاريخ الغناء فى السودان . Author: Ahmed al Qurashi Date: 01-22-2008, 10:53 PM Parent: #913
الاخ / احمد الامين
شكر جزيلا لك ولاهتمامك بالرد ولكنى اوكد لك ان اغنية عودة قلب هى للشاعر الزين عباس عمارة وكذلك اوعدينى للفنان عثمان حسين واذا كانت شركة منصفون قد نسبت فى ذلك الوقت الاغنية للشاعر عبدالمنعم عبدالحى فلقد اخطأت فالاغنية فى سجلات الاذاعة مسجلة باسم الشاعر الزين عباس عمارة وهنالك اخطاء كثيرة جدا على الكاسيت فى نسب الاغانى ولكن هذا لايثبت احقية الشاعر الكبيرالمرحوم عبدالمنعم عبدالحى للاغنية فهو شاعر كبير بدونها... ويمكنك اخى احمد ان تكتب على قوقل اسم اغنية من زمن مستنى عودة قلبى (عودة قلب) فستظهر لك عشرات الصفحات وبها هذه الاغنية منسوبة للشاعر الزين عباس عمارة.... والشاعر الدكتور الزين عباس عمارة التقيت به عام 2000 بمسقط ابان تكريم النادى السودانى للفنان عثمان حسين وتحدثت عن هذه الاغنية ونسبتها له فى تلك الندوة فلم ينفى وهو رجل صادق ... وحتى اقطع الشك ارسلت له رسالة الكترونية فى موقعه ليفيدنا بتاريخ ومناسبة هذه الاغنية. ولك كل الشكر والتقدير والاحترام اخى احمد الامين .... واقول لك انى اتابع كتابتك منذ فترة فنرجو منك المواصلة واتحافنا والقراء بالمعلومات عن فنانى ذلك الزمن الجميل ولك كل الود
Post: #915 Title: Re: د / أحمد طراوة ___ فى ندوة عن تاريخ الغناء فى السودان . Author: Moawia Mohammed Date: 01-23-2008, 08:55 AM Parent: #1
الشباب النضير بصوت الشفيع
Post: #916 Title: Re: د / أحمد طراوة ___ فى ندوة عن تاريخ الغناء فى السودان . Author: Moawia Mohammed Date: 01-23-2008, 09:04 AM Parent: #1
دمع الدم - النعام آدم
Post: #917 Title: Re: د / أحمد طراوة ___ فى ندوة عن تاريخ الغناء فى السودان . Author: Moawia Mohammed Date: 01-23-2008, 09:44 AM Parent: #1
أحبتي الكرام
أتفق مع أخي د. أحمد القرشي في نسب عودة قلب لشاعرنا د. الزين عباس عمارة ولي شريط قديم لأبوداؤود بعنوان عودة قلب وعليه اسم الشاعر أتمني أن أعثر علي غلافه وأتيكم به.
أجريت بحث بعنوان عودة قلب وعثرت علي بوست في أرشيف سودانيزأونلاين بمكتبة أخونا المبدع وزميل المنبر عمك تنقو ( له التحية ) عندما كان يحرر بوست اسبوعي ( نتمني أن يعود ) بعنوان لحن الخميس وكان ذلك الخميس عن عودة قلب بتاريخ 28-7-2004م عليه اسم الشاعر الزين عباس عمارة. لحن الخميس ... عودة قلب ... ابو داؤد .. من زمن ..
Quote: من الاخطاء التى يصعب تصحيحها نسبه اغنيه وردى الرائعه " اول غرام" لعازف الكمنجه الراحل على ميرغنى رغم انها مثبته فى الاذاعه تحت شاعريه على ميرغنى لكن وردى فى حوار هام مع معاويه يس العام 1994 بلندن صحح ان هذه الاغنيه من كلمات ولحن وردى نفسه وليس على ميرغنى لكن محمد صالح فهمى رفض اجازتها قائلا لوردى " ليه تكتب وتلحن وتغنى اطلع بره " فخرج وردى وكتب على الاغنيه كلمات على ميرغنى عندهى اجازها محمد صالح فهمى!!!!؟؟؟ وللتاريخ ذكر وردى ان على ميرغنى كتب له اغنيه " ناسى حبك"....
كمال شنقر صديقي العزيز و صديقك يا د. طراوه روي لي حكاية عن قريبه الراحل الأستاذ علي ميرغني ( جد كمال في الحساب ) أن أغنية أول غرام من كلمات والدة علي ميرغني لكن وضع اسمه عليها بدلا عن أمه.
وبعيدا عن هذه الجدلية أهدي لحن عودة قلب للرائع دوما أستاذنا أحمد الأمين أحمد
Post: #918 Title: Re: د / أحمد طراوة ___ فى ندوة عن تاريخ الغناء فى السودان . Author: Osman Musa Date: 01-23-2008, 03:23 PM Parent: #917
بدخول المحترفين سخنت الندوة اصحاب حقول الغناء اسياد الضلف والراس اهل الأصل والساس .. ناس دكتور أحمد القرشى الناس دخلت . الشاى واللقيمات .. هلولة الطنابره ضاربه وحس نقر الشتم .. يقول يا ليل لكم التحيه اخوانى الكرام .. وفى انتظار الأخوان استاذ فضيلى جماع واستاذ يوسف الموصلى واستاذ محمد المرتضى حامد .. سعاده شديده بدخول د / أحمد القرشى
...
Post: #919 Title: Re: د / أحمد طراوة ___ فى ندوة عن تاريخ الغناء فى السودان . Author: Moawia Mohammed Date: 01-23-2008, 11:18 PM Parent: #1
الذكريات - عثمان الشفيع
Post: #920 Title: Re: د / أحمد طراوة ___ فى ندوة عن تاريخ الغناء فى السودان . Author: أحمد طراوه Date: 01-24-2008, 00:37 AM Parent: #1
.. شكرا يازول دنفر .. يا راجل البركل و شوامخ جبال كلورادو .. غناك المُرسل زي المطرة العبت و رزمت و صبت نهارية ..
.. منتظرين ود عثمان باغنية يا فتاتي اين شخصى !
.. و احمد الامين .. الوصية في الذمة ! غنا عبد المنعم عبد الحي .. اللي اداهو لاحمد المصطفي ، و سيد خليفة و باقي جماعة الكوكب الفضي السوداني
.. و يا احمد القرشي ( يا رفيق الدرب ) أيه رايك في هذه الدرة القرشية اللي إسمها الشباب النضير ! منتظرنك ترمي سهامك يا شجاعي في موضوع زوك محمد عوض الكريم القرشى
انا برجع برضو لتناول مآلات شعر التدوير اللي وصل قمتو عند عتيق في رونق الصبح البديع ، وفي الرشيم الاخضر ز. و برضو في المعية و شاعرية ود القرشي :
شوف في حبي خالو .. و ضاح كالشمس .. يقصيك مغنطسيو و بعاطفة بتحس !
الرايم ( القافية ) س ! لكن قافية التدويرة ما س
.. بل ياء زي ما جاء في : الجدي ، مُسعدي ، و القائدِ
منثور قوي و تفعيلة لجبة ، و قافية مركبة ، مثلت تفانين الرجز السوداني الهارب من قيود سيبوية ، و ابو الاسود الدوؤلي ، و بحور الفراهيدى اللي ما بتتماشى مع ضربنا الايقاعي و جملتنا اللحنية الخماسية !
Post: #921 Title: Re: د / أحمد طراوة ___ فى ندوة عن تاريخ الغناء فى السودان . Author: Osman Musa Date: 01-24-2008, 03:52 PM Parent: #920
اها يا طراوة فى انتظارك للمرور على القطار المره والشفيع والقرشى . وحكايات القطارات والوداعات والسفر ..
Post: #922 Title: Re: د / أحمد طراوة ___ فى ندوة عن تاريخ الغناء فى السودان . Author: أحمد طراوه Date: 01-24-2008, 10:34 PM Parent: #1
.. بدت رحلة ود القرشى - الشفيع من محطة الاغنية الوطنية ذات الطابع الصريح المناهض للاستعمار !
" وطن الجدود .. نفديك بالارواح نجود "
.. وزي ما ذكرنا : الراحل بروفسور عبد الله الطيب هو اللي اقنع مراقب الاذاعة السوداني ايام المستعمر بقبول الاغنية و إذاعتا عبر البث المباشر
جات بعد داك ميلوديا ذات نكهة خاصة فريدة في اغنية القطار المرا ، و الذكريات
الشفيع اكد قدرتو كملحن مقتدر و عبقري .. لانو قدر يعمل مقدمة موسيقية و بناء لحنى كامل مسترسل لايقل مستوى عن ما اتى به عثمان حسين في الفراش الحائر .. و ما اتي به التاج مصطفي في الملهمة
.. رقة و عذوبة شعر ود القرشي ، و تفعيلتو ذات الجرس الموسيقى الصريح هي اللي حركت عبقرية اللحن عند زولك الترزي بتاع شندى يا عثمان موسى .. وزي ما قال احمد الامين انو تجار اللواري المتحركين بين الابيض - كوستى - الخرطوم - شندى لمن جابو اغنية يا فتاتي اين شخصى من الابيض لشندي ، و وقعت في أذن الشفيع : بالضبط من يوما الشفيع بقى اسير الجرس الموسيقى لود القرشى و جمال مفرداتو و صورو الشعرية .. وهاجر ليهو في الابيض
" يا سلام علي تجار اللواري ( البوقاد السوداني ) ! .. التحالف الافندو - تجاري السوداني ذو الايادي البيضاء في ربط السوق القومى الاقتصادي - الاجتماعي و نهضة الغناء السوداني "
عجيبة كانت غنائية ود القرشى :
" إنت الوحيد الماجار او تجنى .. إنت الانيس اللي احبابو غنى .. لله يا المحبوب صُورت جنة فياحة بالحب و الحياء و المحنة ! "
.. بجد هذه غنائية سودانية جزِلة exquisite Sudanese lyrics
.. غنائية فتحت الباب للملوديا الجديدة فيما بعد احمد المصطفي و نقلات الكاشف التجديدية
.. تمددت الميلوديا السودانية و طارت في السما .. و مطالبي آه ما اجسما .. و ابني الفِكر و اهدما
في تلك الاجواء تفتقت افكار سيد خليفة في دروب الغنائية بالحان جميلة لا غاني جميلة برضو ، استفاد من معارفو الدراسية - الموسيقية اللي جابا من مصر :
- ملفت الانظار ,, قلبي فيك إحتار
- من انت يا حلم الصبا
- إنت أجمل زهرة ندية
يا ود عثمان .. يا احمد الامين : بالله جيبوها و اكتبوها و عاوزين نعرف اصلا منو الكتب الكلام الجميل دا
" الخمسينات من القرن الماضي : نهضة الغنائية و الميلودي السوداني "
Post: #923 Title: Re: د / أحمد طراوة ___ فى ندوة عن تاريخ الغناء فى السودان . Author: احمد الامين احمد Date: 01-25-2008, 08:11 PM Parent: #922
د.طراوه انا سعيد جدا انك مازلت فى فتره الخمسينات وارجو مجددا ان لاتعبرها سراعا بعدين ود القرشى لاتتجاوزه بسرعه خاصه انه شاعر كبير وملحن فذ اكد بتجربته " مثل المساح وحسن خليفه الاتبراوى والخير عثمان وابراهيم موسى اباوادريس الامير" رحمهم الله جميعا انه ليسمن الضرورى الاستقرار بالمركز " العاصمه" كى تنجح بفنك بل تجدهم جميعا ارسلوا فنهم من مكامنهم بالاقاليم وقتها كانت الطبقه الوسطى والطبقه العامله كان بامكانها العيش بشرف ورخاء فى الاقاليم وانتاج فنا يضاهى اجمل فنون العاصمه ثم ان قيمه ودالقرشى تكمن فى وعيه المتقدم بمقاييس عصره وهمه السياسى " كان اقرب للاتحادين عصر ابى الزهور" وقد كان يكتب مسرحيات سياسيه واجتماعيه تعرض عبر مسرح نادى الاعمال الحره الذى شيده مع مجموعه من اخدانه... اراك يا طراوه تحدثت عن رائعته الوطنيه " وطن الجدود نفديك بالارواح نجود وطنى" بدقه مذهله لانك نسبت لحنها الى الشفيع وانت محق فى ذلك خلافا لغيرها من اغنياتهما المهم الشفيع قبل رحيله بعام قال فى حوار خاص مع معاويه يس على كاسيت: " ارسل لى ود القرشى ان اوافيه بالابيض فى رفقه كمنجه خواض وعود بشير عمر وشيللو النقر ليسوى لى غنا جديد من وحى تلك الزياره فجلسنا معه بداره اياما جميله لم يهبط عليه وحى الشعر فتركنا بالابيض وسافر مدينه ام روابه فى مهمه تجاريه فاخذنا القطار بعده الى الخرطوم لكنه كان بانتظارنا بمحطه ام روابه على عجل معه النص الشعرى لوطن الجدود وقال لى يا عثمان امس سمعت فى صوت العرب الغاء معاهده 1936 التى بموجبها خرج الجيش المصرى من السودان فانفعلت بذلك وكتبت ابياتا اذا تمكنت من تلحينها سيكون لها شان فى تاريخ وطنى الفنى والسياسى عند ذلك اطلق القطار المتحرك الى الخرطوم صافرته ايذانا بالرحيل فنزل ود القرشى منه مسرعا عند ذلك ركب ناس خواض وبشيرعمر اوتارهم ودوزنها على صوتى فبدات داخل القطار تلحين " وطن الجدود " والمدهش عند وصولنا كل المحطات الحديديه كان موظفوها يقول الشفيع عندو اغنيه جديده ويحدثون هاتفيا المحطه التى تليها ليستقبلونا بها الموظفون حتى وصولنا الخرطوم فتوجهت فورا الى دار الاذاعه لاذاعتها وبالفعل استطاع الجهبذ النحرير عبدالله الطيب " سقى جدثه الطل" اقناع مراقب الاذاعه بتمريرها لان الناس وقتها يحتاجون لغناء من هذاالنوع.... اما " الذكريات" فقصتها كذلك ذات خلفيه سياسيه محزنه تتعلق بموت بعض سمار ود القرشى قديما باحداث توريت وبها دعوه لتوحيد الوطن لكن عقب تاليفها اعترى ود القرشى اكتئاب عارم حدا به اعتزال المجتمع وحياه المدينه واللوذ بصديقه سامى الشعور " باهى نور"الذى ذكره فى اغنيته الجميله " رب الشعور" فى منطقه " جريبان " من اعمال الابيض فى هذا السياق اجدد مناشدتكم انت و بله فى ضروروه مرورالشاعر فضيلى جماع بهذا البوست خصوصا بعد وصول قطار طراوه الى محطه القرشى لان فضيلى جماع تسامر طويلا بالابيض فى السبعينات والثمانيات مع الكثير من ندماء ود القرشى والشفيع بالابيض تحديدا باهى نور وشخص اسمه عوض جمباكاوالصول المليان عثمان زين الذين يعدون اعرف الناس بفن الشفيع والقرشى بل ان احدهم كان اثناء دراسته بالاحفاد يسكن مع الشفيع بالعرضه جوار السيلما كما ذكر الشفيع نفسه فهل ياتى الشاعر الكبير فضيلى جماع ليشهد بتاريخ وفن ود القرشى والشفيع؟؟؟؟
Post: #924 Title: Re: د / أحمد طراوة ___ فى ندوة عن تاريخ الغناء فى السودان . Author: محمد عثمان Date: 01-25-2008, 08:52 PM Parent: #1
Quote: - ملفت الانظار ,, قلبي فيك إحتار
- من انت يا حلم الصبا
- إنت أجمل زهرة ندية
يا ود عثمان .. يا احمد الامين : بالله جيبوها و اكتبوها و عاوزين نعرف اصلا منو الكتب الكلام الجميل دا
فتنة الانظاار..و الاغنية معروفة باسم حيرة قلب الكلماات..مبارك المغربى الالحان و الغناء..سيد خليفة
Post: #925 Title: Re: د / أحمد طراوة ___ فى ندوة عن تاريخ الغناء فى السودان . Author: أحمد طراوه Date: 01-25-2008, 09:39 PM Parent: #1
.. في تلك اللحظة من النصف الاول للخمسينات بدت تنبثق بوضوح ظاهرة تعدد اللونية في الغنا السوداني !
.. تعدد اللونية the Multi-colour Melody
هو ما يميز الغناء السوداني عن ما عداه في الصعيد العربي ، و الافريقي بل و العالمي
فيما بعد احمد المصطفي ، حسن عطية ، الكاشف .. جاء عثمان حسين طالع من الاربعينات و ملاقي ابراهيم عوض ، سيد خليفة , صلاح محمد عيسى في مطلع الخمسينات
الشفيع رسخ وجودو من نهاية الاربعينات و نشر لونيتو علي مدى الخمسينات كلو
كُلِ منهم كان ذو ميلودي خاص .. الميلودي = الغنائية بقوم علي :
- كل فنان منهم كان عندو شاعر ذو تفعيلة و جرس موسيقي فريد و مُغاير للشاعر الآخر : البعد الموسيقي في صوت الفنان ممتزج مع الموزارية اللحنية و الايقاعية في علاقتم الكلية مع الجرس الشعري دا اللي بصنع الميلوديا في نكهتا و تمايزا
- و كُلِ فنان منهم كل عندو طريقة أداء Performance خاص ، و طبقة صوت خاصة ، و حتى التلاقي في تقسيمات التنور او البارتون الصوتي لم يكن استنساخا بل تمايزا
.. نهضة الميلودي و الغنائية ذات اللونية المتمايزة .. جذورا ضاربة في تربة سرور ، كرومة ، عبد المعين ، و اشراقات عبد الرحمن الريح اللحنية
فعلا يا احمد الامين ، حنقيف في الخمسينات لنتأمل تلك الغنائية الجزِلة علي شاكلة :
- يا إله فني - إنت الملاك السامي يا رب الشعور - عدت يا عيدي بدون زهور - عشقتو من نظرة
و نربطا بغنائية سيد خليفة اللي برزت و تنامت في تلك اللحظة
محمد عثمان ناشر رياحين ( من انت يا حلم الصبا ) في بوست جميل عند تلك النواحي .. و واعدنا باغنية ملفت الانظار لسيد خليفة
يا سلام علي مبارك المغربي اللي كتب برضو :
" انا ليتني زهرُ في خدك النادى "
وبرضو ادي الشفيع الباسم الفتان احيّيت خيالي
.. هاجر ليهو الشفيع لغاية دنقلا قعد معاهو اتعلم منو و لحن معاهو !
.. غربا و شمالا كان السفر في مجاهدات صناعة الغنا الجميل
Post: #926 Title: Re: د / أحمد طراوة ___ فى ندوة عن تاريخ الغناء فى السودان . Author: Osman Musa Date: 01-26-2008, 03:28 PM Parent: #925
الأخوان محمد عثمان معاويه ياسكو لوتكرمتم .. للحفظ أغنية . انا ليتنى زهر فى خدك النادى __________________________
الف شكر والبناء الشامخ يجد التمويلات بلا حساب . دا يا دكتور طراوة كنيستركشن من الحجر البورتلندى .
Post: #927 Title: Re: د / أحمد طراوة ___ فى ندوة عن تاريخ الغناء فى السودان . Author: أحمد طراوه Date: 01-26-2008, 09:00 PM Parent: #1
.. جزيل شكرنا يا محمد !
فتنة الانظار .. بالله تاملوا هذه الغنائية الفريدة ! شوفو الفلوت في تداخلو مع القانون ! نهضة الاوركسترالية السودانية .. و العود قايد الاسطول بعد ما خارج نفسو من إسار التخت العربي ..
.. تجليات الميلودي السوداني !
.. عذب الكلام مع جمال صوت و أداء المغني السوداني .. تاسيسا علي رقة موازير المقام الخماسي السوداني في صلتو بضربات اشتقاق ايقاع الدلوكة المسمي المامبو السوداني
" ابو السيد رائد المامبو السوداني ! "
" فتنة الانظار "
كلمات مبارك المغربي بكل بساطتا و رقتا و دِلالاتا القوية .. تلاقت مع الخيال اللحني الواسع لخليفة السيد علي الميرغنى اللي أختار درب الغناء العاطفي علي نهج الخليفة احمد حسين العمرابي اللي قال قديما :
" خمرة هواك يا مي صافية و جلية ! "
.. ودي لازم نسمعا لاحقا بالاداء الاوركسترالي عند الشيخ مبارك حسن بركات .. ناس العيلفون و الدبيبة ، اسياد الغنا من زمن ود المضوى :
" شن اسو .. حي انا الجنيت وقلت هو .. انبهم بي الراي و الدليل .. النجوع يا ناس و الفليل ! "
يا معاوية بنسمع الذكريات للشفيع .. و بعدا طمبور النعام في كلام الدابي :
" لهيجو كمين نحل مِلّم "
.. آمنت بيكم يا عيال شايق .. رواد الغي !
ونخلي بعد داك محمد عثمان يواصل غنا سيد خليفة الرقيق بتاع جماع .. ادريس جماع اللي رقق الشعر الغنائي :
- في ربيع الحب كنا نتناجى و نغني
- أعلى الجمال تغارُ منا
- قم يا ملاكي و الدنيا ليل
- و كابلي لمن يقول : مالهو في مواكب الليل يمشى !
.. دي يا محمد عثمان ، و معاها ميلودي الفلاتية عشة موسى :
" شرق نور الصباح في الكون .. مع البياح .. كروانك صاح .. صباحك زي صباح العيد ! "
Post: #928 Title: Re: د / أحمد طراوة ___ فى ندوة عن تاريخ الغناء فى السودان . Author: Moawia Mohammed Date: 01-27-2008, 10:44 AM Parent: #1
UP
Post: #929 Title: Re: د / أحمد طراوة ___ فى ندوة عن تاريخ الغناء فى السودان . Author: أحمد طراوه Date: 01-28-2008, 11:59 AM Parent: #1
جِديا دابو قرنو برم .. طريحتن بيها إتبلم .. قليبو حديد لا لحم لا دم ! أجري عيوني دمع الدم
طمبور النعام المتسلسل من طمبور اسمعيل سيد الربابة و شيخ / حاج الماحي قدامى مغنيى السودان
الطمبور الحامل التاريخي العريق للسلم الخماسي في السودان و علي مدار الحزام الافرو - عروبي ، و تتعدد مسمايتو :
_ الكيسر في النوبة القديمة
- الجنقر عند الانقسنا و كلانات الفونج القديمة
- ال توم عند النايلوت
- الربابة في غرب السودان
- الكِرار عند مناطق التداخل الاثيوبي السوداني
الطمبور هو إجمالا وعاء الوشائج القومية لقبائل و شعوب السودان القديمة !
اتسعت دوائر الطمبور في تحرك ديمقراطي سلمي تاريخي سوداني اصيل
في جهات السودان الاربعة و شماله النيلي استجاب الطمبور و توظف لمصلحة و إشتراطات الثقافة الغنائية لاهل تلك البلاد
.. اين من عينيا ، ومن اضابير متحف التوثيق الثقافي السوداني طمبور بشير الرباطابي !
طمبور الرباطابي الذي سجل علي موازيره الخماسية اول اسطوانة فحم في تاريخ الغناء السوداني بمصر 1928
Post: #930 Title: Re: د / أحمد طراوة ___ فى ندوة عن تاريخ الغناء فى السودان . Author: Osman Musa Date: 01-28-2008, 05:32 PM Parent: #929
المنبر اسود .. حزين وبوست تاريخ الغناء حزين أشد الحزن لرحيل زميل المنبر د/ خالد تاج السر له الرحمة
Post: #931 Title: Re: د / أحمد طراوة ___ فى ندوة عن تاريخ الغناء فى السودان . Author: أحمد طراوه Date: 01-29-2008, 00:54 AM Parent: #1
الغنائية السودانية the Sudanese Lyricism
.. بالضبط زي كلام ناس القُرير و المقل و جلاس و الكاسنجر الجارى قدامنا دا !
" عبيرو المن بعيد ينشم ! "
حسن الدابي وصل لصياغات الكلام العذب كنتاج و تطور لرحلة الغنائية السودانية اللي بدت منذ التركية لمن احمد ود بعشوم قال :
" الموز روى .. قايم سوى .. فاطرِك ضوى آه بالنار قلبي إنشوى ! "
معاهو غنائية الشيخ العدار برضو اللي توازت معاها غنائية ود حاج الماحي لمن كان فنان طمبور صريح في النيل الشمالي !
داك كان اجمالا شعر غنائي في موضوعو و تفعيلتو و جرسو الموسيقي المتميز عن شعر البنا الكبير في تمجيد رسالة و مضامين الجهاد المهدوي :
الحرب صبرُ و اللقاء ثبات و الموت في شان الاله حياة
ودا شعر لم يُكتب في الغنائية و لايُبدي ادني صلة ب آفاقا !
غير ان المُغني السوداني ، وخاصة ذلك المقتدر علي السير في خط اللحن و الغناء معا ، قد كان هو السبب في توسيع دوائر الغنائية السودانية وتعدد لونيتا :
- خذ مثالا محمد سعيد العباسي ! لمن كتب العباسي شعرو في ( عهد و ذكريات جيرون ) لم يكن يتصور ان تلك القصيدة يمكن ان تستحيل ليرك مموسق لولا عبقرية وجمال روح كابلي :
" يا بنت عشرين و الايام مُقبلة .. ماذا تريدين من موعود ثمانين "
- او شوقي في وصف الصداح ملك الكنارِ (محمد عبد الوهاب ) في تلك الجلسات اللتي دارت عند كرمة بن هاني :
صداح يا ملك الكنارِ و يا امير البلبل ِ .. قد فزت منك بمعبدِ .. و رُزقت قرب الموصلِ .. و اؤتيت داؤد مزمارا و حُسن ترتلِ ..
ابلغكم نبأ كابلي يوم ان استحالت كلمات شوقي علي تقاسيم مُزهره غناء عذبا سلسبيلا !
- او خذ التجاني يوسف بشير عندما كتب محراب النيل و طرير الشباب في نهجو الصوفي - السرمدي ، لم يكن سليل الكتياب يتصور انهما ستغدوان ليرك جميل لدى عبقرية عثمان حسين و جزالة تفانين الروح الغنائي عند سيد خليفة
.. بل ايضا سببا لاستدعاء تلاوين ايقاع مامبو الدلوكة ، و ايقاع البوليرو الاسباني المنتزع من عمق ضربات الفلامنجو الي رحاب الموزارية السودانية !
.. و موعودين يا معاوية بغنائية سيد خليفة من محمد ود عثمان
- و يا ليت لو جئتنا يا محمد بقول جماع ، ترانيم كابلي :
" مالهو في مواكب الليل يمشي يناجي اشباحهو و الظلالا "
او الشفيع وهو يقول :
" إنت يا المبرور .. ما بدانيك حور .. نور عيونك أخفى مني بدور "
المجد للست ثوما ، وهي من قضت جُل عمرها تقول :
" المغنى حياة الروح .. يسمعها العليل تشفيه "
Post: #932 Title: Re: د / أحمد طراوة ___ فى ندوة عن تاريخ الغناء فى السودان . Author: Moawia Mohammed Date: 01-29-2008, 12:29 PM Parent: #1
UP
Post: #933 Title: Re: د / أحمد طراوة ___ فى ندوة عن تاريخ الغناء فى السودان . Author: Moawia Mohammed Date: 01-29-2008, 12:59 PM Parent: #1
غيرة ( علي الجمال ) - سيد خليفة كلمات : ادريس جماع
Post: #934 Title: Re: د / أحمد طراوة ___ فى ندوة عن تاريخ الغناء فى السودان . Author: Moawia Mohammed Date: 01-29-2008, 01:03 PM Parent: #1
ربيع الحب - سيد خليفة كلمات : ادريس جماع
Post: #935 Title: Re: د / أحمد طراوة ___ فى ندوة عن تاريخ الغناء فى السودان . Author: Moawia Mohammed Date: 01-29-2008, 01:07 PM Parent: #1
قوم يا ملاك - خضر بشير كلمات : ادريس جماع
Post: #936 Title: Re: د / أحمد طراوة ___ فى ندوة عن تاريخ الغناء فى السودان . Author: Moawia Mohammed Date: 01-29-2008, 01:39 PM Parent: #1
كلمات : ادريس جماع أداء : عبد الكريم الكابلي
ماله ايقظ الشجون فقاسي وحشة الليل واستثار الخيالا ماله فى مواكب الليل يمشى ويناجى اشباحه والظلالا هين تستخفه بسمة الطفل قـوي يصارع الاجيالا حاسر الرأس عند كل جمال مستشف من كل شئ جمالا ماجن حطم القيود وصوفى قضى العمر نشوة وابتهالا خلقت طينة الأسى وغشتها نار وجد فاصبحت صلصالا ثم صاح القضاء كونى فكانت طينة البؤس شاعراً مثالا يتغنى مع الرياح اذاغنت فيشجى خميلة والتلالا صاغ من كل ربوة منبراً يسكب فى سمعه الشجون الطوالا هو طفل شاد الرمال قصورا هى آماله ودك الـرمالا كالعود ينفح العطر للناس ويفني تحــرقاً واشـتعالا
Post: #937 Title: Re: د / أحمد طراوة ___ فى ندوة عن تاريخ الغناء فى السودان . Author: Moawia Mohammed Date: 01-29-2008, 01:49 PM Parent: #1
اله فني - عثمان الشفيع
Post: #938 Title: Re: د / أحمد طراوة ___ فى ندوة عن تاريخ الغناء فى السودان . Author: Moawia Mohammed Date: 01-29-2008, 09:45 PM Parent: #1
فوق
Post: #939 Title: Re: د / أحمد طراوة ___ فى ندوة عن تاريخ الغناء فى السودان . Author: أحمد طراوه Date: 01-30-2008, 12:05 PM Parent: #1
شكرا يا زول كلورادو علي حزمة التفانين !
نسمع الغنا الجميل . . إبتداءت الفرزدق في مقاطع جرولِ
.. وقول سيد درويش في ترجيع الست : المغنى حياة الروح
.. و نترسم خطى اسماعيل ود حد الزين :
" في بحور الريد نسافر .. و المراكب كاسحة ما دام ريحنا نو "
الريح النو بتجيب المراكب التجارية من جهة الجنوب الحبيب
و الريح المصري بجي من الشمال ! قال ود الرضي :
" ميل يا بان المصري اتاكا .. تيه و إتاكا .. مُراض و نُصاح مقلو الفتاكا "
و في بليغ الصورة الشعرية عند إدريس جماع ببقى النهار ليل :
" قم يا ملاكي و الدنيا ليل .. نتناجى في الشاطي الجميل .. و الليل نهار العاشقين ! "
والي تلك الحسناء نهدي من مأثور الرومانتيك القديم :
" المريض في الهلاك يعاني .. يحيا لو طرفو فيك تغزل "
قول لابوصلاح
Post: #940 Title: Re: د / أحمد طراوة ___ فى ندوة عن تاريخ الغناء فى السودان . Author: أحمد طراوه Date: 01-30-2008, 11:46 PM Parent: #1
غنا زي ما قال سيد عبد العزيز :
يحيي ميت الشعور .. و لو سمعو المرضان يطيب
و واضح إنو الزول السوداني المنسوب لناس العيلفون و الدبيبة ، و اللي اسمو السيد الامين الخليفة علي .. و اللي اشتهر فنينا باسم :
" سيد خليفة "
.. فيهو بالحق شى لله ! زي ما قاليهو اسمعيل عبد المعين لمن لاقهوا في تلك الاربعينات من القرن الماضى باحدى قهاوي القاهرة
ابو السيد لمن يطلع الي الكوبليه التاني و يغير الملوديا الاولي ، و يفسح المجال لصولو الساكسفون .. بنتقل بالضبط بعصاية الاوركسترالية السودانية .. و بطرح تحديات القالب الموسيقي السوداني !
.. و بقولو ناس الميوزكولوجي : القالب الموسيقي عند الموهوبين زي ابو السيد : هو إنك اول ما تقراء نص جميل زي بتاع جماع بتحس طوالي بنوع الموسيقي حيكون كيف !!
.. ودى ميزة فريدة في جماعة الكوكب الفضى رصدا السر قدور لمن ادا الكاشف اغنية ( الشوق و ال ريد )
.. و بنرجع لاحقا لكلام (سمحة الخولي) اخصائية التحليل الموسيقي ، و عميدة معهد الكونفوسوتوار العربي ، اللي اشادت بالفورم The Musical Form بتاع الغنا السوداني الاوركسترالي
.. و العصايا الاوركسترالية بتاعت الملحن السوداني .. نحنا ناس تاريخ الغنا و خلافا لناس الصولفيج و علم المزيكا ، بالنسبة لينا ياها عصاية الشيخ الفقير اسمعيل الدقلاشي مغني السودان الاول اللي كان ماسك طمبورو تحت شجرة في نواحي جبل موية
" شى لله يا دقلاشى .. يا سمعيل سيد الربابة .. دنيايا انت و فرحتي .. "
و عجيب ادريس جماع .. عنو نواصل الحكي ..
يا احمد الامين : كتب عنو منير صالح اضاءات جميلة لمن زارو في غربتو الروحية بذلك المشفى ببيروت ..
Post: #941 Title: Re: د / أحمد طراوة ___ فى ندوة عن تاريخ الغناء فى السودان . Author: احمد الامين احمد Date: 01-31-2008, 00:41 AM Parent: #940
صحى كلامك يا دكتور ادريس جماع العاقل فى عصر المجانين كتب عنه منير صالح عبدالقادر خريده عند زيارته اياه بمستشفى العصفوريه ببيروت واجمل ما فى تلك الخريده ان منير ختمها بدعوه لجماع ان لا يعود لعالمنا!!!لان عالمنا القاسى لايفيد مع انسان مصنوع من الضوء والعطر والنسيم كادريس جماع والقصيده لمن شاء مثبه فى ديوان " اشتات من اشتات" وهو ديوان نادر كذلك كتب عن جماع الشاعر مهدى محمد سعيد " كتب اغنيه لزيدان واخريات لصلاح محمد عيسى " وقد راه يحدق فى عالم لانراه بعياده دكتور حسبو ببحرى " د. حسبو كتب اغنيات كثيره لسيد خليفه مذيله لاسباب خاصه باسماء شعراء اخرين وهذا باب ارجو ان يفتح " وكتب عن جماع كذلك الشاعر المبدع محمد محى الدين فى ديوانه " الرحيل على صوت فاطمه" لكن اجمل ما كتب عن ادريس جماع ما كان بيراع صديقه بدار العلوم بمصر قديما الصوفى المعذب الراحل محمد الحجاز مدثر اعنى كتاب " جماع قيثاره النبوغ والانسانيه " وهو كذلك سفر نادر .... بوصول د. طراوه الى خرائد جماع التى غناها سيد خليفه اثناء مرحله دراسته بمعهد فؤاد الاول للموسيقى بمصر رغم ان بعض اولاد بحرى بمصر وقتها ذكروا فى حلقات اذاعيه قديمه لعوض بابكر ان لعبدالمعين دورا كبيرا فى ذينك اللحنين لخرائد جماع يكون د. طراوه قد وصل الى زاويه حاده فى مسيره الفن السودانى تتمثل فى تلحين الشعر الفصيح ولقد شكل سيد خليفه بموهبته وثقافته وخلفيته الدينيه العميقه هيكلا مفصليافى ذلك تجلى عبر قصائد فصيحه لصديقه حسين منصور " خمر وكاس وشفاه" و " زهره الليلاك" تلحين برعى ثم قصائد الحزن والالم لحسن عوض ابوالعلاء تحديدا اغنيه "أمل" التى يعرفهاالجمهور باغنيه ولى المساء الواله المحزون وغيرها رغم ان التاج مصطفى وداؤد وقبلهما زنقار وابراهيم عبدالجليل قد تغنوا كذلك باغنيات فصيحه يلحظ فيها دور عبدالمعين اللحنى تحديدا عند زنقار والعصفور ابراهيم " عروس الروض" ويا نديم الصبوات للعقاد وتكملتها بكلمات الصاغ محمود ابوبكر " ايه يا مولاى " رغم اشتهارها بصوت درويش بحرى خدر بشير ..... كابلى وابن الباديه وعركى لاحقا ساروا ردحا طويلا فى تلحين الغناء الفصيح امثله كابلى لاتحتاج لامثله لشهرتها اما ابن الباديه فلاحظوا تجربته الجميله فى رائعه الهادى العمرابى صنو التجانى فى فجر الرومانسيه السودانيه كما شهد بذلك جمال محمد احمد فى اغنيته الجميله "مى" ومطلعها : كن كما شاء لك الدلال اننى بك معجب وغيرها ارجو ان يحفر الدكتور طراوه اكثرفى مجال التلحين للغناء الفصيح طالما وصل قطاره الى محطه ادريس جماع سقت قبره الرياح فهنا كان شاعر او كماقال ادريس نفسه فى "لحظاته الباقيه"
Post: #965 Title: Re: د / أحمد طراوة ___ فى ندوة عن تاريخ الغناء فى السودان . Author: المكاشفي خضر بشير Date: 02-06-2008, 03:02 PM Parent: #941
ويا نديم الصبوات للعقاد وتكملتها بكلمات الصاغ محمود ابوبكر " ايه يا مولاى " رغم اشتهارها بصوت درويش بحرى خدر بشير ..... قف.. أولاً السلام عليكم ورحمة الله وبركاته،، لحن المرحوم الأستاذ خضر بشير هذه الأغنية.. والمرحوم الأستاذ إسماعيل عبدالمعين من جلسائه القدماء .. كما أن للأستاذ كذلك من الألحان السوامق في العهد الأول .. لحظك الجراح .. وجه القمر سافر.. محبوبي ماله عني بيحجب جماله.. منار المعاني الطيبة.. الناحر فؤادي.. وهناك الكثير المثير.. علماً بأن مسيرته الفنية قد بدأت منذ العام 1933م. مع الشكر..
Post: #942 Title: Re: د / أحمد طراوة ___ فى ندوة عن تاريخ الغناء فى السودان . Author: Moawia Mohammed Date: 01-31-2008, 02:30 AM Parent: #1
UP
Post: #943 Title: Re: د / أحمد طراوة ___ فى ندوة عن تاريخ الغناء فى السودان . Author: محمد عثمان Date: 01-31-2008, 06:09 PM Parent: #1
متااابعة...
شكرا لدكتور طرااوة و شكرا للاستاذ احمد الامين..
مهدى محمد سعيد كتب لزيدان جميل ما سألناه و ايضا كتب للفنان ابو داود..و غيرهم..
ويرضيكم الله يخليكم...
Post: #944 Title: Re: د / أحمد طراوة ___ فى ندوة عن تاريخ الغناء فى السودان . Author: Moawia Mohammed Date: 01-31-2008, 10:01 PM Parent: #1
UP
Post: #945 Title: Re: د / أحمد طراوة ___ فى ندوة عن تاريخ الغناء فى السودان . Author: أحمد طراوه Date: 02-01-2008, 00:26 AM Parent: #1
جماع رقق الغناء !
رققو في ريبع الحب كنا !
سواهو اكتر شجنا و حزنا و بالتالي جمالا
و ابو السيد جاب برضو جملة لحنية بمقاس الحزن و الاسى الموجود في الكلمات . . عرف القالب الموسيقي مجرد ما قراء الكلمات .. وصدق كلام سمحة الخولي
شكرا يا ود الامين علي الاضاءات .. وجودك قربنا صمام امان يا ود عثمان .. و معاوية يا هو زول العطايا المرسلات
عثمان موسى تحياتنا .. بنشاطرك العزاء في فقد ابنة الاخ اللي رحلت في ريعان الصبا . . و كل غنانا السمح دا هدية لروحا الطيبة
بوست نآذر قاعد فوق .. فيهو أغنية مطر عزق الحريق .. الدليب الجد !
يا معاوية رجاءا ارفع بوست احمد القرشى لغاية ما يرجع .. نحنا عاوزين البوستات التلاتة يكونو فوق علشان تتكامل الشراكة الذكية
يا ريت يا ود عثمان و معاوية لو ختيتو لود القرشي اغنية ود الرضى : تيه و إتاكا .. مراض و نصاح مقلو الفتاكا ..
بطريقة مبارك زول العيلفون جنة عدن ! اوركسترا المدرسة التانية ملاقية كلام المدرسة الاولي السمح
Post: #946 Title: Re: د / أحمد طراوة ___ فى ندوة عن تاريخ الغناء فى السودان . Author: محمد عثمان Date: 02-01-2008, 00:32 AM Parent: #1
Quote: و واضح إنو الزول السوداني المنسوب لناس العيلفون و الدبيبة ، و اللي اسمو السيد الامين الخليفة علي .. و اللي اشتهر فنينا باسم :
" سيد خليفة "
.. فيهو بالحق شى لله ! زي ما قاليهو اسمعيل عبد المعين لمن لاقهوا في تلك الاربعينات من القرن الماضى باحدى قهاوي القاهرة
حاااجة من جوه الجوه الجراب...
الاغنية تفصح عن نفسها...و عليكم بالتفااصيل..!!!
Post: #947 Title: Re: د / أحمد طراوة ___ فى ندوة عن تاريخ الغناء فى السودان . Author: عبدالله الشقليني Date: 02-01-2008, 08:50 AM Parent: #1
ومن بين الصخور تتفجر الينابيع
لم يترُك الزمان لنا فُسحة لننال نصيبنا من نسائم الدكتور أحمد طراوة ، وهو يفتح بوابة مُشرعة ابتدرها هنا الفاضل عثمان موسى ولفيف من المشاركين والمشاركات . لم أجد من اللغة ما يفي الجميع حقهم من الشكر ، حين رصد الجميع تاريخ جزء من غناء أهل السودان بكمٍ هائل من المحبة .
لكم التحية لهذا الملف المورق .
***
Post: #948 Title: Re: د / أحمد طراوة ___ فى ندوة عن تاريخ الغناء فى السودان . Author: Osman Musa Date: 02-01-2008, 03:51 PM Parent: #947
يا سلام ..
الكاتب الكبير الشيخ / عبدالله الشقلينى سلامات الف شكر وانت تقدم لنا عسل النحل . فيعود للغناء الشباب وترفع عكاكيز البشاير وتنزل شبابيل الفرح .. وجودك يا شيخنا يشعل الساحة بالجمال .. الف شكر نحن اشد قبطة بتشريف الندوة تحياتى
Post: #1495 Title: Re: د / أحمد طراوة ___ فى ندوة عن تاريخ الغناء فى السودان . Author: Moawia Mohammed Date: 04-21-2008, 11:53 PM Parent: #947
UP
Post: #949 Title: Re: د / أحمد طراوة ___ فى ندوة عن تاريخ الغناء فى السودان . Author: محمد عثمان Date: 02-01-2008, 10:16 PM Parent: #1
و تاانى سيد خليفة من الجرااب
و الاغنية تفصح عن نفسها...
و التفااصيل مع دكتور طرااوة.......
Post: #950 Title: Re: د / أحمد طراوة ___ فى ندوة عن تاريخ الغناء فى السودان . Author: أحمد طراوه Date: 02-02-2008, 00:02 AM Parent: #1
.. و الحقيقة إنو :
يعاسيب النظر ، و تسطير الافكار كتابة .. دوما يجذبها مصباح الغناء الجميل .. ياهو مصباح ( الدقلاشى السوداني علاء الدين )
لذا نحنو " سعيدين بمرورك يا شقليني "
جيتنا يا شقليني ، و قطر ود عثمان ( جُراب الغنا ) في محطة سيد خليفة !
من الاغانى الجميلة : ذلك القطار اللي رجّع بيهو عبد المنعم عبد الحي سيد خليفة من مصر للخرطوم في تلك الخمسينات من القرن الماضى ..
بلغ امر الالتياع ذروته لمن سيد خليفة وصل شندى .. و بقي يقول : إنتي يا شندي الجميلة .. بقولا علي صدى جملة لحنية برضو لا تقل شجنا !
الجملة اللحنية ذات الشجن جلية في غنا عثمان حسين لمن يقول :
" لمتين يلازمك في هواه مُر الشجن !
و شوف ناس علي ميرغنى و عربي و عبد الفتاح الله جابو وهم في حالة كامل الموآزرة لبا زرعة في مواجهة محبوبو ، وبقولو بترديد الكورس الرجالي :
" لامتين ، لا متين ؟ ! "
و مهندس المساحة اللي اسمو مهدي فرح لمن سبوهو و اسروهو بنات الشوايقة في مروي برضو استخدم لامتين و كتب لكابلي :
" لا متين يا الساقية نترك النوح .. يجيني قميري يقول لي نروح .. نقابل الشوفتو ترد الروح .. حبيبي السادة خفيف الدم .. ! "
لكن برضو الالتياع اللحني واضح في موسيقي وردي كلام الحلنقي :
" زي ما بتخافي من الرياح .. بنخاف كمان نحنا الضياع " .. هجرة عصافير الخريف
و الكورس النسائي يا ود عثمان واضح جمالو في اغنية ابو السيد :
الليلة اجمل ليلة .. لحنها مُوطن علي ايقاع المامبو برضو .. المامبو اشتقاق ايقاع الدلوكة ال Multi - Rhythmic
.. و بنخلص نقول : برضو المدرسة الاوركسترالية التانية هي مدرسة الالتياع و الشجن ! إحدى اوجه الرومانس السودانى
Post: #952 Title: Re: د / أحمد طراوة ___ فى ندوة عن تاريخ الغناء فى السودان . Author: محمد عثمان Date: 02-02-2008, 07:50 PM Parent: #1
الاخ عثمان موسى..
البركة فيكم و احسن الله عزاءكم و التعازى موصولة لجميع افراد الاسرة..
عرفت المعلومة من مدااخلة د.طراوة فوق..
Post: #953 Title: Re: د / أحمد طراوة ___ فى ندوة عن تاريخ الغناء فى السودان . Author: Moawia Mohammed Date: 02-03-2008, 05:29 AM Parent: #1
UP
Post: #954 Title: Re: د / أحمد طراوة ___ فى ندوة عن تاريخ الغناء فى السودان . Author: أحمد طراوه Date: 02-03-2008, 10:21 PM Parent: #1
.. لسه في رحاب جماع .. رحاب من جعلوا الشعر الغنائي السوداني اشد رقة و اقوى مضامينا !
نحنا في رحاب شعب السودان اللي كان و لا يزال :
" هين تستخفه بسمة الطفل قويا يصارع الاقدار .. حاسر الراس عند كل جمال مستشف من كل شي جمالا "
جميلة في جملة كابلي الموسيقية الطالعة من عودو ماركة ( سالمين ) .. المدوزن خماسيا
سالمين ياهو عود زرياب في نواحي الخليج العربي
Post: #955 Title: Re: د / أحمد طراوة ___ فى ندوة عن تاريخ الغناء فى السودان . Author: محمد عثمان Date: 02-03-2008, 10:33 PM Parent: #1
جميل بساااام و طرفو سهااام يا سلالام لو حنه و حقق املنا خلانا دواام فى نار وغراام عيونو اذتنا... و نارو كوتنا يااا سلاااااام ضفايرو ظلااام... و كاسيه قواام محل ما يميل قلوبنا تميل يااا سلااااام الحب اقساام...اماال و احلاااام نصيبى الم..حبيبى ظلم ياا حراااام.....
Post: #956 Title: Re: د / أحمد طراوة ___ فى ندوة عن تاريخ الغناء فى السودان . Author: Moawia Mohammed Date: 02-03-2008, 11:48 PM Parent: #1
فوق
Post: #957 Title: Re: د / أحمد طراوة ___ فى ندوة عن تاريخ الغناء فى السودان . Author: Osman Musa Date: 02-04-2008, 03:07 AM Parent: #956
أخ محمد عثمان بارك الله فيك لها الرحمه اهو يا أخ محمد ده حال الدنيا .
Post: #958 Title: Re: د / أحمد طراوة ___ فى ندوة عن تاريخ الغناء فى السودان . Author: أحمد طراوه Date: 02-04-2008, 08:13 AM Parent: #1
يا ود عثمان !
سيد خليفة لحنا بايقاع الدلوكة البساير العرضة !
وفي المديح دا نفسو ايقاع الدقلاشي المعمولة بيهو مدحة البرعي العدناني يا نور الجناني
غنا السودان الحديث ( ايقاع و ميلودي ) جذورو ضاربة في المديح كما في الدوباي
و الكورس النسائي ادا الغنية بُعد آخر !
و المجد للرضية سعد ، و الرحمة مكي .. و المجد للآلاف التي سوف تهدر في الشوارع كالسيول
وماشين نحنا علي غنا أكتوبر ! غنا وردى و محمد الامين وغنية بآزرعة عن الشهيد القرشي : عُرس الدم
" و يا ابو آمنة حوبتك جات "
Post: #959 Title: Re: د / أحمد طراوة ___ فى ندوة عن تاريخ الغناء فى السودان . Author: احمد الامين احمد Date: 02-04-2008, 03:28 PM Parent: #958
شكرا د.طراوه وعدتنا ان تصحبنا داخل معطفك الوسيع الى غنا اكتوبر عبر حنجرتى الصوت الراقى وردى وابوالامين اذن عبرت الخمسينات الى النصف الاول من الستينات؟ حسنا سنرافقك الى الستينات فتره الالحان الكبيره لوردى " الطير المهاجر\\لو بهمسه" وغيرها وهذه فتره نوعيه لها وجوه مختلفه فى الشعر المؤسف بها مغادره بازرعه فضاء وطنه وتبدل همومه وسكوت صلاح احمد محمد صالح وحسين منصور بدرجه كبره لكن المفرح فى هذه الفتره بزوغ اقمار جديده فى سما الشعر الغنائى تحديدا الحلنقى الذى قال عنه الدكتور عبدالله على ابراهيم فى "انس الكتب" ان وقع خطى السودانيين على الارض تبدلت بعد سماعهم غنا الحلنقى وسيظهر محمد محمد يوسف موسى " كلمه لابنى الباديه\\ عذبنى وزيد عذابى لوردى والربيع الاخدر لعثمان حسين وغيرها " وكذلك التجانى سعيد " من غير ميعاد لوردى والدوش كذلك " الود" لوردى والاخيره ستصحب معها دخول الخواجات فى التوزيع اللحنى السودانى قبل مرحله معهد الموسيقى على يد اليونانى المصرى المولد " ادنريه رايتر" وفى " الود" يمتزج طنبور وردى مع البيانو والاورغن فى تمازج فريد وعناق بين الارث والجديد عموما انا سعيد بولوجك مرحله الستينات .... اغنيه سيد خليفه " جميل بسااام" التى كتبها محمد عثمان فى مداخله اعلاه كلماتها منسابه كالنعاس ويؤديها سيد خليفه بصوته " المخدوش" بتناسق بديع والفه عبر الحوارالثلاثى مع مزهر بشير عمر والكمنجات المصاحبه وعبرها وجد د. طراوه مدخلا للحديث عن ايقاع الدقلاشى الذى يسود فى مديح اولاد حاج الماحى كما ذكر وردى قديما عبر الحوار بين الطار الكبير والطار الصغير لكن فى هذه الاغنيه كماتنبه د. طراوه يسود عبر الحوار بين صوت سيد خليفه والالات الوتريه وجوقه النساء المصاحبه ...تحياتى للجميع
Post: #960 Title: Re: د / أحمد طراوة ___ فى ندوة عن تاريخ الغناء فى السودان . Author: محمد عثمان Date: 02-04-2008, 06:03 PM Parent: #1
شكرا د. طراااوة و شكرا استااذ احمد الامين و التحاايا للرائع عثمام موسى..و الجميل معااوية و لكل الضيوف الكراام...
ننتقل للنموذج الثاانى للفنان سيد خليفة تم تحويل التشغيل التلقائى لاغنية "ما تقولوا لى بيتدلل"
و نتااابع.........
Post: #961 Title: Re: د / أحمد طراوة ___ فى ندوة عن تاريخ الغناء فى السودان . Author: Osman Musa Date: 02-04-2008, 10:41 PM Parent: #960
الأخوان الكرام والله مجهوداتكم محل اعجاب المتابعين .. لكم الشكر ..
..
Post: #962 Title: Re: د / أحمد طراوة ___ فى ندوة عن تاريخ الغناء فى السودان . Author: Osman Musa Date: 02-05-2008, 03:37 AM Parent: #961
د / طراوة سلامات حفل الفنان عركى يا أحمد اريتك كنت حاضر نجاح كبير .. ارجو أن تتابع حديث الأخ عبدالمنعم الجزولى فى بوست ( بخاف ..2008 ) ( تاج السر الملك ) منتهى الجمال . ... الأخ معاويه سلام استعد يا معاويه ويا محمد رضوان لكم التحيه
Post: #963 Title: Re: د / أحمد طراوة ___ فى ندوة عن تاريخ الغناء فى السودان . Author: أحمد طراوه Date: 02-06-2008, 11:45 AM Parent: #1
.. و مرة تانية بنقول مرحب بعركي في بلاد ما وراء الاطلنطي
شتات ما وراء الاطلنطي اللي ما بنفعو التطمين و لا الفقراء البعرفو الدين
حسبما لاحظ و قال الراحل النعام آدم
.. عركي قيثارة الغنا الحديث في أصالتو السودانية
عركي حركة التجريب و التجديد و إرتياد الآفاق
عركي المتحول و المسافر علي جناح الكلمة الانيقة و الجملة اللحنية الفريدة ، ياهو عركي اللي بنرصدو في المسافة مابين :
" شيل من بالك قول العازل "
و حتي لحظة الانفجار العاطفي - الجمالي السبعيني من القرن الماضى و اللي عُرف ب :
" بخاف اسأل عليك الناس "
.. ثم في محطة جماليات التوزيع الموسيقي في اغنية واحشني علي يد الموصلي
.. و من قبل : مرورا بكلمات فضل الله محمد الحان محمد الامين الازيرق :
( بوعدك يا ذاتي يا اقرب قريبة )
في كل ذلك الخيط الممتد و المتجدد و الطارح الق التحولات و النهضة الفنية البديعة .. في كل ذلك بنلقى عركي و بنكتشفو !
وفي كل ذلك بنفهم اكتر خصائص و اسرار و قصص المسار التطوري لمدرسة الغناء الاوركسترالي السوداني التانية
مودتنا لعركي و للاديب منعم الجزولي ، صافية صفاء الدهب الداقينو دق حسن ود مسيك .. ودق الشريف علي ود نصر
و بالله يا عثمان أسأل صحبك عركي :
.. ليه لجنة النصوص كانت بتمتحن الفنانين الجُدد باغنية :
لو كنت ناكر للهوى زيك !
.. وذلك فيما بعد عهد الامتحان القديم اللي كان باغنية الحاج عبد الحميد يوسف :
أذكريني يا حمامة ! ؟
Post: #964 Title: Re: د / أحمد طراوة ___ فى ندوة عن تاريخ الغناء فى السودان . Author: محمد عثمان Date: 02-06-2008, 01:46 PM Parent: #963
Quote: عركي حركة التجريب و التجديد و إرتياد الآفاق
عركي المتحول و المسافر علي جناح الكلمة الانيقة و الجملة اللحنية الفريدة ، ياهو عركي اللي بنرصدو في المسافة مابين :
" شيل من بالك قول العازل "
و حتي لحظة الانفجار العاطفي - الجمالي السبعيني من القرن الماضى و اللي عُرف ب :
" بخاف اسأل عليك الناس "
دكتور طراااوة....
المقاام هنا مقاام الراائع ابو عركى...و يا بختكم ياا ناس امريكا بالزول دا.. ابو عركى المبدع الفناان الذى مر بمرااحل و حقب متعددة حتى وصل الى درجة الصقل و التجويد اتج الكثير من الاعمال الجميلة والتى خلدت نفسها فى وجدان الجميع و فرضت نفسها بقوة فى خاارطة الغناء السودانى...
من منا لايذكر و لا يحفظ لو كنت تبعد فى زحل و سهرنا الليل و كملنا لتى كتبها و لحنها بنفسه و اغنية عن حبيبتى بقولكم التى كتبها له الشااعر سعد الدين ابرااهيم و تيهى يااا حلوة التى كتبها له الشااعر نعمان على الله و اغنية دنيا التى كتبها الشااعر خليفة الصاادق و لحنها له على اكرت.. و ايضا كانت اغنية جبل مرة التى اشتهرت حال ظهورها و التى كتبها و لحنها له الفنان الكابلى.. من الاغنياات التى احدثت نقلة فى مسيرة ابو عركى اغنية بوعدك يا زاتى و هى اغنية تلاااقى السحاب فلقد كتبها الشاعر فضل الله محمد و لحنها الاستاذ الموسيقار محمد الامين...
حقيقة كنت فى حيرة من امرى فى ان استصحب مع هذه المدااخلة اى من هذه الاغنياات الجميلة و جدتى نفسى منحازا لاغنية بخااف و التى ارتبطت معى بالكثير من الذكريااااااااااااااات وايضا لاحسااسى ان هذه الاغنية كانت النقلة الكبرى فى مسيرة ابو عركى الفنان...
اغنية بخااف كتبها الشااعر حسن السر..و طرزها الفنان ابو عركى باللحن البديع الذى استطااع ان يحوى معاانى و دلالات النص الشعرى..فجاء اللحن و الحوار لموسيقى فى شكل خد و هات فى تباادل و حوار انيق خالقا ديالوج منغم بالايقااع و الموسيقى.... جاء اللحن الغنائى فى ايقااع التم تم فى سرعة متوسطة و كان لا بد ان يكون كذلك و ذلك لطبيعة الكلماات و النص الشعرى... بسااطة كلمات هذه الاغنية و سلااسة اللحن الذى صبغته لمحة سبااعية جعلته يخرج سهلا ممتنعا نفاذا لدواخل يملأها الشعور بالطرب الجميل...
Post: #966 Title: Re: د / أحمد طراوة ___ فى ندوة عن تاريخ الغناء فى السودان . Author: أحمد طراوه Date: 02-07-2008, 00:17 AM Parent: #1
.. ومنذ بداية ستينات القرن الماضى ثم لاحقا .. فإن تجربة عركي و محمد الامين قد عادت لتفجر اعواد الاسئلة الكبيرة الحساسة :
- جملة السودان الموسيقة ، موازير السودان الغنائية .. المستقبل و المآلات
- التوزيع الموسيقى
- القالب الموسيقي
- التكثيف الموسيقي .. الهارمونية في بلاد اهلها هم ناس الايقاع و النقزة !
لكن لمن عركي يقول في شأن تحقق رسالة الحب علي صعيد سوداني اغاني زي بخاف ، او ليرك بمبي اللون زي :
" مين يفرق بين حبايب إتلاقي شوقم .. و كل زول في الدنيا شايفنو صديقم "
فقد كان ذلك و علي وجه الدقة إعلان بصعود الغنائية السودانية لما بعد الخمسينات .. إعلان لمهرجان الفرح السوداني .. إعلان أكازيون سوق الادب و الفن الجديد
.. علي خط الاوركسترالية و مدرستا التانية بنواصل ، بنواصل ونحن لا نزال تحت التاثير الشديد لغنائية خضر بشير وهو في عليائه ، بموسق باقتدار كلام جماع :
قم يا ملاكي و الدنيا ليل
و بربطوا بخيط موسيقا تلك الاغنية الفريدة لعتيق
" عرج بي و ميل .. نتأمل الافق الجميل .. شكل الغزالة مع الصباح ! "
Post: #969 Title: Re: د / أحمد طراوة ___ فى ندوة عن تاريخ الغناء فى السودان . Author: Moawia Mohammed Date: 02-09-2008, 01:30 AM Parent: #1
UP
Post: #970 Title: Re: د / أحمد طراوة ___ فى ندوة عن تاريخ الغناء فى السودان . Author: Moawia Mohammed Date: 02-09-2008, 04:36 PM Parent: #1
UP
Post: #972 Title: Re: د / أحمد طراوة ___ فى ندوة عن تاريخ الغناء فى السودان . Author: أحمد طراوه Date: 02-10-2008, 00:28 AM Parent: #1
في إنتظار حزمة من تفانين غناء الخمسينات الاوركسترالي المُرسل من معاوية !
بنظل تحت ظلال سيوف الغناء المشهورة من لدن الحاظ حسناء قلعة صالح جبريل والد الاديب و الشاعر الوطني زول جمعية الاتحاد و اللواء الابيض :
" توفيق صالح جبريل : نضر الله وجه ذاك الساقي .. إنه بالرحيق حل وثاقي "
مموسقة بجمال متناهي عند الكابلي
و نحنا تحت ظلال الغناء اللي شجرو وارف .. بنلقي نظرة للوراء و نرجع نقيف قدام قبر الحاج محمد احمد سرور المتوفي في مدينة حرقيقو الاريترية اثر عملية التهاب الزائدة الدودية في 1946 ، و المدفون في اسمرا .. و علي شاهد القبر بنلقي كلمات كرف في رثاء عميد الفن السوداني :
سبحت اول ما صدحت مغردا .. باسم الديار وكنت اروع من شدا يا باعث الفن التليد تحية .. من شاطي النيلين يغمرها الندى
Post: #973 Title: Re: د / أحمد طراوة ___ فى ندوة عن تاريخ الغناء فى السودان . Author: Moawia Mohammed Date: 02-10-2008, 03:13 AM Parent: #1
الصخرة - العاقب محمد حسن
Post: #974 Title: Re: د / أحمد طراوة ___ فى ندوة عن تاريخ الغناء فى السودان . Author: Moawia Mohammed Date: 02-10-2008, 03:23 AM Parent: #1
ايه يا مولاي ( عسعس الليل ) - خضر بشير
الله فوق زوزو
Post: #975 Title: Re: د / أحمد طراوة ___ فى ندوة عن تاريخ الغناء فى السودان . Author: Moawia Mohammed Date: 02-10-2008, 03:34 AM Parent: #1
يا سهاره - محمد حسنين
Post: #976 Title: Re: د / أحمد طراوة ___ فى ندوة عن تاريخ الغناء فى السودان . Author: Moawia Mohammed Date: 02-10-2008, 03:52 AM Parent: #1
وأحمد المصطفي
Post: #977 Title: Re: د / أحمد طراوة ___ فى ندوة عن تاريخ الغناء فى السودان . Author: محمد عثمان Date: 02-10-2008, 07:00 AM Parent: #1
Quote: بنظل تحت ظلال سيوف الغناء المشهورة من لدن الحاظ حسناء قلعة صالح جبريل والد الاديب و الشاعر الوطني زول جمعية الاتحاد و اللواء الابيض :
" توفيق صالح جبريل : نضر الله وجه ذاك الساقي .. إنه بالرحيق حل وثاقي "
مموسقة بجمال متناهي عند الكابلي
Post: #978 Title: Re: د / أحمد طراوة ___ فى ندوة عن تاريخ الغناء فى السودان . Author: أحمد طراوه Date: 02-10-2008, 11:36 AM Parent: #1
.. إتني بالصبوح يا بهجة الروح ترحني لو كان في الكأس باقي !
وهكذا يتصاعد المد الجمالي لشعر الخمريات و يتكامل مع قول حسين عثمان منصور ، الحان برعي و غناء سيد خليفة :
" مال كأسي ابدا ظامئي وحيد .. و نديمي قد سرى نجما مع الافق البعيد .. يا سقاة الكأس من عهد الرشيد ! "
شكرا معاوية شكرا يا ود عثمان .. وصار الغناء في بوست عثمان : سارتن تبقبق و للصباح ما إنفشت !
و نهايتو بنقول ل هند السودانية .. قول خِدر بشير :
فاعلمي يا بنية أنا .. نكتم الحب ونفنى !
Post: #979 Title: Re: د / أحمد طراوة ___ فى ندوة عن تاريخ الغناء فى السودان . Author: Moawia Mohammed Date: 02-10-2008, 01:23 PM Parent: #1
فوق
Post: #980 Title: Re: د / أحمد طراوة ___ فى ندوة عن تاريخ الغناء فى السودان . Author: Osman Musa Date: 02-10-2008, 06:23 PM Parent: #979
الاخوان الافاضل عيال نفير الافراح والليالى الملاح ناس معاويه ومحمد عثمان الطنانبره مراكيب الفاشرى تسوى فى الصر والكفوف نفحت والبنيات كشفن . والجابودى لى السماء السابع . نردد مع سيدة غناء الجابودى بت ود أبوضهر
ونحنا فوق عزنا الفتنه ما بتهزنا نحنا فوق عزنا النيل ممدود حقنا .. بت ود أبوضهر يا أحمد طراوة من اشهر فنانات العرب الرحل . اخوها فارس من فرسان جبل الحسانيه غرب الزيداب ابن عمها قتل سنه 1922 فخرجت تغنى ليعم السلام ..
Post: #981 Title: Re: د / أحمد طراوة ___ فى ندوة عن تاريخ الغناء فى السودان . Author: أحمد طراوه Date: 02-10-2008, 07:49 PM Parent: #1
.. مرحبا يا مكاشفي !
شكرا للإضاءات المكتوبة بايجاز .. يعنى بذات طريقة الراحل خِدر بشير في ترانيمو بكلام ود الرضي :
" ما عندي ليك إلا قولا مختصر .. العند الله اقرب من لمح البصر ! "
و بحلق في آفاق مدهشة من الغنائية و روعة الاداء الصوفي :
" دامع لج طرفي يا اب طرفا سحر .. اتلظى و اكتم الغيظ الوفر .. لا يبرد حميمي لو أحسى البحر .. داري و ماك داري يا سمح النحر ! "
و ايضا و كما قال الصاغ محمود ابوبكر :
" إن يكن صمتي رهيبا .. أن في الصمت كلاما ! "
.. و ياريت لو سمعنا اغنية الصاغ محمود اللي كتبا علي صعيد الوطنية السودانية :
" صه يا كنار " .. الملحنة علي يد عبد المعين بايقاع المارش !
Post: #982 Title: Re: د / أحمد طراوة ___ فى ندوة عن تاريخ الغناء فى السودان . Author: Osman Musa Date: 02-10-2008, 08:26 PM Parent: #981
حباب ودالفنان خضر بشير يا سلام يا سلام ود شيخ دراويش الغناء فى العالم العربى والافريقى . طريقة الغناء الحركى عند خضر بشير تدرس فى معاهد الموسيقى فى ثاوث اميريكا . طرب الانجذاب الصوفى الجديد على العالم الخارجى . لون عجيب من الغناء . والله سعاده شديده بدخول ودخضر بشير .
Post: #983 Title: Re: د / أحمد طراوة ___ فى ندوة عن تاريخ الغناء فى السودان . Author: أحمد طراوه Date: 02-11-2008, 05:26 AM Parent: #1
.. الجابودي .. اخو الحومبي يا عثمان !
وصفو الطيب صالح في رواية موسم الهجرة للشمال .. الجابودي السوهو عرب الواحات .. الجابودي بصفقتو و هزيم ضرب الارض بالارجل
.. الجابودي الطفق ملأ آفاق صحراء وادي الملك لمن انكسر مسمار اللوري الشاحن كراتين البيرة ماركة ابوجمل الشرابا إسكوب !
ركاب اللوري و عرب الواحات مجتمعين عملو الجابودي بعد ما إستباحو بيرة فابريقا النيل الازرق علي نهج الاغنية الدكاكينية المنسوبة لموظف البوستة القديم ود البدوي :
" البيرة سخنا .. شِربنا دُخنا ! زورنا مرة ..
الغنا الدكاكيني اللي كان بيعكس المسار التحتي غير المُعلن لغنا التم تم !
غنا العالم التحتي لدولة الافندية و البرجوازية التجارية لما بعد الاستقلال .. غنا مجتمعات التحالف الافندو - تجاري السوداني
.. و كان ضمن ما رصدناهو من استخلاصات سابقة :
إنو الجابودي ، و الحومبي ، و الكرير ، و الجراري ، و الهسيس .. وكل ايقاعات الحلق في الريف و البوادي ، قد جاءت لتندمج في مطلع القرن العشرين داخل كبوشية ، و البجراوية ثم امدرمان فيما بعد عهد الخليفة عبد الله لتنتج ما عرف بغناء الطنابرة !
" و بتقول بت كردفان بت الحمر : يا يمة خليني .. الجراري راجيني "
شكرا يا معاوية علي الصورة الفريدة للعمالقة الاربعة .. و تحية خاصة للراحل الرائد احمد المصطفى رائد الرمبا و الساكسفون في السودان ..
من اجمل اغاني الرمبا في السودان كانت :
- الوسيم القلبي رادو : احمد المصطفي كلمات طه حمدتو - حبيب عمرى إنت لي كل شي : حسن عطية برضو كلمات طه حمدتو - رملتنا بيضا بين نيلين : حسن عطية كلام عبد المنعم عبد الحي - رمبا شرحبيل احمد : قلبي دقا كلام سعد قسم الله
.. ل احمد الامين بنخلي منثور الكلام عن الرمبا و احمد المصطفي .. ومن محمد عثمان و معاوية بنطلب اغنية :
( يا عظيم ) .. ايقاع الرمبا .. كلام احمد ابراهيم الطاش .. لحن و غناء احمد المصطفي
و في صدد طلبات الاغاني ، بنسجي خالص التحايا و العرفان لتلك الاعلام الاذاعية ، مقدمي برنامج ما يطلبه المستمعون ناس :
- محاسن سيف الدين - سعاد ابو عاقلة
للحق ليهم فضل ترقية ذوق المستمع السوداني
ما تنسي يا احمد الامين سيرة الطاش و غناهو
Post: #984 Title: Re: د / أحمد طراوة ___ فى ندوة عن تاريخ الغناء فى السودان . Author: Osman Musa Date: 02-11-2008, 03:39 PM Parent: #983
نتابع
Post: #985 Title: Re: د / أحمد طراوة ___ فى ندوة عن تاريخ الغناء فى السودان . Author: Moawia Mohammed Date: 02-11-2008, 04:31 PM Parent: #1
تسجيل فيديو جميل و نادر لمجموعة من الفنانين الرواد يشدون بـ صه يا كنار المطلوب التعرف علي أسماء الفنانين وعددهم 11 بالاضافة الي شخصين انفعلا مع النشيد الرائع فقاما من مقعديهما وشاركا مع المجموعة.
الشكر موصول لأخونا المبدع ناصر عذالدين ( الليندي ) من منتدي مزيكا سودانية
Post: #986 Title: Re: د / أحمد طراوة ___ فى ندوة عن تاريخ الغناء فى السودان . Author: Moawia Mohammed Date: 02-11-2008, 04:42 PM Parent: #1
يا عظيم - أحمد المصطفي
Post: #987 Title: Re: د / أحمد طراوة ___ فى ندوة عن تاريخ الغناء فى السودان . Author: محمد عثمان Date: 02-11-2008, 04:49 PM Parent: #1
ينتقل المايكرفون للاخ معااوية...
مع تحياااتى للجميع هنااا...و متاابعة
Post: #988 Title: Re: د / أحمد طراوة ___ فى ندوة عن تاريخ الغناء فى السودان . Author: Moawia Mohammed Date: 02-12-2008, 03:43 AM Parent: #1
صورة للرواد مع الزعيم اسماعيل الأزهري
Post: #989 Title: Re: د / أحمد طراوة ___ فى ندوة عن تاريخ الغناء فى السودان . Author: أحمد طراوه Date: 02-12-2008, 09:11 AM Parent: #1
.. وخطوة .. خطوة يا معاوية نسير .. الهارد روك في جنوب الوادي علي يد شرحبيل !
شكرا يا معاوية : فريدة كتيبة اليسار الاقصى في فيديو الكنار السوداني :
- ابوداؤد في الوسط بين - احمد المصطفي - و صاحب اللحن الارجواني - الكناري في لونو ( الفقير لله اسمعيل عبد المعين )
.. و التحدى ببقي يا ود عثمان و يا معاوية إننا نلقي تلك الاغاني المحورية لرائد التحولات الموسيقية - الغنائية آناء أواخر الثلاثينات من القرن الماضى :
- لاقيتو مع البياح - و جبال التاكا - و نشيد يقظة شعب المبني علي ميلوديا قبائل الجنوب ( الطير بحوم فوق الِِرِمم )
.. عبد المعين : نزل بنشيد المؤتمر وسط الجماهير .. في المدارس ، و مسارح السينما ، و اندية الخريجين ، و سافر مدن الاقاليم و شق دربو لضهاري المدن !
.. الصغير و الكبير كان بقيف حيلو لمن عبد المعين يبدا دقة المارش و يقول :
انا لا اخاف من المنون و ريبه .. ما دام عزمي يا كنار مُهندِ ! "
" كان عبد المعين طليعيا و رائدا للحراك الجماهيري - الوطني "
و نرجع نقول : البوست دا شالوه ناس معاوية و محمد عثمان شمعة !
شمعة سقوها الحنان و صانوها و ضوها ما فتر . . شالوهو علي نهج الصاغ محمود ابوبكر :
" كم رعيتك و البروق عصية .. وبذلت يا سودان ما ملكت يدي "
.. وجميل كلام الطاش : أنت في قلبي مُقيم .. و ب آلامي عليم !
إنها مدرسة الغنا الاوركسترالي التانية بعيدة المدي و متعددة الالوان :
" مدرسة الحبيبة اخت الظُبي .. و العيون الهلكتني حي ! "
.. وفي صخرة العاقب محمد حسن بنجلس نتأمل سيرة التجريب و مآلات النهاوند و البياتي في ساحة الغناء السوداني !
Post: #990 Title: Re: د / أحمد طراوة ___ فى ندوة عن تاريخ الغناء فى السودان . Author: محمد عثمان Date: 02-12-2008, 09:26 AM Parent: #1
فوق..
و القمرى فوق نخل الفريق يبكى ويحن فااقد الاهل..
و ما زمانى وصونى يا حليل الوصية...
سليمان عبد الجليل...وين الزول دا..؟؟؟؟
Post: #991 Title: Re: د / أحمد طراوة ___ فى ندوة عن تاريخ الغناء فى السودان . Author: تماضر الخنساء حمزه Date: 02-12-2008, 09:36 AM Parent: #990
أنا شِرقتا عديييل ليّ يومين في البوست ده
ياخي يسعد أيّامكم.
Post: #992 Title: Re: د / أحمد طراوة ___ فى ندوة عن تاريخ الغناء فى السودان . Author: محمد عثمان Date: 02-12-2008, 09:57 AM Parent: #991
Quote: أنا شِرقتا عديييل ليّ يومين في البوست ده
ياخي يسعد أيّامكم.
ياااااا
عثمان موسى... و دكتور طراااوة و معااوية.. و ناس الحلة كلهم..
دى دايرة ليها كرااامة كبيرة الزولة دى امسكوا فيها قوى تانى ما تفوت من هنا...
طله بهية يا باش..
Post: #993 Title: Re: د / أحمد طراوة ___ فى ندوة عن تاريخ الغناء فى السودان . Author: Moawia Mohammed Date: 02-12-2008, 12:28 PM Parent: #1
فوق
Post: #994 Title: Re: د / أحمد طراوة ___ فى ندوة عن تاريخ الغناء فى السودان . Author: Osman Musa Date: 02-12-2008, 04:19 PM Parent: #993
وبدون انفعال والله السودان ده اعظم بلاد الدنيا ... لكم الشكر
Post: #995 Title: Re: د / أحمد طراوة ___ فى ندوة عن تاريخ الغناء فى السودان . Author: أحمد طراوه Date: 02-12-2008, 11:39 PM Parent: #1
.. في 28 مايو 1984 غاب عن دنيانا ( دار ام قدود ) ذلك الرجل الاستثنائي الفريد المسكون باسرار الجمال الغنائي !
.. رائد الصولفيج السوداني ، الدارس الفاهم لقضايا و تفاصيل و اسرار السلم الخماسي السوداني !
طرح عبد المعين نشاطو التجريبي - التطوري مبتدأ باغنية بشير عبد الرحمن ( جبال التاكا )
.. بشير وقتها كان طالب بمصر .. طلع من السودان لاجئا سياسيا مبتعدا من ملاحقات القلم السرى وبقية اجهزة امن المستعمر
.. عبد المعين طرح فرضية (الزنجران) في مناجزة السلم السباعي ، و محاولة تخريجو علي نحو سوداني جديد و اصيل مدموج مع الخماسي و معانق لموازير التنوع الايقاعي السوداني خاصة ايقاع التم تم !
.. في مقبرة قريبة من حديقة البلدية ببحري ، كان عبد المعين بختلي بنفسو ، معانقا نسام الليل و تلك الإشارات الجاية من وادي عبقر ، وكان بناجي اولئك الابطال الثوار المنتمين لحركة 1924 ، و المدفونين تحت الارض .. فانجز تلحين اناشيد المؤتمر :
- صه يا كنار - صرخة روت دمي - الي العُلا
.. و التلاميذ بقوا هم الحامل الاجتماعي لميلوديا و رسالة الاناشيد التلاتة .. بغنوها في طابور الصباح ، وفي فسحة الفطور ، وفي الشارع ، وفي البيوت .. وسرت الاناشيد من بعد كالنار في الهشيم !
.. في الابيض الثائرة ، في مسرح سينما كردفان في مطلع الاربعينات صعد عبد المعين للغناء وبدا باغنية جبال التاكا !
واحد من عملاء إدوارد عطية جماعة القلم السري همس لعبد المعين في اُذنو :
Post: #1000 Title: Re: د / أحمد طراوة ___ فى ندوة عن تاريخ الغناء فى السودان . Author: تماضر الخنساء حمزه Date: 02-13-2008, 02:34 PM Parent: #999
شكراً صاحب الدار عثمان موسى..
Post: #1001 Title: Re: د / أحمد طراوة ___ فى ندوة عن تاريخ الغناء فى السودان . Author: Osman Musa Date: 02-13-2008, 04:50 PM Parent: #1000
حبابك تماضر الخنساء حمزه الجميله التى لا تتوانى عن مشاركات الافراح مرحبتين وانتى ترتدى ثياب الأغانى وتطرقى ندوة ناس معاويه ومحمد عثمان وطراوة الف شكر تحياتى
Post: #1002 Title: Re: د / أحمد طراوة ___ فى ندوة عن تاريخ الغناء فى السودان . Author: Osman Musa Date: 02-13-2008, 05:15 PM Parent: #1001
صه يا كنار شوف المجموعه دى ياسلام والله خرمان جنس خرم وقرمان جنس قرم لى نوع الغناء المتل ده .. حقو الأغنية دى تنزل تانى فى الصفحه الجديده 11 اكراما للجماعه الملوك ديل لكم جميعا التحيه
Post: #1093 Title: Re: د / أحمد طراوة ___ فى ندوة عن تاريخ الغناء فى السودان . Author: Osman Musa Date: 02-29-2008, 04:25 AM Parent: #1002
نتابع مع د/ أحمد طراوة ندوة تاريخ الغناء فى السودن
Post: #1003 Title: Re: د / أحمد طراوة ___ فى ندوة عن تاريخ الغناء فى السودان . Author: أحمد طراوه Date: 02-13-2008, 08:52 PM Parent: #1
" كم عيون كانت بتبكي .. عاد صفا الايام وفرحو ! "
وفي واحدة تانية بقول :
" يا حبيبي الشمس تشرق حتى لو طول مغيبا "
و اصلا صلاح مصطفي ظهر في مطلع تلك الستينات ناشر اجنحة الامل و الفرح و الثقة في اللحظة وفي الغد !
و مستصحب صدى الكمنجات الحنينة .. الكمنجات الدوزنا مبكرا السر عبد الله علي النهج الخماسى وفارق بيها مضارب التخت العربي و خلاها منسابة علي صعيد سوداني !
.. منسابة ذى الموية النازلة من سفوح جبل مرة ، زي موية الخريف الجارية في خور أحمر وخور الرادوك جهة ديار الانقسنا !
.. وجميلة عند صلاح مصطفي تلك الاهزوجة الاكتوبرية البقول فيها :
" لكن إرادة الشعب .. و الشعب شعب كفاح ، فجت ضلام الليل و عادت في احلى صباح ! "
.. وطالما رحلتونا لصفحة حداشر .. بالله رحلو معانا كل الغنا .. رحيلا ابديا سرمديا فنحن لا نزال في زمن الغربة و الارتحال كما قال الرجل الفاضل محمد مفتاح الفيتوري "
.. وارحلي يا تماضر لصفحة حداشر مع صحبك ود عثمان (جراب الغنا) الجميل .. ارحلي زي حمامات حمد الريح الشاقة الوادي مع النسمة الفرايحية الصباحية
.. تعرفي يا تماضر يا خنساء : بوست عثمان دا زي (قدح النبي محمد) بتسع لكل العقول و القلوب و الايادى .. بنكتب فيهو ياهو بطريقة الشخبطة و التداعيات و عفو الخاطر دون التزام بنحو او تصريف .. اصلا نحنا و لاسباب يطول سردها بنظل هاربين من ضوابط سيبوية و ابو الاسود الدوؤلي !
Post: #1004 Title: Re: د / أحمد طراوة ___ فى ندوة عن تاريخ الغناء فى السودان . Author: تماضر الخنساء حمزه Date: 02-13-2008, 10:06 PM Parent: #1003
يسعد مساكم صلاح مصطفى الزول ده غني للكاشف البتوحي الناس العيون غنى هو..وكتلني أنا لكني عافية ليهو
محمّد عثمان بالله الغنية دي لو مانازلة كويس شوف ليها حل
البتوحي الناس العيون ياحبايب .. هن أساس الريد والفتون
العيون البيض لو صفن .. يجرحنك ويتلاصفن
مرة نظرن لي أوقفن .. شالوا نومي وما أنصفن
العيون السود كاحلات .. في دلالهن متهاملات
يجرحنك ما سائلات .. يتركنك متجاهلات
العيون الفيهن نعاس .. هن أساس معنى الجناس
هن بثيرن في الناس حماس .. هن بقودوا الزول للجنون (هن يسوقوا الزول للمجون)*
جنني ياخي العيون ياحبايب .. هن أساس الريد والفتون
* المقطع ده بسمعو سمعين مختلفين زي مامكتوب فوق كده..يلا صححنا د. أحمد طراوة
Post: #1005 Title: Re: د / أحمد طراوة ___ فى ندوة عن تاريخ الغناء فى السودان . Author: محمد عثمان Date: 02-14-2008, 09:51 AM Parent: #1004
Quote: محمّد عثمان بالله الغنية دي لو مانازلة كويس شوف ليها حل
تمااضر..
خلاااص ختيتى سهمك فى البوست
الاغنية تماام فى التماام...
مودتى...
Post: #1006 Title: Re: د / أحمد طراوة ___ فى ندوة عن تاريخ الغناء فى السودان . Author: محمد عثمان Date: 02-14-2008, 10:23 AM Parent: #1
بعد الصبر.....!!!
باازرعة/عثمان حسين
Post: #1014 Title: Re: د / أحمد طراوة ___ فى ندوة عن تاريخ الغناء فى السودان . Author: محمد عثمان Date: 02-14-2008, 11:37 PM Parent: #1006
ليه...ليه تقووول ايااامنا.. رااحت وانتهينااا... يا حبيبى والله كانت ديك سحابة لو حصل فى العمر مرة و افترقنا هى غلطة ونحن نتحمل عذابه انت عااارف كل ايامك محنه و انا بحرق كل عمرى فى الصبابة يا حبيبى ليه حياتنا ما تبقى جنة ننسى ظلم الدنيا ناخذ من شبابه نبعد الشك من قلوبنا والمظنة نمشى فى درب الامااانى المستطابة لست ادرى... هل عذااابى...؟؟ ام عذابك..؟ كان اكثر.. و حين شق الدهر بينا.... و الفراق المر اجبر..لست ادرى غير انى كنت ادرى ان حبى كاااان اكبر.. فلماذا كنت تخشى.. ؟؟ انت مااااضى المسير يااا حبيبى كل واااحد ليه تاااريخ وماااضى اى ماااضى..؟؟ وليه ذكرى حب قديمة و انت عااارف لما اخترتك حبيبى كااان فى قلبى جرح ينزف بالهزيمة لكن انت صرت اغلى حب عندى و كنت راضى معاى بظروفى الاليمة و كنت راضى بالشقا البتبع خطاى و المآسى المرة فى طفولتى اليتيمة ليه ما نصبر و نتحمل يا حبيبى بكرة نلقى الدنيا بخيرها و نعيمها ياااا حبيبى..........
Post: #1007 Title: Re: د / أحمد طراوة ___ فى ندوة عن تاريخ الغناء فى السودان . Author: ملكة سبأ Date: 02-14-2008, 10:44 AM Parent: #1
تسجيل حضور ومتابعة
Post: #1008 Title: Re: د / أحمد طراوة ___ فى ندوة عن تاريخ الغناء فى السودان . Author: Elmosley Date: 02-14-2008, 10:49 AM Parent: #1007
تسجيل حضور ومتابعة نسجل الحضور والمتابعة مع الملكة ولكما هميم الود ياعثمان وطراوة علي هذه الطلاوة
Post: #1010 Title: Re: د / أحمد طراوة ___ فى ندوة عن تاريخ الغناء فى السودان . Author: محمد عثمان Date: 02-14-2008, 11:51 AM Parent: #1007
Quote: تسجيل حضور ومتابعة
والله يا عثمان موسى و دكتور طرااوة بعد كدا وسعوا الحلقة...اللية الملكة جات و صلااح بن الباادية قال دايرين ديمة نشوف الملك.. الف مرحب..و نورتى البوست.. و الاغنية االتالية بعد اغنية بعد الصبر.. اغنية عثمان خاالد احلى البنات..عشان تطوفى بقصر الرشيد و يغنى ليك الموصلى....
اتوهطى تب..و الشرباات يا عثمان موسى...
Post: #1009 Title: Re: د / أحمد طراوة ___ فى ندوة عن تاريخ الغناء فى السودان . Author: أحمد طراوه Date: 02-14-2008, 11:45 AM Parent: #1
بعد الصبر اللي من خلالا بازرعة و عثمان حسين حولو الغنا السوداني لميلودراما مفتوحة
.. و يغني ليك الموصلي يا احلى البنات !
ونحنا لانزال علي نهج الراحل عثمان خالد :
طايرين نعانق الخيال و نحلق عبر الازمنة بحثا لا يكل و لا يمل عن سر الغنا السوداني ..
Post: #1011 Title: Re: د / أحمد طراوة ___ فى ندوة عن تاريخ الغناء فى السودان . Author: Osman Musa Date: 02-14-2008, 04:23 PM Parent: #1009
يقول المغنى اليمنى عن ملكة سباء ( بلقيس ) .. بلقيس قالت بلقيس .. وأخفت دهشتها فى ثوب مغسول بالضوء وبالعطر وعاد الجفنان الى النوم وقلبى عاد الى الصمت المكسور بلقيس كانت هناك بفتنتها ورشاقتها ... الف مراحب بملكة سباء حبابك .. نضبحلك ونصفق معاك لامن ديك راكوبة ناس طراوة يصنقر حبابك
..
Post: #1012 Title: Re: د / أحمد طراوة ___ فى ندوة عن تاريخ الغناء فى السودان . Author: Osman Musa Date: 02-14-2008, 04:40 PM Parent: #1011
الموصلى الموسيقار المرجع الذى تخضر فى كفه الكمنجات وتضحك المزامير . الموسيقار ( الفاهم ) نعم دخولك الى بوست الغناء هو دخول الشمس أشعتها .. الف شكر ننتظر تحياتى
Post: #1013 Title: Re: د / أحمد طراوة ___ فى ندوة عن تاريخ الغناء فى السودان . Author: Osman Musa Date: 02-14-2008, 11:28 PM Parent: #1012
د / أحمد طراوة ____ فى ندوة عن تاريخ الغناء فى السودان .
Post: #1015 Title: Re: د / أحمد طراوة ___ فى ندوة عن تاريخ الغناء فى السودان . Author: أحمد طراوه Date: 02-15-2008, 11:36 AM Parent: #1
.. ولا نزال في رحاب الوكر الغميس ! وكر الغنا و المحبة
المدى الزمني الغنائي 1950 ---- 1960 !
وكر بازرعة و عثمان حسين اللي عُرف فنيا بالوكر المهجور ..
.. اصلا عثمان حسين وفي خط الموسيقى كان علي نهج عبد المعين و خليل فرح ، كان مبكرا بغني غناهم ، و ضمنا كان بتلمس اسرار جملتم الموسيقية ، بهضما و بعيد إنتاجا علي نحو تطوري صاعد !
" ودا كان مصدر قدرتو لاحقا في مناجزة مقام (فا) الكبير "
.. جماعة ورشة السجانة في مطلع الخمسينات كانو كلهم اسطوات .... وفي وسطهم عثمان حسين أجترحوا مأثرة الصولفيج السوداني التانية فيما بعد عبد المعين - الكاشف :
عثمان حسين ، خليل احمد ، عربي ، علي ميرغني ، عبد الفتاح الله جابو :
" قاربو الداياتون الاروبي - المصري تفكيكا و تشريحا .. و طلعوا بره منو بحس سوداني اصيل :
- الدرجة الرابعة اللي اسمها ( سي بمول ) - الدرجة السابعة اللي اسمها ( مي بيكار)
و نقص السباعي درجتين في ورشة السجانة وطلع الخماسي اللي عرف ب (فا) الكبير !
" مقام فا الكبير ماركة السودان : هو روح غنا عثمان ود الحسين .. هو روح التجديد و النكهة السودانية الاصيلة في غنا عثمان "
الدياتون اللي بقى بنتاتون في ورشة السجانة ، كان اوضح ما يكون في أغنية عاهدتني ..
.. و قالب عثمان الموسيقي الجديد برز بجلاء و كمال زى بدر التمام في اغنية الفراش الحائر
.. الفراش اللي طاف يا محمد عثمان حول وجنات الزول اب عيون كحيلة .. الزول اللي قال عليهو قرشي محمد حسن :
" أراك قريب و اتنهد .. و انا قلبي آمن و وحد "
.. رمى قرشى كلمتو الاخيرة تلك في تحديات الحب و مجاهل الغرام و إنتقل الي رحاب التصوف .. رحاب الحب الكبير السرمدي ..
Post: #1016 Title: Re: د / أحمد طراوة ___ فى ندوة عن تاريخ الغناء فى السودان . Author: محمد المرتضى حامد Date: 02-15-2008, 01:07 PM Parent: #1015
بالطبع لايمكنني المطالبة بأن تكون كل البوستات على هذا النسق لأني وقتها سأكون من الحالمين، تعرف يا عثمان المكان بتاعكم دا زي لما تكون في شهر سبعه ماشي في شارع خليجي كداري وتدخل مكان مكندش، طراوه ، صاحبك ودالقرشي عمل محاضرتين (ناصيه) في شئون الحقيبه في أبوظبي وقال لي محايد أن المحاضرة الثانية كانت بناء على رغبة الجماهير زي أفلام تيرنتي ناس بدسبنسر وتيرنس هيل في الوطنيه امدرمان . شوف عثمان حسين ده وصديقه الشاعر حسين (باروعه)، يطول عمرهم ، أسمعم بعد 12 بالليل ، زي آلة الزمن بتاعت كيب ثورن، يرجعوك لنفسك ويغسلوا كل أدران وأحزان النهار فتنام قرير الفؤاد بتلك الأوراد. ليه تقول أيامنا راحت وانتهينا الفارهة دي لا أستطيع وصفها بأي كلام فارغ من عندي لكن حاسِّي إنها محطة توليد رجاء وتضخ مليون ميجاوات من التفاؤل ويمكن إجازتها كشعار في أي من المظاهرات المضادة للإرتخاءت النفسية مثلها مثل تاني ما تقول انتهينا نحن في عز الشباب ويا أحمد ستيف هوكنغ وإنشتاين لم يضعا في حسبانهم إبراهيم عوض وقانون (يا زمن وقِّف شويه) وهما ينظِّران لسالفة إنحناء الزمن وهذا من عيوب نظرية النسبية. معاويه ومحمد عثمان ديل الواحد يمرق منهم إتَرَّع طرب..
Post: #1017 Title: Re: د / أحمد طراوة ___ فى ندوة عن تاريخ الغناء فى السودان . Author: محمد عثمان Date: 02-15-2008, 08:28 PM Parent: #1
Quote: .. و قالب عثمان الموسيقي الجديد برز بجلاء و كمال زى بدر التمام في اغنية الفراش الحائر
.. الفراش اللي طاف يا محمد عثمان حول وجنات الزول اب عيون كحيلة .. الزول اللي قال عليهو قرشي محمد حسن :
" أراك قريب و اتنهد .. و انا قلبي آمن و وحد "
.. رمى قرشى كلمتو الاخيرة تلك في تحديات الحب و مجاهل الغرام و إنتقل الي رحاب التصوف .. رحاب الحب الكبير السرمدي ..
في الفراش الحائر The Bewildering Butterfly :
Post: #1019 Title: Re: د / أحمد طراوة ___ فى ندوة عن تاريخ الغناء فى السودان . Author: تماضر الخنساء حمزه Date: 02-16-2008, 01:46 PM Parent: #1017
Post: #1062 Title: Re: د / أحمد طراوة ___ فى ندوة عن تاريخ الغناء فى السودان . Author: Osman Musa Date: 02-23-2008, 07:28 PM Parent: #1019
نتابع
Post: #1018 Title: Re: د / أحمد طراوة ___ فى ندوة عن تاريخ الغناء فى السودان . Author: أحمد طراوه Date: 02-16-2008, 00:08 AM Parent: #1
.. آمنت بيك يا ناير !
لانو مافي مثالك .. انا حكمي لو كان جاير حكم سواي في جمالك !
.. شعر جديد و غريب في نوعو !
.. ظهر آناء مطلع الخمسينات
" فكرة الايمان بالحبيب كانت فكرة جريئة و مثلت تحدى مقذوف هكذا مرة واحدة في وجه قوى التقليد و المحافظة "
و واضح انو البيكلو برقتو المتناهية في المقدمة الموسيقية هو اخو الفلوت و إبن عم الصفارة ، لاكنو اشد رقة منهم high pitch
.. و العود بتاع ابو عفان ، وخلافا لواقع حال التخت العربي ، كان قائد للاوركسترا السودانية !
وفي الفراش الحائر :
القالب الموسيقي كان في اشد صبواتو الفنية
- مقدمة جميلة و جديدة في ذات مستوى مقدمة الكاشف الموسيقية في اغنية داخل روضا غنا
- و مطلع فريد بتحول مباشرة الي مذهب غنائى كامل
- ثم كوبليهات ! و العود بمثل عصاية الانتقال من الكوبيله الاول للتاني
قالت المصرية سمحة الخولي اخصائية التحليل الموسيقي و عميدة معهد الكونفوسوتوار .. و يقال إنها اكثر الموسيقين العرب علما ورصانة خلال الاربعين سنة الاخيرة :
" ان القالب الموسيقي السوداني بمثل ظاهرة فريدة و شديدة الاكتمال في عالم المقام الخماسي "
.. مودتنا يا ود حامد ! وعارفين نحنا إنو اغنية بعد الصبر بتجيبك في حوش ناس عثمان و معاوية و ود عثمان .. وصدق ود حد الزين وهو من قال :
الشوق بيحصل ساعة المساء يفرد الجناح و يلملم مصابيح النهار ..
.. جميلة عند محمد ميرغني يا ود عثمان
- و بديع اسمعيل حسن ود حد الزين وهو بناجى ( بتلك الواوية العصماء ) في طير الرهو العابر شتاءا من اروبا الي رحاب السافنا الدافئة
لحنا صلاح بن البادية واداها لحمد الريح !
فأنتشت الدنيا و زغردت .. و البسيمة الحلوة السباقة دقت ابواب الفريق : كوّ .. كوّ .. يا سلام "
Post: #1020 Title: Re: د / أحمد طراوة ___ فى ندوة عن تاريخ الغناء فى السودان . Author: Osman Musa Date: 02-16-2008, 07:13 PM Parent: #1018
استاذ محمد المرتضى حامد سلامات يامحمد يا صاحب التعابير النبيلة والقلب العامر بالمحبة والجمال _ .. قلت لى محاضرتين ؟ .. فى أبوظبى ؟ وكمان ناصية ؟ عارف صاحبك . ودالقرشى دكشنرى الحقيبة .
اعلم أنه يراعى الحقيبة ويحنو على شئونها لكم التحية يا ناس الكلام المكندش فى وديان الربع الخالى تحياتى
Post: #1021 Title: Re: د / أحمد طراوة ___ فى ندوة عن تاريخ الغناء فى السودان . Author: أحمد طراوه Date: 02-16-2008, 09:13 PM Parent: #1
.. شكرا يا تماضر ! حفظناها في حرز امين
.. اصلا الفراش الحائر .. و اغنية الملهمة اللي كتبا عبد الرحمن الريح ولحنا وغناها التاج مصطفى في خريف 1948 .. الاتنين ديل مثلو نقاط تحول و مؤشرات انتقال !
- المقدمة الموسيقية - التكثيف الموسيقي - الكوبليهات - ريادة العود بعد ما تسودن .. فلا صار عود زرياب و لا بقى كطمبور الفقير اسمعيل الدقلاشى ! الدقلاشى هو اول من اخرج تناغيم خماسية
.. نور العيون إنتي الامل !
عبقرية التاج مصطفي ( كجور المزيكا السودانية آناء الاربعينات و مطلع الخمسينات )
جيبوها يا جماعة الاسناد .. ومعاها لنك الحِفظ
.. و جهزوا لينا درر مبارك المغربي .. عهود الرومانسية و الرقة الغنائية الجديدة :
- مرت الايام .. عبد الدافع - انا ليتني زهر .. رمضان زايد - يا ارض الحبيب .. الطيب عبد الله
.. يا احمد الامين : مبارك المغربي سيرتو ودورو و شِعرو الغنائي
.. يا ود حامد تحياتنا لاحمد القرشى .. وكلناك بيهو و بمشكلة الانترنت بتاعتو في وديان الازد القحطانين
Post: #1022 Title: Re: د / أحمد طراوة ___ فى ندوة عن تاريخ الغناء فى السودان . Author: محمد عثمان Date: 02-16-2008, 09:20 PM Parent: #1
خارج النص:
Post: #1023 Title: Re: د / أحمد طراوة ___ فى ندوة عن تاريخ الغناء فى السودان . Author: محمد عثمان Date: 02-16-2008, 10:05 PM Parent: #1
Quote: .. نور العيون إنتي الامل !
عبقرية التاج مصطفي ( كجور المزيكا السودانية آناء الاربعينات و مطلع الخمسينات )
جيبوها يا جماعة الاسناد .. ومعاها لنك الحِفظ
Post: #1027 Title: Re: د / أحمد طراوة ___ فى ندوة عن تاريخ الغناء فى السودان . Author: تماضر الخنساء حمزه Date: 02-17-2008, 01:19 PM Parent: #1023
Post: #1024 Title: Re: د / أحمد طراوة ___ فى ندوة عن تاريخ الغناء فى السودان . Author: أحمد طراوه Date: 02-17-2008, 00:04 AM Parent: #1
.. يا ود عثمان ليك مننا الشكر الجزيل !
.. ومن مأثور الرومانتيك القديم بنقول ليك كلام ود الريح :
" آمالنا في الدنيا الجديدة .. تتحقق احلامنا السعيدة ، و نلاقيكم جميعا في بلد بتعرفنا و بنعرفا ! "
أكفكم ، انت و معاوية تسابق الريح
.. اسنادكم زي اسناد الفرق النزلت في شاطى النورماندي ومحنت النازى هتلر
بختك يا عثمان موسى ، رسلوا ليك اللحو علي صدى التم تم المُوقع بدلوكة شندي
و منو دا :
البفزع قبال ما يبكو و يضيقو الناس ؟ منو دا الفي الضلام كباس ؟
منو جبار الكسور ؟ الراجياهو امة السودان في دا الحين
و جميل كابلي وهو يختار تلك الاغنية المحورية ذات الارتكاز العالي في دروب التجديد
الملهمة : فيها تاكيد علي الدور الريادى للعود السوداني في العمل الاوركسترالي !
.. شوفو كيف موازير العود الخماسى بتنهض ك عصاية و كبري إنتقال في مدخل كل كوبليهه جديد ! العود في اوربا لم يكن مصنف كآلة اوركسترالية
.. جهزوا لينا الواوية العصماء بتاعت اسمعيل حسن .. لقاء ود البادية وحمد الريح .. شوفو عذاب الرهو مع ود حد الزين .. وهل اتاكم حديث الواو
- قسما عديل مافيهو لو - زي جموعك السارية في الوادي البعيد بتسوى جو - و شوف وراك الزمن كيفن بسو - و الليل طويل طولا غريب ما فيهو ضو - و المراكب الجاية من جهة الجنوب كاسحة ما دام ريحنا نو
.. و نهايتو : يا ريتني انا زيك كل يوم يحضني جو
ولو فتشت كل الشعر العربي ما ظنيت تلاقيك قافية جزلة بهذا النوع من الواو
Post: #1025 Title: Re: د / أحمد طراوة ___ فى ندوة عن تاريخ الغناء فى السودان . Author: Moawia Mohammed Date: 02-17-2008, 01:05 PM Parent: #1
طير الرهو كلمات : اسماعيل حسن الحان : صلاح ابن البادية أداء : حمد الريح
Post: #1026 Title: Re: د / أحمد طراوة ___ فى ندوة عن تاريخ الغناء فى السودان . Author: Moawia Mohammed Date: 02-17-2008, 01:08 PM Parent: #1
قابلتو مع البياح - اساعيل عبد المعين
Post: #1028 Title: Re: د / أحمد طراوة ___ فى ندوة عن تاريخ الغناء فى السودان . Author: احمد الامين احمد Date: 02-17-2008, 03:47 PM Parent: #1026
د.طراوه والمجموعه الذهبيه سلام باشرنا قبال الملام او كما قال خليل فرح محيا مقرن النيلين معذره قبل الولوج الى عالم مبارك المغربى وشايف كمان الموضوع ازدهى بذكر قرشى محمد حسن الصوفى المعذب " الفراش الحائر\\خمره العشاق\\ اللقاءالاول واغنيه لاتسمعى قول العواذل لحسن عطيه واخرى يتيمه لخدر بشير ثم صمت جميل وتهويمات فى اشعار ابى شريعه وحاج الماحى وغيرهما قبل ذلك لاحظت تكرار اشاره طراوه الى المذهول ادريس جماع اكثر من مره فى سياق سيد خليفه المهم زياره خاطفه لمدنى "السنى " مكنتنى من اعاده تامل ديوان الرحيل على صوت فاطنه" لمحمد محى الدين لانقل اليكم خريدته العصماء فى رثاء جماع ولاحظوا مدى الشجى والشجن والوله والولع الذى يسود لغتها وروحها تقول القصيده : كنت الوح للحافلات الجهيره ابواقها اسال الناس عن ذاهل كان يزرع كل المسافه بين البيوت وبين الضفاف وعلى النيل اغنيه لم يجبنى احد وتلفت حدقت فى الاعين الذابله ثم اعلنت للاعين الذابله ان جماع زلزله كان فينا وكان حديقه كان فى الفجر تهويمه تتارجح عند الظهيره كان حقيقه كان جدول عشق تفجر فى فسحات السراب كان قافله تزدهى بالشباب كان هدهده وعذاب كان بابا جديدا لمنسرب الضوء حين الظلام تسربل بالموت غطى عيون البيوت كان صوت المدينه ان المدينه نائمه والطوابق صاحيه- تتبجح اصحابها باسمك الان يحتفلون يحبون شعرك ما اجمل الكلمات الرقيقه عاهره-- رقصت فى اغانيك حتى الصباح وقدمت الكاس للراقصين - على نهدها صفقوا باسم ارجاع صوتك كانت توزع بعض الدفاتر للمحسنين وكانوا يلمون باسم ذهولك باسم جنونك احذيه ونقودا وادويه للمجانين والشعراء توزعها فى المصحات تنشرها فى الشوارع عاهره-مدت الكاس- للعائدين من القبر بعد رحيلك والعائدون يقولون: " ان السماء التى قد بدت انها ابتعدت انها ابتعدت -بعدت ان تلك السماء التى فى خيالك قد صبغت المداخن - قد غيرتها المدائن ان العمارات اقوى - العمارات تنمو الطوابق فوق الطوابق , ينمو الحديد الحجاره ان السماء البعيده , تنفجر الان , تنفجر الان فاتحدى يا نيازك وانتبهى يا نجوم وخلى مكانك يا غيم يا مطر الوعد خلى مكانك ان النقود الحجاره ان السماءالبعيده تنفجر الان تنفجر الان فاتحدى يا نيازك وانتبهى يا نجوم وخلى مكانك يا غيم يا مطر الوعد خلى مكانك ان النقود الحجاره ان الحديد الحضاره والعصر خساره ان الحديد جساره شجر شاحب وعيون حزينه والشوارع اغنيه فى خريف الحزانى وقافيه تنتحر كنت بين الرصيف وبين الحوانيت اتبعهم كنت المحهم والخطى تترنح بين الرصيف وبين الاصيل " التجانى" جاء كعادته ضاحكا قال ان الذهول بنفسجه فى جحيم المكان قال ان التجول بين المزامير واللون نافذه فى جدار الزمان - كنت اتبعهم صمت " الناصر" الان - قبل قليل- كان يحكى بان الرحيل مع الفجر اروع ما فى الرحيل كان يحكى وكان الرصيف كانت الريح تشتد يسقط اعلان معرض سوق الكتاب من الحائط المهترى تسقط الاغنيات وتسحقها الاحذيه يسقط الحب ترتفع الاحذيه يسقط الشعراء وتنمو العمارات تنمو النقود - الحجاره ان الحديد الحضاره ********* فى ربيع الحب كنا نتناجى ونغنى ونناجى الطير من غصن لغصن ثم ضاع الامس والطير من الغابه هاجر انها تحترق الغابه نار ودخان وشظايا ورماد ايها الامس الجميل ايها الطير الجميل شجر شاحب وعيون حزينه والشوارع خاليه والرصيف وحيد زهر يابس والدموع الدفينه ..تتوقع للموت وجها جديد شفق ذابل وزمان المساحات بالحب فى موسم الصدق مزهره قد مضى جاء فينا زمان المحبه عبر البنوك وعبر الصكوك مضى زمن الكلمات البراءه هذى مواقيت عرض البذاءه فلتصمتى يا مزامير وارتفعى يا حجاره واتسعى يا بنوك الخيال جريمه وان القصيده فى مهرجان الحديد جريمه الشاعر محمد محى الدين فى رثاء جماع " ديوان الرحيل على صوت فاطمه"....
*** المكاشفى خدر بشير : تحيه وود للفنان مكاشفى خدر بشير الذى ورد منهل هذا البوست على هدى ذكر والده العظيم المغنى المرهف خدر بشير مذكرا ان "يانديم الصبوات" رائعه العقاد من لحن وايه يا مولاى رائعه الصاغ محمود ابوبكر لحن والده العظيم المقيم بقلوبنا فله الود لكن اسماعيل عبدالمعين فى حلقات " كتاب الفن " مع ابى العزائم ذكر ان خدر بشير صديقه ومن حلصائه بشنبات وانه اى اسماعيل عثر على قصيده العقاد فى ديوان " كاس على ذكرى" الصادر 1924 ثم لحنها وسمح لخدر بترديدها وكذلك "ايه يا مولاى " التى استلم نصها حسب قوله داخل " قطار الشمال" من شاعرها بمحطه شندى متجها لمصر وودعده بتلحينه وبالفعل انجز وعده وسمح لخدر بشير وحسن عطيه بترديدها لصداقته مع الاول واعجابه بصوته الثانى ويا معاويه محمد الصاغ محمود ابوبكر هو مؤلف رائعه احمد المصطفى " زاهى فى خدرو" التى رقق بها قلوب الجنود السودانيين بصحراء العلمين وهم يصطلون بنيران ثعلب الصحراء فى واحاتن الكفره وصحراء العلمين فهل ممكن نسمع بعد اذن صاحب البوست عثمان موسى ؟ ولخدر بشير ومحمود ابوبكر وحسن عطيه واحمد المصطفى والعقاد الرحمه ... * ملكه خدربشير اللحنيه فذه ولا تحتاج لتاكيد لدرجه انه تمكن من تلحين رائعه عتيق " الاوصفوك" التى عجز كرومه عن تلحينها رغم علو كعبه فى التحين لدرجه الاعجاز بسبب قافيتها الصعبه فطرحها جانبا حتى تمكن خدر بشير من تطويعها واذابه تلك " الكاف الطالعه" فى خواتيمها واستعمرها بصوته المسحور وحقا يا مكاشفى صوتك والدك خدر كان مسحور ومجذوب ومغسول بالعسل والعطر ومضمخ بالعبير والرياحين وكل الزهور ولعل مبعث ذلك نيران الوجد وعبق التصوف ونار القران التى تضطرم بداخله وقد ذكروان حلاوه صوته فى تلاوته القران اثناء تتلمذه الاول بالمدرسه كان يجذب الناظر لدرجه انه يسمح لكل الطلاب بالانصراف الى البيوت عقب تلاوه خدر بشير للقران فى الطابور اعجابا بذلك الصوت المسحور فله الرحمه والخلود فى جنان الفردوس مترنما بطه ويس و الرحمن والواقعه
Post: #1060 Title: Re: د / أحمد طراوة ___ فى ندوة عن تاريخ الغناء فى السودان . Author: المكاشفي خضر بشير Date: 02-22-2008, 04:32 PM Parent: #1028
*** الأخ أحمد الأمين محمد : لحن الأستاذ خضر بشير رحمه الله ،، من شعر العقاد (كاد يمضي العام) - ولحن من شعر علي محمود طه المهندس (قبلة)
Post: #1029 Title: Re: د / أحمد طراوة ___ فى ندوة عن تاريخ الغناء فى السودان . Author: احمد الامين احمد Date: 02-17-2008, 03:47 PM Parent: #1026
حذف للتكرار المخل
Post: #1030 Title: Re: د / أحمد طراوة ___ فى ندوة عن تاريخ الغناء فى السودان . Author: Osman Musa Date: 02-17-2008, 03:57 PM Parent: #1026
ده الفى الضلام كباس .. شنو تانى الاسمح ؟
الأخ العزيز محمد عثمان يازول دايرنى اشتت الحاجات القدامى دى واركب اجى . أغانى تجيب الشعره أغانى تحسسك أنو البلد فى امان مهما يحصل . تحياتى الف شكر
Post: #1031 Title: Re: د / أحمد طراوة ___ فى ندوة عن تاريخ الغناء فى السودان . Author: محمد عثمان Date: 02-17-2008, 09:03 PM Parent: #1
و على ذكر اغنية طير الرهو و الشااعر ود حد الزين تمر هذه الايام الذكرى الخامسة و العشرون لرحيل الشاعر الكبير اسماعيل حسن له المغفرة والرحمة...
اسماعيل حسن الذى كان محتكرا للفنانة منى الخير قبل ظهور الفنان وردى و قدم معها الكثير من الاعمال الجميلة..
يرجع الفضل لعلى شمو و هو الذى اقترح للفنان وردى ان يتجه للشاعر اسماعيل حسن و الملحن خليل احمد فى بداياته بعد حضوره و اجازة صوته بالاذاعة...ثنائية وردى و اسماعيل حسن افرزت الكثير من الاعمال الخالدة و التى شكلت وجداننا و خلفت ذخيرة كبيرة من الاغنيات الروائع...
اسماعيل حسن له الكثير من الاعمال مع بقية الفناين و هو ايضا كان ان قدم بعض الاغنيات للراحل ابو داؤود قبل ظهور وردى..عذارى الحى و اغنية عاطفة و ايضا له الكثير من الاعمال مع الفنان الكبير عثمان حسين..ليالى الغربة..حبيبى جفانى..حارمنى ليه و قلبى الحزين..
اغنية الرااحل سيد خليفة و التى اشتهرت ايضا خارج نطاق السودان بكثافة..اغنية ازيكم كيفنكم ايصا كتبها الراحل اسماعيل حسن...
اغنية طير الرهو و التى لحنها صلااح بن الباددية كما ذكر دكتور طراوة هى من اغنيات حمد االريح الجميلة و التى و جدت طريقها للفنان حمد الريح ايام القطيعة التى كانت بين وردى واسماعيل حسن وهى نفس الفترة التى ظهر فيها الراحل احمد فرح و الذى كان يأمل فيه اسماعيل حسن ان يكون منافسا لوردى فى تلك الفترة..مما لاشك فيه ان الراحل احمد فرح كان يمتلك كل مقومات الفنان الذى يكنه ان يفرض وجوده و لكن المحك و الظروف التى ظهر فيها كمنافس لوردى اضرت به كثيرا و لم تكن فى صالحه حيث لم يستطيع الاستمرار و هااجر خارج البلد لفترة طويلة الى ان توفاه الله..له الرحمة و المغفرة..اغنية يا حليلك يا بلدنا التى لحنها الملحن حسن بابكر كان من بدايات الراحل احمد فرح...
و ننتظر ان نسمع من الاخوان عن قصة اغنية طير الرهو و الراحل الشريف حسين الهندى وقصة الاغنية مع نظام النميرى...؟؟؟؟!!!!
اغنية وا اسفااى لها قصة طويلة فهذه الاغنية عندما كتبها اسمااعيل حسن كان وردى وقتها فى سجن كوبر ذهبت هذه الاغنية للفنان صلاااح بن الباادية و الذى قام بتلحينها و اجراء البروفاات اللازمة لتسجيلها بالاذاعة وقتهاا..فى نفس الوقت وصلت القصيدة لوردى و هو بالسجن فقام بتلحينها داخل السجن و لحسن حظه انه خرج من السجن بعد فترة قصيرة بعد ان انتهى من تلحين الاغنية فما كان منه الا ان ذهب مبااشرة للاذااعة وتم اجراء بروفاات اللتسجيل و تم التسجيل بعدها علم صلااح بن الباادية بالقصة فكانت ضجة كبيرة وقتها..و لقد انحاز اسماعيل حسن لجانب وردى و قتها..فكاانت هذه الاغنية التى ازالت الجليد بينهما بعد القطيعة الطويلة بينهما...
اضاءة بسيطة و نحن تمر علينا الذكرى الخامسة و العشرون لرحبله..و تبقى اعمال و قصائد شاعر القلوب خالدة فى وجدان الجميع..
شكرا استاذ احمد الامين للمداخلة الثرة و القيّمة و ايضا الشكر لدكتور طراوة و الاخوان عثمان موسى و معااوية و لا انسى الشاعرة تماضرة التى اصبحت ضلع مهم جدا من اضلااع هذا البوست و فى انتظار تواصل الملكة ايضا...
و انا هنا فى مقام الاستئذان من الاخ معاوية ان استصحب هذا التسجيل لاغنية طير الرهو مع هذه المداخلة..
Post: #1032 Title: Re: د / أحمد طراوة ___ فى ندوة عن تاريخ الغناء فى السودان . Author: Moawia Mohammed Date: 02-18-2008, 04:12 AM Parent: #1
زاهي في خدرو - أحمد المصطفي
Post: #1033 Title: Re: د / أحمد طراوة ___ فى ندوة عن تاريخ الغناء فى السودان . Author: أحمد طراوه Date: 02-18-2008, 10:05 AM Parent: #1
.. زاهي في خدِرو !
لحنا احمد المصطفى وهو ما إنفك صريع هوى الرمبا
من معاوية ويهديها لاحمد الامين وكل من القى السمع وهو شهيد علي غرائب التعابير و الصورة الشعرية :
" زي لسان الرضيع قديمو ! "
و قرأت ما كتبه محمد محي الدين عن جماع :
و حقا كلما تهاوى و هلك الشعراء في بلادي .. نمت في المقابل عمارات السحت و البراشوت ، و نمت النقود معدومة القيمة
.. و قطعا لا ينمو اقتصاد الوطن .. و يصدق ذلك القول كلما تاملنا حال :
- عتيق - عبد الرحمن الريح - حسن الزبير
كلهم كتبوا اجمل الكلام و راحوا حليفا للفاقة و العوز و الاهمال ..
.. و معك يا محمد عثمان نسجل علي نهج تماضر و ملكة سبأ حضورا و متابعة
.. ونبقى ذاكرين بالخير لاسمعيل ود حد الزين .. زول السجانة اللي لاقى وردي في وصف الحسناء ذات الشامة :
" الشامة الفوق خدِك نايمة دليل وعلامة .. تزيد حُسنك بهجة تزيدو و سامة .. وحياة اجمل ريد في الكون يا حمامة ! "
.. وجميلة اغنية تحلف تقول البيا !
لحنا احمد فرح بايقاع السامبا الماخد مسحة النوبة .. صوتو عذب يا ريت لو نسمعو
.. و الجملة اللحنية في طير الرهو دافئة و تتسق مع ادب المناجاة .. مناجاة اسمعيل حسن للطيور العابرة سماوات الوطن تحت ظلال شفق المغارب ..
طال علينا فراقكم والله يا غايبين .. دا مثلث برامودا ، مثلث الابداع المتجاوز لنظرية فيثاغورس :
- كلمات اسمعيل حسن - لحن وردي - غناء عثمان مصطفي
و كمان ود البادية وهو بلحن طير الرهو ، كان بطرح مؤشرات جادة عن سعة و جزالة جملتو اللحنية اللي اسست المشروع الموسيقى الفريد لكلمات محمد حسيب القاضى :
" طال إنتظاري ليلة السبت .. يا حلوة العينين يا أنتِ "
.. ولحظة ان بكى المساء الوردى .. شال الشاعر اشواقو وعاد بها متلفعا بالليل و الصمت !
مثله فعل العباسى وهو يكتم الجراح في الكبدِ .. غائرات ما لها عددُ ..
شعر التفعيلة الجديد اللي غير المزيكا ، و وسع دائرة الايقاعات
للطيب عبد الله بنسمع
- ارض الحبيب : مبارك المغربي - يا فتاتي : العباسي - اندب حظى : العمرابي
" و يضرب سرور مزيكا .. يا الامين برهان الله يجزيكا "
كلام قديم للعبادي
Post: #1034 Title: Re: د / أحمد طراوة ___ فى ندوة عن تاريخ الغناء فى السودان . Author: Osman Musa Date: 02-18-2008, 04:08 PM Parent: #1033
واخوفى من .. صوت الرياح وكتين تنوح وتسوى أو .. ده شنو ده يا ود حد الزين ؟ شيشك علينا .. له الرحمه فى الذكرى ال 25 لرحيله
Post: #1035 Title: Re: د / أحمد طراوة ___ فى ندوة عن تاريخ الغناء فى السودان . Author: أحمد طراوه Date: 02-19-2008, 00:17 AM Parent: #1
.. و هكذا تمكنت الرمبا بوصفها إ يقاع جديد متماشي مع متغيرات التفعيلة و الشعر الغنائي
. . تمكنت من عقل و فؤاد الولد الجاي من قرية الدبيبة اللي اسمو احمد مصطفى بركات ، واللي عُرف فنيا لاحقا ب :
" احمد المصطفي .. نقيب الفنانين "
.. هو اصلا كان دخل السينما في بدايات 1935 ، فيلم ( الوردة البيضاء ) بتاع محمد عبد الوهاب ، ومن ذاك الحين بقى مفتون بقصة العود و الغنا !
.. تعلم العود بالفعل علي نهج الارادة الغلابة .. و صار بيعزف غنا اسمعيل عبد المعين :
- جبال التاكا - صه يا كنار - قابلتو مع البياح
.. و لطيف عبد المعين لمن يقول : حيرني و غيرني و خلاني كالتايه اتلفت ! و نسيتنا السكة يا إنتا !
.. لمن احمد المصطفي لاقي زول حي المراسلات ( حسن عطية ) ، و اللي كان ساكن جنب شركة عبد المنعم محمد ، محل شغل احمد المصطفى ، بدأ بالفعل التعاون و التكامل الفني بين العملاقين ..
النهضة دي يمكن إكتشافا في الحراك الفني - الموسيقي اللي تمثلت قواه في المجموعة الاولي :
- عبد المعين - فضل المولى زنقار - الحاج عبد الحميد يوسف - حسن عطية - احمد المصطفى بركات - عشة موسى الفلاتية
علي يد المجموعة دي تخلقت الجملة الموسيقية السودانية الجديدة فيما بعد عهد خليل افندي فرح
.. و بعد اغنية خداري في عهدها الكرومي الاول ، و اغنية جاني طيفو طايف و معاها انا سهران ياليل
.. لاحظ عبد الرحمن الريح إنو كرومة كان بالفطرة و الميول الذاتية بصنع جملتو الموسيقية السودانية في حدود الرق ، و النقرزان الخفيف و ميلوديا الفم فقط ..
" كرومة ما قدر يمشى مع عبد الرحمن الريح خطوات الاوركسترالية الشاقة طريقا الجديد "
كرومة في درب الاوركسترالية ما كان حيكون كرومة ! كان حيتحول لمجرد مسخ غريب على نفسو ، و غريب علي محبيه ، و غريب علي وطنو اللي هو وطن الذوق و الجمال
.. لذا وقف عند هذا الحد
.. و لهذا السبب انتقل عبد الرحمن الريح لبناء صرح العلاقة الجديد مع عازف العود الخرطومي الماهر المغني حسن عطية
" اول اغنية لحنا عبد الرحمن الريح كانت كلماتو هو نفسو : بعيد الدار طال بي بُعدك .. متى يا مولاي تنجز وعدك ! "
.. كانت إضافة كبيرة لصرح الجملة الموسيقية السودانية الجديدة ..
عليك غنيت . . وجدتك جافي ما حنيت . . اكون معذور انا لو جنيت !
جميلة بتوزيع و أداء بافاروتي السودان : عثمان مصطفي
.. سمعونا ليها يا ( ناسنا ) كما يقول ود حامد المرتضى
Post: #1036 Title: Re: د / أحمد طراوة ___ فى ندوة عن تاريخ الغناء فى السودان . Author: نها محسن أبورأس Date: 02-19-2008, 01:37 AM Parent: #1
الأستاذان الفاضلان عثمان موسي ود.أحمد طراوة وجميع المتداخلين الكرام
أشعر برهبة وضالة تمنعاني حتي من المشاركة في هذا البوست الدسم والذي أعتبره أكبر توثيق في تاريخ الغناء.... ولكن وأنا في حضرة ذلك الجمال وتلك الروعة تجرأت وقررت أن أعبر عن شكري وتقديري الكبيرين لهذا المجهود الضخم... فالشكر لكما
تخريمة تعجبني أغنية أشكو ليك ياربي من حبيبي الظالم الإترسم في قلبي وعلي حد علمي فقد تغني بها محمودعلي الحاج وسميرة دنيا وبعض الفنانين الشباب,,, ولكني بحثت كثير عن شاعرها فلم أفلح... فياريت لو الأستاذ الموسوعةأحمد طراوة تحدث لنا قليلا عن شاعر هذه الأغنية والظروف التي أحاطت به عند كتابتها,,,,
شكرا مرة أخري
Post: #1037 Title: Re: د / أحمد طراوة ___ فى ندوة عن تاريخ الغناء فى السودان . Author: Osman Musa Date: 02-19-2008, 04:41 AM Parent: #1036
Post: #1038 Title: Re: د / أحمد طراوة ___ فى ندوة عن تاريخ الغناء فى السودان . Author: Osman Musa Date: 02-19-2008, 04:54 AM Parent: #1037
الأخت نهال محسن أبورأس نهال الظريفه سلامات الجماعه رمولك الشباك واكيد. الظالم الاترسم فى قلبى تطلع . ناس معاويه ومحمد عثمان عارفين الكونيات والشيمات هم ادرى باماكن الياقوت والمرجان تحياتى ننتظرك والف شكر
Post: #1048 Title: Re: د / أحمد طراوة ___ فى ندوة عن تاريخ الغناء فى السودان . Author: نها محسن أبورأس Date: 02-21-2008, 08:36 AM Parent: #1038
أستاذنا الشفيف عثمان موسي الشكر لك ولزوارك الأفاضل وأنتم تنقلوننا إلي دنيا الجمال ورحاب البهجة والطرب الأصيل... إنه لعمري أفضل بوست أشهده ومنذ سماعي عن هذا المنبر... وإنها لعمري لنعم الشباك تلك التي سمحت لي بالتجرأ علي الدخول إلي مملكة الطرب فكم كنت أتوق لأن أشارك ولو حتي بأقل القليل.. فأرجو أن تسمحوا لي بأن أكون ضيفا دائما في هذا البوست الخرافي... مودتي
Post: #1039 Title: Re: د / أحمد طراوة ___ فى ندوة عن تاريخ الغناء فى السودان . Author: أحمد طراوه Date: 02-19-2008, 05:46 AM Parent: #1
.. و كلنا يا نها بنحس الرهبة و الخشوع امام سحر التاريخ !
" غنا يخيف قايد المليون .. و يرهب عنتر و نابليون "
تاريخ الغنا السوداني ! .. اغوارو عميقة .. مساراتو لجبة و متعددة :
- اسمعيل الدقلاشى حوالي 1600 بدا الترنم بانغام خماسية طالعة من طمبورو في حب وهيبة و تهجة ( بعض من حسان السلطنة الزرقاء )
- بس قديما قبل 4 الف سنة اهلك ، اهل السواقي و الخيول ، و فائض انتاج الزراعة اللي جاب الثروة و معابد الدهب و الفكر و الفن و غيثارة ( اللير ) ، كانو في قلب حضارة كرمة / و النوبة العظيمة الفيها الغنا ..
- و اللير / الربابة اللي بقت طمبور الدقلاشي هي الاصل ! الطمبور هو الاصل في السودان اما العود بتاع زرياب و ابراهيم المهدى و معبد فهو وافد .. هو الوافد المنتصر في سياق حركة الاستعراب الواسعة العميقة
- العود وافد ! لكن برضو ناس جماعة الكوكب الفضى السوداني دوزنوهو و سودنوهو خماسيا
- و لاحظت إنو الخماسي الهندي في اغنية الحصاد بتاعت فيلم امنا الهند ، لاحظت إنو بتقاطع مع الخماسي السوداني و بشبهو و الاغنية فيها ايقاع دهلات / دلاليك بتطلع منها ضربات تم تم سريع مفتوح واضحة
- ومع ذلك الخماسي السوداني .. و التم تم السوداني ماركة ام بشاير و زهرة بت نجدي و بت العقاب و زنقار و عبد المعين و حسن عطية اخيرا .. بختلف و بتمايز عن التم تم الهندي و الاثيوبي
.. هذا الثراء ، هذا العمق التاريخي هو سبب الرهبة و الدهشة و الشعور بعظم مسؤليتنا تجاه فن و حضارة و ثقافة البلد اللي اسمو السودان
بالله واصلي الكتابة معانا هنا يا نها .. وجيبي لينا من اغاني غيثارة الفن الشعبى محمد احمد عوض :
الاغنية البقول فيها :
" و ايه اسبابي غير ذاك الجمال السحري .. يا عيون الحبيب إنتو السبب في سهري .. اخواني الجميع اصتنتو قولي و بحكي "
شوفي لينا شاعرا منو ؟ كتبا في بت بحري الزادت في الوظيفة و ركبت نيشانا !
و كمال ابراهيم سليمان ( ترباس ) برضو بدا شيال مع محمد احمد عوض !
و جميل محمود علي الحاج في اغنية :
- بقيت ما زي زمان - كلام ابو صلاح : ياليل صار ليك معاهد طرفي الفي منامو زاهد - و أغنيتك المختارة : اشكو ليك يا ربى
للحق انا ما عارف شاعرا .. لكن ناس معاوية و محمد عثمان بجيبو الهواء من قرونو .. طلبك محول ليهم
.. و حنفرد نقاش لظاهرة و خط مدرسة الغناء الشعبي بتاع فلاح ، اللي جو فيهو ناس محمد احمد عوض ، وعوض الكريم عبد الله ، و عبد الله محمد ، و محمود علي الحاج
ودا لون من الغنا ظهر لاسباب تتعلق غالبا
بتعقيدات الانتقال من غناء الحقيبة الاول الي الغناء الاوركسترالي الحديث
.. دا ذات السياق اللي واصل فيهو و بقدر من التميز و الخصوصية :
- مبارك حسن بركات - و خلف الله حمد
" و القسم المنام لعيونك .. ليه ما خلى ليا نصيب ؟ ! "
كلام جميل لترباس مموسق علي ايقاع المامبو نوعية الريقي
Post: #1040 Title: Re: د / أحمد طراوة ___ فى ندوة عن تاريخ الغناء فى السودان . Author: Osman Musa Date: 02-19-2008, 03:49 PM Parent: #1039
...
Post: #1049 Title: Re: د / أحمد طراوة ___ فى ندوة عن تاريخ الغناء فى السودان . Author: نها محسن أبورأس Date: 02-21-2008, 08:53 AM Parent: #1039
أخي الموسوعةد. أحمد طراوة الشكر كل الشكر لك وأنت تنقلنا بحسن سردك وجميل علمك إلي عهد أولئك الأفذاذ الذين أفخر بهم أيما فخر وأعتز بأصالتهم أيما إعتزاز
Quote: بس قديما قبل 4 الف سنة اهلك ، اهل السواقي و الخيول ، و فائض انتاج الزراعة اللي جاب الثروة و معابد الدهب و الفكر و الفن و غيثارة ( اللير ) ، كانو في قلب حضارة كرمة / و النوبة العظيمة الفيها الغنا ..
ياسلاااام معناها نحن النوبييين وبعربينا المكسر ده نحن أصل الفن في السودان
فعلا كلما تعمقت بخبرتي الضئيلة والتي تضمحل أمام خبرتكم الواسعة في هذا المجال إلا أنني أشعر برهبة شديدة كلما حاولت سبر أغوار ذلك العالم الساحر..وأشعر بمسؤلية كبيرة تجاه ما ترك لنا من إرث لايقدر بثمن ...أرث يجعلنا أغني شعوب الأرض..ليت كل سوداني يشعر بتلك المسؤولية ويهتم بالنبش في ماضي أولئك العمالقة ليخرج عصارة أبداعاتهم للنور حتي يري الأخرون كيف وصل أولئك العمالقة إلي العلياء بفضل عملهم المضني وحبهم الشديد لما يقدمون...
أغنيةالرايقة يالنعسانة كلمات والحان المتفرد محمد أحمد عوض موهبة أخري تضاف لذلك القامة وهي تأليف الأغنيات.. وأي أغنيات...هي قمة الروعة والشفافية..
وزي ماذكرت قبل كده كمال ترباس ممكن تعتبروا الوحيد الذي يحمل لواء الغناء الشعبي بلا منازع والوحيد من الجيل الموجود حاليا الإنت بتشعر معاهو بروعة وجمال الفن الشعبي...ربنا يحفظه ويزيدو كمان كمان... وشكرا ليك كتير د. أحمد علي المعلومات القيمة والتي إستفدت منها كثيرا
Post: #1041 Title: Re: د / أحمد طراوة ___ فى ندوة عن تاريخ الغناء فى السودان . Author: محمد عثمان Date: 02-19-2008, 04:27 PM Parent: #1
Quote: عليك غنيت . . وجدتك جافي ما حنيت . . اكون معذور انا لو جنيت !
جميلة بتوزيع و أداء بافاروتي السودان : عثمان مصطفي
.. سمعونا ليها يا ( ناسنا ) كما يقول ود حامد المرتضى
دكتور طرااوة و بقية العقد الفريد..
احد الاصدقاء و هو من المدوامين على مطالعة هذا البوست و بوست ود المرتضى ناسنا..الح على ان انزل الاغنية التى كتبها عبيد عبد الرحمن و لحنها التاج مصطفى..و كنت انا بصدد انزال الاغنية الفوق التى ذكرها طراوة فى مداخلته...
و عليكم الله يا نااس هوى اسمعوا الصوت دا..و اخلى ليكم البااقى
و لينك الحفظ سيدو جاى فى الدرب...
و يا نها...قريت مداخلتك و صادى ليك بالخبر اليقين...
Post: #1095 Title: Re: د / أحمد طراوة ___ فى ندوة عن تاريخ الغناء فى السودان . Author: تماضر الخنساء حمزه Date: 02-29-2008, 09:02 AM Parent: #1041
Post: #1096 Title: Re: د / أحمد طراوة ___ فى ندوة عن تاريخ الغناء فى السودان . Author: محمد عثمان Date: 02-29-2008, 09:31 AM Parent: #1095
ما قلنا ليكم خليكم قريب....مش,,؟؟
حبيبى اكتب لى وانا اكتب ليك بالحاصل بى والحاصل بيك الحاصل بى انا شوق وحنين واقيم الليل آهات وانين فارقنى حبيب آلفنى سنين ماليك امان يا دا الزمان ياليالى زمان.. يا ليالى زمان يا ليالى زمان الله عليك
اذكر جلوسنا على الربى نستعرض اسراب الظبى نسمع لهمسات الصَبا ونحنا فى فجر الِصبا ابسم اليك تبسم معاى تسمع غناى .. على صوت الناى انا يا مناى انا طول حياتى بغنى ليك ..
Post: #1042 Title: Re: د / أحمد طراوة ___ فى ندوة عن تاريخ الغناء فى السودان . Author: محمد عثمان Date: 02-19-2008, 04:46 PM Parent: #1
الأستاذان الفاضلان عثمان موسي ود.أحمد طراوة
Quote: وجميع المتداخلين الكرام
أشعر برهبة وضالة تمنعاني حتي من المشاركة في هذا البوست الدسم والذي أعتبره أكبر توثيق في تاريخ الغناء.... ولكن وأنا في حضرة ذلك الجمال وتلك الروعة تجرأت وقررت أن أعبر عن شكري وتقديري الكبيرين لهذا المجهود الضخم... فالشكر لكما
تخريمة تعجبني أغنية أشكو ليك ياربي من حبيبي الظالم الإترسم في قلبي وعلي حد علمي فقد تغني بها محمودعلي الحاج وسميرة دنيا وبعض الفنانين الشباب,,, ولكني بحثت كثير عن شاعرها فلم أفلح... فياريت لو الأستاذ الموسوعةأحمد طراوة تحدث لنا قليلا عن شاعر هذه الأغنية والظروف التي أحاطت به عند كتابتها,,,,
شكرا مرة أخري
نهااا...
