Post: #1
Title: يااعزائي ...... اين اجد هذه الكتب ؟
Author: Magdi Algorashi
Date: 09-24-2010, 06:08 PM
Parent: #0
كتاب الكشكول بتاع المرحلة الابتدائية (الاولية سابقا)
كتاب المطالعة (المرحلة الاولية)
كتاب الاناشيد السنة الرابعة اولية (في القولدالتقيت بالصديق)
كتاب الجغرافيا السنة الرابعة اولية ( سبل كسب العيش في العالم)
كتاب حساب التلميذ (السنة الرابعة اولية)
المدونة الطبيعية .
وكل الكتب اصدارات بخت الرضا
والله ايام يازمـــــــــــان
|
Post: #2
Title: Re: يااعزائي ...... اين اجد هذه الكتب ؟
Author: Magdi Algorashi
Date: 09-24-2010, 06:37 PM
Parent: #1
***
|
Post: #4
Title: Re: يااعزائي ...... اين اجد هذه الكتب ؟
Author: ناصر المحسى
Date: 09-24-2010, 06:45 PM
Parent: #2
الا تشوف مدرسة تأسست قبل 40 سنة او محلات بيع الكتب القديمة
|
Post: #3
Title: Re: يااعزائي ...... اين اجد هذه الكتب ؟
Author: صديق_ضرار
Date: 09-24-2010, 06:43 PM
Parent: #1
مجدى سلامات
كنا حنشوفها ليك
لكن إنت آخر الدنيا
فأخير تشوفها من السودان رأسا
لكن عندنا ليك :
1 -
فى القولد التقيت بالصديـق أنعم به من فاضل ، صديقى
خرجت أمشى معه للساقية ويا لها من ذكريات باقيــة
فكم أكلت معــه الكابيدا وكــم سمعت اورو والودا
***
ودعته والأهل والعشيرة ثم قصدت من هناك ريره
نزلتها والقرشى مضيفى وكان ذاك فى أوان الصيف
وجدته يسقى جموع الإبل من ماء بئر جره بالعجـل
***
ومن هناك قمت للجفيـل ذات الهشاب النضر الجميل
وكان سفري وقت الحصاد فســرت مع رفيقى للبــلاد
ومر بي فيها سليمان على مختلف المحصول بالحب إمتلا
ومرةً بارحت دار اهـلى لكي أزور صاحبى ابن الفضل
ألفيته وأهله قد رحلـوا من كيلك وفى الفضـاء نزلوا
فى بقعة تسمى بابنوسـة حيث اتقوا ذبابة تعيســــة
***
ما زلت فى رحلاتى السعيدة حتى وصلت يا مبيو البعيدة
منطقة غزيرة الاشجــار لما بها من كثرة الأمطــار
قدم لى منقو طعــم البفره وهو لذيذ كطعام الكســـره
***
وبعدها استمــر بى رحيلى حتى نزلت فى محمد قـــول
وجدت فيها صاحبي حاج طاهر وهو فتى بفن الصيد ماهـــر
ذهبت معه مرةً للبحـــــر وذقت ماء لا كماء النهــــر
****
رحلــت من قول لودْ سلفاب لألتقى بسابع الأصحــــاب
وصلته والقطن فى الحقل نضر يروى من الخزان لا من المطر
أعجبنى من أحمد التفكيـــر فى كــــل ما يقوله الخبيرُ
***
ولست أنسى بلدة أم درمــان وما بها من كثرة السكـــان
إذا مرّ بي إدريس فى المدينة ويا لها من فرصـــة ثمينة
شاهدت أكداساً من البضائــع وزمراً من مشتر وبــــائعْ
***
وآخر الرحلات كانت أتبره حيث ركبت من هناك القاطره
سرت بها فى سفر سعيد وكان سائقى عبد الحميـــد
أُعجبت من تنفيذه الأوامر بدقة ليسلم المســـــافر
***
كل له فى عيشه طريقـة ما كنت عنها أعرف الحقيقـة
ولا أشك أن فى بــلادى ما يستحق الدرس باجتهـــاد
فإبشر إذن يا وطني المفدي بالسعي مني كــي تنال المجدا
2 - كتاب الجغرافيا : سبل كسب العيش ( دا الإنت عايشه - فى الإغتراب والإحتراب
يا بطل .
