Post: #1
Title: احمد منصور لجيهان السادات (هو ايه يعنى السودان الولايات المتحده الامريكيه يعنى)؟
Author: د.محمد بابكر
Date: 09-26-2010, 08:43 PM
Parent: #0
فى حلقة اليوم من برنامجه شاهد على العصر سأل المذيع بقناة الجزيره احمد منصور ضيفته جيهان السادات عن قانون الاحوال الشخصيه المصرى وكيف انه سمى بقانون جيهان نسبة لتأثيرها على واضعيه فردت عليه ان السودان يخصص مقعد للنساء فى كل ولايه وانه هل السودان متقدم اكثر من مصر يعنى؟ فما كان من احمد منصور الا ان رد عليها هو ايه يعنى السودان اصل هو الولايات المتحده الامريكيه.؟..للاعلاميين المصريين نظرة احتقار للسودان والسوداننيين لايسطيعون اخفائها وهى ان اسهمت بشيئ فأنها ستوسع الشقه بين البلدين ...السودان بالنسبه لكثير من المصريين عباره عن قريه جنوب مصر ولولا حكومتنا الرشيده لما ضعفنا ولما قلت حيلتنا ولما هنا على الناس فالسودان ايها الظلامى عرفت نسائه سوح القضاء قبل مصر والتى لم تتح هذه الوظيفه لنسائها حتى اليوم والسودان عرف الشاشه البلوريه قبل مصر ولكنها الايام يا احمد بن منصور ال حمد....
|
Post: #2
Title: Re: احمد منصور لجيهان السادات (هو ايه يعنى السودان الولايات المتحده الامريكيه يعنى)؟
Author: الصادق يحيى عبدالله
Date: 09-26-2010, 08:53 PM
Parent: #1
الاخ الدكتور/ محمد بابكر
| Quote: للاعلاميين المصريين نظرة احتقار للسودان والسوداننيين لايسطيعون اخفائها وهى ان اسهمت بشيئ فأنها ستوسع الشقه بين البلدين |
اخشى ان هذه النظرة تشترك فيها الغالبية العظمى من العرب.
|
Post: #3
Title: Re: احمد منصور لجيهان السادات (هو ايه يعنى السودان الولايات المتحده الامريكيه يعنى)؟
Author: Alshafea Ibrahim
Date: 09-26-2010, 08:56 PM
Parent: #1
تحياتي يادكتور
فعلا كانت آخر جملة في حلقة الليلة قالها صاحب الإبتسامة الصفراء أحمد منصور لجيهان السادات عندما استشهدت بالحالة السودانية في تخصيص مقعد للنساء في كل محافظة في السودان .. سبحان الله يوم ما دخل في رأسي هذا المنصور ..
نفسي أثق لحظة بفوال مصري ناهيك عن من يدعون الثقافة والعلم والدين ..
أخوكم
الشفيع
|
Post: #5
Title: Re: احمد منصور لجيهان السادات (هو ايه يعنى السودان الولايات المتحده الامريكيه يعنى)؟
Author: أسامة البلال
Date: 09-26-2010, 09:05 PM
Parent: #3
خلوهوا أحمد منصور إنتو رأيكم شنو هل فعلا السودان هو الولايات المتحدة !!!
بعيدا عن العقد والشعور بالدونية والحساسية المفرطة من كل ما يصدر من أي عربي....
أها بصراحة هل فعلا السودان هو الولايات المتحدة حتي نضرب به المثل في الديمقراطيه... خليها أمريكا هل هو حتي الهند أو سريلانكا حتي يصبح مضرب مثل في الديمقراطية
عليكم الله ريحونا من الردحي البحصل هنا كل ما في مصري جاب سيرة السودان
|
Post: #6
Title: Re: احمد منصور لجيهان السادات (هو ايه يعنى السودان الولايات المتحده الامريكيه يعنى)؟
Author: منتصرمحمد زكى
Date: 09-26-2010, 09:09 PM
Parent: #3
السخرية من الآخر والتقليل من شأنه
عادة مصرية متأصلة ..........
