هدية صحن مراره عيدية للسودانيين المغتربين ... وكييييييييييييييييييييييه فيكم

بكره الصباح
نضبح الخروف
الحا اشتريه هسع

وحا اشتري معاهو كزبره وفلفل اسود وشته اي شته ما شطة بالتا ما بالط بتاعت نيالا وباقي التوابل والبهارات

وحا اشتري فحم
عشان اللحمة المنجضنها بالبتوجاز ما بتعجبني

امي سوت الشربوت
وعملت الطرشي وفرمت الطعمية

وبكره المرارة حاتكون ملكة الصينية
ام فتفت
والكبدة
والفشفاش -مع اني ما بحبو
امفتفت البيضا زي الدبلان
مزركشة زي قماش الملايات
ونضيييييييييفة
وكان فيها جراثيم
برضو بناكلها
اما الكبد النية
مع الشته الخدراء المدقوقة ومكشوح فيها حبت شته حمراء
برضو بناكلها
كان قالو سعرانين ولا جحمانين


ونحلي بي شية كم نوع
بالصاج وبالجمر

ثم نشرب الشربوت

واهما شي
تختمها بي سجارة برنجية

كييييييييييييييييييييييييييييييية

ياوليد
المراره اكل البعاعيت..

ماتنسى انها لحمه نيه.....

فرقك شنو من المورفعين ده




زول بقران

والقال ليك منو انحنا ما بعاعيت

بعاعيت
ونص

برسل ليك صحن في الايميل

وشكرا دعوة قوقل وصلت
طالبني واحده

يا تماضر
اها ده وعدي الوعدتك بيه في موضوع
مسدار الخرطوم
هاكي صحن المرارة ده

ولي الشين


خروفك دا الا كان داير تشتري من النت ... اقول ليك اقتراح : انت ما تضبح ليك بوست

سحاحير

خلاص يا حبه
مارق على الخروف
يلا باي

الاخ وليد
كل عام وانت بخير

والعيد إتبارك عليكم

اها دي هدية ليك من الشــارقة



اخوك
عاطف الجريفاوي

الجريفاوي

اوريك الناقص صينتك شنو

اولا بالتبادي

وين شية الجمر
مافي
وين الكرشة وام فتفت
وين الفشفاش
صحن المرارة بتاعكم سقط في امتحان صحون المرارة

اهما شي وين جك الشربوت

والاهما من ده كلو
سجارة البرنجي

نجي للبمغسك
بعد الفطور يالجريفاوي
وين المرقة على البتش بتاع الجريف
وسط الجناين ديك
شايل معاك جك الشربوت
وعلبة برنجي
وحلة فاضية
واربعة فرد
وتدورو غنا حقيبة
فيهو حبه شترة وعدم حفظ

اها دي بتلقاها في الشارقة

كل سنة وانت طيب
وربنا يرجعك لبلدك سالم غانم

يا وليد :
ياااااااااااااااااااي خالص من الاكل البلدي ده ..
سوري جداً من اللغاويث دي ...
كر علينا أوي أوي من اللحوم النية ..
رسالة من حنكوش بقران ..وانشاء الله تنفعكم ..
ملحوظة :
انا انشاء الله ناس البيت حايرسلوا لي الشية بي الفاكس ..يعني يرموها في الصاج هناك نية ..تطلع لي بي هنا منجضة انشاء الله ..

الجريفاوي يا اخوي :
صينيتكم دي والله مافيها حاجتين بيتشابهوا!!! ياخ حتي العيش ما زي بعض !!! صحي والله صينية عزززززززززززااااااااااابة ..
كل سنة وانت طيب

حبيبي ابو النسب عمر الفاروق

اود ان انخبرك ان المرارة والكمونية قد قامت باعدادهم بنتنا شهد


يا غالي ربنا يرجعك بالسلامة
وكل سنة وانت طيب

الاخ/ وليد محمد
كل سنة وانت طيب عيد سعيد
تحياتى

....
....

لووووووووول

كل سنة وانتم طيبين أعزاى

....
....

كل عام وانت بخير يا ملك

يا بلدي يا حبوب

ازيك يا حبوب
وكل عام اونت بخير
والسنه الجاية ربنا يحقق امنياتك

السحاحير كل سنة وانتو متسوحرين ..
والله دخلت بوستك دا عشان افشي مغصتي في مرارة الكديسة ، يا ولدي الكديسة نفسا في السطوح وبما انو اولادي الليلة كلهم قرفانين من ديحة الخروف وبعتقدوا اننا ناس قاسين وسحاحير ، قام ابوهم جدع المرارة ام فت فت بصمتها وابغازي حق الشطة والمونية رموها مع ابوكبيرة غايتو جنس مغصة حسي الكديسة مسكينة ما ادوها كدم مرارة ، وانا الزهج كاتلني من الصقت عشان حمى الشربوت اقوم يعني تقول كدا العيد طرشق حتى شية الجمر طلع نية ؟؟
مالك يا تماضر بتتلفتي قايلا ما عندي شربوت بس خليه يقوم كان ما اديتيك جك انت ووليد تهضموا بيه المرارة.ز
يا حليل المرارة
والمغتربين والعوارة

غايتو ما حاسدين العيد مبارك عليكم بكل شي ..

