إنتو وديدي الفاتح طرد كم لاعب من الخرطوم في مباراة الأمس ؟

Quote: * أمس شاهدنا مهزلة تحكيمية حقيقية في مباراة الخرطوم والهلال. * أصر علاء الدين على نيل البطاقة الصفراء الثانية وجامله الحكم مرتين، الأولى عندما دخل بعنف وإهمال شديد على جسد يوسف الصيني ورفع قدمه مستهدفاً إيذاء خصمه وكانت الكرة في الأرض! * والثانية عندما ضرب لاعب وسط الخرطوم محمد حسن الطيب من الخلف وكان يستحق الطرد المباشر! * أخيراً اضطر الحكم إلى طرده بعد أن عرقل إيكي من الخلف وكان يستحق البطاقة الحمراء مباشرة! * الغريب في الأمر أن فييرا ثار بعنف وهتفت جماهير الهلال ضد الحكم بطريقة هيستيرية! * خشي الحكم وديدي الفاتح على نفسه فكانت كفارة قرار طرد فييرا ركلتي جزاء وطرد لاعبين من الخرطوم. * بعد نهاية اللقاء تحرش علاء الدين بالحكم وتعدى عليه لفظياً، واشتبك مع رجال الأمن! * أهدر فريق الخرطوم فرصة لا تعوض أمام الهلال الذي كان في أسوأ حالاته. * لياقة ضعيفة، دفاع مهزوز، وسط متفكك وهجوم فاقد للتركيز. * عندما عجز مهاجمو الهلال عن التسجيل عادل عمر سفاري النتيجة بهدف عكسي. * واصل فرانسيس إيكي تخصصه في المعز، وهز شباكه كالعادة. * آخر خبر: شرف المنافسة في خبر كان!