مايفعلونه تجاه السودان من باب
الغيرة والحسد فهم يعلمون تماما
ماهو السودان .. ومن هو انسان السودان ...
|
Post: #8
Title: Re: احمد منصور لجيهان السادات (هو ايه يعنى السودان الولايات المتحده الامريكيه يعنى)؟
Author: Osman Musa
Date: 09-26-2010, 09:15 PM
Parent: #3
د / بابكر
سلامات
عاين يادكتور . قالوا : زمن كان السودان وأقف
مع الشقيقة مصر فى خط النار .
قالوا فى عسكري مصري سأل العسكري السودان الفى الخندق الجمبو
قالو ياسودانى عندكم فى السودان جيش ؟
قام رد الجندي السودانى : وأنا المعاك ده راجل أمك يا صاحبي ؟
يا دكتور يا أخى أحمد منصور حمار وعندو جنون البقر .
|
Post: #4
Title: Re: احمد منصور لجيهان السادات (هو ايه يعنى السودان الولايات المتحده الامريكيه يعنى)؟
Author: Al-Shaygi
Date: 09-26-2010, 09:02 PM
Parent: #1
Quote:
للاعلاميين المصريين نظرة احتقار للسودان والسوداننيين لايسطيعون اخفائها وهى ان اسهمت بشيئ فأنها ستوسع الشقه بين البلدين ...السودان بالنسبه لكثير من المصريين عباره عن قريه جنوب مصر ولولا حكومتنا الرشيده لما ضعفنا ولما قلت حيلتنا ولما هنا على الناس فالسودان ايها الظلامى عرفت نسائه سوح القضاء قبل مصر والتى لم تتح هذه الوظيفه لنسائها حتى اليوم والسودان عرف الشاشه البلوريه قبل مصر ولكنها الايام يا احمد بن منصور ال حمد....
|
د. أحمد بابكر
يابا ما تحرق أعصابك...
ياخ مصر أم الدنيــــــــــــــــــــــــــا...
المصريين وما أدراك ما المصريين...
ياخ ديل فيما يخص السودان وعلى كل المستويات (جهل يمشي على قدمين)...
لا يعرفون عن السودان أي شيء بل أفريقيا كلها وكل أسود يروه إذا تحدث العربية فهو سوداني وإن لم يتحدثها فهو أفريكي (كما ينطقونها)...
والسوداني عندهم: جلابية وعمة ودكة أمام عمارة أو محزم في وسطه يقدم المأكولات والمشروبات ويرطن مع أبناء جلدته ويسببب الإزعاج لأسياده!!!!
في بداية السبعينيات أقنعت زميلتي المصرية في الجامعة بأني مربي أسد في البيت بالسودان فصدقت،،، وعرضت عليها أن أجيب ليها واحد صغير في الإجازة فصاحت: يااااااي لا يا عم أنا بخاف منها مووووووت....
والدكتور قلت له أنا من السودان،،، رد قائلاً: الي جنب أسوان؟؟؟
يعني الحلة البعد أسوان؟؟؟
قبل فترة ليست بالطويلة وفي عالم الإغتراب إبان بداية أحتلال مصر لحلايب زميلي المصري طبعاً جهلول ولا يعرف أين تقع حلايب، المهم على مدى شهور أقنعته بأنها في الجنوب ومناخها جميل والمطر رزاز طول العام....
ثم جئته في يوم أخبرته أن الحكومة المصرية تنوي توطين مصريين في حلايب وستملكهم بيوت ومزارع فكاد يموت من اللهفة عشان أوريه كيف يقدم لأن التقديم في حلايب وليس مصر!!!!
