Post: #3 Title: Re: من يتذكر تلك الاغنية وهذا الفنان Author: khaleel Date: 09-21-2010, 12:06 PM Parent: #2
يا الزاهي في زيك في وسامتك
ما نحن عايشين علي ابتسامتك
Post: #4 Title: Re: من يتذكر تلك الاغنية وهذا الفنان Author: omer osman Date: 09-21-2010, 12:07 PM Parent: #2
شايفك بقيت مركز على حكاية الغناء دي ..........
قنعت من الهلال والا شنو .............
على العموم غنية حلوة لكن ما عرفت الفنان منو .؟
Post: #5 Title: Re: من يتذكر تلك الاغنية وهذا الفنان Author: khaleel Date: 09-21-2010, 12:11 PM Parent: #4
Quote: قنعت من الهلال والا شنو .............
على العموم غنية حلوة لكن ما عرفت الفنان منو .؟
هلا يا سعادتك
الهلال للصدارة ومباراة ولا في الاحلام مع الصفاقصي في دور الاربعة
الفنان هو ابن الشرق ادريس الامير
Post: #6 Title: Re: من يتذكر تلك الاغنية وهذا الفنان Author: عوض عبدالله طه Date: 09-21-2010, 12:46 PM Parent: #5
Quote: الفنان هو ابن الشرق ادريس الامير
..
وبالأمارة
هو الفنان البيغني
صب دمعي و أنا قلبي ساكن
حار فراقك نار يا سواكن
... ولّ مو هيك يا خليل ؟
...
Post: #7 Title: Re: من يتذكر تلك الاغنية وهذا الفنان Author: Adil Osman Date: 09-21-2010, 12:46 PM Parent: #1
خليل الريّاد
Post: #8 Title: Re: من يتذكر تلك الاغنية وهذا الفنان Author: khaleel Date: 09-21-2010, 01:04 PM Parent: #7
شكرا
عادل عثمان
صورة وصوت
Post: #9 Title: Re: من يتذكر تلك الاغنية وهذا الفنان Author: khaleel Date: 09-21-2010, 01:06 PM
Quote: صب دمعي و أنا قلبي ساكن
حار فراقك نار يا سواكن
... ولّ مو هيك يا خليل ؟
الزوول سابقا
تقبرني وتقبر البي
متذكر الاغنية دي في السبعينات عالم تاني
كانت اكتير مهضومة
Post: #10 Title: Re: من يتذكر تلك الاغنية وهذا الفنان Author: معاوية عبيد الصائم Date: 09-21-2010, 01:17 PM Parent: #9
جنابو الصفوة؟
تحياتى وسلامات
ياخليل فى عطبرة فى ثنائى اسمو ثنائى (الامل؟ )
عندهم غناء لذيذ خلاص عندهم اغنية اسمها يوم شكرك ما يجى!!!
ممكن اهديها لصفوة البورض بمناسبة اليوم العالمى لصناعة الطوب؟
شكرا ياخلى
Post: #11 Title: Re: من يتذكر تلك الاغنية وهذا الفنان Author: Emad Ahmed Date: 09-21-2010, 01:54 PM Parent: #10
الراحل إدريس الامير
سلام وتحايا ياخليل
الرحمة والمغفرة لفنان الشرق الراحل إدريس الأمير ,, وفيما يلي بعض الإضاءات عنه :
إدريس الخليفة محمد نور من مواليد حي ديم مدينة بمدينة بورتسودان ,, بدأ حياته الفنية بتقليد الفنان إبراهيم عوض ثم شق طريقه الفني بأغنياته الخاصة بداية بأغنية صب دمعي انا ياسواكن والتي سكب فيها دموعه الساخنة وقد قدمها أول مرة في البرنامج الإذاعي ساعة سمر الذي كان يقدمه المذيع عمر عثمان وتوالت بعد ذلك أعماله فكانت أغنية زاهي في زيك في وسامتك والتي تحولت إلى مارش عسكري وانا صابر على الصبر وأنا شوقي ليكم طال وأوبريت بجراوية والعديد من الأغنيات بلغة التقري .
