(البشير) يفتتح(أكبر )مستشفي (لجراحةالقلب)في(افريقيا )بإحتفالات اعياد الشهيد في نوفمبر (بودمني)

وبكدا ستكون مدينة مدني الخضراء بها اكبر مستشفى لجراحة القلب بافريقيا كلها
والذي تم تشييده بتكلفة 43 مليون جنيه
ويبدأ تشغيله التجريبي خلال الايام القليلة القادمة

ولـــــــــــــــــــــــــــــــــــــــــي قـــــــــــــــــــــــــــــــدام

ولم الربط بين افتتاح المستشفي وأعيادالشهيد ياميادة
بعدين برنامج الاعراس ده حيدور تاني ولا شنو ؟


تقبلي تحياتي

Quote: ولم الربط بين افتتاح المستشفي وأعيادالشهيد ياميادة

اهلا يا خضر يا قريبي
اعياد الشهيد مناسبة خاصة
تستحق ان يحتفل بيها بانجازات كبيرة تليق بيهم

Quote: بعدين برنامج الاعراس ده حيدور تاني ولا شنو ؟

علاقة عرس الشهيد بعيد الشهيد شنو ياعمك
افرز الكيمان

الاخت ميادة
سلام

Quote: والذي تم تشييده بتكلفة 43 مليون جنيه ويبدأ تشغيله التجريبي خلال الايام القليلة القادمة

كأنك تتحدثين عن تشغيل ماكينة أو مصنع..
افتتاح المستشفيات مربوط فقط بتشييد المبانى الفخمة واستجلاب الاجهزة الحديثة، واهمال كامل وتام للكوادر البشرية..
من ناحية مبانى واجهزة احتمال يكون من اكبر مستشفى جراحة قلب..اما من ناحية كوادر بشرية- وهذا هو الاهم- فمن المؤكد هو ذيل القائمة..

Quote: فتتاح المستشفيات مربوط فقط بتشييد المبانى الفخمة واستجلاب الاجهزة الحديثة، واهمال كامل وتام للكوادر البشرية.. من ناحية مبانى واجهزة احتمال يكون من اكبر مستشفى جراحة قلب..اما من ناحية كوادر بشرية- وهذا هو الاهم- فمن المؤكد هو ذيل القائمة.

سلام عليكم دكتور امبدة

وانت كدكتور ما هو دورك في ذلك !!!!
وكمان ما تسبق الحوادث (ما حوادث المستشفى سمح !!!)

يا استاذة مدني دايرة مستشفى ملاريا ..

هل حسبتم نسبة الذين يموتون بالملاريا مقابل مرضى القلب..؟؟؟؟؟

يعني عيد الشهيد براهو وعرس الشهيد براهو
وبعدين عيدالشهيد ده يوم كم بالضبط وهل في اجازة أم لا ؟
وسؤال أخير لو سمحتي ياميادة :

اليوم بتاع عيدالشهيد ده اختاروهو علي يات اساس ؟
هل هو اليوم الذي استشهد فيه عمربن الخطاب ؟
أم هو اليوم الذي استشهد فيه حمزة ؟
أم الحصل في يوم داك منو بالضبط ؟



ــ
سؤالي ده جادي ياميادة ومنتظر اجابتك

عندي سؤال تاني يامياده :

بالنسبة لحقن كمال عبيد هل حيكون في تقسيم عادل للحقنة والحقنة ولا
التوزيع حيكون علي أساس جهوي ؟

ـــــــ
عذراً للتعديل

مياده إزيك وكل سنه وإنتى طيبه والسنه الجايه إنشاء
نشوفك كده فى معسكر الديمقراطيه والحريه وقد تحررت
من الفكر الشمولى الذى لا يشبهك ( آميين يارب ) .
بخصوص أكبر مستشفى للقلب فى إفريقيا ففى الخبر دلاله
على كثرة مرضى القلب فى السودان وبالتأكيد إن سبب
ذلك هو البشير وعصابته والضغوط التى فرضوها على المواطن
مما سبب كل الأمراض الخطيره والتى بدأت فى الإنتشار منذ
مجيئهم إلى السلطه, فالمعاناه كما تولد الإبداع فهى أيضا
تولد الأمراض ,, إرجعى لآخر إحصائيه بعدد مرضى الأيدز والفشل
الكلوى والسرطان ,, وقارنيهم بما قبل الإنقاذ أو بالدول
من حولنا ,, سوف تجدى النتيجه مذهله ومدهشه .
وبنشرك لهذا الخبر كمن تقولين أن البشير يفلق ويداوى ,,
تحياتى وجنبنا الله وإياك الخبيث من الأمراض .

