Post: #1 Title: يا هــلالاب (اصحو) .. بعد مباراة الأمس .. هيثم مصطفى لا يستحق لقب سيدا .. Author: tmbis Date: 09-28-2010, 08:57 AM Parent: #0
Post: #2 Title: Re: يا هــلالاب (اصحو) .. بعد مباراة الأمس .. هيثم مصطفى لا يستحق لقب سيدا .. Author: محمد عبد الماجد الصايم Date: 09-28-2010, 09:03 AM Parent: #1
Post: #8 Title: Re: يا هــلالاب (اصحو) .. بعد مباراة الأمس .. هيثم مصطفى لا يستحق لقب سيدا .. Author: البدري عبد الله Date: 09-28-2010, 09:32 AM Parent: #2
ود الصايم مبروك اجتياز اختبار الزمالة ياخ
Post: #16 Title: Re: يا هــلالاب (اصحو) .. بعد مباراة الأمس .. هيثم مصطفى لا يستحق لقب سيدا .. Author: tmbis Date: 09-28-2010, 10:56 AM Parent: #8
Quote: ود الصايم مبروك اجتياز اختبار الزمالة ياخ
الزول دا ما خليتو قاعد يحضر يا البدري .. البخليهو يعمل زمالة شنو وما يكلمني حاجة عجيبة والله
Post: #3 Title: السلام عليكم ورحمة الله Author: البدري عبد الله Date: 09-28-2010, 09:03 AM Parent: #1
.
Post: #4 Title: Re: السلام عليكم ورحمة الله Author: احمد محمد احمد عتيق Date: 09-28-2010, 09:05 AM Parent: #3
****؟؟؟؟
Post: #5 Title: Re: السلام عليكم ورحمة الله Author: الصادق صديق سلمان Date: 09-28-2010, 09:15 AM Parent: #4
؟!!
Post: #6 Title: Re: السلام عليكم ورحمة الله Author: أيمن دياب Date: 09-28-2010, 09:26 AM Parent: #5
والله صاحين ومتابعين.. والبعمل فيهو هيثم شيء ما عادي ولا طبيعي.. هيثم ما لاعب ولا كابتن وبس.. هيثم مدرب وقائد وأستاذ ومعلم.. بكري المدينة لسه مخلوع من الباص.. في كورة هلال كادوقلي..
جوالك مقفول يا كابتن علاء.. سمعنا صوتك..
Post: #13 Title: Re: السلام عليكم ورحمة الله Author: tmbis Date: 09-28-2010, 10:47 AM Parent: #6
Quote: والله صاحين ومتابعين.. والبعمل فيهو هيثم شيء ما عادي ولا طبيعي.. هيثم ما لاعب ولا كابتن وبس.. هيثم مدرب وقائد وأستاذ ومعلم..
ايمن دياب .. كدي راجع كلامك دا .. انا ذاتي زيك كدا كنت مخدوع في الحتة دي .. لكــن .. من فترة طويلة اعـادني جمهور الصفوة الحمراء .. إلى وعيي .. وبقيت كلما احضر كورة للهلال طرف فيها هيثم مصطفى .. واشوفو بيعمل في شنو.. واجي اقرا لجماهير الصفوة المريخية في المنبر دا .. اتأكد إنو سيدا دا اسم هلامي ساااي كدا .. ملحوظة: ما يكتبه جماهير الهلال في اللاعب هيثم مصطفى واطلاق عليه وصف سيدا .. حقو يراجعو نفسم فوقو شوية .. اصحو يا أيمن أصحو ..
Quote: جوالك مقفول يا كابتن علاء.. سمعنا صوتك..
.. الجوال ضايع يا ايمن ليهو فترة وعامل لي شوية بتاعت لخمة كدا ..
Post: #7 Title: Re: السلام عليكم ورحمة الله Author: hassan bashir Date: 09-28-2010, 09:26 AM Parent: #5
Quote: يا هــلالاب (اصحو) .. بعد مباراة الأمس .. هيثم مصطفى لا يستحق لقب سيدا ..