يا وليد

والله العظيم حسدتك عديل. ان شاء الله الخروف دا ينفعكم.وما تجيكم عوجة غايتو






وبعدين دا لا مورفعين ولا حاجة


سجيمان ربيب القرود

دكتور سيجي

ربنا يرد غربتكم
وتتهنو بي العيد الجاي وسط اهلكم

اما بخصوص المرفعين
ده مرفعين المغربين
حنكوش زي اولادهم

وسلم لي على القرود
قرد قرد

امي عشة
كل سنة وانت طيبة
وربنا يخلي ليك اولادك وابوهم وكديستكم كمان

وزكرتيني ابغازي ما كتبتو ليهم عشان امغسهم

عاوز احكي ليك كلام حارقني
قبلي ما يجيو ناس محمد سليمان وبشاشا

والله انا شخصيا بحب ناس دارفور شديد
لكن كمان الكلام البدعو ليه ناس محمد ده
بمرقنا من طورنا
عاوزك تتاكدي حتى لو صدر مني انا اي كلام غلط
او دعوة ما صاح
دي طيش شباب من ولدك وليد
وتغفريها لي

وتسلمي يمه

وليد محمد المبارك
تعرف محمد المبارك دا اخوي اياه ابوك؟و بس نعلك جعلي .. ؟؟
حسي انت يا وليد دارفور الجابها شنو علي مرارة الكديسة والشربوت والله عاد مخير انا برا والدنيا عيد اها العفو والعافية والحيطة الدافية ..

بت فاطني

ماني جعلي
لكن دقلاوي رباطابي
والناقلة راسهم دمك
والرباطاب مسيخين
عشان كده ما تخافي علي

دارفور جبتها انا
عشان في ناس بهمني يفهموني صاح
وانت منهم
وبكري الجاك
وابكر اسماعيل
وعبد الرازق عيسى
والقائمة طويلة

ده كلو عشان فضيت نفسي لي محمد سليمان والزيو العاوزين يدقو اسفين بينا وبين اهلنا

اقول ليك سر
انا رسلت للناس العندي معاهم حساسية عيدية في الماسنجر بتاعهم
اها في ارجل من كده

وليد و كل البعاعيت
كل ام و أنتم بخير و العام القادم ربنا يجعل أمانيكم حقيقة

ونات بخير يا بله موسى
وربنا يحقق كل الاماني الطيبات-فقط

وليد
معانا بالمكاواة
عارف أنا يوم عيد الضحية أكلت شنو
بيتزا يا ول
عليك الله ده كلام
إيييييه
كل سنة وإنت طيب

هاهاهاهاهاها
انشاء الله يكون بدل الكاتشب
راشينها ليكم بالتي
وبدل الجبنة الشدر
عاملين ليكم فيها ام فتفت


وانت بخير يا حبه
وربنا يرد غربتكم

وين يا ول
الغربة دي
وطلعت نملة ودخلت نملة وشالت روحنا ذاتو
البنات وأمهن كيف
هدوم العيد حقاتهن لونا شنو
و جيبتها من سعد قشرة ولا ما عندك صبر لي لف النسوان..
الله يجمعنا قريب يا صاحب
ويقدرني أديهن العيدية ويخجلن وأقول ليهن :عيب شيلي من عمك يا بت

يا فادكس

تصحيح معلومة
هم ما بنات
هم ولد وبت

الولد البكر اسمو محمد على اسمك
ولا عشان ما جيت السماية وجبت الخروف عشان سميناه عليك

مشتاق ليك والله
وربنا يجمعنا قريب على قولك
امييييييييييييييييييييين

عليك شنو هسي يكون راسو كبير زيك كده
محمد ده شيل شيلتك
والله أنا تعبت أبوي تعب


أصبر لي لمن أجيب ولد ويطلع آفة حاسميه وليد عشان أنبذه بالليل والنهار
ماشاء الله ..الله يغطي ويحفظ ويكبر

هاهاهاهاهاهاهاهاهاها
اهاهاهاهاهاهاهاها
هعهعهعهعهه

استغفر الله
كخخخخخخخخخخخخخ- دي مخاته

الله يجازي محنك يا فاضلابي
الكلام الفوق ده بعتبرو عيديتي
ودي اجمل عيدية
عشان ضحكتني في الزمن التعيس ده

فوق للمغسة

ياوليد