من مؤسسي إتحاد الفنانين بمدينة بورتسودان في العام 1976 م وعند افتتاحه تغنى بنشيد ( شعبنا للإمام لا انفصام ولا انقسام ) .. له كتاب لم يطبع بعد بإسم( بورتسودان ) يتحدث فيه عن نشأة وتطور مدينة بورتسودان والأحداث المهمة التي شهدتها والشخصيات البارزة بها خلال قرن ونيف ,, كما له كتاب يتناول فيه مسيرته الفنية وله ديوان شعر بإسم ( عقلي انشغل بالله ) وهو مجاراة لأغنيات الحقيبة . داهمه الموت قبل أعوام قليلة وهو يتأهب للسفر للسعودية لتكريمه من قبل أبناء مدينة بورتسودان
Post: #12 Title: Re: من يتذكر تلك الاغنية وهذا الفنان Author: Emad Ahmed Date: 09-21-2010, 01:58 PM Parent: #11
Post: #14 Title: Re: من يتذكر تلك الاغنية وهذا الفنان Author: محمد أبوالعزائم أبوالريش Date: 09-21-2010, 02:11 PM Parent: #12
Quote: متذكر الاغنية دي في السبعينات عالم تاني
خليل يا قديم ....
الأغنية في وقتها كان تغنيها البنات بالدلّوكة ... وتتغنّى في الأعراس والرحلات .... وبالليل لمّا يحس الندامى إنو كل واحد فيهم يملك أجمل صوت، فتطلع أنغام الأغنية من كل ساحة وكل حديقة وكل كازينو.
حليل أيامك يا خرتوم.
Post: #17 Title: Re: من يتذكر تلك الاغنية وهذا الفنان Author: khaleel Date: 09-21-2010, 05:03 PM Parent: #10
Quote: اخليل فى عطبرة فى ثنائى اسمو ثنائى (الامل؟ )
عندهم غناء لذيذ خلاص عندهم اغنية اسمها يوم شكرك ما يجى!!!
يا سلام يا معاوية علي ثنائي عطبرة اجمل اغنية عندهم
كندكة والوصيف مضروب فلنكة
Post: #13 Title: Re: من يتذكر تلك الاغنية وهذا الفنان Author: عبد اللطيف عبد الحفيظ حمد Date: 09-21-2010, 02:03 PM Parent: #1
تحياتي خليل "أغنية سواكن رائعة" حتى كأنك تكاد تشم رائحة السواحل وأنت تسمعها!!! وما تنسى أبقى عشرة علي عشق الهلال!!
ولي عمر عثمان الهلال ده ما بيطولو الوصيف ولا بتنسي ولا بنمحي!!! أها إن شاء الله تكون المغصة شقتك!!!!
Post: #15 Title: Re: من يتذكر تلك الاغنية وهذا الفنان Author: dardiri satti Date: 09-21-2010, 02:23 PM Parent: #13
آه آه آه آه !! إدريس الأمير ، بورتسودان ، تلك الأيام، وليالي الثغر ؛ وذكرى الخالد الراحل الصديق صديق الصبا كمال محجوب ، ما قالوا عليك حنين يانهر الريد ابناء بورتسودان ... متى توثقون لذلك الشخص الجميل فنساهم معكم في إيفائه بعض حقه.
خليل ، قلبت علينا المواجع الجميلة،
تحياتي
Post: #16 Title: Re: من يتذكر تلك الاغنية وهذا الفنان Author: فاروق أبوحوه Date: 09-21-2010, 02:39 PM Parent: #15
خلو يا حبيب: كل سنه وإنت طيب
زمنكم سمح ياخي
أظن أنه علي نفس اللحن تؤدي إحدي المدائح النبوية إنقاذئذٍ:
مافي من زيك يا رسول الله أكسينا من زيك يا رسول ما نحن بنريدك يا رسول الله ... ....