يعني لازم نكمل ليك الجملة يا تمبس؟
طيب ياخي
... بل يستحق لقب سيد أسيادها
Post: #9 Title: Re: السلام عليكم ورحمة الله Author: فايزودالقاضي Date: 09-28-2010, 09:41 AM Parent: #7
ماعنده اى حاجة ...وودالصايم لو لقى زي فرصته بكون احسن منه ..
علاء وينك مختفى ..ثم تحياتي ،،
Post: #10 Title: Re: السلام عليكم ورحمة الله Author: tmbis Date: 09-28-2010, 10:08 AM Parent: #9
كما اضيف ايضا لقب البرنس ..
Post: #11 Title: Re: السلام عليكم ورحمة الله Author: tmbis Date: 09-28-2010, 10:12 AM Parent: #10
استغرب في كل مباراة طرفها الهلال .. تهتف جماهير الهلال .. سيدا .. سيدا .. سيدا .. الناس دي نايمه ساااي .. واللا مخــدره ؟؟
Post: #12 Title: Re: السلام عليكم ورحمة الله Author: saif massad ali Date: 09-28-2010, 10:26 AM Parent: #11
تمبس
انا اول مرة اشوف زول قضومه بنفسجية انت زهرة يازول
غير صورتك ده بالله
Post: #14 Title: Re: السلام عليكم ورحمة الله Author: فيصل نوبي Date: 09-28-2010, 10:52 AM Parent: #12
Quote: تمبس
انا اول مرة اشوف زول قضومه بنفسجية انت زهرة يازول
غير صورتك ده بالله
_
_ سيف ده عامل فيها بتاع إيجار؟
Post: #15 Title: Re: السلام عليكم ورحمة الله Author: محمد عبد الماجد الصايم Date: 09-28-2010, 10:54 AM Parent: #12
كتلو!
Post: #22 Title: Re: السلام عليكم ورحمة الله Author: saif massad ali Date: 09-28-2010, 11:58 AM Parent: #15
ودالصائم
Quote: كتلو!
يازول والله متشهد ومصلي علي الرسول عليه الصلاة والسلام
Post: #25 Title: Re: السلام عليكم ورحمة الله Author: محمد عبد الماجد الصايم Date: 09-28-2010, 12:07 PM Parent: #22
عليه أفضل الصلاة وأتم التسليم!
Post: #43 Title: Re: السلام عليكم ورحمة الله Author: tmbis Date: 09-29-2010, 12:45 PM Parent: #12
Quote: تمبس انا اول مرة اشوف زول قضومه بنفسجية انت زهرة يازول غير صورتك ده بالله
.. يا سيف مساوي .. عليك الله الزول البكتب ليك بي الباص وورد بتاعك دا معاكم في الجيش بتاعكم واللا .. هوايتو المفضلة جمع الطوابع ..؟ غايتو . دا الله ودي حكمتو .. الواحد بقى قااعد ساااي هنا في البورد (بعاتي) واحد ما قادر يقبضو زي زمان ..
Post: #42 Title: Re: السلام عليكم ورحمة الله Author: tmbis Date: 09-29-2010, 12:08 PM Parent: #9
Quote: ماعنده اى حاجة ...وودالصايم لو لقى زي فرصته بكون احسن منه .. علاء وينك مختفى ..ثم تحياتي ،،
.. والله يا ود القاضي عندو جنس حاجات ..؟ حسع الباص البقعو ليهو في الواااطـة القال عنـو شبكة دا .. والله ود الصايم يعمل زيو كدا .. تجيو موية في ضهــرو ونتلتل نحنا القدامك ديل كل يوم اقلبو الزول علي بطنـو .. ولعو للزول شيشتو .. إلخ ..
انا قاعد يا فرده لكن عصره شوية كدا بس .. زي عصرت جماعتكم في عطبـــرة ..
