السيد عصام دهب وادب الحوار

Quote: لا والله العظيم لم أقصدك بهذا الكلام

شكرا يا راوية و اسف على الازعاج.

طيبين الليلة يا كباشي
نحمدو ونشكر فضلو
دعواتكم دايرنها شديد






________
ياسيف أنا مابوجه ليك كلام من زمــــــــــان
تتذكر لما كنت عاوز تشاكلني وأنا لبدت
المهم لسة سؤالي قائم

Quote: تتذكر لما كنت عاوز تشاكلني وأنا لبدت

راوية سيفنا ده ماتلبدي منو
اديهو ال في النصيب وهو يتصرف







_
اول مرة أشوفك عملتي حمد لبد
جات في محلها سيف زول خاتيهو القول

المحترم طلحة
صدقني لو قلت ليك عصام ده زول سمح بالحيل
لاتأخذ في خاطرك شيئ تجاه ماورد منه في الاقتباس الجبتو هنا
لا أعتقد إنه يقصد به شيئ لا يليق بأدب الحوار

قد يكون دي اول مرة أقف معه طوال سجالاته الاسفيرية هنا
لا لشيئ والله .. لكن لانني عهدت فيه ذلك حتى أثناء نقاش (وش لوش)

-
ياعصام اكتب بإيدك ياخ

سلام لكل المتداخلين ..
و إعتذاري الشديد لك يا طلحة و لك العتبى ..
أعتذر لا لخطأ إرتكبته فانا لم أخطئ ..
و أعتذر و أبدي أسفي لا لانني تعديت أدب الحوار فأنا لم أتجاوز حدودي ..
و أعتذر لا لأني رفعت الكلفة بيني و بينك كما أعتقد أخي و صديقي سيف فأنا لم أهظر معك ..
أعتذر لأن مداخلتي لم تكن مفهومة ـ على الأقل بالنسبة لك الأمر الذي أثار في نفسك هواجس و ظنون و أغضبك مني حتى جأرت بالشكوى ..
د. سيف كان محقاً إلى حد بعيد في شرح مداخلتي إلا في مسألة رفع الكلفة هذه ..
و أعتذاري الأشد لأختي راوية التي تعلم ما أكنه لها من إحترام فربما أقحمتها في هذا الموقف العجيب ..
و يا طلحة
قالت رواية في مداخلة خفيفة الظل ..

Quote: ناخد خبرة من الدخلو في الموضوع دا قبلنا زي تشيكوسلوفاكيا زي ماعارف تشيك دولة وسلوفاكيا دولة والواو حرف عطف هسة السودان نعمل ليهو كدا وإحنا نشيل أي نص مامشكلة لانو شعارنا رضيت بالقسمو لي ربي

و لاحظ أن راوية ختمت مداخلتها بمقطع من أغنية ..
في تلك الأغنية لصديق متولي إن لم تخني الذاكرة مقطع يقول ( الفرقة من بكرة حليلها الأصبحت ذكرى ) ..
و هي أغنية ت( أسى ) و ( حسافة ) تتسق و موضوع البوست ..

ثم جئت أنت في ذات سياق مداخلة راوية و قلت ..

Quote: فكره يا راويه بس يبعدونا من ان دى وشبيهاته لبنان وايران وباكستان وافغانستان وهكذا دواليك ان دى بتجيب الكج

و بناءاً على مداخلتك المبنية على مداخلة رواية و في ذات السياق الساخر الذي جاءت به راوية و تبعتها أنت كانت مداخلتي ..

Quote: لا باللاي يعني بعد دة كمان عايزننا نأخد سو سو يا سو ..

