Post: #1
Title: بعيدا عن السياسة .. لا ولا لإنفصال الجنوب ....
Author: طلحة عبدالله
Date: 09-22-2010, 07:20 AM
Parent: #0
أكيد الكورة والرياضة ح تتأثر كتير ..
مع تحياتي للسلطان أدوارد جلدو واللورد ريتشارد والنفاثة فريني
وبقية المواهب الرياضية في جنوبنا الحبيب ...
........
تنويه : ممنوع دخول أصحاب التنظير والتحوير السياسي ..
يتبع .....
|
Post: #2
Title: Re: بعيدا عن السياسة .. لا ولا لإنفصال الجنوب ....
Author: طلحة عبدالله
Date: 09-22-2010, 07:50 AM
إنفصال الجنوب يعني إنفصال أحد أهم منابع المواهب الكروية والرياضية
عن الميادين لتصبح دولة الجنوب الجديدة وجهة الفرق الرياضية لإستقدام المحترفين
وهو ما يضاعف الاعباء المالية لأندية ظلت تعتمد على الروابط والحارات
في دعم صفوفها بالمواهب دون أن تضطر لدفع الملايين .
ستفقد الكرة الطائرة والسلة طول اللاعب الجنوبي كما ستفقد ألعاب القوى
سرعته وقوة تحمله ، ولن تظهر في ميادين كرة القدم مواهب فطرية أخري
مثل إدوارد وريتشارد وفريني وغيرهم من أبناء الجنوب الذين أثروا السوح
الرياضية بفنهم الكروي البديع ، ومساهماتهم الفنية التي ظلت حاضرة
في كل إنجاز وإنتصار تحققه فرقنا ومنتخباتنا.
يتبع .....
|
Post: #3
Title: Re: بعيدا عن السياسة .. لا ولا لإنفصال الجنوب ....
Author: Albino Akoon Ibrahim Akoon
Date: 09-22-2010, 08:06 AM
Parent: #2
طيب لو دا السبب!
ليه في السودان في محترفين اجانب بعقود تفوق حتي
سانتو من جبال النوبة وحامد بريمة والخ..
ياخي القروش الاشتروا بيهم المحرفين الجنسوهم ديل
لو استثمروها في الناشئين لكان حال كورتنا احسن بكثير
علي مستوي افريقيا.
كدا امشي وشوف البيلعبوا بي كورة الشراب وضقلهم ومهاراتهم
وعلل ليه الكورة السودانية في مستوي حابط؟
كلامك عاطفي وما ليه سند رغم احترامي ليه, لكن برضو ما منفصل
من سياسة النخب بل محفز للانفصل.
اجتهد اكثر وستاتي بسبب اوجه بعيدا عن السياسة وفي السياسة
وبدون السياسة.
لك كل الود وكل الاحترام
|
Post: #4
Title: Re: بعيدا عن السياسة .. لا ولا لإنفصال الجنوب ....
Author: طلحة عبدالله
Date: 09-22-2010, 08:14 AM
Parent: #3
Albino Akoon Ibrahim Akoon سلامات
ما فاهم أية حاجة من مداخلتك الفوق دي لانو أصلا موضوع
البوست دا ما عن مستوي الكورة السودانية ( الحابط)
شكرا على المرور يا خوي ..
مع كل الود والإحترام برضو .
|
|