_
و علاء الدين ده أدوهو كرتين متين ؟؟؟

العمود كامل هنا

Quote: الوالي يهزم المريخ.. والهلال! * سعى من يتولون كبر الإفك ويروجون الشائعات الخبيثة إلى الوقيعة بين جمال الوالي وشقيقه الفريق عبد الله حسن عيسى، بادعاء أن الأول كان يتمنى هزيمة المريخ وقدم حافزاً للاعبي حي العرب! * مثل هذه الألاعيب الصبيانية لا تنطلي على جماهير المريخ التي تمتلك حساً عالياً يمكنها من تمييز الخبيث من الطيب، ويجعلها محصنة ضد حملات الإفك التي تستهدف ناديهما باستمرار. * المضحك في الأمر أنهم اتهموا جمال الوالي بتحفيز لاعبي حي العرب لإنزال الهزيمة بالهلال، ثم اتهموه بعد أيام قليلة بتحفيزهم لهزيمة المريخ! * فهل هناك سذاجة أكثر من ذلك؟ * كيف يحفز الوالي فريقاً واحداً لحضه على هزيمة بالمريخ والهلال معاً؟ * وماذا يستفيد من خسارة الفريقين؟ * علاقة الوالي وعبد الله لن تتأثر بأحاديث الأفاكين، وأكاذيب أصحاب الأجندة الخاصة والعقول المريضة. * الجميع يعلمون أن جمال ترجل من رئاسة النادي الكبير بمحض إرادته، وقدم الفريق عبد الله لخلافته فكان خير خلف لخير سلف، رغم أن رفض التكليف بادئ الأمر وانضم إلى المسيرة التي استهدفت إقناع الوالي بالعدول عن الاستقالة، بل هتف مع جماهير المريخ مطالباً إياه بالعودة. * إذا كانت هناك فائدة للمريخ من ابتعاد الوالي فهي أنها كشفت النقاب عن القدرات الإدارية الكبيرة التي يمتلكها سعادة الفريق عبد الله حسن عيسى، بعد أن تصدى للمهمة الصعبة وفتح خزائنه لتمويل النادي وظل حريصاً على تحفيز اللاعبين عقب فوزهم وقبل أن يجف عرقهم. * ركب الطائرات ورافق الفريق في الولايات وحفز المجيدين ووفر المال ولم يبخل أبداً. * جمال وعبد الله شقيقان يربطهما حب المريخ، ويجمعهما التفاني في خدمته والرغبة في إعلاء شانه. * تعلم جماهير المريخ أن الوالي استقال من رئاسة المريخ لكنه لم يستقل من دعم ناديه، وظل ملتزماً بسداد مرتبات اللاعبين الأجانب وتكاليف سكنهم، بل تكفل بإعادة كروجر ومساعديه ويلي كونهارد وكريستيان، وهو يدفع للمريخ حوالي 80 ألف دولار شهرياً. * لم يلجأ إليه المجلس إلا أعانه. * وهذا ليس غريباً على الرئيس المحبوب الذي غير وجه المريخ إلى الأفضل، وقدم نموذجاُ يحتذى في السعي إلى رفعة ناديه في كل المجالات. * عطاء الوالي وعبد الله للمريخ تقدره جماهير المريخ وليس دعاة الفتنة وأصحاب الأجندة السوداء. * وهذه الجماهير تعرف قدر الرجال، وهي ليست غبية ولا ساذجة لتصدق فريةً تتحدث عن سعي الأخ جمال لإنزال الهزيمة بفريقٍ بناه بعرقه وماله وجهده، باذلاً المليارات له المليارات. * ولم تتوقف أياديه البيضاء عند حدود الفريق، بل بنى للمريخ صرحاً وشاد له مجداً في مجال المنشآت وجعله مصدر فخر لكل الصفوة. * ترجل الوالي من الرئاسة وخلفه عبد الله، فسار سعادة الفريق على درب الرئيس المحبوب، وقدم نموذجاً رائعاً في التجرد والتفاني في خدمة ناديه. * أمثال جمال الوالي وعبد الله حسن عيسى لا يمكن أن تفرق بينهما صحافة الفتنة التي تقتات على الإساءة للناس والخوض في عروض الشرفاء، ودمغهم بما ليس فيهم. * نقول لهؤلاء إن الفريق عبد الله يشبه سلفه في السخاء مع المريخ لكنه يختلف عن الوالي المتسامح في التعامل مع أصحاب الغرض، فلا تلعبوا بالنار! * استمروا في نهجكم تجدوا ما يسركم!! برمجة الخرمجة * من المضحك حقاً أن تضع لجنة الخرمجة برنامجاً تلزم به المريخ بمواجهة اتحاد مدني في منافسة كأس السودان في الثاني من أكتوبر. * اختار مازدا 8 لاعبين من المريخ مع المنتخب لمعسكر إريتريا، وفقد الفريق الأحمر خدمات ستة لاعبين لأسباب مختلفة وهم: المهدي، طمبل، عبد الرحيم أم بدة، غاسيروكا، وارغو ورمزي صالح، ليصبح عدد المتاحين لكروجر 14 لاعباً فقط! * حتى هؤلاء بينهم حارسان في الخانات السنية (مصطفى جعفر وباولو بيتر)! * فكيف يريد الاتحاد من المريخ أن يؤدي مباراة في ربع نهائي منافسة قومية بثلاثة عشر لاعباً؟ * وكيف تبرمج لجنة الخرمجة مباراة دورية للهلال مع أهلي مدني يوم 6 أكتوبر وهي تعلم أن عشرة من لاعبي الفريق الأزرق سيسافرون مع المنتخب لملاقاة غانا يوم 8 من الشهر نفسه؟ * ترى أيجهل أعضاء لجنة الخرمجة مواعيد مباريات المنتخب حقاً؟ * إذا أصرت على برمجتها العرجاء فعليها أن تجهز صاروخاً تنقل به دوليي الهلال إلى أكرا بعد نهاية المباراة! * على مجلس المريخ ألا يقبل هذه البرمجة العجيبة، بينما لن يضطر الهلال إلى طلب التأجيل لأن اللجنة ستؤجل مباراته أمام الأهلي من تلقاء نفسها دون أن يحمر وجهها من الخجل. * إلى متى يستمر هذا المسلسل الممجوج؟ آخر الحقائق * يا معتصم غيابك طال! * كفاية تعال، وغير الحال. * ما يحدث داخل اتحادك لا يسر عدواً ولا صليح. * مضى زمن طويل والمجلس الجديد لم يجتمع حتى اللحظة. * نتوقع من رفاق الجكومي محمد سيد أحمد الاجتهاد لتغيير الواقع المحزن. * حتى اللحظة لا جديد في ساحة الاتحاد سوى المزيد من الخرمجة! * استعاد النفطي مستواه العالي، والدور على مرابط ولاسانا. * أخيراً شرّف غاسيروكا البلد، بعد غياب استمر زهاء الشهرين. * كروجر يشكو لطوب الأرض من قلة عدد اللاعبين في التمارين. * من كي لي كي يا خواجة. * خلال يومين سيعود طمبل وضيف الله لكنهما سيحتاجان إلى بعض الوقت لاكتساب لياقة المباريات التنافسية. * عودة البطاح تسعد الصفوة. * حبابك ما غريب الدار. * اشتهينا الشربكة، واللدغات الموجعة يا طوربيد. * ودع صفوة الإمارات طمبل واستقبلوا عبد الرحيم أم بدة. * ولن يقصروا كعادتهم، لله درهم. * وطبعاً جار النبي واقف للمريخ ديدبان. * يا عمار الحاج استوصوا خيراً بمدافع شاب الذي نتوقع له مستقبلاً مشرقاً مع المريخ. * يواجه الأرباب أسوأ حملة تستهدف طمس كل ما قدمه لناديه، وتتخطى ذلك لتحاول دمغه بالتآمر عليه. * دفع المليارات، ويسيء إليه من يعيشون على فتات موائد الآخرين. * أب أحمد صعب المراس ولحمه مر! * ولكن.. من سرب خبر محاولة تحريض كاريكا إلى الصحف؟ * الإجابة تكشف أسوأ أنواع الجحود في الوسط الرياضي. * أنظر حولك، واتق شر من أحسنت إليه. * إن أنت أكرمت الكريم ملكته، وإن أنت أكرمت اللئيم تمرداً! * أمس شاهدنا مهزلة تحكيمية حقيقية في مباراة الخرطوم والهلال. * أصر علاء الدين على نيل البطاقة الصفراء الثانية وجامله الحكم مرتين، الأولى عندما دخل بعنف وإهمال شديد على جسد يوسف الصيني ورفع قدمه مستهدفاً إيذاء خصمه وكانت الكرة في الأرض! * والثانية عندما ضرب لاعب وسط الخرطوم محمد حسن الطيب من الخلف وكان يستحق الطرد المباشر! * أخيراً اضطر الحكم إلى طرده بعد أن عرقل إيكي من الخلف وكان يستحق البطاقة الحمراء مباشرة! * الغريب في الأمر أن فييرا ثار بعنف وهتفت جماهير الهلال ضد الحكم بطريقة هيستيرية! * خشي الحكم وديدي الفاتح على نفسه فكانت كفارة قرار طرد فييرا ركلتي جزاء وطرد لاعبين من الخرطوم. * بعد نهاية اللقاء تحرش علاء الدين بالحكم وتعدى عليه لفظياً، واشتبك مع رجال الأمن! * أهدر فريق الخرطوم فرصة لا تعوض أمام الهلال الذي كان في أسوأ حالاته. * لياقة ضعيفة، دفاع مهزوز، وسط متفكك وهجوم فاقد للتركيز. * عندما عجز مهاجمو الهلال عن التسجيل عادل عمر سفاري النتيجة بهدف عكسي. * واصل فرانسيس إيكي تخصصه في المعز، وهز شباكه كالعادة. * آخر خبر: شرف المنافسة في خبر كان!

