Post: #1 Title: يا كمال سالم قصرت مع ياسر مبيوع في وعد جديد Author: اساسي Date: 09-27-2010, 01:37 PM
اول مرة اشوف لي صفرجت تتلعب بي خمسة حجار !!؟ يعني ما دام انتجت العمل دا بداية من محلات الالات الموسيقية الي القارب والرحلة البحرية والاماكن الفخمة الاخرى غلبك تتم ليهم صفرجت زي الناس؟ ياخي لو ما هاميك الموضوع ناسي انه في سودانيز اون لاين وبنزرزرك فيها الحقيقة اعجبني العمل الفني والكليب وصوت ياسر مبيوع وادائه حاجتين اتنين بس يا مبيوع , مرات بتقوم تنفعل كدا اكتر من اللازم وتحتو قرض والموسيقي بتكون هادئة والحاجة التانية ما صدقت ومسكت يد البت وابيت تفكها
Post: #2 Title: Re: يا كمال سالم قصرت مع ياسر مبيوع في وعد جديد Author: اساسي Date: 09-27-2010, 01:46 PM Parent: #1
بعدين يا كمال ما دام دخلت الانتاج الفني الاخوان ود الصايم وتمبس وعمر الفاروق عندهم مدحة دايرين يقدموها فديو كليب , الا ود الصايم داقي جرس قال لو مافي موديل ما بشتغل !! الجدير بالذكر انه ود الصايم الماسك الطار الاساسي في العمل يعني ما بنقدر نتجاوزه
Post: #3 Title: Re: يا كمال سالم قصرت مع ياسر مبيوع في وعد جديد Author: فايزودالقاضي Date: 09-27-2010, 01:55 PM Parent: #2
امس السهرة في الشروق كانت بيهو وكانت جميلة ...احب اغانيه بالعود اكثر من ازعاج الاوركسترا ..
ــــــــــــــــــ اها عملت لى شنو في الموضوع ؟!!!
Post: #5 Title: Re: يا كمال سالم قصرت مع ياسر مبيوع في وعد جديد Author: اساسي Date: 09-27-2010, 02:10 PM Parent: #3
Quote: اها عملت لى شنو في الموضوع ؟!!!
والله ما عملت ليك اي حاجة في الموضوع
النصيحة لله انا نسيت ,,, الموضوع هو زاتو شنو !
Post: #4 Title: Re: يا كمال سالم قصرت مع ياسر مبيوع في وعد جديد Author: محمد عبد الماجد الصايم Date: 09-27-2010, 02:01 PM Parent: #2
كليب بورضابي عديل كـدا!
Post: #6 Title: Re: يا كمال سالم قصرت مع ياسر مبيوع في وعد جديد Author: حيدر حسن ميرغني Date: 09-27-2010, 02:11 PM Parent: #4
Quote: ود الصايم وتمبس وعمر الفاروق عندهم مدحة
هل هم مبدعون
Post: #8 Title: Re: يا كمال سالم قصرت مع ياسر مبيوع في وعد جديد Author: اساسي Date: 09-27-2010, 02:16 PM Parent: #6
Quote: هل هم مبدعون
اذكياء أكيد
مبدعين إحتمال
ثقلاء....مافي شك
Post: #7 Title: Re: يا كمال سالم قصرت مع ياسر مبيوع في وعد جديد Author: اساسي Date: 09-27-2010, 02:12 PM Parent: #4
Quote: كليب بورضابي عديل كـدا!
