Post: #1
Title: وارغو .. فراق بينى وبينك يا مريخ !!
Author: صلاح أبودية
Date: 09-22-2010, 12:47 PM
Parent: #0
بعد أن أجمع علماء مجلس المريخ على التخلص من اللاعب وارغو لفريق ليبى مغمور ..
وبعد أن شكك كل الشعب السودانى فى موهبة اللاعب وارغو وسـخروا منه حتى
نحروا موهبته ووأدوا إبداعه ..
ثبت لى بما لا يدع مجالاً للشك إننى وأعوذ بالله من كلمة أنا ...
وضح لي جلياًَ عدم إلمامى بكرة القدم لا لعباً ولا تشجيعاً !!
فقد كنت أعتقد وحسب ما أوهمنى حدسى الماسورة أن هذا اللاعب
هو فلته من فلتات كرة القدم التى قل ما يجود بها الزمان وكنت أظنه من طينة العظماء فى هذه اللعبة
أما وبعد إجماع علماء السودان وعباقرة الكرة بالبلاد على أن النسر النيجيرى ما هو إلا ماسورة من المواسير ...
أعلن ومن هذا المنبر الحر ..
أعلن للجميع عن تركى ما لا علم لى به ألا وهو تشجيع كرة القدم ..
وبالتالى تشجيع المريخ أو خلافه !
وحسبى الله ونعم الوكيل
|
Post: #2
Title: Re: وارغو .. فراق بينى وبينك يا مريخ !!
Author: omer osman
Date: 09-22-2010, 12:56 PM
Parent: #1
Quote: بعد أن أجمع علماء مجلس المريخ على التخلص من اللاعب وارغو لفريق ليبى مغمور ..
وبعد أن شكك كل الشعب السودانى فى موهبة اللاعب وارغو وسـخروا منه حتى
نحروا موهبته ووأدوا إبداعه ..
ثبت لى بما لا يدع مجالاً للشك إننى وأعوذ بالله من كلمة أنا ...
وضح لي جلياًَ عدم إلمامى بكرة القدم لا لعباً ولا تشجيعاً !!
فقد كنت أعتقد وحسب ما أوهمنى حدسى الماسورة أن هذا اللاعب
هو فلته من فلتات كرة القدم التى قل ما يجود بها الزمان وكنت أظنه من طينة العظماء فى هذه اللعبة
أما وبعد إجماع علماء السودان وعباقرة الكرة بالبلاد على أن النسر النيجيرى ما هو إلا ماسورة من المواسير ...
أعلن ومن هذا المنبر الحر ..
أعلن للجميع عن تركى ما لا علم لى به ألا وهو تشجيع كرة القدم ..
وبالتالى تشجيع المريخ أو خلافه !
وحسبى الله ونعم الوكيل |
تعرف ياسعادتك وارغو ده حير الطب والطبيب .......
مرة تقول لعاب ومرة تقول ماسورة ....
مرة تقول متفلسف ومرة تقول عندو عارض ........
المهم : وارغو لم ينجح ولن ينجح مع المريخ ..........
كان لعاب والا ما لعاب زي بقي في حاجز نفسي بينه وبين الجمهور وبينو وبين الكورة ذاته .........
العجب بدء متعثراً جداً مع المريخ برغم تألقه الواضح مع كوبر ........
وظن البعض انه ماسورة لكن نجح في نهاية الامر ......
يمكن لانه سوداني وقدر يتأقلم مع الظروف والاجواء المحيطة ........
وبدل ما تضيع موهبة وارغو وطالما الامر امساك بمعروف او تسريح باحسان ......
خلوهو يمشي وربنا يخلف عليهو وعلينا ........
وفي كل الاحوال سبب بخليك تخلي المريخ ماف .........
ما تخاف الهلال ما بشيل الكأس .......... اسمعه مني .......
|
Post: #3
Title: Re: وارغو .. فراق بينى وبينك يا مريخ !!
Author: فايزودالقاضي
Date: 09-22-2010, 01:04 PM
Parent: #2
دخل تشجيع المريخ شنو بفشل وارغو ؟!! ياخي إن كان لابد فقاطع نيجيريا او اى فريق نيجيري ...
يسري ساب المريخ فشكرنا الله لانه ايمانه بالمريخ ضعيف .. اها نشكر الله فيك ولا ترجع ؟!!
ثم تحياتي ..
|
Post: #5
Title: Re: وارغو .. فراق بينى وبينك يا مريخ !!
Author: وليد عبد اللطيف
Date: 09-22-2010, 01:12 PM
Parent: #3
جنابو ابودية + عمرجنابو ... سلامات
Quote: كان لعاب والا ما لعاب زي بقي في حاجز نفسي بينه وبين الجمهور وبينو وبين الكورة ذاته .........
العجب بدء متعثراً جداً مع المريخ برغم تألقه الواضح مع كوبر ........
وظن البعض انه ماسورة لكن نجح في نهاية الامر ......
|
ياخي من قبل سمعنا اللاعب وارقو انه تقدم له عرض من فريق اجنبي
والمريخ لم يعمل على التفريض به وبيعة ولو انه في بداياتة كان افضل للمريخ ان يستفيد من خانتة
والمال تلته ولا كتلته يعني وارقو الان لا يساوي اي شيء
لكن بيني وبينكم وارقو لعاب لعاب ومشلكته حاول يلعب بنفس الطريقة السودانية
الاحتفاظ بالكرة اكثر من اللازم ..
|
Post: #53
Title: Re: وارغو .. فراق بينى وبينك يا مريخ !!
Author: صلاح أبودية
Date: 09-26-2010, 08:58 AM
Parent: #5
أخى وليد عبداللطيف
كل سنه وإنت طيب
والله ما شفت المداخلة بتاعتك !!
