Post: #1 Title: عجيب يا المعز Author: فيصل نوبي Date: 09-27-2010, 08:00 PM
معاكـ معلم
Post: #2 Title: Re: عجيب يا المعز Author: فيصل نوبي Date: 09-27-2010, 08:01 PM Parent: #1
و الهدف إهداء لصديقنا المعتذر قسراً
Post: #3 Title: Re: عجيب يا المعز Author: فيصل نوبي Date: 09-27-2010, 08:01 PM Parent: #2
قسراً دي حلوة ؛ ده محلها ولا زي هدف المعز ؟
Post: #4 Title: Re: عجيب يا المعز Author: فيصل نوبي Date: 09-27-2010, 08:02 PM Parent: #3
الهلال عالم جميل رغم أنف الحاقدين
Post: #5 Title: Re: عجيب يا المعز Author: فيصل نوبي Date: 09-27-2010, 08:05 PM Parent: #4
Post: #6 Title: Re: عجيب يا المعز Author: حيدر حسن ميرغني Date: 09-27-2010, 08:07 PM Parent: #5
هلالنا فوق
_ الغالب منو
Post: #7 Title: Re: عجيب يا المعز Author: فيصل نوبي Date: 09-27-2010, 08:10 PM Parent: #6
ده شنو يا حيدر؟ الهلال غالب 5-1 لكن القون الخامس جابو المعز و عشان ما تسألني تاني المعز ده حارس الهلال
Post: #8 Title: Re: عجيب يا المعز Author: حيدر حسن ميرغني Date: 09-27-2010, 08:13 PM Parent: #7
قبل كم يوم كان غالب 5 برضو
_ الفيلم ده خشيتو قبل كده
Post: #9 Title: Re: عجيب يا المعز Author: فيصل نوبي Date: 09-27-2010, 08:18 PM Parent: #8
أيوه يا حيدرنا لكن الخامس ما جابو المعز مشي عشان يجيبو قالو ليهو خليكـ للتقيلة والليلة الجمهور قال الا المعز يشوت وبالتالي المعز شات بناء علي رغبة الجمهور
Post: #10 Title: Re: عجيب يا المعز Author: سيف الدولة كامل Date: 09-27-2010, 08:41 PM Parent: #9
فيصل نوبي ,, سلامات يا اصيل.
مليون مبروك لسيد البلد ونحن
الاهله أهل ذوق وأدب وبنترفع
كتييير عن المهاترات الا ما ندر
من بعض المشاكسين , فلنجعل منبرنا
أحلي وأجمل ,, وشكرا لكلامك الجميل.
Post: #11 Title: Re: عجيب يا المعز Author: Ahmed musa Date: 09-27-2010, 08:46 PM Parent: #10
معتصم محمد صالح وين ؟؟؟؟
Post: #12 Title: Re: عجيب يا المعز Author: محمد البشرى الخضر Date: 09-27-2010, 10:14 PM Parent: #11
Quote: و الهدف إهداء لصديقنا المعتذر قسراً
هههههههههههههه يا عمك إنت صديقنا دا برسّلها bulk ولاّ كيف؟
Post: #13 Title: Re: عجيب يا المعز Author: الصادق صديق سلمان Date: 09-28-2010, 08:51 AM Parent: #12
الهلال عالم جميل والله يا نوبي
لك التحية وللمعز ولبرنس كرة قدم السودان هيثم مصطفى
الصادق
Post: #18 Title: Re: عجيب يا المعز Author: فيصل نوبي Date: 09-28-2010, 10:47 AM Parent: #13
جميل شديد يا الصادق و المعز ده عالم براهو بكل رحابة صدر رجع عندما طلبو منه الرجوع لمرماه و بكل جمال ناداه الجمهور و زملائه عندما حان الموعد.
