Post: #1
Title: العذر الأقبح من الذنب !!
Author: cantona_1
Date: 09-28-2010, 02:11 PM
Parent: #0
وزيرا الطرق والنقل: تعاطي بعض سائقي البصات والحافلات السفرية للمخدرات وراء الحوادث
الاثنين, 27 سبتمبر 2010 07:51
أم درمان : إيمان عبد الباقي آخر لحظة
مثل أمام البرلمان أمس وزير الطرق والجسور، وزير الدولة بالنقل ومدير إدارة النقل البري لاستجوابهم حول ارتفاع الحوادث المرورية في الآونة الأخيرة والتي تسببت في مقتل المئات من المواطنين وفي ذات الوقت تتجه لجنة النقل والطرق والجسور بالبرلمان لاستدعاء وزيرا الداخلية والصحة والمدير العام للمرور حول ذات القضية.وأبلغ عمار آدم دلدوم رئيس اللجنة الصحفيين بالبرلمان أمس بأن اللجنة استدعت تلك الجهات للتقصي حول أسباب الحوداث بطرق المرور السريع، مشيراً لاعتزامها استدعاء كافة الجهات الأخرى المسؤولة وذات الصلة. وقال إن وزيري الطرق والنقل حملوا الجانب الأكبر من المسؤولية إلى ضيق الطرق وعدم استيفائها لمواصفات السلامة العالمية وكشفوا عن جانب يتعلق ببعض سائقي البصات والحافلات السفرية وتعاطيهم للمخدرات مما يجعل حالتهم الصحية لا تسمح بالقيادة، فضلاً عن عدم تطبيق الجزاء والمحاكمة والمحاسبة الصارمة للمخالفين على ما ترصده كاميرات المراقبة. وأوضح دلدوم أن وزير الطرق أرجع أسباب ضعف المرور السريع إلى ضعف الإمكانيات وأن وزارته ركزت على ربط المناطق ببعضها وفتح طرق جديدة وأنها بدأت في توسيع بعض الطرق.. كطريق (الخرطوم - عطبرة - هيا) (الخرطوم - كوستي). وفي ذات السياق وجه دلدوم بضرورة مراجعة مواصفات المركبات واللساتك والطرق ومحاسبة المخالفين وفحص صحة السائقين مشدداً في الوقت ذاته على أهمية التدقيق في منح الرخص وتطبيق منع القيادة الليلية على أن يتم تنفيذ نظام التفويج يومياً بدلاً عن الأعياد فقط، مؤكداً استعداد اللجنة لتوفير كافة التشريعات التي تقلل من ارتفاع الحوادث وتعهد بمتابعة تنفيذ كافة المعالجات التي أوصت بها اللجنة.
كبـَّـاشي الصــَّافي
|
Post: #2
Title: Re: العذر الأقبح من الذنب !!
Author: ادريس خليفة علم الهدي
Date: 09-28-2010, 02:21 PM
(العوج راي والعديل راي)
|
Post: #10
Title: Re: العذر الأقبح من الذنب !!
Author: cantona_1
Date: 09-29-2010, 00:32 AM
Parent: #2
شفت يا ود علم الهُدي .. كلام الوزير دا ياهو الراي العوج.. لكن برضو راي. تحياتي.
كبـَّـاشي الصــَّافي
|
Post: #3
Title: Re: العذر الأقبح من الذنب !!
Author: مُحَمَّدٍ عِوَضٌ احْمَدُ
Date: 09-28-2010, 08:20 PM
يعنى..
برضو فى شوية حقيقية فى كلامو
كتير من السواقين بضربو البنقو..فى المواصلات الداخلية دى سيبكـ من الفى الخلا
لكن ده برضو على قولكـ ماهو عذر..يعملو ظلط جاى ورايح..وبعد داكـ
لو الركاب ذاتهم اتسطلو..ما بتجيهم عوجة
|
Post: #4
Title: Re: العذر الأقبح من الذنب !!
Author: ادم الهلباوى
Date: 09-28-2010, 08:26 PM
Parent: #3
الصورة مقلوبة ؟!
..
|
Post: #5
Title: Re: العذر الأقبح من الذنب !!
Author: مُحَمَّدٍ عِوَضٌ احْمَدُ
Date: 09-28-2010, 09:07 PM
Parent: #4
,تقول شنو
بس وحاتكـ ما مسطول
دى عجلة بس
حبابكـ آدم
|
Post: #6
Title: Re: العذر الأقبح من الذنب !!