بعدما الجماعة ديل حرفوا البوست مرق من نفسى !!
أعفى لينا
|
Post: #10
Title: Re: وارغو .. فراق بينى وبينك يا مريخ !!
Author: صلاح أبودية
Date: 09-22-2010, 01:27 PM
Parent: #3
فايز ود القاضى
كل سنه وإنت طيب
| Quote: دخل تشجيع المريخ شنو بفشل وارغو ؟!! |
برضو فشل ما ده المجننى زاتو وخلانى أسيب الكورة كلها ما دام مصرين على كلمة فشل دى !Quote: يسري ساب المريخ فشكرنا الله لانه ايمانه بالمريخ ضعيف .. اها نشكر الله فيك ولا ترجع ؟!!
|
براحتكم !!
لكن يا فايز أنا أوريكم الفى بطنى من المريخ والله ووالله إنت أول زول تخليهو !
ياخ خليها مستورة ساكت !!
|
Post: #12
Title: Re: وارغو .. فراق بينى وبينك يا مريخ !!
Author: فايزودالقاضي
Date: 09-22-2010, 01:35 PM
وانت طيب ياصلاح ...
| Quote: لكن يا فايز أنا أوريكم الفى بطنى من المريخ والله ووالله إنت أول زول تخليهو ! |
يازول خوفتنا ... الجماعة اوع يكونوا غاشننا ومافي فريق اسمه المريخ ؟!!!! ..
|
Post: #37
Title: Re: وارغو .. فراق بينى وبينك يا مريخ !!
Author: صلاح أبودية
Date: 09-23-2010, 09:28 AM
Parent: #12
| Quote: يازول خوفتنا ... الجماعة اوع يكونوا غاشننا ومافي فريق اسمه المريخ ؟!!!! |
يا فايز ..
كان فى فريق إسمه المريخ !
كان زمان !
|
Post: #4
Title: Re: وارغو .. فراق بينى وبينك يا مريخ !!
Author: صلاح أبودية
Date: 09-22-2010, 01:10 PM
Parent: #2
جنابو عمر
| Quote: وفي كل الاحوال سبب بخليك تخلي المريخ ماف ......... |
فى سبب ..
ياخ أنا آخر كورة للمريخ قربت أروح فيها !
داير يا عمر بعد التاريخ الإنت عارفو أجى أموت فى الكورة !
يا خلينى ياخ !
|
Post: #6
Title: Re: وارغو .. فراق بينى وبينك يا مريخ !!
Author: omer osman
Date: 09-22-2010, 01:15 PM
Parent: #4
Quote: فى سبب ..
ياخ أنا آخر كورة للمريخ قربت أروح فيها !
داير يا عمر بعد التاريخ الإنت عارفو أجى أموت فى الكورة !
يا خلينى ياخ ! |
حصلت علي قبل كده ياسعادتك .........
الكورة الافريقية الاخدنا فيها تلاتة من مقطوع الطاري الهلال ......
لفة رأس وخمة نفس وبرودة في الاطراف .......... وصلنا الميس ورجعنا .....
بعد ده ما تبنا ...........
|
Post: #7
Title: Re: وارغو .. فراق بينى وبينك يا مريخ !!
Author: طارق جبريل
Date: 09-22-2010, 01:21 PM
Parent: #6
ود خالتي كيفنك
ياخي المريخ باق
ووارغو كاسح
|
Post: #29
Title: Re: وارغو .. فراق بينى وبينك يا مريخ !!
Author: صلاح أبودية
Date: 09-22-2010, 07:04 PM
Parent: #7
ود خالتى
كل سنة وإنت طيب
Quote: ود خالتي كيفنك
ياخي المريخ باق
ووارغو كاسح |
والله يا طارق موضوع وارغو ده قليل من كثير
ياخ ديل مرضونا مرض
|
Post: #8
Title: Re: وارغو .. فراق بينى وبينك يا مريخ !!
Author: وليد عبد اللطيف
Date: 09-22-2010, 01:22 PM
Parent: #6
Quote: حصلت علي قبل كده ياسعادتك .........
الكورة الافريقية الاخدنا فيها تلاتة من مقطوع الطاري الهلال ......
لفة رأس وخمة نفس وبرودة في الاطراف .......... وصلنا الميس ورجعنا .....
|
هه هه هه
تاني تجو المولد
------------------------------
تخيل وقتها المريخ كان افضل من الهلال واصبح هذا الانتصار سبب كوارث الهلال
|
Post: #13
Title: Re: وارغو .. فراق بينى وبينك يا مريخ !!
Author: سفيان بشير نابرى
Date: 09-22-2010, 01:47 PM
Parent: #8
Quote:
بعد أن أجمع علماء مجلس المريخ على التخلص من اللاعب وارغو لفريق ليبى مغمور ..
وبعد أن شكك كل الشعب السودانى فى موهبة اللاعب وارغو وسـخروا منه حتى
نحروا موهبته ووأدوا إبداعه ..
ثبت لى بما لا يدع مجالاً للشك إننى وأعوذ بالله من كلمة أنا ...
وضح لي جلياًَ عدم إلمامى بكرة القدم لا لعباً ولا تشجيعاً !!
فقد كنت أعتقد وحسب ما أوهمنى حدسى الماسورة أن هذا اللاعب
هو فلته من فلتات كرة القدم التى قل ما يجود بها الزمان وكنت أظنه من طينة العظماء فى هذه اللعبة
أما وبعد إجماع علماء السودان وعباقرة الكرة بالبلاد على أن النسر النيجيرى ما هو إلا ماسورة من المواسير ...
أعلن ومن هذا المنبر الحر ..
