Post: #1
Title: خمسة رؤساء امريكان يحكمون لمدة 26 عاما والبشير (وحده لا شريك له فى الحكم) يحكم منذ 21 عاما!!!!
Author: Mannan
Date: 09-21-2010, 09:14 PM
هؤلاء الرؤساء الأمريكان حكموا اقوى دولة فى الأرض 26 عاما فقط
وحكم عمر البشير ومازال يحكم السودان منذ 21 عاما!!!!
ترى هل لأنه خليفة الله فى الأرض ام انه لا يوجد رجال ونساء فى السودان يصلحون للحكم؟
العيب ليس عيبه ولكنه عيب شعب ارتضى لنفسه المهانة وقبل بأن يمزق البشير وطنه ويشلته ككرة الشراب!!!
هل نغنى بعد هذا: شعبك يا بلادى اقوى وأكبر
ام نسكت؟؟
لا حول ولا قوة إلا بالله!!
نورالدين منان
|
Post: #2
Title: Re: خمسة رؤساء امريكان يحكمون لمدة 26 عاما والبشير (وحده لا شريك له فى الحكم) يحكم منذ 21 عاما!
Author: Souad Taj-Elsir
Date: 09-21-2010, 11:27 PM
Parent: #1
سعادة السفير الأستاذ نورالدين منان،
لا غروَ أن الولايات المتحدة الاميركية هي الدولة العظمى الوحيدة في العالم بجدارة،
بينما جاز تسمية السودان يوماً برجل أفريقيا المريض، وبجدارة أيضاً!
نعم يا نورالدين، لا حول ولا قوّةَ إلاّ بالله العلي العظيم،
إنّا لله وإنا إليه راجعون.
التحايا النواضر للاعزاء أسماء، ميادة، والاسرة الكريمة.
|
Post: #3
Title: Re: خمسة رؤساء امريكان يحكمون لمدة 26 عاما والبشير (وحده لا شريك له فى الحكم) يحكم منذ 21 عاما!
Author: ود شاموق
Date: 09-22-2010, 00:10 AM
Parent: #2
عارف يا سعادة السفير، الظلم في بلادي هرم كبير، يتربع على قمته هذا المذكور اعلاه لمدة 21 عاماً، ولم يحدث هذا من فراغ، فحلقات الظلم تشد بعضها البعض، وكل ظلم يمر امام عين الانسان دون أن ينكره فإنه يساعد على تقوية الظالمين. منذ العام الماضي، وبعد توصلي إلى هذه القناعة، عاهدت نفسي ألا أترك شخصاً يظلمني، على الاطلاق، أو يظلم غيري في حضوري، وأنا قادر على منعه من الظلم، حتى في أتفه الأشياء، كأن يقوم شخص فهلوي مثلاً بتجاوز الواقفين امامه في الصف لأنه حدق ومفتح،هكذا، مثلاً، مثل هذا الشخص لا أستحي أبداً من صده ولو أدى الأمر إلى عراك، لأن أمثاله، وهم كثر، يثبتون، دون وعي منهم، أركان المؤسسة الظالمة التي تسيطر على هذه البـلاد المنكوبة، والتي يتربع على سدتها فرعون ذي الأوتاد، شخصياً، أجاركم الله.
|
Post: #4
Title: Re: خمسة رؤساء امريكان يحكمون لمدة 26 عاما والبشير (وحده لا شريك له فى الحكم) يحكم منذ 21 عاما!
Author: cantona_1
Date: 09-22-2010, 00:16 AM
Parent: #2
| Quote: لا غروَ أن الولايات المتحدة الاميركية هي الدولة العظمى الوحيدة في العالم بجدارة، |
نحتج يا استاذة سعاد تاج السر.. ممكن تكون الولايات المتحدة إحدى الدول العظمى في مسألة الديمقراطية وحكم الشورى الذي هو محور البوست. ففي نفس الفترة حكم بريطانيا العظمى كل من: مارقريت تاتشر – جون ميجور – توني بلير – قوردون براون – كاميرون. يعني برضو خمسة. بريطانيا هي أم الديمقراطية وناس أميركا بتعلموا منهم بالطبع لأنهم كانوا مستعمرة بريطانية استقلت من الإستعمار البريطاني قبل 234 عاماً فقط. تحياتي.