Post: #20 Title: Re: السلام عليكم ورحمة الله Author: tmbis Date: 09-28-2010, 11:22 AM Parent: #7
Quote: ... بل يستحق لقب سيد أسيادها
حسـن .. ياخ اجتهد معانا شوية .. الايامات دي الصفوة روحم محرقاهم .. بعدين روحم دي بتطلع وتجي كلما الهلال يطقطق ليهو فريق اكان جوه واللا بــره .. وطلعان الروح زاتووو بي نظام ما طلعان ساااي كدا .. الهلال يطقطق .. الجيش بتاعم .. يقولو ليك الجيش النيجري فاتح للهلال ... الهلال يطقطق التيحة ويشيل مفاتيحه .. يقولو ليك هلال كادوقلي عامل الفاتح النقر للهلال .. الهلال يطقطق .. الأمل عطبرة .. يقولو ليك الخرطوم تلاتة .. ح تلاقي المريخ في دوري السطاشر في بطولة الاندية الأبطال .. الكلام دا طبعا كلو ... وروحم محرقاهم .. غايتو هيثم دا عجيب خلاص .. بدل يسموهو سيدا .. ما تسموهو اي حاجة تانية ليها علاقة بي طلعان الروح عند الما بريدك بحمر ليك في الضلمة وكدا
يا جماهير الهلالال .. يا هلالالالاب .. ساعدونا يا جماعة بي اسم رنـان .. والله لقب سيدا دا واجعني شديد انا .. شوفو لينا حاجة جديدة تتواكب مع روح العصر .. وتتماشى مع الموضة بتاعت الخمسات الحايمه في البلد اليومين دي .. يا كمان (افتحو) لينا مجال .. نبتكر .. افتحو لينا زي ما فتح الخرطوم للهلال أمس
Post: #18 Title: Re: السلام عليكم ورحمة الله Author: tmbis Date: 09-28-2010, 11:05 AM Parent: #5
Quote: ؟!!
يا الصادق .. العنوان عوقك واللا شنـو ..؟ الجماعة ديل إلا يعملو ليهم كدا الأيامات دي لانو روحم محرقاهم .. لا كونفدرالية .. لا دوري ممتاز .. ولا سنتر ليق ما لامين فوقو .. فقالو اخير يتضامنو مع الخرطوم والفاتح النقر لانو فاتحين ومرشوشين .. الغريبة وعجيبه .. يفتح هلال كادوقلي .. واللا الخرطوم ..؟ يعني بالمعنى كدا .. هم زاتم المرة الفاتت كانو فاتحين لينا .. المرة الفاتت دي طبعا بتعيد لينا ذاكرة الرش جوه الاستاد على مسؤولية صاحبه .. قون مهند الطاهر وكاريكـا .. برضو كان فيها فتوووح .. يعني عليك الله المريخ احسن من الخرطوم في شنـو ..؟
Post: #17 Title: Re: السلام عليكم ورحمة الله Author: tmbis Date: 09-28-2010, 10:59 AM Parent: #4
Quote: ****؟؟؟؟
يا عتيق .. الجماعة ديل ما جو الحفلة دي .. عــرفوها.. بقو يعرفو اي حاجة التقول هلالاب .. والله التقول هم هيثم صمطفى عديل كدا ..
Post: #19 Title: Re: السلام عليكم ورحمة الله Author: الصادق صديق سلمان Date: 09-28-2010, 11:16 AM Parent: #17
تمبس
طبعاً نقشتك عاوز تقول شنو لكن قلت النمشي مع تيار الصفوة الحمراء وظلمهم لهيثم سيدا برنس الكرة السودانية فوق وتحت احمر واصفر وظهري وابيض واخدر وكلو,, عجزت حواء السودان أن تلد من يلعب باص القون زي سيدا وسيد امها وابوها.