أعلن للجميع عن تركى ما لا علم لى به ألا وهو تشجيع كرة القدم ..
وبالتالى تشجيع المريخ أو خلافه !
وحسبى الله ونعم الوكيل |
والله يا صلاح يا اخوي كان ده تحليلك البتسيب بيهو المريخ
يبقي انت ده الفعلاً ماسورة .
|
Post: #14
Title: Re: وارغو .. فراق بينى وبينك يا مريخ !!
Author: صلاح أبودية
Date: 09-22-2010, 01:54 PM
Parent: #13
سفيان بشير نابرى
كل سنة وإنت طيب Quote: والله يا صلاح يا اخوي كان ده تحليلك البتسيب بيهو المريخ
يبقي انت ده الفعلاً ماسورة . |
ماسورة ماسورة !
لك شكرى
|
Post: #9
Title: Re: وارغو .. فراق بينى وبينك يا مريخ !!
Author: الحاج حمد الحاج
Date: 09-22-2010, 01:27 PM
Parent: #6
يا سعادتو روق المنقة..سبب تخلي بيهو المريخ ما في!! كلامك صاح وارغو لعاب لعاب و البقول غير كده ما بفهم في الكورة و لكن بلا شك وارغو لم يوفق لأسباب كثيرة مثل الاحتفاظ بالكورة و دي من العيوب التي يمكن التخلص منها بالتدريب و أيضا عدم اندماج وارغو في المجتمع الحولو خلاهو يعيش في شبه عزلة...ياخي أنا زمان لو اتغلبنا في الرابطة من نجوم الشعبية أو المارد أزعل كم يوم مع انو كل الكرابيج ألعب من نجوم هلالمريخ بتاعين اليوم!! أرجع لي قواعدك سالما ما بتقدر تخلي المريخ و نحن ما بنخليك تخلي المريخ و المريخ ما بخليك تخليهو!
|
Post: #11
Title: Re: وارغو .. فراق بينى وبينك يا مريخ !!
Author: Maawya Hussein
Date: 09-22-2010, 01:29 PM
Parent: #9
مجتمعين في الحرم ان شاء الله يا وصيفاب :)
|
Post: #15
Title: Re: وارغو .. فراق بينى وبينك يا مريخ !!
Author: فيصل نوبي
Date: 09-22-2010, 01:57 PM
Parent: #11
دي جرسة من كورة بعد بكره يا سعادتكـ
أركز ساي ياخوي
لووووووووووول
_
يا عمر
قلت لي برودة في الاطراف و خمة نفس
لووووووووووووووووووووووووووول
يعني طلعنا ما برانا
ياخ المشاركة دي سمحة
_
يا معاوية ال 30 مليون دي لي منو المرسلها منو ؟
تفاصيل و كده ياخ !!
|
Post: #18
Title: Re: وارغو .. فراق بينى وبينك يا مريخ !!
Author: عبدالمجيد المقابل
Date: 09-22-2010, 02:19 PM
Parent: #15
سيادتو صلاح ذكي و لماح , شاف مع ناس السعودي ديل المريخ داير ليهو عشرة سنة عشان يستعدل , قام عملها في وارغو و زاغ !!!
ياجنابو عمر , صلاح أبو دية دا زرقاء اليمامة بتاعكم , .. من مظلته شاف شجر يتحرك !!
بعد كلام جنابو عمر دا حقو تاني يكتبو في تزكرة دخول مباريات المريخ ( تشجيع المريخ ضار بالصحة )[/B]
|
Post: #50
Title: Re: وارغو .. فراق بينى وبينك يا مريخ !!
Author: صلاح أبودية
Date: 09-26-2010, 08:32 AM
Parent: #18
د. عبد المجيد المقابل
كل سنة وإنت طيب
Quote: سيادتو صلاح ذكي و لماح , شاف مع ناس السعودي ديل المريخ داير ليهو عشرة سنة عشان يستعدل , قام عملها في وارغو و زاغ !!!
ياجنابو عمر , صلاح أبو دية دا زرقاء اليمامة بتاعكم , .. من مظلته شاف شجر يتحرك !!
بعد كلام جنابو عمر دا حقو تاني يكتبو في تزكرة دخول مباريات المريخ ( تشجيع المريخ ضار بالصحة ) |
بختكم يا دكتور أها وارغو ومشى شوفوا البعدو !!
|
Post: #23
Title: Re: وارغو .. فراق بينى وبينك يا مريخ !!
Author: محمد البشرى الخضر
Date: 09-22-2010, 02:34 PM
Parent: #15
سلامات ابودية
البقول وارغو ما بعرف يلعب بكون جنى عليه
وورغو موهوب مافي كلام قد يكون تقييمو المادي اكبر مما يستحق و آثر عليه وعلى زملاؤه وعلى المتوقعو ومنتظرو منو الجمهور
أدونا ليه موسم واحد وتعال شوفو بعدين لو ما طلع اروبا راس
|
Post: #16
Title: Re: وارغو .. فراق بينى وبينك يا مريخ !!
Author: haroon diyab
Date: 09-22-2010, 02:05 PM
Parent: #11
يامعاوية لكن بالغت
ماكنت تتم الباقي
ولا الحكاية ( ولا تقربو الصلاة .....؟)
|
Post: #17
Title: Re: وارغو .. فراق بينى وبينك يا مريخ !!
Author: haroon diyab
Date: 09-22-2010, 02:09 PM
Parent: #16
وهاك نص الحديث كاااااااااااملا
وانت زااااااااااتك البوديك بهناك شنو....؟
|
Post: #20
Title: Re: وارغو .. فراق بينى وبينك يا مريخ !!
