Post: #1
Title: مشينا العمرة
Author: mohmmed said ahmed
Date: 09-24-2010, 05:19 AM
فى نهايةشهر رمضان المبارك عمرنا
ليلة27والدنيا زحمة
زحمة وجو ساخن وتعب مع اصطحابنا للاطفال
سافرنا بالسيارة
كنت خايف من اجراءات السعوديين وانا سامع عن السؤال عن الاقامة والتفتيش الكتير
منذ دخولنا للسعودية لم يطلب منا الجوازات الا ونحن نخرج فى الحدود
سعدت باللقاء مع الاخوان والاصدقاء اشقائى جمال ويحيى فى الدمام
وابناء الخال احمدحسن وناصر خيرى
واصدقاء الجبل المهندس محمدميرغنى والاستاذ فتحىكابو
تشرفت بزيارة جمعيةابناء البلدفى الرياض والدمام
كنت متخيل السعودية كلها رمال لكن طبيعة الارض التى مررنا بها من الدمام الى الرياض ثم مكة جدة المدينة صخرية
لاحظت غياب الخضرة والعمران مقارنة بالامارات
تعامل السعوديين فيهو غلظة
ونحن نحاول الدخول لمنطقةقبر الرسول منعنا البوليس وقام بدفعى بصورة عنيفة
هممت بالدخول فىمشاجرة وتراجعت
قلتا يازول خلى بالل طويل انت فى عمرة
والسبب التانى انو الزول شرطة وما ادراك ما الشرطة
|
Post: #2
Title: Re: مشينا العمرة
Author: Haytham Abdulaziz
Date: 09-24-2010, 10:45 AM
Parent: #1
سلامات يا محمـد و كل سنة و إنت طيب.....
جمعة مباركة.....
عٌمرة مباركة.....
و حمــداً لله على الســلامـة......
|
Post: #3
Title: Re: مشينا العمرة
Author: خضر الطيب
Date: 09-24-2010, 12:01 PM
Parent: #2
الاخ الاستاذ / محمد
لك التحيه
وعمره مقبوله باذن الله
Quote: تعامل السعوديين فيهو غلظة
ونحن نحاول الدخول لمنطقةقبر الرسول منعنا البوليس وقام بدفعى بصورة عنيفة
هممت بالدخول فىمشاجرة وتراجعت
قلتا يازول خلى بالل طويل انت فى عمرة
والسبب التانى انو الزول شرطة وما ادراك ما الشرطة |
كلامك دا ذكرني بي حادثه شبيهة , اول ماجيت السعوديه مشيت اعمل عمره
وبعد العمره مشيت لزيارة قبر الحبيب, كانت الروضه الشريفه مقفوله بسور متحرك
اول ما اقاموا الصلاه قامو ناس الشرطه حركو السور دا والناس دخلت في الروضه الشريفه
الرسول صلي الله عليه وسلم قال ( مابين قبري ومنبري روضة من رياض الجنه).
بدو الناس يتزاحمو في الحته دي وقفت في اول صف واذا به جلف سعودي قام دفرني بصوره مستفذه جدا
والله بعدها انا ماكنت شايف قدامي وكنت متأكد لو انا ضربت السعودي دا واحد من اثنين يا اما مات
او على اقل تقدير دخل في كوماوبعدها حيحصل ليهو شلل رباعي, استغفرت ومشيت سبتا ليهو المكان لحته تانيه,مراعاة لحرمة المكان
وانحنا في حضرة المصطفي صلي الله عليه وسلم , دا كان اول انطباع وانا لسه جديد في البلد
رغم اني ما بحب انزل تصرف شخص على شعب كامل لكن بعد تجربه سنوات اتاكدت تماما انو دا شعب سئ الخلق
اول مره امشي الامارات من السعوديه, طلعت من منفذ البطحا كنت سايق عربيه لاندكروزر وقفني الضابط
قال لي وين اوراق السياره ؟ اديتو الاوراق عاين فيها وعاين فيني قال لي اقامتك قلت ليهو مفروض انت عارف انو لما واحد
اجنبي ذيي كده يعمل خروج وعوده رب العمل او الكفيل بياخد منو الاقامه وبديهو الجواز واهو دا الجواز
قام قال لي دي سيارة كفيلك وانت سواق ؟ قلت ليهو دي سيارتي وبدليل الاوراق العندك , يعني قمة الاستفزاز
البعير دا كان عاوزني انفعل عشان يلقا ليهو سبب ويعطل سفري, حسبي الله عليهم شعب صدفه فعلا ذي مابقولو المصريين
لما دخلت جوازات الامارات شعرت بي فرق كبير جدا في التعامل , قمة الانضباط والمهنيه وترحيب يخجلك .
ونفس الشي حصل لي لما مشيت قطر في ابوسمره وانا داخل لقيت ضباط جوازات قمه في الانسانيه , تعامل راقي وترحيب يشعرك حقيقه انك في بلدك
وشعب طيب وانساني الا السعوديين , بعدها قررت انو السعوديه دي لو الطياره الحاركبا حتعبر الاجواء السعوديه والله ما اركبا
اعوذ بالله منهم ياخ
|
Post: #4
Title: Re: مشينا العمرة
Author: mohmmed said ahmed
Date: 09-24-2010, 01:18 PM
Parent: #3
شكرا هيثم وعقبالك
يمكن يا خضر الاحساس بجفاء تعامل السعوديين
هو عندالمقارنة بلطف ودماثة اهل الامارات
|
Post: #5
Title: Re: مشينا العمرة
Author: abas
Date: 09-24-2010, 01:46 PM
Parent: #4
مبروك العمره
منتظرين لمة عباس
قال عليه البيض المسلوق وانت اللقيمات بتاعت كرامة العمره
دكتور اسامه الشاي
انا الونسه وود البشري معاي بنونسكم
|
Post: #6
Title: Re: مشينا العمرة
Author: mohmmed said ahmed
Date: 09-25-2010, 04:35 AM
Parent: #5
هى العمرة بيعملو ليها كرامة
اخوك جديد يا ركس
جاهزين يازول
اصلنا كايسين اللمة
|
|