كبـــّـاشي الصـــّافي
|
Post: #5
Title: Re: خمسة رؤساء امريكان يحكمون لمدة 26 عاما والبشير (وحده لا شريك له فى الحكم) يحكم منذ 21 عاما!
Author: Mannan
Date: 09-22-2010, 05:05 AM
Parent: #4
دكتور سعاد تاج السر
كيف مقامك فى بلاد العرب؟ وكيف الصديق دكتور جلاب والشباب احمد وشيراز؟ اشكرك على السؤال عنا فردا فردا فى زمن ضعفت فيه الذاكرة واصبحنا لا نتذكر حتى تفاصيل من ظلمنا وسرق منا ذلك السودان الجميل وجعلنا نتوارى خجلا من انفسنا ونحن خانعون لأكثر من عشرين عاما... تعرفى يا سعاد... احيانا اقول ان كل السودانيين يحتاجون الى من يكفتهم ويبصق فى وجوههم باستثناء الشهداء والذين قاموا وعذبوا فى السجون وبيوت الأشباح... عشرون عاما و"وطن الجدود نفديك بالأرواح نجود" يرزح تحت استعمار داخلى أفظع من الإستعمار الخارجى ... وظلم ذوى القربى أشد مضاضة.. الخ الألم..
نورالدين منان
|
Post: #6
Title: Re: خمسة رؤساء امريكان يحكمون لمدة 26 عاما والبشير (وحده لا شريك له فى الحكم) يحكم منذ 21 عاما!
Author: Mannan
Date: 09-22-2010, 06:03 PM
Parent: #5
غضبك جميل يا ود شاموق ولكن قليلون هم الذين يغضبون من اجل السودان... تلقى النوبى تقول ليهو امشى يا بربرى يزعل منك وتقول للشايقى الشايقى إن فلح للعسكورية وان فشل للطورية وتقول للجعلى عوير وتجيب للحسانى قصة سبق الحمير الخ الخ ... كلهم يزعلو منك ويمكن يدقوك لكين لما تقول السودان دة خرابة وبلد ما نافعة الخ ولا حدى يجيب خبرك ويمكن يزيدك من عندو بيت شعر...
كنت اقرأ فى تقرير مؤسسة مو ابراهيم عن التحول الديمقراطى فى افريقيا لقيت ليك السودان خامس دولة من تحت ورقم 49 افريقيا!!!يالله!!!
نورالدين منان
|
Post: #7
Title: Re: خمسة رؤساء امريكان يحكمون لمدة 26 عاما والبشير (وحده لا شريك له فى الحكم) يحكم منذ 21 عاما!
Author: abubakr
Date: 09-22-2010, 08:17 PM
Parent: #6
ياقريبي .. ات حاسد واللا بغران ؟؟؟.. ده حب و Attachment عشان يكون المفعول دائم ....يعني ندفع ماهية خمسة انفار بدل واحد ؟؟؟
|
Post: #8
Title: Re: خمسة رؤساء امريكان يحكمون لمدة 26 عاما والبشير (وحده لا شريك له فى الحكم) يحكم منذ 21 عاما!
Author: Mannan
Date: 09-23-2010, 02:17 AM
Parent: #7
| Quote: ياقريبي .. ات حاسد واللا بغران ؟؟؟.. ده حب و Attachment عشان يكون المفعول دائم ....يعني ندفع ماهية خمسة انفار بدل واحد ؟؟؟ |
يا قريبى والله ما نتبهت للنقطة دى... الضحك شرطنى... دة كلام مساطيل... فعلا ندفع لخمسة ليه؟
مشتاقين... بحجم حكم البشير... شوق شديد وطويل طولا يجنن زى ما قال النعام آدم...
نورالدين
|
Post: #9
Title: Re: خمسة رؤساء امريكان يحكمون لمدة 26 عاما والبشير (وحده لا شريك له فى الحكم) يحكم منذ 21 عاما!