_ مبروكـ ياخ
Post: #14 Title: Re: عجيب يا المعز Author: فيصل نوبي Date: 09-28-2010, 10:40 AM Parent: #12
ود البشري
صاحبكـ ده أظنو عامل ليهو ( Group ) بيقوم بيرسل لينا و ينتظر شوية لكن عجبتني بليعة لعيبة الهلال للجماعة الظانين ظن ( ما ذكره صاحبنا في رسالته ) بنا لوووووووووووووووووووووووول
_ ياخ المعز كان ما شات ليهو بلنتي كان بيموت
Post: #17 Title: Re: عجيب يا المعز Author: محمد عبد الماجد الصايم Date: 09-28-2010, 10:45 AM Parent: #14
إنتو الزول دا منتشر لحدي هناكـ؟
Post: #20 Title: Re: عجيب يا المعز Author: فيصل نوبي Date: 09-28-2010, 10:53 AM Parent: #17
Quote: إنتو الزول دا منتشر لحدي هناكـ؟
بيحاول يرجع لينا بعض من بضاعتنا لكن هيهات .. فتأمل
Post: #16 Title: Re: عجيب يا المعز Author: فيصل نوبي Date: 09-28-2010, 10:44 AM Parent: #11
معتصم بيفتش في جريدة الدار علي خبر عن الهلال يا مولانا
Post: #19 Title: Re: عجيب يا المعز Author: tmbis Date: 09-28-2010, 10:51 AM Parent: #16
Quote: معتصم بيفتش في جريدة الدار علي خبر عن الهلال يا مولانا
أوعه يكون البلع بتاع البوست داك ضراهووو بس ..
.. عارف الحركة العمله معز دي امس .. حقو كان يدوهو نجومية المباراة .. يكون هو نجم مباراة .. وكاريكا نجم مباراة .. هيثم دا ما يدوهو اي حاجة يخلوهو كدا بس ..
امس كان في حوار بين الجمهور وبين هيثم والمعز .. ما بيفهمو إلا الزول البيعرف يشجع الهلال .. لكن حاجة غريبة.. ناس يطقعوهم بالحجار .. والبمبان .. وناس يكوركو ليهم ويغنو ليهم ..
Post: #25 Title: Re: عجيب يا المعز Author: فيصل نوبي Date: 09-28-2010, 11:24 AM Parent: #19
يا علاء يا تمبس ياخ حوار الجمهور مع المعز و البرنس .. ولا حوار الجمهور و بكري المدينة .. ولا حركة كاريكا لما شكر سادومبا وهو طالع و رحّب ببكري المدينة و شكر ميشو ؟ جمهور الهلال ده جمهور براهو جمهور الهلال بيجري في دمه ياخ أمس كحلت المانشيت الكان مكتوب ( سفينة الهلال .... الخ !! ) عجيب ياخ ..
Post: #15 Title: Re: عجيب يا المعز Author: فيصل نوبي Date: 09-28-2010, 10:44 AM Parent: #10
أبو السيوف يا استاذنا ألف مبروك لينا بسيد البلد ياخ قصة المناكفات دي لا بد منها لكن بصراحة قررنا عدم الخوض في الدرك الأسفل و اللي بيمشي هناكـ ما بنهببو ليهو خليهو قاعد .. الشتيمة و الألقاب البائسة دي بتعود علي صاحبها عليه قررنا فقط المناكفة ..
_ عسي و لعل نبعد منها و نحفظ أنفسنا من الإساءة قبل أن نسيء لغيرنا.. ولا كيف ؟
Post: #21 Title: Re: عجيب يا المعز Author: Maawya Hussein Date: 09-28-2010, 11:03 AM Parent: #15
Post: #24 Title: Re: عجيب يا المعز Author: عمر عبد الخالق سعيد Date: 09-28-2010, 11:20 AM Parent: #21
معاوية سلامات
Quote: فعلا لاعبي حي العرب اوفوا بالوعد ولعبوا كما لم يلعبوا من قبل وفازوا علي الهلال 2-0 صفر واستلموا المبلغ المعلوم ..