Quote: يا الصادق .. العنوان عوقك واللا شنـو ..؟ الجماعة ديل إلا يعملو ليهم كدا الأيامات دي لانو روحم محرقاهم .. لا كونفدرالية .. لا دوري ممتاز .. ولا سنتر ليق ما لامين فوقو .. فقالو اخير يتضامنو مع الخرطوم والفاتح النقر لانو فاتحين ومرشوشين .. الغريبة وعجيبه .. يفتح هلال كادوقلي .. واللا الخرطوم ..؟ يعني بالمعنى كدا .. هم زاتم المرة الفاتت كانو فاتحين لينا .. المرة الفاتت دي طبعا بتعيد لينا ذاكرة الرش جوه الاستاد على مسؤولية صاحبه .. قون مهند الطاهر وكاريكـا .. برضو كان فيها فتوووح .. يعني عليك الله المريخ احسن من الخرطوم في شنـو ..؟
نحن ما خايفين من شيء على الهلال إلا من عيون ناس حسن سنادة (الزول دا لازم يكون مريخابي)
إنت عارف يا تمبس (معليش النطول ليك الكلام شوية) خالي قال لي ابوك مريخابي لأنو لمن كان معاي في الخرطوم (من مدني كان جايي) كان متنشن مع كورة المريخ والأمل عطبرة فقلت ليهو لا ياخال ابوي ما مريخابي ابوي بيشجع اهلي مدني وعضو في النادي المعهم غالتني لمن قرب يقنعني انو ابوي الولدني من صلبو مريخابي فا اتصلت عليهو وقلت ليهو يابا صحي انت مريخابي قال لي لالا قلت ليهو غايتو يابا كان انت مريخابي الحمدلله اني ما جيت مريخابي زيك بما انو ولدك الكبير وكان مفروض امشي وراك طوالي في كل حاجة انت بتعملها. وسرحت ليك بعيد يا تمبس واتخيلت اني بشجع المريخ لقيتها اصلو ما راكبة معاي ولا بتجي اني اكون مريخابي
فغاتيو حسن سنادة دة مريخابي عديل زي عادل كلتشات
الصادق
Post: #21 Title: Re: السلام عليكم ورحمة الله Author: omer osman Date: 09-28-2010, 11:32 AM Parent: #19
خلاص ......... سموهو (ودنفاش)
Post: #23 Title: Re: السلام عليكم ورحمة الله Author: فتحي الصديق Date: 09-28-2010, 12:06 PM Parent: #21
خليك من هيثم بالله هسي .. المعز دا يسموهو شنو ؟ أنا من الباص اللعبو لكاريكا في مباراة المريخ قلت لازم يسموهو اسم تاني غير حارس مرمى . وأمبارح أكد لي انو لازم نسميهو اسم تاني..
الهلال عالم عجيب .
Post: #24 Title: Re: السلام عليكم ورحمة الله Author: hassan bashir Date: 09-28-2010, 12:07 PM Parent: #21
Quote: يا كمان (افتحو) لينا مجال .. نبتكر .. افتحو لينا زي ما فتح الخرطوم للهلال أمس
:):)
يا تمبس ياخ موضوع السيادة بتاع أمبارح دا ما عنده أي علاقة بالكورة .. بل بالقيادة. ياخي دا كابتن عجيب جداً. في الأول كان بيشاكل ويحتج وينطرد ويتنرفز زيو زي أي مبدع.
لكن ما رأيته أمس هو درس جديد في القيادة: أي توتر بين لاعبي الهلال والفريق ولاعبي الخرطوم "الفاتح" كان يحتويه بأسلوب الدبلوماسي العاقل. خليفة عمل حركة ما في ليها أي مبرر لمن نط جوز على لاعب من الخرطوم قام "حدجه" ليك بنظرة وأتبعها بتوبيخ كلامي زي البندول: قوي على الألم خفيف على المعدة. البلنتي اتنازل عنه طواعية لحارس المرمى. الراجل أمس كان مزاجه رايق و"نواياه حسنة" للغاية عشان كدة المباراة "سادها" الود والوئام ولم تم تعكرها حتى حالات الطرد.