Author: تاج السر محمد حامد
Date: 09-22-2010, 02:23 PM
Parent: #11
يؤسفنى أن أسمع أو أقرأ مثل هذا من حديث .. لانه يعتبر
جريمة كبرى فى حق الرياضة على وجه العموم والمريخ على
وجه الخصوص ..
فأنا الأن فى حيرة أتساءل هل ماذكرته تلك الصحيفة من أخبار
صحيحا ؟؟ وإذا أفترضنا ذلك أين تلك المستندات والتى تثبت
صحة هذا الحديث ؟؟ علما بأن الصحيفة ذكرت ( بالمستندات الليثى
يفجر أكبر قضية فساد رياضى بالبلاد ؟؟) هنا فليسمح لى الأخ الليثى
بأن نطالبه بتلك المستندات ؟؟ وعليه القيام بتوضيحها فى هذا
المنبر إن أمكن ذلك ؟؟؟
كذلك على الاخوة رئيس المريخ ورئيس تحرير صحيفة الصدى ومدير
الكرة بحى العرب .. إثبات أو نفى هذا الاتهام ؟؟ وأيضا فى
نفس هذا المنبر ؟؟
وبعدها سيكون لكل ( حدث حديث )
وربنا يجيب العواقب سليمة
ونحن فى الانتظار ..
تاج السر
|
Post: #25
Title: Re: وارغو .. فراق بينى وبينك يا مريخ !!
Author: تاج السر محمد حامد
Date: 09-22-2010, 03:13 PM
Parent: #20
صحيف الهلال ( حبيب البلد ) ذكرت فى العناوين البارزه الآتى :
بالمستندات الليثى يفجر أكبر قضية فساد رياضى بالبلاد ؟؟
حى العرب يتهم المريخ رسميا التواطوء ؟؟
بيان خطير يؤكد تورط رئيس المريخ ورئيس تحرير الصدى ومدير الكرة بالعرب
فى القضية ؟؟
البيان يشكف تحويل (30) مليون عبر الصرافةالافريقية ببوتسودان عقب مبارة الهلال
والسوكرتا ؟
حى العرب يدين النور طه باشرى ويسقط عضويته من المجلس ويعفيه من منصبه
مدير الكرة ؟؟
صحيفة المريخ .. ( الزعيم )
المريخ ينقل تدريباته الى أستاد الخرطوم ويختتم تحضيراته للسوكرتا اليوم ؟
إدارة حى العرب تتبرأ من بيان السكرتير ..
الليثى يزور الزعيم ويطلب عدم نشر البيان ؟؟
حى العرب يتبرأ من بيان نائب السكرتير ؟؟
صحيفة أخرى ذكرت :
إدارة السوكرتا تتبرأ من بيان نائب السكرتير ضد رئيس القطاع الرياضى
السابق ؟؟
عثمان شيبة .. حى العرب أسرة وأحدة ؟؟
بيان الليثى لايشبه النادى الكبير ؟؟
النور طه باشرى .. ده كلام فارغ وردى على الاتهامات سيكون عبر القضاء
فى حالة النشر فى الصحف ؟؟
باشرى .. من هو الليثى ؟؟
( بدون تعليق )
تاج السر
|
Post: #21
Title: Re: وارغو .. فراق بينى وبينك يا مريخ !!
Author: وليد عبد اللطيف
Date: 09-22-2010, 02:25 PM
Parent: #11
ود حمد
| Quote: ياخي أنا زمان لو اتغلبنا في الرابطة من نجوم الشعبية أو المارد أزعل كم يوم مع انو كل الكرابيج ألعب من نجوم هلالمريخ بتاعين اليوم!! أرجع لي قواعدك سالما ما بتقدر تخلي المريخ و نحن ما بنخليك تخلي المريخ و المريخ ما بخليك تخليهو! |
صدقت القول
.
.
لكن قصة ود ابودية يخلي المريخ دي ما اظن يقدر .
.
.
تشجيع كرة القدم امرصعب علاجة
|
Post: #40
Title: Re: وارغو .. فراق بينى وبينك يا مريخ !!
Author: صلاح أبودية
Date: 09-23-2010, 09:55 AM
Parent: #11
Maawya Hussein
إنت ما بتسلم مالك ؟
كل سنة وإنت طيب
| Quote: مجتمعين في الحرم ان شاء الله يا وصيفاب |
أها ..
بختكم يا صفراب جيبوا نقارتكم وتعالوا !!
|
Post: #38
Title: Re: وارغو .. فراق بينى وبينك يا مريخ !!
Author: صلاح أبودية
Date: 09-23-2010, 09:40 AM
Parent: #9
الريّس : الحاج حمد
كل سنه وإنت طيب والأهل كلهم طيبين
| Quote: أرجع لي قواعدك سالما ما بتقدر تخلي المريخ و نحن ما بنخليك تخلي المريخ و المريخ ما بخليك تخليهو! |
يا ريس لا بد من وقفة !
كتير أنا راجعت نفسى فى مسألة تشيع كرة القدم ..
والسبب ما رأيته بأم عينى فى إستادات كرة القدم من رجال يحسب أنهم كهول أو شيوخ ...
رأيتهم يفقدون وقارهم وينفعلون ويسبون الدين ويتنابذون بالفاظ بذيئة يندى لها الجبين ..
حقيقة ... خفت
خفت أن يصل بى الحال لهذا المستوى بعد أن أكون قد بلغت من الكبر عتيا !!
|
Post: #32
Title: Re: وارغو .. فراق بينى وبينك يا مريخ !!
Author: جمال السنوسي
Date: 09-22-2010, 08:52 PM
Parent: #6
Quote:
حصلت علي قبل كده ياسعادتك .........