من زماان منتظرنك بهنا..و الليلة اشرقت الانوار بملكة الطرب و الغناء الراقى الجميل و نغنى ليك طلباتك مجابة يا مشوار سمحنا على قول الزول الظهرو ود الحاوى و خلاص تاانى مافى خروج من هنا ختم تاشيرة الخروج بتاع المغتربين عند ود موسى و ختم الخدمة الالزامية عند طرااوة... يا زولة الف مرحب بيك اضاافة حقيقة لهذا البوست و اتوهطى تب..
اشكو ليك يا ربى من حبيبى الظالم الاترسم فى قلبى مع السلامة يا حبى دا الكان بيقصد قربى خلانى اشكى و ابكى بين الدموع غرقان وا حسرتك يا قلبى
الاغنية كتبها الشااعر محمد دسوقى و هى من اغنياات الراحل رمضان حسن و هى من الاغنيات التى لحنها بنفسه..
الاغنية بصوت محمود على الحاج تحت..و كمان لينك الحفظ
يديك العاافية..و يحفظك من كل شر
Post: #1043 Title: Re: د / أحمد طراوة ___ فى ندوة عن تاريخ الغناء فى السودان . Author: Ahmed al Qurashi Date: 02-19-2008, 05:21 PM Parent: #1042
الرحلة التي شارك فيها الفنان احمد المصطفى للترفيه عن الجنود السودانيين بليبيا ابان الحرب العالمية الثانية في وفد ضم عميد الفن السوداني الحاج محمد احمد سرور وآخرين استفاد منها احمد المصطفى كثيرا من الناحية الفنية حيث توطدت علاقته بالحاج محمد احمد سرور وأعجب به سرور وكانت النتيجة أغنية ما أحلى ساعات اللقاء وهى من كلمات خالد عبدالرحمن ابوالروس ولقد لحنها سرور وأهداها لأحمد المصطفى وكان ذلك سنة 1944 وهذه الأغنية قد فازت في أول مسابقة للشعر الغنائي السوداني نظمته الإذاعة السودانية في ذلك العام ... وفى هذه الرحلة تعرف الفنان احمد المصطفى بالصاغ محمود ابوبكر الضابط بالجيش السوداني الموجود في ليبيا وهو صاحب أغنية صه ياكنار والتي لحنها الموسيقار إسماعيل عبدالمعين وسجلها للإذاعة احمد المصطفى والكاشف وحسن عطية وعثمان حسين حيث كان كل واحد منهم يتغنى بمقطع من الأغنية .. وأيضا من اغانى الصاغ محمود ابوبكر أغنية إيه يامولاى ولقد لحنها وسجلها على الاسطوانات الفنان زنقار كما تصرف الفنان خضر بشير قليلا في اللحن وكذلك أضاف إليها عدة أبيات من اشعارعباس محمود العقاد وكسرها بالله فوق زوزو .. أعطى محمود ابوبكر الفنان احمد المصطفى أغنية الزاهي في خدره والتي صور فيها الشاعر أجواء الحرب في ذلك الوقت حين قال ( والكفره نيرانه زى جهنم ) ولقد لحنها احمد المصطفى في ليبيا ولقد قال لي الأستاذ بدر التهامي والذي جمعتني به الصدفة في إحدى البصات المتجهة للأبيض سنة 1992 وكان في زيارة لأصدقائه أسرة باهى نور حاملا معه كمانه قال انه شارك في ورشة تلحين هذه الأغنية بليبيا ... وأيضا شارك احمد المصطفى في الاسكتش السوداني المصور .. فلقد كتب البروفيسور الفاتح الطاهر في كتابه تاريخ الموسيقى في السودان إن الوفد الغنائي بقيادة سرور بعد عودته من ليبيا عن طريق مصر التقى بعبدالقادر عجبانى مدير شركة السينما الذي حضر إلى مصر لشراء أجهزة ومعدات سينمائية اقترح على سرور واحمد المصطفى تسجيل اسكتشات غنائية في شريط سينمائي سماه الاسكتش السوداني وفعلا تم التسجيل وكان ذلك في ابريل 1943 حيث سجل سرور أغنية هل تدرى يانعسان وهى من كلمات الشاعر محمد بشير عتيق والحان كروان السودان كرومه أما الفنان احمد المصطفى فلقد سجل أغنية عايزين نكون في مقرن النيلين وأغنية اسمعني نغم حالي .. ولقد عرض هذا الاسكتش في السودان بعد وفاة سرور بأسبوع والشئ المؤسف حقا إن هذا الاسكتش غير موجود الان فلقد ضاعت نسخته الموجودة بالسودان أما النسخة الموجودة في مصر فإنها فقدت في الحريق الذي نشب في استديو مصر أوائل عام 1952 وضاعت على الشعب السوداني إمكانية مشاهدة عميد الفن السوداني الحاج محمد احمد سرور.... وفى هذه الرحلة أيضا التقى احمد المصطفى بالشاعر احمد رامي ولقد أعطاه رامي أغنية راحل مقيم .. وأيضا في هذه الرحلة تعرف احمد المصطفى على الشاعر المهندس بشير عبدالرحمن( شاعر أغنية ست العربية والتي يغنيها الفنان حسن عطية ) حيث أهدى إليه أغنية بنت النيل والتي تنتهي بأحبه وأحب نوناتو فأضاف إليها فيما بعد الشاعر والفنان احمد محمد الشيخ الجاغريو الكسرة المشهورة والتي تكاد أن تكون أغنية قائمة بذاتها و يقول في بعض أبياتها ..
شيخ إدريس قوم نسلى .. أنا قلبي فارق وولى ريدي السبب لنا عله .. يالصديق ياودفع الله *** يالسهمك لينا مبادر ... أنا فكرى نازل وسادر في سنك مثالك نادر .. وده الجنن عبدالقادر
و في هذه الرحلة التقى احمد المصطفى بالموسيقار إسماعيل عبد المعين صاحب يقظة شعب والتي صارت منذ سنة 1943 وحتى يومنا هذا شعارا للبحرية الأمريكية ( المار ينز ) .. وكان في ذلك الوقت طالبا في معهد الموسيقى العربية .. كما التق احمد المصطفى بالشاعر عبدالماجد أبو حسبو والذي أعطاه أغنية يوم حبي ويوم هنايا .
Post: #1050 Title: Re: د / أحمد طراوة ___ فى ندوة عن تاريخ الغناء فى السودان . Author: نها محسن أبورأس Date: 02-21-2008, 09:02 AM Parent: #1042
أخي الخرافي محمد عثمان
يعجز لساني عن شكرك وأنت تغمرني بهذا الفيض الغامر من الشكر والثناء والذين لا أستحقهما,... وأشكرك جدا جدا جدا علي الأغنية صحي علي قول أستاذ عثمان مابجيبوها إلا ناسها...أشكرك كتير.. أغنية أشكو ليك ياربي من أغنياتي المفضلة جدا ولكنني بحثت كثيرا عن شاعرها وها أنت ذا تأتي إلينا بالخبراليقين...
Quote: و خلاص تاانى مافى خروج من هنا ختم تاشيرة الخروج بتاع المغتربين عند ود موسى و ختم الخدمة الالزامية عند طرااوة...
عليك الله انا لاقية أني أكون في حضرة هذا الجمال ...والله مابتتخيل مقدار سعادتي وفرحتي وأنا أقرأ وأستمع لمشاركاتكم الثرة بنهم شديد وشغف...والله بالغتو عدييييل كده في البوست ده.. وأنا عايز أقدم لحق اللجوء السياسي في البوست ده لكن ما عارفة الشروط شنو...
ربنا يديك ألف عافية ويقدرنا علي رد ولو جزء بسيييط من جمايلك المغرقانا
تسلم إنشاءالله مودتي وتقديري
Post: #1044 Title: Re: د / أحمد طراوة ___ فى ندوة عن تاريخ الغناء فى السودان . Author: أحمد طراوه Date: 02-19-2008, 11:56 PM Parent: #1
و تاني بنقول :
" ما عارفين نقول شنو .. و ما قادرين نقول شنو ! "
من اراجيز مدرسة الغنا التانية
.. و الكاشف بعد ما استلم قصيدة رسائل من عبيد عبد الرحمن .. شالا و مشى للكجور
وياهو التاج مصطفى : كجور المزيكا السودانية
.. مستودع الجُمل اللحنية .. إشراقات التوزيع الموسيقي المبكر ، و مجاهدات البحث عن قالب و مذهب منذ تلك الاربعينات
" الجماعة ديل بجيبوا النوق العصافير زاتا .. و بشقوا بيها صحراء الربع الخالي "
.. اكرموك فاكرموا كل اهل الفن و عذب الإستماع
واصل يا ود عثمان علي خط بافاروتي السودان .. شان خاطر كل المتابعين و المسجلين حضور
ولكل من غلبم النعاس شغل ليهم :
" الزهور صاحية و إنت نايم .. كلام عبد الرحمن الريح فريد عصرو "
Post: #1045 Title: Re: د / أحمد طراوة ___ فى ندوة عن تاريخ الغناء فى السودان . Author: Osman Musa Date: 02-20-2008, 02:40 AM Parent: #1044
د / أحمد القرشى الكاتب والباحث الكبير هطل علينا اليوم بارك الله فيك يا أحمد .. كتب عن عميد الفن السودانى الحاج محمد أحمد سرور . رحل بنا الى ذلك العصر الفنى والأدبى النضر . تحدث عن الجيش والحرب والغناء والمارينز والحاج محمد أحمد سرور وأحمد المصطفى وعبد الماجد أبوحسبو واسماعيل عبدالمعين تحدث عن تلك العلاقات الحميمة والصداقات الأثيرة والجنن عبدالقادر ... الف شكر د / أحمد القرشى والله تجدنى أشد سعاده بدخولك واخبارك تحياتى
Post: #1046 Title: Re: د / أحمد طراوة ___ فى ندوة عن تاريخ الغناء فى السودان . Author: Osman Musa Date: 02-20-2008, 03:27 PM Parent: #1045
استاذ ناذر الخليفة سلامات شنو يازول ؟ وين ؟ شغلتك الجرايد ؟ ارجو أن تكون عافيه تحياتى
Post: #1047 Title: Re: د / أحمد طراوة ___ فى ندوة عن تاريخ الغناء فى السودان . Author: أحمد طراوه Date: 02-20-2008, 09:45 PM Parent: #1
.. و بصدح بافاروتي السودان
.. استاذ علم الصوت ، المتدرب علي يد إزو ماستريللي .. بصدح و من داخل تجربة التوزيع الموسيقي الجديد لاغنية الكاشف و بقول علي نحو اوبرالي :
" ما ليك أمان يا ذا الزمان ! "
.. و الزمن السوداني بالاصل سمتو التحول و التغير وقانونو العام هو التقدم و النماء حتى و لو تكاثفت الخطوب و عشعش الضلام ..
كان لقاء با فاروتي السودان ( عثمان مصطفى ) و موسى محمد ابراهيم في اغنية ماضى الذكريات .. اشبه بلقاء وردى و اندريا رايدر في أغنية الود ..
تلك كانت : " مقاربات التوزيع الموسيقي ! "
التوزيع ياهو علم الاهوت الموسيقي !
.. و ياهو مربط فرس ازمة المزيكا السودانية : التوزيع الموسيقي بقوم علي اعمدة الحكمة و الجمال الاربعة :
- الهارموني - الكاونتربويت : اللحن المضاد المتناغم و المتكامل جماليا مع اللحن الاساسي - الإنوسترومنتالية ( فن توظيف مجمل الالات لصالح اللحن الكلي ) - ثم التوزيع الاوركسترالي : و دا ياهو التحدي الكبير .. دا صراع العلوم .. إعادة بناء العمل الفني من جديد استنادا علي اللحن الاساسي ! ودا اللي عملوا :
* الموصلي مع محمد الامين في أغنية سوف ياتي باسم الثغر * الموصلي مع ابو عركي في واحشنى * اندريا رايدر مع وردى في الود كلام الفقير لله عمر الدوش * كابلي في كلام يزيد بن معاوية : أمطرت لؤلؤا
.. بس الريادة بالحس السليم و نزعة التطور الاصيلة كانت سنة 1955 لمن احمد المصطفى بركات عمل الاسكتش السينمائي لاغنية ( رحماك يا ملاك ) مع المطربة اللبنانية صباح .. و ادخل تلك المحاولة الجنينية الرائدة لعلم التوزيع الموسيقي !
احمد المصطفي استعان في اللحظة ديك بالموسيقى القدير اندريا رايدر ايام شبابو و حضورو الدائم في اغاني افلام اسمهان و ليلي مراد ، الافلام الاسود و ابيض ماركة حسن الامام و حلمي رفلة !
" و جميل فيلم فريد شوقي و المليجي الابيض و اسود اللي اسمو رصيف رقم خمسة "
.. وفي رصيف مجاهدات الابداع السوداني ظل موسى محمد ابراهيم واقفا و معطاءا ..
موسي اللي جاء بالاساس من قوات دفاع السودان ممثلا للجيل التاني فيما بعد عدنان احمد عبد الله و احمد مرجان ، هو رائد الفلوت و البيكلو في السودان !
البيكلو ود عم الفلوت لكن تنغيمو الهوائى ارق من الفلوت ب 18 مرة ! لذلك بشتغل الاصداء الخلفية في رقة و عذوبة متناهية
.. و شوفو البيكلو في المقدمة الموسيقية بتاعت الفراش الحائر ، وفي ملحمة الكاونتربويت في اغنية ماضى الذكريات اللي لحنا موسى لعثمان مصطفى
.. و كانت إشراقات التوزيع جلية و اضحة لمن ود الامين شال كلام هاشم صديق الملحمي و جاب موسى محمد ابراهيم و قعدوا التنين في فروة اسمعيل الدقلاشي سيد الربابة و عملوا التوزيع الاوركسترالي في وصف حركة الجماهير الاكتوبرية الثائرة و الزاحفة :
نحو القصر حتى النصر :
" في ليلة وكنا حشود بتصارع .. عهد الظلم و القمع و النهب و غياب العقل الشبا حواجز شبا موانع ! "
وفاءا لموسى محمد ابراهيم بنسمع :
- ماضى الذكريات - و بنجهز الملحمة بما حوت من ترمبيت ، و كلارنيت و ساكسفون .. لاننا ماشين على غنا اكتوبر
و بنطلب من معاوية و ود عثمان في إهداء خاص لكل المسجلين حضور و متابعة اغنية :
" عندي كلمة عاوز اقولا .. ! فيها روعة و رصانة الاداء بتاع عثمان مصطفى .. "
Post: #1051 Title: Re: د / أحمد طراوة ___ فى ندوة عن تاريخ الغناء فى السودان . Author: Osman Musa Date: 02-21-2008, 02:34 PM Parent: #1047
اكتب لى .. وانا اكتب ليك ___ التحيه للأستاذ عثمان مصطفى استاذ الموسيقى الكبير
Post: #1052 Title: Re: د / أحمد طراوة ___ فى ندوة عن تاريخ الغناء فى السودان . Author: أحمد طراوه Date: 02-21-2008, 07:32 PM Parent: #1
.. وفي مسارات بناء و تنشئة كلمات و شعر الكسرة الجميلة بتاعت اغنية بشير عبد الرحمن ( يا بنت النيل )
.. كان الشاعر الاتحادي ، و صديق الزعيم الازهري ، احمد محمد الشيخ ( الجاغريو ) .. و معاهو ود اختو احمد المصطفي
.. كانوا بفتشوا في بيت زول صاحبم في حلة حمد نواحي بحري
.. سالوا صبية جميلة مارا في الشارع عن البيت ، فاجابت بصوت لايخلو من عذوبة و رقة !
.. قرر الجاغريو اضافة مزيد من الاراجيز و الدفع الغنائي للكسرة اللي كانت قد إكتملت اصلا .. فقال مرتجلا :
يا الجاهلة فريع الحنا .. لهجك للحنضل حلا ود حمد يا شيخ الحلة .. من ريدا كيف نتحلا
الجاغريو برضو رقق الشعر الغنائي و مشي بتعدد اللونية دروب جديدة خاصة :
- يا حبيبي انا فرحان .. يا ريت يدوم هنانا - اسمر لونو فاتن جسمو يزدري بالبروق فر بسمو - طار قلبي مني .. جميلة عند محمد احمد عوض يا نها .. بالله جيبيها لينا
اسمر لونو جميلة بالمندلين عند زول توتي ابراهيم خوجلي
في محطة الجاغريو بقيف قطر التوثيق ، و بننتظر احمد القرشى و احمد الامين علشان نعرف المزيد .. و من ناس معاوية و ود عثمان بنسمع جميل غنا الجاغريو
Post: #1053 Title: Re: د / أحمد طراوة ___ فى ندوة عن تاريخ الغناء فى السودان . Author: Moawia Mohammed Date: 02-21-2008, 09:24 PM Parent: #1
عندي كلمة - عثمان مصطفي
Post: #1054 Title: Re: د / أحمد طراوة ___ فى ندوة عن تاريخ الغناء فى السودان . Author: Moawia Mohammed Date: 02-21-2008, 09:32 PM Parent: #1
ماضي الذكريات - عثمان مصطفي كلمات : الجيلي محمد صالح الحان : موسي محمد ابراهيم
Post: #1055 Title: Re: د / أحمد طراوة ___ فى ندوة عن تاريخ الغناء فى السودان . Author: Moawia Mohammed Date: 02-21-2008, 09:48 PM Parent: #1
Quote: .. بس الريادة بالحس السليم و نزعة التطور الاصيلة كانت سنة 1955 لمن احمد المصطفى بركات عمل الاسكتش السينمائي لاغنية ( رحماك يا ملاك ) مع المطربة اللبنانية صباح .. و ادخل تلك المحاولة الجنينية الرائدة لعلم التوزيع الموسيقي !
Post: #1056 Title: Re: د / أحمد طراوة ___ فى ندوة عن تاريخ الغناء فى السودان . Author: محمد عثمان Date: 02-21-2008, 10:48 PM Parent: #1
و ينتقل المايكروفون للاخ معااوية...
Post: #1057 Title: Re: د / أحمد طراوة ___ فى ندوة عن تاريخ الغناء فى السودان . Author: Moawia Mohammed Date: 02-21-2008, 11:00 PM Parent: #1
شكرا حبيبنا ود عثمان
Post: #1058 Title: Re: د / أحمد طراوة ___ فى ندوة عن تاريخ الغناء فى السودان . Author: Ahmed al Qurashi Date: 02-21-2008, 11:55 PM Parent: #1057
Quote: .. بس الريادة بالحس السليم و نزعة التطور الاصيلة كانت سنة 1955 لمن احمد المصطفى بركات عمل الاسكتش السينمائي لاغنية ( رحماك يا ملاك ) مع المطربة اللبنانية صباح .. و ادخل تلك المحاولة الجنينية الرائدة لعلم التوزيع الموسيقي !
عزيزى الرائع _ احمد طراوة
شكرا لك لانك دائما تمتعنا بالجميل لذلك تجدنا دائما ننتظر مداخلاتك حتى ننهل من فيض معلوماتك الغزيرة ... على ما اذكر اخى احمد ان الفيديو كليب الذى اتحفنا به الاخ معاوية كان جزءا من فيلم سينمائى مصرى اسمه ( وهبتك عمرى ) وكان الفيلم من بطولة صباح وعمر الحريرى ولقد تغنى فيه الفنان احمد المصطفى باغنية رحماك ياملاك ولقد شاركته بالغناء الفنانه صباح ( دويتو )..وكذلك شاركت صباح الفنان احمد المصطفى فى غناء هذه الاغنية عند زيارتها للسودان فى مطلع الستينات اذا لم اكن مخطئ وكانت تلبس الثوب السودانى .... وهنالك اخى احمد بعض الفنانين السودانيين شاركوا فى افلام مصرية مثل سيد خليفه حيث شارك فى فيلم ( تمر حنه ) وهو من بطولة احمد رمزى ونعيمه عاكف واستيفان روستى وسراج منير وزينات صدقى ولقد تغنى فيه الفنان سيد خليفة باغنية المامبو ده سودانى وكان ذلك فى بداية الخمسينات ...اما الفنان ابراهيم عوض فلقد ظهر فى فيلم (اسماعيل يس طرزان ) وهو من بطولة اسماعيل يس وعبدالسلام النابلسى وتغنى ابراهيم عوض باغنية ( اظهر وبان عليك الامان ) واذا لم اكن مخطئ فاللحن لبرعى محمد دفع الله ... اما اسماعيل عبدالمعين فلقد ظهر فى فيلم يغنى مع المجموعة والفيلم من بطولة فريد الاطرش ... ولقد قال الاستاذ عمر عبدالعاطى فى برنامج على موج الاثير الذى يقدمه فى التلفزيون الاستاذ عوض بابكر انه قرأ فى مقدمة احد الافلام المصرية ان اغانى الفيلم من الحان الاستاذ اسماعيل عبدالمعين ولك التحية اخى احمد وعبرك للصديق عثمان عبدالرحيم موسى وللرائع معاوية ولكم الشكر
Post: #1059 Title: Re: د / أحمد طراوة ___ فى ندوة عن تاريخ الغناء فى السودان . Author: أحمد طراوه Date: 02-22-2008, 12:02 PM Parent: #1
.. مقذوفات الجمال الجايانا من ابوسالف !
من مرتفعات كلورادو .. وبقى عندك في دنفر يا عثمان معاوية و نها
- لاقيتو مع البياح .. اسطوانة الفحم النادرة بتاعت اسمعيل عبد المعين - اسكتش احمد المصطفي و الشحرورة صباح ، ياللروعة وسحر تلك الايام
.. و جميل السرد والحكي عند عزيزنا احمد القرشي .. بنطبق عليهو قول الشاعر الاندلسي الوزير لسان الدين الخطيب :
وروى النعمان عن ماء السماء .. كيف يروي مالكُ عن أنسِ
الموشح دا ( يا زمان الوصل بالاندلس ) جميل عند فيروز بت الحداد
.. الدوبا ى البقى رمية في مداخل مدينة امدرمان القديمة .. و الرمية اللي بقت اغنية الاتجاه الجديد علي يد ابو صلاح و ابراهيم العبادي
يا هو غنا تلك الايام : الجنن عبد القادر !
وقيل أن عبد القادر مضوي زول العيلفون و قريب الجاغريو ، كان بالاصل شغال في ( قرنفلي ) ، متجر الاقمشة الخرطومي الشهير آناء تلك الخمسينات !
كان عبد القادر مضوي و علي مدار اليوم صريع قانون تلك اللِحاظ !
لِحاظ بنات الارمن و الشام ماركة الحسناء اللي قال عليها خليل فرح :
" حيي زهرة روما و ابكي يا مغروم "
و بنرجع تاني لخليل فرح و عبد المعين رواد العود و الموزارية السودانية علشان نقارب مجددا ازمة حركة التلحين السوداني .. ازمة المزيكا السودانية و مآلات تطورا في وجهة التاليف الموسيقي الكامل و التوزيع الاوركسترالي الرصين
Post: #1061 Title: Re: د / أحمد طراوة ___ فى ندوة عن تاريخ الغناء فى السودان . Author: أحمد طراوه Date: 02-23-2008, 11:08 AM Parent: #1
لحن احمد المصطفي بنت النيل بايقاع الرمبا
.. وغير اللحن في الكسرة علي ايقاع العشرة بلدي الراقص !
و علي يد الكاشف ثم ابراهيم عوض بقت الكسرة هي الاغنية الخفيفة الكاملة
ومع ذلك !
.. و منذ ذلك اللحين و في مجري ذاك الالق و الجمال الغنائي ظلت ازمة المزيكا السودانية بتتبلور !
بتتبلور في اتجاه المصير النهائي لقضية غياب التوزيع الموسيقي !
.. في اتجاه الفوارق الجوهرية مابين :
التلحين كموهبة و خاصية لدي معظم جماعة الكوكب الفضى السوداني ، و ما بين التاليف الموسيقي كعلم و فريضة غايبة .. و افق نهائي لحركة الموسيقي السودانية
ازمة المُلحن المحدود الامكانيات و الادوات و المتعرض لخطر الرتابة .. في مواجهة المُؤلف الموسيقي واسع الحيلة و الامكانيات !
Composer Vs Lyricist
Post: #1063 Title: Re: د / أحمد طراوة ___ فى ندوة عن تاريخ الغناء فى السودان . Author: أحمد طراوه Date: 02-24-2008, 11:11 AM Parent: #1
عذابات المُلحن السوداني البدور يساهر الليل !
.. و يسافر فوق جناح الشوق .. يكوس نجما بعيد ضواي ! ؟
عذابات المُلحن : كامنة في التناقض القائم مابين رونق الجُملة الموسيقية السودانية .. وحقيقة غياب التاليف الموسيقي !
التاليف الموسيقي كعلم بأعمدة حكمتو الاربعة !
علم بوصل لعمل كامل زي سيمفونية القدر .. !
.. لكنو برضو عمل محتفظ بتراث و تاريخ و خصائص و جماليات المزيكا السودانية
Post: #1064 Title: Re: د / أحمد طراوة ___ فى ندوة عن تاريخ الغناء فى السودان . Author: محمد عثمان Date: 02-24-2008, 11:30 AM Parent: #1063
تعاال يا ليل!! و فوووووت يا نهاار.. و قول لليوم..دا يوم ميعااد.. يروح ماا يطول المشوار !! يااا زمن.. فوت امشى عدى .. قرب السااعات شوية يااا شمس.. اتدلى غيبى و ابقى بنهارك عشية !! مالى شاايفك يا شمس.. طااال نهارك ما بمش ؟؟ قلبى شفقااان مرتعش!! شيل خطاك ياا نهار و أمش..
ما تنسى الصادق الياس يا دكتور طراوة....
Post: #1065 Title: Re: د / أحمد طراوة ___ فى ندوة عن تاريخ الغناء فى السودان . Author: تماضر الخنساء حمزه Date: 02-24-2008, 11:34 AM Parent: #1064
شيل خطاك ياا نهار و أمش..
Post: #1068 Title: Re: د / أحمد طراوة ___ فى ندوة عن تاريخ الغناء فى السودان . Author: محمد عثمان Date: 02-24-2008, 11:18 PM Parent: #1065
Quote: شيل خطاك ياا نهار و أمش..
تعال يا ليل و فوت ياا نهاااار
Post: #1074 Title: Re: د / أحمد طراوة ___ فى ندوة عن تاريخ الغناء فى السودان . Author: محمد عثمان Date: 02-25-2008, 10:10 PM Parent: #1065
متاابعة,,,
Post: #1066 Title: Re: د / أحمد طراوة ___ فى ندوة عن تاريخ الغناء فى السودان . Author: Ishraga Haimoura Date: 02-24-2008, 01:21 PM Parent: #1
أستاذ أحمد طراوة.... عثمان موسى والأخوة المتداخلين سلامات أرجو التركيز على إدخال المندلين أستاذ طراوة
Post: #1069 Title: Re: د / أحمد طراوة ___ فى ندوة عن تاريخ الغناء فى السودان . Author: محمد عثمان Date: 02-24-2008, 11:28 PM Parent: #1066
احب القااهو و اتمنااهو و يسمع منى معنى غناهو...
يا سلااااام يا اشرااقة..قمة التطريب ود المرتضى لو سمع ود توتى بيجى يسكن هنا عديل...
Post: #1067 Title: Re: د / أحمد طراوة ___ فى ندوة عن تاريخ الغناء فى السودان . Author: محمد عثمان Date: 02-24-2008, 11:11 PM Parent: #1
Quote: .. استاذ علم الصوت ، المتدرب علي يد إزو ماستريللي .. بصدح و من داخل تجربة التوزيع الموسيقي الجديد لاغنية الكاشف و بقول علي نحو اوبرالي :
" ما ليك أمان يا ذا الزمان ! "
دكتور طرااوة...
و ماستريللى برضو عمل صولو الكمان فى مقدمات اغنية ليلة الذكرى للتاج مصطفى و فى اغنية وحياة ابتسامتك لو الامين و ايضا فى اغنية سلوان اللحنها علاء الدين حمزة للفنان صالح الضئ... ساحاول ان اعود بتسجيل الثلاث اغنياات للمقارنة...
Post: #1070 Title: Re: د / أحمد طراوة ___ فى ندوة عن تاريخ الغناء فى السودان . Author: أحمد طراوه Date: 02-25-2008, 05:27 AM Parent: #1
.. ونحنا برضو حضور و متابعة !
علي نهج تماضر الخنساء ، و ملكة سبأ ، ونها ابوراس ، و رباب الكارب .. و ما بننسى ممكونة التي قدمت ( فيرمانا ) مبكرا لعثمان موسى قائلة :
" ومن الليلة انا مكسرة قدام البوست دا "
قدمتو على طريقة ود الرضى :
مقصدى إن لم تعلماني .. هاك شرحي و هاك ( فيرماني )
و باقات الوداد ليك يا إشراقة !
.. يا ام سلمى .. بنهديك كلام الجاغريو في نهاية اغنية ابراهيم خوجلي .. زول توتي الشايل المندلين تفانين جمال و إشراقات خيال :
" أمات البنات إتلمو .. وبقوا يلدو و عليهو يسمو "
.. وهذا من ابلغ ما كُتب في الشعر الغنائي السوداني الدارج خارج اطار بحور الفراهيدى
و ايضا جميلة عند ابراهيم خوجلي بترانيم المندلين :
- يا ذو القدر رفقا بمهجة مُحبك : كلام عتيق - من اوصاف عديدة ظهرت لي قوافي : كلام بر محمد نور - المرنوعة ذى شمس الغمام في طلوعا : كلام ود الرضى
جيبيهم لينا يا اشراقة .. بنصبك كمندان للغنا علي ود عثمان و معاوية
.. وجاء في الاخبار : أن اغنية ( النُدامة : أدر الكأس علي العشاق صفوا و مداما )
. . بتاعت الشاعر حسن دِراوي ، و تلحين و أداء الفنان التجاني السيوفي ( إكسبرس الفن )
.. قد فازت علي اغنية ما احلي ساعات اللقاء لابوروس ، و فازت ايضا علي اغنية ( يحي الحب ودام صفانا ) بتاعت خضر حسن سعد غناء ابو علي ، في مسابقة الاذاعة الشعرية عام 1943
إغنية التجاني السيوفي دي أمانة في ذمتكم يا جماعة الإسناد
و جاء في الاخبار ايضا : ان الاذاعة السودانية في نشرة الساعة الثالثة في احدي ايام العام 1970 قد أذاعت خبرا غريبا فحواه و معناه :
ان الفنان الطيب عبد الله ، مطلوب فورا للحضور عند القصر الجمهورى لمقابلة الرئيسان ذوي الاطوار الغريبة : معمر القذافي و جعفر نميري ، و بصحبته الفرقة الموسيقية الموقعة معه لاغنية الطيب العباسي المسماة ( ذات الفراء ) :
يا فتاتي ما للهوي بلدُ !
ودي قصة شيقة بنسمعا من معاوية زول كلورادو ، و مع أغنية العباسي و علي نهج :
" كلام يا عوض دكام .. حديث يا عبد القادر خميس ، و حكاوي يا عوض مكاوي .. "
Post: #1071 Title: Re: د / أحمد طراوة ___ فى ندوة عن تاريخ الغناء فى السودان . Author: Ishraga Haimoura Date: 02-25-2008, 09:05 AM Parent: #1
Quote: جيبيهم لينا يا اشراقة .. بنصبك كمندان للغنا علي ود عثمان و معاوية
والله يا محمد عثمان ومعاوية.... تعبتوا معاي
Post: #1075 Title: Re: د / أحمد طراوة ___ فى ندوة عن تاريخ الغناء فى السودان . Author: محمد عثمان Date: 02-26-2008, 11:11 AM Parent: #1071
Quote: والله يا محمد عثمان ومعاوية.... تعبتوا معاي
اشرااقة...
يا ريت عارفين عندك الكتير..بس يلا طلعى و الحقوق محفوظة مش زى جماعة كدا..!!
Post: #1072 Title: Re: د / أحمد طراوة ___ فى ندوة عن تاريخ الغناء فى السودان . Author: أحمد طراوه Date: 02-25-2008, 02:47 PM Parent: #1
الفي قلبي باين يعلم بيهو ربك !
و معاها : قم نرتشف خمر الهوى .. و نذكر احاديث الغرام
الاتنين مثلوا سنام شعر التفعيلة الجديد علي يد عتيق
.. الشعر الغير جملة كرومة و الحاج عبد الحميد يوسف الموسيقية !
شكرا إليك يا إشراقة .. افعال من تلد الكرام كريمة !
في إنتظار معاوية ، معاهو حزمة اغاني و حكاوي
و طالما وصلنا عند صالح الضى يا ود عثمان .. فبالله اسمحوا لينا نطلب ذلك الليرك الجميل البقول :
نحنا ما ناسك .. !
نهديهو لكل أنصار عُشرة الزمن الصعب .. و خوة المسافات الطويلة
.. و ليه ما نسمع علي طريقة الراحل/ علي المك ، شي من سيمفونية القدر لبتهوفن !
نتأمل التاليف الموسيقي .. و الحركة بين السلالم .. و جزالة التوزيع الاوركسترالي
Post: #1073 Title: Re: د / أحمد طراوة ___ فى ندوة عن تاريخ الغناء فى السودان . Author: Osman Musa Date: 02-25-2008, 03:41 PM Parent: #1072
تيم بوست تاريخ الغناء التيم الساحر تحياتى وشكرى على التدفق الجميل
Post: #1076 Title: Re: د / أحمد طراوة ___ فى ندوة عن تاريخ الغناء فى السودان . Author: Ishraga Haimoura Date: 02-26-2008, 11:14 AM Parent: #1
Post: #1077 Title: Re: د / أحمد طراوة ___ فى ندوة عن تاريخ الغناء فى السودان . Author: محمد عثمان Date: 02-26-2008, 11:53 AM Parent: #1076
من بيت الكلاااوى....
Post: #1078 Title: Re: د / أحمد طراوة ___ فى ندوة عن تاريخ الغناء فى السودان . Author: Moawia Mohammed Date: 02-26-2008, 12:16 PM Parent: #1
Hi there I got some technical difficulties at my home network hope to fix it as quick as possible and will be soon with you guys
I am really sorry for the inconvenience
Moawia
Post: #1079 Title: Re: د / أحمد طراوة ___ فى ندوة عن تاريخ الغناء فى السودان . Author: أحمد طراوه Date: 02-26-2008, 12:41 PM Parent: #1
.. صالح الضي !
ولاتزال حكايتو مستغلقة و محاطة بالاسرار !
لم يجد الانصاف و التقدير من جهاز الدولة البيروقراطي ( إذاعة و تلفاز )
جهاز دولة : ربيب الاستعمار ، غير ديمقراطي ، و نتاج مسلسل الفشل السياسي !
طلع صالح من السودان بيحمل ارتال من احاسيس الضيم و الحسرة !
ما شرق ، و لا عبر البحر الاحمر ، لكنو مشى مصر
.. اصلا نوعو دا ما بقدر يعيش في مدن الملح بتاعت عبد الرحمن مُنيف !
وفي مسارح الدقي و العجوزة كان بقدم اجمل الاسكتشات و الاغاني ضمن فرقة علي الكوباني
عينو علي جنوب الوادي و قلبو اصلا خلاهو في الخرطوم .. وطفق يردد : ما ناسك .. نحنا ما ناسك
مات موتا جماعيا !
.. هو و الفنان التجاتي مختار في تلك الشقة مهبط الوحي و الشعر و الغناء .. شقة ضريح سعد بالمنيرة .. شقة عرفت تاريخيا بشقة ابو آمنة حامد ..
عليك الرحمة يا ( يا جميل يا حلو ) .. يا من علمتنا الريد و التصافي ..
Post: #1080 Title: Re: د / أحمد طراوة ___ فى ندوة عن تاريخ الغناء فى السودان . Author: أحمد طراوه Date: 02-26-2008, 01:05 PM Parent: #1
تشكراتنا مجددا لاشراقة
.. و بنرجاك يا معاوية
.. بنرجاك في محل يوم داك بالغنا .. نوع الغنا الما معروف سيدو ؟
الغنا المجهول اللي مثل إحدى المسارات المستقلة لتطور الميلوديا ..
وعاد الينا ود عثمان برائعة صديق مدثر !
" يا شوق ، ما لك دعني أما كفاك عذابى ؟ ! "
وقع الشعر الجديد الغريب دا في يد وردي ! تصورو كيف تكون الالحان
عاد الحبيب فعادت إليا احلى الليالي ! سوناتا سودانية اصيلة من محمد وردى الي عموم شعب السودان آناء تلك الستينات
Post: #1081 Title: Re: د / أحمد طراوة ___ فى ندوة عن تاريخ الغناء فى السودان . Author: احمد الامين احمد Date: 02-26-2008, 07:33 PM Parent: #1080
انتظرت كثيرا يا ناس ان ينهى احد المتداخلين مداخلته بذكر الصوت الراقى وردى وهاهو د.طراوه يفعل متحدثا باقتضاب عن رائعه صديق مدثر " الحبيب العائد" وهى من الحان وردى الكبيره فى العام 1963 وقد غناها ليغطى بها رائعه كابلى لذات الشاعر " ضنين الوعد" وليؤكد وردى كما قال مقدرته على تلحين الفصيح مثلما لحن من قبل شبه الفصيح لاسماعيل حسن وحسن عبدالوهاب " يا ناسينا والسمحه ما تخجلى " ومن فصيح غنا وردى تلك الفتره رائعه القانونى جيلى عبدالمنعم "مرحبا ياشوق " وايامك ايام التى اهداها ببيروت لابن الباديه .... فى مقام وردى صعب جدا ان اغادر هذه المداخله دون انزال مقال فى باب الغزل والحب والصبابه كتبه بماء الورد التشكيلى المدهش ابن كسلا الوريفه البروفسر حسين جمعان رئيس قسم التصميم الايضاحى بجامعه السودان عن "صوت وردى " فطالعوا المقال لتروا ما يفعله صوت وردى وحسه وفنه بالناس فالى المقال :
صوتك خابية النشوة يا شهى الحقول غرام المطر...أهذا صوتك الشجي أم عطرك الندى؟؟؟؟؟؟؟؟!!!1
التشكيلي الراقي حسين جمعان يكتب : عن الصوت الراقي محمد وردى " شجن الوطن..........فاكهه الوطن....فاكهه الفقراء " ((((((( (((((((((((((( (((((((((((( الالق فى حنجرتك صبوة الحنين وارجوحه الخلق...شجن النيل ,مواسم العطاء ، حقل البراعم..المحبة فيك! الصباح الرفيف ، بحة الوطن ، العصافير الرصينة. كلما سمعتك تذكرت المواقف وأنت سيف بين الوطن ، العصافير الرصينة. كلما سمعتك تذكرت المواقف وأنت سيف بين الظل والضوء ، احتدام الحناجر فى الطريق " أصبح الصبح" و " جدله عرس قيود الحديد " هي أيام خالدات فى ضمير العباد ..وأنا بك شجره مغسولة بماء الشجن كلما سمعت! \2\ صوتك خابية النشوة كل الجهات والفجاج القصية ! روافد النيل ، نشوة الماء للهف العطاشى والفقراء . المحبين قداس نبيذ عريس الصبايا , شمل الحدائق المكتنزة بالعافية والأزهار والثمار! |3| أتذكرك ومواقفك العظيمة ...وأيام الكلية ونحن طلبه كزغب الطير ، خليه من رائحة اللون والكتابة للافتات الثورة الخالدة ، حريق دخان وحروف أنتلفت فى ذاكره لافتات القماش...ساحة القصر والشهداء ياقوتة فى الظلام ...الثورة نشيد فى غبار الطرقات والحناجر ، هزيم الرصاص فى ريح البسطاء .المساء الفاجع بالشهيد تلو الشهيد..صوت الموت ولهيب الطعنات ضراوة فى مهب الفاجعة. \4\ عويل النائحات يلجم الصرخة فى الصدور دفق المحامين ، شيوخ الطرق الصوفية الأطباء الاساتذه ، العمال ، الجامعات ، الطلاب ، المدرجات التي تركت أوقاتها للشارع الكبير فئات من الخلق العظيم كانت اصواتا فى حبال الزمن وإصرارا فى فواصل الحياة والثورة باعث الروح فى عرائشك العلية . أهذا صوتك الشجي أم عطرك الندى؟ ووجهك الجميل نمه الحداة و رفه الوطن ! هامتك المدية سطوة الإيقاع المعروفه بفيض الإصرار تذكرني كلما سمعتك بدعاش الوطن، أغصان شجر النيم للمتاريس العسكر الخوذات الحديد ، المشرحة ، أطفال المدارس لجة الحياة ، ملكوت العنف ، ميدان عبد المنعم غمغات النساء وهن يبكين الشهيد هتاف الهادرة بسقوط العسكر ! يا شهى الحقول ,غرام المطر ،حرير الصبايا ، أنت فينا من نعمر البلاد ونبض العباد وباعث الأبجدية لوطن لجديد ، ألبداه الجميلة وسر الالفه فى نسق " الكمنجات" وحركه أصابع العازفين " عزه فى هواك " ترش روحك الذكية ! \5 \ تسقى جفاف حياتنا بجمال صوتك ، ارض غلالنا تعلو على بحر النغم كحلم فنجي إليك بشغف النعمان لشقائقه..نعلق أزهارنا على شباك غرفتك علنا نسعد خلسة برؤية وجهك المكتنز ببريق القصائد والد وبيت والمه وخاصرة البرتقال وهمس الياسمين وأنت غمامات زهر اللازورد وسهر الأصدقاء والبساتين المعباه بنشوة خواتيم الغناء لعصافير الخريف ! هو المدى غافيا فى شرفاتك المشتعلة بالصبابة والوجد لصوتك الخافي فى لجة الجروف والنيل الذي سرى ونحن على عروش الهيام مفردة للألق وبوح قرنفله فى سياج الحديقة وأوبه الروح. \6\ حنجرتك رمانه ...ورده للعاشقين ، ماء السفر ، تنسق الألوان حشاشة الروح ، مهجه الطلع ، جذور الفصول ، فاكهه الفقراء ، نواصي الأحباء نكهة المطر ، الق الصاعدين وكلما تذكرتك ذكرت هسيس السهاد الجميل ، حنين الوتر ، رحيل اهلك من قرى الشمال ، النيل الذي غمر المئذنة ..اشتل شجر النخيل ..زروع البرتقال واسى وطن تذكار كتب بأنامل الصغار على حوائط حلفا الحزينة قبل الماء " وداعا وطني العزيز" نقوش ورسوم وألوان كنائس " فرس" " بوهين" تستغيث وأنت كالطود " لا" فى وجه العسكر مكابر كالجمر كاسر كالماس ! أرهف السمع " والزهور الحلوة تتفتح فى قلبك" وكلما ذكرت الوطن متوهجا مترعا بوعد زاهر . \7\ أنت حصاد حقول والشعر فى شغف ألكتابه ! واللون الذي سرى فى الذاكرة أتذكر أمسياتك فى ضفاف النيل وأنت قامة فى باحة " الفندق الكبير" القاعة ومقرن النيلين تشدو بتاريخ الوطن . ساهيات الروح رفيف المضغة ، حنين الأهل ، فلك المجد من كل شرفه وكل شجره وكل نفس فى لج الطريق! \8\ أأنت هنا أم هناك ..هذا لا يهم ؟ هي روحك التي ترفرف فى بيوت الطين بلون الأرض والمزارع والحقول ونسمات فى خصر " عودك" تحركه أنفاس البلاد والبنات وهن فى انتظار " العديل والزين" ووهج المشاعر فى حب النضال والهتاف ، فالوطن مركز وأنت دائرة , طلقه فى خوذة الظلام ، حديقة تحت ظل المطر ، جمره تحت عنفوان الرماد ! لا تضل خارطة الوطن ولا تنسى تلك الوجوه الكابية وأجسادها الضاويه الخاوية إلا من حب الأرض ، ولا تموت العشرة فيك ، تصمد واقفا ، تغنى واقفا ولا تسكن فلك المجد مسكونا بهتاف المحبين ومهج الفقراء والمساكين الكادحين... \9\ تنتامى خواطري بالأسى ! اسمع رنه خلخال بين الازقه وجدر مزخرفه بالفن الجميل ! خطوط رقيقه ، تمساح وصياد يحمل بندقية ! أوان خزفية عند مدخل البيوت ، تجريد مزخرف ، رسم اشتال شجر النخيل ، أعلام وطنيه ، زهور وحشيه غير منتظمة ، تكرار افقى وعمودي لأشكال هرميه طغراء مقروءة أيقونات ملونه لوحات على جدر من الصلصال المتآكل تقبع تحت الظل وأخرى غارقة فى بحر من الرمل الأصفر الناعم فأرى ظلي على عاليه الكثيب كمنجات فتقودني دهاليزها لباحة مفروشة ومسقيه تظللها أشجار النخيل والمانجو على مقربه نسوه يتحدثن بلكنة محببة وهن يصنعن الخبز من عجين القمح على سطح تنور متقد ، ترتسم على وجوههن لوعه الأسى لرحيل لأرض مجهولة بعيدا عن شجن النيل والحدائق والفواكه والنخيل وقبور من رحلوا من الأحياء فأرى الحزن مغموسا بالدم واللون فى قريتك تفتحت عينيك الوديعتين على نضرتها وبكاء سواقيها ووشوشه قمحها وحضارتها العظيمة! . \10\ امرأة تلتف بالسواد من حزن كامن تذكرني بحزنك العظيم لرحيل واسى الأهل ..فتغوص أحلامهم كزهره بريه تخفى ألوانها فأعود لغرفتي ولنافذتي المطلة على مشيئة النيل , ذلك القاش الازلى ينساب فى هدوء وعى قسمات أديمه اللوعة للفراق ، فلاشى يعود بعد الغمر ! وأسال نفسي ماذا تبقى لهؤلا القوم الأذكياء أصحاب الحضارات والمواقف والسخرية اللذعة والذكاء المتقد فى ليلهم المستباح بوجع الرحيل والموت جهرا ورماد الأسى فى العيون ! وأنت تجمع الشمل للوطن وتفتقد ارض الأهل ! \11\ تستدين الحقول النضرة نضارتها منك!!!!وعلى شرفات روحك الذكية صدق الوجد تبحث عن وطن سقطت خيوله الجامحة الكابية بين الحواجز والغياب فتغنيت لأرض نهبتها الحياه ..من ظمأ لظمأ فاجعل الخطوة سندا والنمه رصاصه وصوتك الجميل جدارا بين الفجر واللغو ..فأنت الحقيقة المطبوعة فى وجدان هذه ألامه ..خاتمنا الجميل .نسيم الإنشاد .شجرة العائلة . هديلا لذهب ..إكليل النوح ..ألوان اللوحة سر الالفه . أغنيه النبع فاكهه الفقراء , أحلام الصبا سلال الحدائق نوا فير الماء ، الأطر المذهبة جدل الحديث ، شوق اللقاء ووهج الفصول ، السلال المترعات , وصرخة فى وجه الظلم فى زحام يملأ الطرقات... ((( ((((( 0 المصدر : صحيفه السوداني الجمعة 9 ربيع الثاني 1428 الموافق 27 ابريل 2007 العدد 523 ..
Post: #1082 Title: Re: د / أحمد طراوة ___ فى ندوة عن تاريخ الغناء فى السودان . Author: محمد عثمان Date: 02-26-2008, 10:50 PM Parent: #1
ضاع الكلااااام.....
Post: #1083 Title: Re: د / أحمد طراوة ___ فى ندوة عن تاريخ الغناء فى السودان . Author: أحمد طراوه Date: 02-27-2008, 00:19 AM Parent: #1
.. بالصح يا ود عثمان .. كِمل الكلام !
جانا وردي ! سوناتا سودانية بديعة .. عناق النيل و الصحراء .. ذلك العناق الذى أنبت النخيل و المعابد و إستولاد خيول بعانخي و ثروة امة السودان المُغيبة حتى الحين ..
ود الشريف رأيو كِمل !
بسراع يا معاوية ..
و يا احمد الامين حوبتك جات
خالص مودتنا لكل المتابعين و مسجلين حضور .. حار عزاؤنا لمسعود .. نعلم انك يا مسعود من اهل الفكر و النظر و في قلب الاعماق التاريخية لبوست الغناء هذا
" اطوي جرحك .. و اصبر عليهو و لو طال الزمن .. جروحنا النبيلة بتضوي الزمان ! "
قول لبازرعة !
Post: #1084 Title: Re: د / أحمد طراوة ___ فى ندوة عن تاريخ الغناء فى السودان . Author: Osman Musa Date: 02-27-2008, 02:46 PM Parent: #1083
ونتابع
Post: #1085 Title: Re: د / أحمد طراوة ___ فى ندوة عن تاريخ الغناء فى السودان . Author: أحمد طراوه Date: 02-27-2008, 08:02 PM Parent: #1
.. و أنتقل صالح الضي بعد نجاحاتو مع فرقة علي الكوباني للعمل مع فرقة رضا !
قدم مع فرقة رضا الاستعراض الغنائي الراقص الناجح و اللي ترك اثر كبير :
" رقصة الحمامة "
جميل كان منظر حسناوات مصر وهن برقصن رقصة العروس السودانية بتعديل مختلف علي كلمات و موسيقى اغنية :
" يا جميل يا حلو "
المُعاد توزيعا علي إيقاع العشرة بلدى المصري !
وتاني بنهض السؤال المحوري :
ليه جملتنا الموسيقية الخماسية بتتماشى مع ايقاع العشرة بلدى .. بينما الجملة الموسيقية المصرية بتاعت المقام الكبير ما بتتماشى مع إيقاعات السودان من دليب و تم تم و الرقي - اشتقاق الدلوكة ؟ !
تراكمت الجملة الموسيقية السودانية ، و تصاعد الليرك و نمت الاوركسترالية السودانية منذ 1936 .. و افرز ذلك في 1957 ظاهرة محمد عثمان وردي
.. وردي نتاج تراكم طويل !
Post: #1086 Title: Re: د / أحمد طراوة ___ فى ندوة عن تاريخ الغناء فى السودان . Author: salma subhi Date: 02-27-2008, 10:09 PM Parent: #1085
قد لبس هذا البوست بردة الرقي....وإزدان متألقاً بكيانه ومكنونه....
شكراً د. محمد طراوة.....
والتحية لكل المتداخلين....
Post: #1087 Title: Re: د / أحمد طراوة ___ فى ندوة عن تاريخ الغناء فى السودان . Author: أحمد طراوه Date: 02-27-2008, 10:52 PM Parent: #1
قد لبس هذا البوست بردة الرقي....وإزدان متألقاً بكيانه ومكنونه !!!!
.. و اصلا الكلام البليغ الزي دا إنتو بتكتبوه كيفن يا سلمى ؟ !
و جميلة صورة البت راقصة الفلامنجو في اللوقو بتاعك .. تصوري عثمان حسين في أغنية محراب النيل الكلموه بيها ناس الراحل والدك ، دخل ايقاع البوليرو الاسباني !
.. كان مُجدد ، بحاث .. سوداني بحق و رمزا عبقريا
في إنتظار :
- محراب النيل شعر التجاني يوسف بشير و ملحمة هاشم صديق :
.. عشان نسمع الترمبيت و الكلارنيت بتاع عمر طلق النار و محمد عبد الله أميقو
Post: #1088 Title: Re: د / أحمد طراوة ___ فى ندوة عن تاريخ الغناء فى السودان . Author: محمد عثمان Date: 02-27-2008, 11:04 PM Parent: #1
و بين الريد و الهوى نواصل مع وردى و نحن كالفراشات على نارالهوى جئنا اليها..وأحترقنا
عليك الله يا دكتور طراوة شوف الثلاثى بشير عباس عربى ود الحاوى يعملوا فى شنو فى الاغنية دى....
Post: #1089 Title: Re: د / أحمد طراوة ___ فى ندوة عن تاريخ الغناء فى السودان . Author: Osman Musa Date: 02-27-2008, 11:18 PM Parent: #1088
التحية للعمالقة عربى ود الحاوى والتحيه لبشير عباس وهو يتابع بوست تاريخ الغناء فى السودان ..
Post: #1090 Title: Re: د / أحمد طراوة ___ فى ندوة عن تاريخ الغناء فى السودان . Author: أحمد طراوه Date: 02-28-2008, 11:11 AM Parent: #1
.. نعم يا ود عثمان :
- عود عمر سوميت وصل بشير عباس - كمنجة السر عبد الله وصلت ناس عربي - اوكورديون وهبة وقع في يد ود الحاوي
خيط جمال متسلسل .. من خيار اخيار .. نظم الكواكب سلسل كوكبو السيار
قصة الغنا السوداني .. علي نهج : يا نهر الوعي تقدم !
Post: #1091 Title: Re: د / أحمد طراوة ___ فى ندوة عن تاريخ الغناء فى السودان . Author: Osman Musa Date: 02-28-2008, 06:33 PM Parent: #1090
د/ أحمد طراوة سلام شديد فى أخ عزيز من ناس جامعة اسيوط يطلب منك الحديث عن اكرديون وهبة .. الاكورديون السحرى الذى اشعل نيران الغناء فى وادى السودان ... الأخ العزيز ناذر الخليفة اليومين ديل الأستاذ بشير عباس فى السودان . حظك بشير فنان ضخم لك وله التحيه
Post: #1092 Title: Re: د / أحمد طراوة ___ فى ندوة عن تاريخ الغناء فى السودان . Author: Moawia Mohammed Date: 02-29-2008, 04:20 AM Parent: #1091
Mi7rab Alniel
Post: #1098 Title: Re: د / أحمد طراوة ___ فى ندوة عن تاريخ الغناء فى السودان . Author: Osman Musa Date: 02-29-2008, 10:57 PM Parent: #1092
التحيه للفنان محجوب كبوشية وهو يقوم بتلك الأعمال العظيمة ..
Post: #1094 Title: Re: د / أحمد طراوة ___ فى ندوة عن تاريخ الغناء فى السودان . Author: ناذر محمد الخليفة Date: 02-29-2008, 06:46 AM Parent: #1
سلام يا عثمان ..
Quote: الأخ العزيز ناذر الخليفة اليومين ديل الأستاذ بشير عباس فى السودان .
عندما يكون القامة بشير عياس في السودان يكون دوما في حالة (هذا الرجل لا يمكن الوصول إليه حاليا) !! مقابلات صحفية وإذاعية وتلفزيزنية وإرتباطات أخرى !!
والمشكلة أن إجازاته دائما قصيرة وتستهلك جلها في ما ذكرته أعلاه ..
شكرا يا عثمان
Post: #1097 Title: Re: د / أحمد طراوة ___ فى ندوة عن تاريخ الغناء فى السودان . Author: salma subhi Date: 02-29-2008, 10:32 AM Parent: #1094
الأستاذ الفاضل د. أحمد طراوة....
Quote: و جميلة صورة البت راقصة الفلامنجو في اللوقو بتاعك .. تصوري عثمان حسين في أغنية محراب النيل الكلموه بيها ناس الراحل والدك ، دخل ايقاع البوليرو الاسباني !
تحدثت منذ فترة الى المذيع القدير عمر الجزلي وكان معه صدفة الفنان عثمان حسين....ويا ليتني عرفت هذه المعلومة قبلاً لكنت أبحرت لمعرفة المزيد.... لا أدري قد أكون ورثت حب الأسبان ورقصاتهم من الوالد رحمه الله وبالذات رقصة الفلامنجو والدقات القوية والمتسارعة التي تصدرها الراقصة عن طريق خبط الأرجل بالأرضية، تلك الدقات التي توقظ الأعماق وتحرك المشاعر....عالم عجيب.... قد ينقلك من مرحلة الوعي الى اللاوعي ابّانها....ثم تصحو على تصفيق الحضور....
التحية لك سيدي الفاضل
التحية للأستاذ عثمان موسى
التحية لكل المتداخلين
الأخ الفاضل محمد عثمان.....يا لجمال وروعة ما تضيف هنا
ان هذا البوست روض من الرياض....
.....
Post: #1099 Title: Re: د / أحمد طراوة ___ فى ندوة عن تاريخ الغناء فى السودان . Author: Osman Musa Date: 03-01-2008, 00:41 AM Parent: #1097
الأخت العزيزة سلمى صبحى سلامات يا سلام على الفالمنقو بتاعك المخلوط بنقر الدلاليك والطار والمزامير كدى بعد تقلب الصفحه اشرحى لينا كيف شبال الفالمنقو . لو رجعنا للتاريخ طبعن الاسبان الدم العربى والافريقى داخل فيهم .. تحياتى وشكرى الجزيل
Post: #1100 Title: Re: د / أحمد طراوة ___ فى ندوة عن تاريخ الغناء فى السودان . Author: Osman Musa Date: 03-01-2008, 00:48 AM Parent: #1099
استاذ ناذر الخليفة الكاتب الناشط والباحث فى عالم الغناء والله دخولك بخلى السودانيز أون لاين تبقبق . اتمنا أن نلتقى فى السودان انشاءالله تحياتى وشكرى
Post: #1101 Title: Re: د / أحمد طراوة ___ فى ندوة عن تاريخ الغناء فى السودان . Author: Osman Musa Date: 03-01-2008, 01:01 AM Parent: #1100
بجهد أجمل الطنابره ناس معاويه ومحمد عثمان يرتفع الهرم . الندوة كربت . دقت قيف الأزرق .. يا أحمد اعمامنا زمان لمان تكون الحفله شرق ما كان فى بحر بحبسن .. اها نحاول أن نتابع البناء لكم التحيه أخوانى الكرام
Post: #1102 Title: Re: د / أحمد طراوة ___ فى ندوة عن تاريخ الغناء فى السودان . Author: أحمد طراوه Date: 03-01-2008, 11:25 AM Parent: #1
.. محراب النيل
منهج التجريب the empricism
لكن عثمان حسين لمن لحن محراب النيل لم يكن ( إمبريقي ) وحسب ..
بل كان بنطلق من المقدمات الموضوعية لتراث الجملة الموسيقية السودانية ، من خبرة حفزت الاستقراء ، من التفاتة خارجية للعالم بما حوى ، من تراكم معرفي ، و احساس فني اصيل ..
نعود لايقاع البوليرو .. و التصوير الموسيقي .. و الضجة اللي احدثتا الاغنية في الوسط الفني
و ايضا قال علي محمود التنقاري : إجري يا نيل الحياة .. وقال كمان عني مالم صدو و إتوارو .. لحنتا عشة مع اختها جداوية !
Post: #1103 Title: Re: د / أحمد طراوة ___ فى ندوة عن تاريخ الغناء فى السودان . Author: محمد عثمان Date: 03-01-2008, 06:18 PM Parent: #1
Post: #1104 Title: Re: د / أحمد طراوة ___ فى ندوة عن تاريخ الغناء فى السودان . Author: Moawia Mohammed Date: 03-01-2008, 07:14 PM Parent: #1
Beethoven Symphony No. 5
Post: #1105 Title: Re: د / أحمد طراوة ___ فى ندوة عن تاريخ الغناء فى السودان . Author: محمد عبدالغنى سابل Date: 03-01-2008, 07:23 PM Parent: #1104
Post: #1108 Title: Re: د / أحمد طراوة ___ فى ندوة عن تاريخ الغناء فى السودان . Author: أحمد طراوه Date: 03-02-2008, 00:20 AM Parent: #1105
.. تحياتي اخي سابل
.. مرحب بيك في بوست غناء أمة السودان
.. أمة الامجاد و الماضى العريق .. و يسعدني .. و اسمح لي أن ارد عليك في بوست عثمان اللي انا ذات نفسي ضيف عندو !
.. غير ان بوست عثمان كما قلت قبلا :
" هو زي قدح النبي الكريم محمد يسع كل الايادي "
.. و بالمناسبة في قدح النبي محمد برزت قضية بيع السلم في مواجهة بيع النجاشة .. تاريخ مفاهيم إقتصاد البيوع الاسلامي
بالفعل انا شفت البوست بتاعك في ذلك الحين .. وكنت و لا ازال ما قادر أستبين فكرتو . .
- إن كان رسالة ضمنية و حسب .. تخص اخي معاوية كرفس و شملتني بضرورة ما كتبته عند معاوية
- ام هل نواصل النقاش حول المؤتمر بتاع الشيوعيين في العاصمة
- ام هي رسالة من باب فتح ابواب التواصل عموما
- ام هي من باب الذكرى بتنفع المؤمن .. و التحول الديمقراطي الحزبي في الحياة ممكن
.. بالله اكتب لينا بمداد ابوصلاح اللي لو كتب تقديراتنا للناس في سودانيزاون لاين ما عددا
ثق انني لم ، ولن اقصد تجاهل الامر . . فنحن ايضا ضحايا القمع و التجاهل و الاستعلاء و غياب الديمقراطية
Post: #1200 Title: Re: د / أحمد طراوة ___ فى ندوة عن تاريخ الغناء فى السودان . Author: Osman Musa Date: 03-11-2008, 09:04 PM Parent: #1108
ونتابع الندوة
Post: #1697 Title: Re: د / أحمد طراوة ___ فى ندوة عن تاريخ الغناء فى السودان . Author: Moawia Mohammed Date: 05-14-2008, 06:50 PM Parent: #1108
UP
Post: #1199 Title: Re: د / أحمد طراوة ___ فى ندوة عن تاريخ الغناء فى السودان . Author: Osman Musa Date: 03-11-2008, 09:01 PM Parent: #1105
ننتظر مشاركات كل المهتمين بالغناء والموسيقى وتاريخ الفن فى السودان
Post: #1106 Title: Re: د / أحمد طراوة ___ فى ندوة عن تاريخ الغناء فى السودان . Author: أحمد طراوه Date: 03-01-2008, 11:15 PM Parent: #1
شجن يا ودعثمان !
إنها صولفيج سوداني علي المقامات الخماسية
.. هي سدرة المنتهي الموسيقي لعثمان عند منتصف الستينات !
.. ذلك أن شجن اوصلت عثمان الي دروب اوركسترالية قادته مباشرة و بعد اقل من شهر الي تلحين :
" قصتنا ! "
.. بالمعزة بالمودة البينا باغلي الصلات
.. كتبها بآزرعة في الناحية الشرقية للبحر الاحمر في تلك الجلسة التي جمعته هو و الامير الشاعر عبد الله الفيصل و عثمان حسين ايضا .. عبد الله الفيصل كان قبلها قد دخل مع العاقب في تجربة الاغنية المسماة نجوي و اللتي لحنها العاقب علي المقام الكبير الموطن سودانيا
وبدا عثمان لحن قصتنا عابرا للبحر مع طيور بآزرعة الحاملة للاشواق الدفيقة ..
شجن : لحنا و كلمات ، قد ساقت الرومانسية السودانية في دروب التلاوين الجديدة للالتياع الغنائي
.. لكن في شجن أيضا يمكنك بالفعل أن تتحسس التاريخ الانساني لعثمان و بآزرعة .. يمكنك أن ( تشم ) الاصالة السودانية ، ريحة قرية مقاشى مركز مروي .. حيث ولد عثمان حسين في 1927 :
الازمة الخامسة اللي ما أنفكت تلوح في أفق الاوركسترالية السودانية .. و لا يزال منهجنا في التحليل و فهم المسارات الغنائية السودانية و علي قاعدة علم التاريخ :
" مدرستان و اربعة ازمات .. وازمة خامسة تلوح في الافق "
Post: #1110 Title: Re: د / أحمد طراوة ___ فى ندوة عن تاريخ الغناء فى السودان . Author: أحمد طراوه Date: 03-02-2008, 11:06 AM Parent: #1
.. مُتتالية بتهوفن ! القدر !
فيها من العِبر و المفاهيم ما فيها !
.. و مع ذلك حيظل رواد علم الموسيقي السوداني في حالة بحث دؤوب عن خصائص و نكهة الجملة الموسيقية السودانية و استنهاض تراثا .. و توطينا في صياغاتا العلمية النهائية
.. لانو شغل بتهوفن في سيمفونية القدر ، و موتسارت في الدانوب الازرق ، و بكل ابعادو العلمية و جمالياتو الفنية :
" لا يمثل وجداننا و لا تراثنا الموسيقي ! للحق ماهو طربنا و ماهو نقزتنا .. "
" انها و بعد كل حال ليست موازير السودان الايقاعية و اللحنية ! ! "
- الهارموني : و قيل ان الرياضى فيثاغورس هو مبتدر علم الهارموني الموسيقي .. مبتدر التوافق الصوتي النغمي .. عملية البناء الراسي لمجمل العمل الموسيقي .. تضافر مجمل الالات باختلاف انواعا عشان تدى صوت موسيقي واحد متوافق .. ودا حيظل تحدي امام طلائع الموسيقيين السودانيين
- التوزيع الاوركسترالي the structuring ( دي الفريضة الغائبة في موسيقانا ) :
.. عملية تحويل اللحن من لحن واحد لعدة الحان .. دي عملية فهم النوتة و المدى الصوتي للالة .. و توافقا مع اصوات الالات الاخري
.. اجتراح صولفيج سوداني ثالث جديد هو التحدي الآخر امام طلائع الموسيقيين السودانين
و الصولفيج : هو قراءة اللحن و تنفيذو في صياغ النوتة العلمي
.. و في إنتظار المستقبل .. في إنتظار موازير السودان الجديد . . نردد قول ود القرشي :
" مزمارنا يا داؤد صار بيك و اصبح .. عهد الرشيد عُدناهو وصرنا أنجح .. "
و واضح :
.. انو الموسيقى السودانية في مجملا ، هي موسيقي وحيدة الصوت monophonic .. بينما العالم من حولنا بستمع و بتعامل مع موسيقي متعددة الاصوات poly - phonic
لهذا فإن موسيقانا اول ما تطلع للخارج بتصير : غريبة الوجه و اليدِ و اللسان .. !
Post: #1111 Title: Re: د / أحمد طراوة ___ فى ندوة عن تاريخ الغناء فى السودان . Author: محمد عثمان Date: 03-02-2008, 11:13 AM Parent: #1
قصتنا...
Post: #1112 Title: Re: د / أحمد طراوة ___ فى ندوة عن تاريخ الغناء فى السودان . Author: Osman Musa Date: 03-02-2008, 05:18 PM Parent: #1111
لو كان فى تسجيل للحفظ للنعام ادم يا شباب . النعام بتهوفن الشايقى .. د/ طراوة وبعد تكمل كلامك دايرك تتم داك الحديث عن ملك الطمبور بتهوفن الشايقى صاحب الأوسكار الأوسكار البلا هلولة اوسكار لم تكتب عنه الواشنطن بوست ولا الديلى ميرار . اوسكار اهلنا المساكين .. .. لكم التحية اخوانى واخواتى
Post: #1113 Title: Re: د / أحمد طراوة ___ فى ندوة عن تاريخ الغناء فى السودان . Author: أحمد طراوه Date: 03-03-2008, 07:00 AM Parent: #1
.. و قال سيد عبد العزيز
" كأني اسير في جُب مسجون .. انا ما معيون ! "
... إذ لا يزال البوست اسير تجديد و جماليات عثمان حسين !
المدى الزمني الغنائي 1950 --------- 1960 :
- وردي جاء في 1957 - كابلي جاء في 1960 - و محمد الامين في مطلع الستينات جاء مرتين ( و بنشرح دورة الافلاك البتجي مرتين دي لاحقا )
.. في تجربة عثمان حسين ، إنتقل و تقدم الغناء السوداني من تطريب سرور ، و كرومة ، و احمد المصطفى ، و الكاشف .. الي :
التطريب المعاهو التعبير الفني ، و الصياغة التصويرية للنص الشعري !
شعر بآزرعة الغير التكوين و الفِكر الموسيقي السوداني !
دا واضح جدا في اغنية الارض الطيبة :
كتبا بآزرعة قبل اسبوع من اعلان الاستقلال .. لحنا عثمان مباشرة علي ايقاع تم تم راقص .. التم تم ماركة الخمسينات ، ماركة السودان الجديد ..
و اجمل ما في ذلك كان نداء الترمبيت !
و عثمان بسمع الترمبيت ( طبل العز الضارب و شاقي سماء السودان عشية الاستقلال ) و برد قائلا :
" افديك بالروح يا موطني .. فانت دمي كل ما أغتني .. بلادي انا "
.. وغرد فجر اغنية الخمسينات الجديدة !
.. غرد الفجر يا ود عثمان سمعنا ليها ونحنا لا نزال حضورا في مسرح عثمان حسين
Post: #1114 Title: Re: د / أحمد طراوة ___ فى ندوة عن تاريخ الغناء فى السودان . Author: محمد عثمان Date: 03-03-2008, 09:09 AM Parent: #1113
Quote: .. وغرد فجر اغنية الخمسينات الجديدة !
.. غرد الفجر يا ود عثمان سمعنا ليها ونحنا لا نزال حضورا في مسرح عثمان حسين
Post: #1115 Title: Re: د / أحمد طراوة ___ فى ندوة عن تاريخ الغناء فى السودان . Author: salma subhi Date: 03-03-2008, 09:49 AM Parent: #1114
Quote: وغرد
لقد جعلت هذا البوست يغرد بأجمل الألحان....يا اخ محمد عثمان
لك التحية والتقدير دوماً
Post: #1116 Title: Re: د / أحمد طراوة ___ فى ندوة عن تاريخ الغناء فى السودان . Author: محمد عثمان Date: 03-03-2008, 09:57 AM Parent: #1115
Quote: لقد جعلت هذا البوست يغرد بأجمل الألحان....يا اخ محمد عثمان
لك التحية والتقدير دوماً
سلمى...
دائما ما تاتي النوارس لتشهد صباحات المواني المعتقة باريج الزهر والمموسقة بحلاوة اللحن وكما عهدناك دايما حااضرة فى واحات الجمال و الغناء الراقى معك ايضا نحن نستنشق عبير الجمال الذى تنثرينه فى البورد..
لك من الحب و الود..كيمان..كيمان
Post: #1117 Title: Re: د / أحمد طراوة ___ فى ندوة عن تاريخ الغناء فى السودان . Author: Osman Musa Date: 03-03-2008, 06:07 PM Parent: #1116
الأستاذ محمد عثمان المكتول فى مقاشى ناس عثمان حسين الف شكر وانت تضع البوست فى مصاف البوستات المحببه للناس لك الشكر الجزيل وتحياتى اهو انا احسب فى الأيام للرجوع
Post: #1118 Title: Re: د / أحمد طراوة ___ فى ندوة عن تاريخ الغناء فى السودان . Author: أحمد طراوه Date: 03-04-2008, 00:08 AM Parent: #1
و اطل فجر اغنية الخمسينات !
صاحب ذلك بلوغ معركة تحرير العود من إسار التخت العربي شوطها الاخير
تحرر العود و تسودن ، فتنامت و إتسعت و تنوعت تراكيب الجملة الموسيقية السودانية
" إن تطورت و سائل الانتاج و تعدلت .. نمت قوى الانتاج و ابدعت .. ذلك قول مأثور في علم التاريخ ! "
- تراث التوسع و التنوع اللحني صنعو كرومة
- التراث دا اجمالا و من بعد و لاحقا طوروهو عبد الرحمن الريح و عثمان حسين ، و التاج مصطفى
لذا ليس غريبا انو الكاشف ، و رغم كونو قدر يتحرك بين السلالم الموسيقية في أغنية فُتنت بيهو .. ، لمن احتاج لشحنات موسيقية كثيفة و جُمل لحنية أعقد ، شال اغنية رسائل و مشى بيها للتاج مصطفى
و اصلا معركة تحرير العود بدوها ناس عبد المعين و حسن عمر سوميت و عبد الرحمن الريح و انعقد ختاما لواء النصر علي يد :
- التاج مصطفى - و عثمان حسين
.. لانو خلافا لاحمد المصطفي ، و حسن عطية ، و عبد الحميد يوسف .. عثمان و التاج كانو مدرسة التكثيف الموسيقي الاوركسترالي .. مدرسة البحور العريضة
" من اغنية حارم وصلي مالك ذات البحر المحدود .. إنتقل عثمان مع بازرعة للبحور العريضة المُستدعية تحديات موسيقية جديدة "
.. العود تحرر و تقدم كقائد للاوركسترا : قائد اوركسترالي كما في :
- غرد الفجر - الطير المهاجر .. وردي - عاد الحبيب .. وردي - و شوفو العود كيفن بسو في اغنية عهد .. ود الامين وهو بقول : وحياة ابتسامتك يا حبيبي ..
.. في معمعان الجملة الموسيقية السودانية و مساراتا التاريخية المُعقدة .... في معمعان البحث عن صولفيج سوداني ثالث لفك الازمة الخامسة .. ازمة التوزيع الاوركسترالي :
في هكذا معمعان ، بنستشعر الثقة و نستمد اليقين من تاريخ الامة و جهود اولادا الطلائع :
فمبكرا و بعد ان خبر دروبا و اسرارا ، و عاش تفاصيل مساراتا ، قال د. الفاتح الطاهر :
.. إن موسيقانا بخير .. فقط ينقصنا التوزيع الموسيقي .. فالتوزيع الموسيقي هو الخروج بالموسيقى السودانية من نطاقا المحلي الي الآفاق العالمية !
" هو كسر المونوفونيا لصالح البوليفونيا .. تلك الريادة اللي جابا الكاشف بالفطرة "
.. نحو صولفيج سوداني ثالث .. نحو لحن بسيط اصيل .. نحو توزيع اوركسترالي راقص مندمج مع ايقاعاتنا الاساسية الستة .. نحو كل ذلك بنواصل الاستماع لمحمد عثمان وردي :
- يا طير يا طاير ! تلك كانت البداية مع خليل احمد ، و ورشة جماعة السجانة
يا محمد عثمان .. سلم على الفاتح الطاهر في السودان و بلغوا تقديرنا و محبتنا ، و جيب هواتف الاتصال .. و :
اسقنا خمور الاندرينا ماركة وردي
.. و طالبنك يا إشراقة حيمورة كلام ابو قطاطي .. الحان الراحل خليل اسمعيل .. رمية علي بن ابي الجهم .. الاماني العذبة .. هي النفس ما حملتها تتحملُ .. الليل يا ليل .. طول يا ليل
.. ومن نها و معاوية بننتظر كلام لغة حجر رشيد .. ميلوديا النوبة القديمة .. توزيع وردي الجديد :
.. هكذا قال العاشق النوبي القديم بتلك اللغة اللتي ما إنفكت تعيش التهميش و القمع :
" بتذكرِك و بشتاق ليك ليل نهار .. و نار الشوق كاتلاني "
و مليون سلام لكل حفيدات الكنداكا ، و مندي ، و مقبولة ، و أشوينق عروس النيل الجنوبي ...
Post: #1119 Title: Re: د / أحمد طراوة ___ فى ندوة عن تاريخ الغناء فى السودان . Author: نها محسن أبورأس Date: 03-04-2008, 01:11 AM Parent: #1118
الأخ الفاضل د.أحمد طراوة الاخ الكريم عثمان والمتداخلون الكرام
كيفنكم عساكم بألف خير طولت منك والله وذلك لإنشغالي الشديد لكني جيتكم تاني
د.أحمد أبوصلاح قال شوف العين قالت ده لالا صدت من تيها ودلالا ريدتك ساكنة الجوف خلالها والاعضاء إمتزجت خلالها براق سنك شق لالا وسهمك صاب أحشاي قلالا
وقال في وصف الخونتيلة: الروبة ظليلة نادية معتمة لاخمة دليلة لولا قمر محيك هاليله ..كنا نتوه في ظلمة ليلة
قالوا أبوصلاح كان شغال في مصلحة الوابورات..يعني ماليه علاقة بالشعر ولا باللغة...وسمعت انو كان بساهر الليل في قراءة الشعر وحفظه....لكن موهبتو دي ما طالعة من قراية شعر وبس ... تفتكر السر شنو؟
Post: #1120 Title: Re: د / أحمد طراوة ___ فى ندوة عن تاريخ الغناء فى السودان . Author: أحمد طراوه Date: 03-04-2008, 02:37 AM Parent: #1
.. فأنتي كما أشراقة ، و سلمى و تماضر الخنساء ، و ملكة سبأ أراكم كحالنا تتيهون قصدا في دروب الفن و الغناء الجميل
.. و كثير سلامي لاسرتك الكريمة و باقي الناس نواحي دنفر
مأثرة ابو صلاح : إنو هو تحديدا و العبادي عموما ، تمكنوا من تحويل الدوباي الي رمية ، و الرمية الي اغنية جديدة .. و ذلك يوم ان برزت أغنية :
ببكي و انوح و أصييّح .. للشوفتن بترييّح ..
.. تلك كانت تحولات باطنية معقدة ، لكنها لم تستغرق اكثر من عشرة اعوام .. اصلا المجتمع كان ناهض بقوة ، مساراتو جلية و علاقاتو مستقرة .. و الذوق العام كان باسط اجنحتو .. يعني ما زي الليلة حيث موات الذوق العام ، و اللغة الغريبة و ضيق الروح و الخُلق المسك كل السودانين بسبب ال 15 عاما العجاف
.. إذن ابو صلاح كان نتاج ذاك الواقع .. هو بالفعل قراء الشعر العربي ، و عاش و فهم جزالة اللغة القرانية ، .. و العبادي مبكرا لفت انتباه الجميع الي جماليات العامية السودانية .. يعني يا نها في مسرحية المك نمر بتاعت العبادي بتلقي الشعر القومي السوداني و بتشوفي جذورو و منطلقاتو واضحة و بتكتشفي صلتو المباشرة بشعر الحقيبة
.. وبادي مرة نبهني للصلة المباشرة لحنا و نظما ، لاغنية العبادي ( يا حليل رياضنا الغنا ) و مدحة ود المكاوي ( يا ليلة ليلِك جنا )
ابو صلاح مبكرا رسم مسافة دقيقة ما بين تفعيلتو و ما بين بحور الفراهيدى ، ودا الساعدو في الاستفادة من جماليات العامية السودانية و مفرداتا البديعة و صياغتا في بحور الرجز الساهل و بحر المتدارك المرن ..
.. لذا فكثيرا ما كان يقدم الخبر علي المبتدأ إخلاصا للتفعيلة و القافية علي صعيد سوداني .. فضلا عن معرفتو و تمرسوا بعلم البديع .. ومشى بعيدا في التزام لزوم ما لا يلزم في اغنيتك البتحبيها ( يا رشا يا كحيل ) قفلا كلها بقافية من اربعة حروف تقفيلا غير مُحورا و لا مصطنعا
و شوفي التعابير العامية الجميلة :
- الروبة ظليلة .. - رويحتي كتيلة ( نحنا بنقول الروح هو ، بقول رويحتي ) شان خاطر التفعيلة - طيبك عبق .. سنك براقا يسوى بق .. فوقك عهود.. بُر و طه و يس و هود - براق سنك شقا لألأ - و من ضمن الحالة التاعباني - كالاسد الفي القيد يناتل - هالكا صالح كا ما ينظرا - غرز نشابو شايلا قليبي وين ماشابو - بالرجراج يميل شبه المُهر الوحيل - يا فريع ياسمين متكي في رمالو - حبك يمزج اعضاي اجمالي ( اجمالي دي في لغة التجارة السودانية بس ) - غرامك منو ضاق صدري - على ميت الهوى احياهو - بلغ الاقوال يا هلال .. شبيهك .. جسمي إنقلا .. ما قال ( لشبيهك ) كان بسيب حرف الجر و العطف شان خاطر الجرس و التفعيلة برضو
ساعدتو برضو معرفتو بثقافة السودان العريض اللي جابا من خلال المامو ببطون و اخبار الدوباى و المسادير .. وعتيق قال لعلي المك إنو تعلم الشعر من ابو صلاح و العباسي الكبير
و ضرورى يا نها ناخد مداخلة من احمد القرشى عن ابو صلاح ، فاحمد من اهل مكة
و كمان نشرك معانا الاديب عبد الله الشقليني في موضوع ابو صلاح .. و الشقليني كان فتح بوست عن ابو صلاح لكن البوست إختفى قبل ان نكتب معه عن رائد الوصف آناء النصف الاول للقرن العشرين
كان وصاف لكنو ما حسي زي عمر بن ابي ربيعة !!
.. و مرة عملنا مع الاديب النوبي صلاح دهب في مسقط مقاربات عن الحسية Sensuality في شعر ابي ربيعة ، و الوصف في شعر ابو صلاح فوجدنا االودع واسع و الفرق شاسع حسب قول الشيخ ود الرضي
.. و بالله يا نها جيبي لينا كلام ابو صلاح غنا حسين شندي :
" فريع البانة .. المن نسمة يتمايل حاكا المنقسمة "
.. فيها مباهج الوصف الرفيع للبت الراقصة في حفلة عرس صاحبو ربيع ، اللي قال ليهو :
يا ربيع في روض الزهور .. عيش منعم طول الدهور
.. و اي اغنية عاوزا تعرفي ( مناسبتا و اسبابا ) اسالي فريد زمانو احمد القرشى عبد الرحمن
Post: #1121 Title: Re: د / أحمد طراوة ___ فى ندوة عن تاريخ الغناء فى السودان . Author: نها محسن أبورأس Date: 03-04-2008, 06:28 AM Parent: #1120
أخي الكريم د.أحمد طراوة شكرا ليك كتير علي الاطراء وناس دنفر برضو بسلمو عليك كتييير وبتمنوا تشرفهم بزيارة ولو خاطفة...
عارف يادكتور الواحد بخاف يتعمق في غنا الحقيبة لانك كل ماتتعمق بتلقي نفسك عطشان للمزيد... الناس ديل أذونا أذية شديدة والله.... أنا كان رأيي إنو المفروض غنا الحقيبة يضاف للمناهج الدراسية ويدرس لما يحويه من سحر البلاغة وروعة النظم... وزي ماتفضل أخونا الشعر أبوقصي في بوست أخر وذكر أن أولئك الأفذاذ كانوا يدرسون القرآن ويتفكرون في معانيه...فتجد أن مفرداتهم بليغة جدا ومعبرة...وطبعا مافي أفضل من القرآن عشان يعلم أصول اللغة...
يعني شوف لمن ابوصلاح يقول في وجه القمر اعلم لولا ما طرفك للبيض الرقاق شاهر إنسان عيني كاد يغرق في ماء خدك الزاهر ونورك يتوقد لي عيون الخلوق جاهر ظلمي شئ ظاهر وإشراق الفجر يشهد على طرفي العليل ساهر
وشوف روعة الوصف في البديع الهواك سباني ديل ايديك ام حرير مجدل ....... والوريد ولا القامه اعدل هل صباح بالمحى تبدل .......... وده الاسيس ولا نور مسدل والكتيف لى ضميره تانى فى ارايك الدروع مهدل ياسلاااااام
Post: #1127 Title: Re: د / أحمد طراوة ___ فى ندوة عن تاريخ الغناء فى السودان . Author: Osman Musa Date: 03-05-2008, 03:24 AM Parent: #1126
شوفونى ... شوفونى شوفونى ... شوفونى __ فى كينيا فى الصومال الحبشه اريتريا اليمن كل تلك الشعوب تردد بفهم تلك الكلمات
التحيه للموسيقار الفنان الكبير محمد عثمان وردى اجمل سفراء السودان
Post: #1128 Title: Re: د / أحمد طراوة ___ فى ندوة عن تاريخ الغناء فى السودان . Author: محمد عثمان Date: 03-05-2008, 07:35 AM Parent: #1
Post: #1129 Title: Re: د / أحمد طراوة ___ فى ندوة عن تاريخ الغناء فى السودان . Author: نها محسن أبورأس Date: 03-05-2008, 07:43 AM Parent: #1128
أخي الرائع محمد عثمان ياسلااااااااااااااام عليك إختيار موفق جداجدا لكن أذيتنا أذية بيهو وساهرت بينا علي قول أستاذ صديق الموج شكرا ليك كتير ويديك ألف عافية
Post: #1130 Title: Re: د / أحمد طراوة ___ فى ندوة عن تاريخ الغناء فى السودان . Author: محمد عثمان Date: 03-05-2008, 01:23 PM Parent: #1129
Quote: أخي الرائع محمد عثمان ياسلااااااااااااااام عليك إختيار موفق جداجدا لكن أذيتنا أذية بيهو وساهرت بينا علي قول أستاذ صديق الموج شكرا ليك كتير ويديك ألف عافية
نها...
تسلمى من كل شر و ربنا يحفظك و يخليك.. شكرا ليك كتير و بوجودك انت و كل بقية الاخوة و الاخوات الكراام ازدهر البوست و اعطانا القوة الداافعة لاستخراج الانغاام و الاغنياات الجميلة.. و غايتو عثمان موسى و دكتور طرااوة قدرو يعرفوا كلمة السر حقتنا و يخلونا نفتح الجراب على اخره..
يديك العاافية...
Post: #1195 Title: Re: د / أحمد طراوة ___ فى ندوة عن تاريخ الغناء فى السودان . Author: محمد عثمان Date: 03-11-2008, 07:24 PM Parent: #1128
Post: #1196 Title: Re: د / أحمد طراوة ___ فى ندوة عن تاريخ الغناء فى السودان . Author: محمد عثمان Date: 03-11-2008, 07:57 PM Parent: #1128
غريب .. وحيد في غربتو حيران يكفكف دمعتو حزنان يغالب لوعتو ويتمنى بس لي أوبتو طال بيه الحنين فاض بيه الشجن واقف يردد من زمن
بالله ياالطير المهاجر للوطن زمن الخريف تطير باسراع ماتضيع زمن أوعك تقيف وتواصل الليلة للصباح تحت المطر وسط الرياح وكان تعب منك جناح في السرعة زيد في بلادنا ترتاح ضل الدليب أريح سكن
فوت بلاد وسيب بلاد وإن جيت بلاد وتلقى فيها النيل بيلمع في الظلام زي سيف مجوهر بالنجوم من غير نظام تنزل هناك وتحيي ياطير باحترام وتقول سلام وتعيد سلام على نيل بلادنا وشباب بلادنا ونخيل بلادنا بالله يا طير قبل ما تشرب تمر على بيت صغير من بابه ومن شباكه بلمع الف نور وتلقى الحبيبة بتشتغل منديل حرير لحبيب بعيد تقيف لديها وتبوس إيديها وانقل إليها وفاي ليها وحبي الأكيد
Post: #1131 Title: Re: د / أحمد طراوة ___ فى ندوة عن تاريخ الغناء فى السودان . Author: Moawia Mohammed Date: 03-05-2008, 07:53 PM Parent: #1
الأماني العذبة - خليل اسماعيل
Post: #1132 Title: Re: د / أحمد طراوة ___ فى ندوة عن تاريخ الغناء فى السودان . Author: أحمد طراوه Date: 03-05-2008, 08:00 PM Parent: #1
الكِتر ، الهشاب ، التبلدي ، الدروبا ، السِرو ، صندل الردوم ، و شجرة الهجليج ( الالوبة ) القايمة في حوش ناس سعاد
و لكن شجرة الدليب كان امرها مختلفا ..
وقعت شجرة الدليب في خيال صلاح و هو بعيد في تلك البلاد التي تموت حيتانها من برد بحر الشمال !
.. و ايه يعني بحر الشمال الانجليزي ! ؟
ما إنتي يا الحِلوة النيل حِداك ! النيل البلمع في الضلام بجواهر النجم الضواي .. كما يراه النازل في مطار الخرطوم ليلا ..
و كان الشعر السوداني منذ عهد الحردلو منسوب اواخر التركية و المهدية .. و مرورا بخليل فرح بدري ، كان الشعر قد عرف من معطيات الغِطاء النباتي السوداني :
- الباشندي - اب عراق - النال و الخُزام
.. و ما كان تصوير الدليب شعرا الا ضربا من ضروب الذكاء الشعري عند ( صلاح احمد ابراهيم ) و الابحار بعيدا في حب البلد الاسمو السودان
.. البلد سيىْ الحظ ! .. البلد اللي اتحرم من قدرات و كفاءة اولادو و بناتو البقوا كلهم برة ، و إنطبق عليهم القول الشعبي الاثير :
" ضل الدليب برمي بعيد " و برضو ضل الدليب اريح سكن ..
نواصل تامل تجربة وردي الموسيقية .. و ببقى السؤال و التحدي :
وردي الحير من الجلسة الاولي متولي عيد و خانجي و علي شمو ، وردي الوريث الشرعي لجملة عبد المعين و خليل و ابراهيم عوض و الكاشف و عثمان حسين الموسيقية
.. وردي الصاعد بسرعة 7 ماخ نهاية الخمسينات و اول الستينات ... هل هو :
موسيقار فقط .. ام مؤلف موسيقي
The composer Vs The muscian
Post: #1133 Title: Re: د / أحمد طراوة ___ فى ندوة عن تاريخ الغناء فى السودان . Author: Moawia Mohammed Date: 03-05-2008, 08:03 PM Parent: #1
ليلة السبت - صلاح ابن البادية
Post: #1134 Title: Re: د / أحمد طراوة ___ فى ندوة عن تاريخ الغناء فى السودان . Author: Moawia Mohammed Date: 03-05-2008, 08:07 PM Parent: #1
قالوا لي سرو - اسماعيل عبد المعين
Post: #1135 Title: Re: د / أحمد طراوة ___ فى ندوة عن تاريخ الغناء فى السودان . Author: أحمد طراوه Date: 03-05-2008, 08:20 PM Parent: #1
شفتي يا نها ! ؟
.. جبنا سيرة عبد المعين ، معاوية طوالي رسل (من عِندكو) اغنيتو الفريدة :
قالو لي سِرو
.. في محمد عثمان و معاوية .. شفنا الذوق السليم ، و شفنا جزالة الإسناد الكريم ، و الجاهزية العالية ، و قيمة العمل الجماعي .. وصِدق القول داك البقول :
" يد الله مع الجماعة "
بمعاوية و محمد شفنا الدنيا نور في نور .. و صار بوستنا زي المساء الوردي في ليلة السبت تلك ..
و ما هي صلة وردي بعبد المعين ؟
.. نعود و نواصل
Post: #1136 Title: Re: د / أحمد طراوة ___ فى ندوة عن تاريخ الغناء فى السودان . Author: Osman Musa Date: 03-05-2008, 11:12 PM Parent: #1135
الأخت العزيزة سلمى صبحى الشكر بلا حدود يا بنت الكرام
ولى قدام يا استاذ محمد عثمان لو وقع فى عينك تسجيل فلامنقو مسودن عشان خاطر بنت الكرام .. لها الشكر الجزيل
Post: #1137 Title: Re: د / أحمد طراوة ___ فى ندوة عن تاريخ الغناء فى السودان . Author: أحمد طراوه Date: 03-06-2008, 03:08 AM Parent: #1
.. هي النفس ما حملتها تتحملُ و للدهر ايام تجور و تعدلُ و عاقبة الصبر الجميل جميلة و أفضل اخلاق الرجال التجملُ !
وكيف بالله تسربت حِكم و اقوال ( العلي بن ابي الجهم ) الي فناء دار الغناء السوداني .. و صارت ليرك محبوب لمقدمة موسيقية جميلة منسوبة لموازير السودان ؟ !
لله درك يا خليل !
.. يا جميل الصوت في ذلك المدي الممتد من البارتون الي الباص الكبير .. وسع الله مرقدك فقد امتعتنا بروعة ادائك لكلمات ابو قطاطي :
.. و بكرة بنسى شعبنا غُلبو .. و الرياحين بتملا دربو
و لكل المسجلين حضور و متابعة : بالله اسمعوا اسمعيل عبد المعين بقول ..
.. جابو لي سِرو .. ٍسِرو غامض ما قدرت أحلو !
من اهازيج القوميات السودانية المتباينة و المختلفة كان بصنع تلك الجُمل الموسيقية الجديدة الرائدة آناء منتصف الثلاثينات .. كان كان ذلك تاسيسا للصولفيج السوداني الاول ..
Post: #1138 Title: Re: د / أحمد طراوة ___ فى ندوة عن تاريخ الغناء فى السودان . Author: محمد عثمان Date: 03-06-2008, 05:31 AM Parent: #1137
سلااااااااام..
محمد على ابو قطاطى شااعر مرهف و تلقائى ..
و فعلاا تمتاز مفرداته بتفرد اللغة و المعنى
و طبعا الرقى المتنااهى فى انتقائها..
غنى له وردى اربع اغنياات .. و جميعها كانت مصبوغة بالروح التفاؤلية
و المفردة العذبة.. اسمح زى .. المرساال .. الناس القيافة ..
و الفريدة حتى اليوم فى فلسفتهاا .. شن بتقولوا !!!!
و التى ايضا اختتمها بكل التفاؤل فى :
فى دنيانا .. نحن نعيش و ما هماناا
و لما تفوتنا لحظة جميلة .. أجمل لحظة تستنانا!!
و الحبان نشيل نديهم .. اجمل ريدة
مااااا همانا !!
و ما هماانا و نواصل مع دكتور طرااوة....
Post: #1139 Title: Re: د / أحمد طراوة ___ فى ندوة عن تاريخ الغناء فى السودان . Author: نها محسن أبورأس Date: 03-06-2008, 06:41 AM Parent: #1138
سلامات ياناس البوست الراقيين أستاذ عثمان ود.أحمد وأستاذ محمد عثمان ومعاوية وكل الزوار
عندنا تجربة وردي مع الشاعر الكبير إسماعيل حسن ...كان لقاؤهما صدفة وكان ثالثهما الملحن خليل أحمد ..ياسلام منك أنا أه...الليلة ياسمراء...ياطير ياطائر ديل كانوا نتاج اللقاء ده.. وإستمر اللقاء بيناتهم وأخرجوا لينا الكثير من الأعمال الخالدة... مثلا زي أغنية بسيماتك اللي بقول فيها: بسيماتك تخلي الدنيا شمسية في غمزة طفلة تتشرا تتصرا إذا ضاريتك الأبنوس سنيناتك.. بسيماتك
وحياتك بشم ريحة الجروب مغسولة بي وهج القناديل واشوف برقا يغازل ومضه سرا في عويناتك بشوف شفع يأشرو للقميرة تايهة دورين بالمناديل ويلعبو فوق تلال خديكي ومرجيحة ضفيراتك ..بسيماتك ياسلاااام وعندك كمان أغنية الوصية البقول فيها: حلفتك يا قلبي حملتك أمانة الفاتك عهود ما تبكي عشانة حلفتك تقول لي إيه آخرة بكانة الدنيا الجميلة والحزن الحلال الطير في غصونو الساجعة في حنانا كل الناس تغني ليه نحن الهم طوانا ليه ..ليه يا قلبي ليه قول لي بأمانة أوع يا قلبي تنسى أوع يا قلبي شوف الروعة والجمال.... وعندك أغنية لوبهمسة وأسأل قلبك وحبيناك من قلوبنا وغلطة وذات الشامة وليك تسعتاشر سنةوحنية وواسفاي وصدفة ونور العين والمستحيل وبعدإيه...وأجمل أغانيه علي الإطلاق أغنية خاف من الله والتي هي بمثابة القنبلة التي دوت في سماء الأغنية السودانية واللي بقول فيها: يا قلبى انسي الفات وعيش من تانى وحدانى ولو حنيت لعهد الشوق اجيب من وين عمر تانى كفى يا قلبى شفتا الويل وليل السهد بكانى بعد ما تبت من النار حرام تجدد احزانى يضمك ليل ويطويك ليل ونار الويل مهادك يا مظلوم وماظالم حليلك والعمر فانى وياما فى هواكم شاف قلبى .
كانت تجربة ثرة وناجحة جدا أثمرت عن كل تلك الروائع الخالدة...
Post: #1140 Title: Re: د / أحمد طراوة ___ فى ندوة عن تاريخ الغناء فى السودان . Author: Osman Musa Date: 03-06-2008, 04:18 PM Parent: #1139
الأخت نها أبورأس يا ما يسترو حركة الغناء فى البوست الماهل بوجوك ودخول أخواتك الفراشات سلام عليك يا نها وانتى تتابعى تجارب مشايخ الفناء اسماعيل . وردى ويا اخت هنا والله دخولك بخلى الدنيا شمسية الف شكر تحياتى
Post: #1206 Title: Re: د / أحمد طراوة ___ فى ندوة عن تاريخ الغناء فى السودان . Author: نها محسن أبورأس Date: 03-12-2008, 07:42 AM Parent: #1140
أخي الفاضل عثمان يديك ألف عافية يارب وأنا لي عظيم الشرف بدخول هذا البوست المفعم بالجمال والإبداع.. رينا يحلي أيامك يارب
Post: #1141 Title: Re: د / أحمد طراوة ___ فى ندوة عن تاريخ الغناء فى السودان . Author: أحمد طراوه Date: 03-06-2008, 11:59 PM Parent: #1
.. وردي وريث الصولفيج السوداني الاول و التاني :
- الصولفيج الاول البسيط : كانت دوزنة السر عبد الله للكمان الاروبي علي نحو سوداني .. و بعض اهتماماتو بالنوتة
- الصولفيج التاني : كان وصول النوتة كاملة لساحة الغناء السوداني علي يد عازف القانون المصري مصطفى كامل ، كان مجهود اسمعيل عبد المعين ، الفاهم ، الدارس في معهد فؤاد العالي .. و برضو مجهود صحبو محمد ادم أدهم ، ادهم عمل مؤلف موسيقي اسمو ( الادهميات ) .. اول سيمفوني سوداني ( محاولة مبكرة للتاليف الموسيقي المُتجاوز حِدود التلحين )
.. الصولفيج الثالت كان و لا زال مرتبط بتطور الجملة الموسيقية علي يد التاج ، عثمان ، سيد خليفة ، و العاقب و بقية رهط الملحنين السودانين ، و مرتبط برضو بظهور معهد الموسيقى و المسرح .. و بالمآلات النهائية لحركة و مستقبل الغناء و المزيكا السودانية !
تراكم التجربة ، و الاحساس بضرورة ادوات علمية و منهج موسيقي سوداني كان بالضبط ما احس بيهو وردي خلال مجاهدات الفترة 1957 - 1970 ..
بذكاء و تطلع و احساس مسؤل تجاه الغناء و مستقبل المزيكا ، وردى دخل المعهد
دخل المعهد مشبع بخبرة الواقع السوداني الفني .. و كل تراث النوبة الفني و لغة حجر رشيد الساكنة وجدانو ..
_ لحن يا سلام منك أنا أأأأه بميلودي الموال النوبي
- و بعث الفن النوبي اوركستراليا في عدة تجارب : منها تلك الجميلة : سِكر .. سكِر فموقري ..
.. وردي بختلف من خليل فرح في كونو لم يُستعرب استعرابا كاملا !!
في إنتظار مرسلات جميل الغناء النوبي ..
Post: #1142 Title: Re: د / أحمد طراوة ___ فى ندوة عن تاريخ الغناء فى السودان . Author: محمد عثمان Date: 03-07-2008, 08:01 AM Parent: #1
و نوااصل مع وردى مشوار الراحل اسماعيل حسن مع وردى مشوار طويل افرز لنا الكثير من الدرر الغنائية و الاعمال المميزة التى اثرت مكتبة الغناء السودانى و تركت لنا علامات مضئية بكلمات و مفردات كانت فتحا جديدا فى عاالم الغناء السودانى...
و نوااصل ايضا مع دكتور طرااوة......
المستحيل اسمااعيل حسن و صااحب الصوت المسحور..وردى
Post: #1143 Title: Re: د / أحمد طراوة ___ فى ندوة عن تاريخ الغناء فى السودان . Author: تماضر الخنساء حمزه Date: 03-07-2008, 09:19 AM Parent: #1142
دي الارادة والمقدّر مابنجيب ليهو بديل دي الارادة أجبرتني في هواكم من قبيل ترم ترم
Post: #1144 Title: Re: د / أحمد طراوة ___ فى ندوة عن تاريخ الغناء فى السودان . Author: أحمد طراوه Date: 03-07-2008, 11:19 AM Parent: #1
.. قدام لجنة النصوص في يوليو 1957 غنى وردي اغاني حسن عطية و ابراهيم عوض
. . لكن احمد المصطفي كان قد لا حظ موهبة استاذ المدرسة الابتدائية وردي و إكتشفها قبل ذلك بمدة في شندي
احمد المصطفي كان هميم ، بناء ، عقلو كبير و قلبو علي الغناء و تطور البلد
.. صان و حفظ جملة عبد المعين الموسيقية و سلما للباقين .. ومن ضمنهم وردي
في المستحيل و لاول مرة في الغناء السوداني بتتنوع الكوبليهات علي نحو غير مسبوق .. و بمشى وردي بموازير مصطفى كامل آفاق جديدة
" المستحيل : عمل فني رائد و نقلة في مسار الغناء "
Post: #1145 Title: Re: د / أحمد طراوة ___ فى ندوة عن تاريخ الغناء فى السودان . Author: Osman Musa Date: 03-07-2008, 03:01 PM Parent: #1144
الأخت تماضر الخنساء حمزه سلامات نعم يا تماضر دى الارادة نعم ده الايمان الجد جد الايمان الحق عند شيخ مشايخ الشعراء ود حد الزين انشاء الله ربك يكرمنا تانى ويدى وردى العافيه والشباب ليقدم اكثر واكثر تحياتى وشكرى
Post: #1146 Title: Re: د / أحمد طراوة ___ فى ندوة عن تاريخ الغناء فى السودان . Author: salma subhi Date: 03-07-2008, 03:02 PM Parent: #1144
Post: #1147 Title: Re: د / أحمد طراوة ___ فى ندوة عن تاريخ الغناء فى السودان . Author: محمد المرتضى حامد Date: 03-07-2008, 03:55 PM Parent: #1146
Quote: و بعث الفن النوبي اوركستراليا في عدة تجارب : منها تلك الجميلة : سِكر .. سكِر فموقري ..
ونحن ننتهز هذه السانحة ونحيي الفن النوبي الأصيل. طراوه، وكل عمال بناء هذا البوست الهرَم بنقول سلام، لو بإيدي؟ يا أحمد (لو) هذه تفتح جرة سُجن فيها الجن.
Post: #1156 Title: Re: د / أحمد طراوة ___ فى ندوة عن تاريخ الغناء فى السودان . Author: Osman Musa Date: 03-08-2008, 03:54 AM Parent: #1147
الرجل الهمام استاذ محمد المرتضى حامد يدخل البوست يلقى عصاه فينقلب بوست الغناء الى حدايق تحياتى الى الربع .
Post: #1148 Title: Re: د / أحمد طراوة ___ فى ندوة عن تاريخ الغناء فى السودان . Author: احمد الامين احمد Date: 03-07-2008, 04:49 PM Parent: #1144
د.طراوه بالفعل غنى وردى 1957 امام لجنه النصوص اغنيات لحسن عطيه وابراهيم عوض للاول غنى هل تدرى يانعسان وغنى للثانى اكثر من دره منها بسمه الايام وهوى الروح وهيجتنى الذكرى وحبيبى جننى والمدهش فى اختبار صوت وردى يومها ان الشهر كان رمضان وبدأ الاختبار الساعه العاشره بحضور على شمو ومتولى عيد ولجمال الصوت وروعه الاداء اصرت اللجنه على وردى ان يجلس معهم ويغنى حتى اذان المغرب ثم يفطر معهم فغنى الصوت الراقى يومها اغنيات كذلك للفلاتيه " عنى مالم صدا وتوارو" كلمات التنقارى ولحن التاج وغنى لمجحوب عثمان "قلبى الماسور" وغنى للتاج مصطفى : ان تصادف وكانت نايمه لاتصحيها كن اديب واحذر ان تمس خديها يا نسيم ارجوك روح لها وحيها بالغرام البى والشجون احكيها... الصوت الراقى وردى لم يكن راغبا البقاء فى الخرطوم وصرح لاحقا بعد خمسين عاما من تلك الجلسه انه كان يهدف فقط الى تعليم ابناء العرب غنا النوبه ثم العوده الى صوارده لكن على شمو اصر عليه بالبقاء وطلب من ناس على ميرغنى بتاع الكمنجه وجماعته بالسجانه ان يسارعوا بعمل اغنيات لوردى كى ينافس الفنان الذرى ابراهيم عوض ويوقفه فى حده !!!!! وينهى صرعه شباب الخمسينات بروعه ووسامه وتسريحه ورقيص ابى خليل ولان وردى كان موظف دوله " معلم مجلسى" لم يكن هناك خانه شاغره له بمدارس الخرطوم فامر حسن نجيله المسئول المباشر يومها عن تعليم الخرطوم ان تفتح مدرسه حكوميه لوردى خصيصا بالديم ليعمل بها وبالفعل عمل بها وردى فوصل بتلاميذها الى الصف الرابع ولقد شاركه بعض تلاميذها فى تسجيل نشيد فرحه الذى كتبه الفيتورى واشتهر عند عشاقه باصبح الصبح ... متولى عيد بصرامته وافق على تسجيل وردى فنانا درجه ثالثه !!!!!!فى عصر حسن عطيه والكاشف واحمد المصطفى والتاج والشفيع وعثمان حسين والفلاتيه وداود وجيل ابراهيم عوض لكنه رفعه بعد 3 سنوات الى مصافهم عبر استفتاء مباشر كان يقوم به متولى عيد فى العاصمه والريف المجاور لها خصوصا بعد توالى الالحان الرائعه لوردى من كلمات اسماعيل حسن والمزعج هنا ان الثنائيه المبدعه بين وردى وسماعين قد اضرت بشعراء اخرين عن غير قصدعليه وردت فى مداخله سابقه اغنيه " السمحه ماتخجلى " و " بسيماتك" منسوبتين الى سماعين عليه لمصلحه التوثيق وقيمه ذا البوست التاريخيه ارجو ان تنسب اغنيه " ما تخجلى" الى الشاعر حسن عبدالوهاب الذى غنى له وردى كذلك : يا ناسينا"وتعود صلته بوردى الى العام 1985 اثناء عمل الشاعر معلما بها ثم انتقلت معه الى الخرطوم اما اغنيه " بسيماتك" فهى للشاعر على عبدالقيوم الذى اكد وردى انه صديقه المفضل من بين الشعراء الذين تغنى لهم وتقريبا غنى له وردى اغنيه ثوريه لعلها " نحن رفاق الشهداء" ان لم تخنى الذاكره علما ان الصوت الراقى وردى كان عاكفا العام 1994 بلندن على تلحين اغنيه فلسفيه معقده جدا لعلى عبدالقيوم عنوانها "روعه المامول" ومطلعها ان لم تخنى الذاكره: فى اخر اعقاب الليل الذى يسرى دلف الجنود بجثتين الى الجبانه الكبرى الجثه الاولى جسد نحيل خلته جسدى فوجدته وطنى!!! تحيه لوردى والشفاء لحسن عبدالوهاب والرحمه لاسماعيل حسن وعلى ميرغنى وعلى عبدالقيوم والحب لكم جميعا ويا معاويه محمد لوردى والصاوى اغنيه قديمه اسمها "سؤال" ما اجملها على العود لاحظوا صوت وردى بطلع وبنزل فيها كيف !!!!...
Post: #1157 Title: Re: د / أحمد طراوة ___ فى ندوة عن تاريخ الغناء فى السودان . Author: Osman Musa Date: 03-08-2008, 04:16 AM Parent: #1148
استاذ أحمد الامين أحمد صاحب الكتابات المترعة باسرار الغناء . الف شكر وانت تمدنا دايما بفيض من الألق الف شكر وانت تشعل لنا المصابيح الف شكر على الكشوفات والمسوحات .. تحياتى وشكرى وتقبل تحيات الاستاذ الصحافى صلاح شعيب وهو مسرور لكتاباتك
Post: #1149 Title: Re: د / أحمد طراوة ___ فى ندوة عن تاريخ الغناء فى السودان . Author: عبدالله الشقليني Date: 03-07-2008, 05:39 PM Parent: #1
يستحق هذا الملف أن يكون بين أعيننا الناظرة
Post: #1150 Title: Re: د / أحمد طراوة ___ فى ندوة عن تاريخ الغناء فى السودان . Author: Moawia Mohammed Date: 03-07-2008, 09:56 PM Parent: #1
القمر بوبا _ محمد وردي
Post: #1151 Title: Re: د / أحمد طراوة ___ فى ندوة عن تاريخ الغناء فى السودان . Author: أحمد طراوه Date: 03-07-2008, 10:00 PM Parent: #1
يا عثمان :
صدق من قال .. الجنان في الدنيا و الليالي تدور ... ام دي ليلة و جمعت بين كرام و بِدور
تماضر ، و سلمي ، و احمد الامين ، و ود حامد المرتضى ، و الشقلينى .. كلهم مرة واحدة في حوشك !
دي سارتن تبقبق و للصباح ما إنفشت
نعود لما كتبه احمد الامين و لمسار وردي الغنائي - الاوركسترالي .. و ما فجره من قضايا و ما طرحه من اسئلة
.. و بنعني و نقصد كل ما حدث في تلك المسافة ما بين :
- الميلودي البسيط و المُشع جمالا في اغنية يا طير يا طاير
- الي تخوم تجربة التوزيع الاوركسترالي و التكثيف الموسيقى في اغنية الود
.. وجزيل الود لكل المسجلين حضور و متابعة
Post: #1152 Title: Re: د / أحمد طراوة ___ فى ندوة عن تاريخ الغناء فى السودان . Author: Moawia Mohammed Date: 03-07-2008, 10:25 PM Parent: #1
وردي - رطانة
Post: #1153 Title: Re: د / أحمد طراوة ___ فى ندوة عن تاريخ الغناء فى السودان . Author: Moawia Mohammed Date: 03-07-2008, 10:31 PM Parent: #1
أشيل الريد - الأمين عبد الغفار كلمات : أحمد السيد مكي الحان : عبد اللطيف خضر ( ود الحاوي )
Post: #1154 Title: Re: د / أحمد طراوة ___ فى ندوة عن تاريخ الغناء فى السودان . Author: Moawia Mohammed Date: 03-07-2008, 10:51 PM Parent: #1
الاذاعة السودانية برنامج من الأرشيف يسترجع شريط الذكريات و يقدم تسجيل اذاعي قديم لشاعر كردفان العملاق المرحوم محمد عوض الكريم القرشي وهو يلحن و يغني بعض أشعاره .
Post: #1155 Title: Re: د / أحمد طراوة ___ فى ندوة عن تاريخ الغناء فى السودان . Author: أحمد طراوه Date: 03-08-2008, 00:07 AM Parent: #1
.. و فعلا يا ود عثمان !
.. إنبثق عفوا ، و وعيا و إقتدارا تحالف وردي - اسمعيل حسن
.. و للحق كان تحالف تاريخي ذو أثر تقدمي .. ليرك جديد ( غنائية جديدة ) جابت موازير ايقاعية و لحنية جديدة فريدة
غنائية ( Lyricism ) .. غيرت المفاهيم و الذوق العام :
اصلا الناس كانو بحلفو بخالق الوجود ، بالعلي القدير ، كانو بحلفو برسول الاسلام ، بسيدي الحسن و سيدى الامام المهدى
,, مع اسماعيل و وردي بقوا برضو بحلفو و يقولو :
" و حياة لونِك إنتي و حياة السُمرة .. و حياة طُهر غرامِك إنتي القمرة .. و حياتِك .. و حياتي عِندك "
ثقافة الحب التانية فيما بعد بآزرعة - عثمان حسين
حِراك غنائي - اوركسترالي نامي لا اول له و لا آخر ..
" ذات الشامة يا ود عثمان "
و بنرجع نشوف علاقة اوكورديون ود الحاوي بموازير وردي !
Post: #1158 Title: Re: د / أحمد طراوة ___ فى ندوة عن تاريخ الغناء فى السودان . Author: محمد عثمان Date: 03-08-2008, 05:29 AM Parent: #1
Post: #1162 Title: Re: د / أحمد طراوة ___ فى ندوة عن تاريخ الغناء فى السودان . Author: محمد عثمان Date: 03-08-2008, 09:29 PM Parent: #1158
إنه صوتـي إنـا.. ابنه النور انا إنه صوتـي انـا.. زاده العلم سنا اوتــدري مـــن أنـــا ؟؟؟ أنـا أم اليـوم أسـبـاب الهـنـا أنـا مـن دنياكمـو أحلـى المنـا كل حب في الورى رجـع حنانـي كـل نبـع داافـق بالخيـر داانـي مـن يناابيـع يغذيـهـا كيـانـي أنا نصـف قد حـوي كـل المعاانـي من يدانينـي أنـا..؟؟ زادنى العلم سنا جنه الدنيا انا.. فنحقق كلنا ما نرجى من منا نحو سودان سعيد
يا شبـاب الغـد اسمعنـي جوابـا يقتنيه الجيـل فـي الدنيـا كتابـا
كل ما فات يرتجى قد سلمنا من الزلل فلنعد ولتعد بنا سنة الله فـي الأذل فلنعد و لتعد لنا فرحة العيد و الامل
سوف نرتقـي سلـم المجـد رقيـا ونفيـض العلـم ينبوعـا رويــا ثم ندعو لتلاقينا سويا فى مواكب النش وثاب قويا
Post: #1163 Title: Re: د / أحمد طراوة ___ فى ندوة عن تاريخ الغناء فى السودان . Author: انعام عبد الحفيظ Date: 03-08-2008, 09:36 PM Parent: #1159
Quote: أنا نصـف قد حـوي كـل المعاانـي من يدانينـي أنـا..؟؟ زادنى العلم سنا
كل سنة ونساء بلادي واعيات لدورهن أكثر وأكثر
كل سنة والعلم يغطي على مساحات الجهل في بلادي
بوست ممتع وغني وزاخر
عضوية جديدة فيهو ممكن تقبلوني؟
Post: #1168 Title: Re: د / أحمد طراوة ___ فى ندوة عن تاريخ الغناء فى السودان . Author: Osman Musa Date: 03-08-2008, 10:16 PM Parent: #1163
الأخت العزيزة انعام عبدالحفيظ سلام شديد .. نقبلك ؟ ده كلام ؟ نحنا يا انعام بنبحث عن اسمك حاره .. حاره كما بحث وردى + الدوش .. انعام البوست بوستك يا الف مرحب تحياتى
Post: #1160 Title: Re: د / أحمد طراوة ___ فى ندوة عن تاريخ الغناء فى السودان . Author: أحمد طراوه Date: 03-08-2008, 11:27 AM Parent: #1
8 مارس !
شكرا محمد عثمان علي كلام صديق مدثر ، غنا كابلي ( فتاة الغد )
.. ومن نعم المولى علي عباده أن يجعل بينهم هميما صالحا .. إن نسيوا ذكرهم ..
.. نقول للمرأة السودانية في يوم المرأة العالمي قول وردي :
" و خطاكِ الماشة دروب الصبر و شدة التحمل و آفاق المجد و جمال الروح و الفلاح .. و الهدب المُكحل و فتنة التوب الانيق "
المجد لكل من غنت و ترنمت في ارض السودان : من بت المكاوي .. مرورا بشريفة بت بلال ، مهلة ، العزو هات ، بت العقاب ، زهرة بت نجدي ، ميري خميس ، الجنة حمد ، صافيات ، فاطمة خميس ، الفلاتية ، ام بلينة السنوسي ، هادية طلسم ، عابدة الشيخ و رشا شيخ الدين
Post: #1161 Title: Re: د / أحمد طراوة ___ فى ندوة عن تاريخ الغناء فى السودان . Author: Osman Musa Date: 03-08-2008, 05:08 PM Parent: #1160
استاذ عبدالله الشقلينى يا سلام يطل علينا الشقلينى من الشبابيك التى لاياتى منها الا وجه الفرح .. لك الشكر الجزيل أخى العزيز
Post: #1167 Title: Re: د / أحمد طراوة ___ فى ندوة عن تاريخ الغناء فى السودان . Author: انعام عبد الحفيظ Date: 03-08-2008, 10:11 PM Parent: #1160
Quote: نقول للمرأة السودانية في يوم المرأة العالمي قول وردي :
" و خطاكِ الماشة دروب الصبر و شدة التحمل و آفاق المجد و جمال الروح و الفلاح .. و الهدب المُكحل و فتنة التوب الانيق "
المجد لكل من غنت و ترنمت في ارض السودان : من بت المكاوي .. مرورا بشريفة بت بلال ، مهلة ، العزو هات ، بت العقاب ، زهرة بت نجدي ، ميري خميس ، الجنة حمد ، صافيات ، فاطمة خميس ، الفلاتية ، ام بلينة السنوسي ، هادية طلسم ، عابدة الشيخ و رشا شيخ الدين
د. احمد طراوة
شكراً للمشاركة والتحية لهن نساء بلادي المبدعات
Post: #1164 Title: Re: د / أحمد طراوة ___ فى ندوة عن تاريخ الغناء فى السودان . Author: محمد عثمان Date: 03-08-2008, 10:03 PM Parent: #1
Quote: Quote:
Quote: أنا نصـف قد حـوي كـل المعاانـي من يدانينـي أنـا..؟؟ زادنى العلم سنا
كل سنة ونساء بلادي واعيات لدورهن أكثر وأكثر
كل سنة والعلم يغطي على مساحات الجهل في بلادي
بوست ممتع وغني وزاخر
عضوية جديدة فيهو ممكن تقبلوني؟
الف مرااحب انعااام...نوّر البوست بحضورك الجميل
يلا يا عثمان موسى و دكتور طرااوة...انعام طرفكم
Post: #1165 Title: Re: د / أحمد طراوة ___ فى ندوة عن تاريخ الغناء فى السودان . Author: أحمد طراوه Date: 03-08-2008, 10:06 PM Parent: #1
.. اسمعا يا ود حامد : سِكر ، سِكر فموقري
.. ( وكيف اخليك و انساك و اتخلى عنِك ) ..
زي النعام لمن يقول لحسناء قرية الشوايقة :
.. و الله طاريك يا ام درق و طاري العشيرة ..
( و محول لبوست ناسنا كلام عبيد بطريقة بادي .. قلبي بذكركم آهل .. و تاكد ما كذبتك شي وحياة حبك هو الحاصل .. غزال البِر يا راحل )
.. وردي موسق الاغنية النوبية بمقام خماسي راقص مع ضربات البراسات ( Brass ) الصاجات نوع النحاس الاصفر ماركة محمد منير و ناس دِراو ... و صوت بنات طلسم بديع في صدى السبعينات
.. و بنات حلفا بقومو لابسين الجرجار الاسود و بسو رقصة الطار .. الحردلو قديما سمى كل رقيص بنات السودان ب ( الحردفي ) .. و يا ريت ود شيقوق يكلمنا عن الحردفي الزي مشية ناقة الحردلو و ود الفراش في وهاد الشرق ..
.. و علي ايقاع التم تم الراقص : تلاقي وردي و محجوب شريف علي صدى هدير الجماهير و صعود حركتا الحاسم عند ابريل 1985 :
" بلا و إنجلا .. حمد لله الف علي السلامة .. إتهد كتف المقصلة "
.. سمِعنا يا ود عثمان .. يا معاوية تقدم .. نحو ذلك الافق .. من غرتهم الدنيا و قوة الباطل يرونه بعيدا و نراه قريبا ..
Post: #1166 Title: Re: د / أحمد طراوة ___ فى ندوة عن تاريخ الغناء فى السودان . Author: محمد عثمان Date: 03-08-2008, 10:08 PM Parent: #1
خااف من الله على قلبي من غراامك خاف زرعت الشوك على دربو وياااما في هوااكم شاااف قلبي
سنين وايام قضيت عمري في لوعة اناادي الليل واقول ياليل انا المظلوم عساااي دمعة دموعي تسيل وليلي طويل وعايش في مهب الريح برااي شمعة انااادي الليل واقول ياليل يااما في هواااكم شاف قلبي
خسااارة قلبي في حبك واخسارة علمتو يحبك ولما سااار في دربك رحت وسبت حبيبك ليه يا خسااارة املي واملك وا خسارة كنا بنبني الجنة ولما خلاااص قربنا رحت هدمت سعادتك ليه يا خسااارة دمعي ودمعك وا خسارة ياااما سهرنا ليااالي ياحليلك يا غالي ويااما في هواكم شاف قلبي
يااا قلبي انسى وعيش من تاااني وحداني ولو حنيت لعهد الشوق اجيب من وين عمر تاني كفى يا قلبي شفت الويل وليل السهد بكاني بعد ما تبت من النااار حرااام تتجدد احزاني يضمك ليل ويطويك ليل ونااار الويل ميهادة يا مظلوم وما ظالم حليلك والعمر فاني وياما في هواااكم شاف قلبي.....
Post: #1207 Title: Re: د / أحمد طراوة ___ فى ندوة عن تاريخ الغناء فى السودان . Author: نها محسن أبورأس Date: 03-12-2008, 07:46 AM Parent: #1166
أخي الرائع محمد عثمان ياسلااااااااااااااااام عليك والله ماعارفين ذاتو نقول شنو ونشكرك كيف يديك ألف عافية يارب
خاف من الله دي أنا بسميها قنبلة وردي في تاريخ الغناء وأي قنبلة.... تسلم إنشاءالله
Post: #1169 Title: Re: د / أحمد طراوة ___ فى ندوة عن تاريخ الغناء فى السودان . Author: Moawia Mohammed Date: 03-08-2008, 10:52 PM Parent: #1
أنا مجنونك - وردي كلمات : محجوب شريف
Post: #1170 Title: Re: د / أحمد طراوة ___ فى ندوة عن تاريخ الغناء فى السودان . Author: Moawia Mohammed Date: 03-08-2008, 10:56 PM Parent: #1
بلاء و انجلي - وردي كلمات : محجوب شريف
Post: #1171 Title: Re: د / أحمد طراوة ___ فى ندوة عن تاريخ الغناء فى السودان . Author: Moawia Mohammed Date: 03-08-2008, 10:58 PM Parent: #1
قسيم الريد - خضر بشير
Post: #1172 Title: Re: د / أحمد طراوة ___ فى ندوة عن تاريخ الغناء فى السودان . Author: Osman Musa Date: 03-09-2008, 04:13 AM Parent: #1171
استاذ محمد عثمان والأستاذ معاويه لو تكرمتم بوضع صور للفنان الموسيقار محمد وردى + الشاعر الكبير اسماعيل حسن واغانيهم للحفظ ... الأخ محمد عثمان انا ابحث عن تسجيل لى سنة 1978 شعر مع استاذى اسماعيل حسن مع المرحومه حوريه حاكم اتمنا أن تتحصل على التسجيل تحياتى وشكرى الجزيل
Post: #1173 Title: Re: د / أحمد طراوة ___ فى ندوة عن تاريخ الغناء فى السودان . Author: Moawia Mohammed Date: 03-09-2008, 08:43 AM Parent: #1
يا ظبية
نهديها لروح الراحل المقيم العملاق أحمد المصطفي أول من رصد عملاقنا العظيم و فنان أفريقيا الأول محمد عثمان وردي المدرس حينها بمدينة شندي.
التحية والانحناء للمعلمين المعلمين
Post: #1174 Title: Re: د / أحمد طراوة ___ فى ندوة عن تاريخ الغناء فى السودان . Author: Moawia Mohammed Date: 03-09-2008, 08:45 AM Parent: #1
من غير ميعاد - وردي
Post: #1175 Title: Re: د / أحمد طراوة ___ فى ندوة عن تاريخ الغناء فى السودان . Author: Moawia Mohammed Date: 03-09-2008, 09:03 AM Parent: #1
Miriam Makeba - Pata Pata
Post: #1176 Title: Re: د / أحمد طراوة ___ فى ندوة عن تاريخ الغناء فى السودان . Author: Moawia Mohammed Date: 03-09-2008, 09:20 AM Parent: #1
شاعرنا الراحل اسماعيل حسن
Post: #1177 Title: Re: د / أحمد طراوة ___ فى ندوة عن تاريخ الغناء فى السودان . Author: Moawia Mohammed Date: 03-09-2008, 09:34 AM Parent: #1
صورة نادرة لوردي مع الكابلي
Post: #1178 Title: Re: د / أحمد طراوة ___ فى ندوة عن تاريخ الغناء فى السودان . Author: أحمد طراوه Date: 03-09-2008, 11:09 AM Parent: #1
يا إنعام عبد الحفيظ ، ناس البوست بقولو ليك قول الطأئي :
الفرس ، و المُهر و البيت و ما حوى .. كلها لكِ يا طيبة ألاصلِ ..
في ساحات وردي لانزال
.. خاف !
و محمد عثمان بفتح علينا دوائر الوجد و الغناء الجميل .. فاين المفر
و مرسلات معاوية .. كلها و للحق بإتفاق مُسبق .. في مريم ماكيبا ( محبوبة الثوري الكريستالي الافريقي كابرال ) حنرصد قصة الجيتار في افريقيا ، و السودان ثم دخول الجيتار في غناء وردي
.. من دار لدار .. في ضلوعي النار ! ميلودي احمد المصطفي المُترع عاطفة و رقة .. ظبية الخمايل و الوديان ...
.. و يا مكاشفي : ها نحن نعود لسيرة خدر ود بشير ..
ليكم سلامي الخالص .. حتى نعود
Post: #1179 Title: Re: د / أحمد طراوة ___ فى ندوة عن تاريخ الغناء فى السودان . Author: Osman Musa Date: 03-09-2008, 04:33 PM Parent: #1178
بكم تمتد ندوة تاريخ الغناء ويمتد الحديث عن تجارب العملاق محمد وردى
Post: #1180 Title: Re: د / أحمد طراوة ___ فى ندوة عن تاريخ الغناء فى السودان . Author: أحمد طراوه Date: 03-09-2008, 06:55 PM Parent: #1
.. في 1957
الفاتح الطاهر .. الطليعي .. المنتبه و المُجدد ، دخل الجيتار الكهربائي و العادي Acoustic في الغناء السوداني
.. الارجح إنو ابراهيم عوض هو اول من تعامل مع الجيتار بشكل كامل في اغانيهو الاولى
... و الفاتح الطاهر اصلا كان صاحب ابراهيم عوض و قريب منو فنيا .. آزرو و آمن بيهو مبكرا
.. و في حفلة ابراهيم عوض اللي اعلنت بزوغ نجمو سنة 1955 في مسرح السينما الوطنية با م درمان الفاتح الطاهر كان بتحرك و سط جماهير مسرح السينما و بدفعم لتشجيع الشاب ابراهيم ، زي حركة الخزين و تمساح و فرج الله كاك و سط جماهير الهلال و المريخ
.. و لانو الرائد الكبير احمد المصطفي هو اللي جاب سنة 1955 الالات الحديثة للغناء السوداني :
- ساكسفون محمود عثمان - بيكلو موسى محمد ابراهيم - كلارنيت كامل ابراهيم
فالارجح ايضا انو احمد المصطفي كان عندو محاولات مبكرة للتعامل مع الجيتار
.. عاوزين نعرف كيف وصل الجيتار الكهربائي بتاع جوزيف شيلا الكينى و بتاع ماوندا جين بوسكو الزائيري الي الخرطوم و استقر في موسيقى الغناء السوداني
.. نعود الي تاريخ الجيتار في افريقيا .. نعود الي جيتار شرحبيل و علي نور الجليل و قصتم مع جيتار الطالب السوداني الجنوبي اميل عدلان سنة 1957 في جامعة الخرطوم ..
.. و نواصل نرصد الجيتار في غناء وردي : في اغنية الحبيب العائد .. لانو الليدز جيتار لم يكن لاداء الكوردات فقط كعادة الجيتار في الغناء .. بل كان آلة مستقلة لانتاج الميلوديا الموسيقية ..
يا ود عثمان : الحبيب العائد .. اول تجارب وردي مع الجيتار .. كلام صديق مدثر .. ثم الجيتار في كلام التجاني سعيد ( من غير ميعاد )
Post: #1181 Title: Re: د / أحمد طراوة ___ فى ندوة عن تاريخ الغناء فى السودان . Author: Osman Musa Date: 03-09-2008, 07:33 PM Parent: #1180
اها يا استاذ محمد عثمان بعد ما تضرب فول السليم بالشطه القبانيت والبنضورة والجرجير الما خمج .. باصر لينا وردى ده تحياتى وشكرى بلا حدود .. ياخ اجدع لينا انا وصاحبك معاويه ده كليقتين جرجير
Post: #1182 Title: Re: د / أحمد طراوة ___ فى ندوة عن تاريخ الغناء فى السودان . Author: أحمد طراوه Date: 03-09-2008, 08:24 PM Parent: #1
.. جميلة علي ايقاع العشرة بلدي الخفيف الراقص أغنية يا ظبية سارحة و ين ؟ !
و دايما و من بدري .. نوعو اثير و راقي ذلك الميلودي بتاع احمد المصطفى
و كمان درجة صوتو ذو النكهة السودانية المتدرج ما بين التنور و البارتون
.. احمد المصطفي مسك قوى في جُملة عبد المعين الموسيقية ، طورا ، و سع تراكيبا و سلما للاجيال الاحقة
سلما لناس الصورة التاريخية المُرسلا معاوية : و ردي و كابلي .. و برضو معاهم ود الامين .. ظواهر اول الستينات اللي انبثقت علي قاعدة التراكم الطويل و التجارب الواسعة العميقة لحركة الغناء السوداني
في 8 مارس .. بنهدي اغنية يا ظبية ل ( سناء )
.. سناء الشريفة المسكت في الحق و بقت جان دارك السودان .. سناء ضحية القمع الذكوري .. و الاستعلاء الجنسي
.. سناء الشاهد الحي علي إفلاس و نهاية قوى الظلام و صيغة المجتمع السوداني البطرياركي القائم علي فكرة الحاكم الرجل الفرد - الوهمي حامي الارض و العرض ..
.. تذكري يا سناء قول محجوب شريف على ايقاع التم تم الراقص :
" الشعب بأسرو اندلع .. حرر مساجينو و طلع .. قرر نهاية المهزلة .. بلا و إنجلا "
و بتقاسيم الغناء الجميل بتواصل نضال شعبنا .. نضال قوى التحول الديمقراطي .. و بتبقى قدامنا و صية الفقير لله خدر بشير :
" افضل الامال .. بتضيع مع الإهمال "
.. اسمعو قسيم الريد يا جماعة .. وقصة الزوزو رمز الالف !!
Post: #1185 Title: Re: د / أحمد طراوة ___ فى ندوة عن تاريخ الغناء فى السودان . Author: محمد عثمان Date: 03-10-2008, 09:31 AM Parent: #1182
عاد الحبيب فعادت روحى وعاد شبابى ياشوق مالك ؟ دعنى أما كفاك عذابى؟ لقد شربت دموعى اما سئمت شرابى؟
Post: #1183 Title: Re: د / أحمد طراوة ___ فى ندوة عن تاريخ الغناء فى السودان . Author: محمد عثمان Date: 03-09-2008, 09:08 PM Parent: #1
Quote: يا ود عثمان : الحبيب العائد .. اول تجارب وردي مع الجيتار .. كلام صديق مدثر .
Post: #1184 Title: Re: د / أحمد طراوة ___ فى ندوة عن تاريخ الغناء فى السودان . Author: محمد عثمان Date: 03-09-2008, 09:14 PM Parent: #1
الحبيب العائد _________
عاد الحبيب فعادت روحى وعاد شبابى ياشوق مالك ؟ دعنى أما كفاك عذابى؟ لقد شربت دموعى اما سئمت شرابى؟ ***** عاد الحبيب فعادت إلىَّ أحلى الليالى ذكراه يقدح ناراً ووجده فى إشتعال رويته بدموعى وصنته بخلالى وماظفرت بوصل ولاانا عنه لاهى ***** عاد الحبيب فأهدى لكل قلب سلام أهدى العيون بريقاً أهدى الثغور إبتساما فكيف ينسى فؤاداً أهدى إليه الغرام وكيف ينسى محباً أمسى يذوب هياماً ***** زدنى صدوداً فإنى عشقت دنيا عذابى وأرحم سواى فقلبى راهب المحراب إن زادك الحسن تيهاً فاسأل طيور الروابى سلها تجبك بأنى بثثتها كل مابى قد صاغت الوجد لحناً ووقعته ببابى
Post: #1186 Title: Re: د / أحمد طراوة ___ فى ندوة عن تاريخ الغناء فى السودان . Author: أحمد طراوه Date: 03-10-2008, 11:40 AM Parent: #1
مريم ماكيبا !
.. مثلها ك وردي .. حِراك سياسي - غنائي شايل هموم الامة و الجماهير ..
" من قلب افريقيا اللتي دكت حصون المعتدي "
ما كيبا .. عناق طبول البانتو و قبائل الزولو مع آلة الجيتار !
.. و الطفلة ام فستانا اصفر ( بالله شوفوها ) كيف بتسوى الحردفي الافريقي ..
بنسجل عميق التقدير و العرفان لحملة رسالة الجيتار في ساحة فن الغناء السوداني :
- علي نور الجليل - شرحبيل احمد - الفاتح الطاهر - صلاح براون - عمر قيلي - عاصم زين - بكري مصطفى - الفاتح حسين - عثمان النو - نادر السوداني ,. و كل من غاب اسمه سهوا و قصورا اصابنا ..
.. و عارفك يا ود عثمان إنك راصد قانون مصطفى كامل ، و فلوت موسى محمد ابراهيم في موازير احمد المصطفى .. ظبية الوديان
" احمد المصطفى .. نقطة إرتكاز اصيلة في مسار الجملة الموسيقية السودانية .. "
Post: #1187 Title: Re: د / أحمد طراوة ___ فى ندوة عن تاريخ الغناء فى السودان . Author: Osman Musa Date: 03-10-2008, 10:19 PM Parent: #1186
ننتظر مشاركات الاستاذ حمد اسماعيل له التحيه
Post: #1188 Title: Re: د / أحمد طراوة ___ فى ندوة عن تاريخ الغناء فى السودان . Author: محمد عثمان Date: 03-10-2008, 11:52 PM Parent: #1
لو بهمسة...