Post: #26 Title: Re: يا هــلالاب (اصحو) .. بعد مباراة الأمس .. هيثم مصطفى لا يستحق لقب سيدا .. Author: Zomrawi Alweli Date: 09-28-2010, 12:10 PM Parent: #1
يا تمبس يل صديقي
انا جني وجن الصفحة الفاضية
تحياتي لك ولزوجتك صاحبة الزفاف الاخضر
Post: #27 Title: Re: يا هــلالاب (اصحو) .. بعد مباراة الأمس .. هيثم مصطفى لا يستحق لقب سيدا .. Author: tmbis Date: 09-28-2010, 12:18 PM Parent: #26
كدي يا جماعة خليكم من هيثم مصطفى دا ومن المعز ... إنتو زاتكم حسع دي متلمين في البوست دا وبتتغزلو في الهلال والمحاضرة بتاعت امس بالليل دي عليكم الله ما خايفين يسحروكم .. حركاتكم دي هي ذاتـه البتخلي الخرطوم تلاتة يفتح ليكم ..
Post: #28 Title: Re: يا هــلالاب (اصحو) .. بعد مباراة الأمس .. هيثم مصطفى لا يستحق لقب سيدا .. Author: خالد العطا Date: 09-28-2010, 12:33 PM Parent: #27
Quote: الهلال يطقطق التيحة ويشيل مفاتيحه
تمبس
دي بي اعتبار ما سيكون ولا قال ليك الفكي ابوكديسة
تحياتي
Post: #32 Title: Re: يا هــلالاب (اصحو) .. بعد مباراة الأمس .. هيثم مصطفى لا يستحق لقب سيدا .. Author: tmbis Date: 09-28-2010, 12:53 PM Parent: #28
Quote: دي بي اعتبار ما سيكون ولا قال ليك الفكي ابوكديسة
لا ما قاليك الفكي أبو كديسـة يا ود العطـا قاليك الفكي أبو ديك .. متذكر الديك الأبيض بتاع ذو اليد .. بالمناسبة: أمبارح عمر بخيت شايفو قاعد في الاحتياطي ولابس ليهو حجــاب برضو زي حجـاب عصام دهب بتاع المرة الفاتت
Post: #29 Title: Re: يا هــلالاب (اصحو) .. بعد مباراة الأمس .. هيثم مصطفى لا يستحق لقب سيدا .. Author: shabaka Date: 09-28-2010, 12:34 PM Parent: #27
طيب ياتمبس وده بعد السلام رأيك شنو فى الباص اللعبو الزول المجنون ده فى الوضع راقداً لى بشه او يوسف ما متذكر ثم الى كاريكا والقون الاول فى الفريق المالى طيب الباص بتاع القون لامبيلى فى الفريق الانغولى وبسببه صعد الهلال لدورى المجموعات الموسم قبل الماضى ياخ اقول ليك باصو لى سادومبا فى كورة الاسماعيلى
والله بأذن الله كان خليفة خلا طرطشتو ورجع مع الهجمة وعمر بخيت وفييرا سخوا والمعز بطل الجنون بتاعو وطلع صاح للكورة المعكوسة وسادومبا جرى ما بنعرف ليك تيحه ولا بامية
Post: #31 Title: Re: يا هــلالاب (اصحو) .. بعد مباراة الأمس .. هيثم مصطفى لا يستحق لقب سيدا .. Author: tmbis Date: 09-28-2010, 12:44 PM Parent: #29
Quote: رأيك شنو فى الباص اللعبو الزول المجنون ده فى الوضع راقداً لى بشه او يوسف ما متذكر ثم الى كاريكا والقون الاول فى الفريق المالى طيب الباص بتاع القون لامبيلى فى الفريق الانغولى وبسببه صعد الهلال لدورى المجموعات الموسم قبل الماضى ياخ اقول ليك باصو لى سادومبا فى كورة الاسماعيلى