ناس الخرطوم كان قبضوهم المعلوم كان الهلال فهم حاجة
----------
قوية
Post: #26 Title: Re: عجيب يا المعز Author: فيصل نوبي Date: 09-28-2010, 11:25 AM Parent: #24
عمر عبدالخالق مراحب يا بروبر
Post: #31 Title: Re: عجيب يا المعز Author: Maawya Hussein Date: 09-28-2010, 11:43 AM Parent: #24
Quote: ناس الخرطوم كان قبضوهم المعلوم كان الهلال فهم حاجة
سلامات يا بروبر شكلو ناس الخرتوم قبضوها ناقصه :) السمسره كعبه ياخ هسه كان وصلت تامه كان ماتوا ليكم في الشوطين
Post: #27 Title: Re: عجيب يا المعز Author: فيصل نوبي Date: 09-28-2010, 11:26 AM Parent: #21
معاوية ياخ ما تشوف لينا هدف مهند ياخ !! مالكـ علينا بالناس البائسة دي ياخ !!
Post: #22 Title: Re: عجيب يا المعز Author: Al Sunda Date: 09-28-2010, 11:07 AM Parent: #15
انت يا نوبي البرنس قال شنو للمعز بعد الهدف زي اللي قال ليه امشي اشكر مدرب الحراس ولا ميشو ولا الجمهور ولا الكشافات غايتو 0000 صحيح ضحكنا واستمتعنا ولكن بصراحة كده حتة ما مفهومة في الفرق الكبيرة هنالك ترتيب لمسددي ضربات الجزاء يعنى لو مهند او كاريكا او .... الخ لو سدد اي منهم الضربة لارتفع باهدافه للمنافسة على لقب هاف الدوري لكن المعز ؟؟؟؟؟ كتيرة دي
Post: #23 Title: Re: عجيب يا المعز Author: فيصل نوبي Date: 09-28-2010, 11:19 AM Parent: #22
يا السندة هسي المعز فرقو من وارغو 9 اهداف و يبقي الهداف اللذيذ الرقصة و الأجمل السجدة و لله الحمد و الأجمل تجمع لاعبي الهلال بعد الهدف الثاني و لا التالت ما متذكر في شكل دائرة.. الهلال عالم جميل ياخ.
_ هيثم تقريباً قال للمعز يشكر مدرب الحراس.
Post: #28 Title: Re: عجيب يا المعز Author: عمر الفاروق Date: 09-28-2010, 11:27 AM Parent: #22
نوبي يا حبوب: بهاتي بي (الحاجووز) وعايز أرجع أها يا الحاجوز تعال ومؤكد يوم امبارح ةاللي هو صادف كورة الهلال والخرطوم 3 أها يا قريبك قدر ما حاولت أتلولو وأجل واشوف حجز غيرو والله غلبني المهم الريحني في الموضوع إنو الحجز كان بي السودانية وده طمني أكتر وقلت ببس السودانية دي قطع شك بيأجلوها ووالله اعتمدت على الحنك ده .. إنت يا السودانية من دووون الايام قومي فييي مواعيدك (وفي رواية قبل مواعيدك) لأنو قالوا لينا بتقوم 8 والله من 7 ونص السواق قام يسخن في الطيارة وعععن ععععن يدوس في البنزين .. وضاااعت علي كورة الهلال مع الخرطوم ومع الموردة ومن ثم مع الاتحاد .. أححححي ..