Post: #1189 Title: Re: د / أحمد طراوة ___ فى ندوة عن تاريخ الغناء فى السودان . Author: محمد عثمان Date: 03-10-2008, 11:57 PM Parent: #1188
Post: #1190 Title: Re: د / أحمد طراوة ___ فى ندوة عن تاريخ الغناء فى السودان . Author: محمد عثمان Date: 03-11-2008, 00:11 AM Parent: #1
لو بهمسه
آه لو بهمسة لو ببسمة قول احبك لو بنظرة نظرة حتى عابرة قول احبك لو بتحلم في منامك قول احبك لو ترسل لي سلامك قول احبك يا حبيبي آه يا حبيبي
كل كلمة من شفايفك أحلى غنوة كل نظرة من عيونك فيها سلوى كل نسمة من ديارك فيها نجوى وكل همسة يا حبيبي عندي حلوة يا حبيبي آه يا حبيبي
يا حبيبي عمري كلو اهديتو لحبك يا حبيبي انت عارف والغرام يشهدلو ربك يا بدوري في الظلام والظلام يحجبلي دربك آه .. ناري بعدك والحنان والجنة قربك يا حبيبي والزهور الحلوة تتفتح في قلبك انت عارف أنا يا روحي بحبك
خوفي منك خوفي تنساني وتنسى الليالي يا حبيبي انا خايف ياما بعدك انسى حالي آه .. أبقى تايه والغرام يصبح حكاية والأماني الحلوة دي الكانت بداية أبقى اشواق تفضل ليكي في النهاية آه يا حبيبي
Post: #1191 Title: Re: د / أحمد طراوة ___ فى ندوة عن تاريخ الغناء فى السودان . Author: انعام عبد الحفيظ Date: 03-11-2008, 00:22 AM Parent: #1190
Quote: خوفي منك خوفي تنساني وتنسى الليالي يا حبيبي انا خايف ياما بعدك انسى حالي آه .. أبقى تايه والغرام يصبح حكاية والأماني الحلوة دي الكانت بداية
محمد عثمان
ياخي تسلم كتيييييييير
من أجمل ما قرأت وسمعت
Post: #1194 Title: Re: د / أحمد طراوة ___ فى ندوة عن تاريخ الغناء فى السودان . Author: محمد عثمان Date: 03-11-2008, 07:20 PM Parent: #1191
Quote: محمد عثمان
ياخي تسلم كتيييييييير
من أجمل ما قرأت وسمعت
شكرا انعاام
خليك قريبة....
Post: #1192 Title: Re: د / أحمد طراوة ___ فى ندوة عن تاريخ الغناء فى السودان . Author: أحمد طراوه Date: 03-11-2008, 01:29 AM Parent: #1
.. شي لله يا الحسن البِصري .. صُهيب الروم زنون المصري
و هكذا ، بدخل وردي حقبة الستينات سايق معاهو حركة الإستماع و الذوق السوداني العام الجديد .. الي أفاق غير محدودة
و الي دروب من النشوة الروحية الصريحة .. فقد كان ابداع و عطاء صنف الرطاني وردي ضمن اولياء السودان الصالحين
لو بهمسة :
سجال العود ( المِزهر ) و البيانو في المقدمة الموسيقية !
.. و صوت وردي ( التنور ) الفريد .. المغاير تماما لتنور عبد الحليم حافظ و محمد عبدو السعودي
" تنور السودان .. الكلو نور في نور ، ذو الخصوصية التاريخية لتلاقح الاعراق "
و برجع العود تاني بعد المقدمة الموسيقية يقدم نفسو كقائد هُمام لمجمل الاوركسترالية الغنائية !
.. عود وردى يا هو ذاتو عود اسمعيل عبد المعين ، و يا هو ذاتو عود خليل فرح اللي تسودن و تدوزن خماسيا بعد خروجو من الصوالين الضيقة الي ساحات السودان العامرة آن تلك الثلاثينات بحركة و موازير ايقاع التم تم ماركة بت العقاب ، و فاطمة خميس و فضل المولي زنقار ..
و اصل يا ود عثمان .. اسقنا خمور الاندرينا ماركة وردي .. اسقنا من خمور بلبل ( نادل ) خليل فرح في بار أمين شناكا الشهير !!
نسكر نغيب .. و كمان نضيع ! و نقول لعصافير اسحق الحلنقي :
" انا يا عصافير حسرتي .. فُرقة بلادي .. و خوتي ! "
جيبا يا ود عثمان .. و خلي الدموع يرتاحو من الناس و ينزلوا ..
Post: #1193 Title: Re: د / أحمد طراوة ___ فى ندوة عن تاريخ الغناء فى السودان . Author: Osman Musa Date: 03-11-2008, 03:17 AM Parent: #1192
محمد عثمان وردى فنان عموم افريقيا والشرق الاوسط له التحيه ... الأخ الباش مهندس بكرى ابوبكر ارجو التكرم برفع بوست ندوة تاريخ الغناء فى السودان . تحياتى
Post: #1197 Title: Re: د / أحمد طراوة ___ فى ندوة عن تاريخ الغناء فى السودان . Author: Moawia Mohammed Date: 03-11-2008, 08:31 PM Parent: #1
سيد العيون - صلاح براون
Post: #1198 Title: Re: د / أحمد طراوة ___ فى ندوة عن تاريخ الغناء فى السودان . Author: Moawia Mohammed Date: 03-11-2008, 08:44 PM Parent: #1
مقطوعة دوبيت الجيتار - د. الفاتح حسين تنفيذ - فرقة السمندل الموسيقية
Post: #1201 Title: Re: د / أحمد طراوة ___ فى ندوة عن تاريخ الغناء فى السودان . Author: Osman Musa Date: 03-11-2008, 09:15 PM Parent: #1198
أخ أحمد طراوة ليتك تتحدث عن تجارب الأستاذ محمد وردى مع كل الشعراء . كل تجارب وردى .. الف شكر
Post: #1293 Title: Re: د / أحمد طراوة ___ فى ندوة عن تاريخ الغناء فى السودان . Author: Osman Musa Date: 03-24-2008, 01:14 PM Parent: #1198
__
Post: #1300 Title: Re: د / أحمد طراوة ___ فى ندوة عن تاريخ الغناء فى السودان . Author: Osman Musa Date: 03-25-2008, 04:29 PM Parent: #1198
___
Post: #1202 Title: Re: د / أحمد طراوة ___ فى ندوة عن تاريخ الغناء فى السودان . Author: محمد عثمان Date: 03-11-2008, 09:18 PM Parent: #1
هجرة عصافير الخريف كلمات أسحق الحلنقي
هـجرة عـصافير الـخريف فـى مـوسم الـشوق الحلو هـيج رحـيلا مـع الـغروب احـساس غـلبنى اتـحملو وكتمت اشواق الحنـيـن داير الدموع يتـقـلـو ورجعـت خليت الـدموع يـنسابو ..مـنى ويـنزلو ليـه يا عصافيـر الخريف خضرة مـشاعـرى اشيلا صيف ... تـحت الـغمام شـايف مـواكب الـهجرة اتـلاشت سراع ليه يـا عـصافير ليه الاسف مين علمك أسف الوداع وعارف دا ما اول سفر لبلاد بـعيدة بـدون مـتاع زى ما بتخافي مـن الرياح بنخاف كمان انحن الضياع ليه يا عصافير ليه الضنى صفقة جناحك احزنها .... غـايـب الـسنين الـليله مالو غنا العصافير غـلبو طراهو زولا كان ولوف كم رضا خاطرو وطيبو سمع قليبو كـلام حـنين هـدهد مـشاعرو ودوبـو الـناس سعيدم فى الـحياة لا ضاق فراق لا جربو وانا حالى فى بعد الوطن دفـعنى ضي العين تمن
Post: #1203 Title: Re: د / أحمد طراوة ___ فى ندوة عن تاريخ الغناء فى السودان . Author: محمد عثمان Date: 03-11-2008, 09:20 PM Parent: #1
Post: #1211 Title: Re: د / أحمد طراوة ___ فى ندوة عن تاريخ الغناء فى السودان . Author: محمد عثمان Date: 03-12-2008, 09:16 PM Parent: #1203
Post: #1204 Title: Re: د / أحمد طراوة ___ فى ندوة عن تاريخ الغناء فى السودان . Author: أحمد طراوه Date: 03-11-2008, 11:05 PM Parent: #1
.. من صفحة لصفحة .. من شجن لشجن .. من غناء الي غناء ..
و ما تنفك مواكب الاستماع الراقي تتحرك بتأثير الرطاني الصالح الذي غزا ديار المستعربة جنوبا .. مع وردي :
" بنساهر الليل .. نشق التية .. نجر النم مع الحردلو في الدوباي ! "
جيبا يا ود عثمان .. و أسفاي !
.. شكرا يا معاوية .. صلاح براون مرة واحدة .. ليالي صالة الكريزي هورس في منتجع المقرن .. ابداعات عامر ساكس و خرطوم تلك الستينات و مطلع السبيعنات ..
الجيتار .. و سيرة الهارد روك في السودان ! بالله يا معاوية أنقل مقطوعة الفاتح حسين للصفحة الجديدة ..
شكرا يا فاتح حسين يا فاهم يا دارس .. زورنا بالله في هذا البوست .. بنضبح ليك الزمزم :
إذ انك و بمنهج العلم تطلع بنا طربا و نشوة الي سفوح الاماتنوج .. ثم تدلقنا ماء سلسبيلا في نوازل كلمنجارو .. ثم تغرسنا شتلة محبة و أمل و قوى نضال علي تربة شواطي النيل الممتد من نمولي الي حلفا
.. اسمعوا عصافير الخريف .. وشوفوا روعة الصوت التنور !
ال Tenour .. هبة الله لوردي و شرحبيل !
Post: #1205 Title: Re: د / أحمد طراوة ___ فى ندوة عن تاريخ الغناء فى السودان . Author: Osman Musa Date: 03-11-2008, 11:30 PM Parent: #1204
نتابع وردى من صوارده الى الخرطوم
Post: #1208 Title: Re: د / أحمد طراوة ___ فى ندوة عن تاريخ الغناء فى السودان . Author: نها محسن أبورأس Date: 03-12-2008, 07:52 AM Parent: #1205
أخي الفاضل د.أحمد طراوة وجميع المتداخلين الرائعين بالفعل هو توثيق كامل لأعمال الهرم الفني الكبير محمد وردي وأنا من رأي الأخت إنعام في المواصلة في الشعراء الاتعامل معاهم وردي... وبما إني مهووسة بغناء الحقيبة ومهووسة بوردي... فياريت تحكي لينا عن الشعراء الغني ليهم وردي خلاف الرائع أبوصلاح في أغنية قسم بمحيك البدري هل وردي غني لشعراء اخرين؟؟؟ مودتي وتقديري للجميع
Post: #1209 Title: Re: د / أحمد طراوة ___ فى ندوة عن تاريخ الغناء فى السودان . Author: أحمد طراوه Date: 03-12-2008, 08:58 PM Parent: #1
.. نها ابوراس :
براك و بإختيارك بقيتي أسير في جُب مسجون !
.. أسيرة قوافي ابو صلاح و صورو الشعرية اللي ما أنزل الله بها من سلطان ..
.. ناس زي ابو صلاح ، و محمد عثمان وردي عندهم خطوط إتصال شِعري و موسيقي ، مفتوحة علي مدار 24 ساعة مع وادي عبقر السوداني !
Post: #1210 Title: Re: د / أحمد طراوة ___ فى ندوة عن تاريخ الغناء فى السودان . Author: محمد عثمان Date: 03-12-2008, 09:12 PM Parent: #1
Quote: جيبا يا ود عثمان .. و أسفاي !
Post: #1212 Title: Re: د / أحمد طراوة ___ فى ندوة عن تاريخ الغناء فى السودان . Author: محمد عثمان Date: 03-12-2008, 09:40 PM Parent: #1210
اسمااعيل حسن
وا أسفاي .. وحاتكم انتو وا أسفاي إرادة المولى رادتني وبقيت غناي أسوي شنو مع المكتوب أسوي شنو؟ براهو الواهب العطاي منو .. منو البدور يساهر الليل ويسافر فوق جناح الشوق يكوس نجماً بعيد ضواي منو .. إذا وصفولو أرض الحور تلاقي قوافلو طول الليل تشق التيه تجر النم مع الحردلو في الدوباي وا أسفاي ببيع الدنيا كل الدنيا وا أسفاي عشان خاطر عيون حلوين وا أسفاي منابع الطيبة متجاورين وا أسفاي ومتسامحين في السمحين واسافر فوق صُبي العين معاك سلامة يادنياي
بتمدد وبتوسد وسادة شوق وبنوم مرتاح وخالي البال واقالب تاني عهد صباي عشان ما تبكي ببكي أنا واحاكي الطرفة في نص الخريف بكاي حمولي تهد جبال الشيل وفايت في العتامِ الليل ومتوكل عليك يا الله دافر الليل بِريق البسمة إن لاح لي بتتفتح مشاتل الريد واحسك جوا .. زغرد فيها صوت الناي وا أسفاي وحاتكم انتو وا أسفاي أسفاي إذا ماشفت ناس سمحين يتاتو .. زي قدلة جنا الوزين يتاتو تلاقي قليبي يرمح جاي لما يتاتو زي قدلة جنا الوزين يتاتو حليل الكان بهدي الغير صبر محتار يكوس هداي من ناس ديلا وا أسفاي من زي ديلا وا أسفاي إرادة المولي رادتني وبقيت غناي..
ــــــــــــــــــ
Post: #1215 Title: Re: د / أحمد طراوة ___ فى ندوة عن تاريخ الغناء فى السودان . Author: محمد عثمان Date: 03-13-2008, 09:27 AM Parent: #1210
Post: #1213 Title: Re: د / أحمد طراوة ___ فى ندوة عن تاريخ الغناء فى السودان . Author: أحمد طراوه Date: 03-12-2008, 10:39 PM Parent: #1
.. يا ود عثمان :
خصاك رب العباد با ريحية السلطان سليمان سولونج جد الفور .. هِمة هدهد سيدنا سليمان ، فطنة إياس .. و ديناميك جون ود قرنق ..
.. في أسفاي بنشوف منولوج اسمعيل ود حد الزين مع نفسو الملتأعة عشقا و هوى و حسرة .. بنشوف جيتار وردي .. جيتار الخرطوم المُوطن خماسيا ..
- ظهر الجيتار في اروبا في القرن الثالث عشر .. و الجيتار ماهو قديم قِدم اللير و المندولين
- البرتغاليين جماعة ( فاسكو دي جاما ) .. راكبين البحر الواسع و ماشين وراء تدوير راس المال الاروبي و فتح الاسواق الجديدة ، جابو الجيتار للساحل الغربي الافريقي في 1400 م
- في كيب تاوند ، في وهاد الزولو ظهر جيتار الرامكي ابو 3 و 4 اوتار سنة 1730 .. علاقة الجيتار بطبول الزولو قديمة .. حماسة و حرارة مريم ماكيبا جاية من هنا و ظاهر التلاقح دا في غناها بتاع السول ميوزيك الوطني - الافريقي the African Soul Music
- السول ميوزيك بتاع جيمس براون ، ديانا روز ، و مارفن قاي جذورو موجودة في الواقع الافريقي القديم .. و السول تدرج عبر تجارب البلوز و الجاز فيما بعد البلوز الامريكي
- التجار الهنود و العرب جابو الآلات الوترية للساحل الشرقي لافريقيا و مدغشقر سنة 1800
- تطور الجيتار و صار ب 6 اوتار علي يد الاسباني : انطونيو توري جيرادو في 1840 .. الجيتار الاسباني دا دخلوه البرازيلين و الكوبيين لغرب افريقيا و المعروف بجيتار ال Capotasto
- الاوربيين ما كانو مهتمين بالجيتار في مزيكتم و غناهم .. اهتمامهم كان بالاورقن و البيانو .. الي ان جاءت ثورة اندريا سيقوفيا الموسيقية اللي صار فيها الجيتار آلة اساسية في الاوركسترالية الاروبية
- في 1940 جوزيف شيلا الكيني كان بستخدم جيتار (هاواي) .. بعد 1956 صار شيلا و معاهو ماوندا بوسكو الزائيري بستخدمو الجيتار الكهربائي
- فرضية الموسيقي عازف الجيتار علي نور الجليل هي الاقرب للصواب : إنو الجيتار دخل في الغناء السوداني قادما من الجنوب ( جنوبي الهوى ! )
.. لكن ليه شرحبيل ، و علي نور الجليل خلو البوب ميوزك ، و البانك ، و الجاز الكلاسيكي بتاع لويس آر مسترونغ ، و الجاز الخفيف بتاع جورج بنسون ، و البلوز بتاع وليم كرستوفر هارفي ، و الفانك بتاع جيمي هندركس شيطان الجيتار
" .. و مسكوا تب في الهارد روك بتاع هنري بلافونت الامريكي الاسود !؟ "
" مجاهدات شرحبيل و علي نور الجليل في توطين الهارد روك و تشييد صروحو سودانيا علي قاعدة ايقاع التم تم و إشتقاقات الدلوكة لهي بالحق مأثرة فنية جديرة بالدراسة و التأمل .. !
و أنفتح الباب لكمال كيلا , و عبد الله دينق اللي لفت الانتباه في مزيج الروك - البوب السوداني البقول :
قم ارح يا جميل .. نمشى شاطي النيل حبيبي برقص جاز .. خلى نومي خزاز
.. ذلك الهورس دانس اللي كان بسوهو لابسي الشارلستون في مدن السودان آناء السبعينات "
و تاني بنرصد الجيتار ( الجيتار الختاهو معاوية لوقو و شعار ) في كلام الدوش .. موازير وردي :
" بنااااااااااااااااااااديها ! " يا ود عثمان
Post: #1214 Title: Re: د / أحمد طراوة ___ فى ندوة عن تاريخ الغناء فى السودان . Author: Osman Musa Date: 03-13-2008, 04:13 AM Parent: #1213
وا أسفاى ... هذا ما لا يصدقه القلب من أغنيات اكاليل اكاليل موسيقى لها جدائل لها طعم لها لون أسفاى كنز من الكنوز النفيسة فى عالم الغناء لك التحيه استاذ وردى
Post: #1216 Title: Re: د / أحمد طراوة ___ فى ندوة عن تاريخ الغناء فى السودان . Author: محمد عثمان Date: 03-13-2008, 09:30 AM Parent: #1
Quote: و تاني بنرصد الجيتار ( الجيتار الختاهو معاوية لوقو و شعار ) في كلام الدوش .. موازير وردي :
" بنااااااااااااااااااااديها ! " يا ود عثمان
Post: #1217 Title: Re: د / أحمد طراوة ___ فى ندوة عن تاريخ الغناء فى السودان . Author: Osman Musa Date: 03-13-2008, 02:21 PM Parent: #1216
بحلف يا محمد عثمان وبحلف انو الجيتار ده بناديها . وردى تعمد أن يناديها بالجيتار . عشان عيون الدوش . والدوش عليه الرحمة قال بناديها. اظل اناديها وانا ادرى انها بعد زمان سوف تاتى . سوف تخرج من نومها سوف ترقص على حواف النيل سوف تنزع ( الكتاف ) اظل اناديها حتى يخرج أبناؤها الصلاح .. تلك هى الأغانى نعم تلك هى التى تشبع الجياع .. وردى الله يديك العافيه ...
Post: #1218 Title: Re: د / أحمد طراوة ___ فى ندوة عن تاريخ الغناء فى السودان . Author: محمد عثمان Date: 03-13-2008, 08:24 PM Parent: #1216
عمر الطيب الدوش
بناديها وبعْزِم كُلّ زول يرتاح على ضحكَة عيون فيهَا وأحْلم اني في أكوان بتْرحَل من مراسيها عصافير نبّتَت جِنْحات وطارت للغيوم بيهَا مسافرِ من فرح لس شوق ونازِل في حنان ليهاَ أغنّي مع مراكب جات وراها بلاد حتمْشيهَا واحزَن لي سُفُن جايات وما بْتلقَى البِلاقيه بنادِيــــــهَا ولمّا تغيب عن الميعاد بفتِّش ليهَا في التاريخ واسأل عنَّها الاجداد واسأل عنّها المستقبل اللسّع سنينو بُعاد بفتِّش ليها في اللوحات مَحَل الخاطر الما عاد في شهقَة لون وتكيَة خط وفي أحزان عيون الناس وفي الضُّل الوقَف ما زاد بناديــــــهَـا والاقيـــــهَــا واحِس بالُلقيا زي أحلام حتصْدِق يوم والاقيــــــهَــا واحْلًم في ليالي الصيف بَسَاهر الليل واحجِّيـــهَــا ادوبي ليهَا ماضيهَا واطنْبِر ليها جاييــهَا وارسِّل ليها غنوَة شوق واقيف مرات واْلُوليهَا بنادِيـــــــــهَــا وبناديــــــــهــا وبناديـــــهــا
Post: #1231 Title: Re: د / أحمد طراوة ___ فى ندوة عن تاريخ الغناء فى السودان . Author: محمد عثمان Date: 03-15-2008, 05:29 AM Parent: #1216
Post: #1222 Title: Re: د / أحمد طراوة ___ فى ندوة عن تاريخ الغناء فى السودان . Author: Moawia Mohammed Date: 03-13-2008, 11:52 PM Parent: #1
يا حلو كلمات و الحان و أداء الفنان عبد الله دينق
Post: #1223 Title: Re: د / أحمد طراوة ___ فى ندوة عن تاريخ الغناء فى السودان . Author: نها محسن أبورأس Date: 03-14-2008, 06:53 AM Parent: #1
د.أحمد طراوة كيفنك فعلا لقد أصبحت أسيرة إبداعات الحقيبة وبالأخص الرائع أبوصلاح وبحاول بقدر الإمكان أعرف الكتير عن تلك الفترة... شكرا ليك كتير علي الشرح الدقيق... والصراحة فتشت علي اغنية زهرة الروضة نور في فصل الربيع ومالقيتها بصوت عاصم البنا فأنا بحول الطلب للأخوان محمد عثمان والاستاذ معاوية انهم ينزلو لينا الاغنية لو أمكن وشكرا ليكم كتير وراجع ليكم تاني
Post: #1224 Title: Re: د / أحمد طراوة ___ فى ندوة عن تاريخ الغناء فى السودان . Author: أحمد طراوه Date: 03-14-2008, 09:57 AM Parent: #1
.. خبر فني عاجل يا جماعة :
في بوست رفيق دربنا ( احمد القرشي عبد الرحمن ) .. في زول من جماعة أيادى الخيرِ ، جماعة لله عباد أختصهم بالفائِدة و قضاء الحوائج
.. رسل تسجيل لاول اغنية كاملة في تاريخ أمة السودان :
اول أغنية عندها ليرك و ميلودي .. عندها مدخل و عصاية و نهاية
ببكي و انوح و اصيّح للشوفتن بتريح
كلام العبادى .. لحن و غناء سرور في 1921
بالله اسمعوها .. بل نحنا حنستلفا من صاحبا و اخونا احمد القرشي بطريقة نآذر : معفية لله و الرسول ..
القصد :
إنو أصلا بوست تاريخ الغنا بتاعنا فكرتو الاساسية هي محاولة فهم كيف الغنا السوداني انتقل من تلك الاغنية ( الجنين / الشرنقة ) ..
.. و بقي زي الغنا في بناديها و الفراش الحائر و وحياة ابتسامتك يا حبيبي .. وعن حبيبتي انا بحكي ليكم !؟
كان واسطة العقد ! .. حفظ و صان كل تاريخ الميلودي فيما قبل الكاشف و عثمان حسين .. بل اضاف زخم فريد و جديد لحركة الميلودي و الجملة الموسيقية ..
.. و تحديدا مستند علي ايقاع الرمبا الخفيف الراقص ، كان احمد المصطفي بصنع في موازير جديدة ، و بغير في الغنا و بقربو لقلب المستمع السوداني و برسخوا في العقول ..
.. عبر جسر احمد المصطفي بركات و حسن عطية ، وردي شال و ورث جملة عبد المعين ، و سرور ، و كرومة الموسيقية !
بالله اسمعوا في سكون الليل !
Post: #1225 Title: Re: د / أحمد طراوة ___ فى ندوة عن تاريخ الغناء فى السودان . Author: Moawia Mohammed Date: 03-14-2008, 12:22 PM Parent: #1
البياح رائعة اسماعيل عبد المعين بصوت الفنان النور الجيلاني
Post: #1226 Title: Re: د / أحمد طراوة ___ فى ندوة عن تاريخ الغناء فى السودان . Author: Osman Musa Date: 03-14-2008, 03:24 PM Parent: #1225
استاذ محمد عثمان سلام شديد عارف يا محمد وكتين اسمع بناديها دى . كانى خارج من السجن ، الى الحدائق . يا محمد كدى ارخى اضانك للجيتار ده وردى فنان جميل . فى عيد ميلاد احد بنات وردى فى ما بعد منتصف السبعينات غنى وردى اغنية يا طير يا طاير بشكل جديد قلت لوردى دى اغانى لها عطر . قديمه جميله لا تذبل . عافى منك ياوردى والله يديك العافيه اها ارجع ليك يا محمد كدى ارخى اضانك تانى شوف الجيتار ده .. الله اكبر
Post: #1227 Title: Re: د / أحمد طراوة ___ فى ندوة عن تاريخ الغناء فى السودان . Author: Moawia Mohammed Date: 03-14-2008, 11:06 PM Parent: #1
Quote: ببكي وأنوح وأصيح ... كلمات إبراهيم العبادي .. تلحين الحاج محمد احمد سرور من أوائل الأغاني التي حارب بها سرور الطنابرة وردت في برنامج الأستاذ /إبراهيم دقش 29 يناير 1967م في برنامج تلفزيوني على الهواء مباشرةً في ذكرى عبد الكريم عبد الله مختار كرومة بأداء الأستاذ/ إبراهيم الكاشف وقام بإستخراج الصوت للإذاعة الأستاذ/ علي حسب الدائم وإستصدار أمر التسجيل من مراقب الإذاعة بواسطة الأستاذ/ ذو النون بشرى .. وتمت إذاعة هذه الأغنية في حلقة حقيبة الفن يوم الجمعة 07/03/2008م تقديم الأستاذ/ عوض بابكر
جزء من مداخلة الرائع دوما أخونا هيثم لبيب الذي أتي بهذا التسجيل النادر لأغنية ببكي و أنوح و أصيح في البوست الخرافي لعزيزنا د. أحمد القرشي " الحزن في الأغنية السودانية ". نستأذنهما لنزين برونقها هذه الدار الوريفة
مع الشكر و الامتنان
Post: #1228 Title: Re: د / أحمد طراوة ___ فى ندوة عن تاريخ الغناء فى السودان . Author: ناذر محمد الخليفة Date: 03-14-2008, 11:22 PM Parent: #1
زي ما قلت ليك يا عثمان موسى ..
شوف لينا طريقة لي توثيق البوست دا عشان يستفيدو منو عشرين تلاتين جيل لي قدام ، حتى ولو إقتضت الظروف طبع كتاب يوزع معاهو سي دي يحتوي على الاغاني الواردة في البوست وبي الترتيب بتاعا ..!
لانو بعد مرور فترة التحميل المحدودة حا يكون البوست كلام (ويthاوت) أي أغنية ، ودا ممكن يقلل من تأثير المادة المكتوبة ،،!
شوف لينا أصحابك الامريكان يا عثمان عشان ينقذونا من ورطة التوثيق دي !
دا لو حصل حا يكون أعظم سفر متكامل لي تاريخ الاغنيبة السودانية ...
شوفو لينا حلل يا أخوانا ...!!!!
Post: #1229 Title: Re: د / أحمد طراوة ___ فى ندوة عن تاريخ الغناء فى السودان . Author: أحمد طراوه Date: 03-14-2008, 11:25 PM Parent: #1
.. و كان ناس ود القرشي ودوك يا معاوية لمحكمة المصنفات الفنية ... بنوصي ناس نآذر و ود عثمان يتورو ليك محامي
.. محامي يقيف قدامي .. و يدافع عن كلامي
.. غناء بنات السودان الوسع و أغنى مجمل دوائر و حركة الميلودي ..
وقول ليهم في المحكمة قول عتيق لحن كرومة :
" لي في الحب مسائل يا قاضي الغرام ! "
شكرا يا مِقدام .. بوستنا إزدان بفكرة الشراكة الذكية مع ناس ود القرشي و نآذر
.. و عاوزين يا ود عثمان نشوف ايش حصل في المسافة ما بين :
يضرب سرور مزيكا في قصيدة العبادي القديمة تلك .. و ما بين الاوتار و العود الشايلم وردي في ايدو شان خاطر البنت نور العين .. في قصيدة اسماعيل حسن
Post: #1230 Title: Re: د / أحمد طراوة ___ فى ندوة عن تاريخ الغناء فى السودان . Author: Osman Musa Date: 03-15-2008, 03:40 AM Parent: #1229
حباب المك ناذر الخليفة سلام شديد اسمع يا ناذر بناديها دى ... بناديها طلعت فى منتصف السبعينات من الأغانى الكاربة .. واحد بتاع مقاولات جنو اسمنت . قال اغانى وردى زى اسمنت عطبرة . فى مواصفات المتانه ... اها يا أخ ناذر صاحبك د/ أحمد طراوة سوف يحكى عن كل تجارب الملك وردى مع كل الشعراء وعن كل الغناء الوطنى الف شكر أخ ناذر تحياتى
Post: #1232 Title: Re: د / أحمد طراوة ___ فى ندوة عن تاريخ الغناء فى السودان . Author: محمد عثمان Date: 03-15-2008, 07:00 AM Parent: #1
Quote: .. و عاوزين يا ود عثمان نشوف ايش حصل في المسافة ما بين :
يضرب سرور مزيكا في قصيدة العبادي القديمة تلك .. و ما بين الاوتار و العود الشايلم وردي في ايدو شان خاطر البنت نور العين .. في قصيدة اسماعيل حسن
و بالعود كماان...
Post: #1233 Title: Re: د / أحمد طراوة ___ فى ندوة عن تاريخ الغناء فى السودان . Author: Osman Musa Date: 03-15-2008, 04:58 PM Parent: #1232
نور العين نور العين طلعت خرجت من السودان للعالم الفسيح نور العين ياوردى ماحقتك براك . نور العين حقت العالم تغنى بها الحبش فى واشنطن DC والجامايكا فى جزر الكاريبى نور العين الأغنية التى ترد الروح فى ساعات العمل الطوال نور العين رددها العالم فنانى الصومال المشردين فى منسوتا تغنى بها الحضارمه بين سواحل عدن وممبسا . وحفل عدن يشهد ياوردى واستاد اديس ابابا الهايج والمايج نور العين على كل قطارات دبلن وشانون , وفى مطاعم ابردين . وشارع أبوذر الغفارى فى المدينه المنورة نور العين الله يانور العين . لك التحية استاذ وردى
Post: #1235 Title: Re: د / أحمد طراوة ___ فى ندوة عن تاريخ الغناء فى السودان . Author: Osman Musa Date: 03-15-2008, 07:47 PM Parent: #1233
الاستاذ وردى .. عاد بعد أيام الاستجمام عاد الى البروفات _ بروفات الأستاذ حصص حصص دروس مجانيه اريتك يا طراوة لو كنت هناك يوم ما بروفات الحزن القديم قلبت الدنيا محمد وردى يا طراوة فى التلفزيون قال الجماعه ديل محمديه وعربى هم اسباب نجاح كل الأغانى بتاعتى شهادة .. تحدث وردى كيف قابل محمديه فى بورتسودان ومحمديه كان بيلعب كورة بس مع الطاهر حسيب .. قال . محمديه قابلنى خلف المسرح وعزف لى أغنية لعبد الوهاب عزفها على احسن ما يكون . قلت لى محمديه وانت قاعد هنا ليه يازول تعال الخرطوم. وردى قال جيت الخرطوم لقيت محمديه جاء الخرطوم قبالى . ها ها ها
Post: #1237 Title: Re: د / أحمد طراوة ___ فى ندوة عن تاريخ الغناء فى السودان . Author: محمد عثمان Date: 03-15-2008, 10:41 PM Parent: #1232
Post: #1234 Title: Re: د / أحمد طراوة ___ فى ندوة عن تاريخ الغناء فى السودان . Author: أحمد طراوه Date: 03-15-2008, 07:12 PM Parent: #1
فرع النقا المِميح .. منو المسك مِفيح لمن صباحو يبيح .. بلبل قلوبنا يصيح
يا جنة الطبيعة .. إياك زهرة ربيعة
الفرعو ما و إتنى .. ودر جماعة متلنا التوب مسك في التِنة .. يا اخوانا نحنا كِتلنا
بذكر لياليك ديكا .. الكانت في ناديكا يضرب سرور مزيكا .. يا الامين الله يجزيكا
.. طلعت أغنية ببكي و انوح و اصيح ، بإرهاصات التحول الجديد .. ، طلعت و أطلت زي البدر في سماء غناء الدوباي و الرميات ذو الطابع المحدود و المكرور
.. كان الغنا رميات مشتقة من دوباي البوادي المُعدل داخل مدينة ام درمان القديمة .. رميات في اقصى تجلياتا و تطورا علي يد محمد ود الفكي لم تتجاوز اشكال النظم التالي :
إسمك ما بجيبو يمين لو ضربوني بالمرتين
سميت بي رب القسوم شكرك فِعال ما قسوم شوفتك تباخت كل شوم
دا كان الشعر ، اللي قامت عليهو اغاني الرميات اللي كان الطنبارة ( ناس عبد الغفار الماحي ، و خدر الرومي ، و محمد سعيد راس البيت ) برقصو بيهو البنات في بيت العرس القديم الممتد لاكثر من سبعة يوم
.. و هكذا إختط ابراهيم العبادي دربا جديدا ( إتجاه فكري جديد كامل ) في مسار حركة الغناء السوداني
شعر جديد بسيط ، لكنو طرح حقائق حاسمة :
- خروج العبادي و ابو صلاح من حلقات شعراء الرميات الي آفاق النظم الواسعة .. قوى التجديد المتفاعلة مع القديم و متجاوزاهو .. حركة التطور عبر التراكم المعرفي
- ثم القدرة علي صياغة قصيدة أطول ذات موضوع و بناء داخلي و صور شعرية ارقى .. لانو العبادي بقول في اغنية ببكي و بنوح تعبيرات جديدة ، بالجد كانت متجاوزة بمدي بعيد لرميات ناس علي جن و باسعيد و المفتي
- صياغات و تعابير شعرية فريدة زي : رِدفو الردف أحزاني ، لو احُظى بيك فد ثانية بعلن فيالقي تمانية
- ومع ذلك العبادي استعصم بمداخل و مخارج الرجز السوداني ، و ركب بشجاعة السندباد آفاق بحر المتدارك السادس عشر و حفظ المسافة و التمايز السوداني مع بحور الفراهيدى ! العبادي استند في ذلك علي تراث العامية السودانية .. علي غناء احمد ود بعشوم القديم .. أراجيز : الموز روى .. قايم سوا
- القصيدة بوصفها فتح شعري قام علي تفعيلة جديدة ، و قوافي متحركة مرنة ، و جرس موسيقي فيهو التطريب ، الهمت سرور مؤشرات لحنية برضو جديدة خلت سرور يطلع لحنيا و فنيا من عالم الرميات و الطنبرة المحدود
_ يعني القصيدة نقلت سرور من موازير الحومبي ابو إيقاع العصايتين و كبابي القزاز .. الي موازير اللون الوردي The Pinky lyricism ، و القايم علي ايقاع النقرزان المُطور الخفيف ( برضي ليك المولي الموالي ، ثم جدي العزاز ، ثم افكر فيهو و اتامل ، ثم اطرد الاحلام ، و تتويجا بالغنائية و الموزارية عالية المقام : يا أنة المجروح )
.. إنها الاغنية الملكة
مكانة ببكي و انوح و اصيح في مسار حركة الغناء السوداني .. زي مكانة الملكة في الماقنا كارتا ( الميثاق ) الانجليزي ..
.. تحت رايات تحالف سرور - العبادي سارت حركة الفن ، تحت رايات تحالف عتيق - عبد الرحمن الريح - كرومة سارت حركة الفن ، تحت رايات تحالف عثمان - بآزرعة برضو تواصل المسير .. و بقينا برضو تحت رايات تحالف وردي - اسمعيل حسن ..
بنحسها و نراها ليالي العشرينات من القرن الماضي .. ليالي سرور و الامين برهان .. قلبي الحابيكا .. ما خان لياليكا ..
.. واصل يا ود عثمان .. بنرجاك في محل يومداك يا جنا ..
Post: #1236 Title: Re: د / أحمد طراوة ___ فى ندوة عن تاريخ الغناء فى السودان . Author: محمد عثمان Date: 03-15-2008, 10:37 PM Parent: #1
و دى كانت قنبلة وردى..!!
يا جمااعة ما تنسو تنقلو البوست للربع الجديد..
Post: #1238 Title: Re: د / أحمد طراوة ___ فى ندوة عن تاريخ الغناء فى السودان . Author: Moawia Mohammed Date: 03-16-2008, 01:27 AM Parent: #1
فوق
Post: #1239 Title: Re: د / أحمد طراوة ___ فى ندوة عن تاريخ الغناء فى السودان . Author: Osman Musa Date: 03-16-2008, 04:15 AM Parent: #1238
دى قنبلة وردى نعم صاح جدا يا استاذ محمد عثمان الأغنية هبطت فى 1977 خرجت لها وميض .. تابعت الناس أصداء الأغنية الكبيرة وهى تردد وتسأل عن اسرار تلك الألحان .. الف شكر أخى الكريم محمد عثمان تحياتى
Post: #1240 Title: Re: د / أحمد طراوة ___ فى ندوة عن تاريخ الغناء فى السودان . Author: Moawia Mohammed Date: 03-16-2008, 09:28 AM Parent: #1
Post: #1241 Title: Re: د / أحمد طراوة ___ فى ندوة عن تاريخ الغناء فى السودان . Author: Haitham Labib Date: 03-16-2008, 09:29 AM Parent: #1
Quote: جزء من مداخلة الرائع دوما أخونا هيثم لبيب الذي أتي بهذا التسجيل النادر لأغنية ببكي و أنوح و أصيح في البوست الخرافي لعزيزنا د. أحمد القرشي " الحزن في الأغنية السودانية ". نستأذنهما لنزين برونقها هذه الدار الوريفة
بعد إذن الدكتور / أحمد القرشي .. أنا بستأذنك يادكتور طراوة ويا محمد عثمان أنك تشيله وتنزله هنا .. وأستاذنك في أنو أكون من المتداخلين في هذا البوست ولك كل الشكر يادكتور طراوة أنت ودكتور احمد على إمتاعنا وتوثيق الحقيبة بشكل رائع واللي كنت متابعو من الخارج وصرت مدمن عليه من الداخل .....
Post: #1242 Title: Re: د / أحمد طراوة ___ فى ندوة عن تاريخ الغناء فى السودان . Author: محمد عثمان Date: 03-16-2008, 09:53 AM Parent: #1241
Quote: بعد إذن الدكتور / أحمد القرشي .. أنا بستأذنك يادكتور طراوة ويا محمد عثمان أنك تشيله وتنزله هنا .. وأستاذنك في أنو أكون من المتداخلين في هذا البوست ولك كل الشكر يادكتور طراوة أنت ودكتور احمد على إمتاعنا وتوثيق الحقيبة بشكل رائع واللي كنت متابعو من الخارج وصرت مدمن عليه من الداخل .....
الاخ هيثم...
نياابة عن كل الاخوة و الاخوات نرحب بيك فى الحوش التاانى و مثل ما ذكر دكتور طرااوة هناك شراكة ذكية بين الحيشاان االتلاتة عشان الحوش التالت هو حوش ناسنا و لو مشيت بهناك بتلقى زيدان ابراهيم مع الجمااعة...
مرحب بيك مرة اخرى و قمت بنقل الاغنية لهذا البوست حسب الطلب
مودتى.....
ببكي و أنوح
Post: #1243 Title: Re: د / أحمد طراوة ___ فى ندوة عن تاريخ الغناء فى السودان . Author: أحمد طراوه Date: 03-16-2008, 10:35 AM Parent: #1
الغزال المرسلو معاوية
.. غزال محمد عوض الكريم القرشي :
يوريك بعيونو لفتات الجدي و حزم القائدِ
.. و غزال عبيد عبد الرحمن :
غزال البرِ يا راحل حرام من بعدك الساحل
.. و غزال ابو صلاح :
يا غزال الروض فيك رايح بالي تفداك .. .... الروح أظهر ...... لا تبالي
.. و غزال عمر البنا:
حبيب تعال شوف جفالك ... أذالي يا غزالي.. يا غزالي
.. و غزال العبادي :
جدي العزاز الجيدو ياعُزاز انا نومي خزاز
.. و غزال خليل فرح :
يا غزالا ظنني شركا كلما مرّ الهوى فركا اي يوم فيه لو اركا هو يوم ظاهر البركا
.. و كيف قِدر خليل فرح ، ذلك ( الطير الأعجمي ) اللي اصلا ما كان بقدر ينطق العربية حتى سن العاشرة .. ، كيف قدر ان يتحول الي شاعر نحرير ممكن ينسج قوافي الالفية علي ذلك النحو ؟!
.. استعراب خليل فرح كان إستعرابا عميقا كاملا ! خلافا لوردي اللي حافظ على وجدانو و لسانو النوبي
.. اختلاف وردي عن خليل فرح عندو اسبابو .. ، في رصدها و فهمها تلك الاسباب ، بنقراء خارطة وردي في ابعادا القومية و السياسية ..
Post: #1249 Title: Re: د / أحمد طراوة ___ فى ندوة عن تاريخ الغناء فى السودان . Author: نها محسن أبورأس Date: 03-17-2008, 07:36 AM Parent: #1243
أخي الفاضل د. أحمد والزوارالكرام
Quote: .. غزال محمد عوض الكريم القرشي :
يوريك بعيونو لفتات الجدي و حزم القائدِ
.. و غزال عبيد عبد الرحمن :
غزال البرِ يا راحل حرام من بعدك الساحل
.. و غزال ابو صلاح :
يا غزال الروض فيك رايح بالي تفداك .. .... الروح أظهر ...... لا تبالي
.. و غزال عمر البنا:
حبيب تعال شوف جفالك ... أذالي يا غزالي.. يا غزالي
.. و غزال العبادي :
جدي العزاز الجيدو ياعُزاز انا نومي خزاز
.. و غزال خليل فرح :
يا غزالا ظنني شركا كلما مرّ الهوى فركا اي يوم فيه لو اركا هو يوم ظاهر البركا
ده الكلام البودر ذاااااتو...
شوف دي كمان للرائع خليل فرح أسرابْ الغزالْ ما بِحْصرا حسابَكْ ومرحــــــاتْ الأبِلْ السيراَ متِشابِكْ وعندك أغنية فلق الصباح الأنا بعتبرها من عالم الجن...
فَلَق الصباح قـول لى أهـو نورك لاح خِلِّى يا خفيــف الــروح هــو هـــذا نـداك أم نــدى الأزهــار من جنان رضـوان أصلك لـذا كـل ربيع فصلك اتـنـفــس فــوح تتـنـفــس نـــاس وريـــاض وبحـــار ما ألذّ نسيـم وصلــك مـا رأيت يا جميل مثلك يـا بليــل السُّــوح هــو هـــذا نــداك أم هـوى الأسحــار أنت روضة وليك زهرة وله كوكب وليك بهرة ضمخــوك للجبيــــر زعفران وعبيـــر إنتَ نـار فـى بهــار صَبّـغْ الخـدين حُمرة بعد ساعة بتشوف صفرة الاصفـرار ده كتيـر أخجلـوك يـا أميـر ولّــه نُمّــت نهـار صبح البُستـان شايل شجـر الرمـان مايل
Post: #1244 Title: Re: د / أحمد طراوة ___ فى ندوة عن تاريخ الغناء فى السودان . Author: أحمد طراوه Date: 03-16-2008, 10:57 AM Parent: #1
يا هيثم :
.. إنت جيتنا داقي (عودك) و رامي سهمك ! البوست دارك .. دار غناء السودان السرمدي .. و انتم علي قول الفلاتية :
" الدار الما داري ما بمشي ليهو "
جزيل شكرنا علي الاغنية المحورية .. و دمت في نعيم مدة الدهر ..
مودتنا لاحمد القرشي عبد الرحمن .. و بوست ناسنا .. سيدو و جماعتو ..
وقال الراحل جمعة جابر تعليق بليغ و غريب لمن سمع أغنية جميلة و مستحيلة !
نسمع .. نطرب ثم نعود نواصل ..
Post: #1245 Title: Re: د / أحمد طراوة ___ فى ندوة عن تاريخ الغناء فى السودان . Author: Osman Musa Date: 03-16-2008, 02:44 PM Parent: #1244
تتواصل ندوة تاريخ الغناء فى السودان استاذ محمد عثمان ارسم لينا القنبلة نزلها كتابة يا جميلة ومستحيلة .. الأغنية التى شهقت عند سماعها الأغانى ... سلام شديد .. استاذى الكبير عبدالله جلاب ارجو التكرم بنشر ما فى الاضابير عن وردى هنا اذكر لك تلك المقابلة فى 1978 مع وردى فى بيت الكلاكله 4 ساعات من الحوار العميق لك التحيه د / عبدالله جلاب
Post: #1246 Title: Re: د / أحمد طراوة ___ فى ندوة عن تاريخ الغناء فى السودان . Author: Osman Musa Date: 03-16-2008, 08:37 PM Parent: #1245
فى اول السبعينات وردى طلع هايج ومايج بالغناء اذكر الأخ شرف الدين سرالختم سالنى قال لى وردى ده خرج من السجن ولا من معهد الموسيقى ؟ الله يديك العافيه ايها المجاهد لك التحيه استاذ وردى ..
Post: #1247 Title: Re: د / أحمد طراوة ___ فى ندوة عن تاريخ الغناء فى السودان . Author: محمد عثمان Date: 03-16-2008, 09:55 PM Parent: #1245
جميلة ومستحيلة محجوب شريف
يا جميله.. ومستحيله انتِ دايماً زى سحابه الريح تعجّل بى رحيلها عيونى فى الدمعات وحيله اسمحيلا تشوف عيونك.. اسمحيلا أنا لا الصبر قادر عَلَىْ.. ولا عندى حيله
*
يامراسى الشوق تعالى لا اليالى تمر بدونك هى الليالى من ضواحى الدنيا جيت.. وعَلَىْ رحالى لمداين فوق عيونك يا محالى ريّحينى.. أسُتْرى حالى فرّحينى عيونى فى الدمعات وحيله أنا لا الصبر قادر عَلَىْ.. ولا عندى حيله
*
حدّثت عنك نجمة جارة وزرعت اسمك.. حارة حارة فى مناديل العذارى فى مشاوير الحيارى فى لحى الأشجار كتبتو.. نحتّو فى صمّ الحجارة وبحت للشمس البتقدل.. فى مدارها عيونى فى الدمعات وحيله اسمحيلا تشوف عيونك اسمحيلا أنا لا الصبر قادر عَلَىْ ولا عندى حيلة
*
وانتِ منك لا بداية.. عرفت لسّه ولا نهاية مرّة أسرح.. ومرّة أفرح.. ومرة تغلبنى القراية ولّمن أكتبلك وداعاً.. قلبى ينزف فى الدواية يا صبيّة.. الريح ورايا خلّى من حضنك ضرايا عيونى فى الدمعات وحيله اسمحيلا تشوف عيونك اسمحيلا أنا لا الصبر قادر عَلَىْ.. ولا عندى حيلة
Post: #1248 Title: Re: د / أحمد طراوة ___ فى ندوة عن تاريخ الغناء فى السودان . Author: Haitham Labib Date: 03-17-2008, 06:40 AM Parent: #1244
Quote: جزيل شكرنا علي الاغنية المحورية .. و دمت في نعيم مدة الدهر .. مودتنا لاحمد القرشي عبد الرحمن .. و بوست ناسنا .. سيدو و جماعتو ..
الشكر أجزله ليك يادكتور أنت ودكتور أحمد القرشي لماتقومون به من توثيق وتفنيد وشرح لمفردات ومعاني الحقيبة والأغنية السودانية ..
Post: #1250 Title: Re: د / أحمد طراوة ___ فى ندوة عن تاريخ الغناء فى السودان . Author: Moawia Mohammed Date: 03-17-2008, 09:50 AM Parent: #1
Post: #1251 Title: Re: د / أحمد طراوة ___ فى ندوة عن تاريخ الغناء فى السودان . Author: Osman Musa Date: 03-17-2008, 03:28 PM Parent: #1250
له الرحمه وكل من عليها فان . البركة فيكم جميعا فى فقد زميلنا واخينا زميل المنبر متوكل (كولا ) له الرحمه
Post: #1252 Title: Re: د / أحمد طراوة ___ فى ندوة عن تاريخ الغناء فى السودان . Author: Osman Musa Date: 03-17-2008, 06:15 PM Parent: #1251
د / أحمد طراوة سلامات اها يوم 22 /3 العرس الكبير عندكن فى علايل مونترى . دحين ارخى اضانك . اسمع سمح . حاول بين الفاصل والفاصل ناضمو . جرجرو فى الكلام استاذ عركى بدهشك . بخلعك فى التفاصيل عن الغناء وخلاف كدى وخلاف انو هو موسيقار فاهم شغلو. كمان شاعر .. له التحيه ولنا عظيم الشرف أن نلتقيه فى مهجرنا ...
Post: #1253 Title: Re: د / أحمد طراوة ___ فى ندوة عن تاريخ الغناء فى السودان . Author: أحمد طراوه Date: 03-18-2008, 02:47 AM Parent: #1
.. وجاء محجوب شريف !
ثقافة الحب التالتة .. فيما بعد ناس العبادي و البنا و ابوصلاح .. و فيما بعد بآزرعة و الامي و اسمعيل حسن ..
مدرسة الاحاسيس الجديدة في سودان الفكر و الفهم و النضالات السياسية و دراما الحياة اليومية
.. محجوب شريف فنار يتلألأ في بحر الواقعية - الانسانية
.. و اقعية .. الق المشاعر في اغنية بنظرة حياني ، و حِزمة التفاؤل في اغنية بكرة يا قلبي الحزين تلقى السعادة .. و مجاهدات الحياة في أغنية ابني عُشك يا قماري
* معاكي معاني حياتي بتبدأ و افتح بابا ياما إنسدا و اشوف العالم ربوة جميلة عليها نسيم الصبح مخدة
و بين عينيا وخد الوردة ................بتبقى مودة و اصالح روحي .. و تبرأ جروحي
.. يا ود عثمان .. و كيف الخيال و الصورة الشعرية عند محجوب شريف بتحيل نسيم الصباح بجلالة قدرو الي مخدة ريش النعام ! ؟
حب المجانين : أحبك .. أحبك انا مجنونِك
Post: #1254 Title: Re: د / أحمد طراوة ___ فى ندوة عن تاريخ الغناء فى السودان . Author: محمد عثمان Date: 03-18-2008, 05:42 AM Parent: #1253
Quote: * معاكي معاني حياتي بتبدأ و افتح بابا ياما إنسدا و اشوف العالم ربوة جميلة عليها نسيم الصبح مخدة
و بين عينيا وخد الوردة ................بتبقى مودة و اصالح روحي .. و تبرأ جروحي
.. يا ود عثمان .. و كيف الخيال و الصورة الشعرية عند محجوب شريف بتحيل نسيم الصباح بجلالة قدرو الي مخدة ريش النعام ! ؟
حب المجانين : أحبك .. أحبك انا مجنونِك
Post: #1255 Title: Re: د / أحمد طراوة ___ فى ندوة عن تاريخ الغناء فى السودان . Author: Osman Musa Date: 03-18-2008, 03:02 PM Parent: #1254
التحيه للأستاذ صلاح شعيب الذى استفدنا من ملاحظاته له الشكر الجزيل وهوالكاتب صاحب الحكمة
Post: #1256 Title: Re: د / أحمد طراوة ___ فى ندوة عن تاريخ الغناء فى السودان . Author: Osman Musa Date: 03-18-2008, 08:31 PM Parent: #1255
نتابع بكم الندوة _________________
Post: #1257 Title: Re: د / أحمد طراوة ___ فى ندوة عن تاريخ الغناء فى السودان . Author: Moawia Mohammed Date: 03-19-2008, 11:42 AM Parent: #1
وطن النجوم - أحمد المصطفي كلمات : ايليا أبوماضي
Post: #1258 Title: Re: د / أحمد طراوة ___ فى ندوة عن تاريخ الغناء فى السودان . Author: Moawia Mohammed Date: 03-19-2008, 11:44 AM Parent: #1
الوسيم - أحمد المصطفي كلمات : طه حمدتو
Post: #1259 Title: Re: د / أحمد طراوة ___ فى ندوة عن تاريخ الغناء فى السودان . Author: Moawia Mohammed Date: 03-19-2008, 11:57 AM Parent: #1
مندي _ عقد الجلاد
Post: #1260 Title: Re: د / أحمد طراوة ___ فى ندوة عن تاريخ الغناء فى السودان . Author: أحمد طراوه Date: 03-19-2008, 06:09 PM Parent: #1
.. مدرسة الغناء الاوركسترالي التانية !
المدى الزمني - الغنائي 1940 -------- 1962
.. و علي مدى النصف الاول للستينات ، تخلق و إنبثق مثلث برامودا السوداني الفني - الغنائي :
- محمد وردي - عبد الكريم الكابلي - محمد الامين
.. ظهور المثلث كان بيعني وصول حركة و قوى الدفع الاوركسترالي السوداني مستوي النضوج المتقدم ، و بروز الظواهر المتفردة - الاصيلة علي خلفية إتساع حجم التجربة المختزنة ..
" إنتاج التجربة ، إختزانا ثم هضمها ، ثم إعادة إنتاجا جيل بعد جيل ، و علي نحو جديد مُبدع و متفرد .. كان ذلك هو قانون تطور الغنائية السودانية The Dynamic Of Sudanese Lyricism
.. كان ذلك : هو الدفع الاوركسترالي القايم علي استقلالية و رسوخ الخماسي السوداني .. و لاحقا تجليات مقام (فا) الكبير ماركة ورشة السجانة : ناس خليل احمد ، و عبد الفتاح الله جابو و عربي و عثمان حسين ..
.. مجددا بنرصد العوامل التالية المبررة لظهور وردي .. و الدخول في عهد الغنائية الجديدة لكابلي ، محمد الامين ، صلاح مصطفى ، ود البادية ، حمد الريح ، و خدر بشير ، و العاقب و الفابيولاس رمضان زايد ، و بلافونت السودان شرحبيل احمد :
* تواصلت حركة الشعر الغنائي بتجليات تنافس بعضها الآخر : ليرك عبد المنعم عبد الحي لا يقل شأنا عن ليرك عبد الرحمن الريح و الذي لا يقل شأنا عن ليرك الامي و بآزرعة و الذي لايقل شانا عن ليرك ود القرشي و حسين عثمان منصور ..
* سبق ذلك إنتصار نهج تفعيلة الشعر السوداني علي يد العبادى ، ابو صلاح ، خليل فرح ، البنا ، ود الرضي .. ذلك التحرر السوداني الاصيل من صيغة الاطناب الفراهيدي - العروبي ، هو اللي مهد لظهور ليرك سيد عبد العزيز ، عبيد عبد الرحمن ، المساح ، الامي ثم عتيق ، الجاغريو ، و عبد الرحمن الريح
* بلوغ حالة الاندماج ما بين - الجملة اللحنية الموروثة من كرومة ، و خليل فرح و عبد المعين - و ما بين زخم الايقاعات السودانية ، مستوى عالي من التوافق ، مستوى أنتج نمط الموزارية السودانية المعروف حتى اليوم
" التأسيس لهذا الاندماج بداهو عبد المعين ، و اصلوا حسن عطية ، و بلغ تجليات ضخمة رشيقة علي يد احمد المصطفى بركات !
" احمد المصطفى هو حالة خاصة فريدة لاندماج موازير اللحن و الايقاع السوداني .. أصالة الغناء السوداني الاوركسترالي الحديث مربوطة با حمد المصطفي .. سنفرد شرحا وافيا لهذا الامر ! "
* و بالتالي فإنو : الغنائية و التطريب السوداني كان و لا يزال و حيظل نتاج التصالح و التوافق التاريخي العظيم الحدث ما بين تحرر العود السوداني من التخت العربي و إنتاجو لمقام خماسي فريد ، و ما بين مجمل زخم الايقاعات الستة و موازير تلك الايقاعات
( و بالضرور حنقول :
و سط هذا الحِراك ، في قلب هذه التجربة الموزارية و كإمتداد ليها و ليس خارجا ، حتتواصل عذابات و معاناة الموسيقي و المُغني السوداني لفك الازمة الخامسة : ازمة الهارمونية و التوزيع الاوركسترالي و الخروج السوداني الرصين من رتابة و محدودية البوليفونيا .. الي سعة و جماليات المونوفونيك السوداني المرتقب .. )
احمد المصطفي : إنه صريع هوي الرمبا .. و مجاهدات توطين العشرة بلدي سودانيا .. و دمج التم تم القاعدي - الشعبى ماركة بت العقاب و زنقار في الدوائر العليا للاوركسترالية السودانية
سمعنا يا معاوية غناء الرجل السوداني المحترم اول نقيب للفنانين فيما بعد محمد آدم ادهم ..
Post: #1261 Title: Re: د / أحمد طراوة ___ فى ندوة عن تاريخ الغناء فى السودان . Author: Moawia Mohammed Date: 03-19-2008, 09:06 PM Parent: #1
سألتو عن فؤادي - حسن عطية
Post: #1262 Title: Re: د / أحمد طراوة ___ فى ندوة عن تاريخ الغناء فى السودان . Author: أحمد طراوه Date: 03-19-2008, 10:48 PM Parent: #1
مُرسلات اعالي الجبال :
.. سالتو عن فؤادي .. أجابني ما هو عارف .. هو اللذي سباني .. رماني بنبالوا .. و ما سال في حالي !!
.. ليرك الامي ، جُملة حسن محمد عطية الموسيقية .. وتم تم بت العقاب اللي كان ابو علي مفتون بغناها نواحي حي باريس القديم ..
و شوفو الرمبا عند احمد المصطفي في :
- وطن النجوم - وكلام طه حمدتو المقسم زي مربعات دار الرياضة : الوسيم القلبي رادو
.. و لو عاوز تآمن بانو الامي رقق الغناء علي صعيد الاوركسترالية السودانية ، اسمع مشترك عابدة - ابو داؤد المتحرك في عِذوبة ورقة غنائية عالية :
" شتلوك في قلبي .. يا من كساني شجون .. و رووك من دمي يالناضر العرجون .. "
يا ود عثمان جهزنا لغناء اكتوبر : إكتوبر هدير الحق .. و فارس ليل يشق يا ليل دروبك شق .. و دقا الدق ..
.. ظُلم و عمرو إتحدد .. ايام إكتوبر تشهد .. يا نديم الجمال .. سمعنا غنا وردي لامة السودان :
" شعبك يا بلادي اقوي و اكبر .. مما كان العدو يتصور "
Post: #1263 Title: Re: د / أحمد طراوة ___ فى ندوة عن تاريخ الغناء فى السودان . Author: محمد عثمان Date: 03-20-2008, 05:49 AM Parent: #1262
Quote: يا ود عثمان جهزنا لغناء اكتوبر : إكتوبر هدير الحق ..
يا دكتور طرااوة اخترنا دى:
طلب من احد الاخوان..
يا معااوية خليك على الخط...
Post: #1264 Title: Re: د / أحمد طراوة ___ فى ندوة عن تاريخ الغناء فى السودان . Author: Moawia Mohammed Date: 03-20-2008, 03:18 PM Parent: #1
حرام يا ناس - أحمد المصطفي علي ايقاع العشره بلدي
Post: #1265 Title: Re: د / أحمد طراوة ___ فى ندوة عن تاريخ الغناء فى السودان . Author: Moawia Mohammed Date: 03-20-2008, 03:22 PM Parent: #1
Quote: يا معااوية خليك على الخط...
جاهز موية و نور يا فردة
Post: #1267 Title: Re: د / أحمد طراوة ___ فى ندوة عن تاريخ الغناء فى السودان . Author: محمد عثمان Date: 03-20-2008, 11:16 PM Parent: #1265
Quote: Quote:
Quote: يا معااوية خليك على الخط...
جاهز موية و نور يا فردة
و ينتقل المايكروفون....
Post: #1266 Title: Re: د / أحمد طراوة ___ فى ندوة عن تاريخ الغناء فى السودان . Author: أحمد طراوه Date: 03-20-2008, 10:42 PM Parent: #1
.. سالتو عن فؤادي .. شغلا يا معاوية :
" جمالك المُكمل لهاني عن سواكا ! "
.. و حسي بالله دا كلام زول كان أُمي ؟ !
الامي كان ترزي بمكنة سٍِنجر في فرندات سوق الابيض .. في ساحة السوق برعي كتب منو قصيدة ( الحان الحب ) .. شتلوك في قلبي
.. و كالعادة قعد التلاتة ( برعي ، ابو داؤد ، الامي ) في فروة الفقير اسمعيل الدقلاشي سيد الغناء السوداني ، و عملوا تلك الغنائية الفريدة
- الامي ادا ابو علي برضو قصيدة : فراق الزين و نار البين .. و جميلة برضو قصيدتو اسمعني و اشجيني بذكرة الاحباب مموسقة بخماسي المندولين بتاع زول توتي ( ابراهيم خوجلي )
.. ولو عاوزك تفرح نفسك تسعدا ، اسمع ابراهيم خوجلي في :
- من اوصاف عديدة ظهرت لي قوافي : كلام بر محمد نور - المرنوعة زي شمس الغمام في طلوعا : كلام الشيخ ود الرضى
.. و علي ذات الموزارية الايقاعية بتاعت خداري ماركة التم تم المعدل ، ابو علي ختا برضو الجملة الموسيقية بتاعت سالتو عن فؤادي .. كان ابو علي بالحق صريع هوى ذلك التم تم الفايحة ريحتو كانفاس الزهر .. ك الدامور - فلير .. و برضو بت السودان اصيل !
بنكرر تاني و تالت و بالضرورة بنقول :
" إنو الانسراب الكامل لايقاع التم تم بتاع قواعد المجتمع الشعبية ، و إندماجو الكلي في دوائر الاوركسترالية العليا ، هذا الإنسراب تم عبر بوابة حسن عطية ، عبد الرحمن الريح ، احمد المصطفي .. دا ما سميناهو سابقا بإنقلاب السحر علي الساحر !!
.. لا نتغافل عن مناجزات زنقار و عبد المعين اللحنية المبكرة مع التم تم .. لكن الانسراب و الاندماج الموزاري النهائي الكلي ، تم علي صعيد محور عبد الرحمن الريح الامدرماني صاحب حسن عطية .. و اولاد مجتمع الخرطوم آناء مطلع الاربعينات : احمد المصطفى و حسن عطية ..
.. أعزائي صلاح الدين شُعيب و عبد الله الشقليني :
بالجد هذه الافتراضات و الاستخلاصات و المفاهيم اعلاه حول سيرة التم تم ، تستحق منكم الإنتباه ، و المقاربة التاريخية ، و البحث الناقد
Post: #1268 Title: Re: د / أحمد طراوة ___ فى ندوة عن تاريخ الغناء فى السودان . Author: أحمد طراوه Date: 03-21-2008, 07:50 PM Parent: #1
بلالي ابو لي بى !
اسمعو كابلي في تلك الاهزوجة الدكاكينية الشهيرة اللي فيها جنين الاندماج الاول لتم تم القواعد الشعبية ماركة بت نجدي ، وربوحة ، و بت العقاب ، مع جملة الخماسي السوداني اللحنية .. الجملة الشاقة طريقا الموزاري الكامل علي يد عبد المعين و زنقار و حسن عطية و احمد المصطفي و الحاج عبد الحميد يوسف آناء الثلاثينات و مدخل الاربعينات :
" كرب حياة عند الخياط .. كِرب باشين غالي و متين "
.. ليه التم تم أزاح النقرزان ؟ و قام إتحكر في وسط موزارية السودان الغنائية ! و جاب معاهو دليب الشمال ، و مرودم الغرب ، و كمبا الجنوب ، و رمبا جاليات الخرطوم الاجنبية ، و كل اشتقاقات دلوكة السودان القديم الواقعة في المدى الموزاري - الايقاعي 2 الي 4 .. جابا كلها كمدخلات انتاج جديد افرزت ختاما موازير الغناء السوداني الحديث .. موازير مثلث برامودا .. مثلث وردي - كابلي - ود الامين ؟ !
في تصوريين و منهجين في تقديم الاجابة علي ( ليه ) اعلاه !
التصور الذى شاع هو انو مجتمع الرجال - السوداني - الصفوي ، مجتمع التحالف الافندو - تجاري ، و منذ الثلاثينات تحرك نحو فرز غناهو و لياليهو و سكسكتو عن مجتمع الغناء الجماعي - الكلي القايم علي غنا السيرة ، و بيت الحفلة و العرس !
التصور البديل : بنطرحو من فرضية التحولات الباطنية الواسعة العميقة لحركة الغناء في ابعادا السوسيو - ثقافية و حِراكها الموسيقي - الايقاعي :
تغيُر تفعيلة الشعر اللي استدعى موازير لحنية و ايقاعية جديدة فضلا عن حوجة مجتمع المدن الناهض تحت مظلة الجمهورية التجارية الاولي لبرجوازية السودان الوطنية ، الي غناء جديد ، الي تعبير وجداني و حركي - بدني جديد الي رقيص جديد كان بتشرنق في صيغة سكسكة الافندية ناس ود البدوي
ذلك الغناء الدكاكيني الوارد في اهزوجة موظف البوستة مبدد الاموال في عوالم تم تم بائعات الهوى :
" البِيرة مُره و الجن أمرا .. زورنا مرة .. ود البدوي زورني مرة عز الرسول زورنا مرة !! "
مقاربة علم التاريخ لقصة و حركة غنا السودان : مدرستين و اربعة ازمات .. و كمان ازمة خامسة ما فُتئت معلقة في سماء الطرب السوداني الاصيل .. ازمة التوزيع الاوركسترالي و حوجة المخارجة من قيود المونوفونيك ..
Post: #1269 Title: Re: د / أحمد طراوة ___ فى ندوة عن تاريخ الغناء فى السودان . Author: Moawia Mohammed Date: 03-21-2008, 10:28 PM Parent: #1
قمر العشا الضواي - بادي محمد الطيب
Post: #1270 Title: Re: د / أحمد طراوة ___ فى ندوة عن تاريخ الغناء فى السودان . Author: Moawia Mohammed Date: 03-21-2008, 11:11 PM Parent: #1
ليتني زهر - رمضان زايد
Post: #1271 Title: Re: د / أحمد طراوة ___ فى ندوة عن تاريخ الغناء فى السودان . Author: Moawia Mohammed Date: 03-21-2008, 11:16 PM Parent: #1
يا ناسي - رمضان زايد
Post: #1272 Title: Re: د / أحمد طراوة ___ فى ندوة عن تاريخ الغناء فى السودان . Author: أحمد طراوه Date: 03-21-2008, 11:22 PM Parent: #1
.. مقذوفات جمال و شُهب رجامة !!
من ناس جبال كلورادو .. و وين يا معاوية ملكة طرب نواحيكم و ست الذوق الغنائي الرفيع نها ابو راس ؟
ليتني زهر في خدك النادي .. ليتني نهر تنساب امواجي !
.. ليرك مبارك المغربي .. تفانين الفابيولاس رمضان ود زايد
.. خليكم جميعا مع الزمن .. عجائب تعدد اللونية داخل المدرسة الاوركسترالية التانية !
.. و كمان حيمرا ام قلب .. قمر العِشاء الضواي يسلم اخوي للخصيم كواي .. دلوكة السودان القديم في رحاب مزيكة ما بعد الخمسينات .. نهضة الموازير
.. موازيرك يا داؤد !!
Post: #1273 Title: Re: د / أحمد طراوة ___ فى ندوة عن تاريخ الغناء فى السودان . Author: Moawia Mohammed Date: 03-21-2008, 11:34 PM Parent: #1
انت أغلي ( أنا من هواك ) - صلاح ابن البادية
Post: #1274 Title: Re: د / أحمد طراوة ___ فى ندوة عن تاريخ الغناء فى السودان . Author: محمد المرتضى حامد Date: 03-21-2008, 11:51 PM Parent: #1273
والله يا معاويه عدم وضع اللينك دا شغل مكاوا وحرب بارده مع صحبانك، كيفك يا أمين السر؟ طراوه، والله تالله جينا نجدد البيعه، ياخ لقيت صاحبك بهناك عامل عمايل غريبه وبعد سنين طويله جاب الكلام ده طاوعن وصدن عصنو شال جديهن ما خلصنو شوف جريهن كيف باقصنو خطوه خطوه المشي نقصنو والردف بالحشا رقصنو يلا ياقناص روقو صنو والتلذذ في الارتياح
أها ده شغل الآكسلات ومحاور الإرتكاز وغايتو. عثمان موسى وين يا أحمد؟ بيان أخير يا معاويه ، لي سنه بسألك عن (برضي ليك المولى الموالي) و.. فيك لازم الصبر الجميل ، أها كان جبتها بارك الله فيك وكان ما جبتها عاد مخيّر الله ، زي مابقول العمده. زي ماقلت يا أحمد ، بوست عثمان ده بس مزيج برنت ، عالي الإغلاق. محبتي بحجم درب التبانه.
Post: #1275 Title: Re: د / أحمد طراوة ___ فى ندوة عن تاريخ الغناء فى السودان . Author: Moawia Mohammed Date: 03-22-2008, 00:19 AM Parent: #1
Quote: والله يا معاويه عدم وضع اللينك دا شغل مكاوا وحرب بارده مع صحبانك، كيفك يا أمين السر؟
حبيبنا ود المرتضي .. ناسنا .. نعلك طيب شغل المكاوا و الحرب الباردة دا ما مننا وحات الله الحكاية انو أخونا بكري جاب ليهو كود شدة ما كبير كان فلعوا بيهو زول ما يقوم تاني علا لكن بنحلها ليكم قريب
Quote: بيان أخير يا معاويه ، لي سنه بسألك عن (برضي ليك المولى الموالي) و.. فيك لازم الصبر الجميل ، أها كان جبتها بارك الله فيك وكان ما جبتها عاد مخيّر الله ، زي مابقول العمده.
ليك علي هسه قبال ما تقرأ ردي دا تمشي تلقاها في ناسنا بس المهم مافي زول من ناسنا يزعل
ودمت يا حبيب
Post: #1276 Title: Re: د / أحمد طراوة ___ فى ندوة عن تاريخ الغناء فى السودان . Author: Osman Musa Date: 03-22-2008, 01:57 AM Parent: #1275
Post: #1280 Title: Re: د / أحمد طراوة ___ فى ندوة عن تاريخ الغناء فى السودان . Author: Osman Musa Date: 03-22-2008, 06:19 PM Parent: #1278
استاذ محمد المرتضى سلامات تلاته يوم افتش فى حراجات بروكلن . كمبيوترى يا محمد حالج ياى .. كمبيوترى عاقنى واليوم 22/ 3 /2008 يوم العرس المونترى الكبير عرس البلاد التى اناخ فيها صاحبك طراوة . .... عركى هناك .. يا بختكم الأخ أحمد طراوة ارجو وضع الصور هنا .. تحياتى
Post: #1281 Title: Re: د / أحمد طراوة ___ فى ندوة عن تاريخ الغناء فى السودان . Author: أحمد طراوه Date: 03-22-2008, 08:05 PM Parent: #1
معنا ود حامد المرتضى !
.. معنا في ساحة مدرسة الغناء الاوركسترالي التانية
مدرسة ال 30 فنان و فنانة علي المدي الزمني - الغنائي 1940 --------- 1970
30 مُغني ( كلهم ناسنا )
.. كلِ بخصايصو و لونيتو ، كلهم نِتاج متفرد لزخم ايقاعات السودان و جملتو اللحنية متعددة المشارب و اللي تشكلت و نمت و إنسربت الي الامام عبر عدة محاور :
- محور غنائية البوادى و الضهاري : الدوباي .. و المسادير
- محور عِهود مناجزة المقام الخماسي بواسطة ربابة سنار القديمة : غنا الشيخ الدقلاشي
- محور غنا الجماهير و الحركات المُنظمة عسكريا : جلالات مشيخات سلطنة سنار ، و مارش ود الشريف ، و مندي ، وشلكاوي .. وصولا لناس عدنان احمد عبد الله ، و احمد مرجان ، و زقل ، و المقدم الاسطى جعفر فضل المولي .. قوة دفاع السودان ذات التقاليد الوطنية الراسخة
.. و شوف زولك يا ود حامد ( رمضان زايد بقول ) :
ببدأ بغنائية مبارك المغربي .. اشتاق في صمتِ و احبُ في همسِ .. انا ليتني زهرُ !
.. و بكسر بكامل الالتزام بالزمن و خط التطريب الصاعد :
الريدة .. ريدتنا .. و المحبة حقتنا .. ادوهو الاكيدة إتنين خمسة حارتنا !
.. و رواية الحارة 2/5 هي رواية الزمن الجميل نواحي المسالمة و حي العرب .. بالله احكيها يا ود حامد في بوست ناسنا بصورة لبوست غنانا دا
يا معاوية ، كلم ود عثمان في صدد إكرام ود حامد :
مية اغنية من غناء السودان السرمدي ، معززة بمية من النوق العصافير .. و معاها غناء غزال السودان الاسمر وليم اندريا بصوت السبرانو منال بدر الدين
.. نسمع ايقاع المارش في حضرة بت السلطان عجبنا .. سلطان نوبا الجبال النِمنغ ، مندى قائدة الجيوش الوطنية القاتلت الانجليز
Post: #1282 Title: Re: د / أحمد طراوة ___ فى ندوة عن تاريخ الغناء فى السودان . Author: Moawia Mohammed Date: 03-22-2008, 10:15 PM Parent: #1
فوق
Post: #1283 Title: Re: د / أحمد طراوة ___ فى ندوة عن تاريخ الغناء فى السودان . Author: Osman Musa Date: 03-23-2008, 03:20 PM Parent: #1282
انا ليتنى زهر ..
Post: #1284 Title: Re: د / أحمد طراوة ___ فى ندوة عن تاريخ الغناء فى السودان . Author: أحمد طراوه Date: 03-23-2008, 09:11 PM Parent: #1
و في شخص رمضان ود زايد :
.. تواصلت صيغة الغناء المسرحي - الجماهيري اللي كان بداهو سرور مطلع الثلاثينات
حِضور و تفاعل جماهيري غير محدود و لا تقيده قيود او شكليات اجتماعية ! دا كان غناء رمضان زايد منسوب مدرسة الخرطوم جنوب ذات العراقة الفنية
.. كانت تلك فكرة ( الباص ) تمرير الغناء للحضور و المستمعين !
.. الباص الجابو الكاشف بكل تلك الجرأة و الكاريزما الفنية مطلع الخمسينات
مدخل الكاشف للزخم و التطريب الجماهيري كان ايقاع النوبة !
.. حفلة الكاشف في بعض منها كانت زي (حولية) السمانية و الطريقة الاحمدية .. دا كان مصدر قرب الكاشف من قلوب و مزاج الجماهير خاصة في حفلات حديقة النزهة بالخرطوم ( البقت حديقة الحيوان فيما بعد ذلك .. اين من عينيى انتِ يا كرتوم زوو )
.. و اين من عيني ذلك الهجيج الخرطومي علي صدى تفانين و حوبة الراحل ابراهيم الكاشف :
" القطر قام يا حبايب .. برجا قِدام يا حبايب ! "
و تواصل الحضور المسرحي و الهجيج الغنائي العاصمي و الرستاستيف ( الاسترسال الغنائي الحر ) ماركة رمضان زايد و عبد العظيم حركة :
- خليك مع الزمن ! - إنت هناك خليك معانا ! - دا وقتو ؟ ! - يعيش الملك فاروق
و طفقت تسري في العاصمة سيرة الملك المصري و قصص حفلة عرسو بعد عودة حسن عطية ، و احمد المصطفي ، و الكاشف ، و الشفيع من حفلة زواج فاروق من ناريمان مطلع خمسينات القرن الماضى
.. داك الخروج التاني الكبير نواحي مصر فيما بعد خروج سرور و بشير الرباطي و الامي الاول ، و اللي جابو فيهو الرق و المثلثات ، الخروج التاني دا كان سفر احمد المصطفي ( الرائد الواعي ) الجاب فيهو :
- ايقاع الرمبا و العشرة بلدى و الفالس
( احمد المصطفي ببدا اغنية ظالمني وطول عمري ما ظلمتك يوم بإيقاع الفالس و لمن يبدأ يحس بالرتابة و ازمة المونوفونيك المبكرة ، بنقل جملتو اللحنية عبر عصايا و كبري اوركسترالي بسيط لرحاب أيقاع العشرة بلدي الاوسع )
- و جاب من مصر الساكسفون - و جاب البيكلو و الكلارنيت
* الانفتاح علي الثقافة الغنائية - الفنية الحولنا مصر و اروبا * تخطي الاغنية الاثنية بتاعت قوميات السودان المُتعددة ودمج الميلودي بتاعا في غناء المدن و المزيج الوطني الكلي * توسيع دوائر الايقاعات .. و دمج موازير التم تم ، الدليب ، المردوم ، الكمبا ، الرمبا و اشتقاقات الدلوكة كلها في الجسم الاوركسترالي - الغنائي
كلها كانت سُبل تطور الكسب الموسيقي - الغنائي في السودان !
و بالجد خليكم مع الزمن .. و مجاهدات فك الازمة الخامسة .. عشان الليل يبقى صباح
" نسمع برضو ظالمني و طول عمري ما ظلمتك يوم "
.. و نرصد فيها ازمة الرتابة ( المونوفونيك ) .. و احساس ود بركات المبكر بتلك القضايا .. المجد و الريادة للراحل احمد المصطفى بركات
Post: #1286 Title: Re: د / أحمد طراوة ___ فى ندوة عن تاريخ الغناء فى السودان . Author: Osman Musa Date: 03-23-2008, 10:20 PM Parent: #1284
د / طراوة سلام ... البارح كانت كيف ؟ صورها . ارسمها . ادرى أن عركى يشحن جوف الأغانى بتلك الموسيقى الهجين . عجن القديم والجديد واخرج لنا صنف يانع من الموسيقى الما خمج .. فى انتظار وصفك وصورك تحياتى
Post: #1285 Title: Re: د / أحمد طراوة ___ فى ندوة عن تاريخ الغناء فى السودان . Author: أحمد طراوه Date: 03-23-2008, 10:11 PM Parent: #1
تظلمني وطول عمري ما ظلمتك يوم
نرصد ازمة رتابة غناء منتصف الاربعينات من القرن الماضي :
( المونوفونيك السوداني )
.. ثم إحساس الرائد احمد المصطفي بالحوجة للإنتقال لصيغ غنائية خفيفة راقصة كما في الوسيم القلبي رادو ، حرام يا زازا ، القربو يجنن و البعدو يحنن ، و كسرة بت النيل .. استند النقيب علي طيف ايقاعات السودان الستة الواسع :
" جدل الايقاع و الجملة اللحنية الطور الغناء الاوركسترالي "
كسر الرتابة تم بصورة اوسع علي يد ابراهيم ابو جبل ( الكاشف ) .. إستنادا علي ايقاع النوبة .. و صار الكاشف كاسر الرتابة الاول :
The Great Monotony Breaker "
نوبة الكاشف جميلة في توزيع عصام محمد نور ( ود مدني ) الجديد :
.. وقام وردي مستلهم التراث و التجارب الفنية .. و اول من دخل ايقاع الدليب في دوائر الاوكسترالية العليا .. قام شال النوبة عمل بيها ذات الشامة :
وحيات سُمرة لونا .. و حيات محياها
شغلا بالله يا معاوية .. شغلا بطريقة بابور الجاز .. الشُغل بالجاز خلي اليشتغل .. غنا بنات السودان الرسخ لسيرة و حركة الميلوديا و الايقاع ..
.. ولا زال في ساحة الرجل النوبي الصالح محمد عثمان وردي .. نستلهم الحسن و الجمال و عبق التاريخ ..
Post: #1287 Title: Re: د / أحمد طراوة ___ فى ندوة عن تاريخ الغناء فى السودان . Author: Moawia Mohammed Date: 03-24-2008, 00:03 AM Parent: #1
UP
Post: #1288 Title: Re: د / أحمد طراوة ___ فى ندوة عن تاريخ الغناء فى السودان . Author: أحمد طراوه Date: 03-24-2008, 05:13 AM Parent: #1
.. وليم اندريا .. نسخة اصلية
. . الغزال الاسمر
.. سليل اعرق الاسر الخرطومية القديمة .. و ثقافة مجتمع نادي المكتبة القبطية و النادي الاولمبي !
.. في سيرة حياة و ليم اندريا تتجلى حقيقة ان ارض السودان و منذ قديم الزمان هي دار القبلتين
.. و انتج وليم فنا خاصا معبرا عن وصول آلة الجيتار و البراسات و الساكسفون الي مرحلة التكامل الفريد مع ايقاعات السودان و تخريج زخم جمالي ممتد للونية الهارد روك السوداني .. ذلك الهارد روك الذي ابتدعه مبكرا الرائد شرحبيل احمد و صديقه علي نور الجليل
وفي اغاني علي شاكلة :
- كفاية مزاح و ليل الساهد و حبيبي قال كلام : وليم اندريا - مشيت و مشت وراك عينين و الابس البمبي : شرحبيل احمد - ابو العيون السود .. و كلمة واحدة و بس : صلاح براون
بتتاكد حقيقة إنو نمط الغناء الاروبي في السودان هو ليس ذلك الجاز او البلوز ذي اللون الافريقى - الامريكي .. و لا هو الروك في لونية البيتلز و الفيس برسلي .. بل هو تاصيل سوداني آخر جديد !
" روك جديد ماركة السودان .. هارد روك مسودن علي قاعدة اشتقاقات الدلوكة و الريقي ماركة المامبو السوداني "
.. رسلت لينا كفاية مزاح بصوت وليم اندريا : نجوي صالح منسوبة مدينة اوكلاند .. نجوى امها عازفة العود الخرطومية القديمة :
( بت عكاشة) .. المجد لسعدية العوادية ، لجداوية موسى و لاسماء حمزة
Post: #1289 Title: Re: د / أحمد طراوة ___ فى ندوة عن تاريخ الغناء فى السودان . Author: أحمد طراوه Date: 03-24-2008, 05:28 AM Parent: #1
.. شغلوا بالله هذه الدرة الخرطومية القديمة !
.. كفاية مزاح ! .. و عيشوا ولو في الاحلام و الخيال ، اوكازيون خرطوم السعد !
بديعة ضربات البراسات " النحاس الاصفر " في مدخل الاغنية
بديع الغزال الاسمر وهو بستنطق الليدز جيتار في مطلع الاغنية وفي كامل التناغم مع البراسات
بديع الساكسفون شاقي طريقو الي عنان السماء .. سماء الخرطوم الجميلة بلد الحبايب
و بديع و ليم بصوتو الشايل دفقات طمي النيل .. الصوت التنور الصاعد الي تخوم البارتون
.. و بديع بالحق غناء السودان السرمدي .. و سيرة مدرسة الغناء الاوركسترالي التانية اللي ما عندها أول و لا آخِر ..
Post: #1290 Title: Re: د / أحمد طراوة ___ فى ندوة عن تاريخ الغناء فى السودان . Author: Moawia Mohammed Date: 03-24-2008, 08:08 AM Parent: #1
ذات الشامة - محمد وردي
Post: #1291 Title: Re: د / أحمد طراوة ___ فى ندوة عن تاريخ الغناء فى السودان . Author: Moawia Mohammed Date: 03-24-2008, 08:18 AM Parent: #1
المهرجان رائعة ابراهيم الكاشف و السر قدور بصوت عصام محمد نور
Post: #1294 Title: Re: د / أحمد طراوة ___ فى ندوة عن تاريخ الغناء فى السودان . Author: محمد المرتضى حامد Date: 03-24-2008, 02:06 PM Parent: #1291
تعرف يا معاويه، أغنية المهرجان دي ( كلها مع بعض ) من الأغاني الكفيله بتحريك مقاعد الحضور في أي مسرح لكن مايهمني هنا هو البيت القائل ( بتنسى ليه وانا قلبي بتذكر كتير) وبالطبع كنا كغيرنا من البشر نعتقد بأن التذكر مكانه المخ والذي تتعدد فيه أنواع الذواكر من حسيه ودلاليه وقصيره وطويلة الأجل تنظمها أكثر من مائة مليار خليه عصبية، أها الكلام ده أُلغي بهذه الأغنية لأنو القلب هو من يتذكر (يوم لقيتك أو هويتك و"اشتهيتك واصطفيتك" وانت وريتني الحنان) وكنت شاهدت برنامجا في قناة تلفزة موضوعا عن القلب جاء فيه إن مجموعة مجدي يعقوب وآخرين اكتشفوا أن للقلب جهازا عصبيا وخلايا مخيه خاصه به وربما تكون مسئولة عن تشغيل القلب المجمد بعد نقله إلى جسد آخر حيث يبدأ القلب الخفقان من حيث انتهى ، يعني القلب بتذكر كتير ، والكلام دا ممكن يصححوا أو يناهضه عزيزنا د. كوجان، لكن حتى لو كوجان قال لي الكلام ده غلط أنا بقول ليهو لما استفيت قلبي قال لي : باتذكّر كتير. سلامات يا عثمان، شايفك شغال كارديولوجي ساكت بي غادك. والله بوستاتك تفيد الصحتين النفسيه والبدنيه معا، تسلم
Post: #1292 Title: Re: د / أحمد طراوة ___ فى ندوة عن تاريخ الغناء فى السودان . Author: Moawia Mohammed Date: 03-24-2008, 08:45 AM Parent: #1
يا حليلك يا بلدنا - أحمد فرح
أشهر من تغني أوركستراليا علي ايقاع الدليب
Post: #1295 Title: Re: د / أحمد طراوة ___ فى ندوة عن تاريخ الغناء فى السودان . Author: Osman Musa Date: 03-24-2008, 03:51 PM Parent: #1292
استاذ محمد المرتضى كيفك يا ضو البيت ؟ عساك فى نعيم ؟ يا ريت لو كنت بعرف احكى عن ( الكاردويولجى ) و عن تلك العضلة الصنوبرية والتذكر لكنى طلبت من استاذ الجراحة كوجان واستاذ المناظير أخى مجذوب ع موسى الحديث . والأخ الأستاذ محمد عمر مدرسة فى جمع المعلومات له الشكر على كل ما قام به . ___ استاذ محمد المرتضى انا داير اطلب منك نقل الأغنية الفى ص 8 فى بوست شيخنا د / أحمد القرشى الى البوست حقنا بتاع تاريخ الغناء الأغنية دى تفتح كل جداول القلب وتساعد على تذكر كل الاطلال وكل المضارب .. ارجو التكرم بنقلها .. تحياتى وشكرى
Post: #1296 Title: Re: د / أحمد طراوة ___ فى ندوة عن تاريخ الغناء فى السودان . Author: أحمد طراوه Date: 03-24-2008, 06:41 PM Parent: #1
.. و حيات اجمل ريد في الكون يا حمامة !
و لانزال تحت تاثير الجذب المغنطيسي - الغنائي للرجل النوبي الصالح محمد عثمان وردي
شال وردي برضو و كما فعل الكاشف ا مبكر في المهرجان ، شال نوبة الطريقة الاحمدية و ختاها ضرب ايقاعي لجملتو اللحنية ..
سامبا العالم الاروبي - الاتيني هي النوبة في السودان !
و اصلا انفتاح الجملة اللحنية الاولي بتاعت عبد المعين و عبد الرحمن الريح و احمد المصطفي و تفاعلا مع طيف ايقاعات السودان الواسع هو تحديدا ما انتج مزيج خام برنت السوداني عالي الإغلاق !
و علي ذات النهج جاء ابن الشمال الراحل احمد فرح شايل دليب الشايقية مندمجا في دوائر الاوركسترالية لما بعد الستينات
.. و تواصل جدل الايقاع و الجملة اللحنية علي درب تنمية و تطوير موازير السودان
6 ايقاعات في مدى الضرب الايقاعي 2 / 4 .. وجملة لحنية ترمح منذ عهود مارش ود الشريف ترمح متل خيول بعانخى .. خيول التاريخ و الاصالة
Post: #1297 Title: Re: د / أحمد طراوة ___ فى ندوة عن تاريخ الغناء فى السودان . Author: Moawia Mohammed Date: 03-25-2008, 05:50 AM Parent: #1
UP
Post: #1299 Title: Re: د / أحمد طراوة ___ فى ندوة عن تاريخ الغناء فى السودان . Author: Osman Musa Date: 03-25-2008, 03:50 PM Parent: #1297
البوست كرب بفضل مجهودات النفير حقت ناس محمد عثمان ومعاويه الذى يجلس على دكة الروكى .. البوست كرب وصار احر من حرارة دلوكة ود السافل وسيد الجعلى وعبدالله جانقى وود الكور .. ونرجع لود الكور العاشق الذى غرق فى تساب العشق ..
Post: #1298 Title: Re: د / أحمد طراوة ___ فى ندوة عن تاريخ الغناء فى السودان . Author: أحمد طراوه Date: 03-25-2008, 03:20 PM Parent: #1
و عبر مسارب شتى !
.. و عبر تفاعلات و تقاطعات لم تهدأ .. وعلي يد قوى الدفع الاوركسترالي السوداني الاصيل و الرصين
" بلغت الغنائية السودانية شأوا عظيما "
.. كان ذلك في مطلع الستينات من القرن الماضى !
الغنائية اللي كانت نتاج التلاقي و التوافق التاريخي لموازير الايقاعات الستة و الجاية من كل فج سوداني عميق ، مع الجملة اللحنية الشاقة طريقا تاريخيا زي نهر النيل
الغنائية الساحرة دي ، كانت هي المُنادي النادي ود ناس ابو قرون من عمق تلك الخلاوي و إ نتزعوا من ثنايا موجدة الترتيل و الاذكار الي رحاب المستوى التاني للمجاهدات الفنية - الروحية
الي رحاب الغناء و اللحن !
صلاح ابن البادية : نموذج فريد لنمط المغني - المُلحن
.. كان صلاح ترميزا واضحا لإستدعاء المدينة للبادية !
صلاح هو الاستدعاء الجديد التاني .. وكان الاستدعاء الاول هو تحول دوباي البوادي و الضهاري في مداخل امدرمان القديمة الي تلك الرمية الغنائية البسيطة الجابت غنا ود الفكي و غنا العبادي - سرور
.. وهنا بنصل بالتمام الي سيرة " حسان الحرّك "
الرجل اللي مسك كل خيوط دوباي و غنائية البادية في ايدو وذلك آناء النصف الثاني لعهد الدولة السنارية .. حسان الحرّك الطلع من تحت عبايتو :
- شعر ودوباى شغبة المرغومابية - غنا علي ود محلق - مسدار الصيد بتاع الحردلو - مسدار سيتيت بتاع ابوسن - شعر ابراهيم ود الفراش - شعر ود ابو شوارب : خليتك لإمتثال صحبي المِتمم كيفي - شعر الصادق الحلال ( الصادق ود آمنة ) - شعر ود الشلهمة ، و ود شوراني - و كل مصادر الشعر القومي السوداني اللي استقى منها العبادي مفرداتو و تعابيرو وهو بيعمل مسرحية المك نمر
في حِمى الدوباي و غنائية الناس ديك .. و تحت ظلال حسان الحرّك بنسمع ود البادية :
" انا من هواك .. و من جمال عينيك و سحرك و من بهاك "
Post: #1302 Title: Re: د / أحمد طراوة ___ فى ندوة عن تاريخ الغناء فى السودان . Author: Osman Musa Date: 03-25-2008, 04:43 PM Parent: #1298
دى الصفحة 14 فى كتاب الأغانى لسيد الطرب الاصفهانى د/ أحمد طراوة .. الدكتور الذى يتخذ من تاريخ الغناء علاج لكتكوت الدبرسه ونيران الهجرات التى طالت بنا فى فجاج الأرض .. فتضهبنا ما بين لوس انجلوس ونواصى بروكلن .. على كل حال يا ود شيقوق اها .. فوق عتبات الصفحة 14 وبعد ده ناوين نقلع اوتاد خيم الهجرة ونرجع ظبط التيمس وحضر العتود وعبى الجر .. الشكر لكل من شارك هنا فى بوستنا الحبيب . تحياتى
Post: #1303 Title: Re: د / أحمد طراوة ___ فى ندوة عن تاريخ الغناء فى السودان . Author: Osman Musa Date: 03-25-2008, 07:44 PM Parent: #1302
استاذ محمد عثمان الجميل الذى يجلس على علايل أبوروف كيف حالك فى مداين شيخ مشايخ الغناء وردى .. اضخم نجوم الغناء فى العالمين . __ ... اها يا محمد دايرين دعواتك عشان ينحل الكتاف ونرجع تحياتى ..
Post: #1389 Title: Re: د / أحمد طراوة ___ فى ندوة عن تاريخ الغناء فى السودان . Author: Osman Musa Date: 04-08-2008, 05:45 PM Parent: #1302
____
Post: #1396 Title: Re: د / أحمد طراوة ___ فى ندوة عن تاريخ الغناء فى السودان . Author: Osman Musa Date: 04-09-2008, 04:12 PM Parent: #1298
___
Post: #1304 Title: Re: د / أحمد طراوة ___ فى ندوة عن تاريخ الغناء فى السودان . Author: أحمد طراوه Date: 03-25-2008, 11:09 PM Parent: #1
.. و لصفحة 14 بنستصحب معانا الغزال الاسمر وهو بغني و بقول علي ضربة الرقي ماركة السودان : يرقص قلبي بالافراح .. اعوض بيك شبابي الراح
و ماشين علي شرحبيل ، علي الهارد روك ماركة السودان
.. يا ود عثمان .. بنرجاك في محل يومداك ..
Post: #1305 Title: Re: د / أحمد طراوة ___ فى ندوة عن تاريخ الغناء فى السودان . Author: Moawia Mohammed Date: 03-26-2008, 00:47 AM Parent: #1
انت أغلي ( أنا من هواك ) - صلاح ابن البادية
Post: #1306 Title: Re: د / أحمد طراوة ___ فى ندوة عن تاريخ الغناء فى السودان . Author: أحمد طراوه Date: 03-26-2008, 09:49 AM Parent: #1
وسافر يجيب المال .. من جبال بركل و قُصار طافشا
.. وتواصلت غنائية صلاح بن البادية بتلاوين عديدة
و ارتكاز كامل علي جملة لحنية متميزة و صوت
ندي و رويان من نوع البارتون ماركة سرور و كابلي ....
.. سمعنا يا معاوية غنا ود ناس ابو قرون في شان الستات
.. و نرجع نترحم علي الراحل وليم اندريا
.. كان وليم هبة المولى لامة السودان .. كان فلتة من شاكلة ال knock - Out
تلك .. و راح سدى في معمعان فوضى صراع السلطة و مغبة الاستعلاء العسكري
نسجل في هذا البوست المنسوب للوطن و المكرس لحفظ افضال ابناء الوطن ، نسجل اعلى درجات العرفان و التقدير لتلك الكوكبة التي رفعت اسم السودان عاليا يوم واقعة الكويت و دمشق :
فريق كرة السلة الوطني - السوداني آناء تلك السبعينات من القرن الماضى
.. و زمان كان الود وكان الصفاء .. و لاننا لانزال داخل دائرة الجذب الاوركسترالي لعملاق ذلك الزمان ، حنسمع الود .. كلام الدوش ، مزيكة وردي و اندريا رايدر
.. نسمع الود .. ونسعى لتقصى تلك المؤشرات المتعلقة بتجارب التوزيع الاوركسترالي الجرىء
Post: #1307 Title: Re: د / أحمد طراوة ___ فى ندوة عن تاريخ الغناء فى السودان . Author: Osman Musa Date: 03-26-2008, 01:38 PM Parent: #1306
نتابع
Post: #1308 Title: Re: د / أحمد طراوة ___ فى ندوة عن تاريخ الغناء فى السودان . Author: Moawia Mohammed Date: 03-26-2008, 08:34 PM Parent: #1
غنيتا للستات - ود البادية كلمات : الشيخ عباس عبد الملك
Post: #1309 Title: Re: د / أحمد طراوة ___ فى ندوة عن تاريخ الغناء فى السودان . Author: Moawia Mohammed Date: 03-26-2008, 08:38 PM Parent: #1
مشيت و مشيت - شرحبيل أحمد
Post: #1310 Title: Re: د / أحمد طراوة ___ فى ندوة عن تاريخ الغناء فى السودان . Author: Moawia Mohammed Date: 03-26-2008, 08:40 PM Parent: #1
مسدار أبوالسرة - عقد الجلاد
Post: #1311 Title: Re: د / أحمد طراوة ___ فى ندوة عن تاريخ الغناء فى السودان . Author: Moawia Mohammed Date: 03-26-2008, 08:43 PM Parent: #1
الود - وردي
Post: #1312 Title: Re: د / أحمد طراوة ___ فى ندوة عن تاريخ الغناء فى السودان . Author: Moawia Mohammed Date: 03-26-2008, 08:56 PM Parent: #1
اللوري حل بي - عبد القادر سالم
Post: #1313 Title: Re: د / أحمد طراوة ___ فى ندوة عن تاريخ الغناء فى السودان . Author: أحمد طراوه Date: 03-26-2008, 11:13 PM Parent: #1
.. و معاوية بسوقنا دروب في دروب دائما !
و بالجمعة آخر الليل غافيا .. كلمات الحس الشعبى الختاها سليم الذوق و الطرب ود البادية في ايقاع المامبو إشتقاق الدلوكة .. و بقت الجملة الموسيقية متمددة و تلف ودور و تعيد انتاج نفسها مرتاحة .. ودا كلو لانو ايقاع الدلوكة مرن و مفتوح علي كل الاتجاهات و الإحتمالات !
بحر العلوم يوسف الموصلي بقول الدلوكة ايقاع :
" Multi - Rhythmic "
.. و كمان الهارد روك عند شرحبيل .. بقى ماركة السودان لمن مسك في اشتقاقات الدلوكة
وفي الود بنشوف مجاهدات فك الازمة الخامسة .. ازمة التوزيع الاوكسترالي
و جات بت ملوك العز .. شبالا عطرو ينز .. و بقينا في عرسا كبير .. بوست غنا السودان السرمدي
يا ود عثمان بنقول ليك بمنثور قول ناس سودانيز اون لاين و قول رمضان ود زايد :
" تابع الماسنجر .. وخليك مع الزمن "
Post: #1314 Title: Re: د / أحمد طراوة ___ فى ندوة عن تاريخ الغناء فى السودان . Author: Osman Musa Date: 03-27-2008, 02:59 PM Parent: #1313
يا طراوة حال ودالباديه هنا زى حال الشاعر مضاض بن عبدالمسيح الجرهمى القحطانى . الشاعر الفارس الذى طلب يد بنت عمه بنت مهليل بن عامر . تلك الجارية الرائعة الجمال ( عشق لى الركب ) وبحث عن ( القرين كارد ) والدراهم انشاءالله فى جبال برتا ..
Post: #1315 Title: Re: د / أحمد طراوة ___ فى ندوة عن تاريخ الغناء فى السودان . Author: أحمد طراوه Date: 03-27-2008, 03:31 PM Parent: #1
بنحتاج لخارطة طريق فنية نرسم بيها المسافات الزمنية لرموز ، و قوى ، و وسائل الفعل الاوركسترالي الفني !
.. وضوح المدى الزمني ياهو من وضوح الرؤية الكلية :
- في 1936 لغاية 1940 كان فضل المولي زنقار بغني باهازيج الجملة اللحنية الجديدة ، و علي ضرب ايقاع التم تم الجديد المُعدل
" ابو داؤد اليافع .. هاجر ليلا من سنكات من موقع شغلو كمحولجى في محطة ال قطر و حيث كان مواظب علي الانشاد و تدريب صوتو و ملكاتو في حولية السيدة الشريفة / مريم بت الحسن الكبير ، هاجر ليلا لسينما بربر علشان يسمع زنقار ، ويقول ليهو : اكتب لي رجاءا اغنية حبيبي غاب في موضع الجمال بلاقي ! إنها مجاهدات المدرسة التانية .. زى عثمان الشفيع لمن هاجر لدنقلا علشان يلاقى موظف الحكومة الشاعر مبارك المغربي و يقول ليهو : اكتب لي الباسم الفتان احييت خيالي !
- 1940 لغاية 1950 ... ظهر الحاج عبد الحميد يوسف ، و حسن عطية ، و احمد المصطفي ، و التجانى السيوفي ، و الفلاتية ، و عثمان حسين و التاج مصطفى ، و الكاشف .. تمددت الجملة اللحنية و طارت المزيكا في آفاق التعدد و اللونية .. و تبلورت إتجاهات الصراع و قواه التلاتة .. دا كلو جاب التطور و ولد قوى الدفع لفك الازمة الرابعة بتاعت الغنا :
" الاطار المنهجى التاريخى بتاعنا بقوم علي فكرة : مدرستان و اربعة أزمات ! ! "
- 1951 .. ظهر عثمان الشفيع ! عجيب ود الشفيع في تدفق مشاعرو الوطنية ! بعد كل حفل غنائي كان البوليس السري (ابو الجلابية المن فوقا الجاكتة) بسوقو قدام ادوارد عطية و بقية المحققين الانجليز ! كان اصيل برضو عثمان ! قال لخميس مقدم الجاي من مصر بالبنقز الغير مسارات الضرب الايقاعى : إنت بتنفع اكتر مع ولد جديد اسمو ابراهيم عوض ، غناهو راقص خفيف و بحتاج لبنقزك دا
- 1953 .. اجازت لجنة النصوص برضو صوت سيد خليفة بعد عودتو من مصر ، وصوت صلاح محمد عيسى ، وصوت ابراهيم عوض
- 1958 و بينما العاقب محمد الحسن اللي ظُُمئت روحو وحنت للتلاقي ببلور من علي تلك الصخرة البحرية في نهجو الغنائى الجديد اللي فيهو مسحة السلم السباعي المُوطن سودانيا .. كان الانفجار التاني لظاهرة ابوداؤد ! اصلهم ديل زى البراكين تهدأ ثم تثور ! دا الانفجار اللي صاحب عودة برعى من مصر في 1958 بعد ما خلص فترتو كموظف في السفارة السودانية ، و كطالب بمعهد فؤاد العالي .. ابوداؤد لاقي برعى في مصر ! سفرة ابوداؤد لمصر كانت صدفة عجيبة !
ديل ناس و لكونهم ظواهر موضوعية اصيلة : حياتم كانت ضرب من قانون الصدف اللي بتتحول لضرورات و توجهات جديدة كاملة !
.. الكاشف كان راكب مع ناس المريخ لرحلة مصر ، لاقى ابوداؤد في عطبرة قال ليهو نط في القطر معانا ! ابو داؤد قضى حياتو متنقلا و راكب المجهول ! في مصر مشوا هو و برعى لعبد المنعم عبد الحي و عملو اغنية ( بالله يا اهل الهوى ) ، و برضو لقو ورقة مقطوعة من مجلة واقعة في الارض فيها اغنية الشاعر المصري / احمد محمد ( همسات من ضمير الغيب تشجى مسمعى ) انبثقت بسببا ارهاصات ذلك التحالف الفنى الاسطوري و برزت في قلب سماء الفن السوداني ارقى الجُمل اللحنية و اشدها جاذبية ! وصدقت نبؤة مختار عباس اللي قالا لابوداؤد قبل سنينا عددا في بيت الدرديرى عمر كروم ! ودى ضمن حكاوى الزمن الجميل : قصة الناس البقطعوا جلابيتم في غنى ابو داؤد !
- 1957 كان وردى قاعد قدام لجنة النصوص : وردى محن و حير عبد الرحمن الخانجى ، و خاطر ابو بكر ... فقالو لعلي شمو عضو اللجنة : سوق الفنان العجيب دا معاك خلي بالك منو و ورينا لاحقا اصل الحكاية بتاعتو
- 1960 كان الكابلى و بعد ان رسخ ظهورو و لونيتو و مكانتو ، كان معتلي خشبة المسرح القومى السودانى و بغنى قدام عبد الناصر : للرفاق في البلاد الاسيوية و في الملايو و باندنق الفتية .. في اشد انواع الشعر السودانى فتنة و جمال حيث يصور تاج السر الحسن الدجى وهو يشرب ابهى الالوان من ضوء النجيمات البعيدة
- و في 1960 برضو ترسخت اقدام مهندس البريد و البرق صلاح مصطفي كمطرب و مُلحن ذو لونية خاصة ! بيت ناس صلاح ليهو علاقة قديمة باكورديون وهبة محمد سعيد .. صلاح صوتو منسوب الي دوائر الرومانسية الثورية لمن يصور الوضع اللي كان قبل انفجار اكتوبر 1964 و يقول : كانت ليالي طِوال .. ملاينة هم و نواح .. لكن إرادة الشعب .. و الشعب شعبِ كفاح .. فجت ضلام الليل عادت في احلي صباح ..
- 1961 .. تحول منشد المدائح و قارىء القران صلاح بن البادية الي فنان و ملحن ثابت الاقدام ! بصدح وبقول : إنت يا غرامى .. حبك السامى .. وحي الهامي .. جددت انغامي .. و بددت الآمي ..
_ في 1962 و في خضم مهرجان الفنون الشعبية بكل طابعو الوطني و ابعادو القومية ، و على خشبة المسرح القومى ظهر : الطيب عبد الله ، و محمد الامين ، و ابو عركى ، و صالح الضي ، و زكي عبد الكريم
- في 1963 ، ظهر العندليب المُغرد The Nightingale زيدان إبراهيم ، مدعوم بالحان ود الحاوي و احمد زاهر ! ظاهرة جديدة لا تخطئها العين .. ودي نفس الفترة اللي ظهر فيها حمد الريح ، ثنائي العاصمة و اللحو ..
_ لكن و بحسب نظرية البراكين التى ما تنفك تنفجر مجددا ، و علي صدى انفاس ثورة اكتوير و اجوائها الملهمة المفجرة للطاقات و في نهايات 1964 .. ضربت مدنى الخرطوم مجددا بنبال الفن الجميل .. وجابت تانى محمد الامين و ابو عركي راجعين وهم اشد اكتمالا : ود الامين بيحلف با بتسامة الحبيب و عيونو الجميلة و بيقول قلبي حآزرك ومن زمان سائل عليك .. و ابو عركي بصر إنو ما في قوة بتقدر تفرق بين حبايب إتلاقى شوقم .. ظاهرة فنية جديدة و إنعطافات جديدة في مسار الجملة اللحنية و مستقبل المزيكا السودانية !
- وفى 1967 --- 1968 ، برز في ساحة الحِراك الفنى الموسيقى السودانى ، وبحرو الذى لا يهدأ عثمان مصطفى ( با فاروتى ) السودان ، ومحمد ميرغنى بصوتو المتدفق دفئا و غناهو الفريد المستند علي الجملة اللحنية بتاعت حسن بابكر و العاقب محمد الحسن
... طيب وين شرحبيل ! ؟ زولنا الما بنبدلو !
.. دا للحق و فيما نرى ما ظهر في سنة معينة ! لانو في ظواهر إستُثنائية مدهشة بتكون عابرة للسنين و مستصحبة معاها المسافات الزمنية !
.. شرحبيل دا بنخليهو براهو ، بنخليهو قصدا .. زي ما قال شاعر الشكرية :
" أنا خليتك لإمتثال يا صحبي المتمم كيفي .. ابراهيم ثبات عقلي ودرقتى وسيفي .. مطمورة غلاي مونة خريفى و صيفى .. سُترة حالي في نفسى و نسايا و ضيفى .. " !!
عن مجاهدات شرحبيل ، و علي نور الجليل ، و كامل حسين ، و احمد دأوؤد و بقية أفراد الفرقة الماسية و طاقم الرقص المصاحب ليهم و اللي بيحكى عنهم شوقي بدرى بجزالة و محبة و المعية .. حنخلي باب كامل من ابواب السرد المنسوب لذلك الماضي الجميل و المستشرف لافاق المستقبل .. المستقبل اللي ما حصل يوم فقدنا الامل في خيرو و انبثاق فجرو ..
Post: #1316 Title: Re: د / أحمد طراوة ___ فى ندوة عن تاريخ الغناء فى السودان . Author: أحمد طراوه Date: 03-27-2008, 10:48 PM Parent: #1
.. وكان من الضرورة نعيد طرح خارطة الطريق اعلاه ، و رسم المسافات الزمنية !
" للمدى الغنائي السوداني 1940 ---------- 1970 "
شرحبيل و علي نور الجليل من نهاية الخمسينات بجاهدو لغاية ما رسخوا وجودم في منتصف الستينات .. اسمعوا بالله الهارد روك السوداني في اغنية شرحبيل المرسلا معاوية .. الاغنية ليست :
- بلوز - و ليست جاز - و ليست روك اروبي - امريكي ، ولا بوب و لا فانك _ و لا سول روحاني زي بتاع جيمس براون
- و لا بلوز مُوقع ( Rhythm & Blues = R & B ) ، ولا هيب هوب
أغنية مشيت و مشت وراك عينين :
.. هو الهارد روك ماركة السودان .. هو ميلودي الجيتار و كوردات البيز جيتار في صلتم با يقاع التم تم و مجمل اشتقاقات الدلوكة ذات الطيف الايقاعي الواسع ..
.. عن شرحبيل بنتكلم لاحقا !
و بننتظر معاوية يشغل الود علشان نكشف خفايا صراع الثقافات و التراث اللحني الدار ما بين :
وردي - رايدر !
.. الود انفاس التوزيع الاوركسترالي العالمي و القادر برضو يلامس وجدان السودان الموسيقي !
.. وردي ما خلى اندريا رايدر يعمل الدايرو في كلمات الدوش و في الميلوديا الاساسية للاغنية .. بل صارعوا و جرجروا بكامل الكينونة و الشخصية الاعتبارية الفنية ، جرجروا الي رمال الجملة الموسيقية السودانية المتحركة !
.. ولو سمعنا زكي عبد الكريم بقول :
.. ما اصلوا الحرير بنجر بمهل .. فلن يكون بوسعنا سوي ترك التعليق علي الود حاليا .. و ترديد تشهد زكي الغنائي الوارد في اغنية رطانة الدناقلة :
" إالهي الكون دا كلو ! "
الي الود نعود ، لمقام عبد القادر سالم و العاقب السباعي نعود .. الي ساكسفون زكي عبد الكريم نعود في حلاة بلدي و حلاة نيلا .. او كما قال الراحل محي الدين فارس :
الي الغابة الخضراء و الكوخ الموشح بالورود حتما نعود ..
Post: #1317 Title: Re: د / أحمد طراوة ___ فى ندوة عن تاريخ الغناء فى السودان . Author: Moawia Mohammed Date: 03-28-2008, 03:29 AM Parent: #1
زي البانة - محمد وردي علي ايقاع الدليب
Post: #1318 Title: Re: د / أحمد طراوة ___ فى ندوة عن تاريخ الغناء فى السودان . Author: Saifeldin Gibreel Date: 03-28-2008, 07:57 AM Parent: #1317
عزيزنا دكتور احمد طراوة... كم هو ممتع هذا الحكى الجميل.. ويا ريت لو تحدثت لينا عن جيل الاستاذ عركى هذا الرائع الذى يساوى النيل طولآ وشموخآ... موعدك يا زاتية كانت طفرة جديدة فى الاغنية السودانية وهى من الحان الاستاذ الموسيقار محمد الامين ان لم تخنى الزاكرة....
صورة للاستاذ ابوعركى وابنه محمد على الاورق وعازف الكمان احمد باص فى حفلة مونترى بكاليفورنيا
Post: #1319 Title: Re: د / أحمد طراوة ___ فى ندوة عن تاريخ الغناء فى السودان . Author: أحمد طراوه Date: 03-28-2008, 10:02 AM Parent: #1
.. زي البانة
وهج الدليب لمن يلاقي جملة وردي الموسيقية !
و سعيدين بزيارة زول الجريف
( الجريف الاقدم من الخرطوم ! )
.. شكرا يا سيفنا المرسوم علي جدار الحكي و الفرح و الهِمة
و اصلا فضل الله محمد زول مدني ، زول عركي و ود الامين لمن كتب برضو و قال :
مشاكلي بسيطة بالريدة بتُحل . .
ياهو كان بتحدث بلسان حالك يا سيف !! يا سلطان العاشقين
.. شكرا علي صورة عركي .. و حنواصل مقاربة عركي في نسيج مدني السني .. و مدني الجديدة برضو
.. مدني المساح ، و الشبلي ، و عثمان فرفشة ، و بدر التهامي و ابراهيم الكاشف
و ياريت نسمع لعركي كلمات فضل الله محمد الحان ود الامين :
مين يفرق بين حبايب اتلاقى شوقم ؟ !
Post: #1320 Title: Re: د / أحمد طراوة ___ فى ندوة عن تاريخ الغناء فى السودان . Author: Moawia Mohammed Date: 03-28-2008, 05:01 PM Parent: #1
الليلة يا سمراء - وردي
Post: #1321 Title: Re: د / أحمد طراوة ___ فى ندوة عن تاريخ الغناء فى السودان . Author: Moawia Mohammed Date: 03-28-2008, 05:04 PM Parent: #1
يقظة شعب - وردي
Post: #1322 Title: Re: د / أحمد طراوة ___ فى ندوة عن تاريخ الغناء فى السودان . Author: Moawia Mohammed Date: 03-28-2008, 05:08 PM Parent: #1
لمحة غزل - زكي عبد الكريم
Post: #1323 Title: Re: د / أحمد طراوة ___ فى ندوة عن تاريخ الغناء فى السودان . Author: Moawia Mohammed Date: 03-28-2008, 05:12 PM Parent: #1
حلاة بلدي - زكي عبد الكريم
Post: #1324 Title: Re: د / أحمد طراوة ___ فى ندوة عن تاريخ الغناء فى السودان . Author: Moawia Mohammed Date: 03-28-2008, 05:30 PM Parent: #1
ظلموني الحبايب - العاقب محمد حسن
Post: #1325 Title: Re: د / أحمد طراوة ___ فى ندوة عن تاريخ الغناء فى السودان . Author: Moawia Mohammed Date: 03-28-2008, 05:47 PM Parent: #1
وعد - أبوعركي البخيت
Post: #1326 Title: Re: د / أحمد طراوة ___ فى ندوة عن تاريخ الغناء فى السودان . Author: أحمد طراوه Date: 03-28-2008, 07:01 PM Parent: #1
... و ما إنفك معاوية يغمرنا بفيض الكرم الغنائي :
* صحيح الزمن غلاب .. بس نحنا عشناه و مشينا ! ...
.. وقعت تعابير عمر الطيب الدوش ذات البساطة و النزعة العامية و الدلالات العميقة ، وقعت في يد كجور المزيكا التاني فيما بعد التاج مصطفي و عثمان حسين !
محمد عثمان وردي .. لمن دخل معركة الود كان داخل ( بسلاحو ) !
زي كرومة لمن دخل معركتو الاولى ( جاني طيفو طايف و خداري ) .. كان مُعسكر بالاسابيع في ورشة اولاد التومة ( خليل و الياس اللي كرومة ما بنكر فضلهم و اثرم عليهو ) بحي ود أرو الامدرماني
.. وردي الماشي بسرعة 7 ماخ كما رصده متولي عيد مبكرا ، كان قد صنف نفسو و من زمن المستحيل و الطير المهاجر ، صنف نفسو في مستوى ( الموسيقار ) .. موسيقار بمعنى إنو حاجة اكتر من ملحن !
Wardi was true Muscian .. not only a Lyricist but still not a full Composer
لانو في المستحيل و الطير المهاجر وردي كان بعمل في قوالب لحنية جديدة : فيها مقدمات و كوبليهات و جسور عبور داخلية !
.. كان بلحن و كمان بعالج و بقود و بسعي لتخريج هارموني .. كان الرائد الاول القدر يوظف و بخضِع ضربات و موازير مختلف الايقاعات لصالح جملتو الموسيقية بالتمام و الكمال
.. و كانت الود بكل مافيها بكل ما لها و عليها ، كانت إختراق جديد .. كانت سفر المغني و الملحن السوداني في دروب المُناجزة الجريئة لقضية التوزيع الاروكسترالي
كانت كائن جديد طلع من لقاء اكربول اثينا مع بركل السودان
.. ورغم إنو وردي لم يكن كومبوسر ( لم يكن مدعيا الالمام بكل جوانب و خفايا و علوم التآليف الموسيقي ) .. لكن برضو دخل معركة الود .. الود ترافيلغر الغناء السوداني و طرفو الاغر !
.. مُناجزة الازمة الخامسة .. ازمة التوزيع الاوركسترالي في خصائصا السودانية و في عميق صلتا بتراث كرومة ، عبد المعين ، خليل فرح ، التاج مصطفى و عثمان حسين ..
Post: #1327 Title: Re: د / أحمد طراوة ___ فى ندوة عن تاريخ الغناء فى السودان . Author: محمد المرتضى حامد Date: 03-28-2008, 07:59 PM Parent: #1326
يا أحمد خليني من قصة الأكروبوليس دي ، أندريه رايدر دا لو رجعت لي ورا بتلقاهو من حي العرب حافي حالق. ملحوظة: زمان كنا بنشيل الود. وهسه برضو.
Post: #1328 Title: Re: د / أحمد طراوة ___ فى ندوة عن تاريخ الغناء فى السودان . Author: Osman Musa Date: 03-28-2008, 09:02 PM Parent: #1327
الأستاذ الكريم محمد المرتضى سلام شديد يا سلام عليك الف شكر على وضعك صورة اجمل الشعراء المتمردين بطران . ولو لقيت وكت دايرك تكتب عن بطران فى بوست أحمد القرشى . عارفك تدرى الكتير عن بطران . وعارفك عارف الشبه البين بطران وعالم الرياضيات الامريكى ناش بتاع ( بيوتى فل اميركان مايند . ___ عارف يا محمد ناسنا ديل لو انجمع القليل من الكلام عنهن كانت هوليود بقت اقل من سمسمه .. 10 ارادب سلام و10 قدور تحيات الف شكر أخ محمد
Post: #1329 Title: Re: د / أحمد طراوة ___ فى ندوة عن تاريخ الغناء فى السودان . Author: أحمد طراوه Date: 03-28-2008, 10:36 PM Parent: #1
.. يا ود حامد !
.. و الي كل الذائبين وجدا في عوالم مدرسة الغناء الاوركسترالي التانية :
نعلم انكم لازلتم تشيلون الود اثقالا و أحمالا
و نعلم انكم لا زلتم مرابطين في إنتظار ادنى وشوشة للريح في الباب !!
.. وقام وردي جاب ميزان كرومة اللحني - الاساسي في اغنية قسم بمحيك البدري ! و علي قاعدة ميزان كرومة الصالح لكل زمان و مكان عمل زخم و تكثيف موسيقي و و اعطى دور اوسع للآلات الاوركسترالية .. يعني ، و من زاوية الميوزكولوجي وردي ما عمل إعادة توزيع اوركسترالي لاغنية كرومة ... ، هو فقط :
" مارس التحوير الموسيقى الذكي في كامل الإستناد علي جملة كرومة الموسيقية و لحنو الاساسي .. "
.. و برضو ادى اللحن بتاع كرومة سمة ايقاعية جاذبة و متدفقة بالتطريب ! شوف المدخل الايقاعي الاول اللي فيهو حرارة التلاقي و التكامل ما بين الطبلة و الدُنب و البيز جيتار .. ثم الصوت الصادح ( التنور ) ماركة السودان و هو بقول :
" قسم بمحيك البدري .. غرامك منو ضاق صدري ؟! "
.. و مابالك ، فلو تكاثرت الاشواق فإن الصدور تضيق .. و الانفس يتهيجن ... و كل حسن مالك حسن
وردي حاصر اندريا رايدر بتراث الجملة الموسيقية السودانية .. فطلع ذلك الكائن اللي اسمو الود ، طلع في الإطار : الخماسي - السداسي - السباعي
.. سباعي السودان الموطن في ايقاعات العاقب و مردوم عبد القادر سالم .. و سداسي عبد المعين ، ذلك الاجتراح الرائد الذي عرف ب :
صولفيج التسديس ... الزنجران السوداني ...
وردي : ترسانة و مخزن الاوركسترالية السودانية .. مزيج برنت عالي الاغلاق .. مزيج العرب و النوبة ..
Post: #1330 Title: Re: د / أحمد طراوة ___ فى ندوة عن تاريخ الغناء فى السودان . Author: أحمد طراوه Date: 03-29-2008, 11:06 AM Parent: #1
... طرحت الود مؤشرات إيجابية Positive Vibrations
.. و مثلت بالحق عهد الاشراق التاني .. إشراق ما بعد الصولفيج الاول البسيط و الشجاع بتاع عبد المعين ، محمد آدم ادهم و السر عبد الله ..
علي دروب الهارمونية و قضايا التوزيع الاوركسترالي السوداني لامست الود بعض تلك القضايا الهامة :
* إمكانية تخطي المونوفونيك ( الرتابة و المحدودية الموسيقية ) .. لصالح بولي فونيك سوداني جديد
* أمكانية التاسيس لهارموني و كاونتربوينت ذو اصالة سودانية
* و وضح إنو الاجتراح الرائد الاول اللي جابو الكاشف ، ممثلا في القدرة علي التحرك بين السلالم و المقامات ، يمكن ان يتواصل و يتطور و يتسع ، وذلك علي هدي منهج علمي - موسيقي سوداني
* و اكدت الود بانو الصولفيج الاروبي - العالمي الذى اتي به رايدر ، يمكن تنزيلو في ارض الواقع الموسيقي السوداني بطريقة ال Soft landing .. ودا بيعني استتباعا .. إنو جملة السودان الموسيقية ، و بالتالي الغناء السوداني الجديد قادر علي العبور الي العالمية مع كامل الاحتفاظ بخصايصو
* و بتقول الود ، بانو الدعوة لصولفيج سوداني جديد ، و نداءت مثل : نحو بوليفونيا موسيقية سودانية و توزيع اوركسترالي خفيف راقص ، هي دعوة بالحق اصيلة و موضوعية
* و لانو جملتنا الموسيقية جذورا راسخة و ضاربة في تربة عبد المعين ، و كرومة و خليل فرح ، فإن وافد الثقافة الموسيقية العالمية ، لن ياتينا من بوابة الهيمنة و الازاحة و طمس الوجدان السوداني ! بل سياتينا عبر المداخل الواعية للتفاعل الايجابي الحر
* و إنو الإنفتاح علي العالم و التواصل الايجابي و مناخ الحريات هي مستلزمات حاسمة لنهضة و تطور غنائية السودان
Post: #1332 Title: Re: د / أحمد طراوة ___ فى ندوة عن تاريخ الغناء فى السودان . Author: Osman Musa Date: 03-29-2008, 07:23 PM Parent: #1330
استاذ سيف جبريل سلامات كتر خيرك كتير على الدخول الكريم والصور .. الف شكر تحياتى
Post: #1331 Title: Re: د / أحمد طراوة ___ فى ندوة عن تاريخ الغناء فى السودان . Author: Moawia Mohammed Date: 03-29-2008, 07:20 PM Parent: #1
فوق
Post: #1333 Title: Re: د / أحمد طراوة ___ فى ندوة عن تاريخ الغناء فى السودان . Author: Osman Musa Date: 03-29-2008, 09:11 PM Parent: #1331
نتوقف لظروف الارشفة وانشاء الله نتابع الندوة مع الباحث الجميل د/ أحمد طراوة ___ والشكر الجزيل لكل من شارك من الأخوان والأخوات الكرام لكم منى كل الحب ___ تحياتى
Post: #1334 Title: Re: د / أحمد طراوة ___ فى ندوة عن تاريخ الغناء فى السودان . Author: انعام عبد الحفيظ Date: 03-29-2008, 10:06 PM Parent: #1333
يا أهل الود قصدي يا أهل البوست
ما قدرت آخد لنك الحفظ لأغنية الود - محمد وردي
ممكن تدونا ليها قبل الأرشفة ؟
Post: #1336 Title: Re: د / أحمد طراوة ___ فى ندوة عن تاريخ الغناء فى السودان . Author: محمد عثمان Date: 03-29-2008, 11:24 PM Parent: #1334
Post: #1335 Title: Re: د / أحمد طراوة ___ فى ندوة عن تاريخ الغناء فى السودان . Author: أحمد طراوه Date: 03-29-2008, 11:04 PM Parent: #1
.. يا معاوية :
جيبوا لانعام رفيعة المقام ، الود و كل غناء السودان السرمدي الجميل
.. راح نأرشف البوست و مادتو لنخفف العبْء علي السيرفر و علي بكري .. و حيكون محفوظ لكل من يريد المراجعة
حنبدأ بارت تو : حول مسار مدرسة الغناء التانية و مستقبل الاوركسترالية السودانية ، و حتظل جذور السرد ممتدة عميقا في تربة ود الشريف اللي رايو لم يكمل بعد ..
مودتنا و تقديرنا للجميع ، وكامل و لائنا و حبنا لشعب السودان الذى انتج هذا الغناء الجميل في الجهات الاربعة
Post: #1337 Title: Re: د / أحمد طراوة ___ فى ندوة عن تاريخ الغناء فى السودان . Author: Osman Musa Date: 03-30-2008, 02:18 PM Parent: #1335
لن تضيق بساتين الغناء فى السودان. ولن تغتالها الأيام. ولن تذبل . انشاء الله سوف لن نتخلى عن الحديث عن الشعراء وعن تلك المعانى الجميلة . نتبادل الخانات . سوف يقوم الأخ العزيز الباحث وصاحب الحديث د /أحمد طراوة بفتح البوست 2 بعد الارشفة . ونظل نحن نفس التيم ناس محمد عثمان ومعاويه وشخصى الضعيف نفس التيم تيم هارلم. نحاول جمع القليل عن تاريخ الغناء فى السودان والمحيط . تحياتى لكل من شارك من الأخوان والأخوات
Post: #1338 Title: Re: د / أحمد طراوة ___ فى ندوة عن تاريخ الغناء فى السودان . Author: Hololy Date: 03-30-2008, 05:19 PM Parent: #1
Quote: لن تضيق بساتين الغناء فى السودان. ولن تغتالها الأيام. ولن تذبل . انشاء الله سوف لن نتخلى عن الحديث عن الشعراء وعن تلك المعانى الجميلة . نتبادل الخانات . سوف يقوم الأخ العزيز الباحث وصاحب الحديث د /أحمد طراوة بفتح البوست 2 بعد الارشفة . ونظل نحن نفس التيم ناس محمد عثمان ومعاويه وشخصى الضعيف نفس التيم تيم هارلم. نحاول جمع القليل عن تاريخ الغناء فى السودان والمحيط . تحياتى لكل من شارك من الأخوان والأخوات
.... ندوه كاملة الدسم.... جرعه دسمه جدا للروح و الوجدان... و التوازن بالضروره تعرف يا عثمان وفي قمة لحظات الضعف من دبرسه و قرف و احباط ..... لا أجد ما استعيد به توازني غير المرور علي ناسك ديل ... وناس غيرك ... وشعور عميق ان هناك مرابطين عددا .وفي كل المناحي... .للحفاظ علي الهيكل العظمي لجسد هدا.... البلد الامين... معافي وصحي ... .. رغم كل شئ... و سيستمر وجدانه يترع بكل نبيل و انساني لاجياله القادمه.... ..ولن اندهش .. فقريبا .. سيتصدي الكثير من عضوية هذا المنبر لبعث و استدعاء رحلة الغناء و الوجدان المقموعه وراءّ لتلك الاطراف و الاصقاع النائيه ليكتمل غذاء الجسد ... . لك و لكم و لهم .... بهناك ...... الشكر... فمنكم نتعلم .... و تزداد معارفنا.. و تتوسع مداركنا ... مجددا ....الشكر لهذه الكتيبه .....
Post: #1339 Title: Re: د / أحمد طراوة ___ فى ندوة عن تاريخ الغناء فى السودان . Author: Ahmed al Qurashi Date: 03-30-2008, 06:04 PM Parent: #1338
Quote: لن تضيق بساتين الغناء فى السودان. ولن تغتالها الأيام. ولن تذبل . انشاء الله سوف لن نتخلى عن الحديث عن الشعراء وعن تلك المعانى الجميلة . نتبادل الخانات . سوف يقوم الأخ العزيز الباحث وصاحب الحديث د /أحمد طراوة بفتح البوست 2 بعد الارشفة . ونظل نحن نفس التيم ناس محمد عثمان ومعاويه وشخصى الضعيف نفس التيم تيم هارلم. نحاول جمع القليل عن تاريخ الغناء فى السودان والمحيط . تحياتى لكل من شارك من الأخوان والأخوات
الاعزاء / عثمان موسى واحمد طراوة
كنتم قمة فى الابداع والمسئولية ... استمتعنا بهذا البوست الضخم كما يقول استاذنا المرحوم ابراهيم احمد عبدالكريم... نحن فى السودان لا نهتم بالتوثيق كثيرا ولذلك مثل هذه الاعمال الجليلة والكبيرة تساعد على حفظ تراثنا من الضياع .... اشكركم كثيرا على هذا المجهود وفى انتظار البوست الجديد لمواصلة السياحة فى تاريخ الغناء السودانى ولا انسى الاخ معاوية والاخ محمد عثمان الذين اتحفونا بالجمال والروعة والاغانى النادرة ... وفى انتظارك اخى احمد طراوة وشكرا لك ايها الرائع عثمان موسى
Post: #1340 Title: Re: د / أحمد طراوة ___ فى ندوة عن تاريخ الغناء فى السودان . Author: Osman Musa Date: 03-30-2008, 11:10 PM Parent: #1338
العزيز جدا HOLOLY او أحمد على عبدالكريم اخينا الذى فى سدنى كيف حال مسرح الرويال ؟ الف شكر على كلماتك سوف لن نتوقف عن الحديث عن الغناء والنهر العطبراوى يفيض بالخير كل عام . تحياتى وشكرى الجزيل
Post: #1341 Title: Re: د / أحمد طراوة ___ فى ندوة عن تاريخ الغناء فى السودان . Author: أحمد طراوه Date: 03-31-2008, 10:21 AM Parent: #1
.. الود القديم .. وحده جاب صديقي القديم احمد حُللي لبوست الغناء !
شكرا يا قرشي .. و إنت برضك و اصل علي طريق الدقلاشى و ود بعشوم و ود الفكي و ابو صلاح و فاطمة خميس و بطران و المساح
.. و جرى التشاور و التداول ما بين دنفر و فيرجينيا و عبر فراسخ الاطلنطي عند داخل السودان و إستقر راي جماعة بوست تاريخ الغناء ان اقوم بفتح البوست الجديد ليكون باسم : تاريخ و مستقبل الغناء السوداني ( الجزء الثاني )
.. و يبدو ان محمد عثمان و معاوية و عثمان قد حركتهم حقيقة انني و حتى اللحظة لا زلت في زمن الخصخصة و اقعا تحت تأثير افكار القطاع العام ، و لا املك بعد حواشة بإسمي في مشروع بكري ابو بكر الاخضر الكبير
و قبلت منهم مواصلة هذا التكليف السوداني الكبير :
.. مواصلة البحث و التنقيب في دروب و دهاليز الغناء السوداني و مستقبل الاوركسترالية علي ذات النهج الذي بدأ قديما بأهزوجة محنة ود الشريف في ديار القِمر بغرب السودان :
.. ود الشريف رايو كمل .. جيبو لى شالاتا من دار قِمر
منهج ان الغناء تطور عبر مدرستين تداخلتا في كامل التمازج و التمايز ايضا ، و عبر 4 ازمات و عدة اشكال انتقالية .. مع وجود ازمة خامسة لا تنفك تلوح في سماوات الغناء السوداني و هي :
ازمة المونوفونيا ( الرتابة ) .. و غياب التوزيع الاوركسترالي
و لم تكن محنة ود الشريف محنة وحسب , بل انبثاق و تخلق جنيني لرحلة الغنائية و الصولفيج السوداني .. ذلك ان صول التركية كان فد افلح في تسطير ذلك الميلودي التاريخي المحبب لدي بنات الفاشر الكبير ، بين ثنايا نوتة الموسيقة العسكرية القديمة ..
.. و علي الود نفترق ، لنلتقي علي غنائية البوست الجديد
.. و بيني و ما بين عيون القمرة عذابات المِهجر و وعثاء الطريق و حنين الرجوع .. او هكذا كان يقول الفنان احمد ربشة
Post: #1342 Title: Re: د / أحمد طراوة ___ فى ندوة عن تاريخ الغناء فى السودان . Author: MOHAMMED ELSHEIKH Date: 03-31-2008, 11:57 AM Parent: #1341
طراوة الشوق محيط اطلسي ود الشيخ على الخط تفاصيل أوفي في ( ناسنا)
Post: #1343 Title: Re: د / أحمد طراوة ___ فى ندوة عن تاريخ الغناء فى السودان . Author: Osman Musa Date: 03-31-2008, 05:20 PM Parent: #1342
تحلقوا فى حلقة كبيرة وطالب الاسنان المقدام أحمد القرشى يلقى خطبته الشهيرة تلك . وطوابير العسكر فى الخارج . أحمد القرشى كاتب شامل يجيد اللعب فى كل الاركان ارجو أن تحدثنا فى بوست منفصل عن تلك الأيام ايام ناس محمد الرشيد شداد ومجذوب عبدالرحيم موسى وحافظ راشد وبادى محمد الطيب وأبوامنه حامد ,, تحياتى وشكرى
Post: #1344 Title: Re: د / أحمد طراوة ___ فى ندوة عن تاريخ الغناء فى السودان . Author: Osman Musa Date: 03-31-2008, 11:24 PM Parent: #1343
جزيل الشكر أخ بكرى أبوبكر مالك موقع سودانيز أونلاين . كان العشم أن تفعل ذلك تحياتى وشكرى على نقل البوست
Post: #1345 Title: Re: د / أحمد طراوة ___ فى ندوة عن تاريخ الغناء فى السودان . Author: أحمد طراوه Date: 04-01-2008, 03:17 AM Parent: #1
.. و ها نعود لشق عتامير الغناء .. و جر النم مع ناس الحردلو و حسان الحرّك و ود شوراني !