ياميادة تحياتي
أولا مدني الخضراء إسم قديم قبل عشرين سنة
ثانيا لو شفتي حال مستشفى مدني اليوم لغيرتي رأيك في حكومة اللا وطني ونافع وعبيد
تصدقي الزول بجي داخل العنابر ومعاه السرير واللحاف والبطانية والعمود ( للأكل) والفحم لمن استطاع إليه طهيا ، لا تنسي الكفن موجود بين هذه الأغراض المتواضعة ، ما دخل فيه مريض إلا وهو في عداد المفقودين ... وتصدقي المريض طلع حي أو ميت يدفع تكاليف علاج الحيكومة ونفقات الدواء الدوار الهندي والصيني وأطباء الإمتياز كمان .. أها الزائر يدخل من أي بوابة من البوابات التي تفوق الخمسة ب 2 جنيه ؟ لا مظلات ولا حمامات ولا يحزنون كل زائر يدبر حالوا في قضاء (حاجاته) ....
وياقلب لا تحزن على مدني ولا على السودان كله فقد سرقوه ########وه تجار الدين والأخلاق والبترول والدولار
الشفيع

أحسن حاجة يا ميادة إنو الواحد ما بياخدك مأخذ الجد

أو بيعتبرك تؤدي في وظيفة .. لا فرق

Quote: وانت كدكتور ما هو دورك في ذلك !!!! وكمان ما تسبق الحوادث (ما حوادث المستشفى سمح !!!)

لا هنا بالذات المفروض نسبق الاحداث. يعنى قبل ما العمال يحفروا الاساس لبناء المستشفى المفترض نكون بدأنا فى اعداد وتدريب
جراحى القلب والسسترات والممرضين وحتى العمال الذين سيعملون فى هذا المستشفى.
السائد الان هو تشييد مستشفيات فخمة واستجلاب اجهزة متقدمة، ثم يأتى بعدها التفكير فى ايجاد الكادر البشرى.
اتساءل من هم جراحى القلب الذين سيعملون فى هذا المستشفى؟
فى نفس الوقت : اكفأ الجراحين فى مستشفى مدنى التعليمى هجروا المستشفى ونزحوا الى الخرطوم..

دكتور أمبده
تصدق وحدة غسيل الكلى بمدني تفتقر للكادر المؤهل القادر حتى تركيب القسطرة للمريض ، شوف عين جدتي عليها رحمة الله من الساعة 8 م حتى الساعة 1 ص لم يتركوا شبرا في جسدهاإلا جربوه وحتى العنق نال حقه من العبث وفشلوا في الآخر في تركيب القسطرة ... خلونا من قصة الأكبر والأفخم دي ياميادة
نسيتوا ضرب وسحل شرفاء الأطباء ؟ كم خرج منهم ؟
الشفيع

Quote: أحسن حاجة يا ميادة إنو الواحد ما بياخدك مأخذ الجد أو بيعتبرك تؤدي في وظيفة .. لا فرق

سلام يا ميادة.,,

كيف يمكن إنشاء أكبر مستشفى فى القارة فى مدينة تفتقر إلى الخدمات الأساسية والبنية التحتية!!!!
الإقليم نفسه إقليم منهار وأهله يرزحون تحت الفقر والفاقة وحاجتهم لتأمين مصادر العيش الكريم
ولقمة العيش لهم ولأطفالهم ومدرسة مكتملة الأركان من معلم مؤهل وكتاب وفصل وسبورة أكبر من أن
ننشئ لهم أكبر مستشفى قلب فى أفريقيا!!!!