طيب يا جماعة بي كدا يكون شبكة جاب النجيضة .. وملى الفاضية بتاعت البوست دا .. ازيك يا شبكــة يا فنـان .. ياخ والله الهلالاب ديل عجيبين خلاص .. انا فتحت البوست دا .. فاضي علشان كم حاجة .. أول حاجة كنت عايز واحد من المساكين ديل يجي يتدردق هنـا .. لكن عرفوهــا تاني حاجة .. كنت عايز اشير لي الحركات العمله هيثم امس مع المعز .. وعمله الجمهور مع المعز .. وقام عمله تاني هيثم مع المعز .. وقام معز تاني عمله مع عمر بخيت .. جيت لقيت ليك عمر الفاروووق .. فكفكه في البوست بتاع فيصل نوبي عجيب يا المعز تالت حاجــة .. حكاية الباصات العجيبة دي .. بي عدة مواضع .. راقدا ومنعكسا وطاير في الجــو .. والله يا شبكـة إنتو عجيبين خلاص . اعجب من هيثم مصطفى هيم سيلف .. عارف النجيضة المليت بيها البلاطة بتاعت البوست الفوق دي .. بتقول إنو هيثم دا مسالة نقول ليهو يا سيدا حاف كدا ما بتلفق .. يا نقول ليهو يا برنس .. برضو ما مقسمه معاي .. عليه بتكون المسالة عايزه اجتهادات تانية على شاكلة .. المهندس سيدا البرنس هيثم مصطفى .. يا كمان الناس تختصر الحتة دي لانها بتتعب ناس تانيين .. يسموهو المهندس بس .. على شاكلة الدكتور حسين كسلا .. والدكتور علي قاقرين .. إلخ ماشاء الله عيني باردة .. هيثم دا يا شبكــة .. زي التقول شايل معاهو متر وميزان موية .. ونضارة مساحة .. الباص بطلع بي نظام .. بي مقاسات .. مرات زاتو كان ما وصل للاعب .. الباص بيلف وبيدخل قووون براهـو
عليك الله يا شبكة خلينـا شوية والله انا قررت اشتري لي متر واختو في جيبي .. اي حاجة اقيسه ليك بالمتر دا قبال اعمله .. غايتو هيثم دا ح يجنن ليهو زول يومــا ما ..
Post: #30 Title: Re: يا هــلالاب (اصحو) .. بعد مباراة الأمس .. هيثم مصطفى لا يستحق لقب سيدا .. Author: محمد المرتضى حامد Date: 09-28-2010, 12:42 PM Parent: #27
علاء ، كل سنه وانت طيب ،
إنت قاصد الزول الفي الفيديو دا؟
(سيدا)
Post: #33 Title: Re: يا هــلالاب (اصحو) .. بعد مباراة الأمس .. هيثم مصطفى لا يستحق لقب سيدا .. Author: shabaka Date: 09-28-2010, 01:12 PM
Quote: علاء ، كل سنه وانت طيب ،
إنت قاصد الزول الفي الفيديو دا؟
يا محمد المرتضى هسع عليك الله يا محمد المرتضى هيثم ده كان ما لاعب كبير الكاميرا دى بتسكو لحدى خشم باب بيتم كده ليه هسع الملك والسلطان الكاميرا بتباريهم كدى بعدين دى حركة عادية ياخ فى لعيبة بسبوا للكوتش الدين عدييييل لما يطلعم خليك من شوت الباقه بعدين الباقة دى (نصيه) ما مويه ساكت اها انا قبل كده جابو فيصل العجب ده بصلح فى سفه فى كنبة الاحتياطى وكيس التمباك مكتوب فيهو منقو يعنى احسن الزول يكون لاعب ويطلعوهو يشوت الباقه ولايكون قاعد فى الاحتياطى ويسف فى التمباك العزيز تمبس اما بالنسبة للمقاسات فطلبك عندى وان كانت البطن بقت طامه من الاستاد من الكورة الفاتت بتاعت الفريق المالى الاسمو صعب ده ياخ فى ناس بقولوا طلع هيثم ودخل النعيم ؟؟!!!؟ اخيراً احسن اسم للباشمهندس النجم الفنان البرنس سيدا هيثم مصطفى تم اطلاقه بواسطة (النص) المشجع المريخى المعروف الزول ده ما بخلى كورة للهلال مره هيثم لاعب باص (بوش الرقل الخارقى) الكورة مشت بين اتنين وفى نفس الوقت لاحظ فى نفس الوكت بيضا لى واحد فى المدرجات فما كان منه الا ان كورك وقال الديقتال دى عملتها كيف وسييييييدا سييييدا الكورة بتريدوا هى هو زاتو بيريدا سييييييدا