.. لكم مني و من عثمان و معاوية و ود عثمان :
- سلام اهل السودان بكل تلك اللغات و اللهجات - لكم جزيل المودة و العرفان كونكم تابعتم بوست الغناء هذا - لكم الشُرد السائرات - و كل الحان بوست تاريخ الغناء ما قد كان و ما سيكون - و لكم النوق العصافير يوم ان طلبتها عُبيلة عنتر كما يقول عتيق - و ايوان كسرى بما حوى و حمل - و فالوزج المتوكل - و مية من بقر جون قرنق - وكل دهب الكنداكا ( من ثعبان ، و احفظ مالك و كرسي بعانخي ) - و كل نفيس وجده عبد الله بن غُلابة يوم ان عثر في تلك الصحراء علي مدينة إرم ذات العماد
.. نواصل الغي حسب نصيحة شاعرتنا المقدامة شغبة المرغومابية .. نواصل سيرنا في دروب مدرسة الغناء الاوركسترالي التانية :
.. إذ رحل لنا بوست تاريخ الغناء بقضه و قضيضه ، بلحمه و دمه .. !
.. فيا بوست بالله كن بردا و سلاما علي سيرفر بكرى ، و كن رئة هواء التاريخ الندي المُنعش لكل ابناء شعبنا و هم يصارعون عهد الظلم الشبا حواجز .. شبا موانع
Post: #1346 Title: Re: د / أحمد طراوة ___ فى ندوة عن تاريخ الغناء فى السودان . Author: محمد عثمان Date: 04-01-2008, 09:56 AM Parent: #1
الحبان كلهم..
سلاااام
و تحياات مع الربع الجديد و شكرا لبكرى الذى رفض الا ان يكون هذا البوست حضورا فى هذا الربع الجديد 2008
و نواااصل مع كل الجميلين هنا...
خربشة:
في بحور الشوق مسااافر .. زادي نظرة .. وابتسااامة !! ويوم أشوفك أبقى قااادر أبقى قاادر أرسى في بر السلامة.. وألقى نفسي بين يديك.. وأنسى عيني في عينيك.. وأنسى كل الدنياا حولي .. إلاا إنت.. وشوقي ليك !!
Post: #1347 Title: Re: د / أحمد طراوة ___ فى ندوة عن تاريخ الغناء فى السودان . Author: Osman Musa Date: 04-01-2008, 02:34 PM Parent: #1346
الأخت العزيزة انعام عبدالحفيظ سلام مربع كيفك ؟ بوست تاريخ الغناء سعيد طاير بالفرح . الف شكر أخت انعام تحياتى وفى انتظارك
Post: #1348 Title: Re: د / أحمد طراوة ___ فى ندوة عن تاريخ الغناء فى السودان . Author: أحمد طراوه Date: 04-01-2008, 09:55 PM Parent: #1
.. و عشان نفهم خصوصية و تفرد ظاهرة الغناء السوداني بوصفها نشاط سوسيو- ثقافي قديم ، لازم نقارب دلالات العمق التاريخي للبلد الاسمو السودان .. من حضارة كرمة و النوبا العليا و التقاطع و التمازج الثقافي الحصل قبل 4 الف سنة مابين حضارة نهر النيل مع حضارة الرافدين ، وفي وثيق الصلة مع حضارة نهر السند و النهر الاصفر اللي قامت فيهو حضارات الماندرين الصيني القديمة و وصول الفينقيين و الكوشيين قديما الي امريكا الاتنينية و تفاعلم مع الانكا و المايا اجداد خوسية ، و تريزا و شافيز ! .. حتى لحظة دخول اللير القديم ( القيثارة ) جنوب الوادي ، ثم انبثاق دوباى الكلوكية في حضارة النوبا القديمة بوصفه اول نظم مُقفى سوداني فتح الباب لدوباى الاستعراب السوداني ! الدوباي البقى اغنية ود بعشوم و ود كدباس و محمد ود الفكي بابكر .. و سرور و العبادي
اتلقى العقد دا من يومين في مدافن بيرو القديمة ! عمرو 4 الف سنة في كامل التوازي الانثرو - تاريخي مع حضارة النوبا العليا السبقت حضارة الفراعنة .. حضارة الدهب المشغول و الجداريات المدهشة و الغناء المموسق و الساقية الجابت موفور الانتاج الزراعي !
حضارة الفائض الاقتصادى ، حضارة عقد السوميت و عقد التركواز - الدهبي بتاع الكنداكا اللي نحنا في بوست تاريخ الغناء سميناهو ( كرسي بعانخي ) اللي اعز و اجمل عندنا من كرسي جابر و دهب البحرين
The gold and turquoise necklace, made nearly 4,000 years ago, was found in a burial site near Lake Titicaca, researchers report in Tuesday's issue of Proceedings of the National Academy of Sciences.
(AP Photo/National Academy of Sciences, PNAS, Mark Aldenderfer)
.. نواصل البقاء في فيحاء اغنية الود اللي جات علامة فارقة
و طرحت اسئلة عويصة !
.. وزي ما قال ود حامد المرتضى : السودانين من زمان كانوا بشيلو الود .. و لسه بيشلو الود ولو طالت دياجير الازمة الوطنية
و جميل بادي لمن يقول : لو ما بخاف الرُقباء .. بصل معاك العقبة .. يا عقد السوميت الفصلوك في الرقبة ! يا سمسم القضارف
.. و محظوظة الورثت من حبوبتا عقد سوميت
Post: #1349 Title: Re: د / أحمد طراوة ___ فى ندوة عن تاريخ الغناء فى السودان . Author: انعام عبد الحفيظ Date: 04-01-2008, 10:09 PM Parent: #1348
الناس الجميلين الهنا
اول حاجة مبروك الربع الجديد
ودا بيأكد اهتمام بكري بالبوست التوثيقي دا
وشكراً يا محمد عثمان على لنك الود وربنا يديم الود
ولعزيزنا احمد طراوة كل التقدير والعرفان
ويا عثمان موسى بوست انا الطايره بالفرح بترحيبكم بي
ليكم كلكم كل الورود والود
Post: #1350 Title: Re: د / أحمد طراوة ___ فى ندوة عن تاريخ الغناء فى السودان . Author: أحمد طراوه Date: 04-02-2008, 06:59 PM Parent: #1
.. تحايا لانعام و كل المرابطين بالداخل البغالبوا في واقع شرس ، واقع ظلوم و غريب .. و مع ذلك بشيلوا الود و بصنعوا الفرح و بشدو اوتار المُغني .. !
.. الود جات شايلة:
- تكثيف موسيقي - اوركسترالي ما حصل من قبل في مسار الغنائية السودانية ! ما حصل في اعمال التاج مصطفى الرائدة زي الملهمة ، و ليلة الذكرى ، ولا اشراقات وجديد عثمان حسين زي الفراش الحائر و القبلة السكرى و عاهدتني
- جات كإعلان با نو التوزيع الاوركسترالي كعلم و فن عالمي ممكن جدا يكون من ذلك النوع الا سمو ( بت السودان اصيل )
- و بتقول الود: لمن يسمعا الزول مرة و إتنين و تلاتة ، و يقارنا استماعا بباقي الغناء السوداني ، بتقول انو مكانة و احاسيس هذا النوع من موسيقي التوزيع الاوركسترالي قاعدة و موجودة في صيوان اذن السودانين و جهازم العصبى المركزي و مخزون خبرة وجدانم الفني
- و نلاحظ إنو الود اتعملت بآلات اوركسترالية ابسط مما هو متوفر اليوم ! اتعملت استنادا علي وتريات و كاونترباصات ، و بعض مدخلات المزيكا المصرية الاخرى .. و في كامل الغياب لمدخلات و تقنبات المزيكا الجديدة و ما حولها من مؤثرات داعمة و صوتية
- و برضو بتطرح الود سؤال عملي - هام :
" ليه المؤلف و الموزع الموسيقي السوداني ، و علي مدي اكثر من 25 عاما بعد الود و مع كل الجد و الاجتهاد الظهر هنا و هناك .. ، ليه ما قدرو يجيبوا عمل بتلك الضخامة و الجودة و التجديد .. وين بتكمن عوامل الضعف و وين بتكمن عوامل القصور و ما هي طبيعة الظروف المنتجة للازمة الخامسة ؟
" ازمة الرتابة ، و غياب التوزيع الاوركسترالي "
Post: #1351 Title: Re: د / أحمد طراوة ___ فى ندوة عن تاريخ الغناء فى السودان . Author: Osman Musa Date: 04-02-2008, 09:19 PM Parent: #1350
وحشنا أبوعركى عاد الى البلاد عاد الى تلك الجنات دار الخليل نتمنا أن يجد الحال درت وفى كمين عافيه . اعود ..
Post: #1352 Title: Re: د / أحمد طراوة ___ فى ندوة عن تاريخ الغناء فى السودان . Author: أحمد طراوه Date: 04-02-2008, 11:30 PM Parent: #1
.. وبقول عبد القادر سالم :
.. علي تقاسيم السلم السباعي و ضربة المردوم ... المردوم ولادة الاندياح و التمازج مع قبائل نوبا الجبال :
" حبيبي سيد الناس يبقى لي وناس ! "
.. وكيف انسرب السباعي و توطن في ديار اب جويل ؟ ! وكيف تصالح و توافق مع ذلك الايقاع ذو الجذور و المنشأ الافريقي ؟ !
إنها عبقرية الانسان في ذلك الحيز من المكان ..
.. نسمع اللوري حل بي .. ونشوف صولات وجولات محمد الامين الازيرق مع المقام الموسيقي الكبير في ارض السودان
.. و يا ود عثمان حوبتك جات .. الا معاوية عاوز يسمعنا سليم الذوق البضرورة يشوف عمايل الحب في الحشا المحروق !
Post: #1353 Title: Re: د / أحمد طراوة ___ فى ندوة عن تاريخ الغناء فى السودان . Author: Moawia Mohammed Date: 04-03-2008, 09:27 AM Parent: #1
سمسم القضارف - مدني صالح كلمات : عثمان علي احيمر
Quote: العزيز ود حماد شكرا على هذه السكة الطيبة واسمح لى ان اداخل حبيبنا يوسف فيما ذهب اليه
Quote: تزوج الطيب سمسم من الفنانة الراحلة منى الخير هو ليس صاحب أغنية سمسم القضارف وأعتقد انه الفنان آدم شاش ولكن ربما الطيب تغنى بها إعجابا
من اين اتيت بهذا التخريج يارجل!!! اول مرة اسمع بان آدم شاش هو صاحب الاغنية رغم شكى الكبير فى الامر حيث لا اللغة ولا الافكار تشبه آدم( فنجان جبنة يابنية) قبل سنوات خلت كنت قد تداخلت مع العزيز منوت فى بوست حول الحداثة وقد حاججتهم بما اقتطفه لك من ذلك البوست عله يوسع دائرة البحث المضنى هذى
Quote: بمناسبة الفلاتية والتى تعلمين اننى لا اعشقها فقط وانما اتعشقها نغماَ نغما, اذكر اننا وفى امسية جليلة كجلال حاضريها وبهية كبهاءه العظيم جلسنا الى على المك يسامرنا فى بيت حى السوق المحامى الفذ مصطفى عبد القادر والصحفى الضخم محجوب عثمان وصدرنا الاعظم كمال الجزولى وكنت قد غنيت لهم سمسم القضارف قال البروف رحمه الله سال ابو داؤود الفلاتية عن اصل سمسم القضارف فقالت انها سمعتها فى بيت سماية فى العباسية يغنيها واحد اسمه حسن جبر الدار وكان ينقر على طبلية صغيرة كما الدلوكة وقد استحسنتها فحفظتها عنه بكوبليهاتها المشهورة عنها فى الاذاعة
ياسمسم القضارف الزول صغير ماعارف ياقليب الريد كلما هديتك شارف **** حبيب تعال نتقادم نسير سوى ونتكالم اطير حدى واختفو من العالم **** يايمة لاتدقنو العقر مابلدنو الفين جنيه من امه مابجيبنو ****
شديتو فوق الهولو وندهت ليهو رسولو حبيب الروح محل مايروح بنزورو **** حبيب بريدك ريدة ريدة الحمام لى وليدها حبيب تعال خلى النتم الريدة **** يايمة مانى وحيدى شايلة الصغير فوق ايدى مابى الفراش وداير الرقاد فى ايدى **** ذلك ماسجلته الفلاتية على مااذكر ثم ان ابوداؤود والذى لم يعثر لحسن جبر الدار هذا على اثر ( تلك قصة اخرى ربما نجئ اليها يوما ما) قال انه استمع لترزى فى حى الداخلة بعطبرة يغنيها بالعود وفى كوبليهات مختلفة تماما عما سجلته الفلاتية
حبيب بخاف العقبة وبسدر معاك العتبة عقد السوميت يالدلدلوك فى الرقبة **** السمسم الداقنو تحت السرير داسنو يالله هوى وينو الحبيب دايرنو **** الاصفر الهنودى حاربت ليك بلودى الله الكريم يتم لى مرودى **** امانة ياغزيل فى فرعك المميل حبيب الروح محل مايميل بنميل **** طلعت فوق التمر بشوف جلابة التمر حبيب الروح المال فداية العمر **** وغيرها مما ارتخت معه اوتار الزاكرة
فى ليلة راس السنة(ديسمبر1990) كنا رهط من المعتقلين السياسيين فوق سطح عمارة الامن اياها انتحينا ركنا قصيا ورحنا ندندن بغناء خافت فاقترب منا رجل مهيب كان معتقلا فى قضية تهريب اسلحة وراح يدندن هو الاخر مواصلا فى سمسم القضارف والتى كنا قد شرعنا فى غنائها فاضاف الى حصيلتى منها هذه الكوبليهات
السرتى اب حباكة التحتو الناس تتباكى ان جانى الموت ما بكفنونى بلاك **** السمسم الفى الغابة العرفة فينا اتغابى يمكن جفا ويمكن عليهو رقابة ****
فى القاهرة اضاف الصديق العامر بالالفة التشكيلى الباقر موسى الى حصيلتى الكوبليه
الكرب المتنى دايراك حزام لى بطنى الله الكريم من نارك الشوتنى
تلك هى سمسم القضارف والله وحده اعلم وارشحها لكم ضمن المئة المسنونات والتى كان قد افترحها من قبل الصديق الدافئ بشرى الفاضل هل اطمع فى كرم سمكرجية الانترنت ان يسمكرها لنا احدهم بصوتها الحنين الدافئ وشكرا مقدما
منعم الجزولى
وجدت هذه المداخلة الجميلة للأستاذ منعم الجزولي في بوست من أرشيف سودانيزأونلاين للأستاذ أحمد حماد ادريس بعنوان الفنان الطيب ابراهيم -سمسم القضارف والزول صغير ما عارف لما بها من معلومات ثرة عن أغنية سمسم القضارف.
Post: #1354 Title: Re: د / أحمد طراوة ___ فى ندوة عن تاريخ الغناء فى السودان . Author: Moawia Mohammed Date: 04-03-2008, 09:34 AM Parent: #1
بالاضافة للفنان مدني صالح أول من غني سمسم القضارف فقد تغني بها كل من :
عائشة الفلاتية عبد العزيز محمد داؤود عبد الكريم الكابلي الطيب ابراهيم ( الطيب سمسم ) عبد الله عبدالقادر البعيو النور الجيلاني
Post: #1355 Title: Re: د / أحمد طراوة ___ فى ندوة عن تاريخ الغناء فى السودان . Author: Moawia Mohammed Date: 04-03-2008, 09:50 AM Parent: #1
سليم الذوق - محمد وردي كلمات : ابراهيم الرشيد
Post: #1356 Title: Re: د / أحمد طراوة ___ فى ندوة عن تاريخ الغناء فى السودان . Author: أحمد طراوه Date: 04-03-2008, 09:51 AM Parent: #1
شكرا يا معاوية علي مزيج ايقاع المردوم و موسيقى السلم السباعي لونية غرب السودان
.. نواصل التعليق علي تجربة غناء عبد القادر سالم
Post: #1357 Title: Re: د / أحمد طراوة ___ فى ندوة عن تاريخ الغناء فى السودان . Author: Osman Musa Date: 04-03-2008, 02:46 PM Parent: #1356
نتابع ندوة تاريخ الغناء فى السودان .. نحن فى انتظار الأستاذ أنس العاقب الاسم الكبير فى عالم الموسيقى السودانية الف مرحب به ..
Post: #1358 Title: Re: د / أحمد طراوة ___ فى ندوة عن تاريخ الغناء فى السودان . Author: أحمد طراوه Date: 04-03-2008, 10:17 PM Parent: #1
.. شكرا يا معاوية .. على سيرة مدني صالح و سمسم القضارف ، تلك الاغنية المنسوبة لطيف الغناء الشعبي السوداني المموسق : The Folk Lyrics and Popular songs ... مدني صالح و يوسف فتاكي بن الجنوب و معاهم ود السافل ، و برضو النعام آدم في بداياتو ، كلهم ظهروا فى البرنامج الاذاعي الاثير (من الربوع)
.. ام در يا ربوع سودانا .. نحيك و انت كل آمالنا ..
. . و جميل مقال الاديب الكاتب / منعم الجزولي عن اغنية سمسم القضارف .. و بقت فيك يا منعم قصة المثل البقول ( و ربما إعتقال لا يخلو من خير و بركة ) إعتقال خلاك عرفت ما كان غائبا من كلمات سمسم القضارف !
.. و يا ريت يا منعم لو تمد ايدك معانا هنا حول تاريخ و قضايا و آفاق الغنائية السودانية .. إنت بتعرف يا ايها الامدرماني العريق و نحنا متاكدين من ذلك ..
.. و برحب بوست تاريخ الغناء بوصول الموسيقي المطبوع و الكاتب الناقد : عبد الله ود السجانة الي رحاب المنبر العام .. اضافة حقيقة لقضية الغناء و الاوركسترالية وصول الاساتذة انس العاقب و ود السجانة عازف الفلوت القدير ..
كتب ود السجانة ذات مرة مقالا عن عركي فيه شذرات حصيفة ذات صلة بقضايا بوستنا هذا ، و كنا قد اشرنا قبلا الي مناجزة عثمان حسين و جماعة ورشة السجانة لمقام (فا) الكبير وذلك باخراج الدرجة الرابعة و السابعة وصولا لذلك النوع من الخماسي السوداني ، وكان ذلك اوضح ما يكون في اغنية عاهدتني .
نقتبس من ذاك المقال ما يلي :
كتب ود السجانة :
..ابو عركى البخيت ، كان رأس الرمح فى حركة للتجديد الموسيقى قوامها فنانون و ملحنون زاوجوا بين دراستهم للموسيقى و موروثهم الغنائى ، استعانوا بعلوم الصوت و التأليف و التوزيع الموسيقى فى اعمالهم ، والتزموا بخماسية المقام مع اضافة هنا و هناك لنغمة سادسة او سابعة ، فاستعذبت الاذن من خلال غنائهم صوتى تحت المسيطر و الحساس ، ( الدرجة الرابعه و السابعة ) دونما تكلف او ابتذال ، ومهدوا لما نستمع اليه الآن من أغان لا تتقيد كثيرا بالخماسية غناء و عزفا . و حتى لا نظلم الرواد ، فقد احتوت بعض اغنياتهم على احد هذين الصوتين فى بعض أجزائها ، كما فى بعض اعمال الكاشف و التاج مصطفى ، لكننا لا ندرى ان كان ذاك مما اجترحه الكاشف و التاج أو سواهما ، فقد مال البعض الى تغليب الدور الذى لعبه عازف القانون مصطفى كامل فى صنع تلك المقاطع التى لا نوقن ان كان ورودها قصدا او محض صدفة . فقد قدمت السينما و المذياع الى الاذن السودانية موسيقى العالمين العربى و الغربى منذ وقت طويل . و اذا اخذنا بالاعتبار ان العود كان الالة الاولى و ان معلمى العود الاوائل كانوا من المصريين و الشوام ، يصبح من المزايدة الادعاء بأن أوائل العازفين و الفنانين لم يكن لهم من المام بغير المقام الخماسى ، و يظل الجدل قائما ما ان كانت ( انصاف التون ) تلك قد جاءت نتيجة العمل على مقام سباعى أو لمجرد استخدام التتراكود أعلى كان أم أسفل فى اطار اغنية خماسية الاساس ، مما ينتج عنه نغمات عابرة ليست أصلا فى المقام المستخدم . و ما لنا نذهب بعيدا ، فالاقوام الذين احتوتهم العاصمةالمثلثة فى القرن المنصرم ، جاء الكثبرون منهم اثناء المهديه من قبائل ومناطق ما زالت اغانيها تعبر عن مقام يتعدى الخماسى . يقف عركى على رأس تلك القائمة ، لمما حققته اغنياته من انتشار و ذيوع فقد علت اغنيته ( بخاف ) عند انطلاقها على ما عداها ، كانت ارهاصا بطور جديد فى مسيرته و مسيرةالاغنية عموما و صارت أنشودة للشباب ، فاصطف الناس مع بخاف و ضدها كلاما و لحنا . عمنا المرحوم شيخ ريا قال ( والله الولد ده صوته جميل و لحنه اجمل .. لكين راجل قدر ده يقول بخاف .. ما تكلموه يفير كلامو ده .. ما يقول بدور .. بخاف دى ما مظبوطة ) و شيخ ريا هو من نظمت فى زواجه اغنية سرور ( شيخ ريا حسبك من فخر .. ليك البدور ساجدات تخر ) عاصر الحقيبة منذ بداياتها و كان صديقا لكبار الفنانين . كيف اهتم باغنية عركى وصولا لانتقاد كلماتها ؟ قال : ( والله صوتو قومنى من برش الصلاه ، شدانى ، بقى لى زى صاحبة ابو العتاهيه القال فيها قل للمليحة فى الخمار الاسود) .
Post: #1359 Title: Re: د / أحمد طراوة ___ فى ندوة عن تاريخ الغناء فى السودان . Author: Moawia Mohammed Date: 04-04-2008, 03:20 AM Parent: #1
UP
Post: #1360 Title: Re: د / أحمد طراوة ___ فى ندوة عن تاريخ الغناء فى السودان . Author: Osman Musa Date: 04-04-2008, 05:36 PM Parent: #1359
ياريت ياريت لو الأستاذ عبدالمنعم الجزولى الزول الامدرمانى ياريت يتكرم ويحكى لنا عن سمسم القضارف والزول الصقير المو عارف .. وبرنامج ربوع السودان .. فى انتظار أستاذ عبدالمنعم له التحيه .
Post: #1361 Title: Re: د / أحمد طراوة ___ فى ندوة عن تاريخ الغناء فى السودان . Author: أحمد طراوه Date: 04-04-2008, 05:40 PM Parent: #1
.. و نرجع نتكلم عن ابو عركي .. عن اغنية واحشني اللي فيها واحدة من اهم تجارب التوزيع الاوركسترالي التانية
.. و نشوف برضو مصادر وجذور المقام الكبير و السلم السباعي في السودان
Post: #1362 Title: Re: د / أحمد طراوة ___ فى ندوة عن تاريخ الغناء فى السودان . Author: انعام عبد الحفيظ Date: 04-04-2008, 09:27 PM Parent: #1361
Quote: و نرجع نتكلم عن ابو عركي .. عن اغنية واحشني اللي فيها واحدة من اهم تجارب التوزيع الاوركسترالي التانية
Post: #1363 Title: Re: د / أحمد طراوة ___ فى ندوة عن تاريخ الغناء فى السودان . Author: Moawia Mohammed Date: 04-04-2008, 10:08 PM Parent: #1
UP
Post: #1364 Title: Re: د / أحمد طراوة ___ فى ندوة عن تاريخ الغناء فى السودان . Author: أحمد طراوه Date: 04-05-2008, 04:28 PM Parent: #1
.. أنين اللوري (ابورنة) الشاقي وديان الغرب و صاعد في كثبانا و تلالا .. بالحق هو انين وثيق الصلة بالتناغيم اللحنية الصادرة من مقامات البياتي و النهاوند عصب السلم السباعي العربي
.. المقدمة الموسيقية ، و كل الاغنية ( اللوري حلى بي ) المتدفقة بالتخريجات اللحنية للمقامات السداسية و السباعية ، بتعيد طرح السؤال مرة تانية : ليه السلم السباعي اتهزم في النيل الشمالي بينما إستمر تاثيرو الكامل علي الغناء في غرب السودان ؟ !
.. من بين ضربة المردوم الواقعة في المدى الايقاعي 2/4 في كامل توافقا مع المقام السباعي ، و على صدى ترددات و ازيز صفارة نوبا الجبال بتاعت الكمبلا ، و في ساحة التحولات اللحنية التمت في النيل الشمالي علي يد السر عبد الله و عبد المعين و خليل فرح ، وفي معمعان ثورة التم تم النيلي بنلقى الاجابة و الفهم لقصة السباعي السوداني
.. لكن بناخد بالاعتبار حركة الاستعراب الطويل و العميق لبادية الغرب ، و بناخد بالاعتبار اثر بقاء و استمرار الة الهارب و الربابة ( الطمبورة) و تراث دوباي حداة الابل ، و غناء (الهداي ) و ثقافة موسيقي السيرة الهلالية و كل شئون و تفاصيل تغريبة ابوزيد و الزناتي
.. تحايا و شكر لانعام عبد الحفيظ .. و بنواصل فهم تجربة التوزيع الاروكسترالي في اغنية واحشني
.. و الله يا معاوية ، في شان خاطر إنعام مفروض تشغل و لو لمدة ساعة واحدة اغنية وردي الموقعة علي ايقاع الدقلاشي / اشتقاق الدلوكة .. الاغنية اللي اسمها ( سليم الذوق )
Post: #1365 Title: Re: د / أحمد طراوة ___ فى ندوة عن تاريخ الغناء فى السودان . Author: محمد عثمان Date: 04-05-2008, 07:48 PM Parent: #1364
Quote: .. و الله يا معاوية ، في شان خاطر إنعام مفروض تشغل و لو لمدة ساعة واحدة اغنية وردي الموقعة علي ايقاع الدقلاشي / اشتقاق الدلوكة .. الاغنية اللي اسمها ( سليم الذوق )
Post: #1366 Title: Re: د / أحمد طراوة ___ فى ندوة عن تاريخ الغناء فى السودان . Author: انعام عبد الحفيظ Date: 04-05-2008, 08:47 PM Parent: #1365
سلاااااااااااام على الذوق ياخ يا استاذنا احمد طراوة
أعزائي معاوية ومحمد عثمان وعاجزة عن الشكر على الأغنية
يا ريت لنك الحفظ لو ممكن معليش انا عارفه طبعي شين
بس ما بقدر أقاوم سليم ذوقكم
معليش رجعت عدلت تاني بس عشان اقول ليكم
قدرت اطلّع لنك الحفظ وشكراً تاني
Post: #1367 Title: Re: د / أحمد طراوة ___ فى ندوة عن تاريخ الغناء فى السودان . Author: أحمد طراوه Date: 04-05-2008, 09:15 PM Parent: #1
إضاءات حول المقام الكبير في السودان
.. لاحظ كارلسيل (1975 صفحة 261 ) ، في مجرى ابحاثو عن موسيقى و غناء غرب السودان :
* إنو المدى الميلودي في غناء نساء دارفور بتجاوز حدود درجات ال Octave .. يعني بتجاوز المقام الكبير ذو الستة و سبعة و تمانية درجات !!!
* ومن الضروري ايضا الاشارة الي انو الالات الموسيقية الوترية الموجودة عند بقارة دارفور ذوي الثقافة العربية هي الهارب ذو الاوتار الخمسة و المعروف ب الكُربي و الباكربو .. ودا خلافا للطمبور الخماسي الموجود برضو لدي بعض قبائل غرب السودان
* و نرصد برضو إنو غناء البقارة البسيط علي يد المُغني ( الهداي ) البعزف الالة وحيدة الوتر ( ام كيكي ) .. هو غناء بتدرج ما بين المقام الخماسي و مقامات اخرى كبيرة بحسب قدرة العازف / المغني ( الهداي ) علي التحكم في طول الوتر .. و وفقا لهذه التقنية صارت غنائية السيرة الهلالية ذائعة الصيت في بادية الغرب و وسط حداة الابل .. وهي غنائية ذات دوزنة سداسية و سباعية الدرجة
* و منذ قديم الزمان إختفى الهارب الفرعوني من حضارات مروي و نبتة و كل ثقافة النوبة الكوشيين ، و تدوزن الكيسر / اللير / الطمبور علي نحو خماسي صرف .. لكن الهارب ظل كجيوب صغيرة متناثرة في جنوب السودان ، لكنو إستقر في بادية غرب السودان
.. و لكن المغني السوداني الكان ماشي و منذ نهاية الثلاثينات علي شريعة تناغيم الخماسي و جملتو الموسيقية .. كان بعاين لمقام العرب السباعي و بقول ليهو :
" أبقى انزل يوم من علاك الفوق .. شوف عمايل الحب في الحشا المحروق "
.. كانت الغنائية و غناء العاطفة السوداني علي موعد تاريخي مع ذلك القدر الكبير اللي اسمو :
" توافق الجملة اللحنية مع التم تم و باقي طيف الايقاعات .. .. توافق الموازير اللي انتج و رسخ الخماسي السودان .. بما في ذلك نوع الخماسي السماهو مصطفى كامل ( مقام - فا ) الامدرماني عبقرية التاج مصطفى و عثمان حسين ..
.. شكرا يا معاوية علي سرعة الاستجابة ..
و بنرصد زخم المقام الكبير في غناء ود الامين :
- مراكب الشوق - حروف اسمك - كلام للحلوة - الشباك .. حيث الخماسي الغير تقليدي
علي سيرة المقام الكبير نفترق موقتا .. و لوردي نسترق السمع
Post: #1368 Title: Re: د / أحمد طراوة ___ فى ندوة عن تاريخ الغناء فى السودان . Author: محمد عثمان Date: 04-05-2008, 09:35 PM Parent: #1
يا سليم الذوق لو تعرف الشوق ابقى انزل يوم من علااك الفوق انت كالانسام لما تهدأ تروق و انت كالاضواء بعد كل شروق لو بتذكرنا كنا نحن نضوق للسعادة طعم فى رضا المعشوق...
يا سلاااااااااااام
انعاام سليمة الذوق جابت لينا الغنا السمح.. سليم الذوق الاغنية كان من المفارض ان يغنيها الفنان حمد الريح ابرااهيم الرشيد شاعر الاغنية ادى الاغنية للفنان حمد الريح و حمد الريح طلب من ود الحاوى ان يقوم بتلحين هذه القصيدة و فعلا اكتمل تلحين الاغنية و كان الفنان جمد الريح بصدد اجراء البروفات لتسجيل الاغنية بالاذاعة و فجاءة ظهر وردى بعد ان وصلت اليه القصيدة فقام بسرعة فائقة باجراء بروفات الاغنية و تسجيلها للاذاعة و كانت مفاجاءة للفنان حمد الريح و الشاعر نفسه عندما استمعوا للاغنية من الاذاعة.. هناك جدل حول لحن الاغنية هل هو نفس اللحن الذى وضعه ود الحاوى للفنان حمد الريح ام الفنان وردى قام بوضع لحن جديد لهذه الاغنية..؟؟؟ والله اعلم
يا معااوية التسجيل المصاحب لهذه المداخلة لنفش الاغنية و لكن بجودة و نقاء احسن لينك الحفظ كمان عشان خااطر راس الحربة الجديد فى البوست انعاام...
Post: #1369 Title: Re: د / أحمد طراوة ___ فى ندوة عن تاريخ الغناء فى السودان . Author: Moawia Mohammed Date: 04-06-2008, 06:12 AM Parent: #1
نماذج من غناء الراي الجزائري أغنية عبد القادر أداء الفنان الجزائري خالد حاج ابراهيم ( الشاب خالد )
وهذه أيضا أغنية عايشة لنفس الفنان
Post: #1370 Title: Re: د / أحمد طراوة ___ فى ندوة عن تاريخ الغناء فى السودان . Author: Moawia Mohammed Date: 04-06-2008, 07:20 AM Parent: #1
برضي ليك المولي الموالي كلمات : ابراهيم العبادي بصوت الفنان العظيم خضر بشير بمصاحبة المندلين
مهداه لكل ناسنا و خصوصا مولانا محمد المرتضي حامد
برضي ليك المولي الموالي و فيك لازم الصبر الجميل
***** لو تحول دون قصدي العوالي ديمه أغوص في بحوري وأوالي فيك اخراج درري الغوالي وأنشد شعري وزجلي وموالي وأشدو وحدي و أهدي الحوالي في ثناك و قليل ياجميل برضي ليك العبد الموالي و فيك لازم الصبر الجميل
*****
ياسما الغايات ياملاكا ومن تطاول لي نيل علاكا عشت دم ياحلية حلاك يا حياة أنفسنا وهلاكا لو صليت في النار ماسلاكا قلبي راضي وهاك الدليل انو صابر وحامل بلاكا مره أرحم يكفي القليل
*****
جد وجدي وآن انفقادي و ديمة هايم رايح وغادي بحري دمعي و في النار رقادي يطفي جمري الما في اعتقادي مالو زادا وزاد انتقادي عزلي فيك وعدم الخليل خلي نصحك ياخالي غادي عن صراط الحب ما بميل
*****
جات لي كثر النوح العيالك وديمه تطرا ايام زاهيالك مرة تشدو تقول الحياة لك النسيم اليتم عيالك هات صفاتك وهاتك ويالك من مرائي وصدقك قليل كنت عاشق بالجد خيالك ومنه ساكن ظلا ظليل
*****
يامناي ظروفي العصيبة و حالت دونك وما لي صيبه قالي هاك اقوالا مصيبه كل نفسا توجد نصيبه واليصيبة المولي بيصيبه بالقدر كم عز الذليل كم ربوعا أجدب خصيبه ومافي فجرا ما عقبه ليل
*****
المكارم خلقي الجميله والمحامد سالك سبيله ديمة شارب من سلسبيله من أخاير أخير قبيله من أعالي العايله النبيله كل صميما لصميم بديل و الليالي حينه وقبيله للجل المعدود الجليل
Post: #1371 Title: Re: د / أحمد طراوة ___ فى ندوة عن تاريخ الغناء فى السودان . Author: أحمد طراوه Date: 04-06-2008, 10:09 AM Parent: #1
... ابراهيم احمد بابكر العبادي ( امير شعراء الحقيبة ) .. جبل الشعر المتحرك .. و بوشكين السودان
.. الراي ( Rai ) .. تمازج الغناء البدوي لقبائل البربر - الافروآشين في شمال افريقيا مع الروك الاروبي
.. شكرا يا معاوية .. نعود لهذه المواضيع .. و نواصل سبر اغوار سيرة المقام الموسيقي الكبير في السودان
.. غنا ود الامين يا ود عثمان ..
Post: #1372 Title: Re: د / أحمد طراوة ___ فى ندوة عن تاريخ الغناء فى السودان . Author: Osman Musa Date: 04-06-2008, 02:07 PM Parent: #1371
اسعدنى سعادة شديدة خبر شفاء وعودة الفنان الجميل أبو عبيدة حسن . نجم السبعينات عاد كامل اللياقة الف حمدالله والف شكر دوام الصحة يا أبوعبيدة
Post: #1373 Title: Re: د / أحمد طراوة ___ فى ندوة عن تاريخ الغناء فى السودان . Author: أحمد طراوه Date: 04-06-2008, 06:41 PM Parent: #1
.. عودة تلك اللونية الحديثة لغناء الطمبور تلك الاضافة الاصيلة للغناء السوداني .. سيرة الطمبور السوداني القديمة ، الطمبور المدوزن منذ الف عام علي نحو خماسي .. عودة الطمبور الجديد ابو ستة اوتار و قوة دفع كهربائي وضعتو في مصاف الجيتار الليدز ، تلك كانت عبقرية ذلك الشاب الموهوب البسيط ذو الطابع الشعبي ابو عبيدة حسن :
- من اهلنا سافرنا - يا حليلو غاب قمر العِشا - يا سواقو ليه شلتو من البيت لمدرستو - سكنت قلبي دابا صغيرة - الجنني .. عودة ايقاع الرقي - اشتقاق الدلوكة الرقي الطالع من كوردات الطمبور المكهرب - سبعينات عقد الجواهر الضواي وباهر .. و سيرة الراحل حسن الزبير
Post: #1374 Title: Re: د / أحمد طراوة ___ فى ندوة عن تاريخ الغناء فى السودان . Author: محمد عثمان Date: 04-06-2008, 08:21 PM Parent: #1
Quote: .. غنا ود الامين يا ود عثمان ..
و ينتقل الحديث عن مسيرة الغناء السودانى الى مرحلة هامة فى تاريخ الغناء السودانى يكون الحديث فيها عن الفنان القامة القادم من قرية ود النعيم بالجزيرة.. الفنان الذى جاء للاذاعة بثقافة موسيقية عالية اكتسبها من خلال تعلمه للموسيقى و اسراارها من فرقة بوليس النيل الازرق التى تعلم فيها النوتة الموسيقية و ايضاتعلم العزف على اله العود على يد صديقه السر محمد فضل.. بدا الفنان مسيرته الغنائية مرددا اغنياات وردى و كابلى و لكنه لم يستمر طويلا فى تقليد الاخرين و كان لا بد له ان تكون له اعماله الخااصة حتى يستطيع الالتحاق بالاذاعة فى ذلك الوقت..
اول الاغنيات التى بدا بها الفنان محمد االامين كانت اغنية انا و حبيبى و التى كتبها صديقه الشاعر الراحل محمد على جبارة و الذى كتب له ايضا بعد ذلك عدة اغنيات سوف ناتى اليها تباعا فى هذا البوست..
يا حااسدين غراامنا يا قاصدين خصامنا شوفوا غيرى و غير حبيبى يا دايرين تقولوا و ما قادرين تقولوا ايش عايزين تقولوا فىّ و فى حبيبى
و نواااصل مع دكتور طراااوة.....
Post: #1375 Title: Re: د / أحمد طراوة ___ فى ندوة عن تاريخ الغناء فى السودان . Author: أحمد طراوه Date: 04-06-2008, 08:28 PM Parent: #1
... بنقعد تحت ظلال غنائية خدر بشير الفريدة .. علي صدى المندولين القديم .. و تحت تاثير ذلك الليرك الطليعي بتاع العبادي .. ليرك 1925 المثل علامة فارقة في مسيرة تطور الدوباي و الرميات البسيطة باتجاه الاغنية الجديدة الكاملة ..
.. و بتشدنا أفريقيا وهي تحت اضواء الغناء الجديد ..
الغناء الظهر كنواتج للتفاعلات الثقافية مع العالم .. الظهر كمسعى طليعي جاد لحل معادلة الاصالة و المعاصرة .. الغناء الافريقي لما بعد العهد الكولونيالي .. و بنرصد تجارب هامة :
- الطليعي الرائد السوداني عبد القادر سالم وهو بعمل تجسير و تطوير لميلوديا ( هداي الغرب ) .. باتجاه النسيج القومي - الوطني الكلي للاغنية السودانية الحديثة .. تجربة الاغنية الكردفانية الفيها السلم السباعي محمول علي اجنحة ايقاع المردوم الافريقى
- ذلك النوع من ال R & B الافريقي ، البلوز المُوقع الماخد من تجربة الامريكي الاسود جون لي هووكر و المتمثل في تجربة الرواد الافارقة منسوبي مالي علي فاركا تور و ابو بكر تراوري
- تجربة الطليعي السوداني شرحبيل احمد و هو بصنع الهارد روك بلونية السودان .. الهارد روك الماخد من تجربة ري شارلز و جيمي هندركس و هاري بلافونت
- تجربة الزائيري ماوندا جين باسكو و هو بطور موسيقى الكويلا Kwela ذات الاصل الافريقي الشعبي و بمزجا مع الجاز بتاع ارمسترونغ و الامريكان السود .. التجربة اللي بموجبا نال ماوندا في 1952 جائزة جون اوسبورن
- نموذج السول ميوزك الوطني - الافريقي بتاع مريام ماكيبا .. مزيج ايقاعات طبول الزولو مع بلوز الامريكي الاسود و ليام كرستوفر هارفي .. و مع ال Deep Beat الطالع من البيز جيتار بتاع الامريكي لوثر فاندوس و آرون فينلي رواد السول ميوزيك الامريكي
Post: #1376 Title: Re: د / أحمد طراوة ___ فى ندوة عن تاريخ الغناء فى السودان . Author: Moawia Mohammed Date: 04-06-2008, 10:06 PM Parent: #1
up
Post: #1377 Title: Re: د / أحمد طراوة ___ فى ندوة عن تاريخ الغناء فى السودان . Author: أحمد طراوه Date: 04-06-2008, 10:23 PM Parent: #1
.. و في تجربة ود الامين بنتابع قصة المقام الكبير بدرجتو السادسة و السابعة و اثرو في تطوير الغنائية السودانية ..
و بنواصل رصد قضايا الغناء الافريقي الحديث اعلاه بما في ذلك رحلتنا مع الراي بتاع الشاب خالد و ضريح الشيخ الجزائري عبد القادر ابو رايات
.. وعاد محمد عثمان .. وهي كمثل عودة رينقو كما تقول جماهير السينما الوطنية بام درمان
Post: #1378 Title: Re: د / أحمد طراوة ___ فى ندوة عن تاريخ الغناء فى السودان . Author: Moawia Mohammed Date: 04-07-2008, 11:17 AM Parent: #1
UP
Post: #1379 Title: Re: د / أحمد طراوة ___ فى ندوة عن تاريخ الغناء فى السودان . Author: أحمد طراوه Date: 04-07-2008, 11:41 AM Parent: #1
هاري بلافونت !
.. علي يد بلافونت ، و ايرين اسلي و جيمي هندركس إنتقلت موسيقي الجاز الخاص بالامريكان السود الي الصيغة المتطورة الجديدة اللي عرفت بالهارد روك او ( الفانك - دلياك ) .. الروك بتاع الامريكان السود في مقابل روك الفيس برسلي و البيتلز و اسبون .. و صار للجيتار و الدرامز دور اساسي و تراجع دور الالات اللي كانت مسيطرة في غناء الجاز ( الترمبون و الترمبيت و الساكسفون ) .. بالتاكيد شرحبيل احمد و علي نور الجليل كانو ابعد من موسيقى البلوز و الجاز و اقرب لروك الامريكان السود في مقابل الروك الكلاسيكي بتاع الامريكان البييض .. و رغم قوة تاثير غناء ري شارلز إلا انو الجيتار لم يكن اساسيا بل غائبا في غناء ري اللي كان بعتمد اساسا على البيانو في التلحين و الغناء .. لذلك ري و ديانا روز و استيف وندر سارو علي خط البلوز الجديد المُوقع ، بينما سار مارفن قاى و جيمس براون علي خط غناء السول الراقص
.. بصعوبة عملنا معالجة لواحدة من صور بلافونت في نهاية الخمسينات و لكم هو آسر و ساحر ذلك الامريكى الاسود اللي كان هو و عازف الساكسفون الشهير سوني رولينز في قلب و مقدمة حركة الحقوق المدنية مع مارتن لوثر
.. إميكار كابرال : الثوري - الافريقى - الكريستالي هو اللي ربط بلافونت و سوني بماريام ما كيبا و بحركة النضال الافريقى التحرري .. خاصة نضال شعب جنوب افريقيا
.. لتجربة شرحبيل بنعود بتوسع .. و علي خط محمد الامين و قضايا المقام الكبير .. بنواصل .. و بنرجاك يا ود عثمان
Post: #1380 Title: Re: د / أحمد طراوة ___ فى ندوة عن تاريخ الغناء فى السودان . Author: Moawia Mohammed Date: 04-07-2008, 12:05 PM Parent: #1
Post: #1381 Title: Re: د / أحمد طراوة ___ فى ندوة عن تاريخ الغناء فى السودان . Author: أحمد طراوه Date: 04-07-2008, 02:53 PM Parent: #1
وصار بلافونت في احسن حال ! و حنبقى منتظرين نموذج غنائي لاهازيج الفولاني و الهوسا .. بلوز اهل مالي في تلاقحوا مع بلوز الامريكان السود .. تجربة علي فاركة تور
.. دوام شكرنا الجزيل ليك يامعاوية
.. وبقول الشاب خالد :
.. عبد القادر يابو اعلام ضاق الحال بيا .. عبد القادر يا بورايات سيدي رد عليا !
اهازيج البربر الشعبية في صلتا بثقافة الطريقة التجانية لشمال افريقيا .. تحولت لاختراق غنائي قوي في مناطق المغرب و الجزائر .. و تعبير عميق عن عذابات التاريخ و الهوية لحركة بربر و قبائل الجبال و استنطاق حي لكل مخزون الصراعات اليومية في عالم الاقصاء و التهميش
.. و بتبقى نفس الظروف و الملابسات هي خيط الصلة و وجه التشابه مابين غناء الراي Rai الجزائري ، و ما بين غنا التم تم السوداني النيلي .. اختلاجات الغناء الوظيفي بتاع القواعد الشعبية في واقع التضاد الإثني و الإنقسام الاجتماعي ..
.. والينا يا ود عثمان بجميل غناء ود الامين
Post: #1382 Title: Re: د / أحمد طراوة ___ فى ندوة عن تاريخ الغناء فى السودان . Author: Osman Musa Date: 04-07-2008, 08:21 PM Parent: #1381
أخ أحمد طراوة سلام ومادام جبت لينا طارى الكلام عن البربر والفولانى والطوارق والموريتان والموراكو وسكان جبل طارق . ومريدى الطرق القادرية والفولانى ودراويش النيجر . طال ما دخل الحديث تلك الحيشان . ارجو أن تلكد لينا أخوك معاويه ليضع لنا للحفظ تسجيل للشاب خالد للحفظ تسجيل ( عبدالقادر يا أبوعلم ) التحية للعملاق محمد وردى الفنان الذكى الموسيقار الذى هضم واستفاد من تلك الكنوز ليخرجها لنا موسيقى سودانية صافية .
Post: #1383 Title: Re: د / أحمد طراوة ___ فى ندوة عن تاريخ الغناء فى السودان . Author: محمد عثمان Date: 04-07-2008, 09:58 PM Parent: #1
و نوااصل مع الغناء الجميل.. ايضا من بدايات الفنان القامة محمد الامين اغنية وحياة ابتسامتك التى كتبها ايضا محمد على جبارة..
يظهر فى هذا التسجيل صولو الكمان فى بداية الاغنية و الذى نفذه الخواجة الايطالى مايسترلى الذى حضر الى السودان مستشفيا من داء الرطوبة و طاب له المقاام و اسهم بقدر فعّال فى مع بقية العقد الماسى من الموسيقين فى ذلك الوقت فى تطوير و نهضة الغناء السودانى الجميل..ايضا كان له اسهاماته الواضحة فى معهد الموسيقى فى فترة اواخر السبعينات و اوايل الثمانينات..
الى يستنع الى صولو الكمان فى بداية اغنية اابتساماتك يلاحظ الشبه الشديد بين هذه الصوله فى هذه الاغنية و اغنيات ليلة الذكرى للتاج مصطفى و ايضا اغنية سلوان للفنان صالح الضي حيث نفذ مايسترلى جميع هذه الصولات فى التسجيل الموجود بمكتبة الاذاعة لهذه الاغنيات الثلاث..
و نستمع الى اغنية وحياة ابتساامتك..
Post: #1384 Title: Re: د / أحمد طراوة ___ فى ندوة عن تاريخ الغناء فى السودان . Author: Moawia Mohammed Date: 04-08-2008, 11:24 AM Parent: #1
ALI FARKA TOURE
Post: #1385 Title: Re: د / أحمد طراوة ___ فى ندوة عن تاريخ الغناء فى السودان . Author: أحمد طراوه Date: 04-08-2008, 11:26 AM Parent: #1
.. الإرتجال اللحني .. The Melodic Extemporization
سمة فريدة عند الملحن / الموسيقي السوداني ، خاصة تلك الكوكبة المتمكنة من العود .. العود المدوزن علي نهج خماسي .. العود اللي تحرر من معادلة التخت العربي و صار بقود و ينظم الاوركسترالية ..
.. في اغنية لقاء و عهد ( وحياة إبتسامتك ) ، واضحة قدرة ود الامين علي تخريج ميلودي مرتجل باستخدام العود ، ودي سمة الزول العارف العود و خابر خفاياهو ودروبو الجوانية !
.. و برضو حسن سليمان ( الهاوي ) كان عندو نفس المقدرة .. مقدرة الإرتجال اللحني بالعود ، كما في اغنية ( ما شقيتك ) .. الليرك الفيهو الميلو - تراجيدي بتاع خضر حسن سعد ( الموت عُشقا )
و الهاوي اصلا منسوب لاسرة ادخلت عود زرياب في السودان و جاهدت علي درب دوزنتو خماسيا ..
.. ما شقيتك يا ود عثمان .. سمعنا الق المزهر بتاع اولاد الخرطوم القديمة .. مزهر عبد القادر سليمان اخو الهاوي الكبير و صاحب خليل فرح و حسن عطية ..
.. نواصل علي خط ود الامين .. خط مناجزة المقام الكبير و ترسيخو علي نحو سوداني اصيل .. مجاهدات :
- عبد القادر سالم - ابراهيم موسى أبا - و قديما العاقب محمد الحسن
Post: #1386 Title: Re: د / أحمد طراوة ___ فى ندوة عن تاريخ الغناء فى السودان . Author: محمد عثمان Date: 04-08-2008, 11:31 AM Parent: #1
عوينااتك..
Post: #1387 Title: Re: د / أحمد طراوة ___ فى ندوة عن تاريخ الغناء فى السودان . Author: Moawia Mohammed Date: 04-08-2008, 11:31 AM Parent: #1
RAY CHARLES
Post: #1388 Title: Re: د / أحمد طراوة ___ فى ندوة عن تاريخ الغناء فى السودان . Author: أحمد طراوه Date: 04-08-2008, 12:38 PM Parent: #1
... دي الدنيا ام جنة عدن !! ؟
علي فاركا تور .. ري شارلز .. و كمان ود الامين في كلمات مبارك بشير ( عِويناتك ! ) ..
.. و الله لو بنقدر ، بالحيل نسافر في برق لحظ الغنا العجيب دا .. و لحظ البت الجميلة .. نسافر سفر السندباد اللي ما فيهو رجعة ..
شكرا معاوية .. شكرا ود عثمان
.. نعود لقصة علي فاركا و بلوز جون لي هووكر
.. نعود للبلوز المُوقع The R & B بتاع ري شارلز .. و نفهم مأزق الغناء الامريكي آناء اللحظة الراهنة .. لحظة الراب و الهِب هوب .. غناء ازمة المجتمع الراسمالي اللي إستبدل الليرك بالضربة The Beat ..
.. نعود للاختراق الفني - التاريخي اللي عملوهو اولاد غرب السودان عبد القادر سالم و ابراهيم موسى ابا
.. نعود لرحلة محمد الامين الازيرق مع المقام الموسيقي الكبير .. و قضايا تطور الاوركسترالية السودانية
... نعود لافريقيا تحت اضواء الغناء الحديث !
الي ذلك الحين شاهدوا حصريا ضمن مُرسلات اعالي جبال كلورادو :
فانتازيا الجمال في صحراء مالي !
شاهدوا علي فاركا تور : بلوز الفولاني المتصادم مع بلوز افارقة امريكا .. شاهدوا فاركا خاتي قُبعة حون لي هووكر .. شاهدوا الحاجة مريم الابسة الجاكتة و بتسوي في المندلي .. شاهدوا البت عيشة ام توب بتسوي الحردفي ماركة السودان اصيل ..
Post: #1390 Title: Re: د / أحمد طراوة ___ فى ندوة عن تاريخ الغناء فى السودان . Author: MOHAMMED ELSHEIKH Date: 04-08-2008, 06:25 PM Parent: #1388
د. التحية لكم و انتم توثقون لتاريخ وجغرافيا الفن السوداني. وما زال الحديث عن ابو اللمين نأمل ان نخرج بنقد تحليلي عن الفترة التي هجر فيها الأستاذ الأوركسترا و اتجه للغناء بالأورغ فقط عندما كان الأورغ لا يملك الأمكانات الحاليةمن التنوع في النغمات وهل كانت تلكم الفترةهي حجر الزاوية في السير على نفس النسق لكثير من المطربين و حتى المبدعين منهم.و لعلك كنت معنا عندما زارنا الأستاذ القامة الموصلي في مسقط وغنى على انغام الأورغ المسجلةحيث لم يكن ممكنا المجاراه الموسيقية لأغاني مث الاماني السندسية. اكرر لكم التحيايا ولبقية عقد النقرزان الفريدو لكل المتداخلين. ود الشيخ
Post: #1393 Title: Re: د / أحمد طراوة ___ فى ندوة عن تاريخ الغناء فى السودان . Author: Moawia Mohammed Date: 04-08-2008, 08:31 PM Parent: #1390
الفنان المبدع ابن ودمدني عمر جعفر بنيه من فتوار طالقه في النار و من لهيب الشوق أبكي ليل و نهار 1000 مرحب باشمهندس محمد الشيخ
Post: #1391 Title: Re: د / أحمد طراوة ___ فى ندوة عن تاريخ الغناء فى السودان . Author: أحمد طراوه Date: 04-08-2008, 07:53 PM Parent: #1
عاد وظهر الفارس الموشح .. اهلا ود الشيخ !
.. تغمرنا السعادة ونحن نلتقيكم تحت ظلال غنائية عبقري العود و اللحن : محمد الامين حمد النيل الازيرق
.. جهز نفسك للملحمة .. عارفك لازلت في معسكر حشود الغلابة اللي ما إنفكت تصارع في عهد الظلم الشبا حواجز ..
الملحمة كلام هاشم صديق حفيد المك ناصر .. الملحمة مناجزة التوزيع الاوركسترالي ماركة ود الامين و موسى محمد ابراهيم
.. وعرج و ميل ناحية علي فاركا تور و شوف القرع بتاع الفولاني جنبا الي جنب مع طبول البانتو القديمة و جيتار غرب افريقيا القديم ال Acoustic جيتار الخشب الهوائي كلهم داخلين في صراع وجدل الاصالة و ال معاصرة علي يد الرائد الافريقي البديع فاركا تور و ابو بكر تراوري .. كما فعل شرحبيل و علي نور الجيل في الهارد روك ماركة السودان!
.. و لا تنسى ري شارلز ملك البلوز المُوقع على انغام البيانو .. ري البقول : كل غنانا دا من افريقيا و جذورو في افريقيا .. شوف في نفس الابليكيشن المرسلو معاوية اغنية غادر يا جاك ! و لا تعود ابدا .. Hit the road Jack جاك المُفلس الطردتو حبيبتو
.. أحزان و مآسي احفاد كنتاكونتي في بلاد العم سام !
Post: #1392 Title: Re: د / أحمد طراوة ___ فى ندوة عن تاريخ الغناء فى السودان . Author: Moawia Mohammed Date: 04-08-2008, 08:15 PM Parent: #1
HIT THE ROAD JACK
Post: #1394 Title: Re: د / أحمد طراوة ___ فى ندوة عن تاريخ الغناء فى السودان . Author: محمد عثمان Date: 04-08-2008, 09:07 PM Parent: #1
Quote: .. و برضو حسن سليمان ( الهاوي ) كان عندو نفس المقدرة .. مقدرة الإرتجال اللحني بالعود ، كما في اغنية ( ما شقيتك ) .. الليرك الفيهو الميلو - تراجيدي بتاع خضر حسن سعد ( الموت عُشقا )
و الهاوي اصلا منسوب لاسرة ادخلت عود زرياب في السودان و جاهدت علي درب دوزنتو خماسيا ..
.. ما شقيتك يا ود عثمان .. سمعنا الق المزهر بتاع اولاد الخرطوم القديمة .. مزهر عبد القادر سليمان اخو الهاوي الكبير و صاحب خليل فرح و حسن عطية ..
و بين الفااصل.. ما شقيتك
Post: #1395 Title: Re: د / أحمد طراوة ___ فى ندوة عن تاريخ الغناء فى السودان . Author: أحمد طراوه Date: 04-08-2008, 11:12 PM Parent: #1
.. و ياله من فاصل .. و يالها من إستراحة
شكرا ود عثمان .. هي فواصل ربيع الغناء .. فواصل الجمال .. .. شكرا علي مزهر (عود) تلك الثلاثينات من القرن الماضي .. عود اولاد سليمان جوهر ، عود خليل فرح و الامير ابو علي ..
.. و معاوية بتحرك من شعار لشعار .. زي حركة الجماهير الثورية في اكتوبر و ابريل .. لغاية ما وصل للهارب و ختاهو لوقو !
.. الهارب بتاع النوبة العليا و الفراعنة اللي إنسرب تاريخيا لدرافور و تعدل و بقى اسمو الكُربي .. الكربى و ام كيكي الحوامل الوترية القديمة للسلم السباعي في السودان !
.. السلم السباعي البقى علم و فنون علي يد ود الامين و عبد القادر سالم و ابراهيم أبا .. اولاد كرفان رواد الحداثة الغنائية .. و اصحاب الاجتراح الفني - الافريقى الكبير .. دمج المقام الكبير في ضربة مرودم نوبا الجبال ..
.. و بنرصد الهارب في اوركسترا ( ياني ) .. عبقري الموسيقى العالمي - الاغريقى .. ياني اسس لمعادلة خاصة في جدل الاصالة و المعاصرة وهو بتنفس تاريخ البحر الابيض المتوسط و سيرة الهارب القديم في حضارة الفراعنة و الهيلينين ..
.. و بديع للحق فكتور اسبانولا عازف الهارب القدير في فرقة ياني
.. المجد لعبد القادر سالم و ابراهيم موسى ابا و عبد الرحمن عبد الله .. اكرمونا بغناء هؤلاء المبدعين علي خط المردوم و ارفعوا بالله صورهم ها هنا
.. ياني يا ود حامد المرتضى .. رسل لينا اسبانولا وهو بستنطق الهارب بتاع ناس بعانخى و تهراقا
Post: #1844 Title: Re: د / أحمد طراوة ___ فى ندوة عن تاريخ الغناء فى السودان . Author: Moawia Mohammed Date: 05-25-2008, 11:41 AM Parent: #1395
UP
Post: #1397 Title: Re: د / أحمد طراوة ___ فى ندوة عن تاريخ الغناء فى السودان . Author: أحمد طراوه Date: 04-09-2008, 04:27 PM Parent: #1
.. و كانت بحق تجربة رائدة و جديرة بالتأمل و الدراسة عندما تمكن عبد القادر سالم و ابراهيم موسى أبا من نقل الاغنية الكردفانية ، و اغنية الغرب عموما ودمجها في النسيج الكلي للاغنية الوطنية السودانية !
.. عبر دمج جملة المقام الموسيقي السباعي مع ميلوديا الهداي (دوباي الغرب ) و غنائية حداة الابل مع ايقاع المردوم بتاع نوبا الجبال و في كامل الاعتبار لمقتضيات النوتة الموسيقية ، تم انتاج صولفيج قومي - سوداني جديد ذو لونية كردفانية .. صولفيج شديد الانتماء لمجمل تراث و تاريخ الغناء في غرب السودان
.. وقدر عبد القادر سالم عبر العلم و الدراسة و المعرفة ان يوظف تلك الآلة وحيدة الوتر (ام كيكي ) توظيفا عاليا في مجمل الاوركسترالية السودانية
.. بالنتيجة تمكن عبد القادر سالم من توظيف الدرجات السبعة للمقام الكبير لصالح غنائية السودان .. لصالح خصوصية سودانية غنائية جديدة برزت في مطلع سبعينات القرن الماضي .. غنائية ذات ايقاع افريقي يمتاز بالحراره و شايل حمولة عالية من الطرب الراقص
غناء عبد القادر سالم و أبا ليس شذرات فلكلور سوداني محدود تتشدق بيهو حكومات المركز قصيرة النظر و تستعرض بيهو سفاراتا في أروبا و امريكا .. بل هي قصة كبيرة .. هي حكاية صولفيج سوداني غنائي جديد بطرح عبقرية اولاد السودان الجاين من الجهات الاربعة
.. و بتتواصل سيرة ود الامين عبقري العود السوداني .. و رائد توطين المقام الموسيقي الكبير في غنائية السودان
Post: #1398 Title: Re: د / أحمد طراوة ___ فى ندوة عن تاريخ الغناء فى السودان . Author: محمد عثمان Date: 04-09-2008, 08:14 PM Parent: #1397
Quote: و بتتواصل سيرة ود الامين عبقري العود السوداني .. و رائد توطين المقام الموسيقي الكبير في غنائية السودان
Post: #1399 Title: Re: د / أحمد طراوة ___ فى ندوة عن تاريخ الغناء فى السودان . Author: أحمد طراوه Date: 04-09-2008, 08:34 PM Parent: #1
و بنرصد زخم المقام الكبير في غناء ود الامين :
- مراكب الشوق - حروف اسمك - كلام للحلوة - الشباك .. حيث الخماسي الغير تقليدي
.. و مع ذلك بقول الاستاذ محمد الامين :
" إن الموسيقي السودانية من الثراء و السعة و الجماليات .. بحيث إنو يصعب تصنيفا و فهمها فقط علي قاعدة السلم الخماسي الصغير ( البنتاتون ) او المقام الاروبي الكبير ( الدياتون ) "
.. ماذا كان بيعني هذا العبقري بهكذا كلام ؟؟ !
هنا بتكمن مأثرة و اسرار المدرسة الاوركسترالية التانية !
.. مدرسة جدل الموازير !!
.. موازير الايقاعات الستة المندمجة
مع موازير تلك الجملة الموسيقية الفريدة اللي انبثقت علي يد كرومة ، عبد المعين ، خليل فرح ، الحاج عبد الحميد يوسف ، عبد الرحمن الريح ، احمد المصطفى ، ابو علي
.. الجملة الموسيقية اللي اصابا ما اصابا من جماليات و تراكيب جديدة علي يد عبد الرحمن الريح و التاج مصطفى و عثمان حسين ..
.. الجملة الموسيقة اللي وصلت لتشكل اضلاع الهرم الكبير بتاع الستينات .. هرم :
- وردي - كابلي - و ود الامين .. يا ود عثمان دور فينا مزاميرك يا داؤد الفن .. مزمارنا يا ود الامين صار بيك .. و اصبح عهد الرشيد عدناهو و صرنا انجح
Post: #1400 Title: Re: د / أحمد طراوة ___ فى ندوة عن تاريخ الغناء فى السودان . Author: Moawia Mohammed Date: 04-09-2008, 08:50 PM Parent: #1
THE STORM - YANNI USING THE HARP IN HIS MUSIC
Post: #1401 Title: Re: د / أحمد طراوة ___ فى ندوة عن تاريخ الغناء فى السودان . Author: Moawia Mohammed Date: 04-09-2008, 09:00 PM Parent: #1
فرقة السمندل الموسيقية
Post: #1402 Title: Re: د / أحمد طراوة ___ فى ندوة عن تاريخ الغناء فى السودان . Author: محمد عثمان Date: 04-09-2008, 09:03 PM Parent: #1
Post: #1430 Title: Re: د / أحمد طراوة ___ فى ندوة عن تاريخ الغناء فى السودان . Author: Osman Musa Date: 04-12-2008, 02:16 PM Parent: #1402
__
Post: #1403 Title: Re: د / أحمد طراوة ___ فى ندوة عن تاريخ الغناء فى السودان . Author: Moawia Mohammed Date: 04-09-2008, 09:08 PM Parent: #1
المريود - عبد القادر سالم
Post: #1447 Title: Re: د / أحمد طراوة ___ فى ندوة عن تاريخ الغناء فى السودان . Author: Osman Musa Date: 04-14-2008, 02:08 PM Parent: #1403
__
Post: #1492 Title: Re: د / أحمد طراوة ___ فى ندوة عن تاريخ الغناء فى السودان . Author: Osman Musa Date: 04-21-2008, 03:12 PM Parent: #1447
ونتابع صاحب الملاحم لكم جميعا الشكر
Post: #1451 Title: Re: د / أحمد طراوة ___ فى ندوة عن تاريخ الغناء فى السودان . Author: Osman Musa Date: 04-15-2008, 02:36 PM Parent: #1403
وخرجت الجموع فى مارشات محمد الامين
Post: #1404 Title: Re: د / أحمد طراوة ___ فى ندوة عن تاريخ الغناء فى السودان . Author: Moawia Mohammed Date: 04-09-2008, 09:19 PM Parent: #1
ابراهيم موسي أبا - القروية
Post: #1405 Title: Re: د / أحمد طراوة ___ فى ندوة عن تاريخ الغناء فى السودان . Author: Moawia Mohammed Date: 04-09-2008, 09:34 PM Parent: #1
عبد الرحمن عبد الله - طبيق العسل "شقيش"
Post: #1406 Title: Re: د / أحمد طراوة ___ فى ندوة عن تاريخ الغناء فى السودان . Author: Moawia Mohammed Date: 04-09-2008, 09:42 PM Parent: #1
عبر الأثير - صديق عباس
Post: #1407 Title: Re: د / أحمد طراوة ___ فى ندوة عن تاريخ الغناء فى السودان . Author: Moawia Mohammed Date: 04-09-2008, 09:50 PM Parent: #1
Jimi Hendrix
Post: #1408 Title: Re: د / أحمد طراوة ___ فى ندوة عن تاريخ الغناء فى السودان . Author: Moawia Mohammed Date: 04-09-2008, 09:55 PM Parent: #1
JIMMY CLIFF
Post: #1409 Title: Re: د / أحمد طراوة ___ فى ندوة عن تاريخ الغناء فى السودان . Author: Moawia Mohammed Date: 04-09-2008, 10:05 PM Parent: #1
Bob Marley - Is This Love
Post: #1410 Title: Re: د / أحمد طراوة ___ فى ندوة عن تاريخ الغناء فى السودان . Author: أحمد طراوه Date: 04-09-2008, 10:12 PM Parent: #1
.. وبقينا في صفحة 15 !
و بسوقونا ناس معاوية و ود عثمان لدنيا العيون .. و دنيا الجمال ، سواقة ناس كمال عبد الوهاب و عز الدين الدحيش للباكات و كل خط الدفاع الهلالو - مريخي !
.. و بنشوف ياني في صفحة 14 .. و نرصد سولو الهارب علي يد فكتور سبانولا .. الهارب القديم اللي اعاد إنتاجو العبقرى ياني في نسيج المزيكا الحديثة و في قلب حركة التوزيع الآلي الاوركسترالي الحديث ! الهارب اللي إنسرب قديما لبادية غرب السودان و تعدل وتم أختصارو في الاوتار الخمسة و بقى الكُُربي بتاع دارفور The Bow Harp ( ارتور سايمون - موسيقى السودان - صفحة 260 )
.. و بنسمع كارانج نوبا الجبال !!
.. حرارة المردوم بتاع النمنغ - و الميري .. لمن يندمج في الجملة الموسيقية و التوزيع الاوركسترالي الحديث !
.. و للحق رواد و اصحاب اختراقات بديعة ناس السمندل وهم علي خط استنهاض التراث .. خط جدل الاصالة و المعاصرة
.. وحزمة من الغناء الكردفاني .. و مجاهدات دمج مفردات الغرب الموسيقية في نسيج الغناء الوطني .. كان ذلك إضافة للونية جديدة لمدرسة الغناء الاوركسترالي التانية .. زي ود الامين لمن عمل معالجة موسيقية مرموقة لغنائية الغرب ( عيال اب جويل الكمبلو و عرضو ) .. حنسجل و نشير لما قاله الناقد و المحلل الموسيقى المتميز عركي صالح حول المعالجات اللحنية العملا ود الامين في ميلوديا عيال اب جويل
.. حقيت الاسم يا سالم الارباب ! عيال اب جويل يا ود عثمان
.. و حنرفع صورة ل جون لي هووكر .. رائد البلوز الافريقي المُعدل امريكيا في صيغة البلوز الجديد The Delat Blues
.. وقام علي فاركا و ابو بكر تراوري اولاد الفولاني و طوارق الصحراء و رطانة الهوسا .. رجعوا حديثا ليركبوا مع جون هووكر في ذات سرج البلوز القديم ..
و اصلوا الاستمتاع بمشاهدة ناس فاركا وهم في قمة الحوار المُبدع مع جيتار غرب افريقيا القديم
.. جيتار الكورا المعمول من خشب الاكاشيا
Post: #1411 Title: Re: د / أحمد طراوة ___ فى ندوة عن تاريخ الغناء فى السودان . Author: أحمد طراوه Date: 04-09-2008, 10:47 PM Parent: #1
.. و كان بالضرورة نجيب صورة جون لي هووكر !
الامريكي الاسود الشال تراث الدلتا بلوز من ناس دِل مور و شارلي باتون .. وديل هم الحاضنة التاريخية لبلوز افريقيا المعدل داخل اللاتفونديات ( المزارع الاقطاعية - الراسمالية الكبيرة بتاعت القطن ) مجتمع الاقنان الحزين
.. وبقول هووكر : لا تستطيع ان تنتج البلوز مالم تشعر بالحزن !!
.. هووكر و و ليم كرستوفر هاندي هم خير من غنا بلوز الامريكان السود .. بلوز السود إتبلور في حركة ا لصراع مع اغاني البيض اللي اخدت شكل الكونتري ميوزيك و البوب القديم
والقى هووكر بظلالو علي الرواد الافارقة المحدثين ناس علي فاركا و تراوري .. الشالو بلوز غرب افريقيا القديم و طوروهو ا علي نهج ال R & B الامريكي .. و برضو القى بظلالو علي ري شارلز و ديانا روز و تامتيشن و ستيفي وندر اللي كلهم مشوا في درب البلوز الحديث المُوقع Rhythm & Blues
.. وفي تجربة جيمي هندركس بنرصد تحول البلوز و الجاز الي موسيقى الهارد روك ، لهارد روك اللي القى بظلالوا علي تجربة و غنا شرحبيل و علي نور الجليل !
. . و جيمي كليف اصلا بقى حقنا مما دخل ساحة حمد النيل في ام درمان و عرف صلة ايقاع المخبوت و الدقلاشي بالرقي / اشتقاق الدلوكة .. جذور الرقي بتاع بوب مارلي كامنة في افريقيا .. في ثقافة الراستا فاراي .. في المدى الايقاعي الافريقي 2/4 .. مدى ايقاعات السودان الستة !
.. وشوفو الرقي في وصف الخنتيلة بطريقة كابلي ، و في توزيع عاصم البنا اوركستراليا لاغنية كرومة ( نسيم سحرك .. لو يسري بالليل يجبر كسري )
Post: #1412 Title: Re: د / أحمد طراوة ___ فى ندوة عن تاريخ الغناء فى السودان . Author: أحمد طراوه Date: 04-10-2008, 09:23 AM Parent: #1
.. و للحق ، اصبح الاستاذ الموسيقار محمد الامين بمثل مدرسة العود السوداني التانية الجديدة فيما بعد برعي !
.. مدرسة (العفق) الدقيق المعقد علي الاوتار The Fingring
.. مدرسة المقام اللحني الكبير و الصغير معا !
.. و مشى العود علي يد محمد الامين شوطا بعيدا بوصفه آلة اوركسترالية .. بل قائدا للاوركسترا !
Post: #1413 Title: Re: د / أحمد طراوة ___ فى ندوة عن تاريخ الغناء فى السودان . Author: Osman Musa Date: 04-10-2008, 02:22 PM Parent: #1412
اهلى وناسى الكرام فى البوست الذى بكم تلالآ وطمح وفاض وعم القرى والحضر . تجدونى فى أشد الاسف لغيابى . طراوة يعرف السبب . ... الأخ العزيز الموسيقار صاحب التاريخ الطويل الموصلى كتب الكثير عن لأستاذ محمد الامين وعن المارشات والملاحم . اتمنا أن يتداخل معنا .. والشفاء الدايم لمحمد الامين الشفاء الدايم لمحمد وردى .. الشكر بلا حدود للأستاذ محمد عثمان وهو يحمل البوست الى براحات الجمال وهو الذى عودنا على ذلك ولم يخب ظننا فيه .. له الشكر ... والشكر الجزيل الى أخى معاويه ابن الروكى الشهم .. الصفحه 15 اها كرب الدلاليك .. سلامات
Post: #1414 Title: Re: د / أحمد طراوة ___ فى ندوة عن تاريخ الغناء فى السودان . Author: أحمد طراوه Date: 04-10-2008, 04:43 PM Parent: #1
... وكان إحساس التاريخ القوي الغريب بحرك الافريقي - الجامايكي جيمي كليف .. قصة الايقاعات .. و الاصل الافريقي للريقي !
.. مشى ساحات الذكر عند تلك الجمعة المتوهجة في مقابر حمد النيل ,, ولقى الآفاق و الفضاءات مليانة بالضرب الإيقاعي الواقع في المدي 2/4 .. و مشى قابل الحاجة الانظكية ست الفن و الذوق / حواء فضل المولى ريحان المعروفة ( بحواء بنزين ) .. و رتوا فنون ضرب الدلوكة المتوارثة منذ عهود السودان الما قبل مسيحي !
.. جيمي كليف صدق و آمن بانو كلام ناس سبستيان قارسيا صحيح تماما : الرقي هو اشتقاق الضرب الايقاعي للدلوكة الافريقية .. و ليس الدهلة الهندو - اسيوية ! الدلوكة الافريقية واسعة المدى الايقاعي Multi - Rhythmic ..
.. وساقوهو ناس وحدة ابحاث السودان لمتحف التاريخ القومي السوداني .. و شاف ذلك الترمبيت المصنوع قديما من حديد مروي .. ترمبيت الحضارة النوبية ! قراء كليف تاريخ الإفادة الاركيولوجية في الترمبيت اخو الترمبون و الكورنيت ، ترمبيت ناس لويس ارمسترونغ و بيلي هوليداي و كل اساطين الجاز الامريكي ! كليف لا شعوريا قعد في الارض .. في فروة الشيخ اسماعيل الدقلاشى و بكي .. بكى بكاء الاصالة و الانتماء و العودة للجذور .. ترمبيت قبل آلاف السنين و من الحديد كمان و ليس الخشب ! ترمبيت حضارة النحاس و الحديد اللي فيهو فهم شديد و بعيد !
.. الزول الساق جيمي كليف وراهو الترمبيت الافريقي - السوداني القديم في ليلة المتحف تلك ( ليلة الذكرى ) .. الزول دا المؤلف كتاب في تاريخ الالات الموسيقية الشعبية في السودان .. كتاب بستعينوا بيهو ناس آرتور سايمون و كل الباحثين في اصل الايقاعات الافريقية .. الزول دا بقى عضو معانا هنا في المنبر ...
.. بقى اضافة ضخمة للتوثيق و لقصة تاريخ الغناء السودانى
.. بنرحب بيهو تاني و تالت و نهدي ليهو كل غناء السوداني السرمدي !
.. دا اخونا علي خط الوطن و استعادة الديمقراطية و الحريات .. دا الاستاذ :
" عبد الله ود السجانة .. عازف القلوت القدير ! "
.. شاهدوا ضمن مرسلات معاوية من اعالي الجبال جيمي كليف .. الزول الجامايكي - العالمي القعد يبكي امام رهبة حقائق التاريخ السحيق في متحف السودان
.. يا ود عثمان و كما يقول مكي سنادة في مسرحية خطوبة سهير .. بنرجاك على خط البوستة .. خط الرصيرص .. خط محمد الامين الازيرق .. مدرسة العود التالتة فيما بعد ناس سوميت و عبد الرحمن الريح و الامير ابو علي و برعي ..
Post: #1415 Title: Re: د / أحمد طراوة ___ فى ندوة عن تاريخ الغناء فى السودان . Author: Moawia Mohammed Date: 04-10-2008, 06:54 PM Parent: #1
UP
Post: #1416 Title: Re: د / أحمد طراوة ___ فى ندوة عن تاريخ الغناء فى السودان . Author: محمد عثمان Date: 04-10-2008, 07:16 PM Parent: #1
اسمر...
Post: #1417 Title: Re: د / أحمد طراوة ___ فى ندوة عن تاريخ الغناء فى السودان . Author: أحمد طراوه Date: 04-10-2008, 11:18 PM Parent: #1
. . وكان غنا الجاز بتاع الامريكان السود بعتمد بالاساس علي آلات النفخ النحاسي .. مع كامل الغياب للجيتار و باقي الوتريات .. لويس ار مسترونغ .. شهبندر الجاز الامريكي كانت آلاتو كلها علي النحو التالي :
- الكورنيت و الترمبيت ( الطرمبة ) .. وديل كان بعزفم لويس بنفسو - الترمبون ( اخو الترمبيت ) .. كان بعزفو العبقري : كيد اوري - التيوبا : آلة النفخ النحاسي الاغلظ من البقية .. و اشتهر في عزفها الامريكي الاسود الاسطورة بيتي بريكس
- وكان ارمسترنغ بيعمل تحليات نغمية اضافية ببيانو الكنيسة مع وجود الدرامز و البانجو
" جدير بالملاحظة إنو ارمسترونغ لم يكن يتعامل مع الجيتار ! "
و لا حتي الساكسفون .. دخول الجيتار هو اللي حول جاز الامريكان السود لذلك النوع من الروك - ميوزيك اللي اسمو (الفاندلياك ) او الهارد روك .. الانتقال دا تم بشكل حاسم علي يد هاري بلافونت و ايرين اسلي ، و جيمي هندركس .. ودي المجموعة اللي كان عندها تاثيرا علي شرحبيل احمد !
.. عندو باس جيتار ( غليظ ) لضربة الريقي .. وليدز جيتار ( للميلودي ) .. لكن اهم من ذلك إنو عندو آلات الايقاع : الكونقا و البونقو و الطبل الافريقي ( النوبة ) ..
.. و صورة النوبة و اضحة في اغنية Rebel Salute : قصة بابل القديمة .. المرسلة ضمن الابليكيشن بتاع معاوية ..
.. بنصل بالضرورة لازمة الغناء الامريكي .. ازمة اليوم .. لمن الغنائية و الميلودي تراجعوا لصالح الضربة ( The Beat ) .. و غاب البلوز المُوقع اللي فيهو الليرك و سيطر الراب و الهِب هوب !
مات الليرك .. و تم إعلان موت النص .. و موت المؤلف !
فلسفة ما بعد الحداثة .. كلام ناس بارث ، و فوكو و دريدا .. ازمة المجتمع الراسمالي الرابعة التاريخية الكبيرة ..
.. و لا نزال نحنا تحت ظلال ازمة راسمالية السودان المنبتة .. الراسمالية الفاشلة اللي : لا ارضا قطعت و لا ظهرا ابقت !!
و نستجير بظلال ود الامين .. مدرسة الاغنية الكبيرة
الاغنية الفيها شغل و تركيز و ألق اوركسترالي ..
Post: #1418 Title: Re: د / أحمد طراوة ___ فى ندوة عن تاريخ الغناء فى السودان . Author: Moawia Mohammed Date: 04-10-2008, 11:35 PM Parent: #1
Shakira - Whenever Wherever - Concert -- Dubai 2007
Post: #1419 Title: Re: د / أحمد طراوة ___ فى ندوة عن تاريخ الغناء فى السودان . Author: Osman Musa Date: 04-11-2008, 02:24 AM Parent: #1418
فات حسنو كل حدود ... محمد عثمان ده الشغل وده الفهم ينصر دينك يا محمد لامين ويشفيك ويطول عمرك ..
Post: #1420 Title: Re: د / أحمد طراوة ___ فى ندوة عن تاريخ الغناء فى السودان . Author: Moawia Mohammed Date: 04-11-2008, 10:17 AM Parent: #1
Louis Armstrong
Post: #1421 Title: Re: د / أحمد طراوة ___ فى ندوة عن تاريخ الغناء فى السودان . Author: أحمد طراوه Date: 04-11-2008, 11:07 AM Parent: #1
... شكرا يا معاوية !
و برضو صورة للويس ارمسترونغ شهبندر موسيقي الجاز وهو في عز الشباب !
ارمسترونغ هو خير من عزف آلات النفخ النحاسي : الترمبيت و الترمبون و الكورنيت علي صعيد العالم في تلك العشرينات من القرن الماضي
بنهدي صورة رائد موسيقي الجاز العالمي لكل من :
- الاستاذ الموسيقار محمد الامين الازيرق رائد المدرسة الحديثة للتكثيف الآلي - الاوركسترالي
- علي يعقوب الكباشي عازف الترمبيت الطليعي .. و القادم من موسيقي الجيش . . و احد اعمدة فرقة شرحبيل احمد من زمن قديم
- و برضو عبقري الترمبيت حسن لِتة
- الي رائد الترمبون السوداني علي ابكر القادم ايضا من موسيقى الجيش !
- و الي كامل عبد اللطيف عازف الكلارنيت الاول في السودان
- و الي عمر طلق النار متمترسا بآلة الكلارنيت في ذلك الصولو المبدع في أغنية حسناء السباتة
- و الي عازف الفلوت و البيكلو القدير موسى محمد ابراهيم القادم من سلاح الموسيقى ، وهو يحمل مع الاستاذ محمد الامين هموم العمل الاوركسترالي الذي زين ملحمة هاشم صديق
- و الي الاستاذ / محمد آدم المنصورى بكل تاثيره و إسناده لتطور اوركسترالية المبدع الاستاذ محمد الامين
Post: #1422 Title: Re: د / أحمد طراوة ___ فى ندوة عن تاريخ الغناء فى السودان . Author: أحمد طراوه Date: 04-11-2008, 11:22 AM Parent: #1
.. وعلشان نفهم الصلة ما بين سحر السامبا بتاعت شكيرة مع عبقرية الكاشف صريع هوى نوبة الطريقة الاحمدية .. لازم معاوية ينقل لينا من صفحة 14 أغنية المهرجان ( أحتار انا ) بالمعالجة الجديدة العملا عصام محمد نور
.. و بنظل داخل فيحاء ود الامين ! و بنطبق علينا قول مصطفى بطران .. هبا جانا النيسم عليل طول يا ليل
.. و الينا يا ود عثمان .. فنحن و الله و باثر مزيكة ود الامين
صار ليلنا بنهارنا مُتصل .. و نومنا من عينا مُنفصل
.. هموم الاغنية الكبيرة .. هي اللي ساقت ود الامين لدروب المقام الكبير !!
Post: #1423 Title: Re: د / أحمد طراوة ___ فى ندوة عن تاريخ الغناء فى السودان . Author: Moawia Mohammed Date: 04-11-2008, 11:52 AM Parent: #1
Quote: .. وعلشان نفهم الصلة ما بين سحر السامبا بتاعت شكيرة مع عبقرية الكاشف صريع هوى نوبة الطريقة الاحمدية .. لازم معاوية ينقل لينا من صفحة 14 أغنية المهرجان ( أحتار انا ) بالمعالجة الجديدة العملا عصام محمد نور
المهرجان رائعة ابراهيم الكاشف و السر قدور بصوت عصام محمد نور
Post: #1424 Title: Re: د / أحمد طراوة ___ فى ندوة عن تاريخ الغناء فى السودان . Author: أحمد طراوه Date: 04-11-2008, 05:48 PM Parent: #1
,, و إنداحت مدرسة العفق الدقيق علي الاوتار The Artistique Minute Fingering
.. وظل عود ود الامين سيرة و كلام وسط ناس السودان و وسط الدوائر الاكاديمية - الاوركسترالية في العالم العربي
و بقى عود ود الامين هو عود السودان الحديث متميزا عن عود :
- محمد عبد الوهاب - طلال المداح - ابوبكر سالمين - علي الحكماني - و نصير شمة
.. و وقعت كل الاجيال الاحقة من عازفي العود تحت تأثير الساحر الاسمر ( ازرق الفن و الاوركسترالية ) محمد الامين حمد النيل
تحية خاصة لكل اولئك المبدعين علي صعيد العود المدوزن خماسيا العود الشامخ اللي تحرر قديما من معادلة التخت العربي :
- عادل صديق - عوض احمودي
.. وتحية خاصة لسيرة الراحل المبدع - النوبي ، ما سنجر عود السودان للعالمية :
" حمزة علاء الدين " .. حتما نعود لقصة حمزه
- وكل من فات علينا رصدهم هنا
Post: #1425 Title: Re: د / أحمد طراوة ___ فى ندوة عن تاريخ الغناء فى السودان . Author: Osman Musa Date: 04-11-2008, 07:26 PM Parent: #1424
الأخ العزيز معاوية ارجو التكرم بوضع صور لحمزة علاء الدين أستاذ الموسيقى العالمى . له الرحمه
Post: #1426 Title: Re: د / أحمد طراوة ___ فى ندوة عن تاريخ الغناء فى السودان . Author: محمد عثمان Date: 04-11-2008, 08:27 PM Parent: #1
Quote: .. وظل عود ود الامين سيرة و كلام وسط ناس السودان و وسط الدوائر الاكاديمية - الاوركسترالية في العالم العربي
و بقى عود ود الامين هو عود السودان الحديث متميزا عن عود :
- محمد عبد الوهاب - طلال المداح - ابوبكر سالمين - علي الحكماني - و نصير شمة
.. و وقعت كل الاجيال الاحقة من عازفي العود تحت تأثير الساحر الاسمر ( ازرق الفن و الاوركسترالية ) محمد الامين حمد النيل
ما ممكن تساافر (عود)..
Post: #1427 Title: Re: د / أحمد طراوة ___ فى ندوة عن تاريخ الغناء فى السودان . Author: أحمد طراوه Date: 04-11-2008, 08:58 PM Parent: #1
.. و بالله يا عاشقين التذوق و الاستماع !
.. سجلوا زيارة لشغل آرمسترونغ المرسلو معاوية .. و اسمعوا ذلك اللحن المسائي العذب الصادر من آلات النفخ النحاسي ! لحن مسائي ذو اصل و جذور افريقية .. لحن بسند الروح في مواجهة هجير الاغتراب .. و وعثاء يوم السودان العجيب و صعيب :
- آرمسترونغ نفسو شايل الكورنيت ( البوق )
- و شوفو كيد دراي ، شايل الترامبون .. الآلة الفيها مقبض جانبي بتحرك امام و خلف و بتحكم في النغم و الصوت
- و شوفو الكاونترباص Bass .. الجِد الاكبر للكمنجة .. الكاونترباص ذو الوتر الغليظ كان بشتغل محل الجيتار في عهود الجاز تلك
- و شوفو جوني دود شايل الكلارنيت و اقف في اقصى اليمن
- و شوفو بيبي دودز علي الدرامز .. الدرامز اللي اسس مع مع الجيتار الكهربائي - الحديدي The Fank - Metal ، اسس لغناء الهارد روك بتاع الامريكان السود .. الهارد روك السحر شرحبيل
.. يا ود عثمان : الشباك بشهد لينا !! والينا في خط الرصيرص .. خط ود الامين .. ازرق مدني
.. و الشباك بالشباك يذكرُ !
فقد قام الهواء الداخل من الشباك المفتوح في قاعة امتحانات معهد الموسيقى و المسرح ، شال ورق النوتة بتاعت عازف الترمبون القدير علي ابكر !
.. الهوا شال الورق و طيرو في فضاء الصالة .. و الامتحان شغال و علي كان بقدم في شغلوا النهائي امام اللجنة المختصة
.. تصورو عاشق آرمسترونغ ، واصل ساكي الورق و ماسك الترمبون و بعزف .. وكمل الامتحان واخد إمتياز لانو كما قالت اللجنة
" عزفا طايرة !! "
.. يا ود حامد : آرمسترونغ .. و علي ابكر ، وطلق النار ، وحسن لِتة .. و علي الكباشي .. و موسى محمد ابراهيم .. و اميقو .. و احمد مرجان و عدنان احمد عبد الله .. وكل بواسل قوات دفاع السودان لمن كانت قوات وطن و حوبة .. كلهم :
" ناسنا "
.. اشواق كتيرة و دموع شهودا .. وابواب الوصال لام خدود موصودا .. إمتى ارجع ل ام در واعودا ؟؟ !!
Post: #1428 Title: Re: د / أحمد طراوة ___ فى ندوة عن تاريخ الغناء فى السودان . Author: Moawia Mohammed Date: 04-11-2008, 09:37 PM Parent: #1
Quote: الأخ العزيز معاوية ارجو التكرم بوضع صور لحمزة علاء الدين أستاذ الموسيقى العالمى . له الرحمه
Post: #1429 Title: Re: د / أحمد طراوة ___ فى ندوة عن تاريخ الغناء فى السودان . Author: أحمد طراوه Date: 04-12-2008, 09:58 AM Parent: #1
.. و ليه حمزه العريق في نوبيتو مسك في العود و خلى الطمبور ؟ !
Post: #1431 Title: Re: د / أحمد طراوة ___ فى ندوة عن تاريخ الغناء فى السودان . Author: Moawia Mohammed Date: 04-12-2008, 02:57 PM Parent: #1
الموسيقار حمزة علاء الدين - لا سلام لا جواب
Post: #1432 Title: Re: د / أحمد طراوة ___ فى ندوة عن تاريخ الغناء فى السودان . Author: Moawia Mohammed Date: 04-12-2008, 03:17 PM Parent: #1
قصة ثورة ( الملحمة ) كلمات : هاشم صديق الحان و أداء : الموسيقار محمد الأمين توزيع موسيقي : موسي محمد ابراهيم مشاركة الأداء : عثمان مصطفي خليل اسماعيل بهاء الدين أبوشلة أم بلينة السنوسي الكورال : طلاب مدرسة المؤتمر الثانوية بأم درمان طالبات مدارس المليك الثانوية بأم درمان
Post: #1433 Title: Re: د / أحمد طراوة ___ فى ندوة عن تاريخ الغناء فى السودان . Author: Osman Musa Date: 04-12-2008, 07:51 PM Parent: #1432
د / طراوة سلامات فى انتظار الحديث عن الملحمة وعن الفنان محمد الامين الذى اشرك ثانويات امدرمان فى اضخم كورال تشهده البلاد فى 1964 .. والتحية للأستاذ حمدى خاطر امهر عازفى العود فى السودان وحمدى خاطر هو حارس المريخ فى الستينات .
Post: #1434 Title: Re: د / أحمد طراوة ___ فى ندوة عن تاريخ الغناء فى السودان . Author: أحمد طراوه Date: 04-12-2008, 08:26 PM Parent: #1
.. وجات ثورة اكتوبر مستندة علي تراكم النضالات الجماهيرية !
.. و برضو جات ملحمة هاشم صديق و ود الامين مستندة علي تراكم اوركسترالي واسع تم منذ مطلع الخمسينات علي صعيد ألات النفخ النحاسي و الخشبي !
_ ترمبيت عوض عثمان
- كلارنيت كامل عبد اللطيف
- فلوت و بيكلو موسى محمد ابراهيم
- ساكسفون محمود كامل
- براسات ( صاجات نحاس ) عبد الكريم عسكر
و عبقرية صول قوات دفاع السودان الدراس الفاهم اللي وصل من مصر في 1950 عبد القادر عبد الرحمن
.. و فجأة ونحنا صفوف بتصمم .. و جماهير هادرة امواجا في الشوارع ..
Post: #1435 Title: Re: د / أحمد طراوة ___ فى ندوة عن تاريخ الغناء فى السودان . Author: محمد عثمان Date: 04-12-2008, 10:44 PM Parent: #1
يلا يا اخ معاوية شغّل الملحمة..
Post: #1436 Title: Re: د / أحمد طراوة ___ فى ندوة عن تاريخ الغناء فى السودان . Author: Moawia Mohammed Date: 04-13-2008, 08:57 AM Parent: #1
UP
Post: #1437 Title: Re: د / أحمد طراوة ___ فى ندوة عن تاريخ الغناء فى السودان . Author: Moawia Mohammed Date: 04-13-2008, 12:50 PM Parent: #1
أحمد القرشي طه أول شهداء ثورة اكتوبر 64
Post: #1438 Title: Re: د / أحمد طراوة ___ فى ندوة عن تاريخ الغناء فى السودان . Author: Moawia Mohammed Date: 04-13-2008, 12:54 PM Parent: #1
حليمة الصومالية
Post: #1440 Title: Re: د / أحمد طراوة ___ فى ندوة عن تاريخ الغناء فى السودان . Author: Osman Musa Date: 04-13-2008, 01:16 PM Parent: #1438
أخ معاويه سلام بعد وضعك لصورة أحمد القرشى طه أول الشهداء ارجو التكرم بوضع صورة ثانى الشهداء ( عبدالرحيم حران ) طالب التربية وعبدالرحيم حران هو مشعل الثورة ... ... ورحم الله الفنانه الصومالية حليمة مقول .. وحليمة تاريخ ..لكم جميعا الشكر الجزيل بوست مدعوم بحب كبير الف شكر
Post: #1439 Title: Re: د / أحمد طراوة ___ فى ندوة عن تاريخ الغناء فى السودان . Author: Moawia Mohammed Date: 04-13-2008, 01:06 PM Parent: #1
كمال كيلا - نعيم الدنيا
Post: #1441 Title: Re: د / أحمد طراوة ___ فى ندوة عن تاريخ الغناء فى السودان . Author: Moawia Mohammed Date: 04-13-2008, 01:42 PM Parent: #1
آلات النفخ الخشبية و النحاسية
1- الباصون - BASSON
2- الكلارنيت - CLARINET
3- الكورنيت - CORNET
4- الفلوت - FLUTE
5- البوق الفرنسي - FRENCH HORN
Post: #1442 Title: Re: د / أحمد طراوة ___ فى ندوة عن تاريخ الغناء فى السودان . Author: Moawia Mohammed Date: 04-13-2008, 01:55 PM Parent: #1
6- الناي - NAY
7- الابوا - OBOE
8- الساكسفون - SAXPHONE
9- الترمبون - TROMBON
10- الترومبيت ( طرمبة ) - TRUMPET
11- التوبا - TOBA
12- الزرنة - ZURNA
Post: #1443 Title: Re: د / أحمد طراوة ___ فى ندوة عن تاريخ الغناء فى السودان . Author: أحمد طراوه Date: 04-13-2008, 04:47 PM Parent: #1
.. ودخلت عميقا في صحف و تلاوين الرومانس الثورى اصوات كل من محمد الامين و خليل اسمعيل و هي تصدح بذلك المقطع بالغ التأثير :
" .. وكان في الخطوة بنلقى شهيد .. بدمو برسم فجر العيد "
Post: #1444 Title: Re: د / أحمد طراوة ___ فى ندوة عن تاريخ الغناء فى السودان . Author: Moawia Mohammed Date: 04-13-2008, 11:53 PM Parent: #1
up
Post: #1445 Title: Re: د / أحمد طراوة ___ فى ندوة عن تاريخ الغناء فى السودان . Author: أحمد طراوه Date: 04-14-2008, 04:16 AM Parent: #1
.. شكرا يا معاوية علي حزمة آلات النفخ النحاسي و الخشبي :
- الكلارنيت ود عم البيكلو و الصفارة و الناي :
.. بداهو كامل عبد اللطيف منذ الاربعينات
.. دي المجموعة الجات لاوركسترا الاذاعة من قوات دفاع السودان
.. ثم طفقت سيرة عمر طلق النار تملأ الافاق بوصفه عازف كلارنيت ماهر و عندو صولو كلارنيت عالي المقام كما في اغنية حسناء السباتة ..
.. جاء بعد ذلك محمد عبد الله اميقو حاملا رسالة الكلارنيت كعلم و فنون
.. نسعى لرفع بعض الاغاني الفيها واضح الكلارنيت و أثرو في مجمل البناء الاوركسترالي - اللحني للاغنية
.. و لانزال متمترسين في ساحة القصر .. حقل النار .. حيث روح الشهيد نصار .. وحران .. و القرشى .. و بابكر عبد الحفيظ
" المجد لكل شهداء شعبناء .. عريس الحِمى .. المجرتق بالرصاص .. المحنن بالدِمى .. الضرب حِمى يا ود عثمان ! "
Post: #1446 Title: Re: د / أحمد طراوة ___ فى ندوة عن تاريخ الغناء فى السودان . Author: محمد عثمان Date: 04-14-2008, 04:42 AM Parent: #1
نعيد المااضى الاول...
تسجييل متاابعة و حضور...
Post: #1448 Title: Re: د / أحمد طراوة ___ فى ندوة عن تاريخ الغناء فى السودان . Author: أحمد طراوه Date: 04-15-2008, 02:19 AM Parent: #1
.. نحاول ان نفهم بعمق و توسع بعض النقاط اللي من خلالا و في دائرتا بنرصد تطور تجربة محمد الامين الموسيقية - الغنائية :
- نشأة ود الامين في المجتمع و الثراث و الجو الفني - الموسيقي بتاع ود مدني ! مدني الكاشف ، و الشبلي و عثمان فرفشة .. مدني المساح و الامي ، مدني بدر التهامي و حكاوي التاريخ ممثلة في عشرية المؤرخ الاجتماعي - الفني
- ظهور المسرح القومي كأداة إستقطاب خرطومي ، و وعاء لتنظيم الظواهر الفنية - الغنائية .. بل كحقل و ساحة لخلق التنافس و الإندماج الكلي لفنان موهوب مثل محمد الامين في بوتقة ذلك الزخم و الحراك الفني - الاوركسترالي
- اثر ثورة اكتوبر في تطور تجربة و غنائية محمد الامين ! محمد الامين و ابوعركي ظهروا في المسرح القومي لاول مرة في 1962 كممثلين لود مدني و الجزيرة في مهرجان الفنون الشعبية .. و بسبب ضعف و تعقد امر الفرقة الموسيقية للاذاعة في ذاك الحين لعدة اسباب من بينها مغادرة الموسيقار مصطفي كامل للسودان نهائيا عائدا لمصر ، واجه ود الامين معضلة انه لايوجد عازفين مقتدرين علي صعيديي النوتة و الصولفيج و قادرين علي التأقلم مع اعماله اللحنية الصعبة - المعقدة
- عاد ود الامين و ابو عركي لمدني ، لكن تحت ظلال و اجواء ثورة اكتوبر ، تلقي محمد الامين برقية من الاذاعة تطلب منه الحضور للخرطوم و المشاركة في حفل مكرث لاحداث و إحتفالات الثورة
- صحيح إنو محمد الامين كان موهبة استثنائية نادرة ، لكن اكتوبر هي اللحظة المفصلية اللي فجرت كل عبقريتو اللحنية و طاقاتو الغنائية التى انداحت من بعد في حلقات تطورية Evolutionary لم تهداء و لمن تنضب من بعد
- و برضو لمن نشوف ملابسات ولادة اغنية (عهد) و حياة ابتسامتك يا حبيبي .. و ارتباط ود الامين خلال 1963 بورشة حي البوستة الفنية بامدرمان .. و صلتو مع شاعرو الاول جبارة .. بنقدر نقر بدور و اهمية تلك الورش ( ورش الصناعة و التجويد ) في تخيلق و تشكل معظم اولئك الرواد من الفنانين
" ود الامين .. ازرق الغناء و الموسيقي السودانية ، هو ولادة ثورة إكتوبر ! "
Post: #1449 Title: Re: د / أحمد طراوة ___ فى ندوة عن تاريخ الغناء فى السودان . Author: نهي محسن أبوراس Date: 04-15-2008, 03:41 AM Parent: #1448
طولت منكم لكن رجعت ليكم بشغف كبير للمواضيع التي فاتني تصفحها .. وهاأنا ذي أحاول أن ألحق بركبكم الكريم...
د.أحمد طراوة:
Quote: الفني - الموسيقي بتاع ود مدني ! مدني الكاشف ، و الشبلي و عثمان فرفشة .. مدني المساح و الامي ، مدني بدر التهامي و حكاوي التاريخ ممثلة في عشرية المؤرخ الاجتماعي - الفني
ياريت تفرد لينا مساحة أكبر وتتكلم لينا فيها عن تجربة الإمبراطور( محمد الأمين).. فأنا علي يقين أن هنالك كثير من الخفايا خلال مشواره المثمر...
مودتي
Post: #1455 Title: Re: د / أحمد طراوة ___ فى ندوة عن تاريخ الغناء فى السودان . Author: Osman Musa Date: 04-16-2008, 03:04 PM Parent: #1449
الأخت العزيزة نهى حسن أبوراس سلامات لا تطولى. وكيف تطولى ؟ انتى عطرالأغانى ؟ الف مرحب يا نهى تحياتى وشكرى
Post: #1450 Title: Re: د / أحمد طراوة ___ فى ندوة عن تاريخ الغناء فى السودان . Author: Moawia Mohammed Date: 04-15-2008, 03:45 AM Parent: #1
UP
Post: #1452 Title: Re: د / أحمد طراوة ___ فى ندوة عن تاريخ الغناء فى السودان . Author: أحمد طراوه Date: 04-15-2008, 03:12 PM Parent: #1
.. مرحبا بست الدار و ملكة الطرب .. نها !
باذن الواحد الاحد حنواصل محاولة رصد و فهم ود الامين
.. و السعي ما امكن لكشف اسرار تجربتو الفريدة
.. و مفروض الصحافة الفنية - الوطنية تبادر و تعمل ريبورتاج جديد كبير اقرب الي كونو بحث او دراسة مع ود الامين
.. مقاربات و إضاءات جديدة ، و اسئلة مفصلية و قضايا جوهرية ود الامين هو من ضمن الناس الاشد اقتدارا علي تناولا و سبر اغوارا
- حكاية و تاريخ المقام الموسيقي الكبير و الصغير في السودان و قدرة ود الامين في التعامل مع زخم وطيف السلالم الموسيقية في تداخل و سلاسة ودون تصنيفات ضيقة علي شاكلة خماسي ، سداسي و اوكتيف .. الخ
- العود .. و قصة ود الامين مع خفايا و اسرار عود زرياب و معبد ، عود العرب اللي ادوزن في السودان
- التكنيك العالي .. و العفق الدقيق المعقد علي العود كمدرسة خاصة بازرق الموسيقي السودانية
- التوزيع الاوركسترالي ( الفريضة الغائبة ) في الغناء السوداني و تجارب ود الامين في هذا الصدد ( بالله يا نها جيبي لينا سوف ياتي )
- ثم قصة حياة و نشأة و تطور ود الامين نفسو : قصة حياة انسان املاكو في العالم ريشة و ضمير و كمان .. حقو ود عثمان يتوسع اكثر في تلك المعلومات اللي كتبا عن ود الامين
.. من الممكن ان تتصدى سودانيزاونلاين لهذه المهمة الوطنية الكبيرة - العاجلة .. عمل ريبورتاج فني - اوركسترالي مع ود الامين .. و بذكر الناس مرة تانية بوجود الموسيقي - الصحفي عبد الله محمد عبد الله ( ود السجانة) .. إضافة مش سهلة معانا في المنبر
Post: #1453 Title: Re: د / أحمد طراوة ___ فى ندوة عن تاريخ الغناء فى السودان . Author: Moawia Mohammed Date: 04-15-2008, 09:02 PM Parent: #1
UP
Post: #1454 Title: Re: د / أحمد طراوة ___ فى ندوة عن تاريخ الغناء فى السودان . Author: أحمد طراوه Date: 04-15-2008, 11:16 PM Parent: #1
.. وبعد استماعو لملحمة هاشم صديق و ود الامين غلي خشبة المسرح القومي في تلك الليلة الليلاء .. طلب الزعيم الازهري ، مقابلة الشاعر و الفنان صباح اليوم التالي في مكتبو بالقصر المقابل النيل !
Post: #1456 Title: Re: د / أحمد طراوة ___ فى ندوة عن تاريخ الغناء فى السودان . Author: أحمد طراوه Date: 04-16-2008, 03:45 PM Parent: #1
... الزعيم الازهري .. كان بسمع الملحمة في تلك الليلة ، و بعيش كل الكلمات المعبرة ، و الصور الدرامية بتاعتا ، بعيش واقع ذلك النضال يوم بيوم و لحظة بلحظة .. و اصلا كان بحب المزيكا و الفن من ايام كان استاذ في كلية غردون في منتصف تلاتينات القرن الماضى ! و هو اللي اسس و رعى الفرقة الموسيقية بتاعت الطلبة ، ودي نفس الفرقة البقت تعزف مع الكاشف و تطلع معاهو الحفلات قبل دخول الكاشف للإذاعة ..
الزعيم الازهري اصدر قرار بإرسال محمد الامين لبريطانيا بغرض علاج مشكلة تدهور نظر عيونو .. و منح هاشم صديق مبلغ 500 جنيه سوداني ! مبلغ كبير بمقايسس 1968 .. كان ممكن يجيب بيت كبير لهاشم صديق في مدينة الثورة الجديدة او ارض في حي الصافية الجديدة نواحي بحري ! مشكلة هاشم إنو بمجرد إذاعة خبر ال 500 جنيه بتاعت الازهري في نشرة اخبار الساعة تلاتة ، لقي سيد الايجار و بتاع الدكان ، و اللبن و الخدار وكل الديانة واقفين ليهو في الباب
.. و بلغ التكثيف الاوكسترالي مدى بعيد في الملحمة !
.. و كمان ود الامين ينتقل من الميلودي الاول بتاع الكورال في بداية الملحمة :
الميلودي البقول : لما الليل الظالم طول .. فجر النور من عينا اتحول .. قلنا نعيد الماضي الاول
.. بنتقل ود الامين عبر اللزمة الموسيقية بتاعت الترمبيت الي ميلودي جديد هادي و جميل .. و مشحون بالرومانس الثورى ، ميلودي بتحرك من خلالو في خمسة موازير كاملة :
" في ليلة و كنا حشود بتصارع .. عهد الظلم الشبا حواجز شبا موانع "
.. بالضبط زي سرور في : أنة المجروح يا الروح حياتك روح !
Post: #1457 Title: Re: د / أحمد طراوة ___ فى ندوة عن تاريخ الغناء فى السودان . Author: أحمد طراوه Date: 04-16-2008, 08:40 PM Parent: #1
" للشمس النايرة قطعنا بحور .. حلفنا نمو ت او نلقى النور ! "
.. و إمتزج الليرك الوطني - الثوري بتاع هاشم صديق بالموازير اللحنية بتاعت ود الامين " ازرق الاوركسترالية السودانية " مع كامل الإسناد المتمثل في عطاء و قدرات و خبرات موسى محمد ابراهيم
.. الق التوزيع الاوركسترالي البرز في الملحمة ، ورثوهو ناس موسى من المعلم الكبير عبد القادر عبد الرحمن شيخ الصولفيج - الموسيقي العسكري منذ 1950
آهي .. ثم آهي من :
- كلارنيت طلق النار - و ترمبيت يعقوب الكباشي و حسن لِتة - و ترمبون علي ابكر
كلهم كانوا تحت اصداء و تاثير زيارة شهبندر و ساحر آلات النفخ النحاسي للسودان في مطلع تلك الستينات
" لويس آرمسترونغ " !
.. للحق لازم نعرف ظروف و ملابسات و اخبار و يوميات و فنون تلك الزيارة التاريخية لرائد الجاز العالمي !
Post: #1458 Title: Re: د / أحمد طراوة ___ فى ندوة عن تاريخ الغناء فى السودان . Author: Osman Musa Date: 04-16-2008, 08:49 PM Parent: #1457
رحم الله الشهيد د / على فضل __________________________
Post: #1459 Title: Re: د / أحمد طراوة ___ فى ندوة عن تاريخ الغناء فى السودان . Author: نهي محسن أبوراس Date: 04-17-2008, 04:16 AM Parent: #1
متابعة معاكم وقلبي مفعم بفرح شديد لوجودي بينكم.. شكرا ليك أستاذ عثمان علي ماصنعت وعلي ماتصنع شكرا ليك د.أحمد علي سردك الرائع ومخزونك المعلوماتي الوافر وتوثيقك الدقيق وشكرا للأخوان معاوية ومحمد عثمان علي التزويد بنادر الأغاني up to date
متابعة معاكم بعين صقر
وأتمني أن يشارك الجميع في توثيق أعمال ومسيرة حياة الإمبراطور القامة محمد الأمين..
مودتي الخالصة
Post: #1460 Title: Re: د / أحمد طراوة ___ فى ندوة عن تاريخ الغناء فى السودان . Author: أحمد طراوه Date: 04-17-2008, 11:00 AM Parent: #1
.. الملحمة The Epic
كانت بكل مافيها من زخم و تكثيف اوركسترالي ، ونص شعري دراماتيكي و تباين وتعدد واسع لاصوات البشر و الآلات .. كانت في حوجة مآسة للتنظيم و القيادة !
و قد ثبت و تاكد بانو ود الامين مش بلحن النص الشعري وبس ! ... بل :
بنظم و بقود بسلاسة فنية عالية مجمل الاوركسترالية و مجمل الاصوات المشاركة و كل عناصر العمل الفني ..
.. و بعرف يوظف الآلات بدقة عالية ، دقة بيصل من خلالا الي تخوم دراما الحدث ! خذ مثلا :
صوت ضربة البراسات The Brass ( صاجات النحاس ) اللي بتعقب مباشرة المقطع الغنائي الصاعد البقول :
" و سال الدم في ارض الوادي "
ضربة البراسات بالفعل بتحول دماء التضحية و الفداء الي حقيقة ماثلة امامنا ! حقيقة بنحسها بل نكاد نشوفا كما هي حمراء قانية !!
.. وبعرف ود الامين يمارس التصوير الدرامي للنص الشعري !
يعني ود الامين كانما بشيل ساحة القصر في تلك اللحظات من اكتوبر 1964 ، بشيلا و يختها قدامنا بالضبط لمن يقول بصوتو التنور المشحون بالانفعال وصدق التعبير :
" روينا ورودك دم ثوار .. شتلنا فضاك هتاف احرار "
.. طلع ود الامين من حوبة قصة ثورة (الملحمة) ، مُعمدا بوصفه فنان سوداني مبدع و اصيل .. و موسيقار كبير .. بجد كبير
Post: #1461 Title: Re: د / أحمد طراوة ___ فى ندوة عن تاريخ الغناء فى السودان . Author: Amira Osman Date: 04-17-2008, 02:27 PM Parent: #1
سلام ناس البوست، في صيف 1978 في هافانا انشد معتصم الازيرق الملحمه كانت الادوات الموسيقيه بسيطه للغايه و رغم هذا كانت ملحمتنا هادره، تحياتي للازيرق و لكل من غني الملحمه... و المجد للشهداء الذين صنعوا الملحمه ...... طراوه هل لديك احدي تسجيلات الازيرق القديمه؟
Post: #1462 Title: Re: د / أحمد طراوة ___ فى ندوة عن تاريخ الغناء فى السودان . Author: أحمد طراوه Date: 04-17-2008, 06:10 PM Parent: #1
شكرا اميرة
معتصم و محمد الامين بتلاقو في قبة الشيخ الفقير الازيرق .. و كمان في مهارة العزف علي العود .. و منذ فترة بسعى للاتصال بمعتصم حول رسالتو تلك فوق الجامعية عن الواقعية في شعر خليل فرح
.. نعود لهذه القضايا بالضرورة
بقول معتصم في تلك الاغاني بدوزنة الخماسي :
في الهوي صرت يماني .. و شباب اليمن الناهض بالحب رماني .. ذي يزن عاد جديدا !
ياريت لو لقيت تلفونو علي ماسنجر بكري ..
Post: #1463 Title: Re: د / أحمد طراوة ___ فى ندوة عن تاريخ الغناء فى السودان . Author: Moawia Mohammed Date: 04-17-2008, 06:17 PM Parent: #1
up
Post: #1464 Title: Re: د / أحمد طراوة ___ فى ندوة عن تاريخ الغناء فى السودان . Author: Moawia Mohammed Date: 04-17-2008, 06:26 PM Parent: #1
رقصة الجمال - محمد اسماعيل بادي قطعة موسيقية تعتمد أساسا علي آلات النفخ
Post: #1465 Title: Re: د / أحمد طراوة ___ فى ندوة عن تاريخ الغناء فى السودان . Author: Moawia Mohammed Date: 04-17-2008, 06:31 PM Parent: #1
نشيد العلم كلمات : سيد أحمد محمد صالح الحان : أحمد مرجان
Post: #1466 Title: Re: د / أحمد طراوة ___ فى ندوة عن تاريخ الغناء فى السودان . Author: Moawia Mohammed Date: 04-17-2008, 06:38 PM Parent: #1
فرقة جاز عطبرة
Post: #1467 Title: Re: د / أحمد طراوة ___ فى ندوة عن تاريخ الغناء فى السودان . Author: أحمد طراوه Date: 04-17-2008, 07:44 PM Parent: #1
.. و بقينا في معمعان و نقزة سلاح الموسيقي بتاع قوات دفاع السودان .. وسط آلات نفخو النحاسي و الخشبي و كمان القرب الجننت عتيق !
.. و من يوم عدنان احمد عبد الله شقا عصا الطاعة علي كتشنر و علي خديوي مصر و تمسك بنهج المقام الخماسي السوداني في المزيكا ، من داك يوم ، صارت موسيقا و مارشات الجيش بتمثل تيار اصيل في مسار و تطور موازير السودان
.. شكرا يا معاوية .. مرسلاتك يا الحبيب زي برق الصعيد البرف عبادي .. إنت شغال معانا بطريقة العدأءة الاثيوبية قلاتا بوركيه بتاعت سباق ال 6 كيلومتر !
.. يا ود حامد جيب لينا صورتا .. ديل معانا في حزام التم تم الافرو - عروبي .. تم تم الحبش ( الاسكستا)
Post: #1468 Title: Re: د / أحمد طراوة ___ فى ندوة عن تاريخ الغناء فى السودان . Author: Moawia Mohammed Date: 04-17-2008, 11:54 PM Parent: #1
UP
Post: #1469 Title: Re: د / أحمد طراوة ___ فى ندوة عن تاريخ الغناء فى السودان . Author: أحمد طراوه Date: 04-18-2008, 09:29 AM Parent: #1
.. ود الامين ، وردي و كابلي .. بما لديهم من إمكانيات و باع دخلوا تجربة مناجزة كرومة ! .. مناجزة ميزانو اللحني الاساسي .. و الانتقال من ضربو الايقاعي القايم علي النقرزان الخفيف .. و اعادة معالجة اعمالو الخالدة اوركستراليا : - بدور القلعة ، و جاني طيفو طايف : ود الامين - قسم يمحيك البدري : وردي
.. وصف الخنتيلة : ليرك ابو صلاح .. ميزان كرومة اللحني .. معالجة كابلي الاوركسترالية .. علي قاعدة ايقاع الريقي !
Post: #1470 Title: Re: د / أحمد طراوة ___ فى ندوة عن تاريخ الغناء فى السودان . Author: أحمد طراوه Date: 04-18-2008, 09:54 PM Parent: #1
.. نقلا عن كتاب الغناء و الموسيقى في السودان .. تأليف الاستاذ معاوية حسن يس ( صفحة 138 ) .. يقول ازرق الاوركسترالية السودانية ، الموسيقار محمد الامين :
" إن تعرف الموسيقى السودانية بالسلم الذي تُغنى به ، هو امر ليس دقيقا تماما ! فعندما قدمت اغنية مراكب الشوق تاكد لي باننا يكمن ان نستخدم السلم الكبير الكامل مع المحافظة علي سودانية موسيقانا ! " ... إنتهي
.. و فيما ار ى .. و ضمن ما يعنيه ود الامين :
" إن الموسيقى السودانية و كل تصاريفها الاوركسترالية لا يمكن تناولها و فهمها و تصنيفها إلا في الاطار الكلي لما افرزه تاريخيا ذلك الاصطراع و التوافق ما بين الجملة اللحنية من جهة .. و مابين موازير الايقاعات السودانية المحضة من جهة أخرى "
.. باسم بوست تاريخ الغناء ، باسم ناسو و قرائه نسجل رفيع تقديرنا و ثنائنا للاستاذ :
معاوية حسن يس !
و الله يا معاوية يس :
. ان مؤلفك القيم الذي كلفك رهقا و سنينا عددا ، لهو فنيار يضىء و يتلألأ في بحر خفايا تاريخ بلادنا الغنائي .. بل وفي دياجير هذا الظلام الذي يكتنف حركة التوثيق السوداني "
.. مراكب الشوق يا جماعة الإسناد .. تجارب ازرق السودان مع الدياتون .. سلم اروبا الموسيقي - الكامل
Post: #1471 Title: Re: د / أحمد طراوة ___ فى ندوة عن تاريخ الغناء فى السودان . Author: محمد عثمان Date: 04-18-2008, 10:20 PM Parent: #1470
Quote: .. مراكب الشوق يا جماعة الإسناد .. تجارب ازرق السودان مع الدياتون .. سلم اروبا الموسيقي - الكامل
د. طراااوة..
متاابعين و بنجهز فى حاالنا و يا يوم بكرة ما تسرع....
تحيااات...
Post: #1472 Title: Re: د / أحمد طراوة ___ فى ندوة عن تاريخ الغناء فى السودان . Author: Moawia Mohammed Date: 04-19-2008, 01:24 AM Parent: #1
مراكب الشوق - محمد الأمين
Post: #1473 Title: Re: د / أحمد طراوة ___ فى ندوة عن تاريخ الغناء فى السودان . Author: عاطف مكاوى Date: 04-19-2008, 02:59 AM Parent: #1
نقلا عن صحيفة الميدان العدد رقم 2069 بتأريخ 14/4 :
ارفعوا أيدكم عن خليل فرح
عبدالله الحاج القطيني
يبدو ان شبح الطيب مصطفى المدير السابق للتلفزيون ما يزال يتجول داخل أروقة التلفزيون السوداني واقرب مثال على ذلك هو سهرة التلفزيون المقدمة مساء الخميس 6 /3/2008 والتي تمت فيها استضافة السيد جلال الدقير وزير الصناعة وآخرين ومعهم الفنان عبد الكريم الكابلي. وقد تغنى الكابلي في هذه السهرة بأغنية خليل فرح » ما هو عارف قدمو المفارق» ولان الكابلي يحب هذه الأغنية فقد تغنى بها في العديد من المناسبات في التلفزيون وغير التلفزيون والأغنية نفسها من أحب أغاني خليل فرح إلى نفسه وقد سماها بنفسه أغنية الوداع وقد تغنى بها حين أقام له أصدقاؤه حفل وداع في دارفور عند سفره إلى القاهرة للعلاج ولذلك فان اي تشويه يلحق بهذه الأغنية سيجد الاستنكار والاستهجان من محبي خليل فرح وربما تململ بسببه خليل فرح وأصدقاؤه في مقابرهم.
كان شبح الطيب مصطفى ماثلا حين حذف الكابلي من الأغنية مطلعها الذي يقول:
يا جميل يا نور الشقائق املأ كاسك واصبر دقائق مجلسك مفهوم شوفو رايق عقدو ناقص زول واللا تام
ومن المؤكد ان ذلك لم يحدث صدفة ولا اعتباطا وإنما هو شكل من أشكال خضوع المبدعين لابتزاز البعض ممن يتحسسون طبنجاتهم لدى سماعهم كلمات: » تراث، فن، غناء، شعب سوداني».
ولو أتيحت لهم الفرصة لأحرقوا مكتبة الغناء السوداني وهم أنفسهم الذين فرضوا علينا الاستماع إلى البلابل صوت بدون صورة من خلال التلفزيون كما فرضوا على الممثلة السودانية ارتدا الثوب والفساتين طويلة الأكمام ووضع غطاء الرأس حتى داخل المطبخ وغرف النوم وأمام زوجها وأبنائها وأحفادها وحتى ولو كانت في دور القواعد من النساء اللائي لا يرجون زواجاً. وقد سبق لهم وعبر نفس هذا التلفزيون ومن خلال برنامج نسائم الليل بتاريخ 28/10/2001 م - في الحلقة التي تمت فيها استضافة السيد الصادق المهدي - ان اخضعوا أغنية »ما هو عارف قدمو المفارق» للحذف والإضافة.
ففي تلك الحلقة تغنى المطرب جمال فرفور بهذه الأغنية وعدل المقطع فجاء كالاتي:
يا جميل يا نور الشقائق قف تأمل واصبر دقائق
وعلى خطى فرفور سارت المطربة أسرار بابكر مقترحة هي الأخرى الوقوف والتأمل.
وإذا واصل المبدعون الخضوع لهذا الابتزاز فان كثيراً من الروائع سوف يلحق بها التشويه وعلى سبيل المثال فقد تحدث البعض عن ان «الواو» في أغنية عثمان حسين »لا و حبك» هي واو القسم ولذلك يجب منع الأغنية لأنه لا يجوز القسم بالحب وبالطبع سوف يأتي الدور بعد ذلك على بقية روائع عثمان حسين «الوكر المهجور» الحيرى القبلة السكري» « وكيف أناملي الحيرى تداعب خصلة الشعر» وقد سبق ان منعوا أغنية » أنشودة الجن» التي يغنيها الفنان الراحل سيد خليفة من كلمات التيجانى يوسف بشير حيث ورد بها تعبير:
حتى يجف الشراب من حافة الكأس.
ولاقت أغنية الجمعة في شمبات للشاعر عبيد عبد الرحمن نفس المصير حيث تعرضت من خلال التلفزيون للحذف والبتر، ولكن المصيبة الكبرى سوف تكون مصيبة الكابلي نفسه، حيث يمكن ان يجُرجر أمام محاكم النظام العام ويجُرجر معه توفيق صالح جبريل بسبب رائعته كسلا حين يردد:
بين صب في حبه متلاشي وحبيب مستغرق في عناق ظلت الغيد والقوارير صرعى والأباريق بتن صرعى ثم يلح إلحاحاً شديداً: اسقني بالصبوح يا بهجة الروح ترحني أن كان في الكأس باقى
وبهذه المناسبة، هل هي مجرد صدفة أننا لم نسمع منذ سنوات روائع الكابلي: كسلا، حبيبة عمري، كيف يهون، ضنين الوعد .
وهل يكون مصير مداح الرسول (ص) وعلى رأسهم أولاد حاج الماحى وهم يرددون : وقت الليل ماجن ناس ليلى جنى وجن نار غرامى وهيجنى
أصل من كل ذلك، إلى أن ابتزاز هؤلاء القوم بمزاجهم السقيم لن يتوقف عند حد، والتراجع أمامهم يجب ان يتوقف، ويجب واجهتهم قبل ان يصلوا حد ان يستدعوا حاملات أسماء ناهد وسلافة ويطالبوهن بعمل إشهاد شرعي بأسماء جديدة.
Post: #1474 Title: Re: د / أحمد طراوة ___ فى ندوة عن تاريخ الغناء فى السودان . Author: Osman Musa Date: 04-19-2008, 04:12 AM Parent: #1473
الأخت العزيزة اميرة عثمان سلامات سعادة شديدة بخولك علينا وانتى تعطرى بوست تاريخ الغناء الف شكر تحياتى
Post: #1475 Title: Re: د / أحمد طراوة ___ فى ندوة عن تاريخ الغناء فى السودان . Author: أحمد طراوه Date: 04-19-2008, 09:34 AM Parent: #1
.. و بقينا في رحاب المقام الكبير
شكرا يا عاطف علي قصة محاكم التفتيش الغنائي 1
.. الي كل ذلك نعود
بنرجاك يا ود عثمان
Post: #1476 Title: Re: د / أحمد طراوة ___ فى ندوة عن تاريخ الغناء فى السودان . Author: أحمد طراوه Date: 04-19-2008, 05:36 PM Parent: #1
.. و علي درب تجارب المقام الكبير ، و التوزيع الاوركسترالي كنا .. في إنتظار اغنية ود الامين ( سوف ياتي )
و إنتهى امر الانتظار بطرفة لا تخلو من ذكاء و إلمام فني :
فقد افادتني اختنا ( نجوى كمال ) المطبوعة فنيا و حبا بغناء ود الامين .. بان اغنية سوف ياتي عصية حتى اللحظة علي التحميل ، و لا تتوافق من حيث الحجم الديجيتالي مع تقلبات السيرفر الناقل . . و اضافت نجوي :
" و واضح إنو فعلا ود الامين هو مدرسة الاغنية الكبيرة و التكثيف الموسيقي - الاوركسترالي !! "
نجوى ، والدتها هي (بت عكاشة) .. عازفة العود الخرطومية في ذلك الزمن الجميل
Post: #1477 Title: Re: د / أحمد طراوة ___ فى ندوة عن تاريخ الغناء فى السودان . Author: Moawia Mohammed Date: 04-19-2008, 07:23 PM Parent: #1
UP
Post: #1478 Title: Re: د / أحمد طراوة ___ فى ندوة عن تاريخ الغناء فى السودان . Author: أحمد طراوه Date: 04-19-2008, 10:43 PM Parent: #1
في مراكب الشوق يتعامل ود الامين مع مقامات البياتي و النهاوند العربي دون الوقوع في إسار و ضوابط التخت العربي من حيث نوع الآلات و اللونية ، بل يخرج الي مستوى اوركسترالي سوداني كامل .. بالاعتماد علي ضرب ايقاعي ذو لونية سودانية تتراوح ما بين النقرزان الخفيف و الفالس الموطن سودانيا ..
.. و نستعرض ملابسات أغنية بدور القلعة ! قبل الاستماع اليها و قبل رصد مناجزة ود الامين لميزان كرومة اوركستراليا
.. ارسلت لنا نجوى كمال ما كتبه من قبل احمد القرشي عبد الرحمن .. و احمد في طلائع كتيبة البحث و التوثيق لغناء الحقيبة
إسم الأغنية: بدور القلعة كلمات: أبو صلاح ألحان: كرومة
أغنية العيون النوركن بجهرا من أغاني أبو صلاح التي تدفقت فيها دموعه وسالت كالأمطار وقال إن سبب نزول هذه الدموع هي الشلوخ العشرة المسطرة والنسائم المتعطرة برائحة المحبوبة الجميلة والشلوخ العشرة المسطرة يشرحها مبارك المغربي ويقول إنها المطارق وهى ستة شلوخ على الخدين ثلاث على كل خد مع عارض أفقي ليكون المجموع ثمانية وتحت ذلك العارض عارض آخر ليكون المجموع عشرة والمقطع الذي سكب فيه الدموع هو السادس ويقول فيه ... هل حبيبي نسى أم لي طرا ......يا ام شلوخا عشرة مسطرة النسائم بالند عطرا.........دا الدفق لدموعي ومطرا يقول الأستاذ مبارك المغربي إن هذه الأغنية لا ترتقى إلي مستوى أغنيات أبو صلاح الأخرى بالرغم من انتشارها ولكنني أقول إنها أغنية جميلة وقوية وصادقة وذات ألفاظ ومعاني جميلة أبدع أبو صلاح وصف محبوبته وهى في ساحة الرقص وفى الأغنية صورا بديعية جميلة وللأغنية قصة رواها لي الفنان مبارك حسن بركات حيث قال إن أبو صلاح طلب من إحدى البنات الرقص ولكنها استنكرت ذلك وعابت عليه حول عينيه فانشد أبو صلاح هذه الأغنية على الفور وقال إن سبب حول عينه وسهره هو نور وجمال هذه الملهمة وقال الأستاذ مبارك حسن بركات إن كرومه لحن وغنى هذه الأغنية في نفس الحفلة ورقصت هذه الملهمة على إيقاعها ....وفى الأغنية وصف رائع لقوام هذه الملهمة حيث يصف صدرها بانه عالي وكبير حتى انه اتعب الأعطاف وبرا الخصر حتى اصبح رقيقا وعلى هذا الصدر جوز رمان جل الذي خلقه وهذه النهود باعت واشترت في الشاعر اى أنها أتعبته وسلبته لبه وفكره أما الشعر فمن طوله فانه يستر الأقدام وطلب منها أن تلقط القلوب التى بعثرها هذا الشعر ويصف الشاعر الجزء الأعلى من قوام الملهمة مع الأرداف كأنها خطيبة في منبر والمنبر هو الأرداف.... أما الرشيم والرشمة كما يشرحهما مبارك المغربي فالرشيم هو فصدتين تحت شلخ صغير على اعلى الخد ( نقرابى ) اما الرشمة فهي سلسلة ذهبية تصل ما بين الزمام والميسرة ويقول الشاعر إن الرشيم لشدة خضرته غير لون السلسلة الذهبية فصارت خضراء اللون مثل فرع الشجرة الأخضر على سطح المرآة... أما ابو الحاج المذكور في الأغنية فهو الحاج محمد احمد سرور ووهبة هو عازف الملوديكا وهى نوع من الأكورديون ابوزراير كما يسميه البعض ووهبة هو والد لاعب المريخ المشهور بشرى وهبة اما عبدالرحمن فهو العريس .... الأغنية من الحان كروم وسجلها للإذاعة مبارك حسن بركات كما أبدع فيها الفنان محمد الامين .اخبرنى الاستاذ مبارك حسن بركات ان ملهمة الاغنية اسمها جواهر وقد قابلها فى الستينات فى تاكسى اجرة وبالصدفة كانت هذه الاغنية تذاع على راديو السيارة بصوته فقالت هذه المراة كل شئ فى الدنيا يفنى عدا الشعر فسألها مبارك انت بدور ام جواهر فقالت انا بدور اما الشاعر مبارك المغربى فقد اشار ان اسم الملهمةهو مدينة ومذكور فى الاغنية (مدينة الجوف) ولكنى ارجح رواية الفنان مبارك حسن بركات.
د . /أحـمد القرشـى
العيون النوركن بجهرا ............. غير جمالكن من السهرا يا بدور القلعة وجوهرا
السيوف ألحاظك تشهرا على الفؤاد المن بدري انهرا أخفي ريدك مرة و أجهرا نار غرامك ربك يقهرا
************ صيده غيرك ايه الجسرا تستلم أفكارنا وتأسرا حال محاسنك مين الفسرا يا الثريا الفوق أهل الثرى
************** جارحة صالح كل ما يحضرا في مدينة الجوف ساكن الضرا الرشيم والرشمة الخضرا ذي فريع في موية منضرا
************ هل حبيبي نسى ام لي طرا يا أم شلوخا عشرة مسطرا النسايم بالند عطرا دا الدافق لي دموعي ومطرا
**************** حفلة يا ابو الحاج إتذكرا ورنة الصفارة إتفكرا وهبه بي مزيكتو إتحكرا كم طرب افكارنا وسكرا
***************** البدور النارت مسفرا قاصدة تشتري قلوبنا تسفرا عبد الرحمن دمت يتظفرا بي نعيم وحظوظ متوفرا
Post: #1479 Title: Re: د / أحمد طراوة ___ فى ندوة عن تاريخ الغناء فى السودان . Author: Osman Musa Date: 04-20-2008, 03:46 AM Parent: #1478
يا الله يا الله يا الله كل شواطىء السودان اليوم شاحبة . والحزن يتسلق وتر الكمنجات ... لك الرحمة يا بدر التهامى لك الرحمه
Post: #1480 Title: Re: د / أحمد طراوة ___ فى ندوة عن تاريخ الغناء فى السودان . Author: محمد عثمان Date: 04-20-2008, 10:20 AM Parent: #1
سلاااااااااااااام للجميع
لحظاات طرب مع ود الامين new version
و بدور القلعة فى الدرب...
و بدرو اسماعيل حسن قال فيها: يا بدوري في الظلام.. والظلام يحجبلي دربك
و نوااصل مع دكتور طرااوة..
Post: #1481 Title: Re: د / أحمد طراوة ___ فى ندوة عن تاريخ الغناء فى السودان . Author: Moawia Mohammed Date: 04-20-2008, 10:29 AM Parent: #1
أفتح لحظات الطرب أخي ود عثمان
Post: #1482 Title: Re: د / أحمد طراوة ___ فى ندوة عن تاريخ الغناء فى السودان . Author: Osman Musa Date: 04-20-2008, 03:46 PM Parent: #1481
الأخ العزيز محمد عثمان سلام شديد والتواصل يمتد عبر جسر توتى الجديد توتى المألوفة .. .... أخى محمد ارجو وضع تسجيل للحفظ للمرحوم الموسيقار بدر التهامى عليه الرحمه تسجيل لتلك القطع الدرر ..
Post: #1483 Title: Re: د / أحمد طراوة ___ فى ندوة عن تاريخ الغناء فى السودان . Author: محمد عثمان Date: 04-20-2008, 04:17 PM Parent: #1482
Quote: الأخ العزيز محمد عثمان سلام شديد والتواصل يمتد عبر جسر توتى الجديد توتى المألوفة .. .... أخى محمد ارجو وضع تسجيل للحفظ للمرحوم الموسيقار بدر التهامى عليه الرحمه تسجيل لتلك القطع الدرر ..
الاخ عثمان..
سلاااام
الرحمة و المغفرة لعازف الكمان الشهير بدر التهامى الذى بدا حياته الموسيقية منذ منتصف العشرينات من القرن الماضى و هو قد شارك بالعزف مع الفنان سرور و سافر معه تقريبا كل رحلاته كما انه ايضا شارك الكثير من الفنانين بالعزف و المشاركة فى وضع الالحان خلّف الرحل ذكرى و مجدا و رصيدا من الاعمال المسجلة بالاذاعة و ذلك بالته الاسطورية.. رحم الله الراحل رحمة واسعة و الهم اله و جميع محبيه الصبر و السلوان و انا لله و انا اليه راجعون..
انشاء الله بعد التنسيق مع د. طراوة و الاخ معااوية تكون هنا مسااحة لاعماله فى هذا البوست...