الكورة الافريقية الاخدنا فيها تلاتة من مقطوع الطاري الهلال ......
لفة رأس وخمة نفس وبرودة في الاطراف .......... وصلنا الميس ورجعنا .....
بعد ده ما تبنا ........... |
للتوثيق يا عمر عثمان
|
Post: #19
Title: Re: وارغو .. فراق بينى وبينك يا مريخ !!
Author: Ashraf el-Halabi
Date: 09-22-2010, 02:22 PM
Parent: #2
سلامات بو دية
| Quote: أعلن للجميع عن تركى ما لا علم لى به ألا وهو تشجيع كرة القدم .. |
أساساً ما في أي زول عنده علم بالحاجة العجيبة الاسمها كورتنا دي يا صلاح
لأنها ما قايمة على أي حسابات أو قواعد
الوحيد البيدعي إنو عندو علم هو الأنطون
باقي الناس دي كلها شغالة بالبركة ساكت!
تحياتي
|
Post: #22
Title: Re: وارغو .. فراق بينى وبينك يا مريخ !!
Author: فايزودالقاضي
Date: 09-22-2010, 02:28 PM
Parent: #19
الحلبي ..كل سنة وانت طيب ..
Quote: أساساً ما في أي زول عنده علم بالحاجة العجيبة الاسمها كورتنا دي يا صلاح
لأنها ما قايمة على أي حسابات أو قواعد
الوحيد البيدعي إنو عندو علم هو الأنطون
باقي الناس دي كلها شغالة بالبركة ساكت |
منو الفوضك تتكلم باسمي .. ومنو القال ليك انا ماعندي علم بالحاجة دي ..انا لو شغال بالبركة كان بقيت هلالابي ..
انتظراعتذارك لي واستثنائي من هذا التعميم ..
ودي ،،
|
Post: #24
Title: Re: وارغو .. فراق بينى وبينك يا مريخ !!
Author: cantona_1
Date: 09-22-2010, 02:36 PM
Parent: #22
يا صلاح أبو دية .. سلامات .. هل تعتقد أن واحد زي وارقو أو أي من الببرطعوا في السودان ديل لقى فرصة في نادي تركي ولا بلغاري ممكن يلعب في السودان خاصة بتاعين شمال وغرب افريقيا؟ ديل فاقد تربوي رياضي وبجوا عندم عشان يتعلموا الحجامة في رؤوس اليتامى السودانيين.. تحياتي.
كبـــّـاشي الصــّـافي
|
Post: #26
Title: Re: وارغو .. فراق بينى وبينك يا مريخ !!
Author: Ashraf el-Halabi
Date: 09-22-2010, 03:31 PM
Parent: #24
| Quote: انتظراعتذارك لي واستثنائي من هذا التعميم .. |
ههههه
كامل اعتذاري للعارف بحل الغلوتية كورتنا ود القاضي
أرجو من بكري سحب البوست بتاع صلاح ههههه
ما كنت عارفك أنطون يا ود القاضي
بعد اعتذاري دا يا ود القاضي أطالبك تفتح بوست وتعرفنا بالغلوتية الاسمها كورة دي
ياخي البياكل براو بيخنق، أعطنا مما أعطاك الله!
ــــــــــــ
عيدك مبارك يا فايز: أها لسة مابقيتو إتنين؟ 
|
Post: #27
Title: Re: وارغو .. فراق بينى وبينك يا مريخ !!
Author: فايزودالقاضي
Date: 09-22-2010, 04:00 PM
Parent: #26
ياشروف ..كل سنة وانت طيب ..
Quote: بعد اعتذاري دا يا ود القاضي أطالبك تفتح بوست وتعرفنا بالغلوتية الاسمها كورة دي
ياخي البياكل براو بيخنق، أعطنا مما أعطاك الله! |
اولاً قبلنا اعتذارك على مضض ...ثانياً ياسيدي المشكلة مافي امكانياتي في التعريف بهذه الغلوتية ولابمقدرتي في فتح بوست دسم يشرح ماورائيات كواليسها الفنيه ولكن المشكلة في العقلية البسيطة التى يعج بها هذا المنبر التى بالتأكيد لن تستوعب ماسأكتبه..
المشكلة مشكلة متلقي ...شفت كيف !!!!!
|
Post: #28
Title: Re: وارغو .. فراق بينى وبينك يا مريخ !!
Author: Ashraf el-Halabi
Date: 09-22-2010, 04:37 PM
Parent: #27
Quote:
المشكلة مشكلة متلقي ...شفت كيف !!!!! |
دا نفس كلام ناس ما بعد الحداثة!
خلاس خلونا في ما قبل حداثتنا دي،
يعني نشجع الناس القدر فهمنا،
ناس آرسينال وبرشيلونا إلى آخر الرجرجة والدهماء
وإنتوا أسرحوا في ما ورائياتكم دي لمن تفلكبوا
|
Post: #30
Title: Re: وارغو .. فراق بينى وبينك يا مريخ !!
Author: Maawya Hussein
Date: 09-22-2010, 08:47 PM
Parent: #28
شنو يا هارون جايب لي جرايد المريخ ..ما تجيب باقي الجرايد وخلي الناس تقارن ..الرشواااب :)
|
Post: #31
Title: Re: وارغو .. فراق بينى وبينك يا مريخ !!
Author: Maawya Hussein
Date: 09-22-2010, 08:49 PM
Parent: #30
|
Post: #33
Title: Re: وارغو .. فراق بينى وبينك يا مريخ !!