Author: abubakr
Date: 09-23-2010, 05:03 AM
Parent: #8
ياقريبي
Quote: يا قريبى والله ما نتبهت للنقطة دى... الضحك شرطنى... دة كلام مساطيل... فعلا ندفع لخمسة ليه؟
مشتاقين... بحجم حكم البشير... شوق شديد وطويل طولا يجنن زى ما قال النعام آدم... |
ياقريبي السطلي علا بنفو وكوكايين وهرويين؟؟ ...نحن الغلب سطلنا ... كلما نكبر وخلايا المخيخ تضمر او تتضاءل اخير منا المساطييل عدييل ..
الليلة الفائتة مشيت لعزاء لواحدبلدياتنا و زميل دراسة قديم وصاحب وعلاقتو قوية بي وباخواني وبربري (شريف مكاوي الذي فقد ابنه بعد مريض طوييل) سالني انت منو وكان في كامل وعيه وصابرا ولكنه حلف بانو الخلقة القدامو دي ما بيعرفها مش من اثر صدمة الفقد ولكن من اثر السلطي المهجري في انا ...؟؟؟قبلت يمين وشمال والناس كلها من اهلنا لكن واحدا هوب ناحية المسطول المامعروف دة(انا) مافي؟؟ وتقولي سطلي؟؟ .....النعام ادمالله يرحمو لو اطال الله في عمرو وعاش الزمن الاغبر دة كان حيغني بالاشارة لانو الكلام ذاتو غلب الايام دي ؟؟؟
|
Post: #14
Title: Re: خمسة رؤساء امريكان يحكمون لمدة 26 عاما والبشير (وحده لا شريك له فى الحكم) يحكم منذ 21 عاما!
Author: Mannan
Date: 09-25-2010, 02:41 AM
Parent: #9
قريبى الباشمهندس
الحياة تسطل الما بيسطل.. حزنت من خبر وفاة ابن الصديق الذى نسيت ملامحه غير ابتسامته الشهيرة شريف مكاوى... تعازينا له فقد يتذكرنا ... رغن تسطيل الحياة لنا جميعا..
تحياتى
نورالدين
|
Post: #10
Title: Re: خمسة رؤساء امريكان يحكمون لمدة 26 عاما والبشير (وحده لا شريك له فى الحكم) يحكم منذ 21 عاما!
Author: Abdlaziz Eisa
Date: 09-23-2010, 05:04 AM
Parent: #8
Quote: العيب ليس عيبه ولكنه عيب شعب ارتضى لنفسه المهانة وقبل بأن يمزق البشير وطنه ويشلته ككرة الشراب!!!
هل نغنى بعد هذا: شعبك يا بلادى اقوى وأكبر
ام نسكت؟؟
|
العزيز سعادة السفير منـــان
سلامات وكل عام وانتم بخير
الشعب كالقطيع.. مسكين لا يد له ولا كراع.. يوجهه الراعي حيث يشاء..
يساق إلى السلخانة فيتزاحمون في الدخول..
تحياتي..
....................................
ولا يسمح بعودة من يفارق القطيع.. الا بعد ان يغتسل في البحر..
|
Post: #11
Title: Re: خمسة رؤساء امريكان يحكمون لمدة 26 عاما والبشير (وحده لا شريك له فى الحكم) يحكم منذ 21 عاما!
Author: أسامة عبد الجليل
Date: 09-23-2010, 05:11 AM
Parent: #10
نعمل شنو يا سعادتك
والله إحترنا!!!
|
Post: #12
Title: تلاته بس
Author: Ahmed Khalil
Date: 09-23-2010, 05:20 AM
Parent: #10
العزيز سعادة السفير منـــان
سلامات وكل عام وانتم بخير
بل اربعة رؤساء
Jimmy Carter
January 20, 1977 January 20, 1981
وثمانية في عهدالرشيد(العقيد)
|
Post: #13
Title: Re: تلاته بس
Author: أسامة عبد الجليل
Date: 09-23-2010, 05:44 AM
Parent: #12
يا أبو حميد
تحياتي
أربعة رؤساء مش ثلاثة.
|
Post: #16
Title: Re: تلاته بس
Author: Mannan
Date: 09-25-2010, 02:48 AM
Parent: #12
اخى العزيز احمد خليل
عدد سنوات حكم الرؤساء الأمريكان الخمسة 26 عام وليس عدد السنوات من حكم كارتر حى حكم اوباما... حسبت سنوات حكمهم مجتمعين فى صورة تضم خمسة رؤساء... المرحوم ريجان خرب الرصة..