السوندا:
Quote: صحيح ضحكنا واستمتعنا ولكن بصراحة كده حتة ما مفهومة في الفرق الكبيرة هنالك ترتيب لمسددي ضربات الجزاء يعنى لو مهند او كاريكا او .... الخ لو سدد اي منهم الضربة لارتفع باهدافه للمنافسة على لقب هاف الدوري لكن المعز ؟؟؟؟؟ كتيرة دي
كنت في الاستاد يوم كورة الهلال وهلال كادوقلي ووقتها الهلال غالب 4 وهيثم كان طلع وبقا الكابتن عمر بخيت ولما جات ضربة الجزاء المعز جا جاري من هنااك وشال الكورة عشان يلعبا .. عمر بخيت وقف ليهو ألف أحححمر وقال ليهو ارجع قوونك وخلي كاريكا يشوت .. واللع عجبني الولد عمر ده عجب لأنو دي القيادة ولا بلاش .. اللاعبين كانوا بيحنسو في عمر بخيت عشان المعز يشوت وعمر حلف بي دينو ما يخليهو يشوتا وقال الا كاريكا أو أحد المخصصين للتسديد (كاريكا كان محتاج يجيب قون كمان ).. الحركة دي أكدت لي إنو عمر بخيت قائد وكلمته قوية وما بيلخبط الكيمان (علاقة عمر والمعز حلاوووة وفرد) رجع المعز مكسور الخاطر وكان ده واضح ..ويبدو إنو شال في قلبو من الحركة دي .. أها تعال شوف القيادة الأحلى من هيثم مصطفى في كورة امبارح .. لو لاحظت ضربة الجزاء الأولى للهلال جابو لقطة لي هيثم وهو بينادي للمعز عشان يجي يشوت وواضح إنو كان بيحللف فيهو من بعييد علييك الله تعال شوت في محاولة لتلطيف الجو وجبر كسر المعز ..ويبدو إنو المعز أبا يجي وخلاها لي هيثم نفسو .. لما جات ضربة الجزاء التانية هيثم أصر إنو المعز يجي يشوت ولما المعز جاب القون طلب هيثم من المعز إنو يمشي لي عمر بخيت ويصافحو عشان النفوس تطايب ودي كورة .. ياخ والله انا امبارح بعد المشهد ده لممما دمعتي جرت .. طاعة القائد كانت واضحة مع إنو المعز ده ممكن يشيل هيثم في صفحتو .. إبتسامة عمر وتقبل التحية مع المعز كان جميييل .. الحاجة دي انا ما عارف إنتو كنت متابعنها من الكورة الفاتت ولا لأ بس بحكم تواجدي في الملعب في الكورة الأولى حبيت أنقل ليكم السيناريو بي تفاصيله..
Post: #29 Title: Re: عجيب يا المعز Author: فيصل نوبي Date: 09-28-2010, 11:31 AM Parent: #28
تابعناها يا عمر و هسي بعد كلامكـ ده
Quote: لما جات ضربة الجزاء التانية هيثم أصر إنو المعز يجي يشوت ولما المعز جاب القون طلب هيثم من المعز إنو يمشي لي عمر بخيت ويصافحو عشان النفوس تطايب ودي كورة .. ياخ والله انا امبارح بعد المشهد ده لممما دمعتي جرت ..
دموعي جرّن.
Post: #32 Title: Re: عجيب يا المعز Author: عمر الفاروق Date: 09-28-2010, 11:44 AM Parent: #29
والله يا نوبي أولاد الهلال ديل بقوا ما قصة كورة وميدان بيلمهم لالالا.. الجماعة ديل بقا أخوان عدييل .. يا ريت لي في زول عندو لقطات ومشاهد الحاجات الانا ذكرتها دي وشوف لما المعز جرا لي عمر وعمر جاهو وصافحو ..نعم كانت سريعة لأن المعز كان لازم يرجع المرمى بس شوف الضحكة والابتسامة بين اللاعبين ..
