Post: #1
Title: لماذا استقلال الجنوب لا يكون في اول يناير
Author: Zomrawi Alweli
Date: 09-28-2010, 10:23 AM
لا افهم السبب الذي جعل استقلال الجنوب في اليوم التاسع وليس اول يناير
اكيد لا يريدون من الجنوب ان يتغنى بنشيد وردي
اول يناير يوم امجاد
في دارنا نحن بقينا اسياد
لا دخيل لا اصفاد
الكل يغني الحرية
المهم النشيد الجنوبي سوف يفقد الحماسة لان التاسع من يناير يوم لا يستقيم مع القافية
وين الشاعر محجوب شريف ولا الحلنقي
اسعفوا دول الجنوب بنشيد يليق بعظمة المناسبة
احنا غايتو في دولة النوبة شمال نشيدنا جاهز بتلحينو
نوبة اركنين
نوب نبن درين
او تاجسون الين
|
Post: #2
Title: Re: لماذا استقلال الجنوب لا يكون في اول يناير
Author: Hisham Ibrahim
Date: 09-28-2010, 11:41 AM
Parent: #1
عشان يأجزو يومين ما يوم واحد بس
يوم واحد يناير لإستقلال الوادي كلو ويوم 9 لإستقلالهم براهم ! (الإنفصال)
تاني الماشي جوبا خروج وعوده من المغتربين زي ناس الخليج !!
وهاك يا ضرائب وزكاة ودمغة جريح وغريق وصديق وخدمات ورسوم مغادرة وخدمة إلزامية وووو
وينضموا تحت لواء كرار التهامي وووووو
|
Post: #3
Title: Re: لماذا استقلال الجنوب لا يكون في اول يناير
Author: Zomrawi Alweli
Date: 09-29-2010, 10:21 AM
Parent: #2
شكرا هشام ابراهيم
زمان قبل انفصال الجنوب من الشمال (اعتبار ما سيكون ) كنا بنغش الكفيل ونقول ليهو عندنا اجازة استقلال السودان في اول يناير
تاني يا ربي حنغشو كيف لمن عايزين نمشي اعياد استقلال الجنوب
المهم لازم الجنوبيين يختارو ليهم يوم انيق يتماشى مع رتم الاناشيد
يعني ممكن يكون الاول من فبراير
او عشان يغيظوا ناس الحكومة دي يقوم يعملوها الاول من يناير
عشان ظاطو نرتاح من كذبة الاستقلال اللي اتحول الى استغلال..
وبعدين نشوف تاريخ استقلال الغرب الحنين بدارفورو وكردفانو
احنا في النوبة شمال تاريخاستقلالنا حيكون في السادس من ابريل
اما الشرق ما محتاجين استقلال بس يسدو الطريق المؤدي الى عطبرة والخرطوم يبقى الاستقلال اتحقق من مثلث حمدي
|
|