Post: #1
Title: كـــلام داشـــر ,,,هل نحن جاهزون للانفصال...؟؟؟؟؟
Author: abuguta
Date: 09-28-2010, 08:59 AM
بنتى ما قادرة تستوعب طريقة رسم الخريطة الجديدة
ممكن تاجيله 5 سنوات اخرى لو امكن ذلك
يقولون فى الشمال مليون جنوبى وفى مصر مليون اخر,,,
فى دول الشتات الاخرى ما يفوق هذا العدد,,,اذا فرضنا ان عدد الجنوبين 6 مليون,,,
4 مليون منهم فى دول المنافى,,,كيفيتاح لهذا العدد ان يستفتى فى الجنوب,,
ووتنعدم مقومات الحياة فى ريفى الخرطوم ومدن السودان الكبيرة
موية
تعليم
صحة,,
وكل ما بعدت غربا وجنوبا,,تضاف اليها كلمة أمن,,,
فرضا لو ان هنالك جنوبى مقيم فى امريكا,,ولد فى الشمال والده كان موظف امم متحدة
حياتو كلها ما شاف الجنوب,,,اليس له حق تقرير مصير بلد,,,,طيب كيف يصوت
امشى الجنوب ياتو مدينة,, وين يسكن طيلة فترة الاقتراع,,,
باى وسيلة يصل المراكز,,,
هل من المكن ان تغير الصيغة او الكيفية,,
ممكن نعمل WEBSIDE للتصويت,,,صوتك اون لاين,,
والله بجد موضوع يحير,,,,,؟؟؟؟؟؟
|
Post: #2
Title: Re: كـــلام داشـــر ,,,هل نحن جاهزون للانفصال...؟؟؟؟؟
Author: محمد مختار جعفر
Date: 09-28-2010, 09:29 AM
Parent: #1
سلام وتحية ..
يبدو أن ماتبقى من وقت قليل ، يحمل الكثير فى طياته
والأيام حبلى بالكثير من التوقعات والإفتراضات ، ..
شرائح كثيرة من مثقفى الجنوبيين داخليا وخارجيا
لها أثرها وتأثيرها ، وتعمل فى صمت واضح ..
ولكن يبقى على المؤتمر الوطنى أولا وأخيرا تحريك دفة
العمل السياسى القومى بمعيار ومنطق مختلف عن ذى قبل
وبإسلوب ذكى ودبلوماسية يفترض فيها الصدق وتحمل هذه
المسئولية التاريخية وهذا الإمتحان العسير ..
اللهم نسأله حفظا لهذا الوطن الذى عانى وصبر كثيرا ..
محمد مختار جعفر
تصحيح إملائى ..
|
Post: #3
Title: Re: كـــلام داشـــر ,,,هل نحن جاهزون للانفصال...؟؟؟؟؟
Author: الصادق صديق سلمان
Date: 09-28-2010, 09:51 AM
Parent: #2
اخ محمد مختار
| Quote: ودبلوماسية يفترض فيها الصدق |
جملتك دي هي بيت القصيد وكلمة الصدق دي كلمة كبيرة خلاص
الصادق
|
Post: #4
Title: Re: كـــلام داشـــر ,,,هل نحن جاهزون للانفصال...؟؟؟؟؟
Author: abuguta
Date: 09-28-2010, 10:06 AM
Parent: #3
اخ مختار
سبقنى على خلاصة ما قلت
الاخ الصادق,,,لكما التحيات,,,
كل شىء يفتقد ويفتقر للصدق والدبلماسية,,,
اخر يقول ما بنديكم جالون
الرد ما بنشاطركم علاج,,,,والناس فى دول الشتات
يتناولون العلاج مجانا
لله درك ياوطن,,,
|
Post: #5
Title: Re: كـــلام داشـــر ,,,هل نحن جاهزون للانفصال...؟؟؟؟؟
Author: Hisham Ibrahim
Date: 09-28-2010, 11:18 AM
Parent: #4
أب قوته
سلام مقرون بي شوق
طالما ما عملنا للحفاظ على الوحده ، فهذا بالطبع يعني
جاهـزيتنا للإنفصال منذ وقت طويل كالنيل مـضـى ،،،
|
Post: #6
Title: Re: كـــلام داشـــر ,,,هل نحن جاهزون للانفصال...؟؟؟؟؟
Author: abuguta
Date: 09-28-2010, 11:40 AM
Parent: #5
| Quote: جاهـزيتنا للإنفصال منذ وقت طويل كالنيل مـضـى |
هشام
ياصديقى يراودنى اتصال عليك كلما اراك فى مداخلة
يازول انا كلامى دا كله عاوز حقى من البيعة
انفصال الجنوب مؤشر قاطع لانفصال الغرب,,,
ودقى يامزيكا,,,
كنا طلبة قلت لجنوبى نحن عاوزين ننفصل
قال لى انتو مين,,,قلت ليه ناس الاقليم الاوسط
قال لى الا تاكلو قتن(قطن)
كن بخير
|
Post: #7
Title: Re: كـــلام داشـــر ,,,هل نحن جاهزون للانفصال...؟؟؟؟؟
Author: jini
Date: 09-28-2010, 07:51 PM
Parent: #6
إنها الحرب فلا تسلنى!
جنى
|
|