ده طبعاً عمود مزمل

Quote: ده طبعاً عمود مزمل

والله يحليلك يا مزمــل ..
بالمناسبة
مزمل دا قاعد يحنني برضو .. تاني يوم لي كورة الهلال .. طوالي ..
يحننك اساسي بالليل .. ويحننك مزمل بالصباح ..
والحاجة الغريبة اميرة الشيخ تلقاهـا بتبكي من يوم الخمسة بتاعت هلال كادوقلي ديك ..

والله يا تمبس
قاعد أقراء في العمود إنخلعت خلعة .. خلوعوت زاتها ..
شلت التلفون إتصليت علي صاحبي ود البشري و سالتو إنت الحكم أمس طرد كم زول من الخرطوم ؟
ود البشري مسكين قال لي واحد
قلت ليهو يعني انا ما مزهلل ؟
قال لي لا لا !!
اها بعد شوية ود البشري برضو سألني قال لي : و علاء الدين ده أدوهو كم كرت ؟
قلت ليهو غايتو هو الحكم كان شايلو أصفر الكاميرا زحت و جات بقا أحمر في نفس الغلط ..
و قبليهو سيف مساوي و خليفة ..



_
مزمل ده يكون كان حاضر كورة هلال و خرطوم تانية و لا في زول نقل ليهو الكلام ؟

كامل تضامني مع وديدي في محنته

Quote: يحننك اساسي بالليل .. ويحننك مزمل بالصباح ..

تعرف يا تمبس ديل لو باروا الهلال ده بيكملوا الحنه من السوق ذاتو


بالمناسبه مزمل ده حقيقي هلالابي زعلان
يعني مشجع هلالابي صريح ماممكن يقول الهلال في أسوأ حالاتو وهو غالب 5-1

غايتو الزعلة الدخلها قون المعز في الوصيفاب أمس التقول جابو في الفلسطيني
الناس ديل جادين كانوا عايزين الخرطوم تلاتة ترشنا ولاّ شنو؟

Quote: يحننك اساسي بالليل .. ويحننك مزمل بالصباح ..