كتاب الحساب بقى ِ: ADDITIONAL MATH لى زمنا
لأنه الأرقام بقت فلكية حتى فى القروش
وبيع الذمم
يازول أنا منى الحبة الذكرتها
فشوف المنبر فيه كم عضو وكل واحد والقدره
وبعدين إنت مادام سنقل ، تاعبنا معاك ليه
وكيف حيكون لمن تبقى دبل
سلام كتير يا مجدى
صديق
|
Post: #5
Title: Re: يااعزائي ...... اين اجد هذه الكتب ؟
Author: Magdi Algorashi
Date: 09-24-2010, 07:26 PM
Parent: #3
الاخ ناصر المحسي
سلام وشكرا للمرور
محلات بيع الكتب القديمة بعد البحث العميق
لاتوجد كتب مدرسية تخص تلك الفترة .
ولك ودي
|
Post: #6
Title: Re: يااعزائي ...... اين اجد هذه الكتب ؟
Author: Magdi Algorashi
Date: 09-24-2010, 07:40 PM
Parent: #5
الاخ صديق كرار
سلامات
تطلعت راجل قديم مواليد قبل اكتوبر ياصديق
في وجود تلك الكتب مسالة وصولها لي دي ساهلة جدا
الله اخلي لينا ماسنجر بكري .
والله قصيدة القولد دي عادت لي ايام مضت
يالها من ايام , لكن دحين في قصيدتك دي
مانسيت عمنا منقو في يامبيو البعيدة
والله صدقت في تعليقك علي كتاب سبل كسب
العيش في العالم .
اما كتاب الحساب دا قلت لي خلاص الاقام اختفت والله كارثة.
شكرا تاني لك اخي صديق ولك كل الود.
|
Post: #7
Title: Re: يااعزائي ...... اين اجد هذه الكتب ؟
Author: عمار عبدالله عبدالرحمن
Date: 09-24-2010, 07:58 PM
Parent: #6
الاستاذ مجدي
الا تراجع الوزارة ,, او ادراة المناهج التربوية ,,
من اكثر المناهج الاعجبتنى كتاب الكشكول والمهارات التى كنا نتعملها منها ,
متعك الله بالصحة والعافية ,,
|
Post: #8
Title: Re: يااعزائي ...... اين اجد هذه الكتب ؟
Author: Abuelgassim Gor
Date: 09-24-2010, 08:00 PM
Parent: #7
يا مجدى انت وين؟؟
|
Post: #9
Title: Re: يااعزائي ...... اين اجد هذه الكتب ؟
Author: Magdi Algorashi
Date: 09-24-2010, 08:33 PM
Parent: #7
اخي عمار
تحياتي وسلامي
راجعت كل شي له علاقة بتلك الكتب المذكورة من وزارات
وادارات بواسطة نفر كريم يعمل في هذا المجال منذ امد بعيد
وللاسف المحصلة صفر .
اما كتاب الكشكول كما ذكرت يااخي عمار فهو يعتبر منهج تعليمي
لوحده ويعتبر موسوعة.
اكرر شكري ياعمار ولك كل الود
|
Post: #10
Title: Re: يااعزائي ...... اين اجد هذه الكتب ؟
Author: Magdi Algorashi
Date: 09-24-2010, 08:37 PM
Parent: #9
الاخ ابوالقاسم سلام
والله انا في تلك الدنباالفانية دي !!!!
|
Post: #11
Title: Re: يااعزائي ...... اين اجد هذه الكتب ؟
Author: حاتم محمود الجاك
Date: 09-24-2010, 09:35 PM
Parent: #10
غالي والطلب رخيص يا ودقرش
تمشي مكتبة الميز تلقى كل الانت عايزو
ولو نسيت المكتبة دي خليني اذكرك ليها
تقع في الركن الجنوبي الشرقي لسوق المحصول
مقابل دكان عمك علي كنيش جنوبا ومقابل دكان عمك
صلاح البستاني شرقا..