لك الشكر...
نورالدين
|
Post: #15
Title: Re: خمسة رؤساء امريكان يحكمون لمدة 26 عاما والبشير (وحده لا شريك له فى الحكم) يحكم منذ 21 عاما!
Author: Mannan
Date: 09-25-2010, 02:44 AM
Parent: #10
صديقنا المليزى الجميل عزيز عيسى
اين انت وفى أى ركن من أركان الدنيا الكثيرة.... زمان كانت اربعة اركان وجوا ناس البشير عملوا ليها مليون ركن...
لك ودى
نورالدين
|
Post: #17
Title: Re: خمسة رؤساء امريكان يحكمون لمدة 26 عاما والبشير (وحده لا شريك له فى الحكم) يحكم منذ 21 عاما!
Author: Abdlaziz Eisa
Date: 09-25-2010, 03:22 AM
Parent: #15
Quote: صديقنا المليزى الجميل عزيز عيسى
اين انت وفى أى ركن من أركان الدنيا الكثيرة.... زمان كانت اربعة اركان وجوا ناس البشير عملوا ليها مليون ركن...
لك ودى
نورالدين |
عزيزي/ منــان
سلام وشوق كتير
زمان كانت لنا أركان للنقاش.. وركن يماني بالكعبة.. والكورنر في الملعب.. أركان الدنيا الأربعة..
كل ما كنا نعرفه بين يدينا..
لكن يفضل الإنقاذ زادت الجامعات وزادت المعرفة.. وأصبحنا في ظل التوجه الحضاري أمة رائدة لنا ملايين الأركان, بل تجلينا في ابتكار أركان جديد غير متوقعة في السماء وفي طقاطيق الأرض.. وهذه لنا خالصة لأننا سبقنا حتى دولة السلف الصالح واستطعنا أن نربط قيم السماء بالأرض.. (ما تفهموني غلط, ما بقصد مرمطة قيم السماء بطين الأرض.. بنعملها في صيف العبور لا طين ولا كتاحة)..
لاعب الهلال هيثم مصطفى لعب أمس لقطة جميلة عندما فتح كبري للكرة لتمر لزميله صفق لها الجمهور..
نحن عملنا كباري, إنجازات ما كان بيحلم بيها السلف الصالح.. لأننا نجيد اللعبات الجميلة بفتح الكباري.. والعالم كله يصفق لينا, ولعبنا الجميل صار حديث الكل بالجمعية العامة أمس..
تحياتي
الماسينجر
|
Post: #18
Title: Re: خمسة رؤساء امريكان يحكمون لمدة 26 عاما والبشير (وحده لا شريك له فى الحكم) يحكم منذ 21 عاما!
Author: abubakr
Date: 09-25-2010, 08:33 AM
Parent: #17
| Quote: الحياة تسطل الما بيسطل.. حزنت من خبر وفاة ابن الصديق الذى نسيت ملامحه غير ابتسامته الشهيرة شريف مكاوى... تعازينا له فقد يتذكرنا ... رغن تسطيل الحياة لنا جميعا.. |
هو ما اتذكرني انا المعاهو في صحراء واحدة حيتذكرك انت الوراء المحيطات قريب من ناس الانكا والمايا ؟؟ الا تجيب معاك صاحبك ادامز ليثبت بالدليل القاطع انو انك منان جليلة ومش اوزريس ؟؟
|
Post: #19
Title: Re: خمسة رؤساء امريكان يحكمون لمدة 26 عاما والبشير (وحده لا شريك له فى الحكم) يحكم منذ 21 عاما!