شفت كيف؟؟؟
الشايقي
http://www.youtube.com/watch?v=WjNosdjuv7s
[email protected]
http://alkatwah.com
.
|
Post: #7
Title: Re: احمد منصور لجيهان السادات (هو ايه يعنى السودان الولايات المتحده الامريكيه يعنى)؟
Author: Alshafea Ibrahim
Date: 09-26-2010, 09:11 PM
Parent: #4
أخي البلال
لو ما حقارة من كل بلدان الدنيا ما وجد مثالا غير السودان ؟
نحن من أمريكا بعد الشمس من الأرض ، لكن ما هو الفرق بين مصر والسودان ؟ شنو عندهم عشان نقبل إهاناتهم وشتائهم ؟
تحياتي وتقديري
الشفيع
|
Post: #9
Title: Re: احمد منصور لجيهان السادات (هو ايه يعنى السودان الولايات المتحده الامريكيه يعنى)؟
Author: jini
Date: 09-26-2010, 09:20 PM
Parent: #7
يا قدع أدع جدع
ديل بدفنوا الميتين قنب النيل ويسكنوا فى الحاق يوسف
يا قدع
ديل عندهم شارع اسمه شارع الحرية بيودى السجانة!
ديل بسموا الكبريت ابو وردة وبسموا الريحة الصاروخ!
ديل نحنا اللى جايبين الكلام لنفسنا!
مصر زبابة ونحن زبالتين!
جنى
|
Post: #10
Title: Re: احمد منصور لجيهان السادات (هو ايه يعنى السودان الولايات المتحده الامريكيه يعنى)؟
Author: منتصرمحمد زكى
Date: 09-26-2010, 09:53 PM
Parent: #9
ياود البلال
السودان أفضل من النرويج ....
|
Post: #11
Title: Re: احمد منصور لجيهان السادات (هو ايه يعنى السودان الولايات المتحده الامريكيه يعنى)؟
Author: الوليد محمد الامين
Date: 09-26-2010, 09:57 PM
Parent: #10
الأخ الكريم د. محمد بابكر
اشكر لك ايراد الخبر هنا ، فأنا قليلا ما اشاهد الجزيرة ...
اتفق معك والاخوة في نظرة الاستعلاء من قبل المصريين والعرب عموما تجاهنا ،
بالنسبة لي اري ان ذلك ليس هو اس القضية ،
الاساس هو في نظرتنا نحن لانفسنا وللاخر !
من المهم فيما اري التنبيه دائما الي نظرة هؤلاء الناس الينا ومحاولة خلق وعي سودانوي بالذات السودانية .
تحياتي .
|
Post: #12
Title: Re: احمد منصور لجيهان السادات (هو ايه يعنى السودان الولايات المتحده الامريكيه يعنى)؟
Author: منتصرمحمد زكى
Date: 09-26-2010, 09:57 PM
Parent: #10
عذرا د. محمد بابكر
نسيت ان أحييك .. تحياتي الخالصة ...
|
Post: #13
Title: Re: احمد منصور لجيهان السادات (هو ايه يعنى السودان الولايات المتحده الامريكيه يعنى)؟
Author: dardiri satti
Date: 09-27-2010, 07:08 AM
Parent: #12
| Quote: ...السودان بالنسبه لكثير من المصريين عباره عن قريه جنوب مصر ولولا حكومتنا الرشيده لما ضعفنا |
عزيزي ،
بل تُقرأ :-
...السودان بالنسبه لكثير من المصريين عباره عن قريه جنوب مصر ولولا حكوماتنا الخائبة وحكامنا الخِرق لما ضعفنا.
عزيزي ،
أكثر من خمسين عاماً منذ الإستقلال ،
الهند نالت استقلالها عام 1947 ، أي قبلناب 9 سنوات ،
الصين انتصرت ثورتها عام 1949 ، أي قبلنا ب 7 سنوات،
هل بإمكاننا أن نكون ،
بعد 90 أو 70 سنة كالهند أو الصين الآن ،
عزيزي ،
الهند والصين كانتا تحت قيادة نهرو وغاندي وماو
أين غاندينا أو نهرونا أو ماونا؟؟
بلادنا ظل يتداول حكمها الأقزام،
حكام خِرَف وحكومات خائبة،
وتوجه إعلامها أقلام وحناجر زنيمة
ما فتئت تكتب وتتحدث
عن علاقات أزلية ، ووحدة وادي النيل ،
والشعب الواحد ، والتاريخ المشترك
والشعبين الشقيقين وغير ذلك من أحاديث خنثى.
