Post: #1 Title: داير لى جواز اجنبى من بطانة امريكا بمهنة تاجر ابل Author: خالد المحرب Date: 09-27-2010, 03:27 AM
السؤال موجه لى ناس الولايات المتحده كلهم وين البطانه فى امريكا يعنى وين محل سهله كبير ما فيه عمارات ولابيوت فيه قش وابل ماضروى القش يكون زى قش البطانه والخريف هناك فى ولا مافى وفى صيد وحبر وغزلان وارنب لانو الفرجونى جاب كلاب من هناك مركبين ليهن مكنة f16 والله جرايات جنس جرى ياخ ديل بسبقو الصيده ويكسعنها من قدام والارنب دى من قولة تيت بجيبن خبرا فقلنا احسن نتخارج ونشوف لينا صرفه ونتجدع بى هناك والراعى عندى موجود لى البل بعد ما نعرف الحاصل والاجابه على الكلام الفوق بخبركم بى اسم الراعى
Quote: السؤال موجه لى ناس الولايات المتحده كلهم وين البطانه فى امريكا يعنى وين محل سهله كبير ما فيه عمارات ولابيوت فيه قش وابل ماضروى القش يكون زى قش البطانه والخريف هناك فى ولا مافى وفى صيد وحبر وغزلان وارنب لانو الفرجونى جاب كلاب من هناك مركبين ليهن مكنة f16 والله جرايات جنس جرى ياخ ديل بسبقو الصيده ويكسعنها من قدام والارنب دى من قولة تيت بجيبن خبرا فقلنا احسن نتخارج ونشوف لينا صرفه ونتجدع بى هناك والراعى عندى موجود لى البل بعد ما نعرف الحاصل والاجابه على الكلام الفوق بخبركم بى اسم الراعى
في اتصال هاتفي الان اصدر ود المحرب شيخ العرب الخاتي اللوم قرارا بتعيينكم طباخا للصيد بعد ان قدمتم سيرتكم الذاتية موضحا فيها مهاراتكم في سلخ اب قنفت وسلخ الغزال وتكشن البصلة ولا سيما مهارتكم في حلة القطر قام .
الزعيم ودشيقوق مسكاقمي عيدك سعيد أنا بعرف اطبخ تركين حتأكل صوابع وراه وحيفوتك بص الرصيرص طبعاً حتغير من ام رقيقة وملاح الروب وام فرنقيق إلى الهمبرغر والاستيك والله يا العرب حتتطوروا ويا سوق تمبول جاك بلاء تتخيل يا ودشيقوق يا اخوي المدعو صديق الموج لسع بيأكل كبدة الجمل وكمان نيئ تقول مركب في بطنو فرامه ما معدة
وحاة الله عينة كلاب امريكا ديل لو قامن ترسن وراء ارنبنا وقالت كدا اتكاملت بيهن خراشة الكتر تخلى دمهن يتقاطر .
منو القال ليك ###### امريكا بقدر على شقوق البادوب - وحاة الله تقوم يخمشو ليك شق يخليهو ينبح في السهلة
ياخ ديل مجربات افولك انا شفتهن بى عينى دى بقومن سدارى وبعدين نحن ماشين نقنص فى اوربا مش فى السودان يا استاذ داير تقول حقوق الحيوان امكن هناك يمنعونا ممكن
Post: #10 Title: Re: داير لى جواز اجنبى من بطانة امريكا بمهنة تاجر ابل Author: خالد المحرب Date: 09-27-2010, 10:50 AM Parent: #2
Quote: اهلنا البطاحين في امريكا خلوها جوازين واحد عربي واحد رطاني يا شيخ العرب يا سليل الفراديس يا ود المحرب يا الغالي تمر السوق معاك معاك وين ما تقبل
الخال حمزاوى طلعت من الفجر بدور الرزق يادوب جيت مرحب بيك نحن محتاجين ليك ياشيف حمزاوى يا حلو والعريبى ات عارفو طبعا كاو بوي ابل طبعا
Post: #13 Title: Re: داير لى جواز اجنبى من بطانة امريكا بمهنة تاجر ابل Author: خالد المحرب Date: 09-27-2010, 11:07 AM Parent: #10
Quote: يا شيخ العرب
أمريكا عدمانة طفاي النار
أنا بشوف ليك حبايبنا في أستراليا
لسة أراضيها بِكر
حبيب نوره اشرح اصلى كنت بكره الجغرافيا ات قصدك الارض يعنى ما فيها طبيعه وخلا وكدا ولا مافى ارنوب وصيد يا العشا الراعى والطباخ جاهزين
Quote: ي بطانتين في امريكا يا ود المحرب صحراء كلهاري و مكان كان قاعد الفرجوني لووووول
الاخ نصار ذكرتنى نكته واحد من اهل العوض جا الخرطوم عمك جا وقف جنب الكفتريا السلام عليكم هاجنا عندكم فطور الود قاليه فى هامبورقر ياحاج قاليه انا اللنجليزى ما بعرفو
لكن ادنى الكبير فيهن دحين انا اى واحده من بطاين امريكا كويسه معاى بس الكبيره فيهن
Quote: السؤال موجه لى ناس الولايات المتحده كلهم وين البطانه فى امريكا يعنى وين محل سهله كبير ما فيه عمارات ولابيوت فيه قش وابل ماضروى القش يكون زى قش البطانه والخريف هناك فى ولا مافى وفى صيد وحبر وغزلان وارنب لانو الفرجونى جاب كلاب من هناك مركبين ليهن مكنة f16 والله جرايات جنس جرى ياخ ديل بسبقو الصيده ويكسعنها من قدام والارنب دى من قولة تيت بجيبن خبرا فقلنا احسن نتخارج ونشوف لينا صرفه ونتجدع بى هناك والراعى عندى موجود لى البل بعد ما نعرف الحاصل والاجابه على الكلام الفوق بخبركم بى اسم الراعى
ياشيخ العرب امريكا كلها بطانه بس انته عجل بالقيام
بالنسبة لسؤالك عن السهله والصيد والارانب طلبك ده موجود
تقريبا في كل ولاية.. كان عاجباك كلاب الفرجوني نشوف ليك