Author: Maawya Hussein
Date: 09-22-2010, 08:58 PM
Parent: #31
Quote: يا معاوية ال 30 مليون دي لي منو المرسلها منو ؟
تفاصيل و كده ياخ !! |
وينك يا نوبي وعيدك مبارك
ياخ دي فضيحه شينه خلاص ..الناس ديل ماعارف دايرين شنو من الهلال ؟ تفاصيل البيان بتقول انو ناس المريخ قدموا دعم لحي العرب بـ 30 مليون جنيه شريطة فوزهم علي الهلال في الدورة الاولي ..فعلا لاعبي حي العرب اوفوا بالوعد ولعبوا كما لم يلعبوا من قبل وفازوا علي الهلال 2-0 صفر واستلموا المبلغ المعلوم ..
|
Post: #34
Title: Re: وارغو .. فراق بينى وبينك يا مريخ !!
Author: عبد اللطيف بكري أحمد
Date: 09-22-2010, 09:35 PM
Parent: #33
Salah yazol salamat
Plz pass my greetings 2 all
Ajmal Khabar for me that u both, Worgu & your goodeslf, give up supporting the so called Merriekh
|
Post: #35
Title: Re: وارغو .. فراق بينى وبينك يا مريخ !!
Author: يسرى معتصم
Date: 09-23-2010, 01:36 AM
Parent: #34
Quote: لكن يا فايز أنا أوريكم الفى بطنى من المريخ والله ووالله إنت أول زول تخليهو !
ياخ خليها مستورة ساكت !!
|
كما قلت من قبل فى منتديات المريخ
هددونى بالقضاء
وكتبت الأسماء بالحرف وحتى الآن منتظر اللجو للقضاء
أصر على بعض الأخوان وتركوا تشجيع الكورة نهائيآ
|
Post: #36
Title: Re: وارغو .. فراق بينى وبينك يا مريخ !!
Author: عمار يس النور
Date: 09-23-2010, 02:10 AM
Parent: #35
مباراة حي العرب الاخيرة مع سيد البلد كان فيها عنف غريب من لاعبي حي العرب
لعبوا بعنف زائد عن اللزوم و كانهم لا يخشون أي عقوبة.
التحريش كان واضحا من خلال ما مارسوه من عنف كروي غير مبرر.
اللاعب الحصيف لا يسرف في عنفه خشية ان ينال كرت يهدد إستمراره في المباراة او ما بعدها و لكن ما شاهدناه يومها يدل على انهم ما كانوا يعملون اي حساب لما بعد المباراة.
هل يا ترى السبب هو ما تم وعدهم به حسب ما جاء في البيان الذي نشرته الصحف ؟
على إتحاد الكرة التحقيق في هذه الظاهرة. لانه طالما ان هنالك إتفاق بين إداريين في ناديين على مثل هذا السلوك فليس من الصعب ان يتفقوا على شئ ما في مباراة تجمعهما.
|
Post: #39
Title: Re: وارغو .. فراق بينى وبينك يا مريخ !!
Author: طارق الكوتش
Date: 09-23-2010, 09:46 AM
Parent: #36
| Quote: لفة رأس وخمة نفس وبرودة في الاطراف |
الجمكسين زاااتو
......
وارقو الهلال حارقو يا صلاح لعااااب > بس مين بفهم ؟
|
Post: #41
Title: Re: وارغو .. فراق بينى وبينك يا مريخ !!
Author: تاج السر محمد حامد
Date: 09-23-2010, 02:10 PM
Parent: #39
تحية بطعم الكركدى لاخى وصديقى والمريخابى الاصيل
هارون
تاج السر
|
Post: #42
Title: Re: وارغو .. فراق بينى وبينك يا مريخ !!
Author: تاج السر محمد حامد
Date: 09-23-2010, 02:56 PM
Parent: #41
أعلاه .. طالبنا من رئيس تحرير صحيفة الصدى الاستاذ
مزمل ابوالقاسم بالرد على تلك الاتهامات والتى ملأت
الصحف ؟؟
فجاء رد الاستاذ مزمل كالسيف البتار وقال :
| Quote: لم ترد كلمة تواطؤ في البيان أبداً، وانصبت كل كلماته باتجاه الأخ النور باشري، ومع ذلك تم تجييره للإساءة للمريخ وجمال الوالي ومزمل، لذا قررت شخصياً رفع الأمر إلى القضاء، وكلفت الأستاذ عبد الله المدثر المحامي برفع الدعوى لتفصل ساحات العدالة بيننا ومن تولوا كبر الإفك القبيح. |
أصبح القضاء هو الفاصل فى مثل هذه من أمور .. لك التحية أيها الفارس
المغوار وأنت تتحدى ذلك الافك القبيح .. شكرا مرة أخرى ..
تاج السر
|
Post: #43
Title: Re: وارغو .. فراق بينى وبينك يا مريخ !!
Author: صلاح أبودية
Date: 09-23-2010, 08:58 PM
Parent: #42
مشيتوا بعيد خلاص
أقروا كلامى ده كويس وأفهمونى صاح !
Quote: كتير أنا راجعت نفسى فى مسألة تشيع كرة القدم ..
والسبب ما رأيته بأم عينى فى إستادات كرة القدم من رجال يحسب أنهم كهول أو شيوخ ...
رأيتهم يفقدون وقارهم وينفعلون ويسبون الدين ويتنابذون بالفاظ بذيئة يندى لها الجبين ..
حقيقة ... خفت
خفت أن يصل بى الحال لهذا المستوى بعد أن أكون قد بلغت من الكبر عتيا !! |
تحياتى للجميع
|
Post: #44
Title: Re: وارغو .. فراق بينى وبينك يا مريخ !!