لذلك حق لجيهان وأحمد منصور وغيرهم من أراذل مصر
الاستهزاء بنا،
فليس المصريون وحدهم من
يتهزيء ببلادنا وبحكامها وبشعبها،.
تحياتي
|
Post: #14
Title: Re: احمد منصور لجيهان السادات (هو ايه يعنى السودان الولايات المتحده الامريكيه يعنى)؟
Author: عبد الحي علي موسى
Date: 09-27-2010, 07:50 AM
Parent: #13
أخونا د. محمد بابكر سلام
السودان متقدم على كل الدول العربية في مسألة وضع المرأة.
أحمد منصور لا يدري لكنه يعتقد أنه العارف بكل شيء. ألا ترى كيف يرفع عيونه في ختام كل حلقة!!!!
|
Post: #15
Title: Re: احمد منصور لجيهان السادات (هو ايه يعنى السودان الولايات المتحده الامريكيه يعنى)؟
Author: د.محمد بابكر
Date: 09-27-2010, 10:38 AM
Parent: #14
| Quote: عليكم الله ريحونا من الردحي البحصل هنا كل ما في مصري جاب سيرة السودان |
صباح الخير يا شباب وحقا من يهن يسهل الهوان عليه ...تخيلوا معى لو ان الامر بالمقلوب اى لو صدر هذا القول من سودانى فى حق مصر ..نحن يا شباب نعرف ان لنا مشاكل (خير الله) زى ما بقول الفلسطينيين لكننا مع ذلك نتمسك بوطننا ونعرف ان المخرج بأيدينا ونوقن ان ما يجرى فى بلادنا هو سحابة صيف ومرحله من مراحل تاريخنا لابد من تجاوزها واذا كان الترابى وصبيته هم من جعلوا وطننا العوبه ومسخره فى نظر الاخرين فأن ذلك لن يدوم ..ما اريد قوله ان السودان ورغما عن ظرفه الاستثنائى يملك من منظمات المجتمع المدنى ما لاتملكه مصر ويملك من الموروث الشعبى من عادات وتقاليد لم يسمع بها مثقفوا مصر ورغما عما حاق بنا من دمار بسبب العصابه الاسلاميه ورغما عن التحولات الاجتماعيه السالبه فان العظم لم يكسر وان اى حركة اصلاح اجتماعى لن تواجه ما تواجهه فى دول الجوار ...صحيح ان المثقفين فى بلادى يعانون من حالة استرخاء هى اقرب الى الخيانه لكن الامل معقود بان ذلك ايضا استثنائي وان شعبنا قادر على تجاوز هذه المحنه وما حركه قرفنا ومثيلاتها الا دليلا على ذلك ...الارضيه التى يجب ان نرتكز عليها هى ان نعتز بهذا الوطن ففيه ما يدعو الى الاعتزاز والا ينجح لصوص اخر الزمان فى (اقرافنا ) فهو ليس ملكهم ولكنه لنا ولاجيالنا القادمه وسوف نرى...