Post: #1484 Title: Re: د / أحمد طراوة ___ فى ندوة عن تاريخ الغناء فى السودان . Author: Moawia Mohammed Date: 04-20-2008, 05:30 PM Parent: #1
الرحمة و المغفرة للموسيقار بدر التهامي
الموسيقار بدر التهامي نقلها لودمدني / أحمد محمد المبارك
يا سلام عليك يا موسيقار يا رائع
الموسيقار بدر التهامي يسوقنا إلى رحلة فنية عامرة بالعطاء .. بدأت في عام 1925م في مدينة ود مدني .. آنذاك كان بدر التهامي شابا يعتمد عليه فعهد إليه والده العمل معه في الحواشات وهو رعاية انسياب المياه في الترع وعزق الأرض بالطورية .. يفعل ذلك راضيا مرضيا .. وفي صباح يوم من أيام العام 25 وهو بالضفة الشرقية للترعة الرئيسية .. سمع لحنا سرعان ما شده فارهف السمع وملكه سلطان الطرب فذهب يقتفي أثر اللحن حتى كان أمام مصدره رجال يلتفون حول رجل يعزف ربابة وكانت تسمى آنذاك ( أم كيكي ) وكان بها وتر واحد.
بدر التهامي يقول ،وعرضت عليهم شراء الربابة حتى بلغ الثمن عشرين قرشا وكان ذلك مبلغا له رقم اقتصادي مميز بعدها تم تمليكي الربابة ذات الوتر الواحد وشدت عليها وترين آخرين ثم زدتهم واحد فأصبحوا أربعة أوتار وبذلك استطعت أن استنبط منها الألحان التي ترضي غروري الفني وعزفت عليها مضامين الأغاني التي كانت الربابة تقوم بترويجها ثم عزفت أنغاما على شاكلة :
يا خيتي يا بت أمي
نور قلبي سلبت
ولكن رغم الأ وتار التي أدخلتها على الربابة إلا ذلك لم يشبع رغباتي الموسيقية التي كانت تبحث عن اللحن العبقري حتى لم كان خشب الربابة تلك مصنوعا من أخشاب الأبلكاش لذلك أصدرت أصواتا جانبها النشاز وجافتها رقة اللحن المنشود .. ثم قررت بعد ذلك أن أدخل إلى عالم الكمنجة وتوجهت إلى الخواجة ميشيل تيرزو وكنت قد تركت العمل في الحواشات وانضممت إلى العاملين بمستشفى ود مدني ودرست التمريض .. ومن الخواجة ميشيل إلى الخواجة أنور الذي علمني السلم الموسيقي الغربي :
دو ري مي فا صول لا سي
وطلب مني أن أقولها بالعربية وحقيقة الأمر قد أفدت كثيرا من ألخواجة أنور واستطعت أن أحتوي تلك الآلة البنية اللون الساحرة وأعزف عليها ما أشاء .. ولما ملكت مائة وخمسين قرشا اشتريت آلة كمنجة .. وعزفت كل الأغاني التي ألفها الأستاذ علي المساح وأول من عزفت له أغانيه الفنان محمد الشبلي أحمد سليمان .. كما عزفت مزهوا روائع ذلك الزمان مثل :
أنت بدر السما في صفاك
زمانك والهوى عانك
زهر الربيع لون الطبيعة
نسائم الليل
ولما سكن اللحن الفؤاد وكنت ممرضا كما ذكرت كنت من حين لآخر أعزف مقطوعات متنوعة مما جعل المرضى يلتفون حولي .. الشيء الذي ألب الإدارة الطبية علي فشكوني للمفتش الإنجليزي بحجة أني اسبب إزعاجا للمرضى وأمتثل المفتش لامرهم وطلب منهم حينما أعزف ألحاني أن يخبروه .. وفي مساء يوم خريفي رائع بدأت أعزف فتسلل المرضى من أسرتهم يتمايلون طربا وكان المفتش ساعتها متخفيا وراء ستار وبمحض الصدفة كنت أعزف المارشات الإنجليزية والمصرية التي حفظت ألحانها حينما كانت زفة رمضان تجوب شوارع مدينة ود مدني وتقدم نحوي المفتش وسألني أين تعلمت الموسيقى فأخبرته بتجربتي فأعجب بها وأحبر إدارة المستشفى أن ما يعزفه بدر موسيقى وليس إزعاجا .. وطلب من في التو أن أذهب إلى عنبر واحد وأعزف لهم لأن به كثير من المتألمين .. وطاب لي المقام في مستشفى مدني
الموسيقار بدر التهامي وعازف الكمنجة الشهير يعود بنا إلى الوراء قليلا وبالتحديد إلى عام 1938م يقول وبكل فخر أن أول فنان عزف له هو الشبلي وفي ذلك الأثناء كانت للأخ عثمان أبو بكر رجب فكرة تكوين أوركسترا وسرعان ما وجدي الفكرة هوى في نفسي فدعونا لها وكانت المحصلة مشرفة للغاية وكان العازفون على آلة الكمان هم عثمان أبو بكر رجب وعبد المنعم عبد السلام وعلى الحويرص . ثم أنضم إلينا المهندس عبد الرحيم البوشي وهو أول من أدخل آلة الأورغن ، ثم إسماعيل أبو السباع يعزف الكارنيت ومحمد أبو بكر رجب على الأكورديون وكان الطيب عبد الله الكارب يعزف على آلة العود .. أما إيقاع الطرمبيت فكان يعزفه عازف ماهر من موسيقى البوليس وبذلك أكتمل مجموع الأوركسترا التي ولدت ناضجة صاحبها المطربان الرائعان ( الشبلي والكاشف ) وعزفنا ما شاء لنا أن نعزف وتلقينا دعوة كريمة من مؤتمر الخريجين ، وشددنا الرحال إلى العاصمة ورأينا المناضل الجسور الأستاذ أحمد محمد خير المحامي نجما يسطع في سماء بلادي يفتتح المؤتمر بكلمة فيها الرجاء والبسالة والدعوة إلى التحرير .
هكذا يتحدث الموسيقار بدر التهامي ويتذكر تلك الأيام من زحم وطني مشتعل ويقول : بعد أن انتهى المناضل أحمد خير من كلمة الافتتاح أشير لنا أن نبدأ وظهرنا لأول مرة نغني للوطن فجاء نشيد
صه يا كناري
ونشيد صرخة روت دمي
ثم نشيد للعلا
ولن أنسى الجمهور الذي كافأنا بحماسة وإعجابه .. وليتكم كنتم معنا في تلك الساعات المشرقات .. حينما عزفنا تلك الأناشيد الخالدة وكان الفنان الشبلي والفنان إبراهيم الكاشف ققبسين جاءا من بلاد الفن والطرب والوطنية أي من مدينة ود مدني التي أهدت الأوركسترا الأولى .
ولن أنسى أبدا الفنان الراحل حسن عطية ، الذي أعجب بالعزف وطلب منا أن نبقى في العاصمة حتى تفتتح إذاعة أم درمان أي بعد سنتين من العام 1938م فأخبرته أن هؤلاء العازفين مرتبطين بأعمال ولا يستطيعون البقاء في العاصمة . ورجعنا من حيث أتينا وفي العام 1939م ظهرت بوادر الحرب العالمية الثانية وتشتت الجمع وكان الفنان الشبلي يومذاك قد عين في الجيش برتبة شاويش وسافر إلى الحبشة مجندا . أما الفنان إبراهيم الكاشف فقد راقت له فكرة الغناء الثنائي فأخبرني أنه يغني مع مصطفى الشيخ إسماعيل وكنت قبل ذلك أصحب الكاشف في كل الحفلات التي يدعى إليها يصحبنا الفنان أحمد حسن الغفاري الذي يجيد العزف على آلة البانجو فقال:هي آلة تشبه الربابة بها أربعة أوتار وتملك صوتا رخيما يسر السامعين وأغلب الظن أنها مجلوبة من أوربا .
الموسيقار بدر يتحدث عن الطنبور فيقول : يتكون من آلتين إن صح التعبير هما العصا والزجاجتين الفارغة . فالعصا توضع على الأرض يرفع طرفيها حجران ، وهي تبعث نغما حين تضرب بعصا أخرى ، بينما توضع في الجانب الآخر زجاجات فارغة يضرب عليها بالمرواد، وضرب العصا بعصا أخرى يتكون بذلك نغم يصحبه الكورس المغني يطنبرون بحلاقيمهم بينما المطرب الشهير ود السيد يغني واضعا يده اليسرى على أذنه تاركا يده اليمنى لتعينه على الوصف .
يقول الموسيقار كان عمري آنذاك عشر سنين حينما عشت وشاهدت الطنبور وكان ود السيد ملك الطنبور في مدني . بينما كان ملك الطنبور في أم درمان ود الفكي القادم من الشمالية ومن أمثلة أغاني الطنبور آنذاك
نار أم برعة سراجة
في الأيدين ظريف عاجا
وغنى أيضا :
جات تتمختر العرجونة
الماكلانا فتونا
وقال :
جنا الوز العام يا سلام
يا سلام عليك يا موسيقار يا رائع .
_______________ منقول من موقع ودمدني
Post: #1485 Title: Re: د / أحمد طراوة ___ فى ندوة عن تاريخ الغناء فى السودان . Author: أحمد طراوه Date: 04-20-2008, 06:50 PM Parent: #1
.. و تتواصل بكائية كمنجات السودان الضائعة !
غيب الموت بدر التهامي ، احد رواد مقام (فا) الكبير .. بدر التهامي احد طلائع دوزنة الكمان الاروبي سودانيا
.. و يبقي السر عبد الله ، و بدر التهامي اساطينا لهذه الآلة الاوكسترالية الفريدة المتدفقة بالاشجان و المحنة في عوالم الغناء و الطرب السوداني
في سجل التهامي الابيض و خدره المنضود نكتب المؤشرات الآتية:
* عبر آلة ام كيكي (ذات الوتر الواحد المصنوع من سبيبة ذيل خيول بقارة جنوب دارفور و كردفان ) إنتقل التهامي منذ مطلع ثلاثينات القرن الماضي ، إنتقل من السلم الاروبي الكبير الي السلم الصغير الخماسي (البنتاتون) السوداني
* بدأت معرفة التهامي الموسيقية محصورة بدرجات السلم السباعي علي يد الخواجة ميشيل :
" دو ، ري ، مي ، فا ، صول ، لا ، سي " = 7 درجات
* ام كيكي بحكم طول وترها الواحد هي آلة اقدر لإعطاء درجات السلم السباعي ( وهذا قد يفسر ضمن عوامل اخري تاريخ استقرار السباعي وسط قبائل غرب السودان )
.. قفزة اليد الضرورية اثناء العزف لاخراج و تجاوز درجة مي بيكار ، و سي بيمول ، هذه القفزة لانتاج الخماسي تغدو بالغة الصعوبة في آلة ام كيكي
* ومع ذلك كان التهامي ممن طوعو ام كيكي لصالح الخماسي السوداني قبل الانتقال للكمان المدوزن خماسيا علي يد السر عبد الله !
.. و واضح ان مدرسة مقام (فا) السوداني الخماسي كانت عبارة عن مجاهدات ممتدة مابين مدني و الخرطوم خلال تلك المرحلة الإنتقالية الهامة من القرن الماضى !
Post: #1487 Title: Re: د / أحمد طراوة ___ فى ندوة عن تاريخ الغناء فى السودان . Author: محمد المرتضى حامد Date: 04-21-2008, 00:03 AM Parent: #1485
تعرف يا أحمد كان عندي خالن لي قال الغنا في السودان ده فيهو محطات فاصله (نقاط فارقه) بلغة كتاب الأعمده السياسية ، أها عندو كرومه والكاشف ومحمد الأمين وشرحبيل ديل المحطات والمحولجيه بتاعين سكك غناء السودان، هو ذاتو الزول اللي ركّب لي أبواللمين في مزاجي منذ أن كان الحب طفلا يعض على كل إصبع باللهاة ويبتسم ، قلنا مامكن .. والغريبه الساعه جنبك تبدو دايما رولكس حتى لوكانت أومكس وانت عارف نحن بعدك للصباح دايما. والله يا أحمد كنت لما اسمع زول بيتكلم عن عهد ( وحياة ابتسامتك) بيتخيل لي إنو تدخل في شئوني الخاصه، أها إنت جبت سيرتا هنا ومشيناها ليك لكن تاني اسألنا في الأول تفاديا لاشياء كثيرة أنت أدرى بها من غيرك.
Quote: .. يا ود حامد جيب لينا صورتا .. ديل معانا في حزام التم تم الافرو - عروبي .. تم تم الحبش ( الاسكستا)
الإسكستا يا أحمد خشم بيوت لكن أهمها التي يرتج فيها الكتف في حركة دائرية من الأمام إلى الخلف بالتبادل بين الايمن والأيسر، وأهلنا الإثيوبيين لما يرقصوها بتتخيل إنو عندهم بلالي وآكسلات في الأكتاف مش كلافيكل وسكابيولا زي القروكم ليها في الأناتومي ديك ، عموما بعض من يجهلونه يشبهونه بالكشف عند ناس بلو بلو وكدا في حين إنو هو كشف بال (MRI ) ، عموما التم تم دا لم أسمع به سوى في الموسيقى السودانيه والقرن الأفريقي وبالطبع ما ننسى السمحين في موريتانيا وجنوب المغرب وعند الصحراويين وعاصمتهم العيون. سبحان الله الناس ديل كلهم لونهم واحد ، زي لون الشفق عند المغارب زي ما قال عثمان مصطفى.
Post: #1486 Title: Re: د / أحمد طراوة ___ فى ندوة عن تاريخ الغناء فى السودان . Author: Moawia Mohammed Date: 04-20-2008, 11:20 PM Parent: #1
UP
Post: #1488 Title: Re: د / أحمد طراوة ___ فى ندوة عن تاريخ الغناء فى السودان . Author: محمد المرتضى حامد Date: 04-21-2008, 00:23 AM Parent: #1486
يا معاويه سلام وتحايا ليك ولعثمان سيد الحوش ومحمد عثمان وكل عمال النظافة وحَمَلَة المسك في المنبر ، قلنا نلحق أحمد ده بجزئية خاطفه من الإسكستا وزي ما قال ودالرضي : ياجرح غوِّر إنشالله ما بريتا.
Post: #1489 Title: Re: د / أحمد طراوة ___ فى ندوة عن تاريخ الغناء فى السودان . Author: أحمد طراوه Date: 04-21-2008, 01:48 AM Parent: #1
هدية من إيدك مقبولة ياود حامد
.. الشِب رِب ، رقيص الحبش علي ايقاع الإسكستا ( التم تم المفتوح )
.. جميلة صور بنات اثيوبيا .. دا الخلي ود الرضي يقول : لا تزيد بلبالي ! و اسمع صحبك عاصم البنا بقول : طابق البوخة ، و بغني روح و اعرض حالي ! كلام ود الرضي .. عبقرية ميزان كرومة اللحني و نقرزانو الخفيف مُعاد إنتاجو اُركستراليا ميزان كرومة كمبيالات تنصرف في كل البنوك علي مر العصور
.. لازم نلقى و نسمع ود الامين في بدور القلعة !
Post: #1490 Title: Re: د / أحمد طراوة ___ فى ندوة عن تاريخ الغناء فى السودان . Author: Moawia Mohammed Date: 04-21-2008, 08:00 AM Parent: #1
UP
Post: #1493 Title: Re: د / أحمد طراوة ___ فى ندوة عن تاريخ الغناء فى السودان . Author: أحمد طراوه Date: 04-21-2008, 08:23 PM Parent: #1
بدور القلعة و جوهرا !
.. شال ود الامين ميلودى الفم ، مأثرة كرومة تلك و اعاد انتاجا في أفاق المقام الخماسي السوداني عبر عملية عفق دقيق و معقد علي اوتار العود (حركة اصابع اليد علي الاوتار ) .. موازير ود الامين منسجمة مع ضرب ايقاع الفالس الاروبي
.. حال محاسنِك مين الفسرا .. يا الثريا الفوق اهل الثرا !
قول لابوصلاح " من مأثور الرومانتيك الاول "
Post: #1494 Title: Re: د / أحمد طراوة ___ فى ندوة عن تاريخ الغناء فى السودان . Author: محمد المرتضى حامد Date: 04-21-2008, 09:20 PM Parent: #1493
تعرف يا أحمد ، وعلى ذكر التم تم ، كنت أستمع بمزاج لأغنية غزال الروض بصوت الكابلي ومعه المجموعة الأثيوبية التي أوردتها طيبة الذكر الممكونه ، أعتقد أن التم تم إيقاع كفيل بهز حتى متبلد الإحساس . من أجمل الأغاني التي (تفوق) فيها التم تم كانت من بف نفسك يا القطار ، صاحبك اب احمد من عاشقي التمتم وعليه لحن (المقدَرَه) ن قال لي قريب منكم جاي حفله في تورنتو، لكن صدقني التمتم اللي عملو في (هوى الخلخال) تفوق فيه على نفسه ، ووالله لو لم يغني عاصم سوى هوى الخلخال لكفته، لأنه أداها في تسجيل منذ عامين في سي دي لن يستطع هو نفسه تكراره. سلام تاني لعهد ووحياة ابتسامتك ، شكرا للوفاء للأخ العزيز الراحل د.علي فضل وقد زينت صورته والشهيد القرشي هذه الصفحة.
Post: #1496 Title: Re: د / أحمد طراوة ___ فى ندوة عن تاريخ الغناء فى السودان . Author: أحمد طراوه Date: 04-22-2008, 09:08 AM Parent: #1
.. هات يا زميل !
ويا ناس الدنيا ، بالله استزيدوا باغنية وصف الخنتيلة علي نهج و طريقة عبد الكريم عبد العزيز ( الكابلي )
وحقا فقد كان ابو صلاح سندباد التعابير الجزِلة و صاحب الاجتراحات علي صعيدي صدر البيت الشعري و عجزه !
" روحيتي قتيلة !!! " .. تعابير جميلة لدرجة الغرابة لا عين رأت ، و لا أذن سمعت !
.. و اخذتنا بعيدا مقطوعة الصول ذرب الالحان ود بادي .. خليفة سيد الدايرة الصول الكبير عبد القادر عبد الرحمن " رائد التوزيع الاوركسترالي في السودان :
( ود بادي ) محمد اسماعيل بادي ... بديع في مقطوعة رقصة الجمال الموسيقية !
فراسخ من ضرب النحاس الاصفر ( الق البراسات ) ! .. ترامبونات تطن و ترمبيت يصدح و يئن ، و كلارنيت قد تجلي بادي للعيان
.. وجميلة ايضا عند صول المزيكا العسكرية محمد بادى ، تلك المقطوعة المسماة ( مامبو نص الليل ! ) !
جيبا يا معاوية .. جيبا ليلا او نهارا .. بس هات يا زميل ..
.. و هل اتاك حديث عثمان المو ؟ في تلك الاغنية ( جنة الانغام ) اللتي تؤرخ لاشراقات و طرائق جماعات الجاز السوداني فيما بعد زيارة الشهبندر لويس أرمسترونغ للسودان آناء مطلع تلك الستينات من القرن الماضي .
.. هات يا ود عثمان .. بنرجاك يا زميل على خط ود الامين ناس فرقة جاز عطبرة بقولوا ليك : هم النسونا قالوا ما نسونا !
.. او كما يقول ود حامد المرتضى بوكالة عاصم البنا قول ود الرضي:
" لا تكون شكواي موية في غربالِ "
Post: #1497 Title: Re: د / أحمد طراوة ___ فى ندوة عن تاريخ الغناء فى السودان . Author: أحمد طراوه Date: 04-22-2008, 09:42 AM Parent: #1
و تاني بنرجع لعالم الدلتا بلوز بتاع الامير الاثير سليل عنصر البانتو الافريقي : الامريكي الاسود جون لي هووكر .. هووكر سيد الكدوس و البرنيطة
.. بلوز دلتا المسيسبي و نيو اورليانز .. الشال عقل الامين كونتي و ابو بكر تراوري و الفابيولاس : علي فاركا تور ، و صحبتو عشة كيجالي ! الدلتا البلوز الإنبثق في معمعان صراع الاقنان السود لاجل تخطى حواجز و اسوار اللاتفونديات الاقطاعية المقيتة - الرجعية باتجاه سوق العمل الراسمالي ، السوق الجديد في شمال ابراهام لنكولن الناهض بالحريات الدستورية الجديدة بما فيها حرية بيع ( قوة العمل الحر )
.. يا معاوية بالله جيب تاني بلوز علي فاركا بلوز صحراء مالي و النيجر و السنغال علشان نشوف صلتو بغنائية و ريثم جون لي هووكر
..
Post: #1498 Title: Re: د / أحمد طراوة ___ فى ندوة عن تاريخ الغناء فى السودان . Author: أحمد طراوه Date: 04-22-2008, 10:12 AM Parent: #1
يا ود حامد بنهدي ليك صورة جون لي هووكر !
.. لانو بشبه اظرف مجانين ام درمان و اكثرهم غرابة و إثارة .. الزول داك الاسمو ( طالبني كم ؟ ! ) و قد تناقصت قدرات طالبني كم العقلية يوما بعد الآخر تحت ضغط ذلك الوهم Delusion الذي ما انفك يحدثه من داخل فراغه العريض بانه جنرال يقود قوات دفاع السودان المتكتلة مع قوات الحلفاء في مواجهة النازي التلياني موسيليني نواحى بلدة كرن بشرق السودان .. كان طالبني كم يضع كاسكتة .. و يقبض غليونه باسنانه البيضاء و يتدرع باحزمة الجبخانة الفشنك .. ثم ياتي باحاديث و كلمات الانجليز المتناثرة و يمارس طقوس العظمة التي اسعدتنا كثيرا
.. و ياليت الاريب الحكاي استاذنا عبد المنعم خليفة يتعطف علي بوست ناسنا بقصة ( جنرال المديرية ) .. ذلك الرجل الانيق البديع في لبسته العسكرية .. و الذى كان يجوب الخرطوم نهارا متصيدا مرافق الدولة الهامة و فندق السودان .. و ظل يُحظي بمحبة و استلطاف الجميع و علي راسهم الزعيم الازهري و عبد الخالق محجوب
Post: #1499 Title: Re: د / أحمد طراوة ___ فى ندوة عن تاريخ الغناء فى السودان . Author: أحمد طراوه Date: 04-22-2008, 10:27 AM Parent: #1
.. و لا نزال نتفيأ اغصان خميلة ود الامين ألإزيرق
المدي الزمني - الغنائي 1940 ---------- 1970
محمد الامين :
* مدرسة التكثيف الموسيقي - الاوركسترالي * مدرسة العفق الدقيق المعقد The Fingering * مدرسة إستنطاق العود .. و إخراج كل الدرجات البينية لمقامو الخماسي * مدرسة المقام الكبير و السلم الكامل ذو النكهة السودانية * مدرسة الاغنية الكبيرة و الاستماع الجديد الراقي * مدرسة عود السودان الذي تحرر نهائيا من إسار التخت العربي و صار قائدا للأوركسترالية * مدرسة المواصلة علي خط مجاهدات التوزيع الاوركسترالي
.. سوف ياتي ود عثمان يلوح بجميل الاغاني
Post: #1506 Title: Re: د / أحمد طراوة ___ فى ندوة عن تاريخ الغناء فى السودان . Author: Moawia Mohammed Date: 04-23-2008, 00:18 AM Parent: #1499
UP
Post: #1500 Title: Re: د / أحمد طراوة ___ فى ندوة عن تاريخ الغناء فى السودان . Author: Moawia Mohammed Date: 04-22-2008, 11:23 AM Parent: #1
ALI FARKA TOURE
Post: #1539 Title: Re: د / أحمد طراوة ___ فى ندوة عن تاريخ الغناء فى السودان . Author: Osman Musa Date: 04-27-2008, 06:27 PM Parent: #1500
د / أحمد طراوة __ فى ندوة عن تاريخ الغناء فى السودان . ________________________________________________________ نتابع
Post: #1501 Title: Re: د / أحمد طراوة ___ فى ندوة عن تاريخ الغناء فى السودان . Author: Moawia Mohammed Date: 04-22-2008, 11:35 AM Parent: #1
بدور القلعة
Post: #1502 Title: Re: د / أحمد طراوة ___ فى ندوة عن تاريخ الغناء فى السودان . Author: أحمد طراوه Date: 04-22-2008, 02:32 PM Parent: #1
.. ألفية صالح عبد السيد ابو صلاح في ذات عظمة الفية الامام مالك
بدور القلعة : و هي قلعة صالح جبريل في ذلك العمق الجغرافي - الامدرماني .. وقيل ان ذات الحسناء قد قال فيها عمر البنا :
" يا خلاصة حُسن الغانيات في ام در .. هلكني هواك يا نفيسة الدر "
.. وقد كان الراحل علي المك صريعا لهوى ذلك التعبير الفريد لابوصلاح ، بما فبه من تورية و ابعاد و تراكيب متداخلة:
" هالكا صالح (ابوصلاح) كل ما ينظرا .. وفي مدينة الجوف ساكنا الضرا "
.. وفيها رفيع القول علي خط شعر الاخوانيات :
" عبد الرحمن دمت مُظفرا .. في نعيم و حظوظ متوفرا "
شعر جميل وقع في يد عبقري الالحان : عبد الكريم عبد الله مختار الذى عرف بكرومة .. فإنفتحت سيرة الغناء الجاري عبر الازمان
Post: #1503 Title: Re: د / أحمد طراوة ___ فى ندوة عن تاريخ الغناء فى السودان . Author: أحمد طراوه Date: 04-22-2008, 07:55 PM Parent: #1
* وهبة محمد سعيد : ممسكا بذلك الاوكورديون ابو زراير الاثير .. وقيل ان اول صولو موسيقي في تاريخ الغناء السوداني قد كان عزف وهبة عام 1928 للحن اغنية جدي العزاز الجيدو قزاز ، و تسجيله للصولو في اسطوانة فحم لدى شركة اوديون بمصر
يطلق الراحل دمتري البازار صيحته الفريدة تلك : " أحسنت " !!
جلية واضحة و جميلة في اسطوانة شركة ميتشان وذلك عندما ينهي وهبة صولو لزمة الختام و القفلة الموسيقية في اغنية زهر الرياض في غصونو ماح !
Post: #1504 Title: Re: د / أحمد طراوة ___ فى ندوة عن تاريخ الغناء فى السودان . Author: Moawia Mohammed Date: 04-22-2008, 09:03 PM Parent: #1
جنة الأنغام - عثمان المو
Post: #1505 Title: Re: د / أحمد طراوة ___ فى ندوة عن تاريخ الغناء فى السودان . Author: أحمد طراوه Date: 04-22-2008, 11:21 PM Parent: #1
.. و كمان تاني اغنية لجون لي هووكر في سنة 1920 هووكر بدا يطور في الدلتا بلوز بتاع دِل مور ( بلوز الصراع الاثني - الاقتصادي ) ! في سنة عشرين برضو سرور كان بصارع في رميات ود الفكي و طمبرة عبد الغفار الماحي .. صراع البحث عن فتح الدروب للجديد ! .. هووكر طلق نيران البلوز المُوقع في ناس الامين كونتي و على فاركا تور .. ديل ناس جيتار الكورا البغنوا بيهو الاقنان في مالي و السنغال و موريتانيا قصص تلك العذابات و الآلام .. قضة الاستعلاء العروبي لاحفاد بني امية الهاجروا لشمال افريقيا يوم انهيار دولة الفساد الاموي .. الفساد المحن التقي الورع عمر بن عبد العزيز .. إستعلاء العرب اللي اصاب الامازيق و كل البربر و احفاد البانتو و افارقة السودان اللي اتباعوا عبر تجارة المسافات الطويلة في اسواق نخاسة شمال افريقيا .. و اسواق اخرى تجدوها في كتاب المفكر الشجاع محمد ابراهيم نقد ( الرق في السودان ) .. قصص توجع القلب .. لازم نلقى ليها حل و تسوية و مداخل تسامح تاريخي عشان نمشى لقدام
.. ضربة معلم يا معاوية .. عثمان المو ! هذا المبدع الاسطى المغني عازف الالات المتنوعة .. إنت و ود عثمان مونة خريفنا و صيفنا
جيب لينا تاني علي فاركا .. رحلوا لصفحة 16 .. زي رحيل سمحة مصطفى سيد احمد اللي بعدا الفريق اصبح خلا !
.. يا ود حامد : هووكر ما ياهو ( طالبني كم ؟ ) الخالق الناطق ؟ !
لانزال في ظلال ود الامين .. ميزان كرومة اللحني الاساسي .. ليرك ابو صلاح رائد الوصف الدقيق لكل جميلة راقصة علي تلك السباتة !!
Post: #1507 Title: Re: د / أحمد طراوة ___ فى ندوة عن تاريخ الغناء فى السودان . Author: Moawia Mohammed Date: 04-23-2008, 04:10 AM Parent: #1
UP
Post: #1508 Title: Re: د / أحمد طراوة ___ فى ندوة عن تاريخ الغناء فى السودان . Author: ياسر شبيكة Date: 04-23-2008, 07:07 AM Parent: #1
الأعزاء عثمان و معاوية وكل المارين والمتداخلين
لكم التحية والاعجاب وأنتم تقدمون هذا العرض المنهمر من الابداع و التوثيق وتحيطون بالعزيز الدكتور طراوة
لكم الشكر والتقدير جميعا
Post: #1509 Title: Re: د / أحمد طراوة ___ فى ندوة عن تاريخ الغناء فى السودان . Author: Moawia Mohammed Date: 04-23-2008, 10:30 AM Parent: #1508
شكرا جزيلا د. ياسر شبيكة علي مرورك و تشجيعك و 1000 مرحب بيك في سودانيزأونلاين و ان شاء الله ربنا يقدرنا و نواصل المسيرة
و تسلم يا حبيب
Post: #1510 Title: Re: د / أحمد طراوة ___ فى ندوة عن تاريخ الغناء فى السودان . Author: أحمد طراوه Date: 04-23-2008, 12:45 PM Parent: #1
.. ودي قصة غنا السودان اللي ماعندها اول و لأ آخِر ! .. وزي ما قال جدك المؤرخ جليل القدر مكي شبيكة :
" قصة السودان عبر القرون ! "
معاك ايها الامدرماني المطبوع بنهدي مرة تانية مخارج اوتار عود ود الامين الصادح بملوديا كرومة ، بنهديها لروح الراحل السر عبد الله
.. السر عراب كمنجة السودان الاول .. رائد دوزنة الكمان و الفيولين الاروبي علي نحو خماسي سوداني .. كمنجة خماسية الهوى عزف بيها خلف كرومة و سرور علي مدى و آناء تلك الثلاثينات من القرن الماضى !
.. اصلا السر بدا كعازف للكرار ( طمبور اثيوبيا ) .. تعلم من بعد ذلك الكمنجة و الصفارة و عزف القِربة ! كمنجتو بديعة مع اسماعيل عبد المعين في اغنية : حجبوك يا ضؤ القمر ! والينا يا معاوية
.. توفي السر عبد الله في يونيو 1956 بعد مجاهدات موسيقية ضخمة و واسعة رافق خلالا سرور و كرومة و برهان و ابراهيم عبد الجليل و سافر مصر للدراسة و تسجيل الاسطوانات .. و وصل مع الكاشف و سرور واحمد المصطفى لطبرق عابرا الكفرة اللي نيرانا زي جهنم دعما لقوات دفاع السودان المرابطة في انتظار ثعلب صحراء العلمين النازي روميل
.. توفى السر بعنابر مستشفى امدرمان الاميري و الاذاعة تواصل ذلك الاعلان التراجيدي : السر عبد الله .. احد اعمدة المزيكا السودانية لا يزال في حوجة ماسة و سريعة لمزيد من الدم فصيلة ( أو - سالب )
.. بالله يا ناسنا .. جيبوا لينا صورة السر تلك ممسكا بالكمنجة الاثيرة .. وصدق من قال : المؤمن بسلاحو
Post: #1511 Title: Re: د / أحمد طراوة ___ فى ندوة عن تاريخ الغناء فى السودان . Author: محمد عثمان Date: 04-23-2008, 08:55 PM Parent: #1
متاااابعة...
Post: #1512 Title: Re: د / أحمد طراوة ___ فى ندوة عن تاريخ الغناء فى السودان . Author: أحمد طراوه Date: 04-23-2008, 09:25 PM Parent: #1
.. بالحيل فاقدنك يا ود عثمان .. و انت مثل ذلك العندليب الاسمر ما تنفك تتجول في خمائل الغناء !
شوف كيف ناس موسيقى قوات دفاع السودان كان ليهم كبير التاثير علي صلاح بن البادية في ايامو الاولى .. آلات النفخ النحاسي و البراسات .. صدى الجاز بتاع آرمسترونغ
أنت يا غرامي .. حبك السامي .. وحي الهامي !
بنفس طريقة عثمان المو في جنة الانغام و معبد الاحزان .. او مامبو نص الليل .. بتاعت محمد اسمعيل بادي او تلك بتاعت الصول القدير عبد القادر عبد الرحمن .. المقطوعة الموسيقية الراقصة ( جامبو)
Post: #1513 Title: Re: د / أحمد طراوة ___ فى ندوة عن تاريخ الغناء فى السودان . Author: محمد عثمان Date: 04-23-2008, 09:36 PM Parent: #1512
Quote: .. بالحيل فاقدنك يا ود عثمان .. و انت مثل ذلك العندليب الاسمر ما تنفك تتجول في خمائل الغناء !
ما بعيد منكم يا د.طراوة جاييكم بالكتير..
و نوااصل مع دكتور طرااوة...
Post: #1514 Title: Re: د / أحمد طراوة ___ فى ندوة عن تاريخ الغناء فى السودان . Author: Moawia Mohammed Date: 04-23-2008, 10:29 PM Parent: #1
جاني طيفو طايف
Post: #1515 Title: Re: د / أحمد طراوة ___ فى ندوة عن تاريخ الغناء فى السودان . Author: Moawia Mohammed Date: 04-24-2008, 10:55 AM Parent: #1
يا معاين من الشباك - محمد الأمين كلمات : فضل الله محمد
Post: #1516 Title: Re: د / أحمد طراوة ___ فى ندوة عن تاريخ الغناء فى السودان . Author: Osman Musa Date: 04-24-2008, 02:41 PM Parent: #1515
يا يا يا معاين من الشباك ... انشق نهر النيل نهر التاريخ انشق يا ياسر شبيكة ليخرج ذلك الصوت . يلون الأرض بالورد والاناشيد والتواشيح والأنغام .. ... التحية للشاعر فضل الله محمد .. والف مرحب أستاذ ياسر شبيكة .. _______
الأخوان معاويه / محمد عثمان / د طراوة والله حزين جدا حتى الان الكمبيوتر فى الانعاش الكميوتر تعبان شويتين يحتاج بعض البرشمات والسمكرات المهندس الصينى قال الكمبيوتر ده قليبو رهيف ..و فى موسم الهبباى بعمل حركات ..
Post: #1517 Title: Re: د / أحمد طراوة ___ فى ندوة عن تاريخ الغناء فى السودان . Author: ياسر شبيكة Date: 04-24-2008, 04:01 PM Parent: #1
ويا عثمان قول لى معاوية و د. طراوة وبلغ الأحباب
الزين والعديل والفرح فى لمة الأصحاب
ياسر ود شبيكة عديل فى طرب وسرور
منتظر كل ما يخلب الألباب
عايش وسطكم قريب منكم ما غاب
شكرا أخى عثمان و تحياتى
Post: #1518 Title: Re: د / أحمد طراوة ___ فى ندوة عن تاريخ الغناء فى السودان . Author: أحمد طراوه Date: 04-24-2008, 06:40 PM Parent: #1
.. يا غالي ليك هوينا .. الشباك بشهد لينا !
نوع من الاراجيز الشعرية الجميلة ، الرجز الشعري الفارق تماما ضوابط و قيود الفراهيدى و ابو الاسود الدوؤلي !
نوع من الرجز و التفعيلة و الجرس الشعري قابِل للتوطين الكامل في جملة لحنية من نوع المقام الخماسي الواصل للدرجة السادسة !
.. و قيل ان لحن يا معاين من الشباك بطرح بوضوح قدرة ازرق المزيكا السودانية ( ود الامين ) في الذهاب بالمقام الخماسي السوداني درجة الخصوصية وسط العالم العربي - الافريقي
Post: #1519 Title: Re: د / أحمد طراوة ___ فى ندوة عن تاريخ الغناء فى السودان . Author: أحمد طراوه Date: 04-24-2008, 11:34 PM Parent: #1
المكان : حي الركابية بامدرمان الزمان : خريف اغسطس 1938 المشهد : كرومة في احدى بيوت الاعراس ( بيت اللعبة ) .. وحشد من الجماهير الملابسات : كرومة يسترسل في كسرة تلك الاغنية الاثيرة ( الرشيم الاخدر) الموضوع : مطلب جماهيري ضاغط بعد حالة نشوة جماهيرية عارمة من الق تلك الكسرة التي تقول : احب غزال النيل .. يا جميل ، مطلب جماهيري بان يؤدى كرومة اغاني عبد الرحمن الريح الجديدة ذات الاصداء الواسعة
.. هنا .. و لاول مرة ينتقل كرومة لساحة أغاني عبد الرحمن الريح .. و بضغط جماهيري برز تحالف كرومة عبد الرحمن .. ذلك التحالف بعيد الاثر في تغيير مسار حركة الغناء .. هنا برزت صورة جديدة لعلاقة النقرزان الصادر من تامبورين كرومة ( رق كرومة ) ، مع تفعيلة عبد الرحمن الشعرية الجديدة !!
.. هنا برزت الجملة اللحنية الجديدة التي كسرت رتابة ميلودى الستين اغنية الاولي منذ فجر تلك العشرينات
.. هنا غنى كرومة خداري .. وجاني طيفو طايف
Post: #1520 Title: Re: د / أحمد طراوة ___ فى ندوة عن تاريخ الغناء فى السودان . Author: Moawia Mohammed Date: 04-25-2008, 11:26 AM Parent: #1
UP
Post: #1521 Title: Re: د / أحمد طراوة ___ فى ندوة عن تاريخ الغناء فى السودان . Author: أحمد طراوه Date: 04-25-2008, 11:27 AM Parent: #1
.. و صار عبد الرحمن الريح صاحب الٌقيثارة و النهج الشعري الجديد .. صار كمثل وضاح اليمن و ديك الجن .. ذاك المتغزل الذي لا تحده حدود :
" خدودو كالقطائف .. و ليهو العنب شفايف "
.. كرومة يوم واقعة الركابية اضفي لونية خاصة علي لحن عبد الرحمن الريح الاساسي لاغنية جاني طيفو طايف ! لونية خاصة بسبب الرق و نقرزان ضربة الرق ، و برضو بسبب تفانين تور كبير و عبد الرحمن حمامتي بوصفهم شيالين مع كرومة ، شيالين من الماركة البرنجي ..
.. ود الامين لاحقا قام بإحداث بناء جديد .. بناء اوركسترالي كامل مشحون بالجمل الموسيقية و اللزمات و المقاطع اللحنية الكاملة .. ود الامين قام بعمل :
" توزيع اوركسترالي فريد لتراث عبد الرحمن الريح و الكروان كرومة "
.. بالله يا اهل الاستماع .. ارخوا السمع ، و عيشوا تفاصيل و جماليات المزيكا و الاداء ..
Post: #1522 Title: Re: د / أحمد طراوة ___ فى ندوة عن تاريخ الغناء فى السودان . Author: Moawia Mohammed Date: 04-25-2008, 06:36 PM Parent: #1
ليالي العاصمة - برعي محمد دفع الله
نهديها لروح الموسيقار الراحل و تمر علينا ذكري رحيله السنوية.
Post: #1523 Title: Re: د / أحمد طراوة ___ فى ندوة عن تاريخ الغناء فى السودان . Author: Moawia Mohammed Date: 04-25-2008, 07:42 PM Parent: #1
تمر علينا في هذا الشهر الذكري السنوية لرحيل شاعر الحقيبة الفذ عبد الرحمن الريح
و ها هو يتغني برائعته جاني طيفو طايف بنفسه
Post: #1524 Title: Re: د / أحمد طراوة ___ فى ندوة عن تاريخ الغناء فى السودان . Author: Moawia Mohammed Date: 04-25-2008, 07:56 PM Parent: #1
الأديب الموسوعة صاحب نسائم الليل الرجل ذو الذاكرة الحديدية الراحل الفريق شرطة ابراهيم أحمد عبد الكريم
Post: #1525 Title: Re: د / أحمد طراوة ___ فى ندوة عن تاريخ الغناء فى السودان . Author: Moawia Mohammed Date: 04-25-2008, 11:24 PM Parent: #1
UP
Post: #1526 Title: Re: د / أحمد طراوة ___ فى ندوة عن تاريخ الغناء فى السودان . Author: أحمد طراوه Date: 04-25-2008, 11:25 PM Parent: #1
لله درك يا معاوية .. سوق الادب بيك إنعمر و جاتو العافية !
.. و و الله اني لاقول و اعيد :
لو ما محمد عثمان و معاوية ، البوست دا ما بتقوم ليهو قايمة .. ديل اخوان الصفا .. اخوان فاطنة و سُترة حال بوست عثمان ود موسي
.. و إنفتحت سيرة كرام الراحلين :
- عبد الرحمن الريح قيثارة الاربعينات .. بنية حلوة في مسقط شافت صورتو معلقة يوم محاضرة عنو ، قالت و الله انا ما قايلاهو مشلخ بالطول ( بتقصد مطارق )
- برعي مدرسة العود اللي ما انعرف سرها بعد ! ليهو وردي شال أغنية الوصية و مشى لبرعي ؟ !
- قمندان الغنا القديم .. صاحب الذاكرة الضخمة .. ابراهيم احمد عبد الكريم
تحت ظلال ود الامين حنقول باسم البوست و باسمكم نعينا فيهم .. المجد لكل من وضع طوبة في صرح حركة الغناء السوداني .. صرح زي برج ايفل و زي قصر الرشيد
Post: #1527 Title: Re: د / أحمد طراوة ___ فى ندوة عن تاريخ الغناء فى السودان . Author: Osman Musa Date: 04-26-2008, 03:17 AM Parent: #1526
شلوخ مطارق الزول مشلخ تلاته . نعم ده التاتو الاصلى . ..ده الفتى الذى كان يسقى ورد الشعر . عبدالرحمن الريح شمس لا حجاب لها ... نعم ده مجدد الشعر .. يا سلام عليك يا معاويه الله ينصر دينك ويسهل عليك ___ وحاول خت صور الشعراء ديل عشان بوستكم المتابع يلمع اكتر واكتر ___ تحياتى وشكرى الجزيل
Post: #1528 Title: Re: د / أحمد طراوة ___ فى ندوة عن تاريخ الغناء فى السودان . Author: أحمد طراوه Date: 04-26-2008, 10:20 AM Parent: #1
.. غيب الموت :
* عبد الرحمن الريح في 28 ابريل 1991
* برعي محمد دفع الله في 26 ابريل 1999
* الفريق ابراهيم احمد عبد الكريم في 29 ابريل 2000
.. ثلاثتهم ، كلِ بتميزه و عطائه كانوا روافع حقيقة لذلك البنيان الشامخ الذى عرف بالغنائية السودانية
Post: #1529 Title: Re: د / أحمد طراوة ___ فى ندوة عن تاريخ الغناء فى السودان . Author: Moawia Mohammed Date: 04-26-2008, 12:52 PM Parent: #1
UP
Post: #1531 Title: Re: د / أحمد طراوة ___ فى ندوة عن تاريخ الغناء فى السودان . Author: أحمد طراوه Date: 04-26-2008, 11:02 PM Parent: #1
.. اراك في الحقيقة .. عواطفك دقيقة .. مشاعرك رقيقة !
من وين جاب عبد الرحمن الريح هذه المفردات و التراكيب البديعة ؟ .. التفعيلة الشعرية اللي استدعت جملة لحنية جديدة و ضرب ايقاعي جديد و قلبت مسار الغنا ! هل عبقرية عبد الرحمن الريح وزادو الشعري المتميز الضخم ، بسبب من تجويد القرآن و جماليات صورو و تعابيرو ؟ هل بسبب من قراءة مجلة اللطائف و الرسالة المصرية ؟ هل من مخزون بشير محمد الامين زول المعهد العلمي .. بشير ذلك التيوتر الاول بتاع عبد الرحمن علي صعيد النحو و الصرف !
.. في سنة 1928 ، بدأ عبد الرحمن الريح ينهل من ادب خلوة الفكي احمد عبد الرحيم ، مترقيا الي خلوة الفكي احمد جابر جد منسوب حي العرب الفنان المبدع ( احمد الجابري )
.. إرتباط والد عبد الرحمن الريح بالسيد عبد الرحمن المهدي و بكيان الانصار .. و بمديح استراحة الانصار عند تلك الجمعة المباركة ... دا الخلى عبد الرحمن الريح شديد الإصغاء و التشرب بتراكيب الجملة اللحنية و الميلودي الاثير الصادر من حنجرة و طار عبد الرزاق حكومة ، الغنا المتحدر من تراث ود سعد و ود اب شريعة ..
.. بس كيف قدر عبد الرحمن الريح يعمل ميلودي الفم الاول الفريد اللي إسمو ( ما رايت في الكون يا حبيبي اجمل منك ) ؟ !
.. وكيف قدر يصنع تلك الجملة اللحنية الاولى المُقامة خماسيا وذات التلاوين البديعة و المتمايزة لوحدها و في استقلالها عن لونية سرور و كرومة و اسمعيل عبد المعين ؟ !
.. واصلا كيف لاقى عبد الرحمن الريح الراجل اللي علمو العود .. الراجل اللي اسمو عبد الحميد احمد الحاج ؟ و كيف عبد الحميد اللي تعلم العود من شوام و اقباط المسالمة علي نهج مقامات الحجازي و الصبا و البياتي .. كيف و ليه ، لمن علم عبد الرحمن العود علموا ليهو علي ذاك النهج الخماسي ؟ !
.. وكيف نقل عبد الرحمن تفانين العود المدوزن خماسيا لبرعي و كمان المقدامة الانظكية سعدية العوادية ؟ !
Post: #1532 Title: Re: د / أحمد طراوة ___ فى ندوة عن تاريخ الغناء فى السودان . Author: Osman Musa Date: 04-27-2008, 02:26 AM Parent: #1531
نتابع السير مع د/ طراوة وهو يحكى عن عبدالرحمن الريح الصوت الذى يتلفع بالشعر والنغم وبحث كثيرا فى وجه السودان .. نتابع
Post: #1533 Title: Re: د / أحمد طراوة ___ فى ندوة عن تاريخ الغناء فى السودان . Author: محمد عثمان Date: 04-27-2008, 09:24 AM Parent: #1531
Quote: .. في سنة 1928 ، بدأ عبد الرحمن الريح ينهل من ادب خلوة الفكي احمد عبد الرحيم ، مترقيا الي خلوة الفكي احمد جابر جد منسوب حي العرب الفنان المبدع ( احمد الجابري )
سلاااااااااااااااااام
و يحلو الحديث عندما يكون عن شاعر و ملحن فى قامة العبقرى عبد الرحمن الريح الشااعر الاتى من القرير البلد التى خرج منها الكثير من المبدعين ابتدا من حسن الدابى و على عبد القيوم و السر عثمان الطيب و القائمة تطول و تطول....
دكتور طرااوة نتمنى ان يكون الحديث عن ملك الطيور عبد الرحمن الريح مفصلا لعدة محاور بداية من بداياته و نهاية مع تجاربه المختلفة مع المجموعة الماسية من الفنانين..كمثال يمكننا ان نتحدث عن تجربته مع حسن عطية و اغنياته و ايضا مع ابرااهيم عوض و التاج مصطفى و الجاابرى و رمضان حسن و ابو داؤود و ود المقرن..حتى ايضا يمكننا التطرق لتجاربه الاحادية مع مجموعة من الفناين اسعد الاياام مع وردى..و كان بدرى عليك عمر احمد و التجارب الاخرى...
كاقتراح حتى يكون الحديث مرتبا و متسلسلا اقترح ان بنبدا الكلااام بتجربته مع الفنان حسن عطية و اغنيااته المختلفة التى تغنى بها امير العود و ايضا يمكننا ايضا ان نقوم بانزال بعض النماذج من هذه الاغنياات... و بعدها يمكننا ان ننتتقل الى تجربته مع فنان اخر ويمكن ان يكون ذلك حسب التسلسل الزمنى....
و نوااصل مع دكتور طراااوة...رحلة النغم الجميل مع ملك الطيور عبد الرحمن الريح...
و معاااكم لاخر المشواااار....
Post: #1534 Title: Re: د / أحمد طراوة ___ فى ندوة عن تاريخ الغناء فى السودان . Author: Moawia Mohammed Date: 04-27-2008, 11:04 AM Parent: #1
شاعر الشعب محجوب شريف
مساجينك
Post: #1537 Title: Re: د / أحمد طراوة ___ فى ندوة عن تاريخ الغناء فى السودان . Author: أحمد طراوه Date: 04-27-2008, 12:01 PM Parent: #1534
.. يا سلام يا معاوية
.. ود الامين علي صعيد الثورة و وهج الطلقة النارية .. المنو بتشتعل نيران الحرية
.. و اصل الحكاية : إنو الرئيس غريب الاطوار جعفر نميري في أواخر يوليو 1971 ، قام حبس محمد الامين و محمد وردي و منع اغانيهم في الوسائط الاعلامية .. بسبب انهم ساندوا هاشم العطا !
.. ود الامين بعد 14 سنة قال لنميري كلام محجوب شريف :
" نغرد في زنازينك .. نغرد نحنا في اسرك .. و ترجف و إنت في قصرك .. ما حيلة قوانينك .. سماواتك دخاخينك !! "
Post: #1535 Title: Re: د / أحمد طراوة ___ فى ندوة عن تاريخ الغناء فى السودان . Author: Moawia Mohammed Date: 04-27-2008, 11:15 AM Parent: #1
أقول انت نور - حسن عطية ( أمير العود )
Post: #1536 Title: Re: د / أحمد طراوة ___ فى ندوة عن تاريخ الغناء فى السودان . Author: أحمد طراوه Date: 04-27-2008, 11:47 AM Parent: #1
يا ود عثمان يا شيخ الدايرة
عبد الرحمن الريح خلطة شوايقة مع جعليين .. جدو ابو امو كان استاذ ذو مكانة ، و امو كان اسمها (بت الاستاذ) ، كانت ذات اثر في تشكل الوجدان الثقافي بتاع ولدا عبد الرحمن ! الزول المشلخ مطارق ، كان قيثارة تلك التحولات الغنائية الضخمة بتاعت نهاية التلاتينات و مطلع الاربعينات.. إسهامو كان مباشر في نقل الغناء من المدرسة الاولى للمدرسة الاوركسترالية التانية
نافر بغني عليهو .. نتأمل جماليات تلك الجملة اللحنية الجديدة .. الجملة الفريدة في عصرها
.. ونبدا من مدخل ابو علي معطوف علي سيرة كرومة .. لانو بموت كرومة في 1947 برز تحالف عبد الرحمن / حسن عطية .. بس برضو نلاحظ إنو كرومة لم يكن مستعدا للتماهي مع فكرة الانتقال لرحاب الغناء الاوركسترالي ! لو كان عمل كدا ما كان حيكون ذاك الكرومة .. كروان السودان في خصوصية الرق ! التامبورين الطالعة منو ضربات النقرزان الخفيف
Post: #1538 Title: Re: د / أحمد طراوة ___ فى ندوة عن تاريخ الغناء فى السودان . Author: Osman Musa Date: 04-27-2008, 03:01 PM Parent: #1536
يرحب بوست تاريخ الغناء بالفنان الشاب عاصم البنا وهو يعطر سماوات الاطلسى
Post: #1540 Title: Re: د / أحمد طراوة ___ فى ندوة عن تاريخ الغناء فى السودان . Author: أحمد طراوه Date: 04-27-2008, 09:07 PM Parent: #1
.. كترت في القنيص و لسه ما لقيت حاجة ! لله درك و عونك يا فرجوني !
الدوباي البقى جوه المدينة غنا عديل .. الدوباي البقى رمية ود الفكى و غنا سرور
.. غنا الحردلو و علي ود محلق .. خط الميلودي القديم لغنا البادية و مجاهدات شق العتامير .. اهم المصادر التاريخية لغنائية السودان
اسمعوا دوباي عاصم البنا و الجقر و ياسر تمتام .. بنهديهو يا عثمان لصحبك احمد الفرجوني .. ساق كلاب امريكا للبطانة .. كتر في القنيص و برضو ما لقى معشوقتو .. الحيا و الجمال و الصِبا البقياسو .. دون البنات فازتبو شالت كاسو !
نوعدك يا فرجوني للعودة لسيرة حسان الحرك .. زعيمكم الاكبر شيخ مشايخ الغي و العُشق
Post: #1542 Title: Re: د / أحمد طراوة ___ فى ندوة عن تاريخ الغناء فى السودان . Author: أحمد طراوه Date: 04-28-2008, 01:24 AM Parent: #1
.. إليكم يا اصفياء يا أحباء في نواحي كندا: غردوا و تنقلوا كالعنادل في اغصان شجرة الغناء الباسقة .. الميلودي الاصيل المضمن في غنائية عاصم البنا .. وصلتني المذكرة الهاتفية يا عمار يا حفيد الفقير لله (غرة العينين) .. سارد عليكم غدا .. هي و الله دعوة كريمة و مقبولة .. و قولوا لعاصم قول ابوصلاح : بلغ الاقوال يا هلال شبيهك جسمي إنقلا .. و مين يصدق دي و يعقلا
و تعود سيرة عود السودان تطرح نفسها ! في سر العلاقة ما بين عود خليل فرح .. حسن عمر سوميت عبد الرحمن الريح .. الامير ابو علي ، يوسف الشيخ .. برعي .. ود الامين و المتميز عادل صديق !
.. و يبقى الراحل حمزه علاء الدين بلبلا غريب الديار و لكن شديد الانتماء لعود السودان المدوزن علي نهج عبد المعين و عبد القادر سليمان .. حمزه الذي كشف اسرار و خفايا موازير طار مروي و نبتة القديم .. و امسك بموازير عود السودان المتحرر من مقامات جزيرة العرب من : نهاوند و صبا و ورصد و حجازي و بياتي
.. حمزه الذي جائه فرانسيس فورد كوبولا مخرج فلم العراب ليعد له الموسيقى التصويرية لفيلمه المرموق ( الحصان الاسود )
. . سيرة عود السودان ما بين حمزه علا الدين .. و ازرق المزيكا محمد ود الامين
.. الي كل ذلك نعود .. لنغرد مع محجوب و ود الامين داخل تلك الزنازين الشرقية لسجن كوبر ! عصافيرا مجرحة بسكاكين هذه الحكومات البائسة الفاشلة التي لا تجيد سوي القمع و الاستباحة
Post: #1543 Title: Re: د / أحمد طراوة ___ فى ندوة عن تاريخ الغناء فى السودان . Author: أحمد طراوه Date: 04-28-2008, 06:00 AM Parent: #1
يا ود حامد !
.. لقينا Saba ( سبأ) .. الجميلة .. ساحرة الغناء الحديث في القرن الافريقي
دي تجربة تانية في خط معادلة الاصالة - المعاصرة ! سبأ امها أثيوبية عاشت في الصومال و الاب ايطالي ( مادلينا) يا معاوية تخرجت من جامعة روما ، حقل الفن الفسيفسائي Mosaicist
في مجموعة اغانيها المعروفة باسم الجِدكا ( الخط - المسار) .. بتلاقح البوب - الروك الاروبي و البلوز المُوقع مع ميلودي القرن الافريقي القديم .. و بنهض في تجربة سبأ جيتار الكورا الخشبي .. جيتار الامين كونتي و علي فاركا تور و عشة كيجالي
حنرفع اغنية الهانفر ( بمعني الريح بلغة الصومال ) عشان نشوف عازف الكورا (لاو كويت) بطلع تناغيم بلوز افريقيا .. علي ذات النهج بتاع جون لي هووكر
.. و في تجارب الاصالة - المعاصرة تحت اضواء افريقيا لما بعد العهد الكونيالي ، بنرصد 6 اتجاهات هامة من ضمنها تجربة شرحبيل و علي نور الجليل .. شرحبيل القال بنهج الهارد روك المُوطن سودانيا .. وهو يحكي حال شعب السودان :
" و لسه ما عارفين .. ايه مصيرنا يكون ؟ ! "
Post: #1544 Title: Re: د / أحمد طراوة ___ فى ندوة عن تاريخ الغناء فى السودان . Author: أحمد طراوه Date: 04-28-2008, 11:14 AM Parent: #1
.. وداعا يا كمندان
ابراهيم اجمد عبد الكريم .. كمندان الغنا و صاحب كرمة بن هاني ماركة السودان !
لاسباب من قوة و سرمدية غناء السودان ، أنتقل ذلك الشرطي دقيق الملاحظة ، قوي الذاكرة و صاحب الحس الاسكوتلاندياردي ، إنتقل لمواقع العشق و الوله الابدي بغناء المدرسة الفنية الاولي !
.. للحق فقد وظف الكمندان الراحل كل إمكانياته الذهنية تلك ، وكل خبرته الاجتماعية و إمساكه بمداخل و مخارج كثير من الاحداث لصالح حركة التوثيق الفني - الغنائي
.. ظل الراحل رقما إستثنائيا في معادلة توظيف الميديا المرئية - المسموعة لصالح إكتشاف و طرح قضية الغناء علي نحو اثير محبب و خفيف علي الروح .. و من جميل قوله في ذاك التأبين و الاحتفاء بذكرى اولاد شمبات :
" بالاستماع لعوض و ابراهيم ، تنبسط اسارير اهل السودان .. و تغدو الارواح تركض ، تطاردها مواكب التطريب الشجي ، و ما تلبس في ركضها و فرارها ان تصعد مدارج النفس لتجلس علي كرسي الدماغ ! إنتهى
" وصدق من قال : كلو حسن مالك حسن "
.. لم تكن جهود الكمندان الراحل بمعزل عن ذاك الاجتماع التاريخي الاول ! ذلك الإئتلاف لجماعة الاهتمام بالشأن الفني - الغنائي :
- الزمان : يونيو 1923
- المكان : الخرطوم ، ذلك الجزء الخاص بسكن دمتري البآزار داخل منزل التاجر الاغريقي أنجلو كاباتو ، و انجلو هو خال الخواجة كونتومخاليوس
- الحضور : عرفات محمد عبد الله ، اولاد عشري الصديق ، العبادي ، سرور ، ديمتري و آخرين
- الموضوع : الاستماع لاغنية جديدة .. اغنية غريبة عن عالم الرميات بتاعت ود الفكي ، و طمبرة عبد الغفار الماحي .. اغنية اسمها ببكي و انوح و اصيّح ، كتبها العبادي و لحنها كرومة و كانت فتحا و إيذانا ببدء حقبة الغناء الجديد
.. وداعا يا كمندان .. سقتنا و الله علي اجنحة تلك النسائم في دروب خضراء - نشوانة .. سميت العبادي جبل الشعر المتحرك .. و نحن نسميك جبل التوثيق الضخم المتحرك
Post: #1545 Title: Re: د / أحمد طراوة ___ فى ندوة عن تاريخ الغناء فى السودان . Author: Osman Musa Date: 04-28-2008, 02:54 PM Parent: #1544
بعد الانتفاضة جلست مع بطل الانتفاضة الشاعر الماهل محجوب شريف .. يا سلام الطرف القصى والطرف القريب من البلاد وكل العالم يردد مع محجوب... مساجينك ... مساجينك ياسلام ياسلام والفرح ينداح فى القلوب .. مساجينك مساجينك .. نتابع شاعر الشعب
Post: #1546 Title: Re: د / أحمد طراوة ___ فى ندوة عن تاريخ الغناء فى السودان . Author: أحمد طراوه Date: 04-28-2008, 10:17 PM Parent: #1
و عبر جدل الاصالة - المعاصرة ، تدخل مفردات و ثقافة و ميلودي القرن الافريقي بكل موروثه الافرو-عروبي .. و الافرو - آشيان الي ساحة التوزيع التكنو - اوركسترالي العالمي !
نرصد جيتار الكورا الافريقي ذو المخارج النغمية ماركة السبرانو في اغنية الاحلام .. استمعوا لهذه الحسناء المبدعة اللي قال عليها حسن عطية : في الملامح عربي .. و في الاصل افريقي - تلياني
" سبأ انجلانا " . . العودة الي الجذور .. الي افريقيا ما بعد العهد الكولونيالي ..
Post: #1547 Title: Re: د / أحمد طراوة ___ فى ندوة عن تاريخ الغناء فى السودان . Author: Moawia Mohammed Date: 04-29-2008, 10:09 AM Parent: #1
مدلينا - النور الجيلاني
الأم سليلة أمهرا و الوالد من قلب أثينا ترك الأهلين ذات مساء و ترنح برا و سفينا
كتبها شاعر الرومانسية الراحل محمد سعد دياب صاحب ديواني " حبيبتي و المساء " و " عيناك و الجرح القديم".
Post: #1548 Title: Re: د / أحمد طراوة ___ فى ندوة عن تاريخ الغناء فى السودان . Author: Moawia Mohammed Date: 04-29-2008, 10:29 AM Parent: #1
الجريدة
Post: #1549 Title: Re: د / أحمد طراوة ___ فى ندوة عن تاريخ الغناء فى السودان . Author: Osman Musa Date: 04-29-2008, 03:33 PM Parent: #1548
ناس السودان نحن فى شوق شديد .. ادونا أخبار صحة الأستاذ محمد الامين .. نحتاج نعرف اخبار اخر الاعمال الفنية ..
Post: #1550 Title: Re: د / أحمد طراوة ___ فى ندوة عن تاريخ الغناء فى السودان . Author: Moawia Mohammed Date: 04-29-2008, 05:48 PM Parent: #1
UP
Post: #1551 Title: Re: د / أحمد طراوة ___ فى ندوة عن تاريخ الغناء فى السودان . Author: Osman Musa Date: 04-29-2008, 06:00 PM Parent: #1550
الأخ العزيز محمد عثمان سلام شديد سمعنا انك فى علايل تورنتو مرحبتين وفى انتظارك ... ما اكتر من 9 ساعات تصل .. اعصر شمال مشرع الرماش . تحياتى
Post: #1552 Title: Re: د / أحمد طراوة ___ فى ندوة عن تاريخ الغناء فى السودان . Author: Moawia Mohammed Date: 04-29-2008, 08:15 PM Parent: #1
زهر الرياض - كرومة
Post: #1553 Title: Re: د / أحمد طراوة ___ فى ندوة عن تاريخ الغناء فى السودان . Author: Moawia Mohammed Date: 04-29-2008, 08:26 PM Parent: #1
The black stallion
Post: #1554 Title: Re: د / أحمد طراوة ___ فى ندوة عن تاريخ الغناء فى السودان . Author: Moawia Mohammed Date: 04-30-2008, 07:22 AM Parent: #1
UP
Post: #1556 Title: Re: د / أحمد طراوة ___ فى ندوة عن تاريخ الغناء فى السودان . Author: أحمد طراوه Date: 04-30-2008, 11:30 AM Parent: #1
ِشكرا يا معاوية علي طيف المُرسلات المتنوعة
.. ونحن لا نزال علي خط الموسيقار صاحب الصوت التنور الخاص / الفنان محمد الامين حمد النيل الطاهر الازيرق
.. الي جريدة ود الامين التي تحكي غنائيا محنة فضل الله محمد ، نعود ، الجريدة ( مدرسة الاغنية الكبيرة ) القدر النيويور ك تايمز و كمان القارديان ..
.. الي موسيقى فيلم الحصان الاسود بتاع كوبولا The balack Stallion .. ، العملا حمزه علاء الدين نعود ! تصوروا حمزه اشتغل كمبارس سينمائي مع ريتشارد بيرتون و اليزابيث تايلور في فيلم كيلوباترا ! قصة حمزة فصول في رواية تتمثل ! نحتاج نعيد قراءة حمزة في سياق حضارة النوبة القديمة و آفاق المدرسة الغنائية السودانية لما بعد تحرر العود من إسار التخت العربي
.. و بنعود كذلك لصولو الاكورديون بتاع وهبة في ليرك حدباي ، الحان و غناء كرومة .. : يا محمد ابياتي القُلال .. تاج في صدورن و ليك هلال .. بقدرة الحي ذو الجلال .. تتهني في بيت الحلال ! تتهنا في بيت الحلال دي ، اكورديون وهبة يكاد ينطقا حرفا و لفظا !
Post: #1557 Title: Re: د / أحمد طراوة ___ فى ندوة عن تاريخ الغناء فى السودان . Author: Osman Musa Date: 04-30-2008, 02:58 PM Parent: #1556
العالم العربى تعرف على محمد الامين بعد أن تغنى محمد الامين بالأغنية العربية ( يا ناعم العود ) أغنية الفنان الكبير الدوكانى الفنان أبوبكر سالم قال محمد الامين اجادها اكثر من صاحبها .. _____ الأخ العزيز معاويه ارجو التكرم بوضعها للحفظ ( أغنية اكبر من كل السفارات )
Post: #1558 Title: Re: د / أحمد طراوة ___ فى ندوة عن تاريخ الغناء فى السودان . Author: أحمد طراوه Date: 04-30-2008, 08:10 PM Parent: #1
.. زي عنادِك عايز اعاند .. لكن يظهر ما حاقدر !
" امري لله !! "
أمري لله : هي محنة فضل الله .. قصة فضل الله محمد اللي صاغا ود الامين في قوالب الابداع الموسيقي للاغنية الكبيرة و انبثقت بالتالي توجهات ( الميلودراما ) في الغناء السوداني
.. قصة فضل الله + ميلودي ود الامين = ميلودراما غناء السودان
و فيما بعد الستينات ، اتفتحت دروب الصياغات الشعرية الجريئة - الجديدة !
.. للحق شعر الامي و حسين عثمان منصور مبكرا ، ثم شعر اسمعيل ود حد الزين ، و فضل الله محمد ، و كجراي ، و الحلنقي ، و عثمان خالد ، و ابو آمنة حامد وكل رهط محدثي الرومانس الغنائي لما بعد الخمسينات .. للحق :
.. هو شعر بختلف في فكرتو و صورو و تفعيلتو و قافيتو عن رومانس :
- سيد عبد العزيز : كما في (يجلي النظر يا صاحي ، او نظرة يا السمحة ام عجن ) . . يا ريت يا معاوية نسمع السمحة ام عجن باوركسترالية الراحل بادي محمد الطيب
- عتيق : كما في رومانس ( ّذبت وجدا في هواك ، و الرشيم الاخدر )
- عبيد عبد الرحمن : كما في رومانس ( ضاع صبري ، و غزال البر يا راحل )
- المساح : كما في رومانس بالله يا نُسيم الصبا ، و غصن الرياض المايد ! يا ود عثمان سمعنا غصن الرياض المايد بطريقة الفابيولاس رمضان ود زايد
- الجاغريو : كما في رومانس ( حبيبي انا فرحان ، و طار قلبي مني )
- عبد الرحمن الريح : كما في يا روحي انصفني ، و لو انت نسيت
.. و اجمالا فقد تواصل الحِراك و التجديد في مسار الشعر الغنائي السوداني ، تواصل .. مع كامل الوفاء و الإبقاء علي خيط الرومانس الاول بتاع العبادى و خليل فرح و ابو صلاح و البنا و ود الرضي
و مع كامل الإحتفاظ بتلك المسافة و النأي و الاستقلالية عن قيود بحور و عروض و قافية الخليل بن احمد الفراهيدي ، و ضوابط سيبوية و ابو الاسود الدوؤلي .. و يظل رومانس السودان الشعري متحرك و متبدل ، وذلك بتحرك و تبدل الواقع .. انه رومانس التجربة الحية و الوعي الانساني .. رومانس متعدد المشارب و سنن و فروض :
- رومانس الكلاسيك الاول كما عند العباسي مع بنت العشرين تلك و رومانس العبادي مع موفورة النفل السودانية تلك
- الرومانس الوطني - الثوري كما عند خليل فرح و التني و عبيد عبد النور و علي عبد القيوم و محمد المكي و محجوب شريف
- رومانس الواقعية - التقليدية الاولي في الوصف و النسيب كما عند ابو صلاح و البنا و ود الرضي
- رومانس واقعية الحياة الجديدة و جمال الحياة الجديدة و دراما الحياة الجديدة و ثقافة الحياة الجديدة ، كما عند بآزرعة و اسمعيل حسن و جيلي عبد المنعم و كمال محيسى و عبد المنعم عبد الحي وهو يرصد في تلك القماري المجاهدة في بناء اعشاشها و سودانها الجديد لما بعد الاستقلال الوطني
- ثم رومانس الحداثة و آفاق التجربة الشعرية السودانية الغير محدودة : كما عند صلاح حاج سعيد ( يوم ان رفع شعار الحب قاسي و صعيب ، و عاطف خيرى و خطاب في سعيه لإلغاء الخرائط و جوازات السفر .. و كل اصحاب الاجتراح الشعري الذكي - الجديد الملتفين حول ظاهرة (مُغني الزمن الصعب) .. تريبرادور الحداثة مصطفي سيد احمد المقبول
" و يظل الرومانس السوداني و منذ عهد احمد ود بعشوم الي عهد يحيى فضل الله ، يظل سيرة و دفع و تطور و تبدل و لغز لا يتأول .. يظل جمال و كمال ! "
Post: #1559 Title: Re: د / أحمد طراوة ___ فى ندوة عن تاريخ الغناء فى السودان . Author: Moawia Mohammed Date: 05-01-2008, 10:13 AM Parent: #1
UP
Post: #1561 Title: Re: د / أحمد طراوة ___ فى ندوة عن تاريخ الغناء فى السودان . Author: Moawia Mohammed Date: 05-01-2008, 01:53 PM Parent: #1
Joan Baez
Post: #1566 Title: Re: د / أحمد طراوة ___ فى ندوة عن تاريخ الغناء فى السودان . Author: Moawia Mohammed Date: 05-01-2008, 09:59 PM Parent: #1561
Stockley Carmichael
Angela Davis
Post: #1562 Title: Re: د / أحمد طراوة ___ فى ندوة عن تاريخ الغناء فى السودان . Author: محمد عثمان Date: 05-01-2008, 02:06 PM Parent: #1
Quote: الابن العزيز محمد عثمان والأصفياء أصدقاء مجموعة فن الغناء لكم التحية والتقدير
Quote: Quote: نياابة عن شلة بوست تاريخ الغناء هااكم هذا العمل الاكتوبرى للعملاااق وردى....
أنتم أيهاالأنقياء الذواقة لستم شلة ، بل أنتم صفوة مخلصة نذرت نفسها لرسالة البعث الثقافي ، وأنتم مجموعة غيورة تحرس تراثنا الفني وتصونه . الجميع يتابعون بإعجاب جهدكم في توثيق فن الغناء السوداني وتنقيته وأرشفته ومتابعة مسيرته عبر مراحل تطوره المختلفة .
لا أستطيع أن اصف لكم مدى النشوة والفرح الذي أدخلتموه علي وعلى أبناء جيلنا بإهدائكم لنا هذا العمل الأكتوبري الرائع ، والذي أعاد لنا عبق وأريج أكتوبر الأخضر ، وذكريات ثوارها صناع المجد ، وطوفت بنا كلمات النشيد الخالدة عبر مبادئ أكتوبر العظيمة : الحرية - التطهير - حقوق المرأة - الوحدة الوطنية -التضامن مع الشعوب العربية والإفريقية .. لكم أجزل الشكر مصحوباً برجاء جديد : "والتقينا في طريق الجامعة " . محبتي عبد المنعم خليفة
دكتور طراوة..و الجماعة دا على وزن التلغرافات زمان
اخونا عبد المنعم خليفة بهنااك فى الحوش التانى كتب الكلاام الفوق..و انا جبتو هنا بضبانتو..
و زى ما قال دكتور طراوة نحنا بينا الشراكة الذكية ناس ود القرشى و ناس نااسنا و كمان ناس اكتوبر و اها رايكم شنو فى الكنفدرالية..؟؟؟؟
Post: #1563 Title: Re: د / أحمد طراوة ___ فى ندوة عن تاريخ الغناء فى السودان . Author: أحمد طراوه Date: 05-01-2008, 08:07 PM Parent: #1
.. موازيرك يا حمزه !
قصة عود السودان .. او بعض من قبس الماضى التليد
.. و إذ لا نزال ماشين في خمايل و ملاعب عود و مزيكا ود الامين الازيرق ، بندخل في درب جانبي اسمو عود و مزيكا حمزه علاء الدين .. و بنبقى بالفعل في ( ملاعب جن لو سار فيها سليمان لسار بترجمان )
اكسبريس التوثيق بدخل محطة حمزه علاء الدين ذات الطابع العالمي ! .. نعم بحق عالمي و كمان ( متروبوليتان - موسيقى ) ضخم و فريد
.. و ما كنت اعتقد ، بل و معظمنا ما كان بيعرف إنو حمزه ذلك النوبي - السوداني الجاي من قرية نوبية بسيطة اسمها توشكا و بترقد الآن جراء الاغراق الاول الظالم في قاع بحيرة السد ، إنو هذا الرجل المُحب لوطنو السودان وحضارتو النوبية هو رقم بهذه الخطورة في معادلة تاريخ الموسيقى السوداني و العالمي ايضا .. حمزه هو قيثارة متحركة لموسيقى الحضارات القديمة .. موسيقى قديمة كلاسيك مقروءة و مقدمة بشكل جديد ، و بامكانيات جديدة و علي ضؤ العلوم و المعرفة و العمل الشاق
- بعد رحلة طويلة بين مصر و ايطاليا .. وصل حمزة الي امريكا في 1963 بوصفو استاذ لعلم الموسيقى الاثني في جامعة اوستن بتكساس .. علم ال Ethno - Musicology إنبثق و نما في رحاب تلك الستينات و علي مدى السبعينات بسبب التراث الغنائي الموسيقي الكامن داخل حركة الموسيقيين السود و المعطوف علي النشاط السياسي و الحقوقي لاصدقاء حمزه من قوي الضمير و الحريات .. اصدقاء حمزه كانوا :
* إستوكلي كارمايكل و أنجيلا ديفز .. اهم قيادات حركة الفهود السوداء
* الناشطة السياسية - الحقوقية جوان بيز ، و اللي رسل لينا معاوية صورتا و غناها .. وهي كانت بتشكل محور هام مع جون لينون بتاع البيتلز في تلك النضالات الحقوقية - السياسية لحقبة الستينات و السبعينات
* بوب ديلان شهبندر البوب ميوزك الامريكي .. اللي ظل معجبا و مشدوها بالتخاريج اللحنية الدقيقة لعود و جيتار حمزه
* و تعرف حمزة علي لويس آرمسترونغ ابرع من عزف الترمبيت و بقية آلات النفخ النحاسي في عالم الجاز .. و كمان عرف ديوك ارلنجتون و ري شارلز اهم و ابرع عازفي البيانو و غناء الجاز و البلوز المُوقع
* و بطلب من المخرج العالمي لسلسلة افلام العراب (القود فآزر) فرانسيس فورد كوبولا عمل حمزه الموسيقى التصويرية لفلم الحصان الاسود
* و برضو بطلب من المخرج العالمي بيتر سليرز عمل حمزه الموسيقى التصويرية لمسرحية (الفُرس ) The persians .. و اظهر فيها تجليات مدهشة لعود السودان المدوزن خماسيا و الشايل العلاقات البينية - السباعية للاوتار الخمسة من ( بياتي و رصد و نهاوند و صبا و حجاز كار )
.. و مهمة جدا كانت قصة حمزه مع أوثانت ، السكرتير العام للامم المتحدة ! كان نقاش حول اصل و فصل و تاريخ مزيكا ذلك السودان - النوبي العريق .. حضارة مروى السودانية .. حضارة الحديد اللي اتلقى فيها ترمبيت نحاس قبل 3 الف سنة ..
.. و اصلا قصة حمزه زي قصة السوداني سيد خليفة اللي مشى مصر للدراسة .. لكن ارادة المولي ارادت و بقى غناي .. حسب قول اسمعاعيل حسن ود حد الزين
.. علي خط حمزه و خط ود الامين .. علي خط العود نواصل
Post: #1564 Title: Re: د / أحمد طراوة ___ فى ندوة عن تاريخ الغناء فى السودان . Author: محمد عثمان Date: 05-01-2008, 08:48 PM Parent: #1
اسرة بوست تاريخ الغناء تشاطر الجميع الاحزان فى وفاة الشاعر الكردفانى عبد الله الكاظم الذى رحل عن دنيانا الفانية امس الاول للفقيد الرحمة و المعفرة و لا سرته حسن العزاء كتب الشااعر الكثير من الاغنيات لفنانى الغرب عبد القادر سالم..عبد الرحمن عبد الله و ابرااهيم موسى ابا و الفنان صديق عباس.. شقيق قول لى يا مروح (طبيق العسل) من اغنياته المشهورة و التى تغنى بها بلبل الغرب عبد الرحمن عبد الله اضاافة الى اعمال اخرى كثيرة.. كتب الشاعر الراحل ايضا كتابه المشهور (كبايات شاى فى دولة البرامكة)
المغفرة و الرحمة للشاعر عبد الله الكاظم و لا حوله و لا قوة الا بالله العلى العظيم و انا لله و انا اليه راجعون...
Post: #1565 Title: Re: د / أحمد طراوة ___ فى ندوة عن تاريخ الغناء فى السودان . Author: Moawia Mohammed Date: 05-01-2008, 09:45 PM Parent: #1
Quote: وفاة الشاعر الكردفانى عبد الله الكاظم
انا لله وانا اليه راجعون
اللهم أرحمه و أجعل البركة في أهله
Post: #1567 Title: Re: د / أحمد طراوة ___ فى ندوة عن تاريخ الغناء فى السودان . Author: Moawia Mohammed Date: 05-01-2008, 10:12 PM Parent: #1
عيال أب جويلي
Post: #1568 Title: Re: د / أحمد طراوة ___ فى ندوة عن تاريخ الغناء فى السودان . Author: أحمد طراوه Date: 05-01-2008, 10:42 PM Parent: #1
شقيش يا كاظم !
خالص عزاؤنا لحركة الغناء الكردفاني
.. لروح الراحل أبا ، لعبد القادر سالم الملحن - المؤلف و المجدد .. الذى عبر باهازيج و اراجيز غرب السودان الي جسد الغناء القومي السوداني .. الي فناء المدرسة الاوركسترالية التانية
.. مأثرة دمج ميلودي الهداي السباعي و مجاميع غنا الكرير و الجراري ، مع ايقاع و موازين مردوم جبال النوبا لاخراج الاغنية السودانية ذات الطابع القومي الجديد آناء بداية سبعينات القرن الماضى
.. قم بينا يا ابو رنة .. دار الاهل جنة !
.. و قيل ان ابو رنة هو اللوري البدفورد ، او ذاك اللوري التيمس الجنن بت مسيمس !! حسب عوالم غنا التم تم - التحتي .. تم تم القواعد الشعبية
.. يا ود عثمان حلق مع جوان بيز في زهرة ليلاك الغرب الامريكي و شوف لينا زهرة ليلاك شبيكة بطريقة ابو السيد !
.. و جهز لينا غنا حسن عطية بلونية الكابلي .. نحنا ما شين علي الزول البحلف بالمساير و الشعر الدواير و النور الجهر
.. تم تم بت العقاب و زهرة بت نجدي و العزو هات .. وربوحة ست المقدرة .. التم تم البقى : تفانين و غنا جميل علي يد ود حي المراسلات .. الخرطومي المطبوع:
" الامير / حسن محمد عطية "
يا معاوية ارفع صورة الاميرة بعودو و كرافتتو البوبيون !
Post: #1569 Title: Re: د / أحمد طراوة ___ فى ندوة عن تاريخ الغناء فى السودان . Author: محمد عثمان Date: 05-02-2008, 07:52 AM Parent: #1568
Quote: يا ود عثمان حلق مع جوان بيز في زهرة ليلاك الغرب الامريكي و شوف لينا زهرة ليلاك شبيكة بطريقة ابو السيد !
يا زهرة الليلاك...! يا اسطورة المااضى التى احيااااك يا اسطورة اهواااك لا انساااك و لن اسلااك بل انسى لياالى البؤس..يوم لقاااك
مرت اعواام بل اكثر منذ نئتو و نئتى و لقد عدتو و كنت اصغر و توردتى و احلويتى و تلقانى شوق... و عبير يعبق بالعنبر و لاالى طلت من ثغرك كثلوج فى ظهر البيدر
أواه ترى هل ترجع لى..؟؟ لحظاات بالعمر تقدر و الرقصة فى ليل اقمر و التانجو الحالم يتكسر على جرس الشعر يتبعثر و شفاه تنضح بالسكر و الدنيا كادت ان تسكر
قلتى و الكلمة تتعثر كم مشتااقه..كم مشتااقه و انا يا زهرة بالاكثر قد لا اتمالك.. قد ابكى فالدمع مع اللفظ تقرقر و حياتى هنا فى احضانك نتمايس فى ارض المرمر و نعوض حرمان لياالى حتى الهمس فيها تعذر...!
Post: #1570 Title: Re: د / أحمد طراوة ___ فى ندوة عن تاريخ الغناء فى السودان . Author: Osman Musa Date: 05-02-2008, 04:57 PM Parent: #1569
الأخوان معاويه ومحمد عثمان سلام وشكر انتم للبوست زى محمديه وعربى فى غناء وردى ... البوست دافر وعامر وكارب بكم لكم الشكر ___ لو تكرمتم للحفظ أى تسجيل من سهرات المرحومه السيدة حوريه حاكم كما ارجو من الأخ د/ طراوة الحديث عنها فهى تستحق الكثير .. لها الرحمه
Post: #1571 Title: Re: د / أحمد طراوة ___ فى ندوة عن تاريخ الغناء فى السودان . Author: أحمد طراوه Date: 05-02-2008, 04:59 PM Parent: #1
.. شكرا ود عثمان
تجربة د. علي شبيكة ايضا مع ثنائي العاصمة جديرة بالرصد .. مستوى آخر جديد لشعر الرومانس و العاطفة
.. و ندخل ساحة شعر الحماسة :
" حقيت الاسم يا سالم الارباب .. " غنا الشكرة بلونية بت دارفور .. خُدرة الورتاب ..
العِقد النضيد لحكامات السودان في الجهات الاربعة !
.. نواصل السير تحت ظلال غنائية محمد الامين حمد النيل
Post: #1572 Title: Re: د / أحمد طراوة ___ فى ندوة عن تاريخ الغناء فى السودان . Author: أحمد طراوه Date: 05-02-2008, 11:25 PM Parent: #1
.. وكان العود قبل حمزه علاء الدين و برعي محمد دفع الله و محمد الامين جمد النيل الطاهر .. ، كان و في غالب الاحوال عبارة عن ضرب علي الاوتار ذو صلة ما بطريقة ذاك الضرب علي الطمبور ! الطمبور اساس السلم الخماسي في السودان .. !
بين حمزه و برعي و ود الامين و من قبلهم طلائع مقام (فا) الامدرماني ، بين ديل جميعا بيوجد خيط رئيسي رابط : هو خيط سيرة العود السوداني .. خيط التخريجات اللحنية للعلاقات البينية بتاعت الاوتار الخمسة
خيط انو العود كما قال علي المك : هو ليس آلة موسيقية بل انسان كامل الحال بتمتع بصحبتم و عشقهم !
يا ود عثمان سمعنا عود بشير عمر (الملقب بالشباب) في اغنية ابو السيد الجميلة .. بسمة الانظار .. او ربيع الحب
.. الي سيرة عود السودان .. منذ اولاد تمبم الي عهد عادل الصديق سوف نعود
Post: #1573 Title: Re: د / أحمد طراوة ___ فى ندوة عن تاريخ الغناء فى السودان . Author: محمد عثمان Date: 05-03-2008, 00:00 AM Parent: #1572
Quote: يا ود عثمان سمعنا عود بشير عمر (الملقب بالشباب) في اغنية ابو السيد الجميلة .. بسمة الانظار .. او ربيع الحب
ربيع الحب
Post: #1574 Title: Re: د / أحمد طراوة ___ فى ندوة عن تاريخ الغناء فى السودان . Author: Moawia Mohammed Date: 05-03-2008, 01:30 AM Parent: #1
فتنة الأنظار - سيد خليفة مع عود بشير عمر ( الشباب)
Post: #1575 Title: Re: د / أحمد طراوة ___ فى ندوة عن تاريخ الغناء فى السودان . Author: Osman Musa Date: 05-03-2008, 04:44 PM Parent: #1574
بشير عمر دايرلو صفحات وصفحات سجل حافل علاقة متشابكة مع التلاحين والاوتار ___ قبل قليل يا د/ أحمد كان معى الأخ العزيز الكاتب والمفكر وصاحب فكرة فتح البوست ومنظم ندوة تاريخ الغناء د/ صلاح الزين الرجل مشكور اشاد بمجهودات الأخوان محمد عثمان ومعاويه والرجل متابع للبوست .. له التحيه ولكم الشكر جميعا
Post: #1576 Title: Re: د / أحمد طراوة ___ فى ندوة عن تاريخ الغناء فى السودان . Author: أحمد طراوه Date: 05-03-2008, 05:12 PM Parent: #1
.. حار عزاؤنا للحركة الشعبية قيادات و قواعد !
فلتكن ارواح جون قرنق من قبل ، و دومنيك ديم و جستن ياك و رفاقهم اول الامس ، فلتكن مهرا لسلامة و وحدة السودان
.. ليستمر الاستماع لعود بشير عمر ( الشباب ) و ترانيم و ميلوديا سيد خليفة .. ذلك ان غناء السودان هو نتاج تاريخي رصين لتلاقح مكونات و علاقات السودان الثقافية و القومية في جهاته الاربعة
باسم بوست تاريخ الغناء ، ناسو و قرائه نقول:
من غنائنا الاصيل في كامل دلالاته التاريخية و الثقافية نصنع ادوات و عينا الروحي و الانساني و نواصل مقاومة الحزن .. و تحديات بناء سودان الديمقراطية ودولة القانون و الفنون .. انه ذلك السودان الجديد ..
Post: #1577 Title: Re: د / أحمد طراوة ___ فى ندوة عن تاريخ الغناء فى السودان . Author: Moawia Mohammed Date: 05-03-2008, 05:52 PM Parent: #1
Quote: باسم بوست تاريخ الغناء ، ناسو و قرائه نقول:
من غنائنا الاصيل في كامل دلالاته التاريخية و الثقافية نصنع ادوات و عينا الروحي و الانساني و نواصل مقاومة الحزن .. و تحديات بناء سودان الديمقراطية ودولة القانون و الفنون .. انه ذلك السودان الجديد ..
الرحمة و المغفرة و المجد و الخلود لجميع ركاب الطائرة
صادق العزاء لأهلهم و زويهم و قيادات الحركة الشعبية والشعب السوداني .
Post: #1578 Title: Re: د / أحمد طراوة ___ فى ندوة عن تاريخ الغناء فى السودان . Author: Moawia Mohammed Date: 05-03-2008, 10:38 PM Parent: #1
UP
Post: #1579 Title: Re: د / أحمد طراوة ___ فى ندوة عن تاريخ الغناء فى السودان . Author: أحمد طراوه Date: 05-03-2008, 10:45 PM Parent: #1
.. من عمق غابات المانجو و الباباي ينهض صوت ابن الجنوب المُغني جون مكوانج قرنق علي خطى مدرسة الغناء الاوركسترالي التانية
.. مزيج الميلودي - الموسيقي الخماسي المتماهي مع ضرب ايقاع الريقي اشتقاق الدلوكة .. و تظل الغنائية هي أحد اهم مداخل تشكيل النسيج القومي الموحد
.. شكرا يا معاوية .. استمعوا بالله لغناء إبن الجنوب جون مكوانج
.. و نبدا بصحبة ود عثمان رحلة كابلي من باندونق الي مروي الفيها كل جميل مرورا ببيت المال و التياعات الغربة و هي اقسى نضال .. حتي نلتقي تلك النسمة المرتاحة في عز الليل علي هدب الدقش و كمان نايمة .. ذاك النوم الذى هو بعض من خريف العين
" كابلي خريف الغنا السوداني "
.. مطر الرُشاش الماك هبوب و قُشاش .. و ما انفكت زينب تجر النم !!
Post: #1580 Title: Re: د / أحمد طراوة ___ فى ندوة عن تاريخ الغناء فى السودان . Author: Moawia Mohammed Date: 05-04-2008, 05:25 AM Parent: #1
دمعة الشوق - عبد الكريم الكابلي كلمات : مصطفي بطران
Post: #1581 Title: Re: د / أحمد طراوة ___ فى ندوة عن تاريخ الغناء فى السودان . Author: Moawia Mohammed Date: 05-04-2008, 09:39 AM Parent: #1
حليل زمن الصبا الماضي
Post: #1582 Title: Re: د / أحمد طراوة ___ فى ندوة عن تاريخ الغناء فى السودان . Author: أحمد طراوه Date: 05-04-2008, 10:45 AM Parent: #1
.. عبد الكريم عبد العزيز الكابلي !
و لازال كابلي يطرب امة السودان جيل بعد جيل ..
.. عارفك ساحر ازمان قبالي .. و بتسحر ازمان جايات و ليالي
بتكمن قدرة الكابلي و نكهتو الفريدة : في الق الميلوديا !
دا واضح في أغنية دمعة الشوق
.. اصلا الاغنية لحنا سرور ، و لحن سرور بحد ذاتو كان لونية و خصوصية !
.. و غناها كرومة ، و طريقة كرومة بحد ذاتا كانت تفانين و سنام التطريب آناء تلك الثلاثينات من القرن الماضي !
.. و هنا واجب نوضح بأنو :
خليل فرح كان ملك الاستماع !
.. و سرور كان ملك المسرح الغنائي ( حتى في بيت العرس الناس كانت بتحس بكاريزما سرور و طابع الحضور المسرحي الطاغي بتاعو )
" الحضور الطاغي دا كان سبب مشكلة سرور مع الطمبار عبد الغفار الماحي " .. قصة الشيال الخطف الاضواء من الفنان !
.. اما ملك التطريب الجماهيري المفتوح فقد كان الكروان (كرومة)
وقام كابلي اضفي بُعد ثالث علي لحن سرور و غنا كرومة .. كابلي فرض علي دمعة الشوق ميلوديا خاصة ذات نكهة و دخل بالاغنية في دروب الغنائية المُلامسة للعقول و القلوب
" و يكاد المستمع يجزم بأنو دمعة الشوق هي اغنية كابلي و ليس سواه . . "
..
Post: #1583 Title: Re: د / أحمد طراوة ___ فى ندوة عن تاريخ الغناء فى السودان . Author: خالد علي محجوب المنسي Date: 05-04-2008, 01:58 PM Parent: #1582
الأخ الفاضل / عثمان موسى تحياتنا سلاااام لك ولكل زوارك الرائعين
هذه هي صورة الشاعر والمطرب ود النزيها عليه رحمة الله ساردية ( قرية الشقالوة )
تحياتي وتحية خاصة للأستاذ طراوة
Post: #1584 Title: Re: د / أحمد طراوة ___ فى ندوة عن تاريخ الغناء فى السودان . Author: Osman Musa Date: 05-04-2008, 04:18 PM Parent: #1583
هلا هلا من هذا الفارس ياودالمنسى ؟ ياهو . ياهو ده ود النزيهة الغيوم المترعة بالغناء ياهو فارسنا الذى نظل ننظر اليه نغما لا يبلى .. يا الله له الرحمه .. فنان طرز كل الآفاق فى شندى والشقالوة بنور الغناء الاصيل ... أخ ودالمنسى ارجو الاستمرار فى بوست على ابراهيم __ والاخوان محمد عثمان ومعاويه اصحاب الباع لاشك فى ذلك .. تحياتى وانا سعيد بوضعك صورة
ودالنزيهة ___ تحياتى وشكرى
Post: #1585 Title: Re: د / أحمد طراوة ___ فى ندوة عن تاريخ الغناء فى السودان . Author: خالد علي محجوب المنسي Date: 05-04-2008, 07:14 PM Parent: #1584
عثمان موشى ورفاقه الحلوين وأنتم تحدون بتاريخ الأغنية السوادنية أهديكم كلمات الكنينة للشاعر ود النزيها
الكنينة الكنينة يا رُطب الجنينة الله لينا
الكنينة الدارا أخمجيها الكنينة والروبا تليها الكنينة وخلق الله أنجضيها الكنينة والدنيا شن فيها بنريدا ونموت نخليها كُر علينا
الكنينة يا شتلا يا دُقاقه الكنينة ياالنارك حراقه الكنينة خلق الله مشتاقه الكنينة دي الدنيا فراقه بنريدك ومتين بنتلاقه تعومي لينا
الكنينة الكنينة بت بله الكنينة وأدي الشعر تله الكنينة ومسختي خلق الله الكنينة في نارا بتقلّه بنريدك وادي العريس طلّه الرشا لينا
الكنينة وقلبي داب حته الكنينة وفارقتا لي الجته دا الناجضنا في شندي المحطه
الكنينة يا شبه الأرايل الكنينة ويا المحلب الشايل الكنينة وغِصينك المايل الكنينة وماهماني في القايل بنريدا وفيها الثمار شايل
الكنينة يا بت مالك الكنينة وناجضا الخلق مالك الكنينة وأديني شبالك الكنينة وختيني في بالك بنريدك دي الدنيا دايمه لك نحن إنتهينا
Post: #1586 Title: Re: د / أحمد طراوة ___ فى ندوة عن تاريخ الغناء فى السودان . Author: أحمد طراوه Date: 05-04-2008, 08:04 PM Parent: #1
.. يا خالد يا منسي ليك تحياتنا
ود النزيها فيهو ريحة و ملامح فن ناس البجراوية و كبوشية .. مداخل ذاك الغنا الاول .. رميات ناس محمد ود الفكي بابكر ، ( ود الفكي رائد غنا الرميات و الغناء الجديد .. غزوة كبوشية لامدرمان )
.. الرميات اللي أتحولت لاغنية كاملة عبر جدل الانتقال التم علي يد العبادي و سرور
.. تراث الغنا في تلك المناطق مربوط بايقاعات الدلوكة ، بدور الحكامات ، بسيرة العمدة ابو جديري ، عبد الله ود سعد ، و قمر العشا الضواي .. يسلم للخصيم كواي .. غنا حميرا ام قلب ..
.. يا خالد عبر تجارة المسافات الاسفيرية .. رسل لينا اب عاجات اللحو .. حنخليها معطوفة علي غنا كابلي بتاع الحماسة .. الحسن صاقعة النجم ، و علي فرتيقة ام لبوس ، و محمود ود زايد اب رسوة البكُر الحجر شراب سيتيت .. القاتال في الخلاء و عُقبن كريم في البيت
.. بنزورك في بوست اللحو .. سلامنا عبرك يعبر الاطلنطي و يصل للصفي النقي ود حامد المرتضى ..
Post: #1587 Title: Re: د / أحمد طراوة ___ فى ندوة عن تاريخ الغناء فى السودان . Author: خالد علي محجوب المنسي Date: 05-04-2008, 08:24 PM Parent: #1586
الحبيب الغالي أحمد طراوة لك تحياتنا يا جميل بقدر ما تمتنعنا بمعلومة بكلمة طيبة بفن هويته ولله دركم أبناء أم درمان ( بيت المال ) ( وبص بيت المال الشالك ) ذلك الحي قد عشقناه نستشف من عشق اهله له ولو قليل ... أب عاجات بالمناسبة نظم كلماته رجل راعي في منطقة كلي واللحو هو عمدة كلي ( اب جديري )
Post: #1588 Title: Re: د / أحمد طراوة ___ فى ندوة عن تاريخ الغناء فى السودان . Author: خالد علي محجوب المنسي Date: 05-04-2008, 08:46 PM Parent: #1587
Quote: .. تراث الغنا في تلك المناطق مربوط بايقاعات الدلوكة ، بدور الحكامات ، بسيرة العمدة ابو جديري ، عبد الله ود سعد ، و قمر العشا الضواي .. يسلم للخصيم كواي .. غنا حميرا ام قلب ..
يقال أنه في مرة جاء الحسن ود ضبعة شقيق عمدة الجوير ( عبدالله ود ضبعة ) والراجل عمدة كلما يدخل ينقط النقطة قوية. فوق حميرا ودودو يهبق في الدلوكا فنظمت حميرا في مكانها ذاك أبيات من الشعر وتغنت بها في الحسن ودضبعة ..
الأبيات تقول فيها :
سيد محكر الديوان وثابت يا أب قلب فكامة النيران ووين متل الحسن الحسن يا الحسن جابوني ليك حداث يا بحر المحيط الدقّا في الحصحاص يا مطر السواري الهاب هبوب ورُشاش تلب يا الصقر تور الرخم من
Post: #1589 Title: Re: د / أحمد طراوة ___ فى ندوة عن تاريخ الغناء فى السودان . Author: أحمد طراوه Date: 05-04-2008, 09:12 PM Parent: #1
وسع الحكي عن تراث تلك المنطقة يا خالد .. عناصر ثقافتا مفردات غناها و رموزا نساءا و رجال
.. و يا دمعة الشوق كبي !
شفت كابلي لمن يقول (الشوق ) بالسلم العالي .. تطريب يا حبيب .. طريقة كابلي السرقت الغنية من كرومة و خلتا سنام غناء قعدات الافندية آناء تلك الستينات و مطلع السبعينات
.. و اين من عينيا قعدات و غنا ميز الهبوب القديم ،الواقع في الطرف الامامي لمبني الجمعية الطبية في شارع النيل !
.. و ياليت المطايا بنا يا خالد يبلُغن (محمدا) .. فتصير ظهورهن علي الرجال و ايضا كريم النساء حرامُ ..
Post: #1590 Title: Re: د / أحمد طراوة ___ فى ندوة عن تاريخ الغناء فى السودان . Author: خالد علي محجوب المنسي Date: 05-04-2008, 09:30 PM Parent: #1589
Quote: .. و ياليت المطايا بنا يا خالد يبلُغن (محمدا) .. فتصير ظهورهن علي الرجال و ايضا كريم النساء حرامُ ..
ليتها يا أحمد ....... رهفت أذني إلى الغناء الكلم الطيب عندما كنتُ صغير وكنت أحبه وأحفظ منه الكثير وحتى لو أغلط الكلم ( عامل السن ) ... كنتُ مثلا أحفظ أغنية هوي يا جاهلة وطيبك عبق وسنك براقه يسوق بق
( هوي يا جاهلة وطيزك عبق ) تراني أسف لأستخدم اللفظ لكن كانت حقيقة ...... وقد سجلها أيامها بصوتي أبن عمتي وكان قدام من روسيا من الدراسة ومعه جهاز تسجيل ( الشرايط القديمة بكرة ) .. لا أذكر ذلك لكن في مرة وعلى ما اعتقد في 2003 وفي عطلة ألتقيت به ( ابن عمتي ) وكان طال بيننا الفراق وأسمعني صوتي وكنت أبن الخمسة سنوات أعتقد .. كنت أحب أن أسمع لقائد صهوات الجياد الفنان علي الأمين عمر عليه رحمة الله وكان يطرب أولاً نفسه ليطرب الأخرين وأخذوا منه حسن الأداء وتربوا على يده كُثر ومنهم الفنان الراحل عثمان الشفيع وقد ذكر مرة الأستاذ محمد وردي .. انه عندما كان معلم في معهد التربية شندي كان قد أستمع للفنان علي الأمين عمر وأعجبه صوته وحسن أدائه للغناء
وكنت أحب أن أسمع له عندما يغني .... هواك وهوايا بيارو كان علي الأمين يتغنى بالأغاني المحلية لمنطقة شندي وأغاني الحقيبة وأغاني الجاغريو
Post: #1591 Title: Re: د / أحمد طراوة ___ فى ندوة عن تاريخ الغناء فى السودان . Author: خالد علي محجوب المنسي Date: 05-04-2008, 09:45 PM Parent: #1590
هواك وهواي بصوت المجموعة
Post: #1592 Title: Re: د / أحمد طراوة ___ فى ندوة عن تاريخ الغناء فى السودان . Author: أحمد طراوه Date: 05-04-2008, 10:53 PM Parent: #1
Quote: الكنينة يا بت مالك الكنينة وناجضا الخلق مالك الكنينة وأديني شبالك الكنينة وختيني في بالك بنريدك دي الدنيا دايمه لك نحن إنتهينا
لله درك يا ود النزيها ! مسارب الغي الجابت الغنائية الجميلة The Exquisite Lyricism of Sudan
.. يا ود المنسي كلم ود المرتضى بهذا الكلام : يا الكنينة خليني في بالك .. دا ما عرضحال عديل و كامل .. زي ما قال ود الرضي :
بُغيتي ( وقصدي ) إن لم تعلماني .. هاك شرحي و هاك فيراماني
.. شكرا يا خالد علي هذا ال ون - تو الجميل .. الجنن كاك ، و تمساح ، و ود مرجان و كل جماهير المسطبة الشرقية الهلالو - مريخية
Post: #1593 Title: Re: د / أحمد طراوة ___ فى ندوة عن تاريخ الغناء فى السودان . Author: أحمد طراوه Date: 05-05-2008, 00:44 AM Parent: #1
.. " من مأثور الليرك الجميل بتاع مدرسة الغناء الاوركسترالي التانية "
.. يا خالد يا منسي .. كلام ود النزيها السمح داك .. يا هو الجاب كلام اسمعيل حسن السمح الفوق دا !
.. يا معاوية أكرموا خالد المنسي باغنية محمد ميرغني اشتقت ليك بالله شغلوها و فكوها زي دمع الحبايب السارية في الوادي البعيد بتسوي شوو ..
Post: #1594 Title: Re: د / أحمد طراوة ___ فى ندوة عن تاريخ الغناء فى السودان . Author: Osman Musa Date: 05-05-2008, 02:08 AM Parent: #1593
عارف ياود المنسى بعد الصفحة دى تقلب لو سمح تيم بوست تاريخ الغناء كنا نتسكع شويتين مع ناس ودالنزيهة نلف هناك محل التمرد الاول محل الحريق محل كان اخصاب الأغانى وانجاب الترانيم .... كنت افكر يجو معاى ناس اسامه الخواض وناس بلة موسى وناس فزع وسليمان حامد سليمان وشرف الدين سرالختم أحمد ... نتجول شويتين فوق دنبو الغناء هناك اها لى قدام
Post: #1595 Title: Re: د / أحمد طراوة ___ فى ندوة عن تاريخ الغناء فى السودان . Author: أحمد طراوه Date: 05-05-2008, 04:59 AM Parent: #1
... تعرف يا خالد ، غنائية ود النزيها، ذكرتني ذلك اللقاء الفني الفريد اللي تم بين عبد الرحمن الريح و الفاضل احمد في 1938
.. في اغنية ما رايت في الكون يا حبيبي اجمل منك أمتزجت شاعرية و تفعيلة عبد الرحمن الريح الجديدة و الموطنة في ذلك اللحن - الميلودي الخماسي الذي يقارب الانشاد الديني المُسكر ، مع صوت الفاضل احمد الجاري و منساب بزخم من الرقة و الدِفْ و فيض المحنة .. .
.. و محق بيرم التونسي إذ يقول : المغني حياة الروح يسمعها العليل تشفيه ! و جميل الفاضل احمد في ليرك ابو صلاح : جمرو حرقني .. افارق الروح لو يفارقني .. حبيبي هواك .. و لكم هي مُفرحة بصوت ياسر تمتام مستصحبا فلوت ناس سعدابي و موسي محمد ابراهيم ..
.. آهِ ثم آهِ من كابلي وهو يقول : نسمة الاسحار ليلي طال هِبي !
Post: #1596 Title: Re: د / أحمد طراوة ___ فى ندوة عن تاريخ الغناء فى السودان . Author: أحمد طراوه Date: 05-05-2008, 09:52 AM Parent: #1
.. * إشتقت ليك ساعة المساء فرد الجناح * و كم سألت عليك النسيم المار * و أنت عارف نوع حبي ليك سلمي
.. و هكذا طفقت غنائية السودان و في عمق المدرسة الاوركسترالية التانية تسير نشوانة و مِقدامة في تلك الدروب الخضراء
محمد ميرغني ابنعوف .. وحسن بابكر مستودع الالحان
المجد لجيل عود السودان المدوزن بروح عبد المعين و سوميت و جداوية اخت عشة الفلاتية ، المجد لذلك العقد النفيس :
* يوسف الشيخ * علي مكي * بشير عمر (الشباب ) * برعي محمد دفع الله * بشير عباس * عادل الصديق * عوض احمودي
.. و يبقى ود الامين ، و حمزة علاء الدين .. سيرة الازمان و لغز لا يتأول ..
المدي الزمني الغنائي 1940 ---- 1970
.. المدرسة الفنية التانية .. تلك الفاتنة المياسة ، الحين قواما يميل للغصون يُسبي !!
Post: #1616 Title: Re: د / أحمد طراوة ___ فى ندوة عن تاريخ الغناء فى السودان . Author: انعام عبد الحفيظ Date: 05-06-2008, 02:02 PM Parent: #1596
Quote: إشتقت ليك ساعة المساء فرد الجناح
شكراً يا د. احمد طراوة والمجموعة الجميلة
وهي من الأغاني المتميزة في الكلمات واللحن والآداء
ولا أخفي إعجابي بـ آداء الرائع محمد ميرغني
Post: #1597 Title: Re: د / أحمد طراوة ___ فى ندوة عن تاريخ الغناء فى السودان . Author: Moawia Mohammed Date: 05-05-2008, 10:08 AM Parent: #1
اشتقت ليك - محمد ميرغني كلمات : اسماعيل حسن الحان : حسن بابكر
Post: #1598 Title: Re: د / أحمد طراوة ___ فى ندوة عن تاريخ الغناء فى السودان . Author: عمار زكي Date: 05-05-2008, 10:13 AM Parent: #1
أيها الرائع الأديب الذي ضل طريقه إلى الطب والطبيب الذي حول الطب إلى إغنية جميلة تعبر الفيافي وتحط رحالها في سويداء الفؤاد لكم سعدت اليوم بالدخول إلى هذا البوست وكنت قد طلبت مني على ما أذكر المشاركة ببعض من الذكريات والإضاءات عن فناني جزيرة توتي الحالمة التي ترقد بين النيلين العظيمين الأبيض والأزرق ولكن أخي الحبيب طراوة شغلتناأموالنا وأهلونا ونعدكم بالتفرغ ولو قليلا للمشاركة بالكتابة عن إبراهيم خوجلي وعبدالواحد طمبل وكوكبة من فناني جزيرتنا توتي فإلى لقاء قريب
عمار محجوب محمد زكي
Post: #1599 Title: Re: د / أحمد طراوة ___ فى ندوة عن تاريخ الغناء فى السودان . Author: أحمد طراوه Date: 05-05-2008, 11:21 AM Parent: #1
.. يا ناس البوست هوووي !
جاكم زول الرملة البيضاء السحرت عبد المنعم عبد الحي !
جاكم زول ناس بُر محمد نور ، بُر الولهان ، القال : يا الناعسات عيونك .. لي عينا سهيدة .. تضرب بنبالك ارواحنا و تصيدا
غذاء الارواح ، ابراهيم خوجلي في كلام بُر : من اوصاف عديدة ظهرت لي قوافي ..
.. ديل ناس شتلة الحِنة .. اهلي البريدوني .. في توتي غرب النيل .. يا معاوية اكرموا عمار بغنائية خدر بشير في ناس توتي
و إشتقنا ليكم و الله شوق السحابة الراحلة .. لابراهيم ود السيد .. و سيد عيسى المابنقاس ..
.. و بنرجاك يا عمار .. كان جوة البنطون ، او في طرف الكبري الجديد ، او في مُشرع قاعة الصداقة
Post: #1699 Title: Re: د / أحمد طراوة ___ فى ندوة عن تاريخ الغناء فى السودان . Author: Osman Musa Date: 05-14-2008, 08:23 PM Parent: #1599
___
Post: #1600 Title: Re: د / أحمد طراوة ___ فى ندوة عن تاريخ الغناء فى السودان . Author: Moawia Mohammed Date: 05-05-2008, 11:47 AM Parent: #1
النيل النيل النيل يا حلاوه عليك يا جميل غزلاني يا الاتنين يا الشلتو بصر العين في جزيره بين بحرين يا توتي دربك وين أهلي البعزوني أهلي البريدوني أهلي البيحبوني في أم در غرب النيل
نرحب كثير بالأخ عمار زكي
Post: #1601 Title: Re: د / أحمد طراوة ___ فى ندوة عن تاريخ الغناء فى السودان . Author: Osman Musa Date: 05-05-2008, 02:29 PM Parent: #1600
بعد جهاد وحروب سال ما سال فيها من دم ودموع خرج الغناء السودانى الى الساحات .. تلألأ على النيل وأشرق ... لهم التحيه جميعا الخليل وعكير الدامر والنعام وودالسافل وودالنزيهة واولادحاج الماحى . والرحمة بت الضل وكرن ... ___ الف مراحب أخ عمار زكى سعادة شديدة وانت تشرق على البوست الف شكر __ تحياتى ..
Post: #1679 Title: Re: د / أحمد طراوة ___ فى ندوة عن تاريخ الغناء فى السودان . Author: Osman Musa Date: 05-12-2008, 07:15 PM Parent: #1600
____
Post: #1696 Title: Re: د / أحمد طراوة ___ فى ندوة عن تاريخ الغناء فى السودان . Author: Osman Musa Date: 05-14-2008, 05:53 PM Parent: #1600
و تمتد الندوة
Post: #1602 Title: Re: د / أحمد طراوة ___ فى ندوة عن تاريخ الغناء فى السودان . Author: أحمد طراوه Date: 05-05-2008, 04:05 PM Parent: #1
.. و في كتاب غنائية الوطن العزيز بنفتح صفحة 17 !
ولا نزال علي خط الميلودي الفريد بتاع كابلي
يا معاوية .. يا الحبيب :
رحل هدية عمار زول توتي .. رحلا بلوري كابلي الشال السيدة و خلى حرم !
.. يا ود عثمان ، يلا نمشى النيل .. في اوآخر الليل :
غنا الامير ابو علي ، لونية كابلي .. ليرك عبد الرحمن الريح .. بنرجاك يا وزير الغنا
Post: #1603 Title: Re: د / أحمد طراوة ___ فى ندوة عن تاريخ الغناء فى السودان . Author: خالد علي محجوب المنسي Date: 05-05-2008, 05:44 PM Parent: #1602
الأخوة الكرام متذوقي جمال الفن السوداني أغنية الكنينة بصوت سوف أشغلها مباشة ليومين وبعدها بنغير طيب يا موسى ؟؟؟ الكنينة طبعاً شخصية حقيقة وتسكن في شندي حلة المحطة وأكيد ودالنزيها كان يراها وهو في طريقه لسوق شندي من ساردية
Post: #1604 Title: Re: د / أحمد طراوة ___ فى ندوة عن تاريخ الغناء فى السودان . Author: Osman Musa Date: 05-05-2008, 06:30 PM Parent: #1603
على ابراهيم الله ينصر مويس الجيت منها .. الكنينة .. الكنينة على كيفك الدار اخمجيها. يا سلام عليك ياودالمنسى 11 سنة بنات حفرة ونحنا خرمانين الى تلك الدروب الف شكر الكنينة هنا بكل الفخر . تحياتى
Post: #1608 Title: Re: د / أحمد طراوة ___ فى ندوة عن تاريخ الغناء فى السودان . Author: محمد عثمان Date: 05-05-2008, 08:48 PM Parent: #1602
Quote: يا ود عثمان ، يلا نمشى النيل .. في اوآخر الليل
:
مروى
Post: #1700 Title: Re: د / أحمد طراوة ___ فى ندوة عن تاريخ الغناء فى السودان . Author: Osman Musa Date: 05-14-2008, 08:25 PM Parent: #1608
الف شكر ودالمنسى حبابك حبابك
Post: #1605 Title: Re: د / أحمد طراوة ___ فى ندوة عن تاريخ الغناء فى السودان . Author: ياسر شبيكة Date: 05-05-2008, 07:41 PM Parent: #1
وكل صفحة وصفحة اكليل
نحن لمعنا النضارات للقراية ورخينا اضنينا للأستماع
ويلا يا شباب
تحياتى
Post: #1606 Title: Re: د / أحمد طراوة ___ فى ندوة عن تاريخ الغناء فى السودان . Author: Osman Musa Date: 05-05-2008, 08:08 PM Parent: #1605
الخلانى فوق نيران جهنم خالف . _ الأخ العزيز ياسر شبيكة شوف الحديث ده كيف أسمع شربات الغناء . شوف لون عنب ساردية . هاك ادى الشعر تله دى . احب السودان احب الله وحبابك يا ياسر شبيكة والف شكر تحياتى ...
Post: #1607 Title: Re: د / أحمد طراوة ___ فى ندوة عن تاريخ الغناء فى السودان . Author: أحمد طراوه Date: 05-05-2008, 08:39 PM Parent: #1
.. يا ود المنسي
يطل علينا ليل السعادة و يغمرنا نور البصاير ... يوم نسمع إيقاع الدقلاشي/الدلوكة ممزوج بالحان خماسية شجية طالعة من فلوت الهادي
.. وحتى الراحل عمر الطيب الدوش قال : دقت الدلوكة قالوا الدنيا ما زالت بخير .. اهو ناس تنقز و تنبسط
.. و يا ريح الصبا الجيتينا من ابو سالف وكيف حال زولا خيل سبيلو عالف و كالف
Post: #1609 Title: Re: د / أحمد طراوة ___ فى ندوة عن تاريخ الغناء فى السودان . Author: Osman Musa Date: 05-05-2008, 09:07 PM Parent: #1607
هناك كان قد تمرد الشعراء وخرج الشعر طمح كسر فاض من تلك الجنات خرج الشعراء. من هناك خرج التجانى يوسف بشير . المجذوب العمرابى عكير الدوش الكتيابى ودالنزيهة اسامه الخواض السر قدور الأخ العزيز ودالمنسى ارجو التكرم بوضع صور النجوم ... لهم التحية ....
Post: #1610 Title: Re: د / أحمد طراوة ___ فى ندوة عن تاريخ الغناء فى السودان . Author: خالد علي محجوب المنسي Date: 05-05-2008, 09:10 PM Parent: #1607
Quote: .. يا ود المنسي
يطل علينا ليل السعادة و يغمرنا نور البصاير ... يوم نسمع إيقاع الدقلاشي/الدلوكة ممزوج بالحان خماسية شجية طالعة من فلوت الهادي
القوق قوق القوق قوق القمري القوق قوق
دا ما جنس الكلام البخلينا تاني نجيب سيرة البحر
الدلوكا دي لمَّ تهبق يا طراوة راسنا بقوم صوفا صوفا الجلد بتمسكو كراوشة ما بترقدا إلا عرضة وصوقيرة ودا يومي كلو أشغل الدلوكا ونتقابل أنا وليدي الخواجة دا ( علمتو العرضة ) وعراضن كان مشى عرض في شندي بسحرو والله فايت في العرضة والصوقير ابوي أيام صباه كان معروف في شندي بجمال عرضته الله يطول في عمره
تسلم يا عثمان موسى على هذه المساحة اللطيفة نفرغ فيها بعض من أشواقنا التي جمدها جليد أوروبا تصحو مرات بشعاع من ريحة الأهل والديار ( 11 سنة يا عثمان والله حارة )
الله يدي العافية يا أخوي وارقدوا عافية درت ما تشوفوا شر يا رب
Post: #1611 Title: Re: د / أحمد طراوة ___ فى ندوة عن تاريخ الغناء فى السودان . Author: Osman Musa Date: 05-06-2008, 03:11 AM Parent: #1610
العزيز ناذر محمد الخليفة يازول الشغلانه ولعت . دلوكة الفارس الدوش تجيب الرايح . فى انتظارك . تحياتى
Post: #1612 Title: Re: د / أحمد طراوة ___ فى ندوة عن تاريخ الغناء فى السودان . Author: أحمد طراوه Date: 05-06-2008, 05:02 AM Parent: #1
.. يا معاوية في شان ود المنسي الاصيل و جناهو الخواجة/الجعلي السمح دا .. جيب لينا دلوكة كابلي كلام حكامة الطيب ود العبيد ود بدر : البشيل فوق الدبر ما بميل قدل شيخي
.. يا خالد احفظ في جهازك صورة حميدة ابوعشر ! راجل بسيط ، راس مالو كان طبلية في مُشرع حنتوب اترفد من السكة حديد لانو خاض الاضراب العمالي الاول مع ناس الشفيع و سلام و قاسم امين في مواجهة الاستعمار .. لكنو كان بديع و كريستالي .. و ياهو القال :
* حبيب القلب لا اقوى علي حمل الهوى وحدي * و كمان قال : ظلموني الاحبة في شرع المحبة
يا ود عثمان : شوف زول الكتياب ( التجاني يوسف بشير ) :
معاك يا وزير الغنا ، حتى يجف الشراب في حافة الكأسِ
ودينا وادي الجن ، فقد سئمنا قسوة عالم العقلاء .. جيب لينا طرير الشباب .. توزيع ابو السيد الجديد ..
Post: #1613 Title: Re: د / أحمد طراوة ___ فى ندوة عن تاريخ الغناء فى السودان . Author: محمد عثمان Date: 05-06-2008, 08:50 AM Parent: #1612
Quote: يا ود عثمان : شوف زول الكتياب ( التجاني يوسف بشير ) :
معاك يا وزير الغنا ، حتى يجف الشراب في حافة الكأسِ
ودينا وادي الجن ، فقد سئمنا قسوة عالم العقلاء .. جيب لينا طرير الشباب .. توزيع ابو السيد الجديد
..
Post: #1614 Title: Re: د / أحمد طراوة ___ فى ندوة عن تاريخ الغناء فى السودان . Author: أحمد طراوه Date: 05-06-2008, 10:46 AM Parent: #1
يا ود عثمان يا وزير !
.. يا لسان الدين يا خطيب جادك الغيث .. إذا الغيثُ هما !
فجر الاعواد رجعا و ترديدا ..
معاك يا خالد يا منسي .. بنمشي مشاوير ود النزيهة من ساردية لشندي ، مرورا بكلي و الزيداب .. نستدني غنا السودان السرمدي بابا باب ..
.. بنرجاك يا معاوية ، و انت نازلا من اعالي جبال كلورادو الي سهول بوست الغناء .. علي نغم الساقية الدايرة .. البتحكي خطو الريلة العايرة
مودتنا زي مطر الرُشاش .. لكل قراء البوست .. لكل ناسنا
Post: #1615 Title: Re: د / أحمد طراوة ___ فى ندوة عن تاريخ الغناء فى السودان . Author: خالد علي محجوب المنسي Date: 05-06-2008, 01:07 PM Parent: #1614
سندتنا في كبوشية الليلة مع رمز من رموز غناء الدلوكة ( حميــــــــــــــــرا ) لها فرقة ضراعها الأيمن الجود .. بتخلف معها في الصوت أي بتم البيت بعدما تبدءه حميرا وعازف الدلوكا ( دودو ) وخمسة عازفات شتم لزوم يخلفن مع الدلوكا ويشيلن لترنيم الأغنية
وتعرف يا عثمان. لما الشتم يخلف تنق بتسمعها في نص رأسك. بتعرف كيف بخنقو الدلوكا ( أن يضع العازف كوعه في الدلوكا ويعزف بالأخر ) أخ أخ أخ سن أسووو أه أنا الجنيت وقتا هووووو
من أغنيات حميرا البتولع النيران وتخلي الجنيات تتحزم وتقيف في روق لي البطان أغنية قديمة ( تراث ) وحــــات أبـــوي بمشي الكي كدي
كلماتها واحات أبوي أنا بمشي الكي كدي برمكي العيال تومي يا علي
شدو لي الحُصان الغليد ملان لعلي الصميم فارس أم درعان راكز يا الخزين يا أبقلباً ملان أنا يسلم لي علي يضوي في الميدان
شدو لي المهر طلقوهو العصر نهمو لي البنات يا سيف النصر ليل الهجعّا قام جاب لي النصر أنا إسلم لي علي أجبر ياصبر
Post: #1617 Title: Re: د / أحمد طراوة ___ فى ندوة عن تاريخ الغناء فى السودان . Author: خالد علي محجوب المنسي Date: 05-06-2008, 02:20 PM Parent: #1615
في الضواحي كلمات الخليل وبصوت ودتوتي إبراهيم خوجلي
أضغط على مفتاح التشغيل للإستماع
Post: #1618 Title: Re: د / أحمد طراوة ___ فى ندوة عن تاريخ الغناء فى السودان . Author: ناذر محمد الخليفة Date: 05-06-2008, 06:32 PM Parent: #1
Quote: الدلوكا دي لمَّ تهبق يا طراوة راسنا بقوم صوفا صوفا الجلد بتمسكو كراوشة ما بترقدا إلا عرضة وصوقيرة
أركز يا خالد المنسي
وهاكم دي هوادة :
Post: #1622 Title: Re: د / أحمد طراوة ___ فى ندوة عن تاريخ الغناء فى السودان . Author: Osman Musa Date: 05-07-2008, 03:13 AM Parent: #1618
ناذر الخليفة الله ينصر دينك شوف العرضة دى شوف الطيران ده تقول لى شيكاقو بولس الحشود دى كلها مدربة على الطيران عادى عليك الله يا فاضلابى تعال اتفرج فى لوحات الدلاليك دى .. الف شكر استاذ ناذر الخليفة تحياتى ..
Post: #1619 Title: Re: د / أحمد طراوة ___ فى ندوة عن تاريخ الغناء فى السودان . Author: ناذر محمد الخليفة Date: 05-06-2008, 06:59 PM Parent: #1
Post: #1620 Title: Re: د / أحمد طراوة ___ فى ندوة عن تاريخ الغناء فى السودان . Author: أحمد طراوه Date: 05-06-2008, 08:40 PM Parent: #1
.. يا قراء البوست ، قوموا خلوا الضيق في المداين .. لعنة الله علي غابات الاسمنت .. و الشوارع المتهتكة و مليانة رقشة و امجاد !
.. و لله درك يا منسي !
خليل فرح بالوان توتي ..
مثلت اغنية في الضواحي اتجاها جديدا في غنائية خليل فرح ، عندها علاقة باجواء ما بعد هزيمة ثورة 1924 .. ورحيل خليل من الخرطوم / حي الترس الي بحري .. و علاقتو بضواحي بحري ودي مرحلة برضو حصل فيها تحول في الجملة اللحنية بتاعت خليل .. مرحلة خروجوا من صوالين الغناء الضيقة الي فضاءات التم تم .. شارع الغنا المفتوح
وظهر التم تم صريح و تارك اثروا في اغنية تم دورو و إدور .. عوزنها يا معاوية بطريقة عاطف انيس
.. عودة نآذر .. البطان يغزو شوارع الخرطوم ..
معاكم ، و بنباريكم يا عيال جعل .. نقزة ايقاع الدلوكة .. من الجيلي لغاية لفة النيل في ابو حمد
و حاجات عجيبة .. ودلال معجن محن الامات يا رداح .. وكان حدباي (راوية خليل فرح) ، شديد الاهتمام بالرداح و جمجوم كلب يهود الخرطوم
Post: #1621 Title: Re: د / أحمد طراوة ___ فى ندوة عن تاريخ الغناء فى السودان . Author: Moawia Mohammed Date: 05-07-2008, 02:42 AM Parent: #1
Post: #1623 Title: Re: د / أحمد طراوة ___ فى ندوة عن تاريخ الغناء فى السودان . Author: Osman Musa Date: 05-07-2008, 03:38 AM Parent: #1621
معاويه اها كمان انا وحات أبوى اجيب ليك كبوشية فى العرس يازول الغناء زاتو لو مافيو بطان بكون ماسخ ملح . البطان بشعلل الدنيا .. اها كان الدكتور سمح كتر من البطان الليلة الدم ركب وصاحبك ناذر الخليفة كمان بهل الدلاليك وفرش البرش ودرع السيف .. وكمان ودالمنسى طفر من لورى ودالمنسى وجاكم عجاجو لاوى ومحمد عثمان حالف يشبعكم شبع اسع بنزل البعيو خليها تولع ..
Post: #1624 Title: Re: د / أحمد طراوة ___ فى ندوة عن تاريخ الغناء فى السودان . Author: خالد علي محجوب المنسي Date: 05-07-2008, 07:03 AM Parent: #1623
الأخ الحبيب معاوية جبتها من الآخر والخلا ولع وهلا هلا ومحل رهيفة التنقد وإن شاءالله ما تتلتق
هاك شوف هذا الوصف الدقيق لحفلة الدلوكا والبطان في تلك المنطقة... قال الشاعر دكتور محمد بادي العكودابي .. في الدلوكا وكت تهبق الأعمى بشيل المكسر ...
قال : هووي يا وليد حصل صحاكَ عِز الهجعة صوت شتماً بعيــــد مخنوق وجاتك شخرة الطمباري مشتاقاً يسوي القوق ونومك طار وإتقسّم والرشرش صِبح مفروق وإتلفحتَّ نص من توبك الجرجار علي الدلوكا سايق سوق تلقى هِناك بنات بلدك وِلاد بلدك يعلو الصفقة تقدح في القلوب الشوق ونغم الفال .. أبشرن آ بنات بي الخير والجِنيات تطير لي فوق وكم زغرودة تتفجر تفور بي الناس بعدما تروق يعوم الوز ... صدورّو تشابي لي المجهول تميل زينوبا زي البان يمين وشمال تودي الطوق وأخوان أم شلخ .. ينكبّو جوه الدارا زي صقراً نزل من فوق ضرب الصوت والركزّا بفرز الناس عشان زينوبا مابتحوق وعاد تتحزم الجِنيات وتتنظم تقيف في روق وكل واحد يهز ضرعاتو والحِجبات تزح لي فوق جفير الخوسة فايت الحد وسيرو مع العضل مطبوق والطاقية تحت الحاجب المعقود هديت ام زين ومامشرية من السوق ويتقدم عريس السمحة رافع صوتو كان بسوقو بيهو النوق والعنجاوي ينزل فوق ضهورهم بس تقول منشحطى فيها بروق يبدأ مجرّو بي الترقوة ويتحدّر مع الضلع القُصار ملصوق وأحمر عين يشم الدم بعدما يرش بنات عمو ويزيدن شوق وثابت حيطة لا بتهز ولا بتلز وصاري جبينو كلو عروق وقال بعد العقد طلقانة ما يحجزو ألا يخلو ضهرو شقوق هناك الحال مغيُر جد وهيجة الناس تفوت الحد وكان حجازو مدَّ اليد بتسمع كــــــــــــــــع
Post: #1633 Title: Re: د / أحمد طراوة ___ فى ندوة عن تاريخ الغناء فى السودان . Author: Moawia Mohammed Date: 05-08-2008, 02:28 AM Parent: #1623
Post: #1625 Title: Re: د / أحمد طراوة ___ فى ندوة عن تاريخ الغناء فى السودان . Author: أحمد طراوه Date: 05-07-2008, 10:27 AM Parent: #1
.. الدلوكة (الدهلة) موجودة عند الهنود و بلاد السند من زمنا قديم .. إلا ما عندهم زي دا ! لِطام و صدام و عقابيل بُطان و قمزات صِغيرية ، و اسد بيشا المكرمت
.. كيف صارت الدلوكة هي الحامل التاريخي و الاجتماعي لايقاع الحماسة و الحوبة و العركة ، و سلاح بتار في يد الحكامات ؟!
.. ظنيتو صراع القبائل الدامي حين سطوة المركز السناري ! صراع الانعتاق من ضيق كونفدرالية المانجلك و السعي الغريزى لكامل الاستحواذ علي الفائض الاقتصادي
.. وفي المدينة (امدرمان عند ثلاثينات القرن الماضي) وقعت الدلوكة في يد ربوحة ( رابحة التم تم ) و سوت بيها اجمل غنا التم تم آناء تلك الايام الزاهيات السبقت ظهور فضل المولى زنقار .. ضروري نقول إنو ابو حراز كان بضرب الدلوكة لربوحة
.. وفي يد زهرة بت نجدي ، كانت الدلوكة هي الق السيرة .. السيرة المرقت عصُر قاصدة ضريح الحسن ود نصر .. و فيها العريس السار البحر و قطع جرايد النخل من لدن ذاك الشاطى و رجع بيهو سِبر و تعاويذ لعروستو
.. وبديع عبد العزيز الجعلي ، بضرب في دلوكة شرق النيل مع خلف الله حمد .. و اصلا دلوكة شرق النيل من زمنا قديم شالتا مهلة العبادية و فزت بيها من ذاك الحصار و المنع الاجتماعي و جات قعدت بيها مع شريفة بت بلال في ذاك الحي الامدرماني المهدوي القديم ( المسالمة )
.. ومن عجايب مدرسة الغنا السوداني .. إنو الناس فيها طربانين و مجلودين .. و ياها مدرسة مجلود و جالد يا خالد .. مدرسة ايقاع الدلوكة ال Multi - Rhythmic
Post: #1626 Title: Re: د / أحمد طراوة ___ فى ندوة عن تاريخ الغناء فى السودان . Author: Osman Musa Date: 05-07-2008, 02:42 PM Parent: #1625
العزيز معاويه سلام كدى ابحت كمبيوترك ده . شوف لينا كلام عمك الطيب محمد الطيب عن الدلوكة . الطيب قال الدلاليك دى جات من شرق من نجد . والعرضة هى نفس العرضة النجدية لى يوم الليلة . الشتم موجود من زمان فى بلاد السودان . والدفوف هى الدفوف المدنية دفوف المدينة المنورة ...
Post: #1627 Title: Re: د / أحمد طراوة ___ فى ندوة عن تاريخ الغناء فى السودان . Author: Osman Musa Date: 05-07-2008, 07:46 PM Parent: #1626
الأخوان ناذر وودالمنسى وبعد السماح من الدكتور طراوة لو عندكم تسجيل للحفظ لحميرا او الحى يشوف ( المكنية ) او الرحمة .. ودالسافل .. سيدالجعلى .. عثمان بشير البعيو .. الف شكر .... ويا معاويه فى الصفحة دى كتر صور البطان للحفظ ..
Post: #1628 Title: Re: د / أحمد طراوة ___ فى ندوة عن تاريخ الغناء فى السودان . Author: أحمد طراوه Date: 05-07-2008, 09:16 PM Parent: #1
.. و بقينا وسط كرابيج تتلاصف .. ودماء سايلة ودا كلوا بسبب اسطوانة الفُخار شبه المخروطية اللي إسمها الدلوكة
.. وربنا يستر علينا ، و علي ود المنسي تخصيصا من ملاحقات لجان حقوق الانسان .. عندي شعور قوى انو خالد حيسوق ولدو الخواجة يوديهو عركة البطان في ساردية .. خاصة بعد ما يسمع كلام ندى القلعة :
" ساعة الصوت يشح .. ماني دايرة ولدي يوِح "
و جميل ترباس لمن يقول : الوحوحة و الجري ما حقي ا .. حقي المشنقة و المدفع اب سكلي ! "
.. أها يا ود المنسي الدلوكة قامت ولِدت الشتم ودي قصة فيها دلالات و مفاهيم مربوطة بألق موازير الايقاعات و علاقاتا الجوانية ..
.. لانو شتم الدلوكة حسب فهم ناس جراهام ، و عبد الله ود السجانة ، و الضو : برضو من ذات فُخار و طين الدلوكة .. و بنضرب بعصايا رفيعة ( عصايا عاوزة فهم ) .. و الغرض من الشتم هو عمل زخارف ايقاعية تتماشى مع ضرب الدلوكة متعدد الايقاعات .. يعني الشتم بساير الدلوكة مُسايرة هلال السما لسفينة نوح ..
.. مش كدا و بس .. مصطفى كامل الموسيقى المصري حبيب السودانين ، لمن شاف الشتم ، إكتشف إنو ممكن يتماهى و يتكامل ايقاعيا مع آلات ضبط الايقاع الحديثة : الطبلة ، البنقز ، و الكونغا ( اللي هي الدمبا ) مصطفي كامل كان رائد الموازير في السودان .. موازير الايقاعات و برضو موازير الجملة اللحنية ( صاحب المدونات الراقدة الآن في قاع بحر ابو روف !! )
.. يا معاوية كلم ود عثمان و جيبوا لينا عبد العزيز قسم الله شايل مع محمد احمد عوض الكونغا بتاعت امريكا الاتينية البقت دمبا في مدرسة الغنا الشعبي و غنا الحماسة السوداني .. و ما إنفك اهل السودان يستقبلون الوافد بترحاب و مرونة و وعي ، ثم يهضمونه لطفا في داخل نسيجهم الكلي
.. و اركز يا نآذر طبع العيال فضاح .. ما شفنا ام كريكة بتبلع التمساح .. وقالوا الدود قرقر .. و حبس الدرب نواحي الخرطوم 2 ، غزوة اولاد جعل للخرطوم و قفلة شارع الحكومة عافي منكم ( هو اصلا في حكومة ؟ ! )
.. بسراع يا ود عثمان .. جيبوا لينا كابلي في تم تم حبس الدرب .. و هآتيك المسادير الجميلة بتاعت الحردلو الموطنة في إيقاع التم تم و جُملة الخماسي اللحنية :
* قلبي المن نشوه للبنات هواي * و الزول السمح فات الكبار و القدرو * و الزول السمح يوم الخميس واعدنا * و معيز ام سومريت الراتعات دوام في خلاهن * و يا خالق الوجود انا قلبي كاتم سِرو * وكان فد يوم خديداتك معاي يتغطن .. اقنع بيك و اتوب من البنات يا ( شتن ) .. و كانت شتن و ( الدون لِحق ) من جميلات بنات الهوى في ذاك الزمان ميسور الحال
.. و لله درك يا كابلي .. تفانين و ألمعية صحبك الراجل رقيق الحال ( محمد ود شعفوفة ) راصد الادب و الغنا الشعبي في مظآنو الحقيقية .. تعاون اثمر تفانين و فتح دروب السعادة
.. وياها مدرسة الغنا .. و اوركسترالية - اللحن - الخماسي التانية و لانزال في محطة المبدع عبد الكريم عبد العزيز الكابلي
Post: #1629 Title: Re: د / أحمد طراوة ___ فى ندوة عن تاريخ الغناء فى السودان . Author: Osman Musa Date: 05-07-2008, 11:18 PM Parent: #1628
يا ناذر الخليفة دحين الزول الواقف خلف الكورس ده مو هو ود أحمد الدابى زول سقادى .. __ الزمن طال لكن وكت طراوة يرج دايرنك تعيد الحفلة دى ..