والله انا غلطان يا جماعه..؟؟
Post: #18 Title: Re: من يتذكر تلك الاغنية وهذا الفنان Author: khaleel Date: 09-21-2010, 05:05 PM Parent: #16
Quote: أظن أنه علي نفس اللحن تؤدي إحدي المدائح النبوية إنقاذئذٍ:
مافي من زيك يا رسول الله أكسينا من زيك يا رسول ما نحن بنريدك يا رسول الله ...
صديقي ابو حوة
كثير من الحان الاغنيات تقدم الان كلحان للمدائح
ياخي مديح الاورن دا اصلو ما وقع لي
Post: #19 Title: Re: من يتذكر تلك الاغنية وهذا الفنان Author: khaleel Date: 09-21-2010, 05:08 PM Parent: #18
Quote: ما قالوا عليك حنين يانهر الريد ابناء بورتسودان ... متى توثقون لذلك الشخص الجميل فنساهم معكم في إيفائه بعض حقه.
دريري عيدك مبارك ياخ
كثير من فناني الولايات يحتاج للتوثيق واعتقد هذه مسئولية وزرات الاعلام والثقافة في كل ولاية كل حدة
سلمت ياخي
Post: #20 Title: Re: من يتذكر تلك الاغنية وهذا الفنان Author: khaleel Date: 09-21-2010, 05:09 PM Parent: #19
Quote: تحياتي خليل "أغنية سواكن رائعة" حتى كأنك تكاد تشم رائحة السواحل وأنت تسمعها!!! وما تنسى أبقى عشرة علي عشق الهلال!!
سلامات يا عبد اللطيف
وهلالي ما بخلي انا وين يا الارزق ولونو زرعي
Post: #21 Title: Re: من يتذكر تلك الاغنية وهذا الفنان Author: عبدالكريم الامين احمد Date: 09-21-2010, 05:10 PM Parent: #18
هلا يا جاغريو وايوووه ياخي بالله ضخ هكذا جمال ودهشة واتيح للمنبر مسارات امنة معنية باشاعة الفن وسيرته الموغلة ... والاغنية عريقة ومسجلة في فولدر رغم ان الزمن قد مر طويلا الا انها طلت الان وذكرتنا ايام بعيدة عندما تفتحنا علي سماع اغاني
وسنتابع
Post: #22 Title: Re: من يتذكر تلك الاغنية وهذا الفنان Author: khaleel Date: 09-21-2010, 05:11 PM Parent: #21
Quote: الأغنية في وقتها كان تغنيها البنات بالدلّوكة ... وتتغنّى في الأعراس والرحلات .... وبالليل لمّا يحس الندامى إنو كل واحد فيهم يملك أجمل صوت، فتطلع أنغام الأغنية من كل ساحة وكل حديقة وكل كازينو.
حليل أيامك يا خرتوم.
ابو الريش
ما انت نعمة ومن الله جاتنا
اه
تري هل يعود ذلك الزمن
Post: #23 Title: Re: من يتذكر تلك الاغنية وهذا الفنان Author: khaleel Date: 09-21-2010, 05:13 PM Parent: #22
Quote: إدريس الخليفة محمد نور من مواليد حي ديم مدينة بمدينة بورتسودان ,, بدأ حياته الفنية بتقليد الفنان إبراهيم عوض ثم شق طريقه الفني بأغنياته الخاصة بداية بأغنية صب دمعي انا ياسواكن والتي سكب فيها دموعه الساخنة وقد قدمها أول مرة في البرنامج الإذاعي ساعة سمر الذي كان يقدمه المذيع عمر عثمان وتوالت بعد ذلك أعماله فكانت أغنية زاهي في زيك في وسامتك والتي تحولت إلى مارش عسكري وانا صابر على الصبر وأنا شوقي ليكم طال وأوبريت بجراوية والعديد من الأغنيات بلغة التقري .