Author: طارق الكوتش
Date: 09-24-2010, 08:24 PM
Parent: #43
كتبت مفهوم المداخله ادناه كثيرا فى هذا الموقع وهنا كتبتها اعلاه وقبل لقاء المريخ بحى العرب
والتى استطاع وارقو تسجيل هاتريك فيها >>>>>>>>>>>>>>>>>>>>>>>>
| Quote: وارقو الهلال حارقو يا صلاح لعااااب > بس مين بفهم ؟ |
عليكم الله يا ناس المريخ ما تعيروا وارقو لانه هو
الوحيد فى كشف المريخ البفهم كوووره ده اذا استبعدنا العجب
والكلام ده بقولو لان قوة المريخ هى قوة للهلال و العكس
مما يرفع مستوى التنافس وده بصب فى مصلحة الكوره
السودانيه ككل
|
Post: #45
Title: Re: وارغو .. فراق بينى وبينك يا مريخ !!
Author: صلاح أبودية
Date: 09-24-2010, 10:50 PM
Parent: #44
وين يا شباب ؟؟؟؟؟؟؟؟؟؟؟
ما جيتوا تانى ليه بعد الكورة؟
|
Post: #46
Title: Re: وارغو .. فراق بينى وبينك يا مريخ !!
Author: mohmmed said ahmed
Date: 09-25-2010, 05:25 AM
Parent: #45
القرار عندمنو فى الامور الفنية فى المريخ
مدرب الفريق مقتنع بوارغو
ناس فى الادارة يقررو اعارة اللاعب دون استشارة المدرب
دا واحدمن اسباب تدهور الكورة فى السودان
وارغو لاعب كبير وفنان والمريخ محتاج ليهو جدا رغم عيوبه فى الاحتفاظ بالكرة
هسا افضل وارغو ولا النفطى
عندى ملاحظة انو اللاعيبةالعرب ما نجحو فى السودان زى الافارقة
مثال على النونو علاء الزهرة النفطى المرابط
مقارنة بى
ايداهور كلاتشى قودين سادومبا وارغو يوسف محمد
|
Post: #47
Title: Re: وارغو .. فراق بينى وبينك يا مريخ !!
Author: الحاج حمد الحاج
Date: 09-25-2010, 06:57 AM
Parent: #46
سعادتو صلاح أبو دية
وارغو لعاب لعاب..قلت لي الجماعة ما جو بي جاي بعد الكورة!! يجو لي شنو!! ما شافوهو براهم!!
|
Post: #48
Title: Re: وارغو .. فراق بينى وبينك يا مريخ !!
Author: وليد عبد اللطيف
Date: 09-25-2010, 07:34 AM
Parent: #47
ود ابودية
| Quote: جنابو ابودية + عمرجنابو ... سلامات |
مابترد السلام مالك
خير إن شاء الله
ود حمد
المريخ خرب كورة وارقو تاني بتعريفة ما بنفع
|
Post: #55
Title: Re: وارغو .. فراق بينى وبينك يا مريخ !!
Author: صلاح أبودية
Date: 09-26-2010, 12:07 PM
Parent: #46
الأخ محمد سيد أحمد
مداخلتك محاضرة ثرة
وسأرد عليك بكل شفافية وحسب علمى البسيط !
| Quote: القرار عندمنو فى الامور الفنية فى المريخ |
كل القرارات الفنية والإدارية كانت ولا تزال عند جمال الوالى
| Quote: ناس فى الادارة يقررو اعارة اللاعب دون استشارة المدرب |
شغل سماسرة ولأغراض شخصية
| Quote: وارغو لاعب كبير وفنان والمريخ محتاج ليهو جدا رغم عيوبه فى الاحتفاظ بالكرة |
لكل لاعب عيوب ولا تنسى أن اللاعب واغو لم يصل سن العشرين بعد !!
| Quote: هسا افضل وارغو ولا النفطى |
لا توجد مقارنة بين اللاعبين
Quote: عندى ملاحظة انو اللاعيبةالعرب ما نجحو فى السودان زى الافارقة
مثال على النونو علاء الزهرة النفطى المرابط
مقارنة بى
ايداهور كلاتشى قودين سادومبا وارغو يوسف محمد |
كلام 100% ووجهة نظر سليمة !
تحياتى
|
Post: #49
Title: Re: وارغو .. فراق بينى وبينك يا مريخ !!
Author: صلاح أبودية
Date: 09-25-2010, 04:15 PM
Parent: #35
الأخ يسرى معتصم
تحياتى Quote: كما قلت من قبل فى منتديات المريخ
هددونى بالقضاء
وكتبت الأسماء بالحرف وحتى الآن منتظر اللجو للقضاء |
تعال هنا وأكتب العاوز تكتبو ...
بس حركة الإصطياد فى الماء العكر دى مالذيذة !!
البوست ده ماليهو علاقة بالحاجة الإنت عملتها
ولا بالعلم الإنت عاملو فى البروفايل بتاعك ده
مع شكرى
|
Post: #52
Title: Re: وارغو .. فراق بينى وبينك يا مريخ !!
Author: Hassan Senada
Date: 09-26-2010, 08:57 AM
Parent: #49
أصبح القضاء هو الفاصل فى مثل هذه من أمور .. لك التحية أيها الفارس
المغوار وأنت تتحدى ذلك الافك القبيح .. شكرا مرة أخرى ..
تاج السر كفيت وفيت ياتاج وشكرا
|
Post: #54
Title: Re: وارغو .. فراق بينى وبينك يا مريخ !!
Author: صلاح أبودية
Date: 09-26-2010, 10:30 AM
Parent: #34
يا لطفى
كيف حالك !
Quote: Plz pass my greetings 2 all
|
Done
Quote: Ajmal Khabar for me that u both,
Worgu & your goodeslf, give up supporting the so called Merriekh |
Wargu forced to do so , but i quit man
|
Post: #60
Title: Re: وارغو .. فراق بينى وبينك يا مريخ !!