ما فاضل ليهم الا يعزموا قندهار
Post: #9 Title: Re: يا كمال سالم قصرت مع ياسر مبيوع في وعد جديد Author: احمد التجانى احمد Date: 09-27-2010, 02:38 PM Parent: #7
ياسر مبيوع وعصام محمد نور زملاء دراسة فى المتوسطة والثانوى
يا اخ ماعارف الواحد فينا طلع فاشل ليه وما سطع نجمه زى زملاؤه الفنانين المبدعين ياسر وعصام
Post: #11 Title: Re: يا كمال سالم قصرت مع ياسر مبيوع في وعد جديد Author: اساسي Date: 09-27-2010, 03:17 PM Parent: #9
Quote: ياسر مبيوع وعصام محمد نور زملاء دراسة فى المتوسطة والثانوى
يا اخ ماعارف الواحد فينا طلع فاشل ليه وما سطع نجمه زى زملاؤه الفنانين المبدعين ياسر وعصام
والله مع مساختك ديك لو طلعت فنان كان محمد الامين وخليل اسماعيل اشتغلوا شيالين معاك
كنت داير اقول ليك احمد الله بي صوتك الشين دا ربنا جابك بني ادم لكن خفتا تتفسر غلط من المغرضين
Post: #23 Title: Re: يا كمال سالم قصرت مع ياسر مبيوع في وعد جديد Author: حاتم يوسف العبيد Date: 09-28-2010, 06:07 AM Parent: #11
Quote: والله مع مساختك ديك لو طلعت فنان كان محمد الامين وخليل اسماعيل اشتغلوا شيالين معاك
كنت داير اقول ليك احمد الله بي صوتك الشين دا ربنا جابك بني ادم لكن خفتا تتفسر غلط من المغرضين
في البدء ... نحمد الله ونشكره ... أن جعل أمر معرفة هذه الموهبة لدي صديقي العزيز ود التجاني .. أن جعلها ميسورة لصديقه السماني ... وبعد
يشهد الله ... ده كان تعليقي في رأسي .. وناوي أكتبه ... بس القلم ليهو رافع ... __ غايتو .. عصام ده من قابلنا في مدينة الثانوية .. زول غنا وفنان عديييييل .. أما صديقنا ود عمك سليمان مبيوع الناظر ... بس غالب ظني الحاجة ظهرت ليهو في سوريا ... لغاية المزاد الإبتدائية ... لسه كان الموهبة ماظهرت ... وماظنيتها كانت بتظهر مع أبوه الناظر الصعب ده الله يرحمه ... ده ... دقانا دق العيش ... إيييييه أيام .... ___ أساسي ... عايز تعرف مساخة صاحبك الجد جد .. خلي يحكي ليك موضوع الشكلة اللاقتم جنب الداون تاون بالليل وهو راجع ترهاقا.. وكمان كان .. رفض ... متبرع أنا أحكيها ليك ..
..
Post: #26 Title: Re: يا كمال سالم قصرت مع ياسر مبيوع في وعد جديد Author: اساسي Date: 09-28-2010, 08:36 AM Parent: #23
Quote: في البدء ... نحمد الله ونشكره ... أن جعل أمر معرفة هذه الموهبة لدي صديقي العزيز ود التجاني .. أن جعلها ميسورة لصديقه السماني ... وبعد
يعني يا حاتم امر موهبته دا لاي زول تعرف عليه خلال خمسة دقائق لا يدركه !!
لكن يا احمد التجاني مثما قال حاتم ما امر الداون تاون ؟ شايفك غنجت بالموضوع دا وعملت رايح
Post: #10 Title: Re: يا كمال سالم قصرت مع ياسر مبيوع في وعد جديد Author: حمد فتح الرحمن Date: 09-27-2010, 02:45 PM Parent: #7
اساسي بطل حقد و الله مسكة اليد كانت ثانية بس و الباقي كله غرودة من بعيد لبعيد
بعدين صفرجت و لا سيجة البي ستة حجار دي تتلعب تحت راكوبة و لا في نوريق او رعية بهائم ، الهنا دي نتشة و بتاعة حناكيش و بيتش و ناطحات الدفنة
Post: #12 Title: Re: يا كمال سالم قصرت مع ياسر مبيوع في وعد جديد Author: اساسي Date: 09-27-2010, 03:18 PM Parent: #10
Quote: اساسي بطل حقد و الله مسكة اليد كانت ثانية بس و الباقي كله غرودة من بعيد لبعيد
Post: #13 Title: Re: يا كمال سالم قصرت مع ياسر مبيوع في وعد جديد Author: عمر سعد Date: 09-27-2010, 03:58 PM Parent: #12
سلام
يا خى العمل فيهو بوردابى اخر ركز معانا شويه
ما عاجبك دغيس بالساكس
تمبس ممكن يعمل فيديو كليب فهو سليل اسره فنيه عريقه فى امدرمان
لكن ود الصايم ممكن بودى قارد يحرس تمبس من اللبط هاهاهاها عجبتك دى
Post: #14 Title: Re: يا كمال سالم قصرت مع ياسر مبيوع في وعد جديد Author: محمد أبوالعزائم أبوالريش Date: 09-27-2010, 07:46 PM Parent: #13
Quote: يا خى العمل فيهو بوردابى اخر ركز معانا شويه
بوردابي واحد يا عُمر؟
كمال علي الزين (كاتب السيناريو) ده ما عاجبك؟
بعدين أنا عندي إحتجاج على عثمان دغيس. متين بقى عازف ساكسفون؟ يعمل لينا زحمة في الساكسفون .... الواحد بعد دا إلاّ يمشي يعمل ليهو أكورديون.