Post: #1630 Title: Re: د / أحمد طراوة ___ فى ندوة عن تاريخ الغناء فى السودان . Author: Moawia Mohammed Date: 05-08-2008, 02:08 AM Parent: #1
Post: #1631 Title: Re: د / أحمد طراوة ___ فى ندوة عن تاريخ الغناء فى السودان . Author: Moawia Mohammed Date: 05-08-2008, 02:10 AM Parent: #1
Post: #1632 Title: Re: د / أحمد طراوة ___ فى ندوة عن تاريخ الغناء فى السودان . Author: Moawia Mohammed Date: 05-08-2008, 02:24 AM Parent: #1
دود الوعر - كابلي
Post: #1634 Title: Re: د / أحمد طراوة ___ فى ندوة عن تاريخ الغناء فى السودان . Author: أحمد طراوه Date: 05-08-2008, 10:27 AM Parent: #1
.. الوافر الشمبول .. يا جبل الداير المابنطلع لزول
و ترتدي غنائية السودان لونية جديدة علي يد كابلي .. تجارب و إكتشافات و مشاوير كابلي علي دروب الحماسة و الشكرة و كامل تراث الحكامات و مخزون الغناء الشعبي ..
.. و فوق ذلك تمكن كابلي من تحقيق نجاحات ضخمة في كيفية تطويع و استخدام طيف ايقاعات الدلوكة و التم تم ، لصالح هذا النوع من الغناء
.. و يبقى كابلي احد رواد بعث الثقافة الشعبية .. ثقافة الغناء الشعبي ذات العمق و السعة و التاريخ الطويل علي مدى القرن الثامن و التاسع عشر ، و القرن العشرين كذلك
Post: #1635 Title: Re: د / أحمد طراوة ___ فى ندوة عن تاريخ الغناء فى السودان . Author: Moawia Mohammed Date: 05-08-2008, 11:54 AM Parent: #1
UP
Post: #1636 Title: Re: د / أحمد طراوة ___ فى ندوة عن تاريخ الغناء فى السودان . Author: Osman Musa Date: 05-08-2008, 03:37 PM Parent: #1635
التور كرف الدم .. الدلوكة دقت .... اهو ناس تعرس وتنبسط . بلد تخرج منها تلك المعانى لابد لها أن تعيش .. قال ود حد الزين تصور كيف يكون الحال ؟ لو ما كنت سودانى واهل الحاره ما اهلى ؟ ... ود المنسى حلفتك بى حامد اب عصا ابهل الدوبيت .. الدوبيت الكان سبب الغناء .. الدوبيت الجاب لعكير الدامر السجن . جر جر النم كب التسجيلات الدوش قال ده دوبيت بال GRAMMAR نفس دوبيت بنى أسد فى العهد الجاهلى .. يا الله ود المنسى .. تر جاى على بوست تاريخ الغناء ده اكشح ليك كوم دوبيت طراوة ما عندو مانع ..
Post: #1637 Title: Re: د / أحمد طراوة ___ فى ندوة عن تاريخ الغناء فى السودان . Author: خالد علي محجوب المنسي Date: 05-08-2008, 07:27 PM Parent: #1636
Quote: ود المنسى حلفتك بى حامد اب عصا ابهل الدوبيت .. الدوبيت الكان سبب الغناء .. الدوبيت الجاب لعكير الدامر السجن
ودموسى سلااام ودعكير والله ألا انكت ليك أخوياُ لي أسمو حاتم هاشم وطوّل غياب شعر ودعكير جت علي فوق رويسو كابي .. لكن نديك كانت برمي بيها علي الأمين عمر
طولّنا خلاس أخبار شندي فوق ماجاتنا طرينا سغير وفي السنون عاجتنا في صدرك مدافع تحتو البريتات راطنا دا الفرقش كويلنا وطرشق عجلاتنا
Post: #1639 Title: Re: د / أحمد طراوة ___ فى ندوة عن تاريخ الغناء فى السودان . Author: خالد علي محجوب المنسي Date: 05-08-2008, 07:48 PM Parent: #1637
في التبادي والله أبداع خلف الله حمد وغناء الحماسة تعرف يامعاوية وانا بشاهد في الفيديو خلف الله حمد بغني عاينت لصورتك ( جاني أحساس كل ما يقول خلف حمد مقطع أنت تقول والله كلام )
مـــا حرسو الجري وصدرك موشح بي الدِمي وما بخاف فارس الحديد إن حِمي
يا فارس الألوف والأنتَ كفيتن كبستا الدروع وشلعتا خوداتن فارسنا البخيت التمى شكراتن صديت الخيول وقمحتا رِكباتن ما بخاف
من قومة الجهل ليهو الخوف ولا قسمّو مولود في المحاص وفي الدود كتر عشمو تدخل فوق بكانن النحاس خلف شتمو وركز البخيت الفال والنصُر ختمو ومابخاف
أها يا طراوة في شكر أكتر من دا زول الدود ( الأسد ) يعشم يبقى زيو في الشجاعة )
ومن قومة الجهل والخوف ولو كارو الهول والشرق إصنتو أفعالو العوق أب صفوف فالو البخيت شالو ومضروب في الوِجن وماجاني بي شمالو ومابخاف
هيييييييييييييييييييييع حديث والله
ماحضروا معاك أخوانك السلاط قمزوا الخت علي خيلاً بجن غايرات تدخل فوق بكانن حرابو منشبكات جاني مرهون علي جفونو الدمي سايلات ومابخاف
كباس زرايد أم حبر يادابي الجُبال قلبك سمين من حجر يادود الوعر
زينب تجر النم زينب تجر النم فوق تور العُمام فارساً بكرف الدم في محكر قواش حشاهو مابنزم ساطور الرجال جرعة عقود السم
زينب تجر القول زينب تجر القول فوق شلبي العيال الوافر الشمبول يا جبل الداير الما بنطلع لي زول غنيت بي غباش يامطر السواري اللاف هبوب ورُشاش ياقصب الفراش اللي ضلع قصاص سيد دينن قبيل قبل الناس تعرف الناس
Post: #1643 Title: Re: د / أحمد طراوة ___ فى ندوة عن تاريخ الغناء فى السودان . Author: Moawia Mohammed Date: 05-08-2008, 08:10 PM Parent: #1
لو انت نسيت
Post: #1646 Title: Re: د / أحمد طراوة ___ فى ندوة عن تاريخ الغناء فى السودان . Author: أحمد طراوه Date: 05-08-2008, 11:22 PM Parent: #1
.. ُاُكل نارك يا منسي
.. مواعيدنا معاك في قوز ود حرير .. مُلاقاة كبد الحُقن و شوفة الخِنيصر المو شديد لاواي !
.. و ما في زولا زي مصطفى بطران وصف الحسان ، الجآذر ، الراميات باسهم ريشها الهدب .. اسمعوا بالله قصة شم النسيم في جنينة الحيوان آناء ايام السعد السوابق ( قم بينا نلاقي مناظر .. تفانين خدر ود بشير ! و بنرجع لود بطران و سيد عبد العزيز يوم طار عقلهم في ساحات شم النسيم
.. كابلي :
* مدرسة اعادة إنتاج مخزون التراث الشعبي * مدرسة السفر في آفاق الحردلو و ود الفراش * مدرسة حركة الجماهير السايرة في طريق الجامعة يوم هبة الخرطوم * مدرسة الحس القومي و سد فرقة عبد الناصر : قم صلاح الدين
يا عبد الكريم لك العوافي .. و صادق معزتنا ..
.. ارمح يا معاوية .. الدود يا عيال للعقاب دراج
Post: #1647 Title: Re: د / أحمد طراوة ___ فى ندوة عن تاريخ الغناء فى السودان . Author: Moawia Mohammed Date: 05-09-2008, 07:24 AM Parent: #1
UP
Post: #1648 Title: Re: د / أحمد طراوة ___ فى ندوة عن تاريخ الغناء فى السودان . Author: أحمد طراوه Date: 05-09-2008, 11:40 AM Parent: #1
و تعددت مواهب و قدرات كابلي
.. نحنا ما بنخاصمك .. بس بنجاري طبعك يا جميل
.. و برضو : الكل يوم معانا و ما قادرين نقول ليك
.. و برضو ليس في الامر عجب .. إنه ما قد وجب
.. و ذات مرة برضو كتب ولحن مرسال الشوق ، و اداها لابوعركي
.. و كمان يا زاهية قلبي الشلتي جيبيهو .. اداها لابوداؤد قصة اولاد بحري البلاك آند وايت
.. زي خليل فرح ، و عبد الرحمن الريح ، و عمر البنا كان كابلي برضو بيكتب و يلحن و بغني .. كان حركة و تيار جديد .. و اشراقات خيال في مطلع تلك الستينات
Post: #1649 Title: Re: د / أحمد طراوة ___ فى ندوة عن تاريخ الغناء فى السودان . Author: محمد عثمان Date: 05-09-2008, 04:39 PM Parent: #1648
Quote: و تعددت مواهب و قدرات كابلي
غرامك يا حبيبى وهبتو سنين شبابى و دايما لرضاك يهون سهدى و عذابى صدوك و نار خصامك مصيرى مع الحباايب اقيم الليل مساهر جنانى و عقلى غاائب و بحلف بشباابى الاقى صبااحى تاائب من الريد و انشغالو من وله الغراام و من كلمة بريدك و هجرك لى حراام
و اعيش ايامى سااهى اردد فى غناايه براى اخترت دربك و عارفو بدون نهااية سلكتو قلبى خاائف و تهته من البداية رضيت اشغل ضميرى معاك ابد الليالى و اشوف فى شقاى سرورى لانك عندى غاالى...
ــــــــــــــــــــ
Post: #1650 Title: Re: د / أحمد طراوة ___ فى ندوة عن تاريخ الغناء فى السودان . Author: خالد علي محجوب المنسي Date: 05-09-2008, 08:17 PM Parent: #1649
Quote: ُاُكل نارك يا منسي
.. مواعيدنا معاك في قوز ود حرير .. مُلاقاة كبد الحُقن و شوفة الخِنيصر المو شديد لاواي !
يا طراوة والله ظلم علينا ظلم ياناس القوز علينا ظلم دا الشال السيدة وخلا حرم
لم يترك كابلي مجال وألا أعطاه حقَّ وحتى مجال شلة الأنس
وتغنى لهم
قطر الجنوب شال المحبوب والله ذكرنا أيام حنتوب دا الجاب لينا وجع القلوب
ياعصام جيناكا وجينا نهجج معاكا
تسلم اخي طراوة
Post: #1651 Title: Re: د / أحمد طراوة ___ فى ندوة عن تاريخ الغناء فى السودان . Author: Osman Musa Date: 05-09-2008, 10:05 PM Parent: #1650
بكم تتواصل ندوة تاريخ الغناء الف شكر ..
Post: #1652 Title: Re: د / أحمد طراوة ___ فى ندوة عن تاريخ الغناء فى السودان . Author: أحمد طراوه Date: 05-09-2008, 10:08 PM Parent: #1
.. و كمان ديك ( الدكاكينية ) البقول فيها :
مدير الري انقضت ايامو ! طرينا القومة و جفينا النومة .. للديوان اب علامتن دومة .
.. وهج دولة البراجوازية - الوطنية السودانية آناء تلك الستينات ، عهود الموظفين و المدراء البراقا .. دولة التحالف الافندو - تجاري المثل إحدى إطارات حركة التم تم و غناهو .. الدولة الخربت خراب سوبا التاني
بنرسل ليك يا منسي : ( بلالي ابوى لي بي )
.. شوف كابلي :
غنا التم تم ماركة الافندية و التجار .. و ياحليل التاجر الوزقن مراكبو و كتن .. مُشرع الموردة النيلي يوم دولة الاتراك و سيدي المهدي الامام
.. وازيدك في الشعر بيتين :
" أمبارح انا و قصبة مدالق السيل .. في ونسة و ضحك لامن قسمنا الليل "
.. لله درك يا حردلو يا رائد الغي و العُشق في وهاد سوداني الجوه وجداني .. بريدو
كلامن بخلي صحبك ود حامد فوق نيران جهنم خالف !
Post: #1653 Title: Re: د / أحمد طراوة ___ فى ندوة عن تاريخ الغناء فى السودان . Author: خالد علي محجوب المنسي Date: 05-09-2008, 10:28 PM Parent: #1652
Quote: " أمبارح انا و قصبة مدالق السيل .. في ونسة و ضحك لامن قسمنا الليل "
.. لله درك يا حردلو يا رائد الغي و العُشق في وهاد سوداني الجوه وجداني .. بريدو
كلامن بخلي صحبك ود حامد فوق نيران جهنم خالف !
طراوة الكربّشين أبو لي بي غالي ومتين ابو لي بي
ووكتين النِعاس إتقلبنبو الخيل لا بخلت ولا جادت علي بالحيل
دا الكلام البخلي الزول يعضي إيديهو
وقال لي ناس الأنس وشللهم
يا ابوالجاز والبسكر نصيبو عُكاز وبي القزاز يا ابوالجاز
سمعت في شريط خاص للكابلي مسجل قديم في بورتسودان كابلي يغني أغنية الهجروك حبي وعملو السبب حبي وكيف ينزعوا الصورة المرسومة في قلبي
وبداها برمية طابق البوخا قام ومن نداهو مفرهد نام من الدوخا ايدو عاقباهو الجدلا مملوخا ولي معالق موسو مجلوخا
تسلم تسلم يا طراوة والنار ولعت
Post: #1654 Title: Re: د / أحمد طراوة ___ فى ندوة عن تاريخ الغناء فى السودان . Author: Moawia Mohammed Date: 05-09-2008, 10:37 PM Parent: #1
بنت عشرين
Post: #1655 Title: Re: د / أحمد طراوة ___ فى ندوة عن تاريخ الغناء فى السودان . Author: Moawia Mohammed Date: 05-09-2008, 10:45 PM Parent: #1
قم صلاح الدين و أشهد بعثنا
Post: #1656 Title: Re: د / أحمد طراوة ___ فى ندوة عن تاريخ الغناء فى السودان . Author: أحمد طراوه Date: 05-09-2008, 10:51 PM Parent: #1
.. ومنذ تلك الستينات ، برز كابلي بوصفه تيارا اصيلا و متفردا في مسار غنا التم تم السوداني ,, منفعلا بمضاعفات الق المد القومي التحرري لعبد الناصر .. ومع ذلك رائدا للفن السوداني الاصيل ، لجملة السلم الخماسي و طيف ايقاعات البلد و تراثا الثقافي الشعبي
.. كرب حياة العند الخياط و بلالي الابو لي بي .. و يعيش الملك فاروق ..
Post: #1657 Title: Re: د / أحمد طراوة ___ فى ندوة عن تاريخ الغناء فى السودان . Author: Moawia Mohammed Date: 05-09-2008, 10:55 PM Parent: #1
في طريق الجامعة ( هبت الخرطوم ) - الكابلي كلمات الشاعر و الدبلوماسي عبد المجيد حاج الأمين
Post: #1658 Title: Re: د / أحمد طراوة ___ فى ندوة عن تاريخ الغناء فى السودان . Author: أحمد طراوه Date: 05-09-2008, 11:08 PM Parent: #1
و خرجت جماهير تلك الاءات الثلاث في لقاء عبد الناصر .. خرطوم الصمود .. خرطوم سد الفرقة .. خرطوم الازهري و السيد الصديق و المحجوب و عبد الخالق .. الانقياء طاهري الايدي
و جميلة تلك الصورة التاريخية اللتي جمعت عبد الناصر مع الشفيع احمد الشيخ و فاطمة احمد ابراهيم
.. و أنتِ يا غابات كينيا يا ازاهر !
المجد :
* لابو آمنة حامد * و لتاج السر الحسن .. و لكابلي صاحب الحس السليم
Post: #1659 Title: Re: د / أحمد طراوة ___ فى ندوة عن تاريخ الغناء فى السودان . Author: محمد عثمان Date: 05-09-2008, 11:20 PM Parent: #1658
متاابعين...
و يعيش الملك فاروق....
Post: #1661 Title: Re: د / أحمد طراوة ___ فى ندوة عن تاريخ الغناء فى السودان . Author: osama elkhawad Date: 05-09-2008, 11:24 PM Parent: #1658
كثيرا ما ترجع بي الذاكرة الى غناء الحماسة متمثلا في خط كبوشية كما كان يسمى كخط لشيخ الخط ايام الادارة الاهلية. تربتط ظاهرة حميرة وفرقتها من خلال دودو ،بالفئات المهمشة من بقايا الرق. ارجو تسليط الضوء على هذه المرحلة. مع خالص التقدير المشاء
Post: #1660 Title: Re: د / أحمد طراوة ___ فى ندوة عن تاريخ الغناء فى السودان . Author: Haleem Abu-Gusseisa Date: 05-09-2008, 11:23 PM Parent: #1
تحياتي للكل ولأحمد طراوة على وجه الخصوص
هناك موضوع صغير "مكير" للأستاذ نزار عتيق يستحق التناول، رجاء الرجوع إليه عبر الرابط الإتي:
Post: #1662 Title: Re: د / أحمد طراوة ___ فى ندوة عن تاريخ الغناء فى السودان . Author: Osman Musa Date: 05-10-2008, 02:14 AM Parent: #1660
د / طراوة بعد جات الصورة صورة اضخم شعراء السودان التجانى يوسف بشير الشاعر الذى اشعل نور الشعر والغناء فى البلاد بعد ما جات الصورة ارجو الدخول لعالم التجانى الشاعر الهرم ..
Post: #1663 Title: Re: د / أحمد طراوة ___ فى ندوة عن تاريخ الغناء فى السودان . Author: محمد عثمان Date: 05-10-2008, 08:51 AM Parent: #1
دكتور طراوة.. و الضيوف الكراام و سيد الحوش...الاخ عثمان..
طبعا معااوية كوم برااهو و مجهود مقدر وماسك الدفة بكل اقتدار...
الكابلى كتاب كبير يحتااج تصفحه الى زمن و و قت طويل..مراحل متعددة و اماكن و اغنياات مختلفة تحكى كل منها عن مرحلة معينة فى حياته الطويلة فى دنيا الفن ثقافته الواسعة ساعدته كثيرا فى ان يتبحر فى التراث و اغنياته المختلفة.. نترك لدكتور طراوة مواصلة السياحة فى عواالم كابلى...
صديق مدثر كتب الاغنية الشهيرة و الخالدة ضنين الوعد الاغنية التى جعلت الفنان يغير منها و يلح على صديق مدثر ان يكتب له اغنية بالشعر الفصيح لتخرج اغنية الحبيب العائد كاجمل ما يكون بعد اللحن الجميل الذى البسه وردى عليها... و الاغنية لها قصة طويلة حكاها صديق مدثر يمكن ان تستعرضها فى مساحة اخرى...
صديق مدثر كتب ايضا العمل التحت للفنان الكابلى و يا دكتور طراوة كدا اسمع و اعمل لينا فلاش باك..
Post: #1664 Title: Re: د / أحمد طراوة ___ فى ندوة عن تاريخ الغناء فى السودان . Author: Moawia Mohammed Date: 05-10-2008, 11:57 AM Parent: #1
حبيبنا محمد عثمان صاحب الدرر المكنونة
سمعنا قالوا جاي كندا الأيام الجاية بالله رسل لينا تلفونك في المسنجر عشان نتونس معاك
Post: #1665 Title: Re: د / أحمد طراوة ___ فى ندوة عن تاريخ الغناء فى السودان . Author: أحمد طراوه Date: 05-10-2008, 12:06 PM Parent: #1
.. أنه و لمن دواعي غِبطتنا و سرورنا أن نراكم هنا يا اهل الحس السليم يا :
- اسامة الخواض - عبد الحليم ابو قصيصة
و بادىء ذي بدء ، ونحن لانزال في فيحاء كابلي بنهدي ليكم صورة حميدة ابو عشر اعلاه ، و كلامو العجيب .. ابو عُشر الراجل رقيق الحال ، ذو الوجدان الضخم ، الراجل ملح الارض ، مرفود اضراب عمال السكة حديد في عهد الاستعمار ذاك .. وداعا روضتي الغنا .. ميلوديا الكاشف العملا بالفم ، و المعية كمال ابراهيم سليمان (ترباس) احد رموز التطريب الحديث داخل المدرسة التانية
.. تعرف يا اسامة .. لازلت ببحث عن مقال كتبو زول نابه ، ذو افق و فهم اسمو : عثمان عامر ، مقال عنوانو فيما معناهو : ايقاع التم تم و الدلوكة في حامله الاجتماعي .. حامله الاجتماعي دي هو بالضبط مبلغ قصدك في الملاحظة السوسيو - ثقافية اللي إنت قلتها في كلامك اعلاه .. .. و بناشد زولة كندا المتابعة بوستنا دا وقع الحافر بالحافر ، الاديبة الاريبة ، اختنا الامدرمانية الرفيعة: صفوة عبد الله محمد فرح رمرم .. ان تلقى لنا سبيلا لعثمان عامر ، و لفتح الطريق امام فكرو و كلامو عن العمق السوسيو- ثقافي لحركة الغناء بتاع المدرسة الفنية الاولى و التانية .. واصلا يا اسامة ، دا بالضبط العاوزينو منك في هذا البوست : المقاربات النقدية ، الرصد السوسيو - ثقافي ، و تفكيك و إعادة قراءة تلك الظواهر المدهشة : زي الكاشف و حميدة ابو عشر القدامنا دا !!
.. مررت علي مقال نزار عتيق يا حليم ، له مودتي و إعزازي و اوعدك ان اعود لتسجيل رأيي حول افكار و ملاحظات نزار عن اصل ، و مسار ، و مصائر اغنية الحقيبة .. و مهد السبيل يا حليم لتواصل نزار معنا و نقل آرائه و آرائك انت ايضا لبوستنا هذا . .
اسمعوا ترباس يتمنطق طربا بكلام حميدة ابو عشر : تفدية النفس بالنفس .. و ليالي المعبد القُدسِ
.. دمت يا ود عثمان ، إليك سوف نعود
.. أها يا معاوية عاوز نشوف قصة العباسي في حدائق جيرون نواحي سوريا مع تلك الفتاة ذات العشرين ربيعا .. و الايام مُقبلة ..
Post: #1666 Title: Re: د / أحمد طراوة ___ فى ندوة عن تاريخ الغناء فى السودان . Author: Moawia Mohammed Date: 05-10-2008, 12:45 PM Parent: #1
غزال الروض بايقاع السكستا
Post: #1667 Title: Re: د / أحمد طراوة ___ فى ندوة عن تاريخ الغناء فى السودان . Author: Osman Musa Date: 05-10-2008, 01:10 PM Parent: #1666
الأخ العزيز الشاعر والكاتب اسامه الخواض سلامات والف شكر على الدخول الكريم وننتظر كتاباتك هنا بشق كثير تحياتى
Post: #1668 Title: Re: د / أحمد طراوة ___ فى ندوة عن تاريخ الغناء فى السودان . Author: Haleem Abu-Gusseisa Date: 05-10-2008, 03:30 PM Parent: #1667
يا أحمد طراوة
عثمان عامر يبقى خال نزار عتيق، يعني لوعاوز زول يجيبوا ليك أمسك في نزار.
مشاركاتي القادمة ستكون متعلقة أكثر بفترة ما بعد الحقيبة. أعتقد أن فترة الحقيبة "عصرت شوية" على ما تلاها وهو الأمر المستمر حتى هذه اللحظة وفي اعتقادي أنه أحد أهم أسباب كوننا أمة "مجترة غنائيا". بصراحة موضوع نزار عدل شوية في زاوية تناولي لذا التأخير.
لدي مقالات سابقة متعلقة بالغناء مؤرشفة في هذا المنبر، يمكنني البحث عنها وربطها إذا كانت هناك رغبة في الإطلاع.
تحياتي للجميع.
عبدالحليم أبوقصيصة
Post: #1669 Title: Re: د / أحمد طراوة ___ فى ندوة عن تاريخ الغناء فى السودان . Author: أحمد طراوه Date: 05-10-2008, 10:16 PM Parent: #1
.. ام درمان !
مهد المدرسة الفنية الاولى هي الان و في هذه اللحظة تغدو ساحة لمعارك الشوارع ، دماء نازفة .. اشلاء متناثرة .. وتحولت لغة التفاوض السياسي الي زخات مدافع و لعلعة رصاص !
.. و مع ذلك ، ومن فوق ربوة غناء الوطن نقف في هذه اللحظات الحواسم ونقول بلغة العقل و الحق الابلج :
* لا مخرج سوى إعادة صياغة واقع و مستقبل السودان علي نحو عاقل ، مُنصف ، يرد كافة الحقوق و لا يميز احد علي احد
* لن يُحكم السودان بالحديد و النار .. ولن يُولد الظلم الا مثل غزوة ام درمان هذه .. و مع ذلك نقف بحزم ضد إراقة الدماء
.. و نواصل حلمنا المشروع بسودان المساواة ، دولة القانون ، البرلمان ، الديمقراطية الراسخة ، السلم الوطيد ، رد حقوق القوميات ، إعادة توزيع الثروة علي نحو عادل ، التمازج الديمقراطي الحر لثقافات الجهات الاربعة نحو وحدة و تنوع المكون الثقافي السودان
.. و فوق ذلك نحلم بوطن الغناء الجميل .. و نواصل مطاردتنا لغزال الروض السوداني ماركة كابلي و ابو صلاح .. غزال السودان الجديد ..
يا ام درمان .. انا ذلك الولد الذي دنياهو كانت ها هنا في ميدان المدرسة الاهلية ، في بحر ابو روف ، في دار الرياضة ، في ترسو السينما الوطنية اللتي إعتلي مسرحها عثمان الشفيع يوم ذاك المستعمر !
نحو حل ديمقراطي عادل لقضايا القوميات المهمشة ، نحو وقف ابدي دائم لقصف القرى و المدارس بححم الطائرات .. لا لإراقة الدماء
Post: #1673 Title: Re: د / أحمد طراوة ___ فى ندوة عن تاريخ الغناء فى السودان . Author: Osman Musa Date: 05-11-2008, 11:22 PM Parent: #1669
الأخ العزيز عبدالحليم أبوقصيصة سلامات كنت قد تابعت حديثك العذب . القديم الجديد والمفيد . سعادة بوست تاريخ الغناء كبيرة بدخولك الكريم تحياتى ووافر شكرى
Post: #1670 Title: Re: د / أحمد طراوة ___ فى ندوة عن تاريخ الغناء فى السودان . Author: أحمد طراوه Date: 05-11-2008, 06:32 PM Parent: #1
لا !
.. و ابدا لن تستطيع قعقعة السلاح ، لعلعة الرصاص ، زخات المدافع ، ازيز جنازير الدبابات ، و احكام الطواريء ان تحجب :
* صوت محمد ود الفكي وهو يشدو برميات الغناء الفرايحي تلك
* صوت العبادى الجهير/الرخيم وهو يطرح شعرا اغاني التحولات الجديدة
* صوت سرور البارتون الشجي وهو يشق ليل ام درمان معانقا آفاق سموات البلاد .. سودان السِلم ، و المحبة ، و تعايش الاعراق و الاديان
* صوت كمنجة السر عبد الله المتدفقة بموجات النغم الخماسي الحنين ، النغم الخماسي الذى جاء مزيجا تاريخيا لتداخل و اندماج الحان و ميلوديا ابناء و شعوب السودان في كل تلك الجهات الاربعة
* ضربة ايقاع النقرزان الخفيف الصادر من جوف رق كرومة وهو يلامس شغاف قلب ابناء السودان في الجهات الاربعة
* دوباي و لحون و موسقة هداي غرب السودان الصادرة من آلة ام كيكي رقيقة الحال ، لتلهم لاحقا جديد الغناء الجميل القادم من غرب السودان و مستقر في نسيج اغنية السودان الجديدة
* صوت ترانيم عود اسمعيل عبد المعين و جُملته الموسيقية التي فتحت الباب لموسيقي و غنائية الامير ابو علي ، و عثمان حسين و وردي ، و ود الامين .. و كابلي
.. فليظل عاليا صوت غنائية السودان و ميلودي الجهات الاربعة بلسما يشفى جروح ام درمان ، و يفتح الطريق لوقف الاقتتال ، ورد الحقوق ، ورفع المظالم .. وزادا لقوى النضال من اجل دولة القانون ، الديمقراطية الحقة ، السلم الوطيد ، سودان تعايش الاعراق و الثقافات و الاديان ..
أمتزج المؤثر فكان الأثر بليغ وعميق نغم الساقيات وهنَّ يتمايلنَّ طربا وصوت أنين السواق في هدؤ الليل
المتتبع والمستمع لأغاني الأستاذ كابلي يلحظُ جلياًكيف يحرك كابلي أحرف الكلمات ويجعلها تأتيك أنتَ المستمع طائعة تفرد امامك معانيها وتكفيك من عناء البحث لذا نقول الأداء فن وجمال الكابلي يتمتع بذلك ولا خلاف في ذلك لله درك أستاذ الكابلي (( الحقوق محفوظة يا طراوة ما تخاف )).
Post: #1672 Title: Re: د / أحمد طراوة ___ فى ندوة عن تاريخ الغناء فى السودان . Author: أحمد طراوه Date: 05-11-2008, 10:27 PM Parent: #1
[QUOTE]المتتبع والمستمع لأغاني الأستاذ كابلي يلحظُ جلياًكيف يحرك كابلي أحرف الكلمات ويجعلها تأتيك أنتَ المستمع طائعة تفرد امامك معانيها وتكفيك من عناء البحث
.. نعم يا منسي :
إذ تستحيل الحروف في ميلوديا الكابلي الي احرف من نور !
" الكابلي ملك الميلوديا المتوج "
.. اسمعه بالله يا خالد يقول كلام شوقي :
حرصي عليك هوي .. و من يحرز ثمينا يبخلِ .. و الشُح تحدثه الضرورةِ في الجواّد المُجزلِ ..
إنها واقعة (كرمة بن هاني) .. صداح يا ملك الكناري .. جيبوها يا ود عثمان .. بسراع يا معاوية .. علها تشفي جراح ام درمان و تصيرا بلسما لاهلنا في معسكرات الهجير و البرد في تلك الاراضي التشادية ..
Post: #1674 Title: Re: د / أحمد طراوة ___ فى ندوة عن تاريخ الغناء فى السودان . Author: Moawia Mohammed Date: 05-12-2008, 01:33 AM Parent: #1
بت ملوك النيل - كابلي
Post: #1675 Title: Re: د / أحمد طراوة ___ فى ندوة عن تاريخ الغناء فى السودان . Author: Moawia Mohammed Date: 05-12-2008, 01:36 AM Parent: #1
كل يوم معانا - كابلي
Post: #1676 Title: Re: د / أحمد طراوة ___ فى ندوة عن تاريخ الغناء فى السودان . Author: Moawia Mohammed Date: 05-12-2008, 01:42 AM Parent: #1
تم دور واتدور - كابلي
Post: #1677 Title: Re: د / أحمد طراوة ___ فى ندوة عن تاريخ الغناء فى السودان . Author: Moawia Mohammed Date: 05-12-2008, 01:43 AM Parent: #1
ماريا - كابلي
Post: #1678 Title: Re: د / أحمد طراوة ___ فى ندوة عن تاريخ الغناء فى السودان . Author: أحمد طراوه Date: 05-12-2008, 02:36 AM Parent: #1
Quote: يحرك كابلي أحرف الكلمات ويجعلها تأتيك أنتَ المستمع طائعة تفرد امامك معانيها وتكفيك من عناء البحث
.. لذا يا خالد فان كابلي هو ملك الميلوديا المتوج .. صوته البارتون ماركة سرور ، معطوف علي تموجات صوتية مُحرضة علي التطريب .. معطوف مرة اخرى علي دقة مخارج الالفاظ نحوا و صرفا
ذلك هو كل الجمال يا غالي .. الجمال الناهض في لحظة مودة و نظرة عابرة
.. و لنسمعه في إهزوجة شوقي :
حِرصي عليك هوى .. و من يحرز ثمينا يبخلِ و الشح تحدثه الضرورة في الجوّاد المُجزلِ
.. انها واقعة كرمة بن هاني تلك .. و ما بالنا نحن في تفانين واقعة البنت ماريا اللتي حدثت في تلك التسعينات بحي الاندلس بمدينة ود مدني !
.. حتما نعود
Post: #1680 Title: Re: د / أحمد طراوة ___ فى ندوة عن تاريخ الغناء فى السودان . Author: خالد علي محجوب المنسي Date: 05-12-2008, 08:03 PM Parent: #1678
تمَّ دور وإدوّر عمى ونور شال فات الحلّه نوّر زي بدر التمام كان وبعد كان تأتي الآهات والتحسر .. تمتد أيام الفرح وتعم الحلّه حيناً قبل وبعد الزواج في كل شبر فرح في كل بيت فرح والناس فرح وكلامهم فرح قبل وبعد الفرح. الحال نفسه في الأتراح. وهذا حال أهلنا الطيبين ( فرحهم كُتر وترحهم كتُر ) وبين الأفراح والأتراح التواصل يشد حبل محنَّة متين فتله يربط بينهم ( ويا حليلهم أهلنا زمان ).
الدور : قد يكون أسبوع تمام كما قال الشاعر ياقمر دورين أنا شفتك وين
وقد يكون الدور ( دورة مسار القمر في منازله 14 يوم ) من يبدأ هلال حتى يكتمل بدراً.
ياقليبي إتجبّر قوم وريني كيف الجِراح تتصبّر نحن ما بنتنبّر النِفوس إن حبّت تستحي وتتكبر
التنبر هو التفاشي والتفشر
ياقليبي إتجبّر قوم وريني كيف الجِراح تتصبر قولوا لي البتنبّر ماكشفن قناعّن المعاني إتوفر
عليك الله شوف جنس الحديث والنضمي دا يا طراوة ما البسوق الزول ويخلي يحاحي بقيف البحر
ياصديق إتصبّر شن بشوف حِداك إلا حُور مبطّر ..... ( اي بطران والبطران من ظهر عليه أثر العز والترف ) إبقى يومنا مطّر حال الكون تجيك والفريق معطر
هنا في كلام يا طراوة عجيب والله يعجز اللسان عن وصفه يستخدم أهلنا كلمة إبقى ( بمعنى محتمل ؟ ) والمطر دوماً يعقبه ذاك المزج البديع من رائحة التراب بالماء وهذا هو حالها لما تمر في الحي تعبق فيه روائح تسطل وتغبي بالشديد القوي
النحر مغمر والثباتا حارا والمجال معمر الشعر مخمر ينضح كُلو ليل حتى بي المجمر كناية عن شدة سواده حتى بي المجمر :: وهذه كانت عادة النساء زمان أن تزين شعرها بالذهب ( الورقة ودي الجنيه.... وأنصاص الجنيه ) بتعرف الجنيه ونص الجنيه يا طراوة ؟
Post: #1681 Title: Re: د / أحمد طراوة ___ فى ندوة عن تاريخ الغناء فى السودان . Author: أحمد طراوه Date: 05-12-2008, 09:24 PM Parent: #1
Quote: حتى بي المجمر :: وهذه كانت عادة النساء زمان أن تزين شعرها بالذهب ( الرقة .... وأنصاص الجنيه ) بتعرف الجنيه ونص الجنيه يا طراوة
.. بالحيل بعرفو يا خالد !
.. و قيل إن حِسان السودان زمن العبادي و ابو صلاح كن علي هوى عِقد الرقبة الملان بانصاص جنيه الدهب و قيل ان الدهب قد كان دهب البرتي او دهب شيبون اللي كان في جمالو و نقاوتو و عيارو زي مزيج خام برنت بتاع بحر الشمال عالي الإغلاق
.. وقد قام الشيخ ابراهيم العبادي آناء تلك الحُقبة الزمنية و في زواج والد المحامي الكبير عبد الحليم الطاهر ، قام بوصف إمرأة ام درمانية جميلة راقصة علي السباتة و محفلة بدهب شيبون و ذاك ماركة البرتي و قال فيها اغنية الوصف و الغزل الاثيرة :
يا موفورة النفل .. يا الهيبة الكست الحِفل ليك في الجمع الحفل .. نسبة راد من طفل و قلبي الما بعرف الوجل .. هابِك و خاف سيف النُجل
.. و شاحدنك بالواهب العطاي يا منسي تجيبا لينا بصوت ميرغني المامون واحمد حسن جمعة
.. و لانو سيرة العبادى جات .. بنرسل ليكم اغنيتو بتاعت المُناجاة و المناشدة البقول فيها .. الغرام عامل إحتلال و الهجُر حاجة مش حلال ..
.. بعد حنة العريس قمنا تحركنا من تفتيش ود بلال المجاور لحلة عبد العزيز .. ودخلنا حي الاندلس بود مدني .. كان الفنان كابلي .. وبت الخواجات جوه الدايره .. كابلي لمحا !! بسراع كسر ضنين الوعد باغنية ماريا !
علي ود يس .. اصلا البت كانت عاجباهو مما شافا معانا في حوش ناس بلال .. أها قام فرزع ليك كل ناس مدني و سواهم دايرة كبيرة و ختا البت الفنلندية في النص !
و يا سلام يا ود المنسي علي شعب السودان و أمة السودان و شباب النيل و الجزيرة الخدرا لمن (الورق يفتح) و يبقى الاعمى شايل المكسر
Post: #1682 Title: Re: د / أحمد طراوة ___ فى ندوة عن تاريخ الغناء فى السودان . Author: أحمد طراوه Date: 05-13-2008, 04:46 AM Parent: #1
.. ماريا دي باروس !
السحر الجاي من جزر الاطلنطي في ضفاف الساحل الافريقي :
* جُزر الراس الاخدر * جُزر الباتيك
.. عُنصر البانتو الافريقي القديم ، ممزوج مع ثقافة البرتغال ذات العمق الاسباني .. دا الجاب غنا ماريا دي باروس
الق ال :
- الترمبيت - الترمبون - الساكسفون الالطو و التنور - الهارمونيكا ذات النكهة و الخصوصية في غنا ماريا دي باروس - الكلارنيت - الفيولين الصولو و الشيللو - وزخم ايقاع السالسا ، و السامبا ، و البوليرو البرازيلي ، و الكولادرياس الخفيف ، و التمبو الوسط و العالي .. كلو نتج من تلاصف و تقاطع ثقافات السواحل العابرة للقارات .. و تبقى افريقيا هي مهد الايقاعات .. حنرفع بعض غنا دي باروس لمن نجي لازمة الغناء الامريكي . .
.. و ياها ماريا السمحة القال عليها كابلي :
She is so facinating .. Sweet and captivating
شاهدوا دي باروس علي : mariadebarros.com
.. يا منسي :
نجوي كمال اللي امها عازفة العود الخرطومية القديمة بت عكاشة رسلت لينا :
* موفورة النفل * ظبية السّلم
.. جاينك يا الحبيب ، و بقينا في دروب العبادي .. جبل الشعر المتحرك
Post: #1683 Title: Re: د / أحمد طراوة ___ فى ندوة عن تاريخ الغناء فى السودان . Author: Moawia Mohammed Date: 05-13-2008, 09:19 AM Parent: #1
UP
Post: #1684 Title: Re: د / أحمد طراوة ___ فى ندوة عن تاريخ الغناء فى السودان . Author: أحمد طراوه Date: 05-13-2008, 10:11 AM Parent: #1
.. و كمان :
الزول السمح يوم الخميس واعدنا من ديم كسلا كان رحنا منو بِعدنا يا عبد الامين ما شوفتو كيف واددنا ترى دا المُنسينا العقاب و بلدنا
.. دوباي الغزل بتاع الحردلو و علي ود محلق .. ياهو الجاب غنائية العبادي .. شموس عِفة ، يا حليل رياضنا الغنا .. و الاغنية سنام الغزل و الوصف ( موفورة النفل )
.. مدرسة النسيب .. وذكرى آرام الكثيب
Post: #1685 Title: Re: د / أحمد طراوة ___ فى ندوة عن تاريخ الغناء فى السودان . Author: أحمد طراوه Date: 05-13-2008, 12:30 PM Parent: #1
.. العبادي سيرة و إتفتحت .. اركز يا منسي جاتك عواصف من تباريح الغنا الجميل
" حسناء ام درمان ، المن الريل الوقل .. ليها الجيد و المُقل "
Post: #1686 Title: Re: د / أحمد طراوة ___ فى ندوة عن تاريخ الغناء فى السودان . Author: خالد علي محجوب المنسي Date: 05-13-2008, 02:26 PM Parent: #1685
موفورة النفل * ظبية السّلم يا دوب يا طراوة داير تخلينا نباري بي الحيط وقيف البحر ونسوي ونقول ونشكي حالنا... الحال العلي حال العدو المسكين وحال الكتفوهو وسالين علي السكين وحال الفي البحر حايشنّّو تُمساحين وحال الفي السجن ماقدرّولو سنين وتحياتنا لنجوى
مودتي طراوة والمعزة دوماً كبيرة لود موسى الحبيب
Post: #1687 Title: Re: د / أحمد طراوة ___ فى ندوة عن تاريخ الغناء فى السودان . Author: Osman Musa Date: 05-13-2008, 04:18 PM Parent: #1686
ندعو الله أن يلطف على البلاد وأن يحفظها من الفتن ... اشد الحزن لما يحدث
Post: #1688 Title: Re: د / أحمد طراوة ___ فى ندوة عن تاريخ الغناء فى السودان . Author: أحمد طراوه Date: 05-13-2008, 08:17 PM Parent: #1
.. العبادي ملك الرميات !
بدأ بتلك الضخمة الاثيرة البقول فيها :
الجرحو نوسر بي !
.. و وصل لتلك البديعة :
حالي العلي ما ظن يزول و ما بهمني قول العزول .. يا زميل حي !
.. اللي ببدأ بيها عوض الجاك اغنية يا جميل يا مدلل
.. لزاما نلقى عوض الجاك في رمية العبادي .. مدد يا ود عثمان .. يا معاوية و يا نجوى بت عكاشة
يا خالد يا منسي : الطيب ود ضحوية ، في درب الهمبتة و مساسكة الغواني .. الانجليز كانوا بسجنوه في السنة ثلاتة مرات .. كلما المفتش يصدر حكموا .. شيخنا ود ضحوية كان بقول :
" نحنا ركزنا إن كان هي ام حمد بتشوفنا .. ! "
اركزوا يا عيال .. الدود قرقر .. سمحة عند الكابلي ..
Post: #1689 Title: Re: د / أحمد طراوة ___ فى ندوة عن تاريخ الغناء فى السودان . Author: خالد علي محجوب المنسي Date: 05-13-2008, 08:46 PM Parent: #1688
Quote: يا خالد يا منسي : الطيب ود ضحوية ، في درب الهمبتة و مساسكة الغواني .. الانجليز كانوا بسجنوه في السنة ثلاتة مرات .. كلما المفتش يصدر حكموا .. شيخنا ود ضحوية كان بقول :
" نحنا ركزنا إن كان هي ام حمد بتشوفنا .. ! "
اركزوا يا عيال .. الدود قرقر .. سمحة عند الكابلي ..
يا طراوة الظريف الجميل قال ودضحوية الدرب البجيب كُمش النقود مو هيّن ما بمشيهو ديك بيتو أب جليدّن لين الولد البقوم من أم حمد مديّن غصباً عنو يا الساحر بسوقن بين
والساحر هو جمل ودضحوية
يا طراوة الموت ما بنخافو الخوف يمين مو هولنا بس ما شفتا الغزال بي عينو بجرح الأسد
وما شفتا الزول السمح الفات الكبار والقدرو ودرديق الشبيتي فوق صدرو حمانا العيد مع أهلنا
شن أسو يا طراوة أه أنا الجنيت وقلتا هووووو
وقالوا الدود قرقر وحبس الدرب لكن بنمشيهو
Post: #1690 Title: Re: د / أحمد طراوة ___ فى ندوة عن تاريخ الغناء فى السودان . Author: Osman Musa Date: 05-13-2008, 09:33 PM Parent: #1689
نعم الشبيكى سبب كافى لحضور العيد ... تلك البلاد الساحرة جديرة بالحب . جديرة بالتواصل وجديرة بأن يكتب فيها مثل ذلك الشعر البديع .. ____
أخى العزيز جدا ناذر الخليفة الف شكر على التلفون . والف شكر على حديثك العذب عن البوست وكل تلك هى مجهودات الاخوان .. تيم الندوة اكرر الشكر الجزيل على الدعم الدايم للبوست تحياتى
Post: #1691 Title: Re: د / أحمد طراوة ___ فى ندوة عن تاريخ الغناء فى السودان . Author: Moawia Mohammed Date: 05-14-2008, 01:59 AM Parent: #1
UP
Post: #1692 Title: Re: د / أحمد طراوة ___ فى ندوة عن تاريخ الغناء فى السودان . Author: ناذر محمد الخليفة Date: 05-14-2008, 09:05 AM Parent: #1
شكرا كتير يا أحمد موسى ..
ويا ريتك لو تكون شرعت في تنفيذ ما إتفقنا عليه ..
نسمع منك أخبار حلوة ..
Post: #1693 Title: Re: د / أحمد طراوة ___ فى ندوة عن تاريخ الغناء فى السودان . Author: أحمد طراوه Date: 05-14-2008, 10:18 AM Parent: #1
.. يا ناس بوست الغنا :
اسمعوا عوض الجاك في كلام عبد الرحمن الريح يا جميل يا مدلل .. قولي ليه بس حُكم الغرام قد حلل عذابي يدوم
إلا بالجد يا ود عثمان و يا معاوية : الجاهلة ما جاهلة نصاح
يا ود المنسي و يا نآذر : ركزوا علي (آهات) عوض الجاك الجننت علي المك .. لمن يقول : اهدي ليك الروح و إنت بي ما تقبل .. اعيش محروم ... آآآه
و الحق ياهو كلام ود ضحوية : يا جبتا مالا فرح ام سوميت .. ولا .. إنجدع في جبال سقدى و ما جيت !
.. و ماشين في فيحاء كابلي .. و لا يزال العود اخدر و الايام مُقبلة ..
Post: #1694 Title: Re: د / أحمد طراوة ___ فى ندوة عن تاريخ الغناء فى السودان . Author: Moawia Mohammed Date: 05-14-2008, 12:38 PM Parent: #1
أمير شعراء الحقيبة ابراهيم العبادي
Post: #1695 Title: Re: د / أحمد طراوة ___ فى ندوة عن تاريخ الغناء فى السودان . Author: Osman Musa Date: 05-14-2008, 03:11 PM Parent: #1694
الف شكر العزيز معاويه وانت تضع صورة أمير عموم شعراء الوادى العبادى الذى فرهد فى كل اركان البلاد ... الف شكر ... العزيز محمد عثمان اتمنا أن تكون بالف خير خبرك شنو؟ تحياتى
Post: #1698 Title: Re: د / أحمد طراوة ___ فى ندوة عن تاريخ الغناء فى السودان . Author: أحمد طراوه Date: 05-14-2008, 06:59 PM Parent: #1
..إتولد العبادي سنة 1896 قبال كتلة كرري بسنتين .. كِملوا رجال امدرمان .. شان كِدا الاولاد من جيل العبادي بقوا رجال بسراع
.. شاف حسناء امدرمان في حفلة حي السماسرة .. تحت ضو الرتينة عدا حزات الرقبة لقاها تسعة .. قال في حينو :
و بنمشى مع العبادي عرس ابراهيم صالح جبريل ، اخو توفيق صالح جبريل .. آناء تلك العشرينات في حى القلعة الامدرماني ..
" أجهز يا ود المنسي .. شد خيلك و جرد سيفك .. سيرة اولاد جبريل مرقت عصُر : درقة ، و سيف و خيل "
صفين الخيول تزحف كتيبة ، كتيبة جبريل قايدا و حافظ كمان ترتيبا
"" و جرى الزمن .. وجاء كابلي في عرس حي الموردة الامدرماني وقال في تلك السمحة اللي امها جننت زمان عتيق و عبد الرحمن الريح:
" بحلف بالضفاير و الشعر الدواير و النور الجهر .. يا راسي يا زين .. ! "
Post: #1702 Title: Re: د / أحمد طراوة ___ فى ندوة عن تاريخ الغناء فى السودان . Author: Osman Musa Date: 05-14-2008, 08:40 PM Parent: #1698
تمتد الندوة تخرج الى الافاق الارحب تتعولم تا خذ من كل التجارب رى شارلس قال استفاد من نقر تلك الطبول الافريقية ... نتابع مع د / طراوة كيف خرجت تلك الطبول ؟ كيف عبرت الاطلسى ؟ نتابع مادار وما يدور ..
Post: #1701 Title: Re: د / أحمد طراوة ___ فى ندوة عن تاريخ الغناء فى السودان . Author: أحمد طراوه Date: 05-14-2008, 08:33 PM Parent: #1
Quote: يا طراوة الموت ما بنخافو الخوف يمين مو هولنا بس ما شفتا الغزال بي عينو بجرح الأسد
شفناهو يا ود المنسي .. وقال الحردلو:
.. الصايدني كان صاد الحُجار بتمرح إلا رحمة المولى الوسيعة تفرح
او التياعات عوض الجاك بعميق صوتو الباص :
" سادة و نار يا ناس .. عذابي يدوم "
خليك في خط شيخنا ود ضحوية .. و صحبو طه الضرير
كتر لينا من شعر و حِكم اولئك الصنايد البواسل
.. و جيبوا لينا رشا بت شيخ الدين بصوتا الالطو :
غُصنو مُهفهف املدن .. هيبة اسد في عيون شدن
و جماع الفوارس الواردين في شعر الحماسة بتاع كابلي .. بنحتاج لتغلغل سوسيو - ثقافي لمعرفة اصل و فصل و ظروف تلك الشخصيات ..
.. يا ود عثمان يا اب جلابية .. التمساح سكن الشايقية افزع .. و ارمي سهامك يا شجاعي
Post: #1703 Title: Re: د / أحمد طراوة ___ فى ندوة عن تاريخ الغناء فى السودان . Author: Osman Musa Date: 05-14-2008, 08:48 PM Parent: #1701
وكمان يا ود المنسى لو ما عندك مانع اجدع لينا ( المك نمر ) و ( أبوناصر ) والتنقد محل رهيفة ( للحفظ _____ استاذ الموصلى دايرنك بلحيل اكشح لينا شوال ترانيم انشاء الله سند لامن نحش الفاصوليا يا استاذ .. تحياتى
Post: #1704 Title: Re: د / أحمد طراوة ___ فى ندوة عن تاريخ الغناء فى السودان . Author: خالد علي محجوب المنسي Date: 05-14-2008, 10:13 PM Parent: #1703
ودموسى سلااام زمام الأمر في يدك ويد الدكتور ونحن سايرين معكما أعني مسار البوست لكن تراني اننا لم ننحى من المسار لأن كلمات هذه الأغنية اقتبس منها اللحو المقطعين الأولين من مسرحية المك نمر وهي من تأليف الشاعر العبادي واضاف لها المقطع الأخير من تأليفه
لكن الأغنية لك أهداء
ولكما التحية والمودة
Post: #1705 Title: Re: د / أحمد طراوة ___ فى ندوة عن تاريخ الغناء فى السودان . Author: أحمد طراوه Date: 05-14-2008, 10:14 PM Parent: #1
.. و منو داك الدخل البقعة زارا .. وكمل قماش النصارى ! ؟
و قيل ان النصارى هم نقادة سوق امدرمان القديم .. ناس العم زُغيم ، و قصار ، و بسطا و مُجلع .. تجار القماش .. توب الزراق و مصري البيضا
يا ود عثمان .. يا الحبيب معاوية ورونا عركة الزول النصيح حديدو !!
الشيلتو 3 ارادب عشا .. العقد الدم بالعصا
.. و عقدة الدم بالعصا دي يا ود المنسى .. عاوزة تلفون حالا لحبوبة الوليد في ساردية .. فهمنا ليها ! إن كان إنت إن كان نآذر
كابلي علي خط الحسن صاقعة النجم !!
Post: #1706 Title: Re: د / أحمد طراوة ___ فى ندوة عن تاريخ الغناء فى السودان . Author: Osman Musa Date: 05-14-2008, 10:35 PM Parent: #1705
يا ود المنسى عمك زول مويس على ابراهيم قال جانى زول وبعد ما تب عرض وصقر فوقى جانى تانى وقال لى يا على ابراهيم انا ولد العريس ده العريس الشايفو ده انا ولدو .. وبعد اسبوعين داير اعرس انا زاتى دحين دايرك تغنى لى متل غناك ده __ العريس يا ود المنسى جزار معروف فى شندى ___ الف شكر على اغنية المك نمر تحياتى
Post: #1708 Title: Re: د / أحمد طراوة ___ فى ندوة عن تاريخ الغناء فى السودان . Author: خالد علي محجوب المنسي Date: 05-14-2008, 10:39 PM Parent: #1705
Quote: و عقدة الدم بالعصا دي يا ود المنسى .. عاوزة تلفون حالا لحبوبة الوليد في ساردية .. فهمنا ليها ! إن كان إنت إن كان نآذر
عقد الدم بي العصا يقال يا طراوة زمان شيوخ وعمد البلد كانت ليهم الكلمة والرأي الصائب وحلالين شبك وأخوان بنات .. وبين إيديهم تهون القاسية. الواحد لو استعصت المشكلة تلقى ماسك عصاتو ويشخت في الواطا .. فجاءة كدي يديك الرأي الصائب وبي عاصتو يخطط بها يحل المرقوب ويعفو عنه أهل الميت راضين ويكون عقد ودم كان ممكن يسيل ( ثأر ).
وقال لي مرة خالي وهو محب لي لأغاني التراث. عقد الدم بي العصا كناية عن انو ود شيوخ ود أولياء صالحين والله أعلم في المعنيين
Post: #1707 Title: Re: د / أحمد طراوة ___ فى ندوة عن تاريخ الغناء فى السودان . Author: أحمد طراوه Date: 05-14-2008, 10:35 PM Parent: #1
واصل يا ود المنسي .. دا بوستا زي قدح النبي .. زي قش البطانة الخريفو بلاقي .. بوستا متعدد المسارب .. بوست تاريخ الغنا في كافة مصادرو و جهاتو الاربعة
.. دا بوست كلام الكابلي البقول :
ما بنخاصمك بنجاري طبعك يا جميل .. فدى إبن اخي نفسي و نسلي و ماليا
Post: #1709 Title: Re: د / أحمد طراوة ___ فى ندوة عن تاريخ الغناء فى السودان . Author: خالد علي محجوب المنسي Date: 05-14-2008, 10:45 PM Parent: #1707
Quote: العريس يا ود المنسى جزار معروف فى شندى
ود موسى اخوي الجزارين في شندي معروفين هم ولاد حجو ودقدري وأولاد حجو ود طه وأولاد أبو شعيرة وناس ود زعلان بالإضافة لعمك أحمد مختار والطيب أب شورة
منو فوق ديل ؟؟؟؟
Post: #1710 Title: Re: د / أحمد طراوة ___ فى ندوة عن تاريخ الغناء فى السودان . Author: خالد علي محجوب المنسي Date: 05-14-2008, 10:52 PM Parent: #1709
Quote: واصل يا ود المنسي .. دا بوستا زي قدح النبي .. زي قش البطانة الخريفو بلاقي .. بوستا متعدد المسارب .. بوست تاريخ الغنا في كافة مصادرو و جهاتو الاربعة
.. دا بوست كلام الكابلي البقول :
ما بنخاصمك بنجاري طبعك يا جميل .. فدى إبن اخي نفسي و نسلي و ماليا
طراوة الأديب تسلم يا العميد أب راياً سديد مو خايب متروس عقلك بالحكم مابتميل تسوي العايب ياطراوة مشطوطين خلاس بندور حديث الغايب العبادي ونمو فوق البنات ليهو غارز نايب
تسلم الحبيب طراوة
Post: #1711 Title: Re: د / أحمد طراوة ___ فى ندوة عن تاريخ الغناء فى السودان . Author: Osman Musa Date: 05-14-2008, 11:20 PM Parent: #1710
وتشهد دار جعل ... يوم حريقة الباشا وتشهد كل الدنيا أنو كل الحديث العذب قد خرج من هنا كل الكلام الصالح قد خرج من هنا من ضفاف هذا النهر قما قال نجم النجوم الشاعر المسرحى عمر الطيب الدوش .
Post: #1712 Title: Re: د / أحمد طراوة ___ فى ندوة عن تاريخ الغناء فى السودان . Author: Moawia Mohammed Date: 05-14-2008, 11:47 PM Parent: #1
الدود قرقر - كابلي
Post: #1715 Title: Re: د / أحمد طراوة ___ فى ندوة عن تاريخ الغناء فى السودان . Author: Osman Musa Date: 05-14-2008, 11:56 PM Parent: #1712
عليكم الله يا جماعة واحد فيكم لو عندو اغنية سيا فوق سيا __________
للحفظ ضرورى لكم الشكر الجزيل
Post: #1713 Title: Re: د / أحمد طراوة ___ فى ندوة عن تاريخ الغناء فى السودان . Author: Moawia Mohammed Date: 05-14-2008, 11:51 PM Parent: #1
الحسن صاقعة النجم - كابلي
Post: #1714 Title: Re: د / أحمد طراوة ___ فى ندوة عن تاريخ الغناء فى السودان . Author: Moawia Mohammed Date: 05-14-2008, 11:54 PM Parent: #1
وأمطرت لؤلؤ - كابلي
Post: #1716 Title: Re: د / أحمد طراوة ___ فى ندوة عن تاريخ الغناء فى السودان . Author: Osman Musa Date: 05-15-2008, 00:03 AM Parent: #1714
ود المنسى حلفتك بالشيخ عمر جد العمرابى ... حلفتك نزل المك نمر مكتوبه عشان نديها د/ صلاح الزين يترجمها وعشان ننشرها فى الواشنطن بوست وعشان ناس شان جون يشوفو الغناء النيلى .. نزلها
Post: #1717 Title: Re: د / أحمد طراوة ___ فى ندوة عن تاريخ الغناء فى السودان . Author: Osman Musa Date: 05-15-2008, 00:09 AM Parent: #1716
الدرع الحديدو مقرن ياهو ده بوست أحمد طراوة زاتو ... التقد نعال الشيطان
Post: #1718 Title: Re: د / أحمد طراوة ___ فى ندوة عن تاريخ الغناء فى السودان . Author: أحمد طراوه Date: 05-15-2008, 10:47 AM Parent: #1
.. كان ادى و كتر ما بقول اديت ! دا منو ؟
.. و علي فرتيقة ام لبوس ! دا منو
.. و الحسن صاقعة النجم ! برضو دا منو ؟
و علي خط غنا الحماسة و الشكرة :
نسعى لانتاج معرفة ذات منهج سوسيو - ثقافي و نعيد مقاربة تلك الوقائع وذاك التاريخ في وثيق ارتباطو بتلك التشكيلات الاقتصادية - الاجتماعية لقوى الاقطاع القبلي السوداني خلال عهود الدولة السنارية ودولة الاتراك و سودان الكوندومنيوم بتاع النصف الاول للقرن العشرين
Post: #1719 Title: Re: د / أحمد طراوة ___ فى ندوة عن تاريخ الغناء فى السودان . Author: محمد عثمان Date: 05-15-2008, 10:52 AM Parent: #1718
والله يا ناس بوست الغناء و الموسيقى الفيكم اتعرفت يا جمااعة نحن ما قاعدين فى ام درمان و كنا فى قلب الاحداث..و الرصاص والله العظيم دخل جوه بيوتنا
غايتو الحمد لله رجعنا ليكم سالمين و نعمة بالله
يديكم العاافية...
Post: #1720 Title: Re: د / أحمد طراوة ___ فى ندوة عن تاريخ الغناء فى السودان . Author: Moawia Mohammed Date: 05-15-2008, 12:19 PM Parent: #1
Quote: والله يا ناس بوست الغناء و الموسيقى الفيكم اتعرفت يا جمااعة نحن ما قاعدين فى ام درمان و كنا فى قلب الاحداث..و الرصاص والله العظيم دخل جوه بيوتنا
و الله لكن اتلومنا
يا زول حمدا لله علي سلامتك و سلامة جميع ناس أم در
أنا كان عندي خبر انك في كندا
أجدع لينا تلفونك في المسنجر عشان نناضمك
ربنا يسلم الجميع
Post: #1721 Title: Re: د / أحمد طراوة ___ فى ندوة عن تاريخ الغناء فى السودان . Author: Osman Musa Date: 05-15-2008, 12:51 PM Parent: #1720
العزيز محمد عثمان الرجل الذى بحث عن الغناء تحت مطر الدانات .. سلامتك يا نمر ... على بالحلف يا محمد عثمان تلفونك ما بجى عرفت انك بالبلاد .. اخبارك شنو ؟ الف سلامه .. تحياتى
Post: #1723 Title: Re: د / أحمد طراوة ___ فى ندوة عن تاريخ الغناء فى السودان . Author: Osman Musa Date: 05-15-2008, 01:05 PM Parent: #1721
البركة فيكم جميعا رحم الله الأستاذ الشاعر محى الدين فارس شاعر السودان الكبير فارس امدرمان الأول الشاعر الذى امتشق البروق رحل محى الدين رحلت ايقاعات الشعر الصادق له الرحمه ...
Post: #1722 Title: Re: د / أحمد طراوة ___ فى ندوة عن تاريخ الغناء فى السودان . Author: Moawia Mohammed Date: 05-15-2008, 01:04 PM Parent: #1
الحبيب وين قالوا لي سافر
كلمات و الحان و أداء ابراهيم الكاشف
Post: #1724 Title: Re: د / أحمد طراوة ___ فى ندوة عن تاريخ الغناء فى السودان . Author: Moawia Mohammed Date: 05-15-2008, 01:28 PM Parent: #1
جدي العزاز كلمات : ابراهيم العبادي أداء : أولاد شمبات
Post: #1725 Title: Re: د / أحمد طراوة ___ فى ندوة عن تاريخ الغناء فى السودان . Author: خالد علي محجوب المنسي Date: 05-15-2008, 02:21 PM Parent: #1724
قصيدة المك نمر كما قلت سابقاً المقطعين .. الأول والثاني من مسرحية المك نمر للشاعر العبادي .. أما المقطعين الأخرين من تأليف الفنان علي إبراهيم اللحو ..
نمراً بركب الكيك البطر وإتحرّن نمراً بِقلب العوق أب صفوفاً جرّن خلوات صدرو في علوم الحروب كم قرّن سيفو بينتف الدرع الحديدّو مقرّن
مو نمر الشدر حاضن فروعو مقيّل دا النمر البضاير الصف محل مايميّل كل ماأقول شُكر ألقاهو فيهو قِليل كفو بيخجل العينة السحابا منيل
نمراً مابفز حاشاهو كلا وحاشا لمام لي الهمائل البي العتامير طاشا ذو عفة وثبات وكرماً معاهو بشاشا وتشهد دار جعل يوم حرقة الباشا
Post: #1850 Title: Re: د / أحمد طراوة ___ فى ندوة عن تاريخ الغناء فى السودان . Author: Moawia Mohammed Date: 05-26-2008, 09:36 AM Parent: #1725
up
Post: #1726 Title: Re: د / أحمد طراوة ___ فى ندوة عن تاريخ الغناء فى السودان . Author: Osman Musa Date: 05-15-2008, 07:07 PM Parent: #1724
جدى العزاز __________
مدرسة تعليم المعانى كيف تكتب الشعر ؟ نستمع الى الأغنية ... ويا الفرجونى اجدعونا بى فاكس شرع المعلقه ..
Post: #1727 Title: Re: د / أحمد طراوة ___ فى ندوة عن تاريخ الغناء فى السودان . Author: أحمد طراوه Date: 05-15-2008, 07:59 PM Parent: #1
.. يا ود عثمان لك محبتنا و كل العوافي مرسلات في نُضار من الحرير مُجللِ .. نحرق حولهو اطيب العودِ .. و ازكى الصندلِ
" إن سلمت فكل امدرمان .. فكل الناس قد سلموا "
.. نحلم بسلم وطيد ، و دولة قانون .. وحقوق مردودة لاهلها
و يكاد قول العبادي في جدي العزاز :
" الخِصرو هضيم .. لا جوع لا ضيم ! "
.. يكاد ان يكون من ابلغ و اوجز ما كُتب في شعر النسيب و الغزل السوداني ..
.. و يظل شعار بوستنا :
" لو جفانا ما بنحيد عنو .. الظريف وين الليلة دايرنو "
شغلا بالله يا معاوية .. باهداء خاص للفنان الاستاذ عبد الكريم الكابلي .. وروح صحبو الراحل محمد شعفوفة
يا ود المنسي : اسبر لينا غور ذلك الموقف النبيل المليان بالدلالات و المعاني .. موقف المك نمر لمن استجار بيهو طه الضرير .. آناء عهود تلك الصراعات الدامية عند سهل البطانة و ضفاف نهر عطبرة : صراع الشكرية و البطحانين
كسرة اولى :
ارسلت لنا حليفة الصون .. الشايلة هم البوست دا شمعة ضواية .. ارسلت لنا نجوى بت عكاشة رمية العبادي (البرنجي) اللي اسمها الجرحو نوسر بي !
.. و معاوية و رغم كونوا هو مسبار الفضاء الغنائي - الاسفيري ، ليهو كم يوم بقول لي : الزولة دي بتجيب الحاجات دى من و ين .. لمني فيها يا الحبيب ..
كسرة تانية :
ياها كسرة الكاشف البقت اغنية كاملة .. انتصار خط ابراهيم الكاشف و من بعدو ابراهيم عوض .. يوم ان تم كسر الرتابة ( المونوفونيا) و إنطلقت الغنائية السودانية ترمح في دروب التجديد .. الايقاع الراقص و الجملة اللحنية الجديدة .. مجهود مبكر بيعود فضلو للرجل جليل القدر : احمد المصطفى بركات
Post: #1728 Title: Re: د / أحمد طراوة ___ فى ندوة عن تاريخ الغناء فى السودان . Author: خالد علي محجوب المنسي Date: 05-15-2008, 08:25 PM Parent: #1727
Quote: و يكاد قول العبادي في جدي العزاز :
" الخِصرو هضيم .. لا جوع لا ضيم ! "
.. يكاد ان يكون من ابلغ و اوجز ما كُتب في شعر النسيب و الغزل السوداني ..
يسرح بنا العبادي في ليالنا التي أختلطت فيها حرارة شموش شندي جوانا بجليد وقُر هنقاري طبعه طبع بناتها يوهن في العضم وينخر ...
جدي العزاز الجيد قزاز ياعزاز أنا نومي خزاز
والله يا طراوة الحال من بعضو وتشابه الحال مع الفارق الزمني بيننا وبين العم العبادي .. نومنا أصبح خزاز
الخصرو هضيم لا جوع لا ضيم خاتي عضيم المالّي الضيم
عليك الله شوف جنس النضمي دا .. مخصّر لكن باقي الجسم متبور باللحم هوووووووووووووووووو الخلا ولع والمطر قلبت من لغادي وجاتنا كو وهوووووووووووووووو تاني
Post: #1729 Title: Re: د / أحمد طراوة ___ فى ندوة عن تاريخ الغناء فى السودان . Author: أحمد طراوه Date: 05-15-2008, 09:08 PM Parent: #1
.. ود المنسي :
جاتك رمية العبادي البرنجي تزحف .. جاتك بروق في بروق و شُهب رجامة .. يجيك بمهل و ينسف الداير .. و كان ما الشي قِسم و انا عقلي مُداير .. ليش عاشق المُدلل بيهو شن داير ! جروحك نوسرت .. حالك ما بنفعو التطمين و لا فقراء كدباس البعرفو الدِين .. و يا دوب قلا نوم العين
.. ومنو دا : الفي لونو تِبر .. الفي صفاهو ما غِبر
يا قراء البوست بنقول ليكم قول العبادي :
" في منامنا و قيامنا .. ليكم مِليونات سلامنا " .. و و الله ما شفت تصريف نحوى اجمل و الطف من مُليونات هذه !!
Post: #1730 Title: Re: د / أحمد طراوة ___ فى ندوة عن تاريخ الغناء فى السودان . Author: محمد عثمان Date: 05-15-2008, 10:03 PM Parent: #1
كسلا...كاابلى
Post: #1731 Title: Re: د / أحمد طراوة ___ فى ندوة عن تاريخ الغناء فى السودان . Author: خالد علي محجوب المنسي Date: 05-15-2008, 10:33 PM Parent: #1730
Quote: ود المنسي :
جاتك رمية العبادي البرنجي تزحف .. جاتك بروق في بروق و شُهب رجامة .. يجيك بمهل و ينسف الداير .. و كان ما الشي قِسم و انا عقلي مُداير .. ليش عاشق المُدلل بيهو شن داير ! جروحك نوسرت .. حالك ما بنفعو التطمين و لا فقراء كدباس البعرفو الدِين .. و يا دوب قلا نوم العين
جرحو نوسر بي غوّر في الضمير فوق قلبي خلف الكي ياناس الله لي
أنا شن جابني ليكم والله ياطراوة بتجيب خبري في باقي الأيام الجاية دي .. ما كت مرتاح في إنجمامتي .. دا كلو من ود موسى قال لي جيب لينا صورة ودالنزيها يوماً ابيض وأسود الجابني ليكم .. أبيض سمعت وقريت وتهت في الجمال والمتعة دي والسواد يايابا أصلي متوّك وغار الجرح في الضمير وفوق قلبي خلف الكي ....
طراوة سوو وتنقد الرهيفة إن شاءالله ما تتلتق
Post: #1732 Title: Re: د / أحمد طراوة ___ فى ندوة عن تاريخ الغناء فى السودان . Author: Osman Musa Date: 05-15-2008, 11:18 PM Parent: #1731
والله يا ود المنسى فرحتنا بيك كبيرة تب بوست صاحبك طراوة جراك جر من بنطون شندى من دار ناس عثمان الشفيع اها جيتك خلت عجاجت البوست دلوكة مكابراب .. الوجع اليقد عين العدو الف شكر يا ود المنسى تحياتى
Post: #1733 Title: Re: د / أحمد طراوة ___ فى ندوة عن تاريخ الغناء فى السودان . Author: Moawia Mohammed Date: 05-16-2008, 03:05 AM Parent: #1
UP
Post: #1734 Title: Re: د / أحمد طراوة ___ فى ندوة عن تاريخ الغناء فى السودان . Author: خالد علي محجوب المنسي Date: 05-16-2008, 06:36 AM Parent: #1733
Quote: اها جيتك خلت عجاجت البوست دلوكة مكابراب .. الوجع اليقد عين العدو الف شكر يا ود المنسى تحياتى
الحبيب عثمان موسى تعرف يعجبني فيك أنك ماسك الزمام تمام وبتعرف تضرب في الوتر الحي تمام
تعرف أهلك المكابراب ديل ناس عجبين خلاااااس قالوا المكابرابي لما يدور الشر بتمسح بزيت سمسم وأجر عنقريبو الهبابي وإختو في نص الطريق .. أها كان جيت بي جنبو أقوم عليك وإنشبك فيك إقول ليك كتحتني بالتراب.. وإن مشيت منو بي بعيد يلحقك أقول بتخلي لي الدرب مالي فوقي جزام ... هم زي ( بيضة أم كيكي ) كما قال الشاعر الجميل فضيلي جماع كان وقعت في عينك وشلتها أمك بتموت وكان خليتا أبوك بموت.
عاطر تحياتي ودموسى
Post: #1735 Title: Re: د / أحمد طراوة ___ فى ندوة عن تاريخ الغناء فى السودان . Author: أحمد طراوه Date: 05-16-2008, 05:25 PM Parent: #1
[B]... اها بقينا في وكر الدود الوعر الدود القر قر للعقاب دراج اسد بيشا المُكرمت .. القمزاتو متطابقات الاسد المربعن فوق جبال قري .. نتراتو الفي بارا مسموعة في بُري اب رسوة البكر .. الحجر شراب ستيت
غنا الحماسة ، الشكرة و المناحة
اسد السودان القديم ! سودان المشيخات السنارية سودان الدواس و الحوبة و ام لبوس .. وهج التاريخ و لحظة انبثاق و تشكُل فئات البرجوازية التجارية في إحشاء علاقات الاقطاع - القبلي السوداني .. صراع التوسع في الاراضى و استحواذ الفائض الاقتصادى و الامساك بمعابر و مسارات تجارة سن الفيل ، ريش النعام ، و للاسف تجارة الرقيق !! شوفو كتاب ريتشارد هل عن ذاك السودان ترجمة عبد العظيم عكاشة .. شوفو كتاب نقد عن الرق
Post: #1736 Title: Re: د / أحمد طراوة ___ فى ندوة عن تاريخ الغناء فى السودان . Author: Osman Musa Date: 05-16-2008, 05:45 PM Parent: #1735
الليلة طراوة جاب ليكم الأسد زاتو أسد شبعان . ياهو الأسد أبو اضان مشرومه من الكتال .. عليكم الله فى أجمل من البلد دى ؟ بلد الأسد يعيش فيها فى امان والمزارع على جرف النيل لايحمل خلاف السلوكه والتيراب .. ده السودان من سنة 6 كل ما تضيق تفرج تانى وتفتح نفافيج التعافى والتصافى والتصالح ..
Post: #1737 Title: Re: د / أحمد طراوة ___ فى ندوة عن تاريخ الغناء فى السودان . Author: خالد علي محجوب المنسي Date: 05-16-2008, 06:23 PM Parent: #1736
Quote: اها بقينا في وكر الدود الوعر الدود القر قر للعقاب دراج اسد بيشا المُكرمت .. القمزاتو متطابقات الاسد المربعن فوق جبال قري .. نتراتو الفي بارا مسموعة في بُري اب رسوة البكر .. الحجر شراب ستيت
الحبيبان طراوة وود موسى جيتكم الليلة بي عقابي أغاني التركية السابقة كما يحلو لاستاذ الأجيال الكابلي تسميتها. وأغاني الحقيبة نجد فيها الكم الهائل من مفردات ندر استخدامها في زمنا الحالي وأخرى صعبة .. سألت في مرة فنان من الشباب وأعرفه جيد ولي معه علاقة طيبة وإلا ما وجدت لذاك السؤال سبيلا يتغنى بأغنية الموز روى وقايم سوا ... عن بعض معاني مفردات الأغنية فرد علي والله ما بعرفها كلها .. ( يَطرب ويِطرب بها قلة يفهموها وغالبية معه في الهوى سواء ) فليتنا نتطرق يا طراوة وموسى لمعاني بعض المفردات ولأسماء التي اندثرت. حتى تفهم اجيال اليوم غناء أهلهم صاح ... وما بيع كسيت نانسي عجرم في السودان إلا بسبب شُح في الجديد وصعوبة فهم القديم ... فهلا توافقاني الرأي
Post: #1738 Title: Re: د / أحمد طراوة ___ فى ندوة عن تاريخ الغناء فى السودان . Author: Moawia Mohammed Date: 05-17-2008, 02:04 AM Parent: #1
UP
Post: #1739 Title: Re: د / أحمد طراوة ___ فى ندوة عن تاريخ الغناء فى السودان . Author: أحمد طراوه Date: 05-17-2008, 10:29 AM Parent: #1
سحلية ما بتبلع دقر .. و سخيل ما بناطح بقر
" الليلة الدود قرقر .. وحبس الدرب "
حكمة يا ابراهيم !
الي روح الرجل رقيق الحال
" الطيب محمد الطيب و محمد شعفوفة " .. سابري اغوار الادب و الثقافة الشعبية
عبد الكريم الكابلي :
مدرسة الغناء الاوركسترالي التانية .. المدى الزمني الغنائي
1940 ----------- 1970
Post: #1740 Title: Re: د / أحمد طراوة ___ فى ندوة عن تاريخ الغناء فى السودان . Author: نورالدين بابكر بدري Date: 05-17-2008, 02:08 PM Parent: #1739
تحايا نواضر
بعد الدواس القوي والرجالة والحماس المتفرد
هاكم مطلع الحنان دا
بس تموه لينا يا د طراوة
شوف يا حبيب محبوبي أين اليوم نزل حين احتجب بي حسنو عن طرفي اعتزل
ولكم ودي
Post: #1741 Title: Re: د / أحمد طراوة ___ فى ندوة عن تاريخ الغناء فى السودان . Author: Amira Osman Date: 05-17-2008, 05:51 PM Parent: #1
يالله...ما اجمل ان تظل رايه هذا البوست عاليه رغم كل شيء، رغم القتل والحقد و الدمار
Post: #1742 Title: Re: د / أحمد طراوة ___ فى ندوة عن تاريخ الغناء فى السودان . Author: Osman Musa Date: 05-17-2008, 06:19 PM Parent: #1741
الحق يازول الدود .. الدود يازول تب حجر الدرب .. الكابلى صوت الكابلى كما جبال حضرموت نازل طالع طالع نازل .. النزول والطلوع فى الغناء ده يا أستاذ الموصلى عندكم اسمو شنو ؟؟؟ الدلوكة لمان تتعتع بتسموها شنو؟؟ قنج الدلاليك فى الموسيقى عندكم اسمو شنو ؟ كابلى فى الدود قرقر هنا جاب دلوكة المكنية التقيلة .. يازول الدود قرقر ..
Post: #1743 Title: Re: د / أحمد طراوة ___ فى ندوة عن تاريخ الغناء فى السودان . Author: أحمد طراوه Date: 05-17-2008, 07:24 PM Parent: #1
ومن يوم بدأ اسماعيل سيد الربابة غناهو القديم الاول في القرن السادس عشر (قبل 500 سنة) ، من ذاك الحين جات حكومات و مشت ، تجاسرت قوى الشر و الجنون لكنها تلاشت و إنكشحت .. قامت حروب و محن لكن إنقشع و زال نحسها و جنونا
" كلوا مشى و قعد الغنا ، نما و فرهد و تطور و سار !
و إن كان الدراما ( إلياذة هوميروس ، و جحيم دانتي ) هي روح الاغاريق .. و إن كان نثر شكسبير هو روح السلت و الانجلو - ساكسون .. فإن روح شعب السودان هو :
" الغناء " !! ..
روح شعب السودان و حِراكو الاجتماعي - الاقتصادي اللي تمظهر تاريخيا هو الغناء
روح شعب السودان قاعدة في غنا احمد ود بعشوم القديم .. و غنا المدرسة الفنية الاولى و التانية
سعيدين بزيارة اميرة ، و نور الدين .. و تاني بقول ليك يا اميرة : اول مرة اسمع صوت سرور بوضوح : كان في شريط مسجل منسوخ لاسطوانات الفحم بتاعت اوديون و ميشان ، اداني ليهو ابو اولادك محمد سليمان في نهاية 1981
.. و حنعود لاغنية نور الدين التى تفيض رقة !
و لانزال في حوبة كابلي .. زرة اسد جبل موية الاسد اب رسوة النازل من هضبة الحبشة و حابس سقاية البهايم في بحر ستيت و عطبرة ..
Post: #1744 Title: Re: د / أحمد طراوة ___ فى ندوة عن تاريخ الغناء فى السودان . Author: Moawia Mohammed Date: 05-17-2008, 08:18 PM Parent: #1
الجنزير في النجوم - كابلي
Post: #1745 Title: Re: د / أحمد طراوة ___ فى ندوة عن تاريخ الغناء فى السودان . Author: Moawia Mohammed Date: 05-17-2008, 08:22 PM Parent: #1
الواعي ما بوصوا - بادي
Post: #1746 Title: Re: د / أحمد طراوة ___ فى ندوة عن تاريخ الغناء فى السودان . Author: Moawia Mohammed Date: 05-17-2008, 08:25 PM Parent: #1
المدفع الرزام - بادي
Post: #1747 Title: Re: د / أحمد طراوة ___ فى ندوة عن تاريخ الغناء فى السودان . Author: Moawia Mohammed Date: 05-17-2008, 08:41 PM Parent: #1
بتريد اللطام - بادي
Post: #1748 Title: Re: د / أحمد طراوة ___ فى ندوة عن تاريخ الغناء فى السودان . Author: Moawia Mohammed Date: 05-17-2008, 08:47 PM Parent: #1
السر عبد الله , وهبه , سرور , ...... يلا يا د. طراوه والجماعة ورونا الباقين ديل منو
Post: #1749 Title: Re: د / أحمد طراوة ___ فى ندوة عن تاريخ الغناء فى السودان . Author: Moawia Mohammed Date: 05-17-2008, 08:50 PM Parent: #1
الكابلي و محمدية
Post: #1750 Title: Re: د / أحمد طراوة ___ فى ندوة عن تاريخ الغناء فى السودان . Author: Moawia Mohammed Date: 05-17-2008, 08:55 PM Parent: #1
من هؤلاء ؟
Post: #1751 Title: Re: د / أحمد طراوة ___ فى ندوة عن تاريخ الغناء فى السودان . Author: خالد علي محجوب المنسي Date: 05-17-2008, 10:11 PM Parent: #1750
الأخ معاوية تحية طيبة سلااااام
بوريك العرفتهم من الصورة
جلوس عازف الكمان الموهوب محمدية وعازف الأكورديون ودالحاوي والملحن المعروف ومطرب صوته شجي الصف الأول وقوف الأعلامي والوزير السابق علي شمو عازف الكمان عليه رحمة من الله علي ميرغني الفنان العملاق أبوعفان عثمان حسين السنجك الرئيس أسماعيل الأزهري عليه رحمة الله ماعرفتو الفنان القامة محمد وردي اعتقد البعدو ولا اقول احسن ما اشرع ساااكت الباقين والله ماعرفت فيهم ولا زول
Post: #1752 Title: Re: د / أحمد طراوة ___ فى ندوة عن تاريخ الغناء فى السودان . Author: أحمد طراوه Date: 05-17-2008, 10:31 PM Parent: #1
و معاوية و معاهو ود عثمان ياهم الوافر ضراعو .. أمنتو الرسول ، و امانة بوست الغنا كمان
.. زخم صور و موتيفات من ذلك الماضي النير الجميل .. كلها مداخل لرصد تاريخنا الغنائي و مواصلة الحكي ..
بادي حبيبنا علي خط غنا الحماسة سيرة ود حبوبة .. في غنا رُقية اختو
و عمر البنا .. اخو آمنة يوم عركة تمساح العشاري في بحر ازرق .. قصة عود الكليت القربت تجيب خبروا .. و مع ذلك قال عمر البنا : بتعرفني ام خدود و انا بعرف الفيها .. النار ولعت بأيدي بطفيها
.. ودا زول امدرمان ماركة ناس علي المك و الهادي نصر الدين .. دا محجوب خال العيال .. خليفة السيد علي .. و ملك رواية الغنا و المجتمع الامدرماني .. حيكون معانا من الليلة علي مِحور قصص التنقاري و عشة الفلاتية ، قصص عمر البنا و عبد الرحمن الريح .. ذكريات شارع الشوام و القِصيرية في سوق امدرمان القديم .. قصة الغنا الاول
.. و لازال كابلي يحلحل و يفكفك او ثقتنا ، و يداوي جراحنا بذاك الرحيق الكسلاوي .. يوم إشراق شموس الوجد و جمال الصُحبة .. شكرا محمد عثمان علي اغنية : نضر الله وجه ذاك الساقي
Post: #1753 Title: Re: د / أحمد طراوة ___ فى ندوة عن تاريخ الغناء فى السودان . Author: Moawia Mohammed Date: 05-18-2008, 03:50 AM Parent: #1
البشيل فوق الدبر - كابلي
Post: #1754 Title: Re: د / أحمد طراوة ___ فى ندوة عن تاريخ الغناء فى السودان . Author: محمد عثمان Date: 05-18-2008, 07:59 AM Parent: #1
فلااااش بااااك
من ايااام الزمن الجميل.. لن افصح عن الاغنية...!!!
اول نسمع...و نواااصل مع دكتور طراااوة؟؟
Post: #1755 Title: Re: د / أحمد طراوة ___ فى ندوة عن تاريخ الغناء فى السودان . Author: Moawia Mohammed Date: 05-18-2008, 10:44 AM Parent: #1
Quote: الباقين والله ماعرفت فيهم ولا زول
الأخ خالد سلامات
أنا زاتي زيك واحد
غايتو ننتظر يجي زول قديم يورينا
Post: #1756 Title: Re: د / أحمد طراوة ___ فى ندوة عن تاريخ الغناء فى السودان . Author: Osman Musa Date: 05-18-2008, 03:36 PM Parent: #1755
العزيز جدا معاويه سلام من زمان الصور دى داسيها لى شنو ؟ الف شكر عليك الله حاول وضع صور رحلات الفنانيين لمصر ولبنان .. كل الصور العندك ضرورى وكل صور الشعراء تحياتى
Post: #1757 Title: Re: د / أحمد طراوة ___ فى ندوة عن تاريخ الغناء فى السودان . Author: أحمد طراوه Date: 05-18-2008, 05:32 PM Parent: #1
البِنية زهرة السوسن (يا سوسنة كلِك سنا) شكرا يا ود عثمان .. هدية من إيدك مقبولة النغم الجاي من عاصمة الجزيرة الخضراء ثنائي الجزيرة علي درب الكاشف ، و محجوب عثمان .. ذاك الميلودي الجميل : حنا علينا و انعم لما لقانا سلم !
.. الكابلي علي خط الحماسة و المناحات القديمة .. عمر البنا بمدفعوا الرزام و نيرانو المولعة
فكها يا معاوية .. و النار و لعا
Post: #1758 Title: Re: د / أحمد طراوة ___ فى ندوة عن تاريخ الغناء فى السودان . Author: Moawia Mohammed Date: 05-18-2008, 06:15 PM Parent: #1
UP
Post: #1760 Title: Re: د / أحمد طراوة ___ فى ندوة عن تاريخ الغناء فى السودان . Author: Osman Musa Date: 05-18-2008, 07:45 PM Parent: #1758
ولعا شعللها
Post: #1759 Title: Re: د / أحمد طراوة ___ فى ندوة عن تاريخ الغناء فى السودان . Author: أحمد طراوه Date: 05-18-2008, 07:44 PM Parent: #1
.. المجموعة الغنائية الاولى بتاعت سرور في نهاية العشرينات من القرن الماضى كانت بتضم ناس فضلهم كبير علي مسار و تطور الغناء السوداني .. ناس سجلوا إسمهم باحرف من نور في صفحات تاريخ السودان :
* عطا محمد المشهور بسنجر .. كان طنباري و واصل مع سرور علي درب الغنا الجديد
* احمد حسن محمد ، و عبد الرؤوف عطية .. و عبد الرؤوف ضمن الناس المشوا مع سرور مصر لتسجيل اسطوانة 1932 الاولى و دي نفس الرحلة اللي رافق فيها سرور كل من كرومة و الامين برهان
* و ضمن فرقة سرور كان في بشير سليمان ، و عبد العزيز المامون ، اخو ميرغني المامون .. و دا كان في بداية العشرينات ذو نجومية عالية ، كان فنان امدرمان الاول قبل سرور .. لكن سرور كان صاعد بسرعة 7 ماخ
* سرور جاب معاهو مبكرا وهبة محمد سعيد (والد بشرى وهبة) علي الاكورديون و جاب السر عبد الله عازف الكمان السوداني الاول .. وديل واضحين في الصورة
للحق يا معاوية .. و انصافا للتاريخ و الناس الكرام ديك ما بنقدر نقول هل دا عبد العزيز ام عبد الرؤوف ام سنجر ، لانو نحنا ما شفناهم ! و غالبا الاتنين التانين هم ليسوا كرومة ولا الامين برهان .. بس لاحقا بنقدر نفرز الصورة دي علي نحو صاح
Post: #1761 Title: Re: د / أحمد طراوة ___ فى ندوة عن تاريخ الغناء فى السودان . Author: أحمد طراوه Date: 05-19-2008, 03:54 AM Parent: #1
ُمُدفع الرزام .. وهي بالاساس بعض من ابيات ملحمة الحماسة The Fervor Epic الشهيرة (اخوان آمنة) .. شعر عمر البنا
عمر البنا فارس ، و زول بادية ، و ثيق الصلة ببيئة و تاريخ البطانة .. و متشرب تقاليد قبيلتو ( الشكرية ) .. مهم جدا تسجيل اثر تاريخ المعارك و وطأة الدواس الخاضوهو الشكرية في سبيل الا نعتاق من قبضة المركز السناري و هيمنة سلاطين الفونج و وزرائهم من العنج ..
وصف شاعر الحماسة ، الشكري يوسف ود عبشبيش تلك البطانة المتوترة و مشحونة بوقائع الدواس قائلا:
و عمر البنا ايضا علي نهج ابناء عمومتو من ذلك الرعيل الشكري ( ود قلبوس و معاهو ود حسوب الطرقابي ) طلائع حوبات الحماسة و دولات ام لبوس و الكر و الفر .. تلك الحروب اللي إنتهت بامساك و تملك الشيخ عوض الكريم ابو سن للبطانة وفقا للوثيقة الصادرة من بادي ود دكين في 1206
قال ود حسوب في وصف أب علي فارس الشكرية يوم النزال و العركة :
حسع شفتو فوق ضهر الحصان بتلتت و لصفي الدم علي دقنو المليحة اتشتت جبل الموسم الفوقو القبائل ختت اكان ماهو حضر قوم ناس خميس ما انسكت
.. حقا يا شيخنا عمر : من زمنا قديم صوت النحاس قحا .. الفارس برز و الخايف اتنحي
بنلاقيكم يا ود المنسي نواحي ريرة ,, مانا قاعدين فراجا ... شوقنا ، هجعتنا و رجعتنا لناس زندو و عاجا
Post: #1762 Title: Re: د / أحمد طراوة ___ فى ندوة عن تاريخ الغناء فى السودان . Author: أحمد طراوه Date: 05-19-2008, 05:13 AM Parent: #1
شعر المناحة The Wailing Poetry
.. وتزدان و تبهرج مسيرة الغناء و الادب الشعبي بتلك الثلاثية :
* البشيل فوق الدبر ما بميل * غرار العبوس دار الكمال و نقاص * لواي سلسلن قاهرا بلا تحنيس
.. مناحة العمدة ابو جديري .. راجل كلي
يا عثمان : بناتكم غزيرات ديس .. حزنانات عليهو بالدمعة و التجريس .. احي عليهو المن قلبو طرد ابليس
Post: #1763 Title: Re: د / أحمد طراوة ___ فى ندوة عن تاريخ الغناء فى السودان . Author: محمد عثمان Date: 05-19-2008, 09:20 AM Parent: #1762
Quote: مناحة العمدة ابو جديري .. راجل كلي
يا عثمان : بناتكم غزيرات ديس .. حزنانات عليهو بالدمعة و التجريس .. احي عليهو المن قلبو طرد ابليس
تسجيل اخر...
Post: #1764 Title: Re: د / أحمد طراوة ___ فى ندوة عن تاريخ الغناء فى السودان . Author: أحمد طراوه Date: 05-19-2008, 10:08 AM Parent: #1
شكرا يا محمد عثمان .. بالحيل سمح تسجيل اللحو التاني !
.. يا ود المنسي .. بوست تاريخ الغنا دا خيلو دفرن و جقلبن و حلفن يقيفن ميس ,, و دحين كيف المخارجة من حوبة و عركة دار جعل ؟ !
يا معاوية : وينا صورة الزول البريد اللطام ؟ الزول عقِد الحديد للحلبي - الخواجة ما بنفك .. الشقا الجِسر و حارس مشارع الحق .. صورة ود حبوبة قبل الشنق .. شنقة اب كريك في السوق !
شغلا يا معاوية : بتريد اللطام اسد الكدادة الزام
Post: #1765 Title: Re: د / أحمد طراوة ___ فى ندوة عن تاريخ الغناء فى السودان . Author: أحمد طراوه Date: 05-19-2008, 10:44 AM Parent: #1
و في وسط معمعان و هزيم الحماسة و الدواس .. في قلب وطيس و نيران الحرب ام لبوس بنقيف ! نستدعي ، و نطرى و نسترق السمع لذاك الصوت الشجي ، وذاك النقرزان القديم الضارب في شغاف القلب
قمرنا البيهو متآنسون .. عظيم كالمال حلو كالبنون !
.. كان سيد عبد العزيز بليغا بحق .. صورتو الشعرية فريدة .. و تعابيرو شديدة الجزالة !
الحان كرومة .. بنهديها الي ذاك النفر الكريم من جماعة العارفين بدقائق و تفاصيل الغناء .. فمنهم توفرت لنا خيوط المعلومة و مداخل المعرفة .. الي :
* المهندس العريق : مختار التجاني علي * الدكتور الموثق : الحاج سالم مصطفي * المهندس الصفي الحبيب : حسن عبد الرحمن العوض
مودتنا لكم تجري مجري البسفور .. عسي ان نلتقيكم في في تلك الديار اللتي تعرفنا و نعرفها .. عبرك يا مختار سلامنا يعبر و يصل دولة الامارات لصديقك موسوعة الغناء المهندس الرفيع : مامون عبد الله عثمان .. لكم العوافي و ما تبقي من خير السودان .. انتم يا جيل الستينات الزاهية تلك
" اسمعوا بالله : غنى القمري علي الغصون "
الزول البطران مما نُشي .. وجه القمرة يشبه و شيّ .. فريد عصرو الما متلو شي !!
Post: #1766 Title: Re: د / أحمد طراوة ___ فى ندوة عن تاريخ الغناء فى السودان . Author: Moawia Mohammed Date: 05-19-2008, 12:04 PM Parent: #1
Post: #1767 Title: Re: د / أحمد طراوة ___ فى ندوة عن تاريخ الغناء فى السودان . Author: Moawia Mohammed Date: 05-19-2008, 07:25 PM Parent: #1
UP
Post: #1768 Title: Re: د / أحمد طراوة ___ فى ندوة عن تاريخ الغناء فى السودان . Author: أحمد طراوه Date: 05-19-2008, 08:56 PM Parent: #1
.. لو جات بالمُراد و اليمين مطلوق .. .. ما كان اب كريك بتشنق في السوق ..
.. ما كان محجوب خال العيال بمرق من بيت المال من جوف و عمق امدرمان و بنجدع فيما وراء بلاد فاس الما بعدها ناس .. رمية ما وراء الاطلنطي .. في فيرجينا دار اليانكي
.. و نبدأ نشر كلام محجوب خال العيال ، بكل ما فبهو من رشاقة و معاني و جماليات .. هوى بيت المال و امدرمان الما إنفشا .. اذكرونا ولو بقشة ..
نبدا ببيت المال .. و نصل لقصص التنقاري و عمر البنا و الرحمة مكي ، و عشة الفلاتية و عبد العليم اخو زوجة عبد الرحمن الريح .. شارع الشوام و مِحن موسى ود نفاش .. إنها للحق (مدينة من تراب) كما رسمها علي المك في خيالو الفسيح الناهض بالذكاء و الالمعية
Post: #1769 Title: Re: د / أحمد طراوة ___ فى ندوة عن تاريخ الغناء فى السودان . Author: خالد علي محجوب المنسي Date: 05-19-2008, 10:16 PM Parent: #1768
يا سلام يا يا طراوة رسالة محجوب خال العيال هاجت الذكريات أياماً قضينها بين ربوع ودالبنا وبيت المال
ولا يفوتني أن أذكر النعيم بكراوي .. دكاكين الطاهر .. جمال خال العيال .. حبيب الله محمد .. جاد السيد ..
لك التحية محجوب خال العيال ونحن الانتظار لسماع أخبار أهل ذاك الحي الرائع والتنقاري و عمر البنا و الرحمة مكي ، و عشة الفلاتية و عبد العليم اخو زوجة عبد الرحمن الريح .. شارع الشوام و مِحن موسى ود نفاش ..
Post: #1770 Title: Re: د / أحمد طراوة ___ فى ندوة عن تاريخ الغناء فى السودان . Author: Osman Musa Date: 05-20-2008, 01:59 AM Parent: #1769
( ياود المنسى شنق اب كريق فى السوق ) شنق وانطلقت عاصفة غناء الحماسه .. من هناك .. لك المجد يا اب كريق لك المجد يا نمر لك المجد يا أبوجديرى لك المجد يا جدى موسى أحمد ضو
Post: #1771 Title: Re: د / أحمد طراوة ___ فى ندوة عن تاريخ الغناء فى السودان . Author: أحمد طراوه Date: 05-20-2008, 02:15 AM Parent: #1
.. يا ود المنسي : إنت من ناس الطريق الشاقيهو الترام ! .. و الله تب إنت زولنا !
و نحنا علي قولة كابلي :
.. دروب امدر لبيت المال .. جنان توتي ام خدارن شال .. و بقينا بُعاد .. و الغربة اقسى نضال !
.. و نسمع رملتنا بيضا .. قعدة ناس ابوعلي في سفاى توتي المقابل شارع النيل :
بين بحرين يلاك نزورا .. نهدي الحبايب كاس كاسين .. و نهدي حورا
Post: #1772 Title: Re: د / أحمد طراوة ___ فى ندوة عن تاريخ الغناء فى السودان . Author: أحمد طراوه Date: 05-20-2008, 02:41 AM Parent: #1
تلك الرمال البيضاء بساحل توتي النيلي خرطوم السعد ..
جلسة ناس عبد المنعم عبد الحي .. و فؤاد عمر ذاك الاعلامي المصري المجبول بحب السودان و غنا السودان
.. باهداء خاص الي :
* رضا محي الدين البرير * مختار التجاني علي * محمد عبد الله فرح رمرم * معتصم قرشي محمد جامع * امين حسن قيلي
و كل متابعي بوست الغناء من اعزاؤنا بالداخل
Post: #1773 Title: Re: د / أحمد طراوة ___ فى ندوة عن تاريخ الغناء فى السودان . Author: Moawia Mohammed Date: 05-20-2008, 07:46 AM Parent: #1
UP
Post: #1774 Title: Re: د / أحمد طراوة ___ فى ندوة عن تاريخ الغناء فى السودان . Author: أحمد طراوه Date: 05-20-2008, 09:11 AM Parent: #1
.. ترقص بنات الحور .. يُمنة و شمالا
كتب عبد المنعم عبد الحي تلك الغنائية الشجية النشوانة .. كتبا تحت تاثير سحر وجمال شاطىء توتي النيلي - الرملي ..
ألامير / حسن عطية .. كان فتى الخرطوم المشرق و فارس العود ذاك الحين .. كانوا فوارس ، هو و (الهاوي) حسن سليمان ابو علي ، عمل جملة لحنية بعيدة المدى الجمالي و ذات تراكيب موسيقية غير عادية .. لكنها بالضبط ظلت جُملة المقام الخماسي السوداني
رونق اغنية الرملة بيضا بيكمن في ايقاع الرمبا ايقاع جاليات الخرطوم القديمة .. ابو علي و احمد المصطفي كانوا اساطين الرمبا .. ذاك الايقاع عالي التطريب
الهاوي .. هو اللي جاب لابوعلي كلمات تلك الكسرة اللي اسمها ( يا زول انا قلبي حباك ) و عملوا مع بعض اللحن علي شريعة اولاد الخرطوم القديمة .. و الاتنين اتعلموا العود علي يد عبد القادر سليمان ، اخو الهاوي الكبير ..
نجوى بت عكاشة لقت لينا ( كسرة ) اولاد الخرطوم :
اشعلت لي ناري .. جددتو تذكاري .. و انا ليك دوام طاري
Post: #1775 Title: Re: د / أحمد طراوة ___ فى ندوة عن تاريخ الغناء فى السودان . Author: محمد عثمان Date: 05-20-2008, 11:03 AM Parent: #1774
Quote: رونق اغنية الرملة بيضا بيكمن في ايقاع الرمبا ايقاع جاليات الخرطوم القديمة .. ابو علي و احمد المصطفي كانوا اساطين الرمبا .. ذاك الايقاع عالي التطريب
رملتنا بيضا..ابو على
Post: #1776 Title: Re: د / أحمد طراوة ___ فى ندوة عن تاريخ الغناء فى السودان . Author: أحمد طراوه Date: 05-20-2008, 11:56 AM Parent: #1
.. يا زول انا قلبي حباك !
كتبا حسن سليمان الهاوي الحان و غناء الامير/ حسن عطية تفانين اولاد الخرطوم القديمة عود خليل فرح ، و اولاد تميم و اولاد بني .. العود اللي ادوزن علي النهج الخماسي . . مجاهدات إنعتاق عود السودان من إسار التخت العربي
.. و برضو سرور شال كلمات عبيد عبد الرحمن (اسمعتو تغريدي ) لحنا بنفسو ، و اداها لحسن عطية
,, و برضو كابلي شال كلمات السر دوليب ( في الملامح عربي و في الجمال سوداني ) اداها لبشير عباس لحنا ، و قدموها معا هدية للامير / ابو علي
.. و كلما نسمع مقطوعة بشير عباس الفريدة ( يا تري ؟ ! ) بنصدق ، و نآمن بانو نفحات عود حسن عمر سوميت و اسماعيل عبد المعين لا تزال باقية تظلل مسار الالحان و الموسيقا السودانية .. انه سر العود القديم .. سر عجيب غلبنا نحلوا ( كما يقول اسماعيل عبد المعين في إغنيتو تلك ) .. يا معاوية بالله جيبا تاني ، رحلا في صفحة 18 هنا ..
.. و حنظل حافظين افضال بشير عباس .. و تأثيرو الكبير و بصماتو الواضحة في مسار مدرسة الغناء الاوركسترالي التانية .. سلامنا و مودتنا لبشير عباس و كل اطراف الاسرة الكريمة الكبيرة في الحلفاية ( سلام خاص لا سماء حمزة ست العود الاول القديم ) ، و الاهل في ود البنا و في المهجر الكندي .. دامت عليك العوافي يا بشير عباس
Post: #1777 Title: Re: د / أحمد طراوة ___ فى ندوة عن تاريخ الغناء فى السودان . Author: Osman Musa Date: 05-20-2008, 03:05 PM Parent: #1776
الطيب سمح بالحيل لا تيأس يا شعب السودان لا يستطيع هذا الظلام أن يحول دون طلوع الشمس .. الطيب سمح بالحيل قصائد تحمل الوعد والفرح والربيع وتطارد القحط ....
Post: #1778 Title: Re: د / أحمد طراوة ___ فى ندوة عن تاريخ الغناء فى السودان . Author: أحمد طراوه Date: 05-20-2008, 07:35 PM Parent: #1
رملتنا بيضا .. و بنسقي الحبايب كاس كاسين ! ودا اصلا هدف بوست تاريخ الغنا .. الإنجمامة و الهجة و مداواة انواء الزمن العصيب معتصمين بجمال ذاك التاريخ .. التاريخ المنو بنستمد الامل في باكر .. عودة سودان السعد .. دولة القانون و الحريات .. رد الحقوق و رفع المظالم في الجهات الاربعة
.. اغنيتك واضحة و سمحة يا محمد عثمان و كاسات ابو علي تلجها كشكشتو واضحة .. وزي ما بقولو : القوي دا من وين ؟!
من مُرسلات بت عكاشة الشايلة معاكم يا معاوية هم البوست ، و صلتنا مقطوعة (يا ترى) .. عود بشير عباس و صوت هادية طلسم .. ذاك الصوت الالطو الشايل نكهة فاطمة الحاج و مهلة العبادية
.. بشير عباس مدرسة خاصة في إبراز العلاقات الجوانية للاوتار الخمسة
.. حنواصل مع الخليفة الختمي النوراني : محجوب خال العيال بعد ما وصلنا منو المكتوب التاني .. و ليهو بنهدي اغنية فنانو الاثير المفضل : الراحل محمد احمد عوض
" إنت ما تغربتا مرة و لا قضيت الليل مُساهر ! "
Post: #1779 Title: Re: د / أحمد طراوة ___ فى ندوة عن تاريخ الغناء فى السودان . Author: أحمد طراوه Date: 05-20-2008, 08:16 PM Parent: #1
.. مناحة حكامة شرق النيل !
رمت قولتا في كريم الاصل .. اليوم موتو انكسر المرق و إتشتت الرصاص .. و إتهد الركن الكان بلم الناس
.. الزول سيد الساقية و الساوية البي ريضا !
.. و الساوية يا ود المنسي ظنيتا الارص وافرة الخير
" الطيب ود العبيد ود بدر .. اخو سيدي حسب الرسول زول مدحة (الكان دا كان داكا)
.. سمحة عند خلف الله حمد "
البشيل فوق الدبر : دي المناحة اللي فيها شرق النيل رمت قفاز التحدي في و جه طنابرة ام درمان ..
.. يا معاوية : فكوا لينا الحسن حسن السرور .. فكوه صاقعة النهار .. الجلة البارودا نار
كابلي علي خط الحماسة
Post: #1780 Title: Re: د / أحمد طراوة ___ فى ندوة عن تاريخ الغناء فى السودان . Author: Osman Musa Date: 05-20-2008, 10:22 PM Parent: #1779
البشيل فوق الدبر ما بميل
يا ود المنسى اها ده نوع الغناء البخلى الواحد يشوف اكبر عكاز سلم ويكسرو فوق كراعو قدام الناس .. مو عكاز طرور ساكت .. عكاز سلم .. هو عكاز السلم فى حضرة البشيل فوق الدبر يعنى كتير ؟؟؟ لا . والف لا ... أخوانى عليكم الله لو مته اوصيكم ببوست تاريخ الغناء أن لا يميل وأن يعلو وأن يساعد فى مسح القبيح وأن يكون مثل الطيب السمح بلحيل ... يشيل فوق الدبر الى أن ينصلح الحال ..
Post: #1781 Title: Re: د / أحمد طراوة ___ فى ندوة عن تاريخ الغناء فى السودان . Author: أحمد طراوه Date: 05-21-2008, 10:26 AM Parent: #1
.. و بنهدي ليك يا المحجوب خال العيال ، إنت و معاك محمود صالح ، و ود الجاك ، و كل ناس دكاكين الطاهر خال العيال الكانو بتلموا في دكان الراحل محمد سينما .. بنهدي ليكم من عيون مدرسة الغناء الشعبي : تفانين زولكم و حبيبكم محمد احمد عوض : إنت ما إتغربت مرة و لا قضيت الليل مساهر !
.. محمد احمد عوض رِباية و سِقاية بيت المال ، و ابو روف , ودكاكين الطاهر .. كان جزار بسكينو و ضراعو في سوق ام سويقو .. سوق بيت المال الشعبي (ام سويقو) القام و إستمرا من زمن سيدي الامام المهدي
محمد احمد عوض مدرسة بابا فاتح في شارع الغنا عشان كدا ترباس بقول انا تعلمت الغنا وراء محمد احمد عوض و فلاح
.. و تتواصل موجات الحكي و الغناء الامدرماني صعودا و هبوطا و يا لسعادة بوست تاريخ الغنا بيك يا المحجوب
.. و صولك يا المحجوب .. حقق لنا الاحلام و يدوم بهاك للنيل .. و لعزة الاسلام
و ياهو زمن الربيع حلا .. و ازهارو فرهدت !
قلت لمحجوب في تواصل اثيري : إنت يا عابدين ، عبد العزيز قسم الله البمسك الدمبا وراء محمد احمد عوض و بشيل معاهو .. عبد العزيز دا من وين ؟!
قال لي : يا احمد ، عبد العزيز قسم الله ما خال ناس صلاح عبد الرجال ! إنت عارف امال عبد الرجال الاستاذة ، اخت صلاح زوجة منو ؟ ما زوجة امين زكي بتاع الهلال يا احمد .. !!
لله درك يا محجوب يا ود الخليفة محمد عبد القادر خال العيال ( صاحب القصة الشهيرة مع كرومة ) زي قصة الشيخ قريب الله
يا محجوب يا نوراني .. و الينا بتجليات سيدي الحسن الكبير راجل الجبل .. تجليات الحكي الامدرماني الاثير القديم
Post: #1782 Title: Re: د / أحمد طراوة ___ فى ندوة عن تاريخ الغناء فى السودان . Author: أحمد طراوه Date: 05-21-2008, 10:48 AM Parent: #1
يا ود المنسي :
و طالما كلام محجوب زولك جاب سيرة جليس و سوق السور ، و وزارة المالية بتاعت دولة المهدية ، فنحنا صار لزاما علينا نجيب ليهو (اللحو) علي ايقاع العشرة بلدي في غنية الست / فاطنة خميس :
.. يا بُر يا ابو البتول .. يا جليس يا الساكن السور " يا دمعي اللتشتت .. إتشتت و غلب اللقاط "
.. يا معاوية : ارفعا .. دورا و شغلا كان بالكهرباء كان بالجاز ...
Post: #1783 Title: Re: د / أحمد طراوة ___ فى ندوة عن تاريخ الغناء فى السودان . Author: Osman Musa Date: 05-21-2008, 04:26 PM Parent: #1782
ياود المنسى أولاد حلتك الفرسان ناس عثمان اسكينجو ناس د/ عبدالرحمن والفارس حسن ودالعمده ناس د / عبدالعزيز السنجك الناس ديل كل واحد ماسك عصاتو تحت حنكو ومنتظر الكو . دق يازول النعرض . وحاتك يازول متقريفيين للعرضة .. ... لهم التحيه لهم التحيه
Post: #1784 Title: Re: د / أحمد طراوة ___ فى ندوة عن تاريخ الغناء فى السودان . Author: Moawia Mohammed Date: 05-21-2008, 07:21 PM Parent: #1
انت ما اتغربت مره ولا قضيت الليل مساهر
Post: #1785 Title: Re: د / أحمد طراوة ___ فى ندوة عن تاريخ الغناء فى السودان . Author: Osman Musa Date: 05-21-2008, 07:43 PM Parent: #1784
الشاف عاشق بيبكى منو ؟ الداير يشوف اليجى بوست تاريخ الغناء ده ... له الرحمه الفنان المتفرد محمد أحمد عوض ... الف شكر أستاذ معاويه
Post: #1786 Title: Re: د / أحمد طراوة ___ فى ندوة عن تاريخ الغناء فى السودان . Author: خالد علي محجوب المنسي Date: 05-21-2008, 08:05 PM Parent: #1785
Quote: يا ود المنسي :
و طالما كلام محجوب زولك جاب سيرة جليس و سوق السور
ها طراوة يا زول ها محجوب المبروك ماجاب سيرة جليس وسوق السور وام سويقو وبس دا سيرة أهلي كمان حاج فضل المولى محمد عطرون .. وحبيب الله محمد وأبنه هاشم حبيب الله وجاب سيرة ناس شندي الجميلة .. ناس بكراوي .. والسنهوري .. الصادق الجبلابي .. وهاشم العطا
عيييييييييك أرتع يا المحجوب وتنقد الرهيفة إن شاء الله ما تتلتق
Post: #1787 Title: Re: د / أحمد طراوة ___ فى ندوة عن تاريخ الغناء فى السودان . Author: أحمد طراوه Date: 05-21-2008, 08:27 PM Parent: #1
.. يا قراء بوست تاريخ الغنا :
قوموا خلو الضيق في المداين .. قوموا نادوا عنان و اتباعا وكل شلتو من ناس الاُنس و السمر ، و بالمرة قفلوا حوانيت الباعة .. و تعالوا شوفوا فانتازيا الطرب النضيف !!
" محمد احمد عوض .. و الطيب عبدو .. و عبد العزير قسم الله "
* شوفو ايقاع الدليب في بداية الاغنية * شوفو دخلة الرق في بداية الاغنية
الرق (التامبورين) في السودان .. جابو سرور من الطريقة الاحمدية .. لكن من يوم نزل الرق في ارض النقرزان السوداني ، لم يعد ذاك الرق المصري .. لم يعد ضمن معادلة التخت العربي .. بقى سلاح سوداني اصيل في يد كرومة و ناس محمد احمد عوص و ترباس
.. و الشيالين .. ديل مدرسة قايمة بذاتا .. دا ما شيل و بس .. دي تفانين و لزمات ، و دخلات ، و تقاطعات و غنا كامل
.. و ازيدكم في الحكي بيتين : قلت لمحجوب خال العيال : يا عابدين الزول البشيل مع محمد احمد عوض ، الزول اب شعر سبيبي الما بخت طاقية اصلوا ، الزول دا منم ؟ !
قال لي : يا احمد ، دا ما الطيب عبدو ، الطيب اخو ابارو
و من طريف ما يحكيه محجوب خال العيال
إنو ابارو لمن بقي شيال مع ترباس .. حبوبتو قالت ليهو ، يا ولدي كيف تبقى شيال و تباري الحفلات .. قال ليها يعني الطيب اخوي كان بروفسير في الجامعة ولا كان لواء في الجيش
يا بت عكاشة : ناديناك بالخلفاء الاربعة .. بذات التجلي و شيوخ ام مرحي .. تجيبي لمحجوب اغنية محمد احمد عوض:
" يا فاتن .. حرام مالك مُعذبني ؟ "
Post: #1788 Title: Re: د / أحمد طراوة ___ فى ندوة عن تاريخ الغناء فى السودان . Author: Moawia Mohammed Date: 05-21-2008, 08:50 PM Parent: #1
بروفيسور علي المك
Post: #1789 Title: Re: د / أحمد طراوة ___ فى ندوة عن تاريخ الغناء فى السودان . Author: Moawia Mohammed Date: 05-21-2008, 09:21 PM Parent: #1
في عز الليل - كابلي كلمات : التجاني حاج موسي
Post: #1790 Title: Re: د / أحمد طراوة ___ فى ندوة عن تاريخ الغناء فى السودان . Author: أحمد طراوه Date: 05-21-2008, 09:25 PM Parent: #1
كابلي : في إطار مدرسة الغنا الاوركسترالي التانية
كابلي .. مدرسة خاصة .. لموسقة الادب الشعبي و إعادة طرح ثقافة البوادي .. و الق المدخل الفني لتاريخ البلد بكل تنوعو و جمالو
.. و كمان علي المك : إنها فانتازيا الحكي .. مهنة الغوص في باطن الظواهر و عمق و اطراف الحياة الاجتماعية
قال علي المك في تذكر ابوداؤد :
حقا الكمونية اخت العذارى ! .. فقد كنا علي اطراف سوق الموردة .. قطع علينا الطريق قطيع من الخراف ، فاوقف ابو داؤد السيارة احتراما لهذه الكائنات .. و اعجبه خروف بني اللون فتسمرت عليه عيناه و تمعن في ذاك اللون وذاك الخروف .. و قال لي :
إنه خروف (كموش) يا علي !
شكرا يا معاوية علي صورة صاحب ذلك البرنامج الاذاعي الاثير :
" من اركان الدنيا .. علي المك .. سهير عثمان قوليب "
.. ومن بت عكاشة حنسمع كابلي و ابو داؤد .. لقاء السُحب
.. و باسم بوست تاريخ الغنا .. ناسو ، و قراؤا .. ليك مننا يا بت عكاشة الشكر الجزيل
Post: #1791 Title: Re: د / أحمد طراوة ___ فى ندوة عن تاريخ الغناء فى السودان . Author: Moawia Mohammed Date: 05-21-2008, 09:34 PM Parent: #1
يجلي النظر يا صاحي - عبيد الطيب كلمات : سيد عبد العزيز
Post: #1792 Title: Re: د / أحمد طراوة ___ فى ندوة عن تاريخ الغناء فى السودان . Author: Moawia Mohammed Date: 05-21-2008, 09:40 PM Parent: #1
فراق الزين - حسن عطية
Post: #1793 Title: Re: د / أحمد طراوة ___ فى ندوة عن تاريخ الغناء فى السودان . Author: أحمد طراوه Date: 05-21-2008, 09:51 PM Parent: #1
.. وفى غنا السودان بنلقي الإنشراح و شفى القلوب بعد الإنجراح
ابو داؤد - كابلي .. اولاد بحري بلاك آند وايت .. و تلك الجلاليب اللتي إتقطعت طربا .. و راحت فدى الصحبة و الغنا الجميل
.. الي روح الراحل : توفيق صالح جاويش .. مدخلنا لابوداؤد !
و الي صديقه الصحفي / الشاعر فضل الله محمد .. و كل تلاميذهم علي درب الصحافة الحرة .. الصحافة المقاتلة في الصفوف الامامية لمعركة التحول الديمقراطي
.. كان توفيق جاويش : مدرسة الخبر الصحفي الواصل علي خفقة جناح الفراش مدرسة الحقيقة و الامانة في العمل الصحفي .. الحقيقة كما هي بسيطة و ناصعة .. مدرسة تمليك المعلومة للشعب
.. مثل توفيق جاويش إحدى اهم مداخلنا لفهم غنا السودان و تاريخ مجتمع ام درمان بل و السودان قاطبة ..
Post: #1794 Title: Re: د / أحمد طراوة ___ فى ندوة عن تاريخ الغناء فى السودان . Author: Moawia Mohammed Date: 05-21-2008, 10:48 PM Parent: #1
جزء من حلقات برنامج كتاب الفن الذي قدمه الاذاعي الراحل الأستاذ محمود أبو العزائم مع الفنان الراحل عبد العزيز محمد داؤود والموسيقار الراحل برعي محمد دفع الله.
هدية لروح الهرم الخالد الأستاذ أبو العزائم و لروح الأستاذين أبوداؤود و برعي
ربنا يتقبلهم و يجعل الجنة مثواهم و يكرمهم بقدر ما أثروا وجداننا باعماهم الخالدة
لهم الرحمة و المغفرة أجمعين
Post: #1795 Title: Re: د / أحمد طراوة ___ فى ندوة عن تاريخ الغناء فى السودان . Author: أحمد طراوه Date: 05-21-2008, 11:05 PM Parent: #1
يا محجوب .. يا خليفة : شاحدنك بسيدي الحسن الكبير .. و كمان بالحسن البصري .. و صُهيب الروم و ذا النون المصري ، ترسل لينا الورقة الرابعة سريعا
.. ود المنسي بقى في غربتو دي قاعد علي مِحاياتك و حِجباتك ..
و بت عكاشة لقت ليك اغنية محمد احمد عوض : يا فاتن حرام .. مالك معذبني ؟ ! واصلاك حالا
بت عكاشة برضو رسلت لينا تسجيل نادر : لمسرحية العبادي : المك نمر .. حنطرحا ضمن مقارباتنا لقصة الشعر القومي السوداني .. شعر حسان الحرك ، و شغبة و علي ود محلق .. شعر البوادي
شكرا يا معاوية : انت ، و ود عثمان .. جاتكم بت عكاشة .. و بقيتو لينا زي فيالق الميمنة في جيش المهدي يوم فتح الخرطوم .. في يمين النيل حيث سالك بوست الغنا بقى في اعراف السوابق
Post: #1796 Title: Re: د / أحمد طراوة ___ فى ندوة عن تاريخ الغناء فى السودان . Author: Moawia Mohammed Date: 05-22-2008, 00:15 AM Parent: #1
الشاعر محمد علي أبوقطاطي
Post: #1806 Title: Re: د / أحمد طراوة ___ فى ندوة عن تاريخ الغناء فى السودان . Author: أحمد طراوه Date: 05-22-2008, 07:33 PM Parent: #1796
يا محمد عثمان :
عوافي يا شهبندر الاغاني ، وهدهدنا الذي لا يفتر ..
جانا توجيه من مليكنا سليمان ، بوكالة الجان (شمهروش) بضرورة رفع الاغاني الاتية :
* الظروف يا حلوة دايما .. حمد الريح * الاماني العذبة ,, الراحل خليل اسماعيل .. كلام ابو قطاطي * سوات العاصفة في ساق الشتيل الني .. كلام ابو قطاطي * شالو الكلام .. زادوهو حبة جابوهو ليك .. حمد الريح * عشمتيني انا في حبك ليه .. شعر الكابلي .. غنا محمد احمد عوض با هداء خاص للخليفة النوراني : محجوب خال العيال
Post: #1810 Title: Re: د / أحمد طراوة ___ فى ندوة عن تاريخ الغناء فى السودان . Author: أحمد طراوه Date: 05-22-2008, 08:15 PM Parent: #1806
يا محجوب يا خليفة :
بنهدي ليك صورة شيخنا ود الرضى .. و غناهو المتدفق بالحكمة :
إنعكاس الاحوال كفوني ايضا الايام عرفوني يوم سموما و يوما غمام
Post: #1797 Title: Re: د / أحمد طراوة ___ فى ندوة عن تاريخ الغناء فى السودان . Author: Moawia Mohammed Date: 05-22-2008, 00:17 AM Parent: #1
الفنان الراحل ابراهيم عوض
Post: #1808 Title: Re: د / أحمد طراوة ___ فى ندوة عن تاريخ الغناء فى السودان . Author: أحمد طراوه Date: 05-22-2008, 08:01 PM Parent: #1797
يا عثمان موسى :
.. شنو اخبار معاوية و كل ناس دنفر من صباح الليلة ونحنا بنحاول الاتصال !
.. سيل الوادي المنهر ( الهوريكين ) الزي الباسل بابكر قولة ابراهيم عوض في دروب الشكرة:
غني و شكري الليلة يا السلكوكا .. وجري النم علي و خنقي الدلوكة .. إنت يا الاصم يا الما بشبهوكا
عوافي يا معاوية ، نها ، كمال ، اكرم ، عصمت ، كمال عباس ، عثمان حمدان .. و كل الاحباب في دنفر
إن سلِمتوا فكل الناس قد سلِموا
Post: #1811 Title: Re: د / أحمد طراوة ___ فى ندوة عن تاريخ الغناء فى السودان . Author: أحمد طراوه Date: 05-22-2008, 08:24 PM Parent: #1797
و لمن يبدا الخليفة محجوب إنشاد البُراق الفيهو الشفاعة .. لمن يبدا يمسك اورادو الختمية في نص الليل .. و يوالينا بالحكي عن شارع الشوام .. عن عبد الرحمن الريح و نسيبو عبد العليم .. في تلك اللحظة يا ود عثمان و يا معاوية ، تشغلوا لينا كلام عبد الرحمن غنا ابراهيم عوض :
" .. نفسك ابية ، و روحك لطيفة و فيك جاذبية "
Post: #1813 Title: Re: د / أحمد طراوة ___ فى ندوة عن تاريخ الغناء فى السودان . Author: أحمد طراوه Date: 05-22-2008, 08:38 PM Parent: #1797
و في شتاء 1953 !
طلع ابراهيم عوض علي خشبة مسرح السينما الوطنية بامدرمان ناس د. الفاتح الطاهر كانوا حايمين وسط صفوف الحضور و بقولوا ليهم : الليلة حتسمعوا غناء جديد .. و فنان شكلوا جديد
جاء الفنان الذري .. شعرو السبيبي بتقاذفو هواء امدرمان و نسام عمر البنا .. بدلتو موضة و تسريحتو فلتة .. فكا المايك من عامود السيبا .. و رقص علي ضربة بنقز خميس مقدم اب ثلاثة عيون و قال ليهم :
" حبيبي جنني و غير حالي .. حير فكري ، دا الشغل بالي "
من يوما كسرة الكاشف العملا في قطر الحبيب وين ، بقت غنية كاملة .. عثمان حسين ، ابو داؤد ، و الواعي الهميم احمد المصطفي ، و اتحاد طلاب جامعة الخرطرطوم بتاع ناس الاحمدي و علي المك ، و علي نور الجليل ، و عبد المنعم خليفة .. كل الناس ديل و قفوا مع مشروعية الكسرة في تجديد الغناء
" كانت معركة بين القديم و الجديد "
Post: #1881 Title: Re: د / أحمد طراوة ___ فى ندوة عن تاريخ الغناء فى السودان . Author: Osman Musa Date: 05-29-2008, 08:24 PM Parent: #1813
نتابع
Post: #1814 Title: Re: د / أحمد طراوة ___ فى ندوة عن تاريخ الغناء فى السودان . Author: أحمد طراوه Date: 05-22-2008, 09:25 PM Parent: #1797
.. وكان ابراهيم عوض عبد المجيد
زولا كريم الخصال .. امدرماني النكهة .. مقدام و شجاع .. اياديهو بيضا دون مّن او اذى .. و ماشي غريق في واقع حياة السودان .. و دنيا البسطاء و الغلابة .. و تقاسم مع صديق عمرو دي شايقي ( عبد الهادي و د الشايقي لاعب الهلال و المريخ معا ) ، اتقاسم معاهو ايام ورشة الحِدادة بخيرا و شرها ..
سيرة حياة الفنان الذري عند ملوك الرواية :
* صديق محمد فرح رمرم * دي شايقي ، اخو ابو الريف * الهادي الضلالي * محجوب خال العيال
اركان الحكي الاثير .. في فصول مدهشة .. من رواية الزمن السوداني الجميل
Post: #1798 Title: Re: د / أحمد طراوة ___ فى ندوة عن تاريخ الغناء فى السودان . Author: Moawia Mohammed Date: 05-22-2008, 00:19 AM Parent: #1
الفنان حمد الريح
Post: #1809 Title: Re: د / أحمد طراوة ___ فى ندوة عن تاريخ الغناء فى السودان . Author: أحمد طراوه Date: 05-22-2008, 08:09 PM Parent: #1798
.. و ما إنفكت جزيرة توتي تقذف ساحة الفن بتلك الشُهب و النيازك :
* بر محمد نور .. رِقة المشاعر .. القوافي السندسية في تلك الرملة البيضا * ابراهيم خوجلي : اسمعني نشيدك وريني كمان في الفن تجديدك * حمد الريح : النوم فد ليلة في كل عام .. نوم اليقظة و الاحلام .. عذابات المُحب العاشق ..
في إنتظارك يا عمار محجوب زكي .. وافر سلامنا للاهل
Post: #1799 Title: Re: د / أحمد طراوة ___ فى ندوة عن تاريخ الغناء فى السودان . Author: Moawia Mohammed Date: 05-22-2008, 00:22 AM Parent: #1
الفنان و الشاعر الراحل أحمد محمد الشيخ ( الجاغريو )
Post: #1807 Title: Re: د / أحمد طراوة ___ فى ندوة عن تاريخ الغناء فى السودان . Author: أحمد طراوه Date: 05-22-2008, 07:45 PM Parent: #1799
ومن اجمل ما كتب الجاغريو .. غنا ود اختو احمد المصطفى بركات :
* طار قلبى مني * حبيبي انا فرحان * الفي العصر مرورو .. سمحة عند خلف الله حمد .. و كمان بالاوركسترا عند سميرة دنيا * و اسمر لونو فاتن جسمو .. يزدري البروق فر بسمو .. سمحة عند زول توتي : ابراهيم خوجلي * و البكائية الفانتازيا علي ذاك المنديل الضايع .. المنديل الندهو ليهو برير و النقر .. و ود عيسى الفي المسيد
Post: #1800 Title: Re: د / أحمد طراوة ___ فى ندوة عن تاريخ الغناء فى السودان . Author: Moawia Mohammed Date: 05-22-2008, 00:24 AM Parent: #1
شاعر الحقيبة الراحل محمد ود الرضي
Post: #1802 Title: Re: د / أحمد طراوة ___ فى ندوة عن تاريخ الغناء فى السودان . Author: Osman Musa Date: 05-22-2008, 00:36 AM Parent: #1800
بعونكم يدخل بوست تاريخ الغناء ص 19 بوست حاشد بملوك الغناء والشعر من السودان والمحيط العربى الافريقى . لكم جزيل الشكر .. ونتابع ...
Post: #1801 Title: Re: د / أحمد طراوة ___ فى ندوة عن تاريخ الغناء فى السودان . Author: Moawia Mohammed Date: 05-22-2008, 00:27 AM Parent: #1
الحسن صاقعة النجم - كابلي
Post: #1803 Title: Re: د / أحمد طراوة ___ فى ندوة عن تاريخ الغناء فى السودان . Author: أحمد طراوه Date: 05-22-2008, 10:42 AM Parent: #1
... و يكفي ابو قطاطي انه كتب و قال:
بكرة يا قلبي الحزين تلقى السعادة و السرور يملاء حياتي و يبقى زادا
.. و لاتزال غنائية الجاغريو تلك ، تعانق افق الجمال السوداني:
" حبيبي ، انا فرحان .. يا ريت يدوم هنانا "
إنها مدرسة الغناء الاوركسترالي التانية .. تعددت فيها اللونيات و ضروب الشعر و النظم المُغنى .. الي ذاك المدى الذى اتانا فيه حمد الريح صادحا بتلك الاهزوجة البديعة :
Post: #1804 Title: Re: د / أحمد طراوة ___ فى ندوة عن تاريخ الغناء فى السودان . Author: Osman Musa Date: 05-22-2008, 02:37 PM Parent: #1803
الف مرحب مرحب بالأستاذ محجوب خال العيال وجه النيل المشرق والذى انهمر علينا فى بوست تاريخ الغناء فكانت السعادة بلا حدود .. مرحبتين . مراحب . مرحب بمحجوب وهو يحمل صناديق حلوى الأغانى ذكريات تلك الحناجر التى توقد فيها الحنيين والحب والجمال . مرحب .. تحياتى
Post: #1805 Title: Re: د / أحمد طراوة ___ فى ندوة عن تاريخ الغناء فى السودان . Author: Osman Musa Date: 05-22-2008, 04:30 PM Parent: #1804
الف شكر أخ معاويه .. الحسن . الحسن صاقعة النجم . مافى طريقة تعافر جاى وجاى مع الحسن . مافى كلام مع الصاقعة . مافى نفس للشهادة . الكترابه تقول لى هولوفيلد زى ناس هولوفيلد ومايك تايسون وجوفريزر ديل الحسن بسكهن بى العصايه ساكت . دى يا طراوة عضلات حقن ساكت . عضلات جداد وكتشب وبيرقر فالصو . الحسن يازول اسعل منو ودشيقوق .. تحياتى أخ معاويه .. ____ أخ محمد عثمان شنو؟ ارجو أن تكون عافيه 6 ارادب سلام
Post: #1812 Title: Re: د / أحمد طراوة ___ فى ندوة عن تاريخ الغناء فى السودان . Author: خالد علي محجوب المنسي Date: 05-22-2008, 08:29 PM Parent: #1805
Quote: مافى نفس للشهادة . الكترابه تقول لى هولوفيلد زى ناس هولوفيلد ومايك تايسون وجوفريزر ديل
ودموسى
شوف جنس النضمي دا
صقر الخلا عينيك دوام جارحة والبموت بين إيديك مابقرو لي الفاتحة
وأصبح عقلي رايح وكبدي رقد سرايح ومالك يا الحبيبة مابتزوري الضرايح
جاهلة قلبا وزة ولي قلوبنا أستفزه والشعر المهدل مال على بعضو هزه
Post: #1816 Title: Re: د / أحمد طراوة ___ فى ندوة عن تاريخ الغناء فى السودان . Author: أحمد طراوه Date: 05-22-2008, 10:59 PM Parent: #1
.. يا ود المنسي : الجاغريو شاف تحية كاريوكا في الفلم الشهير (لعبة الست ) .. قام زاد علي الاغنية:
يا قلبي السلوكا كتلوكا و احيوكا لو شفتو ناس آمنة ايه يعني كاريوكا؟ !
تاني محمد احمد عوض ... شوفو الق التامبورين (الرق) شوفو رقة الالتياع و وهج الغنائية مثلث برمودا الخطير : محمد احمد عوض ، عزيز قسم الله و الطيب عبدو كلمات و الحان الكابلي : عشمتيني انا في حبك ليه رسلتا بت عكاشة .. هدية للخليفة محجوب خال العيال
Post: #1817 Title: Re: د / أحمد طراوة ___ فى ندوة عن تاريخ الغناء فى السودان . Author: محمد المرتضى حامد Date: 05-22-2008, 11:23 PM Parent: #1816
" حبيبي ، انا فرحان .. يا ريت يدوم هنانا "
يا أحمد، الواحد يباريك انت وأحمد التاني ينسى الفرض والنافله ، على كل، أنا ما دايرك تمر بغنوة أحمد المصطفى ساكت ، والله مغروض فيها لأسباب إنسانية بحته وربنا يجعلا ليك في ميزان حسناتك. معليش ، ممكن يكون معاويه جابا يوم وفاتت علي احتمال مروري بكوكب الزهايمر ، الدنيا أصلها كده.
ياريت يدوم هنانا.
Post: #1818 Title: Re: د / أحمد طراوة ___ فى ندوة عن تاريخ الغناء فى السودان . Author: Moawia Mohammed Date: 05-23-2008, 03:14 AM Parent: #1
يا حبيبي أنا فرحان - أحمد المصطفي
Post: #1819 Title: Re: د / أحمد طراوة ___ فى ندوة عن تاريخ الغناء فى السودان . Author: أحمد طراوه Date: 05-23-2008, 11:07 AM Parent: #1
.. وكمان يا ود حامد الجاغريو بقول :
" طار قلبي مني .. و قال ماهو عائد "
سمحة شديد عند محمد احمد عوض ..
تتابع احمد محمد الشيخ (الجاغريو) ، يقوم بيك من العيلفون .. مهبط الزول البقوا يلدوا .. و عليهو يسموا !
.. و يدخل بيك حلة حمد ، ملاقاة الجاهلة فريع الحناء !