و سو يا سو حبيبي حبسوا هي أغنية شهيرة لمحمد منير يا طلحة ..
قلت أنا سو يا سو و كنت أقصد تلميحاً حبيبي حبسوا
قصدت أن أقول يا طلحة إذا كنت ترفض نهاية كلمة سودان ( آن ) فأناأرفض بدايتها ( سو ) ..
لأن رفضك غير المنطقي في رأيي يقابل برفض أيضاً مني من باب العكلتة و بس ..
هذا كل ما في الأمر يا سيد طلحة ..
و كما ترى ليس في الأمر همز أو لمز أو إساءة لأدب الحوار الذي توهمته ..
حينما يكون سياق الحوار جاداً أنا أحرص ما أكون عليه ..
و لا بأس من مشاغلة أحياناً لتلطيف الحوار ..
و أنا لم أعنيك تحديداً بهذه المشاغلة حتى و أن أقتبست كلامك مدخلاً لها ..
وراجع مداخلتي الأولى في ذات البوست ..
و مع ذلك لك إ‘تذاري مجدداً لأنه ليس بيني و بينك أو بين أي من أعضاء هذا المنبر تار بايت أو ضغينة ..
و آمل أن تتفهم ..
ثم تشيل دمغتك التي دمغتني بها بغير وجه حق ..

شكراً تاني يا سيف يا أخو و معليش يا رواية .. و يا كل القراء ..
ثم أحكموا في كلامي ..

Quote: المهم لسة سؤالي قائم

جاوبتك زمان يا راوية : و الله ده بكري ابوبكر. هو المسؤول الاول و الاخير.
ما ممكن تكوني متذكرة موضوع ليهو زي مية سنة كده.

شكرآ يا عصام على التوضيح

وانا اعتبر الموضوع منتهيآ من ناحيتى

كما اسلفت دون ان أجأر يالشكوى كما قلت

شكرآ على اعتذارك

مودتى

شكراً يا طلحة ..

بس عملت لي شنو بخصوص دمغة المرصد الوطني القاعدة لي في حناني دي ؟؟

Quote: بس عملت لي شنو بخصوص دمغة المرصد الوطني القاعدة لي في حناني دي ؟؟

دمفة المركز الوطنى هى لتذكيرنا جميعآ بمراقبة كلماتنا

بعد ما اوردت من توضيح واعتذار اخى عصام

لك على ازالتها

تحياتى

و شكراً كتييير يا حنين يا دخرينا ..

و أوعدك من الآن و صاعداً أن أصادق أيقونة

Quote: ( شاهده قبل نشره )

ثم أعد البصر كرتين..

سلم لي عليك و على النمور ..

يا ســـــلام عليكم

ويا ريت النفوس تبقى كدا

شكراً طلحة السيد وعصام دهب

اعتقد أنها فرصة طيبة لكم لتتعرفوا على بعض أكتر

وممكن بعدها ترفعوا الكلفة زي ما عايزين

عصام دهب المرصد يرحب بيك بس ما تنسى وتقوم ترجع للحاجات دي

أنا شخصيا بمسح ليك البرنت اسكرينات العنــدي

تحاياي لكم

و سلام و تحية يا الأمين ..

Quote: أنا شخصيا بمسح ليك البرنت اسكرينات العنــدي

لا حولاااا ..
إنتو لحقتوا تعملو ليها كرينت أسبرين كمان ..
يا شماتة أبلة أسكرين فيني أنا ..
ياخي قولوا بسم الله و ختوا الرحمن ي قلوبكم و الحياد نصب أعينكم ..
عشان ترصدوا صاح ..
و كان ما شفتوا وكويس ما تفلعوا ..
و عشان نقول ليكم إنتو على حق ..
و لو أستشكل عليكم فهم مداخلة فقبل ما تدمغوها أرجعوا لصاحبها براحة كدة في الماسنغر عشان تعرفوا المقصود بيها شنو ..
يعني ما تدمغوا و تدبغوا ساي يا اللمين .. سمح ؟؟
عشان لو أي زول بيشيل ليهم ختم و يختم .. و دمغة و يدمغ على كيفو .. حتلقوا كلو زول هنا عمل ليهو مرصد و شايل أختامو في طرف ماوسو و حايم ..
و عشان كدة إنتو مدينين لي بأستيكة و بشاورة و معاهم كم معليش كدة ..
و بالله خلوا عندكم صبر يبل المداخلة حتان يدمغها ..
تشكرات