Post: #34 Title: Re: عجيب يا المعز Author: Al Sunda Date: 09-28-2010, 11:51 AM Parent: #29
Quote: طاعة القائد كانت واضحة مع إنو المعز ده ممكن يشيل هيثم في صفحتو
تخيل يا عمر انا استخدمت عبارة تعليمات في الحتة دي وغيرت راي في آخر لحظة قلت الكلمة قوية
Quote: انت يا نوبي البرنس قال شنو للمعز بعد الهدف زي اللي قال ليه امشي اشكر مدرب الحراس ولا ميشو ولا الجمهور ولا الكشافات غايتو
وفعلا التوجيه كان واضح من هيثم لمعز انو يمشي لناس الكنب والكاميرا ركزت على عمر بخيت وكأنه هو المقصود الغريبة في مباراة هلال كادقلي الفهم كان غير كده تخلينا اصرار معز على كاريكا بدلا عن مهند على اساس منح الثقة لكاريكا غايتو الفرجة في التلفزيون غير الاستاذ بتضيع عليك حاجات وحاجات وحليل زمننا والاستاد . ورغم ذلك كله لا زلت على قناعتي بأن المعز لم يك محقا في الاصرار لا في المباراة الاولى ولا الثانية وما بين طبطبة هيثم وصرامة نسيبه (عمر) تبقى المسألة عايزة ..............
Post: #30 Title: Re: عجيب يا المعز Author: Maawya Hussein Date: 09-28-2010, 11:40 AM Parent: #28
بعيد من المعز وهيثم شوف باص مهند لي اسامة التعاون ..مهند دا شكلو ناس يوسف احمد يوسف ديل ادوهو قروشو خلاص ..وبعدين سادومبا التقول حاسي بي المعز جري حجز البلنتي قبل ما الحكم يصفر وبرضو قلعا منو ..
Post: #33 Title: Re: عجيب يا المعز Author: Maawya Hussein Date: 09-28-2010, 11:49 AM Parent: #30
تحانيس هيثم للمعز في الرابع
Post: #35 Title: Re: عجيب يا المعز Author: Maawya Hussein Date: 09-28-2010, 11:52 AM Parent: #33
هدف مهند دا لو فيهو حافز مفروض يقسم مع بشه ..بشه اصر انو يقلع الكوره من هجمة مرتده علينا ويصنع هجمه وهدف لينا في زمن الكوره 2-1 والهلال ناقص لاعب
Post: #36 Title: Re: عجيب يا المعز Author: فيصل نوبي Date: 09-28-2010, 11:53 AM Parent: #30
الفاروق عمر كلامكـ ده قاعد في اللقطة الجابها معاوية دي .. و الإبتسامة بين اللاعبين موجووووووووووودة ..
احب الهلال و أحب الهلالاب زاتهم ياخ
Post: #39 Title: Re: عجيب يا المعز Author: saif massad ali Date: 09-28-2010, 12:13 PM Parent: #36
الفرق بينا وبين الفطائس ديل كم في النقاط؟
Post: #40 Title: Re: عجيب يا المعز Author: فيصل نوبي Date: 09-28-2010, 12:21 PM Parent: #39
سيف مساعد ساعدنا بالالفاظ بالله .. و بعدين إنتو منو ؟ ما تقول لي حركة العدل و المساواة خشت الدوري !
Post: #41 Title: Re: عجيب يا المعز Author: محمد البشرى الخضر Date: 09-28-2010, 12:32 PM Parent: #39
من اللقطات البتدل أيضا على الود و الاحترام في الهلال لحظة انفعال علاء الدين بعد الكرت دفر واحد لما رفع راسو لقاه طارق أحمد آدم في ساعتها احتضنو معتذرا ورجع كمل هرجته
يا عمر قلت لي سودانير قامت في مواعيدها للمرة الأولى , الحظ ما عندك لكن
Post: #42 Title: Re: عجيب يا المعز Author: محمد عبد الماجد الصايم Date: 09-28-2010, 12:39 PM Parent: #41
Quote: لأنو قالوا لينا بتقوم 8 والله من 7 ونص السواق قام يسخن في الطيارة وعععن ععععن يدوس في البنزين
Post: #43 Title: Re: عجيب يا المعز Author: فيصل نوبي Date: 09-28-2010, 12:53 PM Parent: #42
