تراجي، جني وكوستاوي التليفة دي جبتوها من وين

والمسماة اوباما
بجيكم راجع برواقة لرواشة الزول وخصوصاً في سياساته الخارجية، لانه الليلة من الصباح سمعت له تصريح عن برنامج ايران النووي فور دمي عديل.
الليلة يا اوباما بنجضك والى ذلك الحين اقول يا حليلك يا بوش.

Quote: تراجي، جني وكوستاوي التليفة دي جبتوها من وين

خلعتني انا كنت قايل جني ده من المزكين لصديق مهدي اللهو تليفة اليوم




ـــــــــ
هذا فيما يخص السياسة الداخلية اما ما يخص السياسة الخارجية
ارجو الا تكون ملكيا اكثر من الملك

تعرف يا محمد الزول دا الحمد لله يوم واحد ما انغشيت فيهو ولا انصدمت فيهو وايام الانتخابات ضربت لتراجي وقلت لها انا واقف الف احمر مع مكين - بالين لانه العالم دا فيهو شفوت ما بتنفع معاهم ثقافة اوباما ولا طيبته الفايتة الحد ولا روحه الحسنة وحسن نيته والعالم محتاج لزول زي بوش انذار 48 ساعة ولقطوا لي الادلة من سقط لقط واضرب وماكين وبالين خصوصاً هم حيكونوا امتداد لسياسة بوش.
هل كانت كوريا الشمالية تجرؤ في عهد بوش على إغراق سفينة جنوبية؟ ولا كانت بتقدر تعيد بناء مفاعلها النووي زي الما حصل حاجة؟ هل كانت روسيا ذاتها قادرة على وقف بناء الدرع الصاروخية في كلاويها؟ ولا كانت ايران بتبجح كل يوم بنوويها البيقول عنه اوباما انه العقوبات افضل سلاح لردعه وقاعدة هسي تسرح وتمرح في المنطقة على كيفها وكل ماهي تزيد في الجبروت زولنا يزيد في الخنوع. رؤساء يجو بالتزوير عينك يا تاجر في افريقيا واسيا وزولنا يبارك، القاعدة كانت اتلمت وقعدت في علبها هسي وصلت اليمن وما معروف تقيف وين، دا غير فرعها الشيطاني في غرب افريقيا. سياسته الخارجية دي ما عارف المدورها منو؟ هيلاري ولا رايس ولا منو ما معروف، بقو شغالين رزق اليوم باليوم ومرات رزق الساعة بالساعة لا استراتيجية ولا تخطيط ولا خطط ولا يحزنون (جربندية ساكت).
دا بعض عن السياسة الخارجية وجاي للباقي، اما الداخلية فدا ما موضوعي لكن البعرفو انه الوضع الاقتصادي زي ماهو والعطالة زايدة وقانون الصحة الجنن بيهو الامريكان واجازوه ليهو ظهروا ليهو الليلة معارضين يقودهم ديموقراطيون؟
بالله يا تراجي لو قابلتيه قولي ليهو في واحد بيبلغك السلام وبيقول لك عليك الله لما تفضي من كورة السلة ادي العالم دا نظرة كدا شوف الحاصل فيهو شنو وكمان قولي ليهو الزول دا قالك لو فزت لك بدورة تانية احلق شنبي بموس زيانة.