Post: #35 Title: Re: يا هــلالاب (اصحو) .. بعد مباراة الأمس .. هيثم مصطفى لا يستحق لقب سيدا .. Author: shabaka Date: 09-28-2010, 01:15 PM
Quote: علاء ، كل سنه وانت طيب ،
إنت قاصد الزول الفي الفيديو دا؟
يا محمد المرتضى هسع عليك الله يا محمد المرتضى هيثم ده كان ما لاعب كبير الكاميرا دى بتسكو لحدى خشم باب بيتم كده ليه هسع الملك والسلطان الكاميرا بتباريهم كدى بعدين دى حركة عادية ياخ فى لعيبة بسبوا للكوتش الدين عدييييل لما يطلعم خليك من شوت الباقه بعدين الباقة دى (نصيه) ما مويه ساكت اها انا قبل كده جابو فيصل العجب ده بصلح فى سفه فى كنبة الاحتياطى وكيس التمباك مكتوب فيهو منقو يعنى احسن الزول يكون لاعب ويطلعوهو يشوت الباقه ولايكون قاعد فى الاحتياطى ويسف فى التمباك العزيز تمبس اما بالنسبة للمقاسات فطلبك عندى وان كانت البطن بقت طامه من الاستاد من الكورة الفاتت بتاعت الفريق المالى الاسمو صعب ده ياخ فى ناس بقولوا طلع هيثم ودخل النعيم ؟؟!!!؟ اخيراً احسن اسم للباشمهندس النجم الفنان البرنس سيدا هيثم مصطفى تم اطلاقه بواسطة (النص) المشجع المريخى المعروف الزول ده ما بخلى كورة للهلال مره هيثم لاعب باص (بوش الرقل الخارقى) الكورة مشت بين اتنين وفى نفس الوقت لاحظ فى نفس الوكت بيضا لى واحد فى المدرجات فما كان منه الا ان كورك وقال الديقتال دى عملتها كيف وسييييييدا سييييدا الكورة بتريدوا هى هو زاتو بيريدا سييييييدا
Post: #34 Title: Re: يا هــلالاب (اصحو) .. بعد مباراة الأمس .. هيثم مصطفى لا يستحق لقب سيدا .. Author: tmbis Date: 09-28-2010, 01:13 PM Parent: #26
Quote: يا تمبس يل صديقي انا جني وجن الصفحة الفاضية تحياتي لك ولزوجتك صاحبة الزفاف الاخضر
.. حبيبنا زمراوي .. ازيك ياخ وليك وحشة .. الصفحة الفاضية دي خلينا الناس تكتب سيناريوهاته براهم .. لكن شايف الجماعة زاغووو .. لانو ما عندهم مقدرات زي بتاعت هيثم دي .. لك التحية مننا نحنا الاتنين بالأخضر الزرعي ..
Post: #36 Title: Re: يا هــلالاب (اصحو) .. بعد مباراة الأمس .. هيثم مصطفى لا يستحق لقب سيدا .. Author: محمد المرتضى حامد Date: 09-28-2010, 01:36 PM Parent: #34
Quote: هسع عليك الله يا محمد المرتضى هيثم ده كان ما لاعب كبير الكاميرا دى بتسكو لحدى خشم باب بيتم كده ليه هسع الملك والسلطان الكاميرا بتباريهم كدى دا
يا شبكا سلامات، (السَكَّتو) الكاميرا في الفيديو التحت دا لاهو ملك ولا هو إمبراطور للأسف الشديد هنالك عدة فيديو كليبز عن (سيدا) تذهب في ذات الإتجاه.