.. و يوديك لغاية القوز و الرميلة , و برضو.. و ايضا دساتيرو نازلة في الخرطوم تلاتة و الحلة الجديدة
.. و سايرين علي دروب الفرح ، حنجيب ليك اغنية لماريا دي باروس .. شوف و سمع . . ملاعب جن لو سار فيها سليمان لسار بترجمان
لك العوافي و امانيك الطيبة البسيطة .. و قولة ود الرضى :
" قلت ليت ايامي يندن ! "
Post: #1820 Title: Re: د / أحمد طراوة ___ فى ندوة عن تاريخ الغناء فى السودان . Author: Moawia Mohammed Date: 05-23-2008, 11:26 AM Parent: #1
UP
Post: #1821 Title: Re: د / أحمد طراوة ___ فى ندوة عن تاريخ الغناء فى السودان . Author: أحمد طراوه Date: 05-23-2008, 11:35 AM Parent: #1
ماريا دي باروس
يا ود حامد ركز مع الهارمونيكا و الاكسيفونيا الرنانة الزي الباليمبو بتاع الزاندي
مزيكا ساحل الاطلنطي الافريقي جُزر الراس الاخضر
Post: #1823 Title: Re: د / أحمد طراوة ___ فى ندوة عن تاريخ الغناء فى السودان . Author: محمد عثمان Date: 05-23-2008, 01:01 PM Parent: #1821
Quote: ماريا دي باروس
يا ود حامد ركز مع الهارمونيكا و الاكسيفونيا الرنانة الزي الباليمبو بتاع الزاندي
مزيكا ساحل الاطلنطي الافريقي جُزر الراس الاخضر
يا سلاااااام
شغل نضيف و فعلا سمع و شوف..و كمل الكلااام..!! الهارمونيكا و ذكرياات بعيدة..احبها جدا و تعلمتها من زمن بدرى..يا سلاااااام و يا زمن وقف شوية...
التحية لكل الكوكبة هنا..و انا بكتب من خارج السودان و قريب جدا من ناس ود المرتضى..احتمال كبير اطل عليهم بهنااك..
و ليكم الود كيمان..كيمان..
Post: #1822 Title: Re: د / أحمد طراوة ___ فى ندوة عن تاريخ الغناء فى السودان . Author: أحمد طراوه Date: 05-23-2008, 11:39 AM Parent: #1
ماريا دي باروس .. سمع و شوف
Post: #1824 Title: Re: د / أحمد طراوة ___ فى ندوة عن تاريخ الغناء فى السودان . Author: Osman Musa Date: 05-23-2008, 01:56 PM Parent: #1822
الأستاذ محمد عثمان أحد مشايخ بوست تاريخ الغناء يتجدع فى أبوظبى . بختك بالتجدع . بختك وانت تستمع الى تلك الدفوف غناء صيد المحار فى الخليج غناء اهلى اجدادى بدوان الصحارى غناء حلم السفر الى بلاد النيل الافريقى الصيد الصيد يا محمد عثمان جلب لنا الغناء مثل ما جلب لنا نهر العطبراوى الصندل والشاف والكليت . عليك الله يا محمد جيب لى من سوق راشد معاك طاقيه يمكن حلال الشبك يحلها والواحد يجى . تحياتى ...
Post: #1825 Title: Re: د / أحمد طراوة ___ فى ندوة عن تاريخ الغناء فى السودان . Author: Osman Musa Date: 05-23-2008, 04:07 PM Parent: #1824
حزن حزن حزن الحزن شديد اليوم على رحيل شاعر البحر القديم له الرحمه الشاعر الضخم مصطفى سند .. له الرحمه
_____
أخ معاويه ارجو وضع صورة الأستاذ مصطفى سند عليه الرحمه ..
Post: #1826 Title: Re: د / أحمد طراوة ___ فى ندوة عن تاريخ الغناء فى السودان . Author: Saifeldin Gibreel Date: 05-23-2008, 04:57 PM Parent: #1825
دكتور احمد طرواة وعثمان موسى ومعاوية يا له من ابداع... يا دكتور ياخى انا عندى شريط مبالغ لي عمنا مبارك حسن بركات ومعاه جمال فرفور بالعود شئ ما معقول ابدآ.... ففى اغنية الخوجلاب للعمدة عثمان وصف مبالغ وكأنى انا فى ذلك الفرح او العرس فى الخوجلاب بيقول فى الاغنية... ماكنت رايق وساكن فى صفا وتأمين... فى الخوجلاب يا قلبي مني شالك مين.... ديل البروق الشالن ام درر باسمين مابين ظل الايكى ونفحة الياسمين.... ام الشلوخ تلاتة وتحتو وسمين... بأسم روايح الوردي والذلال والتين... فوق الجمال الكنا ليه ملتفتين... بقى ديسك اطول منك.... انا شوقي دائمآ زائد ماشي فى تحسين... انا صبري قلى اشهد بأذاي حسين.....
تخريمة معاوية انا سوف اكون فى دينفر من يوم الاربعاء 28 الى الاحد مع طارق سيد ايوب اتمنى ان تتيح لي الظروف بلقياك
سيف
Post: #1827 Title: Re: د / أحمد طراوة ___ فى ندوة عن تاريخ الغناء فى السودان . Author: خالد علي محجوب المنسي Date: 05-23-2008, 05:41 PM Parent: #1826
Quote: حزن حزن حزن الحزن شديد اليوم على رحيل شاعر البحر القديم له الرحمه الشاعر الضخم مصطفى سند .. له الرحمه
اللهم أرحمه وأغفر له وأحسن إليه وأسكنه فسيح جناتك مع الشهداء والصديقين وحسن أولئك رفيقا أللهم ألزم آله وذويه الصبر السلوان
وسوف يظل فينا مصطفى سند بكلماته حي يمشي بيننا
وإنا لله وإنا إليه راجعون
Post: #1838 Title: Re: د / أحمد طراوة ___ فى ندوة عن تاريخ الغناء فى السودان . Author: Osman Musa Date: 05-25-2008, 00:34 AM Parent: #1826
الفنان سيف الدين جبريل حبابك ومرحبتين مدوره مدوره . الساحات تهز وترهز .. الف شكر على الدخول الكريم .. تحياتى وشكرى أخ سيف .
Post: #1828 Title: Re: د / أحمد طراوة ___ فى ندوة عن تاريخ الغناء فى السودان . Author: أحمد طراوه Date: 05-23-2008, 06:26 PM Parent: #1
.. وداعا مصطفى سند
ومنذ لحظة التخلق الواعي الاولي .. لحظة تيار المشاعر المتوهجة بنيران الحس الانساني العالي ، كان مصطفى قد:
" طرح كمنجاته جسرا ببحر الليل ثم هوي الي قاع البحث عن تلك الحقيقة .. الحقيقة في حِراكها السرمدي الانهائي ! "
.. محمد عثمان في مُدن عبد الرحمن مُنيف ، مدن الملح
يا خليج .. يا واهب اللؤلؤ و المحار و الردى .. جميلة عوالم الهارمونيكا الصحراوية .. و الزينفونيا الرنانة المصنفة ضمن آلات (البيركاشن)
.. سيف جبريل لك المودة و انت في خط شمال بحري خط العمدة سرور رملي ، و العمدة عثمان ، عمدة الخوجلاب
نعود لابوصلاح و لحفلة الخوجلاب ..يوم صاح وهبة فاقد عقلو و الناس جريح و طعين !
Post: #1829 Title: Re: د / أحمد طراوة ___ فى ندوة عن تاريخ الغناء فى السودان . Author: محمد المرتضى حامد Date: 05-23-2008, 06:51 PM Parent: #1828
(ما زالت نواقيس القبور في الشمس تصرخ هاهنا موتي حدود توهمي شمس بعمق الجرح ترقص في عيون الحس تزحف تحت أنسجة الشعور)
يا وجعي عليك يا سند
رحل أهم ناسنا الذين بنوا أجسادنا الأثيرية خلية خلية،
بيني وبينك تستطيل حوائط .. ليل ... وينهض ألف باب بيني وبينك تستبين كهولتي وتذوب أقنعة الشباب ماذا يقول الناس إذ يتمايل النخل العجوز سفاهة ويعود للأرض الخراب.... شبق الجروف البكر للأمطار حين تصلّ في القيعان رقرقة السراب عبرت ملامحك النضيرة خاطري فهتفت ليتك لا تزال للريح خمرك للمساء وللظلال والبرق لي .. والرعد والسحب الخطاطيف الطوال تروى هجير النار تحت أضالعي الحرّى وتلحف في السؤال كيف ارتحالك في العشيِّ بلا حقائب أو لحاف ؟ ترتاد أقبية المكاتب والرفوف السود والصحف العجاف زمنا يمصّّ الضوء من عينيك يصلب وجهك المنسيّ في الدرج العتيق أثرا كومض شرارة تعبى على خشب الحريق كيف ارتحالك أيها المصلوب مثل شواهد الموتى بزاوية الطريق سكن السحاب ومرّ طيفك من جديد نثرته كفّ البرق حين تلاحق الإيماض وانعتقت شرارات الرعود أرخى وأزهر ثم طار زنابق كالفجر لامعة الخدود حلق المرايا رنّ كالناقوس وانفرطت ملايين العقود فإذا هممتُ توارت الألوان وانتصبت شبابيك الجليد أنا في الرياح مسافر يلقى على الأبواب جارحة الردود بيني وبينك تستبين مخالبي وتسيل من شدقي الدماء وحش أنا غول خرافيُّ العواء تحوى توابيتي دقيق الموت تزحف من سراديبي ثعابين الشتاء سبري: عجين السدر سن الحوت هيكل مومياء بيني وبينك ما يراه الناس سروة شاطىء ناء وزهرة كستناء تتلاصقان على الرمال فتذهل الدنيا وترتعش الحقول كيف التجاؤك للتماثيل التي أسنت على برك الوحول ؟ منك الشباب عصارة النبت الجديد ومهرجانات الفصول ونراك تحفل بالعواجيز العتاق صفائح الأيّام مقبرة الأفول بيني وبينك سكّة السفر الطويل من الربيع الي الخريف تعلو قصور الوهم أنت ومرقدي في الليل أتربة الرصيف هم ألبسوك دثار خزّ ناعم الأسلاك منغوم الحفيف ودعوك تاج العزّ فخر العزّ مجد العزّ شمس العزّ عزّ العزّ صبّوا في دماك عصارة الكذب المخيف وأنا الذي حرق الحشاشة في هواك ممزّق الأضلاع مطلول النـزيف بيني وبينك قصّة الشعراء صدر غمامة يلهو على الأفق الشفيف هذا أنا بحر بغير سواحل بحر هلامي عنيف لا بدء لي لا قاع لي لا عمر لي لكنني في الجوف ينبض قلبي النـزق اللهيف
ماذا يمكن أن أكتب الآن ومن يعيرني الكلمات؟
Post: #1830 Title: Re: د / أحمد طراوة ___ فى ندوة عن تاريخ الغناء فى السودان . Author: أحمد طراوه Date: 05-23-2008, 09:12 PM Parent: #1
يا معاوية ، يا بت عكاشة ، يا ود عثمان بسراع تلحقونا بصورة للراحل مصطفى سند !
و سعوا التوثيق بالصور ، خلوهو ضمن رسالة البوست
عاوزين نخترق الحوائط التي إستطالت عاوزين نفتح الابواب التي نهضت جزافا في وجه شعبنا .. و عاوزين شعبنا يرمح في وديان الحرية و مراتع الجمال
جبنا صورة كجراي ، و الصادق ود آمنة عشان نفتح باب الغنا الإنسدا
يا ود حامد : شكرا علي قصيدة الراحل / مصطفى سند
قول لود شيقوق تعال بجاي لاننا حنبدا النمة
قول ليهو تعال شوف الصادق الحلال ( الصادق ود آمنة) صاحب ود شوراني ، و صاحب الصادق ود نفيسة .. و تيراب ناس ود اب شوارب ، زولك القال : خليتك لإمتثال صحبي المِتمم كيفي !
.. قال الصادق ود آمنة في دروب الغى و العُشق :
سقطيب المنازل مُقلتي مُعكرها ذكرني السمح زوقا و سياسي فكرها
سمحة و الله عبارة ( السياسي فكِرها ) ! .. فقد كانت دائرة ريرة الانتخابية مقفولة لود اب سن .. كما تنقفل دوائر القلوب احيانا لخاطر البت الحديقة
يا ود عثمان : غنا كجراي ! قلبي اخدر ، وداك البخاصم يوم و يصالح برضك يوم .. مِحنة يا ود حامد
Post: #1831 Title: Re: د / أحمد طراوة ___ فى ندوة عن تاريخ الغناء فى السودان . Author: Moawia Mohammed Date: 05-24-2008, 09:30 AM Parent: #1
Quote: حزن حزن حزن الحزن شديد اليوم على رحيل شاعر البحر القديم له الرحمه الشاعر الضخم مصطفى سند .. له الرحمه
الرحمة و المغفرة للشاعر المرهف مصطفي سند
Post: #1832 Title: Re: د / أحمد طراوة ___ فى ندوة عن تاريخ الغناء فى السودان . Author: Moawia Mohammed Date: 05-24-2008, 09:35 AM Parent: #1
Quote: انا سوف اكون فى دينفر من يوم الاربعاء 28 الى الاحد مع طارق سيد ايوب اتمنى ان تتيح لي الظروف بلقياك
العزيز سيف الدين جبريل ( ود الجريف )
مرحب حبابك 1000 في بلدنا
ودارنا بيك منورة
و سنلتقي ان شاء الله مع أخونا العزيز طارق آيلف
Post: #1833 Title: Re: د / أحمد طراوة ___ فى ندوة عن تاريخ الغناء فى السودان . Author: أحمد طراوه Date: 05-24-2008, 10:31 AM Parent: #1
.. جاء الراحل حسن الزبير ، إمتدادا لعتيق و عبد الرحمن الريح مواصلا و مُعبرا عن تلك المرحلة الانتقالية ما بين شعر المدرسة الفنية الاولي ( الحقيبة ) ، و مدرسة الغناء الاوركسترالي التانية
.. وجاء فريدا و متميزا .. بارع في إختيار مفرداته و تعابيره الشعرية التي ظلت دائما ملامسة للوجدان العامي .. و ثيقة الصلة بثقافة الغزل السوداني - الشعبي الدراج
.. فقط ، يكفيه انه كتب لمحمد احمد عوض تلك الغنائية المؤثرة و الراشحة بجميل المعاني :
" انا فاكرك معايا "
.. الق التامبورين السوداني ( الرق المسودن ) .. في يد محمد احمد عوض
.. يوم ان تخطى عبد العزيز قسم الله حدود كونه ضارب للدمبا و شيال فقط .. الي كونه مغني كامل الحال و الصفات خلف صفيهو محمد احمد عوض
.. ارقد في عليين يا حسن يا رقيق المشاعر
.. يا ويح هذه الحكومات الغريب امرها ، إذ لم توفي عتيق ، و عبد الرحمن الريح ، وحسن الزبير حقهم .. فكانوا يلهثون في دروب الحياة اليومية تطاردهم المثغبة و يحاصرهم الهوان .. غير انهم في قلوبنا باقون .. و في ضمير كتاب تاريخ الادب و الثقافة اسمائهم مسجلة باحرف من نور
Post: #1834 Title: Re: د / أحمد طراوة ___ فى ندوة عن تاريخ الغناء فى السودان . Author: Moawia Mohammed Date: 05-24-2008, 11:21 AM Parent: #1
شاعرنا الراحل مصطفي سند
يمدح المصطفي صلوات الله و سلامه عليه
Post: #1835 Title: Re: د / أحمد طراوة ___ فى ندوة عن تاريخ الغناء فى السودان . Author: Moawia Mohammed Date: 05-24-2008, 11:40 AM Parent: #1
الفنان المبدع ابراهيم حسين
شجون : ابراهيم حسين كلمات : محمد عثمان كجراي
نهديها لروح الشاعر الراحل كجراي و للفنان المبدع ابراهيم حسين مع تمنياتنا له بالشفاء العاجل
Post: #1836 Title: Re: د / أحمد طراوة ___ فى ندوة عن تاريخ الغناء فى السودان . Author: Moawia Mohammed Date: 05-24-2008, 12:01 PM Parent: #1
الشاعر الفذ أبوصلاح
الفنان الكبير مبارك حسن مبارك
Quote: ففى اغنية الخوجلاب للعمدة عثمان وصف مبالغ وكأنى انا فى ذلك الفرح او العرس فى الخوجلاب بيقول فى الاغنية... ماكنت رايق وساكن فى صفا وتأمين... فى الخوجلاب يا قلبي مني شالك مين.... ديل البروق الشالن ام درر باسمين مابين ظل الايكى ونفحة الياسمين.... ام الشلوخ تلاتة وتحتو وسمين... بأسم روايح الوردي والذلال والتين... فوق الجمال الكنا ليه ملتفتين... بقى ديسك اطول منك.... انا شوقي دائمآ زائد ماشي فى تحسين... انا صبري قلى اشهد بأذاي حسين.....
الأغنية من كلمات الشاعر صالح عبد السيد أبوصلاح و أداء الفنان مبارك حسن بركات هدية لحبيبنا سيف الدين جبريل وجميع متابعي بوست تاريخ الغناء.
Post: #1837 Title: Re: د / أحمد طراوة ___ فى ندوة عن تاريخ الغناء فى السودان . Author: أحمد طراوه Date: 05-24-2008, 08:21 PM Parent: #1
.. ابو صلاح يا سيف جبريل هو (وضاح اليمن) ماركة السودان ! بشوف حسناء السودان راقصة في سباتة في بيت اللعبة (العرس) ، مباشرة بتجري قريحتو موجات من الوصف البديع .. و الغزل الرشيق .. وضاح اليمن مات بسبب عدم قدرتو تمالك نفسو امام جمال زوجة الخليفة الأموي الوليد بن عبد الملك بن مروان (ام البنين) .. فقال فيها شعرا عجيبا سارت به الركبان .. فشنقوه ! قتلوه اعداء الشعر و الشعراء .. لكن شعر الغزل في السودان كان محمي و مصان بقوة النهضة الاجتماعية .. و الوعي ، وحقيقة انو حسان بلدنا كلهم كانن حليفات صون و دايم علاهن
حقا ابو صلاح هو ملك القوافي و فارس التفعيلة .. وعندو خط إتصال مباشر مفتوح 24 ساعة مع جِنان ذاك الوادي اللي اسمو (وادي عبقر) :
.. و بينما حفلة عمدة الخوجلاب عثمان المحجوب مستمرة : افراح .. و بهجة .. سمع .. و شوف ، و حسان عيونم قدر الفنجال .. وصل ابو صلاح لنص القصيدة .. وهبة كان بعمل في سولو بالاكورديون و كرومة بمارس في وهج التطريب شايل رق النقرزان :
فوق الجمال و قلنا و صابنا رمش العين شفنا السيوف تتجرد من عيون واسعين صاح وهبة فاقد عقلو و كم جريح و طعين الناس جروحم تسعة و انا لي جروح تسعين
" ونعود لقصة تسعة و تسعين العجيبة دي : التورية و الترميز في شعر وضاح اليمن السوداني ! "
Post: #1839 Title: Re: د / أحمد طراوة ___ فى ندوة عن تاريخ الغناء فى السودان . Author: Moawia Mohammed Date: 05-25-2008, 06:15 AM Parent: #1
ضنين الوعد - كابلي كلمات : صديق مدثر
Post: #1840 Title: Re: د / أحمد طراوة ___ فى ندوة عن تاريخ الغناء فى السودان . Author: Moawia Mohammed Date: 05-25-2008, 06:23 AM Parent: #1
زاد أزاي يا صاحي - عبد الرحيم سليمان
اهداء خاص للمهندس مختار التيجاني علي داخل الوطن و صديقه المهندس مأمون عبد الله عثمان بدولة الأمارات
Post: #1841 Title: Re: د / أحمد طراوة ___ فى ندوة عن تاريخ الغناء فى السودان . Author: Moawia Mohammed Date: 05-25-2008, 06:29 AM Parent: #1
فاتن الجزيرة - عبد الرحيم سليمان و هاشم حبيب الله
نجدد ترحيبنا بالخليفة محجوب خال العيال و نهديه غناء هاشم حبيب الله ود حلته ( دكاكين الطاهر ) ببيت المال.
Post: #1842 Title: Re: د / أحمد طراوة ___ فى ندوة عن تاريخ الغناء فى السودان . Author: Moawia Mohammed Date: 05-25-2008, 06:32 AM Parent: #1
بلغ الأقوال - عباس تلودي كلمات : أبوصلاح
Post: #1843 Title: Re: د / أحمد طراوة ___ فى ندوة عن تاريخ الغناء فى السودان . Author: Moawia Mohammed Date: 05-25-2008, 06:41 AM Parent: #1
لي نيه في قمر السماء - عباس تلودي كلمات : سيد عبد العزيز
اهداء خاص جدا لأخونا محمد المرتضي حامد و كل قاطني حي المسالمة العريق
Post: #1846 Title: Re: د / أحمد طراوة ___ فى ندوة عن تاريخ الغناء فى السودان . Author: Osman Musa Date: 05-25-2008, 02:41 PM Parent: #1843
ود المنسى سلام ياود المنسى دايرك تنكت صور عمك نكت . شاعر الدود قرقر عمنا عكير الدامر عكير المولود 1906 والمتوفى فى 1990 ... الا الطيب محمد الطيب قال عكير ده بكتب فى الغناء من سنة دو عكير ياهو الدود الذى قرقر وحبس الدرب .. عليك الشيخ نعيم ود بدر تنزل صور شيخنا عكير ... سلام .
Post: #1847 Title: Re: د / أحمد طراوة ___ فى ندوة عن تاريخ الغناء فى السودان . Author: أحمد طراوه Date: 05-25-2008, 06:06 PM Parent: #1
.. تتواصل الاشراقات النورانية للخليفة الامدرماني محجوب خال العيال .. حكاوي اهل الدايرة الفي الكون اخبارم سايرة !
و رسل لينا الخليفة محجوب مجموعة من حكاوي مجتمع الغنا آناء ذاك العهد البديع .. ننشرها واحدة إثر واحدة .. قصة إثر قصة .. حكاوي ذاك الزمن الرايق و ساكن .. زمن الصفا و التأمين
.. و بت عكاشة بتهدي للخليفة محجوب خال العيال مرة تانية ضربة رق محمد احمد عوض .. تفانين الدمبا بتاعت عبد العزيز قسم الله .. ورقة التعابير الشعرية بتاعت حسن الزبير : أنا فاكرك معايا !
Post: #1848 Title: Re: د / أحمد طراوة ___ فى ندوة عن تاريخ الغناء فى السودان . Author: Moawia Mohammed Date: 05-25-2008, 09:37 PM Parent: #1
ما عدت قادر انتظر سامحني غلطان بعتذر
الفنان : صلاح مصطفي كلمات : مصطفي سند
مهداه لروح صاحب الكمنجات الضائعة
Post: #1849 Title: Re: د / أحمد طراوة ___ فى ندوة عن تاريخ الغناء فى السودان . Author: Osman Musa Date: 05-26-2008, 04:34 AM Parent: #1848
يا سلام عليك يا أخ معاويه والله انت فنان بحق الشاعر العربى الكبير مصطفى سند فقد للسودان والعالم العربى حزنت اكثر لدفنه خارج السودان له الرحمه .
Post: #1851 Title: Re: د / أحمد طراوة ___ فى ندوة عن تاريخ الغناء فى السودان . Author: أحمد طراوه Date: 05-26-2008, 12:13 PM Parent: #1
يواصل الخليفة محجوب خال العيال الحكي الاثير عن امدرمان الغناء .. ذلك العمق الاجتماعي الضاجِ بتلك الشخصيات الفريدة
Post: #1852 Title: Re: د / أحمد طراوة ___ فى ندوة عن تاريخ الغناء فى السودان . Author: أحمد طراوه Date: 05-26-2008, 05:03 PM Parent: #1
حسن الزبير لمن كتب انا فاكرك معايا ن كان بفتح في درب جانبي اسمو الاغنية ذات الطابع الدرامي (الميلودراما) في غنائية اهل السودان الحديث ، سودان الوعي الانساني و تفتُح المشاعر ، فيما بعد نهضة الاستقلال الوطني
يا محجوب يا خليفة يا نوراني : شوف روعة الاداء بتاع زولكم محمد احمد عوض ، و جمال و قوة ضربة الرق بتاعو .. شوف عبد العزيز قسم الله ، و الطيب عبدو لمن يقولوا حبيبي ووووويييييييييييين .. فاكرك معايا ؟ دا ما شيل وبس ، دا غنا كامل ، دي لزمات موسيقية ، و تقاطعات مُكملة للميلودي النهائي
و لا تزال ضربة رق كرومة تجري مجرى الدم في عروق الغناء السوداني .. آه من رق كرومة كما قال الراحل علي المك
Post: #1853 Title: Re: د / أحمد طراوة ___ فى ندوة عن تاريخ الغناء فى السودان . Author: Osman Musa Date: 05-26-2008, 05:23 PM Parent: #1852
العزيز د / أحمد القرشى اجدع لينا من ما فى الاضابير عن عمنا الشاعر الذى حمل مشاعل التجديد مبارك المغربى __ تحياتى
Post: #1854 Title: Re: د / أحمد طراوة ___ فى ندوة عن تاريخ الغناء فى السودان . Author: أحمد طراوه Date: 05-27-2008, 00:32 AM Parent: #1
.. وتاني دا الخليفة الختمي النوراني محجوب خال العيال واحد من اعمدة الظُرف و الحكي الامدرماني .. واحد من قلائل هم حفظة تاريخ امدرمان الاجتماعي - الغنائي
.. بواصل الخليفة محجوب خال العيال قدلتو في الطريق الشاقيهو الترام .. حكاوي امدرمان تلك .. مهمة توصيل عمود الغداء للوالد في سوق امدرمان .. ممزوجة بمهمة توصيل العم الشاعر عمر البنا الي دكان محمود التنقاري .. حيث عتيق و ابو صلاح و عبد الرحمن الريح و عشة الفلاتية ومني الخير و الرحمة مكي ..
كلهم غيبهم الموت ! كلهم : عني مالم صدوا و إتوارو ؟ !
بقول الخليفة محجوب :
القصة اصلا في المسافة ما بين علايل ابوروف و سوق امدرمان القديم .. الشارع نفس الشارع .. يا هو شارع ابوروف ، الشارع ببدأ في البحر تحت بصناعة المراكب علي الشاطي ، و الدكاكين خاصة علي ما اذكر سيد الحلبي و حنكل العجلاتي ، و عمك ابراهيم جُزلان ، و السر بتاع الفول ، و آدم طُرشي ، وهذا الدكان كان يعُج باظرف ظرفاء ابو روف ( عبد الكريم الزبير ، و الفنان ود السواراب صلاح محمد عيسى .. آي كان بجي من ودنوباوي ، و بداية لفة شارع ابوروف مرسى معدية شمبات قبل ما يعملوا الكبري ، و كشك الفاضل ختر مواجه الجامع .. و بالمناسبة عتيق في نفس الشارع .. و كمان الفارس الاديب الطيب السراج راكب حصانو وسط امدرمان .. و الشارع من العلايل تحت بصل سوق الشجرة ، وهي عمرانة بزنك اللحم و الخضار ، و الخضرجية ناس دياب و رمضان مُركز .. و عمك عطا العجلاتي والد لاعب المريخ ابراهيم عطا و محسن عطا .. وهناك تلقى عمك الخراساني راكب عجلتو و بشرى الحلاق و عوض كرار
.. و لسه ما وصلنا ود أرو ( حقي ما تودرو ) ، ولم نصل مكي ود عروسة حيث صالون الفن بتاع الحلاق عنبر مهبط الفنانين و الشعراء ثم بنصل اخيرا لدكان الراجل العمرابي : علي محمود التنقاري و رائعته اغنية التجني ( يا حبيبي حرام التجني .. حرام غبت عني ) الحان عشة موسى و اختها جداوية موسى ..
و نواصل تحت ظلال كابلي و محمد احمد عوض ، نسمع الخليفة محجوب خال العيال .. اهل الدايرة و البركة السايرة
Post: #1855 Title: Re: د / أحمد طراوة ___ فى ندوة عن تاريخ الغناء فى السودان . Author: محمد عثمان Date: 05-27-2008, 08:38 AM Parent: #1854
سلااااام
و رجعنا الى قواعدنا ساالمين
و تحاايا لكل الكوكبة هناااا...
و متااابعة...
Post: #1874 Title: Re: د / أحمد طراوة ___ فى ندوة عن تاريخ الغناء فى السودان . Author: Moawia Mohammed Date: 05-29-2008, 00:43 AM Parent: #1855
Quote: و رجعنا الى قواعدنا ساالمين
حمد لله علي السلامة يا فردة
بالله رسل تلفونك في المسنجر
تسلم ياخي
Post: #1856 Title: Re: د / أحمد طراوة ___ فى ندوة عن تاريخ الغناء فى السودان . Author: أحمد طراوه Date: 05-27-2008, 09:07 AM Parent: #1
.. عوافي يا ود عثمان سعيدين بعودتك
شوف بالله صديق مدثر ، كيف كتب هذا الشعر الذي يكاد يتفوق علي شعر شوقي
Post: #1857 Title: Re: د / أحمد طراوة ___ فى ندوة عن تاريخ الغناء فى السودان . Author: Osman Musa Date: 05-27-2008, 06:02 PM Parent: #1856
عمنا الخليفة شرفتنا كتير ابشر بالخير وليك السلام والشكر .. وبنمشى معاك فى شعاب تلك الجنات .. نسمع ونتفرج .. يديك العافيه .. تحياتى
Post: #1858 Title: Re: د / أحمد طراوة ___ فى ندوة عن تاريخ الغناء فى السودان . Author: أحمد طراوه Date: 05-27-2008, 07:46 PM Parent: #1
صباحك كلو ذوق يا حنون مع البياح كروانك صاح
و منذ بداية اربعينات القرن الماضي كان ود حي المراسلات الخرطومي البالغ من العمر وقتها 16 ربيعا اخضرا ، كان بطور في غنائية و ميلودي السودان علي نحو خاص ، فريد و متميز عن لونية اسماعيل عبد المُعين و الحاج عبد الحميد يوسف اللي غنوا قبلو .. كان الامير ابو علي جرىء و المعي وعندو هِمة .. عمل فرقة موسيقية و وقف قداما بالعود وهو ابن ال 16 عاما ّ!! قصتو بديعة مع توظيف ايقاع التم تم و الرمبا علي ذلك النحو الذى احدث نقلة فعلية في الغناء و المزيكا السودانية
" تم تم بت العقاب المُعدل .. و رمبا الجاليات الاجنبية بالخرطوم في مزيج موازير السودان الخماسية "
مدرسة الغناء الاوركسترالي التانية المدى الزمني الغنائي 1940 --------- 1970 عبد الكريم الكابلي
Post: #1859 Title: Re: د / أحمد طراوة ___ فى ندوة عن تاريخ الغناء فى السودان . Author: خدر Date: 05-27-2008, 08:11 PM Parent: #1858
Quote: قصتو بديعة مع توظيف ايقاع التم تم و الرمبا علي ذلك النحو الذى احدث نقلة فعلية في الغناء و المزيكا السودانية
" تم تم بت العقاب المُعدل .. و رمبا الجاليات الاجنبية بالخرطوم في مزيج موازير السودان الخماسية "
بس عليكـ الله يا دكتور اقيف لي هنا شوية انا لابد للموضوع ده و كنت متأكد انكـ ما حاتمر عليهو ساي قصة التم تم .. اصولو بروايات ثقاة
وقصة حي الرديف
والله يديكـ العافيه و قطع شكـ الشكر لي ود عمي عثمان واصل
Post: #1860 Title: Re: د / أحمد طراوة ___ فى ندوة عن تاريخ الغناء فى السودان . Author: خالد علي محجوب المنسي Date: 05-27-2008, 09:44 PM Parent: #1859
محجوب خال العيال نبشت فوق جرحاً غوّر وتاني نوسر بي
Post: #1861 Title: Re: د / أحمد طراوة ___ فى ندوة عن تاريخ الغناء فى السودان . Author: محمد المرتضى حامد Date: 05-27-2008, 10:35 PM Parent: #1860
والله والله رويتو اليابس على المبلول، يا معاويه، شكرا على الهديه ، لي نيه في قمر السما دي من الأغنيات التي أوحت لوكالة الفضاء الأمريكية (بالكثير المثير الخطر) ولا أغالي، أما صديق مدثر (ابو اسامه) فقد تفوق على NASA و ناسا ببيت قرر بموجبه ان خيال الشعر يرتاد الثريا، صدقني إن المقولة المذكورة هي عين الحقيقة ، ولاأريد الدخول في شروحات الفيزياء النظرية لتفسير ذلك كي لانخرج عن الموضوع. الومضة التي عاش على إشراقها الشاعر هي نجمة في عتمة الليل نهتدي بها في صحراء العمر وطراوه يا معاويه من السراة وخبير بالسفر ليلا وسأنتظر هنا اشوف آخركم الذي سينتهي بي إلى ما لايحمد عقباه. إنتو زي سيرة الجان. والله حقو الزول يقاطعكم، إن استطاع لذلك سبيلا.
Post: #1865 Title: Re: د / أحمد طراوة ___ فى ندوة عن تاريخ الغناء فى السودان . Author: Osman Musa Date: 05-28-2008, 03:12 PM Parent: #1861
يا سلام دايما نسعد بدخولك وننتظر يا أستاذ محمد المرتضى حامد سلامات وكيف حال الكواكب المعاك المنشغلين بالفن والشعر ومفيد الكلام . سلام شديد والف شكر .
..
Post: #1875 Title: Re: د / أحمد طراوة ___ فى ندوة عن تاريخ الغناء فى السودان . Author: Moawia Mohammed Date: 05-29-2008, 00:47 AM Parent: #1861
Quote: والله والله رويتو اليابس على المبلول،
تسلم و يسلموا ناسنا
Post: #1862 Title: Re: د / أحمد طراوة ___ فى ندوة عن تاريخ الغناء فى السودان . Author: أحمد طراوه Date: 05-27-2008, 11:23 PM Parent: #1
مودتنا يا خدر .. طلتك تسعدنا !
ود المنسي و ود حامد معا ! دا ما خريف ابو السعن ذاتو .. الوافر ، الكلو سرف و جراد .. و اخضرار بت السودان اصيل لا يمحي
اركز يا ود حامد .. جاييك جميل الغناء شلالا رويا
و لثورة التم تم الدكت حصون استقراطية نقرزان النيل سوف نعود يا خدر ، للتم تم الغير مسار الغناء
.. و نحوم حولكم باحاسيسنا .. كما يقول كابلي في الرمية
Post: #1863 Title: Re: د / أحمد طراوة ___ فى ندوة عن تاريخ الغناء فى السودان . Author: Osman Musa Date: 05-27-2008, 11:55 PM Parent: #1862
يا طراوة عليك الشيخ حاج حمد . كدى انزقم على البوست حق خدر وشوف ودالحورى بقول فى شنو .. انا دخل سمعتو .. بكيت وجيت متخارج لكن تانى بمشى ..
Post: #1864 Title: Re: د / أحمد طراوة ___ فى ندوة عن تاريخ الغناء فى السودان . Author: أحمد طراوه Date: 05-28-2008, 10:00 AM Parent: #1
.. و بواصل الخليفة محجوب خال العيال الحكي و بقول ليكم قولة ابو صلاح في اغنية تلودي المرفوعة فوق دي :
" طبي يحرم و الموت حلال مين يصدق دي و يعقلا ؟ ! "
.. و بزيدكم الخليفة محجوب في الغنا بيتين :
رغم بُعدي برسل سلامي .. شعر زول حي العرب القديمة ( سيف الدسوقي ) ورق محمد احمد عوض الناهض بضربة نقرزان كرومة ..
و بواصل الحكي عن قصة الطريق الشاقيهو الترام :
في سوق الشجرة ونحنا ماشين من بحر ابوروف للسوق بنلقى الفنان محجوب عثمان بقول (مالو قلبي الاسروهو ) .. و عازف الايقاع الماهر سيد احمد ود نفر ، و ناس حسن ضرس ، و حاج الشيخ ، ودياب الخضرجي ، و تندل و عمنا شيخ الجزارين ، شيخ الذاكرين ، و حبيب الله و كمان حبيب الشيخ قريب الله : عمنا بابكر الطاهر ، و السر ود بشرية التقي الورع ، و عمنا ابو الصوفية عبد الرحمن باظروطة و ما انسى قرصة عمنا اسكندراني في الاضان ، وهم من كبار طاقم الترماي . و انا في هذه اللحظة في ود البنا بين شارع علي نقد الله ، ودكان النعيم بكراوي و مقابل الاقرع .. و اضاني في عمود الكهربا بتحسس حركة و مكان الطرماج و شايل عمود الغدا للوالد في السوق ، و بسمع خلاص الطرماج خشا ود البنا ، و الساعة بقت تلاتة و لازم اسوق معاي عمنا عمر البنا عشان اسلموا لصالون الاديب الاريب محمود التنقاري العمرابي في السوق شارع الشوام
Post: #1866 Title: Re: د / أحمد طراوة ___ فى ندوة عن تاريخ الغناء فى السودان . Author: أحمد طراوه Date: 05-28-2008, 08:19 PM Parent: #1
عبد الكريم عبد الله مختار (كرومة)
عزيزي خدر : خلينا عبر كرومة نفهم قصة تراجع غنا النقرزان امام زحف التم تم .. قصة إنو كيف غنائية السودان شالت كل تراث كرومة ( جُملتو ، و لزماتو ، و تفانينو) و تجاوزت نقرزانو .. و مشت للامام .. عبر جدل إنتقال خفي و صريح ، معقد ، و بسيط و في اساسو جميل و مدهش
كرومة ود مستورة بت عرضو ، المُغنية الامدرمانية الرائدة ، وهي ضمن اللذين حملوا رسالة حفظ و تطوير ميلودي السودان القديم المُعاد انتاجو علي قاعدة ضرب ايقاع الدلوكة المُتعدد التراكيب
مستورة ، هي احد عوامل تربع كرومة ملكا علي دولة غناء النقرزان التقيل و الخفيف آناء تلك الثلاثينات و حتى منتصف الاربعينات من القرن الماضي
في تلك الثلاثينات من القرن الماضي ، كان اسمعيل عبد المعين قد التقى بالطالب السوداني الاجيء سياسيا لمصر بعد احداث ثورة 1924 ، بشير عبد الرحمن جدي ، في شقة بميدان التحرير عبد المعين لحن قصيدة بشير (جبال التاكا) بجملة لحنية جديدة ، لحنو علي ذلك الايقاع الجديد الغريب الزاحف من غرب افريقيا ، و غرب السودان الي الوسط النيلي ( ايقاع التم تم )
و في ذات الوقت كان زنقار بطرح لونية غنا التم تم الجديد علي مدي جماهيري واسع و مؤثر .. زنقار كان وثيق الصلة برابحة التم تم ، (ربوحة) مثلت احد اهم مداخل و تسلل التم تم الي حصون دولة النقرزان الامدرمانية
سحر القواعد الشعبية ، إنقلب علي ساحر الغناء الحديث عند محور مدرسة الغناء الاوركسترالي التانية ، انقلب السحر علي عبد الرحمن الريح و حسن عطية !
حسن عطية في كل اغاني عبد الرحمن الريح الاولى كان بوطن في جملتو اللحنية الجديدة علي هوى ايقاع التم تم .. دخول التم تم اسوار مدرسة الغناء الاوركسترالي فتح الباب للرمبا و العشرة بلدي و باقي اشتقاقات ايقاع الدلوكة .. لذا فإن التم تم كان ثورة و ألق إنتقال
.. حينها ، لقد تاكد تماما ان فولكانو القواعد الشعبية ( التم تم ) بتاع طلائع النساء : ربوحة ، و بت العقاب ، و العزوهات ، وزهرة بت نجدي ، قد تمكن من دك حصون استقراطية ايقاع النقرزان ، لم يعد نقرزان سرور و كرومة ماركة العم مرجان ، لم يعد قادرا علي تقديم الوعاء الايقاعي القادر علي احتواء الجملة اللحنية الجديدة و تلك التفعيلة الجديدة !
.. و لكن ما حدث من تحول و إنتقال لا يمكن تفسيره و فهمه علي هذا النحو فقط !
" هنالك عوامل عديدة ، و متعلقات و تقاطعات ثقافية و تاريخية و شخصيات و رموز كلها ذات صلة بالامر "
الي كل ذلك نعود : لفهم كيف و لماذا و متي تفجرت ثورة التم تم ذات الاثر العميق بعيد المدى في غنائية السودان
Post: #1867 Title: Re: د / أحمد طراوة ___ فى ندوة عن تاريخ الغناء فى السودان . Author: محمد عثمان Date: 05-28-2008, 08:43 PM Parent: #1866
صديق مدثر كاابلى..
و غنا جد...
Post: #1868 Title: Re: د / أحمد طراوة ___ فى ندوة عن تاريخ الغناء فى السودان . Author: أحمد طراوه Date: 05-28-2008, 09:52 PM Parent: #1
ديل فتحوا دروب الغنا الجديد بشير لمن عمل جبال التاكا وبت النيل و خلي عبد المعين يسطر ملحمة غنا التمتم و برضو لمن عمل بت النيل لاحمد المصطفى
.. الحلنقي في كل طيف غناهو ذو الشاعرية و الرقة العالية .. قيل ان شعر الحلنقي خلى الغنا السوداني يمشى علي رجلينو طربان و فرحان و بتراقص في شوارع الفن الجديد
Post: #1876 Title: Re: د / أحمد طراوة ___ فى ندوة عن تاريخ الغناء فى السودان . Author: Moawia Mohammed Date: 05-29-2008, 00:59 AM Parent: #1868
الشاعر اسحق الحلنقي
الفنان التاج مكي
العنبة
Post: #1869 Title: Re: د / أحمد طراوة ___ فى ندوة عن تاريخ الغناء فى السودان . Author: Moawia Mohammed Date: 05-28-2008, 11:48 PM Parent: #1
الشاعر بشير عبد الرحمن جدي
الشاعر و الفنان الجاغريو ( خال أحمد المصطفي )
العميد أحمد المصطفي
بنت النيل كلمات : بشير عبد الرحمن مع كسرة الجاغريو
Post: #1877 Title: Re: د / أحمد طراوة ___ فى ندوة عن تاريخ الغناء فى السودان . Author: Moawia Mohammed Date: 05-29-2008, 01:25 AM Parent: #1869
ظهر نور الشروق في الكون - حسن عطية ( أبو علي )
Post: #1870 Title: Re: د / أحمد طراوة ___ فى ندوة عن تاريخ الغناء فى السودان . Author: Moawia Mohammed Date: 05-28-2008, 11:50 PM Parent: #1
أوبريت مروي
Post: #1872 Title: Re: د / أحمد طراوة ___ فى ندوة عن تاريخ الغناء فى السودان . Author: Osman Musa Date: 05-29-2008, 00:01 AM Parent: #1870
الاخوان الكرام الفاتح أحمد المصطفى واكرم أحمد المصطفى بوست تاريخ الغناء بهدى ليكم صور وأغانى الوالد هرم الغناء السودانى .. ... خبرك يا الفاتح شنو ؟ تحياتى وتابع معنا وفى انتظار الفاكسات .
Post: #1871 Title: Re: د / أحمد طراوة ___ فى ندوة عن تاريخ الغناء فى السودان . Author: Moawia Mohammed Date: 05-28-2008, 11:53 PM Parent: #1
سكر .. سكر .. سكر
Post: #1873 Title: Re: د / أحمد طراوة ___ فى ندوة عن تاريخ الغناء فى السودان . Author: Moawia Mohammed Date: 05-29-2008, 00:05 AM Parent: #1
ونبقي ماشين علي دروب المسادير و الدوباي و شق العتامير
أخيان المسادير كتر خيركم كتير .. كتير .. كتير و عقب نتلاقي في دروب المسادير
Post: #1878 Title: Re: د / أحمد طراوة ___ فى ندوة عن تاريخ الغناء فى السودان . Author: Osman Musa Date: 05-29-2008, 01:27 AM Parent: #1873
يا عزالدين ود أحمد المصطفى وأحمد بركات والنورانى ويا الطيب شيخ ادريس ده كلو ليكم يا أهل النم ناس الدبيبة والعيلفون وام ضبان وجاى وجاى .. سلام
Post: #1879 Title: Re: د / أحمد طراوة ___ فى ندوة عن تاريخ الغناء فى السودان . Author: أحمد طراوه Date: 05-29-2008, 11:13 AM Parent: #1
مجاهدات شق العتامير .. و جر النم مع الحردلو في الدوباي .. تلك بعض من المسارات التاريخية لغناء السودان
الشم خوخت و بردن ليالي الحرة و البراق برق من مِنا جاب القِرة شوف عيني الصقير بجناحو كفت الفِرة تلقاها ام خدود الليلة مرقت برة
دوباي بلاد فارس .. البقي في السودان مربوعة و مسدار ! دوباي حسان الحرك ، و غناء علي ود محلق و شعر ود الفراش و مرابيع الحردلو .. كلها بقت في بوابة ام درمان القديمة رميات الطنابرة و غناء محمد ود الفكي .. دا كلو الجاب سرور و كرومة و الامير ابو علي بعودو و جملتو اللحنية الفريدة
حقا برز نور الشروق في الكون .. وياهو دا الجنن عبد القادر مضوي زول العيلفون ، و منسوب محلات قرنفلي بالسوق الافرنجي .. عند تلك الخرطوم القديمة
Post: #1880 Title: Re: د / أحمد طراوة ___ فى ندوة عن تاريخ الغناء فى السودان . Author: Osman Musa Date: 05-29-2008, 01:39 PM Parent: #1879
نفس صورة الجمل الختاو بحيرى م بنك السودان فوق الجنيه حقنا زمن كان الجنيه جنيه . قبل ما يتماص الجنيه وتحاك عليه البلاوى . عليك الله شوف الزول الفوق الجمل ده . ولا ساعل حتى فى حلف الاطلسى زاتو . الزول ده ماشى يغنى . والسماء التنقد . .... الف شكر أخى الفنان خدر أبوعبيدة الف شكر على الدخول الكريم ونحنا يا خدر فى الدرب الدايرو ماشيين تحياتى
Post: #1882 Title: Re: د / أحمد طراوة ___ فى ندوة عن تاريخ الغناء فى السودان . Author: أحمد طراوه Date: 05-29-2008, 09:04 PM Parent: #1
يا الساكن جبال التاكا كتبا بشير عبد الرحمن في شقتو بميدان التحرير بالقاهرة آناء تلك الثلاثينات من القرن الماضى .. اصلا اسمعيل عبد المعين كان بتردد كثيرا علي بشير في تلك الشقة ، وهو طالب بمعهد فؤاد العالي للمزيكا بشير مولود في كسلا 1903 ، و كان عنصر وطني سوداني اصيل في حركة 1924 المعادية للاستعمار .. بعد فشل الانتفاضة العسكرية سافر لمصر مع الدرديري احمد اسماعيل و توفيق البكري .. و كلهم رعاهم الامير المصري / عمر طوسون اللي كان شديد التعاطف مع شعب السودان في نضالوا ضد الاستعمار ، ومع طلاب السودان الهاربين من الاستعمار و الوافدين للدراسة بمصر
الاغنية لحنا عبد المعين في 1938 ، و نزلت كاسطوانة حركت آسن الغناء ، لانها طرحت لونية جديدة ، جملة موسيقية غير معهودة ، و مختلفة عن غنا سرور ، ايقاع التم تم دخل مع لحن عبد المعين و عودو المدوزن خماسيا و اعلن انبثاق فجر مرحلة الغناء الاوركسترالي السوداني الجديد .. دا كان خط انتصار التم تم .. و ثورة التم تم الغنائية ..
بتقول الاغنية المستلهِمة ذكريات كسلا و طبيعتا الخلابة و ذكرى المحبوب الاول
مين متلك في علاكا .. يا الساكن جبال التاكا سنا البدر من سناكا .. و جنا النحل من لِماكا جالس مليك في عروشو .. هزمتني ياخي جيوشو القمر في جبينو .. السلاح رموشو
الاسطوانة حققت اكبر توزيع عُرف في تاريخ السودان و للاسف ( الاسطوانة تكاد تكون معدومة حاليا)
Post: #1883 Title: Re: د / أحمد طراوة ___ فى ندوة عن تاريخ الغناء فى السودان . Author: أحمد طراوه Date: 05-29-2008, 10:55 PM Parent: #1
رسالة علي الملك للشاعر صالح عبد السيد (ابو صلاح ) الي روح ابو صلاح المحلقة في ملكوت الشعر و علياء غنائية السودان :
.. لقيت اليوم من كانت (بدور القلعة) لقيت اليوم من كان ( يستر الشعر اقدامها) لقيت اليوم من كانت ( ساكنة الجوف في مدينة الضرا )
.. صالح عبد السيد ، يا ابا صلاح :
ذبُلت عيناها شاخت نضارتها جف ماء وجهها أحقا يبقى الشعر و تفنى المُلهمات ! ؟
Post: #1884 Title: Re: د / أحمد طراوة ___ فى ندوة عن تاريخ الغناء فى السودان . Author: محمد المرتضى حامد Date: 05-29-2008, 11:16 PM Parent: #1883
Quote: ذبُلت عيناها شاخت نضارتها جف ماء وجهها أحقا يبقى الشعر و تفنى المُلهمات ! ؟
أحمد ، في بوست (تستاهلي) عن (مريا) طرح علىّ أستاذنا عبدالمنعم ذات السؤال وإليك ما كتب:
Quote: العزيز الاستاذ محمد المرتضى وبقية العقد الفريد
طبعاً مع كل انبهاركم (وانبراشكم) ناسين أن مرية التي كانت في العشرينات من عمرها في منتصف الخمسينات ، هي الآن تقارب الثمانين !! آسف لهذه الصدمة !! وأعلم أن هذه المفاجأة ستجلب علي غضب الكثيرين ممن لا يودون أن يستفيقوا من الحلم !! لهذا رأيت أن أهديكم هذه القصيدة للشاعر" ثوماس مور" التي قمت بترجمتها من اللغة الإنجليزية ؛ وذلك حيث أن التوهج وسمو الروح اللذين تستأثر بهما مرية لا يعرفان فقط عندما تمتلك الجاذبية الساحرة والصبا ! محبتي عبد المنعم خليفة
الحسن الندي الأثير ثوماس مور ترجمة : عبد المنعم خليفة خوجلي *******
صدقيني .. إن كان لهذا الحسن الندي الأثير الذي أحدق فيه الآن بكل هذا الانبهار أن يذبل غداً .. ويتلاشى بين ذراعي ويبهت مثل هالة أسطورية .. فإنك تظلين عشقي .. وعندما يتوارى الحسن – كما هو مآله – سوف أجدل أمنيات قلبي ضفائر خضراء ******* التوهج وسمو الروح اللذين تستأثرين بهما لا يعرفان فقط عندما تمتلكين الجاذبية الساحرة والصبا أو عندما تنساب دمعة بجلال فوق خديك .. وذلك لأن الزمن هو مستودع النفائس ولأن القلب الذي يعرف الحب حقا لا يسلو أبداً .. بل يزداد عشقاً ودنواً مثل زهرة عباد الشمس التي تنظر لإلاهها وهو يأفل نفس نظرة التوق له حين الإشراق ..
*******
وفي رأيي هناك:
Quote: لم نرها في أي من أحوالها ولكننا أحسسناها وبقيت ك (فكرة) غير قابلة للتعديل ، فكرة و (حالة) إسمها مريا، عصية على التغيير يمكنك أن تسمي ذلك (مكابرة) للنفس وهروب من واقع البيولوجيا وقوانين الطبيعة التي أغرقت حتى أتلانتيس ، مريا يا أستاذنا الجليل ، وأنت أعلم مني في هذا الشأن، ظلت تكبر في الخاطر بثبات وتتعتق فيه كخمر باخوس أو آثار جبل الأولمبيا نفسها، تزداد قيمة ورفعة بمرور الأيام. مريا فكرة معتقة إستنادا إلى قول توماس مور ذاته: وذلك لأن الزمن هو مستودع النفائس ولأن القلب الذي يعرف الحب حقا لا يسلو أبداً .. بل يزداد عشقاً ودنواً
إنت ماشي بينا وين يا مزيج برنت ؟ المهم أمسك لي في ظبية المسالمه دي (جنب ناس حكيم شنوده) لما أجيك راجع. سألتك بالله ما تغيرا.
Post: #1885 Title: Re: د / أحمد طراوة ___ فى ندوة عن تاريخ الغناء فى السودان . Author: Imad Khalifa Date: 05-30-2008, 00:17 AM Parent: #1884
العزيز د. طراوة تعرف كل يوم تقريبا بفتح هذا البوست الرائع وبستمتع بالكلام والحكى الجديد الفيهو وبمرق وانا شبعان ومنتشي وطربان حتي الثمالة. هذا الكلام غير مكتوب وانت يا طراوة ربنا يديك العافية قاعد تسجل وتوثق وتحلل فيهو ليتعرف هذا الجيل والاجيال القادمة على هذا التراث العظيم. انا حافظو عندي هو وبوست الدكتور أحمد القرشي آمل ان يتكرم السيد أمين الموقع م. بكري ابوبكر بعمل مكتبات ليكم انت وودالقرشي أو بالعدم يخصص مكان لحفظ هذه الُدرر والتى تعتبر (مادة خام) يمكن الاعتماد عليها تماما في أي مشروع يتناول تاريخ الغناء في السودان وتطوره. الصورة الفي البروفايل بتاعي بها شباب مؤتمر الطلاب المستقلين والحركة الشعبية والكانو متهمين بمقتل طالب من جامعة النيلين تم اعتقالهم لأكثر من عام دون ذنب جنوه سوى حلمهم ببناء وطن معاف يسع الجميع. تم اطلاق سراحهم جميعا وشُطبت جميع التهم الملفقة في حقهم. ارجو التكرم باهدائهم لحنا يعبر عن المناسبة. ارجو ان تسمح لي بتحية السيد محجوب خال العيال شقيق نسيبنا علي خال العيال لمساهماته في اثراء هذا البوست الدسم.
لك ولزوارك الكرام التحايا والود
Post: #1886 Title: Re: د / أحمد طراوة ___ فى ندوة عن تاريخ الغناء فى السودان . Author: Imad Khalifa Date: 05-30-2008, 02:48 AM Parent: #1885
تحايا وشكر خاص للرجل الجميل Osman Musa مُفترع هذا السفر العظيم.
Post: #1887 Title: Re: د / أحمد طراوة ___ فى ندوة عن تاريخ الغناء فى السودان . Author: خالد علي محجوب المنسي Date: 05-30-2008, 06:45 AM Parent: #1886
ودموسى سلااام جيتك الليلة ممكون ومتاورني الضرس كيف أنا أعيش وصبري ولَى مودع وسببي الرُخرخ القام من صغير متفدع جنيت.. وجني جنّى وحالي أصلو مبدّع أهج شيقيش أفج فاضل لي تاني أجدّع
وتومة البدري القلبي راده وأمري سلمتو لي الإرادة
ليك لِحاظ ماسكة في القيادة أنا لي جروح ماشا في إزديادة وأرجوكَ ياصاحب السيادة قليل مراهم من عيادة
Post: #1888 Title: Re: د / أحمد طراوة ___ فى ندوة عن تاريخ الغناء فى السودان . Author: أحمد طراوه Date: 05-30-2008, 10:48 AM Parent: #1
يا عماد : هم إحدى عشر كوكبا في البروفايل بتاعك و في ضمير امة السودان .. هم علي ذات خط الصراع الطويل صراع الحق في مواجهة الباطل .. صراع أزلي .. بنرصدو في تلك الوقائع :
.. لمن المستعمر الانجليزي حاكم عبيد حاج النور و علي عبد اللطيف لمن المستعمر الانجليزي اصدر حكم السجن علي الشفيع احمد الشيخ لمن ابو القاسم و زين العابدين حاكموا احمد السيد حمد لمن نميري حاكم عبد الخالق محجوب و محمود محمد طه لمن عمر البشير حاكم كرار ، و بلول و اكرم ودفنم احياء
.. انا لست رعديدا تُكبلُ خطاهو ثقل الحديد .. لن احيد !
محي الدين فارس : شعر الواقعية الجديدة .. واقعية الوطن و الثورة إشراقات الرجل الكادح ذو النكهة العمالية : العطبراوي
الاهداء لكل من :
* ين ماثيو * حسين الشيخ * فكتور لاكو * يعقوب زكريا * عبد الرحمن ابراهيم * خميس شول * عثمان اسماعيل * احمد محمد الحاج * ابوبكر يوسف .. وكل طلاب السودان الاماجد .. كتيبة الصدام الامامية في معركة التحول الديمقراطي ، و بناء السودان الجديد
Post: #1889 Title: Re: د / أحمد طراوة ___ فى ندوة عن تاريخ الغناء فى السودان . Author: أحمد طراوه Date: 05-30-2008, 11:07 AM Parent: #1
على درب الغي .. العُشق .. الدوباي و أفق غنائية السودان .. و ياهو الجمال و الحب في بلادى
قليعات الرزق امست تُعولن ماطرة حمريبِن طلق ريحة الفلير و الباترا كان جيتن دُقش فوق ام محاجما قاطرة تلقى العافية غير بنسلين ودكاترة
Post: #1890 Title: Re: د / أحمد طراوة ___ فى ندوة عن تاريخ الغناء فى السودان . Author: أحمد طراوه Date: 05-30-2008, 11:19 AM Parent: #1
.. يا ود حامد :
ما تزال نصيحة و محاذير مهندس المساحة العاشق الرقيق ( مهدي فرح ) .. صريع حِسان مروي (بنات شايق ) ، لا تزال تتسم بالاهمية و الدلالات .. وتجري بين ركبان الغرام :
" في رمال الصيف بلاقيك .. و بيعزمك و يعتلق فيك .. قولو حالف ما بباريك .. و ما بدليها التهمة فيك .. القمر بوبا عليك تقيل .. "
عبد الكريم عبد العزيز الكابلي :
مدرسة الغناء الاوركسترالي التانية .. المدي الزمني - الغنائي :
1940 ---------------1970
Post: #1891 Title: Re: د / أحمد طراوة ___ فى ندوة عن تاريخ الغناء فى السودان . Author: Osman Musa Date: 05-30-2008, 03:15 PM Parent: #1890
العزيز عماد خليفة سلامات هلا بيك ومرحب سعادة شديدة بدخولك الكريم والف شكر تحياتى أخى العزيز
Post: #1892 Title: Re: د / أحمد طراوة ___ فى ندوة عن تاريخ الغناء فى السودان . Author: أحمد طراوه Date: 05-30-2008, 07:12 PM Parent: #1
يا ود المنسي .. الموت حق !
.. ياها ( بت الازور) ذاتا .. في الملامح افريقي - عربي و في الجمال سوداني .. ونفس الحضور المسرحى و كاريزما سرور .. و كمان تطريب كرومة
Post: #1893 Title: Re: د / أحمد طراوة ___ فى ندوة عن تاريخ الغناء فى السودان . Author: أحمد طراوه Date: 05-30-2008, 08:09 PM Parent: #1
الامير عمر طوسون ، المصري - النبيل جابت لينا صورتو (بت عكاشة) .. في كامل الإسناد لبوست تاريخ الغنا من خلف الكواليس
كان طوسون بحب السودانيين بصدق و من جوة القلب .. بحبهم بعيدا عن التصور الخديوي للسودان القائم علي ( الإلحاق و الضم ) وفكرة الحديقة الخلفية .. كان قريب من الطلاب السودانيين بمصر .. و في التلاتينات ، المؤرخ محمد عبد الرحيم في كتابو الهام (نفثات اليراع) كتب كلام جميل عن الامير طوسون .. اثناء زيارتو للسودان مع الوفد الاقتصادي المصري 1936 اللي كان فيهو فاطمة رشدي و رهط بديع من الفنانين المصريين
.. سيد عبد العزيز عمل قصيدتو في وصف الجمال المصري وقال : مصرية في السودان بحبي ليكي ابوح .. يا عنب جناين النيل .. اتمنى منو صبوح ..
.. أنة المجروح : بين نقرزان سرور اللحنا في خمسة موازير و زخم مزيكة عبد العزيز المبارك الشال لحن سرور ختاهو في الريقي الافريقي - اشتقاق ضرب الدلوكة متعدد الايقاعات
Post: #1894 Title: Re: د / أحمد طراوة ___ فى ندوة عن تاريخ الغناء فى السودان . Author: Osman Musa Date: 05-30-2008, 10:50 PM Parent: #1893
نمشى نمشى النيل بين رمال ونخيل .. نمشى مع بوست تاريخ الغناء الكل يسير الكل يحمل جريد النخل بأتجاه النيل ومن المنبع حتى المصب نتابع كل من كتب كل من تغنى لتلك الجنات ..
Post: #1895 Title: Re: د / أحمد طراوة ___ فى ندوة عن تاريخ الغناء فى السودان . Author: Moawia Mohammed Date: 05-30-2008, 11:24 PM Parent: #1
يا جماعة ممكن تتكرموا و تورونا القمر بوبا دا شنو ؟
Post: #1896 Title: Re: د / أحمد طراوة ___ فى ندوة عن تاريخ الغناء فى السودان . Author: Moawia Mohammed Date: 05-31-2008, 05:34 AM Parent: #1
وداعا يا غرامي ( دمع الحنين ) - عثمان حسين كلمات : صلاح أحمد محمد صالح
الشاعر صلاح أحمد محمد صالح
Post: #1897 Title: Re: د / أحمد طراوة ___ فى ندوة عن تاريخ الغناء فى السودان . Author: Moawia Mohammed Date: 05-31-2008, 05:48 AM Parent: #1
الشوق و الريد - ابراهيم الكاشف كلمات : السر قدور أداء : عصام محمد نور
أستاذ الأجيال / السر أحمد قدور
Post: #1898 Title: Re: د / أحمد طراوة ___ فى ندوة عن تاريخ الغناء فى السودان . Author: Moawia Mohammed Date: 05-31-2008, 06:56 AM Parent: #1
آنة المجروح - عبد العزيز المبارك كلمات : سيد عبد العزيز
Quote: كان طوسون بحب السودانيين بصدق و من جوة القلب .. بحبهم بعيدا عن التصور الخديوي للسودان القائم علي ( الإلحاق و الضم ) وفكرة الحديقة الخلفية .. كان قريب من الطلاب السودانيين بمصر .. و في التلاتينات ، المؤرخ محمد عبد الرحيم في كتابو الهام (نفثات اليراع) كتب كلام جميل عن الامير طوسون .. اثناء زيارتو للسودان مع الوفد الاقتصادي المصري 1936 اللي كان فيهو فاطمة رشدي و رهط بديع من الفنانين المصريين
نهديها لروح الأمير المصري الراحل عمر طوسون
Post: #1899 Title: Re: د / أحمد طراوة ___ فى ندوة عن تاريخ الغناء فى السودان . Author: أحمد طراوه Date: 05-31-2008, 10:41 AM Parent: #1
في يوم السبت 18 نوفمبر 1954 بدأ الاستاذ / صلاح احمد محمد صالح ذلك البرنامج الاذاعي الفني - الغنائي الذي عبر عن نباهة و روح اهل السودان ، بل و عبقرية طلائع الثقافة الوطنية في الاحتفاظ ، و الولاء ثم الاحتفاء بجماليات تراث غنائهم الاصيل
يومها توجه صلاح لجمهور المستمعين بذلك القول الاثير الذى تم بثه علي الهواء مباشرة ، القول الذي اعقب صرير صوت حقيبة الحديد تلك لحظة فتحها !
صوت تلك الحقيبة المميز ، الخالد الراسخ في وجدان اجيال ابناء السودان عبر الازمنة قال صلاح في ذاك اليوم المشهود لاعلان بدء برنامج من حقيبة الفن :
" اليوم انفض الغبار عن تراث الاغنية السودانية الاصيلة .. "
خالص العرفان و المحبة لكل من ارتبط بتقديم برنامج حقيبة الفن ، وتجشم عناء صون تراث غناء المدرسة الفنية الاولي :
* الاستاذ المبارك ابراهيم * الاستاذ علي شمو * الشاعر الرقيق مبارك المغربي * الاستاذ السر محمد عوض * ثم النحرير ، الوراق الذاكر / عوض بابكر
يا معاوية سمعنا شعر صلاح المُغنى : - نابك ايه - يا عيوني اسكبي دمع الحنين
Post: #1904 Title: Re: د / أحمد طراوة ___ فى ندوة عن تاريخ الغناء فى السودان . Author: أحمد طراوه Date: 05-31-2008, 07:34 PM Parent: #1899
يا عيوني ابكي دم شوقا لهم و اعلمي ان هنايا عندهم .. !
للحق ومنذ تلك الاوقات البعيدة ، كان صلاح احمد محمد صالح ، وحسين بآزعة في كآمل الإئتلاف و التوافق الفني مع عبقري الالحان و رائد مقام (فا) السوداني عثمان حسين .. كانوا ثلاثتهم يعلنون صعود ذلك الدوى الهائل لثورة الرومانس و العاطفة في داخل حركة الغناء السوداني
.. كان بآزرعة يسابق الصبر ليصل لنهاية عطلة الاسبوع و يحلق طائرا من ثانوية وادي سيدنا ليصل لمنزل توأم روحه علي صعيد الشعر و الانسانية و الثقافة .. كان منزل ناس صلاح احمد محمد صالح (أبن عضو مجلس السيادة لاحقا) .. كان منزلا حفيا كريما .. و لكن الاهم من ذلك ان المنزل كان يقع في قلب مثلث الابداع الامدرماني الدامي .. مثلث :
* قهاوي سوق امدرمان حيث فونوغرافات الطرب * بيت ناس سرور ، و كرومة بحي ود أرو * و ضلع ثالث يوجد في خطه بيت العبادى ، و عمر البنا
.. تلك امدرمان المُصاغة وجدأ بشعر رصين ، و المتمايلة طربا في ليالي سرور و كرومة .. امدرمان الفتى صلاح احمد محمد صالح قبل سفره منتدبا للعمل بهيئة الاذاعة البريطانية
Post: #1900 Title: Re: د / أحمد طراوة ___ فى ندوة عن تاريخ الغناء فى السودان . Author: أحمد طراوه Date: 05-31-2008, 11:11 AM Parent: #1
.. تفتقت شاعرية مهندس المساحة ( مهدي فرح ) بتلك الصور الفريدة في وصف واقع حياة النيل - الشمالي .. كل عناصر و مفردات تلك الحياة صاغها مهدي فرح شعرا رصينا في تلك الملحمة الرومانسية المسماة (مروي) :
* النيل * النخيل * الساقية الدايرة * رمال الصحراء * اللوري ( البدفورد ، النيسان و التيمس ) * الريل العايرة * السيدة و حرم وكل غزلان و حسان مسرح ذاك الغرام * بيت العرس .. و الق تكثيف الشبال و طيران قلوب العشاق
.. و تجلت عبقرية ، و سعة ثقافة الكابلي الموسيقية في ذاك اللحن المشحون بالجُمل الموسيقة ، و اللزمات و الكوبليهات .. اللحن المتدفق بروح الاصالة ، و كل بهارج المد الخماسي لالحان السودان
يا ود حامد : استاذكم و شيخكم ، مولانا : عبد الله ابو عاقلة ابو سن ، كتب في مسقط ابياتا في ادب الحفاوة الاخوانية ، مهداة لصديقه و صفيهو مهدي فرح وهما يتقاسمان تصاريف ذلك الاغتراب الاول بمسقط / سلطنة عُمان :
لولاك ما طابت عُمان لنا .. و ما صبحنا تُمسينا اللّحى و الخناجر رعى الله ايام رعت عهدنا بها .. ونحن بوادي النيل و الكل ساحر و انت اخو الاخوان تجمع شملهم .. و إنك بين الصحب كالدر نادر و انت صفي و الحياة صفية .. و ذُخري إذا دارت عليّ الدوائر
Post: #1902 Title: Re: د / أحمد طراوة ___ فى ندوة عن تاريخ الغناء فى السودان . Author: Osman Musa Date: 05-31-2008, 01:28 PM Parent: #1900
بركات اهلنا المجاذيب تقدم البوست وتبراو الى الافاق الارحب الاوسع الاعم نحنا الأن فوق ال 20 وتساب الغناء كاسح زى ما بقول شيخنا عبدالقادر الكتيابى .. أشوف قطنك ملايه ... على البحر والبر __
أخوانى جميعا الف شكر للمد الجميل تحياتى
Post: #1903 Title: Re: د / أحمد طراوة ___ فى ندوة عن تاريخ الغناء فى السودان . Author: محمد عثمان Date: 05-31-2008, 04:21 PM Parent: #1902
عثمان موسى و الجماعة على وزن تلغراافات زمااان...
مبروك الصفحة الـــ 20 و عقبال المليون..
و نوااصل معاااكم و مع د. طراوة و الجميل معااوية
Post: #1955 Title: Re: د / أحمد طراوة ___ فى ندوة عن تاريخ الغناء فى السودان . Author: Osman Musa Date: 06-05-2008, 11:42 PM Parent: #1902
نتابع
Post: #1999 Title: Re: د / أحمد طراوة ___ فى ندوة عن تاريخ الغناء فى السودان . Author: Osman Musa Date: 06-08-2008, 09:25 PM Parent: #1900
نتابع
Post: #2000 Title: Re: د / أحمد طراوة ___ فى ندوة عن تاريخ الغناء فى السودان . Author: Osman Musa Date: 06-08-2008, 09:27 PM Parent: #1900
كل من عليها فان
Post: #1901 Title: Re: د / أحمد طراوة ___ فى ندوة عن تاريخ الغناء فى السودان . Author: Moawia Mohammed Date: 05-31-2008, 11:42 AM Parent: #1
نابك ايه في هواه
Post: #1905 Title: Re: د / أحمد طراوة ___ فى ندوة عن تاريخ الغناء فى السودان . Author: أحمد طراوه Date: 05-31-2008, 07:41 PM Parent: #1
صلاح احمد محمد صالح
يا عيوني ابكي دم شوقا لهم و اعلمي ان هنايا عندهم .. !
للحق ومنذ تلك الاوقات البعيدة ، كان صلاح احمد محمد صالح ، وحسين بآزرعة في كآمل الإئتلاف و التوافق الفني مع عبقري الالحان و رائد مقام (فا) السوداني عثمان حسين .. كانوا ثلاثتهم يعلنون ذلك الدوى الهائل لثورة الرومانس و العاطفة في داخل حركة الغناء السوداني
.. كان بآزرعة يسابق الصبر ليصل لنهاية عطلة الاسبوع و يحلق طائرا من ثانوية وادي سيدنا ليصل لمنزل توأم روحه علي صعيد الشعر و الانسانية و الثقافة .. كان منزل ناس صلاح احمد محمد صالح (أبن عضو مجلس السيادة لاحقا) .. كان منزلا حفيا كريما .. و لكن الاهم من ذلك ان المنزل كان يقع في قلب مثلث الابداع الامدرماني الدامي .. مثلث :
* قهاوي سوق امدرمان حيث فونوغرافات الطرب * بيت ناس سرور ، و كرومة بحي ود أرو * و ضلع ثالث يوجد في خطه بيت العبادى ، و عمر البنا
.. تلك امدرمان المُصاغة وجدأ بشعر رصين ، و المتمايلة طربا في ليالي سرور و كرومة .. امدرمان الفتى صلاح احمد محمد صالح قبل سفره منتدبا للعمل بهيئة الاذاعة البريطانية [/B]
Post: #1906 Title: Re: د / أحمد طراوة ___ فى ندوة عن تاريخ الغناء فى السودان . Author: أحمد طراوه Date: 05-31-2008, 08:16 PM Parent: #1
.. حكاوي الخليفة النوراني .. علي درب الطرماج الامدرماني
بتتواصل رحلة الحكاوي عن الناس ، و الغنا ، و وقائع الحياة في امدرمان .. امدرمان آناء تلك العهود الزاهيات
قال لي الخليفة محجوب خال العيال .. و كأنما يودعني سرا خاصا:
" تعرف يا احمد في عرس ابوي الخليفة الذاكر و الغوث الحاضر محمد عبد القادر خال العيال ، كانت الصبحية بكرومة ، و العرس طبعا كان ما بين 15 الي 25 يوما ! المهم جاء كرومة و قف شايل الرق وخاتي قُفطانو السمح ، وراهو كانوا الشيالين ناس حمامتي ، و ود دنقية ، و تور كبير و معاهم وهبة .. بعد الاغنية الاولى ، جاء زول منزعج كدا و قال لكرومة كلام في أضانو ! .. إتضح إنو ام كرومة (المغنية الامدرمانية مستورة بت عرضو ) ماتت في تلك الساعات .. كرومة جرت منو دموع حارة و أعتذر لابوي و قرر يمشى بسرعة
.. تعرف يا احمد عمك الخليفة محمد عبد القادر خال العيال قال ليهو :
.. بتمشى براك يا كرومة .. إنت ولدنا و اخونا ! ياناس اسمعوا نحنا عرسنا دا إنتهي من الليلة .. انا و اكلنا و ناسنا و اهلنا كلهم يا كرومة ماشين معاك بيت الفُراش !!
.. يا الله .. كما قال العبادي : ايام هنا و طالع سعود .. ناس كانت اعراسم سمحة و برضو أتراحم سمحة .. يحُفها النبل ، و آصرة الخوة .. و شيم اهل السودان قبل غارات هولاكو و جحافل المغول
.. و برنجع لرحلة الطرماج الماشي علي الطريق الجواني بتاع امدرمان القديمة .. الطرماج السايقو الرجل الصنديد:
" حسن العُمدة كرم الله " ابرع سائق ترام في العاصمة
Post: #1907 Title: Re: د / أحمد طراوة ___ فى ندوة عن تاريخ الغناء فى السودان . Author: أحمد طراوه Date: 05-31-2008, 09:11 PM Parent: #1
السر احمد قدور .. و منذ تلك الخمسينات صار صريعا لحُسن المحاسن ، و حرائر السودان الناهض بالشموخ و العفاف .. و اصبح بقول :
صارت حياتي مُقسمة .. نص في الارض و نص في السما
اللهم مد في ايام هذا الرجل الجميل و متعه بالعافية و حضور الذاكرة .. و احفظه لنا مستودعا و طنيا و فنيا زاخرا بحكاوي الوطن العزيز .. حكاوي الفن و الغناء اللتي تنسق الوجدان ، و ترتقي بالبصيرة و تنير للاجيال دروب المستقبل
خالص العرفان و المحبة لكل من ارتبط بتقديم برنامج حقيبة الفن ، و حفظ لنا سيرة غناء السودان .. وتجشم عناء صون تراث غناء المدرسة الفنية الاولي :
* الاستاذ المبارك ابراهيم * الاستاذ علي شمو * الشاعر الرقيق مبارك المغربي * الاستاذ السر محمد عوض * ثم النحرير ، الوراق الذاكر / عوض بابكر
Post: #1908 Title: Re: د / أحمد طراوة ___ فى ندوة عن تاريخ الغناء فى السودان . Author: أحمد طراوه Date: 06-01-2008, 10:44 AM Parent: #1
و بعد اكثر من 30 عاما عادت قريحة الشاعر المطبوع السر احمد قدور ، تتفتق مجددا بتعابير و صور شعرية جديدة
.. جاءت اغنية يا ريت ، بوصفها فكرا عاطفيا جديدا .. و شكلا بديعا بحق .. ومع ذلك احتفظ السر قدور بخيوط و مداخل ذلك الرومانس الشجي الاول الوارد في غنائية الخمسينات الخضراء ( المهرجان ، حبيبي نحنا إتلاقينا مرة ، الشوق و الريد )
.. حينها كتب الراحل علي المك ذلك المقال الفني الفريد عن ظاهرة قدور - ترباس .. ذاك المقال الوارد في ملحق الايام الثقافي غضون الديمقراطية الثالثة بعنوان :
" و اقول كلام في الريد زي النجوم و الماس "
Post: #1909 Title: Re: د / أحمد طراوة ___ فى ندوة عن تاريخ الغناء فى السودان . Author: Moawia Mohammed Date: 06-01-2008, 11:25 AM Parent: #1
سكر .. سكر .. سكر
Post: #1910 Title: Re: د / أحمد طراوة ___ فى ندوة عن تاريخ الغناء فى السودان . Author: Moawia Mohammed Date: 06-01-2008, 12:34 PM Parent: #1
قدله يا مولاي حافي حالق بالطريق الشاقي الترام
Post: #1911 Title: Re: د / أحمد طراوة ___ فى ندوة عن تاريخ الغناء فى السودان . Author: أحمد طراوه Date: 06-01-2008, 07:27 PM Parent: #1
.. حكاوي الخليفة النوراني .. على درب الطرماج الامدرماني
.. و برضو الخليفة محجوب خال العيال علي شريعة و تفانين ناس امدرمان القديمة الكانو بختو اضانم في عمود الكهرباء و عمود التلفون عشان يحددوا مكان الطرماج و لحظة و صولو لمحطة الإنتظار
.. و بتواصل جميل القول عن ايام الصفا و وقائع حياة الناس العادية .. شغلم ، اكل عيشم ، تجارتم ، ورشم ، زراعتم ، فنهم و غناهم ... و كورتم .. لحظات إنبثاق حياة المدينة الجديدة .. و إنصهار القبائل و المجاميع الإثنية و نهضة الوعي الوطني - القومي في بوتقة امدرمان الشاقيها طرماج السِمع .. طرماج الرجل الصنديد حسن العمدة كرم الله ..
و بواصل الخليفة النوراني :
شوف يا احمد ، كل القصة إنو انا عاوز اوصلك و بسرعة لدكان ( سوار علي نميرى ) الراجل الانصاري و شهبندر خياطة الجلابية الألآجا الفخمة في امدرمان .. عوالم شارع القصيرية و شارع الشُوام وسط سوق امدرمان . دكان سوار كان اهم صالون للادب و الفن ، بجوهو معظم الشعراء و الفنانين .. و منو طلعت اغاني كتيرة لابو صلاح ، و البنا ، و يوسف الحسن ابو العايلة ، و عبد الرحمن الريح و التنقاري و العبادي
.. الساعة تلاتة بعد الضهر ، وانا في محطة ود البنا ، بين شارع علي نقد الله و دكان ترزي الستات الارتيست النعيم بكراوي .. و مقابل بيت ناس الاقرع .. و اضاني في العمود بتاع الكهرباء ، و برضو شايل عمود الغداء بتاع ابوي و معاهو كل ناس الدكان في السوق .. و بسمع خلاص الطرماج دخل ود البنا ، و لازم اجيب بسرعة عمنا عمر البنا اشهر شاعر و مُغني في امدرمان في الزمن القديم هو و الشيخ العدار و عبد العزيز المامون اخو ميرغني المامون ، وديل كلهم سبقو سرور و كرومة و الامين برهان
.. و في السكة من ود البنا لود أرو ، و المحطة قصاد بيت خالد ابو الروس ، و ابو الروس دا قصتو برضو طويلة خلاص .. بالله سمعونا صابحني دايما مبتسم .. اصلا ود أرو محل الشباب الحلو و حقي ما تودرو
.. و بيت ناس ابو الروس ياهو حوش ناس عمنا عبد القادر الزين .. بيوت صحبانك يا احمد ، اولاد حي ود أرو ناس حسن ابو الزين و مزمل و ازهري تاج الدين .. و هم برضو خيلان نسيبك المهندس مرغني هجام زوج اختكم دكتورة نضال طراوه .. و يا احمد إنتو ما برضو اهلنا أسال حاجة علوية خليها توريك عُشرة ناس محمد احمد نقد مع ناس خال العيال و قصة دناقلة امدرمان القديمة الموزعين بين السيد علي ، و السيد عبد الرحمن قُبال ما يظهر مؤتمر الخريجين و قبال ما يظهر ازهري و عبد الخالق محجوب .. وقصة الفانوس الحرق القُطية ..
.. و بجي الطرماج ماري ببيت العسكري زول الزبط و الربط اللواء / عبد اللطيف الضو .. و جنبو بيت اللواء عوض عبد الرحمن صغير و معاهو صحبو و زول و نستو سايق التاكسي الشهير ( ود اُرسد ) و جنبهم سايق التاكسي الامدرماني الشهير ( ابو الفتح ) ، و اصلا يا احمد ابو الفتح دا بنتو متزوجا فنان الغنا الشعبي الشهير ( عوض الكريم عبد الله ) .. و الله لمن يغني ظبية السلم بتاعت العبادي حاجة ما تخلص .. لكن ترباس ضربم كلهم .. ترباس وروهو الغنا ناس هاشم حبيب الله ، عليكم الله شغلوا لينا غنا هاشم حبيب الله !
.. و الطرماج وصل جامع الفكي ( الصديق أرو ) و كل الناس الجوة الطرماج بندهو ليهو و يقولو : يا ود أرو حقي ما تودرو .. و ماشين علي مكي ود عروسة
Post: #1912 Title: Re: د / أحمد طراوة ___ فى ندوة عن تاريخ الغناء فى السودان . Author: أحمد طراوه Date: 06-01-2008, 08:23 PM Parent: #1
[B] شكرا يا معاوية علي طرماج الزمن الرايق و ساكن زمن الصفا و التامين .. زمن الديمقراطية ، و البرلمان زمن القضاء المستقل يوم قال قاضى الخرطوم لضابط البوليس قرشي فارس : لم عساكرك و ارجع و خلي الموكب و المظاهرة تواصل دربها
شكرا لبت عكاشة علي الاسناد الكريم .. استلمنا كل المُرسلات علي البريد الالكتروني .. اياديك تسابق رياح ناس ود عثمان و معاوية
.. يا ود عثمان : ها قد عدت لقواعدك و مسالمتك سالم كما يقول صفيكم ود حامد المرتضى .. عاوزين نجهز لرحلتنا مع الامير الاثير / حسن محمد عطية ، ولد حي المُراسلات الخرطومي القديم .. زول التم تم الجديد ، و الرمبا ، و الميلودي البديع ذو الهوى الخماسي
كابلي : كانت اغنية (إني اعتذر) .. حبيبة عمري تفشى الخبر ، كانت مأثرة الخروج علي تلك الدوزنة التقليدية للعود و المسماة ( صول علي صول ) و ارتياد آفاق الصوت الغليظ ( مي )
علي درب الحسين الحسن ، قطر الدمازين السند ثورة اكتوبر في ليلة المتاريس .. خبر الحسين الحسن الذاع و عم القرى و الحضر
Post: #1913 Title: Re: د / أحمد طراوة ___ فى ندوة عن تاريخ الغناء فى السودان . Author: Moawia Mohammed Date: 06-01-2008, 09:30 PM Parent: #1
اني أعتذر - كابلي كلمات : الحسين الحسن
Post: #1914 Title: Re: د / أحمد طراوة ___ فى ندوة عن تاريخ الغناء فى السودان . Author: Moawia Mohammed Date: 06-01-2008, 09:34 PM Parent: #1
حبيبي ناوي الرحيل - حسن عطية
Post: #1915 Title: Re: د / أحمد طراوة ___ فى ندوة عن تاريخ الغناء فى السودان . Author: Moawia Mohammed Date: 06-01-2008, 09:51 PM Parent: #1
صابحني دائما و ابتسم - ابراهيم الكاشف كلمات : خالد أبو الروس
Post: #1916 Title: Re: د / أحمد طراوة ___ فى ندوة عن تاريخ الغناء فى السودان . Author: Moawia Mohammed Date: 06-01-2008, 10:12 PM Parent: #1
ست العربية - أبوداؤد و الكابلي أولاد بحري بلاك أند وايت
Post: #1917 Title: Re: د / أحمد طراوة ___ فى ندوة عن تاريخ الغناء فى السودان . Author: أحمد طراوه Date: 06-02-2008, 00:14 AM Parent: #1
.. ومن عميق ارتباطو بالثقافة و التراث الشعبي .. كتب كابلي و غنى :
اول مرة يظهر .. في اعماقنا فجر الوان من محاسنو ! و من رقة حديثو و همسو الفينا اثر .. ولو ما الله قدر
.. وكان كابلي علي شريعة الحردلو يوم قال:
الشافِك قبيل ميت عليك بإحساسو و الحسة لقاك ظنيتو يقسى خلاصو الحيا و الجمال و الصبا البقياسو من دون البنات فازتبو شالت كاسو
.. و اصلا الدوبيت الفارسي انسرب لجزيرة العرب و وصل بادية السودان ضمن ثقافة كلانات ربيعة و جهينة
.. واصلا الدوبيت استحدثه المولدين من غير العرب الخارجين علي اوزان و ضوابط الفراهيدي و بحورو ال16 .. و مع الدوبيت استحدثوا برضو:
* السلسلة * القوما * الموشح * الزجل
.. و لمن دوباي الضهاري و البوادي إتعدل في بوابة امدرمان القديمة الي رمية ثم اغنية كاملة .. كان و قتها ابو صلاح علي نهج الدوباي قبل الغنا الكامل و برضو الق الدوباي لحق سيد عبد العزيز لمن قال في 1932 برواية الدوبيت و النقرزان الخفيف الراقص :
وادي و مكتسب من الطبيعة وِدادا شوف دوحاتو كيف مُلتفة زي اجدادا باسمة و زاهرة زي ما تقول حواري نداده و الاغصان تميل ميلة العروس في الداده
.. الدوباي و المسادير : خط اساسي لمسار و تطور غنائية السودان
Post: #1918 Title: Re: د / أحمد طراوة ___ فى ندوة عن تاريخ الغناء فى السودان . Author: أحمد طراوه Date: 06-02-2008, 08:37 AM Parent: #1
.. إجلي النظر يا صاحي
كتبا سيد عبد العزيز يوم إالتبس عليهو الامر !
هل وهيبة بت خالتو نايمة نوم الريل ( مفتحة عيونا) .. ولا صاحية و متجاهلة سلامو و كلامو الجاي من شباك غرفة ذاك المنزل الواقع في شارع نجيب كباشي بحي المسالمة الامدرماني
.. لكن شامة عبد العزيز اخت سيد جات بما ازاح غم سيد و همو ، لمن قالت ليهو : أطرد إبليس يا سيد ! وهيبة نايمة ، و هيبة كيف بتجهلك .. وهيبة بتنوم مفتحة عيونا .. بتنوم نوم الريل !!
.. قال عراب التصاوير الشعرية و العاطفة المشبوبة وهو واقفا عند شباك تلك الغرفة التي دخلت عميقا في صفحات تاريخ غنا السودان :
" إجلي النظر يا صاحي .. منظر الانسان الطرفو نايم و صاحي .. صاحي كالنعسان .. و الوهيبة كمان .. تمتاز بديسا طايل و بنهيد رمان ! "
.. خاصية ارتجال الشعر في رحاب الموقف ، كانت خاصية رواد المدرسة الفنية الاولى : العبادي ، ابو صلاح ، ود الرضى ، البنا ..
.. اسمعوا إجلي النظر يا صاحي بصوت اولاد علايل ابو روف و الطريق الشاقيهو الترام : ياسر تمتام و عاصم البنا
Post: #1919 Title: Re: د / أحمد طراوة ___ فى ندوة عن تاريخ الغناء فى السودان . Author: Moawia Mohammed Date: 06-02-2008, 12:11 PM Parent: #1
اجلي النظر يا صاحي - عاصم البنا و ياسر تمتام كلمات : سيد عبد العزيز
Post: #1920 Title: Re: د / أحمد طراوة ___ فى ندوة عن تاريخ الغناء فى السودان . Author: Moawia Mohammed Date: 06-02-2008, 12:30 PM Parent: #1
يا ريت - كمال ترباس كلمات : السر أحمد قدور
Post: #1921 Title: Re: د / أحمد طراوة ___ فى ندوة عن تاريخ الغناء فى السودان . Author: Osman Musa Date: 06-02-2008, 01:42 PM Parent: #1920
بوست الشباب ديل بوست يجلى النظر بوست صاحى طول السنة بوست ماشى زى درب الحرير .. والله اعجز عن الشكر ... التحية للأستاذ أبوعركى البخيت الذى لفت نظرى لبعض الملاحظات التى سوف ناتى اليها .
Post: #1922 Title: Re: د / أحمد طراوة ___ فى ندوة عن تاريخ الغناء فى السودان . Author: أحمد طراوه Date: 06-02-2008, 06:52 PM Parent: #1
حبيبي ناوي الرحيل !
قدما يوم الاحد 25 ابريل 1948 الامير الاثير / حسن محمد عطية ، كانت علي الهواء من مبنى الاذاعة القديم الكان في بيت منسوب قوات دفاع السودان منصور فرج الله و المجاور لمدرسة بيت الامانة في الهاشماب . . طيران موسليني ضرب الاذاعة في هذا الموقع .. حيث دخلت الحاجة كلتوم بائعة اللبن في صفحات تاريخ السودان الحديث عندما قُتل حُمارها مصدر رزقها الوحيد
Post: #1923 Title: Re: د / أحمد طراوة ___ فى ندوة عن تاريخ الغناء فى السودان . Author: Osman Musa Date: 06-02-2008, 10:35 PM Parent: #1922
ونتابع
Post: #1924 Title: Re: د / أحمد طراوة ___ فى ندوة عن تاريخ الغناء فى السودان . Author: أحمد طراوه Date: 06-03-2008, 02:38 AM Parent: #1
و في نفس برنامج الاذاعة بتاع يوم الاحد 25 ابريل 1948 ، تم تقديم اغنية اسمعيل عبد المعين اللي اسمها ( كل الاحباب )
الاغنية إتذاعت الساعة ستة و اربعين دقيقة صباحا بعد نشرة الاخبار مباشرة ، و اعقبا عزف علي آلة العود للعواد القدير ( حلمي جاد الله )
و نرصد من ضمن اغاني اسماعيل عبد المعين :
* جبال التاكا * لاقيتو مع البياح * جابو لي سرو * نشيد يقطة شعب * يا نديم الصبوات .. وهي قصيدة للعقاد * نشيد الي العُلا .. شعر خضر حمد .. * نشيد صرخة روت دمي .. شعر محي صابر * نشيد صه يا كنار .. للصاغ محمود ابوبكر * و برضو شارك بالغناء في فيلم ( ما تقولش لحد) بطولة فريد الاطرش و الممثلة الراقصة سامية جمال * و شارك عبد المعين سرور في 1941 في تلحين نشيد المتطوعات شعر عبيد عبد الرحمن ، و رافقوا في عزف العود باستديو الاذاعة القديمة في ميدان البوستة.. و كانت دي اول مرة يغني فيها سرور بمرافقة العود دون الكورس داخل الإذاعة
Post: #1954 Title: Re: د / أحمد طراوة ___ فى ندوة عن تاريخ الغناء فى السودان . Author: Moawia Mohammed Date: 06-05-2008, 09:07 PM Parent: #1924
صه يا كنار
Post: #1925 Title: Re: د / أحمد طراوة ___ فى ندوة عن تاريخ الغناء فى السودان . Author: أحمد طراوه Date: 06-03-2008, 03:38 AM Parent: #1
.. و نحنا في إنتظار معاوية و بت عكاشة !
وعدونا بارسال صورة عبد الله الماحي ( فنان السودان كلو ) !
و كمان صورة الغوث النوراني ، شيخنا السماني / عبد الرحيم البرعي راجل الزريبة ..
عاوزين نقارب و نشوف غنا المديح اللي اتعمل في نبي الاسلام حبيب اهل السودان ، و اثر هذا المديح في ليرك العبادي و ابو صلاح و ود الرضي و من قبلهم رميات محمد ود الفكي
* لونن من بعيد متل البليبلي نُضاف مُرد و معصرات من شبة الاكتاف للناس البغنولهن يجرو القاف ديل ماليات الخشم من كامل الاوصاف
و الغزلان السمحة دي ، ياها غزلان التورية و الإلهام بتاعت رجل البطانة و الافق الغنائي - القومي السوداني :
" محمد احمد بك ابو سن المعروف شعبيا ( بالحاردلو ) "
غزلان الصعيد النازلة من هضبة الحبشة مواسم الريد و الإخضرار
Post: #1926 Title: Re: د / أحمد طراوة ___ فى ندوة عن تاريخ الغناء فى السودان . Author: Moawia Mohammed Date: 06-03-2008, 04:09 AM Parent: #1
الفنان عبد الله الماحي فنان السوان كلو كما يقول ديمتري البازار و نهديها للأستاذ الكريم عبد المنعم خليفة خوجلي
Post: #1937 Title: Re: د / أحمد طراوة ___ فى ندوة عن تاريخ الغناء فى السودان . Author: Moawia Mohammed Date: 06-04-2008, 00:04 AM Parent: #1926
فنان السودان كلو - عبد الله الماحي السلام يا روح البدن كلمات : محمد ود الرضي
Post: #1927 Title: Re: د / أحمد طراوة ___ فى ندوة عن تاريخ الغناء فى السودان . Author: Moawia Mohammed Date: 06-03-2008, 04:16 AM Parent: #1
الشيخ الورع الذاكر عبد الرحيم البرعي
Post: #1928 Title: Re: د / أحمد طراوة ___ فى ندوة عن تاريخ الغناء فى السودان . Author: أحمد طراوه Date: 06-03-2008, 05:26 AM Parent: #1
.. و ياتيك معاوية بالصور و الخبر اليقين !
عبد الله الماحي بعد ما سجل اسطوانتو الاولي دمتري سماهو (فنان السودان كلو) .. ودا تعبير فيهو دلالات وطنية ذات بُعد قومي .. و كان السيد عبد الرحمن المهدي دايما بقول إنو سرور و عبد الله الماحي نقلوا الغناء من مستواه القبلي المحدود الي مصاف القومية السودانية النبيلة .. و صار الاستماع للاغنية الجديدة قاسم مشترك لكل القبائل و عنصر دمج ثقافي - توحيدى
الاسطوانة الاولي كان فيها :
* اغنية السلام ما مرة يا ليلي * ما بالنية * متى مزاري * سُمتُه روحي و عمر الحسود
.. و بالضرورة حنسمع نماذج لغناء الماحي الذي عاش هادئا مستورا بعيدا عن الاضواء عمرا مديدا
Post: #1929 Title: Re: د / أحمد طراوة ___ فى ندوة عن تاريخ الغناء فى السودان . Author: محمد عثمان Date: 06-03-2008, 08:01 AM Parent: #1928
متااابعة....
د. طراوة
تتذكر دى....؟؟؟
Post: #1930 Title: Re: د / أحمد طراوة ___ فى ندوة عن تاريخ الغناء فى السودان . Author: محمد عثمان Date: 06-03-2008, 08:07 AM Parent: #1
Post: #1931 Title: Re: د / أحمد طراوة ___ فى ندوة عن تاريخ الغناء فى السودان . Author: أحمد طراوه Date: 06-03-2008, 08:40 AM Parent: #1
.. و نقول يا برعي لهمومك أطرحا اكملت علاجك غير حُقنة و مشرحة و مواصلاتك في السكة مُسرحة بالعافية افرحا و لبلادك امرحا
.. و حقا يا ود عثمان ، فإن امر و حال شيخنا البرعي كما صدح به بن البادية في رائعته ( اين مي ؟ ) :
" و الحب لو بلغ المدى كشفته عين المُبصرِ "
Post: #1932 Title: Re: د / أحمد طراوة ___ فى ندوة عن تاريخ الغناء فى السودان . Author: Moawia Mohammed Date: 06-03-2008, 01:13 PM Parent: #1
مصر المأمنة
Post: #1933 Title: Re: د / أحمد طراوة ___ فى ندوة عن تاريخ الغناء فى السودان . Author: Osman Musa Date: 06-03-2008, 03:33 PM Parent: #1932
نعم الفنان الشامل عبدالله الماحى فنان السودان كلو ..
Post: #1934 Title: Re: د / أحمد طراوة ___ فى ندوة عن تاريخ الغناء فى السودان . Author: أحمد طراوه Date: 06-03-2008, 05:58 PM Parent: #1
وفي مواصلة سرد وفهم هذا التاريخ الناصع بصدق علينا قول قدور :
تعبتا القى حروف ما سمعوا بيها الناس !
.. و على صدى ميلودي (ترباس) ود حي البيان الامدرماني .. بيصل طرماج الخليفة النوراني محجوب خال العيال لمحطة مكي ود عروسة في طريقو لسوق ام درمان القديمة و مقصدو دكان سوار علي نميرى ذاك الصالون الادبي الوافر بكوكبة اهل الفن و الادب
" و بنهدي لاشراقة و إنعام و كل آل حيمورة سيرة دكان جدهم سوار "
و في مكي ود عروسة بنسجل تقديرنا لكل من إرتبط بسيرة غنا السودان الجميل :
* ناس عربي البارودي و فرقعون * علي المك ، و هو برصد و بنقب و بسجل في تاريخ الغنا * كمال ابراهيم سليمان (ترباس) بصوتو البارتون الشجى ماركة سرور * عوض حريقة وهو بشيل مع ترباس * ود عبدون وهو بشيل مع ترباس * ود خلف وهو بشيل مع ترباس * محمد تركي ( راوية سيرة كرومة ) * عثمان ضربا ( صديق طفولة كرومة و شيالو لاحقا ) * عباس عبد الرحمن كمبال ( صديق و راوية كرومة )
لكل ناس حي البيان .. و طاحونة الخواجة ، و حوش القزاز ، وحي المغاربة و جامع النحاس ، و زريبة الكاشف .. فكلهم اهل فن و غناء
Post: #1935 Title: Re: د / أحمد طراوة ___ فى ندوة عن تاريخ الغناء فى السودان . Author: Osman Musa Date: 06-03-2008, 08:31 PM Parent: #1934
أستاذ ناذر الخليفة سلامات شايفنك فى حفل بورداب الخرطوم بختكم . أخ ناذر اعمل معروف اجدع لينا تلفون الأستاذ السر أحمد قدور ضرورى تحياتى وشكرى الجزيل
Post: #1936 Title: Re: د / أحمد طراوة ___ فى ندوة عن تاريخ الغناء فى السودان . Author: أحمد طراوه Date: 06-03-2008, 09:30 PM Parent: #1
و كان عبد الرحمن الريح و عتيق بشكلو تحالف فني - ادبي جديد ذو طابع استثنائي فريد علي درب التفعيلة الجديدة و الصور الشعرية البديعة ، و المضامين و الموضوعات المختلفة عن تلك المنسوبة للعبادي و ابو صلاح و ود الرضى و البنا .. و لكن مخطىء من يتجاهل خيط الصلة المباشر و جدل الإنتقال و التواصل الكامن ما بين هذا الجيل وذاك من الشعراء ..
.. و طلع عبد الرحمن من ترسو السينما الوطنية بعد ما دخل فيلم فاتن حمامة للمرة التانية في يوم العرض الاخير .. و قدام قهوة جورج كان بستلهم صورتا و بربطا مع الزول اب عيون كحيلة جميل الصفات .. و كتب تلك القصيدة المفعمة بألق فن التورية و سلاسة النظم :
" الجمال يا (حمامة فاتن) .. فيهو الوان من المفاتن .. .. و كل من يعشق المفاتن ، قل ان يوجد السلامة .. يا حمامة مع السلامة ! "
Post: #1953 Title: Re: د / أحمد طراوة ___ فى ندوة عن تاريخ الغناء فى السودان . Author: Moawia Mohammed Date: 06-05-2008, 08:59 PM Parent: #1936
يا حمامة مع السلامة - مبارك حسن بركات كلمات : عبد الرحمن الريح
Post: #1938 Title: Re: د / أحمد طراوة ___ فى ندوة عن تاريخ الغناء فى السودان . Author: أحمد طراوه Date: 06-04-2008, 10:19 AM Parent: #1
.. و كان الدوباي في شكلو المعروف بالمربوعة بمثل مصدر تاريخي - تطوري و اصيل لغنائية السودان .. جذور الميلودي السوداني الحديث ضاربة في تربة مسادير و غنا و نم البوادي
الريد الكتير لابد تعقبو عداوة و القلب الفسِل بنصيحة ما بداوى كان حصل القنع يا بنية ليه نتلاوى القوي و الضعيف ميزانو ما بتساوي
" من الشعر القومي السوداني القديم .. سيدو ما معروف ! "
Post: #1939 Title: Re: د / أحمد طراوة ___ فى ندوة عن تاريخ الغناء فى السودان . Author: نورالدين بابكر بدري Date: 06-04-2008, 01:56 PM Parent: #1938
Quote: الريد الكتير لابد تعقبو عداوة و القلب الفسِل بنصيحة ما بداوى كان حصل القنع يا بنية ليه نتلاوى القوي و الضعيف ميزانو ما بتساوي
هاكم دي
الزول إن أباك من غير سبب ما تسكو أمس أسمو من خرطة ضميرك حكو جامل البجاملك .... والبسكك .. سكو حب البجيك والبدكك.... دكو
الناس زي الهدوم عند الغسيل بنشكو فيهم راقي وبعضهم فات جناح أمجكو واحد ساتر وآخر أحسن منو تمشي أمفكو
شعر بوردابي
علي سبيل التحية
Post: #1940 Title: Re: د / أحمد طراوة ___ فى ندوة عن تاريخ الغناء فى السودان . Author: Osman Musa Date: 06-04-2008, 05:11 PM Parent: #1939
عزيزنا نور الدين بدرى سلامات زول المناقل أسياد القطن السمح والدوبيت طويل التيلة . اجدع يازول ومرحبتين حبابك أخى نور الدين تحياتى
Post: #1941 Title: Re: د / أحمد طراوة ___ فى ندوة عن تاريخ الغناء فى السودان . Author: أحمد طراوه Date: 06-04-2008, 05:59 PM Parent: #1
.. شرفتنا يا نور الدين .. و شكرا علي دوباي حكمة الحياة و قصص الإئتلاف و الخوة في الدنيا الزي قرون البقر
اسمع مبارك حسن بركات في كلام ود الرضي عن ادب و حِكم عُشرة الحياة الزوجية .. كلام فى بساطتو بجري في ركبان الزمان و الدنيا
Post: #1952 Title: Re: د / أحمد طراوة ___ فى ندوة عن تاريخ الغناء فى السودان . Author: Moawia Mohammed Date: 06-05-2008, 08:48 PM Parent: #1941
ست البيت - عبد الله الماحي كلمات : محمد ود الرضي
Post: #1942 Title: Re: د / أحمد طراوة ___ فى ندوة عن تاريخ الغناء فى السودان . Author: أحمد طراوه Date: 06-04-2008, 10:13 PM Parent: #1
و إتلاقى الامير الاثير / حسن محمد عطية مع بشير عبد الرحمن في القاهرة قبل وفاة بشير في 1953 ..
و شافو الحسناء المصرية ، نواتج نهضة طلعت حرب و محمد فريد الاجتماعية - الصناعية ,, و ثورة هدى شعراوي الحقوقية المعطوفة علي مطالب ثورة 1919 ، شافوها سايقة العربية في شارع فؤاد
.. كانت زينب محمد بيلا برضو عندها عربية روز رويلس آناء تلك الاربعينات في الخرطوم ، بس كان عندها سواق خاص
كتب بشير ست العربية ، لحنا الامير ابو علي علي خط الميلودي الانيق الغير بيهو غنا و مزيكة السودان في مطلع الاربعينات .. ابو علي صحيح لم يكن موسيقارا بالمعنى الدقيق للكلمة .. لكنو كان ملك الميلودي الجديد المُتوج .. كان شهبندر التطريب الجديد .. كان رائد التم تم و الرمبا المندمجة في جملة السودان الموسيقية الجديدة
.. تزوج بشير عبد الرحمن من إحدى المصريات و لم ينجب اطفالا .. وهو مولود في حي الميرغنية بكسلا في 1903 .. تخرج مهندسا زراعيا ، و وصل مرتبة كبير مهندسي اسوان في الاربعينات ، مات و دفن في اسوان
" سمعنا يا ود عثمان ، يا معاوية ست العربية "
Post: #1943 Title: Re: د / أحمد طراوة ___ فى ندوة عن تاريخ الغناء فى السودان . Author: أحمد طراوه Date: 06-04-2008, 11:05 PM Parent: #1
.. و إنطلقت حركة الوعي النسائي - السوداني من يوم ذاك الاجتماع التاريخي اللي جرت وقايعو في بيت الشيخ/ مكي ازرق في امدرمان جوار بيت الزعيم الازهري .. في 1952
استضافت الرائدة الجسورة عزيزة مكي الاجتماع في بيتم و جات خالدة زاهر و فاطمة طالب و حاجة كاشف و محاسن عبد العال و ثريا الدرديري و البت الشجاعة الواعية ذات الحس القيادي ، الصغيرة حينها فاطمة احمد ابراهيم .. و آخريات ضمن الطلائع النسائية المؤمنة بقضية و حقوق المرأة السودانية
.. وغنى الامير حسن عطية في شان خاطر النهضة النسائية الجديدة و علي ايقاع التم تم و الجملة اللحنية الجديدة ، كلام حسين عثمان منصور : قومي يا سعاد كلمي محاسن للكفاح يلاك
شكرا بت عكاشة علي صور الرائدات .. حننزلا واحدة إثر واحدة .. و في إنتظار نسمع قومي يا سعاد .. و برضو ابو السيد بغني للاتحاد النسائي الكان بملأ العين و يفضل ، اغنية اسماعيل خورشيد : بنات بلدنا يا نهضة جديدة
" و حيتواصل غناء المرأة السودانية و تظل رايات حركتا الديمقراطية عالية خفاقة "
Post: #1944 Title: Re: د / أحمد طراوة ___ فى ندوة عن تاريخ الغناء فى السودان . Author: munswor almophtah Date: 06-04-2008, 11:14 PM Parent: #1943
الريد الكتير لابد تعقبو عداوة و القلب الفسِل بنصيحة ما بداوى كان حصل القنع يا بنية ليه نتلاوى القوي و الضعيف ميزانو ما بتساوي
Post: #1948 Title: Re: د / أحمد طراوة ___ فى ندوة عن تاريخ الغناء فى السودان . Author: Moawia Mohammed Date: 06-05-2008, 08:25 PM Parent: #1943
فتاة اليوم و الغد - كابلي
Post: #1949 Title: Re: د / أحمد طراوة ___ فى ندوة عن تاريخ الغناء فى السودان . Author: Moawia Mohammed Date: 06-05-2008, 08:31 PM Parent: #1948
سعاد - حسن عطية
Post: #1951 Title: Re: د / أحمد طراوة ___ فى ندوة عن تاريخ الغناء فى السودان . Author: Moawia Mohammed Date: 06-05-2008, 08:41 PM Parent: #1949
بنات بلدنا - سيد خليفة كلمات : اسماعيل خورشيد
Post: #1945 Title: Re: د / أحمد طراوة ___ فى ندوة عن تاريخ الغناء فى السودان . Author: أحمد طراوه Date: 06-05-2008, 09:57 AM Parent: #1
.. دمت يا منصور يا مفتاح
و شوف شيخنا احمد عوض الكريم ابوسن الطالع من مدرسة قريبو الحردلو شن بقول
فطايم الدورن برق الهِجوع الشال قعدت مُقابلن ما بين جدار و رجال في دغس العيون الفمهن عسال الشوف كان بيقتل كان كتلو غزال
Post: #1946 Title: Re: د / أحمد طراوة ___ فى ندوة عن تاريخ الغناء فى السودان . Author: Osman Musa Date: 06-05-2008, 04:08 PM Parent: #1945
تشرفت ندوة تاريخ الغناء اليوم بدخول الكاتب الجميل منصور المفتاح الف شكر أستاذ منصور .. واعلم أن دخولك للبوست ضرورى وهام ومفيد .. تحياتى وشكرى الجزيل
Post: #1947 Title: Re: د / أحمد طراوة ___ فى ندوة عن تاريخ الغناء فى السودان . Author: أحمد طراوه Date: 06-05-2008, 07:19 PM Parent: #1
.. حكاوي الخليفة النوراني علي درب الطرماج الامدرماني
حكاوى تاريخ الناس ، الغنا ، الحياة اليومية و دنيا بديعة احس مبكرا المحجوب و دكتور حليم و عبد الخالق محجوب بضعف مقومات استمرارا و بقائها كما هي
( موت دنيا .. و افول عالم البرجوازية - الوطنية السودانية )
.. و وصل الطرماج سوق امدرمان .. نزل الخليفة محجوب خال العيال مستصحبا الراجل القال : و مابسيب حبك حتى لو ضراني عشان يوصلوا دكان التنقاري و صالون سوار علي نميري في شارع الشوام العريق
Post: #1950 Title: Re: د / أحمد طراوة ___ فى ندوة عن تاريخ الغناء فى السودان . Author: خالد علي محجوب المنسي Date: 06-05-2008, 08:37 PM Parent: #1947
Quote: .. حكاوي الخليفة النوراني علي درب الطرماج الامدرماني
الحبيب طراوة ومحجوب خيال العيال وعلى درب الطرام أهديكم بعض كلمات من بابكر ودالسافل
أم درمان بلد المولى عظم شأنا الليل كان تجيك بي بدلتا ونيشانا يا رب يا كريم تجلعنا من سكانا الزوق والجمال مكتوب علي بيبانا
إن درتا الجمال في وددرو بتلقا وإن قلتا الدر أبوروف كمان حقا بيت المال جينان لي الطوفة والشقا حي الصقور وقد نعلاتك إتلقا
Post: #1956 Title: Re: د / أحمد طراوة ___ فى ندوة عن تاريخ الغناء فى السودان . Author: أحمد طراوه Date: 06-06-2008, 10:12 AM Parent: #1
.. و ليك دوام مودتنا يا منسي
و قال المتنبي : و كل وداد لا يدوم علي غياب الاحبة .. .. دوام ودادي للحسين ، ضعيف !
.. و نسمع بابكر ود السافل !
و ياريت برضو اغنية الربوع عند احمد يوسف الرباطابي .. ام در يا ربوع سودانا
.. وكان برنامج الربوع احدي نواتج النهج الجديد اللي ختا ساسو رائد الإعلام الإذاعى / صلاح احمد محمد صالح
.. و ظهر النعام آدم ، و يوسف فتاكي .. و توسعت مظلة الغناء القومي الجامع لكل أعراق و ثقافات السودان
Post: #1957 Title: Re: د / أحمد طراوة ___ فى ندوة عن تاريخ الغناء فى السودان . Author: Osman Musa Date: 06-06-2008, 04:37 PM Parent: #1956
دوريها العربية يا ست العربية دوريها أخرجى بها غدا يوم السفر من شمال الوادى الى الجنوب .. لابد أن تدوم بيننا الصلات لابد أن نبنى تلك الجنات . دوريها . أخرجى بنا لابد أن يخرج هذا المستعمر ... دوريها دوريها
Post: #1958 Title: Re: د / أحمد طراوة ___ فى ندوة عن تاريخ الغناء فى السودان . Author: محمد عثمان Date: 06-06-2008, 08:20 PM Parent: #1957
Post: #1959 Title: Re: د / أحمد طراوة ___ فى ندوة عن تاريخ الغناء فى السودان . Author: أحمد طراوه Date: 06-06-2008, 08:39 PM Parent: #1
.. دا الزول البسيط الرفيع الكادح الزاهد مستودع الالحان الجديدة الجميلة آناء تلك الاربعينات
كانت المُلهمة و ليلة الذكري بحق نقطة تحول في مسار الغناء المموسق علي نهج المقام الخماسي السوداني
.. و قال لي الخليفة النوراني محجوب خال العيال ضمن شوارد الحكي الاثير :
تعرف يا احمد حي ود أرو قصتو عجيبة و شخصياتو اعجب !
التاج مصطفي لمن عمل الملهمة سنة 1948 ، كان بجي الصباح كل يوم يواصل شغلو كاسطى بناء في بيت ناس فاروق مدثر المقابل طرمبة شل الملاصقة بيت عبد الكريم مرغني .. الناس كانت بتجى تشوف الزول البغني الملهمة في الراديو و طالع كل يوم من الصباح في الحيطة برص في الطوب و ببني !
التاج مصطفى بعد داك بقى استاذ في المدرسة الصناعية بامدرمان .. اصلا كان اسطى برنجي في البناء !
بالله كلم ناسكم يسمعونا ليلة الذكرى ، او الملهمة
Post: #1960 Title: Re: د / أحمد طراوة ___ فى ندوة عن تاريخ الغناء فى السودان . Author: محمد عثمان Date: 06-06-2008, 08:47 PM Parent: #1959
Quote: بالله كلم ناسكم يسمعونا ليلة الذكرى ، او الملهمة
الملهمة...
Post: #1961 Title: Re: د / أحمد طراوة ___ فى ندوة عن تاريخ الغناء فى السودان . Author: Osman Musa Date: 06-06-2008, 08:57 PM Parent: #1960
بوست تاريخ الغناء يهدى كل الغناء الى الأستاذ العريس هاشم الحسن الف مبروك أخ هاشم الكسلاوى وبيت مال وعيال ..
Post: #1964 Title: Re: د / أحمد طراوة ___ فى ندوة عن تاريخ الغناء فى السودان . Author: Moawia Mohammed Date: 06-07-2008, 08:42 AM Parent: #1959
ليلة الذكري - التاج مصطفي كلمات : حسين بازرعة
Post: #1962 Title: Re: د / أحمد طراوة ___ فى ندوة عن تاريخ الغناء فى السودان . Author: أحمد طراوه Date: 06-06-2008, 11:22 PM Parent: #1
شكرا ود عثمان .. و حمد لله علي العودة و الطلة .. افتقدناك يا حبيب
و شوف لينا اغنية ابو علي البقول فيها: في الملامح عربي .. وفي الجمال سوداني كتبا السر دوليب ولحنا ليهو بشير عباس بمقام (مي)
Post: #1963 Title: Re: د / أحمد طراوة ___ فى ندوة عن تاريخ الغناء فى السودان . Author: محمد عثمان Date: 06-06-2008, 11:28 PM Parent: #1962
Quote: شكرا ود عثمان .. و حمد لله علي العودة و الطلة .. افتقدناك يا حبيب
و شوف لينا اغنية ابو علي البقول فيها: في الملامح عربي .. وفي الجمال سوداني كتبا السر دوليب ولحنا ليهو بشير عباس بمقام (مي)
د. طرااوة
البوست ليهو كم يوم ما بيفتح معاى ابدا لكن الظااهر المشكلة الليلة اتحلت لكن كيف ما عارف..!!!
نبحث عن اغنية ابو على انشاء الله...
Post: #1965 Title: Re: د / أحمد طراوة ___ فى ندوة عن تاريخ الغناء فى السودان . Author: Moawia Mohammed Date: 06-07-2008, 08:54 AM Parent: #1
يا نسيم شبال - كمال ترباس كلمات : السر أحمد قدور
Post: #1966 Title: Re: د / أحمد طراوة ___ فى ندوة عن تاريخ الغناء فى السودان . Author: أحمد طراوه Date: 06-07-2008, 10:00 AM Parent: #1
.. الاحباب تجنوا في الاحكام و جارو بقيود المحبة أسروني و توارو لعينيا ابكوا
... وداعا ابو عفان ! إنا والله لمحزونون !
و هاهي فراشات قرشي محمد الحسن .. و طيور بآزرعة العابرة للبحر .. تغدو اكثر حيرة و ضياعا !
.. و ستبقى تلك الومضات اللحنية لمقام (فا) الامدرماني ، نبراسا مُضيئا و مُلهما لمسار و مستقبل موسيقى الامة السودانية
عميق عزاؤنا لبآزرعة .. و كل قبيلة الغناء و الفن السوداني
Post: #1967 Title: Re: د / أحمد طراوة ___ فى ندوة عن تاريخ الغناء فى السودان . Author: Osman Musa Date: 06-07-2008, 04:53 PM Parent: #1966
له الرحمه لقد رحل أهم أركان الغناء السودانى اليوم . لك الرحمه أبوعفان
Post: #1968 Title: Re: د / أحمد طراوة ___ فى ندوة عن تاريخ الغناء فى السودان . Author: أحمد طراوه Date: 06-07-2008, 05:30 PM Parent: #1
وداعا :
* يا عُصامي الفن السوداني * يا مُجدد الجملة اللحنية ، ورائد التنوع و التكثيف و التصوير الموسيقى * يا من ادخل الترمبيت و الترمبون و الكلارنيت في موسيقى الغناء السوداني * يا من ابدع مقام (فا) نهجا خماسيا اصيلا بإخراج الدرجتين من السلم الكبير * يا من ادخل ايقاع البوليرو الاسباني لونا سودانيا جديدا
.. وداعا يا (كجور) المزيكا السودانية .. يا رائد التطور
" وداعا استاذنا الفنان / عثمان حسين "
Post: #1969 Title: Re: د / أحمد طراوة ___ فى ندوة عن تاريخ الغناء فى السودان . Author: Moawia Mohammed Date: 06-07-2008, 06:43 PM Parent: #1
وداعا .. وداعا .. وداعا أبوعفان
اليوم أفل نجم لطالما اهتدينا به في دربنا الأخضر
اليوم لازمنا مر الشجن
اليوم انهد ركن من أركان غنانا السمح
اليوم بعد الصبر الله يلزمنا الصبر
انا لله وانا اليه راجعون
Post: #1970 Title: Re: د / أحمد طراوة ___ فى ندوة عن تاريخ الغناء فى السودان . Author: Moawia Mohammed Date: 06-07-2008, 06:46 PM Parent: #1
وماذا بعد الصبر ؟
Post: #1971 Title: Re: د / أحمد طراوة ___ فى ندوة عن تاريخ الغناء فى السودان . Author: أحمد طراوه Date: 06-07-2008, 06:49 PM Parent: #1
يا (عثمان حسين) .. يا رمز النهضة و الكفاح في بلادي :
.. يشهد عليك الليل و نجمو .. و كل انوار الصباح و كل طائر في سماهو في شريعتو الحب مُباح
.. و رغم المُحن و إنعكاس الاحوال و صولات التتر و المغول سيتواصل ذلك المد الغنائي الديمقراطي - الإنساني .. سنبلغ حواف الدنيا الجديدة .. عبر بحار الشجن و الدموع و العذابات و التضحيات . .. حتما ستعود مراكب الريد السوداني لبر الامان
Post: #1972 Title: Re: د / أحمد طراوة ___ فى ندوة عن تاريخ الغناء فى السودان . Author: Moawia Mohammed Date: 06-07-2008, 06:51 PM Parent: #1
اليوم تيتمت كل الديوم ونام حي الزهور حزينا و السجانة دخلت بيت الحبس يا ناس
Post: #1973 Title: Re: د / أحمد طراوة ___ فى ندوة عن تاريخ الغناء فى السودان . Author: Moawia Mohammed Date: 06-07-2008, 07:21 PM Parent: #1
قصتنا
كل طائر مرتحل عبر البحر قاصد الأهل حملتو أشواقي الدفيقة
Post: #1974 Title: Re: د / أحمد طراوة ___ فى ندوة عن تاريخ الغناء فى السودان . Author: Moawia Mohammed Date: 06-07-2008, 07:30 PM Parent: #1
يا حليل الدرب الأخضر
Post: #1975 Title: Re: د / أحمد طراوة ___ فى ندوة عن تاريخ الغناء فى السودان . Author: أحمد طراوه Date: 06-07-2008, 07:32 PM Parent: #1
" لستُ ادري هل عذابي ام عذابك كان اكتر .. غير إني كنت أدري ان حبي كان اكبر ؟! "
.. آهِ يا بآزرعة !
وحدك الان في ذلك الاغتراب اللعين الطويل ، المُنهك للروح و القرائح و الابدان
يا بآزرعة يامن اخرجوك اهل الضلام في 1963 عنوة من ديار النيل و المحبوب :
.. ومع كل العذاب الشفتو و السر الكتمتو .. و فقدك المُوجع لرفيق دربك و كفاحك ، و مع كل تلك الالآم ... اسند راسك مطمئنا فوق كتف امة السودان
.. فسوف تبقى ثورتكم اللتى تفجرت مطلع الخمسينات ، ثورة الرومانس و العاطفة ، و المد الانساني - الديمقراطي الغنائي ، ستبقى مشتعلة ، راياتها عالية خفاقة و مُرشدة لعقل و وجدان اجيال الغد ، اجيال سودان دولة الديمقراطية الحقة ، دولة القانون و جميل الغناء
Post: #1976 Title: Re: د / أحمد طراوة ___ فى ندوة عن تاريخ الغناء فى السودان . Author: محمد عثمان Date: 06-07-2008, 07:42 PM Parent: #1975
الرحمة و المغفرة للفنان عثمان حسين و التعازى موصولة لكل قبيلة الفن و لجميع افراد الشعب السودانى..
Post: #1977 Title: Re: د / أحمد طراوة ___ فى ندوة عن تاريخ الغناء فى السودان . Author: Osman Musa Date: 06-07-2008, 07:43 PM Parent: #1975
ليه تقول أيامنا راحت يا حبيبى وانتهينا ؟
Post: #1978 Title: Re: د / أحمد طراوة ___ فى ندوة عن تاريخ الغناء فى السودان . Author: Moawia Mohammed Date: 06-07-2008, 07:58 PM Parent: #1
كانت لنا أيام
جولة داخل منزل الهرم الخالد أبوعفان
Post: #1979 Title: Re: د / أحمد طراوة ___ فى ندوة عن تاريخ الغناء فى السودان . Author: Moawia Mohammed Date: 06-07-2008, 08:14 PM Parent: #1
تسابيح كلمات : محمد يوسف موسي
أنا المكتول واأسفي أموت بحسرتي و لهفي
Post: #1980 Title: Re: د / أحمد طراوة ___ فى ندوة عن تاريخ الغناء فى السودان . Author: Osman Musa Date: 06-07-2008, 10:58 PM Parent: #1979
كل من عليها فان
Post: #1981 Title: Re: د / أحمد طراوة ___ فى ندوة عن تاريخ الغناء فى السودان . Author: أحمد طراوه Date: 06-07-2008, 11:05 PM Parent: #1
.. في جروف و طمي النيل و محرابه في عناق نخيل الشمال مع رمال الصحاري في قسمات سحر الجنوب و نسمات اريج الشمال في ازيز بوابير المياه و أنين السواقي في صدى صوت طائر الغولج و الرهو و تلك القماري في صوت خُطى قوميات الفور و الزغاوة و البجا و نوبا الشمال في هتافات جماهير الثورة السودانية وهي ترتاد الوغي في طريق الجامعة في ارضنا الطيبة التي لها الروح فداء ( افديك بالروح يا موطنى ) في اجمل ما أتت به ثقافة قحطان و أدد و يعرب في ارض جنوب الوادي
" في كل ذلك ننتظرك و نلتقيك يوم النهوض و النصر و بناء السودان الجديد "
Post: #1982 Title: Re: د / أحمد طراوة ___ فى ندوة عن تاريخ الغناء فى السودان . Author: محمد عثمان Date: 06-07-2008, 11:09 PM Parent: #1981
من اجل حبى
Post: #1983 Title: Re: د / أحمد طراوة ___ فى ندوة عن تاريخ الغناء فى السودان . Author: Alsa7afa_30 Date: 06-08-2008, 00:18 AM Parent: #1
و انتهت قصتنا ...
. . . .
و اتلاشت الأحلام ...
Post: #1984 Title: Re: د / أحمد طراوة ___ فى ندوة عن تاريخ الغناء فى السودان . Author: Osman Musa Date: 06-08-2008, 00:58 AM Parent: #1983
الأخوان معاويه ومحمد عثمان وطراوة البركة فيكم وارجو وضع تسجيل حسن ساتى مع المرحوم الفنان عثمان حسين له الرحمه .
Post: #1985 Title: Re: د / أحمد طراوة ___ فى ندوة عن تاريخ الغناء فى السودان . Author: Moawia Mohammed Date: 06-08-2008, 03:09 AM Parent: #1
Quote: وارجو وضع تسجيل حسن ساتى مع المرحوم الفنان عثمان حسين له الرحمه .
Post: #1986 Title: Re: د / أحمد طراوة ___ فى ندوة عن تاريخ الغناء فى السودان . Author: Moawia Mohammed Date: 06-08-2008, 07:48 AM Parent: #1
عشقتك
Post: #1987 Title: Re: د / أحمد طراوة ___ فى ندوة عن تاريخ الغناء فى السودان . Author: Moawia Mohammed Date: 06-08-2008, 08:02 AM Parent: #1
عرس الدم
Post: #1988 Title: Re: د / أحمد طراوة ___ فى ندوة عن تاريخ الغناء فى السودان . Author: Moawia Mohammed Date: 06-08-2008, 08:18 AM Parent: #1
نـــــــــورا كلمات : عوض أحمد خليفة
Post: #1989 Title: Re: د / أحمد طراوة ___ فى ندوة عن تاريخ الغناء فى السودان . Author: Moawia Mohammed Date: 06-08-2008, 09:06 AM Parent: #1
كلمه منك حلوه
عثمان حسين و محمد الحويج
رحمة الله عليهما
Post: #1990 Title: Re: د / أحمد طراوة ___ فى ندوة عن تاريخ الغناء فى السودان . Author: Moawia Mohammed Date: 06-08-2008, 10:31 AM Parent: #1
شعراء تغني لهم أستاذنا الراحل :
1- حسين بازرعة 2- عوض أحمد خليفة 3- السر دوليب 4- صلاح أحمد محمد صالح 5- محمد يوسف موسي 6- قرشي محمد حسن 7- الزين عباس عمارة 8- الجيلي عبد المنعم عباس 9- محمد بشير عتيق 10- التجاني يوسف بشير 11- عثمان خالد 12- عبد المنعم عبد الحي 13- اسماعيل حسن 14- حميدة أبو عشر 15- علي محمود التنقاري 16- حسين عثمان منصور 17- محجوب سراج 18- حسن عبد الله القرشي ( سفير سعودي سابق ) 19- علي شبيكة 20- محمد سعد دياب 21- خضر حسن سعد
Post: #1991 Title: Re: د / أحمد طراوة ___ فى ندوة عن تاريخ الغناء فى السودان . Author: أحمد طراوه Date: 06-08-2008, 12:44 PM Parent: #1
وباجنحة الفجر الاكتوبري المرفرفة في علياء الوطن عاد بآزرعة عند 1964 ليسطر مع رفيق دربه الراحل ، تلك الغنائية الرائعة المنسوبة لخط و تراث الرومانس الثوري الذي إبتدره مبكرا خليل فرح بدري و عبيد عبد النور و يوسف مصطفى التني
كان لقاءا ثوريا انتج عرس الدم السوداني :
.. هذا الفتى ذو الجبهة السمراء يرتاد الردى .. ما اروعا لا الغاز لا البارود لا التعذيب يوما افزعا !
.. كلا ولا الجُند الغِلاظ ولا الرماح المُشرعا .. قلبي .. قلبي .. معا
Post: #1992 Title: Re: د / أحمد طراوة ___ فى ندوة عن تاريخ الغناء فى السودان . Author: Osman Musa Date: 06-08-2008, 03:56 PM Parent: #1991
ما اروعا ما اروعا ... وما اروع من حمل مشعل الغناء .. لك الرحمه
Post: #1993 Title: Re: د / أحمد طراوة ___ فى ندوة عن تاريخ الغناء فى السودان . Author: salah elamin Date: 06-08-2008, 07:46 PM Parent: #1
واحمد الامين احمد خير من يكتب عن ابوعفان:
Quote: كل من عليها فان ويبقى وجه ربك ذو الجلال والاكرام صدق الله العظيم قبل الولوج فى عوالم عثمان حسين رحمه الله لابد من شحذ الذاكره واستدعاء نحو ستين عاما من الفرح والالق والسمو والعشق والدخول فى رسايل الغرام التى سودهاالعاشقون منذ طلعته الجميله منتصف الاربعين شاديا بنبض عتيق " حارم وصلى مالك يا المفرط كمالك " ثم الصوفى المعذب الفراش الحائرقرشى محمد حسن والعاشق الولهان بازرعه والزابط العابد عوض احمد خليفه وصلاح احمد محمد صالح حتى يتم ذلك اعزى فى مقام الرحيل والحزن الشاعر الكبير العاشق فضيلى جماع الذى رايته يذوب وجدا وهياما عندما يسمع الى شدو عثمان حسين وارفع لكم جميعا صوره جميله لابى عفان يغازل عوده المرن هذا العود الجميل الذى رافق عبد الحميد يوسف كثيرا فى ليالى السجانه فى بيت ناس " عوض الله برفقه فتاح وعربى ولتدركوا عظمه هذا العود ومقدره انامل صاحبه على مغازلته اعيدوا سماع دخلات العود فى اغانى عثمان حسين القديمه تحديدا حواره الثلاثى مع الاوركسترا من جانب وصفاره سعدابى من جانب فى مقدمه الفراش الحائر قبل ان يصدح " طاف الفراش الحائر مشتاق الى وجناتك " وكذلك دخول العود بعد المقدمه الطويله للاوركستراالذهبيه وفيها عربى وفتاح وخواض ورابح فى اغنيه عوض احمد خليفه " شتات الماضى" ...معذره الحديث عن ابى عفان لم يبدأ بعد فالى الصوره الزاهيه مع الرجاء ان تدعو له بالرحمه السقيا من الكوثر والسير تحت لواء الحمد فهو الان يسئل
Quote: تاريخيا يقع عثمان حسين بين طلوع التاج مصطفى وبزوغ بدر داؤد وفنيا صوته أعلى قليلا من احمد المصطفى واقل درجه من صوت الكاشف الصداح وموسيقيا يندرج فقط مع محمد وردى وقبله كرومه " لم اذكر برعي لأنه ملحن فقط وليس مؤدى" ... مقدره عثمان حسين على تطويع الألحان وتركيب المزيكا الكبيرة عليها حدت بالصوت الراقي وردى وهو معلم مجلسي بعيدا جدا عن الخرطوم قبل أن يزورها لأول مره غير مغنيا 1953 كما ذكر لمعاوية يس 1994 حدت به أن يبعث تلغرافا عاجلا عبر أذاعه أم درمان يهنئ فيه عثمان حسين بلحنه الراقي وأدائه الرفيع ومز يكتو الكبيرة التي تسيطر عليها الكمنجات لدرجه البكاء والنوح والتمزق عند سماعه لرائعة باز رعه " لا تسلني فهي حلم عابر طاف بذهني" – لاحقا اعترف عثمان حسين أن للكمنجاتى الراقي عبد اله عربي دورا كبيرا في موسيقى تلك الاغنيه الكبيرة عبره طلعاته وصولاته his solo التي سمح له بالخرج فيها مثلما سمح له وردى كذلك بالخروج عبر solo جميل على الكمنجة في المزيكا الكبيرة لرائعة شادي الموال صلاح احمد إبراهيم " الطير المهاجر " التي لحنها وردى في النصف الأول من الستين وعبرها أحس كما اعترف كذلك لمعاوية يس انه أحس انه ارتقى مع عثمان حسين ذات الدرجة الموسيقية واللحنية الرفيعة وبالتالي أحبه !!!!! * ملحوظة: في سياق العلاقة الفنية المعقدة بين الهرمين وردى وعثمان حسين أعترف عثمان حسين أن وردى يوده كثيرا ويقدر مكانته اللحنية الفذة لدرجه أدت بوردي أن يحمل عوده الراقي ويسير مشيا على الأقدام من العمارات حيث كان يقيم جوار منزل عبود بعد ثوره أكتوبر والحضور إلى منزل عثمان حسين القديم بناحية حي الزهور ليأخذ رياه في لحنه لاغينه القانوني جيلي عبد المنعم "مرحبا يا شوق" التي عانق بها وردى تلحين الخرائد الفصيحة التي كان لعثمان حسين باعا طويلا في التعامل معها منذ طلعته الجميلة بأغنيات قرشي محمد حسن تحديدا الفراش الحائر وخمره العشاق وبعض فصيح باز رعه وصلاح احمد محمد صالح تحديدا " وداعا يا غرامي" وأرجو أن تسمعوها ابيض واسود في التسجيلات القديمة جدا طوال عقد الخمسين من القرن الماضي.. ** من أغنيات الراقي وردى يحب عثمان حسين كثيرا رائعة إسماعيل حسن " خاف" تحديدات كسرتها : يا قلبي أنسى الفات كفى يا قلبي انسي الفات وعيش من تانى وحداني لو حنيت لعهد الشوق أجيب من وين عمر تانى ياقلبى شفت الويل وليل السهد بكاني وترديد وترجيع ذلك .................... كما يود كثيرا أغنيه السنين للصوت الجروح بالعذاب " كصوت كرومه في مدينه من تراب لعلى ألمك" للطيب عبد الله وذكر انه يود كثيرا لو كانت من أغنياته وهى حقا تشبهه بسموها ولحنها وعفتها له الرحمة
منقول من مداخلة لاحمد في بوست عبدالكريم
Post: #1994 Title: Re: د / أحمد طراوة ___ فى ندوة عن تاريخ الغناء فى السودان . Author: أحمد طراوه Date: 06-08-2008, 08:02 PM Parent: #1
.. و حزينة تلك النخلات الباسقات في مقاشي و الباسا و الكاسنجر و عموم الخط الشمالي لتلك الجروف النيلية
.. و تحركت قريحة و قلم استاذ علم الانسان (الانثربولوجي) بجامعة تنسي : محجوب التجاني محمود ! فكتب مقالا رصينا يوم رحيل غيثارة البلاد .. ناسبا المصدر التاريخي لغنائية عثمان حسين و جملته الموسيقية لتلك الخلفية التاريخية التي شكلتها ثقافة السوداني النوبي القديم ، و تيارات وافد الموسيقى الهندو - عربية و ميلودي الشايقية القديم الجميل
Post: #1995 Title: Re: د / أحمد طراوة ___ فى ندوة عن تاريخ الغناء فى السودان . Author: أحمد طراوه Date: 06-08-2008, 08:09 PM Parent: #1
مقال د. محجوب التجاني : سنترجمه بإقتضاب و تصرف و برصد لمؤشراته السوسيو - ثقافية الداخلية القيمة
The al-Farash al-Ha-ir Everlasting Singer
Mahgoub El-Tigani June 7, 2008
June the 7th is a sad day in Sudan. It might as well be a sad day for lovers of the Sudanese songs and music in Eritrea, Ethiopia, Egypt, Chad, Uganda, Kenya, and the rest of the world. This is a day when 'Uthman Hissain, one of the greatest Sudanese musicians and singers of our time, was buried in the Farouq Cemetery at Khartoum.
Born in a-Sagay, a small village in Northern Sudan, 'Uthman had been deeply influenced by the Shayqiyya-Nubian music. In fact, most of his songs might be played following the rhythm and melodic modes of that art. 'Uthman artistic contributions, however, added enormously to the modern songs of Sudan, as he introduced in new forms of music the wonderful poetry of Mohamed Bashir 'Ateeq and Salah Ahmed Mohamed Salih, as well as unique poetic products by 'Uthman Hissain Bazara'a and al-Sir Doleeb.