كان الأجدى أن يتم تأهيل مستشفى مدنى التعليمى تأهيل حقيقى قبل أن نفتح أكبر مستشفى قلب فى أفريقيا
فى مدنى فذاك والله أنجع وأكثر فائدة,,


تحياتى,,

الشهيد منو

Quote: وبكدا ستكون مدينة مدني الخضراء بها اكبر مستشفى لجراحة القلب بافريقيا كلها والذي تم تشييده بتكلفة 43 مليون جنيه ويبدأ تشغيله التجريبي خلال الايام القليلة القادمة

وين الصور


---------------
وين الجريدة

ميادة يا ريت لو تتعمم الفكرة علي كل مدن السودان عشان معظم الشعب جاهو وجععع قلب

Quote: دكتور أمبده تصدق وحدة غسيل الكلى بمدني تفتقر للكادر المؤهل القادر حتى تركيب القسطرة للمريض ، شوف عين جدتي عليها رحمة الله من الساعة 8 م حتى الساعة 1 ص لم يتركوا شبرا في جسدهاإلا جربوه وحتى العنق نال حقه من العبث وفشلوا في الآخر في تركيب القسطرة ...

وحدة غسيل الكلى بمدينة ود مدنى تعتبر ثانى مركز على مستوى السودان وتم افتتاحه قبل اكثر من عشرين عام..يعنى لو فى شوية اهتمام بالكادر البشرى
كان من الممكن ان يكون من المراكز العريقة على مستوى افريقيا..لكن الاهمال للكوادر الطبية من اطباء وسسترات وممرضين وحتى العمال يجعل معظمهم لا يستمر
فى العمل. يذهب لمكان افضل ليأتى من بعده ليبدأ خبرته من الصفر...لو حافظنا على ذاك الممرض وتلك السستر وذاك الطبيب طيلة عملهم (20 عاما) وعملنا على
تدريبهم باستمرار لكان لدينا الان خبرة متراكمة و20 عام ليست بالفترة البسيطة ..ما يحدث الان تذهب الخبرة ليأتى من هو بلا خبرة ليبدأ من الصفر وللاسف لا يجد من
هو اقدم منه..وتبدأ المشاكل..هذا هو الحال فى كثير من المراكز الطبية..والحل بسيط الاهتمام بالكادر البشرى ليس بالاطباء فقط بل كل الكوادر الطبية..

انا مع انشاء مستشفى جراحة القلب فى مدنى لكن ليس بتلك الطريقة المبتذلة ((تشغيل تجريبى !!!))..انشاء مستشفى يعنى فى الاول توفير الكوادر المؤهلة..

.
.

تحياتى يا مياده

شكرا لك لنقل الخبر والذى أشك فى جزء منه (( أكبر مستشفى للقلب بافريقيا ))
ولا أريد أن أناقشك فى هذا فأنت نقلتى خبرا كما هو .....


ولكن السؤال هو (( ماهى حوجة مدينة ودمدنى الحقيقيه )) ؟؟؟؟؟؟؟؟؟؟؟؟؟؟؟


ودمدنى تحتاج إلى مستشفى للملاريا كما سبقنى أحد الأخوان ، وتحتاج الى تشغيل
مشروع الجزيره ، وتحتاج الى تشغيل مصانع الغزل والنسيج ، ومصانع الدقيق و
مصانع الزيوت ، صدقينى لو عمل ما ذكرته أعلاه بنسبة 20 % وأقيم مستشفى للملاريا
بودمدنى لكان أفضل من هذا السباق المحموم !!! ولكنا رأينا مدبنة ودمدنى كما
عرفناها قبل أكثر من 25 سنه .......



.
.

تحياتى ثانيه
.
.

خبر جميل افتتاح المشافى شكرا ميادة

Quote: خبر جميل افتتاح المشافى شكرا ميادة

شكرا يا اخي نوريت
ونسال الله ان يحفظ اهلنا في الجزيرة الخضراء
وان يكون المستشفى مورد دخل وعوائد لخزينة ولايتهم
ومرفق سوداني ذائع الصوت خارج البلاد

هلا فيك بشير اخوي

Quote: شكرا لك لنقل الخبر والذى أشك فى جزء منه (( أكبر مستشفى للقلب بافريقيا )) ولا أريد أن أناقشك فى هذا فأنت نقلتى خبرا كما هو .....