أساسي ... إزيك
Post: #15 Title: Re: يا كمال سالم قصرت مع ياسر مبيوع في وعد جديد Author: كمال سالم Date: 09-27-2010, 08:27 PM Parent: #14
يادوبى شغت البوست يا أساسى ,, حأرجع ليك ,, يمكن يتم تعاون بينا وكده . إنت ليه جارى لود الصائم وتمبس ؟ إنت ذاتك ماعندك الكتير العائز إنتاج ,,
تحياتى ,, وأكيد رأجع .
Post: #16 Title: Re: يا كمال سالم قصرت مع ياسر مبيوع في وعد جديد Author: حيدر حسن ميرغني Date: 09-27-2010, 08:49 PM Parent: #15
يا كيمو أساسي كاتب رشيق الحرف ماتودوه في سكة الغنا دي ممكن ينفع سيناريست
Post: #17 Title: Re: يا كمال سالم قصرت مع ياسر مبيوع في وعد جديد Author: على محمد الخير Date: 09-27-2010, 10:16 PM Parent: #16
Quote: والحاجة التانية ما صدقت ومسكت يد البت وابيت تفكها
التحية للاستاذ مبيوع ... ولا يهمك خليك ماسك ... لانه لو فكيتها القيديو كليب كله كان باظ ... ودائما بسأل حبيبنا البديرى عنك ... ونتمنى نشوفك قريب ...
Post: #30 Title: Re: يا كمال سالم قصرت مع ياسر مبيوع في وعد جديد Author: اساسي Date: 09-28-2010, 08:47 AM Parent: #17
Quote: التحية للاستاذ مبيوع ... ولا يهمك خليك ماسك ... لانه لو فكيتها القيديو كليب كله كان باظ ...
والله شكلك يا الخير لو كنت معاهو في الكليب دا بتقول ليهو خليني امسك انا واتفرغ للغناء يا مبيوع
Post: #18 Title: Re: يا كمال سالم قصرت مع ياسر مبيوع في وعد جديد Author: احمد التجانى احمد Date: 09-27-2010, 10:20 PM Parent: #16
Quote: يا كيمو أساسي كاتب رشيق الحرف ماتودوه في سكة الغنا دي ممكن ينفع سيناريست
ياحيدر ياخ رشيقى الحروف كتيرين والبينفعو سيناريست اكتر امثال كيكى وماشابه لكن الزول دة خلوه لينا فى اختصاصه زول يده طاعمة جنس طعامة خصوصا فى المفاريك والسلايق يعمل ليك ضلع تمسكه تعزف بيه بدل تاكله
Post: #19 Title: Re: يا كمال سالم قصرت مع ياسر مبيوع في وعد جديد Author: حيدر حسن ميرغني Date: 09-27-2010, 10:27 PM Parent: #18
ود التيجاني ياملك
ده ما "إسي ياموج الضلع زاتو "
Post: #20 Title: Re: يا كمال سالم قصرت مع ياسر مبيوع في وعد جديد Author: احمد التجانى احمد Date: 09-27-2010, 10:44 PM Parent: #19
Quote: بوردابي واحد يا عُمر؟
كمال علي الزين (كاتب السيناريو) ده ما عاجبك؟
بعدين أنا عندي إحتجاج على عثمان دغيس. متين بقى عازف ساكسفون؟ يعمل لينا زحمة في الساكسفون .... الواحد بعد دا إلاّ يمشي يعمل ليهو أكورديون.