|
Post: #16
Title: Re: احمد منصور لجيهان السادات (هو ايه يعنى السودان الولايات المتحده الامريكيه يعنى)؟
Author: الطيب عبدالرازق النقر
Date: 09-27-2010, 10:57 AM
Parent: #15
هذا الكم الهائل من الاستخفاف الذي تتحفنا به اجهزة الاعلام العربية سببه تخاذلنا نحن كشعب عن الرد الملجم الذي يضع كل خنثى وعاهرة
في مكانه المناسب
|
Post: #17
Title: Re: احمد منصور لجيهان السادات (هو ايه يعنى السودان الولايات المتحده الامريكيه يعنى)؟
Author: Mutwali Malik
Date: 09-27-2010, 11:15 AM
Parent: #15
د. محمد بابكر
تحياتي
ديل المتعلمين منهم اخير منهم الجاهلين انظر الي قول رفاعة رافع الطهطاوي عندما نفي الي السودان كتب قصيدة طويلة وعريضة قال فيها
وما السودان فيه مقام مثلي ولا ليلائ فيه ولاسعاد
بها نار السموم كان فيها جحيم لظي فما يطفيه واد
ولولا البعض من عرب لكانو سواد في سواد في سواد
|
Post: #18
Title: Re: احمد منصور لجيهان السادات (هو ايه يعنى السودان الولايات المتحده الامريكيه يعنى)؟
Author: Abdulrahman Gorashi
Date: 09-27-2010, 11:47 AM
Parent: #17
سلام يااجلاء ياكرام،
انتو باين كلام اخونا اسامة البلال الفوق دا ماشفتهو،
فعلا عندنا عقدة الدونية والحساسية المفرطة في كل مايكتب عننا، خاصة من العرب والمصريين، انتو عارفين مشكلتنا وين؟ انحنا مشكلتنا في هويتنا ، خاصة لناس السودان الوسطاني،
تاني حاجة انتو الزول دا قال شنو خلاكم تزعلو منو؟ قال كلام صاح جدا، سودان شنو البتقارنو بديقراطية امريكا، كدي انتو حليكم حليكم اتوحدو وشوف موضوع الانفصال الجايكم دا وخلو كلام احمد منصور لبعدين،
وتاني حاجة انت في زول قال ليك ماتتكلم في مصر، ياخي وجه اعلامك كلو نبذ في مصر وكل العرب كمان، لكن ماتجو تتشكو وتقولو ناس فلان وعلان بستهترو بينا،
لا عندك ديقراطية ولا عندك ابسط احترام لحقوق الفرد، ولاعندك حكم رشيد، بس عندك عساكر ودين زايف، ومشكلة دارفور وجنوب السودان وناس الشرق، واوكامبو،
حسبي الله ونعم الوكيل،
|
Post: #19
Title: Re: احمد منصور لجيهان السادات (هو ايه يعنى السودان الولايات المتحده الامريكيه يعنى)؟
Author: Nazar Faisal
Date: 09-27-2010, 11:51 AM
Parent: #17
لو كل ###### عوى ألقمته حجرا .... لأصبح الصخر مثقالا بدينار
|
Post: #20
Title: Re: احمد منصور لجيهان السادات (هو ايه يعنى السودان الولايات المتحده الامريكيه يعنى)؟
Author: د.محمد بابكر
Date: 09-27-2010, 12:06 PM
Parent: #19
الاخ قرشى تحياتى
كلها معارك يا صديقى المعركه لاجل الديقراطيه معركه. والعمل ضد دعاوى الانفصال والتكريس لمفاهيم الوحده معركه. والمعركه من اجل الا يستغل الفقراء من اهل بلادى عبر شعارات الدوله الدينيه معركه والمعركه لايقاف من يسخر من السودان والسودانيين ايضا معركه ويجب علينا خوض هذه المعارك وبمثابره وكلام البلال وجهة نظر نحترمها ولكننا غير ملزمين بها كونها تضعنا دوما فى خانه المفعول به وهى خانه لن يكون فى مقدورنا ان نغادرها الى مواقع البناء والنهوض ويومها لن ترى للنايل لاند اي مستقبل ...
|
Post: #21
Title: Re: احمد منصور لجيهان السادات (هو ايه يعنى السودان الولايات المتحده الامريكيه يعنى)؟
Author: عبد اللطيف عبد الحفيظ حمد
Date: 09-27-2010, 01:57 PM
Parent: #20
والله ما خليتو لي حاجة أقولها
غير الخنثي والعاهرة
وجيهان السادات كيف اعترفت في برنامج هذا الساقط بأن كسنجر قد قبلها قدام زوجها، وربما زاد على ذلك!!!
دايرين نرجع حلايب دي وبقية الأراضي السودانية المغتصبة من أولاد الرقاصة بس (نحتاج لي تضامن كبير خارج أروقة الحكومة)، أو تشكيل حركة تضغط على الحكومة!!!
|
Post: #22
Title: Re: احمد منصور لجيهان السادات (هو ايه يعنى السودان الولايات المتحده الامريكيه يعنى)؟
Author: مدثر صديق
Date: 09-27-2010, 02:15 PM
Parent: #21
سلام يا دكتور محمد بابكر
كتب الاخ اسامة البلال:
Quote: خلوهوا أحمد منصور إنتو رأيكم شنو هل فعلا السودان هو الولايات المتحدة !!!