سلام
وتحياتنا للحاجة ولكل اولاد قرشي
|
Post: #12
Title: Re: يااعزائي ...... اين اجد هذه الكتب ؟
Author: Afraa Sanad
Date: 09-24-2010, 09:45 PM
Parent: #11
| Quote: تمشي مكتبة الميز تلقى كل الانت عايزو |
مجدي وحاتم سلام بالله يا حاتم لسه المكتبه دي حيه أنا زمان كنت ما بطلع منها بس على زمنا ما كان اسمها الميز أظن سيدها كان واحد من المساعداب أسمه محمد
|
Post: #13
Title: Re: يااعزائي ...... اين اجد هذه الكتب ؟
Author: حاتم محمود الجاك
Date: 09-24-2010, 10:04 PM
Parent: #12
عفراء
ازيك وازي اخبارك
فعلا المكتبة بتاعة اخونا المساعدابي واسمه محمد الميز
وطبعا راحت المكتبة من زمان مع الاشياء الكتيرة الجميلة الراحت
بس انا عايز اهيج في مجدي الشوق والحنين لتلك الايام وتلك
المشاهد والامكنة ..
تحياتنا لمعروف سند وللجميع
|
Post: #14
Title: Re: يااعزائي ...... اين اجد هذه الكتب ؟
Author: Magdi Algorashi
Date: 09-24-2010, 10:10 PM
Parent: #12
الاخ الجميل
حاتم محمود
تحياتي وسلامي لك وكل افراد الاسرة الكريمة
والله ياحاتم الكتب دي لو عثرت عليها قول لي عووووك
اما بخصوص مكتبة الميز اول مرة اسمع باسم الميز مقرونا بالمكتبة
من معلوماتي الاكيدة انو المكتبة دي كان صاحبها اسمو خير السيد
في اخر ستينات وحتي سبعينات القرن المنصرم
ولاادري اذا كانت موجودة حتي الان ولا جري عليها غبار الزمن
واختفت كما اختفت معالم كثيرة مازال صداها يرن.
اخي حاتم تقبل سلام الجميع والود
|
Post: #15
Title: Re: يااعزائي ...... اين اجد هذه الكتب ؟
Author: cantona_1
Date: 09-24-2010, 10:16 PM
Parent: #14
يا مجدي .. سلامات.. سؤال دكتور محمد قور لم تعطه حقِّه وكنت أود أن أسألك نفس السؤال لأدُلك أين تجد تلك الكُتب؟ فلو كنت في السودان يختلف عما إذا كنت في مليزيا أو اميركا أو أم طرقاً عراض. تحياتي.
كبـــَّـاشي الصــَّــافي
|
Post: #16
Title: Re: يااعزائي ...... اين اجد هذه الكتب ؟
Author: Magdi Algorashi
Date: 09-24-2010, 10:17 PM
Parent: #14
الاخت الجميلة عفراء
سلامي وتحياتي
شكرا لمرورك الكريم
سلامي لجميع افراد الاسرة الكريمة فردا فردا
وسلام لمعروف .
ماتقول لي الفي البروفايل بتاعك دا بنتك
والله ماشاء الله ربنا يخلي ليك العيال
لك مني كل الود
|
Post: #17
Title: Re: يااعزائي ...... اين اجد هذه الكتب ؟
Author: Magdi Algorashi
Date: 09-24-2010, 10:26 PM
اخي كباشي
تحياتي وسلامي
المعذرة لعدم فهمي لسؤال الاخ دكتور قور
فيااخي كباشي انا خارج السودان في امريكا
فربنا يجمع شمل الجميع
وشكرا يااخي كباشي لحضورك ومرورك
لك مني كل الود
|
Post: #18
Title: Re: يااعزائي ...... اين اجد هذه الكتب ؟
Author: cantona_1
Date: 09-24-2010, 10:36 PM
Parent: #17
| Quote: فيااخي كباشي انا خارج السودان في امريكا |
طيب طالما إنت في أم ريكة كما يسميها أهلي .. لو حِلّتكم قريبة من الحِلّة الفيها مكتبة الكونقرس يعني واشنطن أمشي هناك بتلقى كل الرايح ليك من كتب السودان القديمة التي طلبتها. تحياتي.