Author: نايف محمد حامد
Date: 09-25-2010, 10:32 AM
Parent: #17
السفير منان
تتغير بعض التفاصيل مع قدوم رئيس امريكى ولكن الاستراتيجيات لا تتغير
الا بعد سنوات عديدة وياخذ ذلك وقتا طويلا من النقاش و الاخذ والرد والتصويت فى الكونغرس
ولكن عندنا
رغم ان الرئيس واحد كل يوم كلام جديد
كلام الليل يمحوه النهار
خطابات وقرارات السيد الاوحد يمصو ويشرب مويتو
حول الحقوق و مجانية التعليم والعلاج
و المرتبات
كأن 21 سنة كل يوم كان رئيس جديد
كلامو امبارح اليوم فالصو
شوف المقارنة
سيطرة الاسم على الكرسى فقط
فى امريكا سيطرة الاستراتيجية والخطط والاسم يمشى و يجى !!!
|
Post: #20
Title: Re: خمسة رؤساء امريكان يحكمون لمدة 26 عاما والبشير (وحده لا شريك له فى الحكم) يحكم منذ 21 عاما!
Author: Mannan
Date: 09-26-2010, 05:53 AM
Parent: #19
صديقنا السينغافورى عزيز عيسى سعيد ان اكتشف انك متدسى فى سنغافورة فورة فورة على قول شعبولة وتشوت شوتات قوية من هناك ... الجماعة قربوا يخلو المرمى مكشوف بس وين الهدافين ياعزيز...
وصديقنا المشترك الباشمهندس ابوبكر خوفنى من صديقنا المشترك شريف مكاوى الذى نسيه ... ده زهايمر واللا استهبال شيوخ؟؟
ويا حبيبنا نايف واصل كتاباتك الجميلة والقوية لأنها تساعدنا فى التماسك فى هذا الزمن المترنح دون كأس (اقصد كاس الدورى) عشان ما ينط عليك كوز بتهمة الشروع فى السكر... يا ساتر منهم..
شكرا استاذ اسامة عبدالجليل على المرور والطلة البهية..
نورالدين منان
|
Post: #21
Title: Re: خمسة رؤساء امريكان يحكمون لمدة 26 عاما والبشير (وحده لا شريك له فى الحكم) يحكم منذ 21 عاما!
Author: Abdlaziz Eisa
Date: 09-26-2010, 02:49 PM
Parent: #20
سلامات سعادة السفير منان
سينغا بورا.. عرين الأسد..
أنانيا جنوب شرق آسيا..
قوة اقتصادية متناهية
قوة عسكرية ضاربة..
اسرائيل المنطقة..
ممكن نكون رجال خط من هنا.. تأكد ما حيكون في تسلل..
تحياتي
|
Post: #22
Title: Re: خمسة رؤساء امريكان يحكمون لمدة 26 عاما والبشير (وحده لا شريك له فى الحكم) يحكم منذ 21 عاما!
Author: Mannan
Date: 09-26-2010, 03:33 PM
Parent: #21
عزيزى عزيز
شكرا على الرسالة الخاصة وسنكون على اتصال
لاحظ صورة الرؤساء الخمسة كلهم ملتصقون ببعضهم إلا جيمى كارتر حيث هناك مسافة بينه والآخرين لغياب رونالد ريجان... حتى فى الصورة منظمين... دى أمريكا..
نورالدين منان
|
Post: #23
Title: Re: خمسة رؤساء امريكان يحكمون لمدة 26 عاما والبشير (وحده لا شريك له فى الحكم) يحكم منذ 21 عاما!
Author: محمد الكامل عبد الحليم
Date: 09-27-2010, 05:35 AM
Parent: #6
سعادة السفير منان... تحية وارفة الظلال...
عشرون عاما او يزيد والرجل يقول ان الحكم ابتلاء...يحكم البلاد بالقبضة الامنية ويتحدث عن تداول السلطة سلميا ...هذه هي ادبيات المشروع الحضاري...
هل من صبح قريب
لك وافر الاحترام
|
|