بعيدا عن العقد والشعور بالدونية والحساسية المفرطة من كل ما يصدر من أي عربي....
أها بصراحة هل فعلا السودان هو الولايات المتحدة حتي نضرب به المثل في الديمقراطيه... |
و النقطة الاتكلمت عنها جيهان هي وضع المراة في البرلمان...
و افضل رد ما كتبه الاخ عبدالحى على :
Quote: السودان متقدم على كل الدول العربية في مسألة وضع المرأة.
|
|
Post: #23
Title: Re: احمد منصور لجيهان السادات (هو ايه يعنى السودان الولايات المتحده الامريكيه يعنى)؟
Author: اميرة السيد
Date: 09-27-2010, 02:49 PM
Parent: #22
دكتور محمد
كيفنك وكل سنة وانت طيب
ما لايعرفه المصريون بالفعل , وكما أشرت أنت، ان اول قاضية تعمل في السلك القضائي في البلدان العربية، كانت قاضية سودانية
وكذلك لا يعرفون أن الفراعنة السودانيين والذين يسمونهم بالفراعنة السود الست حكموا مصر والسودان وهم الذين جلبوا الحضارة
المدنية لمصر...وهي الحضارة التي يتبجح بها المصريون الآن..والرئيس الراحل السادات كان يقول دائما:" ان مصر لا تساوي شيئا بدون السودان" وكان الصحفيين المصريين يكرهون السادات لهذه المقولة ويقولون ان السادات يقول هذا لأن والده سوداني...
ونقول للأخ اسامة الذي اشار إلى ان السودان ليس الولايات المتحدة ويوافق الصحفي ن منصور في رأيه بأننا وعلى رغم اختلافنا
السياسي مع هذه الحكومة التي تسير دفة الحكم في السودان لكننا لا نرضي أبدا ان ينظر الاخرين للسودان نظرة دونية لأننا يجب
ان نفرق بين حب الوطن وحب السلطة الحاكمة للوطن..
والله يديكم العافية
|
Post: #24
Title: Re: احمد منصور لجيهان السادات (هو ايه يعنى السودان الولايات المتحده الامريكيه يعنى)؟
Author: أسامة البلال
Date: 09-27-2010, 03:11 PM
Parent: #23
يا منتصر في دي بتفق معاك السودان فعلا أفضل من النرويج ياخي في أقل من 50 سنة بعد الإستقلال عملنا أكتر من 10 إنقلابات 3 نجحوا والرابع في السكه. النرويج ليهم اكتر من 100 سنة علي الإستقلال لسه إنقلاب فاشل ماقدروا سوهو.
كل ما أسمع لي مارشات أقول إتقلبت ألقاهو إحتفال أو مهرجان. المزعلني ملك مسيكين وحكومة شوية نسوان عسكري نفر يسكهم قدامو يعني قاعدة في السهلة تعالو أقلبوني.
|
Post: #25
Title: Re: احمد منصور لجيهان السادات (هو ايه يعنى السودان الولايات المتحده الامريكيه يعنى)؟
Author: على محمد الخير
Date: 09-27-2010, 10:01 PM
Parent: #24
تحياتى للجميع ،،
الغريب فى الامر ان هذه الحلقات مع جيهان السادات هى حلقات معادة تم بثها قبل سنوات ... وفى حينها اثيرت نفس الحملة التى بداها صاحب البوست على ما اذكر وتم ادانة واستنكار هذه الاستهانة التى بدرت من مقدم البرنامج من قبل كثير من السودانيين وقًَبل استخفاف مقدم البرامج فى تلك الفترة بنفس ما اثرتموه اليوم من حنق واستنكار ... خلاصة القول منذ ان بثت هذه الحلقات فى حينها لم يتم حذف هذه الاساءة من قبل ادارة قناة الجزيرة وهاهى تعاد اليوم لتعاد مها الاستهانة مره اخرى ... يبدو ان صوتنا لا نسمعه الا نحن فقط ....
لك الله يا وطنى ...
|
|