Author: عمر عبد الخالق سعيد
Date: 09-27-2010, 11:11 AM
Parent: #33
| Quote: فعلا لاعبي حي العرب اوفوا بالوعد ولعبوا كما لم يلعبوا من قبل وفازوا علي الهلال 2-0 صفر واستلموا المبلغ المعلوم .. |
بنعرف انو الرشاوي بتندفع عشان الفريق يتغلب !!!!!!!!!!!!!!
لكن يدفعوليهو عشان يغلب ... دى قوية
|
Post: #51
Title: Re: وارغو .. فراق بينى وبينك يا مريخ !!
Author: صلاح أبودية
Date: 09-26-2010, 08:52 AM
Parent: #24
cantona_1
كل سنة وإنت طيب
| Quote: يا صلاح أبو دية .. سلامات .. هل تعتقد أن واحد زي وارقو أو أي من الببرطعوا في السودان ديل لقى فرصة في نادي تركي ولا بلغاري ممكن يلعب في السودان خاصة بتاعين شمال وغرب افريقيا؟ ديل فاقد تربوي رياضي وبجوا عندم عشان يتعلموا الحجامة في رؤوس اليتامى السودانيين.. تحياتي. |
رأى برضو ..
يحتمل العوج والعديل !
تحياتى وإحترامى
|
Post: #56
Title: Re: وارغو .. فراق بينى وبينك يا مريخ !!
Author: وليد عبد اللطيف
Date: 09-27-2010, 07:37 AM
Parent: #51
Quote:
ود ابودية
Quote: جنابو ابودية + عمرجنابو ... سلامات
مابترد السلام مالك
خير إن شاء الله
|
يالله اكيد في شيء
في الخاص بالله او ممكن ندخل الريس ود حمد واسطة
والله مامتعودين الناس تزعل مننا في شيء بس دا الغرض
واذا في شيء اكيد اعتذاراتنا سابقانا يا سعادتو
|
Post: #57
Title: Re: وارغو .. فراق بينى وبينك يا مريخ !!
Author: صلاح أبودية
Date: 09-27-2010, 10:13 AM
Parent: #56
الأخ وليد عبداللطيف
كل سنة وإنت طيب
طبعا فى شئ وشئ كبير جدا جدا حب وإحترام وتقدير
عفواً أخى وليد لك العتبى حتى ترضى
لعلك لم تلاحظ إعتذارى لك بالأمس (جنى وجن زول يزل منى بحمينى النوم طوالى)
مع خالص تقديرى وإحترامى
|
Post: #58
Title: Re: وارغو .. فراق بينى وبينك يا مريخ !!
Author: وليد عبد اللطيف
Date: 09-27-2010, 10:33 AM
Parent: #57
حبيبنا صلاح ابودية ود حلتنا
Quote: طبعا فى شئ وشئ كبير جدا جدا حب وإحترام وتقدير
عفواً أخى وليد لك العتبى حتى ترضى
لعلك لم تلاحظ إعتذارى لك بالأمس |
يعميني كان شفت
ياخي خوفتني عديل كدا كل شيء ولا اهلي
تعرف حبيت امازح في كلامك وردك الى معاوية حسين
لما قلت له لماذا لاترد السلام
لكن لما عملت اخر مداخلة ولم ترد
قلت ياربي في شنو
لدرجة حاولت افتح كل بوستاتك من البحث
قلت امكن نكون قلنا كلام ما في محله
ولم اجد اي شيء قلت الحمد لله
والله يعلم نحبك كما نحب اولاد حلتنا قرايبك
سعادتو بريش ومحمد وكمال وحسن واحرف من يدخل الاهداف من الكورنر المرحوم جنابو عادل الدقل
--------------------------
كن بخير ياجميل
|
Post: #59
Title: Re: وارغو .. فراق بينى وبينك يا مريخ !!
Author: صلاح أبودية
Date: 09-27-2010, 10:57 AM
Parent: #58
الأخوان
هارون وتاج السر
كل سنة وإنتو طيبين !
شكرا لتداخلكما ولدفاعكما عن معشوقكما الأحمر الوهاج
أراد البعض إمتطاء صهوة هذا البوست لغرض ومرض فى نفوسهم
فكفيتموهم وأوفيتموهم
فلكم شكرى على إعفائى من مشقة الرد على مثلهم !!
|
Post: #61
Title: Re: وارغو .. فراق بينى وبينك يا مريخ !!
Author: وليد عبد اللطيف
Date: 09-27-2010, 11:14 AM
Parent: #59
صلاح ابودية
تعرف وارغو دا ممكن ينجح في الهلال
لان ناس المريخ جمهور ولاعبين مارسوا معه ضغوط شديدة
لان فعلا الهلال محتاج للاعب مثله
وعلى الاقل بكون اتعود على اللعب في الاجواء السودانية
وارقو لعاب لعاب لعاب
وعجبني باص العجب له
|
Post: #62
Title: Re: وارغو .. فراق بينى وبينك يا مريخ !!
Author: صلاح أبودية
Date: 09-27-2010, 11:20 AM
Parent: #58
Quote: والله يعلم نحبك كما نحب اولاد حلتنا قرايبك
سعادتو بريش ومحمد وكمال وحسن واحرف من يدخل الاهد
اف من الكورنر المرحوم جنابو عادل الدقل |
ونحن كذلك يا أخ وليد نحبكم فى الله
وبلاش الحساسية الشديدة ، البورد ده داير زول
قلبو قوى وجلدو تخين !
تسلم وكل المعاك يسلموا
لك ودى وإحترامى
|
|