كمّلوا المحلبية الفي البلد

هسي يجيكم أرصد يقول ليكم مزمل إعتذر عن الخبر

Quote: هسي يجيكم أرصد يقول ليكم مزمل إعتذر عن الخبر

دا طبعا لو ما جنابوو عمر نفاهو ..

Quote: تعرف يا تمبس ديل لو باروا الهلال ده بيكملوا الحنه من السوق ذاتو

يحليل زمن الوالي يا كمال .. حسع في الحالات دي كان جاب ليهم الحنة بالقنطار ..

Quote: كمّلوا المحلبية الفي البلد

والله يا ود البشرى انا على يقين تام إنو امبارح وصلتك الرسالة الما بين الشوطين كما وصلت لي ود الصايم ونوبي ..
وانا على يقين تام إنو تكونو قريتو الاعتذار وسحب ما جاء في الرسالة اياها بعد قون الدرووون ..
عليك الله حسيت بي الزول دا بقى مسكين كيف ..؟

دا كوم وقوون المعز كوووم ..
والله قون المعز دا وجعني انا ذاتي التقول جايبو في البرازيل ..

Quote: والله يا ود البشرى انا على يقين تام إنو امبارح وصلتك الرسالة الما بين الشوطين كما وصلت لي ود الصايم ونوبي .. وانا على يقين تام إنو تكونو قريتو الاعتذار وسحب ما جاء في الرسالة اياها بعد قون الدرووون .. عليك الله حسيت بي الزول دا بقى مسكين كيف ..؟

لوووووووووووووول

قاعدين نحضر في الكورة و التلفون بعيد مني
مشيت علي التلفون بين الشوطين و كنت متأكد إني حألاقي رسالة من نفرين واحد منهم صاحبنا وواحد تاني معذبو ليكم عذاب قبورة
اها ما خيبو ظّني ؛ أم محمد قالت لي ناسكـ ديل ما عارفين إنه ده الهلال ؟ هم قايلونو ده مريخهم ده ؟
مساكين خلاس .. اها اللحظة ديكـ قرّبت أرسل ليهم كلامها .. لكن حنّيت عليهم
ياخ محمد بينطط في قون مهند تقول جابو هو و أحمد كسر يدو مقلداً لهوبة مهند ..

ياخ من الخلعه


ود البشري عمري كلو اسيك فيه

امس جراني خمسين لحدي ما داشي راس


وقف ينطط التقول جاب القون هو بدل المعز

بي المناسبه مزمل بيعمل جوله سريعه علي المنتديات قبل ما يكتب العمود بتاعو ..لو في زول قرا موقع كوره امبارح بعد كورة الهلال الكلام دا كان كاتبو عضو هناك شالو بي ضبانتو وعمل بيهو عامود ..يشيل وخت كدا لحدي ما يوم يبلعوا ليك فيروس :)..

في فضيحه بتاعت فبركة كدا يانوبي كانت قبل ايام قريتا ولا اجيبا ليك ؟

شوف الشتل والفبركه البي الجد هنا كيف






وعلما بانو اتوفيستر ترك المريخ في 2007 وبلة جابر وقع للمريخ في 2008 !! يعني الا يكون اتوفيستر دا كان بيدرب المريخ وحي العرب بي مرتب واحد ! شفت ليك فبركة ولعب علي عقول الناس اكتر من كدا ؟ في زول عاقل كدا بعد ما يعرف المعلومه دي بيشتري السراب دا تاني

اللقاء المفبرك كلو هنا http://alsadda.net/topics.php?topic_id=11205&on=1

يا معاوية :
المعلومة صحيحة ..أتوفيستر درب بلة جابر في المنتخب الكاميروني..
ولا شنو ؟

لوووووووووووووووووول

دا بعد سونق جاهو شد عضلي يا عمر ؟ الغريبه بله جابر دا مازدا زاتو ما كان بعرفو ايام غانا عشان نقول اتوفيستر شافو هناك !

هسه الزول العمل اللقاء دا ورئيس تحريرو ما بخجلوا ؟

Quote: كامل تضامني مع وديدي في محنته

كدي يا فيصل وديدي خلوهو

تعال نتضامن بالجد جد مع مزمل دا
الزول دا مصاب بمرض عضال وفتاك اسمو الهلافوبيا
وحالتو بقت متأخرة شديد


كامل تضامني معاك يا مزمز



خالص الود

الشكلة يا فيصل الزول ده في المجلس الاستشاري لوزير الشباب و الرياضة

أوعي يكون استشاراتو من نفس النوع ده؟؟