كبـــَّـاشي الصــَّــافي
|
Post: #19
Title: Re: يااعزائي ...... اين اجد هذه الكتب ؟
Author: Magdi Algorashi
Date: 09-24-2010, 10:44 PM
Parent: #18
كباشي
سلامات
شكرا للمعلومة
بعد مكتبة الكونغرس
تاني مافاضل لي حاجة الا المتحف عديل كد1
|
Post: #20
Title: Re: يااعزائي ...... اين اجد هذه الكتب ؟
Author: Ridhaa
Date: 09-24-2010, 11:35 PM
Parent: #19
الأخ مجدي
سلام ..
كتاب ( سبل كسب العيش في السودان ) من تأليف الأستاذ / عبد الرحمن على طه ..
أحد رواد التعليم آنذاك وهو من أسرة آل طه بالعمارة طه ( أربجي ) .. . .
جد عضو المنبر واصل علي ...
ممكن تتصل به ربما ساعدك في كيفية الحصول عليه ....
تحياتي
|
Post: #21
Title: Re: يااعزائي ...... اين اجد هذه الكتب ؟
Author: Magdi Algorashi
Date: 09-25-2010, 00:05 AM
Parent: #20
Quote: كتاب ( سبل كسب العيش في السودان ) من تأليف الأستاذ / عبد الرحمن على طه ..
|
Ridhaa
سلام علي المعلومة القيمة وباذن الله اتصل بالاخ واصل
لك الود
|
Post: #22
Title: Re: يااعزائي ...... اين اجد هذه الكتب ؟
Author: Ridhaa
Date: 09-25-2010, 00:11 AM
Parent: #21
He is on line now
Many Thanks.
|
Post: #23
Title: Re: يااعزائي ...... اين اجد هذه الكتب ؟
Author: Ridhaa
Date: 09-25-2010, 00:17 AM
Parent: #22
يامجدي
اذا تعذر ..يمكنك الاتصال ب :
الدكتورة فدوى عبدالرحمن علي طه الأستاذ المشارك بقسم التاريخ
كلية الآداب - جامعة الخرطوم - .
|
Post: #24
Title: Re: يااعزائي ...... اين اجد هذه الكتب ؟
Author: Ridhaa
Date: 09-25-2010, 00:35 AM
Parent: #1
|
Post: #25
Title: Re: يااعزائي ...... اين اجد هذه الكتب ؟
Author: بكري الصايغ
Date: 09-25-2010, 00:47 AM
Parent: #1
الأخ الـحـبيـب الـحـبـوب،
Magdi Algorashi
تحياتي ومودتي،
اهلنا العرب قالوا في امثالـهم:
احـمقان:
معيـر كتاب ، ومـعيـده!
لك مودتي اخي مـجدي.
|
Post: #26
Title: Re: يااعزائي ...... اين اجد هذه الكتب ؟
Author: Afraa Sanad
Date: 09-25-2010, 04:19 AM
Parent: #25
مجدي يا عزيز ألفي البروفايل دي بتي "خالتك امنة" انشالله بس عندكم لينا عريس
تحياتي للخاله ستنا و حنان و بالله سلام شديد للصديق الزمان محمد قرشي
|
Post: #27
Title: Re: يااعزائي ...... اين اجد هذه الكتب ؟
Author: حاتم محمود الجاك
Date: 09-25-2010, 07:54 PM
Parent: #26
مجدي
شايفك مُصر على الموضوع ومادام الموضوع كدا
ماعندك إلا مكتبات بخت الرضا اكيد فيها .. او يفترض يكون فيها
لكم التحية والمودة
|
Post: #28
Title: Re: يااعزائي ...... اين اجد هذه الكتب ؟
Author: Abdulrahman Gorashi
Date: 09-25-2010, 08:05 PM
Parent: #27
ياحبيب هو اصلو بعد الانفصال الجايك دا، لا في قولد ولا صديق ولا منقو ذاتو،
|
Post: #29
Title: Re: يااعزائي ...... اين اجد هذه الكتب ؟
Author: منتصرمحمد زكى
Date: 09-25-2010, 09:19 PM
Parent: #28
ياخ ممكن تلقى الكتب الأثرية دي في :
- جوار البوستة امدرمان .
- جوار الكنيسة بحري .
لأنو كتاب الطبقات والنسخة الأصلية من ألف ليلة وليلة اشتراهم
عمي من الحتتين ديل .... ربنا يوفقك
|
|