Quote: بعدين الباقة دى (نصيه)
خلاس ، مفعولا ظهر
Post: #37 Title: Re: يا هــلالاب (اصحو) .. بعد مباراة الأمس .. هيثم مصطفى لا يستحق لقب سيدا .. Author: عطية المحسي Date: 09-28-2010, 02:02 PM Parent: #36
قـــارورة غيًر اسمو وللا شنو ؟!!
Post: #38 Title: Re: يا هــلالاب (اصحو) .. بعد مباراة الأمس .. هيثم مصطفى لا يستحق لقب سيدا .. Author: ALGARADABI Date: 09-28-2010, 02:29 PM Parent: #37
Quote: يا سلام على الهلال علي مستوي القيادة .. يا سلام على هيثم مصطفي الذي يشعرك بان هناك مدربا داخل المدرب ورئيس نادي في الميدان ومشجع بين اللاعبين ..
الكاتب خالد عزالدين الصدي اليوم 28 اكتوبر2010
Post: #40 Title: Re: يا هــلالاب (اصحو) .. بعد مباراة الأمس .. هيثم مصطفى لا يستحق لقب سيدا .. Author: فيصل نوبي Date: 09-28-2010, 07:36 PM Parent: #38
يا معلم
Quote: الكاتب خالد عزالدين الصدي اليوم 28 اكتوبر2010
شوف سيدا خلاهو قدم الكاليندر بتاعتو شهر عديل كده
Post: #39 Title: Re: يا هــلالاب (اصحو) .. بعد مباراة الأمس .. هيثم مصطفى لا يستحق لقب سيدا .. Author: خالد العطا Date: 09-28-2010, 02:29 PM Parent: #37
Quote: بعدين الباقة دى (نصيه)
بالغت عدييييييييييييييييل
Post: #41 Title: Re: يا هــلالاب (اصحو) .. بعد مباراة الأمس .. هيثم مصطفى لا يستحق لقب سيدا .. Author: tmbis Date: 09-29-2010, 07:13 AM Parent: #39
Quote: علاء ، كل سنه وانت طيب ، إنت قاصد الزول الفي الفيديو دا؟
..
Quote: (السَكَّتو) الكاميرا في الفيديو التحت دا لاهو ملك ولا هو إمبراطور للأسف الشديد هنالك عدة فيديو كليبز عن (سيدا) تذهب في ذات الإتجاه.
يا مولانــا .. كل سنة وإنت بالف خير .. والله يا مولانــا المهندس دا الأيامات دي في أعلى مراحل التجلي .. غايتو كان الله فتح عليكم ولاقيتوهو مع الباصات البيوزع فيها بي الملم المربع والمتر المكعب دي .. والله بتتورطو معانا ورطة شديدة ,.. غايتو ما بيكون عندكم حل إلا تفتحو لينا زي الخرطوم تلاتة وهلال كادوقلي .. يا كمان تجيبو ا لكشف حقكم وتحددو عايزين تاخدو كم .. خمسة .. ستة .. سبعة .. إلخ اما فيما يخص فيديوهات المعلم دا .. انا بشكر المهتمين من جماهير الصفوة بالتوثيق لكل حركات وسكنات المهندس .. هو المسكين شات ليهو قزازة موية .. وفاضية .. ودي بتحصل في ارقى العوائل .. في واحدين في حتتو بيشوتو قزازة كونياك عديل كدا في واحدين .. بينطحــو جوة الميدان .. غايتو انا بتذكر في واحد كدا عمل ليهو حركة عجيبة خلاص للمشجعين بتاعنو في القلعة الصغيرة الحمراء .. حقو ناس التوثيق يكون عندهم ذمــة ويجيبو لينا الحركة دي .. دا بي الاضافة لي الجماعة البيجرو يسكو الحكم بعد نهاية المباراة في النيجر والله يا باشمهندس هيثم اليومين ديل .. كان ما عوقته ليك مريخابي اصلك ما بترتاح هاك يا مولانـا شوف الفيديو دا .. ووريني حسع عليك الله هيثم دا ما فنان مقارنة بالوضعية دي ..؟