شكرا على حسن الظن

Quote: ولكن السؤال هو (( ماهى حوجة مدينة ودمدنى الحقيقيه )) ؟؟؟؟؟؟؟؟؟؟؟؟؟؟؟

انشاء المستشفى خطوة للامام في سبيل التنمية والعمران وتقديم الخدمات للمواطنين داخل وخارج الولاية
كما وانها واحدة من الانجازات في مسيرة انجازات قادمة
لا تحملوا الانقاذ وحده فشل الخدمات
واصبروا في نفس الوقت على الحكومة
رغم انو الحكومة يدها كانت مكبلة بحرب الجنوب ثم اندلاع الصراع في دارفور مع وضع حرب الجنوب اوزارها
لم تقصر الحكومة في انجاز العديد من الالتزامات لتي التزمت بها
رغم المؤامرات التي تحاك ضده من الداخل والخارج
فرصفت الطرق وبنت خزان مروي والعديد من الكباري والطرق داخل وخارج ولاية الخرطوم
مكابر من ينكر ان الانقاذ رغم الاحن لم تقدم شئ
نحن لا ننظر اعتراف من المعارض لان فاقد الشئ لا يعطيه
وهي لن تعترف لنا بشئ هي لم تنجح في ان تقدمه للمواطن
لكن في نفس الوقت نحيي الانقاذ في انها نجحت في ان يكون سودان اليوم هو غير سودان 1989م
رغم انها تحملت اعباء حرب الجنوب ومشكلة دارفور والضغوط الخارجية شئ محكمة جنائية وشئ في قائمة الدول الراعية للارهاب وعقوبات اقتصادية وووو

شكرا على مرورك
وحبابك

يا جماعة ............... (قالها مخاطباً جميع المتداخلين)

شنو شابكيننا (هل مدني محتاجة) و(الشعب السوداني جاهو وجع قلب) الحكاية أبسط من كده.

المسألة أن يتم الإفتتاح، وتنقله وسائل الإعلام، و(تهليل ..... تكبير) وينتهي الموضوع.

نسيتو موضوع السد؟

إنتو الكهربا أخبارها شنو؟

الاخ ابو الريش
سلام

Quote: شنو شابكيننا (هل مدني محتاجة) و(الشعب السوداني جاهو وجع قلب) الحكاية أبسط من كده. المسألة أن يتم الإفتتاح، وتنقله وسائل الإعلام، و(تهليل ..... تكبير) وينتهي الموضوع. نسيتو موضوع السد؟ إنتو الكهربا أخبارها شنو؟

دا نضالكم طبعا
ودي طريقتكم في النضال
الواحد فيكم قاعد بره السودان وعامل فيها معارض ومناضل في الحكومة
ويقعد يبخس الناس اشيائهم وانجازاتهم
فلا تبخسوا الانقاذ انجازاتهم
اسال اهلك في بري المحس
الكهرباء اخبارها شنو بعد ما عملوا سد مروي وبعد ما خصخصوا الهيئة القومية للكهرباء

ميادة ....... وعليكم السلام.

Quote: دا نضالكم طبعا ودي طريقتكم في النضال الواحد فيكم قاعد بره السودان وعامل فيها معارض ومناضل في الحكومة

الباللون الأحمر حأفوتها ... عشان فهمت إنتي قاصدة شنو.

بس المرّة دي نسيتي تقولي (آكلي الويلفير) .......... ما علينا.

أوّل شئ يا ستي أنا ما طرحت نفسي مناضل.

من غير ما أسأل أهلي ..... إنتي شايفة شنو؟ خلاص قطع الكهرباء وقف؟

بعدين أنا ما ببخس شئ ..... لكن فترنا من الكذب، كل يوم يجوا يقولوا لينا حصل وحصل ..... البيسمع الأخبار، يقول المدن والقرى السودانية وصلت القرن 25.

أقول ليك حاجة؟

والله الحكومة لو رجّعتنا لسنة 1972، تكون ما قصّرت، وأعلن تأييدي ليها من دربي ده. أيوة ....... أقصى ما أتمنى كمواطن سوداني، أن يرجع بي الحال 40 سنة.

ألف شكر دكتور
أصبت كبد الحقيقة ، لكن مع جماعة التمكين نقول شنو ؟
الشفيع