من مؤسسي إتحاد الفنانين بمدينة بورتسودان في العام 1976 م وعند افتتاحه تغنى بنشيد ( شعبنا للإمام لا انفصام ولا انقسام ) .. له كتاب لم يطبع بعد بإسم( بورتسودان ) يتحدث فيه عن نشأة وتطور مدينة بورتسودان والأحداث المهمة التي شهدتها والشخصيات البارزة بها خلال قرن ونيف ,, كما له كتاب يتناول فيه مسيرته الفنية وله ديوان شعر بإسم ( عقلي انشغل بالله ) وهو مجاراة لأغنيات الحقيبة . داهمه الموت قبل أعوام قليلة وهو يتأهب للسفر للسعودية لتكريمه من قبل أبناء مدينة بورتسودان
عماد عبدالله
شكرا لك ايها الاسطوري
وفرت علي عناء البحث عن الفنان الجميل ادريس الامير
Post: #24 Title: Re: من يتذكر تلك الاغنية وهذا الفنان Author: khaleel Date: 09-21-2010, 05:14 PM Parent: #23
Quote: هلا يا جاغريو وايوووه ياخي بالله ضخ هكذا جمال ودهشة واتيح للمنبر مسارات امنة معنية باشاعة الفن وسيرته الموغلة ... والاغنية عريقة ومسجلة في فولدر رغم ان الزمن قد مر طويلا الا انها طلت الان وذكرتنا ايام بعيدة عندما تفتحنا علي سماع اغاني
شكرا يا ممراح
ادامك الله في كامل جمالك
Post: #25 Title: Re: من يتذكر تلك الاغنية وهذا الفنان Author: khaleel Date: 09-22-2010, 10:56 AM Parent: #24
في وجنتيك سر عذابنا
Post: #26 Title: Re: من يتذكر تلك الاغنية وهذا الفنان Author: كمال علي الزين Date: 09-22-2010, 01:37 PM Parent: #25
إدريس الأمير ورائعته (سواكن ) , لم يكونا كل شئ , (إدريس) نفسه كان مجموعة أشياء ..
رجلُ حاكه الله جميلاً , صوتاً وصورةً ..
يومها أرقدوه على محفة , تحت ظل راكوبة حديثة بعض الشئ ..
كان قد خرج للتو من المستشفى عقب عملية بتر رجله اليسري ..
لكنه أدهشنا بأن روحه ودعابته , لا تشي بأنه فقد شيئاً قيماً , لم يكن متأثراً وأنسحب هذا الأمر على
زوجته وابنه , فكأنهم فقدو (ظفراً) ..
دمع سواكن الذي تصبه اليوم على أميرها ومغنيها وعاشقها , دين تأخر رده ذهاء الخمسون عاماً ..
Post: #27 Title: Re: من يتذكر تلك الاغنية وهذا الفنان Author: dardiri satti Date: 09-22-2010, 02:17 PM Parent: #26
Quote:
Quote: ما قالوا عليك حنين يانهر الريد ابناء بورتسودان ... متى توثقون لذلك الشخص الجميل فنساهم معكم في إيفائه بعض حقه.
عزيزي ، ما قالوا عليك حنين و نهر الريد من أغنيات صديق الصبا الخالد الراحل كمال محجوب، تفرقت بنا السبل سنيناً، سألت عنه كثيراً ، وأخيراً أفجعت بنباً رحيله منذ سنوات. كان قد أكرمني في إحدى زياراتي لبورتسودان بلقاء بالراحل الأمير، عليهما السلام في خلودهما.
أتمنى على أبناء الثغر ان ينقبوافي تراثه ويبعثوه؛ فهو قمة من قمم الشعر الغنائي في بلادنا.