يا بورداب الدوحة الكليب دة مش برضو مصور فى مركز اصدقاء البئية
Post: #22 Title: Re: يا كمال سالم قصرت مع ياسر مبيوع في وعد جديد Author: حيدر حسن ميرغني Date: 09-27-2010, 10:55 PM Parent: #20
كيكي ده داخرنو للتقيل سينارست جخانين وكمبوهات لايعلي عليه
Post: #21 Title: Re: يا كمال سالم قصرت مع ياسر مبيوع في وعد جديد Author: احمد التجانى احمد Date: 09-27-2010, 10:48 PM Parent: #19
Quote: ود التيجاني ياملك
ده ما "إسي ياموج الضلع زاتو "
حيدر ياحبيب مالك تانى ياخ جبت للزول دة سيرة امواج نحن ما صدقنا اتعافى من ذكراها
Post: #24 Title: Re: يا كمال سالم قصرت مع ياسر مبيوع في وعد جديد Author: محمد عبد الماجد الصايم Date: 09-28-2010, 07:57 AM Parent: #21
Quote: إنت ذاتك ماعندك الكتير العائز إنتاج ,,
Post: #25 Title: Re: يا كمال سالم قصرت مع ياسر مبيوع في وعد جديد Author: اساسي Date: 09-28-2010, 08:31 AM Parent: #18
كتب كمال
Quote: إنت ذاتك ماعندك الكتير العائز إنتاج ,,
واضاف احمد
Quote: لكن الزول دة خلوه لينا فى اختصاصه زول يده طاعمة جنس طعامة
انا لله وانا اليه راجعون
بت اخشى ان يأتي اقتراح بانتاج عرض ازياء لي يقدمنى فيه رشاد نميري اصبح من الضرورة علي اكمال هذا البوست وانا ( متحزم ) جيدا , قاتل الله ركوب العجلة الذي لا ينسى والذي لا تستطيعون منه فكاكا
Post: #29 Title: Re: يا كمال سالم قصرت مع ياسر مبيوع في وعد جديد Author: اساسي Date: 09-28-2010, 08:45 AM Parent: #16
Quote: يا كيمو أساسي كاتب رشيق الحرف ماتودوه في سكة الغنا دي ممكن ينفع سيناريست
يا حيدر يا صديق احتاجك في هذا البوست حتتي النهاية , فاخشى ان الخروج من هذا البوست اذا استمر علي هذا المنوال يحتاج الي ( مراقة ) وصديق قلبه عليك
Post: #28 Title: Re: يا كمال سالم قصرت مع ياسر مبيوع في وعد جديد Author: اساسي Date: 09-28-2010, 08:41 AM Parent: #14
التحايا النواضر يا ابو الريش
Quote: يعمل لينا زحمة في الساكسفون .... الواحد بعد دا إلاّ يمشي يعمل ليهو أكورديون.
عطفا علي بوست دعاية شاي الزرافتين افترح عليك تعلم العزف علي الدُنب
Post: #27 Title: Re: يا كمال سالم قصرت مع ياسر مبيوع في وعد جديد Author: اساسي Date: 09-28-2010, 08:38 AM Parent: #13
Quote: سلام
يا خى العمل فيهو بوردابى اخر ركز معانا شويه
ما عاجبك دغيس بالساكس
يبدو كما قال احمد التجاني تحت ان هذا العمل تم انتاجه في مركز اصدقاء البيئة ان شاء الله بت جرهام دي طلبتو ليها باسويرد من بكري
Post: #31 Title: Re: يا كمال سالم قصرت مع ياسر مبيوع في وعد جديد Author: طارق ميرغني Date: 09-28-2010, 09:02 AM Parent: #27
اخي اساسي كيفك
...احب اغانيه بالعود اكثر من ازعاج الاوركسترا ..
بخصوص تعليق الاخ فايز ود القاضي
طبعا يستحيل الاوركسترا المكتملة المجودة تكون مزعجة