Author: خالد المحرب
Date: 09-28-2010, 09:22 PM
Parent: #5
| Quote: وقال إن وزيري الطرق والنقل حملوا الجانب الأكبر من المسؤولية إلى ضيق الطرق وعدم استيفائها لمواصفات السلامة |
اخونا كباشى نحن مشينا فى طرق السودان وبكل بجاحه بسموها الهاى وى
وهى طرق لاتصلح ان يسير عليها بقر خليك من الشاحنات المخالفه للقانون تلقى
شاحنه 14 قدم تسحب شاحنه اخرى والشارع ضيق جدا والله انا استغرب وانا من هنا
احمل المسئوليه كامله للمسئولين ولاعلاقة للسايق بهذه الحوادث
|
Post: #7
Title: Re: العذر الأقبح من الذنب !!
Author: احمد محمد بشير
Date: 09-28-2010, 11:24 PM
Parent: #6
أستاذنا الكباشي ......سلام الله عليك محل ما إنت قاعد.
اها العذر دة بيصب في ياتو خانة. إنت قولت العوج راي وممكن يستعدل مع ظهر الراي العديل وبعد الإقتناع.
سلوك ناس الخمور و المخدرات ديل (والبيتلبوا في العربات) باقيلك بيكون عذر و عوج وممكن يستعدل؟!.
|
Post: #11
Title: Re: العذر الأقبح من الذنب !!
Author: cantona_1
Date: 09-29-2010, 00:35 AM
Parent: #7
عارف يا أحمد محمد بشير .. كله ممكن ينعدل إلا حكاية السطلي والمرايس دي حكايتها حتكون صعبة. كان الله سخّر العربيات تبقى جديدة مطابقة للمواصفات .. الشوارع تتوسع تبقى طالع نازل.. لكن البشر البسطلوا وبحششوا وبشربوا المريسة ديل يسووهم كيف؟
كبـَّـاشي الصــَّافي
|
Post: #8
Title: Re: العذر الأقبح من الذنب !!
Author: cantona_1
Date: 09-29-2010, 00:29 AM
Parent: #6
يا أخ المحرب شكراً على المرور. سمعت بقصة طريق القذافي بين الخرطوم والعيلفون.
نحن في السودان لسع ما وصلنا لمرحلة أو ثقافة الطريق ال Dual way خليك من ال High Way دا شعر ما عندنا ليهو رقبة. الوزير ما عارف يقول شنو.. قال الكلام القالو أصلو الكلام ما عليهو جمارك.
كبـَّـاشي الصــَّافي
|
Post: #9
Title: Re: العذر الأقبح من الذنب !!
Author: cantona_1
Date: 09-29-2010, 00:31 AM
Parent: #4
شوفوا يا جماعة ول عمي الهلباوي أدوه العجلة قلبها Up-side-down كان أدوه نيسان كان عملها كيف؟
كبـَّـاشي الصــَّافي
|
Post: #12
Title: Re: العذر الأقبح من الذنب !!
Author: عابدون محمد عابدون
Date: 09-29-2010, 05:01 AM
Parent: #9
Quote: اخونا كباشى نحن مشينا فى طرق السودان وبكل بجاحه بسموها الهاى وى
وهى طرق لاتصلح ان يسير عليها بقر خليك من الشاحنات المخالفه للقانون تلقى
شاحنه 14 قدم تسحب شاحنه اخرى والشارع ضيق جدا والله انا استغرب وانا من هنا
احمل المسئوليه كامله للمسئولين ولاعلاقة للسايق بهذه الحوادث |
الفساد برضو يتحمل اكبر جزء من المسؤولية .. الليلة تجد من النادر ان توكل تنفيذ اى اعمال كأعمال الطرق مثلا لأى جهة بدون ان يفكر فى استغلال الوضع لصالحه يعنى بالواضح ياخد رشوة ويرمى بالمواصفات المطلوب تنفيذها الى مزبلة التاريخ .. ياجماعة الاسباب كتيرة وقد يكون برضو عدم استقرار البلد لى سنين طويلة لم يمكن الناس ان يضعوا اولويات التنمية وال INFRA STRUCTURES الخاصة بيها فى اعلى القائمة وكمان برضو ياجماعة شبكات الطرق دى وبى مواصفاتها المطلوبة دى عملية مكلفة جدا وما أظن انو البلد كان عندها امكانية وزى ماقال كباشى انو دا رقيصا ماعندنا ليهو رقبة خاصة انو كتير من هذه الطرق كان عبارة عن مساعدات اجنبية كهدية لعلاقتهم مع السودان زى شارع الماعونة ( المعونة بس اتسودنت ) وشارع مدنى وشارع بورتسودان وغيره ...
|
|