Deeply rooted in the Shayqiyya-Nubian ethics, spiritual values, and musical heritage, 'Uthman Hissain, often named the al-Shayqqi, was also influenced by Egyptian, Indian, and Western forms of melodic construction. His musical flavor was rich and diverse, inasmuch as his refined selections of songs were.
Most particularly, 'Uthman's sophisticated works were strictly addressed to the notions of love in its purest forms: love of character before the body; love of the meanings of patriotism, not of any ruler or government; and love of challenging the sufferings of life to overcome them with hope and determination. As such, his art survived over all authoritative politics or reactionary ideologies, despite enormous pressures by the succeeding dictatorial regimes to incorporate all works of art into their ill-fated, non-aesthetic systems of rule.
Since his first graceful song Harim wasli malik by Mohamed Bashir‘Ateeq in the early 1950s, followed by al-Farash al-Ha-ir [the overwhelmed butterfly] his most innovative work in a time of prevailing Haqeeba classics, closely following the early creative works of Khalil Farah, Mohamed Ahmed Saroar, and Karuma, and the succeeding generation of ‘Ismail ‘Abd al-Mo’een, Yusif ‘Abd al-Hamid, and Ibrahim al-Kashif, ‘Uthman Hissain has been highly reputed for a great number of innovative songs in the arena - all-fulfilling in music, lyrics, and performance.
Since the 1960s throughout the 1980s, up to the present time, millions of the Omdurman Radio listeners together with millions of listeners of Sudanese music in the neighboring radio stations, especially Rukn al-Sudan in Cairo and the BBC Arabic service in London, have been enjoying the ‘Uthman-Bazara’a songs of which the backward rule of the Brotherhood banned the al-Qublatu a-Sakra masterpiece. Still, Bazara’a Hobi, Ana wal-Najm wa al-Masa and the Doleeb songs Mali wa al-Hawa, Galbi Faqrak, and Aw’id-eeni added to many other distinguished works, continued to influence our modern songs.
‘Uthman Hissain lifelong contributions provided a great service to the modern culture of Sudan for they helped to make of our songs a popular enjoyment of life for large populations beyond the borders of Sudan. Like those of ‘Abd al-Rahman al-Yayah, Ibrahim al-Kashif, Hassan ‘Atiya, Ahmed al-Mustafa, al-Taj Mustafa, Sayed Khalifa, Ramadan Hassan, and the other innovative counterparts, his works will continue as they were, pure and sentimental, to play the same role, as long as the finest meanings of love for the human person and the Nation continue to influence the social life.
The history of Sudanese songs will give tribute to the ‘Uthman’s creative formulations of music, as well his gracious introduction of several innovative songs by ‘Ateq, Salah, Bazara’a, and Doleeb whom he adopted from the most part their beautiful lyrics in his songs.
The Sudanese people have always supported their Loved Ones, whether in arts, political stands, or any other patriotic arena. For long decades, however, the State of Sudan provided nothing in any real terms to honor the invaluable works of the Sudanese singers or musicians, not to mention the destructive policies and practices of the NIF/Congress party ruling regime.
The tragic, irresponsible treatment of the great musician of Sudan Bura’yi Mohamed Dafa’-Allah by the ruling junta of the so-called Salvation Revolution is a case in point: instead of offering deserved care to his art and to his family, the Proud Bura’yi had to live on his own meager resources until his death. The same situation was replicated in the case of the Proud ‘Uthman Hissain. May the Almighty Lord rest their souls in eternal peace.
The State negligence of arts and artists is shameful: The human rights of artists, including singers and musicians, should be fully realized such that their works and their families receive the best social insurance, generous remuneration, and national remembrance.
Post: #1996 Title: Re: د / أحمد طراوة ___ فى ندوة عن تاريخ الغناء فى السودان . Author: Osman Musa Date: 06-08-2008, 08:22 PM Parent: #1995
أخى د/ محجوب التجانى البركة فيكم فى فقيد عالم الفن الهرم عثمان حسين له الرحمه .
Post: #1997 Title: Re: د / أحمد طراوة ___ فى ندوة عن تاريخ الغناء فى السودان . Author: Moawia Mohammed Date: 06-08-2008, 09:18 PM Parent: #1
محمد يوسف موسي ( الدرب الأخضر , تسابيح , أغريتني ) قرشي محمد حسن ( اللقاء الأول , الفراش الحائر , خمرة العشاق ) الزين عباس عمارة ( أوعديني ) محمد بشير عتيق ( حارم وصلي مالك ) التجاني يوسف بشير ( في محراب النيل ) عبد المنعم عبد الحي ( ناس لا لا , أوراق الخريف) حميدة أبوعشر ( ظلموني الأحبة ) علي محمود التنقاري ( كيف لا أعشق جمالك , أنا بعشق أم درمان) حسين عثمان منصور ( وحياة عيون الصيد ) محجوب سراج ( أحبك أحبك ) اسماعيل حسن ( حارمني ليه ) خضر حسن سعد ( طيبة الأخلاق ) علي شبيكة ( أمانه ) محمد سعد دياب ( رسالة شوق ) حسن عبد الله القرشي ( غرد الفجر )
Post: #1998 Title: Re: د / أحمد طراوة ___ فى ندوة عن تاريخ الغناء فى السودان . Author: Moawia Mohammed Date: 06-08-2008, 09:25 PM Parent: #1
خمرة العشاق كلمات : قرشي محمد حسن
Post: #2001 Title: Re: د / أحمد طراوة ___ فى ندوة عن تاريخ الغناء فى السودان . Author: Osman Musa Date: 06-08-2008, 09:30 PM Parent: #1998
ما اروعا
Post: #2002 Title: Re: د / أحمد طراوة ___ فى ندوة عن تاريخ الغناء فى السودان . Author: Moawia Mohammed Date: 06-08-2008, 09:40 PM Parent: #1
نداء و رجاء
تتقدم مجموعة بوست تاريخ الغناء في السودان بهذا النداء لكل الزملاء أعضاء المنبر و القراء الاعزاء بمدنا بهاتف الشاعر المرهف حسين بازرعة لتقديم واجب العزاء له في فقده و فقدنا الجلل ( و عظم الله أجر الجميع )
و لكم منا جزيل الشكر و الامتنان ولا أراكم الله مكروها في عزيز لديكم
Post: #2003 Title: Re: د / أحمد طراوة ___ فى ندوة عن تاريخ الغناء فى السودان . Author: Moawia Mohammed Date: 06-08-2008, 09:43 PM Parent: #1
ظلموني الأحبة كلمات : حميدة أبوعشر
Post: #2064 Title: Re: د / أحمد طراوة ___ فى ندوة عن تاريخ الغناء فى السودان . Author: Osman Musa Date: 06-14-2008, 02:21 PM Parent: #2003
نتابع
Post: #2004 Title: Re: د / أحمد طراوة ___ فى ندوة عن تاريخ الغناء فى السودان . Author: Moawia Mohammed Date: 06-08-2008, 09:48 PM Parent: #1
غرد الفجر كلمات : حسن عبد الله القرشي
Post: #2005 Title: Re: د / أحمد طراوة ___ فى ندوة عن تاريخ الغناء فى السودان . Author: Moawia Mohammed Date: 06-08-2008, 10:00 PM Parent: #1
ليالي الغرام كلمات : صلاح أحمد محمد صالح
Post: #2006 Title: Re: د / أحمد طراوة ___ فى ندوة عن تاريخ الغناء فى السودان . Author: Moawia Mohammed Date: 06-08-2008, 10:05 PM Parent: #1
ان تريدي يا ليالي كلمات : صلاح أحمد محمد صالح
Post: #2007 Title: Re: د / أحمد طراوة ___ فى ندوة عن تاريخ الغناء فى السودان . Author: Moawia Mohammed Date: 06-08-2008, 10:39 PM Parent: #1
رسالة شوق كلمات : محمد سعد دياب
Post: #2008 Title: Re: د / أحمد طراوة ___ فى ندوة عن تاريخ الغناء فى السودان . Author: Moawia Mohammed Date: 06-08-2008, 10:48 PM Parent: #1
تغني الموسيقار الراحل بثلاثة أغاني من درر حقيبة الفن زيدني في هجراني لعمر البنا و ما رأيت في الكون و الزمان زمانك لعبد الرحمن الريح .
Post: #2009 Title: Re: د / أحمد طراوة ___ فى ندوة عن تاريخ الغناء فى السودان . Author: Moawia Mohammed Date: 06-08-2008, 10:50 PM Parent: #1
أمانه كلمات : علي شبيكة
Post: #2010 Title: Re: د / أحمد طراوة ___ فى ندوة عن تاريخ الغناء فى السودان . Author: Moawia Mohammed Date: 06-08-2008, 10:53 PM Parent: #1
وحياة عيون الصيد كلمات : حسين عثمان منصور
Post: #2011 Title: Re: د / أحمد طراوة ___ فى ندوة عن تاريخ الغناء فى السودان . Author: Moawia Mohammed Date: 06-08-2008, 10:55 PM Parent: #1
حارمني ليه كلمات : اسماعيل حسن
Post: #2012 Title: Re: د / أحمد طراوة ___ فى ندوة عن تاريخ الغناء فى السودان . Author: Moawia Mohammed Date: 06-08-2008, 10:59 PM Parent: #1
طيبة الأخلاق كلمات : خضر حسن سعد
Post: #2013 Title: Re: د / أحمد طراوة ___ فى ندوة عن تاريخ الغناء فى السودان . Author: Moawia Mohammed Date: 06-08-2008, 11:08 PM Parent: #1
قلبي فاكرك كلمات : السر دوليب
Post: #2014 Title: Re: د / أحمد طراوة ___ فى ندوة عن تاريخ الغناء فى السودان . Author: أحمد طراوه Date: 06-09-2008, 01:31 AM Parent: #1
.. و كان صوت الخليفة النوراني عبر تلك المكالمة الهاتفية ، لايخلو من رنة حزن و تأثر لرحيل غيثارة السودان التى ظلت اوتارها مشدودة منذ تلك الاربعينات ..
شوف يا احمد : في حوش جدي خال العيال اتعمل زواج (حِبيرة) .. و قاموا ناس ديوان المراجع العام كعادتم جابوا عثمان حسين .. اصلا هو كان فنان ديوان المراجع العام و السبب في ذلك الارتباط كان موظف الديوان صديق منزول ! الامير الهلالابي منزول كان بنوم و بصحى علي عثمان حسين .. ودي قصة طويلة نحكيها بعدين .. المهم يا احمد تبلغ ناس بوست تاريخ الغنا خالص العزاء و تقول ليهم محجوب خال العيال بقول ليكم و بإختصار:
" مات الهوى !! "
Post: #2015 Title: Re: د / أحمد طراوة ___ فى ندوة عن تاريخ الغناء فى السودان . Author: Ahmed al Qurashi Date: 06-09-2008, 03:19 AM Parent: #2014
الاعزاء / احمد طراوة وعثمان موسى ومعاوية
اعزيكم ونفسى فى فقيد الفن الفنان القامة عثمان حسين .... له الرحمة والمغفرة ... واصلوا التوثيق والكتابة عن هذا الفنان العملاق ... فنحن نتابع هذا البوست الكبير والمفيد صباحا ومساءا اعزى يا طراوه المهندس مختار عثمان واذكر اننى طلبت منه الفراش الحائر ولقد قال لنا انها موجودة عنده فى السودان وسجلها من الاذاعة فى بداية السبعينيات وفعلا بعد اول اجازة له كانت الفراش الحائر ومعها بعض الاغانى هدية مختار عثمان لى ولك يا احمد وللدكتور الحاج سالم ... لكم ودى واحترامى
Post: #2016 Title: Re: د / أحمد طراوة ___ فى ندوة عن تاريخ الغناء فى السودان . Author: أحمد طراوه Date: 06-09-2008, 04:13 AM Parent: #1
طلتك الكريمة عزيزي احمد القرشي ، تخفف علينا فداحة هذا الفقد الفني الكبير .. و تشد من آصرة و عنفوان حركة التوثيق ، و الرصد و الحفاظ علي إرث الامة السودانية الغنائي
و كلما كتبنا اثرا او قولا في بوست تاريخ الغناء ، كان فيه بالضرورة قبس و سيماء اؤلئك الافاضل :
- المهندس / مختار التجاني علي - الدكتور الموثق النحرير / الحاج سالم مصطفي - المهندس العارف بخبايا الغناء / مامون عبد الله عثمان
حار و صادق عزاؤنا لهم جميعا .. و بالضرورة سيكرمنا ود عثمان و معاوية بتلك الغنائية ذات الاثر الكبير علي مسار و تطور الفن السوداني :
" الفراش الحائر "
Post: #2017 Title: Re: د / أحمد طراوة ___ فى ندوة عن تاريخ الغناء فى السودان . Author: محمد عثمان Date: 06-09-2008, 04:27 AM Parent: #2016
Quote: حار و صادق عزاؤنا لهم جميعا .. و بالضرورة سيكرمنا ود عثمان و معاوية بتلك الغنائية ذات الاثر الكبير علي مسار و تطور الفن السوداني :
" الفراش الحائر "
الفراش الحاااائر
Post: #2018 Title: Re: د / أحمد طراوة ___ فى ندوة عن تاريخ الغناء فى السودان . Author: salah elamin Date: 06-09-2008, 09:19 AM Parent: #2017
واحمد الامين مرة اخرى
Quote: محمود أبو العزائم الاعلامى الكبير الذي حدق في الموت قبيل الفراش الحائر أبو عفان ب" مقدار ما يشيل البرق ويختفي " على قول محيميد في موسم الهجرة تنبه أبان إدارته لأذاعه صوت الامه السودانية " إحدى اشراقات مايو يا دهاقنه النقد الايدليوجى".... تنبه إلى دور عثمان حسين وأخدانه من لدن أمير العود و"الساس القديم " كما كانت تسميه ألفلاتيه رفيعه الشأن إسماعيل عبد المعين ممووسق شعار المار ينز !!! إلى سيد خليفة..... تنبه إلى قيمتهم الرفيعة في توحيد وجدان وشعور الامه الممزقة بفعل " الجوع والقهر وفساد الحكام " على قول محيميد أيضا!!... .المهم محمود ابوالعزائم بحسه الرفيع وذاكرته السليمة وحبه للفن والتاريخ تمكن من سرد كتابه التاريخ الاجتماعي والفكري والنفسي للامه السودانية عبر استنطاقه لمرققي وصانعي ذاك الوجدان عبر برنامجه العظيم كتاب الفن الذي استمر سنوات طوال ..... في حلقاته مع الراحل المقيم عثمان حسين كشف الأخير عن البذور الأولى لتكوينه الفني السليم والأنهار ألباطنه التي روت " قلبه الأخضر" الذي ضخ عبر شرايين الوطن وأوردته فنا راقيا يظل يغسل الأذن آمادا وآمادا حيث اعترف أن صباه الأول كان شغوفا بارتياد حلقات الذكر التي كانت تقام في خلوه الشيخ الكنزى والشيخ محمد الحنفي " احد شيوخ حسن عطية والشاعر عبد المنعم عبد الحي" إلى جانب ارتياده وهيامه بخيام الذكر والإنشاد والنوبات الهدارة " مثل انهار وطني المهدرة" في المولد بالخرطوم القديمة التي كانت تنصب فيما يعرف الآن بالمكتبة الخضراء " -ميدان الأمم المتحدة حتى ظهور ما يسمى بثوره الإنقاذ-" لدرجه أن سرقه النوم ذات ليله حتى الفجر وهو صبى دون البلوغ . أشار صاحب عشره الأيام وربيع الدنيا كذلك إلى اثر الاسطوانات المشروخة التي خلفها النهر العاتي " التعبير لعلى ألمك في مدينه من تراب" خليل فرح لوجدان أمته أعنى اسطوانتي عزه في هواك التي رافق الخليل فيها على البيانو الخواجة " ارمناكو" بعد أن عجز الخليل لمرضه ونحوله الشديد وقتها عن مجاراة التسجيل على عوده القديم فقط " ذكر عبد المعين في كتاب الفن أن ذاك الخواجة قد عزف البيانو للخليل على طريقه عزف العود!!!!!" إلى جانب الاسطوانة الانشاديه الأخرى لانشوده عبده لعمر بن ابن ربيعه التي ذكروا لاحقا أن محمد سعيد العباسي هو واضع لحنها الترنمى الذي أداها به الخليل بتلك الطريقة الراقية في الإنشاد لدرجه ابتلاع بعض المفردات الأمر الذي صار ديدنا لحسن عطية....-" حسن عطية استمع فى طفولته إلى الخليل وهو يترنم ويغنى ويعزف ويسكر!!!! قال : " جمدانه وإبريقين وكأس وساقي خدود ماس.. أنا والحبيب ما معانا ناس" ** " في رواية شيخ العبادى للأبيات يبدل " الحبيب" ب "أم سماح" كما ذكر عثمان حسين ضمن مصادر تكوينه النغمي اسطوانة كرومه " يادمعه الشوق كبي " لشاعر بحري مصطفى بطران " تقريبا " و ما أجملها على مزهر كابلى لدرجه أن صبى القهوة ومشغل تلك الاسطوانات بذاك المقهى الذي " يملأ ويفضى بتلك الاسطوانات" واسمه على قد صار صديقا حميما للصبي عثمان حسين ........ بعد استقرار وجدان الصبي عثمان حسين وتدرجه نحو سن الرشد ذكر أن نبض حسن عطية تحديدا " محبوبى لاقاني " و ..... فراق الزين ونار البين حموني النوم أنا مساهر أحب الليل وسمارو حوالي نجوم ,...ووووو الخ إلى جانب أغنيات احمد المصطفى الأولى تحديدا " يا بنات المدرسة " التي تعلم عليها ضبط العود أثناء تتلمذه عليه " الضمير يعود للعود"على يد فني أشعه بمستشفى الخرطوم اسمه فتحي " تقريبا "وغيرها مع اعتراف خاص بأثر الكاشف تحديدا عليه لملكته اللحنية وتجريبه الموسيقى كما ذكر .... تحديدا أغنيته " أنت عارف أنا بحبك وبحلف بك ولا ماك عارف بالمرة \\ أنت صارف عنى مده ولاخايف .....الخ ولقد غناها في أكثر من مره أثناء حياه الكاشف وفى حفل تأبينه كذلك بصوره حدت بعبد العزيز داؤد وهو بصير بفن الكاشف أن يعتلى المسرح في منتصف الاغنيه ليشاركه الأداء الراقي .. في الحلقات الأولى من برنامج كتاب الفن صدح عثمان حسين على مزهرة فقط برائعة الأسطى عبد الحميد يوسف وعتيق " اذكريني يا حمامه" بدرجه تكاد تستنطق الصخر خصوصا عبر العزف الشفيق والصوت الجميل ربما لأنه شارك عبد الحميد كثيرا أثناء بروفاته بالسجانة في ليل بيت ناس " عوض الله " وسجلها معه على الاذاعه كعازف عود بمشاركه كمنجات ناس خواض وعربي وفتاح وبدر وشيللو النقر " رحم الله الأول والأخيرين" إلى جانب شدوه كذلك برائعة حسن سليمان التي وهبها لحسن عطية شقيقه بالرضاعة!! : جذب الفكر حسن وجهر العيون نور علما أنه دوزن العود في بداية تلك الحلقات على نغم احمد المصطفى القديم " يا بنات المدرسة " وصدح لاحقا برائعة خورشيد والتاج مصطفى : أنت يا حمام الحمام الزاجل أمشى للحبيب بس أوعاك تغازل الخدود السادة أدوا قلبي النار حرقوه زيادة بالذوق والجمال رحم الله أبا العزائم و عثمان حسين وخورشيد وحسن سليمان والتاج واحمد المصطفى وخليل فرح وبطران وكرومه
Post: #2019 Title: Re: د / أحمد طراوة ___ فى ندوة عن تاريخ الغناء فى السودان . Author: Osman Musa Date: 06-09-2008, 02:48 PM Parent: #2018
له الرحمه
Post: #2020 Title: Re: د / أحمد طراوة ___ فى ندوة عن تاريخ الغناء فى السودان . Author: أحمد طراوه Date: 06-09-2008, 03:50 PM Parent: #1
.. لك منا الشكر الجزيل يا صلاح الامين
تجربة عثمان حسين الفنية .. و نهجه الغنائي - الموسيقي .. و كل مساره التطوري كان إعلاء لشان تلك القيم التي تميز الرواد و الطلائع في تاريخ الامة و قصة و مجاهدات البناء
النشاط المستمر الواعي و التجرد ، المثابرة المستندة علي الوعي و تراكم الخبرة .. ثم اولا و قبل كل شيْء كان حب الاوطان ، و الاحساس بالمسؤلية تجاه المجتمع ، و مستقبل الامة
Post: #2021 Title: Re: د / أحمد طراوة ___ فى ندوة عن تاريخ الغناء فى السودان . Author: أحمد طراوه Date: 06-09-2008, 07:56 PM Parent: #1
و قبل الفراش الحائر في 1947
.. عثمان حسين واقفا من الناحية الشرقية لكبري النيل الابيض قادما من عُمق الاحياء الخلفية لتلك الخرطوم (ديم التعايشة) في طريقه لدار الاذاعة بامدرمان لتقديم و صلته الغنائية .. و الكبري مفتوح لتمرير باخرة الجنوب القادمة من الورشة النيلية للنقل النهري بشاطي بحري ! ( نفس الباخرة الشالت من قبل ملين السمحة ) و خلت ود الرضى يقول : بي داهي العذاب حلا .. و بتذكارا نتسلى .. دمعي للتياب بلا !
.. عثمان حسين على نهج المثابرة و الجهاد في درب الفن و كامل الالتزام نحو دورو الفني - الوطني ، استقل مركب صيد سمك و عبر للبر الغربي .. و كانت الجماهير في إنتظارو علي الشاطىء .. الجماهير التى احبته بعد ان سمعته في تلك اللونية الجديدة لاغنية (حارم وصلي مالك ) .. بالتهليل و الترحاب و مشاعر الحب و التشجيع حملته علي الاعناق لدار الاذاعة
كان الشعور و الجو العام هو تضافر و تشابك كل الايدى ( طلائع و جماهير ) علي درب النهضة و الإنعتاق و رسم ملامح كيان السودان الجديد الحر المستقل المصنوع بايدى ابنائه
" كانت ظاهرة عثمان حسين جزْء اصيل في حركة النضال الوطني "
عشان كدا ظل عثمان حقيقة وطنية سودانية اصيلة !!
.. ارقد يا ابو عفان .. توسد ثرى الارض الطيبة التي غنيت بإسمها .. ارقد بجوار عبد الفضيل الماظ ، و الازهري ، و السيد الصديق المهدي ، و عبد الخالق محجوب ، و الشريف حسين الهندي ، وجون قرنق .. و كل ناس البرلمان المنتخب ودولة القانون و السيادة الوطنية
Post: #2100 Title: Re: د / أحمد طراوة ___ فى ندوة عن تاريخ الغناء فى السودان . Author: Osman Musa Date: 06-18-2008, 12:04 PM Parent: #2021
نتابع ندوة تاريخ الغناء فى السودان
Post: #2022 Title: Re: د / أحمد طراوة ___ فى ندوة عن تاريخ الغناء فى السودان . Author: أحمد طراوه Date: 06-09-2008, 09:19 PM Parent: #1
.. كانت الجُملة اللحنية لابو عفان ذات روح سوداني اصيل كانت جُملة سودانية صميمة ! فيها ريحة اديم السودان ، ريحة طين البراجوبة بتاع القُرير و ملمس سفاي توتي .. كانت الجملة اللحنية لارضنا الطيبة
الارض الطيبة يا معاوية .. يا ود عثمان .. سمعونا :
* ترمبيت ناس كباشي و لِتة * و كلارنيت طلق النار
سمعونا ذاك الاتجاه الموسيقى الجديد في غنائية اهل السودان
Post: #2023 Title: Re: د / أحمد طراوة ___ فى ندوة عن تاريخ الغناء فى السودان . Author: محمد عثمان Date: 06-09-2008, 10:13 PM Parent: #2022
Quote: الارض الطيبة يا معاوية .. يا ود عثمان .. سمعونا :
* ترمبيت ناس كباشي و لِتة * و كلارنيت طلق النار
سمعونا ذاك الاتجاه الموسيقى الجديد في غنائية اهل السودان
ارضنا الطيبة
Post: #2024 Title: Re: د / أحمد طراوة ___ فى ندوة عن تاريخ الغناء فى السودان . Author: Moawia Mohammed Date: 06-09-2008, 11:28 PM Parent: #1
تميز الراحل المقيم بانتاجه الغزير من الأعمال الرائعة الجميلة واشتهرت بعض أغانيه بغير أسمائها الحقيقية وسأحول رصد ما تيسر منها لازاله اللبس عند البعض من أجيالنا الجديدة الذين أحبوا أبو عفان ولم يعاصروا حفلاته الحية ولم يستمعوا الي المذياع عندما كان يذكر كل التفاصيل كاملة من اسم للأغنية و الفنان و الشاعر و الملحن ولم يغتنوا تسجيلات منصفون الأصلية من محلهم الكائن أسفل عمارة فندق أراك .
أراني أجد لهم العذر وأضع اللوم علينا ان لم نصحح لهم ذلك ويكفيهم أنهم أحبوا أبوعفان.
يحاول البعض تسمية الأغنية من المقطع الأول
سأضع الأسم الحقيقي بين قوسين
غلطة ( بعد الصبر ) حاولت أديك ( أجمل أيامي ) يا عيوني , دمع الحنين ( وداعا يا غرامي ) عشقتك ( حبي ) أقبل الليل ( اللقاء الأول ) اتذكري عهد لقيانا , يوم اللقيا ( القبلة السكري ) تستاهلي ( أحلي البنات ) ليالي القمر ( ليالي الغرام ) كانت لنا أيام ( الوكر المهجور ) قلبي معه ( عرس الدم ) أحبك أحبك ( لأنك حبيبي ) وحات عينيك ما تزعل ( تسابيح ) ليالي المصير ( أوراق الخريف ) أنا المظلوم ( مات الهوي ) عاهدتني ( أنت لي )
Post: #2025 Title: Re: د / أحمد طراوة ___ فى ندوة عن تاريخ الغناء فى السودان . Author: Osman Musa Date: 06-10-2008, 00:52 AM Parent: #2024
أستاذ محمد على محمد أبراهيم البركة فيكم أخى وفى انتظار ارسال صور الفنان الهرم عثمان حسين له الرحمه
Post: #2028 Title: Re: د / أحمد طراوة ___ فى ندوة عن تاريخ الغناء فى السودان . Author: محمد عثمان Date: 06-10-2008, 08:09 AM Parent: #2024
معااوية...
سلاااااااااااااااام و تحياات كتار
شكرا لتحيح الخلط فى مسميات اغنياات الراحل و نتمنى ان تكمل مجهودك بحصر كامل لاغنيات الراحل ما امكن و اسماء شعراء هذه الاغنيات.. ومتاكد سيكون هذا العمل جزء من التوثيق لعطاء هذا الفنان... الكثيرون الان يجهلون هذه المعلومات و يعرفون فقط الاغنياات...
من الاغنيات ايضا التى لم تذكرها فى مداخلتك اغنية ليالى الغربة لاسماعيل حسن و ايضا اغنية يا جارة...يا جارة و هناك العديد من الاغنيات الاخرى...
يديك العاافية...
Post: #2026 Title: Re: د / أحمد طراوة ___ فى ندوة عن تاريخ الغناء فى السودان . Author: أحمد طراوه Date: 06-10-2008, 04:23 AM Parent: #1
.. الارض الطيبة
كتبها بآزرعة في خواتيم 1955 و البلاد تتنسم عبير حريتها و الناس ترى اشراقات فجر امة السودان الجديد .. كان تحالف بآزرعة / عثمان حسين و للحق تحالفا فنيا - وطنيا رفيع المقام ، اصيل المحتوي و قويا في توجهه .. تحالفا فنيا كان بعضا من ضمير امة السودان
.. لتلك الكوكبة من أبناء السودان .. الذين استبسلوا من اجل قضية الديمقراطية ، الذين قدموا الانفس رخيصة و هم يقارعون تلك الانظمة العسكرية الباغية دون تردد او مساومة .. لهم كلهم دون فرز نهدي غنائية الراحل ابو عفان لاجل عيون الوطن
.. الارض الطيبة : افديك بالروح يا موطني .. فانت دمي كل ما أغتني .. بلادي انا ..
Post: #2027 Title: Re: د / أحمد طراوة ___ فى ندوة عن تاريخ الغناء فى السودان . Author: MOHAMMED ELSHEIKH Date: 06-10-2008, 05:33 AM Parent: #2026
B]انت يا نيل يا سليل الفراديس انا أعتقد انها ابداع حقيقي و تنقلني عندما اسمعها مباشرة و على الهواء لقريتي "فتوار" و عندما أكون بفتوار في أي لحظة أسمع صوت سليل الفراديس من ابوعفان . اني "أحسب " انها علاقة نووية أي علاقة اندماج و انشطار في سلسلة متجددة لا متناهية. كيف لحن من لحن هذه التحفة؟ وكيف أداها من أداها.عندما أحاول الدندنة بها أحس بورطة حقيقةكمثل ورطتي في ترديد أغاني الشايقية, مع ان الخالق اعطاني فرصة الدندنة " الحمامية"( بتشديد الميم) لحد ما.
Post: #2029 Title: Re: د / أحمد طراوة ___ فى ندوة عن تاريخ الغناء فى السودان . Author: محمد عثمان Date: 06-10-2008, 09:09 AM Parent: #2026
Quote: الجماهير التى احبته بعد ان سمعته في تلك اللونية الجديدة لاغنية (حارم وصلي مالك ) .. بالتهليل و الترحاب و مشاعر الحب و التشجيع حملته علي الاعناق لدار الاذاعة
حارم وصلي مالك
Post: #2030 Title: Re: د / أحمد طراوة ___ فى ندوة عن تاريخ الغناء فى السودان . Author: Moawia Mohammed Date: 06-10-2008, 10:13 AM Parent: #1
هاتفني من السودان شقيقي الأصغر معزيا في فقد الأمة السودانية
حدثني عن الجنازة المهيبة للراحل و كيف أن عشاق أبوعفان حملوا النعش الموشح بعلم السودان سيرا علي الأقدام من منزله حتي مقابر فاروق وانه شاهد لأول مرة في حياته أفواج من النساء و الفتيات يقفن علي أطراف المقابر ليلقوا النظرة الأخيرة علي محبوبهم و معشوقهم و مشكل و جدانهم و ذكر لي أيضا أن الدفن انتهي عند الساعة الرابعة و النصف عصرا ولكن تلك الجموع رابطت في المقابر حتي السابعة مساء و لم يفرقهم الا منادي صلاة المغرب.
هيبة والله يا أبوعفان وانت تسير بيننا و تطربنا و تشكل وجداننا هيبة والله يا أبوعفان و انت قد ودعت دنيانا الفانية الي جنات الخلد باذن الله
ذهبت عنا جسدا و لكن الحانك تسري في دمانا ستظل خالدا فينا ما حيينا
لك الخلود .. لك الخلود
Post: #2031 Title: Re: د / أحمد طراوة ___ فى ندوة عن تاريخ الغناء فى السودان . Author: أحمد طراوه Date: 06-10-2008, 10:19 AM Parent: #1
.. مرحبا بود الشيخ تعرف يا ابو محمد ، عثمان حسين في محراب النيل ادخل ايقاع البوليرو الاسباني عشان يدى الجملة اللحنية و كلمات التجاني يوسف بشير بُعد تصويرى تالت و قوي .. و حتما حنسمعا من جميل مرسلات ود عثمان و معاوية ، وهم يخففون عنا وقع و فداحة الفقد
. . سيظل حيا في الوجوه المشرقة علي طريق الجامعة .. ما اروعا .. ما اروعا
سياتي قرشي من وسط احزمة الفقر ، سنجده في تطلعات تلك الآلاف التي خرجت يوم وصول الراحل جون قرنق للخرطوم .. نراه في السواعد المشرئبة لملايين الكادحين و في خطي قوميات الفور و الزغاوة و البجا و نوبا الشمال
.. بالله يا معاوية انقل لنا هنا (عُرس الدم) .. نلوذ بها كلما تناوشتنا في ليالي هذا المهجر العصيب عثرات التحول الديمقراطي و محنة الوطن الجريح
Post: #2032 Title: Re: د / أحمد طراوة ___ فى ندوة عن تاريخ الغناء فى السودان . Author: Moawia Mohammed Date: 06-10-2008, 11:25 AM Parent: #1
عشرة الأيام كلمات : عوض أحمد خليفة
كانت هذه الأغنية قد فازت بأغنية الموسم في عام 1961م وعند اعلان النتيجة بفوز الأغنية لم يكن عثمان موجودا بالسودان بل كان في لندن في زيارة خاصة , و اثناء الزيارة زار استديوهات الاذاعة البريطانية فطلب منه نعيم البصري المشرف علي القسم العربي بهيئة الاذاعة البريطانية أن يعمل أغنية خاصة للاذاعة بهذه المناسبة ... فكلف عثمان الأستاذ علي أبوسن الذي كان يعمل بالاذاعة بكتابة أغنية مناسبة فكانت أغنية في ضفاف التيمز ... و تقول الأغنية :
يا ضفاف التيمز يا منـي الندمان أنا فيك حنيت للقاء السـودان في ضفاف التيمز أغصـان بتمـيل و عيون ناعسات يضوي فيها الليل و أنا برضي بحن لضفـاف النيــل و أنا روح هيمان تعشــق السـودان
لحن عثمان الأغنية بهدوء و مزاج و قام بتوزيعها المشرف علي أوركسترا الاذاعة البريطانية و عزفتها الأوركسترا الانجليزية .
ـــــــــــــ عثمان حسين حياته و فنه بروفيسور الفاتح الطاهر
Post: #2033 Title: Re: د / أحمد طراوة ___ فى ندوة عن تاريخ الغناء فى السودان . Author: Moawia Mohammed Date: 06-10-2008, 12:57 PM Parent: #1
و كلما لاح بارق من محيا خافق مات بالهم عاشق
Post: #2034 Title: Re: د / أحمد طراوة ___ فى ندوة عن تاريخ الغناء فى السودان . Author: Osman Musa Date: 06-10-2008, 05:56 PM Parent: #2033
له الرحمه
Post: #2035 Title: Re: د / أحمد طراوة ___ فى ندوة عن تاريخ الغناء فى السودان . Author: أحمد طراوه Date: 06-10-2008, 06:04 PM Parent: #1
.. و لا نزال علي خط عبد الكريم عبد العزيز الكابلي
" مدرسة الغناء الاوركسترالي التانية " !
مدرسة الجملة الموسيقية المُنسربة تاريخيا من تراكيب كرومة و عود خليل فرح و نوتة عبد المعين ، و تكثيف و تنوع الاداء اللحني الذى اتى به التاج مصطفى و الراحل بالامس القريب ، فقيد الامة و الوطن ( عثمان حسين )
.. حار عزاؤنا ل :
* استاذنا محمد عثمان وردي * استاذنا محمد الامين حمد النيل الإزيرق * ل محمدية و عربي و عبد الفتاح الله جابو و كل ناس ورشة السجانة من ظلوا متحلقين حول الراحل ابو عفان في مناجزة مقام (فا) الخماسي * لكل اهل الفن و الغناء الرصين السائرين علي درب الشعب ، درب العقل و الرشاد و تراث امة السودان ا
Post: #2036 Title: Re: د / أحمد طراوة ___ فى ندوة عن تاريخ الغناء فى السودان . Author: أحمد طراوه Date: 06-10-2008, 10:07 PM Parent: #1
.. التاج مصطفى كان بناء برص الطوب
.. الكاشف كان نجار بضراعو
.. ابو عفان كان ترزي بكافح بضراعو برضو
.. كلهم كانوا اسوياء من رحم الشعب و في قلب حركتو و حياتو اليومية .. منتجين عايشين بشرف و مؤمنين بقيمة العمل .. كانوا بمنأى من السلطة و الحاكم و اقرب للشعب و معاناتو اليومية .. ما خزنوا عيش و لا فحم و لا تطاولوا في بنيان .. إحتفظوا فقط بوجدانم السليم عشان كدا ظلوا اقرب للشعب و ضمن طلايعو المبدعة القائدة
Post: #2037 Title: Re: د / أحمد طراوة ___ فى ندوة عن تاريخ الغناء فى السودان . Author: Osman Musa Date: 06-10-2008, 10:37 PM Parent: #2036
حار عزاؤنا للأخ العزيز حسن التوم أبن أخت الراحل الفنان عثمان حسين .
Post: #2038 Title: Re: د / أحمد طراوة ___ فى ندوة عن تاريخ الغناء فى السودان . Author: Moawia Mohammed Date: 06-10-2008, 10:52 PM Parent: #1
عرس الدم
Post: #2039 Title: Re: د / أحمد طراوة ___ فى ندوة عن تاريخ الغناء فى السودان . Author: Osman Musa Date: 06-10-2008, 11:03 PM Parent: #2038
نعم يا أستاذ أبوعركى عثمان حسين فقد السودان الذى لا يعوض .. له الرحمه
Post: #2040 Title: Re: د / أحمد طراوة ___ فى ندوة عن تاريخ الغناء فى السودان . Author: Moawia Mohammed Date: 06-11-2008, 08:05 AM Parent: #1
قدم الراحل المقيم مجموعة من الأغاني الوطنية مشاركا بها في العديد من المناسبات :
1- نشيد البرلمان - حسين عثمان منصور 2- سوداني الغالي - السر دوليب 3- الملايين - محمد مفتاح الفيتوري 4- عرس الدم - حسين بازرعة 5- الاشتراكية - فضل الله محمد 6- المبايعة - مصطفي سند 7- العودة لليرموك - صلاح أحمد ابراهيم
Post: #2041 Title: Re: د / أحمد طراوة ___ فى ندوة عن تاريخ الغناء فى السودان . Author: أحمد طراوه Date: 06-11-2008, 10:05 AM Parent: #1
.. و في مسار مدرسة الغناء الاوركسترالي التانية بنرصد ذلك المؤشر و الأثر الهام لكل من :
* اغنية الملهمة ، كلمات عبد الرحمن الريح ، لحن و غناء التاج مصطفى في 1948
* و بتاثير الملهمة جات اغنية الفراش الحائر ، كلمات قرشي محمد الحسن ، الحان و غناء عثمان حسين 1950
الاتنين كانوا عمل فني جديد و كبير ، فيهو تكثيف موسيقي ، لزمات ، كوبليهات و مقاطع داخلية متنوعة
.. و للحق ظل كل الغناء الاوركسترالي و منذ 1951 واقع تحت ظلال و اثر ، و سطوة نهج كل من :
- عثمان حسين و التاج مصطفي ، القايم علي السعة و العمق الموسيقي - الغنائي
- و نهج الكاشف القايم علي كسر الرتابة و السعي لتخطي واحدية المقام و السلم
Post: #2042 Title: Re: د / أحمد طراوة ___ فى ندوة عن تاريخ الغناء فى السودان . Author: محمد عثمان Date: 06-11-2008, 10:27 AM Parent: #2041
ليالى الغربة اسماعيل حسن...
ليااالى الغربة
Post: #2043 Title: Re: د / أحمد طراوة ___ فى ندوة عن تاريخ الغناء فى السودان . Author: محمد عثمان Date: 06-11-2008, 10:41 AM Parent: #2042
ليااالى الغربة كلمات...اسماعيل حسن
يا ليااالى الغربة كيف اعمل انا..؟ ما الصبر خلانى من بدرى هنا كان لى يومين شوف مرت كم سنه *** افه القلب الحنين اننو ماستو فى حياتو و مهما حاول عنها يبعد يلقى نفسو جوه زاتو زى غريق فى اللجة ضائع و البحر شال طوق نجاتو و السبب زولا مساافر نحن كايسين لى لمااتو *** فى بحار الغربة يا ما سافرن قبلك مرااكب و شقت الليل يا حنين قاصده لارض الحبايب زغرد الريح فوق ضلوعن فى ضلوعى و حشة الليل و المغارب ضاربه فى اللجات و فااتت زى حزين من قدرو فاايت *** يا لياالى الغربة بهواك و بريدك اصلى منك ما خايف و كل شئ فى الدنيا شفتو بطباعك يا ليالى الغربة عارف يوم بسيماتك يضون زى بريق القبلة شارف يوم بتبكى زى سحابا لدموع الفرقة زارف...
ــــــــــــــــــــــــــــ
Post: #2044 Title: Re: د / أحمد طراوة ___ فى ندوة عن تاريخ الغناء فى السودان . Author: Moawia Mohammed Date: 06-11-2008, 11:45 AM Parent: #1
ان تريدي يا ليالي
الشكر لحسن عبد العزيز من مزيكا سودانية
Post: #2045 Title: Re: د / أحمد طراوة ___ فى ندوة عن تاريخ الغناء فى السودان . Author: أحمد طراوه Date: 06-11-2008, 05:46 PM Parent: #1
... في 1950 كان بآزرعة طالبا في ثانوية وادي سيدنا !
.. سمع بآزرعة و السر دوليب و بقية مُعسكر عثمان حسين و سط الطلبة أغنية الفراش الحائر ، فطار بهم طائر الشعر و الغناء و الطرب الي وادي عبقر السوداني
.. فكتبوا قصيدة (القبلة السكرى ) و نالوا بها المرتبة الاولى في تلك المسابقة الشعرية التى نظمتها المدرسة
.. المعسكر التاني كان معجبي احمد المصطفي .. و هكذا كانت ثانوية وادي سيدنا هي قلعة الانتلجنسيا المتمترسة غنائيا و سياسيا علي خطين :
* سياسيا .. معسكر ( مؤتمر الطلبة ) المناهض للاستعمار و الذي غادره الاخوان المسلمون و تحول الي الجبهة الديمقراطية .. كان هذا مُعسكر بآزرعة
* فنيا و غنائيا كان خط المنتمين لعثمان حسين او احمد المصطفي ، ذلك ان حسن عطية كان حتى ذاك الحين هو فنان الدوائر الخاصة و الشرائح العليا من الموظفين .. ولم تكن غنائيته و ثيقة الصلة بحركة و مشاعر الطلاب و القطاع العريض من عامة الشعب
.. السر دوليب و بآزرعة رتبوا اللقاء مع عثمان حسين لاعطائه قصيدة القبلة السكرى .. رتبوا اللقاء في قهوة جورج مشرقي بسوق امدرمان عبر الصحفي الشاعر الرجل المُدرك لاتجاهات تطور الغناء (قرشي محمد الحسن)
.. كان ذلك اللقاء هو اعلان لبداية ثورة العاطفة و الرومانس الجماهيري في السودان .. فجات سراعا :
* ليالي القمر * انا و النجم و المساء * لا وحبك
.. بدأت بحق مرحلة التعبير عن الكلمات الجميلة من خلال الموسيقي .. بدأت مرحلة التصوير الموسيقي للكلام ..
" التصوير الموسيقي للكلام .. مأثرة الراحل ابو عفان "
.. أحبتي ود عثمان ، معاوية :
شغلوا بالله تلك الثلاثية التي شابهت ثلاثية نجيب محفوظ في تاريخ الرواية العربية
Post: #2046 Title: Re: د / أحمد طراوة ___ فى ندوة عن تاريخ الغناء فى السودان . Author: Osman Musa Date: 06-11-2008, 09:11 PM Parent: #2045
يا طراوة شوف الزول أبوطاقية ده شوفو ببكى كيف . شوفو موجوع قدر شنو . عثمان حسين حقنا كلنا عثمان حسين حق عموم السودان .. له الرحمه
Post: #2047 Title: Re: د / أحمد طراوة ___ فى ندوة عن تاريخ الغناء فى السودان . Author: Moawia Mohammed Date: 06-11-2008, 10:21 PM Parent: #1
لا و حبك
انتاج سينمائي
Post: #2048 Title: Re: د / أحمد طراوة ___ فى ندوة عن تاريخ الغناء فى السودان . Author: Moawia Mohammed Date: 06-11-2008, 10:34 PM Parent: #1
أنا و النجم و المساء
Post: #2049 Title: Re: د / أحمد طراوة ___ فى ندوة عن تاريخ الغناء فى السودان . Author: أحمد طراوه Date: 06-11-2008, 11:12 PM Parent: #1
.. لله درك يا معاوية !
لا وحبك : كان بآزرعة شيطان الشعر الجديد بمشى بعيد وسط جماهير الامة المشرئبة للحداثة و التمدن و الرقي عشية الاستقلال الوطني
.. كان بآزرعة بقود و بنظم و بعيد ترتيب العواطف و المشاعر الانسانية لدي الناس ، و ابو عفان بموسق كل تلك الكلمات و التوجهات .. بما يحيل الامر الي حركة جماهيرية - فنية طربانة و منتشية و ذات ذوق غنائي جديد و حس انساني سليم
و الجميل في الفيديو - كليب منظر الوزين !
( 4 اوزات ) نازلة نهر النيل من لسان المقرن المقابل ضريح (بر ابو البتول)
وضع رهيب و عجيب بنطبق عليهو قول بطران :
.. وارجع اقول دا النيل الفيهو وِز و حمام !
.. وكمان قول فاطمة خميس : يا بُر يا ابو البتول .. يا جليس يا الساكن السور .. يا دمعي اللتشتت .. إتشتت و غلب اللقاط ..
.. و يا سلام علي لزمات الصفارة اللي كان بعزفا وراء ابو عفان كل من :
* عثمان حامد * و محمد النور بلة
.. و فعلا : احبك يا وطني .. بريدك يا وطني .. هكذا يقول كابلي
Post: #2050 Title: Re: د / أحمد طراوة ___ فى ندوة عن تاريخ الغناء فى السودان . Author: Moawia Mohammed Date: 06-11-2008, 11:22 PM Parent: #1
تعددت الروايات حول عدد أغاني الهرم الراحل عثمان حسين فهناك من يقول أنها 89 والبعض الأخر يقول 120 ومنهم من أوصلها الي 200 باعتبار أن هنالك أغنيات لم تسجل في الاذاعة وهذه محاولة لرصد ما سمعته بأذني وما نقلته عن الأخرين مرقمة و مرتبة هجائيا علي أمل أن نضيف المذيد من عشاقه و زوي المعرفة باعماله الخالدة و نأتي ان شاء الله في مرحلة قادمة للشعراء.
طبعا كل الألحان للراحل عثمان حسين عدا أغنية تسابيح للشاعر محمد يوسف موسي والتي قام بتلحينها العملاق عبد اللطيف خضر ( ود الحاوي ) و يطغي علي موسيقاها صوت الأوكورديون واضحا لا تخطئه أذن .
1. أجمل أيامي 2. أحكي لها 3. الأرض الطيبة 4. أرويني 5. الاشتراكية 6. أغريتني 7. أمانة 8. ان تريدي يا ليالي 9. أنا بعشق أم درمان 10. أنا و النجم و المساء 11. أنا وحدي طول الليل 12. أنت غرامي 13. انت لي 14. أوراق الخريف 15. أوعديني 16. بعد الصبر 17. تسابيح 18. تستاهلي 19. الجوع 20. حارم وصلي مالك 21. حارمني ليه 22. الحب كده 23. حبي 24. حبيبي جفا 25. حبيبي سافر ليه 26. خاطرك الغالي 27. خلي قلبك معي شوية 28. خمرة العشاق 29. داوم علي حبي 30. الدرب الأخضر 31. ذكرتني 32. ذكري 33. ربيع الدنيا 34. رسالة شوق 35. ريدتنا و محبتنا 36. سوداني الغالي 37. شتات الماضي 38. شجن 39. صدقيني 40. صرخة الشوق 41. طيبة الأخلاق 42. ظلموني الأحبة 43. عرس الدم 44. عشرة الأيام 45. عندما تغفو الأزاهر 46. العودة لليرموك 47. غرد الفجر 48. الفراش الحائر 49. فراق البين 50. في ضفاف التيمز 51. في محراب النيل 52. القبلة السكري 53. قصتنا 54. قلبي الحزين 55. قلبي فاكرك 56. كفاية 57. كلمه منك حلوه 58. كيف لا أعشق جمالك 59. لا تسلني 60. لا و حبك 61. لأنك حبيبي 62. اللقاء الأول 63. لم أزل 64. ليالي الغرام 65. ليالي الغربة 66. ليه تسيبنا 67. ما بصدقكم 68. مات الهوي 69. مالي و الهوي 70. المبايعة 71. المتني 72. مسامحك يا حبيبي 73. المصير 74. الملايين 75. من أجل حبي 76. من عيونك يا غزالي 77. نابك أيه في هواه 78. ناداني غرامك 79. ناس لا لا 80. ندامي الراح 81. نشيد البرلمان 82. نورا 83. الوتر المشدود 84. وحياة عيون الصيد 85. وداعا يا غرامي 86. ودعتك 87. الوكر المهجور
Post: #2051 Title: Re: د / أحمد طراوة ___ فى ندوة عن تاريخ الغناء فى السودان . Author: أحمد طراوه Date: 06-12-2008, 10:04 AM Parent: #1
.. علي درب السلم الخُماسي في لونيته السودانية !
.. استقر و نما نهج عثمان حسين الموسيقي عند مقام (فا) البنتاتونيك
. . تم ذلك باخراج الدرجة الرابعة و السابعة من السلم الكبير ( إخراج درجتي سي بمول ، و مي بيكار ) و الابقاء علي الدرجات الخمسة الاخرى !
لم يكن ذلك مجرد إزاحة لدرجتين علي نحو انتقائي .. لم يكن ذلك حذف ميكانيكي .. !
للحق : فقد كان الوصول لذلك النوع من الخماسي السوداني ، هو ضرب من الجهد الفني - الموسيقي المعقد الدقيق .. كان عبقرية و عذابات المُغني
كان إتصال لا ينقطع لعملية كبيرة من التفكيك و إعادة التركيب لكل تراث الجملة اللحنية ذات الاصل الخماسي و المنسربة تاريخيا من لدن خليل فرح ، عبد المعين و كرومة !
.. وليس غريبا إن قلنا إن عثمان حسين كان شديد الاهتمام و الارتباط و منذ بداياته الاولي بكرومة ، و خليل فرح و عبد المعين .. يستمع اليهم و يعزف و يغني لهم .. و تشهد علي ذلك قهوة العيلفون الخرطومية
.. و يبقى السؤال الهام : كيف توصل ابو عفان لتلك المعادلة التي اعلنت انبثاق اشراقات الصولفيج السوداني التاني .. تلك الصيغة و الفتح الفني الذي عُرف بمقام (فا) الامدرماني ؟؟ !
.. مقام (فا) الذي برز اوضح ما يكون في اغنية عاهدتني ، او كما يقول معاوية في موسوعته العثمانية ( أنت لي )
Post: #2052 Title: Re: د / أحمد طراوة ___ فى ندوة عن تاريخ الغناء فى السودان . Author: Moawia Mohammed Date: 06-12-2008, 11:38 AM Parent: #1
مدرسة وادي سيدنا بأمدرمان
هنا درس حسين بازرعة و السر دوليب رفيقي درب عثمان حسين
Post: #2053 Title: Re: د / أحمد طراوة ___ فى ندوة عن تاريخ الغناء فى السودان . Author: Moawia Mohammed Date: 06-12-2008, 01:00 PM Parent: #1
المتني كلمات : اسماعيل حسن
Post: #2054 Title: Re: د / أحمد طراوة ___ فى ندوة عن تاريخ الغناء فى السودان . Author: Osman Musa Date: 06-12-2008, 05:23 PM Parent: #2053
الأخ العزيز معاويه سلامات ارجو التكرم بوضع صور كل شعراء الهرم عثمان حسين .. شاكرين لكم تلك المجهودات العظيمة . تحياتى وكثير احترامى .
Post: #2055 Title: Re: د / أحمد طراوة ___ فى ندوة عن تاريخ الغناء فى السودان . Author: أحمد طراوه Date: 06-12-2008, 09:33 PM Parent: #1
.. د. الفاتح الطاهر دياب
المؤرخ الفني - الموسيقى لعثمان حسين كتب نوتة كثير من اغاني عثمان حسين ، فلقد كان عثمان و التاج مصطفي هما رواد الصولفيج التاني فيما بعد السر عبد الله و اسمعيل عبد المعين
و ظل د. الفاتح راصدا لقصة مقام ( فا) الامدرماني في اجتهادات ابو عفان التي تمت علي مسار الخماسي السودان
.. الفاتح الطاهر .. في 1957 كان له فضل ادخال الة الجيتار في الاوركسترا السودانية
.. حار عزاؤنا لكم استاذنا د. الفاتح الطاهر
.. حدثنا بالله يا معاوية عن سيرة هذا الرمز الوطني الكبير علي صعيد النوتة و معالجات الاغاني ..
" الفاتح الطاهر .. كاتب سيرة عثمان حسين "
Post: #2056 Title: Re: د / أحمد طراوة ___ فى ندوة عن تاريخ الغناء فى السودان . Author: أحمد طراوه Date: 06-13-2008, 10:28 AM Parent: #1
.. يا ربى البحر اشهدي هاهنا كان مقعدي .. هاهنا كان موعدي
.. في هذه المؤسسة الثانوية العريقة - العلم ، كان مقعد :
* بآزرعة .. رائد ثورة العاطفة و الرومانس في غنائية السودان
* الطيب صالح .. رائد إحدي اهم الإتجاهات السوسيولوجية الجديدة في الرواية العربية - العالمية
Post: #2057 Title: Re: د / أحمد طراوة ___ فى ندوة عن تاريخ الغناء فى السودان . Author: Moawia Mohammed Date: 06-13-2008, 11:19 AM Parent: #1
باسم التيم العامل في بوست تاريخ الغناء في السودان نتقدم بأحر التعازي للبروفيسور الفاتح الطاهر دياب في فقد الأمة السودانية الموسيقار العظيم عثمان حسين متمنين له الرحمة و المغفرة والصحة و العافية للبروفيسور الفاتح أول من وثق للراحل عبر كتاب ( عثمان حسين حياته و فنه ) .
Post: #2058 Title: Re: د / أحمد طراوة ___ فى ندوة عن تاريخ الغناء فى السودان . Author: Moawia Mohammed Date: 06-13-2008, 11:21 AM Parent: #1
سيرة ذاتية
الفاتح الطاهر دياب ( باحث و ناقد و مؤلف موسيقي )
من مواليد مدينة أم درمان عام 1936م بروفيسور بكلية الموسيقي و الدراما جامعة السودان للعلوم و التكنولوجيا حاز علي درجة الماجستير من روسيا عام 1973م حاز علي دكتوراة الفلسفة في التعليم من روسيا عام 1981م حاز علي الدكتوراة في الفنون ( موسيقي ) عام 1988م من كونسرفتوار الدولة بموسكو المسمي باسم بيتر اليش تشيكوفيسكي . ترقي الي درجة الأستاذية في أبريل 1996م شارك في أكثر من 20 ندوة و سمنار في أمريكا , روسيا , المانيا , العراق و السودان . صدرت له العديد من المؤلفات و الكتب :
1- صولفيج غنائي علي المقامات الخماسية من الفلكلور السوداني و أقطار أخري عام 1981م . 2- مختارات من الأغاني السودانية بمصاحبة البيانو . 3- أغاني تقليدية من جميع مناطق السودان بمصاحبة البيانو . 4- الأغاني الذهبية من السودان . 5- 20 أغنية سودانية خالدة للصوت و البيانو عام 1992 . 6- متتالية السودان رقم واحد , مدون للأوركسترا السيمفوني عام 1993م . 7- أنا أم درمان تاريخ الموسيقي في السودان عام 1993م . 8- مع رواد الأغنية السودانية المعاصرة عام 1998م . 9- Sudan Falklore 1999
بالاضافة الي السفر القيم ( عثمان حسين .. حياته و فنه ) موثقا فيه للهرم الخالد أبدا أبوعفان .
Post: #2059 Title: Re: د / أحمد طراوة ___ فى ندوة عن تاريخ الغناء فى السودان . Author: Moawia Mohammed Date: 06-13-2008, 11:29 AM Parent: #1
و أيضا نرسل تعازينا الحارة للأخت العزيزة بت عكاشة صاحبة الاسهامات الكبيرة و التسجيلات النادرة من وراء كواليس هذا البوست , لها عظيم امتناننا و نتمني لها موفور الصحة و العافية .
Post: #2060 Title: Re: د / أحمد طراوة ___ فى ندوة عن تاريخ الغناء فى السودان . Author: Osman Musa Date: 06-13-2008, 03:04 PM Parent: #2059
الأخ العزيز د / أحمد القرشى سلامات أخى أرجو التكرم بالحديث عن الشاعر خضر حسن سعد نريد أن نتعرف عليه شاعر أغنية( طيبة الأخلاق ) غناء عثمان حسين ) ولو تكرم الأخوان بوضع صور الشاعر لكم جميعا تحياتى وشكرى
Post: #2061 Title: Re: د / أحمد طراوة ___ فى ندوة عن تاريخ الغناء فى السودان . Author: أحمد طراوه Date: 06-13-2008, 10:12 PM Parent: #1
.. وا حرّ قلباه يا محمدية
.. و هاهي كمنجاتكم تواصل ضياعها الكبير .. تو اصل حزنها النبيل ، تواصل مسيرتها الجسورة نحو :
* توزيع اوركسترالي - سوداني جديد خفيف و راقص كما ظل يقول شيخنا علي خط الميوزكولوجي د. الفاتح الطاهر
* نحو صولفيج سوداني تالت مستلهم تراث السر عبد الله ، عبد المعين ، خليل فرح التاج مصطفى ، و ابو عفان .. مستلهم موازير مصطفي كامل و نهج الكاشف الجريء وهو يقفز متنقلا بين السلالم الموسيقية
.. ثم عادت هجرتني .. ألمتني !
يا لورعة و رقة الميلوديا الباكية .. يا لجمال اللزمات الموسيقية في ذلك البناء اللحني الذي شيده ابوكم (الجاك) .. يا لجمال قانون مصطفى كامل متبديا في غنائية عثمان حسين و هو يموسق علي صعيد مقام ( فا) كلمات ذاك الموله الجريح ( اسماعيل ود حد الزين ) ألمتني
.. شكرا يا معاوية علي كل شي .. مودتي لبنت عكاشة في عطائها الصامت خلف كواليس بوست تاريخ الغناء .. يا ود عثمان ، يا امير شواطي الغناء الجميل : ارصد لنا قانون مصطفي كامل في غنائية عثمان حسين .. ارصدها لنا كما رصد الهدهد مملكة بلقيس المسماة (سبأ) و جاء بالخبر اليقين
.. و يبقى واجب العزاء الصادق في كل روح اُزهقت في حادث طائرة الامس .. كل روح ضيعتها خفة العقل الحكومي - الاداري ، و تغليب معايير الربح و جري الوحوش المتعطشة للنهب و الكسب الارعن
Post: #2062 Title: Re: د / أحمد طراوة ___ فى ندوة عن تاريخ الغناء فى السودان . Author: Moawia Mohammed Date: 06-13-2008, 11:28 PM Parent: #1
الفندق الكبير بالخرطوم في مواجهة نهر النيل العظيم هنا كان يجلس النيل الثاني عثمان حسين في خمسينات القرن الماضي ليلحن أغانيه
لاحظوا .. يبدو أن الترماي كان يمر من أمام هذا الفندق العتيق الذي تحول الأن الي القراند هوليدي فيلا
Post: #2063 Title: Re: د / أحمد طراوة ___ فى ندوة عن تاريخ الغناء فى السودان . Author: Osman Musa Date: 06-14-2008, 00:26 AM Parent: #2062
أخ معاويه سامعك بتبكى على سيد ساحات الغناء عليه الرحمه . دى أيام الحزن والرحيل الجماعى . عليك الله يا معاويه ارجو التكرم بوضع صورة الشهيدة سهام عبدالرحمن المضيفة التى ظلت تساعد فى خروج الأطفال من الطائرة حتى الشهادة . لها الرحمه لهم جميعا الرحمه ولنا الصبر يا الله .
Post: #2066 Title: Re: د / أحمد طراوة ___ فى ندوة عن تاريخ الغناء فى السودان . Author: أحمد طراوه Date: 06-14-2008, 10:58 PM Parent: #2062
.. القراند هوتيل !
تلك الخرطوم و تلك التواريخ لسودان التطور الديمقراطي - البرلماني الطبيعي
.. كان عثمان حسين يجلس في ذات الشاطيء الذي جلس فيه خليل فرح يوم غادر حفل زواج محمد عثمان منصور اثر خلافه ذاك مع عملاء المستعمر ليسطر رائعته
(تم دورو و إدور)
.. بين شاطي القراند هوتيل ، و ورشة السجانة كان ابو عفان يبلور جماعيا منهجه الخماسي الذي عُرف بالجملة الجديدة ذات التكثيف الموسيقي و العلاقات اللحنية - البينية لمقام (فا) ..
المجد : لعربي ، عبد الفتاح الله جابو ، حسن بابكر و خليل احمد
Post: #2065 Title: Re: د / أحمد طراوة ___ فى ندوة عن تاريخ الغناء فى السودان . Author: أحمد طراوه Date: 06-14-2008, 04:45 PM Parent: #1
.. و بدت الجملة اللحنية للتاج مصطفى و عثمان حسين تترك اثرا علي دوائر غنائية - موسيقية واسعة !
دا رمضان حسن ، إحدى تجليات العبقرية الفنية - الموسيقية لعبد الرحمن الريح
.. جاءت اغنية الزهور صاحية و انت نايم
.. وسط اجواء الكفاح الوطني العارم .. و في ذات الوقت اللي بدت فيهو الاغنية و بسبب عثمان حسين و التاج و الكاشف ، بدت تاخد برضو شخصيتا الوطنية - السودانية المستقلة
.. و كان إضراب الفنانين المناهض للمستعمر في 1950 ، هو سبب دخول رمضان حسن للإذاعة ، كان الاضراب في وثيق الصلة مع الاضراب بتاع البوليس اللي هز اركان دولة المستعمر ، و اضراب سائقي التاكسي ، و المواقف الوطنية الصلبة لهيئة شئون العمال .. و قد سبق كل ذلك مقاومة الشعب السوداني عبر التظاهرات و التضحية بالانفس لما عُرف بمهزلة ( الجمعية التشريعية ) اللي كان المستعمر عاوز يفرضا علي السودانين !
" كان الغنا في نهاية الاربعينات و اول الخمسينات جزء اصيل من الحركة الوطنية ! "
Post: #2067 Title: Re: د / أحمد طراوة ___ فى ندوة عن تاريخ الغناء فى السودان . Author: أحمد طراوه Date: 06-14-2008, 11:14 PM Parent: #1
.. تجلت علاقة الحركة الوطنية - السياسية بحركة الفن و الغناء اوضح ما يكون في مواقف السيد عبد الرحمن المهدي !
يا معاوية و بت عكاشة : رسلوا لينا صورة الرجل الزعيم ، الرجل الكبير ، الرجل البركة الرجل اللي لمن السيد علي الميرغني نزلوا في قبرو قال ليهو :
" يا السباق ، حتى في الموت سبقتنا ! "
راوية الخليفة احمد حسين العمرابي كاتب اغنية خمرة هواك يا مي !
Post: #2068 Title: Re: د / أحمد طراوة ___ فى ندوة عن تاريخ الغناء فى السودان . Author: Moawia Mohammed Date: 06-15-2008, 07:58 AM Parent: #1
السيد الامام عبد الرحمن المهدي
Post: #2069 Title: Re: د / أحمد طراوة ___ فى ندوة عن تاريخ الغناء فى السودان . Author: Moawia Mohammed Date: 06-15-2008, 08:07 AM Parent: #1
الزهور صاحية - رمضان حسن كلمات و الحان : عبد الرحمن الريح
رمضان حسن
عبد الرحمن الريح
Post: #2070 Title: Re: د / أحمد طراوة ___ فى ندوة عن تاريخ الغناء فى السودان . Author: Moawia Mohammed Date: 06-15-2008, 08:35 AM Parent: #1
كلموا تشرشل يحترم وعده و ديل بواقيكم لسه ليه قعدوا
يلا لي بلدك يا غريب يلا لي بلدك
المجد و الخلود للعطبراوي
المجد و الحرية للشعب السوداني
Post: #2071 Title: Re: د / أحمد طراوة ___ فى ندوة عن تاريخ الغناء فى السودان . Author: Moawia Mohammed Date: 06-15-2008, 08:38 AM Parent: #1
كلموا تشرشل يحترم وعده و ديل بواقيكم لسه ليه قعدوا
يلا لي بلدك يا غريب يلا لي بلدك
المجد و الخلود للعطبراوي
المجد و الحرية للشعب السوداني
Post: #2072 Title: Re: د / أحمد طراوة ___ فى ندوة عن تاريخ الغناء فى السودان . Author: محمد عثمان Date: 06-15-2008, 09:20 AM Parent: #2071
Quote: شكرا يا معاوية علي كل شي .. مودتي لبنت عكاشة في عطائها الصامت خلف كواليس بوست تاريخ الغناء .. يا ود عثمان ، يا امير شواطي الغناء الجميل : ارصد لنا قانون مصطفي كامل في غنائية عثمان حسين .. ارصدها لنا كما رصد الهدهد مملكة بلقيس المسماة (سبأ) و جاء بالخبر اليقين
د. طرااوة...
الزهور صاحية و نحن نايمين.. لينا يومين مقطوعين عن العالم الخارجى لا شفنا نت ولا...... و ذلك لعطل فى الكيبل الرئيسى الخاص بسوداتل الامر الذى تسبب فى انقطاع النت من البلد...
بجيكم رااجع... تحياتى لكل المجموعة...
Post: #2073 Title: Re: د / أحمد طراوة ___ فى ندوة عن تاريخ الغناء فى السودان . Author: Moawia Mohammed Date: 06-15-2008, 09:33 AM Parent: #1
يرحب بوست تاريخ الغناء بمقدم الكاتب الأديب العارف بتاريخ الثقافة السودانية د. عبد القادر الرفاعي و الكل هنا مترقبا وفي انتظار مساهماته .
Post: #2074 Title: Re: د / أحمد طراوة ___ فى ندوة عن تاريخ الغناء فى السودان . Author: أحمد طراوه Date: 06-15-2008, 09:48 AM Parent: #1
.. حيث ما مِلت قلبي مال !
و بسبب عبد الرحمن الريح صارت غنائية السودان باقات من البنفسج و الازاهر
.. تلك الخرطوم الجميلة .. زانت بعضها و صار بعضها يداعب بعضها .. الوان الزهور
.. مرحبا بعودة هدهد الافكار و الغناء (محمد ود عثمان)
و كيف كتب منسوب الطبقة العاملة الثورية ( الطيب سليمان) تلك الاهزوجة الوطنية : يا غريب يلا لبلدك .. ؟!
.. و كيف كتب ذاك الخليفة الختمي الذاكر : احمد حسين العمرابي .. ذاك الرومانس البديع : خمرة هواك يا مي صافية و جلية .. هي الاعبة بالالباب ما البابلية !
.. و لسيرة الامام عبد الرحمن المهدي في علاقتو مع سرور و كرومة ، و المنشد عبد الرزاق حكومة ، نعود ..
Post: #2077 Title: Re: د / أحمد طراوة ___ فى ندوة عن تاريخ الغناء فى السودان . Author: Moawia Mohammed Date: 06-15-2008, 10:19 AM Parent: #2074
حسن خليفة الأتبراوي
يا غريب يلا لي بلدك
Post: #2091 Title: Re: د / أحمد طراوة ___ فى ندوة عن تاريخ الغناء فى السودان . Author: Moawia Mohammed Date: 06-16-2008, 08:05 PM Parent: #2074
السيدة مقبولة والدة الامام عبد الرحمن المهدي
Post: #2075 Title: Re: د / أحمد طراوة ___ فى ندوة عن تاريخ الغناء فى السودان . Author: Moawia Mohammed Date: 06-15-2008, 09:49 AM Parent: #1
Quote: ولد الفنان رضان عام 1930 بحى البشير بودمدنى والتحق باحد الخلاوى كسائر جيله ومن ثم الى المدرسة الاولية ولظروف خاصة قطع الدراسة وعمل فى السوق وكان يعمل مع احد التجار ويدعى عبدالله بروفى عام 1940 وانتقل مع عبدالله بر الذى استقر به المقام ليعمل بامدرمان وسكن الفنان رمضان حسن بحى العرب . بدا الغناء مبكرا وكان يحيى مناسبات الفرح مع شلة مع ابناء حيه بمدنى وكان يقلد الفنانون الكاشف واحمد المصطفى وحسن عطيه رحمة الله تخشاهم جميعا فى امدرمان استقل بصوته وكون شخصيته المتفردة كان يمارس نشاطه الفنى والرياضى حيث كان لاعبا بفريق حى العرب الامدرمانى .من خلال صديقه جعلى الشايقى تعرف على الشاعر الكبير عبدالرحمن الريح له الرحمه ومن خلال عبدالرحمن الريح تعرف على كثير من الشعراء -سيد عبد العزيز- محمد بشير عتيق- على محمود واللذين كانوا يكونون تجمعا فنيا قوميا تبنى الفنان رضان حسن وزملاءه الفناننين امثال محجوب عثمان-صلاح محمد عيسى وكان لهؤلاء الشعراء فضل ظهور رمضان فى الاذاعة. دخل الاذاعة وتم اجازة صوته بأغنية افتنان او الزهور صاحية كما اشتهرت بها وهى من كلمات ولحن الشاعر عبدالرحمن الريح فى اوائل الاربعينات وتوالت بعد ذالك روائعه الفنية .فى اواخر الاربعينات انضم لما يسمى بفرقة الحرية للغناء وزميلاه رمضان زايد وابراهيم ادريس حيث احيت الفرقة عدة حفلات فى اقاليم السودان المختلفة.اغنياته المسجلة فى الاذاعة ببلغت 20 اغنيه وغيرها كثيرا لم تسجل اشهر اغانيه افتتان او الزهور صاحية-حبى الرزين- ليه ليه يا زمن-غرامى الاول- الجمال والحور فى بلادى- الامان واخرى.توفى فى 9نوفبر 1976 فى ليلة عيد الاضحى
بوست جميل عن الفنان رمضان حسن لعضو المنبر بلدي يا حبوب عام 2003
Post: #2076 Title: Re: د / أحمد طراوة ___ فى ندوة عن تاريخ الغناء فى السودان . Author: Moawia Mohammed Date: 06-15-2008, 10:01 AM Parent: #1
Quote: رمضان حسن البلبل الصداح نقلها لودمدني / أحمد محمد المبارك
مات في صمت مثل ما عاش الأيام الأخيرة من حياته في صمت ... فما استشرفت مكتبة التلفزيون بأي تسجيل للراحل رمضان حسن مات في صمت مثل ما عاش الأيام الأخيرة من حياته في صمت ... فما استشرفت مكتبة التلفزيون بأي تسجيل للراحل رمضان حسن
ولد رمضان حسن في مدينة ود مدني عام 1929م وتوفى بالخرطوم في 23/8/1978م ... في وقفة عيد الأضحى المبارك . والده من قبيلة الزاندى .. درس الخلوة بقرية أم بلال ثم دخل المدرسة الأولية ولكنه لم يستمر في المدرسة النظامية بسبب ولعه وحبه الشديد للفن والغناء والموسيقى ..
كان يغني ويردد أغاني الحقيبة مستخدما آلة الرق ورغم معارضة والده الشديدة ألا أنه استطاع أن يستمر في هذا الاتجاه ونصحه أصدقاؤه أن يسافر إلى الخرطوم ...
رمضان حسن متعدد المواهب .. كان يجيد لعب كرة القدم ولعب بفريق الأهلي مدني وأيضا كان يهوى رياضة رفع الأثقال . .. وتعلم العزف على آلة العود بود مدني ..
انتقل إلى العاصمة في الأربعينات وسكن الديوم القديمة وبالتحديد ديم سلك الذي كان يعمل معظم سكانه بالسلكية والتلغراف ومن هنا جاء الاسم .
ومن أشهر سكان هذا الحي جمعة باب الله والد الموسيقار محمد جمعة الذي لازم رمضان فترة طويلة من الزمن وكان يعزف آلة الكمان مع رمضان في الحفلات الخاصة والعامة.
كان رمضان حسن يمتهن مهنة الجزارة ثم انتقل للعمل بورشة الشاعر الغنائي عبد الرحمن الريح التي كانت تعمل في مجال المصنوعات الجلدية وتزوج رمضان بديم سلك ورزق بطفلين هما افتنان وعصام عازف باص بمركز شباب السجانة حاليا .
وعندما استمع عبد الرحمن لصوت رمضان احتضنه وتبناه فنيا وبدأ يؤلف له الأغاني.
إسهامات رمضان حسن في الموسيقى السودانية
عند إضراب الفنانين الأول عام 1951م بقيادة أحمد المصطفى وإبراهيم الكاشف وجد مراقب الإذاعة نفسه في موقف حرج فاتصل برابطة الأدب القومي ورشحت له ثلاثة فنانين كان من بينهم رمضان حسن وغنى الزهور صاحية وأنت نائم من كلمات عبد الرحمن الريح وكانت إضافة حقيقية للأغنية السودانية .
وكانت أغنية افتنان الزهور صاحية الأغنية الأولى في برنامج ما يطلبه المستمعون أطلق رمضان اسم الأغنية على ابنته الكبرى .
ذكر الموسيقار العربي محمد عبد الوهاب في أحد لقاءاته الإذاعية أن من اجمل أصوت في السودان هو صوت الفنان الذي يغني الأمان .
غنى رمضان حسن للوطن فكانت أغنية بلادي من كلمات سيد عبدالعزيز ورسم خارطة جغرافية حية للوطن متحسسا كل ملامح التطور والازدهار فيه .
سجل رمضان حسن عددا ممن الأغنيات وأول لحن أتى به للإذاعة كان يا غرامي الأول كلمات محمد دسوقي عندما كانت الإذاعة في بيت الأمانة .
سيدة الغناء العربي أم كلثوم كانت معجبة بصوت رمضان خاصة في لحن الكروان .
وأشاد الموسيقار برعي محمد دفع الله بالفنان رمضان خاصة في أغنية دقات قلبي
ردد معظم الفنانون السودانيون معظم أغاني رمضان حسن والتي اتسمت ببساطة الجمل الموسيقية ورشاقتها وقوة وحلاوة الميلودية ونصوصها ذات المفردات القوية المعبرة وعلى سبيل المثال:
أنا سلمتو قلبي الفنان محمد الأمين .
الأمان كلمات محمد بشير عتيق يرددها الفنان الراحل مصطفي سيد أحمد .
حبي الرزين يرددها الفنان الخالدي .
الزهور صاحية وانت نائم يرددها إبراهيم ود المقرن .. وعبد الرحمن الريح قدم هذه الأغنية لود المقرن قبل رمضان حسن ونسبة لسفر ود المقرن وانشغاله في برتسودان قدمها عبد الرحمن لرمضان الذي وفق تماما في تلحينها .
وأيضا الفنان الشاب الجمري حامد يردد هذه الأغنية ومعظم أغاني رمضان حسن بصورة جميلة وشيقة .
ترك رمضان ثروة فنية ورصيدا على مر الأيام والسنين ووضع بصماته في ساحة الفن السوداني بصوته الجميل العذب الذي يصنف علميا من قبيلة Tendor بل يعتبر من التينور الأول ومات البلبل الصداح من برد الأسى والتناسي هذا الفنان الذي أفنى زهرة حياته على مشوار إثراء حياتنا الفنية ..
مات في صمت مثل ما عاش الأيام الأخيرة من حياته في صمت ... فما استشرفت مكتبة التلفزيون بأي تسجيل للراحل رمضان حسن
Post: #2078 Title: Re: د / أحمد طراوة ___ فى ندوة عن تاريخ الغناء فى السودان . Author: ياسر شبيكة Date: 06-15-2008, 03:30 PM Parent: #1
صادق العزاء للشعب السودانى
نتابع البوست باهتمام واعجاب
الله يديكم العافية
Post: #2079 Title: Re: د / أحمد طراوة ___ فى ندوة عن تاريخ الغناء فى السودان . Author: Osman Musa Date: 06-15-2008, 03:53 PM Parent: #2078
الأستاذ صلاح الامين سلامات سعادة شديدة بدخولك الكريم من زمن طويل كنا ننتظر انت رجل فنان والبوست يحتاجك . الف شكر أخى العزيز تحياتى
Post: #2080 Title: Re: د / أحمد طراوة ___ فى ندوة عن تاريخ الغناء فى السودان . Author: أحمد طراوه Date: 06-15-2008, 04:54 PM Parent: #1
.. و بسبب عبد الرحمن الريح و عتيق صارت الازاهر و مفردات الطبيعة و عناصرا رقما جديدا هاما في غنائية السودان صارت غنائية السودان على شريعة البنفسج مورقة و مُزهرة
Rosy Violet Lyricism
الي روح رمضان حسن الي أعزاؤنا ياسر شبيكة صلاح الامين وكل متابعي بوست تاريخ الغناء :
.. نهدي اغنية الخرطوم (الوان الزهور) كلمات عبد الرحمن الريح و الحان الامير الاثير الوردي صاحب البوبيون / حسن محمد عطية مموسقة مجددا علي يد كابلى بايقاع ذاك التم تم الفريد
Post: #2081 Title: Re: د / أحمد طراوة ___ فى ندوة عن تاريخ الغناء فى السودان . Author: Osman Musa Date: 06-15-2008, 08:24 PM Parent: #2080
أستاذ محمد عثمان سلامات شنو ؟ كم يوم مافى نت فى السودان ؟ نحتاجك يا أستاذ . دايرنك تضع كل ما عندك من صور للراحل عثمان حسين .. تحياتى
Post: #2082 Title: Re: د / أحمد طراوة ___ فى ندوة عن تاريخ الغناء فى السودان . Author: Moawia Mohammed Date: 06-15-2008, 09:04 PM Parent: #1
الوان الزهور - حسن عطية كلمات : عبد الرحمن الريح
Post: #2087 Title: Re: د / أحمد طراوة ___ فى ندوة عن تاريخ الغناء فى السودان . Author: Moawia Mohammed Date: 06-16-2008, 07:21 PM Parent: #2082
الوان الزهور - عبد الكريم الكابلي لمسة وفاء لأمير العود حسن عطية ( أبوعلي )
Post: #2083 Title: Re: د / أحمد طراوة ___ فى ندوة عن تاريخ الغناء فى السودان . Author: أحمد طراوه Date: 06-15-2008, 11:59 PM Parent: #1
.. في سيرة مقبولة بنلقي البُعد السوداني - القومي لشخصية السيد/ عبد الرحمن المهدي
.. في العُمق الدارفوري لمقبولة بنلقي سيرة الجد السلطان سليمان سولونج و الاب السلطان ابراهيم الرشيد .. و تلك الغنائية المنسوبة لبنات الفاشر ابو زكريا ..
.. يا إيه راعي ليا .. في شان هوان نموت بلا ُّذُرية ؟
.. غنائية بنات الفاشر القديمة ، الوفرت الاساس الميلودي لمارش ود الشريف .. صولفيج السودان الاول المكتوب علي نوتة صول التركية القديم
و كان السيد عبد الرحمن شديد الإحتفاء بسرور و قال عنو :
" عظمة سرور إنو نقل الغناء من حدود القبيلة الي الافق الوطني - القومي السوداني ، فساعد علي توحيد الامة ! "
.. وظل كرومة ملازما للسيد عبد الرحمن في إحتفالات المولد و مواضلا للثراث الانشادي بتاع الشيخ العدار !
عمر البنا لاول مرة يسمع كرومة و يكتشفوا ، لقاهو صبيا يافعا بترنم بأهزوجة الشيخ العدار مغني امدرمان القديمة :
.. و لشدة قربو من حركة المدرسة الفنية الاولى للغناء كتب فيهو سيد عبد العزيز ذاك المدح الاثير :
" يا نيل القُراب و بُعاد .. يا المالك النفوس بالجبرة ما بالارهاب ! "
Post: #2084 Title: Re: د / أحمد طراوة ___ فى ندوة عن تاريخ الغناء فى السودان . Author: أحمد طراوه Date: 06-16-2008, 09:07 AM Parent: #1
.. الي روح عتيق و عبد الرحمن الريح الي روح رمضان حسن وهو يطرز ثوبا من الجمال شعر الراحل عوض جبريل في تلك الغنائية المسماة ( الصباح الزاهي ) الي كل من وضع بصمة من الذوق الفني الرفيع في صرح الغناء السوداني
.. لهم جميعا نهدي اهازيج الروح و الحياة ذاك الدوباي الذي جادت به قريحة زعيم و سلطان العاشقين ( محمد احمد ابو سن ) الذي عُرف شعبيا بالحردلو
كبس الهم علي ليلي ونهاري مُسرح بطني إتشيمطت قلبي البفِر مُجرح الصايدني لو صاد الحُجار بتمرِح إلا رحمة المولى الوسيعة تفرِح
Post: #2085 Title: Re: د / أحمد طراوة ___ فى ندوة عن تاريخ الغناء فى السودان . Author: Osman Musa Date: 06-16-2008, 05:58 PM Parent: #2084
الأخ العزيز ياسر شبيكة سلامات دايما دخولك يجلب لنا السعادة ننتظرك هنا يا عزيز . تحياتى وشكرى
Post: #2088 Title: Re: د / أحمد طراوة ___ فى ندوة عن تاريخ الغناء فى السودان . Author: Moawia Mohammed Date: 06-16-2008, 07:42 PM Parent: #2084
الصباح الزاهي - الحان و أداء رمضان حسن كلمات : عوض جبريل
الشاعر عوض جبريل
Post: #2086 Title: Re: د / أحمد طراوة ___ فى ندوة عن تاريخ الغناء فى السودان . Author: Abuobaida Elmahi Date: 06-16-2008, 06:26 PM Parent: #1
تسجيل حضور
وإشادة بالبوست البقي
زي قهوة الصباح
لكم حبي
أبوعبيدة الماحي
Post: #2089 Title: Re: د / أحمد طراوة ___ فى ندوة عن تاريخ الغناء فى السودان . Author: Moawia Mohammed Date: 06-16-2008, 07:46 PM Parent: #2086
أخونا أبوعبيدة الماحي
سعداء جدا بمرورك و مشاركتك و نتمني دائما أن نكون عند حسن ظنكم و نسعدكم بالقديم المعتق
تحياتنا لك و تسلم كتير
Post: #2090 Title: Re: د / أحمد طراوة ___ فى ندوة عن تاريخ الغناء فى السودان . Author: أحمد طراوه Date: 06-16-2008, 07:53 PM Parent: #1
.. سعيدين بمرورك يا ابو عبيدة .. نهدي لك و للعروسة كل ما كُتب غنائيا عن ازاهر و ورود السودان
و الي روح الوالد .. النقابي - الوطني محمد الماحي الذى ظل مدافعا عن حقوق فقراء المزارعين و كادحى الشعب ، نهدي كلام منسوب الطبقة العاملة الثورية ( الطيب سليمان ) الذى تفتقت قريحته شعرا سياسيا و طنيا في معمعان الصراع مع المستعمر آناء تلك الخمسينات .. يا غريب يلا لبلدك سوق معاك ولدك و لم لم عِددك :
" بئس الاستعمار في شمس او ضل .. بئس الحكم الشمولي في شمس او ضل ..
.. شغل لينا الاتبراوي يا معاوية .. و رسل لينا صورة السيدة مقبولة .. جدة بنات السودان و دارفور و ام الراجل الزعيم الكبير عبد الرحمن المهدي
.. و بالله ما تنسى ترسل صورة الهادي الضلالي لبوست ناسنا برضو .. و حنواصل سيرة الحكي الغنائي الجميل علي نهج ناس الهادى و الرفاعي و محجوب خال العيال
Post: #2092 Title: Re: د / أحمد طراوة ___ فى ندوة عن تاريخ الغناء فى السودان . Author: أحمد طراوه Date: 06-17-2008, 06:38 AM Parent: #1
.. وكان علي محمود التنقاري العمرابي صاحب صالون الادب بشارع الشوام بسوق امدرمان ، كان جميل و مُشرق و متعدد الابعاد :
* كتب لرمضان حسن ، انا سلمتو قلبي * و كتب لعثمان حسين ، كيف لا اعشق جمالك * و كتب لابو داؤد ، إجري يا نيل الحياة * و كتب كل بديع عشة موسى الفلاتية
.. في إنتظار صورة الهادي الضلالي منقولة من بوست ناسنا سمعنا يا معاوية غنا التنقاري عشان الخليفة النوراني محجوب خال العيال يواصل رحلة طرماجو الامدرماني
.. شكرا يا دكتور صديق البدوي ، استلمنا كتاب والدتكم طيبة الأصلِ ( عزة الريح العيدروس )
.. امدرمان الانسان و الارض : هدية كريمة من ناس عِلم وادب كِرام ، و صلت لبوست تاريخ الغناء
.. يا بت عكاشة : جيبي لينا صورة التنقاري ؟
Post: #2093 Title: Re: د / أحمد طراوة ___ فى ندوة عن تاريخ الغناء فى السودان . Author: Moawia Mohammed Date: 06-17-2008, 12:31 PM Parent: #1
Quote: .. في إنتظار صورة الهادي الضلالي منقولة من بوست ناسنا
من اليسار :
د. أحمد طراوه
معتصم قرشي
الهادي الضلالي بالجلابية و العمة
Post: #2094 Title: Re: د / أحمد طراوة ___ فى ندوة عن تاريخ الغناء فى السودان . Author: Osman Musa Date: 06-17-2008, 03:13 PM Parent: #2093
الأخ العزيز أبوعبيدة الماحى سلامات حباب ودالماحى والف مرحب بوست الغناء سعيد بدخولك الف مرحب تحياتى وشكرى
Post: #2095 Title: Re: د / أحمد طراوة ___ فى ندوة عن تاريخ الغناء فى السودان . Author: أحمد طراوه Date: 06-17-2008, 07:38 PM Parent: #2093
.. و عبر هذه الصورة الدالة علي معاني العُشرة و الاُنس و المعية القفشة و الحكي اللطيف ، و القدرة الفذة علي تخريج الواقع اليومي العصيب علي نحو ذكي و مُبدع
.. عبر هذه الصورة تفوح ريحة ناس الهادي الضلالي ، و كمال سينا ، و موسى ود نفاش ، و عبد العزيز ابو موزة ، و دي شايقي ، و كل ذاك الرهط من عناصر الظُرف ، و الصمود الروحي الاجتماعي لشعب السودان وهو يقاوم الازمة اليومية و ينافح قوى الضلام و الجهل و انعدام الرحمة و الحس العام ، و الذوق السليم
.. او كما قال الراحل ابراهيم عوض : و الريحة تفوح ترد الروح .. يا صباح .. الوطن يا زاكي العبير .. سلم لي عليهم ، عليهم كتير ..
Post: #2096 Title: Re: د / أحمد طراوة ___ فى ندوة عن تاريخ الغناء فى السودان . Author: محمد عثمان Date: 06-18-2008, 04:49 AM Parent: #2095
Quote: سلم لي عليهم ، عليهم كتير ..
Post: #2097 Title: Re: د / أحمد طراوة ___ فى ندوة عن تاريخ الغناء فى السودان . Author: Osman Musa Date: 06-18-2008, 04:49 AM Parent: #2095
يا الشاعر عوض جبريل ؟ أبدع ما جادت به السودان ؟ الف شكر أخ معاويه على وضع صورة العملاق صاحب أغنية قبال ميعادنا بى ساعتين . نعود للحديث عنه ..
Post: #2105 Title: Re: د / أحمد طراوة ___ فى ندوة عن تاريخ الغناء فى السودان . Author: أحمد طراوه Date: 06-18-2008, 09:22 PM Parent: #2097
.. قبِل ميعادنا بساعتين
.. ذاكرينك يا خليل اسمعيل ، ايها الراحل قريبا من دنيا النكبة الفنية
ذاك الصوت التنور الواصل الي حواف البارتون .. سمعنا ليها يا معاوية
Post: #2098 Title: Re: د / أحمد طراوة ___ فى ندوة عن تاريخ الغناء فى السودان . Author: Moawia Mohammed Date: 06-18-2008, 10:43 AM Parent: #1
الموسيقار الرائع و الملحن العظيم عبد اللطيف خضر ( ود الحاوي )
أمد الله في أيامه و متعة بالصحة و العافية
متحدثا عن قصة لحن أغنية سال من شعرها الذهب
يا عازه الفراق بي طال
Post: #2119 Title: Re: د / أحمد طراوة ___ فى ندوة عن تاريخ الغناء فى السودان . Author: Osman Musa Date: 06-20-2008, 10:56 PM Parent: #2098
ننتقل الى ص 22 _______________
Post: #2099 Title: Re: د / أحمد طراوة ___ فى ندوة عن تاريخ الغناء فى السودان . Author: Moawia Mohammed Date: 06-18-2008, 11:29 AM Parent: #1
شاعر أم درمان علي محمود التنقاري صاحب كيف لا أعشق جمالك و التجني و تحدي و الحبايب كتب أجري يا نيل الحياة لكمونية العزاري عبد العزيز محمد داؤود
Post: #2101 Title: Re: د / أحمد طراوة ___ فى ندوة عن تاريخ الغناء فى السودان . Author: Osman Musa Date: 06-18-2008, 12:20 PM Parent: #2099
بعون الأخوان بجهدهم الكبير يدخل بوست تاريخ الغناء ال ص 22 قصائد مثل المصابيح أغانى تتماهى كما العطر تاريخ احاديث وصور ____ فلنتابع
Post: #2102 Title: Re: د / أحمد طراوة ___ فى ندوة عن تاريخ الغناء فى السودان . Author: Moawia Mohammed Date: 06-18-2008, 12:21 PM Parent: #1
يا صباح يا زاكي يا زاكي العبير سلم لي عليهم عليهم كتير
نهديها للهادي نصر الدين الشهير بالهادي الضلالي
Post: #2103 Title: Re: د / أحمد طراوة ___ فى ندوة عن تاريخ الغناء فى السودان . Author: Moawia Mohammed Date: 06-18-2008, 12:31 PM Parent: #1
يمتلك مبدعنا الراحل رمضان حسن كثير من الأعمال الغنائية الرائعة لكنه لم يتمكن الا من تسجيل حوالي الـ 20 منها بالاذاعة السودانية :
1- حبيب الروح 2- غرامي الأول 3- دقات قلبي 4- قلبي الحائر 5- من غير وداع 6- رسالة 7- بلابل الدوح 8- بسم الصباح 9- افتتان ( الزهور صاحية ) 10- الجمال و الحب في بلادي 11- الأمان 12- دنيا الغرام 13- الصباح الزاهي 14- ليالي حبي 15- يا ناعس تعال 16- تحدي ( أنا سلمتو قلبي ) 17- حبي الرزين 18- ليلنا ولي و راح 19- رشا المحيا 20- الدنيا الجميلة
Post: #2104 Title: Re: د / أحمد طراوة ___ فى ندوة عن تاريخ الغناء فى السودان . Author: Osman Musa Date: 06-18-2008, 04:11 PM Parent: #2103
نطوف معكم عوالم الفنان القدير رمضان حسن أحد كبار علما الفن فى بلادى .
Post: #2106 Title: Re: د / أحمد طراوة ___ فى ندوة عن تاريخ الغناء فى السودان . Author: أحمد طراوه Date: 06-18-2008, 09:48 PM Parent: #1
.. على صدى و إلهام ايقاع دواليب و عجلات قطر شندي و في المسافة مابين شندي و الجيلي لحن ود الحاوي شعر ابو آمنة حامد ( سال من شعرها الذهب ) .. لحنا بقانون اكسبريس الجملة اللحنية المنسوب لمدرسة الغناء الاوركسترالي التانية
.. لحنا بالريقي اشتقاق الدلوكة متعددة الايقاعات
.. و لمن تجي لزمة الاكورديون البديعة في اغنية ( المصير ) .. كان الهادي الضلالي بصل ود الحاوي و بسلم عليهو في راسو
.. و أصلا الناس كانت بتمشي لحفلة ابراهيم عوض عشان تشوف قصة الهادي الضلالي مع ود الحاوي و خميس مقدم .. و عشان تمارس فانتازيا الطرب و السكسكة في تلك الكسرة البتقول :
" جنني و غير حالي .. حير فكري و شغل بالي ! "
Post: #2107 Title: Re: د / أحمد طراوة ___ فى ندوة عن تاريخ الغناء فى السودان . Author: Moawia Mohammed Date: 06-18-2008, 10:58 PM Parent: #1
المصير
الهادي الضلالي
ابراهيم عوض
عبد اللطيف خضر ( ود الحاوي )
سيف الدين الدسوقي
Post: #2108 Title: Re: د / أحمد طراوة ___ فى ندوة عن تاريخ الغناء فى السودان . Author: Moawia Mohammed Date: 06-18-2008, 11:06 PM Parent: #1
تحدي ( أنا سلمتو قلبي ) - رمضان حسن كلمات : علي محمود التنقاري
Post: #2109 Title: Re: د / أحمد طراوة ___ فى ندوة عن تاريخ الغناء فى السودان . Author: محمد عثمان Date: 06-19-2008, 09:30 AM Parent: #2108
السلااام يا روح البدن و سلاااام كتير
و الزول العجيب بتاع القانون..!!!
و متابعة مع دكتور طرااوة.....
هوى الروح..ابراهيم عوض
Post: #2110 Title: Re: د / أحمد طراوة ___ فى ندوة عن تاريخ الغناء فى السودان . Author: أحمد طراوه Date: 06-19-2008, 09:54 AM Parent: #1
... و كان الفاضل سعيد بواصل إعادة صياغة واقع الحياة اليومية علي خط برناند شو ، علي نحو درامي جريء ، ناقد و مُبدع ، كما في مسرحية الكسكتة ، و معليش أكل عيش ، و النص الحِلو
.. و تزداد شحنة الدراما و الالق المسرحي في شخصية (العجب) وهو يردد في صيغة المنولوج و علي مدار فواصل المسرحية ، اغنية ابراهيم عوض : يا صباح يا زاكي يا زاكي العبير
.. كانت الاغنية هي حمولة التفاؤل الجاري كما النيل ! و الاغنية هي ايضا مؤشر إستهانة ذاك الشاب الخير الغلبان بكل دوائر الظلم و التعالي و النفاق و الفساد المُطبقة علي انفاس الشعب السوداني الطيب
.. قال الراحل الفاضل سعيد : حركتني بحق و منذ اول وهلة استماع و معايشة ، اغنية ابراهيم عوض التي كتبها ابراهيم الرشيد و لحنها ود الحاوي ..
" يا زمن وقف شوية .. واهدي لي لحظات هنية ! "
.. مدرسة الغناء الاوركسترالي التانية .. رمضان حسن ، تلك التخريجات الفنية عالية المقام لعراب الجملة اللحنية الجديدة عند فجر تلك الاربعينات ( عبد الرحمن الريح )
Post: #2111 Title: Re: د / أحمد طراوة ___ فى ندوة عن تاريخ الغناء فى السودان . Author: محمد عثمان Date: 06-19-2008, 10:37 AM Parent: #2110
Quote: .. قال الراحل الفاضل سعيد : حركتني بحق و منذ اول وهلة استماع و معايشة ، اغنية ابراهيم عوض التي كتبها ابراهيم الرشيد و لحنها ود الحاوي ..
يا زمن...ابرااهيم عوض
Post: #2112 Title: Re: د / أحمد طراوة ___ فى ندوة عن تاريخ الغناء فى السودان . Author: Osman Musa Date: 06-19-2008, 05:37 PM Parent: #2111
الأخ العزيز جدا محمد عثمان سلامات والبركة فيكم فى الفنان الهرم عثمان حسين ادرى يا محمد كبر حزنك عليه . له الرحمه تحياتى
Post: #2115 Title: Re: د / أحمد طراوة ___ فى ندوة عن تاريخ الغناء فى السودان . Author: Osman Musa Date: 06-20-2008, 03:10 PM Parent: #2112
الأستاذ الفاضل سعيد وجه السودان الضاحك عليه الرحمه
Post: #2114 Title: Re: د / أحمد طراوة ___ فى ندوة عن تاريخ الغناء فى السودان . Author: Moawia Mohammed Date: 06-19-2008, 09:31 PM Parent: #2110
يابا ما تقول ليهو لا - محمد أحمد عوض كلمات : الفاضل سعيد
Post: #2113 Title: Re: د / أحمد طراوة ___ فى ندوة عن تاريخ الغناء فى السودان . Author: أحمد طراوه Date: 06-19-2008, 07:36 PM Parent: #1
مرحبا بعودة امير و مالك شواطي الغناء الجميل (محمد ود عثمان ) .. و ما تزال قوافل الحكي و البحث و التقصى سائرة علي درب مدرسة الغناء الاوركسترالي التانية علي درب الغنا السمح و الزول السمح
الزول السمح يوم الخميس واعدنا من ديم كسلا كان قمنا منو بِعدنا يا عبد الامين ما شفتو كيف واددنا ياهو دا المُنسينا العقاب و بلدنا
Post: #2116 Title: Re: د / أحمد طراوة ___ فى ندوة عن تاريخ الغناء فى السودان . Author: أحمد طراوه Date: 06-20-2008, 06:59 PM Parent: #1
.. شوفوا الخليفة النوراني الذاكر الذي اعاد تاويل الراح و الصهباء علي نهج بحر المتدارك ماركة السودان
" الخليفة الترزي النازح للخرطوم من دساكر الدامر و شندي عند 1922 و عمره لم يتجاوز حينها ال 18 ربيعا "
.. واصلا مأثرة الخليفة احمد حسين العمرابي بتكمن في الاتي:
* لمن لاقى العبادي في 1923 تمكنوا معا من دمج تيار الشعر الامدرماني الناهض و متشرنق إنتقالا ، بتاع المدرسة الاولي مع ادب التصوف و ادب مجاذيب الدامر و مجمل التراث الفني العميق لكبوشية و البجراوية و ما حولها ! .. دي مأثرة إعادة تمدين و إنتاج غناء البوادي و الضهاري علي يد العبادي و العمرابي .. الغناء ماركة ورشة السوق العربي نواحي الخرطوم
* بمعني ، إنو الخليفة العمرابي هو صاحب اول منتدى ادبي رصين في السوق العربي بالخرطوم .. و ظهر غناء الحقيبة ماركة السوق العربي - الخرطومي .. ظهرت اغنية
. . القماري الغردن .. لي نومي شالن شردن ! سمحة عند بادي .. القماري الغردن ظهرت لمن العبادي ساق سرور للخرطوم و عرفوا بالعمرابي ! و كانت الاغنية هي الق مناجزة و إعادة انتاج الدوبيت علي نحو مديني - خرطومي .. و ياريت النحرير خطاب و المشاء اسامة الخواض يعملوا لينا مقاربة ادبية نقدية لجدل الدمج و الانتقال المعروف ب :
( الغناء من الضهاري و البوادي الي داخل امدر و السوق العربي - الخرطومي )
.. و سمحة اغنية الخليفة النوراني العمرابي الاسمها العيلفون جنة عدن .. بطريقة عبد الله الماحي .. و كمان كرومة لمن لحن كلام الخليفة ( هب النسيم جاب ليا طِيب ) علي نهج النقرزان الخفيف
.. و صحيح إنو اغنية اندب حظي و امالي جميلة عند الطيب عبد الله ، لكن مسك ختام الخليفة العمرابى كانت تلك الخمرية - الصوفية المشت علي خط سلطان العاشقين عمر بن الفارض و اللي قال فيها الخليفة العمرابي :
" لو في النساء رُسلا كنتي النبيا ! خمرة هواك يا مي صافية و جلية ! و هي عند مبارك حسن بركات مثل عنقودِ تدلى .. تدلي و مال .. مال .. مال كما يقول شاعرنا الرقيق / الزين عباس عمارة .. "
.. يا ود عثمان ، يا معاوية يا بت عكاشة : علي خط الخليفة العمرابي بننتظركم ، إنتظار تشرشل لإسناد قوات النورماندي و زحف الجيش الاحمر السوفيتي
Post: #2117 Title: Re: د / أحمد طراوة ___ فى ندوة عن تاريخ الغناء فى السودان . Author: أحمد طراوه Date: 06-20-2008, 07:30 PM Parent: #1
.. و عبر دروب شائكة و مسارب داخلية معقدة .. طفق الدوباي يتشرنق و ينتقل الي صيغة الشعر المديني .. شعر ثقافة الحضر .. ! و كانت العيلفون و الدبيبة و شرق النيل إجمالا محورا لهذا العبور و الإنتقال و إعادة التشكل .. ودا الخلي الشيخ محمد ود الرضى مستندا فقط علي ثقافة الخلاوي و قليل من ثقافة مختصر خليل و شذرات النحو و الصرف ، يقدر يقول مبكرا ذاك الليرك الاثير :
.. البريق العاتم سماهو .. ام فويطر ام زين باسِماهو قتلو حرمك متى ادخل حِماهو .. قالي مذهب مالك حماهو
Post: #2118 Title: Re: د / أحمد طراوة ___ فى ندوة عن تاريخ الغناء فى السودان . Author: أحمد طراوه Date: 06-20-2008, 10:55 PM Parent: #1
.. ومسكت طلائع الشعر الغنائي الحديث بتلابيب تفعيلة دوباي البوادي و العتامير و جرسو الموسيقي الرنان و غنائيتو الجزلة .. و في مداخل المدينة دارت دوائر بحر الرجز السوداني الجديد علي مربوعة الدوباي المنسوب لتراث بلاد فارس و تخريجات عمر الخيام و برز عتيق و خالد ابو الروس فوارسا لهذا النهج الجديد ! .. قال ابو الروس ضمن شعر الرجز الدائري الغير الايقاع و نقل الجملة اللحنية:
..
.. إتجلى في وسط الضُحا .. تجد العليل نعنش صِحا الصاحي دون خمرة إنتشى .. يا فاضح البان يا رشا بقلبي افعل ما تشاء و .. الكون وراك طايع مشا نور الشمس نورك محا .. سعدت عيوني الشافتك
Post: #2120 Title: Re: د / أحمد طراوة ___ فى ندوة عن تاريخ الغناء فى السودان . Author: Moawia Mohammed Date: 06-21-2008, 01:00 AM Parent: #1
رغم بعدي برسل سلامي - محمد أحمد عوض كلمات : سيف الدين الدسوقي
اهداء خاص من جماعة بوست تاريخ الغناء في السودان لناسنا داخل الوطن العزيز :
1- رضا محي الدين البرير 2- أمين حسن قيلي 3- أحمد حسن البنان 4- صديق فرح رمرم ( راوية سيرة ابراهيم عوض ) 5- عبد الهادي ود الشايقي ( زميل ابراهيم عوض أيام ورشة الحدادة ولاعب الهلال و المريخ سابقا ) 6- رفعت الكامل ( منسوب اذاعة أم درمان )
Post: #2122 Title: Re: د / أحمد طراوة ___ فى ندوة عن تاريخ الغناء فى السودان . Author: أحمد طراوه Date: 06-21-2008, 09:42 AM Parent: #2120
.. إنتي فجري الماثل أمامي !
* يا سلام علي سيف ود الداسوقي ينشد الشعر الجديد شلالا رويا * و علي الطيب عبدو .. و كريم ياردلي علي شعرو السبيبي * و علي عبد العزيز قسم الله .. شايل الكونقا ( الدمبا ) بتاعت الاتينو * و قائد الفرقة محمد احمد عوض ، احد ملوك الغناء و الطرب و الق و تفانين الاداء ، و ضمن وراث تامبورين (رق) كرومة .. الجنن علي المك و كمان جنن عبد القادر . .
Post: #2121 Title: Re: د / أحمد طراوة ___ فى ندوة عن تاريخ الغناء فى السودان . Author: Moawia Mohammed Date: 06-21-2008, 01:16 AM Parent: #1
العيلفون جنة عدن - عبد الله الماحي كلمات : أحمد حسين العمرابي
عبد الله الماحي
أحمد حسين العمرابي
Post: #2123 Title: Re: د / أحمد طراوة ___ فى ندوة عن تاريخ الغناء فى السودان . Author: Moawia Mohammed Date: 06-21-2008, 12:27 PM Parent: #1
خمرة هواك يا مي كلمات : أحمد حسين العمرابي
بصوت الفنان الرائع و عضو المنبر الزميل أحمد عوض الشهير بـ أحمد عجوز
Post: #2124 Title: Re: د / أحمد طراوة ___ فى ندوة عن تاريخ الغناء فى السودان . Author: Osman Musa Date: 06-21-2008, 05:43 PM Parent: #2123
خالى وشيخى وسيدى الشاعر والأديب الكبير أحمد حسين العمرابى أى جمال هذا ؟ عليك الرحمه يا شيخى .
Post: #2125 Title: Re: د / أحمد طراوة ___ فى ندوة عن تاريخ الغناء فى السودان . Author: Moawia Mohammed Date: 06-21-2008, 10:09 PM Parent: #1
صابحني دائما و ابتسم كلمات : خالد أبو الروس الحان : ابراهيم الكاشف أداء : عبد العزيز المبارك
Post: #2126 Title: Re: د / أحمد طراوة ___ فى ندوة عن تاريخ الغناء فى السودان . Author: Moawia Mohammed Date: 06-21-2008, 10:11 PM Parent: #1
الأمان - رمضان حسن كلمات : محمد بشير عتيق
Post: #2127 Title: Re: د / أحمد طراوة ___ فى ندوة عن تاريخ الغناء فى السودان . Author: Osman Musa Date: 06-22-2008, 04:20 PM Parent: #2126
د / أحمد طراوة __ فى ندوة تاريخ الغناء فى السودان ____________________________________________________ نتابع
Post: #2128 Title: Re: د / أحمد طراوة ___ فى ندوة عن تاريخ الغناء فى السودان . Author: أحمد طراوه Date: 06-22-2008, 08:23 PM Parent: #1
و لا اخفي عليكم ..
إن ما رايناهو في ذاك الفيديو هو سيمفونية الأنين السودانية !
.. انه انكسار خاطرنا ، وحقيقة احساسنا بالخجل من إنتماءنا لهكذا دولة و هكذا حكومة !
.. ذلك البكاء و صرخات الالم .. هي سيمفونية سودان اليوم العجيب !
سيمفونية العز و المجد و الصمود .. الصادرة من أطفال السودان و هم تحت الة القمع و البطش الوحشى !
.. شاهدنا لمرة و ثلاث مرات ذاك الفيديو التراجيدي لجلاوزة و موتوري ، و مجانين دولة الانقاذ وهو يسومون اطفال الفور و الزغاوة و المساليت و البرنو الصالحاب ، ابشع و اقذر صنوف التعذيب و الاستهانة بكل قيم الدين و العقل
.. و يبقى السؤال مشروعا : ماذا ستفعل اشعار لامارميه لاهل تشيلي الذين لاتقيهم سقوف اكواخ الفقر من امطار السماء
.. ماذا ستفعل غنائية ابوالروس الجارية امامنا لاطفال السودان وهم يعيشون ذات محنة و عذابات بلال بن رباح علي يد المشرك المأفون أُمية بن خلف !
.. ونؤكد باننا سنواصل هذا البوست بوصفه جبهة نضال وطني - إنساني و ديمقراطى ، منحاز لكل ماهو نبيل و جميل و عقلاني في تاريخنا و واقعنا .. جبهة نضال وطني - فني نحو سودان جديد مترابطة جهاته الاربعة بقيم العدل و الانسانية و خير ما في سيرة اهل السودان
.. نحن في خندق اولئك الوطنين الاسوياء : ابراهيم العبادي ، ابو صلاح ، خليل فرح ، عثمان حسين ، الكاشف ، محجوب شريف و فضيلي جماع و هو يشهر القلم سلاحا في وجه دولة الظلم و الغباء و الاستعلاء العرقي
Post: #2129 Title: Re: د / أحمد طراوة ___ فى ندوة عن تاريخ الغناء فى السودان . Author: Moawia Mohammed Date: 06-22-2008, 09:16 PM Parent: #1
Quote: .. ونؤكد باننا سنواصل هذا البوست بوصفه جبهة نضال وطني - إنساني و ديمقراطى ، منحاز لكل ماهو نبيل و جميل و عقلاني في تاريخنا و واقعنا .. جبهة نضال وطني - فني نحو سودان جديد مترابطة جهاته الاربعة بقيم العدل و الانسانية و خير ما في سيرة اهل السودان
ننشد السلام
ننشد العدل
ننشد المساواة
ننشد الأمان
سلطانو استقر وفي جورو استمر و كيف القي الضمان
يا ما انت ظالم و أنا طائع أوامرك ولشخصك مسالم
رائعة محمد بشير عتيق غناها رمضان حسن و من بعده رمضان زايد و مصطفي سيد أحمد و كمال ترباس و البلابل و كثير من شباب اليوم.
Post: #2130 Title: Re: د / أحمد طراوة ___ فى ندوة عن تاريخ الغناء فى السودان . Author: Moawia Mohammed Date: 06-22-2008, 09:33 PM Parent: #1
غصن الرياض - رمضان زايد كلمات : علي المساح الحان الشبلي
الفنان الراحل رمضان زايد
Post: #2137 Title: Re: د / أحمد طراوة ___ فى ندوة عن تاريخ الغناء فى السودان . Author: Osman Musa Date: 06-24-2008, 03:22 PM Parent: #2130
رمضان زايد محطة كبيرة فى سكك الغناء السودانى .. نتابع
Post: #2142 Title: Re: د / أحمد طراوة ___ فى ندوة عن تاريخ الغناء فى السودان . Author: Moawia Mohammed Date: 06-24-2008, 09:22 PM Parent: #2130
غصن الرياض كلمات : علي المساح
يا غصن الرياض المايد يا الناحلني هجرك و انت ناضر و زايد تهجرني ليه و أنا ليك رايد
يا غصن الرياض المايد ما أظن عن غرامك لو أموت ما حايد سهران ليلي طايل و العينين صحت ما هجايد تعبان قصدي ليمك و انت ناكر و زايد
في الجيل يا الجمالك سايد عينيك ليك جنود و انت ليهن قايد يا النافر جفيتني بنظرة لي ماك عايد شوفتك زي هلال العيد وفيهو أعايد
أنا و حبك ترعرعنا و نشأنا ندايد من زمنا قبيل أيام قلال و عدايد ما خلص القديم و تبين مصايب و جدايد حن يا حبيب كفاي مر العذاب و شدايد
يا خلاصة الحواري الـ من جنان و خوالد حسنك ليك يدوم لا أم تلد لا والد رافل في ظلال مجد التليد التالد يا اللابس العفاف حليه و عقود وقلايد
عانيت في ليالي هواك صنوف و أحايد مشكله بين هواي و جفاك و انت محايد بس ما ذنبي غير صوت النشيد و نشايد في مدحك بنيت قصر الرشيد الشايد
Post: #2131 Title: Re: د / أحمد طراوة ___ فى ندوة عن تاريخ الغناء فى السودان . Author: أحمد طراوه Date: 06-23-2008, 08:40 AM Parent: #1
.. فعلا اُعجوبة زمانو !
كتب اغنية الشاغلين فؤادي و عمرو كان 14 سنة ! و رغم كونو امي فقد كتب الاغنية الحديثة دون المرور بمحطة الدوباي كما فعل العبادي و ابو صلاح
.. و للحق المساح هو نتاج بلوغ مدينة ود مدني مرحلة التقسيم الاجتماعي - التاريخي التالت للعمل ، مرحلة اتساع التمايز بين مدني كحاضرة و حاضنة للتمدن من جهة ، و مشروع الجزيرة كعلاقات زراعية و زخم من القُرى المُحيطة بيهو من جهة اخرى
.. المساح الزول البسيط صاحب الجلباب البالي و المركوب العتيق المُترب كثير الثقوب ، و الجالس علي جوال خيش امام دكان الترزي الافرنجي محمد علي احمد في سوق مدني و بشتغل مهنة فتح العراوي ، هذا المساح رقيق الحال كان بمثل :
مركز وقيادة الحركة الفنية - الغنائية علي صعيد رقعة الجزيرة الخدراء عند ذاك النصف الاول للقرن العشرين :
* الطيب انقليزي شال اغنية الشاغلين فؤادي من المساح جاهزة ملحنة و من بعد ذلك كانت الاغنية هي مدخل الكاشف للنجومية و الشهرة لمن جاء الخرطوم
* و برضو محمد سليمان الشبلي شال منو قصيدة زمانك و اهوى اعوانك جاهزة للغناء .. بس الشبلي العلم الكاشف الغنا و كان الكاشف شيال معاهو ، هو من وضع لحن اغنية غصن الرياض المايد علي ايقاع الرمبا
* و عبد الرؤف عطية شال من المساح اغنية نغيم فاهك يا ام زين دواي ، قبل ما ينتقل للخرطوم و يبقي شيال برنجي مع سرور
.. و تتجلي عبقرية نظم الشعر الغنائي في قول المساح :
" انا و حبك نشأنا و ترعرعنا ندايد من زمنا قديم ايام قُلال و عدايد . جفيتني ليه وانا ليك رايد .. يا غُصن الرياض المايد ..
.. وكان علي المك و بحق صريع هوي اغنية المساح البتقول:
" طول يا ليل علي الباسل ! و ياها ذات الاغنية اللي كان مختار عباس ( مخ ) بقطع بسببا الجلابية قدام ابوداؤد ..
.. وقال الراحل الرفيع محمد سعيد القدال صفي مختار و ابوداؤد : لو جاك مختار عباس في قعدة لابوداؤد .. البس جلابيتك و حضر جلابية (إسبير) لمختار
Post: #2132 Title: Re: د / أحمد طراوة ___ فى ندوة عن تاريخ الغناء فى السودان . Author: Moawia Mohammed Date: 06-23-2008, 10:44 AM Parent: #1
ليتني زهر - رمضان زايد كلمات : مبارك المغربي
Post: #2133 Title: Re: د / أحمد طراوة ___ فى ندوة عن تاريخ الغناء فى السودان . Author: Osman Musa Date: 06-23-2008, 01:43 PM Parent: #2132
رحم الله الفنان الجميل رمضان زايد . من هو الشاعر الذى قد اهدى للوطن شعر بحجم جمال على المساح ؟ وما الذى نفعله نحن معشر عشاق الوطن بعد أن مال الحال ؟
Post: #2134 Title: Re: د / أحمد طراوة ___ فى ندوة عن تاريخ الغناء فى السودان . Author: Moawia Mohammed Date: 06-24-2008, 01:36 AM Parent: #1
يا بنات بحري قالوا بتحبوا مره حبونا نحن من بحري
ابقوا حبونا و طلوا علي الأحباب نحن من بحري و نحن ما أغراب
من أشهر أغاني الراحل رمضان زايد
Post: #2136 Title: Re: د / أحمد طراوة ___ فى ندوة عن تاريخ الغناء فى السودان . Author: أحمد طراوه Date: 06-24-2008, 08:42 AM Parent: #2134
.. واصلا كان نوع الغنا دا بتعمل في المثلث مابين الحلفاية ، نادي الاتحاد بحري و حي الموردة/العباسية
سيرة ايوب فارس عند حديقة البلدبة تلك !
يا بنات بحري لو تعرفوا الشوق مرة لاقونا في الصبابي الفوق يلا حبونا .. نحنا من بحري
.. وصدق الراحل (عوض دكام ، صديق رمضان زايد).. و ريحانة ليالي العاصمة لمن قال :
شرفونا لحضور افتتاح منزلنا (فيلا مانديلا) في زلط الحلفاية ولو فتحوا القلوب جوه .. بلقوا الصورة خوة .. تمام هنا
Post: #2135 Title: Re: د / أحمد طراوة ___ فى ندوة عن تاريخ الغناء فى السودان . Author: Moawia Mohammed Date: 06-24-2008, 02:39 AM Parent: #1
Quote: الفنان رمضان زايد.. احد صناع العصر الذهبي للاغنية السودانية
بقلم/ زهير الطيب بانقا الناس والحياة هو برنامج بدأ بتاريخ 8/6/2002 ، ويهتم بقضايا المجتمع والبحث لحلها ، خصص قضاياه في ثلاثة قطاعات اقتصادية وخدمية وتوجيهية ، ويقف وراء هذا العمل فريق متكامل من المعدين والمذيعين والفنيين والمخرجين الى جانب المشرف العام الاستاذ طارق البحر. وفي ملفات قطاع التوجيه خصصت الاذاعة الناس والحياة الخميس 6 نوفمبر 2003م لتناول مسيرة الفنان الراحل المقيم رمضان زايد جبريل ، وكان وراء ذلك العمل المعد محمد يوسف عثمان ، ورمضان زايد هو احد المطربين اللامعين في سماوات الموسيقي واللحن السوداني وكان مطربا له بصمة خاصة توافق بساطته واناقته في الملبس والطابع الافريقي في الاداء. لذا جاءت اغنياته على قدر من البساطة وخلت من التعقيد. وكان ينطوي على حالة من التلقائية السودانية الخالصة الامر الذي يجعلك كمستمع ولاول وهلة تدرك انك امام فنان كبير ، لذلك دخل رمضان زايد قلوب الجماهير ووجد تجاوبا كبيرا في حفلاته التي يقيمها سواء على خشبة المسرح او في بيوت المناسبات الخاصة فكان حالة من التطريب عالىة لايملك المرء خلالها غير الاهتزاز والرقص، ويعتبر الفنان رمضان زايد من اكبرالفنانين المسرحيين الذين يزاوجون بين الغناء والرقص وكان طاقة من الدرما لا تنضب. رمضان زايد اجتماعيا: كان رمضان زايد حلو المعشر طيب القلب واجتماعيا مرموقا فكانت له علاقات واسعة من اشهرها مع الرئيس الاسبق جعفر محمد نميري وتربطه به علاقة قوية وطريفة لا سيما العبارة المشهورة التي كان يتداولها الناس (فكو يا ريس) وهي عبارة ادخلها اثناء الاداء الغنائي في حفل شهده جعفر نميري يومها وكان ممسكا بعنق ابوالقاسم احمد ابراهيم اثناء حديثه وما كان من رمضان زايد وهو يغني الا واطلق هذه العبارة «فكو يا ريس».. فكانت الجرأة والتلقائية هما صفات مقترنة برمضان زايد ، وكانت له عبارة يرددها اثناء الغناء وهى (خليك مع الزمن) وهي حالة من النشوة والاندماج الداخلي ويخرجها متناغمة ولاتحدث نشاذا. وكانت له علاقات حميمة مع الدكتور خليل عثمان من اثرياء السودان في ذلك الزمان وصاحب مصنع خليل للمنسوجات ، كما كانت له علاقة خاصة بالشاعر الكبير مبارك المغربي الذي عطر دفتر الغناء السوداني بكلماته الشجية والرصينة. وكانت لرمضان زايدعلاقة وثيقة بالدكتور عوض دكام اشهر اهل الذكاء والطرفة.. وافضل طبيب اسنان وجراح للفم ، وكان الفنان رمضان زايد صديقا لكل شاعر وكل فنان وكل عازف ، كان طاقة من الاجتماع مذهلة مثلت حالة اضيفت الى ابداعاته ورصيده الانساني. رمضان زايد والاذاعة: كان الفنان رمضان زايد ضمن الذين دخلوا الاذاعة السودانية في عام 1957م مع الفنان الكبير محمد وردي والفنان احمد الجابري والاستاذ عبدالكريم الكابلي وصاحب الصوت الشجي صلاح مصطفي ، وتلقي رمضان زايد شهرته في مطلع السبعينات من القرن المنصرم بتناوله لنمط الغناء الخفيف الذي اعتمد فيه على ايقاع التم تم ولا سيما التم تم الراقص ، واستطاع ان يخلق جمهورا واسعا ويحبب الايقاع لهم واستطاع حينها ان يأخذ تفرده وتميزه وغدا لونية خاصة اعتبرت اضافة الى لونية الغناء السوداني. الميلاد والنشأة الاولي: فاتني ان اتحدث عن مكان ميلاده ونشأته الاولي لكونه سوداني خالص استطاع ان يمتلك قلوب الناس وعقولهم فهو مولود في كل احساس جميل وفي كل نبرة حب ولحظة متعة حقيقة ، بهذا الفن المتميز، كثيرون هم من ينسبون رمضان زايد الى مدينة ودمدني ضمن جدولة الابداع التي عرفتها المدينة من اساطين الفن امثال على المساح وابراهيم الكاشف ومحمد على عبدالله الامي ورمضان حسن ، غير ان الواقع ان الفنان رمضان زايد من موالىد مدينة ملكال حاضرة ولاية اعالى النيل من ام من قبيلة الشلك النيلية صاحبة اكبر عرش ملوكي في السودان ومن اب من منطقة العباسية تقلي في جنوب كردفان ، غير ان اللبس جاء من كونه عاشق لمدينة ودمدني وكان مقيما بها فكان عشقه مدني وروحه مدني. النشأة الفنية الاولي: نشأ الفنان رمضان زايد في ولاية اعالى النيل العظمي والتي كانت تعرف بمديرية اعالى النيل حيث تضم ست قبائل : الدينكا، والشلك، والنوير، والانواك، والبروت ،المورولي وكانت عاصمتها مدينة ملكال الحاضرة التي جمعت كل القبائل السودانية بقدر ما، فكانت ملتقي ثقافات وكانت احوال الترفيه موزعة في المدينة عصرا الى مشاهدة كرة القدم حيث تضم المدينة اكثر من فريق او ممارسات رياضية اخري اما في المساء كانت السينما ومشاهدة البروفات في الاندية الغنائية او الاحتفالات الشعبية التي يقيمها ابناء قبيلة الشلك. ففي هذه الاجواء المفعمة بالتنوع العرقي والثقافي والنسيج القروي داخل المدينة والتنوع في حركة التطريب ولد رمضان زايد ووجد الغناء والرقص طقوسية مرتبطة بجد الشلك (نيكانق) والاغنيات طقوسية فالحالة الفنية كلها طقوسية دينية ترتبط بالاله (جوك) المتعالى الذي تخضع له قبيلة الشلك بالاخبات والعبادة، وبحكم انتمائه لقبيلة الشلك والتي تعتمد على الانتماء للام شأن كل القبائل النيلية حيث تمرنت اذنه على اغنيات الهدهدة بلغة الشلك وما ان شب عن الطوق وهو لم يزل تلميذا بمدرسة ملكال الاولية حتي كان يذهب الى فشودة وكدوك ونيكريار ونواحي كاكا حيث كان يشهد تنصيب (الرث) ملك الشلك وهي اجراءات فنية وقطوسية غاية في الدقة والترتيب والتنغيم تشهدها كبري وسائل الاعلام العالمية ويأتيها المهتمون من اقاصي اوروبا للاستمتاع والنظر والمشاهدة والدراسة في نظام غاية في الترتيب والجمال ، حيث يأتي بالخرز (السكسك) من الحصاحيصا وقماش اللاوو (زي الشلك الشعبي) من ام درمان ويأتون بالموافقة الدينية من عمق النيل في منطقة تجاري جبل احمد انها اعلى قيمة في اعالى النيل وتذبح الذبائح وتتم الرقصات بشكل يومي صباحا ومساء مفعمة بالاغنيات التي تمجد القبيلة وتؤسس لحكم (الرث) ، هكذا يكون المزاج الفني لرمضان زايد..
الخرطوم ونمط جديد من المشاهدات الفنية: ترك رمضان زايد حاضرة ولاية اعالى النيل ملكال بكافة علاقاتها وزخمها المعرفي، الذي شكل وجدانه وجاء الى العاصمة حيث مدينة ام درمان وبالاخص حي الموردة حيث ابناء عمته اولاد الحاج بريمة وكان منهم اثنان من اشهر لاعبي كرة القدم وهم خالد وضرار الحاج بريمة وكان يذهب الى الخرطوم الى الديوم القديمة وكانت الموردة حينها تشتعل بكل الفنون وارست جملة من المواريث الفنية التي وضع اساسها الفنان ابراهيم عبدالجليل والتوم عبدالجليل وعركي صالح ومحمود عبدالكريم وطه جفون ومحمد الامين الترزي صاحب الدكان الذي يؤمه اهل الفن، وجاء رمضان زايد والموردة معبقة بتلك الرائحة الابداعية التي غطت على سماوات الحي (كرائحة اسماكها الىوم) فكانت المتنفس فنيا فكان رمضان صاحب ملكة كبيرة وقدرة فائقة في استنشاق ذلك العبق الفني الذي اوقد فيما اوقد احساسه الاول الذي تكون من معطي القبيلة الشلكية الراسخة في الفنون في ملكال.
ومن المشاهد التي اختزنها الفنان رمضان زايد حال وجوده في الخرطوم ايقاعات النوبة واغنيات الذكر والمدائح النبوية حيث كانت العاصمة حينها تعج بالنشاط الصوفي في حلقات الذكر في الموردة وفي حمد النيل وديوم الخرطوم. ويذكر التاريخ القريب ان مغني الجاز الشهير (جيمي كليف) الذي زار السودان وشهد حلقات الذكر وايقاعاته في ساحة حمد النيل في مطلع الستينات من القرن الماضي قد اخذ الايقاعات من حمد النيل الى اوروبا وقام بمعالجتها الى ايقاع (الريقي) العالمي المعروف الذي اعتبرته الدوائر ايقاعا اوروبيا خالصا غير انه ايقاع سوداني انشأته الحالة الصوفية في ام بده
Post: #2138 Title: Re: د / أحمد طراوة ___ فى ندوة عن تاريخ الغناء فى السودان . Author: أحمد طراوه Date: 06-24-2008, 05:28 PM Parent: #1
... و بالنسبة لعلي محمد احمداني ، الذي عُرف ب (المساح) فقد صار الجمال السوداني في خصوصيته و طابعه الفريد ، مصدرا للإلهام و محورا للحركة و الإهتمام و مدخلا لإعادة فهم و تأويل دنيا السودان آناء تلك الازمان
.. عشق بهجة السودانية - المصرية بت الخواجة سيد السينما فقال عنها : عدتي و عاد هناي .. يا (البهجة) هل هلالك
.. و في دروب (ام زين) كتب تلك البكائية الجميلة : نغيم فاهك يا ام زين دواي .. شِفاي البجبر قواي
.. و قال وهو تائها في اودية الغرام : نازلات دموعي و ساكبا خاض مُهري في الشوك و إنكبا .. (بهجة) جمالك حاجبا .. عاجباك نفسك و عاجبا .. بالله يا نسيم الصبا جيب لي شذى الحُبا و الرُبى
.. ظبي الخِدر الماشاف غِفار منو العسجد عار الصفار ( ودي لحنا كرومة و سمحة عند اولاد الموردة عطا و محمود )
.. و بلغت شاعرية المساح شأوا عظيما تجاوز جميل بثينة و ديك الجن : يا خلاصة الحواري المن جنان و خوالد .. حُسنك ليك يدوم لا ام تلد لا والد .. جفيتني ليه وانا ليك رايد
في ظاهرة المساح (الامي - رقيق الحال) بمقدورنا رصد و فهم مجمل المسار التاريخي لحركة مجتمع و إقتصاد و ثقافة ذاك السودان السناري - التركي - المهدوي ، سودان دولة كتشنر - ونجت ، سودان دولة البرجوازية التجارية و مشروع الجزيرة عالي الانتاجية :
" قصة الاساس الاجثماعي - الاقتصادي لغنا السودان ، مسارو و تطورو و كمان مستقبلو "
Post: #2139 Title: Re: د / أحمد طراوة ___ فى ندوة عن تاريخ الغناء فى السودان . Author: Osman Musa Date: 06-24-2008, 07:29 PM Parent: #2138
الأخ معاويه عليك الله أغنية غصن الرياض أرجو وضعها هنا مكتوبة تحياتى .
Post: #2140 Title: Re: د / أحمد طراوة ___ فى ندوة عن تاريخ الغناء فى السودان . Author: أحمد طراوه Date: 06-24-2008, 08:15 PM Parent: #1
.. و برضو صورة عوض دكام !
و لروحو المحلقة فوق سماوات الطرب ، و الذوق و الحزم المهني - الإداري .. و نزعة النظافة الوصى بيها نبي الاسلام .. و حمولة الظُرف و حضور البديهة
ليهو بنهدي تفانين صحبو رمضان زايد
.. الريدة ريدتنا .. و المحبة حقتنا .. ادوهو الاكيدة إتنين / خمسة حارتنا .. يا ناسي انا العذاب علي قاسي
.. و تتصاعد حركات و قهقهات الحضور المسرحي لود الشُلك - الامدرماني :
انت يا الهناك ، خليك معانا ، دا وقتو خليك .. مع الزمن .. و تعيش ناريمان و الملك فاروق !!
Post: #2141 Title: Re: د / أحمد طراوة ___ فى ندوة عن تاريخ الغناء فى السودان . Author: Moawia Mohammed Date: 06-24-2008, 08:31 PM Parent: #1
يا ناسي - رمضان زايد
مهداه لروح الراحل الظريف حاضر البديهة د. عوض دكام
Post: #2143 Title: Re: د / أحمد طراوة ___ فى ندوة عن تاريخ الغناء فى السودان . Author: Moawia Mohammed Date: 06-25-2008, 04:13 AM Parent: #1
الملك فاروق و الملكة ناريمان و طفلهما الأمير أحمد فؤاد - ايطاليا 1953م
Post: #2144 Title: Re: د / أحمد طراوة ___ فى ندوة عن تاريخ الغناء فى السودان . Author: Moawia Mohammed Date: 06-25-2008, 04:15 AM Parent: #1
النحاس باشا مع زوجته زينب الوكيل
Post: #2145 Title: Re: د / أحمد طراوة ___ فى ندوة عن تاريخ الغناء فى السودان . Author: أحمد طراوه Date: 06-25-2008, 10:15 AM Parent: #2144
.. هل درى النحاس يوم رفع ضنبو و إدعى السودان بغيتو و إربو قال لناس جون بول هيا إغتربوا نحنا و إنتو نقوم و يحكمو عربو .. يلا لبلدك .. سوق معاك ولدك .. و لملم عِددك
.. كلام لاحد عمال عطبرة آناء اللحظات الاخيرة لانتزاع الاستقلال الوطني من براثين جماعة الكوندمنيوم المصري - الإنجليزي
Post: #2146 Title: Re: د / أحمد طراوة ___ فى ندوة عن تاريخ الغناء فى السودان . Author: Moawia Mohammed Date: 06-25-2008, 12:46 PM Parent: #1
الراحل المقيم الفنان رمضان زايد
Post: #2147 Title: Re: د / أحمد طراوة ___ فى ندوة عن تاريخ الغناء فى السودان . Author: أحمد طراوه Date: 06-25-2008, 06:19 PM Parent: #1
.. و في حب البلد و التوق لملاقاة اهلوا و سعادة شعبو .. قال الشيخ محمد ود الرضي:
جاز سربا زانو الفِطن الإحتفال بقرب الوطن
.. وكان سِرب الطلائع المكافحة ، في الجبهة الاستقلالية ، و الجبهة المعادية للاستعمار ، و معسكر القوى العاملة و الحديثة و سط المزارعين و العمال و الطلبة .. كان بيقطع الفيافي ما بين القاهره ، و مباني الامم المتحدة عبر الاطلنطي ، و بقود الاضرابات و المظاهرات و بجوب كل المدن و القرى و الحلال السودانية .. ودا الوصل الزعيم الازهري للقناعة التامة بحتمية الاستقلال الكامل من داخل ذاك البرلمان المنتخب عبر انظف و اقوي عملية إنتخابية - ديمقراطية تتم خارج الاطار الاروبي
" و اصلا الشيخ الوطني - الاتحادي البطل الغيور علي البلد / الشاذلي الريح السنهوري ، كان مُفصل العلم ذو الالوان الزاهية التلاتة الجميلة و مجهزو في بيتو "
"" العلم ، ورفع العلم يا بت عكاشة ، يا معاوية .. راية إستقلالنا ""
.. و كتب الاديب الشاعر الشاب السوداني (عبد الواحد عبد الله) :
يا نيلنا .. يا ارضنا السمراء يا مهد السنا يا مهد أجدادي و يا كنزي العزيز المغتني
" اليوم نرفع راية إستقلالنا "
.. و كان صراع الحركة الوطنية السودانية في مواجهة محور حزب الوفد بقيادة النحاس / و نائبو زينب الوكيل و جماعة القصر الخديوى ، و المبعوث السامي الانجليزي ، و وزير خارجتو جون بول ، كان صراع شرس لانتزاع استقلال نظيف ، كامل ، خارج إطار التاج المصري ، و الكمونولث الانجليزي ، خارج اطار الاحلاف و نحو الجلاء التام
كان سرب الطلائع مسنود بجماهير امة السودان ، و تظاهرات الشوارع و اضرابات العمال و الطلبة و البوليس و إضراب ناس الكاشف و عثمان حسين بقيادة نقيبم ( محمد آدم ادهم ) ، و كمان اضراب سائقي التاكسي ، كاول ظاهرة حضارية في مقاومة الامبراطورية الانجليزية علي صعيد العالم
.. لم يكن غناء السودان ابدا بمعزل عن مسار و تطور الحركة الوطنية .. و نهضة البلد ..
Post: #2148 Title: Re: د / أحمد طراوة ___ فى ندوة عن تاريخ الغناء فى السودان . Author: Moawia Mohammed Date: 06-26-2008, 00:36 AM Parent: #1
سبب الأذي - رمضان زايد كلمات : عوض جبريل
Post: #2149 Title: Re: د / أحمد طراوة ___ فى ندوة عن تاريخ الغناء فى السودان . Author: Osman Musa Date: 06-26-2008, 03:18 AM Parent: #2148
العزيز والهميم معاويه الرجل الفنان والذى يعمل فى صمت وسكوت الله يحضرنا عرسك ويديك العافيه ..
و لقد خلقنا الإنسان في أحسن تقويم)
